Në Arabinë Saudite ëndërrojnë të shohin Lionel Messi duke u përballur me rivalin e vjetër Cristiano Ronaldo në Saudi Pro League. Nëse CR7 tashmë është kthyer në një simbol të kampionatit arab, Pleshti ka zgjedhur të ndjekë një rrugë tjetër pas përvojës evropiane, por tani arabët po rikthehen fuqishëm sepse duan t’i shohin sërish dy yjet e mëdhenj të futbollit të përballen në kampionatin e tyre.

Saudi Pro League do të donte të rikrijonte rivalitetin më të madh futbollistik të shekullit dhe Al-Ahli, skuadra fituese e Ligës së Kampionëve të Azisë, do të ishte gati të formulonte një super ofertë për argjentinasin Messi për ta bindur të shkojë në Arabinë Saudite për etapën e fundit të karrierës së tij pas skadimit të kontratës me Inter Miami në dhjetor.

Al-Ahli do ta sjellë në Arabi: kontakte me stafin

Sipas asaj që raporton gazeta franceze L’Équipe, Al-Ahli do të ketë nisur kontakte me enturazhin e Messi-t për ta bindur të transferohet në Saudi Pro League: dy vite më parë klubi saudit, kur i skadoi kontrata me PSG-në, kishte tentuar të merrte yllin argjentinas, por Pleshti vendosi të transferohej në MLS te Inter Miami.

Lexo më tej: Ronaldo mungoi në ceremoninë mortore të Diogo Jota, reagon motra: “Jeni të turpshëm”

Kontrata e ish-lojtarit të Barcelonës skadon në dhjetor dhe klubi amerikan, megjithëse dëshiron ta mbajë kapitenin Messi, do të duhet të përballet me një konkurrencë të fortë: skuadra fituese e Ligës së Kampionëve të Azisë po përpiqet ta bindë argjentinasin të provojë përvojën në Arabinë Saudite për etapën e fundit të karrierës së tij. Detajet financiare të operacionit nuk janë zbuluar, por në vendin e Gjirit kanë ndër mend ta provojnë seriozisht.

Messi ka kontratë deri në dhjetor me Inter Miami

Al-Ahli gjatë viteve të fundit ka realizuar tashmë disa goditje të rëndësishme dhe në skuadër ka lojtarë të kalibrit si Édouard Mendy, Franck Kessié, Riyad Mahrez, Ivan Toney dhe Roberto Firmino: me ardhjen e Lionel Messi synon të ndryshojë, edhe një herë, perceptimin për klubin dhe kampionatin arab në nivel botëror, gjithmonë në kuadër të projektit “Vision 2030” dhe organizimit të Kupës së Botës 2034.

David Beckham dhe Inter Miami shpresojnë të arrijnë ta bindin argjentinasin Messi të qëndrojë në Florida, por në Arabinë Saudite janë seriozë dhe do ta provojnë me të gjitha mjetet që kanë në dispozicion.

The post Messi kundër CR7: ofertë e çmendur, në Arabinë Saudite janë gati për gjithçka appeared first on Lapsi.al.

Gjiganti arab, Al-Nassr, janë të vendosur ta transferojnë Rodrygon, ndërsa kërkojnë të shtojnë mbështetje për Cristiano Ronaldon në repartin ofensiv.

Skuadra saudite raportohet se është gati t’i ofrojë brazilianit një ‘çek të bardhë’, dhe tashmë ka kontaktuar me përfaqësuesit e lojtarit.

Megjithatë, 25-vjeçari e preferon më shumë një kalim në Ligën Premier, sesa një transferim drejt Lindjes së Mesme.

Sipas Sky Sports, Al-Nassr i është bashkuar Arsenalit në garën për të siguruar shërbimet e Rodrygos këtë verë.

Al-Nassr ka një buxhet të pakufizuar për afatin kalimtar dhe e kanë identifikuar yllin e Real Madridit si objektivin kryesor, me rekomandimin e vetë Ronaldos.

Ata tashmë kanë kontaktuar me përfaqësuesit e lojtarit dhe po punojnë intensivisht për ta bindur që të transferohet në Arabinë Saudite.

Raporti shton se, edhe pse oferta nga Al-Nassr pritet të jetë shumë e lartë, ylli brazilian do të preferonte një lëvizje drejt Anglisë, nëse vendos të largohet nga Madridi.

Rodrygo është fuqishëm i lidhur me një transferim te Arsenali, të cilët janë në kërkim të përforcimeve cilësore në sulm.

Sipas Diario AS, Arsenali është në avantazh për të firmosur me sulmuesin këtë verë, megjithëse pritet që Real Madridi të kërkojë një shumë rreth 90 milionë euro për kartonin e tij.

