Marash Kumbulla, shqiptari, i cili luajti 35 ndeshje për Espanjolin sezonin e kaluar, duke u bërë qendërmbrojtësi më i shpeshtë i ekipit, duket se është larg spanjollëve. Përveç sigurimit prapavijës, mbrojtësi bënte paraqitje të shpeshta në zonën e penalltisë së kundërshtarit, duke shënuar tre gola. Kjo performancë pozitive kishte ngritur shqetësime në lidhje me një […]

The post Drejtori i Espanyol i “mbyll dyert” Kumbullës: Nuk jam optimist për një rikthim të tij appeared first on BoldNews.al.

Roma po vazhdon negociatat për të transferuar mesfushorin kolumbian Richard Rios nga Palmeiras, raportoi Fabrizio Romano të dielën.

25-vjeçari është i gatshëm të heqë dorë nga 10% e të drejtave të transferimit, që i takojnë atij sipas kontratës me klubin brazilian, një shumë që llogaritet rreth 3 milionë euro.

Oferta më e fundit e Romës është 25 milionë euro plus 5 milionë në formë bonusesh, por Palmeiras kërkon 30 milionë euro të garantuara.

Rios ka zhvilluar një sezon mbresëlënës me Palmeiras, duke shënuar 4 gola dhe dhënë 4 asistime në 35 ndeshje gjatë sezonit 2024/25.

Richard Rios, prepared to give up his 10% as part of deal with Palmeiras in order to join AS Roma.

No agreement club to club yet as Palmeiras want €30m guaranteed as starting point, but Roma remain in active talks.

https://t.co/dRchX44RHW pic.twitter.com/0ewH5sER4y

— Fabrizio Romano (@FabrizioRomano) July 13, 2025

Ai është objektivi kryesor i trajnerit Gian Piero Gasperini, i cili kërkon të forcojë mesfushën e skuadrës për sezonin e ardhshëm.

Për mesfushorin kolumbian kanë treguar interes edhe Interi, Porto dhe Manchester United, por Roma mbetet favoriti kryesor dhe klubi i preferuar i lojtarit.

Nëse palët arrijnë marrëveshje, Richard Rios pritet të bëhet përforcimi i parë i rëndësishëm i verdhekuqve në këtë afat kalimtar veror. /Telegrafi/

The post Rios sakrifikon 10 për qind të kontratës për t’iu bashkuar gjigantit italian appeared first on Telegrafi.

Pas një fushate premtimesh për legalizime, certifikata pronësie, falje gjobash dhe zhvillim turistik, qeveria kthehet në Theth me fadromat e IKMT-së. Banorët ngrenë akuza për mashtrim dhe korrupsion. Nga Lindita Çela “Mirë se ke ardhë! E mirë se të ka pru Zoti! Bukë e kripë e zemën!”. Kështu u prit një vit më parë kryeministri […]

The post Nga fjala e burrit tek fadromat e shtetit/ Si i mashtroi Rama banorët e Thethit appeared first on BoldNews.al.

Në episodin e fundit të emisionit “Arena e Yjeve”, mysafir ishte mbrojtësi i Kombëtares së Kosovës, Lirim Kastrati, i cili ndau rrëfime ekskluzive nga karriera e tij mbresëlënëse që nga ditët në akademinë e Romës, e deri te përfaqësimi i Kosovës dhe sfidat në arenën ndërkombëtare.

Kastrati rrëfeu shumë detaje nga karriera e tij, mes tyre edhe si ishte brenda qendrës stërvitore të Romës.

“Ka qenë shumë vështirë, por në konvikt kam qenë me shumë lojtarë të tjerë”, ka thënë fillimisht Kastrati në “Arena e Yjeve”.

“Kam qenë në Trigoria, në qendrën stërvitore të Romës, kanë qenë kushtet e mira, me shumë lojtarë të tjerë të moshave të ndryshme”.

“Ka qenë shkollë-konvikt, nuk kemi pasur shumë hapësirë për të dalë jashtë ose për diçka tjetër…”, rrëfen më tej lojtari shqiptar.

Këtë podcast mund ta ndiqni në TV Dukagjini çdo të shtune nga ora 17:10, ndërsa nuk do të ishte i mundur pa përkrahjen e sponsorit tonë Golden Eagle Energy Drink. /Telegrafi/

The post Jeta e Lirim Kastratit brenda në Trigoria – qendra stërvitore e Romës appeared first on Telegrafi.

Roma ka konfirmuar se Tammy Abraham i është bashkuar gjigantëve të Superligës turke, Besiktas, në formë huazimi me mundësi blerjeje, e cila do të bëhet e detyrueshme në kushte të caktuara.

Të dy klubet kanë konfirmuar marrëveshjen, e cila do ta shohë Abrahamin të bashkohet në një marrëveshje huazimi fillestar përpara asaj që pritet të jetë një transferim i përhershëm.

Besiktashi ka konfirmuar të dhënat e plota financiare të transferimit.

#LetTheGameBegin pic.twitter.com/E76MTpd6BM

— Beşiktaş JK (@Besiktas) July 3, 2025

Roma do të marrë një tarifë huazimi prej 2 milionë eurosh për shërbimet e Abrahamit për sezonin 2025-26, dhe duke supozuar se klauzola e detyrimit për blerje aktivizohet, ata do të marrin 13 milionë euro shtesë të paguara në këste deri në vitin 2030.

Ndërkohë, Abraham do të marrë një pagë vjetore prej 6 milionë eurosh në sezonin e tij të parë, 6.5 milionë euro në sezonin 2026/27 dhe 7 milionë euro nga vera e vitit 2027 deri në verën e vitit 2029.

