Luka Modric është gati të bashkohet me Milanin me një pagë të reduktuar, pas përfundimit të periudhës së tij legjendare te Real Madrid, me synimin për të qenë në formë për një përpjekje të fundit me Kroacinë drejt Kupës së Botës 2026. 

Sipas Mundo Deportivo, mesfushori kroat po finalizon një kontratë njëvjeçare me Rossonerët, si lojtar i lirë.  

Marrëveshja do të jetë me vlerë mes 2.5 dhe 3 milionë euro bruto, shumë më pak se paga e tij te Real Madridi, ku në sezonin e fundit fitoi 5 milionë euro neto pasi kishte pranuar një ulje prej 50 për qind. 

Modric largohet nga Madridi pas më shumë se një dekade suksesi, duke zgjedhur Milanin jo për përfitime financiare, por për të vazhduar të luajë në nivelin më të lartë, në përgatitje për Kupën e Botës. 

Në sezonin 2024/2025, 38-vjeçari luajti 2,990 minuta në të gjitha garat, përfshirë 35 nga 38 ndeshje në La Liga dhe të gjitha 14 ndeshjet në Ligën e Kampionëve.  

Ai u paraqit edhe në Copa del Rey, Superkupën e Evropës dhe Kupën e Botës për Klube, ku zhvilloi edhe ndeshjen e tij të fundit me Real Madrid  ndaj PSG-së. 

Ky transferim te Milani sinjalizon dëshirën e tij për të qëndruar konkurrues dhe në formë për sfidën e fundit të madhe ndërkombëtare me Kroacinë./Telegrafi/

The post Sakrifica e madhe që ka bërë Modric për t’u bërë pjesë e Milanit appeared first on Telegrafi.

Milani po vazhdon kërkimin për sulmues dhe zgjedhja e tyre e parë është Victor Boniface, por Bayer Leverkusen ka një vlerësim të lartë për të, ndërsa kandidatët e tjerë përfshijnë Nicolas Jackson nga Chelsea dhe Tolu Arokodare nga Genk. 

Favoriti i drejtorit sportiv Igli Tare mbetet Boniface, por sulmuesi 24-vjeçar nigerian padyshim që nuk do të vijë me një çmim të lirë. 

Bayer Leverkusen e di se mund të kërkojë një shumë të madhe për sulmuesin, i cili është nën kontratë deri në qershor 2028 dhe gjatë sezonit të fundit shënoi 11 gola në 27 ndeshje zyrtare. 

Forma e tij u ndikua ndjeshëm nga një dëmtim serioz muskulor në nëntor 2024. 

Prandaj, Milani ka kërkuar informacion për kandidatët e tjerë, përfshirë Jackson, i cili pritet të largohet nga Chelsea. 

Një ndërmjetës ka propozuar gjithashtu Arokodare, i cili është pronë e Genkut dhe gjithashtu një reprezentues nigerian, si për Milanin ashtu edhe për Napolin për këtë verë. 

‘Rossonerët’ po synojnë të përforcohen në disa fronte këtë afat kalimtar, teksa kujtojmë se ata tani duhet të mbulojnë edhe largimin e Theo Hernandez, i cili u transferua në Arabi tek Al-Hilal./Telegrafi/

The post Tre sulmuesit që Milani po i konsideron për ta përforcuar sulmin sezonin e ardhshëm appeared first on Telegrafi.

Pas gjashtë vitesh të suksesshme te AC Milan, mbrojtësi francez Theo Hernandez ka vulosur transferimin e tij te skuadra saudite Al Hilal.

Marrëveshja mes dy klubeve është mbyllur për 25 milionë euro, ndërsa lojtari do të përfitojë një kontratë trevjeçare me një pagë prej 20 milionë eurosh në sezon.

Ish-lojtari i Real Madridit, i cili do të punojë nën drejtimin e trajnerit Simone Inzaghi, ka ndarë një mesazh emocional në rrjetet sociale, ku falënderon klubin, shokët e skuadrës dhe tifozët, por edhe tregon hapur arsyet e largimit të tij.

“Kam ardhur te AC Milan në vitin 2019 me ëndrra dhe entuziazëm. Sot largohem pas momenteve të paharrueshme si titulli i Serie A dhe Superkupa, por mbi të gjitha, pasi ndava dhomën e zhveshjes me njerëz të jashtëzakonshëm”, ka shkruar Theo.

Ai i ka kushtuar falënderim të veçantë Paolo Maldinit për mbështetjen dhe lidershipin, ndërsa nuk ka lënë pa përmendur edhe disa vendime të fundit brenda klubit që, sipas tij, nuk përputhen më me ambiciet që e kishin sjellë te Milani.

Lexo po ashtu Zyrtare: Theo Hernandez prezantohet te Al Hilal

“Ky vendim nuk ishte i lehtë. Milani ka qenë gjithmonë përparësia ime. Por për fat të keq, jo gjithçka varet nga një person. Drejtimi që ka marrë klubi nuk pasqyron më vlerat që më tërhoqën këtu”, theksoi ai.

