Presidenti i Federatës Kamerunase të Futbollit, Samuel Eto’o, ndodhet në qendër të një stuhie ligjore, pasi përballet me akuza për korrupsion dhe mashtrim elektoral. 

Një koalicion zyrtarësh të futbollit kamerunas, i udhëhequr nga avokati ndërkombëtar Emmanuel Nsahlai, ka ndërmarrë një sërë veprimesh ligjore si në nivel kombëtar ashtu edhe ndërkombëtar kundër presidencës së Eto’os në krye të Federatës së Futbollit të Kamerunit. 

Ankesat e paraqitura pretendojnë ekzistencën e korrupsionit të përhapur, mashtrimit elektoral dhe konflikteve të interesit, duke hedhur një hije të rëndë mbi karrierën e tij administrative dhe duke vënë në rrezik integritetin e futbollit kamerunas. 

Kjo betejë ligjore nuk synon të njollosë trashëgiminë e ish-yllit të fushës, pasi avokati Nsahlai theksoi se karriera e Eto’os si futbollist është “e paprekshme”. 

Përkundrazi, qëllimi është të adresohen problemet e thella të qeverisjes brenda Federatës. Ankesat paraqesin një tablo shqetësuese të një administrate të përfshirë në çështje serioze etike. 

Kjo përfshin edhe një dënim të mëparshëm me 22 muaj burg me kusht në Spanjë për evazion fiskal në vitin 2022, një pezullim gjashtëmujor nga ndjekja e ndeshjeve i vendosur nga FIFA për sjellje të pahijshme, si dhe një hetim të fundit nga autoritetet amerikane për mashtrim financiar lidhur me fonde të zhdukura. 

Lista e akuzave ndaj Eto’os është e gjatë. Ai akuzohet për korrupsion dhe trukim ndeshjesh në ligën e dytë të Kamerunit, konflikt interesi me kompaninë e basteve 1xBet, si dhe për përvetësim të pretenduar të rreth 1.5 milionë dollarëve nga ndeshje miqësore ndërkombëtare. 

Ankesat gjithashtu theksojnë shtypjen e mendimeve kundërshtuese, duke përmendur pezullimin e diskutueshëm 10-vjeçar të drejtorit Guibai Gatama, një kundërshtar i zëshëm i Eto’os./Telegrafi/

The post Ish-ylli i Barcelonës përballet me akuza të rënda për korrupsion dhe mashtrim zgjedhor appeared first on Telegrafi.

Manchester United kanë arritur një marrëveshje në parim për shitjen e Antony tek klubi spanjoll Real Betis, por transferimi është në dyshim për shkak të tensioneve mbi mënyrën e zgjidhjes së reduktimit shumë milionësh të pagës që do të përballet sulmuesi brazilian duke lënë Old Trafford. 

Antony pati një periudhë të suksesshme huazimi te Betis në gjysmën e dytë të sezonit të kaluar, pas një periudhe të vështirë në Manchester United, ku ra në hije pas ardhjes në gusht 2023, në një marrëveshje ku United pranoi të paguante Ajaxin një shumë të garantuar prej 95 milionë eurosh, plus potencialisht 5 milionë euro të tjera si bonuse. 

Betis ka kërkuar ta rikthejë Antony në Spanjë gjatë gjithë verës, dhe çështjet po afrohen drejt një përfundimi. 

Burime nga Anglia dhe Spanja kanë treguar për The Athletic se është arritur një marrëveshje për një transferim të përhershëm. 

Sources in both England and Spain have indicated to The Athletic that a fee has been agreed for a permanent deal. The fee is €25m (£21.6m), with an additional €3m in potential bonuses. The deal will also include a 50 per cent sell on clause for United, who hope they will… pic.twitter.com/TEy5j6UOxQ

— The Athletic | Football (@TheAthleticFC) August 29, 2025

Shuma e marrëveshjes është 25 milionë euro, me 3 milionë euro shtesë në bonuse potenciale. Marrëveshja do të përfshijë edhe një klauzolë për fitimin e ardhshëm për United, të cilët shpresojnë të përfitojnë nëse Antony rikthen formën e tij më të mirë. 

Kjo klauzolë parashikon që United do të marrë 50 për qind të fitimit që Betis do të marrë në një transferim të ardhshëm. 

Sipas saj fitimi fillon vetëm kur shuma e transferimit tejkalon 25 milionë eurot që Betis do të paguajë tani. 

Për shembull, nëse Barcelona blen Antonyn nga Betisi për 40 milionë euro pas dy vjetësh, United do të marrë 7.5 milionë euro, gjysmë e fitimit mbi shumën prej 25 milionë eurosh që Betis ka paguar./Telegrafi/

The post Man Utd pranon ofertën e Real Betisit për shitjen përfundimtare të Antony appeared first on Telegrafi.

Thomas Tuchel ka konfirmuar se i ka kërkuar falje yllit të Real Madridit, Jude Bellingham, pas një komenti që kishte bërë për të në një intervistë. 

Tuchel, aktualisht përzgjedhës i Anglisë, shpalli listën më të fundit të lojtarëve për përballjet e ardhshme të “Tre Luanëve” në kuadër të kualifikueseve për Botërorin 2026. 

Anglia do të luajë fillimisht ndaj Andorrës më 6 shtator në Villa Park, përpara një sfide të vështirë në transfertë kundër Serbisë më 9 shtator. 

Bellingham është jashtë liste për këto ndeshje, pasi ka kryer një operacion në shpatull pas Kupës së Botës për Klube në korrik dhe pritet të rikthehet në tetor për Real Madridin dhe Anglinë. 