Anglezi largohet nga Roma pas një lidhjeje katërvjeçare që filloi në sezonin 2021-22. Ish-lojtari i Chelseat shënoi gjithsej 37 gola nga 120 paraqitje zyrtare për Giallorossët, si dhe 10 të tjerë nga 44 paraqitje gjatë periudhës së tij të huazimit me Milanin në sezonin 2024-25. /Telegrafi/

Abraham ceduto al Besiktas

In bocca al lupo, Tammy!

https://t.co/tdP2oPrj7Z#ASRoma pic.twitter.com/HqIgROV6PC

— AS Roma (@OfficialASRoma) July 3, 2025

The post Zyrtare: Abraham transferohet te Besiktasi appeared first on Telegrafi.

Goditje e madhe në dalje për Romën që arrin të çlirohet nga Tammy Abraham, jashtë projektit të teknikut të ri Gasperini dhe të verdhekuqve, duke siguruar një shumë të mirë parash në prag të merkatos së verës dhe sidomos për të realizuar një plusvalencë thelbësore. Drejtori Sportiv Massara ka arritur të gjejë marrëveshjen me Besiktas për shitjen e sulmuesit anglez te turqit, ku do të ketë shok skuadre lojtarin e kombëtares kuqezi Ernest Muçi. Kostoja e operacionit është rreth 20 milionë dhe Abraham ka pranuar destinacionin përkundër “jo”-së për Zenitin.

Plusvalenca e përfituar nga Roma për Abraham

Një shumë që do të sjellë kështu 8 milionë plusvalencë për Romën duke pasur parasysh që në vitin 2021 ishte blerë për 40 milionë nga Chelsea. Tani mbeten vetëm procedurat burokratike mes klubeve për të përfunduar operacionin dhe Tammy do të jetë gati të fluturojë drejt Turqisë. Kështu shkruan eksperti i merkatos Fabrizio Romano, i cili thekson se marrëveshja është tashmë e përfunduar.

Një shumë e rëndësishme për Romën për të respektuar kufizimet e Fair Play Financiar së bashku me shitjet e mundshme të të rinjve Pagano, Romano, Cherubini dhe Terlizzi pa harruar Paredes. Abraham, pas dy sezoneve sigurisht jo të shkëlqyera – dëmtim dhe huazim te Milani – kalon kështu te turqit për një shumë shumë të lartë. Abraham erdhi në oborrin e portugezin José Mourinho te Roma për 40 milionë euro nga Chelsea. Një shumë e rëndësishme e investuar nga familja Friedkin për një lojtar që padyshim mund të thuhet se ishte një nga protagonistët e fitores së Conference League nga verdhekuqtë. Roma çlirohet gjithashtu edhe nga një pagë prej gati 8 milionë eurosh në sezon: anglezi do të fitojë 6 në Turqi.

Lexo më tej: Ernest Muçi nuk eviton dot rënien e Besiktas: Goztepe e thyen 1-3 në Kupë

Një marrëveshje, ajo e Abraham te Besiktas, që ecën paralelisht me atë të Ciro Immobile. Sulmuesi italian do të lërë Turqinë një vit pas mbërritjes për të shkuar te Bologna e teknikut Vincenzo Italiano. Pikërisht për këtë arsye, sapo të përfundojë shitja e sulmuesit kampan te emilianët, Besiktas u hodh menjëherë mbi Abraham si zëvendësuesin e tij. Anglezi me fanellën e Romës në 120 ndeshje ka shënuar 37 gola dhe ka dhënë 13 asistime. Pastaj erdhi dëmtimi i rëndë dhe gati një vit ndalesë deri te huazimi te Milan.

Sezoni i Abraham te Milan

Me fanellën kuqezi Abraham erdhi në huazim të thatë me Saelemaekers që bëri rrugën e kundërt duke forcuar skuadrën verdhekuqe. Në eksperiencën e tij te Milan anglezi u tregua i zoti duke shënuar 10 gola dhe 7 asistime në 45 paraqitje zyrtare mes kampionatit, Superkupës italiane, Ligës së Kampionëve dhe Kupës së Italisë. Por mbi të gjitha ishte pikërisht ai protagonisti i vërtetë më 6 janarin e kaluar kur në Riad shënoi golin vendimtar kundër Interit që i dhuroi kuqezinjve Superkupën italiane 2024.

The post Abraham i thotë po Besiktas, shok skuadre me Muçin: plusvalencë e madhe për Romën appeared first on Lapsi.al.

Pas shkëlqimit në Kupën e Botës për Klube, Gonzalo Garcia ka zgjuar interesimin e disa klubeve evropiane nga Liga Premier, Serie A dhe La Liga. Sulmuesi i ri i Real Madridit po konsiderohet si një nga talentet më premtuese të brezit të tij.

Gonzalo, vetëm 21 vjeç, është rritur në akademinë e Real Madridit dhe këtë sezon ka lënë gjurmë me paraqitjet e tij, si në Spanjë, ashtu edhe në arenën ndërkombëtare. Ai po vlerësohet si një lojtar me potencial të madh për të ardhmen.

Në 1RFEF me Castilla-n, ai ka shënuar 25 gola dhe ka dhënë 4 asistime në 36 ndeshje, duke treguar instinkt të lartë gjuajtjeje dhe aftësi për të ndihmuar shokët e skuadrës. Në Copa del Rey ka shënuar një gol në një ndeshje, ndërsa në Kupën e Botës për Klube ka kontribuar me 2 gola dhe 1 asistim në tre paraqitje.

Sunderland, klubi i sapongjitur në Ligën Premier, ka bërë një ofertë serioze: huazim me detyrim blerjeje në rast që qëndrojnë në elitë, me një marrëveshje që mund të arrijë 15 milionë euro plus 5 milionë në bonuse.

Roma nga Serie A është një tjetër klub i interesuar, duke propozuar një huazim pa opsion blerjeje. Një ofertë më e kujdesshme, por që konfirmon besimin në cilësitë e lojtarit. Edhe Real Oviedo ka bërë një qasje të ngjashme.

Ndërkohë, Leeds United është gati të ofrojë 20 milionë euro për të siguruar shërbimet e Gonzalo Garcías. Real Madrid, nga ana tjetër, po këmbëngul për përfshirjen e një klauzole rikthimi prej 30 milionë eurosh, për të ruajtur kontrollin mbi të ardhmen e tij.

