PRISHTINË, 9 korrik/ATSH/ Rreth 300 raste zjarresh janë regjistruar në Kosovë vetëm gjatë pesë ditëve të fundit, si pasojë e temperaturave të larta që kanë përfshirë vendin.

Drejtori i Agjencisë për Menaxhimin e Emergjencave (AME), Genc Metaj, tha se gjatë kësaj periudhe ekipet kanë ndërhyrë në 295 raste zjarresh nëpër komuna të ndryshme të Kosovës.

Në konferencën e thirrur për media, Metaj deklaroi se dita më e rënduar ka qenë 7 korriku, kur janë shënuar gjithsej 66 raste të zjarreve, prej të cilave 57 kanë ndodhur pasdite.

Metaj shtoi se situata është menaxhuar me sukses deri më tani, por rreziku mbetet i lartë për shkak të kushteve të motit.

Sipas tij, dyshohet që zjarrëvëniet mund të jenë të qëllimshme dhe shumica prej tyre janë në toka bujqësore dhe që shpërndahen edhe në zona malore.Metaj tha se numri i zjarrfikësve është i kënaqshëm, por duhet të jetë edhe më i madh.

Drejtori i AME-së, Genc Metaj tregoi se aktualisht janë 3 vatra aktive, një në Pejë dhe dy në Skënderaj.

AME apelon për kujdes të shtuar nga qytetarët dhe bashkëpunim në parandalimin e zjarreve, duke shmangur ndezjen e zjarreve në hapësira të hapura dhe duke raportuar çdo rast të dyshimtë.

Metaj u shprehu ngushëllime familjarëve, të afërmve dhe miqve për vdekjen e shefit të Operativës në Brigadën e Zjarrfikësve të Gjakovës, Kaqun Lima.

/kosovapress/

The post Metaj: Rreth 300 vatra zjarresh në 5 ditët e fundit në Kosovë, 3 ende aktive appeared first on Agjencia Telegrafike Shqiptare.

TIRANË, 17 qershor/ATSH/ Ministria e Mbrojtjes njofton se është vënë nën kontroll zjarri në malin e Krastës në Elbasan.

Në një njoftim për mediet, Ministria e Mbrojtjes shkruan se në këtë aksion u përfshinë 12 efektivë të FA dhe një mjet zjarrfikës nga Detashmenti i Mbrojtjes Rajonale Mengël, Elbasan.

“Pas një pune të pandërprerë të forcave, është arritur të vihet nën kontroll zjarri në malin e Krastës në Elbasan. Aktualisht, forcat zjarrfikëse dhe strukturat e përfshira në operacion vazhdojnë punën intensive për izolimin e plotë dhe shuarjen përfundimtare të vatrave të mbetura. Po ashtu, vijon monitorimi i terrenit për të parandaluar çdo riaktivizim të mundshëm për shkak të erës”, thuhet në njoftimin e Ministrisë së Mbrojtjes.

“Në këtë aksion u përfshinë 12 efektivë të FA dhe një mjet zjarrfikës nga Detashmenti i Mbrojtjes Rajonale Mengël, Elbasan”, bëhet me dije në njoftim.

Strukturat e mbrojtjes civile, në bashkëpunim me autoritetet vendore dhe në koordinim të plotë me Agjencinë Kombëtare të Mbrojtjes Civile janë në gatishmëri në çdo moment në mbrojtje të komunitetit e të pasurive natyrore”, përfundon njoftimi i Ministrisë së Mbrojtjes, duke ndarë edhe foto nga puna e shërbimit zjarrfikës.

Zjarrfikësit në luftë me flakët në Krastë të Elbasanit

1 nga 7

/a.f/r.e/

The post Elbasan, vihet nën kontroll zjarri në Krastë appeared first on Agjencia Telegrafike Shqiptare.

