Ishte data 22 janar 2023 kur Gerard Deulofeu zhvilloi ndeshjen e tij të fundit zyrtare. Në atë rast, sulmuesi spanjoll ishte pjesë e Udineses dhe fitoi 1-0 kundër Sampdorias. Një ndeshje që për Deulofeu zgjati vetëm 13 minuta, për shkak të një dëmtimi që më pas do ta linte jashtë fushe për më shumë se dy vite. Mes operacioneve, rikuperimeve dhe terapive, Deulofeu ka qenë i detyruar të heqë dorë nga dy sezone e gjysmë të plota dhe nuk dorëzohet. Ish-sulmuesi i Barcelonës ka folur për këtë për ‘ADN Masia’ në Sport, duke theksuar se çfarë ka ndodhur me të vërtetë gjatë këtyre viteve.

“Nuk arrij të luaj – ka shpjeguar sulmuesi spanjoll –. Kam pësuar një dëmtim të rëndë në gju, i ndërlikuar nga një infeksion në kërce. Po stërvitem dhe po përgatitem për t’u rikthyer, por nuk mund t’i vë vetes afate. Ajo që kam nuk është një dëmtim me kohë rikuperimi prej gjashtë, shtatë apo tetë muajsh.” Rikuperimi dukej se mund të ishte më i shpejtë, por nuk ndodhi kështu: “Është shumë e vështirë sepse ndonjëherë bëj përparim, por ka edhe kthime pas, dhe kurrë nuk dihet nëse do t’ia dal – shpjegon ai –. Por jam i çmendur dhe nuk kam ndërmend të dorëzohem. Do të bëj gjithçka për t’u rikthyer të luaj.”

Deulofeu është i ndalur për dëmtim që nga janari i vitit 2023

Sulmuesi spanjoll shpreson të kthehet sa më shpejt në fushë dhe nuk humbet shpresën që një ditë do të mund të luajë sërish. Deulofeu po e shfrytëzon këtë periudhë për të qëndruar i përditësuar me futbollin. “Gjatë gjithë kësaj kohe ka pasur kohë për gjithçka, dhe kam menduar shumë – ka thënë ai –. Ajo që e kam të qartë është se dua të mbetem i përfshirë në botën e futbollit sepse kjo është jeta ime. Nuk e di nëse do të mund të luaj sërish, por ajo që e kam të sigurt është se futbolli është jeta ime. Është një situatë e vështirë sepse ajo nga e cila vuaj është më shumë e ngjashme me një paaftësi sesa me një dëmtim.”

Udinese, roli në rikuperimin e Deulofeu

Nuk do të jetë e lehtë, por lojtari nuk humbet shpresën dhe ndërkohë vazhdon të mbajë trupin në formë në palestër, duke u përpjekur të mos humbasë kondicionin. “Ka pasur një periudhë kur nuk arrija as të bëja një jetë normale, dhe kuptova që prioritetet janë të rëndësishme, dhe se shëndeti dhe familja janë gjërat më të rëndësishme – thekson ai –. Tani që ndjehem më mirë, ëndërroj të kthehem të luaj futboll sepse e dua këtë profesion.”

Për ta ndihmuar është gjithmonë Udinese, pavarësisht prishjes konsensuale të kontratës mes palëve: “Kam mbështetjen e tyre mjekësore dhe mbaj kontakte me Gino Pozzon dhe stafin e klubit – përfundon ai –. Vazhdoj të stërvitem në strukturat e tyre dhe me skuadrën. Jam shumë mirënjohës për trajtimin që më kanë rezervuar.”

The post Trishtimi i Deulofeu: “Më shumë kam një paaftësi sesa dëmtim. Nuk luaj do më futboll” appeared first on Lapsi.al.

Një tjetër klub i Serisë A do të bjerë në duart e pronarëve amerikanë. Bëhet fjalë për Udinezen, e cila i përket prej 39 vitesh familjes Poco dhe kjo shënon një ndryshim të rëndësishëm në futbollin italian. Familja në fjalë kishte shtuar pronësinë e klubeve në kampionate të ndryshme dukë marrë edhe Uotford në Angli. […]

The post Klubi i Serie A nxirret në shitje pas 39 vitesh, amerikanët pranë firmës appeared first on BoldNews.al.

Sot janë zhvilluar ndeshjet e javës së 37-të në Serie A, ku Juventusi ka mposhtur Udinesen, ndërsa Roma ka fituar në derbi ndaj Milanit.  

Juventusi ka marr një fitore të madhe ndaj Udineses, me rezultat 2-0. 

Nico Gonzales e shënoi në fillimin e pjesë e dytë, ndërsa Dusan Vlahovic vulosi fitoren, duke arritur ta mbaj Zonjën e Vjetër në pozitën e katërt.  

FT || Vittoria fondamentale nell’ultima gara in casa della stagione @EASPORTSFC#JuveUdinese pic.twitter.com/2ekYiO1508

— JuventusFC (@juventusfc) May 18, 2025

Roma në anën tjetër ka shënuar fitore ndaj Milanit në derbin e javës, me rezultat 3-1. 

Gianluca Mancini e hapi ndeshjen, ndërsa Joao Felix i barazoi shifrat pak pa u mbyllur pjesa e parë.  

