Sulmuesi Cristian Shpendi (22 vjeç) po shkëlqen në Serie B me fanellën e Cesenas, ku ka shënuar 11 gola në sezonin e fundit. Performancat e tij pozitive nuk kanë kaluar pa u vënë re, teksa së fundmi interes për shërbimet e tij ka shfaqur edhe klubi i Parmës. Sipas raportimeve nga “Parma Gazette”, skuadra e […]

The post Shkëlqeu sezonin e fundit, Parma kërkon sulmuesin e Kombëtares Shqiptare appeared first on BoldNews.al.

Ange-Yoan Bonny është tashmë lojtar i Interit. Sulmuesi është larguar nga selia e zikaltërve sot pasi ka firmosur. Kontrata e tij raportohet të jetë e vlefshme deri në vitin 2029. Paga për të ndërkohë do të jetë 2 milionë euro në sezon. Vetë Parma fiton rreth 25 milionë euro për shitjen e kartonit të sulmuesit […]

The post 25 milionë euro në arkat e Parmas, Interi firmos me sulmuesin 21-vjeçar appeared first on BoldNews.al.

Interi ka siguruar tashmë shërbimet e sulmuesit të Parmës, Ange-Yoan Bonny, dhe ka mundësinë ta marrë me vete për fazën me eliminim direkt të Kupës së Botës për Klube në Shtetet e Bashkuara. 

Marrëveshja për transferimin e francezit është praktikisht e përfunduar, me një vlerë totale prej 25 milionë eurosh, që ndahet mes pagesës fikse dhe bonuseve të ndryshme. 

Pavarësisht spekulimeve dhe interesimit të përfolur nga klube të ndryshme, Bonny ka qenë gjithmonë i destinuar për t’u bashkuar me zikaltërit. 

Inter ka qenë në ‘pole-position’ që nga fillimi dhe kurrë nuk e ka lëshuar kontrollin, pavarësisht zërave që qarkulluan në ditët e fundit. 

Tani mbetet në dorë të trajnerit Cristian Chivu të vendosë nëse do ta marrë Bonny në SHBA për fazën me eliminim direkt të turneut, apo do ta lërë të përgatitet në qetësi për sezonin e ri dhe të përshtatet me ambientin e ri. 

Për Interin, më e rëndësishmja është që marrëveshja është drejt përmbylljes dhe në asnjë moment nuk ka pasur dyshime për këtë. 

Lexo po ashtu Lajm fantastik për Interin para ndeshjes me Fluminensen

Bonny iu bashkua Parmës në vitin 2021 si lojtar i lirë nga skuadra e të rinjve të Chateauroux dhe luajti një rol kyç në ngjitjen e klubit në Serie A.  

Në sezonin që lamë pas, ai regjistroi 6 gola dhe 4 asistime në 37 ndeshje të kampionatit elitar italian./Telegrafi/

The post Inter bëhet me sulmues të ri, arrihet marrëveshja për transferimin e Ange-Yoan Bonny appeared first on Telegrafi.

Interi është pranë përfundimit të një marrëveshjeje me Parmën për sulmuesin e ri Ange-Yoan Bonny, me një ofertë që pritet të mbyllet në vlerën prej 24 milionë eurosh, sipas Fabrizio Romanos.

Bonny ka qenë një objektiv i Interit për disa muaj dhe interesimi është rritur ndjeshëm që kur ish-trajneri i Parmës, Cristian Chivu, iu bashkua zikaltërve si zëvendësues i Simone Inzaghit.

Fillimisht, Interi kishte paraqitur një ofertë prej 22 milionë eurosh plus bonuse që kapnin vlerën e 23 milionëve të tjerë, por u detyrua të rrisë ofertën për shkak të konkurrencës nga Stuttgart në Bundesligë.

Tani, Interi synon ta mbyllë marrëveshjen për një shumë fikse prej 24 milionë eurosh, shumë afër kërkesës së Parmës prej 25 milionësh.

Bonny, 21-vjeçar, u transferua te Parma në vitin 2021 nga Chateauroux dhe këtë sezon ka dhënë një kontribut të rëndësishëm në ngjitjen dhe mbijetesën e ekipit në Serie A, me 6 gola dhe 4 asistime në 37 paraqitje.

Lexo po ashtu Manchester United refuzon dy gjigantët italianë për Rasmus Hojlund

Ai shihet si zëvendësuesi ideal për Marcus Thuram në vijën e sulmit, ndërsa Interi pritet të largojë emra si Marko Arnautovic, Joaquin Correa dhe Mehdi Taremit në fund të sezonit. /Telegrafi/ 

The post Zëvendësuesi i Marcus Thuram gati: Ange-Yoan Bonny drejt Interit, marrëveshja afër appeared first on Telegrafi.

Klubi i Parmës ka bërë një lëvizje të pazakontë, duke i besuar pankinën një trajneri të ri me kuptimin e plotë të fjalës. Spanjolli Carlos Cuesta është zyrtarizuar si tekniku i ri i emilianëve. Ai ka firmosur një kontratë dyvjeçare, me të drejtë rinovimi për një tjetër edicion. Carlos Cuesta është 29-vjeçar dhe përtej faktit […]

The post Një 29-vjeçar do të drejtojë Parmën, klubi zyrtarizon trajnerin e ri appeared first on BoldNews.al.

Christian Chivu do të bëhet praktikisht trajneri i ri i Inter. Largimi i Simone Inzaghi, i cili përfundimisht ka marrë drejtimin e Al Hilal në Arabinë Saudite, i ka zënë të papërgatitur zikaltërit, të cilët po tregohen të pasigurt përsa i përket zgjedhjes së trajnerit të ri. Fillimisht “jo”-ja e Comos për Fabregas, më pas refuzimi i Viera për respekt të fjalës së dhënë për Genoan dhe tani opsioni i tretë që çon te emri i ish-mbrojtësit zikaltër. Inter nuk është aspak një e shkuar për Chivu, i cili më parë kishte drejtuar skuadrën Primavera.