The post Al-Nassr po përgatitet të bëjë ofertë për transferimin e top yllit të Real Madridit appeared first on Albeu.com.

Në kohën që duhet për të lexuar artikullin, Cristiano Ronaldo do të ketë fituar rreth 1.240 euro. Rinovimi deri në 2027 me Al Nassr i garanton CR7 178 milionë paund, që do të thotë pak më shumë se 200 milionë euro (pa llogaritur 30 milionë bonus për firmën).

Rekordi i pathyeshëm

Portugezi u ngut të deklaronte se “vetëm kush nuk ka luajtur kurrë këtu ose kush nuk kupton asgjë nga futbolli thotë se kampionati saudit nuk është mes pesë më të mirëve në botë. Unë besoj fort në projekt, ndaj kam qëndruar këtu”. Për këtë. E ndoshta edhe për arsye të tjera, përtej pagesës faraonike të CR7 që vendos një rekord praktikisht të pathyeshëm, të paktën në teori: e dimë që ndonjëherë ndodhin gjëra të paparashikueshme dhe ndoshta një ditë do të ketë dikush që do të fitojë edhe më shumë.

CR7 përfiton pak më pak se 7 euro në sekondë, 413 e ca në minutë, gati 25.000 në orë, 600.000 në ditë, 4 milionë në javë, i afrohet 17 milionëve në muaj e kështu me radhë. Deri këtu flitet për para të thata, për pagesë, për diçka që, sado e ekzagjeruar dhe jashtë çdo logjike, përfaqëson rrogën e një profesionisti. Por janë sidomos përfitimet që e bëjnë të veçantë këtë marrëveshje.

Përfitimet

Në shtëpi (o Zot, ta quash kështu duket pak) Ronaldo do të ketë në punë një grup njerëzish sa për të formuar një skuadër të viteve tetëdhjetë: gjashtëmbëdhjetë vetë, njëmbëdhjetë titullarë dhe pesë zëvendësues. Ja formacioni: tre shoferë, katër shërbëtore, dy kuzhinierë, tre kopshtarë dhe katër persona sigurie. Dhe mos mendoni se portugezi duhet të shqetësohet për t’u paguar atyre rrogat dhe kontributet: gjithçka është në kurriz të klubit. Bonuset sportive janë të konsiderueshme: 93.000 euro për çdo gol, 46.000 për çdo asist (me 20% rritje në sezonin e dytë, nëse realisht Ronaldo do ta respektojë angazhimin deri në 2027), 10 milionë në rast fitoreje të kampionatit, do të jenë 5 nëse arrin të fitojë Këpucën e Artë dhe 8 nëse Al Nassr fiton Ligën e Kampionëve të Azisë.

Lexo më tej: Ronaldo në kontratë ka 16 persona të paguar nga Al Nassr: punojnë në shtëpinë e tij

Nga një seri sponsorësh me kompani arabe, më në fund, do t’i hyjnë portugezit edhe 70 milionë të tjera. Dhe kur lojtari të ketë nevojë të organizojë një udhëtim të shpejtë, do të mund të përdorë një avion privat: deri në një kufi prej 5 milionësh, shpenzimi do të mbulohet nga Al Nassr. Që, në një pjesë të vogël, ka të bëjë edhe me CR7: portugezi ka blerë 15% të aksioneve të klubit. Kur të mos luajë më, kush e di nëse do të japë ndonjë udhëzim për negociatat për yjet e rinj të Al Nassr-it. Ndoshta do të përpiqet të kursejë diçka nga rrogat e tyre.

Objektivat e ardhshëm

Ëndrra e fundit, duke parë situatën, Cristiano nuk i vendos kufij karrierës së tij, të paktën për tani. Ndërkohë që synon Kupën e Botës 2026, tashmë shumë afër, ai e çon shikimin edhe tek ajo e… 2034-ës (që do të zhvillohet në Arabi: shumë e parashikueshme ajo e 2030-ës, që do të organizohet nga Spanja, Maroku dhe Portugalia e tij).

“Nuk i dihet kurrë. Dy vite më parë nuk do të kisha menduar kurrë se do të luaja në Arabinë Saudite, por jeta është plot surpriza. Prandaj nuk i dihet çfarë do të ndodhë. E jetoj jetën time në të tashmen, nuk marr vendime bazuar në të ardhmen. E jetoj të tashmen, dhe e tashmja është e mirë, është e ndritshme. Jam një person shumë pozitiv dhe vitet e ardhshme projekti do të vazhdojë të rritet. Cristiano do të fitojë diçka të rëndësishme në Arabinë Saudite. Unë e besoj këtë. Ja pse dua t’i dhuroj popullit saudit dhe tifozëve të Al Nassr-it një trofe”.