Por Leandro Paredes me një super gol nga distanca ktheu Romën në epërsi, ndërsa Bryan Cristante shënoi në fund, duke vulosur fitoren që i mban gjallë shpresat për një vend në “Champions”.  

Vinciamo noi

Decidono i gol di Mancini, Paredes e Cristante #RomaMilan pic.twitter.com/PYlvoqgnK1

— AS Roma (@OfficialASRoma) May 18, 2025

Juventusi ka 67pikë në vendin e katërt, një më shumë se Roma në vendin e pestë. 

Zonja e Vjetër në xhiron e fundit luan ndaj Venezias si mysafir, ndërsa Roma shkon te Torino. /Telegrafi/  

The post Juventusi dhe Roma fitojnë dhe vazhdojë luftën për pozitën e katërtë  appeared first on Telegrafi.

Milani thuhet se do të kërkojë të sigurojë dy objektiva kyçe transferimi dhe se ata gjithashtu kanë dy mundësi të tjera alternative në rast se Tijjani Reijnders largohet nga klubi për te Manchester City ose Real Madrid në afatin kalimtar të verës.

Raportet e kësaj jave pohojnë se si City ashtu edhe Real Madridi janë të interesuar ta largojnë Reijnders nga Rossonerët.

Përditësimet e fundit sugjerojnë se skuadra e Pep Guardiolës është e etur të arrijë një marrëveshje para fillimit të Kupës së Botës për Klube FIFA, e cila fillon në Shtetet e Bashkuara më 15 qershor.

Lexo po ashtu Man City dëshiron yllin e Milanit, por Rossonerët kërkojnë më shumë sesa për Tonalin

Kush mund ta zëvendësojë Reijndersin te Milani?

Sipas Calciomercato.com, Milani do të kërkojë të sigurojë një marrëveshje me Torinon për lojtarin e kombëtares italiane Samuele Ricci në rast se Reijnders largohet.

Rossonerët janë lidhur me një transferim të 23-vjeçarit për pjesën më të madhe të sezonit 2024/25, por ka pasur disa pengesa gjatë rrugës, me Torinon që ka të ngjarë të kërkojë një tarifë mbi 30 milionë euro, potencialisht mbi 35 milionë euro.

Megjithatë, nëse Reijnders largohet për një çmim rreth 70-75 milionë euro, atëherë Milani do të ketë mundësi të barazojë vlerësimin e Torinos për Riccin.

Përveç Riccit, Milani do të kërkojë gjithashtu të forcojë sulmin. Tammy Abraham ka gjithnjë e më shumë gjasa të kthehet te Roma në fund të periudhës së tij të huazimit, ndërsa Luka Jovic është gjithashtu në pritje të largimit, duke lënë vetëm Santiago Gimenez si opsionin kryesor në qendër të sulmit.

Sipas raportimeve gjatë sezonit 2024/25, Lorenzo Lucca i Udineses është një kandidat kryesor për të forcuar opsionet e Milanit në sulm.

Sipas përditësimeve nga Calciomercato.com, lojtari i kombëtares italiane vlerësohet rreth 30 milionë euro nga punëdhënësit e tij aktualë në Udine.

Milani nuk është e vetmja skuadër e interesuar për qendërsulmuesin gjigant, pasi edhe Napoli ka shprehur interes.

Nëse Milani nuk arrin një marrëveshje për Luccan, opsionet alternative përfshijnë Jonathan Burkardt të Mainz në Bundesligë dhe Nikola Krstovic të Lecce, të cilët mbeten në zonën e rënies nga Serie A me dy ndeshje të mbetura për t’u luajtur.

Sulmuesi i Lecces pritet të largohet në afatin kalimtar e verës nëse skuadra nuk arrin të shmangë rënien nga kategoria. /Telegrafi/

The post Milani harton katër opsione transferimi në rast të largimit të Reijnders appeared first on Telegrafi.

Tani, “futbollisti profesionist i akuzuar për dhunë seksuale” ka një emër dhe mbiemër. Dhe do të ishte ai i Oumar Solet, mbrojtësit qendror të Udineses. Këtë e bën të ditur “Messaggero Veneto”, duke specifikuar se avokati i tij i besuar, Maurizio Conti, nuk ka dhënë deklarata për të mbrojtur të gjitha personat e përfshirë në këtë çështje. Prokuroria e Udines ka nisur një hetim pas denoncimit të një 32-vjeçareje. Sulmi i supozuar do të kishte ndodhur në përfundim të një mbrëmjeje në një lokal dhe do të ishin të përfshirë edhe dy miq të futbollistit.

