Lionel Messi i mrekullueshëm vazhdoi të shkëlqente në ligën MLS, dhe në ndeshjen kundër New England Revolution vendosi një rekord të ri.

Inter Miami fitoi me rezultat të ngushtë 2-1 në udhëtim te New England Revolution dhe kjo fitore erdhi e gjitha falë Messit.

Messi e kaloi Inter Miamin në epërsi në minutën e 27-të, dhe në minutën e 38-të, me një asistim të shkëlqyer nga Sergio Busquets, e dyfishoi epërsinë.

Me golin e dytë në ndeshje, Messi shkroi historinë e ligës MLS sepse u bë lojtari i parë në historinë e kësaj gare që shënoi dy ose më shumë gola në katër ndeshje radhazi.

E tëra çfarë bëri New England Revolution në ndeshje ishte të shënonte një gol ngushëllimi me anë të Carles Gil në minutën e 79-të.

Ylli argjentinas e ka tejkaluar tashmë rekordin e legjendës braziliane, Pele. Messi tani ka luajtur më shumë ndeshje sesa Pele në historinë e tij në MLS (65 ndeshje për Leo krahasuar me 64 për Pelen).

Numrat janë shumë në favor të Messit, i cili ka 54 gola dhe 24 asistime krahasuar me 37 gola dhe 18 asistime të Peles.

Lionel Messi alcançou os números de jogos de Pelé pelo NY Cosmos. (64)

Mas em termos de gols e assistências o argentino já o SUPEROU… pic.twitter.com/Raflrx5apa

— Messi Brasil (@LM10Brasil) July 7, 2025

The post Messi vazhdon të terrorizojë mbrojtjet kundërshtare, vendos një rekord të ri në MLS dhe eklipson Pelen appeared first on Albeu.com.

Lionel Messi ishte protagonist absolut në fitoren e Inter Miami me rezultatin 4-1 ndaj CF Montreal në ndeshjen e fundit të MLS.

Ylli argjentinas realizoi dy gola, duke i dhënë ekipit të tij një fitore të rëndësishme pas eliminimit në Kupën e Botës për Klube.

Por vendasit ishin ata që kaluan të parët në epërsi me golin e realizuar nga Prince Owusu.

Krejt kjo ndodhi falë një gabimi trashanik nga Lionel Messi.

MESSI MISTAKE!

Prince Owusu capitalizes on a HORRENDOUS Lionel Messi giveaway to put CF Montréal up early at Stade Saputo! #CFMTL 1-0 #InterMiamiCF | 2’ | #MTLvMIA pic.twitter.com/euhHNf4Pr3

— Canadian Soccer Daily (@CANSoccerDaily) July 6, 2025

Shtatë herë fituesi i Topit të Artë në tentim për ta rikthyer topin te portieri i tij asistoi te Owusu i cili ishte pranë golit dhe me lehtësi shënoi për 1-0.

Gjithsesi Messi përmirësoi gabimin e tij duke shënuar dy gola të jashtëzakonshëm dhe duke asistuar në një tjetër.

Epo iu ndodh edhe më të mirëve në botë që ndonjëherë të gabojnë, Messi bëri një asistim fantastik, por për kundërshtarin. /Telegrafi/

The post Messi siç nuk e keni parë kurrë, me një gabim trashanik asiston te goli i skuadrës kundërshtare appeared first on Telegrafi.

Ëndrra e Lionel Messit për Kupën e Botës mund ta dërgojë më në fund në Ligën Premier – në moshën 38 vjeç.

Legjenda argjentinase pritet të marrë në konsideratë një kalim në formë huazimi në një ligë më konkurruese përpara mbrojtjes së titullit të Kupës së Botës në verën e ardhshme.

Inter Miami është i gatshëm të zgjasë kontratën dyvjeçare të Messit përtej vitit 2025.

Por edhe nëse ai nënshkruan një marrëveshje të re, fituesi i tetë herë i Topit të Artë mund të sigurojë një qëndrim të përkohshëm me një klub të nivelit të lartë evropian.

