Al Ahli i është rikthyer sërish pistës së Lionel Messit, duke treguar interes për futbollistin argjentinas.

Skuadra arabe ka nisur komunikimet me drejtuesit e Inter Majemit, ku u ka bërë të ditur kërkesën për Mesin.

38-vjeçar, Lionel Messi mbetet një lider i vërtetë dhe një futbollist i jashtëzakonshëm, i cili bën diferencën në fushë – diçka që e konfirmon nga ndeshja në ndeshje me Inter Miamin.

Argjentinasi është ende ëndrra e shumë skuadrave, sidomos atyre në Arabinë Saudite, ku Al Ahli nuk heq dorë.

Gjërat duket se janë serioze, pasi klubi ka nisur tratativat me Inter Miamin dhe i ka bërë të ditur se dëshiron me çdo kusht sulmuesin.

Mosha nuk i tremb aspak, veçanërisht në një situatë ku Ronaldo, 40-vjeçar, luan si titullar i padiskutueshëm me Al Nassr.

Ideja e Al Ahli është që, duke filluar nga janari i vitit 2026, Messi të jetë pjesë e skuadrës. Kjo do të rikthente duelët legjendarë Messi-Ronaldo, një dyshe që ka shkruar historinë.

Kushtet për futbollistin nuk janë aspak të papërballueshme për Al Ahli, pasi gjithçka i është vënë në dispozicion Mesin, madje edhe aspekti ekonomik me Inter Miamin mund të arrihet.

Ajo që mbetet në diskutim është vetë mendimi i Messit, pasi ai e refuzoi kalimin tek Al Ahli dy vite më parë, madje me një rrogë të jashtëzakonshme që do ta bënte futbollistin më të paguar në histori.

Tifozët janë emocionuar sërish, pasi do të ishte spektakolar një tjetër rikthim i duelit Messi-Ronaldo.

LEXONI GJITHASHTU:

• Fazë interesante në Kupën e Botës: PSG dërgon në shtëpi Messin, e pret Bayerni
• Fanella me numrin 10 e Messit, dhurata speciale e Barcelonës për 18-vjetorin e Yamal

The post Al Ahli kërkon Messin, dueli legjendar me Ronaldon mund të vijojë në Arabinë Saudite appeared first on Euronews Albania.

Në Arabinë Saudite ëndërrojnë të shohin Lionel Messi duke u përballur me rivalin e vjetër Cristiano Ronaldo në Saudi Pro League. Nëse CR7 tashmë është kthyer në një simbol të kampionatit arab, Pleshti ka zgjedhur të ndjekë një rrugë tjetër pas përvojës evropiane, por tani arabët po rikthehen fuqishëm sepse duan t’i shohin sërish dy yjet e mëdhenj të futbollit të përballen në kampionatin e tyre.

Saudi Pro League do të donte të rikrijonte rivalitetin më të madh futbollistik të shekullit dhe Al-Ahli, skuadra fituese e Ligës së Kampionëve të Azisë, do të ishte gati të formulonte një super ofertë për argjentinasin Messi për ta bindur të shkojë në Arabinë Saudite për etapën e fundit të karrierës së tij pas skadimit të kontratës me Inter Miami në dhjetor.

Al-Ahli do ta sjellë në Arabi: kontakte me stafin

Sipas asaj që raporton gazeta franceze L’Équipe, Al-Ahli do të ketë nisur kontakte me enturazhin e Messi-t për ta bindur të transferohet në Saudi Pro League: dy vite më parë klubi saudit, kur i skadoi kontrata me PSG-në, kishte tentuar të merrte yllin argjentinas, por Pleshti vendosi të transferohej në MLS te Inter Miami.

Lexo më tej: Ronaldo mungoi në ceremoninë mortore të Diogo Jota, reagon motra: “Jeni të turpshëm”

Kontrata e ish-lojtarit të Barcelonës skadon në dhjetor dhe klubi amerikan, megjithëse dëshiron ta mbajë kapitenin Messi, do të duhet të përballet me një konkurrencë të fortë: skuadra fituese e Ligës së Kampionëve të Azisë po përpiqet ta bindë argjentinasin të provojë përvojën në Arabinë Saudite për etapën e fundit të karrierës së tij. Detajet financiare të operacionit nuk janë zbuluar, por në vendin e Gjirit kanë ndër mend ta provojnë seriozisht.

Messi ka kontratë deri në dhjetor me Inter Miami

Al-Ahli gjatë viteve të fundit ka realizuar tashmë disa goditje të rëndësishme dhe në skuadër ka lojtarë të kalibrit si Édouard Mendy, Franck Kessié, Riyad Mahrez, Ivan Toney dhe Roberto Firmino: me ardhjen e Lionel Messi synon të ndryshojë, edhe një herë, perceptimin për klubin dhe kampionatin arab në nivel botëror, gjithmonë në kuadër të projektit “Vision 2030” dhe organizimit të Kupës së Botës 2034.

David Beckham dhe Inter Miami shpresojnë të arrijnë ta bindin argjentinasin Messi të qëndrojë në Florida, por në Arabinë Saudite janë seriozë dhe do ta provojnë me të gjitha mjetet që kanë në dispozicion.

The post Messi kundër CR7: ofertë e çmendur, në Arabinë Saudite janë gati për gjithçka appeared first on Lapsi.al.

