Luis Diaz ka refuzuar një mundësi për t’u bashkuar me Barcelonën dhe tashmë po favorizon një transferim te Bayern Munich, raporton Sky Germany.

Sipas gazetarit Florian Plettenberg, sulmuesi kolumbian jo vetëm që e ka informuar Liverpoolin për dëshirën e tij për t’u larguar nga “Anfield”, por u ka bërë të qartë drejtuesve të klubit anglez se Bayern është destinacioni i tij i preferuar.

Transferimi i Diaz është miratuar edhe nga trajneri i ri i Bayernit, Vincent Kompany, por aktualisht nuk ka ende një marrëveshje të plotë mes dy klubeve.

Kushtet personale nuk përbëjnë pengesë, pasi Diaz është i gatshëm të nënshkruajë një kontratë të vlefshme deri në vitin 2029.

Tashmë gjithçka varet nga arritja e një marrëveshjeje mes Liverpoolit dhe Bayernit për tarifën e transferimit.

Lexo po ashtu Barcelona dhe Bayern Munich po përgatisin oferta të reja për Luis Diaz

Në rast se negociatat me Bayernin dështojnë, Diaz mund të marrë në konsideratë edhe opsione të tjera. Barcelona mbetet e interesuar për shërbimet e tij, por aktualisht katalanasit nuk janë në gjendje ta regjistrojnë lojtarin për shkak të kufizimeve financiare.

Si pasojë, Barça mund të zhvendosë fokusin te Marcus Rashford, ndërsa Luis Diaz po i afrohet gjithnjë e më shumë një kalimi të bujshëm në Bundesligë. /Telegrafi/

The post Luis Diaz refuzon Barcelonën, i ka treguar Liverpoolit se ku dëshiron të transferohet appeared first on Telegrafi.

Luis Diaz nuk lëshohet lehtë nga Liverpool. Klubi anglez nuk e ka në plan të heqë dorë lehtë nga sherbimet e sulmuesit kolumbian, për të cilin pagoi te Porto plot 54 milionë euro në vitin 2022. Së fundmi, “The Reds” kanë refuzuar ofertën e parë zyrtare, e cila erdhi nga Bayern Munich. Këta të fundit […]

The post Liverpool refuzon ofertën e parë të Bayern Munich për yllin e ekipit appeared first on BoldNews.al.

Dy yjet spanjollë të Barcelonës, Dani Olmo dhe Gavi pritet të kenë më shumë minuta në sezonin e ardhshëm dhe në shumicën e ndeshjeve të jenë si zëvendësues.

Sipas gazetës Marca, Olmo dhe Gavi janë dy lojtarë që mund të bëhen zëvendësues të Barcelonës sezonin e ardhshëm nëse klubi nënshkruan me dikë si Luis Diaz.

Ardhja e Diaz për të luajtur në krahun e majtë ka të ngjarë të bëjë që Hansi Flick ta zhvendosë Raphinhan në pozicionin e numrit 10. Kjo e lë Olmon jashtë vendit në skuadër.

Sa i përket Gavit, ai do të ketë vështirësi në zëvendësimin e Pedrit dhe Frenkie De Jongut në dy pozicionet e tjera të mesfushës, me Raphinhan që do të zërë vendin e numrit 10-të.

E vetmja mënyrë që disa lojtarë mund të marrin më shumë kohë është nëse kanë lëndime, të cilat janë të mundshme, por tani të pamundura te Barça.

Sezonin e kaluar, Pedri mbeti në formë gjatë gjithë sezonit dhe Raphinha nuk vuajti aq shumë nga ndonjë problem. /Telegrafi/

The post Olmo dhe Gavi pritet të jenë zëvendësues te Barcelona sezonin e ardhshëm, nëse ndodh një transferim appeared first on Telegrafi.

Bayern Munich ka paraqitur një ofertë prej 52 milionë eurosh për anësorin e Liverpoolit, Luis Diaz, sipas raportimeve të gazetës gjermane Bild.

Megjithatë, kjo shumë është dukshëm më e ulët se kërkesa e klubit anglez, i cili e vlerëson kolumbianin me rreth 80 milionë euro.

Sipas burimeve nga Spanja, thuhet se ekziston një “marrëveshje zotërinjsh” mes lojtarit dhe Liverpoolit, e cila do t’i lejonte Diazit të largohet nëse vjen një ofertë e përshtatshme.

Megjithatë, Bayern nuk është i gatshëm të shkojë përtej 60 milionë eurove plus bonuse.

Diaz, i cili është 28 vjeç, raportohet se i ka bërë të qartë Liverpoolit dëshirën e tij për t’u transferuar në Mynih.