Këtu në vitin 2022 ai fitoi titullin kampion Primavera si trajner, duke u vënë në pah si nga ambienti zikaltër ashtu edhe nga skuadra të tjera. Marotta dhe klubi ishin gati t’i besonin skuadrën U23 në nisje të sezonit të ardhshëm në Serie C, por telefonata e Parmës disa muaj më parë bëri që Inter të hiqte dorë nga kjo hipotezë. Chivu pranoi të drejtonte në Serie A dhe mori vendin e Fabio Pecchia, duke treguar gjithashtu një lojë të mirë dhe duke arritur rezultate të shkëlqyera përveç shpëtimit nga rënia. Ndoshta pikërisht për këtë ndikim pozitiv, Inter është kthyer pas dhe ka menduar t’i besojë ekipin e parë.

Lexo më tej: Chivu trajneri i ri i Inter pas refuzimit të Fabregas: çfarë mungon për ta mbyllur

Pak a shumë në vija të përgjithshme siç ndodhi me Andrea Pirlo te Juventus, i cili u promovua në trajner të ekipit të parë në vitin 2020 pasi ishte shpallur trajner i ri i skuadrës U23. Në këtë rast për Chivu nuk pati asnjë shpallje, por vetëm një “promovim” normal në rrugëtimin e tij si trajner, që do ta kalonte nga Primavera te U23, përpara se Marotta të vendoste tia hiqte këtë mundësi. Skuadra zikaltër që do të luajë vitin tjetër në kampionatin e Serie C, do t’i besohet pothuajse me siguri Stefano Vecchias, që ka qenë tashmë trajner i të rinjve nga viti 2014 deri në 2018.

Chivu do të niste një revolucion taktik që shkëputet nga e kaluara

“Unë i mendoj të gjitha gjërat, nuk do të mund të thosha kurrë jo sepse projekti U23 është i rëndësishëm” kishte thënë në një intervistë jo edhe aq të largët Chivu në lidhje me mundësinë që Inter t’i besonte atij detyrën te U23. Tani presidenti i Interit, Marotta, ka telefonuar Parmën duke kërkuar të ndalojë trajnerin rumun, i cili ka një opsion për rinovim me emilianët, pas tij ishte hequr vetëm disa javë më parë për të drejtuar U23 në Serie C.

Marotta ka kërkuar të mos ushtrohet klauzola në mënyrë që të shkohet drejt e te ai. Chivu i ka bindur të gjithë me Parmën e tij shpërthyese dhe ndikimi në Serie A ka qenë pra mëse bindës për Interin. Ajo e rumunit Chivu do të ishte gjithashtu edhe nisja e një projekti të ri taktik, që do të shihte Inter të braktiste skemën 3-5-2 për të kaluar te 4-3-3, markë e regjistruar e trajnerit rumun pikërisht te Parma.

The post Pse Chivu ishte hequr nga skenari për Inter U23 e tani zgjidhet për ekipin e parë appeared first on Lapsi.al.

Inter nuk ka humbur kohë dhe, pasi mori “jo”-në nga Como dhe Fabregas, ka zgjedhur pasuesin e Simone Inzaghi, i cili ka firmosur për Al Hilal. Klubi zikaltër ka vendosur të besojë te Cristian Chivu, i cili prej shkurtit ka qenë trajner i Parmës. Por rumuni ka qenë për shtatë sezone mbrojtës i Inter, ka fituar tripletën dhe ka drejtuar për tre sezone skuadrën Primavera.

Lajmi është raportuar nga Sky. Chivu kishte arritur një marrëveshje për rinovim me Parmën deri në vitin 2027, një marrëveshje verbale, pasi firmat ende nuk ishin hedhur. Tani ka mbërritur oferta e parefuzueshme nga Inter. Ish-mbrojtësi, në këto orë, po përpiqet të lirohet plotësisht nga marrëveshja me klubin verdheblu, i cili ndërkohë ka nisur të shikojë përreth.

Refuzimi nga Fabregas dhe Como

Simone Inzaghi vendosi të pranonte ofertën e Al Hilal. “Demoni” është prezantuar zyrtarisht dhe do të jetë në krye të klubit për Botërorin e Klubeve. Inzaghi u largua tre ditë pas finales së Champions. Inter nuk u gjend i papërgatitur dhe vëzhgoi disa trajnerë. De Zerbi rinovoi me Marseille dhe tha “jo”. Fabregas ishte i përzgjedhuri, por si ai ashtu edhe, mbi të gjitha, Como, i bënë bllok. Më pas u provua Vieira, i cili preferoi të mbante fjalën e dhënë ndaj Genoas.

Chivu largohet nga Parma dhe i thotë po Inter

Dhe kështu favoriti u bë Chivu, i cili ishte mes katër kandidaturave të mundshme. Operacioni për trajnerin rumun duhej mbyllur shpejt. Sepse, pas shpëtimit të arritur në javën e fundit, Chivu kishte gjetur marrëveshjen për zgjatjen e kontratës deri në 2027 me Parmën – një marrëveshje verbale, me firmat që dukeshin se do të vendoseshin në mbrëmjen e 5 qershorit. Por firmat, ose më mirë ato firma, nuk do të hidhen. Sepse ndërkohë mbërriti oferta e Inter, një tren për t’u kapur me shpejtësi në ecje për ish-mbrojtësin, i cili në vitin 2010 fitoi tripletën me skuadrën e drejtuar nga Mourinho.

