Gjatë kësaj vere, futbollistë nga klubet më të njohura evropiane si Liverpool, Chelsea, Bayern Munich, Barcelona dhe Milan kanë zgjedhur të vazhdojnë karrierën e tyre në Arabinë Saudite.

Kampionati saudit po bëhet një destinacion mjaft tërheqës, me investime të mëdha dhe kontrata të jashtëzakonshme.

Vetëm klubi i ri, Neom ka shpenzuar 89 milionë euro, duke ofruar portierin Marcin Bulka, mbrojtësin Nathan Zeze, mesfushorët Amadou Kone, Said Benrahma, dhe Simon Bouabré. Alexandre Lacazette erdhi falas nga Lyon.

Më poshtë, dhjetë yjet që lanë klubet me emër për të vazhduar në tokën e premtuar saudite.

 1. Darwin Nunez – Liverpool → Al-Hilal (53 milionë euro)

Uruguaini shënoi 40 gola në tre sezone në Ligën Premier dhe fitoi kampionatin anglez. Në moshën 26-vjeçare, ai vendosi të nënshkruajë një kontratë trevjeçare në Arabinë Saudite.

Në Al-Hilal, ai do të garojë në sulm me Marcos Leonardo dhe do të sjellë përvojën e tij angleze në kampionatin saudit.

2. Theo Hernandez – Milan → Al-Hilal (25 milionë euro)

Mbrojtësi francez ka luajtur gjashtë sezone në Serie A dhe ka pasur mbi 260 paraqitje për Milanin.

Ai firmosi për tre vite në Al-Hilal dhe do të bëhet pjesë e një mbrojtjeje të fortë, duke kombinuar eksperiencën evropiane me ambicien saudite.

3. Joao Felix – Chelsea → Al-Nassr (30 milionë euro)

Portugalezi nuk arriti të imponojë veten në Chelsea dhe iu bashkua Al-Nassr për dy vite.

Ai do të bashkëpunojë me trajnerin Jorge Jesus dhe Cristiano Ronaldon, duke sjellë kreativitet dhe eksperiencë në sulmin e skuadrës.

4. Kingsley Coman – Bayern Munich→ Al-Nassr (25 milionë euro)

Francezi fitoi Bundesligën në nëntë raste me Bayern Munich dhe nënshkroi një kontratë trevjeçare me Al-Nassr.

Ai do të luajë në sulm përkrah Ronaldos, Felix dhe Otavio, duke sjellë shpejtësi dhe përvojë nga futbolli gjerman.

5. Inigo Martinez – Barcelona → Al-Nassr (falas)

Spanjolli fitoi tre trofe me Barçën dhe u largua për të ndihmuar Al-Nassr.

Ai do të përforcojë mbrojtjen dhe do të transmetojë eksperiencën e tij nga futbolli evropian, duke sjellë stabilitet dhe siguri në linjën e pasme.

6. Mateo Retegui – Atalanta → Al-Qadisiya (68.25 milionë euro)

Sulmuesi argjentinas ishte golashënuesi kryesor i Serie A dhe u transferua për një shifër rekord.

Ai do të zëvendësojë Pierre-Emerick Aubameyang dhe konsiderohet një investim i madh për të ardhmen e klubit saudit.

7. Christopher Baah – Genk → Al-Qadisiya (17 milionë euro)

Anësori i ri ganez ka fituar përvojë në Belgjikë dhe Norvegji dhe tani do të sfidojë në Arabinë Saudite. Ai shihet si një talent premtues që mund të kontribuojë menjëherë në skuadër.

8. Gabriel Carvalho – Internacional → Al-Qadisiya (15.6 milionë euro)

Sulmuesi i djathtë sapo mbushi 18 vjeç dhe përfaqëson një investim afatgjatë. Klubi shpreson që ai të zhvillohet dhe të kontribuojë në sulm gjatë viteve të ardhshme.

9. Enzo Millot – Stuttgart → Al Ahly (28 milionë euro)

Mesfushori francez ka spikatur në Ligën e Kampionëve dhe në Bundesliga. Ai u transferua për 16 herë më shumë se çmimi i blerjes së tij, duke sjellë kreativitet dhe stabilitet në mesfushën e Al Ahly.

10. Ondrej Duda – Verona → Al-Ittifaq (falas)

Mesfushori çek ndihmoi Veronën të shmangte rënien nga Serie A dhe tani do të luajë për Al-Ittifaq. Ai sjell eksperiencën evropiane dhe do të kontribuojë në mesfushë për të ndërtuar lojën e ekipit.

/Telegrafi/ 

The post Arabia Saudite vazhdon të “tërheq” yjet evropianë: 10 transferime më të mëdha të profilit të lartë gjatë verës appeared first on Telegrafi.

Cristiano Ronaldo e ka gdhendur emrin e tij në historinë e futbollit edhe një herë, duke u bërë lojtari i parë dhe i vetëm që shënon 100 ose më shumë gola për katër klube të ndryshme në katër shtete të ndryshme. 

Në një moment shkëlqimi karakteristik, Ronaldo shënoi një penallti në minutën e 41-të për të shënuar golin e tij të 940-të në karrierë, duke i dhënë Al-Nassr një epërsi 1-0 kundër Al-Ahli në Superkupën e Arabisë.

Fituesi i pesëfishtë i Topit të Artë e kaloi topin me qetësi përtej portierit kundërshtar, duke i ndezur entuziazmin tifozëve të Al-Nassr dhe duke e çuar ekipin e tij një hap më afër ngritjes së trofeut të lakmuar.

Cristiano Ronaldo scores his 100th goal for Al Nassr in the final

pic.twitter.com/fFtzzpigdI

— Al Nassr Zone (@TheNassrZone) August 23, 2025

Me këtë gol, sulmuesi portugez bëhet lojtari i parë në histori që shënon 100 e më shumë gola për katër klube dhe shtete të ndryshme.

