TIRANË, 17 gusht /ATSH/ Dy shtetas janë vënë në pranga pasi u kapën në flagrancë, në parcelën ku kishin kultivuar 1 299 bimë narkotike dhe 1 000 fidanë, në fshatin Rogam.

Gjithashtu, u proceduan penalisht, për shpërdorim të detyrës, tre kryetarë fshatrash.

Shërbimet e Drejtorisë Vendore të Policisë Shkodër dhe të komisariateve në varësi vijojnë me intensitet kontrollet në të gjithë territorin e qarkut, në vijim të operacionit policor të koduar “Koordinata”, me qëllim goditjen e rasteve të kultivimit të bimëve narkotike.

Në territorin e njësisë administrative Kelmend, shërbimet e Komisariatit të Policisë Malësi e Madhe gjetën dhe asgjësuan 1 726 bimë dhe 1000 fidanë të dyshuar narkotikë, të llojit Cannabis Sativa. Gjithashtu, nga ana e Sektorit për Hetimin e Narkotikëve në DVP Shkodër, u kapën në flagrancë në parcelë shtetasit A. R., 35 vjeç, dhe K. R., 42 vjeç, banues në Njësinë Administrative Kastrat, të afërm me njëri-tjetrin. Ata u kapën në flagrancë pasi, në afërsi të banesave të tyre, kishin kultivuar 7 parcela me 1 299 bimë dhe 1 000 fidanë. Këta shtetas u arrestuan për veprën penale “Kultivimi i bimëve narkotike”.

Gjithashtu, në afërsi të banesës së shtetasit K. R., u gjet një lidhje e paligjshme e energjisë elektrike.

Në territorin e njësive administrative Gur i Zi dhe Postribë, shërbimet e Komisariatit të Policisë Shkodër gjetën dhe asgjësuan 2713 bimë të dyshuara narkotike, të llojit Cannabis Sativa.

Në vijim të veprimeve procedurale, u referuan materialet në Prokurori, ku nisi procedimi në gjendje të lirë për veprën penale “Shpërdorimi i detyrës”, për kryetarin e fshatit Vilz, shtetasin F. L.; për kryetarin e fshatit Ura e Shtrenjtë, shtetasin R. M.; dhe për kryetarin e fshatit Domen, shtetasin R. B.

Në territorin e njësisë administrative Shllak, shërbimet e Komisariatit të Policisë Vau i Dejës gjetën dhe asgjësuan 2592 bimë të dyshuara narkotike, të llojit Cannabis Sativa.

Policia thekson se, vijon puna për identifikimin, kapjen dhe vënien para përgjegjësisë penale të autorëve të kultivimit të bimëve narkotike.

Operacioni antikanabis i koduar “Koordinata” vijon në të gjithë territorin e qarkut Shkodër.

/gj.m//a.f/

The post Kultivuan 1 299 bimë narkotike dhe 1 000 fidanë, dy në pranga, procedohen tre kryetarë fshatrash appeared first on Agjencia Telegrafike Shqiptare.

Tre plantacione të mëdha me mbi 7600 bimë narkotike dhe fidanë, janë zbuluar nga policia në qarkun e Shkodrës. Policia bëri me dije se 2 persona janë arrestuar nga policia. Sipas ,bluve’ Angjelin Ripaj dhe Kujtim Ripaj, kishin kultivuar 7 parcela me 1299 bimë dhe 1000 fidanë. Këta shtetas u arrestuan për veprën penale “Kultivimi […]

The post Zbulohen tre plantacione me mbi 7600 bimë kanabisi në Shkodër, arrestohen dy persona (EMRAT) appeared first on BoldNews.al.

TIRANË, 15 gusht/ATSH/ Në Poliklinikën e Specialiteteve në Shkodër nga 1 qershori deri më 15 gusht janë kryer 13 400 vizita ambulatore.

Lajmi u bë i ditur nga ministrja e Shëndetësisë dhe Mbrojtjes Sociale, Albana Koçiu në një postim në rrjetet sociale.

Koçiu informoi gjithashtu se “në Urgjencën e Spitalit Rajonal Shkodër janë kryer 11,471 vizita, mes tyre 323 shtetas të huaj”.

Dr. Egir Lezha, shef shërbimi në Poliklinikën e Specialiteteve në Shkodër, në videon e publikuar nga Koçiu, tha se “poliklinika pas rikonstruksionit është në funksion të plotë, kemi rritur cilësinë e kujdesit shëndetësor me kompletimin e stafit mjekësor,  me specialistë. Kemi dubluar disa specialitete që janë shumë të nevojshme. Gjithashtu kemi krijuar një sistem referimi të brendshëm për konsulta të ndërlidhura, kemi kompletuar poliklinikën me staf të mesëm mjekësor për çdo specialitet”.

