Vajza e Bes Kallakut dhe Xhensila Myrtezajt, Ajka, ka festuar sot ditëlindjen, por kjo ditë e veçantë nuk ka qenë një rast ribashkimi për dy prindërit e saj të njohur. Edhe pse më parë janë parë të bashkuar për momente të rëndësishme në jetën e fëmijëve, këtë herë ata kanë organizuar dy festa të ndara, secili në mënyrën e vet.

Të dy prindërit kanë ndarë në rrjete sociale foto nga ditëlindja e Ajkës, por në asnjërën prej tyre nuk shfaqen bashkë. Xhensila dhe Besi kanë zgjedhur që ta festojnë këtë ditë veçmas, duke e ndarë gëzimin me familjarë dhe miq të afërt, secili në rrethin e vet.

Pavarësisht se ndarja e tyre është zyrtarizuar muaj më parë, ky vendim për të mos qenë bashkë as në ditën e lindjes së vajzës së tyre më të madhe, ka ngjallur reagime dhe komente të shumta nga ndjekësit, të cilët kanë vënë re mungesën e një momenti të përbashkët familjar.

The post As ditëlindja nuk i bashkoi: Xhensila dhe Besi festojnë veç për Ajkën appeared first on iconstyle.al.

Të shtunën, më 3 korrik 2025, bota e futbollit u trondit nga lajmi i kobshëm për ndarjen nga jeta të yllit të Liverpool-it, Diogo Jota, dhe vëllait të tij më të vogël, Andre. Dy vëllezërit humbën jetën tragjikisht në një aksident automobilistik në veri të Spanjës, vetëm dy javë pas dasmës së Jotës me të dashurën e tij të fëmijërisë, Rute Cardoso, me të cilën kishte tre fëmijë.

Ceremonia mortore u mbajt më 5 korrik në kishën Igreja Matriz de Gondomar, pranë Portos, ku familja, miqtë dhe tifozët i dhanë lamtumirën e fundit Diogos 28-vjeçar dhe Andres 25-vjeçar.

Që atëherë, disa futbollistë të njohur janë zotuar ta mbështesin familjen e Jotës në forma të ndryshme.

1. Cristiano Ronaldo

Cristiano Ronaldo nuk mori pjesë në funeral për të shmangur vëmendjen e mediave, por ka vendosur të mbulojë të gjitha shpenzimet e sigurimit shëndetësor për bashkëshorten dhe familjen e Jotës. Ai ishte një ndër të parët që reagoi me një mesazh emocional:

“Nuk ka sens… Ishim bashkë me kombëtaren, ti sapo ishe martuar. Familjes tënde, bashkëshortes dhe fëmijëve u dërgoj ngushëllimet më të sinqerta dhe gjithë forcën e botës. E di që do jesh gjithmonë me ta. Pushofshi në paqe, Diogo dhe Andre. Do na mungoni të gjithëve.”

2. Lamine Yamal

Ylli 17-vjeçar i Barcelonës, Lamine Yamal, ka premtuar se do të mbulojë të gjitha shpenzimet e udhëtimeve të familjes Jota në të ardhmen. Gjesti i tij është përshëndetur për pjekurinë dhe respektin që tregon, pavarësisht moshës së re.

3. Ruben Neves

Miku më i ngushtë i Jotës, Ruben Neves, ka marrë përsipër arsimin e fëmijëve të tij deri në moshën madhore. Neves udhëtoi menjëherë drejt Portugalisë pas eliminimit të ekipit të tij, Al Hilal, në Kupën e Botës për Klube dhe ishte një nga ata që mbajtën arkivolin në funeral.

4. Mohamed Salah

Sulmuesi egjiptian ka premtuar se do të mbulojë të gjitha nevojat financiare të familjes së ish-shokut të tij të skuadrës – përfshirë strehimin, ushqimin dhe çdo shpenzim tjetër. Sipas mediave, Salah është zotuar që familja e Jotës të mos ketë kurrë më nevojë për asgjë.

5. Virgil van Dijk

Kapiteni i Liverpool-it, Virgil van Dijk, që udhëhoqi delegacionin e klubit në funeral, është zotuar të kujdeset për fëmijët e Jotës. Sipas burimeve, ai ka thënë se do të sigurojë që fëmijët të vazhdojnë të buzëqeshin, të luajnë dhe të jenë të lumtur, pavarësisht humbjes së babait.

The post 5 futbollistë që janë zotuar të mbështesin familjen e Diogo Jotës appeared first on iconstyle.al.

Jo të gjitha plagët janë të dukshme, sidomos ato që vijnë nga një fëmijëri nën hijen e një prindi narcisist. Psikologët Wendy Behary dhe Dr. Craig Malkin shpjegojnë se ky realitet lë pas gjurmë të thella, që shfaqen në mënyrën si ne ndërtojmë marrëdhënie, e kuptojmë veten dhe përballemi me botën.

