Prodhimi industrial në sektorin Miniera dhe gurorë gjatë muajit korrik të vitit 2025, krahasuar me të njëjtin muaj të vitit paraprak, shënon rënie nga 10.4%, në sektorin Industria përpunuese shënon rritje nga 7.0%, ndërsa në sektorin Furnizim me energji elektrike, gaz, avull dhe ajër të kondicionuar shënon rënie nga 7.5%.

Rritja në sektorin e Industria përpunuese është kryesisht rezultat i rritjes së prodhimit në departamentet e mëposhtme:

– Prodhimi i produkteve të duhanit,
– Prodhimi i tekstileve,
– Prodhimi i veshjeve,
– Shtypja dhe produkcioni i mediave të regjistruara,
– Prodhimi i produkteve të gomës dhe plastike,
– Prodhimi i produkteve të tjera minerale jometalike,
– Prodhimi i produkteve metalike të fabrikuara,përveç makinerive dhe paisjeve,
– Prodhimi i pajisjeve elektrike dhe,
– Prodhimi i makinerive dhe paisjeve të pa përmendura në vend tjetër,
– Prodhimi i automjeteve motorike, rimorkiot dhe gjysmërimorkio,
– Prodhimi i mobiljeve

Sipas grupeve kryesore industriale, prodhimi në muajin korrik të vitit 2025, krahasuar me muajin e njejtë të vitit paraprak, shënon rritje tek Prodhimet intermediare, përveç energjisë për 12.5%, Produktet kapitale për 18.6% dhe Prodhime të qëndrueshme për konsum të gjërë për 2.9% derisa rënie vërehet te Energjia për 6.5% dhe Prodhime jo të qëndrueshme për konsum të gjërë për 8.5%

Indeksi i prodhimeve industriale në periudhën janar – korrik 2025, krahasuar me periudhën janar – korrik 2024, është zmadhuar për 3.0.

The post Prodhimi industrial nga muaji janar deri në korrik ka shënuar rritje prej tre për qind, krahasuar me të njejtën periudhë kohore nga viti i kaluar appeared first on Telegrafi.

Nesër pasdite, gjatë natës dhe të dielën në mëngjes moti do të jetë me vranësira të ndryshueshme dhe i paqëndrueshëm me shira të rrëmbyeshëm lokalë dhe bubullima.

Vende-vende, siç informojnë nga Drejtoria për Punë Hidrometeorologjike (DPHM), proceset do të jenë më intensive në formën e një stuhie me shi më të rrëmbyeshëm dhe në një kohë të shkurtër do të bien mbi 20 litra për metër katror, ​​me erë të fortë mbi 60 kilometra në orë dhe breshër të izoluar.

Në Shkup, nga fundi i ditës dhe gjatë natës, mori do të jetë i paqëndrueshëm me shi të rrëmbyeshëm, bubullima dhe erë të fortë, në pjesë të luginës në formë të një stuhie.

The post DPHM: Fundjava me mot jostabil, shira të rrëmbyeshëm dhe bubullima appeared first on Telegrafi.

Vazhdon afati për shqyrtimin e listës zgjedhore për të gjithë qytetarët në prag të zgjedhjeve lokale. Shqyrtimi i listës nënkupton nevojën për regjistrim, ndryshim apo fshirje nga lista zgjedhore. Interesi i qytetarëve nuk është i ulët. Deri tani listën zgjedhore e kanë kontrolluar gjithsej 1712 persona. Vërejtje ka në të dhënat personale, mungesë në listën zgjedhore por edhe nevojën për fshirjen nga lista.

“Deri më 28.08.2025, gjithsej 1712 qytetarë kanë kryer kontrolle të të dhënave të tyre në listën zgjedhore. Prej tyre, vetëm një ka dorëzuar kërkesë për regjistrim në listën zgjedhore, 19 persona kanë dorëzuar kërkesë për ndryshim të të dhënave personale në listën zgjedhore, dhe një qytetar ka kërkuar fshirjen nga lista”, thonë nga KSHZ.

Kontrolli i listës zgjedhore ka filluar më 23 gusht dhe do të zgjasë 20 ditë, përkatësisht deri më 11 shtator në mesnatë. Qytetarët për çdo plotësim, regjistrim apo ndryshim të të dhënave, mund ta dorëzojnë me shkrim në zyrat rajonale dhe në postën elektronike të KSHZ-së. Shqyrtimi i listës bëhet online përmes faqes së KSHZ-së, SEC.mk.