Raportimet në vendin e ikonës pretendojnë se Messi dëshiron ndeshje të rregullta të nivelit të lartë para Kupës së Botës 2026 në Amerikë.

Kjo do të thotë që ish-sulmuesi i Barcelonës mund të largohet për disa muaj.

Lexo po ashtu Të gjithë po pyesin se kush është njeriu që Messi e përqafoi ngrohtësisht dhe ia dhuroi fanellën

Miami i David Beckham i habiti fansat duke arritur në Kupën e Botës për Klube në SHBA.

Por, Messi në veçanti dukej i frustruar pasi ish-klubi i tij, Paris Saint-German, e mposhti ekipin e tij të MLS-së me rezultatin 4-0 në 1/8 e finales.

Fituesi katër herë i Ligës së Kampionëve u akuzua madje nga disa shikues se u përpoq të godiste me grusht ish-shokun e ekipit Vitinha.

Messi nuk ka luajtur kurrë për një klub anglez. Por ish-trajneri i Manchester Cityt, Mark Hughes, pretendoi se Sheikh Mansour erdhi për të – ditën që biznesmeni arab përfundoi blerjen e klubit për 250 milionë euro në vitin 2008.

Drejtori aktual i Etihad, Pep Guardiola, kuptohet gjithashtu se ka dëshiruar një ribashkim me ish-djalin e tij të Barcelonës përpara se të transferohej te PSG në vitin 2021.

Kohët e fundit në Spanjë ka pasur zëra për një rikthim sentimental te Barca.

Lexo po ashtu Kane injoron Messin dhe Ronaldo kur zgjedh 'sulmuesin më vdekjeprurës' para portës

Por, gazetari spanjoll Guillem Balague beson se kjo është e pamundur, për shkak të marrëdhënies së vështirë të Messit me presidentin e klubit Joan Laporta.

Pra, një qëndrim i parë në Angli mund të tingëllojë joshëse për një yll me 112 gola në 193 ndeshje ndërkombëtare. /Telegrafi/

The post Messi më në fund mund të luajë në Ligën Premier, ndërsa ylli i Inter Miamit ‘konsideron një transferim huazues’ përpara Kupës së Botës appeared first on Telegrafi.

Enea Mihaj ka nënshkruar për Atlanta United. Mbrojtësi i Kombëtares ka vendosur ta vazhdojë karrierën në elitën e futbollit amerikan. Kontrata e firmosur nga Mihaj është e vlefshme deri në vitin 2028 me opsion rinovimi dhe për një sezon tjetër. Klubi amerikan saktëson se Mihaj do të mund të luajë për Atlanta United nga data […]

The post Zyrtare/ Dështon transferimi në Itali, Enea Mihaj vijon karrierën në MLS appeared first on BoldNews.al.

Lionel Messi ka vazhduar me paraqitje të jashtëzakonshme në elitën e futbollit amerikan MLS.

Inter Miami ka marrë fitore të thellë 5-1 ndaj Columbus Crew dhe Messi zhvilloi ndeshjen më të mirë të sezonit.

Ylli argjentinas e mbylli ndeshjen me dy gola të shënuar dhe dy asistime në këtë sfidë.

Golin e parë Messi e shënoi në minutën e 15-të për të ngritur epërsinë e Inter Miamit në 2-0, pasi golin hapës e kishte shënuar Allende pas asistimit të Messit.

Shtatë herë fituesi i Topit të Artë realizoi sërish në minutën e 24-të për 2-0 pas një asistimi brilant nga Sergio Busquets.

Në pjesën e dytë Luis Suarez u përkujdes për golin e katërt, derisa Fafa Picault shënoi për rezultatin përfundimtar 5-1 pas asistimit nga Messi.

Messi tani ka 10 gola dhe shtatë asistime në MLS.

The post Messi me paraqitje të jashtëzakonshme, dy gola dhe dy asistime në fitoren e thellë të Inter Miamit appeared first on Albeu.com.

Lionel Messi ka vazhduar me paraqitje të jashtëzakonshme në elitën e futbollit amerikan MLS.