Në përfundim, Theo theksoi se largohet me kokën lart, duke nënvizuar se ka dhënë gjithçka për klubin dhe tifozët. Ai premton se Milanin do ta mbajë gjithmonë në zemër.

“Po largohem me zemër të plotë dhe me shpresën se shumë shpejt Milani do të kthehet në vendin që meriton. Milani do të jetë gjithmonë pjesë e imja. Forza Milan Sempre”, shkroi ai.

 

View this post on Instagram

 

A post shared by T H E O H E R N Á N D E Z (@theo3hernandez)

Ky postim i Theos pritet të shkaktojë debat në mesin e tifozëve dhe opinionit sportiv, sidomos për shkak të mesazhit të qartë ndaj drejtimit aktual të klubit. /Telegrafi/ 

The post “Drejtimi që ka marrë klubi nuk pasqyron më vlerat që më tërhoqën këtu” – Theo Hernandez godet Milanin pas largimit appeared first on Telegrafi.

Raportohet se negociatat për transferimin e Ardon Jasharit nga Club Brugge te Milani, po përballen me tensione të mëdha.

Sipas gazetarit të njohur Fabrizio Romano, klubi italian ka paraqitur një ofertë prej 38 milionë eurosh për 22-vjeçarin, i cili vlerësohet rreth 32 milionë euro në treg sipas Transfermarkt.

Megjithatë, Club Brugge ka refuzuar ta pranojë ofertën, duke insistuar në një çmim minimal prej 40 milionë eurosh.

Jashari ka shprehur qartë dëshirën për t’u bashkuar me kuqezinjtë dhe është lënë jashtë listës së lojtarëve për ndeshjet miqësore para-sezonale të klubit belg – një sinjal i qartë se largimi i tij është i mundshëm.

Pavarësisht kësaj, Brugge po zvarrit vendimin, në pritje të ofertave të tjera nga klube të mëdha, çka ka shkaktuar pakënaqësi në kampin e Milanit, i cili raportohet se ka pritur përgjigje për më shumë se dhjetë ditë.

Analistët vërejnë se kërkesa në rritje për mesfushorë të rinj dhe të gjithanshëm në Evropë ka ndikuar në strategjinë e Brugge, duke e shtyrë klubin të mos lëshojë pe lehtësisht. Që nga viti 2020, çmimet e transferimeve për këtë profil lojtari janë rritur me rreth 15 për qind.

Lexo po ashtu Ardon Jashari i thotë 'PO' Milanit

Megjithëse diferenca mes ofertës së Milanit dhe kërkesës së Brugge është vetëm 2 milionë euro, hezitimi i klubit italian për ta mbyllur marrëveshjen mund ta rrezikojë transferimin, sidomos nëse futen në garë edhe klube nga Premier League apo liga të tjera evropiane.

Situata mbetet e hapur dhe mund të marrë kthesa të reja në ditët në vijim, ndërsa Romano ka paralajmëruar përditësime të tjera në lidhje me këtë rast. /Telegrafi/

Club Brugge are still not giving green light to AC Milan final €38m package bid for Ardon Jashari.

AC Milan have been waiting for 10 days with the situation becoming tense.

Brugge insist other clubs could still match €40m fix asking price.

https://t.co/66rtHTNwqc pic.twitter.com/iuVsI4hs6v

— Fabrizio Romano (@FabrizioRomano) July 9, 2025

The post Tensione mes Milanit dhe Club Brugge për Ardon Jasharin appeared first on Telegrafi.

I lënë në një rol dytësor në radhët e Manchester City, Jack Grealish po shqyrton seriozisht mundësinë për të rinisur karrierën e tij duke filluar nga sezoni 2025-2026. Sulmuesi anglez është vlerësuar rreth 45 milionë euro dhe pritet të jetë një nga emrat më të përfolur të verës.

Manchester City pritet të jetë sërish aktiv në merkato, ashtu si gjatë afatit kalimtar të dimrit. Klubi po ndërton skuadrën për të ardhmen, ndërsa disa lojtarë mund të largohen nëse nuk gjejnë hapësirat e duhura.

Një ndër ta është edhe Jack Grealish, i cili, në moshën 29-vjeçare, nuk ka arritur të shfaqë versionin më të mirë të vetes nën drejtimin e Pep Guardiolës. Për këtë arsye, largimi i tij nuk përjashtohet gjatë verës.

Lexo po ashtu Shkëlqimi dhe rënia e Jack Grealish - çmimi i tij bie përtokë, por askush nuk do ta paguajë

Sipas mediave britanike, interesimi për Grealish është i madh. AC Milan ka hyrë në garë për nënshkrimin e tij, duke parë në të një mundësi për të forcuar repartin ofensivë. Rossonerët po e vlerësojnë seriozisht një ofertë konkrete.