Aty tregohet saktë se kush në cilin vendvotim dhe në cilën shkollë duhet të votojë. Përpos online, qytetarët listën mund ta shqyrtojnë edhe nëpër pikat rajonale të KSHZ-së. Banorët e Çairit, Butelit, Shuto Orizares dhe Çuçer Sandevës, këtë mund ta bëjnë në pikën që gjendet afër stacionit policor në Butel. Pikat rajonale punojnë nga ora 08:00 deri në ora 20:00, përfshirë fundjavat dhe festat shtetërore./Alsat/

The post Mbi 1700 persona e kanë kontrolluar Listën Zgjedhore appeared first on Telegrafi.

Rreth një muaj pas thirrjeve raciste e antishqiptare në sallën e sportit në Kumanovë, gjatë ndeshjes së basketbollit mes reprezentacionit të Maqedonisë dhe Rumanisë, Policia ende nuk ka dorëzuar kallëzim përkatës në Prokurori për autorët. Nga Ministria e Punëve të Brendshme, për Alsat shpjegojnë se SPB Kumanovë në koordinim me Prokurorinë Themelore të Kumanovës po ndërmarrin aktivitete për zbardhjen e rastit.

“Nga ana e SPB Kumanovë deri më tani janë ndërmarrë masat dhe aktivitetet vijuese me qëllim të zbardhjes së rastit: Është kryer bisedë zyrtare me dy persona për të cilët ekziston dyshim se janë të përfshirë në rastin; Është kryer bastisje te shtëpia e një personi; Është privuar nga liria një person”, thonë nga Ministria e Punëve të Brendshme.

Jozyrtarisht, bisedë informative është kryer me udhëheqësit joformalë të grupit të tifozëve “Kumani”, të cilët dyshohet se kanë udhëhequr “korin” me fjalë ofenduese. Ndërsa i arrestuar është një 30-vjeçar nga Kumanova me inicialet S.M. i cili dyshohet se gjatë pushimit të ndeshjes së 2 gushtit është përpjekur të fusë një banderolë me përmbajtje fyese.

Ngjarja me thirrjet raciste që ende nuk ka epilog, për ironi kishte ndodhur në sy të kreut të lartë shtetëror, respektivisht kryeministri Hristijan Mickoski, zëvendëskryeministrit, Ivan Stoillkoviq, ministrit të Brendshëm, Pançe Toshkovski dhe kryetarit të Komunës së Kumanovës, Maksim Dimitrievski. Rastin e dënuan thuajse të gjithë aktorët politik në vend, por edhe Federata Botërore e Basketbollit, duke kërkuar që autorët të vihen para drejtësisë.

3 ditë pas ndeshjes së basketbollit, fokusi u vendos te ndeshja e futbollit mes Shkëndisë dhe Karabagut, për çka pati kritika nga partitë maqedonase për thirrjet “Ilirida” nga një grup i tifozëve.

Pak para se të fillonte ndeshja, një 38-vjeçar me shtetësi gjermane, por me prejardhje nga Tetova ishte arrestuar nga Policia në afërsi të Kopshtit Zoologjik, pasi në motoçikletën e tij kishte vendosur një flamur kuq e zi me hartën e “Shqipërisë së Madhe” dhe mbishkrimin “Autochthonous”. 38-vjeçari u dënua në mënyrë eksprese nga Gjykata për nxitje të urrejtjes ndëretnike edhe atë, me 2 vjet burg me kusht. Plotësisht, është depërtuar nga shteti dhe i është ndaluar hyrje në afat prej 5 vitesh.

Ndërkohë që ende nuk është mbyllur rasti i Kumanovës, një rast tjetër me gjuhë të urrejtjes është shënuar këtë javë në Kavadar, pas mbarimit të ndeshjes mes Pelisterit dhe Shkupit, ku tifo grupi “Çkembari” fyen shqiptarët me frazën “le ta dinë shqiptarët e mallkuar se emri maqedonas nuk do të zhduket”.

Nga MPB, njoftuan se po punojnë për zbardhjen e rastit. Pavarësisht se gjuha e urrejtjes sipas Kodit Penal ndëshkohet me gjobë në para e madje dhe me burg, ndër vite në Maqedoni ka mbizotëruar praktika e mosndëshkimit. /Alsat/

The post Një muaj pas thirrjeve raciste e antishqiptare në Kumanovë, Policia ende nuk ka zbardhur rastin appeared first on Telegrafi.

Gjatë mbrëmjes së kaluar (28/29.08.2025) në periudhën nga ora 17.00 deri në orën 01.00, Departamenti i Sigurisë në Trafikun Rrugor në SPB Shkup kreu kontroll të intensifikuar aksional në kuadër të Aksionit Operativ “Trafiku i Sigurt”.

