Ministri i Punëve të Brendshme, Pançe Toshkovski, tha sot se në qytetin e Shkupit, në komunat Tetovë dhe Kumanovë, si dhe përgjatë korridoreve “8” dhe “10” nga 1 janar 2026 do të implementohet projekti “Qyteti i sigurt, shteti i sigurt”.

Ai sqaroi se deri në mesin e vitit të ardhshëm do të mbulohet i gjithë territori i vendit.

Informoi se ndryshimet në ligjin për siguri në komunikacion dhe rrugë në të cilat janë implementuar dispozitat për “Qyteti i sigurt” dje në Kuvend e kaluan leximin e parë para komisionit amë. Toshkoski tha se me këtë ligj nuk parashikohet ndëshkim i qytetarëve me qëllim që të mbushet buxheti por se qëllimi i ligjit është të shpëtohet jetë njerëzore.

“Qëllimi i këtij sistemi nuk është të ndëshkohen qytetarët e Maqedonisë, qëllimi i këtij sistemi nuk është të mbushet buxheti i Republikës së Maqedonisë së Veriut, qëllimi i këtij sistemi është të shpëtojë të paktën një jetë njerëzore. Shifrat janë të tmerrshme. Në vitin 2024, kemi 142 viktima si pasojë e mosrespektimit të rregullave të trafikut dhe aksidenteve të trafikut që kanë ndodhur. Jam i sigurt se shifrat do të ulen me vënien në funksion të sistemit”, theksoi Toshkovski.

Ministri theksoi se kontrollet do të vazhdojnë dhe se do t’i ashpërsojnë dënimet, veçanërisht në kuadër të Kodit Penal, kështu që përveç gjobave me para, do të shqiptohen edhe dënime me burg dhe konfiskim i përhershëm i automjeteve me të cilat janë kryer veprat penale.

The post Toshkovski: Projekti “Safe City” fillimisht do të aplikohet në Shkup, Tetovë dhe Kumanovë appeared first on Telegrafi.

Ministri i Punëve të Brendshme, Pançe Toshkovski ka publikuar një video në profilin e tij në Fejsbuk, ku ka apeluar që qytetarët të mos bien pre e mashtrimeve me telefonata anonime për aksidente të rrejshme.

Ai theksoi se këto telefonata targetojnë qytetarë më të moshuar.

“Është shumë me rëndësi qytetarët e Maqedonisë së Veriut të dinë se nëse çfarçdo lloj situate të ndodhë të jenë të thirrur në telefon, nga ana e ndonjë kinse inspektori, polici, mjeku, gjykatësi e kështu me radhë, në rast të tillë nuk duhet të vazhdojnë komunikimin me të. mashtruesit dëshirojnë tërë kohën ta mbajnë viktimën në telefon, nuk e lejojnë, praktikisht gjatë tërë kohës ofrojnë informata të këqija për më të afërmit e tyre për ta mbyllur telefonin”, tha Toshkovski.

Toshkovski tha se këto raste duhet të raportohen në polici dhe se nuk duhet zgjatur bisedat me mashtruesit përmes telefonit.

“Duhet ta çkyçin telefonin dhe menjëherë të nioftojnë në 112, të paraqiten në numrin 112 i cili është në Qendrën për menaxhim me kriza dhe do t’i kahëzojë në MPB pasi që të tregojnë se dyshojnë për mashtrim ose drejtpërdrejtë të paraqiten në 192 në MPB dhe të informojnë se dyshojnë për ndonjë mashtrim të caktuar, oas çka do të kontaktohen inspektorët të cilët punojnë në MPB, do të vijnë në vendin e ngjarjes dhe do të vazhdojnë më tej me veprime adekuate në drejtim të ndriçimit të rastit konkret. Do të thotë. këshilla është kursesi të mos e vazhdojnë komunikimin kur do të dyshojnë se bëhet fjalë për mashtrim”, theksoi ministri Toshkovski

The post Thirrjet e rrejshme telefonike për aksidente, Toshkovski: Të moshuarit bien pre e këtyre mashtrimeve, rastet t’i raportojnë në polici appeared first on Telegrafi.

Nga viti i ardhshëm, policët e lagjeve do ta ruajnë rendin dhe qetësinë në lagjet në territorin e tërë shtetit. Ky njoftim vjen nga ministri Pançe Toshkovski, i cili tha se me këtë masë do të rritet prania e policisë. Qytetarët e anketuar mendojnë se ideja është e mirë dhe thonë se prania më e madhe e policisë do të sjellë më shumë rend në rrugë.

“Mendoj se kjo do të sjellë rregull, sepse nëpër rrugë shumë shpesh kemi ngjarje të padëshiruara, kështu që mendoj se kjo do të sjellë rregull, po… (Po në lagje?) Po, mendoj se qytetarët do të jenë më të qetë nëse kjo zbatohet në lagje”, tha një qytetar.

Idenë për policinë e lagjeve, ministri Pançe Toshkovski e bëri të ditur në një intervistë për Kanal 5 para dy ditësh, duke iu përgjigjur pikërisht kritikave për mungesën e pranisë së policisë në terren. Koncepti “Polici i lagjes” është zbatuar më herët në vend dhe në shtetet fqinje të rajonit gjatë kohës së ish-Jugosllavisë, ndërsa nga pavarësia e deri më sot, pavarësisht paralajmërimeve të partive politike, kjo ide ende nuk është realizuar në praktikë.