Klubi saudit Al-Ahli po përgatit një ofertë ambicioze për të siguruar shërbimet e Lionel Messit pas skadimit të kontratës së tij me Inter Miamin në dhjetor, raporton “L’Équipe”.

Pas përpjekjes së pasuksesshme për ta transferuar në verën e vitit 2023, kur ai u largua nga Paris Saint-Germain, Liga Profesionale Saudite nuk ka hequr dorë nga ideja për ta sjellë fituesin e Kupës së Botës 2022 në Lindjen e Mesme.

Me Messin që pritet të bëhet lojtar i lirë në fund të vitit, Al-Ahli ka intensifikuar përgatitjet për një tjetër tentativë serioze.

Ndërsa detajet financiare të ofertës nuk janë bërë publike, besohet se propozimi do të jetë shumë i fuqishëm ekonomikisht, në përputhje me strategjinë e Arabisë Saudite për të tërhequr emra të mëdhenj të futbollit botëror, si pjesë e përgatitjeve për organizimin e Kupës së Botës FIFA 2034.

Sipas burimeve pranë klubit, Al-Ahli ka punuar prej javësh për të ndërtuar një plan bindës që do ta afronte Messin në Gjirin Persik.

Nga ana tjetër, Inter Miami nuk ka ndërmend ta humbasë yllin e saj kryesor dhe pritet të propozojë një zgjatje të kontratës dyvjeçare, duke synuar ta mbajë Messin në Major League Soccer edhe pas vitit 2024.

The post Al-Ahli synon transferimin e Lionel Messit – kontrata me Inter Miamin skadon, arabët po bëjnë të pamundurën appeared first on Albeu.com.

Lionel Messi ishte protagonist absolut në fitoren e Inter Miami me rezultatin 4-1 ndaj CF Montreal në ndeshjen e fundit të MLS.

Ylli argjentinas realizoi dy gola, duke i dhënë ekipit të tij një fitore të rëndësishme pas eliminimit në Kupën e Botës për Klube.

Por vendasit ishin ata që kaluan të parët në epërsi me golin e realizuar nga Prince Owusu.

Krejt kjo ndodhi falë një gabimi trashanik nga Lionel Messi.

MESSI MISTAKE!

Prince Owusu capitalizes on a HORRENDOUS Lionel Messi giveaway to put CF Montréal up early at Stade Saputo! #CFMTL 1-0 #InterMiamiCF | 2’ | #MTLvMIA pic.twitter.com/euhHNf4Pr3

— Canadian Soccer Daily (@CANSoccerDaily) July 6, 2025

Shtatë herë fituesi i Topit të Artë në tentim për ta rikthyer topin te portieri i tij asistoi te Owusu i cili ishte pranë golit dhe me lehtësi shënoi për 1-0.

Gjithsesi Messi përmirësoi gabimin e tij duke shënuar dy gola të jashtëzakonshëm dhe duke asistuar në një tjetër.

Epo iu ndodh edhe më të mirëve në botë që ndonjëherë të gabojnë, Messi bëri një asistim fantastik, por për kundërshtarin. /Telegrafi/

The post Messi siç nuk e keni parë kurrë, me një gabim trashanik asiston te goli i skuadrës kundërshtare appeared first on Telegrafi.

Ëndrra e Lionel Messit për Kupën e Botës mund ta dërgojë më në fund në Ligën Premier – në moshën 38 vjeç.

Legjenda argjentinase pritet të marrë në konsideratë një kalim në formë huazimi në një ligë më konkurruese përpara mbrojtjes së titullit të Kupës së Botës në verën e ardhshme.

Inter Miami është i gatshëm të zgjasë kontratën dyvjeçare të Messit përtej vitit 2025.

Por edhe nëse ai nënshkruan një marrëveshje të re, fituesi i tetë herë i Topit të Artë mund të sigurojë një qëndrim të përkohshëm me një klub të nivelit të lartë evropian.

Raportimet në vendin e ikonës pretendojnë se Messi dëshiron ndeshje të rregullta të nivelit të lartë para Kupës së Botës 2026 në Amerikë.

Kjo do të thotë që ish-sulmuesi i Barcelonës mund të largohet për disa muaj.

Lexo po ashtu Të gjithë po pyesin se kush është njeriu që Messi e përqafoi ngrohtësisht dhe ia dhuroi fanellën

Miami i David Beckham i habiti fansat duke arritur në Kupën e Botës për Klube në SHBA.

Por, Messi në veçanti dukej i frustruar pasi ish-klubi i tij, Paris Saint-German, e mposhti ekipin e tij të MLS-së me rezultatin 4-0 në 1/8 e finales.

Fituesi katër herë i Ligës së Kampionëve u akuzua madje nga disa shikues se u përpoq të godiste me grusht ish-shokun e ekipit Vitinha.

Messi nuk ka luajtur kurrë për një klub anglez. Por ish-trajneri i Manchester Cityt, Mark Hughes, pretendoi se Sheikh Mansour erdhi për të – ditën që biznesmeni arab përfundoi blerjen e klubit për 250 milionë euro në vitin 2008.

Drejtori aktual i Etihad, Pep Guardiola, kuptohet gjithashtu se ka dëshiruar një ribashkim me ish-djalin e tij të Barcelonës përpara se të transferohej te PSG në vitin 2021.

Kohët e fundit në Spanjë ka pasur zëra për një rikthim sentimental te Barca.