Real Madrid: 451 gola në 438 ndeshje, ku ai u bë golashënuesi më i mirë i të gjitha kohërave i klubit dhe fitoi katër trofe të Ligës së Kampionëve UEFA. Manchester United: 145 gola në 346 ndeshje në dy periudha, Juventus: 101 gola në 134 ndeshje dhe tani Al-Nassr: 100 gola në vetëm 113 ndeshje.

Ky moment i fundit e çimenton më tej trashëgiminë e Ronaldos si një nga golashënuesit më të mëdhenj të të gjitha kohërave në futboll, me 40-vjeçarin që nuk tregon shenja ngadalësimi. /Telegrafi/

Cristiano Ronaldo becomes the first player in history to score 100 goals for 4 different clubs and nation.

One more today in Super Cup final. pic.twitter.com/OpcNku4qtS

— Fabrizio Romano (@FabrizioRomano) August 23, 2025

Cristiano Ronaldo becomes the ONLY player EVER to score 100 goals in 4 different countries and for his NT. pic.twitter.com/wxlrTR21au

— TCR. (@TeamCRonaldo) August 23, 2025

The post Cristiano Ronaldo shënon në Superkupën e Arabisë Saudite, arrin një rekord të madh appeared first on Telegrafi.

Al Nassr u përball me një sfidë të vështirë në gjysmëfinalen e Superkupës së Arabisë Saudite kundër Al Ittihad, pasi mbetën me dhjetë lojtarë që në minutën e 25-të.

Arsyeja ishte kartoni i kuq i drejtpërdrejtë që mori Sadio Mane pas një ndërhyrjeje të ashpër.

Megjithatë, skuadra e drejtuar nga Luis Castro nuk u dorëzua. Përkundrazi, ata treguan karakter dhe disiplinë, duke e përmbysur ndeshjen në favorin e tyre.

Rezultati përfundimtar 2-1 dëshmoi forcën e grupit dhe vendosmërinë e lojtarëve për të siguruar një vend në finale.

Cristiano Ronaldo ishte përsëri në qendër të vëmendjes. Ai pati një rast të artë për të shënuar golin vendimtar pasi kaloi përballë portierit kundërshtar.

Por, në vend që të përfundonte vetë aksionin, ai tregoi një moment bujarie dhe lideri të vërtetë.

Portugezi e pasoi topin tek Joao Felix, i cili nuk e pati të vështirë të dërgonte topin në rrjetë, duke vulosur fitoren për Al Nassr.

Ky gjest i Ronaldos jo vetëm që garantoi rezultatin, por edhe dëshmoi se ai është po aq i gatshëm të sakrifikojë për skuadrën sa edhe të shënojë vetë.

Ky veprim tregon anën tjetër të yllit 39-vjeçar: një lider që mendon për suksesin kolektiv përpara lavdisë personale.

Në këtë mënyrë, Ronaldo edhe një herë tregoi se është jo vetëm golashënues i jashtëzakonshëm, por edhe një shembull frymëzimi për shokët e tij të ekipit. /Telegrafi/

The post Gjesti elegant i Cristiano Ronaldos për Joao Felix në gjysmëfinalen e Superkupës së Arabisë Saudite kundër Al Ittihad appeared first on Telegrafi.

Kingsley Coman, ylli francez i Bayern Munich, ka zyrtarizuar kalimin e tij te Al Nassr, duke nënshkruar një kontratë 3-vjeçare me një pagë vjetore që varion nga 20 deri në 25 milionë euro, sipas burimeve të Sky Sports Germany. Lajmi u konfirmua mbrëmjen e sotme, duke e shënuar si një nga lëvizjet më të bujshme të merkatos verore në futbollin botëror.

Transferimi i 29-vjeçarit, i cili ka zhvilluar 339 ndeshje me Bayern Munich që nga viti 2017, vjen pas negociatave intensive mes dy klubeve. Sipas The Athletic, shifra e marrëveshjes besohet të jetë mes 25 dhe 30 milionë eurosh.

Me këtë transferim, Coman i bashkohet listës së yjeve të mëdhenj si Cristiano Ronaldo dhe Karim Benzema, të cilët tashmë luajnë në Ligën Profesionale Saudite, kompeticion i mbështetur fuqimisht nga Fondi Publik i Investimeve (PIF) i Arabisë Saudite.

النجم الفرنسي كينجسلي كومان يـوقع رسميًا لـ ⁧#العالمي⁩ #كومان_نصراوي pic.twitter.com/qTTAHsnQ2P

— نادي النصر السعودي (@AlNassrFC) August 15, 2025

Ky hap është pjesë e strategjisë ambicioze të Al Nassr dhe të vetë ligës për të tërhequr talente nga Evropa, duke shfrytëzuar investimet e mëdha në kuadër të vizionit “Saudi Vision 2030”.

Sipas të dhënave të Transfermarkt, Liga Saudite ka regjistruar një shpenzim neto rekord prej -25.94 milionë eurosh për sezonin 2025/26, duke sfiduar gjithnjë e më shumë ligat kryesore evropiane.

Një studim i Journal of Sports Economics tregon se transferimet e lojtarëve evropianë në Lindjen e Mesme janë rritur me 40 për qind që nga viti 2020, duke hapur debat mbi ndikimin e këtyre lëvizjeve në futbollin global.

يسابق الزمـن
من أجل النصـر

رحِّبـوا بنجمنا الجديد #كومان_نصراوي pic.twitter.com/QvO77PfB0d

— نادي النصر السعودي (@AlNassrFC) August 15, 2025

Coman, i formuar në akademinë e Paris Saint-Germain dhe me eksperiencë te Juventus para se të bashkohej me Bayern, pritet të sjellë shpejtësi, teknikë dhe përvojë në repartin ofensiv të Al Nassr, ku do të luajë krah për krah me Cristiano Ronaldon.