Pavarësisht se vlera e tij në aspektin e rishitjes është e kufizuar për shkak të moshës, Bayern është i fokusuar në përmirësimin afatshkurtër të skuadrës dhe konkurrencën në garat madhore si Liga e Kampionëve.

Lexo po ashtu Luis Diaz thyen heshtjen dhe flet publikisht për të ardhmen e tij tek Liverpooli

Bisedimet mes klubeve ishin ndërprerë përkohësisht për shkak të vdekjes tragjike të sulmuesit të Liverpoolit, Diogo Jota.

Megjithatë, Bayern ka rifilluar interesimin e tij nëpërmjet përfaqësuesve të Diaz. /Telegrafi/

The post Bayern Munich bën ofertën e parë për Luis Diaz appeared first on Telegrafi.

Mungesa e Luis Diaz në funeralin e Diogo Jota dhe André Silva ka shkaktuar një polemikë pa fund. Nëse mungesa e Cristiano Ronaldo është justifikuar disi, shoku i tij i skuadrës ka ngritur një skandal sepse në ditën e lamtumirës së fundit ndodhej në Kolumbi duke regjistruar disa video festive me disa sponsorë.

Në pamjet shihet lojtari që kërcen me disa persona, çmendet dhe argëtohet ndërkohë që në anën tjetër të botës i gjithë Liverpool-i është mbledhur për t’i dhënë lamtumirën e fundit shokut të skuadrës që humbi jetën bashkë me vëllain e tij si pasojë e një aksidenti rrugor të tmerrshëm. Ishin angazhime tregtare të parevokueshme, por kolumbiani gjithsesi do të duhet të japë shpjegime, pasi videot janë bërë virale dhe kanë ngritur një stuhi të madhe në rrjetet sociale.

Luis Diaz nën akuzë, kërcente në ditën e funeralit të portugezit

Mes të dyve ka pasur gjithmonë një marrëdhënie shumë të mirë, aq sa në ditët e trishta të rrëmbimit të babait të Luis Diaz-it kishte qenë pikërisht Diogo Jota që i kishte dedikuar një gol duke ngritur në qiell fanellën e tij. Mungesa e kolumbianit ka bërë shumë zhurmë, sidomos sepse në funeral ishin të pranishëm edhe Ruben Neves dhe Cancelo që vetëm pak orë më parë ishin të angazhuar në Botërorin për Klube në Shtetet e Bashkuara. Ishin të gjithë përveç sulmuesit të Liverpool i cili, pasi i kishte dedikuar disa fjalë në rrjetet sociale, nuk u kthye në Portugali ku u zhvillua lamtumira e fundit për dy lojtarët.

Total falta de empatía de Luis Díaz.

Mientras todo el equipo de Liverpool FC llora la partida de Diogo Jota, su compañero de equipo Lucho Díaz se divierte y anda de party como si nada hubiera pasado. pic.twitter.com/42jzAN1aAI

— TENDENCIAS (@tendeciasx) July 6, 2025

Polemika ka lindur sepse pikërisht në ato orë Luis Diaz është kapur duke kërcyer dhe festuar me disa persona, duke u argëtuar ndërkohë që përreth tij kishte një atmosferë krejtësisht ndryshe. Po respektonte disa marrëveshje tregtare me disa sponsorë që me gjasë ishin të parevokueshme, por kjo për shumëkënd nuk është një justifikim bindës, pasi ai duhej të respektonte zisë për humbjen tragjike të shokut të tij të skuadrës.

The post Luis Diaz ishte në një festë gjatë funeralit të Diogo Jota: plasin polemika appeared first on Lapsi.al.

Barcelona është vendosur në pozitë të vështirë pas refuzimit të radhës nga Nico Williams, i cili zgjodhi të rinovojë me Athletic Bilbao, pavarësisht një marrëveshjeje paraprake me katalanasit.

Klubi kishte ofruar një kontratë deri në vitin 2031 me pagë vjetore prej 7 milionë eurosh, por kërkesat e agjentit të lojtarit për garanci mbi regjistrimin nuk u përmbushën.

Në ndërkohë, Athletic i ofroi një kontratë të përmirësuar dhe një klauzolë më të lartë lirimi, duke bërë që 22-vjeçari të qëndrojë në “San Mames”.

Ky refuzim e ka detyruar Barcelonën të kërkojë alternativa të menjëhershme. Emri i parë që del në skenë është ai i Luis Diaz nga Liverpool.

Sipas burimeve të afërta me klubin, përfshirë Fabrizio Romanon, drejtori sportiv Deco po insiston fuqishëm në këtë transferim, duke e konsideruar kolumbianin si një profil ideal për krahun e majtë.