Përveç Milanit, interes për lojtarin kanë shfaqur edhe Aston Villa dhe Napoli, ndërkohë që është përmendur edhe një pistë surprizë nga Barcelona. Kjo e bën të qartë se Grealish mbetet lojtar me profil të lartë në treg.

Megjithatë, transferimi te AC Milan nuk do të jetë i lehtë. Klubi italian e di se do t’i duhet të shpenzojë rreth 45 milionë euro për të bindur Manchester City, që deri tani nuk ka dhënë sinjale për ulje çmimi.

Tashmë mbetet të shihet nëse drejtuesit e Milanit do të vendosin të bëjnë një investim kaq të madh për të afruar Grealish, i cili kërkon të rikthehet si titullar i padiskutueshëm në një ambient të ri. /Telegrafi/ 

The post Grealish drejt transferimit në Serie A, gjiganti italian mendon për të appeared first on Telegrafi.

Ardon Jashari nuk do të jetë pjesë e skuadrës së Club Brugge për ndeshjet miqësore, pasi po shtyn me forcë që klubi të pranojë ofertën e Milanit prej 35 milionë euro. 

Sipas La Gazzetta dello Sport, mesfushori nuk ka qenë në fluturimin që e çoi ekipin belg në Glasgow, ku nesër (e diel) do të përballet me Rangers. 

Klubi po përgatitet gjithashtu për një fazë stërvitore në Angli, por edhe atje Jashari nuk do të udhëtojë, duke u lënë të stërvitet i vetëm në qendrën stërvitore në Bruges. 

Jashari është një nga tre lojtarët e lënë jashtë ekipit për këtë turne, dhe të tjerët, Maxim De Cuyper dhe Chemsdine Talbi, janë në prag të transferimeve te Brighton dhe Sunderland, përkatësisht. 

Milani ka qenë në negociata për reprezentuesin e Zvicrës prej disa javësh dhe është i bindur se oferta e fundit prej 35 milionë euro është e mjaftueshme. 

Ata ende janë në pritje të një përgjigjeje nga Club Brugge, gjë që po e mërzit gjithnjë e më shumë lojtarin, i cili është i vendosur të realizojë ëndrrën e fëmijërisë për të veshur fanellën e ‘Rossonerëve’. 

La Gazzetta dello Sport paralajmëron se, edhe pse Club Brugge kërkon 40 milionë euro me bonuse të përfshira, Milani vazhdon të qëndrojë në qëndrimin e tij se oferta aktuale është më se e drejtë./Telegrafi/

The post Ardon Jashari nuk udhëton me Club Brugge për ndeshjet miqësore – po kërkon kalimin tek Milani appeared first on Telegrafi.

Sulmuesi anësor i PSG -së, Marco Asensio, po shqyrton një largim nga kampioni i Evropës, sipas L’Equipe.

Fenerbahce ka paraqitur një ofertë prej 15 milionë eurosh, përfshirë bonuset, për spanjollin 29-vjeçar, por ai mbetet i ngurruar të bashkohet me klubin turk, duke preferuar të vlerësojë të gjitha opsionet e disponueshme.

Milani ka filluar bisedimet me PSG-në, të bindur se mund të negociojnë një marrëveshje pavarësisht fondeve të kufizuara.

Villarreal është gjithashtu i interesuar, por kapaciteti i tyre financiar mund të jetë më i ulët se ai i Milanit ose Fenerbahces.

Asensio, i huazuar te Aston Villa sezonin e kaluar, regjistroi 10 gola dhe pesë asiste në 37 ndeshje.

Andaj, Rossonerët shihen si favorit për t’i marrë shërbimet e anësorit spanjoll në këtë afat kalimtar. /Telegrafi/

The post Milani futet fuqishëm në garë për Asension appeared first on Telegrafi.

Milani ka zyrtarizuar blerjen e Samuele Riccit nga Torino dhe ai do të veshë fanellën me numër 4 në San Siro.

Kontrata e tij është e vlefshme deri në qershor të vitit 2029, por klubi ka mundësinë ta zgjasë edhe për një sezon tjetër, deri në qershor të vitit 2030.

Mesfushori kishte qenë në radarin e tyre për disa vite, ndërsa ishte i kërkuar edhe nga Manchester City, Napoli dhe të tjerë.

Signed, sealed and Ricci #WelcomeRicci #SempreMilan pic.twitter.com/CiVii0c4zo

— AC Milan (@acmilan) July 3, 2025

Megjithatë, marrëveshja u përfundua më në fund këtë verë për rreth 25 milionë euro duke përfshirë bonuset, me shifrën përfundimtare që besohet të jetë 23 milionë euro plus 2 milionë euro në bonuse.

Lojtari iu nënshtrua vizitave mjekësore sot dhe nënshkroi kontratën.