Disa nga shenjat më të zakonshme janë: vështirësia për të thënë “jo”, prirja për të kënaqur të tjerët në dëm të vetes, ndjenja e vazhdueshme se duhet të jesh i përsosur për të merituar dashuri, mungesa e një identiteti të qartë dhe ndjenja e përgjegjësisë për emocionet e prindërve që në fëmijëri.

Sipas specialistëve, fëmijët e rritur në mjedise të tilla mësohen të shtypin nevojat dhe ndjenjat e tyre, duke besuar se janë “të tepërt” ose “të pavlefshëm” nëse nuk përmbushin pritshmëritë e të tjerëve.

Çfarë mund të bëhet?
Hapi i parë është ndërgjegjësimi. Pranimi i të kaluarës nuk është fajësim, por çlirimi nga një histori që nuk e ke shkruar vetë. Në disa raste, distancimi emocional apo fizik nga një prind abuziv është i nevojshëm për të rikthyer ekuilibrin.

“Abuzuesit janë 100% përgjegjës për sjelljet e tyre,” thotë Malkin. “Nëse nuk pranojnë që ka një problem, nuk ka shpresë për ndryshim.”

Nuk është faji yt mënyra si je rritur. Por është përgjegjësia jote si do ta shkruash pjesën tjetër të jetës.

The post Rritja me një prind narcisist: Shenjat që mbeten për gjithë jetën appeared first on iconstyle.al.

Një 44-vjeçar nga Shkodra është arrestuar në Durrës, pasi kërcënoi dy persona me sëpatë në një lokal, pas një konflikti për motive të dobëta.

Ngjarja ndodhi në lagjen nr. 16 të qytetit bregdetar, ku policia ndërhyri menjëherë, duke parandaluar përshkallëzimin e situatës dhe arrestuar në flagrancë shtetasin E. Dh., 44 vjeç.

Sipas njoftimit zyrtar, i dyshuari u kap teksa kanoste me sëpatë shtetasit E. A. dhe E. S., banues në Durrës. Fatmirësisht, ndërhyrja e shpejtë e shërbimeve të Policisë shmangu pasojat e mundshme për jetën e personave të përfshirë.

Po ashtu, është proceduar penalisht edhe shtetasi B. K., pasi kishte dijeni për konfliktin dhe nuk njoftoi autoritetet.

Materialet i kaluan Prokurorisë së Durrësit për veprime të mëtejshme procedurale.

The post Sëpata në mes të lokalit: Çfarë ndodhi në Durrës? appeared first on iconstyle.al.

Një studim i ri nga Sleep Health tregon se zgjatja e gjumit gjatë fundjavës ndihmon në uljen e rrezikut për sulm në zemër dhe sëmundje të tjera kardiovaskulare.

Studiuesit analizuan të dhënat e mbi 3,400 të rriturve në SHBA dhe zbuluan se ata që flinin të paktën 1 orë më shumë në fundjavë kishin një shëndet më të mirë të zemrës, krahasuar me ata që nuk e kompensonin mungesën e gjumit gjatë javës.

Pra, nëse ke nevojë për një arsye më shumë për të qëndruar në shtrat të dielën… ja ku e ke!

The post Fle më gjatë në fundjavë? Zemra jote të falënderon! appeared first on iconstyle.al.

Kim Kardashian shkëlqeu në sfilatën e Balenciaga-s gjatë Javës së Modës në Paris, në prezantimin e fundit të Demna Gvasalia si drejtor kreativ. E veshur me një fustan fildishi me dantella dhe një pallto gëzofi të varur në supe, Kim tërhoqi vëmendjen me diamantet ikonë të Elizabeth Taylor, përfshirë vathët legjendarë “Mike Todd”, tani në pronësi të Lorraine Schwartz.

Pamjen e plotë e plotësonin edhe dy varëse me gjithsej 250 karatë diamante, ndërsa edhe modelet e tjera mbajtën bizhuteri me mbi 1,000 karatë gurë të çmuar.

Paraqitjen e saj në Paris, Kim e nisi me një look “Barbie” në rozë neon dhe u pa në shoqërinë e Lauren Sánchez Bezos dhe Katy Perry, për një natë mode që solli nostalgji, glam dhe influencë.

The post Kim Kardashian mbante mbi 250 karat diamante në veshjen e saj ‘Balenciaga’ gjatë Javës së Modës në Paris appeared first on iconstyle.al.

Ben Affleck dhe Jennifer Garner janë parë së bashku në një dalje familjare në Fenway Park, ku ndoqën ndeshjen mes Boston Red Sox dhe Tampa Bay Rays.