Vetë Diaz më herët ka shfaqur interes për një kalim te Barcelona dhe raportohet se i ka dërguar sinjale klubit për të mbajtur të gjallë mundësinë e marrëveshjes. Megjithatë, vdekja tragjike e Diogo Jotës ka bërë që lojtari dhe agjenti i tij të ndalojnë çdo negociatë për momentin, me gjithë spekulimet në rritje.

Lexo po ashtu Babai i Lamine Yamal thumbon Nico Williamsin pas tradhtisë që ia bëri Barcelonës

Nga ana tjetër, Liverpooli nuk e ka pranuar ofertën e mëparshme të Barcelonës dhe qëndron në qëndrimin e tij: 80 deri në 85 milionë euro për të lejuar largimin e Diaz.

Për më tepër, marrëdhëniet e ftohta pas transferimit të Philippe Coutinho kanë lënë një mungesë besimi te klubi anglez në lidhje me aftësinë e Barçës për të paguar.

Nëse nuk arrihet marrëveshje për Diaz, plani rezervë i Barcelonës është Marcus Rashford. Sulmuesi i Manchester United është i hapur për një transferim në “Camp Nou” dhe thuhet se do të presë vendimin e klubit.

Megjithatë, ndërsa Barça do të preferonte një huazim me të drejtë blerjeje, “Djajtë e Kuq” kërkojnë një shitje të drejtpërdrejtë për rreth 45 milionë euro.

Barcelona mbetet nën presion për të përforcuar repartin ofensiv, por kufizimet financiare dhe struktura e pagave vazhdojnë të jenë pengesë për afrimin e yjeve të mëdhenj.

Gjithçka do të varet nga zgjidhjet kreative që mund të gjejë drejtuesi sportiv Deco në javët në vijim. /Telegrafi/

The post Dështoi me Nico Willimas, Deco hidhet ‘në sulm’ për opsionin e dytë appeared first on Telegrafi.

Zgjedhja e parë e Luis Diaz është të qëndrojë te Liverpooli sezonin e ardhshëm, në vend të një transferimi te Barcelona apo ndonjë klub tjetër, raporton Diario Sport.

Diaz bëri një deklaratë të enjten, duke deklaruar qartë se shpreson për një ofertë të re kontrate nga klubi anglez.

“Nëse Liverpooli më bën një ofertë të mirë, ose nëse duhet të qëndroj për dy vjet, do të jem i lumtur gjithsesi. Tani varet nga ata”, potencoi Diaz.

Anësori kolumbian do të donte të luante për Barcelonën nëse Liverpooli nuk i ofron një kontratë të re siç i është kërkuar.

Diaz ka gjithashtu mundësi në Arabinë Saudite, por familja e tij thuhet se preferon të qëndrojë në Angli, ose të paktën në Evropë.

Andaj, në ditët e ardhshme pritet të mësohet e ardhmja e Diaz, ndërsa Barcelona shpreson që ai të kalojë në radhët e tyre.

The post Luis Diaz befason Barcelonën, përcaktohet se ku dëshiron të luajë appeared first on Albeu.com.

Luis Diaz është i gatshëm që të bëjë gjithçka për të kaluar tek Barcelona dhe për këtë arsye ai pritet ta refuzojë ofertën e rinovimit të kontratës me Liverpoolin. 

Sulmuesi i Liverpoolit e ka vendosur si synim transferimin tek Barcelona, sipas mediumit spanjoll Mundo Deportivo dhe është pajtuar me kushtet me kampionin spanjoll për një lëvizje tek blaugranasit. 

Klubet megjithatë ende nuk kanë arritur një marrëveshje sa i përket çmimit të kolumbianit. 

Një nga prioritetet për drejtorin sportiv Deco dhe Hansi Flick këtë verë do të jetë përforcimi i krahut të majtë të sulmit. 

Emra si Nico Williams dhe Marcus Rashford janë përmendur, por Diaz mbetet prioriteti kryesor i klubit. 

Me Liverpoolin që pritet të bëjë një ofertë mbi 130 milionë euro për Florian Wirtz, ata shpresojnë se 85 milionë eurot e ofruara për Diaz do të kompensojnë një pjesë të transferimit të gjermanit. 

Teksa ‘Të Kuqtë’ kanë tentuar të iniciojnë bisedimet e rinovimit të kontratës me përfaqësuesit e lojtarit, kolumbiani ka bllokuar çdo përpjekje të klubit si dhe ka refuzuar ofertat luksoze nga Arabia Saudite. 

Që prej se u transferua në ‘Anfield’ nga Porto në janar të 2022, ai ka fituar Ligën Premier, FA Cup si dhe dy herë Carabao Cup. 

Gjatë kësaj periudhe ai ka realizuar gjithashtu 41 gola në 148 ndeshje./Telegrafi/

The post Luis Diaz pritet ta refuzojë kontratën e re tek Liverpooli – ëndërron kalimin tek Barcelona appeared first on Telegrafi.

