Bisedimet mes Real Betis dhe Inter për Kristjan Asllanin kanw marrw fund, pasi mesfushori shqiptar preferon të qëndrojë në Serie A, mes interesimit nga Bologna dhe Fiorentina. 

Ditët e fundit ishte raportuar se Real Betis kishte dërguar përfaqësues në Itali për të negociuar me Interin për Asllanin dhe me Milanin për Emerson Royal. 

Sipas Sport Mediaset, tentativa për të transferuar reprezentuesin shqiptar është braktisur, për dy arsye: oferta e Betisit ishte shumë e ulët dhe vetë lojtari nuk ishte i bindur nga destinacioni. 

Në vend të kësaj, Asllani preferon të mbetet në Serie A, ku ka alternativa të vlefshme,  më konkretisht Bologna dhe Fiorentina e Stefano Piolit. 

Edhe pse është nën kontratë me Interin deri në qershor 2028, klubi zikaltër duket se beson se ka ardhur momenti që Asllani të largohet, duke synuar një transferim përfundimtar me çmim 18-20 milionë euro. 

Kjo do të thotë se çdo ofertë duhet të jetë për një shitje të plotë, ose të paktën për një huazim me detyrim blerjeje, nëse përmbushen kushte të caktuara. 

Asllani është një produkt i akademisë së Empolit dhe u bashkua me Interin në vitin 2022 për një shumë totale prej 15.7 milionë euro./Telegrafi/

The post Kristjan Asllani refuzon Betisin – ka dy oferta brenda Italisë appeared first on Telegrafi.

Fiorentina ka afruar në ekip Edin Dzekon. Lajmi është bërë publik nga klubi, nëpërmjet një postimi në rrjetet sociale. Sulmuesi boshnjak ka nënshkruar një marrëveshje, të vlefshme deri më 30 qershor 2026. “ACF Fiorentina njofton se ka fituar të drejtat sportive të futbollistit Edin Dzeko. I lindur në Sarajevë më 17 mars 1986, Dzeko ka […]

The post Zyrtare/ Edin Dzeko rikthehet në Serie A, vjen firma appeared first on BoldNews.al.

Fiorentina ka kaluar Bolognën në garën për të siguruar shërbimet e Edin Dzekos, duke arritur një marrëveshje verbale me sulmuesin me përvojë.

Boshnjaku është pranë rikthimit në Serie A dhe pritet të nënshkruajë një kontratë njëvjeçare me “Violat”, sipas burimeve të Football Italia.

Ky medium raporton ekskluzivisht se Dzeko ka arritur një akord në parim me Fiorentinën, pas interesimit të gjatë edhe nga Bologna.

Rossoblu kishin zhvilluar bisedime me 39-vjeçarin prej disa javësh, por ndërhyrja e Fiorentinës, e drejtuar nga trajneri i ri Stefano Pioli, ndryshoi rrjedhën e situatës.

Detajet përfundimtare të kontratës janë duke u përmbyllur, dhe sapo të finalizohen, Dzeko do të firmosë zyrtarisht me ekipin nga Firence.

Pas dy sezonesh me Fenerbahçe në Turqi, Dzeko është gati të rikthehet në elitën e futbollit italian si lojtar i lirë, pasi kontrata e tij skadon në fund të qershorit.

Në Serie A, ai ka një rekord mbresëlënës prej 107 golash në 268 ndeshje me fanellat e Romës dhe Interit, dhe synon të shtojë këtë arritje edhe me Fiorentinën.

The post Arrihet marrëveshja mes palëve, Edin Dzeko do të luaj sërish në Serie A appeared first on Albeu.com.

Kristjan Asllani mund të largohet nga Interi gjatë kësaj merkatoje vere. Me ardhmjen e Cristian Chivu, minutat për mesfushorin e Kombëtares me shumë gjasa janë reduktuar edhe më shumë.

Kështu largimi i tij nga zikaltërtit do të jetë i pashmangshëm. Fiorentina është skuadra që po këmbëngul për shëbimet e shqiptarit. Ekipi “vjollcë” kërkon Asllanin për t’i besuar “çelësat” e mesfushës për sezonin e ri.

Drejtuesit besojnë te “regjisori” shqiptar dhe për këtë do të tentojnë transferimin e tij. Duke parë interesimin e rivalëve, Interi i ka vendosur çmim liderit të Kombëtares.

Nga mediat italiane mësohet se zikaltërtit kërkojnë 14 milionë euro për të lënë të lirë Asllanin.

Ky i fundit në këtë sezon me Interin ka luajtur në 35 ndeshje në të gjitha turnet që ka marrë pjesë. Ndërkohë ka shënuar 3 gola dhe ka dhuruar edhe 2 asiste, duke qenë në fushë për 1.592 minuta.

The post Kërkohet me ngulm nga Fiorentina, Interi i vendos çmim Kristjan Asllanit appeared first on Albeu.com.