Dy nga fëmijët e tyre, Seraphina (16) dhe Samuel (13), ishin të pranishëm, ndërsa vajza e madhe, Violet (19), mungoi.

Aktorët u panë të ulur në rreshtin e parë, në bisedë mes tyre, teksa kamerat e stadiumit i fokusuan. “Një familje e shkëlqyer Red Sox,” tha komentatori Dave O’Brien.

Affleck, me kapele të gjelbër të Red Sox, e njoftoi Garner për kamerën, dhe ajo reagoi me një buzëqeshje simpatike.

The post Ben dhe Jennifer sërish bashkë, për çfarë këtë herë? appeared first on iconstyle.al.

Një varkë që transportonte emigrantë në mënyrë të paligjshme u fundos pranë brigjeve të Republikës Dominikane, duke shkaktuar humbjen e një jete dhe zhdukjen e më shumë se 20 personave. Autoritetet lokale konfirmuan se 17 veta arritën të shpëtohen, mes tyre edhe një fëmijë.

Mjeti lundrues mbante të paktën 40 persona dhe ishte nisur drejt Porto Rikos, një territor amerikan vetëm 130 kilometra larg. Në mesin e të mbijetuarve janë 10 shtetas dominikanë dhe 7 haitianë, që po kërkonin një të ardhme më të mirë përtej kufirit të detit.

Sipas autoriteteve, shumë prej emigrantëve paguajnë deri në 7,000 dollarë për t’u futur në këto udhëtime të rrezikshme, të organizuara nga kontrabandistë që shfrytëzojnë dëshpërimin dhe varfërinë.

Fatkeqësisht, për shumë prej tyre, shpresa për një jetë më të mirë mbytet para se të arrijë në destinacion.

The post Një jetë e humbur, mbi 20 të zhdukur: Tragjedia e emigrantëve në brigjet e Republikës Dominikane appeared first on iconstyle.al.

Aktorja amerikane Ariel Winter, e njohur për rolin e saj si Alex në serialin e njohur “Modern Family”, ka treguar për herë të parë se ka përjetuar abuzim seksual dhe presion të vazhdueshëm që në moshë të vogël gjatë punës në industrinë e filmit.

Në një intervistë për DailyMail, Winter, e cila nisi karrierën në Hollywood që në moshën 4-vjeçare, tha se ishte ekspozuar shumë herët ndaj burrave më të mëdhenj që i dërgonin mesazhe të papërshtatshme.

“Jam e njohur me grabitqarët meshkuj. Kur fillova të përdorja laptop dhe celular, filluan të vinin mesazhe të frikshme. Ishte traumatike”, tha ajo, pa dashur të japë shumë detaje.

Winter theksoi se ajo që ndodhte në prapaskenë ishte vetëm një pjesë e errët e industrisë, pjesa tjetër vinte nga presioni mediatik. Ajo u komentua dhe u kritikua ashpër për pamjen fizike ndërsa ishte ende adoleshente.

“Kur isha 14 vjeçe, trupi im ishte lajm në çdo faqe. Çdo titull fliste për mënyrën si dukesha. Ishte e tmerrshme”, kujton ajo.

Aktorja zbuloi gjithashtu se gjatë shkollës së mesme, për shkak të problemeve me shëndetin mendor, iu desh të merrte ilaçe kundër depresionit, të cilat i sollën ndryshime fizike dhe emocionale.

The post Ariel Winter rrëfen abuzimin dhe traumën që përjetoi si fëmijë në Hollywood: Industria është një vend i errët appeared first on iconstyle.al.

Luiz Ejlli ka ndarë me ndjekësit një nga momentet më të ndjeshme dhe të veçanta të jetës së tij: ditëlindjen pranë familjes që e ka quajtur gjithmonë “ëndrra e bërë realitet”.

Në një foto ku shihet krah partneres Kiara Tito dhe vajzës së tij, të tre të veshur në të bardha, këngëtari ka shprehur mirënjohjen për gjithçka që ka në këtë fazë të jetës. “Mu deshën plot 40 vite që të kisha gjithçka që kam ëndërruar”, shkruan Luizi krahas imazhit plot ngrohtësi.

Postimi është pritur me një sërë urimesh, komente pozitive dhe dashuri nga ndjekësit, të cilët e kanë shoqëruar këtë ditë të veçantë me fjalë të ndjera.

The post “Gjithçka që kam ëndërruar”: Luizi feston ditëlindjen mes dashurisë më të madhe të jetës së tij appeared first on iconstyle.al.

Dashi
Do keni debate te zjarrta gjate kësaj dite ne jetën tuaj ne çift dhe asgjë nuk do shkoje si e kishit menduar. Beni kujdes me çdo fjale qe do nxirrni nga goja. Beqaret do kenë një dite mjaft romantike dhe te mbushur me takime mbresëlënëse. Do iu duket vetja si ne ëndërr. Financat do jene shume te stabilizuara për shkak se ju do tregoheni te arsyeshëm dhe largpamës.