Gjatë kohës së komunizmit, policët ishin të shpërndarë nëpër lagje dhe kontrollonin të gjitha ngjarjet, duke sanksionuar aktivitetet e palejuara. Në vitin 2017, atëherë partia në pushtet LSDM me Oliver Spasovski si ministër i Punëve të Brendshme, premtoi se do ta rikthente policin e lagjes në rrugë dhe se me këtë do të garantohej siguri më e madhe për qytetarët.

Megjithatë, kjo ide mbeti vetëm në letër dhe asnjëherë nuk u realizua. Tani, sipas paralajmërimeve më të reja nga ministri Toshkovski, vendi pritet të ketë policë të lagjes nga vjeshta e ardhshme./Alsat/

The post MPB-Maqedoni: Së shpejti do të ketë policë të lagjeve appeared first on Telegrafi.

Aleanca për Shqiptarët dënon ashpër skandalin me përmbajtje të theksuar nacionaliste dhe gjuhë të urrejtjes që ndodhi gjatë ndeshjes së basketbollit ndërmjet Maqedonisë së Veriut dhe Rumanisë, e zhvilluar në qytetin e Kumanovës.

Nga ASH thonë se në një atmosferë që duhej të ishte sportive dhe bashkuese tribunat e palestrës u shndërruan në një skenë të thirrjeve raciste dhe fyerjeve të rënda ndaj shqiptarëve.

“Parulla si ‘Shqiptari i mirë është shqiptari i vdekur’ dhe ‘Dhoma e gazit për shqiptarët’ përfaqësojnë jo vetëm gjuhë fashiste të papranueshme, por edhe një alarm serioz për nivelin e rrezikshëm të urrejtjes që po tolerohet publikisht në vendin tonë. Ajo që e bën këtë ngjarje edhe më shqetësuese është fakti se në momentin e këtyre thirrjeve të turpshme ishin të pranishëm vetë kryeministri Hristijan Mickoski, ministri i Punëve të Brendshme, Panço Toshkovski, zëvendëskryeministri Ivan Stoilkoviq, si dhe kryetari i Komunës së Kumanovës, Maksim Dimitrievski, të cilët nuk reaguan asnjë çast për të ndalur gjuhën e urrejtjes që jehonte përreth tyre. Në një shtet funksional dhe demokratik, çdo akt i tillë do të shoqërohej me ndëshkim të menjëhershëm dhe distancim institucional. Fatkeqësisht, në Maqedoninë e Veriut të vitit 2025, kjo gjuhë urrejtjeje tolerohet, injorohet, madje edhe normalizohet nga vetë udhëheqësit shtetërorë. Heshtja e grupimit VLEN përballë kësaj situate skandaloze – ku shqiptarët fyhen publikisht në zemër të Kumanovës, në prani të krerëve më të lartë shtetërorë – nuk është thjesht mungesë reagimi. Është pranim i heshtur dhe pozicionim politik përballë një akti të rëndë diskriminimi. Në këtë mënyrë, VLEN jo vetëm që shmang përgjegjësinë për të mbrojtur dinjitetin e shqiptarëve, por vendoset hapur përballë tyre, duke u bërë palë në një bashkëfajësi të turpshme me pushtetin që toleron ose nxit gjuhën e urrejtjes”, thonë nga ASH.

Aleanca për Shqiptarët kërkon reagim nga Qeveria, Federata e Basketbollit dhe organizatorët e ndeshjes, kërkim falje publike ndaj qytetarëve shqiptarë për këtë incident turpërues, hetim të pavarur dhe ndëshkim penal për organizatorët dhe nxitësit e urrejtjes në tribunat sportive, por edhe ndërhyrje nga institucionet ndërkombëtare, përfshirë OSBE-në, BE-në dhe organizatat për të drejtat e njeriut, për të monitoruar përhapjen e gjuhës së urrejtjes në Maqedoninë e Veriut.

The post Thirrjet në kor “Dhoma gazi për shqiptarët” në Kumanovë, ASH: Ishin të pranishëm por nuk reaguan as Mickoski as Toshkovski ndaj gjuhës së urrejtjes appeared first on Telegrafi.

Ministri i Punëve të Jashtme, Pançe Toshkovski së bashku me drejtorin e Byrosë për siguri publike, Aleksandar Janev dje i vizituan nëpunësit policorë nga Njësia mobile për siguri në komunikacion dhe nga sektori motorizues, në lagjen Ilinden, të cilët po kryejnë kontrolle në kuadër të aksionit operativ “Trafik i sigurt”.

Siç kumtoi MPB, theksi i kontrolleve të përforcuara të djeshme ishte vendosur në drejtimin e rregullt me motorë dhe skuterë elektrik, si dhe mbajtjen e pajisjes mbrojtëse.

“U bëj thirrje të gjithë pjesëmarrësve në komunikacion, posaçërisht atyre të cilët drejtojnë motoçikleta dhe skuterë elektrik, t’i respektojnë rregullat e komunikacionit, të mos e tejkalojnë shpejtësinë, të mbajnë kaska mbrojtëse dhe të kontribuojnë për rritje të sigurisë në komunikacion”, tha ministri Toshkovski.

Nga MPB shtojnë se kontrollet e përforcuara në trafik vazhdojnë edhe në periudhën në vijim me qëllim të rritjes së sigurisë në rrugë.

Kryetari i Komunës Ilinden, Aleksandar Georgievski u bëri thirrje të gjithë shoferëve të rinj, por edhe prindërve të tyre, të jenë të vetëdijshëm për rëndësinë e sjelljes së sigurt në komunikacion. Ai theksoi se mbajtja e pajisjes mbrojtëse dhe respektimi i rregullave të komunikacionit mund të shpëtojnë jetë.