Gjatë kontrollit, theksi u vu te pjesëmarrësit në trafik që drejtojnë motoçikleta.

“Gjatë kontrollit, u morën masa kundër 128 pjesëmarrësve në trafik, nga të cilat 94 ishin për drejtues motoçikletash, 16 sanksione për drejtim motoçiklete pa patentë shoferi, 46 masa për drejtim motoçiklete pa helmetë mbrojtëse, 17 sanksione për drejtim pa provim të dhënë për njohuri të rregullave të trafikut, gjashtë masa për drejtim motoçiklete pa poseduar kategorinë përkatëse, pesë sanksione për leje trafiku të skaduar, dy masa për moslejimin e kalimit të këmbësorëve në vendkalim për këmbësorë”.

“Gjatë kontrollit të trafikut pas Aksionit Operativ “Trafiku i Sigurt”, oficerët e policisë e privuan nga liria D.L, pasi gjatë një kontrolli iu gjet kokainë në posedim të tij. 10 shoferë u sanksionuan gjithashtu për drejtim pa leje drejtimi të automjeteve të pasagjerëve dhe mallrave, dhe u shqiptuan dy masa për drejtim nën ndikimin e alkoolit dhe një sanksion për mosndalim në shenjën STOP të dhënë nga oficerët e policisë me uniformë”, thonë nga MPB.

The post Kontrolle të shtuara nga policia, gjoba për 128 drejtues të motoçikletave appeared first on Telegrafi.

Aktive janë katër zjarre në hapësirë të hapur, të cilat janë nën kontroll të plotë ose të pjesshëm, ndërsa tërësisht është shuar zjarri i cili shpërtheu dje në territorin e komunës së Zhelinës, në hyrje të fshatit Cerovë dhe në orët e mbrëmjes është zgjeruar në drejtim të vendit Karpallak afër autostradës Shkup-Tetovë, informojnë nga Drejtoria për Mbrojtje dhe Shpëtim (DMSH).

Në shuarjen e zjarrit në Zhelinë janë përfshirë Njësia Territoriale e Zjarrfikësve Tetovë dhe Brigada e Zjarrfikësve e Qytetit të Shkupit.

Nga DMSH dërgojnë falënderim për zjarrfikësit e Shkupit dhe Tetovës të cilët, siç theksojnë, në kushte të natës arritën ta shuajnë këtë zjarr të madh i cili në disa pjesë është zhvilluar në terren vështirë të arritshëm.

Gjatë ditës së djeshme plotësisht janë shuar 29 zjarre në hapësirë të hapur.

The post DMSH: Shuhet zjarri në Cerovë, katër zjarre janë ende aktive appeared first on Telegrafi.

Ministri i Punëve të Brendshme, Pançe Toshkovski, tha sot se në qytetin e Shkupit, në komunat Tetovë dhe Kumanovë, si dhe përgjatë korridoreve “8” dhe “10” nga 1 janar 2026 do të implementohet projekti “Qyteti i sigurt, shteti i sigurt”.

Ai sqaroi se deri në mesin e vitit të ardhshëm do të mbulohet i gjithë territori i vendit.

Informoi se ndryshimet në ligjin për siguri në komunikacion dhe rrugë në të cilat janë implementuar dispozitat për “Qyteti i sigurt” dje në Kuvend e kaluan leximin e parë para komisionit amë. Toshkoski tha se me këtë ligj nuk parashikohet ndëshkim i qytetarëve me qëllim që të mbushet buxheti por se qëllimi i ligjit është të shpëtohet jetë njerëzore.

“Qëllimi i këtij sistemi nuk është të ndëshkohen qytetarët e Maqedonisë, qëllimi i këtij sistemi nuk është të mbushet buxheti i Republikës së Maqedonisë së Veriut, qëllimi i këtij sistemi është të shpëtojë të paktën një jetë njerëzore. Shifrat janë të tmerrshme. Në vitin 2024, kemi 142 viktima si pasojë e mosrespektimit të rregullave të trafikut dhe aksidenteve të trafikut që kanë ndodhur. Jam i sigurt se shifrat do të ulen me vënien në funksion të sistemit”, theksoi Toshkovski.

Ministri theksoi se kontrollet do të vazhdojnë dhe se do t’i ashpërsojnë dënimet, veçanërisht në kuadër të Kodit Penal, kështu që përveç gjobave me para, do të shqiptohen edhe dënime me burg dhe konfiskim i përhershëm i automjeteve me të cilat janë kryer veprat penale.