Fiorentina ka hedhur sytë nga Kristjan Asllani për të përforcuar mesfushën, me trajnerin Stefano Pioli që e sheh shqiptarin si profilin ideal për ndërtimin e lojës në Firenze. Drejtuesit vjollcë kanë nisur kontaktet paraprake me Interin, të cilët janë të gatshëm të dëgjojnë oferta. Te zikaltrit prej kohësh kanë menduar se një transferim huazim ose i […]

The post Fiorentina kontakton Asllanin, mesfushori i Kombëtares kthen përgjigje appeared first on BoldNews.al.

Në Firence është në horizont një revolucion në mesfushë, edhe pse problemi kryesor për t’u zgjidhur është zgjedhja e trajnerit, ku pretendenti kryesor mbetet Stefano Pioli si zëvendësues i Palladinos. Fiorentina duhet të rishikojë repartin që ka parë largimin e Yacine Adli dhe Michael Folorunsho (të dy nuk janë blerë përfundimisht), ndërsa edhe Danilo Cataldi […]

The post Nuk është më në planet e Interit, Asllani kërkohet nga një tjetër klub Italian appeared first on BoldNews.al.

E ardhmja e Cristian Shpendit mund të jetë në Serinë A. Sipas raportimeve nga Italia, janë tre klube që duan shërbimet e shqiptarit. Bëhet fjalë për Bolognan, Torinon dhe Fiorentinën. Këto klube janë në kërkim të një sulmuesi në merkato dhe kanë hedhur sytë nga “bomberi” i Cesenas. Skuadra bardhezi dështoi të ngjitet në elitë […]

The post Shpendi drejt Serisë A, zbulohen 3 klubet që e kërkojnë appeared first on BoldNews.al.

Të reja të rëndësishme vijnë nga Italia. Sipas asaj që shkruan gazetari Di Marzio, trajneri i Fiorentinës, Raffaele Palladino ka paraqitur dorëheqjen. Klubi violë, i gjendur i papërgatitur për një kërkesë të tillë, po bën maksimumin që të bindë Palladinon që të qëndrojë. Kujtojmë se Fiorentina aktivizoi një klauzolë për të zgjatur kontratën e Palladinos […]

The post E papritur në klubin e Serie A, trajneri paraqet dorëheqjen appeared first on BoldNews.al.

Futbolli i të rinjve po përjeton një tjetër faqe të zezë. Pas vërshëllimës së fundit të gjysmëfinales së playoff-it Primavera mes Romës dhe Fiorentinës, e fituar nga violat, një episod shumë i rëndë ka tronditur ambientin verdhekuq: ish-lojtari i Romës, Nicolò Zaniolo, sot pjesë e Fiorentinës, dyshohet se ka sulmuar dy lojtarë të Romës Primavera brenda dhomave të zhveshjes. Gjithçka thuhet të ketë ndodhur në përfundim të ndeshjes, pas eliminimit të skuadrës së drejtuar nga Falsini.

Çfarë ndodhi në dhomat e zhveshjes

Këtë e raportoi Sportitalia, që rindërton një skenë me përmasa të rënda: lojtari aktual i Fiorentinës dyshohet se ka provokuar disa të rinj të Romës pasi hyri pa autorizim në dhomën e tyre të zhveshjes. Nga fjalët mendohet të jetë kaluar menjëherë te veprimet fizike: shuplaka, fyerje dhe të paktën një grusht i dhënë ndaj të rinjve verdhekuq. Gazetarja e transmetuesit flet për “bërtima të dëgjueshme deri jashtë tunelit”, dhe shton: “Një përleshje me grushte dhe goditje”.

Sipas informacioneve të para, viktima të ngjarjes kanë qenë Mattia Almaviva, kapiten i Romës Primavera dhe figurë e njohur e akademisë verdhekuqe (ishte ai që mori simbolikisht shiritin e kapitenit nga Francesco Totti ditën e lamtumirës së tij), dhe mbrojtësi Marco Litti. Të dy mendohet të jenë goditur fizikisht nga Zaniolo gjatë përplasjes. Nervozizmi ishte i dukshëm që në fushë dhe në tribuna menjëherë pas përfundimit të ndeshjes: tensione mes tifozëve të Fiorentinës dhe lojtarëve të Romës, ndoshta të shkaktuara nga provokimet e ndërsjella pas eliminimit të Romës dhe kalimit të Fiorentinës në finalen e kampionatit Primavera. Për të përkeqësuar klimën, ishte edhe prania e diskutueshme e Zaniolo, një ish-lojtar jo shumë i dashur në kryeqytet. Një përfundim pra i mbushur me tension, që më pas degjeneroi pas ndeshjes.

Dënimi zyrtar i Romës: “Sjellje e papranueshme”

Pak orë pas ngjarjes, erdhi edhe reagimi zyrtar i Romës me një komunikatë të fortë dhe të drejtpërdrejtë: “AS Roma njofton se, pas përfundimit të ndeshjes së sotme, ndodhi një episod i pakëndshëm ku u përfshi lojtari Nicolò Zaniolo. Sipas asaj që është rindërtuar, lojtari ka hyrë në dhomën e zhveshjes së skuadrës Primavera pas përfundimit të ndeshjes dhe ka pasur një sjellje provokuese ndaj disa lojtarëve të akademisë verdhekuqe. Gjatë konfrontimit, dy lojtarë të formacionit Primavera janë goditur fizikisht. AS Roma dënon me vendosmëri çdo formë sjelljeje agresive apo që nuk përputhet me vlerat e sportit”.