Inter Miami ka marrë fitore të thellë 5-1 ndaj Columbus Crew dhe Messi zhvilloi ndeshjen më të mirë të sezonit.

Ylli argjentinas e mbylli ndeshjen me dy gola të shënuar dhe dy asistime në këtë sfidë.

Golin e parë Messi e shënoi në minutën e 15-të për të ngritur epërsinë e Inter Miamit në 2-0, pasi golin hapës e kishte shënuar Allende pas asistimit të Messit.

Another iconic performance @RoyalCaribbean #IconOfTheMatch pic.twitter.com/c1Vlibt14o

— Inter Miami CF (@InterMiamiCF) June 1, 2025

Shtatë herë fituesi i Topit të Artë realizoi sërish në minutën e 24-të për 2-0 pas një asistimi brilant nga Sergio Busquets.

Në pjesën e dytë Luis Suarez u përkujdes për golin e katërt, derisa Fafa Picault shënoi për rezultatin përfundimtar 5-1 pas asistimit nga Messi.

Messi tani ka 10 gola dhe shtatë asistime në MLS. /Telegrafi/

The post Messi me paraqitje të jashtëzakonshme, dy gola dhe dy asistime në fitoren e thellë të Inter Miamit appeared first on Telegrafi.

Albert Sinani është një fotograf profesionist nga Kosova, i cili tash e një kohë jeton dhe punon në Shtetet e Bashkuara të Amerikës.

I njohur për punën e tij të përkushtuar në fushën e fotografisë sportive, Sinani dikur ishte fotografi zyrtar i klubit të futbollit Feronikeli, ku së bashku me stafin e atij ekipi kontribuoi në një transformim të rëndësishëm në mënyrën se si klubet sportive komunikonin vizualisht dhe mediatikisht me publikun.

Gjatë qëndrimit të tij në Kosovë, Sinani u vlerësua gjithashtu me çmime për fotografi sportive, duke u bërë një nga emrat më të dalluar në këtë fushë. Por përkushtimi dhe pasioni i tij për fotografinë nuk kishin kufij, dhe rruga e tij profesionale e çoi deri në një nga skenat më të mëdha të futbollit – Major League Soccer në SHBA.

Së fundmi, ai pati mundësinë unike të fotografonte një nga legjendat më të mëdha të futbollit, Lionel Messin, gjatë një ndeshjeje të Inter Miami-t. Ky moment, për të, nuk ishte vetëm një punë – ishte realizimi i një ëndrre të vjetër.

“Gjatë karrierës sime si fotograf, kam kapur mijëra momente – gola, emocione, trofe dhe histori njerëzore që ndodhin në fushën e blertë. Por ndjesia që përjetova kur u gjenda përballë Lionel Messit ishte krejtësisht ndryshe”, rrëfen Sinani për Telegrafin.

Ai kujton emocionin e veçantë që përjetoi gjatë ndeshjes, pasi para tij kishte një legjendë, siç e quan ai Messin.

“Jam rritur duke e ndjekur Messin në televizor. Për ne që kemi pasion për futbollin, ai nuk është thjesht një lojtar – është frymëzim, është legjendë. Dhe ja ku isha tani, në vijën anësore të fushës, duke ndjekur nga afër çdo hap, çdo driblim, çdo lëvizje të tij në kohë reale.”

Në ato momente, thotë ai, ndjeu se e gjithë loja ishte përqendruar rreth Messit dhe pikërisht argjentinasi prodhoi një mrekulli, që natyrisht Alberti e kapi me kamerën e tij.

“E gjithë skuadra dukej sikur priste vetëm nga ai – që të bënte diçka, që të sillte një mrekulli. Dhe mrekullia ndodhi. Kur Messi përgatitej për një goditje dënimi, e gjithë stadiumi mbante frymën – e unë mbaja fokusin. Dhe kur ai shënoi, e dija se kisha kapur një moment historik”.

Por kulmi i emocioneve ndodhi pas golit, kur stadiumi shpërtheu në brohoritje dhe madje edhe tifozët kundërshtarë filluan të thërrisnin emrin e Messit.