Ylli i Liverpoolit, Luis Diaz, raportohet se është bërë objektiv i klubit arab Al-Nassr, teksa ‘Të Kuqtë’ janë afër mbylljes së transferimit të Florian Wirtz nga Bayer Leverkuseni për një shifër rekord të parave.

Sipas një raportimi nga The Telegraph, reprezentuesi kolumbian është bërë një objektiv i Al-Nassr pas një sezoni në të cilin ai luajti rol kyç në triumfin në Ligën Premier.

Ani pse Barcelona është lidhur po ashtu me Diaz, burimet sugjerojnë se klubi arab po përgatitet të shtyjë për nënshkrimin e tij, si pjesë e përpjekjeve të tyre për ta përforcuar ekipin para sezonit 2025/2026.

Diaz ka edhe dy vite të mbetura në kontratën të cilën e nënshkroi kur iu  bashkua Liverpoolit nga Porto në vitin 2022.

Sidoqoftë, nuk ka pasur ende progress për një marrëveshje të re. Për këtë arsye, Liverpooli mund ta shesë atë për çmimin më të lartë këtë verë, gjë e cila do t’i ndihmonte ata të siguronin fonde të nevojshme për transferimin e Wirtz.

Pavarësisht spekulimeve për të ardhmen e Cristiano Ronaldos tek Al-Nassr, përpjekjet e klubit për Diaz thuhet se nuk kanë të bëjnë me lëvizjen e radhës së portugezit.

Lexo po ashtu “Nëse ka mundësi”, babai i Luis Diaz flet për transferimin e mundshëm të tij tek Barcelona

Transferimi i Diaz nuk do të jetë i vetmi të cilin Al-Nassr do të kërkojë ta mbyllë, pasi ata janë gjithashtu të interesuar edhe për transferimin e mesfushorit Moises Caicedo nga Chelsea.

Reprezentuesi ekuadorian së fundmi shënoi në triumfin e Chelseat me rezultat 4-1 ndaj Real Betisit në finalen e Ligës së Konferencës që u luajt në Varshavë./Telegrafi/

The post Ylli i Liverpoolit mund t’i bashkohet Ronaldos tek Al-Nassr sezonin e ardhshëm appeared first on Telegrafi.

Liverpooli nuk ka ndërmend të ndahet as me Cody Gakpo dhe as me Luis Diaz këtë verë, me klubin që i sheh të dy lojtarët si komponentë kyç të planeve të  Arne Slot për të ecur përpara.

Pavarësisht interesit të vazhdueshëm nga dy klube të mëdha evropiane që po monitorojnë nga afër situatën e tyre, nuk ka pasur asnjë tregues nga Liverpooli se ata janë të hapur për oferta.

Gakpo është lidhur me një transferim te Bayern Munichu, teksa Diaz pëlqehet shumë nga Barcelona, por që asnjëri nuk pritet të largohen nga Anfield.

Reds thuhet se mbeten të përqendruar në forcimin e skuadrës në vend që të largojnë sulmuesit kryesorë.

Gakpo dhe Diaz kanë kontrata afatgjata dhe klubi i sheh ata duke luajtur një rol jetësor në sezonin e ardhshëm, ku përveçse synojnë ta mbrojnë titullin e Ligës Premier, duan edhe Ligën e Kampionëve. /Telegrafi/

The post Liverpooli nuk e ka ndërmend të shesë dy yjet e ekipit appeared first on Telegrafi.

Barcelona po shpreson që të jetë në gjendje të bëjë blerje këtë verë dhe në rast se munden, ka një prioritet të qartë që është identifikuar: Luis Diaz. 

Nuk është një sekret që Diaz është lojtari të cilin drejtori sportiv i klubit Deco dëshiron ta transferojë gjatë afatit kalimtar veror dhe zhvillimet e fundit do të thonë se ka një shans të madh që marrëveshja të kryhet. 

Në rast se ndonjë marrëveshje arrihet me Liverpoolin, nuk do të ketë probleme që të arrihet marrëveshje mbi kushtet personale me kolumbianin. 

Kjo për shkak se Diaz ka zbuluar se është një tifoz i Barcelonës që nga fëmijëria dhe këtë e ka thënë edhe vet babai i lojtarit në një intervistë së fundmi. 

“Është e vërtetë që Luis është një tifoz besnik i Barcelonës dhe do të ishte një ëndërr për të nëse do të arrinte tek Barcelona. Por, deri në këtë moment, e falenderoj Porton dhe Liverpoolin për pritjen që i kanë bërë Luis”. 

“Ai është një lojtar i cili i fiton gjërat shumë lehtë për shkak të përulësisë së tij dhe punës. Ai është një lojtar shumë i disiplinuar, faleminderit Zotit”. 