Gjithsesi te Reali nuk po nguten dhe trajneri Xabi Alonso do të marrë vendimin përfundimtar për sulmuesin vetëm pas Kampionatit Botëror të Klubeve. /Telegrafi/

The post Po shkëlqen në Botërorin e Klubeve, katër klube i bëjnë oferta Realit për Gonzalo Garcian appeared first on Telegrafi.

A ju ka ndodhur ndonjëherë që një aromë ose një shije e veçantë t’ju rikthejë për pak çaste në fëmijëri? T’ju kujtojë një moment të ngrohtë, një vend, apo një person të dashur? Nuk është rastësi, është fuqia e nostalgjisë.

Studiuesit tregojnë se era dhe shija kanë një lidhje të drejtpërdrejtë me kujtesën emocionale. Aroma e një ëmbëlsire të bërë nga gjyshja, shija e një akulli të fëmijërisë apo era e sapunit të përdorur dikur në shtëpi, aktivizojnë pjesë të trurit që lidhen me ndjenjat e sigurisë, dashurisë dhe lumturisë.

Ky “efekt Madeleine”, siç quhet në psikologji, vjen nga një pjesë e trurit të quajtur sistemi limbik, që është përgjegjës për emocionet dhe kujtimet – dhe ndodhet shumë afër zonave që përpunojnë erën dhe shijen.

Kjo është arsyeja pse nostalgjia, edhe pse ndonjëherë e hidhur, ka një ndikim pozitiv në mirëqenien tonë emocionale. Na ndihmon të ndiejmë lidhje me rrënjët tona, të rikuperojmë ndjenja të mira dhe të gjejmë ngushëllim në përvojat e së shkuarës.

Prandaj, herën tjetër që ndjeni një aromë të njohur apo shijoni një ushqim “si dikur”, lejojeni veten të udhëtoni në kohë. Sepse kujtimet e mira janë ushqim për shpirtin.

The post Nostalgjia: Pse aromat dhe shijet e së kaluarës na bëjnë të ndihemi kaq mirë? appeared first on iconstyle.al.

TIRANË, 24 qershor /ATSH/ Mbrojtësi i Kombëtares shqiptare të futbollit, Marash Kumbulla është vënë në qendër të merkatos verore.

Kumbulla, i cili luajti në huazim tek Espanyol në ligën spanjolle sezonin e shkuar, është në pronësi të skuadrës italiane të Romës.

Sipas medieve italiane, verdhekuqtë janë të detyruar të shesin menjëherë, pasi i duhen 10 milionë euro arkëtime për të qenë korrekt me bilancet financiare.

“Corriere dello Sport” zbulon se Roma ka përpiluar një listë të shpejtë për lojtarët që janë në shitje, mes tyre është edhe emri i Marash Kumbullës.

Qendërmbrojtësi kuqezi mund të largohet, por vlera e tij e kartonit është një pengesë e fortë pasi Roma nuk ka ndërmend të shes nën kosto një lojtar që 4 vite më parë i kushtoi afro 26,5 milionë euro.

Espanyol mbetet në çdo rast një opsion për Kumbullën, pasi drejtuesit e ekipit spanjoll janë shumë të kënaqur me rendimentin e tij, por as që bëhet fjalë, të paktën për momentin, që të investojnë para kesh për të blerë Kumbullën, synojnë ta mbajnë në skuadër të paktën edhe për një tjetër vit në formë huazimi.

/gj.m/a.f/r.e/

The post Përfundoi huazimin tek Espanyol, Roma nxjerr në shitje Kumbullën appeared first on Agjencia Telegrafike Shqiptare.

Policia e Tiranës ka arrestuar një 54-vjeçar në kuadër të operacionit të koduar “The Wanted”.

Sipas njoftimit zyrtar, Bledar Imami u arrestua në bulevardin “Bajram Curri” në Tiranë, pasi ishte shpallur në kërkim pas dënimit me 7 vite burg nga Gjykata e Milanos për veprën penale “Importimi dhe mbajtja e substancave narkotike”, kryer në kuadër të një organizate kriminale.

Policia njofton se Interpol Tirana, në bashkëpunim me Interpol Romën, po vijon procedurat për ekstradimin e tij në Itali.

Njoftimi i plotë

“Vijon operacioni policor i koduar “The Wanted”, për kapjen e shtetasve të shpallur në kërkim ndërkombëtar.

Kapet në bulevardin “Bajram Curri”, një shtetas i dënuar në Milano, për pjesëmarrje në organizatë kriminale për trafikim të lëndëve narkotike.

Si rezultat i një pune të mirorganizuar operacionale, të kryer në koordinim me homologët italianë, pas shkëmbimit të informacioneve nëpërmjet strukturave të Interpol Tiranës, me Interpol Romën, Seksioni i Kërkimit, gjatë kësaj faze të operacionit “The Wanted”, kapi dhe arrestoi me qëllim ekstradimin në Itali, shtetasin shqiptar, të shpallur në kërkim ndërkombëtar, Bledar Bedini alias Bledar Imami, 54 vjeç.

Gjykata e Milanos e ka dënuar 54-vjeçarin, me 7 vjet burgim, për veprën penale “Importimi dhe mbajtja e substancave narkotike”, kryer në kuadër të organizatës kriminale.

Interpol Tirana, në bashkëpunim me Interpol Romën, vijon procedurën për ekstradimin e këtij shtetasi, në Itali”, thuhet në njoftim.

LEXONI GJITHASHTU:

• FOTO/ Me armë në valixhe, kapet duke kaluar në Rinas shqiptaro-kanadezi
• Salianji kërkon lirimin me kusht në Gjykatën e Fierit, kur jepet vendimi

The post EMRI/ Kapet në Tiranë i dënuari për drogë në Milano, do të ekstradohet në Itali appeared first on Euronews Albania.