Karriera e Chivu si lojtar dhe trajner

Chivu ka qenë futbollist i nivelit të lartë, ka luajtur deri në vitin 2014: trembëdhjetë trofe të fituar në karrierë, mes Ajax, Romës dhe Inter. Sigurisht, Champions League e vitit 2010 është trofeu që shkëlqen më shumë. Si trajner, për tre vite ka drejtuar skuadrën Primavera të Inter, duke fituar kampionatin në vitin 2022. Që prej shkurtit ka qenë trajner i Parmës, të cilën e ka çuar drejt shpëtimit, duke e drejtuar në 13 ndeshje: 3 fitore, 7 barazime dhe 3 humbje.

The post Chivu trajneri i ri i Inter pas refuzimit të Fabregas: çfarë mungon për ta mbyllur appeared first on Lapsi.al.

Sipas Gianluca Di Marzio, Interi ka vendosur të marrë Christian Chivun si trajnerin e tyre të ardhshëm, pasi Cesc Fabregas refuzoi ofertën e klubit.

Pas këtij zhvillimi, Interi ka informuar zyrtarisht Parmën për synimin e tyre për ta emëruar Chivun në postin e trajnerit për sezonin e ardhshëm.

Ky njoftim u bë të enjten pasdite, pasi Como refuzoi kërkesën e Interit për Fabregasin, duke e detyruar klubin të kërkojë alternativa të reja.

Drejtuesit e klubit, përfshirë drejtorin sportiv Giuseppe Marotta, tani janë të përqendruar te Chivu, i cili aktualisht është në krye të Parmës.

Chivu, një ish-lojtar i Interit dhe fitues i tripletës nën drejtimin e Jose Mourinhos, shihet si kandidati ideal për të udhëhequr skuadrën.

Ai ka lënë përshtypje të mira këtë sezon, duke e udhëhequr Parmën drejt mbijetesës në Serie A pas vetëm një gjysmë sezoni në krye të ekipit.

Interi pritet të finalizojë marrëveshjen së shpejti, me Chivun që tashmë shihet si favorit për të zëvendësuar Simone Inzaghin në pankinën e “Nerazzurrëve”. /Telegrafi/

The post Fabregas i paarritshëm, Interi do ta emërojë një legjendë të klubit në postin e trajnerit appeared first on Telegrafi.

Te Interi ka nisur zyrtarisht procesi i rinovimit dhe ringjalljes së skuadrës për sezonin e ardhshëm.

Objektivi kryesor i afatit kalimtar mbetet talenti i Real Madridit, Nico Paz, edhe pse negociatat janë të komplikuara. Pavarësisht kësaj, në zyrat e “Viale della Liberazione” nuk janë të gatshëm të heqin dorë nga pista dhe puna e bërë deri tani, ndërkohë që paralelisht po zhvillojnë tratativa edhe në fronte të tjera.

Në repartin mbrojtës është rindezur interesi për mbrojtësin e ri Giovanni Leoni, i cili ka shpërthyer këtë sezon te Parma nën drejtimin e Cristian Chivus. Leoni ishte pranë kalimit te Interi edhe verën e kaluar, por negociatat e trazuara bënë që gjithçka të dështonte në momentet e fundit. Tani vlera e tij ka shkuar lart, por gjithashtu ka bërë një hap të madh në aspektin teknik e taktik.

Lexo po ashtu “Do të bëhen transferime të duhura”, Pedulla siguron tifozët e Interit

Megjithatë, në listën e zikaltërve për mbrojtjen mbeten edhe emra si Koni De Winter i Genoas dhe Jhon Lucumi dhe Sam Beukema të Bolognas.

Në mesfushë, prioritet është gjetja e një zëvendësuesi për Hakan Calhanoglu, pasi Kristjan Asllani pritet të largohet. Samuele Ricci i Torinos mbetet një nga emrat më të preferuar, por çmimi i lartë dhe interesimi nga Milani mund të komplikojnë operacionin. Në këtë drejtim, Interi po vëzhgon me kujdes edhe danezin Morten Frendrup të Genoas, ndërsa mesfusha pritet të drejtohet nga eksperienca dhe vizioni i Piotr Zielinskit.

Lexo po ashtu Zirkzee del si kandidat i fortë për sulmin e Interit

Sipas Corriere dello Sport, edhe në sulm priten ndryshime të mëdha. Mehdi Taremi, Joaquin Correa dhe Marko Arnautovic nuk kanë arritur të bindin, përveç disa muajve pozitivë në fillim të vitit 2025, dhe Interi nuk mund të përballojë më mungesën e efikasitetit në repartin sulmues.

Kjo nënkupton që do të ketë dy përforcime të reja për sulmin: për rolin e “sulmuesit të tretë” pas Lautaro Martinez dhe Marcus Thuram, emri që pëlqehet më shumë është Joshua Zirkzee. Ndërsa për vendin e katërt në sulm, ka marrë shumë vlerësime Georges Bonny nga Parma, një profil që shihet me shumë potencial për të ardhmen. /Telegrafi/

The post Interi nis rinovimin e skuadrës: Zirkzee dhe Bonny për sulmin, në mbrojtje rikthehet në skenë Leoni appeared first on Telegrafi.

Napoli u kthye nga Parma me një pjesë të mirë të titullit të kampionit të stampuar mbi kraharor: napolitanët janë ende zot të fatit të tyre, pasi në Tardini barazuan pikërisht siç bëri edhe Interi në Meazza ndaj Lazios, duke mbajtur kështu të pandryshuar avantazhin prej një pike në renditje: nëse mposhtin Cagliarin (tashmë të shpëtuar), në ndeshjen e fundit në Maradona, djemtë e teknikut Antonio Conte do të vendosin në vitrinë titullin e katërt kampion në historinë e Napolit, pavarësisht rezultatit të Interit në fushën e Comos. Vetë Conte, për më tepër, nuk do të jetë në pankinë, sepse u përjashtua nga arbitri Doveri (bashkë me Chivu) në fundin e ndeshjes plot tension, ku u shkëmbyen fjalë të rënda.