Reagimet në rrjetet sociale kanë qenë të përziera: disa tifozë shprehen të entuziazmuar për ardhjen e tij në Arabinë Saudite, ndërsa të tjerë nga Evropa e shohin këtë si një humbje për futbollin kontinental. /Telegrafi/

The post Coman prezantohet zyrtarisht nga Al Nassr appeared first on Telegrafi.

Raportohet se Al- Nassr ka shfaqur interes për Ferran Torres, për të shtuar më shumë opsione në fazën e sulmit. 

Sipas Sacha Tavolieri, klubi arab po shikon te Torres  siprofilin ideal për të ofruar variacione në fazën ofensive gjatë sezonit. 

Barcelona thuhet se është e hapur për një transferim të mundshëm, por marrëveshja varet nga Al -Nassr që të krijojë hapësirë për një lojtar të huaj tjetër, për shkak të kufizimeve ligjore për numrin e lojtarëve të huaj në skuadër. 

Al- Nassr ka vijuar me përforcime strategjike këtë afat kalimtar, siç është edhe transferimi i mbrojtësit Inigo Martinez, pikërisht nga Barcelona. 

EXCL– After Iñigo Martinez, Al Nassr is now considering a move for… Ferran Torres!

Saudi club looking for versatile forward who can step in as a No. 9 to replace Cristiano Ronaldo in certain matches, and sees Torres as the ideal profile.

Barça has opened the door… pic.twitter.com/aGqSLKRwJN

— Sacha Tavolieri (@sachatavolieri) August 10, 2025

Torres më parë ka refuzuar oferta luksoze nga Arabia Saudite, një e tillë thuhej të ishte 60 milionë euro plus 20 milionë euro në vit për tri vite, duke deklaruar se dëshiron të qëndrojë te Barcelona dhe të luftojë për vendin e tij. 

Sezonin e kaluar ai luajti një rol kyç si zëvendësues i Leëandoëskit dhe Barça ka nisur bisedimet për t’i ofruar rinovim deri në vitin 2030. 

Performanca e tij ka qenë tejet e mirë me 19 gola dhe nëntë asistime në 45 paraqitje sezonalisht, duke u konsoliduar si një alternativë e vlefshme në sistemin e Hansi Flick./Telegrafi/

The post Al-Nassr po e kërkon një tjetër yll të Barcelonës pas nënshkrimit me Inigo Martinez appeared first on Telegrafi.

Inigo Martinez është bërë zyrtarisht pjesë e klubit arab Al-Nassr dhe  tani ai ka shprehur entuziazmin e tij për fillimin e këtij kapitulli të ri në karrierë. 

“Është kënaqësi të jem këtu, me shumë entuziazëm dhe dëshirë për të filluar punën me shokët e skuadrës. Sinqerisht, kjo përvojë është shumë emocionuese dhe e përballoj me motivim të madh. Tani është koha të bashkohem me shokët e skuadrës dhe të kaloj kohë me ta”. 

“Është një ekip i madh që aspiron për gjithçka, vij për të kontribuar, për të shijuar, për të mësuar dhe për të dhënë gjithçka për të fituar”. 

Kur më erdhi mundësia për t’u bashkuar, bisedova me disa shokë skuadre që folën shumë mirë për klubin dhe atmosferën në dhomën e zhveshjes, që është fantastike, prandaj vendosa të bëj këtë hap”. 

Iñigo Martínez is Nassrawi #MartínezIsYellow pic.twitter.com/2BviVr0rwR

— AlNassr FC (@AlNassrFC_EN) August 9, 2025

Duke parë përpara, Martinez është i sigurt se do të përshtatet me jetën në Riad dhe do ta përballojë me sukses këtë sfidë. 

“Kam qenë në Arabinë Saudite tre herë për Superkupën dhe në ato raste që pata mundësi ta njoh vendin, ndihesha shumë rehat”. 

Lexo po ashtu Barcelona ende nuk mund të regjistrojë nënshkrime të reja pavarësisht largimit të Inigo Martinez

“Kjo është një eksperiencë e re për mua dhe familjen time, dhe jam i etur të njoh qytetin dhe të përshtatem me jetën e re”. 

“Shpresoj të jem në nivelin e duhur, angazhimi nuk do të mungojë. Shihemi së shpejti”, ka thënë Martinez, 

Mbrojtësi nënshkroi kontratë deri në vitin 2026 dhe bashkohet me një skuadër yjesh në Al-Nassr, që përfshin Cristiano Ronaldon dhe Joao Felix./Telegrafi/

The post Inigo Martinez shpjegon arsyen pse u largua nga Barcelona për t’u transferuar tek Al-Nassr appeared first on Telegrafi.

Përgjigja e Cristiano Ronaldos kur u pyet se kush do ta fitojë Topin e Artë në vitin 2025 flet shumë dhe tregon maksimalisht egon e tij.

Sulmuesi i Al Nassr dështoi të nominohej për çmimin e madh individual për të dytin vit radhazi.

Asnjë lojtar jashtë pesë ligave më të mira të Evropës nuk është në listën e ngushtë prej 30 lojtarësh, që do të thotë se si Ronaldo ashtu edhe Lionel Messi nuk janë përfshirë.

Ronaldo e ka fituar çmimin pesë herë, por është bërë gjithnjë e më kritik ndaj tij vitet e fundit.

Lexo po ashtu 30 emra në listë për Topin e Artë, por vetëm një fitues absolut - zbulohet emri i favoritit

Në vitin 2024, ai e përshkroi Topin e Artë si “pa besueshmëri” sepse mesfushori i Manchester Cityt, Rodri, u shpall fitues ndaj Vinicius Junior të Real Madridit.

Tani në moshën 40 vjeçare dhe pasi ka nënshkruar një kontratë të re dyvjeçare për të vazhduar të luajë në Superligën Saudite, duket se shansi më i mirë i Ronaldos për t’u nominuar është të luajë mirë në Kupën e Botës 2026 me Portugalinë.