Lexo po ashtu Kane injoron Messin dhe Ronaldo kur zgjedh 'sulmuesin më vdekjeprurës' para portës

Por, gazetari spanjoll Guillem Balague beson se kjo është e pamundur, për shkak të marrëdhënies së vështirë të Messit me presidentin e klubit Joan Laporta.

Pra, një qëndrim i parë në Angli mund të tingëllojë joshëse për një yll me 112 gola në 193 ndeshje ndërkombëtare. /Telegrafi/

The post Messi më në fund mund të luajë në Ligën Premier, ndërsa ylli i Inter Miamit ‘konsideron një transferim huazues’ përpara Kupës së Botës appeared first on Telegrafi.

E ardhmja e Leo Messit ka qenë temë shumë spekulimesh ditët e fundit, pasi kontrata e tij me Inter Miami skadon në dhjetor.

Pas eliminimit të ekipit nga Kupa e Botës për Klube, vëmendja është përqendruar te hapat e mundshëm të ardhshëm të Messit, me thashetheme që e lidhin atë me disa klube, duke përfshirë Newell’s Old Boys, Ligën Profesionale Saudite, dhe disa ekipe evropiane.

Megjithatë, sipas burimeve pranë lojtarit dhe klubit, të dyja palët po punojnë drejt një rinovimi të kontratës, e cila skadon në fund të vitit.

Inter Miami thuhet se është duke bërë përpjekje për të siguruar një marrëveshje të re, ndërsa përfaqësuesit e Messit kanë konfirmuar se lojtari është i gatshëm të zgjatë qëndrimin e tij me klubin.

Kontrata aktuale e Messit skadon në dhjetor, por të dyja palët janë të bindura se një marrëveshje e re mund të arrihet shumë para kësaj date.

Negociatat fokusohen kryesisht në rishikimin e kontratës për t’iu përshtatur statusit të tij si një nga figurat më të rëndësishme të MLS-së.

Pavarësisht thashethemeve për një transferim të mundshëm, Messi dhe familja e tij duken të kënaqur në Miami, ku ai është bërë një nga figurat kyçe të klubit.

Lojtari ka shfaqur formë të shkëlqyer, duke u emëruar së fundmi lojtari më i mirë i muajit, dhe pritet të udhëheqë Argjentinën në Kupën e Botës 2026.

Sfida e vetme mbetet arritja e një marrëveshjeje të pranueshme për të dy palët, ku paga dhe koha e kontratës janë çështjet kryesore që po diskutohen. Megjithatë palët janë optimistë se marrëveshja do të finalizohet para fundit të vitit.

The post Messi mbetet pa kontratë në dhjetor, për çfarë po punon Inter Miami appeared first on Albeu.com.

Lionel Messi ka dërguar një mesazh të veçantë për yllin e ri të Barcelonës, Lamine Yamal, përmes reklamës më të fundit të Adidas-it për linjën ikonike të këpucëve F50.

Në reklamën “F50 Made Me Do It – Act 1”, legjenda argjentinase rikujton disa nga momentet më të paharrueshme të karrierës së tij, duke reflektuar mbi trashëgiminë që po lë pas dhe ndikimin që ka pasur te brezat e rinj.

Në fund të videos, Messi shfaqet duke futur një letër me emrin “Yamal” në një zarf, një gjest simbolik që ka ndezur emocionet e tifozëve dhe është interpretuar si një mesazh personal i dedikuar për talentin e Barcelonës.

Lamine Yamal is on the envelope of Messi’s latest Adidas ad. pic.twitter.com/ROuEZ0OaTn

— BeksFCB (@Joshua__Ubeku) July 1, 2025

Ky moment prekës është pjesë e fushatës promovuese për modelin e ri të këpucëve F50 Messi ‘La Vida Tropical’, që do të mbajnë ekskluzivisht Messi dhe 10 nga futbollistët e rinj më të talentuar në botë — përfshirë Lamine Yamalin.

Modeli i ri përmban elemente vizuale të freskuara, përfshirë një stampë të veçantë “Messi +10”, si homazh për lojtarët e rinj që do të ndjekin gjurmët e kampionit botëror.

Leo Messi sends a letter to Lamine Yamal in a latest Adidas AD.

(Via @adidasfootball)

pic.twitter.com/ovPwBqtvuJ

— Pubity Sport (@pubitysport) July 1, 2025

Ky mesazh nga Messi shihet si një shenjë e qartë besimi dhe respekti për potencialin e jashtëzakonshëm të Yamalit, duke e pozicionuar atë si një nga pasuesit natyralë të ikonës argjentinase në skenën ndërkombëtare. /Telegrafi/ 

The post Leo Messi i dërgon mesazh special për Lamine Yamal appeared first on Telegrafi.

Lionel Messi mund të konsiderojë largimin nga Inter Miami për të luajtur në një kampionat më konkurrues përpara Kupës së Botës 2026, e cila do të zhvillohet në Amerikën e Veriut. 

Messi dhe shokët e tij të skuadrës përjetuan një humbje turpëruese në fazën e 1/16-ve të Kupës së Botës për Klube, pasi u mposhtën me rezultatin 4-0 nga fituesit e Ligës së Kampionëve, Paris Saint-Germain. 

Kontrata aktuale e argjentinasit skadon në fund të vitit 2025, dhe sipas raportimeve, ai ka vendosur të pezullojë përkohësisht bisedimet për një kontratë të re. 