The post Toshkovski: Projekti “Safe City” fillimisht do të aplikohet në Shkup, Tetovë dhe Kumanovë appeared first on Telegrafi.

Zëvendëskryeministri Arben Fetai ka reaguar ndaj siç thotë shpifjeve në rrjetet sociale, për të cilat ai akuzon Bashkimin Demokratik për Integrim.

“Makineria propagandistike e BDI-së dhe e patericave të saj ka nisur një fushatë të egër kundër personalitetit tim,” shprehet Fetai, duke shtuar se sulmet po bëhen përmes profileve të rreme që synojnë ta njollosin me “lloj-lloj shpifjesh dhe gënjeshtrash”, reagon Fetai.

Sipas tij, këto sulme bëhen nga BDI dhe një pjesë e ASH-së.

“Këto sulme janë një shenjë e fuqisë sonë. Ata sulmojnë sepse lëvizja jonë i ka prishur planet e BDI-së dhe të pengjeve të Gjoka Konstruksion. Duart e mia janë të pastra, ndërgjegjja ime e qetë. Për 20 vjet karrierë, unë nuk kam keqpërdorur as edhe një qindarkë të burimeve publike. Duart e mia janë të pastra, ndërgjegjja ime e qetë. Distanca nga BDI-ja – Jam i vetmi që kurrë nuk ka pasur kontakt, bashkëpunim apo kompromis me BDI-në dhe me kryetarin e tyre. Kam mbajtur dhe do mbaj një distancë higjienike me ta. Pavarësia vendimmarrëse – Askush nuk mund të ndikojë vendimet e mia, të më kushtëzojë apo të më shantazhojë. Varësia ime e vetme është ndaj popullit tonë dhe kombit tonë”, shkruan Fetai.

Fetai në fund të reagimin shkruan se pavarësisht sulmeve, shqiptarët po fuqizohen dhe kjo nuk do të ndalet.

“Karavani ynë ecën përpara, i pandalshëm, drejt një të ardhmeje ku shqiptarët fuqizohen, jo eksploatohen”, thuhet në reagimin e Fetait.

The post Fetai: BDI po sulmon egër personalitetin tim, por unë kurrë nuk kam pasur bashkëpunim apo kompromis me ta appeared first on Telegrafi.

Ambasadorja e Shteteve të Bashkuara të Amerikës në Maqedoninë e Veriut, Angela Aggeler, në një intervistë për emisionin “Maqedonia në mëngjes” në Radio Televizionin e Maqedonisë (RTM), tha se Maqedonia e Veriut për të është si shtëpia e saj e dytë.

“Është e vështirë të thuash me pak fjalë se çfarë përfaqëson Maqedonia për mua. Ky vend është shtëpia ime tashmë për gjashtë vite – që për një diplomate amerikane është një periudhë shumë e gjatë. Maqedonia është një vend që unë e dua, e respektoj dhe i dëshiroj më të mirën. Një nga gjërat që më jep energji çdo mëngjes është dëshira për të bërë gjithçka që mundem, që kjo dashuri dhe përkushtim ndaj këtij vendi të përkthehet në rezultate konkrete, në zhvillim demokratik, stabilitet dhe përparim,” tha ajo.

Ambasadorja amerikane përmendi dhe potencial që kanë rinia, duke shtuar se e ardhmja duhet ndërtuar pikërisht për të rinjtë.

“Maqedonia ka një pasuri të jashtëzakonshme – rininë e saj. Ka një brez të ri energjik, kreativ dhe të angazhuar që meriton çdo mundësi për të ndërtuar të ardhmen në vendin e vet. Shtetet e Bashkuara janë këtu për të mbështetur këtë rrugëtim”, deklaroi Aggeler.

Aggeler theksoi se Uashingtoni mbetet i përkushtuar për të mbështetur Maqedoninë e Veriut në aspiratat e saj për anëtarësim të plotë në Bashkimin Evropian, për forcimin e institucioneve demokratike dhe për luftën kundër korrupsionit.

The post Aggeler: Uashingtoni mbetet i përkushtuar në mbështetjen e RMV-së drejt anëtarësimit të plotë në Bashkimin Evropian appeared first on Telegrafi.

Në Maqedoninë e Veriut janë regjistruar 12 vatra zjarri. Katër prej tyre janë aktive, ndërsa katër të tjerë janë shuar plotësisht.

Sipas autoriteteve zjarret janë raportuar në në Prilep, në fshatin Radobill, Vrapçishte, në fshatin Debresh dhe Zubovcë, Ohër, në fshatin Volinë dhe Likovë, në fshatin Orizare.