Një distancim i qartë, ndërkohë që priten eventualisht sanksione apo masa nga Lega Serie A apo FIGC. Edhe trajneri i Fiorentinës, Daniele Galloppa, komentoi me hidhërim atë që ndodhi pas ndeshjes: “Skena të mjerueshme”. Ndërkohë, jehona e përleshjes pritet të ndihet gjatë. Imazhi i Zaniolos, tashmë i diskutueshëm në Itali, rrezikon tani një goditje të re të rëndë.

Nota ACF Fiorentina in merito a quanto successo al termine della semifinale del Campionato Primavera tra Fiorentina e Roma: https://t.co/Y53RPoFohV

— ACF Fiorentina (@acffiorentina) May 26, 2025

Versioni i Zaniolo: “Më fyen, ika për të shmangur përkeqësimin”

Fiorentina, në lidhje me atë që ndodhi pas gjysmëfinales së Kampionatit Primavera mes Fiorentinës dhe Romës, dëshiroi të transmetonte deklaratat e lojtarit të saj Nicolò Zaniolo: “Pas përfundimit të ndeshjes zbrita në dhomat e zhveshjes për të përgëzuar djemtë e Fiorentinës dhe më pas kalova edhe në dhomat e zhveshjes së Romës për t’i përshëndetur dhe për t’i uruar për sezonin, por në një moment filluan të më fyenin, ndaj në atë pikë, për të shmangur që situata të përkeqësohej, preferova të largohesha” – është pra versioni i lojtarit, që bie ndesh me atë të raportuar nga Sportitalia dhe nga deklarata e klubit verdhekuq.

The post Çmendet Zaniolo, rreh 2 lojtarë të Roma Primavera në dhomat e zhveshjes: çfarë ndodhi appeared first on Lapsi.al.

Zyra e prokurorëve të FIGC ka nisur një hetim formal mbi ngjarjet e dyshuara që ndodhën pas një ndeshjeje të ekipeve Primavera midis Fiorentinës dhe Romës, ku përfshihej lojtari i ekipit të parë të klubit Viola, Nicolo Zaniolo.

Roma publikoi një deklaratë të hënën në mbrëmje, duke akuzuar Zaniolon se hyri në dhomën e zhveshjes së ekipit të tyre dhe se kishte “goditur fizikisht” dy nga lojtarët e tyre pas gjysmëfinales së ‘play-off’-it të Primaveras që u zhvillua në Viola Park më herët gjatë ditës.

“Sipas rindërtimeve fillestare, lojtari dyshohet se ka hyrë në dhomën e zhveshjes së ekipit Primavera pas ndeshjes dhe është përfshirë në sjellje provokuese ndaj disa prej lojtarëve të rinj të Giallorossiëve. Gjatë konfrontimit, dy lojtarë nga skuadra Primavera thuhet se janë goditur fizikisht”, thuhet në deklaratën e Romës.

Fiorentina ka lëshuar gjithashtu një deklaratë me versionin e Zaniolos për ngjarjet.

“Në fund të ndeshjes, shkova në dhomën e zhveshjes për të përgëzuar djemtë e Fiorentinës, pastaj kalova nëpër dhomën e Romës për t’i përshëndetur dhe për t’i komplimentuar për sezonin e tyre. Megjithatë, në një moment të caktuar ata filluan të më fyenin, kështu që në atë fazë, për të shmangur degradimin e situatës, preferova thjesht të largohesha”, ka thënë Zaniolo.

Nicolo Zaniolo is now under investigation by the FIGC and could be heard as early as Tuesday afternoon following accusations that he ‘physically struck’ two Primavera players after a match between Fiorentina and Roma at Viola Park on Monday evening. pic.twitter.com/kAheeL3XwE

— Football Italia (@footballitalia) May 27, 2025

Sipas raportimeve nga media të shumta, përfshirë Sky Sport Italia, zyra e prokurorëve të FIGC ka hapur tashmë një hetim mbi ngjarjet që ndodhën në Viola Park të hënën në mbrëmje.

Zaniolo, i cili kaloi pesë vjet me Giallorossët, mund të dëgjohet edhe nga Giuseppe Chine që të martën pasdite, sipas raportimeve nga La Gazzetta dello Sport.

Raporti i ditës së sotme (e martë) pohon se nëse zbulohet se Zaniolo ka goditur dy lojtarë të ekipit të të rinjve, siç ka pretenduar Roma, atëherë një ndëshkim “i rëndë” do të ishte “i pashmangshëm”. /Telegrafi/

The post Zaniolo nën hetim pasi thuhet se rrahu disa lojtarë të rinj të Romës appeared first on Telegrafi.

