Një aventurë e keqe e ka ndalur për disa ditë Ralf Rangnick, i cili është shtruar urgjentisht në spital pas një operacioni të gabuar. Duhej të ishte vetëm një ndërhyrje rutinë në kyçin e këmbës, por u desh një operacion i ri për të shmangur komplikacione më të rënda: trajneri i Austrisë është ende në spital dhe me shumë gjasë do të dalë të premten, por gjendja e tij shëndetësore është përmirësuar dukshëm, siç ka bërë të ditur zëdhënësi i federatës Thomas Trukesitz. Asnjë problem pra për trajnerin, i cili në javët në vijim do të kthehet në punë për të përgatitur Austrinë për ndeshjet kualifikuese të Botërorit, me angazhimet e planifikuara kundër Qipros dhe Bosnje-Hercegovinës në fillim të muajit shtator.

Rangnick në spital pas një operacioni të gabuar

Gjithçka filloi një muaj më parë kur ish-trajneri i Manchester United iu nënshtrua një operacioni rutinë në tendinën e Akilit, një problem i vogël që do të zgjidhej për pak kohë. U kthye në shtëpinë e tij për rehabilitim, që e kaloi pranë Salzburgut, por plaga në një moment u infektua dhe e detyroi të shtrohej sërish urgjentisht për të shmangur komplikacione shumë më të rënda. Rangnick u transportua menjëherë në spital për t’iu nënshtruar një operacioni të dytë pas të parit që doli i gabuar dhe për fat ndërhyrja shkoi mirë.

Zëdhënësi i Federatës Austriake të Futbollit, Thomas Trukesitz, ka qetësuar të gjithë pas frikës fillestare duke dhënë një përditësim mbi gjendjen e trajnerit: “Ralf Rangnick është mirë. Askush nuk duhet të shqetësohet për shëndetin e tij”. Aktualisht trajneri ndodhet ende në spital, në një klinikë në Salzburg sipas asaj që raporton Mirror, por brenda të premtes mund të kthehet në shtëpinë e tij për të vazhduar rikuperimin pas operacionit të dytë dhe për t’u rikthyer në punë, këtë herë pa pengesa.

The post Rangnick, operacioni shkoi keq: tekniku iu nënshtrua një ndërhyrje të dytë urgjente appeared first on Lapsi.al.

Për herë të parë në histori, kirurgët në SHBA realizuan një transplant të plotë zemre pa e hapur kraharorin. Në vend të metodës tradicionale, ata përdorën robotë kirurgjikë dhe prerje minimale, duke shmangur ndërhyrjen e madhe.

Me ndihmën e krahëve robotikë dhe hyrjeve të vogla, gjithçka u krye në distancë, me saktësi ekstreme.

Rezultati? Më pak dhimbje, më pak plagë dhe shërim shumë më i shpejtë për pacientin.

Kjo teknologji mund të ndryshojë përgjithmonë mënyrën se si kryhen transplantet, duke sjellë më shumë jetë, me më pak vuajtje.

The post Revolucion në mjekësi: U krye transplantimi i parë i zemrës plotësisht me robot! appeared first on iconstyle.al.

TIRANË, 9 korrik/ATSH/ Në Qendrën Spitalore Universitare “Nënë Tereza” profesionalizmi dhe teknikat më të avancuara mjekësore janë çdo ditë në shërbim të jetës.

Ministrja e Shëndetësisë dhe Mbrojtjes Sociale, Albana Koçiu ndau sot në rrjetet sociale rastin e një paciente 28-vjeçare me aneurizëm të aortës (9 cm), e cila u trajtua me sukses nga prof. Altin Veshti dhe dr. Klodian Krakulli, pa nevojën e një valvule artificiale, duke shmangur përdorimin e holluesve të gjakut për jetën.

“Kjo teknikë e avancuar është aplikuar me sukses në 17 raste në QSUT, me mbështetjen e ekipit të anestezisë të drejtuar nga prof. Saimir Kuçi. Pacientja gëzon shëndet të mirë dhe ka rifilluar jetën normale”, tha Koçiu.