Në 2034 Cristiano do të ketë 49 vjeç. Më shumë se një rekord, kjo do të ishte fantashkencë ose një eksperiment shkencor. Dhe nuk duam as të imagjinojmë sa mund të fitojë deri atëherë, sezon pas sezoni, përfitim pas përfitimi.

The post Konrata prej miliarderi/ Sa fiton çdo sekondë dhe minutë CR7 appeared first on Lapsi.al.

Cristiano Ronaldo do të ketë një “oborr” prej plot 16 personash që do të jenë në shërbim të tij, të paktën për aq kohë sa të qëndrojë te Al Nassr. Tre shoferë, katër pastruese, dy kuzhinierë, tre kopshtarë dhe katër punonjës sigurie do të punojnë për CR7 me kohë të plotë dhe të gjithë do të jenë në listën e pagave të klubit saudit, i cili do të mbulojë edhe shpenzimet për udhëtime me avion privat deri në rreth 5 milionë euro.

Edhe kjo bën pjesë në kontratën milionëshe të nënshkruar nga pesë herë fituesi i Topit të Artë portugez për të rinovuar marrëveshjen. Është një nga kushtet/benefitet e përfshira mes klauzolave dhe nënklauzolave të shkruara bardh e zi për t’i rezervuar kampionit një trajtim mbretëror. Si yll global që është, i ka parë të plotësohen të gjitha dëshirat. Deri në vitin 2027 do të fitojë aq shumë para sa nuk do të ketë kohë as t’i numërojë… diçka si 600 mijë euro në ditë, duke grumbulluar të ardhura prej 200 milionë.

pic.twitter.com/CE0P8X5D62

— AlNassr FC (@AlNassrFC_EN) June 26, 2025

Ronaldo punëdhënës i vetvetes: aksionar i klubit me 15%

Përmasat e shumës përfaqësojnë vetëm pjesën më sipërfaqësore të marrëveshjes, atë që bën më shumë përshtypje duke marrë parasysh shifrat, por ka edhe detaje të tjera që e pasurojnë akoma më shumë këtë marrëveshje. Duke filluar nga një detaj aspak i papërfillshëm: ish-lojtari i Real Madrid do të jetë edhe aksionar i klubit: duke zotëruar një paketë aksionesh prej 15% të “tortës” (rreth 40 milionë euro) do të jetë, qoftë edhe pjesërisht, punëdhënës i vetvetes.

Bonuse milionëshe për të firmosur kontratën

Për të thënë “po”, për të shtrënguar dorën, për të marrë stilolapsin dhe për të bërë fotografinë klasike, Cristiano Ronaldo gjithashtu ka kërkuar (dhe ka marrë) njohjen e një bonusi në momentin e firmës: pak më pak se 30 milionë euro që mund të bëhen madje 45 milionë nëse aktivizohet edhe viti i dytë i kontratës. Deri këtu kompensimet “teknike”, ato që lidhen ngushtë me pjesën burokratike, pastaj janë ato të lidhura me aspektet sportive dhe garuese, që për një sportist të pangopur për fitore si CR7 janë një shtysë shtesë për të bërë gjithmonë më mirë, për të qenë në majë.

The Story continues..
pic.twitter.com/XV8WoOREeB

— AlNassr FC (@AlNassrFC_EN) June 26, 2025

Lista e shpërblimeve të pasura sportive: 93 mijë euro për çdo gol

Ylli luzitan do të përfitojë 93 mijë euro për çdo gol të shënuar (shumë që rritet me 20% në vitin e dytë). Çdo asist do t’i sjellë 46 mijë euro (+20% nga sezoni i ardhshëm). Nëse Al Nassr arrin të fitojë titullin e Arabisë, duke triumfuar në Saudi Pro League, klubi do t’i japë një shpërblim prej gati 10 milionë euro. Të tjera 5 milionë do të shtohen në “ujëvarën” e të ardhurave nëse, si golashënues i kampionatit, do të fitojë Këpucën e Artë.

Benefite për partneritete komerciale në vlerë prej 70 milionë

Mbaron këtu? Jo, ka edhe të ashtuquajturin “kafshatë mirësjelljeje”, pjesën e fundit të tortës së shijshme: një bonus prej 7.5 milionë euro (të rrumbullakuara për pak më poshtë) nëse Al Nassr kualifikohet për Champions League aziatike dhe e fiton; 70 milionë euro që do të jenë fryti i marrëveshjeve të sponsorizimit me kompani të reja saudite dhe kompani në tregun aziatik.

The post Ronaldo në kontratë ka 16 persona të paguar nga Al Nassr: punojnë në shtëpinë e tij appeared first on Lapsi.al.