Me kë e kishte Conte: “Pastaj vij e të gjej”

Në Parma sapo kishte kaluar minuta e 90′, me rezultatin të fiksuar në 0-0, ndërsa në San Siro Lazio sapo kishte barazuar 2-2 me golin e Pedros nga penalltia: në atë moment në Tardini shpërthen një përplasje mes pankinave, me arbitrin Doveri që vrapoi atje dhe më pas nxorri kartonët e kuq për të dy trajnerët. Pas përfundimit të ndeshjes dalin imazhe të tjera dhe edhe audio nga mikrofonat, dhe në atë pikë kuptohet me kë e kishte Conte dhe çfarë i kishte thënë. “Nuk po prisje gjë tjetër, copë m*ti!”, i ka bërtitur ai i tërbuar Antonio Gagliardit, ndihmësit të Cristian Chivu. “Pastaj vij e të gjej!”, ka shtuar teksa dilte i tërbuar nga fusha për të ndjekur minutat e fundit të kohës shtesë nga tuneli.

Në shënjestër ndihmësi i Chivu, Gagliardi

Conte nuk e ka mbajtur më veten sepse, sipas tij, në fund të ndeshjes sjellja e lojtarëve të Parmës ka qenë totalisht e njëanshme në drejtim të humbjes së kohës (pasi Parmës i mjaftonte barazimi për shpëtimin matematikisht) dhe u ka thënë diçka lidhur me këtë stolit kundërshtar, që i është përgjigjur duke treguar me gishta minutazhin e dhënë për shtesë nga gjyqtari. Aty ka shpërthyer gjithë përplasja me fjalët e rënda drejtuar Gagliardit (ish-analist taktik i Italisë së Mancinit kampione Europe, por edhe i Juventus) dhe përjashtimin pasues për trajnerin puljez.

Trajneri më pas ka shpjeguar arsyet e tij

Në konferencë për shtyp më pas Conte sqaroi se zemërimi i tij kishte të bënte pikërisht me ato humbje të tepërta kohe nga lojtarët e Parmës: “Më bezdisi shumë ostruzionizmi që bëri Parma në pjesën e dytë, më është dukur i ekzagjeruar në çdo drejtim. Dhe për më tepër ata po ankoheshin edhe për shtesën, që ishte vetëm 6 minuta. Në pjesën e dytë u luajt shumë pak, njëherë kramp, njëherë goditje në kokë, pastaj hynte doktori, dilte, sipas mendimit tim u lejua pak si shumë. Kam pasur fatin dhe aftësinë të stërvis në Angli, atje publiku i fishkëllen fort këto gjëra, për këdo që përpiqet të bëjë ostruzionizëm. E kuptoj që mund të kenë objektiva të ndryshëm, por çdo gjë ka një kufi. Kjo më bezdisi”.

The post Conte nuk pa më nga sytë: “Nuk po prisje gjë tjetër, copë m*ti. Pastaj vij e të gjej” appeared first on Lapsi.al.

Adrenalina e fundit të zjarrtë të ndeshjes Parma-Napoli u bë një kurth për dy teknikët Antonio Conte e Cristian Chivu, të dy të përjashtuar. Një karton i kuq i rëndë që do t’u ndalojë të dy trajnerëve të jenë në stol në minutat e fundit delikatë të sezonit në Serie A. Por çfarë ndodhi në pankina? Dhe pse Conte dhe Chivu u përplasën.

Çfarë ndodhi në Parma-Napoli, u përjashtuan Conte dhe Chivu

Gjithçka nisi nga ajo që ndodhi në Milano, me barazimin e Inter kundër Napolit. Në zonën e pankinave shpërtheu kaosi: Lukaku u përpoq të informonte të gjithë skuadrën për rezultatin që vinte nga Meazza, ndërsa Conte nga ana e tij u përpoq të frenonte entuziazmin, duke mbajtur lart përqendrimin. Pra, një konfuzion i madh, që u përhap edhe te pankina e Parmës.

Antonio Conte vs Cristian Chivu

Both red card https://t.co/CIIZUITPAx

— Goals Xtra (@GoalsXtra) May 18, 2025

Nervozizëm i madh për Conte, për çfarë u ankua

Conte pati një përplasje shumë të fortë me një bashkëpunëtor të Chivu-t, pra Gagliardi, që u shtri më pas edhe te trajneri verdheblu Chivu. U shkëmbyen fjalë të rënda, me trajnerin e Napolit të tërbuar edhe për vonesat e supozuara të kundërshtarëve. Bashkëpunëtorët e tij, dhe vetë lojtarët, në krye Lukaku, u përpoqën ta qetësonin dhe ta largonin. E gjitha për të shmangur masa më të rënda. Por kjo nuk mjaftoi për të shmangur kartonin e kuq, i ndarë me trajnerin e Parmës.

Para se të largohej nga fusha, i “shoqëruar” në brendësi të stadiumit, Conte bërtiti fjalë aspak të lehta ndaj dikujt nga pankina e Parmës, ende dukshëm i tërbuar. Menjëherë vrapoi në tribunë për t’i dhënë udhëzimet e fundit skuadrës. I rraskapitur në intervistën pas ndeshjes, me hidhërimin për mungesën në atë që mund të jetë ndeshja e fundit, ajo e titullit kampion ndaj Cagliarit.

The post Conte e Chivu shahen me ulërima, sherr masiv në fundin e Parma-Napoli: çfarë ndodhi appeared first on Lapsi.al.