Roma ka zyrtarizuar emërimin e Gian Piero Gasperinit si trajnerin e saj të ri, me një kontratë që e lidh deri në qershor të vitit 2028. Ai do të bashkëpunojë ngushtë me Claudio Ranierin, i cili do të shërbejë si këshilltar special.

Vendimi ishte marrë javën e kaluar, por u bë zyrtar vetëm sot pasdite me një deklaratë. Klubi e vlerësoi Gasperinin për taktikat e tij krijuese, përkushtimin ndaj punës së palodhur dhe aftësinë për të zhvilluar lojtarë të rinj.

“Si pronarët ashtu edhe Claudio Ranieri besojnë se Gasperini është njeriu i duhur për këtë projekt të ri,” thuhet në njoftim.

Gian Piero Gasperini’s first day at Trigoria #ASRoma pic.twitter.com/Kk4VpgKUrg

— AS Roma English (@ASRomaEN) June 6, 2025

Trajneri 66-vjeçar e mbylli aventurën e tij të gjatë në krye të Atalantës, ku nëntë vite të suksesshme e çuan klubin në nivele të reja: fitoi Europa League, arriti finalen e Kupës së Italisë, çerekfinalen e Ligës së Kampionëve dhe siguroi kualifikimin në Ligën e Kampionëve pesë herë në shtatë sezone.

Ranieri, i cili udhëhoqi Romën drejt vendit të pestë në Serie A këtë sezon, luajti një rol kyç në vendimin për të sjellë Gasperinin, pasi vendosi të tërhiqet nga stoli por të qëndrojë pranë ekipit si këshilltar.

Gasperini pritet të nisë shumë shpejt seancat e para stërvitore me skuadrën e re, ndërsa është fotografuar duke firmosur kontratën së bashku me Ranierin dhe drejtorin sportiv Florent Ghisolfi. /Telegrafi/

The post Mësohet arsyeja se pse Ranieri e prezantoi Gasperinin si trajner të Romës appeared first on Telegrafi.

Tashmë është zyrtare: Gian Piero Gasperini do të jetë trajneri i ri i Romës. Tekniku italian do të largohet nga Atalanta dhe pritet të marrë së shpejti drejtimin e verdhekuqve të kryeqytetit.

Së bashku me Gasperinin, në Romë do të rikthehet edhe Marash Kumbulla, i cili aktualisht është i huazuar te Espanyoli.

Edhe pse ende pa u zyrtarizuar në stolin e Romës, trajneri italian ka marrë një vendim në lidhje me mbrojtësin e Kombëtares shqiptare.

Sipas mediave italiane, Gasperini e vlerëson Kumbullën dhe ka vendosur që ai të qëndrojë në kryeqytet.

Duke pasur parasysh edhe largimin e Mats Hummels, mbrojtësi shqiptar do të bëjë pjesë në skuadrën e Romës për sezonin e ardhshëm.

The post Gasperini në Romë, tekniku italian merr vendimin përfundimtar për Kumbullën appeared first on Albeu.com.

Sipas një njoftimi të fundit nga gazetari i njohur i transferimeve, Fabrizio Romano, Roma ka arritur marrëveshjen për të emëruar Gian Piero Gasperinin si trajnerin e ri të ekipit të parë.

Kontrata e nënshkruar është për tre vjet, dhe Gasperini do të largohet nga Atalanta pas 9 vitesh të suksesshme, ku arriti të fitojë trofe si Liga e Evropës dhe të krijojë një ekip me stil sulmues dhe të disiplinuar taktikisht.

Gasperini, i njohur për sistemin e tij 3-4-3 dhe lojën intensive me posedim, pritet të sjellë një erë të re te projekti i Romës, me synim përmirësimin e performancës në Serie A dhe garat evropiane.

Ky hap vjen pas largimit të Claudio Ranierit, i cili kishte drejtuar klubin përkohësisht.

Tifozët e Romës janë në pritje të një sezoni emocionues me Gasperinin në krye, ndërsa klubi synon të ndërtojë mbi bazat e sukseseve të fundit dhe të kthehet në nivelet më të larta të futbollit italian dhe evropian. /Telegrafi/

BREAKING: AS Roma agree three year deal with Gian Piero Gasperini as new head coach.

Gasperini leaves Atalanta after 9 years as expected and joins AS Roma project. pic.twitter.com/jJvWrtpT4W

— Fabrizio Romano (@FabrizioRomano) May 30, 2025

The post E kryer, Gasperini – trajner i ri i Romës appeared first on Telegrafi.

Juventus? Jo, faleminderit. Gian Piero Gasperini do të jetë trajneri i ardhshëm i Romës, deri në vitin 2028. Nuk mjaftoi përpjekja e drejtorit të ardhshëm të përgjithshëm të Zonjës, Damien Comolli, i cili në mëngjes pati një bisedë të gjatë telefonike me teknikun nga Grugliasco. Gasperini vlerësoi për disa orë të dy opsionet që kishte në duar dhe më pas vendosi të pranonte propozimin e verdhekuqve, me të cilët kishte arritur tashmë në diskutime shumë më të thelluara ditën e djeshme.

Telefonata e pamjaftueshme e Comolli

Në frontin bardhezi, në orët e fundit kishte qenë vendimtare figura e Giorgio Chiellini, admirues i madh i teknikut Gasperini, i cili u angazhua personalisht për të përparuar kandidaturën e tashmë ish-trajnerit të Atalantës për pankinën e sezonit të ardhshëm. Ish-kapiteni i Juventus, pikërisht në skenarin e një roli gjithnjë e më qendror në klub, kishte arritur të gjente mbështetje te pronarët dhe në atë pikë drejtori i ardhshëm i përgjithshëm, Comolli, telefonoi drejtpërdrejt trajnerin: ishte një bisedë e gjatë, por me sa duket jo mjaftueshëm bindëse për të shtyrë teknikun të mbyllte derën për Romën.