Cristiano Ronaldo on the Ballon d’Or:

“It’s fictional to me.”

pic.twitter.com/fItOG6mnLP

— CristianoXtra (@CristianoXtra_) August 8, 2025

Në një intervistë të premten në mbrëmje, Ronaldo u pyet nga Sport.tv për mendimin e tij se kush do ta fitonte Topin e Artë këtë vit.

“Jo, për mua është imagjinar”, u përgjigj Ronaldo, duke befasuar të gjithë. /Telegrafi/

The post Ronaldos befason me përgjigjen kur u pyet se kush do ta fitojë Topin e Artë 2025 appeared first on Telegrafi.

Al-Nassr ka nisur zyrtarisht negociatat me Bayern Munich për të transferuar sulmuesin francez Kingsley Coman, i cili është kthyer në objektivin kryesor të klubit saudit për repartin ofensiv.  

Sipas gazetarit të besueshëm Fabrizio Romano, klubet kanë filluar kontaktet direkte për të diskutuar kushtet e transferimit. 

29-vjeçari ka dhënë dritën jeshile për të shqyrtuar një transferim në Lindjen e Mesme, ndërsa agjentët e tij tashmë janë në kontakt të vazhdueshëm me përfaqësues të Al-Nassr. 

 Sipas burimeve të Sky Germany, Coman e konsideron një sfidë të re në Arabinë Saudite si një mundësi për të rifilluar karrierën pas një sezoni jo të rregullt në Mynih. 

More on Kingsley Coman and Al Nassr exclusive story.

There’s already proposal on the table for both player and Bayern, with negotiations ongoing between all parties.

Talks underway to make decisions as soon as possible. pic.twitter.com/V2qpuiN0n4

— Fabrizio Romano (@FabrizioRomano) August 8, 2025

Coman nuk ka qenë një titullar i padiskutueshëm në formacionin e trajnerit Vincent Kompany, i cili preferon më shumë Michael Olise në krahun e djathtë.  

Në sezonin 2024/2025, Coman regjistroi 7 gola dhe 4 asistime në 41 paraqitje, por shpesh u përdor si zëvendësues apo në rotacion. 

Al-Nassr e sheh Coman si një përforcim të rëndësishëm për krahët, përkrah Cristiano Ronaldos në sulm. Pas afrimit të Joao Felix dhe marrëveshjes së arritur me Inigo Martinez, klubi saudit synon të kompletojë edhe një ‘trio yjesh’ për sezonin e ardhshëm në Ligën e Kampionëve të Azisë. 

Oferta që po përgatitet për Coman mendohet të jetë në rangun 40-45 milionë euro, ndërsa lojtari do të përfitojë një kontratë tri vjeçare me një pagë që i kalon 25 milionë euro në vit neto, një rritje e ndjeshme krahasuar me të ardhurat aktuale në Mynih./Telegrafi/

The post Al-Nassr projekton goditjen e radhës, nis bisedimet për transferimin e yllit të Bayernit appeared first on Telegrafi.

Antony, i cili është jashtë planeve te Manchester United, raportohet se ka refuzuar mundësinë për t’u ribashkuar me Cristiano Ronaldon duke hedhur poshtë një ofertë nga Al-Nassr. 

Sipas gazetës Sport, klubi arab ka shprehur interes për të nënshkruar me brazilianin, por lojtari 25-vjeçar ‘refuzon të dëgjojë’ për ofertën e majme nga Arabia Saudite. 

Antony, i cili luajti përkrah Ronaldos te United në vitin 2022, më parë ka refuzuar edhe ofertat nga klubet braziliane Botafogo dhe Sao Paulo, pasi ai ka bërë të qartë se dëshiron një destinacion të vetëm. 

Raporti shton se ish-lojtari i Ajax-t nuk është i gatshëm të bashkohet me asnjë klub tjetër përveç Real Betis, ku kaloi me shumë sukses pjesën e dytë të sezonit të kaluar si i huazuar, dhe është madje i gatshëm të pranojë një ulje page për të realizuar transferimin. 

Megjithatë, mbetet e paqartë nëse skuadra spanjolle do të mund të përballojë çmimin prej 30 milionë që kërkon Manchester United. 

Antony, i cili shënoi nëntë gola dhe dha pesë asistime në 26 ndeshje për Betis, duke ndihmuar klubin të përfundojë në vendin e gjashtë në La Liga dhe të arrijë finalen e Ligës së Konferencës mund të rikthehet në skuadrën e parë të trajnerit Ruben Amorim, nëse Manchester United nuk arrin ta shesë gjatë kësaj vere./Telegrafi/

The post Antony refuzon ribashkimin me Ronaldon tek Al-Nassr appeared first on Telegrafi.

Në ndeshjen e dytë miqësore para sezonale, Al Nassr mposhti Toulouse me rezultatin 2–1, duke ruajtur një rekord 100 për qind fitore përpara Superkupës së Arabisë Saudite.

Cristiano Ronaldo, që shënoi golin e barazimit për Al Nassr, mahniti tifozët me një moment magjik gjatë ndeshjes — një lëvizje që solli menjëherë në mendje ditët e tij të lavdishme në Manchester United.

Në rrjet, reagimet ishin të menjëhershme dhe plot habi për formën që tregon ylli 40-vjeçar.

Një tifoz shkroi: “Kjo është një lëvizje e jashtëzakonshme, veçanërisht kur mendon që ai është 40 vjeç”.

“‘Gjyshi’ po sillet sikur është në të 20-at. Ai është 40, qetësohu shoku”, shkroi një tifoz tjetër.

Një fans i tretë komentoi: “I çmendur – në moshën 40 vjeç kundër një skuadre evropiane”.

“Kjo është për të gjithë ata që harruan CR7 nga viti 2003 deri në 2009”, shtoi dikush tjetër.