Real Betis–Chelsea do të jetë finalja e Conference League 2024/25. Fiorentina eliminohet nga spanjollët në gjysmëfinale duke barazuar 2-2 pas kohës shtesë në “Franchi”, pasi kishte humbur 2-1 në Sevilje. Betis arrin “Blues” (1-0 ndaj Djurgarden) në takimin përfundimtar të Vorklavës, që do të zhvillohet më 28 maj. Skuadra e teknikut Pellegrini kaloi në avantazh me një goditje dënimi-perlë të Antony, por përmbyset nga dygolëshi i Gosens, i cili me dy goditje me kokë pas zhvillimeve të këndeve e çon sfidën në shtesë. Ndeshjen e vendos goli i Ezzalzouli në minutën e 97′.

Lexo më tej: Europa League, finale tërësisht angleze: do të jetë Manchester United-Tottenham

Është e hidhur nata në Franchi. Fiorentina nuk arrin të realizojë mrekullinë për të siguruar finalen e tretë radhazi në Conference League. Lufton me zemër, jep gjithçka që ka e që mundet. Fiton ndeshjen në kohën e rregullt 2-1 me një dygolësh të Gosens, por në shtesë vjen dënimi nga marokeni Ezzalzouli, i cili barazon 2-2 dhe që aty e tutje Viola nuk gjen më forcën. Në finale ndaj Chelseat më 28 maj në Breslavë shkon Betisi i Manuel Pellegrinit, që arrin finalen e parë europiane në histori. Ndërsa Fiorentina do të duhet të bëjë një mrekulli për të kapur Europën në tri ndeshjet e fundit të kampionatit.

The post Conference League, në finale me Chelsea shkon Betis: Fiorentina dorëzohet në shtesë appeared first on Lapsi.al.

Përcaktohen sonte dy skuadrat finaliste të Conference League. Chelsea duket i sigurtë pas suksesit 1-4 në transfertë me Djugarden, ndërsa Fiorentina synon ende të arrijë në finalen e tretë radhazi të turneut: duhet të përmbysë disavantazhin prej një goli kur të presë Real Betis në gjysmëfinalen e kthimit të enjten. Pasi mbeti në disavantazh pas vetëm gjashtë minutash – dhe më pas ishte në humbje me dy gola pak pas orës së lojës – Fiorentina reagoi pjesërisht në Estadio Benito Villamarin, duke humbur në fund ndeshjen e parë të gjysmëfinales së radhës në Conference League me rezultatin 2-1.

Ecuria Viola

Pra, pavarësisht humbjes, ata mbeten ende në garë për të arritur në finalen e tretë radhazi, pasi kishin humbur më parë ndaj West Ham United dhe Olympiacos në dy sezone të njëpasnjëshme. Këtë sezon, pasi kaloi me vështirësi fazën kualifikuese, Fiorentina e mbylli në vend të tretë fazën e re të ligës, përpara se të eliminonte Panathinaikos dhe Celje për të siguruar një gjysmëfinale me një kundërshtar në formë nga La Liga.

Humbja e javës së kaluar e bëri që skuadra toskane të mos ketë fituar asnjë nga pesë ndeshjet gjysmëfinale të UEFA-s kundër skuadrave spanjolle, por kjo seri duhet të marrë fund nëse ata duan të kalojnë tutje në “Stadio Franchi”. Para humbjes ndaj Betis, skuadra e Raffaele Palladino kishte kaluar një periudhë të vështirë, por ishte rikthyer me një seri prej gjashtë ndeshjesh pa humbje në Serie A – megjithatë, tani ka humbur dy herë brenda një jave, pas disfatës 1-0 të së dielës ndaj Romës.

Andaluzianët të avantazhuar

Ndërkohë që Fiorentina po lufton kundër gjasave për t’u rikthyer në Europë, Real Betis ka qenë në ngritje muajt e fundit, dhe vazhdon të luftojë për një vend të çmuar në Ligën e Kampionëve. Aventura e tyre për të qenë në turneun më të rëndësishëm të UEFA-s vazhdoi të dielën, kur shënuan dy gola në fund për të mposhtur Espanyolin 2-1: Giovani Lo Celso barazoi në minutën e 85-të, përpara se Antony, pas golit të bukur ndaj Fiorentinës, të realizonte një tjetër gol vendimtar në minutat e fundit.

Me vetëm një humbje në 15 ndeshjet e fundit në të gjitha kompeticionet, Betis ndodhet në vendin e gjashtë në La Liga, vetëm një pikë larg pesë vendeve të para – dhe gjithashtu ka të paktën një këmbë në finalen e Conference League. Pas shumë herësh që kanë parë anën e kuqe të Seviljes të festojë suksese europiane në Europa League, “Los Verdiblancos” janë të dëshpëruar që më në fund të arrijnë finalen e tyre të parë europiane.

Lexo më tej: Klubet angleze e spanjolle në avantazh në gjysmëfinalet e Europa & Conference League

Pas një vendi të 15-të modest në fazën e ligës, skuadra e Manuel Pellegrinit eliminoi Gent në play-off, përpara se të kalonte Vitoria Guimaraes dhe Jagiellonia Bialystok për të arritur deri këtu – por puna ende nuk ka përfunduar. Edhe pse skuadra e tij dha përshtypje të mirë në Benito Villamarin, e mbështetur nga mijëra tifozë andaluzianë, fakti që epërsia u përgjysmua e shqetëson disi Pellegrinin përpara një sfide me shumë peshë në kthim.