Nga ana e hetuesve mbizotëron diskrecioni maksimal, ndërsa nga klubi friulan nuk ka asnjë reagim zyrtar. Megjithatë, po rritet pritshmëria për konferencën për shtyp të së shtunës kur trajneri Runjaic do të shpallë skuadrën dhe të grumbulluarit për ndeshjen në program ndaj Juventusit: nëse emri i Solet nuk do të figurojë në listë, do të jetë një tregues i rëndësishëm…

Rikonstruksioni

Sipas një rikonstruksioni të parë, lojtari – në shoqërinë e dy miqve – do të kishte takuar vajzën në një lokal dhe mbrëmja do të kishte vazhduar në shtëpinë e Solet, edhe me persona të tjerë të pranishëm. Gruaja ka treguar se ka mbërritur në spital në gjendje të dehur. Në atë moment, futbollisti dhe miqtë e tij do të kishin bërë përpjekje të përsëritura për t’iu afruar, të refuzuara nga gruaja, e cila do të kishte tentuar të kundërshtonte. Por çdo përpjekje e saj, përballë këmbënguljes së treve, do të kishte rezultuar e kotë.

Karabinierët kanë nisur menjëherë verifikimet përkatëse dhe kanë denoncuar profesionistin dhe dy miqtë. Hipoteza e veprës penale për të cilën po hetohet është ajo e dhunës seksuale. Identiteti i personave të tjerë të pranishëm në mbrëmje do të ishte zbuluar gjithashtu falë bashkëpunimit të futbollistit. Tre të hetuarit do të kishin dhënë një version krejtësisht të kundërt me faktet e rrëfyera të dielën në mbrëmje te mjekët dhe Karabinierët nga gruaja në spitalin friulan.

Rrëfimi i një miku të Solet

Një nga miqtë e pranishëm në ngjarje, i identifikuar me shkronjën S. dhe me origjinë të huaj, i dëgjuar nga gazeta venete, ka dhënë një version krejtësisht të kundërt: “Ishim katër burra dhe katër gra. Ajo piu katër gin tonic, i pagoi vetë. Askush nuk e detyroi të pinte,” ka deklaruar ai. Sipas dëshmitarit, do të kishte qenë një “festë mes miqsh” që përfundoi në shtëpinë e futbollistit, ku “vajzat kërcenin” dhe viktima e supozuar do të kishte pasur tashmë një takim të mëparshëm me lojtarin.

“U puthën, pastaj shkuan në dhomën e gjumit me një çift tjetër. Ishte gjithçka me pëlqim,” ka vazhduar S., duke shtuar se të nesërmen në mëngjes vajza ishte ankuar se nuk kujtonte asgjë dhe kishte akuzuar të pranishmit se e kishin droguar. Sërish sipas S., 30-vjeçarja do të kishte përmendur një video të regjistruar gjatë mbrëmjes: “Thoshte se, nëse do të përfundonte në rrjete sociale, do na e bënte të paguanim”.

The post Solet, lojtari i Udinese akuzohet për përd*unim: një grua shkon në spital e denoncon appeared first on Lapsi.al.

Trajneri i Juventusit, Igor Tudor, po përballet me probleme serioze në skuadër para ndeshjes kundër Udineses, veçanërisht në mbrojtje, pasi nuk do të jetë në gjendje të llogarisë në të paktën shtatë lojtarë.

Të dielën, Juventusi luan ndeshjen e fundit në shtëpi për këtë sezon, dhe kundër Udineses do të luajë pa lojtarë më standardë të skuadrës së parë.

Gleison Bremer, Juan Cabal, Arek Milik dhe Lloyd Kelly janë të lënduar, ndërsa Pierre Kalulu, Khephren Thuram dhe Nicolo Savona janë të pezulluar dhe do të duhet të vuajnë një pezullim prej një ndeshje.

Lexo po ashtu Jo vetëm Osimhen, Juventusi synon edhe një tjetër top sulmues

Është e mundur që Tudor të ketë edhe më shumë probleme deri në fundjavë, sepse Teun Koopmeiners dhe Andrea Cambiaso, të cilët munguan në ndeshjen e fundit kundër Lazios, janë gjithashtu në dyshim.

Për shkak të mungesave në mbrojtje, Bremer ka qenë jashtë që nga tetori, Kelly është i lënduar dhe Kalulu është i pezulluar, Tudor ndoshta do të eksperimentojë me Manuel Locatellin në qendër të mbrojtjes, ndërsa Renato Veiga mund të luajë si mbrojtës i djathtë në një sistem mbrojtës me tre lojtarë.

Douglas Luiz mund të ketë një shans në mesfushë, veçanërisht nëse Koopmeiners nuk rikuperohet në kohë. Lajm i mirë për Juventusin është rikthimi i Kenan Yildiz, i cili kthehet nga pezullimi që e bëri të humbiste ndeshjet kundër Bolognas dhe Lazios. /Telegrafi/

The post Probleme të mëdha për Tudorin para njërës prej ndeshjeve të sezonit për Juventusin appeared first on Telegrafi.

Lazio-Parma përfundon 2-2 në javën e 34-t të Serie A. Në “Olimpico”, formacioni i teknikut Chivu e zhbllokoi menjëherë ndeshjen me golin e Ondrejka, me suedezin që arriti të përsëritej pas vetëm pak sekondash në pjesën e dytë për dygolëshin e tij të parë në kampionatin më të lartë italian. Një pritje e madhe e Mandas ballë për ballë me Pellegrinon shmangu kapitullimin e Lazios, që me hyrjen e Pedro, autor i një dygolëshi mes minutës së 79′ dhe të 84′, arriti të shmangë humbjen duke mbetur vetëm -2 pikë nga vendi i katërt i Juventus, që vlen për Champions League.