Teksa vendi ka hyrë zyrtarisht në stinën e nxehtë të vitit, që sjellë për pasojë zjarre të shpeshta, drejtuesit e shërbimit zjarrfikës japin alarmin për një tjetër problem. Duket se shpopullimi i vendit, ka prekur edhe shërbimin zjarrfikës. Agim Ponari, Drejtor i Shërbimit Zjarrfikës në Shkodër tregon për mediat se ky repart nuk ka punonjës. […]

The post Shpopullimi lë pa zjarrfikës Shqipërinë, drejtuesit japin alarmin appeared first on BoldNews.al.

Teksa vendi ka hyrë zyrtarisht në stinën e nxehtë të vitit, që sjellë për pasojë zjarre të shpeshta, drejtuesit e shërbimit zjarrfikës japin alarmin për një tjetër problem.

Duket se shpopullimi i vendit, ka prekur edhe shërbimin zjarrfikës. Agim Ponari, Drejtor i Shërbimit Zjarrfikës në Shkodër tregon për mediat se ky repart nuk ka punonjës.

Ai tregon për Tv Syri se të vetmit që e vuajnë këtë problem janë pikërisht zjarrfikësit, që janë ende në detyrë, të cilët punojnë edhe jashtë orarit dhe me turne të gjata për shkak të mungesës së personelit.

Gjatë sezonit të kaluar veror, në territorin e Bashkisë Shkodër, janë regjistruar mbi 340 vatra zjarri, një numër i lartë krahasuar me kapacitetet që ka ky shërbim zjarrëfikës.

The post Shqipëria ka një problem me zjarrfikësit, drejtuesit japin alarmin appeared first on Lapsi.al.

Rreth 100 zjarrfikës me 15 automjete kanë mbërritur në vendngjarje. Një zjarr i madh ka shpërthyer në një nënstacion elektrik në Londrën perëndimore,konkretisht në Aberdeen Place.

Sipas mediave britanike, flakët janë përhapur edhe në një ndërtesë fqinje. “Ky është një zjarr shumë i dukshëm, që prodhon shumë tym. Banorëve u këshillohet që t’i mbajnë dritaret dhe dyert e mbyllura dhe të shmangin zonën, kur është e mundur”. tha komandanti i stacionit të zjarrfikësve Paul Morgan. Nuk dihen arsyet se çfarë e ka shkaktuar zjarrin. Kjo vjen një muaj pasi Heathrow u mbyll pas një zjarri në një nënstacion elektrik aty pranë.

The post Përfshihet nga flakët një nënstacion elektrik në Londër (Pamjet) appeared first on Sot News | Lajme.

Pak pas orës 20:00, sonte në njërën nga banesat në rrugën “Muharrem Fejza” në Lagjen e Spitalit të kryeqytetit, ka shpërthyer në rrethana ende të pasqaruara një zjarr.

Në vendngjarje kanë dalë menjëherë ekipet e zjarrfikësve dhe Policia e Kosovës.

Për shkak të shpërthimit të zjarri, është ndërprerë edhe furnizimi me energji elektrike në këtë pjesë të qytetit.

The post Zjarr në një banesë në Lagjen e Spitalit, intervenojnë zjarrfikësit appeared first on Telegrafi.

Një javë pas kontrolleve të bëra nëpër institucionet e vendit, me theks të veçantë shkollat fillore dhe të mesme, nga dita e martë, inspektorati komunal në Tetovë do të dalë në terren për të kontrolluar, nëse janë plotësuar rekomandimet e dhëna apo jo. Fillimisht do të inspektohen shkollat, ku nga kontrolli i përgjithshëm rezultoi se 99 për qind e tyre nuk plotësojnë kushtet për mbrojtje kundër zjarrit. Nga komuna e Tetovës paralajmërojnë dënime të ashpra për të gjithë drejtorët që nuk kanë plotësuar rekomandimet e dhëna.