The post Toshkovski: Siguria në komunikacion është prioritet për MPB-në, vazhdojnë kontrollet e përforcuara appeared first on Telegrafi.

Opozitarja LSDM ka reaguar ndaj Projektligjit të ri të Policisë të propozuar nga Ministri i Punëve të Brendshme, Pançe Toshkovski, i cili është vënë në procedurë parlamentare.

Zëdhënësja e LSDM-së, Bogdanka Kuzeska, tha se ky projektligj hap rrugë për emërime partiake dhe politizim të plotë të MPB-së.

“Ky projektligj i paprecedent dhe skandaloz përfaqëson një lëvizjeve tjetër të rrezikshme dhe anti-shtetërore nga Toshkovski. Ministri po synon të zbatojë një partizanizim të plotë të policisë duke çmontuar sistemin e karrierës dhe profesionalizmit. Ministri po i ul pa turp të gjitha kriteret dhe standardet për punonjësit e policisë, me qëllim që të krijojë një sistem për pushtimin e Ministrisë së Brendshme përmes xhelatëve të partisë”, tha Kuzeska.

Ajo shtoi se sistemi i MPB-së po tentohet të shkaterrohet, teksa do të amnistohen edhe personat e dënuar.

“Po shuhen Qendrat Rajonale për Kufirin, duke dobësuar kontrollin kufitar. Po planifikohet fshirja e të dhënave nga sistemet e policisë. Po rritet kufiri i moshës për punësim, duke përjashtuar profesionistët e rinj. Po fshihet neni 19, që lejon amnistinë e personave të dënuar brenda sistemit”, tha Kuzeska.

Kuzeska tha se me këto veprime Toshkovski po e shndërron MPB-në në një milici partiake që vetëm në shërbim të qytetarëve nuk do të jetë.

The post Kuzeska: Toshkovski po tenton të bëjë politizim të plotë të MPB-së, po i ul të gjitha kriteret dhe po shkatërron gjithçka appeared first on Telegrafi.

Pranë Ministrisë së Punëve të Brendshme është formuar njësi e re e specializuar e sigurisë kibernetike.

Ajo do të jetë përgjegjëse për mbrojtjen dhe monitorimin gjithëpërfshirës të sistemeve të informacionit të Ministrisë së Punëve të Brendshme, do të kryejë analiza të vazhdueshme dhe zbulimin në kohë të kërcënimeve kibernetike, do të kryejë instalimin, mirëmbajtjen dhe menaxhimin e sigurisë së infrastrukturës së IT-së së ministrisë.

“Kjo njësi do të jetë një shtyllë kyçe në mbrojtjen e sovranitetit digjital të MPB-së si institucion që menaxhon vëllimin më të madh dhe më të ndjeshëm të të dhënave personale të qytetarëve të vendit. Siguria e këtyre sistemeve është çështje jo vetëm e kapacitetit institucional, por edhe e stabilitetit të shtetit dhe besimit të qytetarëve. Të gjitha aktivitetet e njësisë së sapokrijuar synojnë avancimin e sigurisë dhe qëndrueshmërisë së infrastrukturës së brendshme të IT-së të vetë Ministrisë, me fokus ekskluzivisht në mbrojtjen e sistemeve të saj të informacionit. Për herë të parë, Ministria ka blerë pajisje moderne teknike dhe softuerike për monitorimin proaktiv, zbulimin dhe parandalimin e sulmeve kibernetike, duke hedhur kështu themelet për mbrojtje sistemike dhe afatgjatë”, theksoi ministri Toshkovski.

Sipas Toshkovskit, me këtë iniciativë, Ministria e Punëve të Brendshme vendos një standard të ri të mbrojtjes kibernetike, që nënkupton një mburojë sigurie moderne, të qëndrueshme dhe të fuqishme që përmbush sfidat e sotme dhe siguron besimin publik se të dhënat e qytetarëve gëzojnë mbrojtje të lartë.

The post MPB me njesi të re të specializuar për sigurinë kibernetike appeared first on Telegrafi.

Ministri i Punëve të Brendshme, Pançe Toshkovski, foli për shkaqet e zjarreve dhe për aktivitetet që po ndërmerr MPB-ja.

Ai tha se shfaqja e zjarreve kryesisht është për shkak të kushteve të pafavorshme atmosferike, por gjithashtu shtoi se MPB-ja ka dyshime se një pjesë e tyre janë të qëllimshme, pra shkaku është faktori njerëzor.

“Sot patëm rreth 20 zjarre dhe mund të them se për momentin ato janë nën kontroll. U dhanë përpjekje maksimale njerëzore për përballimin e kësaj stuhie të zjarrtë. Për disa nga zjarret ka dyshime të bazuara se janë shkaktuar qëllimisht nga faktori njeri. Aktualisht po hetohen disa pista për zjarret e qëllimshme, afër objekteve infrastrukturore kyçe, rrugëve, zonave të populluara dhe natyrisht objekteve private. Nuk dua të spekuloj, por duhet të përmend se mund të kemi të bëjmë me një skenar ndryshe nga ai që do të konsideronim si aksidental. Institucionet janë në terren dhe shpresoj që së shpejti të ndriçohen të gjitha rastet që i shkaktuan këto zjarre. Sa i përket zjarrit që ndodhi sot në Vizbegë, në një pikë private të mbeturinave, janë ndaluar pronarët dhe me urdhër të prokurorit publik do të dalin përpara gjyqtarit hetues. Nën kontroll janë vendosur zjarret në Dojran, Nikoliç, Kriva Pallankë, Orman, Volkovo, si dhe zjarri në Samokov dhe, siç përmenda më parë, edhe ai në Vizbegë. Sot është aktivizuar edhe mekanizmi për ndihmë nga Bashkimi Evropian për përballimin e zjarreve. Të gjitha kapacitetet shtetërore janë vënë në funksion maksimal.”, u shpreh Toshkovski.