Katër zjarre janë vënë në kontroll, ndër të cilat në Jasen në komunën e Brodit.

Po ashtu është vënë nën kontroll edhe zjarri që u raportua në fshatin Koroshishtë, komuna Strugë, në malin Kozhuf, komuna Gjevgjeli dhe në fshatin Kondovë, komuna Saraj.

/abcnews.al/

Në Maqedoninë e Veriut, kryeministri Hristijan Mickoski paralajmëroi se Qeveria mund të emërojë komisionarë, nëse zgjedhjet lokale nuk japin rezultat. Kjo mund të ndodhë sidomos në komunat e vogla, ku ka pak votues ose shumë njerëz janë larguar jashtë vendit, thonë analistët. Nëse as pas rundit të dytë të zgjedhjeve nuk zgjidhet kryetari i një komune, Komisioni Shtetëror Zgjedhor (KSHZ) në…

Source

Kryetari i Lidhjes Social Demokrate të Maqedonisë, Venko Filipçe, sot deklaroi se politika ekonomike e OBRM-PDUKM-së është më e keqja në historinë e shtetit.

Për këtë reagua nga partia në pushtet, OBRM-PDUKM.

“Siç pretenduam, ashtu edhe doli. Sot Filipçe publikisht paralajmëroi koalicion me BDI-në. Pyetja është e thjeshtë: Çfarë ka kaq shumë të përbashkët BDI me të dhe Zaevin saqë nuk mund të largohen nga prehri i tyre? Çdo ditë flasin për “udhëheqje të re” dhe “vendime autentike”, dhe në fund kthehen te partnerët e tyre të vjetër në krim dhe korrupsion”, theksoi deputeti Bojan Stojanoski nga OBRM-PDUKM.

Ai gjithashtu pyeti pse Filipçe nuk mblodhi guximin të përgjigjej se në jahtin e kujt e kaloi gjithë verën.

“Në vend që të luajë rolin e viktimës së propagandës, le ta thotë të vërtetën. VMRO-DPMNE nuk tha kurrë se jahti ishte i tij, por se i përkiste mentorit të tij, atij që e kontrollon edhe sot. Populli e sheh qartë këtë”, tha Stojanoski.

“Me kë ishte me pushime gjithë verën? Me kë nuk foli për politikë, por ndoshta për “natyrën e universit”? Qytetarët meritojnë një përgjigje të ndershme, jo ikje nga e vërteta pas fjalëve boshe. Filipçe po flet për ekonominë, imagjinoni të njëjtin që ishte pjesë e qeverisë që solli inflacionin më të lartë në historinë e vendit, energjinë elektrike dhe karburantin më të shtrenjtë, varfërinë dhe borxhin për brezat që do të vijnë. Nën politikat e tyre, populli mbijetoi me rritje rekord të çmimit të bukës dhe produkteve bazë. Sot ai po flet për “standarde”, i njëjti që e shndërroi kujdesin shëndetësor të Maqedonisë në hi, me tendera të përgjakshëm, me aferën “Spitalin Modular”, me jahte, me skema dhe me marrëveshje sy me sy”, tha Stojanoski.

The post Stojanoski: Filipçe paralajmëroi koalicion me BDI-në, LSDM kthehet sërish tek partnerët e vjetër appeared first on Telegrafi.

Drejtori Sasho Klekovski tha se se nuk ka pasur komunikim me profesorin Kedev dhe nuk e di për sa raste të dyshimta bëhet fjalë për intervenime kardiokirurgjike.

Ai shtoi se nëse ka raste të tilla do t’i zbardh Komisioni për Mbikqyrje Profesionale për punën e institucioneve të kardiologjisë dhe kardiokirurgjigjisë.

“Pacientët privat dhe intervenimet private edhe në institucione shëndetësore shtetërore, nuk i mbulon Fondi Shëndetësor. Për sa raste të dyshimta bëhet fjalë, ato do t’i zbardh Komisioni për Mbikqyrje Profesionale për punën e institucioneve të kardiologjisë dhe kardiokirurgjigjisë, në të cilin Komision Fondi përfaqësohet nga dy anëtarë.

“Mund të zgjedhim të besojmë ose jo. Komisioni ka doktorë profesionist të të gjitha klinikave. Për shumicën e procedurave që i financojmë ne, ka protokolle të caktuara sipas të cilave veprohet. Unë nuk besoj se në një komision të këtillë mund të ndikohet disi. Në parim, atje ende diskutohet metodologjia, njëra që të jetë pasi të dorëzohen rastet dhe tjetra të bëhet ‘kontrollë e verbër’”, tha Klekovski.