“Ishte një moment që tejkalon rivalitetin – ishte moment respekti ndaj tij. Të fotografosh Lionel Messin nuk është thjesht një punë – është një ndjesi që ta ndryshon jetën. Është një histori që do ta tregoj me krenari gjithë jetën”, përfundon Sinani rrëfimin e tij për Telegrafin.

Për Albert Sinanin, ky episod nuk është vetëm një kujtim i bukur profesional, por një moment jetësor që simbolizon se pasioni dhe përkushtimi mund të të çojnë në vendin e ëndrrave – edhe kur ky vend ndodhet përballë një legjende si Lionel Messi. /Telegrafi/ 

The post Nga fushat e Kosovës, në magjinë e Leo Messit – ëndrra që u bë “fotografi e përjetshme” për Albert Sinanin appeared first on Telegrafi.

Lionel Messi nuk e fshehu zhgënjimin pas humbjes 3-0 që Inter Miami pësoi ndaj Orlando City të dielën në kuadër të MLS.

Ishte disfata e pestë për ekipin në shtatë ndeshjet e fundit, përfshirë edhe ato në CONCACAF Champions Cup.

“Mendoj se patëm një pjesë të parë të shkëlqyer. Ne po sulmonim dhe krijonim raste, ndërsa ata nuk arrinin të dilnin nga mbrojtja, vetëm përmes topave të gjatë”, u shpreh Messi për Apple TV pas ndeshjes

Ylli argjentinas u ndal edhe te një moment vendimtar para golit të parë të Orlandos. “Ishte një lojë e çuditshme. Një nga lojtarët e tyre ia pasoi topin portierit dhe gjyqtari më tha që nuk e njihte rregullin. Ai më tha se nuk i dukej ashtu, se nuk e kuptonte”, tha Messi i habitur.

Messi nënvizoi se nga ajo situatë erdhi topi i gjatë që u kthye në gol për kundërshtarin. Ai kritikoi ashpër mungesën e qartësisë nga gjyqtari në një moment thelbësor të lojës.

Ai kujtoi edhe situata të mëparshme të ngjashme. “Ka gabime të qarta, si në ndeshjen e fundit kundër San Jose. Nuk po kërkoj justifikime, por gjithmonë ndodh diçka me gjyqtarët kur luajmë ndeshje të rëndësishme”0

Sipas Messit, këto episode ndikojnë në ecurinë e skuadrës dhe meritojnë vëmendje të veçantë. “MLS duhet ta shqyrtojë më nga afër çështjen me gjyqtarët”, përfundoi ai.

Inter Miami rrezikon të humbasë terren në renditje nëse rezultatet negative vazhdojnë, pavarësisht pranisë së superyllit argjentinas në skuadër. /Telegrafi/

The post Messi i befasuar në SHBA, tregon një moment që gjyqtari nuk e dinte rregullin dhe skuadra e tij pësoi gol appeared first on Telegrafi.

Ndeshja e fundit e Lionel Messi rrezikonte të përfundonte shumë keq për yllin argjentinas, i cili ishte shumë pranë përjashtimit pas një përplasjeje të ashpër me arbitrin: pas vërshëllimës së trefishtë ai shkoi drejt arbitrit duke i drejtuar gishtin dhe duke përdorur edhe fjalë mjaft të rënda ndaj tij, për një parregullsi të ndodhur në minutat e fundit të takimit. Inter Miami barazoi 3-3 ndaj San Jose Earthquakes dhe “Pleshti” protestonte për golin e fundit të kundërshtarëve, i cili sipas tij nuk duhej të ishte dhënë për shkak të një faulli.

Por mënyra e tij e protestës ishte mjaft arrogante dhe situata doli shpejt jashtë kontrollit, aq sa arbitri e ndëshkoi fillimisht me karton të verdhë për protesta, por më pas – pasi ndeshja kishte përfunduar – e kërcënoi edhe me karton të kuq për sjelljen e tij. Bashkëlojtarët e tij nuk u përfshinë në situatë, por për ta shmangur përjashtimin ndërhynë vetë kundërshtarët, me trajnerin Bruce Arena që e kapi për krahu për ta larguar.