“Janë kryer 24 kontrolle, përfshi shkollat e mesme çerdhet dhe universitetet. Nga gjitha këto kontrolle, kushtet i kanë plotësuar vetëm, “Nikolla Shtejn”, “Besa”, çerdhja “Rinia”, “Maarif”, dhe Universiteti i Evropës Juglindore. Inspektorati komunal në shkollat dhe objektet që kontrolloi, iu dha afat institucioneve shtetërore dhe shkollave që të marrin masat e duhura për të siguruar nevojat, ose në të kundërtën do merren masa konform ligjit. Nga e marta inspektorati do jetë në terren për të parë nëse janë zbatuar urdhëresat”, tha Albion Alili, Zëdhënës i Komunës së Tetovës.

Në gjendje të keqe rezultojnë edhe objektet fetare në vend të cilat sipas raportit final të inspektoratit, nuk plotësojnë aspak kushtet për mbrojtje kundër zjarrit, bashkë me Universitetin e Tetovës, ku sipas kontrolleve të kryera, ka rezultuar se asnjë aparat për shuarje të zjarrit nuk ka qenë funksional. Zjarrfikësit rekomandojnë që këto kushte të plotësohen sa më shpejtë, dhe mos lejohet përsëritjan e tragjedive të mëdha siç ishte rasti i Koçanit.

“Janë kontrolluar 19 xhami dhe pesë kisha, nga të cilat, asnjëra nuk plotëson kushtet e nevojshme. UT në momentin që inspektorati bëri kontroll, pajisjet kundër zjarrit kanë qenë me afat të skaduar dhe jo funksionalë. Ka pasur edhe disa lëshime të tjera”, tha Albion Alili, Zëdhënës i Komunës së Tetovës.

Rasti i Koçanit ishte nxitja kryesore që inspektorati komunal, të nisë kontrollet në Tetovë, të cilat për fat të keq, nxorën në pah se 90 për qind e objekteve me karakter publik, fetar por edhe objektet hotelerike, nuk plotësonin aspak kushtet për mbrojtje nga zjarret. Rasti më i rëndë rezultoi në njërën nga shkollat më të mëdha të Tetovës, shkolla “Istigball” e cila, edhe pse ka më se një mijë nxënës, lere që nuk kishte aparate funksionale kundër zjarrit, por nuk kishte aspak as hidrantët për shuarje të zjarreve./Alsat.mk

The post Tetovë, kontrolle intensive nga dita e martë për pajisjet kundër zjarrit appeared first on Telegrafi.

Një zjarr ra këtë mesditë në një sahat matës të kabinës elektrike në një pallat në Shkodër.

Si pasojë e tymit që ka përfshirë të gjithë pallatin, është bërë edhe evakuimi i disa banorëve. Forcat zjarrfikëse ndërhynë për të normalizuar situatën.
Ndërkohë, grupi hetimor po punon për të zbardhur ngjarjen.

The post Merr flakë sahati i energjisë elektrike në Shkodër, evakuohen banorët e një pallati appeared first on Lapsi.al.

Një banesë në lagjen “Makaj” në Malësi të Madhe është përfshirë nga flakët. Shkak dyshohet se është bërë një shkëndijë elektrike.

Si pasojë janë shkaktuar vetëm dëme materiale.

Grupi hetimor në vendngjarje po punon për përcaktimin e shkakut të rënies së zjarrit.

The post Përfshihet nga flakët një banesë në Malësinë e Madhe appeared first on Lapsi.al.

Përfshihet nga flakët një banesë në fshatin Sallonjas të Kolonjës. Sipas të dhënave paraprake, mësohet se në banesë jetonte i vetëm një 80 vjeçar, i cili është nxjerrë nga zjarrfikësit dhe u dërgua në spital pasi ka pësuar djegie në trup.

Raportohet se ai është jashtë rrezikut për jetën. Banesa u përfshi e gjitha nga flakët pasi ndikoi edhe era e fortë.