Klekovski tha se qytetarët që dyshojnë në keqpërdorime të tilla në intervenime mjekësore, duhet të paraqesin ankesë.

The post Klekovski: Nëse ka pasur raste të dyshimta për intervenime kardiokirurgjike, do t’i zbardh Komisioni për Mbikqyrje Profesionale appeared first on Telegrafi.

Mungesa e fuqisë punëtore dhe nevoja për punë cilësore janë disa nga arsyet të cilat çojnë pushtetin drejt ndryshimit të ligjit për të huajt që duan të punojnë në vend.

Në Kuvend kaluan leximin e parë propozim-ndryshimet që parashikojnë lehtësimin e procedurave të marrjes së lejes së qëndrimit për punëtorët që janë pjesë e kompanive që realizojnë projekte strategjike e veçanërisht ata që lidhen me realizimin e Korridorit 8 dhe 10.

Për momentin, për punëtorët e huaj, kërkesa për leje qëndrimi bëhet në Ministrinë e Brendshme megjithatë Agjencia e punësimit duhet të japë mendim varësisht nevojave të tregut të punës, procedurë kjo e komplikuar dhe që merr kohë.

“Gjithsesi, të huajt që angazhohen në projektet strategjike, do të bëjnë përjashtim sipas propozim-ligjit. Leje qëndrimi do të sigurohet pa mendim nga Agjencia e punësimit, pavarësisht kuotave dhe nevojave të momentit të tregut të punës. Kusht i vetëm plotësues është që të kenë vërtetim nga Ministria e Ekonomisë se i punësuari i huaj është i angazhuar te një subjekt juridik me statusin e partnerit strategjik”, tha Pançe Toshkovski, Ministër i Brendshëm.

Procedura për lëshimin e lejeve të qëndrimit të përkohshëm do të përshpejtohet, dhe qëndrimi i punëtorëve të huaj do të zgjatet deri në një vit me një garanci nga punëdhënësi./Alsat/

The post Ndryshohet Ligji për qëndrimin e të huajve në vend, do të lehtësohet procedura e leje qëndrimit appeared first on Telegrafi.

Rritja natyrore edhe në tremujorin e dytë të vitit 2025 është negativ dhe paraqet 1.135 persona, që do të thotë se për aq persona është më i vogël numri i fëmijëve të lindur të gjallë nga numri i personave të vdekur.

Sipas të dhënave të Entit shtetëror për statistika, numri i fëmijëve të lindur të gjallë në tremujorin e dytë është 3 741 dhe në krahasim me periudhën e njëjtë vitin e kaluar është ulur për 4.2%.

Numri i personave të vdekur, ndërkaq, në tremujorin e dytë të vitit 2025 shënon rritje prej 1.2% në krahasim me tremujorin e dytë të vitit 2024 dhe është 4 876 persona, ndërsa prej tyre 13 janë foshnja të vdekura.

Në këtë tremujor të vitit janë bërë 2 792 martesa dhe numri i tyre është rritur për 8.1% në krahasim me periudhën e njëjtë të vitit 2024, ndërsa janë regjistruar 545 divorcime, që paraqet rritje prej 0.4% në krahasim me periudhën e njëjtë të vitit 2024.

The post Rritje natyrore negative edhe në tremujorin e dytë appeared first on Telegrafi.

“Lufta për rritjen e pagës minimale nuk është luftë kundër qeverisë apo për mbylljen e kompanive, por luftë për ekzistencën e punëtorëve”, thotë kryetari i Lidhjes së Sindikatave të Maqedonisë, Slobodan Trendafilov.

Sipas Trendafilov, është shqetësuese që nuk ka marrëveshje për rritjen e pagës minimale, dhe nuk duhet të ketë një të tillë deri në përfundimin e zgjedhjeve lokale. Në një intervistë për Kanal 5, ai paralajmëroi se çdo vit gjithnjë e më shumë qytetarë po largohen dhe numri i punonjësve po zvogëlohet dhe se nuk duhet ta vendosim veten në një situatë ku, siç thotë ai, “për shkak të lakmisë ose vetëdrejtësisë së njërës prej partive ose dy prej partive kundër të tretës” punëtorët vuajnë dhe largohen nga vendi.

“Që nga fillimi i vitit, kemi mbajtur 14 protesta dhe dy greva për paga, nuk jemi imunë ndaj organizimit të të rejave dhe ua kemi thënë të gjitha autoriteteve deri më tani, por shpresojmë se do të gjejmë mirëkuptim dhe përmes dialogut do të arrijmë paga më të larta”, thotë kreu i LSM-së.