The post Toshkovski: Dyshojmë se disa nga zjarret janë vënë qëllimisht appeared first on Telegrafi.

Ministri i Punëve të Brendshme, Pançe Toshkovski ka dhënë disa detaje për sistemin “Safe City” që pritet të zbatohet në vendin tonë brenda pak muajve.

Qytetarët duhet të jenë të vetëdijshëm se në të ardhmen, në lidhje me ata që pa kujdes për pasojat drejtojnë automjete, jashtë çdo logjike, do të shkohet edhe me masa më rigoroze, respektivisht do të shkohet edhe me konfiskimin e vetë automjetit, tha ministri Toshkovsk.

Ai sqaroi se kanë nisur procedurat për ndryshimet e ligjeve që të vihet në funksion ky sistem.

“Po, e saktë është që të mund ta fusim në funksion këtë sistem, kemi nevojë të ndryshojmë përafërsisht 6-7 ligje. Ka nisur procedura për secilin prej këtyre ligjeve, por jo vetëm ligje që janë të lidhura drejtpërdrejtë me implementimin e sistemit “Safe City” si projekt, por edhe ligje që duhet të bëjnë dallime thelbësore dhe ndarje nga mungesa e rendit në të kaluarën, me atë që duhet ta zbatojmë si rend dhe qetësi normale”, tha Toshkovski.

The post Toshkovski: “Safe City” me masa rigoroze për shoferët, mund të konfiskohet edhe automjeti appeared first on Telegrafi.

Fluksi i shtuar në vendkalimet kufitare kyçe të vendit gjatë periudhës së pushimeve, ka bërë që autoritetet të zgjerojnë bashkëpunimet me fqinjët për modelin “One Stop Shop”. Këtë të premte pritet që në vendkalimin kufitar Tabanocë-Preshevë të fillojë me punë sistemi i integruar ndërkufitar i Maqedonisë së Veriut me Serbinë. Ministri i Brendshëm Pançe Toshkovski tha se nga 4 korriku në këtë do kontrollohen vetëm hyrjet e njerëzve dhe mallrave në shtet.

“Me Serbinë, zyrtarisht do ta vëmë në funksion në fund të kësaj jave, mendoj se të premten e kemi bërë ujdinë të kemi ceremoninë e hapjes dhe fillimin e funksionimit në këtë mënyrë të kontrollit të udhëtarëve në kufi. Jemi në fazën e bisedimeve intensive edhe me Republikën e Shqipërisë, ku flasim për dy vendkalimet kufitare, ku vlerësojmë se do të lehtësohet lëvizja e qytetarëve nëpër kufij me mënyrën e re të kontrollit të udhëtarëve të ashtuquajtur ‘One Stop Shop”, tha ministri i Punëve të Brendshme, Pançe Toshkovski.

Deri më tani vendi ynë këtë sistem të integruar kufitar e ka bërë me Republikën e Kosovës në dy vendkalime kufitare në Bllacë dhe Jazhincë, por ende nuk e ka aktivizuar edhe në Bellanocë. Toshkovskii tha se këtë model pritet ta zbatojnë në të ardhmen edhe me Shqipërinë. Ndërsa me dy fqinjët tjerë, të cilët janë anëtare të BE-së, Bullgaria dhe Greqia që janë në zonën Shengen, tregoi se do të bëhet një riorganizim kufitar për shtimin e korsive nga pjesa jonë.

“Sa i përket Republikës së Greqisë, gjatë ditës së djeshme isha në vendkalimin kufitar të Bogorodicës ku ne konstatuam se ka kushte për përmirësimin e mbikëqyrjes kufitare që e kryejmë nga ana jonë. Përkatësisht, mund të vëmë në funksion së paku edhe dy korsi për dalje me riorganizim dhe mund të vëmë në funksion së paku edhe një korsi për hyrje në pjesën e ngarkesës së mauneve”, shtoi Pançe Toshkovski – ministër i Punëve të Brendshme.

Këto u thanë në takimin pas takimit dypalësh të ministrit Toshkovski me homologun e tij të Lituanisë, Vladislav Kondratoviç, që po qëndron për vizitë zyrtare në Shkup, e ku të dy ministrat nënshkruan Marrëveshje të riatdhesimit dhe për bashkëpunim ndërshtetëror të policive./TV21/

The post Nga e premtja “One Stop Shop” në Tabanoc, Toshkovski: Do të ulet fluksi i pritjeve në kufi appeared first on Telegrafi.

Kryetari i Koçanit, Venko Kërsteski tha se ndihet i zhgënhyer që nuk u pa asnjë përgjegjësi morale nga askush, për tragjedinë që ndodhi në diskotekën “Puls”.

Për Radion Evropa e Lirë, ai tha se përgjegjësi më të madhe morale ka Ministri i Brendshëm Pançe Toshkovski.