Nëse bardhezinjtë kontaktuan teknikun pas vendimit të Antonio Conte për të qëndruar në Napoli, Roma kishte lëvizur me kohë dhe Gasperini kishte dëgjuar – ballë për ballë – fjalët e presidentit Dan Friedkin, me të cilin ishte takuar dje në Firence: projekti trevjeçar në çdo detaj i menduar për skuadrën e kryeqytetit, një shkëmbim interesant vizionesh, propozimi konkret, i firmosur më pas sot. Nga ana tjetër, këtë mëngjes Gasperini nuk gjeti të njëjtat siguri në një klub që është në mes të një revolucioni drejtues pikërisht këto ditë. Një revolucion drejtues që, për momentin, nuk ka gjetur asnjë drejtim teknik përveç përkohësisht Igor Tudor. Dhe koha është e pakët, duke parë që klubet e tjera të Serie A po angazhojnë me shpejtësi të gjithë trajnerët kryesorë në treg.

Takimi në Firence me Friedkins

Në krahasim me telefonatën e nisur këtë mëngjes nga Comolli, dje Friedkins kishin organizuar një takim “live” me Gasperinin, duke e pritur në një resort në pronësi të tyre në Firence, jo larg Covercianos. Në fund, lëvizja dha rezultat: jo vetëm një kohëzgjatje e shkëlqyer nga ana e verdhekuqve, por edhe efikasiteti i nevojshëm. Gasperini u ndje i rëndësishëm gjatë dy orëve në Toskanë – të ndërprera nga dreka – në shoqërinë e pronarëve të Romës, Claudio Ranierit dhe Florent Ghisolfi.

Lexo më tej: “Conte tradhtar”: tifozët e Juventus tërbohen pas vendimit për të qëndruar te Napoli

Drejtuesit e Romës, pra, ia shpjeguan me detaje pse pikërisht ai është i përzgjedhuri për projektin e hartuar, nga garancitë teknike tek ato të merkatos. Sigurisht, kufizimet e Fair Play Financiar do të jenë një faktor për t’u marrë në konsideratë, por gjithçka tjetër është e mjaftueshme që martesa të realizohet: propozimi për një kontratë trevjeçare më pas u pranua. Pavarësisht se Gasperini ka lindur në Grugliasco – në provincën e Torinos –, pavarësisht se Gian Piero është rritur te Juventus, duke debutuar me fanellën bardhezi si lojtar dhe më pas si trajner i të rinjve, dhe pavarësisht se gjithmonë ka mbetur i magjepsur nga Zonja. E kaluara mbetet e kaluar, pra, ndërsa e ardhmja verdhekuqe tashmë është… e tashme.

The post Juventus tjetër refuzim, Gasperini te Roma: i tha “jo” pas një telefonate me Comolli appeared first on Lapsi.al.

Futbolli i të rinjve po përjeton një tjetër faqe të zezë. Pas vërshëllimës së fundit të gjysmëfinales së playoff-it Primavera mes Romës dhe Fiorentinës, e fituar nga violat, një episod shumë i rëndë ka tronditur ambientin verdhekuq: ish-lojtari i Romës, Nicolò Zaniolo, sot pjesë e Fiorentinës, dyshohet se ka sulmuar dy lojtarë të Romës Primavera brenda dhomave të zhveshjes. Gjithçka thuhet të ketë ndodhur në përfundim të ndeshjes, pas eliminimit të skuadrës së drejtuar nga Falsini.

Çfarë ndodhi në dhomat e zhveshjes

Këtë e raportoi Sportitalia, që rindërton një skenë me përmasa të rënda: lojtari aktual i Fiorentinës dyshohet se ka provokuar disa të rinj të Romës pasi hyri pa autorizim në dhomën e tyre të zhveshjes. Nga fjalët mendohet të jetë kaluar menjëherë te veprimet fizike: shuplaka, fyerje dhe të paktën një grusht i dhënë ndaj të rinjve verdhekuq. Gazetarja e transmetuesit flet për “bërtima të dëgjueshme deri jashtë tunelit”, dhe shton: “Një përleshje me grushte dhe goditje”.

Sipas informacioneve të para, viktima të ngjarjes kanë qenë Mattia Almaviva, kapiten i Romës Primavera dhe figurë e njohur e akademisë verdhekuqe (ishte ai që mori simbolikisht shiritin e kapitenit nga Francesco Totti ditën e lamtumirës së tij), dhe mbrojtësi Marco Litti. Të dy mendohet të jenë goditur fizikisht nga Zaniolo gjatë përplasjes. Nervozizmi ishte i dukshëm që në fushë dhe në tribuna menjëherë pas përfundimit të ndeshjes: tensione mes tifozëve të Fiorentinës dhe lojtarëve të Romës, ndoshta të shkaktuara nga provokimet e ndërsjella pas eliminimit të Romës dhe kalimit të Fiorentinës në finalen e kampionatit Primavera. Për të përkeqësuar klimën, ishte edhe prania e diskutueshme e Zaniolo, një ish-lojtar jo shumë i dashur në kryeqytet. Një përfundim pra i mbushur me tension, që më pas degjeneroi pas ndeshjes.

Dënimi zyrtar i Romës: “Sjellje e papranueshme”

Pak orë pas ngjarjes, erdhi edhe reagimi zyrtar i Romës me një komunikatë të fortë dhe të drejtpërdrejtë: “AS Roma njofton se, pas përfundimit të ndeshjes së sotme, ndodhi një episod i pakëndshëm ku u përfshi lojtari Nicolò Zaniolo. Sipas asaj që është rindërtuar, lojtari ka hyrë në dhomën e zhveshjes së skuadrës Primavera pas përfundimit të ndeshjes dhe ka pasur një sjellje provokuese ndaj disa lojtarëve të akademisë verdhekuqe. Gjatë konfrontimit, dy lojtarë të formacionit Primavera janë goditur fizikisht. AS Roma dënon me vendosmëri çdo formë sjelljeje agresive apo që nuk përputhet me vlerat e sportit”.