Prof. Altin Veshti bëri me dije se një gjetje e rastësishme nga një radiografi e bërë në një qytet në veri të Shqipërisë nga radiologët, u vu re  një masë në kraharor.

Ai tha se vajza u dërgua në Urgjencën e Tiranës ku u konstatua një aneurizëm i aortës, rreth 9 cm.

“Vajza me urgjencë është transferuar në repartin e kardiokirurgjisë. Hoqëm një pjesë të aortës së sëmurë dhe është zëvendësuar me një tub sintetik, por është riparuar edhe valvula e aortës”, deklaroi prof. Veshti.

Prof. Veshti tha se “kemi bërë 15-16 raste për riparim të valvulës e aortës para disa viteve ka qenë utopi dhe sot po kthehet në normalitet. Së bashku me doktor Krakullin po kryejmë këtë operacion, i cili jep një jetë normale të rinjve që kanë probleme me valvulën e aortës. Po tentojmë t’i riparojmë. Rastet e para kanë dalë me shumë sukses dhe do të vazhdojmë në këtë rrugë”.

Pacientja tha se “tani bëj jetë normale dhe dalëngadalë po i kthehem normalitetit”.

1 nga 8

/k.s//r.e//a.f/

The post Koçiu: Teknikat më të avancuara mjekësore në QSUT, trajtohet me sukses 28-vjeçarja me aneurizëm të aortës appeared first on Agjencia Telegrafike Shqiptare.

Edi Rama ka postuar disa foto nga zona e 21 Dhjetorit në kryeqytet ku hapësirat publike janë zaptuar në mënyra të ndryshme. Kryeministri paralajmëroi se nuk do të ketë asnjë tolerim për këdo që ka guxuar të zaptoje hapësirat e qytetarëve. Ironia qëndron në faktin se kjo është një tjetër shfaqje teatrale. Njeriu që betonizoi Tiranën, Edi Rama dhe pas tij Erion Veliaj, tani po preokuptohet për zënien e hapësirave publike. Lexojeni për zbavitje.

“Situatë klasike “toke të xanun” në Tiranë, tek 21 Dhjetori – kush nuk do t’i tërheqë vetë nga hapësira publike e përbashkët barrikadat që u ka ngritur njerëzve me gjithëfarësoj objektesh, që nga tavolinat dhe frigoriferët në trotuarë e deri tek muret apo trarët e “doganave” rreth pallateve, do të ballafaqohet jo vetëm me gjobat përkatëse po edhe me ndjekjet përkatëse penale për shkatërrim të pronës publike, cënim të shëndetit e sigurisë fizike së qytetarëve dhe me radhë… Koha për t’u bërë bashkë që të gjithë në emër të bashkëjetesës në të njëjtën lagje; shumica duke marrë mbrapsht atë që i takon dhe pakica duke kthyer mbrapsht atë që nuk i takon!”-shkruan Rama.

The post Lexojeni për zbavitje/ Rama i shqetësuar për hapësirat e zëna publike në Tiranë appeared first on Lapsi.al.

Pas një muaji të vështirë, këngëtarja e njohur britanike Jessie J ka ndarë me fansat një lajm lidhur me betejën e saj me kancerin e gjirit.

Artistja 37-vjeçare, e njohur për hitin “Price Tag”, e bëri publike diagnozën e saj më 3 qershor përmes një postimi në Instagram. Vetëm pak javë më pas, ajo u ngjit në skenë për herë të fundit përpara se të niste trajtimin, gjatë një performance emocionuese në Wembley, Mbretëria e Bashkuar.

Tani, pas një operacioni të kryer në fillim të qershorit, Jessie J ka njoftuar me gëzim se “kanceri është zhdukur plotësisht”. Lajmin ajo e ka ndarë përmes një postimi në Instagram Story më 26 qershor, ku kishte vendosur edhe një emoji me gishta të kryqëzuar mbi një listë me “pro”-të e situatës.