“Nëse ka ndonjë shans që Lucho të transferohet tek Barcelona, ai nuk do ta kishte problem sepse është një skuadër e madhe dhe në mesin e më të mirave në botë”, ka thënë babai i Diaz./Telegrafi/

The post “Nëse ka mundësi”, babai i Luis Diaz flet për transferimin e mundshëm të tij tek Barcelona appeared first on Telegrafi.

Hansi Flick ka folur për mediat përpara ndeshjes së Barcelonës kundër Athletic Bilbaos në La Liga.

Trajneri gjerman foli për transferimet, të ardhmen e lojtarëve dhe sfidën që e pret skuadrën e tij.

Kur u pyet për interesin për lojtarë të tjerë, Flick u pajtua me lojtarët që i ka përmendur edhe drejtori sportiv, Deco.

Lexo po ashtu Deco konfirmon se Barcelonës i pëlqejnë tre lojtarë, por prioritet është rinovimi me katër yjet

“Luis Diaz dhe Marcus Rashford janë të dy lojtarë fantastikë, më pëlqejnë dhe do të shohim se çfarë do të ndodhë”, ka thënë fillimisht Flick.

Megjithatë, ai e bëri të qartë se nuk kishte pasur diskutime.

“Nuk do të flas për lojtarët që janë në klube të tjera”, përfundoi trajneri i Barcelonës. /Telegrafi/

The post Pas Decos, edhe Flick lavdëron dy lojtarët e njëjtë   appeared first on Telegrafi.

Drejtori i Futbollit i Barcelonës, Deco, ka diskutuar opsionet e mundshme që ata kanë për të përmirësuar skuadrën e tyre këtë verë në tregun e transferimeve. Fokusi i tij, siç e theksoi qartë, ishte shumë në ruajtjen e cilësisë që Barcelona tashmë ka përpara se të hyjë në tregun e transferimeve.

Një nga fushat që është bërë objekt debati të nxehtë është pozicioni i portierit, me Wojciech Szczesnyn që nuk ishte në përputhje me fazat e fundit të sezonit, dhe dyshimet rreth formës së Marc-Andre ter Stegen në sezonet e fundit.

Deco mezi priste të theksonte se përparësia e tij kryesore ishte rinovimi i kontratave përpara se të fillonte të shikonte se çfarë mund të bëhej në tregun e transferimeve.

“Prioriteti ynë i madh është të forcojmë së pari atë që kemi këtu. Ndoshta do të rinovojmë kontratat tona me Pedrin, Gavin, Araujon, Raphinhan, dhe ndoshta do ta bëjmë këtë me Kounden. Kur njerëzit flasin për nënshkrime, ata mendojnë për ata që vijnë nga jashtë, por duhet të shihni se rinovimet janë gjithashtu si nënshkrime”, ka thënë fillimisht Deco.

“Gjëja me fat është se kemi një ekip që nuk kërkon kaq shumë dhimbje koke për ne për sezonin e ardhshëm. Së pari, duam të rregullojmë atë që kemi në shtëpi dhe pastaj, nëse mund ta përmirësojmë ekipin, do ta bëjmë. Dhe ajo që kam thënë është ndoshta një sulmues me një profil të ndryshëm nga ai që kemi ne”.

Lexo po ashtu Kontratat e reja, fitimi rekord dhe e ardhmja, Laporta flet për Barcelonën e tij

Megjithatë, Deco foli për situatën e portierëve në klub.

“Ne kemi dy portierë, Szczesny dhe Ter Stegen, dhe do të shohim gjithashtu se çfarë vendos Inaki, pasi ai ka edhe një vit të mbetur në kontratën e tij. Duhet të kërkojmë një portier tjetër”.

Kur u pyet për Joan Garcian, ai u përgjigj: “Ai është një portier i mirë. Departamenti ynë i vëzhgimit po punon dhe ne gjithashtu po punojmë për të përmirësuar ekipin”.

Me sa duket, përparësia kryesore e Barcelonës dhe Decos është sulmues anësor i majtë i Liverpoolit, Luis Diaz. Ndërsa ai nuk deklaroi ndonjë ambicie për t’i nënshkruar ata, ai pranoi njëfarë admirimi për ta.

“Na pëlqen Luis dhe na pëlqen Rashford, por nuk mund të flasim për lojtarë që janë nën kontratë. Për mua, është shumë më e rëndësishme të përmirësojmë atë që kemi në shtëpi”, përfundoi drejtori i futbollit i Barcelonës. /Telegrafi/

The post Deco konfirmon se Barcelonës i pëlqejnë tre lojtarë, por prioritet është rinovimi me katër yjet appeared first on Telegrafi.