Pedro, një kampion absolut, që e mori skuadrën mbi supe. Me Lazion në disavantazh 0-2 në shtëpi ndaj Parmës dhe tifozët të tërbuar që kërkonin nga skuadra të tregonte karakter, Baroni, në minutën e 57′, hodhi në fushë spanjollin Pedro, i cili e rikuperoi ndeshjen me një dygolësh. Në “Olimpico” përfundoi kështu 2-2 (dygolësh i Ondrejka, në gol në minutën e 3′ dhe të 46′, më pas replikoi ish-lojtari i Barcelonës në minutën e 79′ dhe 84′).

Lexo më tej: Juventus fitoi por u turpërua me të dhënat në pjesën e dytë: Monza u duk si Barcelona

Për Lazion, që me një fitore do të kapte Juventusin (që do ta presin pas dy javësh) në vendin e katërt, është gjithsesi një pikë jetike në garën për në Evropë: bardhekaltërit janë aktualisht të shtatët (poshtë Romës për shkak të ndeshjeve direkte), por ende të kapur edhe pas katër të parave. Parma, që me rumunin Chivu ka humbur vetëm një ndeshje në nëntë të fundit, bën një tjetër hap të rëndësishëm drejt mbijetesës.

Bologna bllokohet nga Udinese, Juve rimerr vendin e katërt

Bologna nuk shkoi më shumë se 0-0 ndaj Udinese në ndeshjen e vlefshme për javën e 34-t të Serie A dhe rrëshqet sërish në vendin e pestë në renditje, e kaluar nga Juventus. Djemtë e teknikut Italiano, i pezulluar për këtë ndeshje pas kartonit të kuq të marrë kundër Inter, vuajtën shumë në pjesën e parë nga intensiteti i skuadrës së Runjaic, që goditi edhe një traversë me Davis. Miqtë u rritën në pjesën e dytë, goditën nga ana e tyre një traversë me Orsolini nga goditja e dënimit, por nuk arritën kurrë të vihen vërtet në pozicion për të rrezikuar portierin Okoye. Të dielën në “Dall’Ara” do të zhvillohet përballja direkte me skuadrën e Tudor që mund të përfaqësojë një pikë kyçe në sulmin për një vend në Champions League e ardhshme.

The post Dy gola në 5 minuta, Pedro shpëton Lazion: ndalet Bologna, humb vendin e katërt appeared first on Lapsi.al.

Bologna zhgënjen në Udine, teksa nuk shkoi më shumë se barazimi 0-0. Në pjesën e parë dominoi skuadra nga Bologna por nuk u tregua e saktë. Në pjesën e dytë, mysafirët “flirtuan” me golin me anë të Orsolinit, por vetëm kaq. Edhe vendasit nga Udine patën rastet e tyre dhe shpeshherë u teguan të rrezikshëm, […]

The post Hap fals për objektivin Champions, Bologna zhgënjen ndaj Udineses appeared first on BoldNews.al.

Portieri i Milanit, Mike Maignan, i ka thënë tifozëve se ai është mirë pas një goditje të fortë që mori në kokë gjatë fitores së skuadrës së tij me rezultat 4-0 në udhëtim ndaj Udineses të premten.

Reprezentuesi francez u detyrua të largohej nga loja me të filluar pjesa e dytë pas një përplasje kokash me bashkëlojtarin e tij Alex Jimenez.

Maignan doli me shpejtësi na zona e tij dhe u mundua ta spastrojë topin me kokë, por në vend të kësaj u përplas me lojtarin e tij dhe mbeti pa vetëdije për pak çaste në fushë.

Ai u largua nga fusha me barelë dhe u dërgua në spital për teste mjekësore. Maignan ishte i vetëdijshem dhe po fliste gjatë kohës sa mbërriti në tunelin e stadiumit.

L’avantage quand on est têtu, c’est qu’on a la tête dure…

Tout va bien Dieu merci
Merci pour vos réactions et vos messages! J’apprécie pic.twitter.com/f00GmTCr6S

— Magic Mike Maignan (@mmseize) April 12, 2025

Maignan tani ka dhënë një përditësim për tifozët e tij përmes një mesazhi që postoi në rrjetet e tij sociale.

“Avantazhi i të goditur fortë në kokë është se ju keni një kokë të fortë. Gjithçka është mirë, faleminderit Zot. Faleminderit për përgjigjet dhe mesazhet e juaja, e vlerësoj”, ka shkruar Maignan./Telegrafi/

The post Maignan thyen heshtjen pas lëndimit të rëndë në kokë ndaj Udineses appeared first on Telegrafi.

Sezoni mbetet negativ. Nuk mjafton një fitore, sado e thellë, për të ndryshuar opinionin e tifozëve dhe të analistëve, ndërsa Milani ende rrezikon të mbetet me gisht në gojë.

Skuadra e madhe italiane, 19 herë kampione e vendit dhe 7 herë fituese e Championsit, më në fund dha shenja jete duke triumfuar 4-0 në fushën e Udinezes.

Një shfaqje nga Rafael Leao, sepse sulmuesi portugez luajti vërtet në nivel shumë të lartë, duke shënuar, asistuar dhe ndihmuar ekipin.