The post Conference, Chelsea sheh Vroklavën: Fiorentina e Betis betejë në Franchi për finalen appeared first on Lapsi.al.

Një shpërthim i shurdhër dhe një frikë e madhe. Momente hutimi në Viola Park, qendra sportive e Fiorentinës, për shkak të një rrufeje që goditi fushën e lojës ndërkohë që skuadra U18 e Fiorentinës po stërvitej. Për fat të mirë, askush nga të pranishmit nuk pësoi pasoja të rënda, megjithëse disa prej futbollistëve mbetën të trullosur nga pasojat e këtij fenomeni atmosferik.

Rrufe gjatë stërvitjes së Fiorentinës U18

Videoja e asaj që ndodhi është mbresëlënëse dhe tregon sa me fat kanë qenë të pranishmit. Fiorentina U18 po zhvillonte ndeshjen klasike stërvitore të brendshme në fushën e kompleksit në Bagno a Ripoli, pranë Firences. Mot i keq u bë kërcënues, por seanca vazhdoi deri në momentin kur ndodhi “incidenti”.

Çfarë ndodhi dhe pasojat e rrufesë në Viola Park

Ndërsa njëra nga dy skuadrat e përfshira po përpiqej të ndërtonte një aksion duke nisur nga gjysma e vet e fushës, nën një shi të rrëmbyeshëm, rrufeja goditi pranë zonës së penalltisë, pikërisht afër një mbrojtësi. Shkarkesa elektrike e dukshme me sy të lirë dhe e filmuar nga kamerat e pranishme, u shoqërua nga një bubullimë shumë e fortë.

Pasojat e fenomenit atmosferik mbi të pranishmit u bënë menjëherë të dukshme. Djali më afër rrufesë u rrëzua në tokë, i kapur nga një përzierje frike dhe hutimi për shkak edhe të shpërthimit. Pasi lëvizi për pak kohë në gjunjë, nuk arriti të ngrihej menjëherë në këmbë, i dukshëm i trullosur.

Edhe portieri vuri duart në kokë, i tronditur nga ajo që ndodhi. Për disa sekonda pas ngjarjes, lojtarët u dukën të hutuar: një tronditje, me vetëdijen se gjithçka mund të kishte përfunduar shumë më keq për të gjithë. Vetëm pak metra më afër dhe mund të ishte konkretizuar një tragjedi. Nuk mungojnë, në fakt, precedentë të tmerrshëm të lidhur me ngjarje të tilla.

 

View this post on Instagram

 

A post shared by StormchasingTV (@stormchasing_tv)

The post Rrufeja godet fushën, rrëzohen përtokë lojtarët e Fiorentinës: frikë në Viola Park appeared first on Lapsi.al.

Roma ka fituar 1-0 ndaj Fiorentinës në “Olimpico”, në ndeshjen e vlefshme për javën e 35-të në Serie A. Verdhekuqtë e drejtuar nga Claudio Ranieri gjetën golin në fund të shtesës së pjesës së parë me Artem Dovbyk, i cili shënoi pas një aksioni ë nisi nga goditja e këndit. Pjesa e dytë nuk solli […]

The post Mjafton 1 gol, Roma fiton ndaj Fiorentinës dhe “kap” Champions League appeared first on BoldNews.al.

David de Gea ka folur për Antonyn pasi një gol i mrekullueshëm nga braziliani e mposhti portierin e Fiorentinës.

Dy ish-shokët e ekipit të Manchester United u përplasën të enjten në mbrëmje, teksa Fiorentina u përball me Real Betis në Benito Villamarin.

Gjatë një ndeshjeje të fortë, skuadra spanjolle e La Ligës, Betis, fitoi 2-1 falë golave ​​të Abde Ezzalzouli dhe Antony. Luca Ranieri ishte golashënuesi për mysafirët.

Javën e ardhshme, dyshja do të ndeshet përsëri në Stadio Artemio Franchi, ku në lojë është një vend në finalen e Ligës së Konferencës së Evropës.

Anësori brazilian, i cili iu bashkua Betisit në formë huazimi nga United, shënoi golin e fitores në minutën e 64-të.

25-vjeçari shënoi një volej të improvizuar të mrekullueshëm që kaloi ish-shokun e skuadrës së “Djajve të Kuq”, De Gea, me një gjuajtje me të djathtën që përfundoi në cepin e sipërm të portës.

Duke reaguar ndaj golit të Antonyt pas ndeshjes, De Gea pohoi se Antony nuk shënoi kurrë me këmbën e tij më të dobët gjatë kohës që stërviteshin së bashku te United.

Ai tha: “Unë u stërvita me Antonyn 1,000 herë dhe ai nuk shënoi kurrë gol me këmbën e djathtë në asnjë seancë stërvitore, por tani ai ka vetëbesim dhe po dëshmon se çfarë lojtari është”.

“Jam i lumtur për të sepse ai po vinte nga një moment i vështirë te United dhe tani po tregon më të mirën”, shtoi më tej portieri spanjoll. /Telegrafi/

The post David de Gea bën një deklaratë të habitshme për Antonyn pasi braziliani i shënoi një gol të mrekullueshëm appeared first on Telegrafi.