“Në këtë situatë konkretisht, ministri i Punëve të Brendshme. Unë nuk them që ai është përgjegjës për formalitetin ligjor, por ai ka një përgjegjësi, si ministër për një vit, të paktën të jetë një shembull pozitiv politik se përgjegjësia morale duhet të fillojë të mbahet në një moment të caktuar”, tha Venko Kërstevski, kryetar i Koçanit.

Ndërsa u shpreh i zhgënjyer edhe nga kryeministri Mickoski i cili siç tha, ende nuk ka shkuar në Koçan.

“Unë jam i zhgënjyer që ende, sidomos kryeministri nuk ka ardhur në Koçan. Disa herë e kam thirrur personalisht, që dera e komunës së Koçanit për të është e hapur, sepse ai është kryeministër i të gjithë qytetarëve të këtij shteti dhe vetëm me ndihmën e pushtetit qëndror ne mund ta ngrejmë Koçanin dhe ato e kanë për detyrë që qytetin tonë që ta ndihmojnë”, deklaroi Venko Kërstevski.

Për të 11 herë familjarët e viktimave të shtunën marshuan nëpër Koçan. Ata përsëri, kërkuan përgjegjësi nga autoritetet lokale, nga inspektorët, duke theksuar se nuk janë të kënaqur me aktakuzën në të cilën 34 individë dhe tre persona juridikë shihen si përgjegjës për tragjedinë.

The post Kryetari i Koçanit, Venko Kërstevski: Toshkovski ka përgjegjësi morale për tragjedinë në “Pulse” appeared first on Telegrafi.

Punësimi i policëve të përfshirë në hetimin e zjarrit në klubin “Pulse” në Koçan është pezulluar, tha ministri i Brendshëm Pançe Toshkovski në përgjigje të pyetjes së gazetarëve gjatë vizitës së sotme në Komisionin për Parandalimin dhe Mbrojtjen nga Diskriminimi.

“Prokuroria Publike është organi kompetent për të vepruar në këtë drejtim, dhe hetimi i Prokurorisë Publike për ndjekjen penale ndaj krimit të organizuar ende nuk ka përfunduar dhe u takon autoriteteve gjyqësore të vendosin për statusin e oficerëve të policisë. Brenda kuadrit të funksionimit të Ministrisë së Punëve të Brendshme, statusi i tyre është i ngrirë, domethënë, brenda kësaj periudhe kohore ata do të largohen nga kryerja e detyrave të tyre në kuadrin e funksionimit aktual”, theksoi Toshkovski.

Lidhur me kërkesën e prindërve të atyre që vdiqën në zjarr për përgjegjësi nga MPB, Toshkovski beson se ata kanë të drejtë legjitime të kërkojnë përgjigje nga institucionet.

“Ajo që duhej të ishte bërë nga MPB, si institucion, është bërë. Gjatë gjithë kësaj periudhe kohore, besoj se i kemi treguar publikut maqedonas dhe qytetarëve maqedonas se ishte e mundur të punohej ndryshe, kemi treguar se është e mundur të punohet pa dallim”, shtoi ai./Telegrafi/

The post Toshkovski: Janë pezulluar policët të përfshirë në hetimin për tragjedinë në Koçan appeared first on Telegrafi.

Sistemi i paralajmëruar prej kohësh “Safe City”, i cili synon të rrisë sigurinë dhe të përmirësojë kulturën e trafikut, do të vihet në përdorim të plotë nga 1 janari 2026, informoi sot ministri i Punëve të Brendshme Pançe Toshkovski.

Ai tha se bëhet fjalë për sistem modern me një rrjet kamerash që do të zbulojnë shkelje të ndryshme të trafikut. Rregulloret e nevojshme ligjore pritet të përfundojnë në muajt në vijim, të cilat do t’i japin “Safe City” mbështetje të plotë ligjore për zbatim.

“Më 1 janar 2026, do të kemi “Safe City” me zbatim të plotë ligjor. Deri atëherë, po mbledhim të gjitha të dhënat hyrëse për secilin automjet, duke filluar nga 1 janari 2025, dhe më pas do të vazhdojmë me zbatimin operativ. Besoj se kjo do të fillojë një fazë të re në kulturën e trafikut. Të gjithë duhet të ndryshojmë qëndrimin tonë ndaj trafikut nëse duam më pak viktima në rrugë”, tha Toshkovski.

The post Toshkovski: Sistemi “Safe city” do të zbatohet prej 1 janarit 2026 appeared first on Telegrafi.

Ajo që po ndodh me procesin evropian është më shumë se sa ngecje, është një padrejtësi. Ideja evropiane nuk duhet të shndërrohet në shantazh bilateral, thotë ministri i Punëve të Brendshme, Pançe Toshkovski në intervistën për Agjencinë e pavarur të lajmeve ballkanike (IBNA), duke theksuar angazhimin e Qeverisë ndaj reformave evropiane në rrugën drejt BE-së, por duke theksuar njëherësh se është koha që Evropa të përballet me pyetjen: vallë rajoni vërtet është pjesë e së ardhmes së saj dhe nëse është kështu, “atëherë dyert duhet të hapen me respekt dhe partneritet, jo me kërkesa dhe kushte të reja”.

Intervista e ministrit me IBNA-n është zhvilluar gjatë vizitës së tij në komunën e Prespës në Greqi, të enjten, kur filluan punimet për ndërtimin e vendkalimit kufitar Markova noga – Lemos në pjesën e territorit grek, ndërsa Toshkovski foli edhe për perspektivën e vendit në BE, bashkëpunimin me Greqinë, çështjen e emigrantëve, Marrëveshjen e Prespës, por edhe për zhvillimet në koalicionin qeveritar dhe theksoi se “qeveria është e qëndrueshme”.