Demi
Mos u mbyllni ne vetvete sot pas çdo problemi qe do keni ne jetën tuaj ne çift, por flisni hapur me partnerin dhe gjejuni një zgjidhje atyre qe iu mundojnë. Beqaret do marrin deklarata te bukura dashurie dhe do e ndryshojnë tërësisht jetën. Ne planin financiar fatmirësisht do keni fat dhe sukses. Situata do ketë përmirësime te menjëhershme.

Binjaket
Perspektivat për jetën ne çift janë te mira sot, sidomos për ata qe kane shume cite se bashku. Ne mbrëmje do ndodhe edhe diçka e mrekullueshme qe askush nuk e kishte menduar. Edhe jeta sentimentale e beqareve do ketë ndryshime rrënjësore. Financat do vazhdojnë te jene te mbrojtura. Do ndiheni te qete edhe ne këtë sektor.

Gaforrja
Te dashuruarit do kenë një dite pozitive, por pa asgjë te jashtëzakonshme. E rëndësishme është qe do ndihen mire. Nëse jeni ende vetëm duhet te reflektoni me kujdes gjate kësaj dite për atë qe doni me te vërtetë te bëni. Mos u ndikoni aspak nga fjalët e te tjerëve. Financat do jene here pas here problematike për shkak te disa shpenzimeve marramendëse qe do kryeni.

Luani
Jeta ne çift nuk do shkoje ashtu si ju e kishit menduar. Do keni here pas here debate te zjarrta dhe asnjeri pre jush nuk do tregohet i gatshëm te hape rruge. Beqaret mezi do presin te marrin propozime dhe do hidhen ne krahët e te parit qe do iu dale para syve. Kujdes! Ne planin financiar problemi juaj nuk është te fitoni sa me shume para, por te dini si te mos shpenzoni pa limit.

Virgjeresha
Dashuria për çiftet nuk do ece me se miri sot. Nuk do jeni aspak ne humor edhe për te marre vendime te rëndësishme. Nuk Beqaret do takojnë persona interesante ne dukje, por me te cilët nuk do mund te krijojnë dot një lidhje te qëndrueshme. Ne planin financiar do jeni largpamës dhe nuk do kryeni asnjë shpenzim pa pare njëherë gjendjen e financave.

Peshorja
Do njiheni me disa persona te rinj gjate kësaj dite dhe kjo mund t’ua turbulloje paksa mendjen juve qe jeni ne një lidhje. Kujdes mos bëni gabime sepse do pendoheni shpejt. Beqaret do jene te pafat dhe nuk do arrijnë dot as sot te krijojnë një lidhje te qëndrueshme. Financat do i keni te mira. Rrini te qete dhe mos u merrni me problemet e te tjerëve.

Akrepi
Dite perfekte kjo e sotmja për te gjithë ata qe janë ne një lidhje. Emocionet dhe kënaqësitë do jene te pafundme kështu qe duhet shfrytëzuar çdo minute deri ne maksimum. Beqaret do kenë goxha ftesa dhe propozime, por duhet te mendohen mire para se te hedhin çdo hap. Ne planin financiar do jeni mjaft te organizuar dhe nuk do hidhni asnjë hap te nxituar.

Shigjetari
Saturni do jete planeti qe do influencoje jetën sentimentale te çifteve dhe mund te sjelle disa mosmarrëveshje. Kujdes sepse po e tepruar me kokëfortësinë situata mund te dale jashtë kontrollit. Beqareve do iu buzëqeshë fati gjate kësaj dite. Përgatituni për emocione te mëdha. Financat do fillojnë dalëngadalë te përmirësohen. Mos prisni ne pasuroheni menjëherë.

Bricjapi
Sa here te kini debate dhe probleme ne çift do preferoni te largoheni dhe te distancoheni sot. Ne fakt kjo nuk është gjeja me e mire qe mund te bëni. Kujdes edhe me xhelozinë. Beqaret nuk do jene me fat kështu qe sado qe ta kërkojnë princin e kaltër nuk do mund ta gjejnë dot. Ne planin financiar do jeni me fat, por edhe do tregoheni shume te kujdesshëm me shpenzimet.

Ujori
Nuk do besoni aspak tek partneri juaj sot dhe kjo mund te sjelle ndonjë debat me te. Nëse keni pasur probleme qe me herët situata do vazhdoje te jete e turbullt. Beqaret duhet t’i marrin gjerat si t’iu vijnë dhe te shfrytëzojnë çdo mundësi qe do iu jepet për takime. Ne planin financiar duhet shmangur çdo operacion i rrezikshëm. Situata nuk do jete aspak e favorshme.