Natyrisht, trajneri Serzhio Konseisao vazhdon t’i ketë pozitat të lëkundura, por drejtuesit për momentin duan qetësi dhe përpjekje maksimale për të arritur Championsin.

Leao shënoi golin e parë tre minuta para pushimit, ndërsa në pjesën e dytë rrjetat erdhën radhazi nga Pavlovic, Teo Hernandez dhe I zakonshmi holandez, Reijnders.

Mbrëmje e vështirë për portierin Menja, pasi francezi u vërshëllye rëndshëm, madje edhe u ofendua, ndërsa në minutën e 55-të u dëmtua në kokë, por për fat pa pasoja të rënda.

Vetëm në këtë moment për të mbërritën duartrokitjet.

“Një Milan që të frikëson, – titullon “La Gazeta delo Sport”, – shënon 4 gola në Udine! Menja në spital! Ky është një tjetër “Diall”!

“Tre minuta Milan, – shkruan disi me qortim “Il Korriere delo Sport”, – Dueti Leao-Pavloviç shemb Udinezen! Konseisao do Ligën e Europës”!

Fitore e merituar, por e përsërisim, sezoni është për t’u harruar, edhe pse është fituar Superkupa e Italisë.

Kuqezinjtë janë eliminuar nga Championsi, ndonëse janë ende në gjysmëfinale të Kupës italiane, ndërsa në Serinë A janë në vend të 9-të.

Milani ka 51 pikë pas 32 javësh, dhe kur mbeten 6 javë deri në përfundim duhet të rikuperojë diferencën ndaj rivalëve si Bolonja, Juventusi apo Lacio, që kanë një ndeshje më pak të luajtur.

Milani mund të marrë frymë i lehtësuar pasi mësoi se portier Mike Maignan u lirua nga spitali sot (e shtunë) në mëngjes dhe tani është në rrugën e tij për në Milano.

Portieri francez ngriti shqetësime për gjendjen e tij pas një përplasje shqetësuese me shokun e tij të skuadrës Alex Jimenez, duke mbetur i palëvizshëm në tokë përpara se të largohej me barelë nga fusha.

Milan më vonë konfirmoi se Maignan nuk e kishte humbur kurrë vetëdijen pavarësisht përplasjes së rrezikshme me kokë, por ai u dërgua në një spital në Udine për teste paraprake dhe u mbajt nën vëzhgim gjatë natës.

Sipas Tuttomercatoweb, vendimi për të monitoruar dëmtimin e kokës ishte thjesht paraprak dhe të gjitha rezultatet mjekësore u kthyen negative, kjo është arsyeja pse ai u lirua nga spitali këtë mëngjes.

Duke folur pas fitores 4-0 të Milanit ndaj Udineses, trajneri Sergio Conceicao lavdëroi tifozët vendas për ‘gjestin e tyre të jashtëzakonshëm’, ndërsa ata i kthyen në duartrokitje sulmet për lojtarin pasi e kuptuan seriozitetin e situatës. /Telegrafi/

The post Maignan lirohet nga spitali pas përplasjes së frikshme me kokë në ndeshjen ndaj Udineses appeared first on Telegrafi.

Milani arriti një fitore 4-0 në transfertë përballë Udineses në ndeshjen hapëse të javës së 32-të të Serisë A, duke rifituar tri pikët pas dy ndeshjeve dhe duke u përpjekur të qëndrojë në trenin për në Evropë.

Kuqezinjtë, të rreshtuar nga Conceiçao me 3-4-3, e çuan lojën në drejtimin e duhur në fundin e pjesës së parë me golat e Leao dhe Pavlovic, përpara se ta mbyllnin në pjesën e dytë me golat e Theo Hernandez dhe Reijnders.

Në pritje të ndeshjeve të fundjavës, ata tani janë 1 pikë prapa Fiorentinës në vendin e tetë. Për friulianët, pa objektiva në këtë pjesë të fundit të sezonit, një humbje shumë e rëndë, e katërta radhazi.

The post Milani, “poker” ndaj Udineses appeared first on Albeu.com.

Simone Inzaghi u përjashtua gjatë minutave shtesë të ndeshjes Inter-Udinese për shkak të protestave ndaj arbitrit Chiffi. Trajneri zikaltër hyri në fushë i tërbuar për të shprehur pakënaqësinë e tij ndaj vendimit të gjyqtarit, i cili nuk kishte akorduar një faull ndaj Correa në mesfushë.

Duke folur për përfundimin e vështirë të ndeshjes, trajneri i kampionëve aktualë të Italisë deklaroi për Sky Sport: “Rrezikonim të mos fitonim një ndeshje pas një pjesë të parë të shkëlqyer, meritonim më shumë se dy gola. Nuk e nisëm mirë pjesën e dytë dhe, pas golit të Solet, ndaluam së luajturi. U zemërova shumë. Përjashtimi ishte i drejtë, u revoltova për faullin ndaj Correa dhe ndonjëherë adrenalina të bën të humbasësh kontrollin”.