الاسطورة غاضب من الحكم pic.twitter.com/qHCHacNar2

— Messi World (@M10GOAT) May 15, 2025

Messi tërbohet me arbitrin

Nuk jemi mësuar me skena të tilla, por në ndeshjen e fundit në MLS u pa një Messi ndryshe nga zakonisht. Gjithçka nisi në minutat e fundit të takimit ndaj San Jose Earthquakes: skuadra kaliforniane kishte kryer një faull ndaj Messit në aksionin që çoi në golin e barazimit 3-3, një situatë që sipas lojtarëve të Inter Miami ishte e parregullt dhe kërkonin që goli të anulohej dhe të akordohej një goditje dënimi. Por nuk ndodhi kështu, pasi arbitri e konfirmoi golin dhe e mbylli takimin disa sekonda më vonë. Pikërisht aty Messi u zemërua dhe e ndoqi arbitrin, duke protestuar – çka i solli kartonin e verdhë.

Bruce Arena had to step in and calm Messi down before he caught another yellow

Coach moves off the pitch! pic.twitter.com/1ue7tmbd3O

— DAZN Football (@DAZNFootball) May 15, 2025

E shpëtojnë kundërshtarët

“Ishte faull, je një frikacak” – i kishte bërtitur atij, duke hedhur benzinë në një zjarr tashmë të ndezur. Pasi mori të verdhën, u largua për pak çaste, por më pas u kthye për të vazhduar përplasjen: në atë moment arbitri e kërcënoi hapur me përjashtim, por atëherë ndërhynë lojtarët e San Jose Earthquakes për ta larguar. Edhe trajneri kundërshtar iu afrua për ta qetësuar dhe për ta shoqëruar drejt dhomave të zhveshjes, duke shmangur kështu kartonin e kuq.

The post “Je një frikacak”, Messi arrogant me arbitrin, rivalët e shpëtojnë nga kartoni i kuq appeared first on Lapsi.al.

Negociatat e kontratës midis Lionel Messit dhe Inter Miamit thuhet se kanë hasur në një pengesë, duke hedhur pasiguri mbi të ardhmen e superyllit argjentinas me klubin e MLS përtej sezonit aktual.

Sipas burimeve, ka vetëm 50 për qind shanse që Messi të qëndrojë me Inter Miamin pasi kontrata e tij aktuale të skadojë në dhjetor 2025.

Kontrata e Messit, e cila përfshin marrëveshje të rëndësishme tregtare me Apple dhe Adidas, i çon të ardhurat e tij vjetore në gati 60 milionë dollarë, me një pagë të garantuar prej afërsisht 20.5 milionë dollarësh në sezon.

Pavarësisht optimizmit të mëparshëm të pronarit të Inter Miami, Jorge Mas, për zgjatjen e qëndrimit të Messit, nuk është arritur asnjë marrëveshje zyrtare.

Pasiguria rreth të ardhmes së Messit ka ndikuar edhe në negociatat për lojtarë të tjerë të nivelit të lartë, përfshirë Jordi Alban, Luis Suarezin dhe Sergio Busquetsin.

Lexo po ashtu Ish-trajneri i Messit në Barcelonë zbulon se kush është më i mirë në moshën 17-vjeçare, ai apo Lamine Yamal

Vendimi i Messit ka të ngjarë të luajë një rol vendimtar në përcaktimin e fazës tjetër të karrierës së tij në Major League Soccer.

Me stadiumin e ri të Inter Miami që pritet të përfundojë në vitin 2026, largimi i mundshëm i Messit do të ishte një goditje e rëndësishme për planet e klubit.

Për momentin, e ardhmja e njërit prej yjeve më të mëdhenj të futbollit mbetet e pasigurt. /Telegrafi/

The post E ardhmja e Lionel Messit te Inter Miamin në dyshim appeared first on Telegrafi.