Ky moment viral është edhe një dëshmi tjetër se Cristiano Ronaldo, edhe në prag të dekadës së pestë të jetës, vazhdon të jetë një forcë e gjallë në fushë dhe një burim frymëzimi për miliona fansa anembanë botës. /Telegrafi/

The post ‘Gjyshi’ Ronaldo vazhdon t’i shkatërrojë kundërshtarët si në kohët e arta appeared first on Telegrafi.

Marc Cucurella cilësohet si i paprekshëm nga Chelsea, pasi klubi londinez ka refuzuar tashmë dy oferta të larta për të.

Mbrojtësi i majtë spanjoll 27-vjeçar, i cili luajti një rol vendimtar në triumfin e Spanjës në Euro 2024 dhe në fitoren e Chelseat në Kupën e Botës për Klube, e ka forcuar rolin e tij në Stamford Bridge.

Pavarësisht një oferte prej 70 milionë eurosh nga Al-Nassr, e nxitur nga kërkesa e Cristiano Ronaldos pas transferimit të Joao Felix, dhe interesit nga një klub tjetër i paidentifikuar, Chelsea mbetet i vendosur.

Sipas gazetarit Nicolo Schira, Chelsea ka refuzuar dy oferta nga klube të huaja për Marc Cucurellan, i cili konsiderohet i pa-shitshëm nga trajneri Enzo Maresca.

#Chelsea have turned down two approaches from foreign clubs for Marc #Cucurella, who is considered non-transferable by Enzo #Maresca. #transfers #CFC

— Nicolò Schira (@NicoSchira) July 29, 2025

Cucurella, i cili u transferua nga Brighton për 60 milionë funte në vitin 2022, luajti 35 ndeshje në sezonin 2024/25, duke dhënë pesë asistime.

Shkathtësia dhe forma e tij e bëjnë atë të domosdoshëm, me Marescën që refuzoi çdo transferim para afatit të transferimeve në gusht 2025. /Telegrafi/

The post Chelsea refuzon dy oferta për yllin e skuadrës appeared first on Telegrafi.

Kapitulli i radhës për Joao Felix vjen me një nxitje të madhe financiare në Arabinë Saudite, ku sulmuesi do të dyfishojë pagën që kishte te Chelsea.

Felix ka përfunduar një transferim të profilit të lartë te Al-Nassr, duke iu bashkuar Cristiano Ronaldos, pasi Chelsea pranoi një marrëveshje të raportuar me vlerë 50 milionë euro, që përfshin një pagesë fillestare prej 30 milionë eurosh dhe 20 milionë euro të tjera si bonuse të lidhura me paraqitjet.

Felix ka nënshkruar një kontratë dyvjeçare, ku paga e tij do të rritet nga 8 milionë euro në vit, sa përfitonte te Chelsea, në një shumë marramendëse prej 17.5 milionë euro në vit te Al-Nassr, sipas Correio da Manha.

Kjo rritje e madhe në pagë e rendit sulmuesin ndër më të paguarit në Superligën e Arabisë, pas Cristiano Ronaldos, Riyad Mahrez, Karim Benzema dhe Sadio Mane.

Marrëveshja erdhi pasi Felix hoqi dorë nga negociatat e zgjatura me Benficën, që do të kërkonin një ulje të ndjeshme në pagë për t’u rikthyer te klubi i fëmijërisë, në momentin kur mbërriti oferta luksoze nga Arabia Saudite.

Karriera e Felix pësoi një rënie të ndjeshme pas transferimit të tij 126 milionë euro nga Benfica te Atletico Madrid. Ai nuk arriti të gjejë vazhdimësi, duke dështuar të luajë si titullar te Atletico, Chelsea, Barcelona dheMilan, pavarësisht momenteve me shkëndija talenti.

Lexo po ashtu Jo vetëm Joao Felix, Al Nassr po synon një tjetër transferim të madh nga Chelsea

Benfica kishte dëshirë për ta rikthyer në shtëpi dhe vetë Felix kishte deklaruar publikisht dëshirën për këtë rikthim, por klubi portugez nuk mundi ta përballojë as çmimin që kërkonte Chelsea, e as kërkesat e tij financiare.

Në fund, fuqia financiare e Al-Nassr, së bashku me përfshirjen aktive të Cristiano Ronaldos, që thuhet se e bindi bashkëkombasin për të nënshkruar, në funksion të ndërtimit të kimisë në ekipin kombëtar përpara Kupës së Botës 2026, ndryshuan rrjedhën e negociatave./Telegrafi/

The post Kjo është paga ‘astronomike’ që e pret Joao Felixin pas kalimit të tij tek Al-Nassr appeared first on Telegrafi.

David Hancko përjetoi një nga episodet më dramatike të këtij afati kalimtar – një udhëtim i rrallë nga një marrëveshje e arritur, në përçmim të hapur, e deri te një mundësi e artë në një nga klubet më të mëdha të Evropës.

Mbrojtësi sllovak kishte arritur një marrëveshje të plotë me klubin saudit Al Nassr, ndërsa edhe Feyenoord kishte pranuar ofertën prej 40 milionë euro, që do të ishte shitja më e madhe në historinë e klubit holandez. Ai udhëtoi drejt Austrisë për t’iu bashkuar kampit stërvitor të Al Nassr, me gjithçka të përgatitur për prezantim.

Por situata mori një kthesë të çuditshme. Në vend të përshëndetjeve me shokët e rinj të skuadrës – përfshirë yllin Cristiano Ronaldo – Hancko u izolua në një hotel të veçuar dhe nuk u lejua të stërvitej apo të hynte në ambientet e skuadrës.

@NicoSchira

David Hancko is one step away to Al Nassr from Feyenoord. Agreed personal terms for a contract until 2028. pic.twitter.com/xjk2BUqNbh

— Al Nassr Zone (@TheNassrZone) June 7, 2025

Disa ditë më vonë, klubi saudit e njoftoi se nuk do ta finalizonte transferimin dhe se lojtari nuk ishte më i dëshiruar në ekip.