Inter dështoi të parakalonte Napolin, i bllokuar nga Parma, pasi nuk mundi të thyente në San Siro Lazion, në një ndeshje të tensionuar. Zikaltërve i kthehen kështu në memorje fantazmat e 5 majit 2002 kur pikërisht bardhekaltrit i mposhtën 4-2 e i hoqën titullin kampion fituar atë vit nga Juventus. Episodet e diskutueshme nuk munguan, kulmuar me një gol të anulluar për Inter në minutën e 97’.

Në minutën e 23’ të pjesës së parë, Rovella përplaset me Bisseck në zonën e Lazios me të dyja duart. Kontakt i lehtë, Chiffi e lejon lojën të vazhdojë, por mbeten shumë dyshime. Në minutën e 39’ të pjesës së parë, në zonën e Inter, Bisseck i dha një shuplakë mbrojtësit kundërshtar Gila, zikaltri është i kthyer me shpinë, goditja është e pavullnetshme, me të drejtë nuk ndërhyhet. Në minutën e 27’ të pjesës së dytë, barazimi 1-1 i Lazios: gol i rregullt sepse, në goditjen e Marusic, Vecino (që pastaj jep asistin për Pedron) mbahet në lojë nga Bastoni.

Lexo më tej: Napoli e Inter sherr për datat e javës së fundit dhe ndeshjen shtesë për titull

Në minutën e 34’ të pjesës së dytë, në golin 2-1 të Inter, protestojnë lojtarët e Lazios për një faull të supozuar të Thuram ndaj Marusic: të dy e mbajnë njëri-tjetrin. Në minutën e 41’ të pjesës së dytë, Castellanos përpiqet të kalojë Bisseck në zonë, interisti hap krahun: VAR e thërret arbitrin Chiffi, por mbeten dyshime. Në minutën e 51’ të pjesës së dytë, anulohet një gol i Arnautovic për pozicion jashtë loje, i dukshëm edhe pa ndihmën e VAR.

Parma-Napoli

Në pjesën e parë Napoli proteston për një ndërhyrje nga Valeri pas një krosimi nga e djathta i Politano. Arbitri Doveri, i vendosur mirë, nuk ndërhyn dhe as VAR. Anguissa rrezikoi kartonin e verdhë për një ndërhyrje të ashpër ndaj Sohm. Në fund ndodh episodi kyç: Doveri akordoi penallti për një faull të Lovik ndaj Neres, por VAR-i e thërriti në monitor për një faull të mëparshëm në fillim të aksionit të Simeone ndaj Circati. Penalltia u anulua e vendimi përfundimtar ishte i saktë.

The post Polemika pafund për Inter e Napoli: nga dora e Bisseck te penalltia e hequr në Parma appeared first on Lapsi.al.

Interi ka barazuar në shtëpi ndaj Lazios me rezultat 2-2, edhe pse ishte në epërsi dy herë, ndërsa Napoli nuk ka mundur më shumë se një barazim 0-0 ndaj Parmas, duke e lënë garën për titullit për xhiron e fundit.

Interi kaloi në epërsi në fundin e pjesës së parë me golin e shënuar nga Yann Bisseck për 1-0.

Por Lazio barazoi në minutën e 72-të, me Pedro që përfitoi nga një asistim i Matias Vecinos për 1-1.

Interi ktheu epërsinë në minutën e 80-të, kur Hakan Calhanoglu asistoi te Denzel Dumfries, që shënoi për 2-1.

Por Pedro sërish shënoi në minutën e 89-të, kësaj radhe nga penalltia për rezultatin 2-2.

Pareggio a San Siro pic.twitter.com/sdy6voVgUJ

— Inter (@Inter) May 18, 2025

Në anën tjetër, Napoli nuk ka arritur më shumë se sa një barazim pa gola ndaj Parmas si mysafir.

Napoli fitoi penallti në fund, por iu anulua me VAR, pasi që kishte një faul në fillim të aksionit.

E TU NON DEVI MOLLARE! pic.twitter.com/1t797okLzM

— Official SSC Napoli (@sscnapoli) May 18, 2025

Napoli ka 79 pikë në vendin e parë, ndërsa Interi ka 78 pikë në vendin e dytë.

Në xhiron e fundit, Napoli e pret Cagliarin, ndërsa Interi shkon te Como. /Telegrafi/

The post Interi lëshon dy herë epërsinë dhe vendin e parë, Napoli barazon më Parman – titulli vendoset në xhiron e fundit appeared first on Telegrafi.

Parma–Napoli dhe Lazio–Inter janë ndeshjet e javës së 37-të që mund të vendosin përfundimisht garën për titullin kampion. Napoli mund ta fitojë atë që të dielën, por ekziston vetëm një kombinim rezultatesh që e bën këtë të mundur: Napoli duhet të mposhtë Parmën dhe Inter të humbasë në shtëpi kundër Lazios. Pse? Në renditje është ende skuadra e Antonio Contes në krye me 78 pikë, vetëm +1 ndaj formacionit të Simone Inzaghit (77). Sa pikë i duhen Napolit për të fituar titullin e katërt në histori? Duke qenë se diferenca është shumë e vogël, nuk mjafton vetëm fitorja, por duhet edhe që Interi të dështojë, madje është e mundur të shkohet edhe te një ndeshje shtesë në rast barazie pikësh.

Conte fiton titullin nëse mposht Parmën dhe Inter humbet ndaj Lazios

Gara në distancë mes Napolit dhe Inter për titullin është krejtësisht e hapur: barazimi 2-2 në shtëpi kundër Genoas dhe fitorja e Inter kundër Torinos në javën e fundit i kanë ngushtuar distancat. Tani gjithçka është e mundur, përfshirë faktin që Napoli mund të shpallet kampion në stadiumin “Tardini” me një ndeshje para përfundimit të sezonit.