Në listën e gjërave pozitive, këngëtarja përmend: të shikojë “Love Island” pa ndjenja faji, faktin që nëna e saj po jeton me të dhe familjen, praninë e djalit të saj dyvjeçar Sky që “thjesht është vetvetja”, partnerin Chanan Safir Colman që e bën të ndihet e sigurt, si dhe mbështetjen e ndërsjellë me njerëz të tjerë që po kalojnë të njëjtën sprovë.

Por ajo nuk ka hezituar të ndajë edhe anët e vështira. Në listën me “disavantazhet” Jessie përmend: frikën për të mos ditur nëse kanceri është zhdukur plotësisht, ndjesinë se nuk mund të jetë nëna që ka qenë më parë, si dhe dhimbjen dhe parehatinë gjatë natës. Me humor, ajo shtoi edhe një problem të zakonshëm: kapsllëkun.

Kur e ndau për herë të parë diagnozën, Jessie J tha se dëshironte të ishte e hapur me ndjekësit: “Sepse, nuk flas mjaftueshëm për këtë. Nuk po e përpunoj siç duhet, sepse po punoj shumë. Por e di sa shumë më ka ndihmuar në të kaluarën ndarja e përvojave me njerëz që më kanë dhënë dashuri, mbështetje dhe historitë e tyre personale.”

Këngëtarja u shpreh me humor: “Është një mënyrë shumë dramatike për të bërë një ndërhyrje në gjoks,” duke u premtuar fansave se do të rikthehet “me gjinj të mëdhenj dhe më shumë muzikë.”

The post Pas betejës me kancerin, Jessie J jep lajmin e shumëpritur appeared first on Lapsi.al.

Pak ditë para sfidës që do të përballë klubin e tij Inter Miami me kampionët e Europës Psg, David Beckham përfundon nën bisturi. 50-vjeçari, zbulon The Sun, mendoi mirë të operohej për një frakturë në kyçin e dorës që daton 22 vite më parë, kur ishte në fushë në një ndeshje miqësore mes Anglisë dhe Afrikës së Jugut.

Operacioni ka qenë i domosdoshëm për shkak të dhimbjeve të forta të ndjera kohët e fundit, pasi një vidë që ishte përdorur atëherë si përforcim ishte ngulitur në parakrah. Operacioni ka shkuar me sukses.

Lexo më tej: David Beckham festa luksoze e parakohshme e 50-vjetorit: kostot, të ekzagjeruara

David Beckham i shtrirë në një shtrat spitali me krahun e fashuar është fotografuar nga bashkëshortja Victoria, e cila ka postuar gjithçka në rrjetet sociale. Së bashku me foton edhe një frazë e ëmbël: “Shërohu shpejt babi”. Më pas një tjetër foto ku shfaqet një varëse me të njëjtin mesazh.

The post Dhimbje të forta, Beckham në spital: operohet për dëmtimin e pësuar 22 vite më parë appeared first on Lapsi.al.

Këngëtari dhe fituesi i edicionit të dytë të Big Brother VIP Albania, Luiz Ejlli, ka surprizuar fansat e tij me një lajm të papritur. Ai ka zbuluar së fundmi se është operuar, por pa humbur aspak humorin e tij karakteristik.

Përmes një postimi në InstaStory, Luiz tregoi se, megjithëse situata shëndetësore kërkonte ndërhyrje, ai e ka përballuar gjithë procesin me buzëqeshje. Në një foto ku shfaqet me njërën këmbë të fashuar, këngëtari shkruan me humor:

The post Çfarë i ndodhi? Luiz Ejlli i nënshtrohet një operacioni appeared first on iconstyle.al.

Autoritetet belge kanë çmontuar një një organizate kriminale shqiptare. Mësohet se policia në lidhje me ketë operacion ka zhvilluar 18 kontrolle të cilat rezultuan me 15 arrestime mes tyre 10 shqiptarë. Organizata përdorte ndërmjetës për të rregulluar automjetet dhe numrat e telefonave celularë.