Lidhur me pikën e re kufitare, Toshkovski ka thënë se është më shumë se sa një projekt infrastrukturor, “është simbol i pjekurisë, përgjegjësisë dhe perspektivës evropiane”, por edhe dëshmi se mund ta ndërtojmë të ardhmen bazuar në interesa të përbashkëta që bartin vendet tona me Evropën.

“Për rajonin e Prespës, kjo do të thotë energji e re, si ekonomike, turistike ashtu edhe kulturore. Komunitetet lokale në të dyja anët e kufirit marrin një shans të ri për zhvillim, ndërsa vendet po dëshmojnë pjekuri dhe vizion. Ky kalim jo vetëm që do të lidhë dy vendet, por do të lidhë njerëzit, historitë, natyrën dhe të ardhmen, duke përfaqësuar një shembull të vërtetë evropian të bashkëpunimit ndërkufitar”, thekson ministri.

Ai i është referuar gjithashtu portofolit të tij dhe bashkëpunimit me fqinjin jugor, duke theksuar se “krahas turbulencave politike në të kaluarën, bashkëpunimi policor midis dy vendeve është në nivel të lartë”.

“Në periudhën e ardhshme, planifikojmë të intensifikojmë dialogun me palën greke për gjetjen e zgjidhjes së qëndrueshme që do të përshpejtojnë fluksin e udhëtarëve në vendkalimin kufitarë Bogorodicë – Evzoni, sepse është arteria kryesore e komunikimit, jo vetëm për qytetarët tanë, por edhe për turistët dhe operatorët e transportit nga i gjithë rajoni. Një tranzicion i shpejtë dhe efikas atje është çështje ekonomike, sigurie dhe integrimit evropian në praktikë”, tha ministri.

Lidhur me Marrëveshjen e Prespës, ai tha se qëndrimet e partisë janë “të njohura mirë dhe ato nuk ndryshojnë sot për nesër”, por shton se “kur bëhet fjalë për udhëheqjen e vendit, përgjegjësia është më e madhe se emocioni”.

“Si qeveri, jemi plotësisht të vetëdijshëm për obligimet ndërkombëtare që duhen respektuar, kryesisht për të mbrojtur vendin nga krizat dhe bllokadat e reja. Kjo do të thotë se pavarësisht pikëpamjeve tona personale ose politike, ne do të veprojmë si burrështetas me dinjitet dhe me qëllim të qartë për të siguruar stabilitet, prosperitet dhe të ardhme evropiane për qytetarët tanë”, deklaroi ministri.

Lidhur me zhvillimet e fundit në koalicionin qeveritar, ai tha se “Qeveria është stabile, me një shumicë të qartë parlamentare dhe legjitimitet të fortë të fituar nga qytetarët” dhe shton se koalicionet politike janë pjesë e dinamikës së çdo demokracie, ato vijnë e shkojnë, por kursi i shtetit duhet të mbetet i fortë dhe i qartë.

The post Toshkovski: Ajo që po ndodh me procesin evropian është më shumë se sa ngecje, është një padrejtësi appeared first on Telegrafi.

Ky nuk është vetëm fillimi i një projekti infrastrukturor, por realizimi i një vizioni të përbashkët – një vizion i rrënjosur në bashkëpunimin rajonal, integrimin evropian dhe partneritetin e qëndrueshëm midis dy shteteve tona, deklaroi sot ministri i Punëve të Brendshme, Pançe Toshkovski, i cili së basku me kolegun e tij grek, Teodorot Livanios, ambasadorin e BE-së në vend Mihalis Rokas, përfaqësuesit e vetëqeverisjeve lokale ka marrë pjesë në ngjarjen “Stacioni Kufitar i Liqenit të Prespës-Vendosja e vendkalimit kufitar ndërmjet Greqisë dhe Republikës së Maqedonisë së Veriut në zonën e Liqenit të Prespës”.

Kjo shënoi fillimin e fazës BorPress2 të projektit, e cila në fund ka për qëllim që të vendosë një vendkalim kufitar ndërmjet Markova Nogës (Maqedoni) dhe Lemos (Greqi) që do të zvogëlojë kohën e udhëtimit ndërmjet Lemosit dhe Resnjës nga më shumë se dy orë në vetëm 40 minuta. Në këtë projekt  me vlerë mbi 7.7 milionë euro, 80% e të cilave është financuar përmes programit IPA 3 të Bashkimit Evropian, planifikohet të rinovohet stacionin ekzistues policor në anën maqedonase, ndërtimi i një ndërtesë të re për kontrollin doganor dhe kufitar në anën e Greqisë dhe zhvillimin e shtegut ndërkufitar për këmbësorë ndërmjet fshatrave Bratuçinë dhe Agios Germanos me qëllim promovimin e eko-turizmit. Partnerë në projekt janë Ministritë e Punëve të Brendshme të Maqedonisë dhe të Greqisë, Rajoni i Maqedonisë Perëndimore në Greqi dhe komunat e Resnjës dhe të Prespës.