Në kuadër të publikimit të listës, Tuchel u pyet edhe për një koment që kishte bërë më herët për sjelljen në fushë të Bellinghamit. Në një intervistë për Talksport, Tuchel kishte deklaruar: 

“Nëse ai [Bellingham] buzëqesh, fiton zemrat e të gjithëve. Por ndonjëherë e sheh atë zemërim, atë uri dhe zjarr brenda tij që mund të duket paksa neveritës, për shembull për nënën time kur e shikon në televizor”. 

Lexo po ashtu Jude Bellingham zbulon shenjën shokuese në shpatull pasi ylli i Real Madridit iu nënshtrua operacionit

Pas reagimeve të shumta, Tuchel ka kërkuar falje publikisht dhe ka treguar se ka kontaktuar menjëherë me Bellingham për të shpjeguar veten. 

“Sigurisht, kam kontaktuar menjëherë me të. E përdora atë fjalë pa e menduar mirë, për ta bërë shumë të qartë. Nuk kishte ndonjë mesazh të fshehtë apo ndonjë qëllim të keq”. 

“E kuptoj plotësisht dhe e marr përgjegjësinë për titujt që u krijuan. Më vjen keq për shqetësimin dhe për bujën që shkaktova”, ka thënë Tuchel./Telegrafi/

The post Tuchel i kërkon falje publike Bellinghamit pas ‘fjalorit fyes’ që përdori ndaj tij appeared first on Telegrafi.

Barcelona vazhdon të përballet me kufirin e pagave në përpjekje për të regjistruar lojtarë, ndërkohë që gjiganti europian kërkon të arrijë marrëveshje të favorshme për disa anëtarë të skuadrës. 

Pas interesimit të Chelsea për Fermin Lopez, mbrojtësi Andreas Christensen mund të jetë objektivi i radhës për një tjetër klub të madh. 

Mbrojtësi danez ka edhe vetëm një vit kontratë me Barcelonën dhe deri më tani ka refuzuar çdo ide për largim nga “Camp Nou”. 

Barcelona, nga ana tjetër, lejoj largimin e Inigo Martinez me parametër zero më herët gjatë merkatos për të lehtësuar presionin mbi kufirin e pagave. 

Sipas gazetarit Pietro Balzano, Milan po shqyrton mundësinë për të bërë një ofertë të vonshme për Christensen. 

Pavarësisht problemeve me lëndimet, Christensen ka paraqitje të qëndrueshme në nivele të larta dhe shihet si një opsion me kosto të reduktuar për mbrojtjen e Milanit, duke sjellë me vete edhe përvojë ndërkombëtare. 

Lexo po ashtu Ylli i Barcelonës i kërkon leje klubit për të negociuar transferimin tek Chelsea

Ende nuk është e qartë nëse Barcelona është e gatshme të negociojë me Milanin për mbrojtësin danez. 

Megjithëse blaugranasit kanë ende në dispozicion pesë qendërmbrojtës, Eric Garcia, Jules Kounde, Pau Cubarsi dhe Ronald Araujo, dy të parët pritet të luajnë si mbrojtës të djathtë këtë sezon. 

Largimi i Martinez mund të jetë lëvizja që i hap rrugën drejtorit sportiv Deco për të realizuar shitjen e njërit prej mbrojtësve, ku Christensen duket kandidati më i mundshëm./Telegrafi/

The post Gjiganti italian po shqyrton mundësinë e transferimit të Christensen appeared first on Telegrafi.

Bayern thuhet se është i interesuar të nënshkruajë me Tyrique George për të forcuar sulmin e tyre, por ka një problem nëse përpiqen të realizojnë këtë marrëveshje. 

Klubi i Bundesligës është gjithashtu i interesuar për Nicolas Jackson të Chelsea dhe po kërkon një huazim për senegalezin. 

Chelsea mund të huazojë vetëm një lojtar tjetër, ndaj sipas Sky Sport, Bayern do të duhet të blejë George në mënyrë definitive. 

Klubi gjerman ka negociuar tashmë kushtet personale me përfaqësuesit e Jacksonit. 

Lexo po ashtu Te Bayerni e duan transferimin e Nicolas Jackson, por Chelsea ka një kusht

George konsiderohet si një nga talentet më premtuese të Chelseat dhe po ndiqet nga shumë klube. Romaështë ekipi më i interesuar dhe e ka bërë atë objektivin kryesor pasi ka hequr dorë nga Jadon Sancho. 

Chelsea raportohet se ka ulur çmimin për George dhe është i gatshëm ta shesë atë për 23 milionë euro plus një klauzolë prej 30 për qind nga shitjet e ardhshme. 

RB Leipzig po përshpejton gjithashtu bisedimet pas kalimi të Xavi Simons tek Tottenham. 

Pas dy viteve në ‘Stamford Bridge’, karrierës së Jacksonit me Chelsean duket se po i afrohet fundit. Agjenti i tij e konfirmoi këtë në një deklaratë, duke thënë se ka shumë oferta nga Gjermania, Anglia dhe Italia. 

Ai shtoi gjithashtu se opsionet janë të shumta, vendimi është i afërt. Megjithatë, çmimi i lartë prej 80 milionë eurosh nga Chelsea ka larguar shpresat e shumë klubeve, me vetëm Bayernin që shpreson të realizojë një huazim./Telegrafi/

The post Jo vetëm Jackson, Bayern Munich po synon edhe një tjetër yll të Chelseat appeared first on Telegrafi.

Shtëpia e Bardhë deklaron se Donald Trump i ka kërkuar Kongresit Amerikan të miratojë një shkurtim shtesë prej 4.9 miliardë dollarësh për ndihmën ndërkombëtare, një veprim që rrit ndjeshëm shanset për një mbyllje federale në fund të shtatorit.