“Është rritur fluksi i pacientëve, sidomos mosha pediatrike dhe moshat e treta. jemi të përgatitur për çdo fluks të pacientëve”, tha Lezha.

Poliklinika e Specialiteteve në Shkodër ofron tashmë shërbime shëndetësore në kushte bashkëkohore, me ambiente të rikonstruktuara dhe pajisje diagnostikuese të gjeneratës së fundit, duke iu shërbyer mbi 200,000 banorëve të Shkodrës dhe zonave përreth.

Në poliklinikë janë 22 specialitete mjekësore të mbështetura nga kabinete moderne për imazheri, radiografi, ekografi dhe mamografi, që sigurojnë diagnozë të saktë dhe kujdes cilësor për të gjithë.

/k.s//a.f/

The post Koçiu: 13 400 vizita ambulatore në Poliklinikën e Specialiteteve Shkodër nga 1 qershori deri më 5 gusht appeared first on Agjencia Telegrafike Shqiptare.

Një trafik i rënduar është krijuar në autostradën Fushë Milot- Lezhë-Shkodër. Prej më shumë se dy orësh makinat kanë ngelur të bllokuar për shkak trafikut të rënduar. Situata është rënduar edhe nga mbyllja e urës së vjetër të Milotit, e cila sipas autoriteteve rrezikon shembjen. Kjo ka detyruar drejtuesit e mjeteve të përdorin vetëm një […]

The post Trafik i rënduar në autostradën Fushë Milot-Lezhë, makinat e bllokuara mbi dy orë appeared first on BoldNews.al.

TIRANË, 15 gusht/ATSH/ Shkodra, me bukuritë e shumta natyrore dhe historike, është kthyer në destinacion mjaft të kërkuar për vizitorët vendas, por edhe për turistët e huaj.

Promovimi i potencialit turistik që ofron kryeqendra e veriut, mbetet pika e fortë e numrit gjithnjë e në rritje të turistëve të huaj që zgjedhin këtë destinacion.

Kryeministri Edi Rama ndau sot në rrjetet sociale momente nga ajo që e cilësoi “mikpritja e veçantë e Shkodrës në aeroportin ‘Nënë Tereza'”, një tjetër gjetje për të promovuar “ngjyrat” e qytetit tek turistët e huaj.

“Një pikë takimi për të gjithë vizitorët që zgjedhin Shkodrën për të shijuar bukuritë natyrore dhe trashëgiminë kulturore”, shkruan Rama, krahas videos ku turistët marrin ftesën e parë për të vizituar Shkodrën sapo mbërrijnë në Aeroportin “Nënë Tereza”.

Zonat më të vizituara në Shkodër mbeten Velipoja, Thethi, zona e Liqenit të Shkodrës, Pedonalja e Shkodrës, Kalaja e Rozafës.

Përveç pasurive natyrore, Shkodra ka edhe një ofertë të rëndësishme kulturore ku Muzeu “Marubi”, Muzeu i Dëshmisë dhe Kujtesës, Muzeu “Oso Kuka”, Muzeu i Kalasë, të cilët ngjallin kureshtjen e turistëve.

/m.m/j.p/

The post Rama: Mikpritja e veçantë e Shkodrës në aeroportin “Nënë Tereza” appeared first on Agjencia Telegrafike Shqiptare.

Fatmirësisht, ndërhyrja e shërbimit zjarrfikës ka bërë të mundur neutralizimin e tyre në kohë, duke shmangur pasoja më të rënda.

“Nga qershori deri tani, kemi diku tek 242 raste zjarri. Për gushtin kemi 45 raste zjarri. Kemi pasur 2-3 raste të vështira. Një në Mali Hebe, që tentoi të kalonte në anën e Berdicës, por u ndërhy me 8 mjete. Kemi pasur edhe në Velipojë, ku era ishte shumë e fuqishme“, shpjegon Agim Ponari, drejtor i Shërbimit Zjarrfikës Shkodër.

“Shumica e zjarreve janë nga pakujdesia, pasi nga përvoja e kuptojmë se zjarre të qëllimshme quajmë ato ku nuk ka banesa, nuk ka lëvizje të njerëzve dhe aktivitet; dikush shkon aty për atë qëllim. Ndërsa tek ne, shumica e zjarreve janë në zona të banuara, anës rrugës, në ngastra tokash, ku dikush hedh një cigare, pastron mbetjet dhe zjarri kalon përmasat dhe nuk arrin të shuhet pa ndërhyrjen tonë“, thotë Ponari.