Një distancim i qartë, ndërkohë që priten eventualisht sanksione apo masa nga Lega Serie A apo FIGC. Edhe trajneri i Fiorentinës, Daniele Galloppa, komentoi me hidhërim atë që ndodhi pas ndeshjes: “Skena të mjerueshme”. Ndërkohë, jehona e përleshjes pritet të ndihet gjatë. Imazhi i Zaniolos, tashmë i diskutueshëm në Itali, rrezikon tani një goditje të re të rëndë.

Nota ACF Fiorentina in merito a quanto successo al termine della semifinale del Campionato Primavera tra Fiorentina e Roma: https://t.co/Y53RPoFohV

— ACF Fiorentina (@acffiorentina) May 26, 2025

Versioni i Zaniolo: “Më fyen, ika për të shmangur përkeqësimin”

Fiorentina, në lidhje me atë që ndodhi pas gjysmëfinales së Kampionatit Primavera mes Fiorentinës dhe Romës, dëshiroi të transmetonte deklaratat e lojtarit të saj Nicolò Zaniolo: “Pas përfundimit të ndeshjes zbrita në dhomat e zhveshjes për të përgëzuar djemtë e Fiorentinës dhe më pas kalova edhe në dhomat e zhveshjes së Romës për t’i përshëndetur dhe për t’i uruar për sezonin, por në një moment filluan të më fyenin, ndaj në atë pikë, për të shmangur që situata të përkeqësohej, preferova të largohesha” – është pra versioni i lojtarit, që bie ndesh me atë të raportuar nga Sportitalia dhe nga deklarata e klubit verdhekuq.

The post Çmendet Zaniolo, rreh 2 lojtarë të Roma Primavera në dhomat e zhveshjes: çfarë ndodhi appeared first on Lapsi.al.

Zyra e prokurorëve të FIGC ka nisur një hetim formal mbi ngjarjet e dyshuara që ndodhën pas një ndeshjeje të ekipeve Primavera midis Fiorentinës dhe Romës, ku përfshihej lojtari i ekipit të parë të klubit Viola, Nicolo Zaniolo.

Roma publikoi një deklaratë të hënën në mbrëmje, duke akuzuar Zaniolon se hyri në dhomën e zhveshjes së ekipit të tyre dhe se kishte “goditur fizikisht” dy nga lojtarët e tyre pas gjysmëfinales së ‘play-off’-it të Primaveras që u zhvillua në Viola Park më herët gjatë ditës.

“Sipas rindërtimeve fillestare, lojtari dyshohet se ka hyrë në dhomën e zhveshjes së ekipit Primavera pas ndeshjes dhe është përfshirë në sjellje provokuese ndaj disa prej lojtarëve të rinj të Giallorossiëve. Gjatë konfrontimit, dy lojtarë nga skuadra Primavera thuhet se janë goditur fizikisht”, thuhet në deklaratën e Romës.

Fiorentina ka lëshuar gjithashtu një deklaratë me versionin e Zaniolos për ngjarjet.

“Në fund të ndeshjes, shkova në dhomën e zhveshjes për të përgëzuar djemtë e Fiorentinës, pastaj kalova nëpër dhomën e Romës për t’i përshëndetur dhe për t’i komplimentuar për sezonin e tyre. Megjithatë, në një moment të caktuar ata filluan të më fyenin, kështu që në atë fazë, për të shmangur degradimin e situatës, preferova thjesht të largohesha”, ka thënë Zaniolo.

Nicolo Zaniolo is now under investigation by the FIGC and could be heard as early as Tuesday afternoon following accusations that he ‘physically struck’ two Primavera players after a match between Fiorentina and Roma at Viola Park on Monday evening. pic.twitter.com/kAheeL3XwE

— Football Italia (@footballitalia) May 27, 2025

Sipas raportimeve nga media të shumta, përfshirë Sky Sport Italia, zyra e prokurorëve të FIGC ka hapur tashmë një hetim mbi ngjarjet që ndodhën në Viola Park të hënën në mbrëmje.

Zaniolo, i cili kaloi pesë vjet me Giallorossët, mund të dëgjohet edhe nga Giuseppe Chine që të martën pasdite, sipas raportimeve nga La Gazzetta dello Sport.

Raporti i ditës së sotme (e martë) pohon se nëse zbulohet se Zaniolo ka goditur dy lojtarë të ekipit të të rinjve, siç ka pretenduar Roma, atëherë një ndëshkim “i rëndë” do të ishte “i pashmangshëm”. /Telegrafi/

The post Zaniolo nën hetim pasi thuhet se rrahu disa lojtarë të rinj të Romës appeared first on Telegrafi.

Fituesit e çmimeve të më të mirëve të Serie A për sezonin 2024/25 janë shpallur pas përfundimit të luftës për titullin e ligës të premten në mbrëmje, me heroin e Napolit, Scott McTominay, që mori çmimin kryesor në sezonin e tij të parë në Itali.

Napoli është kurorëzuar kampion i Italisë për sezonin 2024/25 pas një fitoreje 2-0 ndaj Cagliarit në Stadio Maradona të premten në mbrëmje. Edhe pse Interi mundi Comon 2-0 jashtë fushe në të njëjtën kohë, ata e mbyllën sezonin një pikë larg tyre.

Lojtari i kombëtares skoceze, McTominay, është shpallur MVP i përgjithshëm i Serie A, pasi e ndihmoi Napolin të fitojë Scudetton e dytë në vetëm tre vjet, në sezonin e tij të parë që kur u transferua nga Manchester United.

Ai kontribuoi me 12 gola dhe gjashtë asistime në Serie A këtë sezon, dhe iu dha trofeu në fushë pas fitores 2-0 ndaj Cagliarit të premten në mbrëmje.

McVP

The #SerieA Best Overall Player: Scott McTominay @EASPORTSFC @easportsfcit pic.twitter.com/Hz58UxJ4g8

— Lega Serie A (@SerieA_EN) May 23, 2025

Portieri i Romës, Mile Svilar, ka mposhtur David De Gean e Fiorentinës dhe Vanja Milinkovic-Savic të Torinos për të fituar çmimin e portierit më të mirë për sezonin 2024/25.