“Jam shumë i lumtur, Forza Milan”, u tha ai gazetarëve kur po largohej nga selia e Casa Milan këtë mbrëmje.

Ricci mbush 24 vjeç muajin tjetër dhe tashmë ka 10 ndeshje me kombëtaren e Italisë. /Telegrafi/

The post Milani zyrtarizon transferimin e Riccit appeared first on Telegrafi.

Samuele Ricci ka mbërritur në Klinikën Madonnina për t’iu nënshtruar testeve mjekësore me Milanin.

Mesfushori italian Ricci do të bëhet lojtar i ri i Milanit dhe ka filluar testet mjekësore në Klinikën Madonnina në Milano të enjten në mëngjes.

Një video nga Radio Rossonera tregon mesfushorin e Torinos duke mbërritur në klinikën private për të filluar ekzaminimet me Rossonerët.

Inizia il primo giorno rossonero di Samuele #Ricci

Primo passo le visite mediche alla clinica La Madonnina pic.twitter.com/55lEIYJuue

— Radio Rossonera (@RadioRossonera) July 3, 2025

Ricci do të nënshkruajë kontratën e tij me Rossonerët më vonë sot, duke përfunduar një transferim prej 25 milionë eurosh nga Torino, përfshirë bonuset.

Ky është transferimi i parë i Milanit këtë afat kalimtar dhe nën epokën e Igli Tares, por sigurisht se nuk do të jetë i fundit pasi janë përfolur shumë emra. /Telegrafi/

The post Transferimi i madh i Milanit arrin për t’iu nënshtruar testeve mjekësore appeared first on Telegrafi.

Fluminense nuk tregoi frikë nga statusi i gjigantit evropian të Interit, duke e eliminuar skuadrën italiane në raundin e 16-të të Kupës së Botës për Klube.

Brazilianët i shkatërruan Nerazzurrët me gola në minutat e para dhe të fundit, duke siguruar një fitore 2-0 dhe duke e gdhendur emrin e tyre në historinë e turneut.

Ata e festuan fitoren në maksimum, duke i çuar talljet e tyre në një nivel të ri duke e tallur Interin me një përkulje ndaj rivalëve të tyre të përbetuar, Milanin.

Mediat sociale të Fluminense pas ndeshjes shfaqën një video të të dy golave ​​të shënuar me këngën ikonike ‘Sara perche ti amo’ nga Ricchi e Poveri, një këngë që nuk është vetëm një këngë për kuqezinjtë, por edhe himni i tyre jozyrtar.

Veçanërisht, për Milanin, kjo këngë shënoi një periudhë ringjalljeje. Në vitet 1980, klubi kaloi kohë të vështira, duke rënë dy herë në Serie B brenda tri vitesh, përpara se të ngrihej drejt lavdisë me trofe vendas dhe ndërkombëtarë.

Tema e këngës kap udhëtimin e Milanit nga rënia në triumf, duke e bërë traditë të luhet ‘Sara perche ti amo’ para çdo ndeshjeje në shtëpi të Rossonerëve në San Siro. /Telegrafi/

The post Fluminense tall brutalisht Interin pas eliminimit nga Kupa e Botës për Klube, duke iu referuar Milanit appeared first on Telegrafi.

Milan dhe Juventus janë në gatishmëri të lartë pas konfirmimit se Thomas Partey do të largohet nga Arsenal si lojtar i lirë, pesë vite pas transferimit të tij për 50 milionë euro. 

Siç ishte raportuar më parë, negociatat për rinovimin e kontratës së tij kishin dështuar prej javësh dhe nuk pati asnjë përparim, gjë që është tashmë konfirmuar nga The Athletic. 

Kjo do të thotë se kontrata e 32-vjeçarit do të skadojë nesër (e hënë) dhe ai do të jetë i lirë të zgjedhë klubin e tij të ri. 

Milan dhe Juventus janë përfolur disa herë gjatë viteve të fundit si të interesuara për mesfushorin ganez, dhe ky është momenti më i mirë për ta siguruar atë pa asnjë kosto transferimi. 

Partey gjithsesi pritet të kërkojë një pagë të lartë, por të paktën tashmë mund të negociohet drejtpërdrejt me të, pa pasur nevojë për një tarifë transferimi. 

Fenerbahce po ashtu është ndër klubet e interesuara për ish-talentin e akademisë së Atletico Madrid, i cili u transferua te Arsenal në tetor të vitit 2020 për shifrën e madhe prej 50 milionë eurosh. 

Mesfushori zhvilloi 52 ndeshje zyrtare për “’opçinjtë’ këtë sezon, duke shënuar katër gola dhe dhënë tre asistime./Telegrafi/

The post Partey në radarin e dy gjigantëve italianë pas largimit nga Arsenali appeared first on Telegrafi.

Skuadra e Milanit ka bërë një lëvizje të fuqishme në merkato, duke i ofruar 30 milionë euro për transferimin e mesfushorit shqiptar të Zvicrës, Ardon Jashari, raportoi e përditshmja italiane La Gazzetta dello Sport në numrin e saj të sotëm.