“E turpshme dhe e paprecedent,” e quajti këtë sjellje zëdhënësi i Feyenoord, Raymond Salomon. “Ai kishte marrëveshje të plotë me klubin, dhe ata e thirrën në kamp vetëm për t’i mbyllur derën në fytyrë. Nuk ndodh kështu në futbollin profesionist”.

Situata u bë edhe më e rëndë për Hanckon, pasi kishte liruar apartamentin në Rotterdam dhe ishte përshëndetur me shokët e skuadrës.

Por kur gjithçka dukej se po shkatërrohej, erdhi kthesa e papritur – dhe e artë.

Vetëm disa orë pas përfundimit dramatik të aventurës me Al Nassr, Atlético Madrid hyri fuqishëm në garë dhe arriti një marrëveshje me Feyenoord për transferimin e Hanckos. Tani pritet vetëm kalimi i vizitave mjekësore dhe nënshkrimi i kontratës që do ta bëjë zyrtarisht pjesë të gjigantit spanjoll.

Acuerdo con el Feyenoord para el traspaso de Dávid Hancko.

El defensa internacional eslovaco firmará su nuevo contrato una vez supere el pertinente reconocimiento médico.

https://t.co/P8Xnr9LOCF pic.twitter.com/dic3qxqb3X

— Atlético de Madrid (@Atleti) July 23, 2025

Nga një përjashtim i pazakontë në Austri, në një karrierë që rifillon në një prej ligave më të forta në botë – kjo ishte çmenduria 24-orëshe e David Hanckos, i cili është gati të shkruajë një kapitull të ri të madh në “Civitas Metropolitano” nën drejtimin e Diego Simeones. /Telegrafi/ 

The post Çmenduri 24-orëshe për David Hanckon: Al Nassr e përzë nga hoteli pasi arriti marrëveshje – kalon te gjiganti spanjoll appeared first on Telegrafi.

Sulmuesi i Akhmat Grozny, Mohamed Konate, ka ndarë emocionet e tij pasi u përball për herë të parë me Cristiano Ronaldon.

“Ai ishte shumë afër meje dhe i thashë: ‘Është e pabesueshme të luaj kundër teje!’ Ai ma preku dorën dhe më tha: ‘Paç fat në ndeshje’”, deklaroi lojtari.

Konate rrëfen se kjo përvojë ishte një moment i veçantë për të: “E kam ndjekur Ronaldon që kur isha fëmijë. Të luaja kundër tij ishte një ndjesi e mrekullueshme. As nuk doja t’i laja duart më pas. Është Ronaldo! Ishte vërtet fantastike.”

Lexo po ashtu Goditjet me kokë të Cristiano Ronaldos janë një 'kod mashtrimi': Çfarë e bën atë të kërcejë më lart se yjet e NBA-së?

Por, ai thekson se përtej famës dhe suksesit, ajo që e impresionoi më shumë ishte karakteri dhe dëshira për të fituar.

“Është një djalë kaq i thjeshtë. Ajo që më bëri më shumë përshtypje është se, edhe pse ka para dhe gjithçka tjetër, në fushë ai gjithmonë përpiqet për më shumë. Mund ta shohësh këtë në sytë e tij”, potencoi Konate.

Konate shton se sjellja e Ronaldos është një shembull për të gjithë: “Ai qorton shokët e skuadrës nëse nuk ia pasojnë saktë topin. Ky është tipi i liderit që duhet ndjekur,” përfundoi sulmuesi, i cili sezonin e kaluar ishte pjesë e Al-Riyadh. /Telegrafi/

The post Konate për ndeshjen kundër Ronaldos: Nuk doja t’i pastroja duart pas ndeshjes appeared first on Telegrafi.

Aftësia e Cristiano Ronaldos për të goditur me kokë është diçka që shpesh duket si jashtë çdo norme të zakonshme të futbollit. Kërcimi i tij nuk është thjesht i fortë – është mbinjerëzor.

Sipas të dhënave të publikuara nga burime olimpike, Ronaldo ka arritur të kërcejë deri në 2.93 metra gjatë dueleve ajrore, një shifër mbresëlënëse për një futbollist që është 1.86 metra i gjatë.

Këto statistika e krahasojnë atë me atletët më të mirë të NBA-së. Madje, sipas videove dhe analizave të shpërndara, Ronaldo mund të kërcejë më lart se lojtari mesatar i NBA-së, duke regjistruar një kërcim vertikal prej 78 cm.

Biomekanika shpjegon këtë fenomen të rrallë: Ronaldo ka një forcë shpërthyese që arrin deri në 5g (forca e gravitetit), ka këmbë të stërvitura në mënyrë elitare, kontroll të torsos dhe teknikën e përsosur për të qëndruar pezull në ajër mjaftueshëm gjatë sa për të goditur topin saktësisht kur duhet.

Trajnerët shpesh theksojnë se suksesi i tij në ajër nuk vjen vetëm nga forca, por edhe nga pozicionimi perfekt dhe koha e ekzekutimit. Masa trupore dhe koha e kërkimit janë të optimizuara për duele ajrore.

Në Euro 2016, kundër Uellsit, Ronaldo realizoi një goditje me kokë duke u ngritur në 2.61 metra, me një kërcim prej 76 cm dhe një shpejtësi goditjeje prej 71 km/h, duke qëndruar në ajër për rreth 0.85 sekonda. Ishte një ekzekutim model, sipas çdo manuali të futbollit.

Statistikat flasin vetë: një në çdo pesë gola të Ronaldos është me kokë. Ai ka një fleksibilitet të rrallë të qafës që i lejon të godasë me ballë, me anët e kokës dhe të përshtatet në çdo situatë ajrore.