E ardhmja e Cristiano Ronaldos është përcaktuar. Nuk ka dyshime për qëndrimin e tij te Al-Nassr pas zyrtarizimit të rinovimit të kontratës deri në vitin 2027. Vazhdohet kështu bashkëpunimi mes kampionit portugez 40-vjeçar dhe klubit të Arabisë Saudite, i cili do t’i garantojë atij një pagë të turpshme, sidomos nëse krahasohet me atë të yjeve të futbollit europian. Shifrat janë monstruoze, edhe për një futbollist të mësuar të përfitojë paga të konsiderueshme.

Sa fiton Cristiano Ronaldo te Al Nassr, paga e re

Cristiano Ronaldo ka firmosur atë që është kontrata më e pasur në historinë e një futbollisti. Për ta bindur të firmosë sërish me Al-Nassr i janë garantuar shuma të jashtëzakonshme parash. Praktikisht, paga vjetore e ish-lojtarit të Sporting, Manchester United, Real Madrid dhe Juventus duhet të arrijë në 200 milionë euro. Sikur të mos mjaftonte, sipas asaj që raporton Marca, do të duhen shtuar edhe rreth gjashtëdhjetë milionë euro nga të drejtat e imazhit.

 

View this post on Instagram

 

A post shared by Cristiano Ronaldo (@cristiano)

Shifrat e sakta të pagës së Cristiano Ronaldos, sa do të përfitojë në ditë

Për të kuptuar përmasat e fitimit të Cristiano Ronaldos në aventurën e tij të “re” te Al-Nassr, mjafton të ndash pagën. Sipas llogarive, CR7 do të xhepojë rreth 16,67 milionë euro në muaj, 4,167 milionë euro në javë, 595.357 euro në ditë, 24.806 euro në orë, 413,4 euro në minutë, 6,89 euro në sekondë. Pra, është e lehtë ta quash sërish një “Paperone” të futbollit.

E ka fituar kështu sfidën në distancë me antagonistin e tij të përhershëm Leo Messi. Sulmuesi argjentinas i Inter Miami fiton pak më pak se 18 milionë euro në sezon. Një shifër që megjithatë nuk përfshin të ardhurat nga sponsorizimet. I afrohet Ronaldos ish-shoku i tij i Real Madridit, Karim Benzema, tani kundërshtar në kampionatin arab. Për të, pagë prej 100 milionë eurosh në sezon me Al-Ittihad. Shumë më larg është lojtari më i paguar në Europë, pra Mbappé, i cili te Real do të përfitojë pak më shumë se 20 milionë euro.

The post Çmenduri e Al Nassr, Cristiano Ronaldo do të paguhet 413 euro në minutë pas rinovimit appeared first on Lapsi.al.

Cristiano Ronaldo ka firmosur një kontratë të re marramendëse me Al Nassr, duke u bërë sportisti me pagën më të lartë në historinë e sportit. Legjenda portugeze do të përfitojë mbi 500 milionë euro gjatë dy viteve të ardhshme. Sipas The Sun marrëveshja përfshin edhe një sërë përfitimesh shtesë që mund ta çojnë të ardhurat e […]

The post Kontrata më e shtrenjtë në historinë e futbollit, Ronaldo do fitojë 500 milionë euro në dy vite appeared first on BoldNews.al.

Cristiano Ronaldo ka nënshkruar një kontratë të re me Al Nassr që do ta shohë atë të qëndrojë në klubin saudit deri në vitin 2027.

Kontrata e Ronaldos me Al Nassr ishte caktuar të skadonte më 30 qershor dhe ka pasur zëra për një largim, por këto zëra tani janë shuar.

Pasi u bë e ditur se ai do të qëndronte, lindi pyetja nëse zgjatja e kontratës së tij do të ishte për një apo dy vjet, dhe klubi tani ka njoftuar se është kjo e fundit.

Me Ronaldon që tani është 40 vjeç, duket pothuajse e sigurt se ai do të tërhiqet nga klubi, megjithëse nuk po tregon shenja se do t’i japë fund karrierës së tij së shpejti.

Në vend të kësaj, synimet e tij janë të vendosura fort që më në fund të fitojë Kupën e Botës për herë të parë me Portugalinë verën e ardhshme.

Cristiano Ronaldo is staying at @AlNassrFC until 2027 💛🤩 pic.twitter.com/uVOzvZW4u7

— AlNassr FC (@AlNassrFC_EN) June 26, 2025

The post Cristiano Ronaldo rinovon kontratën me Al Nassr appeared first on Albeu.com.

Stefano Pioli zyrtarisht e ka mbyllur me Al Nasr. Klubi arab ka njoftuar largimin me deklaratë përmes rrjeteve sociale. “Al Nasr njofton se Pioli dhe stafi i tij nuk janë më pjesë e skuadrës së parë. Duam të falenderojmë Piolin dhe stafin e tij për përkushtimin gjatë sezonit të fundit”, shkruhet nga Al Nasr. Tashmë […]

The post Zyrtare/ Largim i rëndësishëm nga Al Nassr, vjen njoftimi appeared first on BoldNews.al.