Shkurtimet “përfshijnë programe në Departamentin e Shtetit, si dhe Agjencinë e Kombeve të Bashkuara për Zhvillim Ndërkombëtar dhe programet e ndihmës ndërkombëtare”, thuhej në letrën drejtuar kryetarit republikan të Dhomës së Përfaqësuesve dhe të publikuar nga Zyra e Buxhetit të Shtëpisë së Bardhë.

Presidenti Trump “gjithmonë do ta vërë Amerikën në vend të parë”, shkruante zyra në letër.

Demokratët kishin njoftuar së fundmi se çdo qëllim nga ana e presidentit amerikan për të anuluar fondet e miratuara tashmë nga Kongresi do të shkatërronte çdo mundësi për të negociuar me ta në mënyrë që të shmangej mundësia e paralizës fiskale, e ashtuquajtura “mbyllje”, pas 30 shtatorit.

Sipas New York Post, e cila zbuloi këtë informacion mbrëmë, shumica dërrmuese e shkurtimeve, 3.2 miliardë dollarë, kanë të bëjnë me fonde për Agjencinë Amerikane për Zhvillim Ndërkombëtar (USAID).

Donald Trump ka pezulluar tashmë miliarda dollarë fonde për ndihmë ndërkombëtare që nga kthimi në Shtëpinë e Bardhë dhe ka shpërbërë zyrtarisht USAID-in, i cili tani është nën Departamentin e Shtetit.

The post Trump kërkon shkurtimin e rreth 5 miliardë dollarëve ndihma ndërkombëtare appeared first on Albeu.com.

Sot (e premte) në Monaco është hedhur shorti për fazën e ligës së edicionin 2025/26 në Ligën e Konferencës, ku marrin pjesë edhe dy klubet shqiptare, Drita nga Kosova dhe Shkëndija nga Maqedonia e Veritur.

Pas shortit të Ligës së Kampionëve, i cili u mbajt të enjten mbrëma dhe ekipet mësuan kundërshtarët, sot radha është për Ligën e Evropës dhe Ligën e Konferencës.

Gara e dytë për klube në Evropë, Liga e Evropës, e hedhi shortin nga ora 13:00, ku ekipe si Roma, Porto, Feyenoordi, Lille, Aston Villa, Fenerbahce, Lyon, Basel, Nottingham Forest, Stuttgart dhe Bologna mësuan kundërshtarët.

Lexo po ashtu Hidhet shorti në Ligën e Evropës, ekipet e mëdha mësojnë kundërshtarët

Tani radha është për shortin e Ligës së Konferencës, ku marrin pjesë edhe klubet shqiptar, Drita dhe Shkëndija, të cilat janë në pritje të mësojnë kundërshtarët.

Nga klubet e mëdha që marrin pjesë në Ligën e Konferencës janë: Fiorentina, AZ Alkmaar, Shakhtar Donetsk, Legia, Sparta Praga, Dynamo Kyiv, Crystal Palace, Mainz, AEK dhe Rijeka.

Kundërshtarët e Dritës: AZ Alkmaar, Rayo Vallecano, Omonia, KuPS Kuopio, Shkëndija, Shelbourne

Kundërshtarët e Shkëndijës: Slovan Bratislava, Rayo Vallecano, Jagellonia, Drita, Shelbourne, AEK Larnaca

Drita do të luajë në shtëpi ndaj AZ Alkmaar, Omonia dhe Shkëndijë, teksa në udhëtim te Rayo Vallecano, KupS Kuopio dhe Shelbeour.

Në anën tjetër, Shkëndija e pret Slovan Bratislavën, Jagiellonia dhe Shelbourne, teksa udhëton te Rayo Vallecano, Drita dhe AEK Larnaca.

Ekipet dhe kundërshtarët e vazos 1

Ekipet dhe kundërshtarët e vazos 2

Ekipet dhe kundërshtarët e vazos 3

Ekipet dhe kundërshtarët e vazos 4

Ekipet dhe kundërshtarët e vazos 5

Ekipet dhe kundërshtarët e vazos 6

/Telegrafi/ 

The post Shorti në Ligën e Konferencës, Drita dhe Shkëndija mësojnë kundërshtarët appeared first on Telegrafi.

Sezoni 2025/26 pritet të sjellë emocione të mëdha, dramë dhe spektakël në fushë.

Inteligjenca artificiale ka analizuar formën e skuadrave, afrimet e reja, taktikat dhe gjendjen aktuale për të parashikuar se kush do të fitojë ligat më të mëdha, garat evropiane dhe çmimet individuale.

Fituesit e ligave kryesore

Premier League – Liverpool

Liverpool, nën drejtimin e Arne Slot, shihet si favorit për të marrë fronin në Angli.

Blerjet e reja kanë balancuar fuqinë sulmuese me stabilitetin në mbrojtje, ndërsa eksperienca në ndeshjet e mëdha u jep avantazh ndaj Manchester Cityt dhe Arsenalit.

La Liga – Real Madrid

Me Xabi Alonson në stol, Real Madrid ka ndërtuar një skuadër të balancuar mes përvojës dhe përforcimeve të reja.

Fleksibiliteti taktik dhe aftësia për të fituar ndeshje vendimtare i bëjnë favoritë ndaj Barcelonës dhe Atleticos për titullin në Spanjë.

Serie A – Napoli

Kampionët në fuqi kanë shtuar emra të mëdhenj, mes tyre edhe Kevin De Bruyne.

Disiplina taktike dhe efikasiteti në sulm i japin Napolit një hap përpara rivalëve Juventus, Inter e Milan, duke i bërë favoritë për të mbrojtur Scudetton.

Bundesliga – Bayern Munich

Pas 12 titujve në 13 vitet e fundit, Bayern mbetet skuadra për t’u mposhtur në Gjermani.