Një nga golat më të famshëm të tij me kokë erdhi në dhjetor 2019, kundër Sampdorias. Ronaldo kërceu 71 cm, duke arritur një lartësi prej 2.56 metrash (8.39 feet) – më lart se traversa e portës – dhe shënoi një gol vendimtar. Mbrojtësi Nicola Murru nuk arriti as të prekë shpinën e tij. Pas ndeshjes, Claudio Ranieri, trajneri i Sampdorias, tha: “Kur kërceu, bëri diçka që e sheh vetëm në NBA… qëndroi në ajër për një orë e gjysmë.”

Pas këtij momenti, Ronaldo postoi në rrjete sociale: “CR7 AIR JORDAN!!”, duke krahasuar veten me legjendën e basketbollit.

Ky gol frymëzoi sfida virale në internet, ku njerëzit përpiqeshin të kërcejnë dhe të preknin topin në të njëjtën lartësi si Ronaldo – por shumica as që iu afruan.

Ronaldo e ka arritur këtë nivel përmes stërvitjes së palodhur. Në palestër, ai raportohet se mund të ngrejë pesëfishin e peshës së trupit të tij gjatë ushtrimeve për këmbët, rreth 250 kg, duke shpjeguar kështu fuqinë shpërthyese që e karakterizon. /Telegrafi/

The post Goditjet me kokë të Cristiano Ronaldos janë një ‘kod mashtrimi’: Çfarë e bën atë të kërcejë më lart se yjet e NBA-së? appeared first on Telegrafi.

Trajneri i sapoemëruar i Al-Nassr, Jorge Jesus, ka deklaruar se nuk do ta kishte pranuar detyrën po të mos ishte për mundësinë që të drejtonte Cristiano Ronaldon. 

Al-Nassr konfirmoi zyrtarisht emërimin e Jesus-it të hënën në mbrëmje, pas javësh spekulimesh që e lidhnin 70-vjeçarin me këtë post.  

Para largimit nga Lisbona, trajneri portugez me përvojë deklaroi se po transferohej në një vend ‘ku gjithmonë ndihet i lumtur’. 

Kjo do të jetë hera e tretë që Jesus drejton një klub në Arabinë Saudite, pasi më parë ka pasur dy periudha në krye të Al-Hilal. 

Ai zëvendëson Stefano Piolin, i cili u largua nga klubi pas një sezoni zhgënjyes, ku Al-Nassr përfundoi në vendin e tretë në kampionat dhe u eliminua në gjysmëfinale të Ligës së Kampionëve të Azisë nga Kawasaki Frontale. 

It’s official:
Mr. Jorge Jesus is the new Head Coach of @AlNassrFC

Welcome, Mister! pic.twitter.com/HdLo8PQce6

— AlNassr FC (@AlNassrFC_EN) July 14, 2025

“Pa Cristiano Ronaldon, me siguri nuk do të isha aty. Motivimi është i madh. Al-Nassr ka nevojë të fitojë tituj, njësoj si Cristiano Ronaldo, i cili gjithmonë ka fituar gjithçka në klubet ku ka luajtur”. 

“Deri tani, nuk ka fituar pothuajse asgjë me këtë klub, ndaj do të shoh nëse mund ta ndihmoj. Flasim të njëjtën gjuhë, jemi portugezë”, deklaroi Jesus. 

Jesus ishte përfolur edhe për postin e trajnerit të përfaqësueses së Brazilit përpara se Carlo Ancelotti të zyrtarizohej në maj.  

Ai ishte i lirë pas shkarkimit nga Al-Hilal, rivalët direktë të Al-Nassr në kampionatin arab./Telegrafi/

The post “Pa Ronaldon, nuk do të isha këtu”, Jorge Jesus flet pasi u emërua trajner i Al Nassr appeared first on Telegrafi.

E ardhmja e Antonio Rudiger te Real Madrid duket më e pasigurt se kurrë. Qendërmbrojtësi gjerman, i cili mbërriti në Santiago Bernabeu me një reputacion si një lider mbrojtës, ka treguar një mungesë shqetësuese soliditeti në muajt e fundit.

Pjesëmarrja e tij në Kupën e Botës për Klube ngriti shumë pyetje, me gabime të rënda që kanë ndezur kambanat e alarmit midis drejtuesve të Real Madridit, të cilët tani po e konsiderojnë seriozisht forcimin e mbrojtjes së tyre në afatin kalimtar të transferimeve.

Zyrat e klubit besojnë se linja mbrojtëse ka nevojë për ripërtëritje urgjente nëse skuadra dëshiron të vazhdojë të garojë në nivelin më të lartë, si në Evropë ashtu edhe në nivel vendas.

Performanca dikur e shquar e mbrojtësit gjerman i ka lënë vendin pasigurive dhe gabimeve të papërshtatshme për një lojtar me përvojën e tij. Kjo rënie i ka hapur derën largimit të tij të mundshëm në verë dhe fati i tij po fillon të marrë terren me çdo ditë që kalon.

Sipas mediumit Fichajes, Al Nassr, gjithmonë i vëmendshëm ndaj mundësive të tregut, ka treguar interes të qartë dhe të vendosur për të siguruar shërbimet e tij. Klubi saudit, i cili tashmë krenohet me lojtarë të njohur, e sheh Rudiger si një aset të provuar për të vazhduar forcimin e projektit të tij ambicioz.

Bisedimet janë ende në një fazë paraprake, por klubi nga Riadi është i gatshëm të bëjë një ofertë tërheqëse si për lojtarin ashtu edhe për Real Madridin.

Vetë lojtari po e shqyrton seriozisht një ndryshim të situatës, i vetëdijshëm se roli i tij në klubin Merengues mund të zvogëlohet nëse mbërrijnë përforcime të reja.

Arabia Saudite ofron një mjedis konkurrues të ndryshëm dhe, mbi të gjitha, stabilitet kontraktual, i cili mund të jetë vendimtar në vendimin e tij përfundimtar. Gjithçka është e hapur, por koha e tij në Bernabeu mund të jetë afër fundit. /Telegrafi/

The post Ylli i madh i Real Madridit mund të përfundojë në Arabi Saudite këtë verë appeared first on Telegrafi.