Policia ndodhet në vendngjarje për zbardhjen e rrethanave ndërsa ekspertët do të përcaktojnë shkakun e rënies së zjarrit.

The post Përfshihet nga flakët një banesë në Kolonjë, shpëtohet 80-vjeçari appeared first on Lapsi.al.

Një makinë është përfshirë nga flakët mesditën e sotme në Tiranë pranë rrugës së “Kavajës”.

Nga kjo ngjarje fatmirësisht pa të lënduar në njerëz.

Nga vendi i ngjarjes raportohet se makina është përfshirë në flakë në pjesën e përparme të saj, ndërsa ndërhyrja e zjarrfikësve ka bërë të mundur shuarjen e zjarrit.

The post Përfshihet nga flakët një makinë në Tiranë appeared first on Lapsi.al.

Gjithçka që përfshihej brenda një hapësirë prej mbi 40 hektarësh në zonën e njohur si “Kulla e Qelisë” të Bjeshkëve t Deçanit u bë shkrumb e hi.

Zjarri që kishte filluar të shtunën, u përhap shpejtë në këtë zonë i ndihmuar edhe nga erërat.

Ekipet e zjarrfikësve të Deçanit e Junikut dhe numër u madh i vullnetarëve mesditën e së dielës ishin ende në luftë me flakët.

“Deri tash në një perimetër shumë të madh është lokalizuar zjarri, diku janë 40-50 hektar, tereni siç po shihet është shumë i vështirë dhe rrezikshëm”, ka theksuar për RTVDukagjini, Shaqë Mati, zjarrfikës.

Ndaljen e zjarrit e bënte edhe më të vështirë terreni i papërshtatshëm.

Rruga për të arritur deri tek pjesa e malit që është duke u djegur është goxha e vështirë dhe atje mund të arrihet veç me pajisjet të cilat i posedojnë organet kompetente, megjithatë në këtë djegie të malit e cila po bëhet në këtë pjesë të Deçanit e mirë është që nuk ka shtëpi dhe banorë që janë duke banuar atje të cilët mund të ishin rrezikuar.

Ndërkaq, pak kohë më vonë komandanti i “Brigadës së Zjarrfikësve” në këtë komunë tha që zjarri është lokalizuar, dhe se pa ndihmën e ofruar do ishte e pamundur.

“Ka qenë një zjarrë shumë i madh dhe ka pas shumë telashe, jemi mobilzu me krejt zjarrfikësit që kemi pas, ka pas vullnetarë me të cilët jemi mundu edhe sot tërë ditën prej mëngjesit duke ndal zjerm”, ka deklaruar Besim Selmanaj, Komandant i Brigadës së Zjarrfikësve në Deçan.

Ndërkaq, shkaktimin e tij kryetari i komunës Bashkim Ramosaj po e sheh të shkaktuar veç nga dora e njeriut.

“Ajo që nuk do ndonjë koment është që zjarri nuk ka arsyetim tjetër është zjarr i vendosur prej ndonjë njeriu, prej pakujdesie dikush që shkon me bo piknik ose shëtitje”, ka theksuar Bashkim Ramosaj, kryetar i Komunës së Deçanit.

Televizioni ka kontaktuar me përfaqësues të policisë e prokurorisë në rajonin e Pejës, por nuk ka arritur të marrë një përgjigje nëse rasti i fundit i zjarreve, tashmë është duke u hetuar si zjarrëvenie e qëllimshme.

The post Mbi 40 hektarë mal digjen në Bjeshkët e Deçanit, shkaktar dyshohet të jetë dora e njeriut appeared first on Telegrafi.

Tek zjarrfikësja e Vlorës mesditën e kësaj të mërkure ka mbërritur një telefonatë nga një prej banorëve të zonës, i cili bënte me dije se një makinë është djegur në brendësi të lagjes “24 Maji”. Një automjet zjarrfikës dhe tre efektivë, janë nisur menjëherë drejt vendit të ngjarjes, teksa në një pjesë të intenerarit kanë […]

The post “Hajdeni se po digjet një makinë”/ Një alarm fals “ngre në këmbë” zjarrfikësit në Vlorë appeared first on BoldNews.al.