Sipas tij, nëse deputetët vërtet interesohen për punëtorët, atëherë ata mund të miratojnë menjëherë ndryshime dhe plotësime në ligjin për pagën minimale dhe ta zbatojnë atë pas zgjedhjeve lokale.

“Rritja e fundit e pagës minimale në vitin 2022 u fitua në rrugë dhe si LSM themi mos na shtyni në rrugë, le të ulemi dhe të biem dakord për rritjen e pagave. Por kur nuk keni absolutisht asnjë mirëkuptim nga pala tjetër, kur disa thonë “ju arrini një marrëveshje me punëdhënësit”, dhe punëdhënësit ju thonë “si mund të arrijmë një marrëveshje me ju” dhe ky është një rreth që është në dëm të 167 mijë punonjësve në vend”, thotë Trendafilov.

Sipas tij, fajtorët më të mëdhenj janë politikëbërësit, punëdhënësit dhe Kuvendi dhe ata duhet t’u shpjegojnë punëtorëve pse e lejojnë këtë të ndodhë./Telegrafi/

The post Trendafilov: Rritja e fundit e pagës minimale ka qenë në vitin 2022, mos na detyroni të dalim në rrugë appeared first on Telegrafi.

Nuk ka zjarre aktive në ambiente të hapura në territorin e shtetit, sipas të dhënave deri në orën 7 të mëngjesit, kumtuan sot nga Qendra për menaxhim me kriza.

Janë vënë nën kontroll zjarret në komunat Makedonski Brod, Gjevgjeli dhe Dollnen.

Në “Jasen” është djegur pyll i përzier. Në malin Kozhuf ka zjarr tokësor. Në territorin e fshatrave Dollgaec dhe Strovi, gjithashtu është djegur pyll i përzier.

The post QMK: Nuk ka zjarre aktive, nën kontroll janë zjarret në Dollnen dhe në Kozhuf appeared first on Telegrafi.

“Pas takimit në nivel të lartë mes zëvendëskryeministrit dhe ministër i transportit Aleksandar Nikolloski dhe zëvendëskryeministrit dhe ministrit të transportit të Bullgarisë, Grozdan Karaxhov, e më tej edhe grupeve punuese nga të dyja vendet, po konkretizohen aktivitetet për ndërtimin e fazës së tretë të hekurudhës nga Kriva Pallanka deri në kufirin me Bullgarinë, si dhe ndërtimi i tunelit si pikë kufitare. Në kuadër të këtyre aktiviteteve, sot Qeveria në mbledhje miratoi vendim për realizimin e Marrëveshjes për grant për mbështetje teknike në vlerë prej 3,7 milionë euro të siguruara nga Banka Evropiane e Investimeve”, thuhet në kumtesën e Qeverisë për media.

Me këtë, siç shpjegohet, konsulenti i përzgjedhur në periudhën e ardhshme do të përgatisë dokumentacion të ri projektues, si dhe përgatitjen e procedurës së tenderit për zgjedhjen e realizuesit.

“Për të përshpejtuar aktivitetet, Ndërmarrja Publike për Infrastrukturë Hekurudhore do të nisë procedurën për zgjedhjen e Mbikëqyrjes së ndërtimit. Përmes këtyre aktiviteteve, Qeveria në mënyrë të vazhdueshme tregon angazhim të fuqishëm në realizimin e projekteve strategjiko-infrastrukturore për shtetin. Ndërtimi dhe modernizimi i rrjetit hekurudhor është prioritet i Qeverisë dhe në kuadër të këtyre prioriteteve ndërmerren aktivitete të shtuara për ndërtimin e mëtejshëm të hekurudhës së Korridorit 8, si dhe ndërtimin e linjës së shpejtë në Korridorin 10”, theksojnë nga shërbimi për shtyp i qeverisë.

The post Qeveria e RMV-së miraton grantin prej 3.7 milionë euro për vazhdimin e ndërtimit të korridorit 8 me Bullgarinë appeared first on Telegrafi.

Ministri i Mbrojtjes Vlado Misajllovski u takua sot me komandantin e KFOR-it në Kosovë, gjeneral-major Enriko Barduani.

Siç njofton Ministria e Mbrojtjes (MM), në takim u diskutua roli i rëndësishëm i këtij misioni në forcimin e sigurisë dhe stabilitetit të Kosovës dhe të gjithë rajonit.