Peshqit
Jeta ne çift do jete shume e mire dhe e mbushur me momente te këndshme sot. Partneri do mundohet ne çdo moment t’ua beje qejfin. Beqaret nuk do realizojnë takimet qe kane ëndërruar dhe do mbeten serish vetëm. Kjo nuk do te thotë qe do vuajnë sepse miqtë nuk do i lënë te mërziten. Gjendja financiare do varet nga mënyra sesi ju do i menaxhoni te ardhurat

The post Horoskopi për ditën e sotme, 12 korrik 2025 appeared first on iconstyle.al.

Spanja nuk luajti as për shortin “e përshtatshëm” të… vendit të parë në Grupin B të Kampionatit të Grave EURO 2025. Ata mposhtën Italinë 3-1 dhe me tre fitore në po aq ndeshje, fituan vendin e parë në grupin e tyre, me italianët që në fund morën vendin e dytë.

Dhe kjo sepse Portugalia, e cila donte vetëm një fitore për të pasur shpresa për kualifikim, mbeti me një barazim 1-1 me Belgjikën dhe “e përjashtoi” nga turneu. Roja e gjeti veten prapa në rezultat, me golin e Oliverio në minutën e 10-të, por ajo vërtetoi pse është favorite e palëkundur për të fituar, pasi realizoi reagimin perfekt.

Vetëm katër minuta më vonë, Atinea dhe Putejas fshehën topin dhe e para e dërgoi atë në rrjetë me një gjuajtje mbresëlënëse për 1-1. Kampionia e Botës vazhdoi të dominonte, dukshëm superiore dhe shfrytëzoi superioritetin e saj, duke gjetur dy gola të tjerë me Guijarro (49′) dhe Esther Rodriguez (90+1′) për të marrë fitoren dhe për të kompletuar fazën e grupeve me 3/3.

Humbja mund ta kishte vënë Italinë në telashe, por Portugalia nuk arriti ta shfrytëzonte rastin. Atyre u duhej vetëm një fitore për të “vjedhur” kualifikimin, por u mundën nga Belgjika (2-1) dhe i thanë lamtumirë turneut me të.

The post EURO 2025 për femra: Spanja dominon dhe fiton, 2-1 ndaj Italisë appeared first on iconstyle.al.

Getoar Selimi ka folur së fundmi për marrëdhënien e tij me bashkëshorten, Marinën, duke treguar se mes tyre ekziston një harmoni e veçantë, pavarësisht dallimeve në disa aspekte.

“Ne jemi shumë të njëjtë, por në disa gjëra jemi të kundërt. Megjithatë, në gjërat kryesore jemi njësoj,” u shpreh ai.

Reperi theksoi se ata kanë zgjedhur që jetën private ta mbajnë larg syrit të publikut, duke e ruajtur me fanatizëm.

“Kemi vendosur të jemi të tërhequr, e kemi ruajtur me fanatizëm jetën private. Periudha që po vjen të shtyn të dalësh nga vetja, por ne jemi të dy të një zëri për gjithçka,” tha Getoari.

Ai shtoi se marrëdhënia e tyre është e qëndrueshme dhe e konsoliduar ndër vite:

“Tani jemi shumë në rregull, është një periudhë shumë e gjatë që e njohim njëri-tjetrin.”

The post Getoar Selimi flet për raportin me Marinën: Jemi njësoj, jetën private e ruajmë me fanatizëm appeared first on iconstyle.al.

Bella Thorne ka sulmuar ashpër Charlie Puth, duke pretenduar se këngëtari 33-vjeçar gënjeu për të sepse ajo nuk donte të bënte seks me të. Shpërthimi i këngëtares dhe aktores 27-vjeçare në rrjetet sociale u nxit nga Jade Thirlwall, një anëtare e grupit Little Mix, e cila tha se nuk do të punonte kurrë me Charlie Puth. Thorne komentoi në një postim në lidhje me deklaratën e Thirlwall në Instagram, duke shkruar: “Po, dua të them… ai gënjeu të gjithë botën për mua dhe nisi një valë urrejtjeje. E gjitha sepse unë nuk doja të bëja seks me të.”

Bella Thorne dhe Charlie Puth nuk kanë qenë kurrë zyrtarisht në një lidhje. Megjithatë, ata ishin afruar në të kaluarën, gjë që kishte nxitur thashethemet për një romancë, veçanërisht kur u publikuan foto të tyre në momente të buta.

Në atë kohë, Thorne sapo ishte ndarë nga aktori Tyler Posey. Puth, duke parë një artikull të vjetër që tregonte Bella-n ende në një lidhje me Posey-n, besoi se ajo e kishte tradhtuar dhe postoi për këtë në rrjetet sociale. Megjithatë, vetë Thorne e kishte bërë të qartë në atë kohë se ajo dhe Posey ishin ndarë tashmë kur u fotografua me Puth-in, dhe se imazhet nuk pasqyronin realitetin.