Ish-trajneri i kombëtares italiane, Luciano Spalletti thuhet se ka pranuar një ofertë fitimprurëse për të vazhduar karrierën në Arabinë Saudite.

Sipas gazetarit italian Alfredo Pedulla, Spalletti, ka tre mundësi për të vazhduar karrierën pas shkarkimit nga Kombëtarja e Italisë.

Italiani 66-vjeçar ka marrë dy propozime nga Superliga e Arabisë Saudite dhe një ofertë të tretë të pazbuluar.

Al-Nassr ka paraqitur një kontratë dyvjeçare me opsion për një sezon shtesë, duke ofruar një pagë prej afërsisht 18 milionë eurosh në vit.

🚨🟡🔵 O técnico Luciano Spalletti recebeu, no domingo, um contato do Al Nassr apenas horas depois de anunciar sua saída da seleção italiana.

💰🇮🇹 O clube saudita lhe ofereceu um contrato de dois anos, pagando cerca de €18 milhões por temporada. Ainda sem dar resposta,… pic.twitter.com/zvjumBZIQA

— Central do Arabão (@centraldoarabao) June 14, 2025

Diskutimet janë intensifikuar në orët e fundit, me Spallettin që aktualisht po vlerëson opsionet e tij, por ende nuk ka dhënë një përgjigje përfundimtare.

Kontakti fillestar u bë të dielën e kaluar dhe një vendim pritet së shpejti.

The post Al-Nassr i ofron Spallettit një kontratë marramendëse për dy vite appeared first on Albeu.com.

Kim Min-jae me shumë mundësi do të largohet nga Bayern Munich këtë merkato verore.

Mbrojtësi korean zhgënjeu në sezonin e fundit dhe në këto kushte largimi është shumë pranë.

Sipas raportimeve nga “Transfermarkt”, mbrojtësi 28-vjeçar është kthyer në një objektiv serioz për Al Nassr.

Megjithatë, këta të fundit duhet të paguajnë rreth 40 milionë euro në arkat e bavarezëve, për të transferuar Kim në Arabinë Saudite.

Kujtojmë se koreani është pjesë e Bayern Munich që prej korrikut të vitit 2023. Asokohe, Kim u ble nga bavarezët për shifrën e 50 milionë eurove, por performancat e tij nuk kanë bindur drejtuesit.

The post Al Nassr përgatit 40 milionë euro, mbrojtësi bavarez drejt Arabisë Saudite appeared first on Albeu.com.

Arabia Saudite vazhdon ofensivën për të tërhequr emra të mëdhenj nga futbolli evropian, dhe këtë verë duket se fokusi i saj ka kaluar tek Real Madrid.

Interesi për Vinicius Jr. është i njohur, por emra si Luka Modric dhe Lucas Vazquez janë gjithashtu pjesë e listës së dëshiruar nga klubet saudite në prag të afatit kalimter të verës.

Sipas burimeve të afërta me klubin dhe raportimeve të MARCA, tani edhe mbrojtësi gjerman Antonio Rüdiger ka tërhequr vëmendjen e drejtuesve të futbollit saudit.

Rüdiger së fundmi është parë duke darkuar me Fernando Hierro, drejtori sportiv i Al Nassr, si dhe me Fran Porras, figurë e afërt me Hierro dhe një emër me ndikim në futbollin spanjoll.

Në takim kanë qenë të pranishëm edhe disa agjentë, çka ka rritur ndjeshëm spekulimet për një transferim të mundshëm të gjermanit drejt Arabisë Saudite pas përfundimit të Kupës së Botës për Klube.

Verën e kaluar, Rüdiger ishte lidhur me një kalim te Al Ittihad, por këtë herë është Al Nassr që ka shfaqur interes konkret.

Me një kontratë që e mban në “Santiago Bernabéu” deri më 30 qershor 2026, Real Madrid i ka bërë të qartë lojtarit se e ardhmja e tij është në dorën e tij.

Nëse Rüdiger vendos të largohet, klubi është i gatshëm të pranojë një tarifë transferimi dhe të nisë kërkimin për një zëvendësues.

Gjithsesi, burime të besueshme si Fabrizio Romano dhe Sky Sport raportojnë se Real Madrid e konsideron Rüdiger si një pjesë thelbësore të skuadrës dhe nuk ka ndërmend të negociojë largimin e tij këtë verë.

Për më shumë, madje, klubi do të ishte i hapur për një zgjatje kontrate në të ardhmen.

Vetë mbrojtësi gjerman është aktualisht i përqendruar te rikuperimi pas një ndërhyrjeje në gju dhe synon të rikthehet në fushë në ndeshjen e dytë të fazës së grupeve në Kupën e Botës për Klube, ndaj Pachucas.