Sipas gazetarit Esteban Edul, kapiteni i Argjentinës mund të mos bie dakord për të zgjatur qëndrimin e tij te Inter Miami përtej vitit 2025. 

Kontrata ekzistuese, të cilën ai e firmosi në vitin 2023 kur iu bashkua klubit amerikan, përfundon në fund të këtij viti. 

 Ajo përfshin një opsion për zgjatje me edhe 12 muaj, por ky opsion ende nuk është aktivizuar. 

Lexo po ashtu Barcelona do t'i paguajë 6 milionë euro Messit të hënën, para do të përfitojnë edhe disa ish-yje të katalunasve

Edul shton se Messi është duke shqyrtuar mundësinë që të kalojë në një kampionat më konkurrues gjatë 6 muajve të fundit përpara se Argjentina të nisë mbrojtjen e titullit në Kupën e Botës 2026.

Për momentin, negociatat me Inter Miamin janë pezulluar./Telegrafi/

The post Messi po e konsideron largimin nga Inter Miami appeared first on Telegrafi.

Sergio Busquets po i afrohet fundit të karrierës së tij si futbollist aktiv, por klasi i tij në fushë mbetet i padiskutueshëm.

Edhe pse do të mbushë 37 vjeç pas dy javësh, mesfushori spanjoll vazhdon të tregojë se mosha është thjesht një numër.

Në një video që po qarkullon në rrjetet sociale, Busquets shihet duke dhuruar momente të nivelit të lartë teknik në Kupën e Botës për Klube. Aftësitë e tij në kontrollin e topit, vendosjen dhe pasimet janë ende të një niveli botërorë.

Sergio Busquets, el arte del engaño.pic.twitter.com/WN4EHEMUtM

— Sudanalytics (@sudanalytics_) June 28, 2025

Skuadra e tij, Inter Miami, u eliminua në fazën e 1/16 së finales nga Paris Saint-Germain, megjithatë, Busquets la përshtypje të forta në tri ndeshjet që zhvilloi përpara eliminimit.

Ish-mesfushori i Barcelonës ishte një nga më të mirët në fushë gjatë gjithë pjesëmarrjes së Inter Miami në këtë turne. Me qetësinë dhe përvojën e tij, ai i dha stabilitet skuadrës amerikane.

Pavarësisht moshës, Busquets vazhdon të jetë shembull për profesionalizëm dhe nivel të lartë loje. Ai mbetet një nga figurat më të respektuara në futbollin botëror. /Telegrafi/

The post Pas dy jave mbush 37 vite, por Busquets vazhdon të ketë klas në këmbët e tij appeared first on Telegrafi.

Paris Saint-Germain gaboi goditjen e fillimit kundër Inter Miami: Vitinha gjuajti keq dhe topi përfundoi jashtë, skema e PSG nuk funksionoi. Loja e përgatitur nga skuadra e Luis Enrique, që kishte habitur Francën dhe Europën, kishte mbërritur edhe në Kupën e Botës për Klube me rastin e sfidës kundër Atletico Madridit, por sot nuk shkoi mirë.

Vitinha goditi drejt flamurit të këndit të portës së Ustarit, por goditja e tij përfundoi përtej vijës fundore dhe portieri argjentinas rifilloi aksionin me një goditje nga porta: nuk pati një rivënie anësore, siç ka ndodhur në shumë raste këtë sezon, që do t’i kishte lejuar skuadrës franceze të shtynte kundërshtarin në gjysmën e tij të fushës.

Një skemë që ka habitur shumë tifozë italianë, sidomos ata të Interit, me rastin e finales së Ligës së Kampionëve, por kush ka parë më shumë se një ndeshje të PSG këtë sezon e dinte që mes zgjidhjeve për goditjen e fillimit të parisienëve ishte edhe kjo: të gjuanin topin për një rivënie anësore në zonën e flamurit të këndit, në mënyrë që e gjithë skuadra të mund të ngjitej përpara dhe të bënte presion në gjysmën e fushës së kundërshtarit.

Një deklaratë qëllimi përballë rivalëve dhe një mënyrë për t’u afruar menjëherë te porta ku të shënojnë gol: sa më pranë të rikuperohet topi pranë 16 metrave të fundit, aq më e madhe është mundësia për të gjetur rrugën drejt rrjetës.

Il PSG sbaglia la battuta del fischio d’inizio
Stavolta la mossa per andare subito in pressione non riesce #PSG #FIFACWC #DAZN pic.twitter.com/E4oFg9sbVc

— DAZN Italia (@DAZN_IT) June 29, 2025

PSG dërrmon Inter Miami: Luis Enrique në çerekfinale

PSG është shumë i fortë për Inter Miami dhe kualifikohet për çerekfinalet e Kupës së Botës për Klube duke shënuar një poker të lehtë në pjesën e parë dhe duke u mjaftuar të kontrollojë në pjesën e dytë. Skuadra kampione e Europës e mbylli ndeshjen që në pushim: Lionel Messi provoi të ringjallë skuadrën e tij me disa lëvizje në pjesën e dytë, por nuk mjaftoi. Skuadra e Luis Enrique do të përballet me fituesen e përballjes mes Flamengos dhe Bayern Munchen.

The post PSG ngatërrohet me strategjinë e vet: Vitinha godet keq, skema nuk funksionon appeared first on Lapsi.al.