Mbrojtësi më i mirë i takon lojtarit të kombëtares italiane, Alessandro Bastoni, i cili mposhti konkurrencën nga bashkëkombësi dhe fituesi i titullit, Alessandro Buongiorno, dhe mbrojtësi i krahut të Lazios, Nuno Tavares.

Pavarësisht se përfundoi jashtë pozicioneve evropiane në Serie A, mesfushori i Milanit Tijjani Reijnders, është emëruar si mesfushori më i mirë i Serie A. Ai mundi McTominay dhe Nicolo Barella të Interit për çmimin.

The #SerieA MVPs! @EASPORTSFC @easportsfcit pic.twitter.com/ku7WqQuZCS

— Lega Serie A (@SerieA_EN) May 23, 2025

Një tjetër lojtar i kombëtares italiane, Mateo Retegui, ka fituar çmimin e sulmuesit më të mirë, duke shënuar 25 gola dhe duke dhënë shtatë asistime nga 25 ndeshje në ligë këtë sezon. Ai mundi Moise Kean të Fiorentinës dhe Riccardo Orsolini të Bolognës në një listë prej tre lojtarësh më të mirë, të gjithë italianë.

Në fund, talenti i Comos, Nico Paz, ka fituar çmimin për lojtarin më të mirë U23 për sezonin 2024/25, duke mposhtur Sebastiano Espositon e Empolit dhe Kenan Yildizin e Juventusit. /Telegrafi/

The post Nga lojtari te portieri dhe sulmuesi – Serie A zgjedh më të mirët e sezonit 2024/25 appeared first on Telegrafi.

Pse goditja me bërryl e Gimenez ndaj Mancinit të Romës u konsiderua përjashtim dhe ai i Beukema të Bolognës ndaj Gabbias jo? Sergio Conceiçao dhe Milan shfrynë nga zemërimi për atë episod që në Olimpico e bëri gjithçka më të vështirë. Trajneri, i cili u përjashtua për protesta, nuk mund të mos rikthehej te ai kontakt që brenda pak ditësh u interpretua në dy mënyra të ndryshme.

“AVAR-i që ishte me Romën është i njëjti VAR që ishte ndaj Bologna – pranoi trajneri i Milan pas ndeshjes, si në TV ashtu edhe në konferencë për shtyp. – Vetëm se atëherë VAR-i nuk e thirri arbitrin… nuk po them se nëse do të kishte ndodhur përjashtimi do ta kishim fituar ndeshjen, por këto janë episode, detaje që më pas bëhen të vështira për t’u përballuar”. Kujt i referohej trajneri? Arbitrit Mazzoleni, që në finalen e Kupës së Italisë (të humbur 1-0) ishte asistenti i kolegut të tij, Meraviglia. Portugezi thjesht nuk arrin të kuptojë si është e mundur një gjë e tillë. Dhe nuk është i vetmi, duke pasur parasysh se edhe midis ish-gjyqtarëve të angazhuar në analizat me moviolë ka shumë pikëpyetje për këtë rast specifik.

Çfarë ndodhi mes Gimenez dhe Mancini në zonën e Romës

Çfarë ndodhi? Ngjarja ndodh në minutën e 21-të të pjesës së parë kur, gjatë një dyluftimi mbrojtës/sulmues brenda zonës romaniste, Gimenez i jep një bërryl Mancinit, larg topit. Gjyqtari i ndeshjes, Piccinini, nuk e vëren ngjarjen por i raportohet nga dhoma e regjisë, që i sugjeron ta verifikojë në rishikimin në fushë (on-field review): merr shumë pak kohë për të marrë vendimin dhe sapo kthehet ka tashmë në dorë kartonin e kuq. Sulmuesi shkon në dushe (dhe pothuajse me siguri do të marrë 2 ndeshje pezullim), Milani detyrohet të luajë edhe mbi 70 minuta në inferioritet numerik, me gjithë tensionin e një skuadre që ndjehet padrejtësisht e ndëshkuar nga një vendim kontrovers, i ndërlikuar, i pashpjegueshëm edhe për ekspertët e moviolës.

Shpjegimi që mund të jepet (dhe një i tillë mbetet, një hipotezë) është një interpretim tepër i ndërlikuar dhe mbetet vetëm një supozim përballë të vërtetës që vetëm korpusi gjyqësor e njeh për vlerësimin e atyre episodeve. Beukema përpiqet të çlirohet nga një markim i ngushtë nga Gabbia. I tiji nuk është një reagim si ai i Gimenez që godet me bërryl mbrojtësin e Romës. Një version që nuk bind aspak ish-gjyqtarët.

Përplasja e arbitrave në moviolë: “Episodet janë identike”

Në “Pressing”, Graziano Cesari shpjegon: “Janë dy episode identike! Ashtu si Gimenez sot, edhe Beukema duhej të përjashtohej në finalen e Kupës së Italisë! Protokolli nuk ka ndryshuar… edhe ai i Kupës së Italisë është konsideruar gabim në ambientet e AIA-s”. Luca Marelli në DAZN është në të njëjtën linjë: “Gimenez dhe Mancini përplasen dhe në një moment, me dorën e djathtë, meksikani jep një bërryl. Jam i prirur të them se në futboll nuk ka episode identike, në rastin më të mirë të ngjashme. Por nëse i shohim këto dy episode, janë në të vërtetë identike. Piccinini nuk mund ta shihte dhe VAR-i e thërret sepse konstaton një sjellje të dhunshme, pra një gjest të qëllimshëm për të dëmtuar kundërshtarin. Në këto raste pezullimi është 2 ose më shumë ndeshje”.