Rasti tani duket se po rikthehet në qendër të vëmendjes, me Bellën që akuzon këngëtarin se po përdor imazhin e tij publik për ta portretizuar atë në mënyrë të rreme si jobesnike dhe për ta kthyer botën kundër saj për shkak se nuk iu përgjigj dëshirave të tij.

The post Bella Thorne sulmon Charlie Puth: Ai gënjeu për mua, nuk doja të bëja seks me të appeared first on iconstyle.al.

Në Korenë e Jugut, një nga vendet me normën më të ulët të lindjeve në botë, klinikat e fertilitetit po përjetojnë një rritje të paprecedentë. Gra si Kim Mi-ae, e cila ka kaluar tashmë një përvojë të ngjashme tre vite më parë, përballen sot me radhë të gjata dhe pritje të gjata në këto klinika. “Edhe me rezervim, prita mbi tre orë”, tregon 36-vjeçarja nga Seuli.

Vetëm gjatë viteve 2018–2022, numri i trajtimeve të fertilitetit në vend është rritur me gati 50%, duke arritur në 200 mijë raste. Sot, një në gjashtë foshnje në Seul lind falë trajtimeve të tilla.

Ekspertët thonë se ky fenomen është pasojë e ndryshimit të qëndrimeve sociale: gratë koreane dëshirojnë të kenë më shumë kontroll mbi jetën e tyre dhe planifikimin familjar, duke zgjedhur të ngrijnë vezët apo të përdorin IVF kur përballen me vështirësi për të mbetur shtatzënë.

Kjo situatë përbën një lajm të mirë për qeverinë koreano-jugore, e cila prej vitesh përpiqet të luftojë krizën demografike që ka përfshirë vendin. Shkalla e lindshmërisë ka rënë nga 0.98 lindje për grua në vitin 2018 në 0.72 në vitin 2023, ndërsa vetëm vitin e fundit ka shënuar një rritje të lehtë në 0.75 – rritja e parë pas nëntë vitesh.

Megjithatë, sfidat mbeten të mëdha. Të rinjtë koreano-jugorë përballen me presione të shumta sociale dhe financiare: orë të gjata pune, kosto të larta jetese dhe një sistem tradicional që shpesh ua lë barrën e përkujdesjes për fëmijët vetëm grave. Shumë prej tyre shtyjnë martesën dhe lindjen e fëmijëve deri në një moshë më të avancuar, çka më pas e vështirëson edhe më shumë ngjizjen natyrale.

Sipas OKB-së, më shumë se gjysma e koreano-jugorëve shprehen se duan të kenë fëmijë, por nuk e bëjnë për arsye ekonomike. Mosha mesatare e lindjes së fëmijës së parë ka arritur në 33.6 vjeç – një nga më të lartat në botë.

Për gratë që i drejtohen IVF-së, kjo është një përvojë jo vetëm fizike dhe emocionale, por edhe financiare. Kostot e trajtimit mbeten të larta dhe shpesh të paparashikueshme.

Në një kohë kur popullsia 50 milionëshe e Koresë së Jugut rrezikon të përgjysmohet brenda 60 viteve nëse trendet aktuale vazhdojnë, ky bum në klinikat e fertilitetit është një dritë shprese – por gjithsesi nuk mjafton për të përmbysur krizën demografike pa ndryshime të thella sociale dhe ekonomike.

The post Paradoksi i lindjeve: Në vendin me lindshmërinë më të ulët, klinikat e fertilitetit njohin bum appeared first on iconstyle.al.

Vivien Thano, ish banorja e edicionit të parë të Big Brother VIP Kosova, ka tërhequr vëmendjen me një deklaratë të fundit në Threads. Në postimin e saj, ajo shkruan:

“Po prisja, thashë se do e rregullonit dorën mbas kaq shumë kohësh, po hiq, keq e më keq dmth.”

Këto fjalë kanë hapur menjëherë debat mes ndjekësve, të cilët mendojnë se bëhet fjalë për një thumbim të drejtpërdrejtë ndaj reperit Getinjo, me të cilin Vivien ka pasur një lidhje të përfolur që nisi gjatë qëndrimit të tyre në shtëpinë e BB VIP Kosova.

Aludimet janë shtuar për dy arsye kryesore:

Së pari, postimi i saj vjen pak pas publikimit të projektit të ri muzikor të Getinjos dhe Mozzik, një kohë që shumë fansa e shohin si të qëllimshme.

Së dyti, mënyra e të shkruarit në shumës lë të kuptohet se ajo i drejtohet më shumë se një personi, duke përfshirë ndoshta edhe njerëz të afërt të reperit.