Me Luis Diaz që forcon sulmin dhe Vincent Kompany që sjell stabilitet taktik, bavarezët janë favoritë, megjithëse Dortmund, Leipzig dhe Leverkusen pritet të sfidojnë.

Ligue 1 – Paris Saint-Germain

Pas një sezoni historik me katër trofe, PSG e Luis Enriques mbetet dominues në Francë.

Thellësia e skuadrës dhe ekuilibri mes repartit mbrojtës e atij ofensiv i japin avantazh të madh ndaj Monacos, Marseilles dhe Lyonit.

Fituesit e garave evropiane

Liga e Kampionëve – Paris Saint-Germain

Pas suksesit të sezonit të kaluar, PSG synon të bëhet skuadra që e mbron titullin.

Cilësia e lojtarëve, përvoja dhe disiplina taktike i vendosin ata favoritë, megjithëse Liverpooli, Real Madridi dhe Bayerni do të jenë pengesa të vështira.

Liga e Evropës – Roma

Skuadra italiane ka treguar vazhdimësi në Evropë dhe shikohet si një nga favoritët për trofeun.

Përvoja dhe forca taktike i japin mundësi reale për ta ngritur kupën në Stamboll.

Liga e Konferencës – Fiorentina

Pas dy finaleve të humbura radhazi, Fiorentina kërkon më në fund trofeun.

Me më shumë përvojë dhe një skuadër të ekuilibruar, “Viola” shihet si favorit për ta fituar Ligën e Konferencës.

Çmimet individuale

Këpuca e Artë – Erling Haaland (Manchester City)

Makina norvegjeze e golave mbetet favorit absolut për të kryesuar listën e golashënuesve në Evropë.

Me një ekip ofensiv dhe një trajner si Guardiola, Haaland ka të gjitha kushtet për të thyer rekorde.

Topi i Artë – Ousmane Dembele (PSG)

Francezi është vendimtar në sukseset e PSG-së, si në kampionat ashtu edhe në Evropë.

Me gola, asiste dhe paraqitje konstante në ndeshjet e mëdha, Dembele shihet si kandidati kryesor për të fituar Topin e Artë 2026. /Telegrafi/

The post Kush do ta dominojë sezonin 2025-26, parashikon Inteligjenca Artificiale appeared first on Telegrafi.

Manchester Unitedi kohëve të fundit ka marrë një ofertë të madhe nga Al Ittihad për Bruno Fernandes në shumën prej afërsisht 116 milionë eurosh, sipas një numri mediash angleze. Kjo nuk është hera e parë këtë verë që një ofertë e këtij niveli është marrë për kapitenin e United nga Arabia Saudite.

Al Hilal ishte përpjekur më parë të nënshkruante me portugezin me një kontratë të madhe me vlerë rreth 50 milionë euro në vit, por kapiteni aktual vendosi të qëndronte në klub.

Trajneri Ruben Amorim e donte atë si fytyrën e projektit të tij te United. Pas kësaj, Fernandes shkoi me ekipin në SHBA për stërvitje dhe përgatitje për sezonin e ri.

Manchester United make shock Bruno Fernandes transfer decision after £100m Al-Ittihad bid.

Read more https://t.co/LD4lr0n5mL

— Transfer News Live (@DeadlineDayLive) August 26, 2025

Fillimi i sezonit nuk shkoi sipas planit. United mori vetëm një pikë nga dy raundet e para të Ligës Premier, dhe një stuhi shtesë u shkaktua nga penalltia e humbur e Fernandes kundër Fulham, pikërisht kur u shfaqën raportime të reja për një transferim të mundshëm.

Al Ittihad thuhet se ka dërguar një ofertë të re. United ende nuk e ka pranuar atë dhe ia ka lënë vendimin lojtarit. Nëse Fernandes dëshiron të largohet, klubi nuk do t’i qëndrojë pengesë.

Ditët në vijim do të jenë vendimtare pasi mesfushori duhet të marrë një vendim përfundimtar. Ky mund të jetë largimi më i madh në historinë e United, pasi rekordi aktual mbahet nga shitja e Cristiano Ronaldos te Real Madrid për 94 milionë euro.

Fernandes mbërriti te United më shumë se pesë vjet më parë nga Sporting Lisbona për 65 milionë euro. Ai i justifikoi paratë e investuara dhe që atëherë regjistroi 98 gola dhe 86 asistime, por niveli i të gjithë ekipit nuk i ndiqte performancat e tij individuale. Te United, ai fitoi Kupën e Ligës dhe Kupën FA. /Telegrafi/

The post Man Utd pritet të bëjë shitjen më të madhe në historinë e klubit, vendimi varet nga Bruno Fernandes appeared first on Telegrafi.

Real Madridi thuhet se po e vëzhgon nga afër 16-vjeçarin meksikan Gilberto Mora, i cili ka lënë mbresa si për Tijuanën ashtu edhe për ekipin kombëtar.

Që nga debutimi i tij si profesionist në vitin 2024, Mora është vendosur si një lojtar kyç për Los Xolos dhe është thirrur në ekipin kombëtar meksikan, duke shkëlqyer në raundet eliminatore të Kupës së Artë CONCACAF të kësaj vere.

Sipas raportimeve te gazetarit Ike Carrera, performancat e tij kanë tërhequr vëmendjen e klubeve në të gjithë Evropën, me Real Madridin që thuhet se është ndër ata që po ndjekin zhvillimin e tij.

Real Madridi, i njohur për afrimin e talenteve të rinj si Vinicius Jr, Endrick dhe Federico Valverde, raportohet se po ndjek me kujdes zhvillimin e Morës.

Megjithatë, çdo lëvizje zyrtare mund të ndodhë vetëm pas janarit 2027, kur ai të mbushë 18 vjeç.