Zjarri ka përfshirë një banesë në lagjen “Skënderbeg” në Lezhë. Flakët kanë nisur në katin e tetë të një pallati.

Fatmirësisht, nuk raportohet për persona të lënduar, ndërsa zjarri ka shkaktuar vetëm dëme materiale. Pronari i banesës është shprehur se ka patur një shkëndijë elektrike dhe e ka konstatuar me vonesë.

Kur ka vënë re zjarrin ka tentuar të shuajë flakët por nuk ka mundur. Ndërsa kanë qenë komshinjtë ata që kanë njoftuar menjëherë zjarrfikësit dhe policinë.

/abcnews.al/

Zjarret që “përfshinë” Kaliforninë dhe dogjën mijëra shtëpi, përfshirë atë të Paris Hilton, e ndihmuan djalin e saj të vogël të vendoste herët për orientimin e tij profesional.

Në një intervistë, 43-vjeçarja ka treguar se djali i saj dyvjeçar dëshiron të bëhet zjarrfikës në të ardhmen.

Ajo tha se ishte thellësisht “e lënduar për të gjithë ata që humbën gjithçka” pas shkatërrimit të shkaktuar nga zjarret. “Familjet, fëmijët, kafshët. Është thjesht zemërthyese të shohësh se çfarë ndodhi në Kaliforni”, tha Paris, siç raporton People.

Komentet e reja të Hilton vijnë pasi ylli zbuloi se çfarë ka mbetur nga shtëpia e saj në Malibu, e cila është shkatërruar plotësisht.

“Unë qëndroj këtu në atë që dikur ishte shtëpia jonë dhe dhimbja e zemrës është vërtet e papërshkrueshme. Kur e pashë për herë të parë lajmin, u trondita, nuk munda ta përpunoja. Por tani, duke qëndruar këtu dhe duke e parë me sytë e mi, ndjej se zemra ime është thyer në një milion copë”, ka shkruar ajo në një postim në rrjetet sociale./abcnews.al

Pretendimi: Kjo video tregon shefin e zjarrfikësve të Los Angeles

Verdikti: E pavërtetë

——————————————

Në rrjete sociale po qarkullon video e një balerini shoqëruar me pretendimin se ai është shefi i zjarrfikësve të qytetit të Los Angeles. 

Me anë të motorit të kërkimit pamor Google Lens, Faktoje gjeti se video e mësipërme është postuar fillimisht në Instagram më 3 janar 2025 nga llogaria yung_x_lois, i cili duket se është balerini në video.

Balerini në video quhet Kouadio Davis dhe kërcen me kompaninë amerikane të baletit Dance Theatre of Harlem në New York.

Ndërkohë, shefja e zjarrëfikësve të qytetit të Los Angeles, sipas faqes zyrtare të Departamentit të Zjarrfikësve, është Kristin M. Crowley.

The post Departamenti i zjarrfikësve në Los Angeles nuk drejtohet nga ky balerin appeared first on Faktoje.al.

Një ndërtesë është përfshirë nga flakët mbrëmjen e kësaj të enjte në lagjen Emshir të Prishtinës. Nuk dihet ende se çfarë e ka shkaktuar zjarrin, ndërkohë raportohet se vendi i ngjarjes është mbushur me autoambulanca, policë dhe ekipe të tjera të nevojshme.

Në videon e publikuar nga mediat vendase, shihen banorët e bllokuar në ndërtesën e përfshirë nga zjarri, teksa këkojnë ndihmë dhe komunikojnë me ekipet e policisë.