Al Ahli i është rikthyer sërish pistës së Lionel Messit, duke treguar interes për futbollistin argjentinas.

Skuadra arabe ka nisur komunikimet me drejtuesit e Inter Majemit, ku u ka bërë të ditur kërkesën për Mesin.

38-vjeçar, Lionel Messi mbetet një lider i vërtetë dhe një futbollist i jashtëzakonshëm, i cili bën diferencën në fushë – diçka që e konfirmon nga ndeshja në ndeshje me Inter Miamin.

Argjentinasi është ende ëndrra e shumë skuadrave, sidomos atyre në Arabinë Saudite, ku Al Ahli nuk heq dorë.

Gjërat duket se janë serioze, pasi klubi ka nisur tratativat me Inter Miamin dhe i ka bërë të ditur se dëshiron me çdo kusht sulmuesin.

Mosha nuk i tremb aspak, veçanërisht në një situatë ku Ronaldo, 40-vjeçar, luan si titullar i padiskutueshëm me Al Nassr.

Ideja e Al Ahli është që, duke filluar nga janari i vitit 2026, Messi të jetë pjesë e skuadrës. Kjo do të rikthente duelët legjendarë Messi-Ronaldo, një dyshe që ka shkruar historinë.

Kushtet për futbollistin nuk janë aspak të papërballueshme për Al Ahli, pasi gjithçka i është vënë në dispozicion Mesin, madje edhe aspekti ekonomik me Inter Miamin mund të arrihet.

Ajo që mbetet në diskutim është vetë mendimi i Messit, pasi ai e refuzoi kalimin tek Al Ahli dy vite më parë, madje me një rrogë të jashtëzakonshme që do ta bënte futbollistin më të paguar në histori.

Tifozët janë emocionuar sërish, pasi do të ishte spektakolar një tjetër rikthim i duelit Messi-Ronaldo.

LEXONI GJITHASHTU:

• Fazë interesante në Kupën e Botës: PSG dërgon në shtëpi Messin, e pret Bayerni
• Fanella me numrin 10 e Messit, dhurata speciale e Barcelonës për 18-vjetorin e Yamal

The post Al Ahli kërkon Messin, dueli legjendar me Ronaldon mund të vijojë në Arabinë Saudite appeared first on Euronews Albania.

Gjiganti arab, Al-Nassr, janë të vendosur ta transferojnë Rodrygon, ndërsa kërkojnë të shtojnë mbështetje për Cristiano Ronaldon në repartin ofensiv. 

Skuadra saudite raportohet se është gati t’i ofrojë brazilianit një ‘çek të bardhë’, dhe tashmë ka kontaktuar me përfaqësuesit e lojtarit. 

Megjithatë, 25-vjeçari e preferon më shumë një kalim në Ligën Premier, sesa një transferim drejt Lindjes së Mesme. 

Sipas Sky Sports, Al-Nassr i është bashkuar Arsenalit në garën për të siguruar shërbimet e Rodrygos këtë verë. 

Al-Nassr ka një buxhet të pakufizuar për afatin kalimtar dhe e kanë identifikuar yllin e Real Madridit si objektivin kryesor, me rekomandimin e vetë Ronaldos. 

Ata tashmë kanë kontaktuar me përfaqësuesit e lojtarit dhe po punojnë intensivisht për ta bindur që të transferohet në Arabinë Saudite. 

Raporti shton se, edhe pse oferta nga Al-Nassr pritet të jetë shumë e lartë, ylli brazilian do të preferonte një lëvizje drejt Anglisë, nëse vendos të largohet nga Madridi. 

Rodrygo është fuqishëm i lidhur me një transferim te Arsenali, të cilët janë në kërkim të përforcimeve cilësore në sulm. 

Sipas Diario AS, Arsenali është në avantazh për të firmosur me sulmuesin këtë verë, megjithëse pritet që Real Madridi të kërkojë një shumë rreth 90 milionë euro për kartonin e tij./Telegrafi/

The post Al-Nassr po përgatitet të bëjë ofertë për transferimin e top yllit të Real Madridit appeared first on Telegrafi.

Sulmuesi kolumbian Jhon Duran është transferuar te Fenerbahçe nga Al-Nassr në formë huazimi, ku pritet të luajë nën urdhrat e Jose Mourinhos.

21-vjeçari iu bashkua Al-Nassr në janar nga Aston Villa për 77 milionë euro, duke ndarë dhomën e zhveshjes me Cristiano Ronaldon.

Megjithëse Duran realizoi 12 gola në 18 paraqitje, Al-Nassr nuk arriti të fitonte titullin dhe sulmuesi vendosi të rikthehej në futbollin evropian.

Kontrata e tij me klubin saudit është e vlefshme deri në vitin 2030, por oferta nga Mourinho dhe ambicia e Fenerbahçes e bindën kolumbianin të pranojë këtë aventurë të re.

Sipas mediave britanike, qëndrimi i tij në Arabinë Saudite i solli mbi 8 milionë euro, pesëfish më shumë se sa do të kishte përfituar në Ligën Premier për të njëjtën periudhë.

Karriera e Duranit nisi në MLS me Chicago Fire, ku spikati me 8 gola në 27 ndeshje, për të kaluar më pas në Aston Villa në vitin 2023.

Lexo po ashtu Ylli që i kushtoi Al Nassr 77 milionë euro nuk do të jetojë në Arabi – ai çdo ditë do të shkojnë në stërvitje me avion

Sot, ai vjen si një lider i mundshëm i sulmit të Fenerbahçes dhe si një aset i vlefshëm për Mourinhon./Telegrafi/ 

The post Jhon Duran bëri pasuri të madhe për gjashtë muaj në Arabinë Saudite – tani po zhvendoset në Turqi te Jose Mourinho appeared first on Telegrafi.