Karriera e Antony ka marrë një kthesë krejtësisht të ndryshme që nga ardhja e tij te Betis. Braziliani ka rilindur dhe ndeshjet e dobëta te Manchester United janë një kujtim shumë i largët për të. Antony është kthyer në yllin e spanjollëve në kampionat dhe gjithashtu në Evropë: në gjysmëfinalen e Conference League kundër Fiorentinës shënoi një gol të mrekullueshëm, aq sa u duartrokit edhe nga kundërshtarët, dhe në Sevilje të gjithë shpresojnë të arrijnë blerjen përfundimtare në sesionin e ardhshëm të merkatos.

Tifozët e Betis janë të gatshëm për gjithçka dhe edhe nga drejtuesit vijnë sinjale të rëndësishme. Më i spikaturi ndër të gjithë është Joaquin, që në Spanjë gjeti fatin e tij duke u lidhur me verdiblancos për tetë vite dhe duke marrë një vend në klub pas tërheqjes nga skena. Ish-kapiteni theksoi rëndësinë e brazilianit, duke thelluar dëshirën e të gjithë qytetit përmes një batute që i la gazetarët të habitur.

Betis, i çmendur pas Antony

Braziliani është një lojtar krejtësisht i ri që kur vuri këmbë në Spanjë, aq sa ka bërë të harrohet gjithçka që ndodhi te Manchester United. Pak presion, një ambient që e ka dashur që në ditën e parë dhe vetëdija se ka mundësinë të shlyejë menjëherë dhe të gjejë një mjedis të ri ku të rifillojë karrierën e tij në mënyrën më të mirë. Në gjysmë sezoni te Betis ka shënuar 6 gola në 19 paraqitje dhe është kthyer menjëherë në titullar të padiskutueshëm, aq sa skuadra e re tashmë mendon të ushtrojë të drejtën për ta blerë nga Manchester United.

Lexo më tej: Video/ Veprimi i pakuptimtë teknik i Antony i tërbon të gjithë në Manchester: Neymar i del në mbrojtje

Joaquin është i mahnitur nga ardhja e re dhe ka bërë shaka për të ardhmen e tij në programin radiofonik të Movistar: “Makinën do ta sjell vetë nëse do të jetë e nevojshme ta rrëmbejmë, por ai duhet të qëndrojë, çfarëdo që të ndodhë. Ky është një moment për t’u shijuar.” Një batutë që nënvizon dëshirën e Betis për ta mbajtur fort Antony, surprizën më të bukur të sezonit të tyre.

The post Betis e Joaquin çmendurira për Antony: “Nëse duhet ta rrëmbejmë, makinën e marr vetë” appeared first on Lapsi.al.

Chelsea ka marrë një fitore bindëse 4-1 ndaj Djurgarden në ndeshjen e parë gjysmëfinale të Ligës së Konferencës, duke hedhur një hap të madh drejt finales që do të zhvillohet në Wrocław më 28 maj.

Në “3Arena” të Stokholmit, ekipi i trajnerit Enzo Maresca kaloi në epërsi që në minutën e 12 me golin e Jadon Sanchos, pas një devijimi nga mbrojtësi i Djurgarden. Noni Madueke dyfishoi rezultatin në minutën e 43, pas një asistimi të Enzo Fernandezit.

Në pjesën e dytë, Nicolas Jackson shënoi dy herë (minutat 59 dhe 65), duke e çuar rezultatin në 4-0. Vendasit arritën të shënonin golin e nderit në minutën e 68 me Isak Alemayehu Mulugeta.

Ky rezultat e bën Chelsea favorit për kalimin në finale, ndërkohë që ndeshja e kthimit do të zhvillohet në Londër më 8 maj.

Në ndeshjen tjetër gjysmëfinale, Real Betis fitoi 2-1 ndaj Fiorentinës në “Benito Villamarín” të Sevillas. Ezzalzouli shënoi për Betisin në minutën e 6, ndërsa Antony dyfishoi epërsinë në minutën e 64. Ranieri ngushtoi diferencën për Fiorentinën në minutën e 73, duke e lënë gjithçka të hapur për ndeshjen e kthimit në Firence më 8 maj.

Megjithatë, ky rezultat lë gjithçka të hapur për ndeshjen e kthimit më 8 maj në “Artemio Franchi”, ku Fiorentina do të kërkojë të përmbysë rezultatin dhe të sigurojë kalimin në finale.

Conference League, Gjysmëfinalet e para:

E enjte, 1 maj 2025

• Betis 2-1 Fiorentina

• Djurgarden 1-4 Chelsea

Ndeshjet e kthimit: 8 maj 2025

LEXONI GJITHASHTU:

• Manchester United dhe Tottenham shkëlqejnë në gjysmëfinalet e para të Europa League
• Dinamo fiton Kupën e Shqipërisë, mund Egnatian me penallti

The post Chelsea me një këmbë në finalen e Conference League, Betis mposht Fiorentinën appeared first on Euronews Albania.