Sipas gazetës italiane, Jashari ka thënë “PO” për kalimin te kuqezinjtë, ndërsa drejtuesit e Milanit tashmë kanë nisur ofensivën për të bindur skuadrën belge të Club Brugge, që zotëron kartonin e tij. Ai shihet si një nga përforcimet kyçe në mesfushë për sezonin e ardhshëm.

Në të njëjtën kohë, raportohet se Granit Xhaka nuk do të largohet nga Bayer Leverkusen, pavarësisht interesimit që ka ekzistuar më herët për të.

Mesfushori shqiptar ka qenë një nga figurat kyçe të suksesit të Leverkusenit nën drejtimin e Xabi Alonsos dhe shihet si pjesë e pandashme e projektit të ri me Erik ten Hag.

Jashari, i cili ka spikatur me paraqitjet e tij në Zvicër dhe me kombëtaren, pritet të sjellë freski dhe energji në mesin e fushës së Milanit.

Ndërkohë, me Xhakën që mbetet në Gjermani, drejtuesit e Milanit duket se kanë hedhur sytë drejt brezit të ri shqiptar për të forcuar repartin e mesfushës.

Ky zhvillim konfirmon gjithashtu besimin që klubet evropiane kanë gjithnjë e më shumë tek talentet shqiptare që po shkëlqejnë në arenën ndërkombëtare. /Telegrafi/

The post Ardon Jashari i thotë ‘PO’ Milanit appeared first on Telegrafi.

Milani është lidhur ngushtë me një lëvizje për mesfushorin e Club Brugge, Ardon Jashari, teksa klubi kërkon përforcime pas një sezoni zhgënjyes në Serie A, ku ‘Rossonerët’ përfunduan në vendin e tetë. 

Me trajnerin e ri Massimiliano Allegri në krye dhe me largimet e yjeve si Tijjani Reijnders dhe Theo Hernandez, kjo verë pritet të jetë vendimtare për afatin kalimtar të Milanit. 

Jashari është një nga lojtarët që Milani e ka identifikuar si objektiv kryesor, por çfarë e bën 22-vjeçarin mesfushorin shqiptar kaq tërheqës për Allegrin, Igli Taren dhe drejtuesit e klubit? 

Kur flitet për një “sezon të mirë”, është pak të thuhet që Jashari e pati një të tillë. 22-vjeçari luajti një rol thelbësor si në kampionatin vendas, ashtu edhe në garat kontinentale për Club Brugge. 

Lexo po ashtu Ardon Jashari i bën me dije Club Brugges se dëshiron transferimin tek Milani

Megjithëse skuadra belge u rendit e dyta në kampionat, vetëm tre pikë pas Union Saint-Gilloise, Jashari fitoi dy çmimet më të mëdha individuale: ‘Lojtari i Sezonit’ dhe ‘Lojtari i Ri i Sezonit’. 

Në të gjitha garat për klubin belg gjatë sezonit 2024/2025, Jashari kontribuoi me katër gola dhe gjashtë asistime në 52 paraqitje. Megjithatë, golat dhe asistimet nuk janë thelbi i stilit të tij të lojës. 

Çfarë do t’i sillte Jashari, Milanit? 

Kur mendojmë për atë që Ardon Jashari mund t’i sjellë ‘Rossonerëve’, përgjigjja më e qartë është: një zëvendësues ideal për vendin e lënë bosh nga Reijnders, i cili u transferua te Manchester City. 

Ashtu si Reijnders, Jashari është një mesfushor që kontrollon ritmin e lojës, në gjendje të luajë si numër gjashtë klasik në thellësi, ose të avancojë për të vepruar si mesfushor “box-to-box”. 

Mesfushori i talentuar shquhet për rezistencën ndaj presionit, dhe është po aq i aftë në rikuperimin e topit sa edhe në pasimet vertikale që thyejnë linjat dhe nisin aksione sulmuese. 

Kjo e bën atë një profil ideal për trajnerin e ri të Milanit, Massimiliano Allegri, i cili është i njohur për përdorimin e mesfushorëve të zgjuar, që ruajnë topin dhe zhvillojnë lojën nëpërmjet pasimeve nga qendra./Telegrafi/

The post Ardon Jashari – Pse Milani dëshiron të nënshkruajë patjetër me mesfushorin shqiptar? appeared first on Telegrafi.

Ardon Jashari raportohet se i ka komunikuar Club Brugges dëshirën për t’u bashkuar me Milanin, mes zërave që lidhin mesfushorin shqiptar me një transferim te kuqezinjtë. 

Sipas asaj që raporton CalcioMercato, 22-vjeçari ka shprehur hapur dëshirën për të firmosur me skuadrën e drejtuar nga Massimiliano Allegri, pas një pakete totale prej 30 milionë eurosh që u refuzua më herët këtë javë nga klubi belg. 