Ndjekësit janë të bindur për lidhjen mes postimit të saj dhe zhvillimeve të fundit në karrierën muzikore të Getinjos.

The post Postimi i Vivienit ndez rrjetin: A i drejtohet Getinjos dhe Mozzik? appeared first on iconstyle.al.

Brad Pitt është gati të pajtohet me fëmijët e tij binjakë.

Ylli i “F1” është “i dëshpëruar” për “një shans të fundit për t’u takuar” me Knox dhe Vivienne “dhe për t’u pajtuar”, sipas një raporti të ri. Një burim i tha Daily Mail se fituesi i çmimit Oscar, “e di që shansi… është i vogël, për të mos thënë më shumë” që 16-vjeçarët të duan të kalojnë kohë me të përpara ditëlindjes së tyre.

Burimi i brendshëm vuri në dukje se aktori “i shkatërruar” “e mori mesazhin qartë dhe me zë të lartë” kur vajza më e vogël e tij dhe e ish-gruas Angelina Jolie e hoqi emrin Pitt nga mbiemri i saj në një njoftim për shtyp të vitit 2024.

Megjithatë, vëllai i saj që mban mbiemrin “Jolie-Pitt” thuhet se i ka dhënë atij një “shpresë të madhe”.

Nga një burim i afërt me çështjen, thuhet se Pitt nuk flet për fëmijët e tij nga respekti për privatësinë e tyre – por se çdo prind interesohet për marrëdhënien e tij me fëmijët e vet.

Sa i përket dinamikës së tij me Jolie-n, Pitt thuhet se ka pranuar se ata gjithmonë do të jenë “në konflikt”.

The post Çfarë bëri? Brad Pitt bën përpjekjen e fundit për të rifituar lidhjen me fëmijët binjakë appeared first on iconstyle.al.

Në një përpjekje për të kuptuar më mirë natyrën e veprimeve të një serial killeri, psikologët dhe kriminologët kanë studiuar ngushtësisht modelet e sjelljes dhe trurin e individëve të tillë. Serial killerët shpesh kanë një psikologji të ndërlikuar dhe një larmi arsyesh që i shtyn të kryejnë krime të tmerrshme. Pavarësisht nga variabiliteti i faktorëve që mund të kontribuojnë në formimin e një serial killeri, disa elemente janë të përbashkëta:

1. Psikopatologjia dhe Çrregullimet e Personalitetit
Serial killerët shpesh kanë çrregullime të personalitetit, si psikopatija ose sociopatia. Këta individë shpesh nuk ndiejnë ndjenja empatie dhe janë të paaftë për të kuptuar dhe ndjerë vuajtjen e viktimave të tyre. Ata kanë një nevojë të theksuar për kontroll dhe shpesh janë të fiksuar pas ideve të dominimit dhe pushtetit.

2. Trauma e Fëmijërisë
Shumë serial killerë kanë kaluar trauma të rënda në fëmijëri, si abuzimi fizik, emocional, apo neglizhenca. Këto përvoja mund të ndikojnë në zhvillimin e mendjes së tyre dhe mund të kontribuojnë në shkatërrimin e ndjenjës së empatisë dhe rritjen e sjelljes agresive dhe manipulative.

3. Fiksimi dhe Dëshirë për Të Krijuar Kaos
Serial killerët shpesh kanë një nevojë për të shpërthyer frikë dhe pasiguri te të tjerët. Ata ndjejnë një kënaqësi emocionale dhe shpesh një kënaqësi të thellë psikologjike në momentin që dominojnë dhe kontrollojnë jetët e të tjerëve. Kjo është shpesh e lidhur me një fiksim të thellë, ku ata mund të ndihen të fuqishëm dhe të shfryjnë një ndjenjë të frustruar ose boshllëku që ndjejnë në jetën e tyre.

4. Sjellja dhe Modeli i Krimeve
Një karakteristikë e zakonshme është se serial killerët zakonisht planifikojnë dhe ndjekin një model të caktuar. Krimet e tyre shpesh janë të diferencuara, por të ndërlidhura, dhe ata mund të zhvillojnë një ritual personal për çdo vrasje. Kjo mund të përfshijë mënyrën e veçantë të viktimave, vendet ku kryhen krimet, apo edhe mënyrën se si ata lënë pas gjurmë të caktuara për t’i provokuar autoritetet.

5. Mendësia e Kontrollit dhe Arsyetimi
Serial killerët shpesh veprojnë në një mënyrë të racionalizuar dhe të menduar. Ata kanë një arsyetim të pabesueshëm për veprimet e tyre, duke i parë viktimat si objekte për të kënaqur nevojat e tyre të thella, si dominimi, hakmarrja ose thjesht kënaqësia e frikës dhe dhunës.