I quajtur “Pedri meksikan”, Mora ka qenë në formë të shkëlqyer këtë sezon, duke shënuar tre gola në dy ndeshjet e fundit, përfshirë një dy golësh ndaj Chivas.

Ai gjithashtu bëri paraqitje të mirë në një ndeshje të Kupës së Ligës kundër LA Galaxy, pavarësisht humbjes 5-2.

Nëse transferimi realizohet, Mora do të bëhej një nga pak lojtarët meksikanë që kanë veshur fanellën e Real Madridit, duke ndjekur gjurmët e legjendave si Hugo Sanchez dhe Javier Hernandez. /Telegrafi/

The post Real Madridi monitoron talentin e madh meksikan appeared first on Telegrafi.

Real Madrid po përballet me një lëvizje të mundshme të papritur në ditët e fundit të afatit kalimtar. 

Largimi i mundshëm i Dani Ceballos ka bërë që trajneri Xabi Alonso dhe drejtuesit e klubit të nisin punën për të gjetur një zëvendësues të tij në momentet e fundit të afatit kalimtar. 

Ceballos është i interesuar të largohet nga Real Madrid për një rol më të madh në fushë, dhe aktualisht ka arritur një marrëveshje personale me Olympique Marseille, megjithatë “Los Blancos” ende nuk kanë dhënë miratimin për largimin e tij.  

Alonso ka kërkuar që klubi të sigurojë një zëvendësim nëse Ceballos largohet. 

Sipas Diario AS, lojtari që pëlqehet më shumë nga Real Madrid për të zëvendësuar Ceballos është mesfushori i Crystal Palace, Adam Wharton.  

Pengesa kryesore është çmimi i tij, klubi anglez kërkon minimalisht 80 milionë euro për të, një shumë që mbetet jashtë mundësive të Real Madridit edhe nëse Ceballos shitet për 15 milionë euro. 

Një alternativë më e përballueshme është talenti holandez Kees Smit i AZ Alkmaar, i cili ka shkëlqyer me përfaqësuesen U19 të Holandës në Euro 2024, ku fitoi edhe finalen ndaj Spanjës.  

Ai vlerësohet rreth 25-30 milionë euro dhe është nën vëzhgim të rregullt nga skautët e Real Madridit. 

Nëse nuk vjen asnjë përforcim, atëherë Alonso mund të mbështetet te produkti i akademisë Thiago Pitarch.  

18-vjeçari e ka rinovuar së fundmi kontratën dhe ka lënë përshtypje pozitive gjatë përgatitjeve parasezonale. Ai është përfshirë në skuadrën e parë për dy ndeshjet e para të kampionatit./Telegrafi/

The post Tre opsionet e Real Madridit për ta zëvendësuar Ceballos në rast largimi appeared first on Telegrafi.

Arsenali ka rifilluar bisedimet me Porton për të ardhmen e mbrojtësit polak Jakub Kiwior, teksa gjigantët portugezë po shtyjnë për ta mbyllur marrëveshjen përpara përfundimit të afatit kalimtar. 

25-vjeçari ka humbur terren në hierarkinë e trajnerit Mikel Arteta pas ardhjes së Cristhian Mosquera, dhe tani po konsideron një largim për të siguruar më shumë minuta në fushë. 

Sipas O Jogo, Porto i është drejtuar Arsenalit me një propozim për huazimin e Kiwiorit me detyrim blerjeje në fund të sezonit. 

Arsenali e vlerëson mbrojtësin e qendrës me një çmim rreth 30 milionë euro, dhe është i hapur për ta lënë të largohet nëse kërkesat financiare plotësohen. 

Crystal Palace gjithashtu po ndjek nga afër situatën, por aktualisht Porto është favorite për të siguruar shërbimet e lojtarit. 

Që prej transferimit të tij nga Spezia, Kiwior ka pasur vështirësi për të siguruar vend titullari në “Emirates”, duke qenë pas emrave si William Saliba, Gabriel dhe tani edhe Mosquera. Me Arsenalin që synon trofe në Angli dhe Evropë, Arteta po kërkon stabilitet në repartin mbrojtës  dhe Kiëior shihet si një alternativë e tepërt. 

Një lëvizje drejt Portos mund të ringjallë karrierën e tij, duke i ofruar jo vetëm më shumë hapësira, por edhe mundësinë për të luajtur në Ligën e Kampionëve si titullar. 

Mediat portugeze raportojnë se Porto e sheh Kiwiorin si një “përforcim të rëndësishëm”, që do t’i shtonte cilësi dhe thellësi prapavijës së skuadrës. 

Kiëior ishte një lojtar i papërdorur në fitoren 5-0 të Arsenalit ndaj Leeds, gjë që e thekson edhe më shumë rolin e tij dytësor në skuadër. 

Gazetari i njohur Fabrizio Romano gjithashtu ka konfirmuar se bisedimet vazhdojnë, ndërsa këtë javë pritet një ofertë e re nga Porto./Telegrafi/

The post Pas disa transferimeve, Arsenali po negocion me Porton për shitjen e yllit të skuadrës appeared first on Telegrafi.

Klubi brazilian Santos ka njoftuar Federatën Braziliane të Futbollit (CBF) se Neymar ka pësuar lëdim në kofshë, sipas informacioneve të publikuara nga ge.globo. 

Ylli me numrin 10 thuhet se ka ndier dhimbje gjatë një aktiviteti të zhvilluar të enjten dhe pas ekzaminimeve mjekësore, dëmtimi është konfirmuar. 

 Si rezultat, rikthimi i tij në kombëtaren braziliane mund të mos ndodhë, siç ishte parashikuar. 

Përzgjedhësi i Brazilit, Carlo Ancelotti, do të shpallë listën e lojtarëve për ndeshjet e fundit kualifikuese të Kupës së Botës 2026 të hënën e ardhshme, dhe prania e Neymar në listë do të vlerësohet në varësi të gjendjes fizike. 