Ekziston vetëm një kombinim rezultatesh që mundëson këtë skenar: të kaltrit mundin Parmën dhe Inter humbet në shtëpi kundër Lazios (që është në garë për vendin e katërt për Champions League). Në këtë rast të kaltrit i shkëputen Inter me 4 pikë: ngjiten në kuotën e 81 pikëve kundrejt 77 të Inter, çka e bën të paarritshëm pasi mbetet vetëm një ndeshje për t’u luajtur në kalendar. Në javën e fundit, edhe nëse Napoli humb në shtëpi ndaj Cagliarit dhe Inter fiton në Como, napolitanët mbeten sërish në vendin e parë me 1 pikë më shumë (81 vs 80).

Në dy skenarët e tjerë (fitore apo barazim i Inter), edhe në rast fitorje të Napolit ndaj Parmës, titulli do të vendoset vetëm në javën e fundit.

Çfarë ndodh nëse Napoli humbet: sa pikë i duhen për titullin?

Inter e di një gjë: nuk është i zoti i fatit të vet, sepse edhe nëse fiton dy ndeshjet e mbetura (Lazio dhe Como), duhet të shpresojë në gabime të Napolit për të dalë kampion. Çfarë ndodh me Napolin në rast humbjeje në “Tardini”? Ja kombinimet:

Nëse Napoli humbet dhe Inter fiton ndaj Lazios – Inter shkon në +2 (80 vs 78). Në këtë rast, Conte duhet të fitojë ndaj Cagliarit dhe të shpresojë që Interi humbet ndaj Comos. Nëse Inter fiton, bëhet kampion; nëse barazon, do të luhet ndeshje shtesë.

Lexo më tej: Napoli e Inter sherr për datat e javës së fundit dhe ndeshjen shtesë për titull

Nëse Napoli humbet dhe Inter barazon me Lazion – Të dyja skuadrat shkojnë në kuotën 78 dhe titulli vendoset në javën e fundit. Skuadra e Conte duhet të fitojë dhe të shpresojë që Interi nuk e bën të njëjtën gjë.
Nëse napoletanët humbasin dhe Inter gjithashtu humbet ndaj Lazios – Çdo gjë mbetet siç është: Napoli 78, Inter 77. Titulli vendoset në javën e fundit: Napolit i duhen 3 pikë për të festuar kampionatin.

Çfarë ndodh nëse Conte barazon në Parma për titullin kampion

Ekziston edhe një skenar i fundit më i ndërlikuar: çfarë ndodh nëse Napoli barazon në Parma? Shkon në kuotën 79. Ja si ndikon kjo në garën për titullin në varësi të rezultateve të Inter:

Nëse Napoli barazon dhe Inter fiton ndaj Lazios – Napoli 79, Inter 80. Napoli duhet të fitojë ndaj Cagliarit (arrin 82) dhe të shpresojë që Interi nuk fiton në Como (mbetet 81 me barazim, ose 80 nëse humbet).

Nëse Napoli barazon dhe Inter gjithashtu barazon – Napoli 79, Inter 78. Napolit i mjafton një fitore ndaj Cagliarit për të siguruar titullin pa llogari. Mund t’i mjaftojë edhe një barazim nëse Inter humbet në Como.

Nëse Napoli barazon dhe Inter humbet ndaj Lazios – Napoli 79, Inter 77. Avantazhi është +2 por nuk mjafton për shpallje matematikore të kampionit. Në javën e fundit, Napoli duhet të fitojë ndaj Cagliarit për të shmangur një ndeshje shtesë (nëse barazon dhe Inter fiton), ose edhe një përmbysje të dhimbshme nëse humbet dhe Inter fiton.

The post Napoli fiton sot titullin kampion kundër Parmës nëse… ekziston vetëm një kombinim appeared first on Lapsi.al.

Lazio-Parma përfundon 2-2 në javën e 34-t të Serie A. Në “Olimpico”, formacioni i teknikut Chivu e zhbllokoi menjëherë ndeshjen me golin e Ondrejka, me suedezin që arriti të përsëritej pas vetëm pak sekondash në pjesën e dytë për dygolëshin e tij të parë në kampionatin më të lartë italian. Një pritje e madhe e Mandas ballë për ballë me Pellegrinon shmangu kapitullimin e Lazios, që me hyrjen e Pedro, autor i një dygolëshi mes minutës së 79′ dhe të 84′, arriti të shmangë humbjen duke mbetur vetëm -2 pikë nga vendi i katërt i Juventus, që vlen për Champions League.

Pedro, një kampion absolut, që e mori skuadrën mbi supe. Me Lazion në disavantazh 0-2 në shtëpi ndaj Parmës dhe tifozët të tërbuar që kërkonin nga skuadra të tregonte karakter, Baroni, në minutën e 57′, hodhi në fushë spanjollin Pedro, i cili e rikuperoi ndeshjen me një dygolësh. Në “Olimpico” përfundoi kështu 2-2 (dygolësh i Ondrejka, në gol në minutën e 3′ dhe të 46′, më pas replikoi ish-lojtari i Barcelonës në minutën e 79′ dhe 84′).

Lexo më tej: Juventus fitoi por u turpërua me të dhënat në pjesën e dytë: Monza u duk si Barcelona

Për Lazion, që me një fitore do të kapte Juventusin (që do ta presin pas dy javësh) në vendin e katërt, është gjithsesi një pikë jetike në garën për në Evropë: bardhekaltërit janë aktualisht të shtatët (poshtë Romës për shkak të ndeshjeve direkte), por ende të kapur edhe pas katër të parave. Parma, që me rumunin Chivu ka humbur vetëm një ndeshje në nëntë të fundit, bën një tjetër hap të rëndësishëm drejt mbijetesës.