Aktualisht, sipas të dhënave të Shtabit të Emergjencave të Qarkut, e vetmja vatër aktive ndodhet në Fushë-Arrëz. Për shuarjen e saj po ndërhyhet edhe me helikopter.

The post Në Shkodër 230 raste zjarresh, kreu i zjarrfikësve: Shumica nga pakujdesia njerëzore appeared first on Albeu.com.

TIRANË, 14 gusht /ATSH/ Strukturat e Emergjencave Civile të Shkodrës ndodhen aktualisht në terren, në fshatin Xath të Bashkisë Fushë-Arrëz, ku po koordinojnë veprimet me autoritetet vendore, Forcat e Armatosura dhe ekipet mbështetëse për izolimin e vatrës së zjarrit.

Në operacion është angazhuar edhe një helikopter, i cili ka mbërritur për të ndihmuar në ndërhyrje.

Ministria e Mbrojtjes bën me dije se po ndiqen të gjitha procedurat për të garantuar sigurinë e banorëve dhe për të përballuar situatën sa më shpejt dhe me sa më pak pasoja.

“Strukturat e Emergjencave Civile në Shkodër ndodhen në terren, në fshatin Xath të Bashkisë Fushë-Arrëz, duke koordinuar veprimet me strukturat vendore, Forcat e Armatosura dhe helikopterin e mbërritur për ndërhyrje”, theksoi Ministria e Mbrojtjes në një njoftim.

1 nga 2

/gj.m/j.p/

The post Zjarret, MM: Ndërhyrje me helikopter në fshatin Xath appeared first on Agjencia Telegrafike Shqiptare.

Të premten e 8 gushtit, Oltioni, një emigrant shqiptar i kthyer për pushime nga Italia, u nis nga Lezha drejt aeroportit të Rinasit në orën 15:00. Fluturimi për në Itali ishte planifikuar në orën 20:30, por ai e humbi atë. “Në orën 20:30 kisha avionin dhe llogarita të nisesha rreth 5 orë para nga Lezha, […]

The post Kostot e harresës: Dëmtimi i urës mbi Mat bllokon turistët dhe veriun appeared first on Reporter.al.

Gushti  ka shtuar numrin e turistëve në Shkodër.  Kjo reflektohet nga të dhënat e  agjencive turistike, hoteleve e   muzeve.

Natyra,  kultura,  historia dhe mikëpritja janë ato që I tërheqin më tepër të huajt që e vizitojnë.

“Shkodra ka histori dhe kulturë shumë të këndshme.Të gjithë janë shumë të ngrohtë.E shoh Shqipërinë si një vend shumë të dashur, të bëjnë të ndihesh si në shtëpi. Është shumë këndshëm të vish këtu”.

“Po, është hera jonë e parë në Shqipëri dhe në Shkodër.Tani të vizitosh Shqipërinë është shumë trend, shumë popullore.Gjithashtu kemi pjesëtarë familjeje që jetojnë në Tiranë.”

“Jam nga Franca.Shqipëria është ende një vend jo shumë i njohur nga turistët, kështu që erdhëm ta zbulojmë.Jemi këtu prej dy ditësh dhe është mirë.Na pëlqejnë rrugët, liqeni.  Më pas do të shkojmë të shikojmë kalanë”.

Të afërmit jua kanë sygjeruar  atyre ndërsa ata vetë thotë se do tjua rekomandojnë miqve.

“Jam nga Zelanda e Re.Jam këtu prej disa javësh, rreth një muaji, por është hera e parë që vij.Kam ardhur për të bërë hiking nga Valbona në Theth.E zgjodha sepse një shoqe është zhvendosur nga Zelanda e Re këtu dhe më tha se është shumë këndshëm.Po, ka alternativa të mira, është lirë, hiking i mirë dhe shumë shëtitje.”

“Jam nga Australia.Më pëlqen Shqipëria shumë.Malet janë shumë të bukura, ushqimi shumë i mirë. E rekomandoj.”

Ndërsa  emigrantët shqiptarë që kthehen pas shumë vitesh në Shkodër  ndjejnë kënaqësi kur shohin ndryshimet pozitive në qytet.