Në një intervistë të fundit, ai theksoi se është i lumtur te Real Madridi.

“Në futboll nuk i dihet asnjëherë, por për momentin jam shumë, shumë i lumtur këtu”, ka thënë Rudiger.

The post Ylli i Real Madridit ‘ndez’ zërat për largim, shihet në takim me drejtorin sportiv të Al-Nassr appeared first on Albeu.com.

E ardhmja e Cristiano Ronaldos vazhdon të dominojë debatin pasi ylli portugez la të kuptohej për një lamtumirë të mundshme me Al-Nassr pas ndeshjes së fundit të klubit në ligë. 40-vjeçari është lidhur me disa klube, ndërsa bota e futbollit pret të dëgjojë lëvizjen e tij të radhës. Sipas raportimeve të fundit, Ronaldo është në […]

The post Basketbollisti i NBA i bën ftesë publike Ronaldos: Ejani të luani në Greqi appeared first on BoldNews.al.

Cristiano Ronaldo largohet nga Arabia Saudite. Pas më shumë se dy vitesh, ylli portugez duket gati të hapë një faqe të re. Të vulosur fundin e aventurës me Al-Nassr e ka bërë vetë sulmuesi me një postim të publikuar në Instagram, që tingëllon si një lamtumirë përfundimtare: “Ky kapitull ka përfunduar. Historia? Është ende në proces shkrimi. Jam mirënjohës ndaj të gjithëve”.

Një mesazh i shkurtër por i qartë, që vjen pak orë pas ndeshjes së fundit të sezonit, të humbur 3-2 ndaj Al Fateh, dhe që mbyll një eksperiencë intensive, të mbushur me gola, rekorde dhe polemika.

Lamtumirë Al-Nassr, bilanc dhe shifra rekord

Humbja ndaj Al Fateh shënoi fundin e kampionatit për Al-Nassr, por edhe, me shumë gjasë, fundin e raportit mes klubit saudit dhe numrit 7 të tij. Pavarësisht golit të shënuar – i radhës në karrierë –, skuadra e drejtuar nga Stefano Pioli e mbylli Saudi Pro League në vendin e tretë me 70 pikë, pas Al-Ittihad (75) dhe Al-Hilal (83).

Për Cristiano Ronaldon, goli i shënuar në javën e fundit ka megjithatë një vlerë simbolike: i mundëson të arrijë në 800 gola të shënuar me klubet, duke e çuar totalin e tij në 936 gola në karrierë. Shifra që konfirmojnë, nëse do të duhej, përmasën e tij prej legjende. Në këtë sezon, portugezi ka regjistruar 25 gola në kampionat, duke qenë sërish mes golashënuesve më të mirë të turneut dhe duke e tërhequr Al-Nassr në më shumë se një rast.

Kupa e Botës për Klube është një mundësi

Tani vëmendja zhvendoset te e ardhmja. Ku do të luajë Ronaldo sezonin e ardhshëm? Sipas asaj që raporton “Marca”, pesë herë fituesi i Topit të Artë do të ishte në radarin e Wydad Casablanca (i përfshirë në grupin e Juventusit) dhe i Botafogos, të dyja ekipe të kualifikuara për Kupën e Botës për Klube 2025.

Përforcim për këtë mundësi ka qenë vetë presidenti i FIFA-s, Gianni Infantino, i cili ka deklaruar: “Cristiano Ronaldo mund të zbresë në fushë në Kupën e Botës për Klube me njërën prej skuadrave pjesëmarrëse. Ka negociata në vazhdim me disa klube: nëse dikush është i interesuar ta marrë… Kush e di. Kjo mundësi ekziston, do të shohim”.

Një deklaratë publike që ka nxitur spekulime të reja. Pavarësisht se mohimet zyrtare ende nuk kanë ardhur, lamtumira me Al-Nassr duket tashmë e shkruar, dhe hipoteza për ta parë CR7 në Kupën e Botës për Klube duket konkrete.

 

View this post on Instagram

 

A post shared by Cristiano Ronaldo (@cristiano)

Një mesazh enigmatik për një lamtumirë që duket e sigurt

Mesazhi në rrjetet sociale i publikuar pas humbjes me Al Fateh – “Ky kapitull ka përfunduar. Historia? Është ende në proces shkrimi. Jam mirënjohës ndaj të gjithëve” – duket se shënon mbylljen e qarkut. Cristiano Ronaldo përshëndet futbollin saudit me shifra personale të jashtëzakonshme, por edhe me dëshirën për t’u rikthyer në një skenë më konkurruese dhe më të rëndësishme mediatikisht. A do të jetë Kupa e Botës për Klube skena e tij e re?