Inzaghi i përjashtuar për protesta: hyri i tërbuar në fushë

Simone Inzaghi u përjashtua pasi hyri në fushë, diçka që ndalohet rreptësisht nga rregullorja. Trajneri i Inter ishte ndëshkuar me karton të verdhë në fillim të pjesës së dytë për daljen nga zona teknike dhe më pas u përjashtua për protestat e tij ndaj një vendimi që i dha Udineses një rast të madh me Solet.

Duke analizuar performancën e skuadrës së tij, Inzaghi tha: “Pjesa e parë e Interit ishte e një skuadre të madhe, por Udinese e vuri në vështirësi këdo. Sigurisht që ekzistojnë edhe kundërshtarët. Pas golit të Solet hymë në vështirësi. E kuptoj që flitet për 20 minutat e fundit, por flisni edhe për pjesën e parë fantastike. Ne jemi një skuadër e ndërtuar për të luajtur futboll të mirë. Kur nuk jemi teknikisht të pastër, vuajmë”.

Lexo më tej: Coverciano ndan çmimet, askush si Inzaghi: Pankina e Artë shkon për teknikun zikaltër

Në fund, për rinovimin e kontratës me Interin, që presidenti Marotta e ka quajtur një “formalitet”, trajneri zikaltër u shpreh: “Ndjehem shumë mirë te Inter, ndjej vlerësim nga klubi dhe tifozët. Në fund të sezonit do të shohim se çfarë do të ndodhë, por për momentin jam shumë i lumtur këtu. Ka një harmoni të madhe dhe një marrëdhënie të shkëlqyer me drejtuesit”.

The post Inzaghi u përjashtua në Udine, hyri në fushë i tërbuar: “E kisha me arbitrin Chiffi” appeared first on Lapsi.al.

Barazim 1-1 ndërmjet Lazios dhe Udineses, në ndeshjen e vlefshme për Serie A. Mysafirët nga Udine surprizuan në minutën e 22-të, duke kaluar në avantazh me sulmuesin francez Thauvin. Në të 32-tën, Romagnoli realizon për lacialët, i shërbyer mjaft mirë nga Vecino. Në pjesën e dytë, loja ishte r ekuilibruar, teksa në fund fitoi frika […]

The post Lacio nuk përfiton nga gabimi i Juventusit, ndalet në shtëpi nga Udinese appeared first on BoldNews.al.

Sulmuesi italian Lorenzo Lucca nuk i dëgjoi urdhrat e skuadrës gjatë ndeshjes mes Lecces dhe Udineses duke marrë përsipër ekzekutimin e penalltisë pa pëlqimin e trajnerit dhe bashkëlojtarëve. 

Ai në fakt luftoi me disa bashkëlojtarë të tij dhe ishte i vendosur ta gjuante penalltinë, ndonëse kjo përgjegjësi i takonte dikujt tjetër. 

Disa lojtarë të Udineses ishin të zemëruar me bashkëlojtarin e tyre, i cili mori topin dhe qëndroi tek pika e bardhë, pavarësisht se Florian Thauvin si gjuajtësi i tyre ishte në fushë dhe po mbante shiritin e kapitenit gjithashtu. 

Lucca refuzoi që këtë përgjegjësi t’ia dhuronte dikujt tjetër, diçka që çoi në një konfrontim me disa nga bashkëlojtarët e tij, duke përfshirë Jaka Bijol i cili tentoi ta shtynte atë nga pika e penalltisë. 

Thauvin, Alexis Sanchez dhe Oumar Solet ishin në mesin e lojtarëve të tjerë të përfshirë në këtë konfrontim. 

Edhe lojtarët e Lecces ishin të zhgënjyer nga kjo situatë, duke marrë parasysh sa gjatë iu desh atyre që kjo penallti të ekzekutohej.

Në fund, Lucca realizoi nga penalltia duke realizuar në cepin e sipërm të krahut të majtë të portierit. 

Megjithatë,  trajneri Kosta Rubnjaic e zëvendësoi Luccan menjëherë, duke e futur në lojë Iker Bravon në minutën e 36-të për ta zëvendësuar atë./Telegrafi/

The post Ylli i Udineses mori përsipër penalltinë pa pëlqimin e ekipit – realizoi, por askush nuk festoi me të appeared first on Telegrafi.

Roma ka shënuar fitore ndaj Udineses si mysafir me rezultat 2-1 në kuadër të javës së 22-të të Serie A.

Fillimi i ndeshjes ishte i qetë me të dy skuadrat që ishin të kujdesshme në fazën defanzive.

Në minutën e 38-të, Sandi Lovric asistoi te Lorenzo Lucca i cili shënoi për 1-0.

Roma shënoi me Artem Dovbyk, por që goli u anulua për pozitë jashtë loje.

Me të filluar pjesa e dytë, Roma fitoi penallti, ku nga pika e bardhë ishte i saktë Lorenzo Pellegrini, që shënoi për 1-1.

Në minutën e 64-të, Roma sërish fitoi penallti, ku kësaj radhe Dovbyk ishte i saktë për të shënuar për 2-1.

Deri në fund, Roma menaxhoi rezultatin, duke marr një fitore të madhe si mysafir pas një kohe të gjatë, që e ngjitë në vendin e nëntë me 30 pikë. /Telegrafi/

The post Roma fiton me rikthim jashtë fushë ndaj Udineses appeared first on Telegrafi.