Bologna bllokohet nga Udinese, Juve rimerr vendin e katërt

Bologna nuk shkoi më shumë se 0-0 ndaj Udinese në ndeshjen e vlefshme për javën e 34-t të Serie A dhe rrëshqet sërish në vendin e pestë në renditje, e kaluar nga Juventus. Djemtë e teknikut Italiano, i pezulluar për këtë ndeshje pas kartonit të kuq të marrë kundër Inter, vuajtën shumë në pjesën e parë nga intensiteti i skuadrës së Runjaic, që goditi edhe një traversë me Davis. Miqtë u rritën në pjesën e dytë, goditën nga ana e tyre një traversë me Orsolini nga goditja e dënimit, por nuk arritën kurrë të vihen vërtet në pozicion për të rrezikuar portierin Okoye. Të dielën në “Dall’Ara” do të zhvillohet përballja direkte me skuadrën e Tudor që mund të përfaqësojë një pikë kyçe në sulmin për një vend në Champions League e ardhshme.

The post Dy gola në 5 minuta, Pedro shpëton Lazion: ndalet Bologna, humb vendin e katërt appeared first on Lapsi.al.

Janë luajtur sonte 4 ndeshjet e shtyra të javës së 33-të për shkak ndarjes nga jeta të Papa Françesku-t. Të katra ndeshjet nisën me një minutë heshtje në kujtim të Papa Françesku-t. Juventus është mundur nga Parma 1-0 duke vënë në rrezik kualifikimin për në Champions, objektivin e vetëm të mbetur në lojë për këtë […]

The post Serie A/ Juventus pëson disfatë nga Parma, vë në rrezik “biletën” për Champions appeared first on BoldNews.al.

Në ndeshjet e prapambetura të javës së tridhjetë e tretë të Serie A, Lazio dhe Fiorentina arrijnë dy fitore shumë të rëndësishme për të mbajtur gjallë ëndrrën Champions. Formacioni i Baronit mund 2-0 Genoan falë golave të Castellanos (32’) dhe Dia (65’) dhe ngjitet në kuotën e 59 pikëve, duke u barazuar me Juven dhe duke mbetur vetëm një pikë larg vendit të katërt të Bolonjës. Bardhezinjtë janë mposhtur 1-0 nga Parma, që merr pikë të rëndësishme për mbijetesën. Shkon më mirë për Torinon, që kaloi 2-0 Udinese.

CAGLIARI 1-2 FIORENTINA

Fiorentina kthehet nga Cagliari me tre pikë dhe një siguri: në sulmin viola ka jetë përtej Moise Kean. Mungesa në minutën e fundit e sulmuesit (i cili u largua nga Cagliari për arsye personale në orët e para të pasdites) kishte prishur planet taktike të Palladinos, i cili megjithatë gjeti te harmonia mes Beltran dhe Gudmundsson një nga çelësat e fitores. Cagliarit nuk i mjaftoi një fillim i shkëlqyer ndeshjeje: dëmtimi i Yerry Mina i hoqi sigurinë vendasve, të befasuar nga veprimi i Beltran në fillim të pjesës së dytë. Shpëtimi shtyhet pra për trajnerin Nicola, i cili ndaj Veronës do të duhet të bëjë pa të pezulluarin Piccoli, ndërsa “vjollcët” mbeten vetëm një pikë larg vendit të shtatë të Romës dhe tre nga Lazio: gara për Europën e vogël vazhdon.

GENOA 0-2 LAZIO

Lazio mund 2-0 Genoan në Marassi falë një goli-perlë të Castellanos dhe dyfishimit të Dia: fitorja vlen vendin e pestë së bashku me Juven, një pikë larg Bolonjës. I pari shënon me një gjuajtje akrobatike me të djathtën pas asistit të Pellegrinit në minutën e 32′, ndërsa francezi finalizon me një diagonale një pasim të Rovellës në minutën e 65′. Ndeshja u ndërpre për disa minuta në të 16′, pasi një tymuese e hedhur nga tifozët vendas goditi Mandas në shpinë, pa pasoja. Në minutën e 22′, karton i kuq direkt për Otoa, në debutimin e tij në Serie A, për një faull ndaj Zaccagni. Lazio mbeti gjithashtu me 10 lojtarë në minutën e 72′ pas përjashtimit të Belahyane për një ndërhyrje ndaj Thorsby.

Lexo më tej: Lazio fik Italinë: eliminimi nga Bodø i heq mundësinë për pesë skuadra në Champions

PARMA 1-0 JUVENTUS

Parma mundi 1-0 Juventusin në ndeshjen e prapambetur të javës së 33-të të Serie A, e shtyrë ditën e Hënës së Pashkëve për shkak të vdekjes së Papa Françeskut. Në “Tardini”, formacioni i Chivut, që humbi Vogliacco dhe Bernabé që në minutat e para, i shkaktoi Tudor humbjen e parë si trajner i bardhezinjve, falë një pjese të parë me intensitet të lartë. Goli vendimtar erdhi menjëherë para pushimit, me një goditje me kokë të fuqishme të Pellegrino pas asistit të Valerit nga e majta. Në pjesën e dytë, Juventus tentoi të rikthehej në lojë, por rastet e Kolo Muani dhe Conceiçao nuk sollën rezultat. Bardhezinjtë kalohen nga Bologna në vendin e katërt, i fundit që siguron kualifikimin për në Champions.

TORINO 2-0 UDINESE

Torino merr fitoren ndaj Udineses në javën e 33-të të Serie A: “granatat” fitojnë 2-0 në ndeshjen e shtyrë për sot për shkak të ndarjes nga jeta të Papa Françeskut, ndodhur të hënën e kaluar. Për të vendosur takimin ishin golat e Che Adams (39’) dhe Dembélé (85’): skocezi barazon kështu Law, ndërsa francezi shënon golin e tij të parë në Serie A. Vanoli ngjitet +3 në renditje pikërisht ndaj Runjaic, në humbjen e tij të pestë radhazi.