Të huaj e vendas  thotë se  kushdo që vjen në Shqipëri të mos largohet pa shijuar plazhet, malet, liqene dhe trashgiminë kulturore të vendit./abcnews.al

Disa njësi administrative dhe bashki të vogla do të rrezikojnë të mbeten vetëm toponime ne një të ardhme jo të largët nga rënia e fortë e lindjeve sidomos në katër vitet e fundit. Të dhënat e krahasueshme të INSTAT tregojnë së ndërmjet 6 mujorit të parë 2021 dhe atij 2025 lindjet kanë pësuar rënie drastike […]

The post Shpopullimi alarmant i Shqipërisë/ Rënie drastike e lindjeve, mbi 35% në Shkodër, Korçë dhe Dibër appeared first on BoldNews.al.

Detaje të reja janë mësuar nga ngjarja e rëndë që është shënuar mesditën e sotme në aksin rrugor Muriqan-Shkodër, ku një 30-vjeçare u qëllua me armë dhe mbeti e plagosur. U raportua se Edison Probatistaj ka qëlluar Erisa Isufin për motive të dobëta. 30-vjeçarja ndodhet në kujdesin e mjekëve dhe jashtë rrezikut për jetën. “Muriqan, […]

The post EMRAT/ Qëlloi me armë 30-vjeçaren, ja kush është autori i plagosjes në Shkodër appeared first on BoldNews.al.

Një plagosje me armë zjarri ka ndodhur mesditën e kësaj të marteje në aksin rrugor Muriqan-Shkodër. Sipas policisë, një 34-vjeçar dyshohet se, për motive të dobëta, ka plagosur me armë zjarri shtetasen E. I., rreth 30 vjeçe, e cila ndodhet në kujdesin e mjekëve dhe është jashtë rrezikut për jetën. “Muriqan, Shkodër / Informacion paraprak. […]

The post Plagosje në Shkodër, e reja qëllohet me armë nga 34-vjeçari! Ja dyshimet e para appeared first on BoldNews.al.

TIRANË, 12 gusht/ATSH/ Ekspozita e Muzeut “Marubi”, “Pazari i Humbur i Shkodrës: Ringjallja e një kujtese”, rrëfen se si pazari i Shkodrës mori jetë nga uji.

Kuratorja e ekspozitës, Kim Knoppers, tregon se Pazari i Vjetër i Shkodrës ishte vendosur në bashkimin e lumenjve Kir, Drin dhe Buna (ky i fundit derdhet në detin Adriatik). Në kulmin e tij, brigjet e Liqenit të Shkodrës dhe të Lumit Buna ishin të mbushura me dhjetëra anije të ankoruara.

Një treg i veçantë anijesh vepronte aty pranë, duke shitur peshk të freskët dhe mallra detare. Ndonëse nganjëherë shihej si konkurrent i Pazarit të Madh, Pazari i Vjeter funksiononte më shumë si një zgjatim natyror i tij.

Magazina të mëdha, zyra doganore, banka dhe gati 1,500 dyqane formonin një qendër të dendur tregtare. Zyra kryesore e Doganës ndodhej pranë Urës së Bunës, dhe drejtonte tregtinë rajonale.

Këta lumenj jo vetëm që ia formësonin peizazhin, Pazarit të Vjetër, por njëkohësisht ia fuqizonin ritmin e përditshëm të shkëmbimit që dikur përcaktonte jetën e gjallë ekonomike të Shkodrës.

Ekspozita e cila është e hapur çdo ditë në Muzeun “Marubi” (09:00-19:00), përveç objekteve të ardhura nga Muzeu Etnografik i Budapestit, të cilat dëshmojnë për jetën dhe mjeshtërinë artizanale të Pazarit të Vjetër të Shkodrës, rrëfen edhe mbi lidhjen e ngushtë të këtij pazari me detin dhe liqenin, në Ballkanin e fillimshekullit XX. /j.p/

1 nga 3

The post Pazari i Vjetër i Shkodrës dhe jeta ekonomike e qytetit në fillimin e shekullit të 20-të appeared first on Agjencia Telegrafike Shqiptare.

Tirana dhe Shkodra u kthyen këto ditë në epiqendra të ritmit dhe inovacionit muzikor, falë edicionit më të fundit të Festivalit të Muzikës Moderne. Ky aktivitet mblodhi artistë të njohur dhe të rinj të skenës moderne shqiptare, duke ofruar një mozaik tingujsh që përfshinte stile të ndryshme muzikore, nga elektronika, te popi alternativ dhe hip-hopi bashkëkohor.

Në Tiranë, publiku pati mundësi të përjetonte performanca dinamike në ambiente të hapura dhe skena alternative, ku energjia e artistëve dhe ndërveprimi me audiencën krijuan një atmosferë të paharrueshme. Shkodra, nga ana tjetër, u shqua për mikpritjen e ngrohtë dhe përfshirjen aktive të komunitetit lokal, që tregoi një interes të veçantë për formatet moderne të shprehjes muzikore, transmeton KultPlus.