Inter merr një goditje të rëndë në javën e 34 të Serie A i mposhtur në shtëpi nga Roma. Një gol i Soule i dhuroi fitoren verdhekuqve, ndërsa zikaltrit tashmë mund të shohin Napolin të shkëputet në krye të renditjes, 4 javë nga fundi, nëse fitojnë në mbrëmje me Torinon. Sukses i rëndësishëm edhe për Fiorentinën, ndërsa Milan shkoi të fitonte në transfertë me Venezian.

INTER 0-1 AS ROMA

Dështoi Inter, fluturon Roma. Pas humbjes në kampionat ndaj Bologna dhe eliminimit nga Kupa e Italisë nga Milan, në javën e 34-të të Serie A skuadra e teknikut Simone Inzaghi humbet 1-0 ndaj njerëzve të Ranierit dhe i jep një mundësi të rëndësishme Napolit për të bërë hapin e madh drejt kreut të klasifikimit. Në “San Siro”, në pjesën e parë verdhekuqtë zhbllokuan ndeshjen me Soulé (22’), humbën mundësitë për të dyfishuar me Cristante dhe Shomurodov dhe ndalën reagimin e zikaltërve.

Në pjesën e dytë, Inter sulmoi pa u ndalur, por skuadra e Ranierit qëndroi fort dhe shpërdoroi përsëri mundësitë për të shënuar golin e dytë me Pellegrinin, Pisillin dhe Dovbykun në kundërsulm. Në fund, protestë e Inter për një tërheqje të Ndickës ndaj Bisseckut në zonë. Roma shkon në kuotën e 60 pikëve dhe është gjithnjë e më shumë në garë për zonën Champions.

FIORENTINA 2-1 EMPOLI

Dy shkëndija, një nga Adli në minutën e 7′ dhe një roveshatë spektakolare nga Mandragora në minutën e 25′, i dhurojnë Fiorentinës fitoren në derbin toskan ndaj Empolit. Për skuadrën e D’Aversës nuk mjafton goli i realizuar nga Fazzini në pjesën e dytë, dhe tani mbijetesa bëhet edhe më e vështirë. Ndërkohë, Viola ngjitet në kuotën e 59 pikëve dhe kap Lazion dhe Juven, të cilat kanë nga një ndeshje më pak.

Lexo më tej: Kriptovaluta “pushton” Juventus: Tether blen akoma aksione, kalohet 10% e kapitalit

VENEZIA 0-2 AC MILAN

Milan i Sergio Conceiçãos kthehet me tri pikë në xhep nga “Penzo”, duke fituar 2-0 ndaj Venezias në sfidën e drekës. Kuqezinjtë kalojnë menjëherë në avantazh në minutën e 5-të me golin e dhjetë sezonal të Pulisic, i shërbyer në zonë nga Fofana pas një largimi të pasaktë të Candé. Reagimi i Venezias e vuri në vështirësi Milanin, sidomos me shpejtësinë e Yeboah, të cilit iu anulua një gol për barazim në minutën e 33-të. Në pjesën e dytë, presioni i arancioneroverdëve, gjithmonë të parafundit në klasifikim, nuk prodhoi golin e shumëpritur të barazimit, ndërsa në kohën shtesë Milan realizoi golin e dytë me Gimenez.

COMO 1907 1-0 GENOA

Como është zyrtarisht i shpëtuar, ndërsa Genoa duhet të presë ende. Ky është verdikti i javës së 34-të të Serie A dhe i ndeshjes së parë të një të diele shumë intensive, ku Fabregas dhe të tijtë regjistrojnë fitoren e katërt radhazi (diçka që nuk ndodhte që nga viti 1952 në elitë). Në “Sinigaglia”, Genoa zhvillon një pjesë të parë shumë të mirë, por bie 1-0: Strefezza është autori i golit vendimtar në minutën e 59-të. Larianët ngjiten në kuotën e 42 pikëve dhe ëndërrojnë top-10.

Serie A Italia

Como 1907 1-0 Genoa
Venezia 0-2 AC Milan
Fiorentina 2-1 Empoli
Inter 0-1 AS Roma

The post Inter dorëzon titullin? Roma bën goditjen në “San Siro”: Napoli gati të arratiset appeared first on Lapsi.al.

Në ndeshjet e prapambetura të javës së tridhjetë e tretë të Serie A, Lazio dhe Fiorentina arrijnë dy fitore shumë të rëndësishme për të mbajtur gjallë ëndrrën Champions. Formacioni i Baronit mund 2-0 Genoan falë golave të Castellanos (32’) dhe Dia (65’) dhe ngjitet në kuotën e 59 pikëve, duke u barazuar me Juven dhe duke mbetur vetëm një pikë larg vendit të katërt të Bolonjës. Bardhezinjtë janë mposhtur 1-0 nga Parma, që merr pikë të rëndësishme për mbijetesën. Shkon më mirë për Torinon, që kaloi 2-0 Udinese.