Ekipet e policisë kontrolluan ndërtesat në Kortrijk, Menen, Harelbeke, Waregem, Wervik, Mouscron, Asse, Machelen, Antëerp, Ronse, Ledeberg, Verviers, Engis dhe Bruksel. Më shumë se 120 oficerë punuan së bashku dhe tre skuadra qensh nuhatës përforcuan operacionin.

Rojet, shpesh pa dokumente ruanin plantacionet, ndërsa dokumentet e falsifikuara siguronin kamuflazh shtesë. Në total, u gjetën më shumë se 3.200 bimë dhe prerje marijuane. Dy lokacione në Menen dhe Kortrijk dukeshin se ishin në ndërtim e sipër. Ekspertët mjeko-ligjorë analizuan të gjitha gjurmët, ku u analizuan 4.8 kilogramë mrijuanë, tre makina, armë të ndaluara dhe para të gatshme. Llogaritë bankare dhe kriptovaluta u ngrinë.

14 burra dhe një grua (të moshës 27-53 vjeç) përfunduan në burg. Midis tyre ishin dhjetë shqiptarë, tre belgë, një kongolez dhe një rumun. 11 të dyshuar u paraqitën para gjyqtarit hetues në Bruges. Ata u arrestuan për trafik droge në kontekst kriminal. Një burrë italian i kërkuar është në pritje të ekstradimit. Tre të dyshuar u liruan me kusht.

The post Operacion antidrogë në Begjikë/ Goditet banda shqiptare appeared first on Lapsi.al.

The post Operacioni “Koordinata” në Shkodër dhe Krujë, arrestohen 3 shtetas dhe asgjësohen 6590 rrënjë kanabis sativa appeared first on Agjencia Telegrafike Shqiptare.

Vijon operacioni i policisë për asgjësimin e parcelave me kanabis në qarkun e Shkodrës. Policia njoftoi se janë gjetur dhe asgjësuar gjithsej 19,739 fidanë dhe bimë të dyshuara narkotike të llojit cannabis sativa.

Sipas njoftimit zyrtar, kontrollet intensive janë kryer në të gjithë territorin e qarkut në kuadër të operacionit të koduar “Koordinata”. Rezultatet e kontrollit janë si më poshtë:

Në Shkodër: Në njësitë administrative Shalë, Pult, Postribë dhe Gur i Zi u gjetën dhe u asgjësuan 201 fidanë dhe 651 bimë kanabisi. U proceduan penalisht kryetari i fshatit Kir, S.H., dhe roja e mjedisit, L.A., për shpërdorim detyre dhe moskallëzim krimi.

Në Vau i Dejës: Në njësitë administrative Shllak dhe Temal u gjetën dhe u asgjësuan 893 fidanë dhe 16,700 bimë kanabisi.

Në Pukë: Në njësinë administrative Qerret u asgjësuan 1,050 bimë kanabisi.

Në Fushë-Arrëz: Në njësinë administrative Iball u asgjësuan 174 bimë kanabisi.

Në Malësinë e Madhe: Në njësinë administrative Shkrel u asgjësuan 70 bimë kanabisi.

Policia bën të ditur se operacioni “Koordinata” vijon dhe se po punohet për identifikimin dhe ndalimin e autorëve të përfshirë në këto raste të kultivimit të bimëve narkotike.

The post Policia operacion në Shkodër, asgjësohen mbi 19 mijë bimë dhe fidanë kanabisi appeared first on Sot News | Lajme.

Policia ka zhvilluar një operacion anti-kanabis në qarkun e Shkodrës, ku janë gjetur dhe asgjësuar 19 739 fidanë dhe bimë të dyshuara si cannabis sativa. Operacioni, i koduar “Koordinata”, u bazua në të dhëna të siguruara nga inteligjenca policore dhe përfshiu një seri kontrollesh në disa zona të qarkut.