Mes festimeve për një sezon të artë, FC Barcelona e ka përcaktuar tashmë objektivin e saj kryesor për tregun e ardhshëm të transferimeve: Luis Diaz.

Sipas mediumit Relevo, sulmuesi anësor kolumbian i Liverpoolit është në krye të listës së dëshirave të Decos, për të forcuar një zonë që, pavarësisht performancës së Lamine Yamal dhe Raphinha, ende ka nevojë për më shumë ekuilibër.

Qasja e drejtorit sportiv është e qartë dhe personale: stili shpërthyes i lojtarit kolumbian përputhet me stilin e lojës që trajneri i ri Hansi Flick dëshiron të nxisë.

Shqetësimi në zyrat e Barcelonës nuk është i fshehur. Deco, një nga arkitektët e heshtur të ringjalljes së Barcelonës, e ka pranuar publikisht se ekipit i mungojnë alternativat nga krahët.

El Barcelona volverá a la carga por el fichaje de Luis Díazhttps://t.co/zHUaq0zld7

— Fichajes.net (@fichajesnet) May 17, 2025

Loja vertikale dhe driblimi janë asete të rralla në skuadrën aktuale, dhe ish-lojtari e di se përgjegjësia nuk mund të vendoset mbi supet e vetëm dy lojtarëve. Kjo është arsyeja pse Diaz po shfaqet si përforcim ideal: një lojtar me përvojë ndërkombëtare, agresivitet sulmues dhe aftësinë për të bërë diferencën.

Nuk do të jetë një operacion i thjeshtë. Kolumbiani ka një kontratë me Reds deri në vitin 2027 dhe ende nuk ka marrë një ofertë rinovimi. Liverpooli nuk do të pranojë lehtë negociatat, veçanërisht pas largimit të pashmangshëm të një figure kyçe si Alexander-Arnold.

Tarifa e transferimit pritet të jetë rreth 80 milionë euro, një sfidë për financat e brishta të klubit katalunas, të cilat varen nga raporti i shumëpritur 1:1 për të lëvizur lirshëm në treg.

Me Nico Williams si një alternativë dytësore dhe zona të tjera të fushës që gjithashtu kanë nevojë për përforcim, Deco punon fshehurazi.

Barça dëshiron të nënshkruajë me ambicie, por edhe me mendje të kthjellët. Dhe Luis Diaz është emri që gjeneron më shumë entuziazëm në planin për Barçën e re të Flick. /Telegrafi/

The post Barcelona do të përpiqet përsëri për nënshkrimin e yllit të Liverpoolit appeared first on Telegrafi.

Liverpooli mund të përballet me një problem serioz për në afatin e ardhshëm të transferimit të verës: largimin e mundshëm të tre lojtarëve kryesorë në skuadrën e tij aktuale.

Sipas raportimeve të fundit, bordi i klubit nga Anfield ka vendosur të shtyjë çdo vendim në lidhje me të ardhmen e Luis Diaz, Ibrahima Konate dhe Diogo Jota deri në fund të sezonit aktual.

Kjo strategji pritjeje dhe shikimi mund të jetë e kushtueshme për Reds, pasi tre lojtarët raportohet se janë në radarin e disa klubeve evropiane, të tërhequr nga cilësia e tyre dhe pasiguria që rrethon lidhjet e tyre kontraktuale me klubin nga Anfield.

Sipas Football Insider, rasti më delikat është ai i mbrojtësit francez Konate, i cili thuhet se refuzoi një propozim për vazhdimin e kontratës disa javë më parë, pasi nuk arriti një marrëveshje për kërkesat e tij për pagën.

Los 3 jugadores que todavía pueden salir del Liverpool el próximo veranohttps://t.co/oVmL4cd4z3

— Fichajes.net (@fichajesnet) April 21, 2025

Ndërkohë, Luis Diaz dhe Diogo Jota, mund të eksplorojnë gjithashtu opsione të tjera nëse klubi nuk merr një qëndrim të qartë për të ardhmen e tyre.

Të dy kanë qenë lojtarë kyç në sulmin e Liverpoolit dhe largimi i tyre i mundshëm do të ishte një goditje e rëndësishme për skuadrën, kështu që tani menaxhmenti sportiv do të duhet të trajtojë çdo rast individualisht për të gjetur një zgjidhje.

Koha po mbaron dhe nëse drejtoria e sportit nuk vepron me shpejtësi, mund ta gjejë veten me tre largime të rëndësishme dhe pak mundësi reale për t’i zëvendësuar ato në një afat të shkurtër. Vera po përgatitet të jetë e zënë në Anfield. /Telegrafi/

The post Liverpooli ka tre probleme të mëdha për verën e ardhshme appeared first on Telegrafi.

Barcelona pritet që të bëjë të paktën një shitje të madhe në verë për të ekuilibruar gjendjen financare në Kataloni para fillimit të sezonit të ardhshëm.