Ekipet e shpëtimit kanë shkuar në vendin e ngjarjes dhe po mundohen të shpëtojnë banorët e bllokuar, sakaq autoritetet kanë nisur hetimet për përcaktimin e shkaqeve të zjarrit. Flora Ahmeti, zëdhënëse e policisë për rajonin e Prishtinës, konfirmoi për mediat e Kosovës se zjarri është lokalizuar.

Në bazë të të dhënave që posedon policia, deri më tani 13 personave u është ofruar ndihmë mjekësore, kryesisht probleme që janë shkaktuar nga tymi. Policia thotë se kanë nisur hetimet për të përcaktuar shkaqet e rënies së zjarrit. ©LAPSI.al

The post PAMJET/ Përfshihet nga flakët një pallat në Prishtinë, 13 persona në spital appeared first on Lapsi.al.

Teksa Los Angeles është duke u përpëlitur për të përballuar “ferrin” e zjarreve që u shfaqën papritur, të gjithë ngrenë pyetjen që ka pasoja të thella ekonomike, financiare dhe politike: Çfarë i ndezi zjarret që u kanë marrë jetën të paktën 24 personave?

Zjarret Palisades dhe Eaton kanë djegur më shumë se 12 mijë ndërtesa dhe pritet të jenë më të kushtueshmit në historinë e SHBA me vlerësime që variojnë nga 50 deri në 150 miliardë dollarë.

Ajo që dihet është se kishte pasur një zjarr të vogël pranë Palisades, një javë më parë, në ditën e Vitit të Ri. Kjo është dhe një nga vatrat më të mëdha. A mund të jetë rindezur prushi i zjarrit të vjetër? Shtëpitë që u dogjën në zjarrin e Eaton thuhet se kishin ende energji elektrike mes erërave të forta përpara se të shpërthente ferri.

A ishin fajtore linjat elektrike të rrëzuara në tokë? Një “person i dyshimtë” u identifikua pranë zjarrit në Kenneth. A është ndonjëri nga zjarret vepër e qëllimshme?

Zyrtarët deri më tani kanë qenë rezervuar dhe të kujdesshëm. Ata nuk kanë ende një përgjigje të qëndrueshme. Thonë se do të flasin sapo të mund të përfundojnë hetimet komplekse që shpesh marrin muaj të tërë.

Rrufetë janë burimi më i zakonshëm i zjarreve në SHBA, sipas Shoqatës Kombëtare të Mbrojtjes nga Zjarri. Megjithatë hetuesit e përjashtuan menjëherë këtë si shkak. Nuk pati raportime për ndonjë rrufe në zonën Palisades ose terrenin rreth zjarrit Eaton. Dy shkaqet e tjera më të zakonshme janë: zjarre të ndezura qëllimisht ose ato të shkaktuara nga linjat e energjisë elektrike.

Deri më tani nuk ka asnjë indikacion zyrtar për zjarrvënie të qëllimshme në asnjërën nga vatrat, por edhe linjat e energjisë nuk janë identifikuar ende si shkak.

Nëse rrufetë, zjarrvëniet e qëllimshme dhe linjat e energjisë janë shkaqet më të zakonshme, djegia e mbeturinave dhe fishekzjarrët renditen gjithashtu si mundësi. Zjarret mund të nxiten nga burime të panumërta, përfshirë edhe aksidentet.

“Ka shumë dezinformata që qarkullojnë dhe shumë njerëz duan përgjigje, gjë që është e kuptueshme. Ne do t’i japim ato përgjigje, por ne duhet të marrim njerëz shtesë dhe të hetojmë” – tha Ginger Colbrun, një zëdhënëse e Byrosë Amerikane të Alkoolit, Duhanit, Armëve të Zjarrit dhe Eksplozivëve, agjencia kryesore që heton shkakun e zjarrit në Palisades.

Por me zjarret që ende po digjen dhe urdhrat e rinj të evakuimit, hetuesve do t’u duhet ende kohë për të mbledhur faktet.