Festivali synon të promovojë diversitetin artistik dhe të krijojë hapësira për bashkëpunim mes artistëve nga Shqipëria dhe rajoni, duke sjellë freski në skenën kulturore vendase. Me këtë edicion, Festivali i Muzikës Moderne konfirmon rolin e tij si një ngjarje kulturore e rëndësishme që i jep zë brezit të ri të krijuesve muzikorë dhe ndërton ura të reja midis qyteteve shqiptare./KultPlus.com

TIRANË, 12 gusht/ATSH/ Velipoja me plazhet e saj është një ndër më të preferuarat për pushuesit vendas e të huaj këtë sezon turistik.

Kryeministri Edi Rama ndau në rrjetet sociale pamje nga plazhi Rrjollit në Velipojë, një tjetër destinacion që tërheq pushues që zgjidhin qetësinë dhe rërën kurative.

Plazhi i Rrjollit në juglindje të Velipojës, që deri para pak vitesh njihej vetëm nga vendasit, tani po kthehet në një prej destinacioneve më të frekuentuara të Shkodrës gjatë verës.

Në juglindje të Velipojës, shtrihet një fshat i bukur dhe kryesisht i panjohur, Boks-Rrjoll, i cili së bashku me plazhin e tij të virgjër me ujëra të kristalta dhe rërë të mbushur me jod, e bëjnë këtë zonë të adhurueshme.

Plazhi i Rrjollit ka një shtrirje prej 4 km në një zonë me pyll e duna të vogla rëre. Plazhi i “strukur”, deri para pak kohëve i shfrytëzuar vetëm nga banorët e këtij fshati, vitet e fundit është kthyer në përzgjedhje të mirëfilltë të pushuesve.

/m.m/j.p/

The post Rama ndan pamje nga plazhi i Rrjollit në Shkodër appeared first on Agjencia Telegrafike Shqiptare.

Në vend vazhdojnë të jenë aktive 30 vatra zjarri në disa qarqe, duke përfshirë Vlorën, Lezhën, Dibër, Berat, Tiranë, Durrës, Gjirokastër, Elbasan, Shkodër dhe Kukës. Në Vlorë, zjarret kanë përfshirë fshatra si Krane, Bolenë, Tërbaç dhe Lukovë, ndërsa situata në Poliçan është përkeqësuar me evakuime në disa zona për shkak të flakëve pranë banesave. Në […]

The post Situata e zjarreve në vend: 30 vatra aktive në 24 orët e fundit appeared first on BoldNews.al.

Policia e Shkodrës ka proceduar penalisht në gjendje të lirë drejtuesin e automjetit, i cili shkaktoi një aksident mbrëmjen e djeshme duke përplasur një efektiv policie. Bëhet fjalë për shtetasin B. N, 61 vjeç, për veprën penale “Shkelja e rregullave të qarkullimit rrugor”. Rreth orës 21:00, në lagjen “Partizani”, ai përplasi efektivin e policisë, shtetasin […]

The post Efektivi përfundon te Trauma, shoferi që e përplasi tek vijat e bardha procedohet në gjendje të lirë appeared first on BoldNews.al.

60-vjeçari ishte rrugës për në punë, teksa u përplas nga një mjet që humbi kontrollin.

”Rreth orës 21:00, në lagjen “Partizani”, shtetasi B. N., duke drejtuar automjetin e tij, dyshohet se ka humbur kontrollin mbi drejtimin e automjetit dhe si pasojë, ka përplasur shtetasin P. K., 60 vjeç, punonjës policie, i cili ishte duke kaluar në vijat e bardha për të shkuar për të marrë shërbimin”, njofton policia.

Punonjësi i Policisë ndodhet nën kujdesin e mjekëve, jashtë rrezikut për jetën.

Grupi hetimor po punon për zbardhjen e rrethanave të aksidentit.

The post Po shkonte të merrte shërbimin e punës, përplaset tek vijat e bardha polici në Shkodër appeared first on Albeu.com.

Një ngjarje e rëndë ka ndodhur në orët e para të mëngjesit të sotëm në fshatin Nënmavriq, Shkodër. Një 47-vjeçar është gjetur pa shenja jete pranë banesës së tij. Dyshohet se shkak për vdekjen është bërë pickimi nga bletët. “Në orët e para të mëngjesit të sotëm, në fshatin Nënmavriq, është gjetur nga familjarët, në […]

The post Gjendet pa shenja jete 47-vjeçari në Shkodër, dyshohet se e kanë pickuar… appeared first on BoldNews.al.