Paris Saint-Germaini ka shënuar fitore të thellë me rezultat 4-0 ndaj Inter Miamit në raundin e 1/16-të të Kupës së Botës për Klube. 

Fitorja për kampionin e Evropës nuk u vu asnjëherë në dyshim pasi dallimi në kualitet mes dy skuadrave ishte tejet i madh. 

Golin e epërsisë PSG-ja e gjeti në minutën e gjashtë përmes Joao Neves, i cili realizoi me kokë për 1-0 pas asistimit nga Vitinha. 

Ishte pikërisht Neves ai i cili realizoi edhe golin e dytë, kësaj radhe në minutën e 39-të për 2-0 pas asistimit nga Fabian Ruiz. 

Në minutën e 43-të Miami ishin të pafat pasi Tomas Aviles realizoi në rrjetën e portës së tij për rezultatin 3-0. 

Për epilogun përfundimtar të ndeshjes u përkujdes Achraf Hakimi i cili në sekondat e fundit të pjesës së parë realizoi për 4-0. 

Në çerekfinale PSG-ja do të takohet me fituesin e duelit mes Flamengos dhe Bayern Munich, sfidë kjo që do të luhet me fillim nga ora 22:00./Telegrafi/

The post PSG-ja mposht me lehtësi Inter Miamin dhe siguron çerekfinalen në Botërorin e Klubeve appeared first on Telegrafi.

Pak ditë para sfidës që do të përballë klubin e tij Inter Miami me kampionët e Europës Psg, David Beckham përfundon nën bisturi. 50-vjeçari, zbulon The Sun, mendoi mirë të operohej për një frakturë në kyçin e dorës që daton 22 vite më parë, kur ishte në fushë në një ndeshje miqësore mes Anglisë dhe Afrikës së Jugut.

Operacioni ka qenë i domosdoshëm për shkak të dhimbjeve të forta të ndjera kohët e fundit, pasi një vidë që ishte përdorur atëherë si përforcim ishte ngulitur në parakrah. Operacioni ka shkuar me sukses.

Lexo më tej: David Beckham festa luksoze e parakohshme e 50-vjetorit: kostot, të ekzagjeruara

David Beckham i shtrirë në një shtrat spitali me krahun e fashuar është fotografuar nga bashkëshortja Victoria, e cila ka postuar gjithçka në rrjetet sociale. Së bashku me foton edhe një frazë e ëmbël: “Shërohu shpejt babi”. Më pas një tjetër foto ku shfaqet një varëse me të njëjtin mesazh.

The post Dhimbje të forta, Beckham në spital: operohet për dëmtimin e pësuar 22 vite më parë appeared first on Lapsi.al.

Lojtarët e Inter Miami siguruan kalimin në raundin e 16-të të Kampionatit Botëror për Klube, pas një barazimi 2:2 ndaj Palmeiras në ndeshjen e fundit të fazës së grupeve.

Kapiteni i ekipit amerikan, Lionel Messi, vazhdoi një traditë mbresëlënëse.

Gjatë karrierës së tij 21-vjeçare si profesionist, ylli argjentinas nuk është eliminuar kurrë në fazën e grupeve, qoftë në garat e klubeve apo ato me ekipin kombëtar.

Messi ka marrë pjesë në 33 faza grupesh me Argjentinën, Barcelonën, PSG-në dhe Inter Miami, duke u kualifikuar çdo herë në fazat me eliminim direkt.

Ky rekord i jashtëzakonshëm nuk i befason shumë adhuruesit e futbollit, duke marrë parasysh se Messi ka qenë gjithmonë pjesë e ekipeve të nivelit më të lartë.

Për krahasim, Cristiano Ronaldo nuk ka arritur një sukses të plotë në këtë aspekt. Ai ka luajtur 29 herë në faza grupesh me Portugalinë, Manchester United, Real Madrid, Juventus dhe Al-Nassr, duke kaluar tutje në 27 prej tyre.

Ronaldo u eliminua në fazën e grupeve të Ligës së Kampionëve me Manchester United në sezonin 2004/05 dhe në fazën e grupeve të Kupës së Botës 2014 me Portugalinë.

Ky krahasim thekson edhe më shumë qëndrueshmërinë e Messit në garat e mëdha ndër vite.

0 – Lionel Messi 🇦🇷 has never been eliminated in the group stage of an official tournament, whether at club or international level. Unique.#FIFAClubWorldCup #InterMiami pic.twitter.com/F9TEoTEN7m

— OptaJose (@OptaJose) June 24, 2025

The post Statistika e jashtëzakonshme e Messit: Gjithmonë e kalon fazën e grupeve, Ronaldo ka dështuar dy herë appeared first on Albeu.com.

Fitorja ndaj Botafogo vlejti vetëm për statistikë, pasi Atletiko e Madridit i dha lamtumirën Kupën së Botës për klube, ndërsa arriti të sigurojë 6 pikë në 3 ndeshje, por që nuk mjaftuan për të vijuar më tej. Të hënën skuadra e Diego Simeones luajti duelin direkt me Botafogo, i cili u fitua me rezultat minimal nga “los colchoneros” pas golit të shënuar nga francezi Griezmann, por për shkak të golavarazhit, skuadra braziliane kaloi më tej. Spanjollëve u duheshin dhe 2 goal të tjerë për tu renditur në vendin e dytë.