Ekspertët thonë se shkaku i zjarreve mund të jetë jashtëzakonisht i vështirë për t’u hetuar për arsye të dukshme, duke përfshirë intensitetin dhe temperaturën e zjarreve të tilla të mëdha që shkatërrojnë pothuajse gjithçka në rrugën e tyre. Megjithatë, shkenca është bërë jashtëzakonisht e avancuar dhe teknike dhe në mjediset urbane mund të mbështetet në sasi të mëdha të të dhënave të disponueshme, u shpreh Ginger. ©LAPSI.al

The post Teoritë/ Çfarë i shkaktoi zjarret masive në Los Angeles appeared first on Lapsi.al.

Autoritetet amerikane po vijojnë të mbajnë të bllokuar qarkullimin në shumë zona të Los Angeles i përfshirë nga zjarre masive që kanë shkaktuar deri tani të paktën 10 viktima. Deri tani llogariten mbi 10 mijë ndërtesa të shkrumbuara me dëme që thuhet se kanë arritur në miliarda dollarë. 2 nga 4 vatrat e zjarrit janë ende jashtë kontrollit.

Problem mbeten për autoritetet plaçkitjet në zonat ku është urdhëruar evakuimi i banorëve. Deri tani ka pasur të paktën 20 të arrestuar për vjedhje të banesave dhe bizneseve. Pamjet satelitore të kompanisë së njohur Maxar tregojnë se si lagje të tëra, disa me shtëpi jashtëzakonisht të shtrenjta janë bërë hi për pak orë.

Shtëpi të djegura ka edhe në Malibu në bregdetin e Paqësorit, që para zjarreve ishte një nga më të bukurat në zonë.

Kjo lagje është shkatërruar tërësisht brenda pak orësh.

Në këtë tjetrën, kjo lagje u fshi në pak orë.

Të vetmit persona që lejohen të hyjnë në këto zona janë zjarrfikësit, urgjencat dhe persona të zonës. Ata që shkelin urdhrat mund të arrestohen ose gjobiten. Autoritetet theksojnë se shtetrrethimi “do të zbatohet rreptësisht” për të rritur sigurinë publike, për të mbrojtur pronën dhe për të parandaluar thyerjet ose plaçkitjet në zonat që banorët janë evakuuar.

“Ne nuk bëjmë shaka për këtë,” paralajmëroi sherifi, duke thënë “ne nuk duam që dikush të përfitojë nga fatkeqësia”.

Ditën e sotme është raportuar për arrestimin e një personi që ka tentuar të ndezë një zjarr në zonën e Woodland Hills. Ai është duke u marrë në pyetje, por ende nuk dihet nëse janë ngritur akuza për zjarrvënie.

LEXO EDHE: “Ferri në qytetin e engjëjve”/ Pamjet apokaliptike të zjarrit në Los Angeles

Në total, rreth 10 000 zjarrfikës dhe 600 ushtarë të Gardës Kombëtare po luftojnë në disa fronte. 1059 zjarrfikëse, 143 cisterna uji si dhe 116 makina janë ende në aksion. Helikopterët dhe avionë zjarrfikës po operojnë nga ajri.

– Në vatrën Palisades zjarri ka djegur mbi 80 mijë hektarë dhe mbetet pothuajse tërësisht i pakontrolluar. Më shumë se 3 000 zjarrfikës dhe personel tjetër janë hedhur në betejë. Kushtet e motit janë të rrezikshme pasi priten erëra të forta.

– Fronti Eaton ka djegur mbi 48 000 hektarë dhe është ende pothuajse i pakontrollueshëm. 1500 njerëz operojnë në këtë front.

– Fronti Hurst ka djegur mbi 3000 hektarë dhe është pjesërisht i kontrolluar. Urdhrat për evakuim të shtëpive janë hequr.

– Fronti Kenneth është pjesërisht i kontrolluar, por ka djegur 4000 hektarë. Edhe këtu janë hequr urdhrat e evakuimit.