Operacioni është realizuar nga strukturat e Drejtorisë Vendore të Policisë Shkodër dhe komisariatet në varësi të saj, të cilat kanë evidentuar dhe asgjësuar bimët narkotike në territorin e njësive administrative si më poshtë:

Shkodër: Në njësitë Shalë, Pult, Postribë dhe Gur i Zi u gjetën dhe asgjësuan 201 fidanë dhe 651 bimë. Janë proceduar penalisht në gjendje të lirë shtetasi S. H., kryetar i fshatit Kir, dhe L. A., roje mjedisi, për veprën penale të shpërdorimit të detyrës. Ky i fundit akuzohet gjithashtu për moskallëzim krimi.

Vau i Dejës: Në Shllak dhe Temal u gjetën dhe asgjësuan 893 fidanë dhe 16 700 bimë.

Pukë: Në njësinë Qerret u asgjësuan 1 050 bimë.

Fushë Arrëz: Në njësinë administrative Iball u asgjësuan 174 bimë.

Malësi e Madhe: Në zonën e Shkrelit u asgjësuan 70 bimë.

Policia vijon hetimet për të identifikuar dhe vënë përpara përgjegjësisë penale autorët e këtyre rasteve të kultivimit të paligjshëm. Operacioni “Koordinata” është ende në zhvillim dhe priten kontrolle të mëtejshme në zona të tjera të qarkut.

The post Operacion i gjerë anti-kanabis në Shkodër, asgjësohen mbi 19 mijë bimë narkotike appeared first on Euronews Albania.

Tre shtetas shqiptarë kanë rënë në prangat e policisë greke në ishullin e Mykonos, pas një operacioni të gjerë antidrogë, që çoi në zbulimin dhe çmontimin e një rrjeti të trafikut të narkotikëve. Njëri prej të ndaluarve, Spiro Lila, rezulton i shpallur në kërkim nga SPAK për trafik ndërkombëtar droge dhe përfshirje në një grup kriminal të goditur në Sarandë në vitin 2019.

Sipas policisë greke, grupi kriminal ka nisur aktivitetin e paligjshëm të paktën që nga muaji maj 2025, duke shpërndarë kokainë, kokainë rozë, marijuanë dhe tableta droge në zona të ndryshme të Mykonosit. Ata ishin vendosur në tre banesa me qira, ngjitur me njëra-tjetrën, të cilat i përdornin si “baza” për ruajtjen e lëndëve narkotike, ndërkohë që shpërndarjen e kryenin përmes automjetesh dhe motoçikletash të përdorura për lëvizje të shpejta dhe të maskuara.

Në pranga ranë:

Spiro Lila, 30 vjeç, nga Gramshi

Roland Allka, 33 vjeç, nga Gramshi

Euglend Dumi, 36 vjeç, nga Vaqarri, Tiranë

Policia greke bëri me dije se për të shmangur zbulimin, njëri nga anëtarët e grupit shërbente si roje telefonike jashtë banesave, ndërsa të tjerët kryenin shpërndarjen e drogës duke bërë lëvizje të dyshimta dhe ndalesa të shkurtra në zona të ndryshme të ishullit.

Gjatë operacionit u sekuestruan:

932.2 gram kokainë

7 gram kokainë rozë

899 gram marijuanë

1.4 gram metamfetaminë kristalore

93 tableta narkotike

5,060 euro para cash

1 armë zjarri me 10 fishekë

1 thikë

1 automjet dhe 1 motoçikletë

3 peshore elektronike precize

4 telefona celularë

Vlera e përfitimit të pritshëm financiar nga shitja e lëndëve të sekuestruara, sipas autoriteteve greke, tejkalon shumën prej 100 mijë euro.

Lëndët narkotike do t’i nënshtrohen analizës laboratorike, ndërsa paratë do t’i kalojnë Zyrës Tatimore të Mykonosit. Hetimet vijojnë për të zbuluar të tjera lidhje të mundshme të rrjetit në Greqi dhe Shqipëri.

The post EMRAT/ Operacion antidrogë në Mykonos, arrestohen tre shqiptarë, një i kërkuar nga SPAK appeared first on Albeu.com.

Transmetuesi shtetëror iranian, IRIB, ka raportuar për një operacion të jashtëzakonshëm të shërbimeve iraniane të inteligjencës, që sipas tij, ka rezultuar në sigurimin e mijëra dokumenteve sensitive nga brenda Izraelit, përfshirë materiale që lidhen me projektet bërthamore dhe qendrat strategjike izraelite.