Raportimet më të fundit tregojnë se oferta e Milanit nuk ishte e afërt me kërkesën prej 40 milionë eurosh të Club Brugge, që synon të përfitojë sa më shumë pagesë paraprake nga ky transferim. 

Lexo po ashtu “Mesfusha prioritet – Xhaka dhe Jashari janë në listë” - Tare e pranon dhe flet për dy mesfushorët shqiptarë

Drejtori sportiv i kuqezinjve, Igli Tare, ndodhej sot (e premte) në Belgjikë për të negociuar me përfaqësuesit e klubit belg dhe besohet se dëshira e lojtarit për t’u bashkuar me Milanin mund të jetë faktori vendimtar në përmbylljen e marrëveshjes. 

Manchester United dhe Borussia Dortmund janë gjithashtu lidhur me një transferim të ish-lojtarit të Luzernit. 

Përveç Jasharit, drejtuesit e klubit italian janë gjithashtu në negociata edhe për transferimin e mesfushorit të Torinos, Samuele Ricci./Telegrafi/

The post Ardon Jashari i bën me dije Club Brugges se dëshiron transferimin tek Milani appeared first on Telegrafi.

Milani është i interesuar të transferojë Granit Xhakën, dhe sipas mediave italiane edhe vetë mesfushori zviceran dëshiron një aventurë të re në Serie A. Megjithatë, situata komplikohet nga qëndrimi i Bayer Leverkusenit, klubi aktual që posedon kartonin e mesfushorit shqiptar.

Drejtori sportiv i Leverkusenit, Simon Rolfes, ka hedhur poshtë çdo mundësi për negociata me Milanin, duke e vlerësuar Xhakën si shumë të rëndësishëm.

“Nuk ka pasur dhe nuk ka negociata me Milanin për Granit Xhakën. As nuk kemi ndërmend ta shesim. Graniti është një lojtar shumë i rëndësishëm për ne”, deklaroi Rolfes.

Xhaka u transferua te Bayer Leverkuseni në verën e vitit 2023 nga Arsenali për 15 milionë euro, me një kontratë që skadon në qershor 2028. Megjithatë, ai duket i gatshëm për një sfidë të re, ndërsa Milani, në kërkim të forcimit të mesfushës, po përpiqet ta bindë.

Babai i Granit Xhakës, Ragip Xhaka, ka konfirmuar interesin e kuqezinjve për të dhe ka përgëzuar punën e drejtuesit sportiv të Milanit, Igli Tare ditë më parë për Tëvë 1 në Kosovë.

Lexo po ashtu “Mesfusha prioritet – Xhaka dhe Jashari janë në listë” - Tare e pranon dhe flet për dy mesfushorët shqiptarë

“Milani e do Granitin, dhe unë e vlerësoj shumë Taren”, deklaroi Ragip Xhaka.

Tregu i transferimeve në Milan po gëlon, ndërsa skuadra po përgatitet për ardhjen e Luka Modric. Menaxhmenti ka si qëllim t’i ofrojë trajnerit Massimiliano Allegri një mesfushë më të fortë dhe më përvojë.

Megjithatë, Bayer Leverkuseni është i pakënaqur me thashethemet që qarkullojnë, sidomos ato që flasin për një largim të mundshëm të Xhakës për vetëm 8-10 milionë euro, shifër kjo që është po ashtu kërkuar nga Milani. /Telegrafi/ 

The post “Nuk ka negociata me Milanin” – Bayer Leverkusen i mbyll derën e transferimit Granit Xhakës appeared first on Telegrafi.

AC Milan ka paraqitur ofertën e parë zyrtare me shkrim për mesfushorin shqiptar me pasaportë zvicerane, Ardon Jashari, sipas Sky Sport.

Rossonerët i kanë ofruar Club Brugge 27 milionë euro plus 3 milionë euro të tjera në formë bonusesh, megjithatë, kjo ofertë fillestare nuk pritet të përmbushë kërkesat e klubit belg.

Mediat italiane raportojnë se Club Brugge e vlerëson Jasharin në një shumë që mund të arrijë midis 35 dhe 40 milionë euro.

Jashari, i cili ka bërë përshtypje të madhe në Milano, është identifikuar si një nga objektivat kryesorë të trajnerit Massimiliano Allegri për këtë afat kalimtar veror.

Mesfushori shqiptar me pasaportë zvicerane dëshiron të përballet me sfidën e madhe të transferimit te Milan, por negociatat pritet të jenë të komplikuara.

Club Brugge pritet të qëndrojë i vendosur për të mos e lëshuar lehtë njërin prej lojtarëve më të kërkuar të tij.

Me këtë ofertë zyrtare, Milani ka nisur një garë që mund të shndërrohet në një nga sagat më interesante të afatit kalimtar veror. /Telegrafi/

The post Milani bën ofertën e parë zyrtare për Ardon Jasharin, por Club Brugge kërkon më shumë appeared first on Telegrafi.