Klubi mori një goditje të rëndë në aspektin financiar këtë muaj, pasi La Liga vendosi që të reduktojë kufirin e tyre të pagave për sezonin 2025/2026 pasi shitja e ulëseve VIP për 100 milionë euro nuk u mor në konsideratë.

Me Barcelonën që po shpreson që ky kufi i pagave të rritet sërish, ata kanë besim se klubi do t’i përmbahet politikës së tyre të transferimeve, duke shpenzuar para vetëm nga të ardhurat e matshme.

Bisedimet e kontratës me Wojciech Szczesny dhe Lamine Yamal tani pritet që të suspendohen deri sa të ndodhë një shitje e madhe, ka raportuar Relevo.

Lexo po ashtu Lamine Yamal lidhet me një transferim shokues që do të trondiste Evropën – dy klube janë në garë

Kjo do të thotë se Hansi Flick mund të detyrohet të largojë një emër të madh për të siguruar një stabilitet financiar dhe për të gjeneruar para për muajt në vazhdim.

Një përditësim i ri jep shenja se kandidati kryesor për t’u larguar është mbrojtësi Ronald Araujo, për shkak të vlerës së tij të lartë të kartonit.

Sipas raportimeve nga Relevo, Araujo është i gatshëm për 65 milionë euro deri më 16 korrik, ku në atë pikë klauzola e tij e lirimit do të kthehet sërish në 1 miliardë euro.

Si pjesë e një plani për të transferuar një lojtar dhe për të larguar Araujon, Barcelona mund t’i ofrojë Liverpoolit një marrëveshje shëkmbimi që përfshin Luis Diaz.

Blaugranasit janë të hapur për të arritur një marrëveshje për transferimin e reprezentuesit kolumbian, por ata nuk janë në gjendje që ta përballojnë çmimin e kartonit të tij.

Më parë ishte raportuar se Liverpooli po e ndjekë Araujon si një kandidat potencial për ta zëvendësuar Van Dijkun në rast largimi.

The post Barcelona dhe Liverpooli po përgatitin shkëmbimin e madh të yjeve në verë appeared first on Telegrafi.

Barcelona ka qenë e lidhur në mënyrë shteruese me anësorin e Liverpoolit, Luis Diaz gjatë vitit të kaluar, me kolumbianin që mund të largohet nga Anfield këtë verë. Reds tashmë duket se po bëjnë plane për largimin e tij, ndonëse nuk është përjashtuar mundësia e qëndrimit të tij.

Lojtari 28-vjeçar ka dy vite të mbetura nga kontrata e tij me klubin anglez dhe nuk është bërë shumë përparim në një marrëveshje të re. Ndërkohë kolumbiani është gjithashtu në krye të listës së ngushtë të Barcelonës për verën, dhe në veçanti ka admirues drejtorin sportiv, Deco.

Çmimi i përfolur është 70 milionë euro, dhe pasiguria më e madhe me Barcelonën është nëse ata do të kenë fonde për t’u angazhuar për një marrëveshje.

Arabia Saudite gjithashtu ka qenë e lidhur me Diazin, ndërsa gazeta kolumbiane Antena 2, përmes Mundo Deportivo, thotë se Paris Saint-Germain, Manchester City dhe Milani, janë të gjithë duke vëzhguar situatën e tij.

Megjithatë, më domethënëse ndoshta është se trajneri i Liverpoolit, Arne Slot i ka dhënë dritën jeshile Liverpoolit për të shitur Diazin. Përveç kësaj, Reds po shikojnë Leroy Sane si një zëvendësues të mundshëm për Diazin, i cili është në dispozicion si transferim i lirë këtë verë pasi kontrata e tij me Bayern Munich skadon.

Lexo po ashtu Luis Diaz me tri kërkesa për t'u transferuar te Barcelona

Anësori gjerman duket se po largohet nga Bayerni dhe disa mund të pyesin nëse Barcelona mund të mos jetë e interesuar edhe për një alternativë me çmim të ulët. Blaugranët kanë vendosur të kenë përparësi në krahun e majtë dhe një mbrojtës të krahut për dritaren e ardhshme verore, por është një sekret i hapur që Deco nuk është i sigurt se sa para do të duhet të shpenzojë gjatë verës, me më shumë vështirësi në horizont për kufirin e pagave.

Barcelona ndoqi Nico Williams të Athletic Bilbaos vitin e kaluar, por duket se interesimi i tyre për sulmuesin bask është ftohur muajt e fundit. /Telegrafi/

The post Arne Slot jep dritën jeshile që top ylli i Liverpoolit të shitet appeared first on Telegrafi.