Sipas IRIB, dokumentet janë transferuar me sukses në Iran pas një operacioni të gjatë dhe të koordinuar, ndërsa analiza e materialeve do të kërkojë kohë për shkak të sasisë së madhe. Transmetuesi e cilësoi operacionin si një nga më të mëdhenjtë në historinë e spiunazhit kundër Izraelit.

IRIB gjithashtu lidhi këtë zhvillim me arrestimet e fundit të dy shtetasve izraelitë, Roy Mizrahi dhe Almog Atias, ndonëse nuk janë ofruar prova të pavarura që lidhin këto arrestime me pretendimet për dokumente të rrjedhura.

Zyrtarët izraelitë nuk kanë komentuar mbi pretendimet, ndërsa mediat ndërkombëtare i kanë raportuar me rezervë për shkak të mungesës së konfirmimeve të pavarura.

Këto zhvillime ndodhin gjashtë vjet pas operacionit të profilit të lartë të Mossad që nxori nga Teherani dokumente që lidheshin me programin bërthamor iranian.

LEXONI GJITHASHTU:

• Përleshje në protestat për emigracionin, Trump akuzohet për provokim
• Rusia dorëzon 1,212 trupa të ushtarëve ukrainas në pikën e shkëmbimit

The post Irani pretendon operacion masiv spiunazhi kundër Izraelit appeared first on Euronews Albania.

TIRANË, 7 qershor/ATSH/ Policia e Shtetit finalizoi me sukses operacionin policor të koduar “Drinks”, zhvilluar nga Sektori për Hetimin e Krimeve Ekonomike dhe Financiare në DVP Korçë, me fokus goditjen e kontrabandës me mallra që paguhen me akcizë, konkretisht pije alkoolike.

Operacioni u zhvillua në aksin rrugor “Kapshticë – Bilisht”, ku shërbimet e policisë ndaluan një automjet të dyshuar dhe arrestuan në flagrancë shtetasin A. Ll., 53 vjeç, banues në Korçë, pasi gjatë kontrollit në automjetin e tij u gjet një sasi pije alkoolike të dyshuara të futura kontrabandë nga Greqia, pa kryer procedurat ligjore të zhdoganimit.

Shtetasi A. Ll. do të përballet me akuzat për “kontrabandë me mallra të tjera” dhe “kontrabandë me mallra që paguhet akcizë”.

Në vijim të hetimeve, u proceduan penalisht edhe tre punonjës të degës doganore Kapshticë, me inicialet: K. P., 45 vjeç; A. G., 61 vjeç; R. M., 40 vjeç.

Të tre dyshohen për “shpërdorim detyre”, pasi nuk kanë zbatuar detyrimet ligjore për kontrollin dhe zhdoganimin e mallrave në kufi, duke mundësuar kalimin e pijeve të akcizës pa procedurat përkatëse.

Si pjesë e operacionit u sekuestruan pijet alkoolike kontrabandë si dhe automjeti i përdorur për transportin e tyre.

/a.g/

The post Kontrabandë me pije alkoolike, arrestohet një shtetas dhe procedohen tre doganierë appeared first on Agjencia Telegrafike Shqiptare.

Policia e Kosovës njoftoi se ka gjetur dhjetëra pako të mbushura me një proteinë tjetër, të cilat po shiteshin në mënyrë të paligjshme si kolagjen.

Lidhur me këtë rast, autoritetet njoftuan se është arrestuar një person, i cili pas intervistimit është liruar në procedurë të rregullt.

Policia tha se aksioni u zhvillua më 4 qershor, kur u lokalizuan dy posta të shpejta përmes së cilave shpërndaheshin produktet e falsifikuara.

“Me pas është identifikuar edhe personi si dhe objekti në Ferizaj, ku produktet janë ripaketuar dhe ambalazhuar”, u tha në njoftim.