Juventus mbyll vitin 2024 e pamposhtur, por me barazimin e 11-të sezonal në kampionat. Në javën e 18-të të Serie A, skuadra e Thiago Motta-s barazon 2-2 me Fiorentinën dhe mbetet e barazuar në renditje me violat, të dyja me nga 32 pikë. Në Allianz Stadium, Thuram zhbllokon rezultatin në minutën e 20-të pas një inkursioni në qendër të mbrojtjes, ndërsa në pjesën e dytë rikthen avantazhin pas barazimit të përkohshëm nga Kean (38’). Megjithatë, dopieta e tij nuk mjafton për fitoren. Në fund, Sottil (87’) ndëshkon një gabim të Cambiaso-s dhe vendos rezultatin përfundimtar 2-2.

Juventus duket se nuk gjen zgjidhje për “sëmundjen” e barazimeve dhe del nga fusha mes fishkëllimave të tifozëve. Dygolëshi i Thuram nuk mjafton, pasi bardhezinjtë barazohen dy herë nga Fiorentina, fillimisht nga ish-lojtari Kean dhe më pas nga Sottil. Skuadra e Thiago Motta-s dështon të kalojë rivalët toskanë dhe të afrohet me Lazion e vendit të katërt, që mbetet tre pikë larg. Fundvit i hidhur për Juventus, që tashmë mendon për Superkupën. Për Fiorentinën, ky është një pikë e vlefshme, që shmang humbjen e tretë radhazi, falë edhe pritjeve vendimtare të De Gea-s.

Lexo më tej: Cristiano Giuntoli është drejtuesi më i paguar në Itali: sa fiton te Juventusi

KORE RACISTE NDAJ VLAHOVIC

Thiago Motta vendos në fushë Conceição, Koopmeiners dhe Mbangula pas Vlahovic. Nga ana tjetër, Palladino aktivizon Colpani, Gudmundsson dhe Sottil në mbështetje të Kean. Juventus fillon ndeshjen duke sulmuar me intensitet. Vlahovic është i pari që krijon rrezik, kur goditja e tij me kokë pas një harkimi nga Conceição kalon ngjitur me portën. Gjatë këtij aksioni, tifozët e Fiorentinës fillojnë të thërrasin kore raciste ndaj ish-sulmuesit të tyre. Arbitri Mariani detyrohet të ndërpresë ndeshjen për disa minuta dhe shpikeri bën thirrje për ndalimin e koreve, për të shmangur një ndalesë të plotë të lojës.

NAPOLI 1-0 VENEZIA

Napoli e mbyll vitin 2024 në krye të Serie A, duke mposhtur Venecian 1-0 në javën e 18-të. Edhe pse Lukaku humbi një penallti në minutën e 37-të, i ndalur nga portieri Stankovic, goli vendimtar erdhi në minutën e 79-të. Raspadori shënoi pas një goditjeje të fuqishme nga qendra e zonës, duke siguruar tri pikët që i japin Napolit bashkëkryesimin me Atalantën në kuotën e 41 pikëve. Venezia mbetet në vendin e parafundit, dy pikë larg zonës së mbijetesës.

UDINESE 2-2 TORINO

Barazim spektakolar 2-2 mes Udineses dhe Torinos në javën e 18-të të Serie A. Ritmi i pjesës së parë ishte i ulët, por Udinese kaloi në avantazh në minutën e 41-të me një goditje të saktë të Touré pas një goditjeje nga këndi. Në minutën e 49-të, Lucca dyfishoi rezultatin me kokë. Torino nisi kthimin me golin e Adams në minutën e 53-të dhe më pas Ricci barazoi në minutën e 64-të me një goditje nga distanca, duke i siguruar një pikë ekipit të tij.

The post Video/ Juventus ‘mbret’ i barazimeve: Cambiaso gabon, Fiorentina e arrin në të 87′ appeared first on Lapsi.al.

Inter i teknikut Simone Inzaghi fitoi 2-0 ndaj Como, duke mbyllur javën e 17-të të Serie A. Në një mbrëmje më e vështirë nga sa pritej duke parë renditjen, zikaltrit përfituan nga një goditje nga këndi e Calhanoglu në fillim të pjesës së dytë, ku Carlos Augusto realizoi golin e fitores, duke shënuar për të dytën ndeshje radhazi. Në kohën shtesë, Thuram vulosi rezultatin me një goditje të fuqishme në trekëndësh. Me këtë fitore, Interi ruan ritmin me Atalantën dhe Napolin, ndërsa Como tregoi përmirësimet e tij të dukshme në javët e fundit.

DETAJE TË NDESHJES

Ngjyrat e mbrëmjes ishin ato braziliane me nuanca të bardha dhe blu. Inter mposhti Como në të ftohtin e San Siros falë golave të Carlos Augusto dhe Marcus Thuram, duke festuar Krishtlindjet në mënyrë të parakohshme. Lojtari i ndeshjes ishte Carlos Augusto, një djalë nga Campinas, Brazil, i cili kompletoi mozaikun zikaltër duke marrë duartrokitje nga i gjithë stadiumi. Meazza mbetet një fortesë për Interin: vetëm një humbje në shtëpi gjatë vitit 2024.