Njësoj si verën e kaluar, Barcelona po synon që të bëjë një blerje të madhe në vitin 2025 dhe pozita të cilën ata duan ta përforcojnë është krahu i majtë i sulmit. 

Drejtori sportiv Deco beson se ka një mungesë thellësie në atë pozicion, ku përveç Raphinhas i cili po shfaq formë të lartë këtë edicion, Hansi Flick nuk ka shumë opsione. 

Deco e ka bërë të qartë se Luis Diaz është kandidati i tij i preferuar për ta përforcuar Barcelonën në krahun e majtë, pavarësisht formës së dobët të kolumbianit në aspektin e golave këtë sezon. 

47-vjeçari beson se Diaz do të jetë në dispozicion këtë verë dhe për shkak të kësaj, një marrëveshje me Liverpoolin mund të arrihet gjatë verës, ka raportuar Sport. 

Lexo po ashtu Befason me deklaratën ylli i Barcelonës: Penalltia e Alvarez u anulua me të drejtë

Sipas raportit, Liverpooli do të konsiderojë shitjen e Diaz, por ata nuk do të jenë të gatshëm ta pranojnë largimin e tij për më pak se 70-75 milionë euro. 

Kjo do të thotë se Barcelona do të duhet t’i kursejë të paktën 30 milionë euro në kufirin e pagave, pasi siç dihet, problemet e tyre financiare janë të dokumentuara. 

Zyrtarët e Barcelonës e shohin këtë si diçka të arritshme, duke konsideruar se një numër lojtarësh mund të shiten në verë. 

Emra si Andreas Christensen, Alex Valle dhe Eric Garcia janë në mesin e lojtarëve që mund të shiten për të gjeneruar fonde, teksa ka një dëshirë për ta hequr qafe edhe Ansu Fatin./Telegrafi/

The post Ylli i Liverpoolit i thotë ‘po’ Barcelonës – transferimi i tij mund të mbyllet për 75 milionë euro appeared first on Telegrafi.

Barcelona po shqyrton një lëvizje për Luis Diaz gjatë afatit kalimtar të verës për tu përforcuar për sezonin 2025/26.

Anësori i Liverpoolit është ndër objektivat e tyre të mundshëm pasi ata kërkojnë të forcojnë repartin ofensivë.

Sipas Diario AS , drejtori sportiv Deco është informuar për një rritje pagash, duke i lejuar Barcelonës të shpenzojë 463 milionë euro në vit, 37 milionë euro më shumë se më parë.

Lexo po ashtu Deco ka gati shitjen e radhës te Barcelona për ta realizuar një top transferim

Kjo rritje financiare mund të ndihmojë në financimin e një lëvizjeje për sulmuesin kolumbian.

Diaz është nën kontratë me Liverpoolin deri në vitin 2027. Klubi anglez nuk po kërkon të shesë, por situata e përmirësuar financiare e Barcelonës mund të ndryshojë skenarin.

Liverpool po punon gjithashtu për zgjatjen e kontratave për Mohamed Salah, Trent Alexander-Arnold dhe Virgil van Dijk dhe rezultati i këtyre negociatave mund të ndikojë në të ardhmen e Diaz në Anfield.

Pavarësisht dëshirës së Liverpool për ta mbajtur atë, Diaz ka shfaqur interes për t’iu bashkuar Barcelonës.

Deco tani ka buxhet për të bërë një ofertë serioze në verë. /Telegrafi/

The post Barcelona rrit kufirin e pagave, tani synon afrimin e një ylli nga Liga Premier appeared first on Telegrafi.

Barcelona planifikon të nënshkruajë me një sulmues të majtë gjatë verës dhe ka identifikuar disa opsione.

Një nga objektivat e tyre kryesore është Luis Diaz i Liverpoolit, me raportet në Kolumbi që pretendojnë se bisedimet tashmë kanë filluar.

Sipas gazetës AS, shoqëruesit e Diaz kanë kontaktuar Barcelonën për të eksploruar një transferim.

Sulmuesi anësor thuhet se “ëndërron” të luajë për klubin katalunas dhe përfaqësuesit e tij po testojnë mundësinë e një lëvizjeje.

Diaz nuk ka treguar ndonjë synim për të vazhduar kontratën e tij me Liverpoolin, e cila zgjat deri në vitin 2027. Me Barcelonën duke përmirësuar gjendjen e saj financiare, një transferim mund të jetë real.

Drejtori sportiv i Barcelonës, Deco e ka admiruar prej kohësh Diaz dhe e sheh atë si një përforcim të fortë. Me klubin tani nën rregullin 1:1, ata kanë më shumë fleksibilitet për të ndjekur nënshkrimet. /Telegrafi/

The post Ylli i Liverpoolit ëndërron t’i bashkohet Barcelonës appeared first on Telegrafi.