“Ky mision i NATO-s është jashtëzakonisht i rëndësishëm për një rajon edhe më të qëndrueshëm dhe të sigurt. Mbetemi të përkushtuar ndaj kontributit tonë në KFOR dhe mbështetjes logjistike që i ofrojmë këtij misioni në të ardhmen”, tha ministri në takim.

Misajllovski tha gjithashtu se në kohë ndryshimesh serioze gjeopolitike dhe paqëndrueshmërie, një rajon i sigurt është me rëndësi prioritare për vendin. Maqedonia, shtoi ai, do të vazhdojë të jetë një shtyllë sigurie në Ballkan.

Duke pasur parasysh se mandati i gjeneral Barduanit si Komandant i KFOR-it po përfundon së shpejti, ministri Misajllovski e falënderoi atë për bashkëpunimin dhe koordinimin e shkëlqyer në lidhje me kontingjentin e Maqedonisë në këtë mision.

Gjenerali Barduani, tha se ushtarët e Maqedonisë demonstrojnë profesionalizëm të lartë dhe përkushtim të plotë ndaj detyrave dhe përgjegjësive të tyre çdo ditë.

Në kuadër të vizitës, gjeneral Barduani u takua edhe me shefin e Shtabit të Përgjithshëm të Armatës, gjeneral-major Sashko Lafçiski.

The post Takimi Misajllovski-Barduani: Maqedonia do të vazhdojë të jetë një shtyllë sigurie në Ballkan appeared first on Telegrafi.

Kandidati për kryetar i Komunës së Çairit, Bujar Osmani, ka reaguar ndaj deklaratave të kryeministrit të vendit, Hristijan Mickoskit se BDI po tenton të shkaktojë kaos në zgjedhjet lokale.

Ai tha se askush nuk i merr seriozisht deklaratat e Mickoskit, sepse vazhdimisht po trillon deklarata kundër BDI-së.

“E njihni tregimin për ujkun: herën e parë bërtet, herën e dytë, të tretën, por pastaj askush më nuk të beson. Mickoski një vit të tërë herë thoshte se në Çair ka banesa me grupe të armatosura, pastaj fliste për destabilizim. Pastaj: ‘BDI do të bëjë këtë, BDI do të bëjë atë’. Dhe e shihni që njerëzit tashmë nuk e dëgjojnë më. Nuk i besojnë. Sepse mund të trillosh një herë, dy herë, tre herë, por pastaj askush nuk të merr më seriozisht. Propozimi im për Mickoskin është të ndalojë me këtë narrativë, sepse duket keq. Megjithatë, ai është kryeministri i shtetit tim dhe ka rëndësi nëse kryeministri del me deklarata që e bëjnë të duket i paserioz para qytetarëve. Çdo ditë trokas në dyert e Çairit, flas me shumë maqedonas që vetë më thonë se ajo që po bën Mickosi, përpjekjet për të poshtëruar shqiptarët dhe për të krijuar ndarje mes maqedonasve dhe shqiptarëve i shqetëson më shumë pikërisht maqedonasit në Çair, sepse ata janë pakicë këtu. Kur ata dëgjojnë se si kryeministri çdo ditë i fyen bashkëqytetarët e tyre shqiptarë, kur u thotë se ‘do t’i tërheqë për veshësh’ ose se ‘nuk e duan shtetin’, ata këtë e përjetojnë si fyerje”, tha Osmani.

Osmani tha se partia maqedonase në pushtet ka rënie në vota, ndaj po ndërtojnë fushatë anti-shqiptare dhe kundër BDI-së.

“Më i rëndësishmi është bashkëjetesa në Çair. Mos përzieni parulla nacionaliste, sepse bashkëjetesa është themeli. Dhe pikërisht për këtë sondazhet u tregojnë rënie prej rreth 150 mijë votash OBRM-PDUKM-së. Për këtë arsye, tani po përpiqen ta ndërtojnë fushatën e tyre mbi kurriz të BDI-së dhe mbi njëfarë albanofobie, për të cilën mendojnë se ekziston te përkrahësit e tyre. Por besoni, edhe për përkrahësit e tyre më i rëndësishëm është bashkëjetesa dhe respekti ndaj bashkëqytetarëve shqiptarë. Shumë prej tyre zemërohen me kryeministrin që vazhdimisht përpiqet t’i fyejë shqiptarët për të fituar një pikë politike më shumë”, tha Osmani.

The post Osmani: OBRM-PDUKM ka rënie në sondazhe, kjo është arsyeja pse Mickoski po ndërton fushatë albanofobike dhe kundër BDI-së appeared first on Telegrafi.