Lexo më tej: Asllani, goli i rrallë nga këndi çon Inter në çerekfinale: “I lumtur, grup fantastik”

Nga ana tjetër, Como kthehet te liqeni me krenarinë se luftoi fort, duke ushtruar presion në të gjithë fushën dhe duke detyruar kampionët e Italisë të mbroheshin disa herë, veçanërisht në pjesën e parë. Cesc Fabregas kishte lavdëruar më parë mënyrën si Inzaghi interpreton sistemin 3-5-2, dhe pas kësaj ndeshjeje duket se edhe Inzaghi do ta përshëndesë me admirim. Nuk ishte një ndeshje e lehtë.

FIORENTINA 1-2 UDINESE

Udinese bëri një goditje të madhe në ndeshjen e parë të mbrëmjes për javën e 17-të të Serie A, duke mposhtur Fiorentinën 2-1 në Franchi. Kean hapi rezultatin nga penalltia në minutën e 8′, por në fillim të pjesës së dytë, friulianët arritën përmbysjen me Lucca, i cili pas golit të barazimit në minutën e 49′ goditi shtyllën me një roveshiatë, dhe Thauvin që shënoi në minutën e 57′ golin e dytë. Me këtë fitore, Udinese ngjitet në kuotën e 23 pikëve, ndërsa Fiorentina mbetet me 31 pikë dhe lejon Juventus ta arrijë në renditje.

The post Video/ Carlos Augusto e Thuram mposhtin Como: Inter i përgjigjet Atalantës appeared first on Lapsi.al.

Fiorentina zhgënjeu në shtëpi, pasi u mposht nga Udinese me rezultatin 2-1, në sfidën e vlefshme për javën e 17-të në Serie A. Skuadra nga Fierence e nisi mirë ndeshjen, duke kaluar në avantazh që në minutën e 8-të, kur Moise Kean shënoi me penallti. Megjithatë në pjesën e dytë miqtë ia dolën të përmbysin […]

The post Serie A/ Udinese fiton me përmbysje ndaj Fiorentinës (Video) appeared first on BoldNews.al.

Pararendësit e tij janë të lavdishëm. Kristjan Asllani shënoi golin e tij të parë për këtë sezon kundër Udineses dhe e bëri në mënyrë spektakolare, duke e dërguar topin në rrjetë direkt nga një goditje këndi. Një trajektore e përsosur dhe plot “helm,” që përfundoi në shtyllën e largët pa asnjë devijim: goli që vendosi ndeshjen duke e bërë rezultatin 2-0.

Ky lloj goli, i njohur si “Gol Olímpik”, ka lindur në vitin 1924. FIFA sapo kishte miratuar golat direkt nga goditjet e këndit. Disa muaj më vonë, Cesareo Onzari nga Argjentina arriti të shënojë një të tillë në një miqësore kundër Uruguait. Duke qenë se Uruguai ishte kampion olimpik në fuqi, goli mori emrin “olímpico.”

Para mesfushorit Asllani, në kohët e fundit, të vetmit lojtarë që kishin shënuar në këtë mënyrë për Interin ishin Dejan Stankovic, Alvaro Recoba, Christian Eriksen dhe Hakan Calhanoglu. Goli i Dejan Stankovic ishte veçanërisht i paharrueshëm, pasi ishte goli i tij i parë për Interin: ai e shënoi më 21 shkurt 2004 në derbin Milan-Inter. Pas Stankovic, Alvaro Recoba shënoi në San Siro gjatë ndeshjes Inter-Empoli më 29 prill 2007, duke shënuar golin e tij të fundit për Interin. Magjia e tij me këmbën e majtë mashtroi portierin Bassi, duke kurorëzuar një festë të vërtetë për Interin në ditën e celebrimit të titullit tonë të 15-të kampion.

KRISTJAN ASLLANI SCORED DIRECTLY FROM A CORNER! #InterUdinese pic.twitter.com/z6pedxoAB1

— Lega Serie A (@SerieA_EN) December 20, 2024

Në qershor 2020, në gjysmëfinalen e Kupës së Italisë kundër Napolit, Eriksen arriti ta kalojë topin mbi Ospinën me një trajektore mbresëlënëse. Po ashtu, Hakan Calhanoglu bëri të njëjtën gjë në Stadio Olimpico kundër Romës më 4 dhjetor 2021.

FJALËT E KRISTJANIT

“Unë kurrë nuk kam shënuar direkt nga një goditje këndi. Ishte e rëndësishme të fitonim këtë mbrëmje dhe jemi të lumtur sepse po ndërtojmë vazhdimësi në rezultatet tona. Grupi ynë është fantastik, kemi një kimi të shkëlqyer mes nesh në dhomën e zhveshjes, shpesh dalim bashkë dhe kjo gjithmonë ndihmon te rezultatet. Dua të falënderoj edhe Arnautovic për mbështetjen, sepse ai është dikush që gjithmonë ndihmon lojtarët e rinj dhe është thelbësor për ne.”

The post Asllani, goli i rrallë nga këndi çon Inter në çerekfinale: “I lumtur, grup fantastik” appeared first on Lapsi.al.