Neymar pritet të rikthehet te Santos më 31 gusht, në ndeshjen ndaj Fluminense që do të luhet në Vila Belmiro, në kuadër të Brasileiraos.  

Ai tashmë ka nisur trajtim mjekësor, por sipas burimeve, nuk pritet të marrë pjesë në stërvitjet e para të javës së ardhshme, për shkak të dëmtimit./Telegrafi/

The post Fat i keq për Neymar, lëndohet dhe rrezikon të mos grumbullohet me Brazilin appeared first on Telegrafi.

Carlo Ancelotti nuk pritet t’i përfshijë asnjë nga lojtarët e Real Madridit në listën e tij për kombëtaren e Brazilit për ndeshjet kualifikuese të Kupës së Botës 2026 që zhvillohen në shtator. 

Sipas raportimeve të TNT Sports Brasil, vendimi i ish-trajnerit të Real Madridit bazohet në një sërë faktorësh, ndërsa zyrtarizimi i listës pritet në ditët në vijim. 

Vinicius Junior do të mungojë në përballjen ndaj Kilisë që zhvillohet më 4 shtator në Rio de Janeiro, dhe Ancelotti ka vendosur ta lërë atë plotësisht jashtë listës, duke marrë parasysh se kualifikimi tashmë është siguruar. 

Ky vendim përjashtues do të mirëpritet nga trajneri i Real Madridit, Xabi Alonso, pasi i jep mundësinë lojtarit të ketë një periudhë pushimi të nevojshme.  

Sezoni përgatitor i Real Madridit ka qenë i ngjeshur për shkak të pjesëmarrjes në gjysmëfinalet e Kupës së Botës për Klube në muajin korrik, dhe Alonso ende po përpiqet të menaxhojë ngarkesën e lojtarëve. 

Rodrygo ishte lënë jashtë edhe për dy ndeshjet e muajit qershor, që përbënin listën e parë të Ancelottit si trajner i Brazilit, me teknikun italian që e justifikoi atëherë përjashtimin me një “rënie në nivelin e paraqitjeve”. 

Endrick Felipe dhe Eder Militao gjithashtu nuk ishin përfshirë në qershor. Militao për shkak të rikuperimit nga një dëmtim i rëndë në ligamentin e gjurit, ndërsa Endrick për shkak të minutazhit të ulët me klubin dhe disa shqetësimeve fizike. 

Të katër lojtarët, Vinicius, Rodrygo, Endrick dhe Militao, nuk do të jenë pjesë e listës për muajin shtator, por nuk ka shqetësime për përjashtime afatgjata, veçanërisht nëse Militao arrin të rikthehet në formacionin bazë të Alonso gjatë këtij sezoni./Telegrafi/

The post Carlo Ancelotti nuk i përfshin yjet e Real Madridit në listën e re të Brazilit appeared first on Telegrafi.

Cristiano Ronaldo e ka gdhendur emrin e tij në historinë e futbollit edhe një herë, duke u bërë lojtari i parë dhe i vetëm që shënon 100 ose më shumë gola për katër klube të ndryshme në katër shtete të ndryshme. 

Në një moment shkëlqimi karakteristik, Ronaldo shënoi një penallti në minutën e 41-të për të shënuar golin e tij të 940-të në karrierë, duke i dhënë Al-Nassr një epërsi 1-0 kundër Al-Ahli në Superkupën e Arabisë.

Fituesi i pesëfishtë i Topit të Artë e kaloi topin me qetësi përtej portierit kundërshtar, duke i ndezur entuziazmin tifozëve të Al-Nassr dhe duke e çuar ekipin e tij një hap më afër ngritjes së trofeut të lakmuar.

Cristiano Ronaldo scores his 100th goal for Al Nassr in the final

pic.twitter.com/fFtzzpigdI

— Al Nassr Zone (@TheNassrZone) August 23, 2025

Me këtë gol, sulmuesi portugez bëhet lojtari i parë në histori që shënon 100 e më shumë gola për katër klube dhe shtete të ndryshme.

Real Madrid: 451 gola në 438 ndeshje, ku ai u bë golashënuesi më i mirë i të gjitha kohërave i klubit dhe fitoi katër trofe të Ligës së Kampionëve UEFA. Manchester United: 145 gola në 346 ndeshje në dy periudha, Juventus: 101 gola në 134 ndeshje dhe tani Al-Nassr: 100 gola në vetëm 113 ndeshje.

Ky moment i fundit e çimenton më tej trashëgiminë e Ronaldos si një nga golashënuesit më të mëdhenj të të gjitha kohërave në futboll, me 40-vjeçarin që nuk tregon shenja ngadalësimi. /Telegrafi/

Cristiano Ronaldo becomes the first player in history to score 100 goals for 4 different clubs and nation.

One more today in Super Cup final. pic.twitter.com/OpcNku4qtS

— Fabrizio Romano (@FabrizioRomano) August 23, 2025

Cristiano Ronaldo becomes the ONLY player EVER to score 100 goals in 4 different countries and for his NT. pic.twitter.com/wxlrTR21au

— TCR. (@TeamCRonaldo) August 23, 2025

The post Cristiano Ronaldo shënon në Superkupën e Arabisë Saudite, arrin një rekord të madh appeared first on Telegrafi.

Karim Benzema po shtyn klubin e tij që të nënshkruajë me ish-shokun e skuadrës, Casemiro, në mes raportimeve se ai mund të largohet nga Manchester United këtë verë. 

Megjithëse ka pak më shumë se një javë deri në mbylljen e afatit kalimtar të verës, është e qartë se shumë marrëveshje ende janë në proces përpara fundit të afatit. 