The post Cristiano Ronaldo largohet papritur nga Arabia: “Mbaroi. Faleminderit të gjithëve” appeared first on Lapsi.al.

E ardhmja e Cristiano Ronaldos është e panjohur. Kontrata e tij me Al-Nassr skadon pas disa javësh dhe nuk ka asnjë indikacion për rinovimin e saj: ndërkohë, disa klube që marrin pjesë në Kupën e Botës për Klube kanë trokitur në derën e CR7 për ta pasur atë në SHBA për një muaj. Disa klube […]

The post I mbaron kontrata me Al-Nassr, disa klube pas Cristiano Ronaldos appeared first on BoldNews.al.

Cristiano Ronaldo është gati për hapin e radhës në karrierë dhe mund të largohet nga Al Nassr në fund të sezonit. Sipas gazetarit Nicolo Schira, superylli portugez pritet të njoftojë së shpejti destinacionin e tij të ardhshëm, me disa oferta interesante në tavoline. Ylli 40-vjeçar aktualisht është pjesë e Al-Nassr në Arabinë Saudite, por ka […]

The post Ronaldo drejt largimit nga Al Nassr, së shpejti do të njoftojë për klubin e ri appeared first on BoldNews.al.

Cristiano Ronaldo e ka dhënë kontributin e tij te Al Nassr, por kjo nuk ka mjaftuar për të fituar trofe. Në dy sezone ka fituar një Kupë të Kampionëve Arabe dhe këtë vit rrezikon të përfundojë pa asnjë gëzim, pa as kualifikimin për në Ligën e Kampionëve të Azisë. Cili do të jetë e ardhmja e tij? Vështirë të thuhet, pasi kontrata i skadon dhe CR7 kërkon garanci për të qëndruar me verdheblutë.

Cristiano Ronaldo, kërkesat për të qëndruar te Al Nassr

Paratë sigurisht nuk i mungojnë, por Ronaldo dëshiron të ketë më shumë mundësi për të fituar, ndaj ka kërkuar ndryshime të rëndësishme, sipas zbulimeve nga një burim i brendshëm i klubit për median saudite Okaz Sports. Pra, një seri kërkesash nga ish-lojtari i United, Real Madrid dhe Juventusit në të gjitha drejtimet. Para së gjithash, Cristiano vendos si kusht një projekt që mund të sjellë të ardhura të rëndësishme për klubin, të cilat do të investoheshin në merkato.

Ronaldo kërkon një ndryshim në pankinë dhe largimin e Piolit

Qëllimi është të shtyhet për shitjen e disa lojtarëve vendas, përveç Aymeric Laporte, Bento, Wesley dhe Angelo. Pra, emra konkretë nga sulmuesi që dëshiron me çdo kusht që të qëndrojnë Sadio Mané, Otávio, Marcelo Brozović, Mohamed Simakan dhe John Durán për të qenë konkurrues. Objektivi është që të vihet në dispozicion të klubit një shumë prej gati 300 milionë riyalësh për merkaton, që përkthehet në më shumë se 70 milionë euro.

Lexo më tej: Cristiano Ronaldo flet me vete: gafa me portën bosh eliminon Al Nassr nga Champions

Pika kyçe është pakënaqësia e tij ndaj trajnerit Pioli, me Ronaldon që ka theksuar mungesën e fleksibilitetit dhe të konkurrueshmërisë. Për këtë arsye, ai ka kërkuar largimin e trajnerit italian, duke propozuar emërimin e një stafi teknik europian profesionistësh dhe një drejtori sportiv të nivelit të lartë, të cilit do t’i jepeshin kompetenca të plota nën mbikëqyrjen e një komiteti teknik të pavarur. Tani topi kalon te klubi, që duhet të vlerësojë nëse do t’i besojë Ronaldos apo jo.

The post Cristiano Ronaldo, listë kërkesash për të qëndruar te Al Nassr: Pioli duhet të ikë appeared first on Lapsi.al.

“Ndonjëherë ëndrrat duhet të presin. Unë jam krenar për këtë ekip dhe gjithçka që kemi dhënë në fushë. Faleminderit të gjithë tifozëve që besuan tek ne dhe na mbështetën në çdo hap të rrugës. Mbështetja juaj do të thotë gjithçka për ne”.

Kështu komentoi Cristiano Ronaldo në rrjetet sociale eliminimin e Al Nassr nga Champions League aziatike të mërkurën në mbrëmje përballë Kaëasaki Frontale (fitoi 3-2).

Në moshën 40-vjeçare, sulmuesit portugez nuk duket se po i humbet oreksi, pasi në fund të ndeshjes u shfaq i shqetësuar dhe me sy të përlotur.