Sulmuesi shqiptar, Xhakomo Vrioni ka tundur për herë të parë rrjetën për këtë sezon në kampionatin amerikan MLS. Teksa po mbyllej pjesa e parë e sfidës, ai përfiton nga rrëmuja në zonë për të rikthyer baraspeshën. Por goli i tij nuk mjaftoi për ti dhuruar pikë Montreal, pasi u mposhtën nga Filadelfia me shifrat 1-2. […]

The post Pas golit të çmendur, sulmuesi shqiptar tund sërish rrjetën (VIDEO) appeared first on BoldNews.al.

Lionel Messi dhe Luis Suarez janë rikthyer te golat, por edhe Inter Miami është rikthyer te fitoret në MLS.

Inter Miami ka marrë fitore të madhe 4-1 ndaj New York Red Bull në një ndeshje ku shkëlqyen dy ish lojtarët e Barcelonës.

Vetëm pas nëntë minutash lojë, ishte Fafa Picault që kaloi vendasit në epërsi 1-0.

Vendasit realizuan dy gola të shpejtë brenda nëntë minutash 30′ dhe 39′ me Weigandt dhe Luis Suarez.

E për rezultatin përfundimtar 4-1, u përkujdes Leo Messi që shënoi në minutën e 67-të për rezultatin përfundimtar 4-1. /Telegrafi/

The post Messi dhe Suarez rikthehen te golat, Inter Miami merr fitore të madhe appeared first on Telegrafi.

Lionel Messi e gjeti veten në qendër të vëmendjes pas humbjes 2-0 të Inter Miami nga Vancouver Whitecaps në ndeshjen e parë të gjysmëfinales së Kupës së Kampionëve Concacaf 2025. 

Kjo shkaktoi një reagim të dhunshëm nga Messi, i cili u përhap me shpejtësi në rrjetet sociale. 

Sipas pamjeve të postuara në TikTok dhe rrjetin X, Messi u ndal kur pa fanellën dhe i nervozuar u përgjigj: “Unë jam numri një, shkoni dhe shikoni atë në Arabinë Saudite,” tha asi argjentinas, sipas Bein Sports. 

 

View this post on Instagram

 

A post shared by beIN SPORTS USA (@beinsportsusa)

Situata e pazakontë ndodhi menjëherë pas ndeshjes teksa Messi u drejtua për në dhomat e zhveshjes në stadiumin BC Place të Vankuverit, pas një nate të vështirë për Inter Miami që kërcënoi seriozisht shanset e tyre për të arritur në finale. 

Kjo skenë shkaktoi reagime të ndara. Disa e mbështetën Messin, duke e konsideruar të kuptueshme reagimin e tij pas provokimit pas disfatës së dhimbshme.  

Të tjerë e kritikuan duke thënë se ai duhej të kishte injoruar provokimin. /Telegrafi/  

The post Lionel Messi provokohet nga fansat me fanellën e Ronaldos, argjentinasi reagon si asnjëherë më parë appeared first on Telegrafi.

Thomas Muller ka refuzuar dy oferta të shpejta, të cilat kanë mbërritur tek agjentët e tij vetëm pak javë pas zyrtarizimit të largimit të tij nga Bayern Munich. Sulmuesi gjerman në korrik do të jetë lojtar i lirë dhe mund të transferohet me parametra zero në klubin që dëshiron. Sport Bild raporton se Muller ka […]

The post Muller refuzon Seria A dhe MLS, e ardhmja pas Bayernit mbetet e paqartë appeared first on BoldNews.al.

Inter Miami thuhet se po shqyrton mundësinë e nënshkrimit të Kevin De Bruyne, i cili njoftoi se do të largohet nga Manchester City në fund të sezonit.

De Bruyne, 33 vjeç, ka pasur një karrierë të shkëlqyer te City, duke fituar 19 trofe në 10 sezone. Ndërsa ai ishte i lidhur me skuadrën e MLS, San Diego FC vitin e kaluar, është Miami që tani mban dorën e sipërme.

Sipas mediumit The Athletic, Inter Miami mban të drejtën e parë për të negociuar një marrëveshje për të sjell De Bruynen në Major League Soccer (MLS).

Megjithatë, Miami tashmë ka tre lojtarët maksimalë të caktuar (Messi, Busquets dhe Alba), kështu që ardhja e De Bruyne në listë do të kërkonte fleksibilitet.