The post Pellegrino ndalon sprintin Champions të Juventus: në Parma, humbja e parë për Tudor appeared first on Lapsi.al.

Përfundoi pas 45 minutash ndeshja për Alessandro Bastonin kundër Parmës. Mbrojtësi italian doli nga dhoma e zhveshjes dhe u ul në pankinë. Me një qese akulli të vendosur pas gjurit dhe në muskulin e kofshës së majtë. Një pamje që ka alarmuar jo pak tifozët zikaltër dhe stafin e Interit. Ditën e nesërme do të […]

The post Telashe për Interin, Alessandro Bastoni rrezikon sfidën me Bayernin appeared first on BoldNews.al.

Jorge Bolano ka ndërruar jetë në moshën 47-vjeçare. Ish-lojtari i përfaqësueses kolumbiane, me një të kaluar në Itali me fanellat e Parmës, Sampdorias, Leçes dhe Modenës, ka humbur jetën si pasojë e një problemi shëndetësor që e ka goditur gjatë një feste familjare. Lajmi u bë publik drejtpërdrejt në televizion, gjatë transmetimit të ndeshjes Junior-Medellín në kanalin Win Sports në emisionin “El Metro”, dhe për pak orë u përhap në mbarë botën. Pas përfundimit të karrierës si futbollist, Bolano kishte mbetur i lidhur me botën e futbollit, duke punuar si trajner me të rinjtë dhe gjithashtu si komentator sportiv.

Bolano i goditur nga infarkti gjatë një feste familjare

Sipas raportimeve, Bolano ka ndërruar jetë si pasojë e dy infarkteve të njëpasnjëshme. Sulmi i parë kardiak e goditi teksa ndodhej së bashku me familjarët, gjatë festimeve për një ditëlindje. Papritur, ish-mesfushori ka filluar të ndihet keq, duke pasur nevojë për ndihmë të menjëhershme mjekësore. Fatkeqësisht, për të nuk pati asgjë që të bëhej, pasi gjatë transportimit në klinikë ai pësoi një tjetër infarkt, i cili e bëri të pamundur shpëtimin e tij nga ana e mjekëve.

𝗟𝗮 𝗙𝗖𝗙 𝗹𝗮𝗺𝗲𝗻𝘁𝗮 𝗲𝗹 𝗳𝗮𝗹𝗹𝗲𝗰𝗶𝗺𝗶𝗲𝗻𝘁𝗼 𝗱𝗲𝗹 𝗲𝘅 𝗷𝘂𝗴𝗮𝗱𝗼𝗿 𝘆 𝗲𝗻𝘁𝗿𝗲𝗻𝗮𝗱𝗼𝗿 𝗝𝗼𝗿𝗴𝗲 𝗕𝗼𝗹𝗮𝗻̃𝗼.

https://t.co/flxkEP5NMD pic.twitter.com/fjsf9n7688

— Selección Colombia (@FCFSeleccionCol) April 7, 2025

Kush ishte Jorge Bolano dhe karriera e tij në Serie A

Bolano gëzonte shumë respekt në vendlindjen e tij për karrierën që kishte zhvilluar jashtë Kolumbisë. I rritur si futbollist me skuadrën e Atletico Junior, me të cilën fitoi disa suksese, në vitin 1999 ai mbërriti te Parma. Ai qëndroi tre sezone në Emilia, përpara se të huazohej te Sampdoria në Serie B. Një eksperiencë e pafat, pasi një dëmtim nuk i lejoi të zbriste në fushë. Më pas u rikthye te Parma, pati një tjetër huazim te Lecce dhe qëndroi sërish te verdheblutë nga viti 2004 deri në 2007. Në vijim kaloi dy sezone te Modena dhe më pas u rikthye në vendlindje. Ai grumbulloi 36 ndeshje me kombëtaren e Kolumbisë, duke fituar një Superkupë dhe një Kupë të Italisë me Parmën, si dhe dy tituj kampionë në Kolumbi.

Mesfushor i palodhur dhe energjik, Bolano u dallua për vendosmërinë dhe dinamizmin e tij. Fatkeqësisht, karriera e tij u pengua nga disa probleme fizike. Pas tërheqjes si futbollist, ai iu përkushtua karrierës si trajner, fillimisht si ndihmës te Uniautónoma FC dhe më pas si trajner i parë te Real Frontera Sport Club në kategorinë e dytë të Venezuelës. Në vitin 2022, ai u emërua trajner i kombëtares U-17 të Kolumbisë, për të nisur më pas një karrierë si komentator sportiv për kanalin Win Sports.

Rastësia kurioze dhe festimi i golit nga Bacca

Një rastësi e çuditshme ndodhi këtë të dielë. Tre futbollistë, mes tyre edhe ish-lojtari i Milan, Carlos Bacca, festuan një gol duke imituar festën e famshme të qenushit. Një festim që ishte bërë i njohur nga “El Pibe” Valderrama, Víctor Pacheco dhe Jorge Bolano. Gjithçka ndodhi pa e ditur askush çfarë do të ndodhte vetëm pak minuta më vonë, kur u njoftua ndarja nga jeta pikërisht e ish-lojtarit me të kaluar në Serie A.

The post Festonte me familjen, pëson infarkt: Jorge Bolano ndahet nga jeta vetëm 47-vjeç appeared first on Lapsi.al.

Parma dhe Interi u përballën në “Ennio Tardini” në ndeshjen për javën e 31-të në Serie A me ndeshjen që u mbyll në barazim 2-2. Zikaltrit e nisën shumë mirë dhe e mbyllën pjesën e parë në avantazhin e dy golave. Serinë e golave e hapi Darmian në minutën e 15-të, ndërsa Marcus Thuram dyfishoi […]

The post Rihapet gara për titull në Serie A, Interi ndalet nga Parma appeared first on BoldNews.al.