Që kur mbërriti në Arabinë Saudite në janar 2023, ai ka fituar një titull, Kupën e Kampionëve arab me Al Nassr në 2023. Titulli i fundit i klubit në vend ishte në vitin 2019 dhe liderët e këtij sezoni Al Ittihad janë 8 pikë larg me 5 ndeshje ende për të luajtur.

Sezonin e kaluar Al Nassr nuk kaloi përtej çerekfinaleve të Champions League aziatike, ndërsa këtë vit kaloi në gjysmëfinale.

The post Cristiano dhe eliminimi në Chamions aziatik: Ndonjëherë ëndrrat duhet të presin appeared first on Albeu.com.

Al Nassr e mbyll rrugëtimin saj në Champions League në gjysmëfinale, aty ku u eleminua nga japonezët e Kawasaki Frontale. Ndeshja e zhvilluar në “King Saud Universit” në Riyadh solli 5 gola, por në fund ishin japonezët ata që festuan dhe shkuan në finale. Japonezët kaluan të parët në avantazh që në minutën e 10-të […]

The post Ronaldo dhe Al Nassr nuk ia dalin, eleminohen në gjysmëfinalen e Champions-it të Azisë appeared first on BoldNews.al.

Cristiano Ronaldo as këtë vit nuk do ta fitojë Saudi Pro League, në përpjekjen e tij të tretë që nga transferimi te Al Nassr në fillim të vitit 2023, por do të ketë mundësinë të provojë sërish në dy vitet e ardhshme me të njëjtën skuadër, pasi ka rinovuar kontratën me klubin nga Riadi për një shifër marramendëse: 400 milionë gjithsej, që do të thotë pak më shumë se gjysmë milioni në ditë. Ronaldo ka një familje të madhe, dhe tani që ka mbushur 40 vjeç (në shkurtin e kaluar), duhet të mendojë për pleqërinë – të lësh diçka mënjanë është gjë e mirë dhe e drejtë. Por koprac nuk është, përkundrazi, dhe këtë e dëshmon një episod i ndodhur disa vite më parë në Greqi, pas qëndrimit në një resort që e kishte lënë veçanërisht të lumtur për shërbimin e marrë.

Cristiano Ronaldo e pushimet në resortin grek Costa Navarino

Ishte viti 2018, një Ronaldo 33-vjeçar kishte organizuar një pushim super luksoz së bashku me rrethin e tij të ngushtë në resortin grek Costa Navarino, një pesë yje ëndrrash në Peloponez. Duhet të ketë qenë një qëndrim i mrekullueshëm, jo vetëm për bukurinë e plazheve dhe peizazhit, por edhe për mënyrën se si pesë herë fituesi i Topit të Artë ishte trajtuar nga stafi i hotelit.

Bakshishi i madh që CR7 la për stafin e hotelit

Kampioni portugez, në momentin e largimit, vendosi të shpërblente në mënyrë të përshtatshme ata që e kishin bërë pushimin e tij kaq të paharrueshëm: ai la për stafin e resortit një bakshish të çmendur (për njerëzit e zakonshëm) prej gjithsej 20 mijë euro, duke shtuar vetëm një kërkesë. Që stafi që ishte kujdesur për të të ndante bakshishin në mënyrë të barabartë: “Dhjetë punonjësit e ngarkuar për t’i shërbyer familjes së Ronaldos dhe për t’i mbajtur larg paparacëve morën nga dy mijë euro secili”, kishin pohuar asokohe mediat greke.

Lexo më tej: Cristiano Ronaldo me pushime, bakshishet e majme për stafin e tij

Jeta luksoze e CR7 me partneren Georgina

Cristiano kishte shkuar në resortin Costa Navarino pas eliminimit të hershëm të Portugalisë nga Botërori i vitit 2018 (humbje me Uruguain në të tetat e finales) dhe kishte kaluar dhjetë ditë aty me familjen dhe miqtë. “Ishte një nder dhe një përvojë e mrekullueshme të kujdeseshim për Cristiano Ronaldon dhe familjen e tij – kishte shkruar atëkohë stafi i resortit – Një falënderim i madh për Cristianon që bëri pjesë të historisë sonë.” Dhe gjithashtu për bakshishin që la…

The post Ronaldo e bakshishi i çmendur për stafin e hotelit: “Ndajeni mes ju të dhjetëve” appeared first on Lapsi.al.

Cristiano Ronaldo nuk njeh moshë, portugezi nuk rresht së shënuari dhe tashmë regjistron 933 gola në karrierën e tij. Portugezi ka shënuar sonte 2 gola në 7 minuta në sfidën që Al Nassr po luan në shtëpi ndaj Al Riyadh. Miqtë shënuan të parët me Selemani në fund të pjesës së parë dhe e mbyllën […]

The post CR7 si në kohët e vjetra, portugezi shënon dy gola për 7 minuta, njëri spektakolar appeared first on BoldNews.al.