Gjatë këtij operacioni janë sekuestruar dhjetë thasë me paketime të mbushura me proteinën realmass, të cilat ishin vendosur në pako të vogla për t’u shitur online si kolagjen. Po ashtu janë sekuestruar 11 pako të gatshme për shitje si dhe sasi e konsiderueshme etiketash me mbishkrimin kolagjen.

Ndërkaq, në një postë të shpejtë në magjistralen Prishtinë-Pejë, zyrtarët policorë gjetën edhe 30 pako të porositura, që ishin të gatshme për t’iu dërguar klientëve dhe në postën tjetër të shpejtë në Lipjan u gjetën tri pako të tilla, të gatshme për t’iu dërguar klientëve.

Kolagjeni është një proteinë strukturore shumë e rëndësishme për trupin e njeriut. Ai ndihmon që lëkura të ketë elasticitet dhe qëndrueshmëri, mbështet kockat e ligamentet, ndihmon në shërimin e plagëve etj.

Me kalimin e viteve, trupi nis të prodhojë më pak kolagjen, duke shkaktuar rrudha në lëkurë, dobësim të nyjave e të tjera.

Kolagjeni mund të merret përmes ushqimit, sikurse nga mishi i kuq, peshku dhe vezët, por edhe në formë pluhuri apo kapsulash. REL/

The post Policia e Kosovës arreston një person, gjen pako që shiteshin si kolagjen appeared first on Sot News | Lajme.

TIRANË, 3 qershor/ATSH/ Prokuroria e Posaçme Kundër Korrupsionit dhe Krimit të Organizuar (SPAK) në bashkëpunim me autoritetet finlandeze ka goditur një rrjet kriminal ndërkombëtar të trafikut të narkotikëve dhe substancave sintetike.

Hetimet, të cilat kanë nisur pas kërkesës së policisë finlandeze, kanë zbuluar se grupe të strukturuara kriminale të udhëhequra nga shtetas shqiptarë, kanë trafikuar sasi të mëdha droge në Finlandë, përfshirë kokainë, amfetaminë, kanabis dhe ekstazi.

Në kuadër të hetimeve të përbashkëta, Skuadra e Përbashkët Hetimore, e formuar më 21 nëntor 2023, ka përdorur metoda të specializuara, duke përfshirë përgjime dhe kontrollime sekrete. Nga këto hetime ka rezultuar se grupe të strukturuara kriminale kanë shpërndarë drogë nga Holanda dhe Spanja.

“Episodet më të rëndësishme të dokumentuara gjatë viteve 2022-2024 përfshijnë trafikimin dhe më pas shitjen e rreth 400 kg amfetaminë, mbi 500 kg kanabis si dhe sasi të konsiderueshme kokaine, si dhe shpërndarjen masive të tabletave ekstazi dhe substancave të tjera të ndaluara në Helsinki dhe qytete të tjerë”, informoi SPAK.

Më 3 qershor 2025, janë ekzekutuar masat e sigurimit për 9 shtetas shqiptarë, pas një vendimi të Gjykatës së Posaçme; B.S, (27.01.1985); E.A (alias E.T 07.02.1991); A.M (07.06.1981); K.Q (14.04.1981; T.K (alias T.T 15.10.1977); G.S (05.07.1994; E.M, (29.05.1983); L.H, (09.01.1983); D.L, (07.06.1983)

Gjatë aksionit, janë sekuestruar 8 automjete, 13 telefona celularë dhe prova të tjera të rëndësishme.

Në zbatimin e masave të sigurisë dhe ushtrimin e kontrolleve kanë marrë pjesë edhe oficerë të Byrosë Kombëtare të Hetimit në Finlandë, të policisë së Helsinkit dhe Turkut, Finlandë. Ndihmë të veçantë në hetimin e këtij procedimi penal ka dhënë Zyra e Oficerit Ndërlidhës të Vendeve Nordike për Shqipërinë dhe Kosovën, duke ngritur urat lidhëse mes SPAK dhe autoriteteve hetimore dhe policore të Finlandës.