“Sot shënojmë fillimin e projektit BorPress2 dhe vendosen themelet për hapjen e ardhshme të vendkalimit kufitar Markova Nogë / Lemos. Gjatë viteve, marrëdhënia ndërmjet vendeve tona është bërë me e fuqishme – në bazë të respektit të ndërsjellë, bashkëpunimin praktik dhe ndjenjës së thelluar për një të ardhme të përbashkët. Ky vendkalim i ri kufitar është një shprehje e fuqishme e kësaj marrëdhënieje. Është një demonstrim konkret i vullnetit politik, aftësisë teknike dhe mirëkuptimit tonë të përbashkët se në Evropën e sotme, kufijtë duhet të lidhin, e jo të ndajnë”, theksoi ministri Toshkovski.

Ministri Toshkovski elaboroi se ky progres nuk do të kishte qenë i mundur pa mbështetjen e palëkundur të Bashkimit Evropian përmes Instrumentit së ndihmës për anëtarësim – IPA dhe Programit për bashkëpunim ndërkufitar, që mundësuan financimin e nevojshëm, ekspertizën teknike dhe mundësinë që të nxjerrim sadopak forcë nga qëllimi kolektiv evropian në të cilin lidhshmëria, bashkëpunimi dhe integrimi janë shtylla jetësore të paqes dhe të prosperitetit.

“Forca e Evropës qëndron në unitetin e saj dhe në urat që ndërtojmë përtej kufijve – e jo në muret që ngremë midis nesh. Përmes projektit BorPress2, po e shndërrojmë këtë qëllim në një ndikim praktik dhe të matshëm. Ky projekt është dëshmi se integrimi evropian nuk është një aspiratë e largët – është një proces i gjallë, i rrënjosur në rezultate të prekshme: rrugë më të mira, kufij të sigurt dhe një cilësi më e mirë jetese për qytetarët që u shërbejmë”, theksoi Toshkovski.

Projekti filloi më 14 shkurt të vitit 2025 dhe është planifikuar të zgjasë 36 muaj, duke përfunduar më 13 shkurt të vitit 2028.

The post Vendoset vendkalim kufitar RMV-Greqi në zonën e Liqenit të Prespës, Toshkovski: Në Evropë kufijtë duhet të lidhin vende e jo të ndajnë appeared first on Telegrafi.

Ministri i Punëve të Brendshme, Pançe Toshkovski, sot deklaroi se të gjitha dokumentet lidhur me tenderin për uniformat e MPB-së janë publikisht të kapshme. Duke u përgjigjur në pyetje për akuzat nga LSDM-ja, të cilët pohojnë se tenderi është skandaloz dhe se dokumentet i kanë parashtruar në Komisioni për antikorrupsion, Toshkovski potencoi se do të jenë transparent në tërë procedurën.

Lexo po ashtu LSDM: Prokuroria Publike dhe KSHPK duhet të veprojnë për tenderin skandaloz prej 4 milionë eurosh në MPB

“Edhe njëherë u bëj thirrje Prokurorisë publike dhe të gjitha institucioneve të tjera të cilat kanë kompetenca në këtë pjesë të vijnë në kuadër të Ministrisë së Punëve të Brendshme, në sektorin që i zbaton këto furnizime publike, t’i shohin të gjitha dokumentet lidhur me furnizimin në fjalë. Ministria e Punëve të Brendshme është transparente dhe do e tillë do të mbetet në tërë këtë procedurë”, deklaroi Toshkovski gjatë vizitës së sotme në vendkalimin kufitar “Jazhincë-Glloboçicë” me qëllim të inaugurimit të sistemit One Stop për kontroll të përbashkët të integruar.

Në pyetjen për dy akuzat e parashtruara për klanin Bellanoca-Baron dhe grupin e Rade Shteklit, ministri Toshkovski tha se këto lëndë janë vetëm disa nga ato të cilat japin rezultate historike në Maqedoni.

Porositi që qytetarët e vendit të jenë të qetë, sepse, siç tha, “si ministri vazhdojmë me tempo të njejtë”.

“Vazhdojmë në drejtim të normalizimit të Maqedonisë. Atë që e premtuam para zgjehdjeve po shihet në vepra, si në rpaort me luftën kundër krimit dhe korrupsionit, ashtu edh enë pejsën e realizimit të këtyre projekteve”, tha Toshkovski.

The post Akuzat e LSDM-së për tenderin e uniformave, Toshkovski: Institucionet t’i kontrollojnë dokumentet e nevojshme që janë nën kompetencën e MPB-së appeared first on Telegrafi.

Partia maqedonase në opozitë LSDM, në një kumtesë për media thotë se ministri i Brendshëm Pançe Toshkovski është kapur i gjallë në një skemë masive korrupsioni.

Nga LSDM thonë se “pasi pranoi publikisht dje se MPB i dha tender me vlerë 4 milionë euro një kompanie të themeluar vetëm 20 ditë para se të shpallej tenderi, ai u fsheh dhe nuk iu përgjigj pyetjeve kyçe që i kanë bërë”.

“Në vend që të fshihesh dhe të paraqitesh si luftëtar për drejtësi, dil dhe reago menjëherë. Si është e mundur që një kompani që nuk ekzistonte më parë të përmbushë të gjitha kërkesat dhe të paraqesë mostra cilësore? Kush ia tha kushtet paraprakisht? Kush e përgatiti atë për të marrë pjesë dhe për të fituar? Ku janë ato mostra që ajo dorëzoi, kur kompania as nuk ekzistonte?”.