Si kokë grupi kaloi në fazën me eliminim direkt PSG, po ashtu me 6 pikë, por me golavarazh 6-1. Në sfidën e tretë, parizienët fituan pa vështirësi 2-0 ndaj Seattle Sounders. Më tej kaluan PSG dhe Botafogo, teksa një tjetër skuadër braziliane vijon rrugëtimin, ajo është Palmeiras, që në ndeshjen e fundit barazoi 2-2 me Inter Miamin. Amerikanët kaluan të parët në avantazh me Allenden, ndërsa Suarez dyfishoi në fraksionin e dytë.

Paulinho dhe Mauricio rikthyen ekuilibrat, duke bërë që të dyja skuadrat të kenë nga 5 pikë në grup dhe kalojnë më tej. Në mbrëmje në fushë zbresin Benfica dhe Bayern i Mynihut, por gjermanët e kanë siguruar biletën për në fazën pasardhëse.

The post Botërori i klubeve: Eliminohet Atletico Madrid, kualifikohet Inter Miami appeared first on Euronews Albania.

Palmeiras dhe Inter Miami mjaftoheshin me një barazim për t’u kualifikuar së bashku në të tetat e finales të Kupës së Botës për Klube – dhe një barazim erdhi. Në “Hard Rock Stadium” ndeshja mes brazilianëve dhe amerikanëve në Grupin A përfundoi 2-2, duke i lejuar Verdão të merrte vendin e parë dhe skuadrës së Messit vendin e dytë, falë edhe golit të parë të Luis Suarez në turne. Të eliminuar kështu Porto dhe Al Ahly, që u përfshinë në një ndeshje spektakolare 4-4.

INTER MIAMI–PALMEIRAS 2-2

Në “Hard Rock Stadium” është Palmeiras që krijon rastin e parë të rrezikshëm të ndeshjes pas vetëm katër minutash, pas një goditjeje nga këndi, por është Inter Miami që e zhbllokon sfidën në minutën e pesëmbëdhjetë: avantazhin për skuadrën nga Florida e shënon Allende në një kundërsulm, i shërbyer me një asist gjeni nga kraharori i Luis Suarez. Braziliani nuk dorëzohen dhe në minutën e 30-të janë vetëm centimetra larg barazimit me Facundo Torres, goditja me të majtën e të cilit kalon ngjitur me shtyllën në të majtë të portës së Ustarit. Inter Miami shpëton dhe në minutën e 65-të godet sërish, duke e çuar rezultatin në 2-0 me Luis Suarez. Uruguajani vepron vetë, driblon dy kundërshtarë dhe shënon me të majtën kundër Wevertonit, duke realizuar golin e tij të parë në këtë turne dhe duke qenë përfundimisht protagonist i madh i ndeshjes.

Lexo më tej: Messi, perla në Botërorin e Klubeve: portieri i Porto i habitur nga goditja e dënimit

Çdo gjë dukej e përgatitur për një fitore të bukur të amerikanëve, por Palmeiras arrin të rikuperojë mes minutës së 80-të dhe 87-të, duke rifituar vendin e parë në grup. Paulinho dhe Mauricio vendosin barazimin përfundimtar 2-2, rezultat që kualifikon të dy skuadrat në të tetat, falë edhe një pritjeje të dyfishtë vendimtare të Ustarit në kohën shtesë. Verdão dhe amerikanët e mbyllin Grupin A me nga 5 pikë secili, por vendin e parë për shkak të golavarazhit e marrin brazilianët. Messi (që sot mbush 38 vjeç) dhe shokët e tij duhet të kënaqen me vendin e dytë.

PORTO–AL AHLY 4-4

Sfida mes Porto-s dhe Al Ahly-t në “MetLife Stadium” të East Rutherford zhbllokohet në minutën e 15-të, kur janë egjiptianët që kalojnë në avantazh me Abou Ali. Sulmuesi palestinez gjen një goditje perfekte me të majtën në kënd të largët dhe mposht Claudio Ramos, duke realizuar më pas edhe një tjetër gol në minutën e 22-të: këtë herë goli anulohet për pozicion jashtë loje. Porto merr frymë lirisht dhe pas vetëm një minute barazon rezultatin: Rodrigo Mora kalon dy mbrojtës dhe portierin me dy lëvizje të bukura dhe shtyn topin në rrjetë për 1-1. Ndeshja është e gjallë dhe në fundin e pjesës së parë Al Ahly kalon sërish në avantazh: Fabio Vieira shkakton një penallti dhe Abou Ali shënon për 2-1 nga pika e bardhë, duke kompletuar dopietën e tij personale.

Lexo më tej: Atletico Madrid mposht Botafogo, por eliminohet: PSG thyen Seattle e kryeson grupin

Në minutën e 50-të, Dragões vendosin sërish baraspeshën me një gol të bukur nga William Gomes, por vetëm një minutë më vonë është sërish Abou Ali që i jep avantazhin egjiptianëve: numri 9 i Al Ahly përfiton nga një kros i shkëlqyer i Hany dhe kompleton një tripletë të mrekullueshme me një goditje me kokë që nuk i jep asnjë mundësi reagimi Claudio Ramos-it. Avantazhi i ri i Djajve të Kuq zgjat vetëm deri në minutën e 53-të, pasi Samu barazon në 3-3 me një goditje me kokë pas goditjes nga këndi të Fabio Vieira.