Inter Miami hold the discovery rights for Manchester City player Kevin De Bruyne, sources told ESPN’s @lizzy_becherano, setting up a scenario in which the Belgian playmaker could join Lionel Messi in south Florida

More: https://t.co/P0W3ouFp2V pic.twitter.com/LGmvKxC6Ps

— ESPN FC (@ESPNFC) April 8, 2025

Një opsion mund të jetë përdorimi i “parave të alokimit të synuar” (TAM) siç bëri LA Galaxy me Zlatan Ibrahimovic në vitin 2018, por kjo do të kufizonte pagën e De Bruyne për gjysmë-sezonin e tij të parë.

De Bruyne do të kualifikohej për t’u bashkuar me Inter Miami pas hapjes së afatit dytësor të transferimeve të MLS në korrik, pas përfshirjes së tij në Kupën e Botës për Klube me Cityn. Megjithatë, Miami mund t’i duhet t’i lërë vend atij duke rregulluar kontratat e lojtarëve aktualë të caktuar.

Ardhja e De Bruynes do të rriste opsionet sulmuese të Inter Miamit, megjithëse nevoja e tyre kryesore ka qenë përmirësimet në mbrojtje. Me një lojtar të profilit kaq të lartë në dispozicion, klubi nga Florida mund të ketë një mundësi unike për të shtuar një yll përkrah Messit dhe emrave të tjerë të mëdhenj. /Telegrafi/

The post Zbulohet klubi favorit për transferimin e De Bruyne appeared first on Telegrafi.

Paul Pogba mund të rikthehet të luaj futboll, por ai ka nevojë për një klub të ri.

Një nga skuadrat më të interesuara për shërbimet e mesfushorit ishte gjiganti francez Olympique Marseille, por gjërat kanë marrë kthesë të papritur.

Marseille ka hequr dorë nga Pogba dhe këtë e ka konfirmuar edhe presidenti i klubit,Pablo Longoria.

Lexo po ashtu Fabrizio Romano flet për rikthimin e mundshëm të Pogbas tek Man United

“Ne folëm me Pogba dhe shqyrtuam mundësinë e nënshkrimit të tij si një agjent i lirë, por në fund vendosëm të mos vazhdojmë me nënshkrimin”.

“Besojmë se procesi i tij i përshtatjes mund të prishë ekuilibrin e brendshëm të ekipit”, deklaroi presidenti i klubit francez.

Lexo po ashtu Pogban e duan nga Spanja, Italia dhe Franca

32-vjeçari tani ka dy opsione të tjera për ta vazhduar karrierën dhe atë larg kampionateve evropiane.

Bëhet fjalë për kampionatin arab dhe atë amerikan, ku disa skuadra kanë shprehur interesim për të siguruar shërbimet e mesfushorit me shumë përvojë. /Telegrafi/

The post Klubi francez refuzon nënshkrimin me të, Pogba ka dy opsione për ta vazhduar karrierën appeared first on Telegrafi.

Myrto Uzuni ka gjetur golin e parë në Amerikë. Ai ka “tundur rrjetën” me ekipin e tij të ri Austin FC në transfertë përballë St.Louis City, sfidë e vlefshme për kampionatin amerikan të futbollit Pas një aksioni model dhe një pasimi të marrë nga shoku i ekipit, Bukari, sulmuesi beratas dërgoi topin në fundin e […]

The post VIDEO/ Myrto Uzuni shënon golin e parë në Amerikë, arbitri ndërpret ndeshjen appeared first on BoldNews.al.

11 marsi shënon fundin e pezullimit 18-mujor të Paul Pogbas, pasi ai u ndëshkua për një rast dopingu në shtator 2023.

Megjithëse tani është i lirë të rikthehet në futboll, mundësitë e tij për të luajtur këtë sezon janë shumë të kufizuara.

Pogba dëshiron të lërë pas zhurmën e skandalit dhe të rifillojë karrierën e tij, megjithatë, rrethanat nuk janë të favorshme.