Për momentin numri i personave që janë urdhëruar të evakuohen është 153 000 dhe 166 800 të tjerë janë gati ta bëjnë këtë nëse u kërkohet. ©LAPSI.al

The post Si ishte dhe si është/ PAMJET dramatike nga ajri të zjarrit në Los Angeles appeared first on Lapsi.al.

Të paktën 2 persona kanë vdekur dhe dhjetëra mijëra janë urdhëruar për një evakuim të detyrueshëm pasi zjarret janë jashtë kontrollit në zonën më të madhe të Los Angeles në SHBA. Erërat e forta penguan përpjekjet e zjarrfikësve për të vënë flakët nën kontroll ndërsa zyrtarët paralajmëruan edhe për mungesë të ujit.

Më shumë se 70 mijë njerëzve u është kërkuar të ikin nga shtëpitë e tyre pasi flakët janë duke përparuar me shpejtësi të madhe. Sipas autoriteteve, vlerësohet se deri tani janë shkrumbuar mbi 1000 ndërtesa.
Edhe kushtet e motit nuk po ndihmojnë pasi në vijim parashikohen erëra të forta (128-160 km/h) dhe kushte të thata që do të vazhdojnë të favorizojnë përhapjen e zjarrit. Flakët shpërthyen fillimisht në lagjen Pacific Palisades ndërsa 4 vatra të tjera u përhapën në periferi të qytetit.
Guvernatori demokrat i Kalifornisë, Gavin Newsom shpalli gjendjen e jashtëzakonshme. Reagime të forta ka shkaktuar fakti se kryetarja demokrate e qytetit, Karen Bass ndodhet për një vizitë zyrtare në Ganë ndërkohë që flakët po përparojnë.

Komentuesit kanë vërshuar në faqen e kryebashkiakes në Facebook duke i bërë thirrje që ajo të kthehet menjëherë në Los Angeles. Rreth 3 000 hektarë vlerësohet të jenë djegur deri tani.

Zona është shtëpia e shumë yjeve të Hollivudit dhe muzikës disa prej të cilëve gjithashtu janë detyruar të lënë shtëpitë e tyre. Aktori James Woods shkroi në X se ishte në gjendje të ikte, por shtoi: “Nuk e di tani nëse shtëpia jonë është ende në këmbë”.

Për shkak të evakuimeve masive rrugët u mbushën me automjete me njerëz që përpiqeshin të largoheshin nga zona. Shumë u detyruan të braktisnin makinat e tyre pasi flakët iu afruan rrezikshëm. Zjarri shkaktoi një re të madhe tymi që duket nga i gjithë qyteti. Qyteti fqinj i Malibu, i cili pësoi një zjarr të madh në dhjetor, vendosi të mbyllë shkollat. Më shumë se 220 mijë shtëpi dhe biznese në Los Angeles County janë pa energji.

Zjarri i dytë i madh shpërtheu rreth 50 kilometra në brendësi të Pasadenës. Deri më tani ai ka djegur më shumë se 2200 hektarë dhe mbetet plotësisht jashtë kontrollit. Të paktën 700 zjarrfikës janë përfshirë në shuarjen e tij. 2 personat që u gjetën të vdekur humbën jetën në këtë front. Shumë të tjerë vlerësohet të jenë plagosur.

Zyrtarët e zjarrfikësve thanë se një zjarr i tretë po digjte zonën Sylmar të luginës San Fernando në veriperëndim të Los Anxhelosit. Zjarri në fjalë vlerësohet të ketë djegur deri tani rreth 500 hektarë. Një zjarr i katërt, shumë më i vogël është raportuar nga zyrtarët në qarkun Riverside. Ndërsa zjarri i pestë ka djegur aktualisht 75 hektarë. ©LAPSI.al

The post “Ferri në qytetin e engjëjve”/ Pamjet apokaliptike të zjarrit në Los Angeles appeared first on Lapsi.al.