Emocionet nuk përfundojnë këtu. Ben Romdhane e çon përsëri në epërsi për herë të katërt Al Ahly-n në minutën e 64-t me një goditje të djathtë për t’u duartrokitur, ndërsa Pepê vendos barazimin përfundimtar 4-4 në minutën e 89-të. Mbyllet kështu me një ndeshje spektakolare eksperienca në këtë Kupë të Botës për Klube për si Porto-n ashtu edhe Al Ahly-n, pasi barazimi u kushton eliminimin të dy skuadrave: luzitanët e përfundojnë grupin në vend të tretë me 2 pikë, egjiptianët të fundit me të njëjtin numër pikësh, por me një golavarazh më të dobët.

The post Palmeiras e Inter Miami, “biskotë” për kalimin në 1/8 e Botërorit: eliminohet Porto appeared first on Lapsi.al.

Kupa e Botës për Klube 2025 ka kaluar tashmë javën e parë, me disa nga grupet që kanë zhvilluar nga dy ndeshje dhe me tifozët që janë argëtuar me disa përballje emocionuese.

Ekipet e Amerikës së Jugut kanë qenë surprizat e turneut, me Botafogon që tronditi PSG-në dhe Flamengon që mposhti Chelsean.

Mes gjithë kësaj, është bërë një krahasim interesant në lidhje me pagat vjetore të çdo ekipi që garon në këtë turne që po mbahet në SHBA.

Lexo po ashtu Rregull i ri u përdor për herë të parë në Kupën e Botës për Klube, të gjithë u mahnitën

Duke pasur parasysh pagat e vlerësuara të skuadrës së parë të secilës skuadër, rezulton se Real Madridi ka faturën më të lartë të pagave me 279 milionë euro paga vjetore për futbollistët.

Bayern Munich është menjëherë pas tyre me një shpenzim të madh pagash prej 274 milionë eurosh në vit dhe Al Hilal që kompleton treshen e parë me një shpenzim prej 256 milionë eurosh në vit në paga.

Ekipi me faturën më të ulët të pagave është ndoshta Auckland City FC, i cili ka një faturë pagash të skuadrës shumë më pak se 1 milion euro, pasi shumica e lojtarëve të tyre kanë punë me kohë të pjesshme diku tjetër.

Manchester City, Paris Saint-Germain, Chelsea, Atletico Madrid, Inter, Borussia Dortmund dhe Juventusi janë klubet tjera që kanë paga vjetore nga 225 milionë euro në 109 milionë euro. /Telegrafi/

The post Zbulohen pagat vjetore të çdo skuadre në Kupën e Botës për Klube – Real Madridi kryeson listën, Auckland City me ‘lëmoshë’ appeared first on Telegrafi.

Lionel Messi dhe Inter Miami i tij fituan 2-1 kundër Portos në raundin e dytë të Kupës së Botës.

Porto kaloi në epërsi në minutën e tetë me një gol nga Samu, dhe Miami e përmbysi ndeshjen në pjesën e dytë me golat e Telesco Segovias në minutën e 47-të dhe Lionel Messit në minutën e 54-të.

Messi luajti shkëlqyeshëm dhe i dha Interit të tij epërsinë dhe fitoren me një tjetër goditje dënimi fantastike.

Argjentinasi brilant kaloi murin me goditjen me këmbën e tij të majtë magjike për të mposhtur portierin e Portos, Claudio Ramos.

Lexo po ashtu "I prekur nga Zoti, apo jo?", ish-bashkëlojtari i Ronaldos i mahnitur nga goli i Messit

Ky ishte goli i 16-të i Messit në 22 paraqitje këtë sezon dhe ai gjithashtu ka dhënë gjashtë asiste.

DAZN, mbajtësi i të drejtave për Kupën e Botës për Klube, publikoi një video të golit të Messit nga një kënd tjetër. Ata i shkruan videos: “Çfarë bukurie”.

Ky ishte goli i 866-të në karrierën e Messit dhe i 68-ti nga një goditje dënimi.

Ishte gjithashtu goli i tij i 50-të për Inter Miamin, i cili do të luajë ndeshjen e tretë të fazës së grupeve kundër Palmeiras të martën, më 24 qershor, në orën 15:00 sipas orës lokale. /Telegrafi/

The post Është publikuar një video e golit të Messit nga të gjitha këndet – aq sa duhet ta rishikoni disa herë appeared first on Telegrafi.

Vitet kalojnë, por klasi mbetet i njëjtë. Shiheni dhe shijoheni këtë gol të Lionel Messi që nxorri një tjetër magji nga repertori i tij I pafundëm.

Jo vetëm për bukurinë, pasi ky gol kishte edhe vlera të mëdha sportive, duke i dhuruar Inter Miami fitoren e parë në Botërorin e Klubeve, 2-1 kundër Porto.

Por deri te suksesi, Messi dhe shokët e tij duhej të përmbysnin epërsinë e portugezëve në pjesën e parë, falë realizimit të Samu nga pika e penalltisë që në minutën e pestë.

Pas pushimit, amerikanët reaguan fort dhe shumë shpejt gjetën golin e barazimit me Segovia, dy minuta nga rinisja e sfidës.

Por momenti deçiziv dhe më I bukuri në këtë ndeshje do të vinte në minutën e 54-rt.

Me një goditje dënimi të ekzektuar me saktësi dhe klas nga Lionel Messi, Inter Miami përmbysi shifrat dhe vulosi suksesin e parë në Botërorin e Klubeve.