“Toshkovski thotë se u udhëhoq nga “cilësia” e ofertës. Si e përcaktoni cilësinë në një kompani pa përvojë, kapacitet dhe histori operative? Apo cilësia është vetëm lidhje dhe komisione cilësore për Toshkovskin dhe OBRM-PDUKM-në? LSDM kërkon një procedurë urgjente nga Prokuroria Publike, marrjen në pyetje të të gjithë personave të përfshirë në tender, hetimin e veprave të mundshme penale: keqpërdorim të detyrës zyrtare, manipulim të tenderëve dhe pastrim parash, si dhe anulimin e të gjithë tenderit”, thonë nga LSDM.

The post LSDM: Kompania pa asnjë ditë përvojë, ka fituar tender 4 milionë euro nga MPB appeared first on Telegrafi.

Opozitarja LSDM sot ka akuzuar ministrin e punëve të brendshme Pançe Toshkovski se u ka dhënë tenderë në shuma të mëdha të parave kompanive të cilat nuk i kanë plotësuar kriteret bazë.

Zëdhënësja e LSDM-së Bogdanka Kuzeska thotë se kontrata me vlerë në miliona u janë dhënë kompanive pa asnjë kapacitet, pa asnjë përvojë të mëparshme relevante dhe madje pa asnjë histori të prokurimit publik. Ajo theksoi se disa prej atyre kompanive janë hapur 20 ditë para shpalljes së tenderit.

“Kompania “Le Brand Design” nga Manastiri, një studio mode me të ardhura mesatare vjetore prej mezi 20,000 eurosh dhe vetëm 2 të punësuar, ka fituar një tender prej mbi 2 milionë eurosh për qepjen e uniformave speciale të policisë. Deri dje 2 punonjës qepnin fustane, sot këta 2 punonjës duhet të bëjnë veshje për njësitë speciale. Kush është naiv këtu? Kompania “Pamitex Team” është regjistruar vetëm 20 ditë para shpalljes së tenderit, pa faqe interneti, pa histori prokurimi, pa transparencë. Ja se si një kompani fiton një tender prej 1,710,000 eurosh”, tha Kuzeska.

Kuzeska thotë se LSDM kërkon procedurë urgjente nga Zyra e Prokurorit Publik për dyshime për keqpërdorim të detyrës zyrtare, manipulim të tenderëve dhe pastrim të mundshëm parash.

“LSDM kërkon anulim të tenderit skandaloz, hapjen e një procedure të re, transparente dhe me kritere objektive. Ky është korrupsion sistematik që duhet të hetohet plotësisht. Qytetarët nuk meritojnë krim, por drejtësi”, tha Kuzeska.

The post LSDM: Toshkovski i dha tender prej 4 milionë eurosh një kompanie me dy të punësuar appeared first on Telegrafi.

Ministri i Brendshëm, Pançe Toshkovski priti prindërit dhe familjarët e të vdekurve në diskotekën “Pulse” të Koçanit. Ai i siguroi se askush nuk do të kursehej në hetim dhe theksoi edhe një herë se hetimi nuk kishte mbaruar.

Në përgjigje të një vërejtjeje nga disa prej të pranishmëve, Toshkovski tha se ndien një përgjegjësi morale.

“As unë nuk të besoja. Jam edhe i tërbuar dhe i zemëruar. Shpirti im po qan dhe fëmijët e mi po qajnë”, tha Ministri, duke ndarë me publikun se babai i policit të policisë që vdiq në tragjedi e pa atë të pranishëm në funeralin e të birit dhe kërkoi që ta sillnin tek ai që të thoshte disa fjalë.

“Më tha: Ministër, të kam ndjekur që nga momenti i parë që more pozicionin, të shoh duke u munduar dhe duke u rrëzuar në këtë moment. Dua të të dërgoj një mesazh që të vazhdosh luftën dhe ta çosh këtë deri në fund, mos u tërhiq. Këto janë fjalët e tij. Prandaj nuk dhashë dorëheqjen”, tha Toshkovski dhe tha se do t’i dëgjonte të gjithë prindërit që erdhën dhe kishin diçka për të thënë./Telegrafi/

The post Toshkovski: Hetimi për tragjedinë e Koçanit ende nuk ka mbaruar appeared first on Telegrafi.

Ministri i Punëve të Brendshme, Pançe Toshkovski theksoi se konstatimi pozitiv nga vizita është se ka rritje të pasagjerëve në këtë pikë kufitare, si dhe në të gjitha pikat kufitare brenda Qendrës Rajonale – Perëndim.

“Krahasuar me të njëjtën periudhë të vitit të kaluar, këtë vit kemi një rritje prej rreth 20% të pasagjerëve në pikën kufitare të aeroportit, dhe rreth 30% në pikën kufitare Bllato afër Dibrës. Jemi duke u fokusuar në rritjen e kushteve teknike dhe kapaciteteve njerëzore me të cilat do të mund t’i përgjigjemi në mënyrë adekuate numrit të shtuar të pasagjerëve që kemi gjatë kësaj periudhe kohore. Është mirë që kemi rritur shkëmbimet turistike dhe dëshirojmë që ky numër të rritet në kontakt, që sa më shumë turistë të shohin bukuritë e Ohrit dhe Maqedonisë”, theksoi ministri Toshkovski.

Toshkovski theksoi se MPB-ja dhe Policia rajonale e Ohrit janë duke marrë të gjitha masat e nevojshme që të gjithë turistët në sezonin e ardhshëm të jenë të sigurt dhe të shijojnë pushimet e tyre, si në kuadër të Policisë së rajonit të Ohrit ashtu edhe në territorin e gjithë vendit.

The post Aeroporti i Ohrit ka regjistruar 20 për qind më shumë udhëtarë se në vitin e kaluar appeared first on Telegrafi.