Hetimi në kuadër të Skuadrës së Përbashkët Hetimore është mbështetur nga “Rrjeti @ON” i financuar nga Komisioni Europian, i drejtuar nga Drejtoria Italiane e Hetimit Antimafia (DIA).

The post SPAK: Goditja e rrjetit ndërkombëtarë të narkotikëve, masa sigurie për 9 shqiptarë appeared first on Agjencia Telegrafike Shqiptare.

SPAK, në bashkëpunim me autoritetet ligjzbatuese finlandeze, ka zhvilluar një operacion të përbashkët kundër disa grupeve kriminale të përfshira në trafikun ndërkombëtar të lëndëve narkotike, raporton gazetarja Klodiana Lala.

Operacioni është rezultat i një hetimi të gjatë dhe të koordinuar ndërmjet autoriteteve shqiptare dhe atyre finlandeze, që synon goditjen e rrjeteve kriminale që veprojnë në disa vende të Europës dhe që kanë lidhje me Shqipërinë.

Hetimet janë zhvilluar në kuadër të bashkëpunimit ndërkombëtar për luftën kundër krimit të organizuar dhe trafiqeve të paligjshme, ndërsa janë përdorur teknika speciale të hetimit dhe shkëmbim informacioni në kohë reale ndërmjet palëve.

The post SPAK dhe autoritetet finlandeze operacion kundër trafikut të drogës, goditen disa grupe kriminale appeared first on Sot News | Lajme.

SPAK, në bashkëpunim me autoritetet ligjzbatuese finlandeze, ka zhvilluar një operacion të përbashkët kundër disa grupeve kriminale të përfshira në trafikun ndërkombëtar të lëndëve narkotike. Operacioni është rezultat i një hetimi të gjatë dhe të koordinuar ndërmjet autoriteteve shqiptare dhe atyre finlandeze, që synon goditjen e rrjeteve kriminale që veprojnë në disa vende të Europës […]

The post SPAK dhe autoritetet finlandeze operacion kundër trafikut të drogës, goditen disa grupe kriminale appeared first on BoldNews.al.

Prokuroria dhe Policia e Fierit paraditen e kësaj të marte kanë dalë në një konferencë për shtyp ku dhe kanë dhënë informacione lidhur me operacionin policor të zhvilluar një ditë më parë, ku në këtë qark u bë i mundur arrestimi i katër shtetasve me rrezikshmëri të lartë shoqërore si dhe goditja e një grupi […]

The post Goditet grupi kriminal në Fier/ Trafiku i armëve dhe narkotikëve shtrihej në 5 qytete (EMRAT-PAMJET) appeared first on BoldNews.al.

administratorë farmacie janë arrestuar në Fier, pasi tregtonin ilaçe të kontrabanduara. Bëhet me dije se në pranga kanë rënë Shezai Yzeiri, Anxhela Xhemali, ⁠Pleçe Byzyka e Tereza Plaka, ndërsa një person tjetër është vënë nën hetim në gjendje të lirë. Policia bën me dije se në subjektet dhe në banesat e tyre u gjetën dhe u sekuestruan ilaçe të kontrabanduara, me vlerë rreth 800 000 lekë.

Njoftimi i policisë:

Si rezultat i hetimeve proaktive, të ndjekura për disa muaj, në kuadër të operacionit “Medicine”, me objektiv goditjen e kontrabandës së mallrave, u arrestuan në flagrancë shtetasit Sh. Y., 65 vjeç, A. Xh., 59 vjeçe, P. B., 36 vjeçe dhe T. P., 35 vjeçe. Gjithashtu, nisi procedimi në gjendje të lirë për shtetasen T. A., 53 vjeçe.

Nga kontrollet e kryera në farmacitë që administronin këta shtetas, si dhe në banesat e tyre, u gjetën ilaçe pa pullën fiskale nga Agjencia Kombëtare e Barnave dhe Pajisjeve Mjekësore, me vlerë rreth 800 000 lekë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

The post Operacioni “Medicine” në Fier, kontrabandë ilaçesh në 4 farmaci appeared first on Lapsi.al.