Nëse “Pleshti” i shton një tjetër gol, në një tjetër kompeticion listës së tij të gjatë në karrierë, skuadra nga Florida vendos një rekord.

Ajo është para amerikane, që arrin të fitojë një ndeshje zyrtare kundër një skuadre europiane.

Po ashtu me këtë sukses, Inter Miami ndez shpresat për kalimin në fazën tjetër të turneut, pasi me pikë të barabarta me Palmeiras mban vendin e dytë në Grupin A.

Lionel Messi vendos firmën e tij në Kupën e Botës për Klube. Goli i parë i kampionit argjentinas në këtë kompeticion me fanellën e Inter Miami vjen me rrjetën prestigjioze të shënuar kundër Portos. “Pleshti” u bë protagonist i një goditjeje fantastike dënimi që përfundoi në rrjetë pas shpinës së portierit të shkretë të Portos, Claudio Ramos, i cili mbeti fjalë për fjalë i habitur nga trajektorja e gjuajtjes së realizuar nga ish-lojtari i Barcelonës dhe PSG-së, i cili çmendi shokët e tij të skuadrës duke shënuar golin që vlente kalimin e përkohshëm në epërsi ndaj portugezëve.

Momenti i goditjes së dënimit nga Messi

Messi, në fakt, merr vetë përsipër të gjuajë atë goditje dënimi nga kufiri i zonës së rreptësisë. Argjentinasi vendos një mini-mur me dy persona përpara atij të Portos, duke u ndihmuar për të penguar pamjen e portierit, i cili megjithatë ishte i sigurt se e kishte pozicionuar shumë mirë murin e tij. Ramos lë shumë hapësirë të lirë në të djathtën e tij duke menduar se Messi do të gjuante atje dhe për rrjedhojë ishte gati për t’u hedhur. Por Messi e surprizon dhe synon pikërisht këndin që ishte i zënë nga vetë portieri i Portos, i cili nuk arrin dot të ndërhyjë në top për ta pritur gjuajtjen.

Sulmuesi argjentinas gjuan në shtyllën e tij dhe topi përfundon në mënyrë të pabesueshme në rrjetë. Messi i ka dhënë qartësisht një forcë të jashtëzakonshme goditjes së tij, aq sa e ka bërë të kotë ndërhyrjen e portierit, i cili ndoshta nuk arriti as ta shihte kur topi u nis. Portieri i Portos kishte llogaritur diçka krejt tjetër dhe u gjend duke nxjerrë topin nga rrjeta, ndërsa e gjithë Inter Miami vraponte për ta përqafuar dhe festuar kampionin e saj. Shumë prej shokëve dolën me kërcim nga stoli sapo panë atë ekzekutim mjeshtëror të “Pleshtit”.

REF CAM: best view in the house to witness Messi greatness

Watch the @FIFACWC | June 14 – July 13 | Every Game | Free | https://t.co/i0K4eUtwwb | #FIFACWC #TakeItToTheWorld #MIAFCP pic.twitter.com/ML6YTXmaLC

— DAZN Football (@DAZNFootball) June 19, 2025

Trajektorja e pabesueshme e vizatuar nga Messi

Edhe më spektakolare është pamja e kapur nga Ref Cam i vendosur te arbitri i ndeshjes, i cili regjistron ekzekutimin perfekt të Messit. Topi merr një trajektore të pabesueshme, duket sikur ulet në mënyrë të jashtëzakonshme para se të përfundojë në rrjetë. Është goli që i mundëson Messit të vendosë firmën e tij edhe në këtë kompeticion tërësisht të ri, që në edicionin e tij të parë nuk mund të mos karakterizohej nga goli i “Pleshtit”, pra ylli i madh i kësaj Kupe Bote për Klube që tani me Inter Miami shpreson për kualifikimin pas barazimit pa gola në debutim.

The post Messi, perla në Botërorin e Klubeve: portieri i Porto i habitur nga goditja e dënimit appeared first on Lapsi.al.

Inter Miami ka kaluar në epërsi ndaj FC Porto falë një supergoli nga Lionel Messi në minutën e 54-të, në kuadër të Kupës së Botës për Klube.

Porto ishte e para që kaloi në avantazh, me Samu Aggehowa që realizoi nga penalltia me një goditje të fuqishme, duke e çuar rezultatin në 1-0.

Barazimi për Inter Miami erdhi në fillim të pjesës së dytë. Aksioni nisi nga Marcelo Allende, i cili pasoi në të djathtë për Marcelo Weigandt. Ky i fundit krosoi saktë në zonë, ku Telasco Segovia e kontrolloi mirë topin dhe shënoi për 1-1.

Në minutën e 54-t, Lionel Messi tregoi edhe një herë klasin e tij. Ai ekzekutoi mjeshtërisht një goditje dënimi, duke e dërguar topin në rrjetë dhe duke e kaluar Inter Miamin në avantazh 2-1.

Lionel Messi, 2025.

pic.twitter.com/HNFaTQbkjK

— Green y Green (@Green_Apostas) June 19, 2025

Ky ishte goli i 50-të i Messit me fanellën e Inter Miami, një tjetër arritje e jashtëzakonshme për yllin argjentinas në futbollin amerikan. /Telegrafi/ 

The post Leo Messi me supergol nga goditja e lirë – Inter Miami kalon në epërsi ndaj Portos në Kupën e Botës për Klube appeared first on Telegrafi.