6. Faktorë Gjenetikë dhe Biologjikë
Disa studime sugjerojnë se faktorët gjenetikë mund të luajnë një rol në zhvillimin e psikopatologjisë, ndërsa struktura e trurit dhe kimia e tij mund të ndikojnë gjithashtu në përceptimin e emocioneve dhe sjelljen agresive.

Mendja e një serial killeri është e ndërlikuar dhe shpesh e pamundur të kuptohet plotësisht. Ata mund të duken të qetë dhe të integruar në shoqëri, por të fshehur pas maskës së tyre të shoqërueshmërisë ndodhen mendime dhe sjellje të errëta. Studimi i mendjes së serial killerëve është një fushë që ende kërkon më shumë hetime dhe hulumtime për të kuptuar plotësisht se çfarë i shtyn këta individë në veprime të tmerrshme.

The post Si funksionon mendja e një serial killeri? appeared first on iconstyle.al.

Justin Bieber dhe Scooter Braun kanë arritur një zgjidhje pas një mosmarrëveshjeje financiare.

Bieber, pranoi të paguante 26 milionë dollarë që i detyroheshin Braun si pjesë e një avansi që këngëtari mori nga AEG Presents për turneun e tij Justice 2022, konfirmojnë burime për PEOPLE. Kompania e ish-menaxherit të tij, HYBE, fillimisht kishte mbuluar koston për Bieber kur turneu u anulua përfundimisht dhe AEG Presents duhej të merrte paratë e saj, me Bieber që pranoi t’i paguante Braun dhe HYBE në kohë. Megjithatë, këngëtari thuhet se bëri vetëm një pagesë të vetme.

Një tjetër burim i brendshëm i thotë PEOPLE se Bieber do të paguajë gjithashtu 5.5 milionë dollarë shtesë, të cilat mbulojnë gjysmën e 11 milionë dollarëve në komisione të papaguara që ai i detyrohej Braun, 44 vjeç, duke arritur në një total prej 31.5 milionë dollarësh.

TMZ ishte i pari që raportoi të enjten se Bieber dhe Braun e zgjidhën mosmarrëveshjen, të njëjtën ditë kur u zbulua se Bieber do të publikonte albumin e tij të shtate, dhe se kishte lançuar markën e tij të modës SKYLRK.

Kjo marrëveshje vjen dy vjet pasi Bieber shiti katalogun e tij me 291 këngë te Hipgnosis Songs Capital për 200 milionë dollarë në dhjetor 2022. “Justin është vërtet një artist që ndodh vetëm një herë në një brez dhe kjo reflektohet dhe pranohet nga madhësia e kësaj marrëveshjeje”, tha Braun në kohën e shitjes.

Një dokumentar i majit 2025 pretendonte se Bieber e shiti katalogun e tij për shkak të vështirësive financiare dhe borxheve të grumbulluara pas anulimit të Justice Tour.

The post Marrëveshje milionëshe mes Justin Bieber dhe Scooter Braun pas konfliktit financiar appeared first on iconstyle.al.

Seksioni i krimit kibernetik i Zyrës së Prokurorit të Parisit ka hapur një hetim ndaj X, rrjetit social të njohur (më parë Tëitter) në pronësi të Elon Musk. Sipas prokurorisë, platforma dyshohet se ka modifikuar algoritmin e saj për qëllime ndërhyrjeje të huaja.

Pas marrjes së dy raporteve në janar që pretendojnë “përdorim të dyshuar të algoritmit të X për qëllime ndërhyrjeje të huaja”, xhandarmëria kombëtare është ngarkuar me detyrën për të hetuar X si një entitet juridik, si dhe “personat fizikë” që e menaxhojnë atë, megjithatë, pa e përmendur drejtpërdrejt Elon Musk.

Hetimi u hap më 9 korrik, por u bë publik vetëm sot. “Bazuar në verifikime, kontribute nga studiues francezë dhe prova të ofruara nga disa institucione publike”, – shpjegon një deklaratë nga Prokuroria e Parisit, – “më 9 korrik 2025, Prokuroria e Parisit hapi një hetim në Drejtorinë e Përgjithshme të Xhandarmërisë Kombëtare kundër platformës X (më parë Tëitter), një entitet juridik dhe disa individëve”.

Hetimi do të përqendrohet, në veçanti, në krimet e mëposhtme: “ndryshim i funksionimit të një sistemi të automatizuar të përpunimit të të dhënave nga një bandë e organizuar” dhe “nxjerrje mashtruese e të dhënave nga një sistem i automatizuar i përpunimit të të dhënave nga një bandë e organizuar”.

The post Franca nis hetim ndaj X: Dyshohet për ndërhyrje të huaj dhe manipulim të të dhënave appeared first on iconstyle.al.