Një nga klubet që besohet se po punon në disa marrëveshje është Manchester United, i cili thuhet se synon të bëjë disa transferime dhe njëkohësisht të sigurojë shitjen e disa lojtarëve aktualë para mbylljes së afatit. 

Një nga lojtarët e United që thuhet se është në shitje është Casemiro, dhe një nga ish-shokët e tij të skuadrës te Real Madrid është i vendosur që klubi i tij aktual të ndjekë një marrëveshje për të. 

Lexo po ashtu Man Utd në bisedime të avancuara për të mposhtur Man Cityn për transferimin e madh

Casemiro u bashkua me United nga Real Madrid në një marrëveshje prej 60 milionë eurosh plus 10 milionë të tjera në gusht 2022, duke nënshkruar një kontratë katërvjeçare me opsion për një vit shtesë me klubin anglez. 

Në sezonin e tij të parë, braziliani ishte pjesë kyçe e skuadrës, por më pas ka pasur vështirësi për të ruajtur formën e qëndrueshme, gjë që ka çuar në shumë zëra lidhur me një largim të mundshëm nga ‘Old Trafford’. 

Tani, një raport nga gazeta arabe Al-Riyadhiah pretendon se ish-shoku i skuadrës i 33-vjeçarit, Karim Benzema, po shtyn që Al Ittihad të nënshkruajë me Casemiron këtë verë. 

Sipas këtij burimi, kapiteni i Al Ittihad, i cili ka luajtur 265 ndeshje me Casemiron, e ka rekomanduar atë tek menaxhmenti sportiv i klubit. 

Kjo nuk është hera e parë që Casemiro lidhet me Superligën e Arabisë, pasi raportime të mëparshme sugjeronin se ai mund t’i bashkohet Cristiano Ronaldos te Al Nassr./Telegrafi/

The post Karim Benzema e dëshiron transferimin e yllit të Man Utd tek Al-Ittihadi appeared first on Telegrafi.

Një tjetër mbrëmje futbolli në Amerikën e Jugut është shndërruar në skenë dhune.

Ajo që duhej të ishte një spektakël sportiv mes Independiente dhe Universidad de Chile në fazën e 1/8 të Kupës së Amerikës, përfundoi me përleshje të ashpra në tribuna.

Gjithçka nisi në pjesën e dytë, kur rezultati ishte 1-1. Më shumë se 3 mijë tifozë kilianë nisën të shkatërrojnë ulëset në sektorin ku ishin vendosur dhe t’i hedhin ato drejt ultrasve vendas.

Pritja nuk zgjati: tifozët e Independientes iu përgjigjën me dhunë brutale, duke e kthyer stadiumin në një fushë-betejë.

Pamjet që qarkulluan në rrjetet sociale tregojnë skena të rënda: përleshje trup më trup, objekte të flakura nga njëra tribunë në tjetrën dhe panik në mesin e tifozëve neutralë.

Bilanci, sipas autoriteteve argjentinase, është dramatik: 10 persona të plagosur, disa në gjendje kritike në spitalin e Avellanedas, ndërsa policia ka kryer 90 arrestime, shumica e tyre kilianë.

Në fund, për të shmangur një tragjedi të madhe, forcat speciale ndërhynë me gaz lotsjellës dhe shkopinj gome, duke ndërprerë ndeshjen përfundimisht.

Tani, sytë janë te CONMEBOL, që duhet të vendosë nëse sfida do të riluhet apo rezultati do të përcaktohet në tavolinë. /Telegrafi/

The post Kaos në Kupën e Amerikës: Shpërthen dhuna mes tifozëve, 300 persona të arrestuar – dhejtra të lënduar appeared first on Telegrafi.

Arsenal ka ndezur rivalitetin me Tottenham duke marrë në momentin e fundit transferimin e Eberechi Eze, pra duke e rrëmbyer nga duart e rivalëve të tyre.

Pas javësh negociatash që Spurs kishin zhvilluar me Crystal Palace, gjithçka dukej gati për marrëveshjen, por dëmtimi i Kai Havertz bëri që “Topçinjtë” të ofronin 68 milionë paund dhe të siguronin shërbimet e mesfushorit.

Ky është vetëm një nga shumë rastet e njohura në futbollin anglez ku marrëveshjet për lojtarë janë “rrëmbyer” në momentin e fundit. Sipas një artikulli të The Sun, Ligës Premier ka parë disa nga episodet më të bujshme të këtij fenomeni gjatë dekadave të fundit.

Aaron Ramsey – nga Cardiff te Arsenal (2008)

Manchester United ishte shumë pranë firmës me talentin 17-vjeçar nga Cardiff, madje kishte arritur akord publik.

Por Arsene Wenger mori vetë në dorë situatën, takoi lojtarin dhe e bindi të kalonte në Emirates. Ramsey u bë ikonë e Arsenal me 369 ndeshje dhe tre FA Cup.

Moises Caicedo – nga Brighton te Chelsea (2023)

Liverpool arriti një marrëveshje me Brighton për 110 milionë funte, dhe Jurgen Klopp madje e konfirmoi publikisht afrimin.

Por Chelsea reagoi menjëherë me një ofertë më të lartë, 115 milionë funte, duke i “rrëmbyer” mesfushorin që ishte tifoz i tyre që fëmijë.

Willian – nga Anzhi te Chelsea (2013)

Tottenham kishte mbyllur gjithçka me brazilianin, madje ai kreu vizitat mjekësore. Por një telefonatë nga Chelsea e ndryshoi gjithçka: Willian refuzoi Spurs dhe firmosi për rivalët e tyre të qytetit. Më pas fitoi dy tituj kampion me “Blutë”.