Paraqitjet e shkëlqyera të Ardon Jasharit me Club Bruggen gjatë sezonit të fundit në kampionatin belg dhe në Ligën e Kampionëve kanë bërë që emri i tij të përmendet gjithnjë e më shumë në mesin e klubeve të mëdha evropiane.

Sipas një analize të publikuar nga analisti belg Andy Mulders për “Voetbal Primeur“, mesfushori shqiptar është në radarët e skuadrave si Manchester City, Paris Saint-Germain dhe AC Milan.

Jashari ka luajtur plot 4.132 minuta në 52 ndeshje zyrtare këtë sezon, duke shënuar katër gola dhe duke dhuruar gjashtë asistime.

Ai u vlerësua për saktësinë e lartë të pasimeve (88.4%) dhe për aftësinë e tij për të ruajtur qarkullimin e topit nën presion.

Statistikat tregojnë gjithashtu një mesatare prej 10 kilometrash të vrapuara për ndeshje – një tregues i qartë i kondicionit fizik dhe përkushtimit të tij në fushë.

Lexo po ashtu "Ëndrra ime ishte San Siro" – dy arsye se pse Milani e ka më të lehtë ta bindë Ardon Jasharin

Mulders thekson se Jashari është një mesfushor me cilësi të rralla: i qetë me topin, me disiplinë pozicionale dhe me një vizion të thellë taktik. Ai madje e krahason me Sergio Busquets për stilin e lojës dhe rolin në organizimin e skuadrës.

“Siguria teknike, forca fizike, depërtimi taktik dhe etika e lartë e punës e bëjnë atë një ‘numër 6’ modern – një profil që gjithnjë e më shumë klube të mëdha po e kërkojnë,” shkruan Mulders, duke shtuar se mesfushori i Kosovës ka ende hapësirë për përmirësim, sidomos në efikasitet dhe disiplinë, pasi këtë sezon ka shënuar vetëm katër gola dhe është ndëshkuar me tre kartonë të verdhë.

Jashari, i cili është vetëm 22 vjeç, iu bashkua Club Bruggen në verën e vitit 2024 nga Luzerni për 6 milionë euro.

Sot, vlera e tij në tregun e transferimeve është rritur në 32 milionë euro, ndërsa kontrata e tij me klubin belg është e vlefshme deri në vitin 2029. /Telegrafi/ 

The post Eksperti tregon se pse Ardon Jashari po tërheq interesin e gjigantëve vetëm pas një sezoni me Club Brugge appeared first on Telegrafi.

Al-Hilal vazhdon të ndjekë me përkushtim mundësinë për të nënshkruar me mbrojtësin e majtë të Milanit, Theo Hernandez.

Sipas raportimeve të fundit nga Gianluca Di Marzio, Hernandez është shfaqur i gatshëm të bashkohet me ish-trajnerin e Interit, Simone Inzaghi, që aktualisht drejton klubin e Ligës Profesionale Saudite.

Francezi fillimisht kishte hezituar për këtë transferim, por në ditët e fundit po e shqyrton seriozisht ofertën e Al-Hilal, që tashmë janë duke negociuar intensivisht si me Milanin, ashtu edhe me Hernandezin për të gjetur një marrëveshje të përshtatshme.

Që nga ardhja te Milani në vitin 2019 nga Real Madrid, Theo Hernandez ka qenë një nga shtyllat kryesore të skuadrës, duke luajtur 262 ndeshje në të gjitha garat.

Në sezonin 2024-25 ai mungoi vetëm në pesë ndeshje të Serie A, por duket se faza e tij në Itali mund të jetë drejt fundit.

Lexo po ashtu Al Hilal bën ofertë për Theo Hernandez, Milani kërkon rreth 5 milionë euro më shumë

Al-Hilal, i vendosur të forcojë skuadrën e tij dhe të shpërblejë Inzaghit me një nga mbrojtësit më të mirë të Serie A, do të takohet në ditët në vijim me përfaqësuesit e Hernandezit për të finalizuar marrëveshjen. /Telegrafi/ 

The post Theo Hernandez duket se po pajtohet me ofertën saudite, kapiteni i Milanit drejt largimit appeared first on Telegrafi.

Transferimi i Granit Xhakës te Milani mund të përmbyllet shumë shpejt, pasi paportimet e fundit flasin për një marrëveshje të arritur mes mesfushorit dhe klubit italian për një kontratë trevjeçare me pagë rreth 4 milionë euro në sezon.

Sidoqoftë, negociatat mes Milanit dhe Bayer Leverkusenit vazhdojnë ende, pasi oferta fillestare e Milanit është 10 milionë euro.

Sipas “Corriere dello Sport”, klubi gjerman kërkon 15 milionë euro si dëmshpërblim për largimin e Xhakës.