Trova le differenze…#MilanBologna #RomaMilan pic.twitter.com/PZthDDgaDM

— Gianpaolo Calvarese (@Calvarese_) May 18, 2025

Gianpaolo Calvarese, përmes rrjeteve sociale, komentoi episodin në mënyrë elokuente: “Gjej dallimet”. Disa ditë më parë, me rastin e asaj që ndodhi në Olimpico, ai ishte shprehur kështu duke iu referuar kartonit të kuq të dhënë për Kalulu për një ndërhyrje ndaj Castellanos të Lazios: “Sipas meje, gabon Meraviglia (sipas meje ishte një rrezik ta dërgoje në VAR në një finale të Kupës së Italisë) që nuk ndërhyn për një gjest shumë më të qartë se ai i Kalulu ndaj Castellanos si ai i Beukema ndaj Gabbias. Mbrojtësi i Bolognës ishte për karton të kuq”.

The post Pse Gimenez u përjashtua për goditjen me bërryl e Beukema jo:interpretim i ndërlikuar appeared first on Lapsi.al.

Sot janë zhvilluar ndeshjet e javës së 37-të në Serie A, ku Juventusi ka mposhtur Udinesen, ndërsa Roma ka fituar në derbi ndaj Milanit.  

Juventusi ka marr një fitore të madhe ndaj Udineses, me rezultat 2-0. 

Nico Gonzales e shënoi në fillimin e pjesë e dytë, ndërsa Dusan Vlahovic vulosi fitoren, duke arritur ta mbaj Zonjën e Vjetër në pozitën e katërt.  

FT || Vittoria fondamentale nell’ultima gara in casa della stagione @EASPORTSFC#JuveUdinese pic.twitter.com/2ekYiO1508

— JuventusFC (@juventusfc) May 18, 2025

Roma në anën tjetër ka shënuar fitore ndaj Milanit në derbin e javës, me rezultat 3-1. 

Gianluca Mancini e hapi ndeshjen, ndërsa Joao Felix i barazoi shifrat pak pa u mbyllur pjesa e parë.  

Por Leandro Paredes me një super gol nga distanca ktheu Romën në epërsi, ndërsa Bryan Cristante shënoi në fund, duke vulosur fitoren që i mban gjallë shpresat për një vend në “Champions”.  

Vinciamo noi

Decidono i gol di Mancini, Paredes e Cristante #RomaMilan pic.twitter.com/PYlvoqgnK1

— AS Roma (@OfficialASRoma) May 18, 2025

Juventusi ka 67pikë në vendin e katërt, një më shumë se Roma në vendin e pestë. 

Zonja e Vjetër në xhiron e fundit luan ndaj Venezias si mysafir, ndërsa Roma shkon te Torino. /Telegrafi/  

The post Juventusi dhe Roma fitojnë dhe vazhdojë luftën për pozitën e katërtë  appeared first on Telegrafi.

Roma dhe Milani takohen në Stadio Olimpico të dielën. Të dyja ekipet synojnë ende të kualifikohen për në Evropë, kështu që çfarë u duhet për të arritur objektivin e tyre?

Roma ka 63 pikë, një më pak se Juventusi dhe Lazio. Nëse fitojnë dy ndeshjet e mbetura kundër Udineses dhe Venezias, ata do të kualifikohen për në Ligën e Kampionëve pasi kanë një rekord më të mirë në ndeshjet kokë më kokë kundër Biancocelestëve.

Rekordi i ndeshjeve kokë më kokë midis Romës dhe Juventusit është identik, kështu që nëse ata përfundojnë me pikë të barabarta javën e ardhshme, skuadra me diferencë më të mirë të përgjithshme të golave ​​do të përfundojë e katërta.

Rekordi i ndeshjeve kokë më kokë midis Romës dhe Lazios është në favor të Giallorossëve.

Teknikisht, Milani mund të kualifikohet ende për në Ligën e Kampionëve, por shanset e tyre janë të reduktuara, për të mos thënë shumë, pasi janë katër pikë poshtë Juventusit dhe Lazios me dy ndeshje të mbetura.

Bologna ka fituar tashmë një nga dy vendet e disponueshme për Ligën e Evropës duke fituar Kupën e Italisë dhe ende mund të kualifikohet për Ligën e Kampionëve. Nëse Rossoblutë përfundojnë të katërtit, ekipet e vendit të 5-të dhe të 6-të do të kualifikohen për Ligën e Evropës.

Megjithatë, nëse fituesit e Kupës së Italisë përfundojnë në vendin e 5-të, vetëm skuadra e vendit të 6-të do të kualifikohet për Ligën e Evropës, dhe skuadra e vendit të 7-të do të luajë në Ligën e Konferencës sezonin e ardhshëm.

Po kështu, skuadra e vendit të 5-të kualifikohet për në Ligën e Evropës, dhe skuadra e vendit të 7-të do të shkojë në Ligën e Konferencës nëse Bologna përfundon e 6-ta.

Nëse Bologna përfundon jashtë 6 ekipeve të para, atëherë ekipi i vendit të pestë kualifikohet për në Ligën Evropës dhe ekipi i vendit të 6-të do të luajë në Ligën e Konferencës.

Duke pasur parasysh këtë, nëse Milani humbet kundër Romës, nuk do të ketë gjasa të luajë në ndonjë garë evropiane sezonin e ardhshëm, por çdo vendim do të varet edhe nga rezultatet e kundërshtarëve të tyre.

Shpresat e Romës për Ligën e Kampionëve janë të lidhura me rezultatet e Lazios dhe Juventusit, dhe sigurisht që Giallorossët do të duhet të presin deri në raundin e fundit për një vendim për një vend në katër vendet e para, përveç nëse humbasin ndaj Milanit dhe rivalët e tyre të drejtpërdrejtë fitojnë ndeshjet e tyre. Këto rezultate do t’i jepnin fund ëndrrës së tyre për Ligën e Kampionëve me një ndeshje të mbetur. /Telegrafi/

The post Çfarë u duhet Milanit dhe Romës për t’u kualifikuar në Evropë appeared first on Telegrafi.