Robinho – nga Real Madrid te Man City (2008)

Chelsea ishte i bindur se do të firmoste me yllin brazilian, aq sa klubi nisi të shiste fanella me emrin e tij.

Por në ditën e fundit të afatit kalimtar, Manchester City – i blerë sapo nga sheikët e Abu Dhabit – bëri një ofertë prej 32,5 milionë funte dhe e rrëmbeu lojtarin.

Roy Keane – nga Nottingham Forest te Man United (1993)

Blackburn kishte arritur marrëveshje për transferimin e Keane, por një vonesë burokratike i kushtoi shtrenjtë.

Sir Alex Ferguson ndërhyri menjëherë dhe e bindi mesfushorin irlandez të nënshkruante për Man United, ku më pas bëri histori.

Park Chu-Young – nga Monaco te Arsenal (2011)

Lille kishte arritur akordin dhe Park ndodhej në hotel për vizitat mjekësore, por papritur “u zhduk”.

Në fakt, kishte hipur në tren për Londër ku nënshkroi fshehurazi me Arsenal, që ofroi një pagë më të lartë.

Cristiano Ronaldo – nga Juventus te Man United (2021)

Portugezi ishte vetëm një hap larg kalimit te Manchester City dhe kishte një akord verbal me klubin e Guardiolës.

Por një telefonatë e Sir Alex Ferguson e bindi të rikthehej në “Old Trafford”. Transferim i madh në letër, por me epilog të hidhur për të dyja palët.

Emmanuel Petit – nga Monaco te Arsenal (1997)

Tottenham mendonte se kishte bindur kampionin francez, por Petit përdori taksinë që Spurs i kishte paguar për të shkuar te shtëpia e Wenger-it.

Atje u arrit marrëveshja me Arsenal, duke lënë rivalët e qytetit të poshtëruar.

Luis Diaz – nga Porto te Liverpool (2022)

Tottenham kishte nisur negociatat për kolumbianin, por vonesat i kushtuan shtrenjtë.

Liverpool ndërhyri menjëherë me një ofertë prej 37,5 milionë funte dhe mbylli marrëveshjen në janar, duke e rrëmbyer nga duart e Spurs.

Eyal Berkovic – nga Maccabi Haifa te West Ham (1996)

Tottenham e kishte bindur mesfushorin izraelit, por ndërkohë West Ham u fut në lojë.

Harry Redknapp e takoi dhe e mori menjëherë firmën, duke i dhënë fund marrëveshjes me Spurs. Ironikisht, ai shënoi gol në debutimin kundër Tottenham. /Telegrafi/ 

The post Dhjetë ‘rrëmbimet’ më të famshme në Ligën Premier – Nga cr7 dhe Robinho te Luis Diaz e Caicedo appeared first on Telegrafi.

Trajneri i Fenerbahçes, Jose Mourinho, ka folur hapur për ndikimin e madh që Lionel Messi ka pasur në karrierën e tij.

Në një intervistë për Sporty Net, portugezi u pyet se cili lojtar e ka ndihmuar më shumë në zhvillimin e tij profesional.

“Messi, sepse sa herë që luaja kundër tij, më detyronte të mendoja shumë,” – u shpreh Mourinho, i cili ka drejtuar ekipe si Real Madrid, Chelsea, Inter dhe Manchester United.

Ai shtoi se përballjet me yllin argjentinas e detyronin gjithmonë të përshtatej dhe të rimendonte strategjitë e tij, duke e bërë të përmirësohej si trajner.

Mourinho ka udhëhequr klube si Porto, Inter, Real Madrid, Manchester United, Tottenham dhe Roma. /Telegrafi/

The post Mourinho zbulon lojtarin që e ndihmoi të rritet si trajner appeared first on Telegrafi.

Sipas shumë njerëzve, futbollisti më i mirë në botë, Lionel Messi, është 38 vjeç dhe ka fituar gjithçka që mund të fitohet, ndërsa karrierën e tij të pasur e kurorëzoi duke fituar Kupën e Botës me Argjentinën, të cilën e çoi në “krye të botës” në Katar në vitin 2022.

Është e qartë se Messi do ta veshë fanellën kombëtare në një tjetër garë të madhe – kampionatin botëror, i cili do të mbahet vitin e ardhshëm në Shtetet e Bashkuara, Kanada dhe Meksikë, dhe mediat argjentinase tashmë po flasin për ndeshjen e fundit të Messit para tifozëve vendas.

Sipas DSports, kjo do të ndodhë më 4 shtator, kur është planifikuar ndeshja kualifikuese kundër Venezuelës në stadiumin Monumental në Buenos Aires, dhe pesë ditë më vonë është planifikuar ndeshja në Ekuador.

Everything indicates that Argentina’s next match vs Venezuela will be the last official match Leo Messi will play in his country.

After that, the Finalissima and the World Cup to end his international career. pic.twitter.com/YAb6uXyVEH

— The Touchline | 𝐓 (@TouchlineX) August 19, 2025

“Na vjen keq me gjithë zemër, por nëse asgjë nuk ndryshon, do të jetë hera e fundit që Messi luan një ndeshje zyrtare me ekipin kombëtar argjentinas në Buenos Aires”.

“Nuk kemi më ndeshje zyrtare në Argjentinë dhe në vitin 2027, nëse plotësohen kushtet, do të jetë një ndeshje miqësore sepse nuk ka ndeshje zyrtare në plan”, shkruan mediumi argjentinas.

Ata theksuan se do të jetë një goditje e rëndë për të gjithë tifozët e tij dhe dashamirësit e futbollit të pranojnë se kjo është hera e fundit që Messi do të shkelë në Monumental në një ndeshje zyrtare. /Telegrafi/

The post Zbulohet se ku dhe kur Messi do t’i thotë lamtumirë ekipit kombëtar appeared first on Telegrafi.