Bayer Leverkuseni dëshiron të shmangë humbjet e mëdha, pasi bleu mesfushorin për 23 milionë euro nga Arsenali vetëm në vitin 2023.

Lexo po ashtu Zbulohet paga që Granit Xhaka do ta fitojë te Milani

Tani, Milan po përpiqet të gjejë një marrëveshje që t’i përshtatet të dyja palëve dhe ta kompletojë transferimin e lojtarit sa më shpejt. /Telegrafi/ 

The post Xhaka ka marrëveshje me Milanin – tani mësohet shuma që po kërkon Bayer Leverkusen për kartonin e tij appeared first on Telegrafi.

UEFA ka ndaluar/pezulluar 13 ekipe nga Liga e Evropës në historinë e saj, dhe arsyet variojnë nga korrupsioni te problemet financiare.

Organi qeverisës i futbollit evropian mbikëqyr turne të tilla si Kampionati Evropian, Liga e Kampionëve, Liga e Evropës dhe Liga e Konferencës.

Por ndonjëherë ata kanë ndërhyrë dhe kanë ndaluar disa klube të garojnë për shkak të shkeljeve të ndryshme të rregullave.

Lexo po ashtu Katër klubet që UEFA i ndaloi të merrnin pjesë në Ligën e Kampionëve - mesin e tyre një gjigant evropian dhe ekipi maqedonas

Katër klube janë ndaluar të garojnë në Ligën e Kampionëve, e cila shihet si gara kryesore e klubeve të UEFA-s, ndërsa dy kombe janë ndaluar të garojnë në Kampionatin Evropian që nga fillimi i tij në vitin 1960.

Por, cilat klube janë detyruar të mos marrin pjesë në Ligën e Evropës, garën dytësore për klube të UEFA-s?

Besiktas u përjashtua nga garat në qershor të vitit 2013 dhe vuajti një pezullim njëvjeçar për përfshirjen e tyre në trukimin e ndeshjeve vendase, siç u raportua nga BBC Sport në atë kohë.

Skuadra tjetër turke, Fenerbahce, u pezullua gjithashtu për dy vjet për përfshirje në trukimin e ndeshjeve vendase.

Milani u përjashtua nga Liga e Evropës për sezonin 2019/20 për shkak të shkeljeve të rregullave të Fair Play Financiar.

Në vitin 2012, skuadra spanjolle Malaga u pezullua dy vjet nga UEFA dhe u përjashtua nga gara në sezonin 2013/14 për shkak të faturave të papaguara. Viti i dytë u hoq pas apelit, por CAS hodhi poshtë përpjekjen e tyre për të përmbysur të parin.

Skuadra zvicerane FC Sion u përjashtua nga Liga e Evropës 2011/12 për futjen në fushë të lojtarëve të papërshtatshëm, të cilët u nënshkruan ndërsa klubi ishte ende nën një ndalim transferimesh të vendosur nga FIFA. Kjo i lejoi Celtic të rikthehej në garë në atë sezon.

Partizani i Beogradit i Serbisë u përjashtua nga Liga e Kampionëve dhe Liga e Evropës për tri sezone në vitin 2017 për shkak të borxheve të papaguara.

Rangers i Skocisë nuk mundi të garonte në garat evropiane në sezonin 2013/14, pasi “administratori i klubit… pranoi se klubi nuk është në gjendje të përmbushë afatin e 31 marsit të llogarive të vendosur nga UEFA”.

Në vitin 2013, Rapid Bukuresht u përjashtua gjithashtu për një vit nga garat evropiane të klubeve nga Liga e Evropës dhe Liga e Kampionëve.

Ndërkohë, Steaua u ndalua me kusht për një vit me një periudhë prove pesëvjeçare pas akuzave për trukim ndeshjesh, siç raportohet nga Sofia Globe.

Skuadra ukrainase, Dnipro, mori një pezullim njëvjeçar në vitin 2016 për shkak të problemeve financiare.

Klubi azer Inter Baku dhe Tasrgu Mureş i Rumanisë u pezulluan gjithashtu për një sezon.

UEFA tha se ndalimet do të zbatohen në sezonin e ardhshëm, nëse klubet kualifikohen për Ligën e Kampionëve ose Ligën e Evropës për një periudhë tre-sezonale, sipas Reuters.

Në vitin 2018, skuadra shqiptare, Skënderbeu, u përjashtua për dhjetë vjet nga të gjitha garat e UEFA-s, përfshirë Ligën e Evropës, si dhe u gjobit me 1 milion euro, pasi CAS tha se paneli i saj “zbuloi me kënaqësi se Skënderbeu ishte përgjegjës për aktivitete të trukimit të ndeshjeve” si në ndeshjet vendase ashtu edhe në ato kontinentale, sipas AP. /Telegrafi/

The post UEFA ka përjashtuar ndër vite 13 klube nga Liga e Evropës – ndër to edhe ekipi shqiptar appeared first on Telegrafi.