CAGLIARI 1-2 FIORENTINA

Fiorentina kthehet nga Cagliari me tre pikë dhe një siguri: në sulmin viola ka jetë përtej Moise Kean. Mungesa në minutën e fundit e sulmuesit (i cili u largua nga Cagliari për arsye personale në orët e para të pasdites) kishte prishur planet taktike të Palladinos, i cili megjithatë gjeti te harmonia mes Beltran dhe Gudmundsson një nga çelësat e fitores. Cagliarit nuk i mjaftoi një fillim i shkëlqyer ndeshjeje: dëmtimi i Yerry Mina i hoqi sigurinë vendasve, të befasuar nga veprimi i Beltran në fillim të pjesës së dytë. Shpëtimi shtyhet pra për trajnerin Nicola, i cili ndaj Veronës do të duhet të bëjë pa të pezulluarin Piccoli, ndërsa “vjollcët” mbeten vetëm një pikë larg vendit të shtatë të Romës dhe tre nga Lazio: gara për Europën e vogël vazhdon.

GENOA 0-2 LAZIO

Lazio mund 2-0 Genoan në Marassi falë një goli-perlë të Castellanos dhe dyfishimit të Dia: fitorja vlen vendin e pestë së bashku me Juven, një pikë larg Bolonjës. I pari shënon me një gjuajtje akrobatike me të djathtën pas asistit të Pellegrinit në minutën e 32′, ndërsa francezi finalizon me një diagonale një pasim të Rovellës në minutën e 65′. Ndeshja u ndërpre për disa minuta në të 16′, pasi një tymuese e hedhur nga tifozët vendas goditi Mandas në shpinë, pa pasoja. Në minutën e 22′, karton i kuq direkt për Otoa, në debutimin e tij në Serie A, për një faull ndaj Zaccagni. Lazio mbeti gjithashtu me 10 lojtarë në minutën e 72′ pas përjashtimit të Belahyane për një ndërhyrje ndaj Thorsby.

Lexo më tej: Lazio fik Italinë: eliminimi nga Bodø i heq mundësinë për pesë skuadra në Champions

PARMA 1-0 JUVENTUS

Parma mundi 1-0 Juventusin në ndeshjen e prapambetur të javës së 33-të të Serie A, e shtyrë ditën e Hënës së Pashkëve për shkak të vdekjes së Papa Françeskut. Në “Tardini”, formacioni i Chivut, që humbi Vogliacco dhe Bernabé që në minutat e para, i shkaktoi Tudor humbjen e parë si trajner i bardhezinjve, falë një pjese të parë me intensitet të lartë. Goli vendimtar erdhi menjëherë para pushimit, me një goditje me kokë të fuqishme të Pellegrino pas asistit të Valerit nga e majta. Në pjesën e dytë, Juventus tentoi të rikthehej në lojë, por rastet e Kolo Muani dhe Conceiçao nuk sollën rezultat. Bardhezinjtë kalohen nga Bologna në vendin e katërt, i fundit që siguron kualifikimin për në Champions.

TORINO 2-0 UDINESE

Torino merr fitoren ndaj Udineses në javën e 33-të të Serie A: “granatat” fitojnë 2-0 në ndeshjen e shtyrë për sot për shkak të ndarjes nga jeta të Papa Françeskut, ndodhur të hënën e kaluar. Për të vendosur takimin ishin golat e Che Adams (39’) dhe Dembélé (85’): skocezi barazon kështu Law, ndërsa francezi shënon golin e tij të parë në Serie A. Vanoli ngjitet +3 në renditje pikërisht ndaj Runjaic, në humbjen e tij të pestë radhazi.

The post Pellegrino ndalon sprintin Champions të Juventus: në Parma, humbja e parë për Tudor appeared first on Lapsi.al.

Kanë përfunduar ndeshjet çerekfinale në dy garat e tjera evropiane si Liga e Evropës dhe Liga e Konferencës.

Në katër ndeshjet e zhvilluar ka pasur spektakël, me Tottenham që eliminoi Eintracht Frankfurtin dhe Man Utd që me përmbysje mposhti Lyonin.

Bodo/Glimt befasoi të gjithë duke eliminuar Lazion, derisa Athletic Bilbao eliminoi Rangers.

Manchester United, Tottenham Hotspur, Bodo/Glimt dhe Athletic Bilbao janë skuadrat që kanë shkuar në gjysmëfinale të Ligës së Evropës.

Tanimë dihen edhe çiftet gjysmëfinaliste, me Manchester United që do të përballet me Athletic Bilbao.

Ndërkohë gjysmëfinalja tjetër është mes Tottenham Hotspur dhe norvegjezëve të Bodo/Glimt që eliminuan Lazion.

The last four #UECL pic.twitter.com/0uf1QpcQ7V

— UEFA Conference League (@Conf_League) April 17, 2025

Ndërkohë në Ligën e Konferencës në gjysmëfinale kanë shkuar Fiorentina, Chelsea, Djurgarden dhe Real Betis.

Në gjysmëfinale do të takohen Chelsea – Djurgarden dhe Real Betis – Fiorentina. /Telegrafi/ 

The post Mësohen skuadrat gjysmëfinaliste në Ligën e Evropës dhe Konferencës – Dominim nga ekipet angleze appeared first on Telegrafi.