Tregu i transferimeve është i mbyllur, dhe rregulloret e ligave evropiane e bëjnë të pamundur nënshkrimin e tij nga ndonjë klub. Përveç kësaj, muajt e pasivitetit dhe rreziku që sjell nënshkrimi i tij i bëjnë të vështirë gjetjen e një destinacioni të ri.

Destinacionet e mundshme: SHBA apo Arabia Saudite?

Dy opsionet më të mundshme për Pogba janë Major League Soccer (MLS) në SHBA dhe Arabia Saudite. Në SHBA, Pogba mund të bashkohet me Inter Miami, ku tashmë luajnë yje si Lionel Messi, Luis Suárez dhe Sergio Busquets.

Në Arabia Saudite, ai mund të përfundojë në Al Ittihad, ku do të takohej me miqtë e tij Karim Benzema dhe N’Golo Kanté.

Pavarësisht lirisë së tij, Pogba do të duhet të presë për të rikthyer në fushë. Ai ka qenë duke u stërvitur gjatë gjithë kësaj kohe, por pritja për ta parë atë në veprim mund të zgjasë edhe disa javë. /Telegrafi/

The post Pogba përmbush dënimin dhe është gati për rikthim: Nga skandali i dopingut te ëndrra për një fillim të ri appeared first on Telegrafi.

Një ndeshje spektakolare është zhvilluar në xhiron e dytë të elitës së futbollit amerikan MLS.

Chicago Fire ishte nikoqir i DC United dhe ndeshja pati një fund spektakolar ku përfundoi baras 2-2.

Pas Christian Benteke kaloi mysafirët në epërsi pas katër miutave lojë, Cuypers realizoi dy gola për ta rikthyer Firen në epërsi.

DC United pati rast të barazonte rezultatin në minutën e 90-të, por ylli belg Benteke humbi penalltinë.

JACOB MURRELL. BICYCLE. EQUALIZES IT AT THE DEATH FOR D.C.! pic.twitter.com/G9Kzg8Nwno

— Major League Soccer (@MLS) March 2, 2025

Megjithatë në minutën e 96-të u realizoi goli më i bukur i sezonit deri më tani në MLS, me 20-vjeçarin Jacob Murrell që ishte autor.

Murrell realizoi gol të jashtëzakonshëm me gërshërë duke i siguruar një pikë skuadrës së tij, derisa ky gol do të jetë sigurisht në garë për më të mirin e vitit në MLS. /Telegrafi/

The post Një 20-vjeçar kujdeset ta shënoj golin e sezonit në MLS, ai realizoi me gërshërë për ta shpëtuar skuadrën nga humbja appeared first on Telegrafi.

E ardhmja e Lionel Messit duket se është veneodsur, me argjentinasin që do të mbetet te Barcelona.

Lionel Messi do të zgjasë qëndrimin e tij në skuadrë amerikane Inter Miami, sipas asaj që ka njoftuar mediumi katalunas Sport .

Pavarësisht spekulimeve për një rikthim në Barcelonë, argjentinasi planifikon të vazhdojë në MLS.

Lexo po ashtu Messi nxjerr detaje shokuese nga largimi prej Barcelonës, koha te PSG dhe si vendosi t'i bashkohej Inter Miamit

37-vjeçari është përshtatur mirë me jetën në SHBA dhe pritet të rinovojë kontratën. Kanë dalë oferta nga klube të tjera, por ai preferon të qëndrojë me familjen e tij dhe të vazhdojë të konkurrojë në MLS.

Messi thuhet se ka vendosur për të ardhmen e tij dhe ai dëshiron të vazhdojë të shijojë futbollin në Miami.

Lexo po ashtu Messi thyen heshtjen pas raportimeve se do të rikthehet tek Barcelona

Koha e tij në Evropë duket se ka mbaruar, por ndikimi i tij mbetet i fortë. Ai është i fokusuar në ndihmën e Inter Miamit dhe formësimit të së ardhmes së futbollit në SHBA./Telegrafi/

The post Messi vendos të vazhdon kontratën me Inter Miamin appeared first on Telegrafi.