Georgina Rodríguez ka ndarë me ndjekësit e saj pamje nga pushimet luksoze që po i kalon me Cristiano Ronaldon në Mallorca, vetëm pak ditë pasi ai u përball me kritika për mungesën në funeralin e bashkëkombasit të tij, Diogo Jota, dhe vëllait të këtij të fundit, Andre Silva, të cilët humbën jetën tragjikisht në një aksident automobilistik në Spanjën veriore.

Ronaldo, 40 vjeç, nuk ishte i pranishëm në ceremoninë e përbashkët mortore të mbajtur të shtunën në Gondomar të Portugalisë, dhe kjo u komentua gjerësisht në vendlindjen e tij, shkruan DailyMail.

Ndërsa shumë prej shokëve të skuadrës kombëtare portugeze, përfshirë Bernardo Silva dhe Ruben Neves, ishin aty për t’i bërë nderimet e fundit Jotës dhe vëllait të tij, Ronaldo u fotografua të dielën duke pushuar në një jaht luksoz me partneren e tij.

Georgina, 31 vjeçe, ndau me ndjekësit disa pamje nga ajo që e cilësoi si “udhëtim rikuperimi”, teksa Ronaldo po përpiqet të përballet me dhimbjen për humbjen e mikut të tij.

Në njërën nga fotot më të komentuara, çifti shfaqet të përqafuar në vaskën me ujë të ngrohtë në jaht, me Georginën të ulur në prehër të Ronaldos, e veshur me bikini të kuqe dhe një kapele.

Ndër pamjet e tjera të publikuara nga Georgina ishin selfie me veshje sportive që theksonin linjat e saj, një varëse diamanti e veçantë dhe një unazë e madhe që u komentua si unazë fejese.

Edhe pse kjo ka nxitur spekulime në rrjete sociale, çifti nuk është i fejuar.

Në një dokumentar të publikuar në Netflix, Ronaldo kishte deklaruar: “Gjithmonë i them: ‘Kur të vijë ai momenti i klikimit…’. Mund të ndodhë pas një viti, gjashtë muajsh apo një muaji. Jam 1000% i sigurt se do të ndodhë.”

Georgina publikoi gjithashtu një video të Ronaldos duke u stërvitur në palestër brenda jahtit, i veshur me rroba banje blu, ku shihet qartë fiziku i tij sportiv.

Ata kishin mbërritur në destinacion me avion privat, ku Georgina pozoi përpara me një fustan të bardhë elegant.

Sipas mediave portugeze, Ronaldo nuk mori pjesë në funeral për shkak të traumave personale të lidhura me humbjen e babait të tij, José Diniz Aveiro, në vitin 2005, kur ai ishte vetëm 20 vjeç.

Thuhet se ai vendosi të mos jetë i pranishëm në mënyrë që të mos e tërhiqte vëmendjen nga dhimbja e familjes së Jotës, duke mos dashur që prania e tij të errësonte ceremoninë dhe nderimet për të ndjerët.

Megjithatë, mungesa e tij nuk kaloi pa kritika, por ai u mbrojt publikisht nga motra e tij, Katia Aveiro.

Në një postim në Instagram, ajo shkroi: “Kur vdiq babai im, përveç dhimbjes, u përballëm me një det kamerash dhe njerëzish kureshtarë kudo. As nuk mundëm të dilnim nga kapela, ishte një rrëmujë. Në funeral kishte presidentë, trajnerë si Scolari, por nuk i mbaj mend. Dhimbja më kishte verbuar”.

Ajo vazhdoi: “Shoqëria sot është absurde. Në vend që të respektohet dhimbja e një familjeje të shkatërruar, fokusi është tek mungesa e një njeriu që zgjodhi të tërhiqet për arsye personale dhe të kuptueshme. Më vjen turp të shikoj televizor. Të gjithë kemi familje. Mjaft më me këtë fanatizëm dhe kritika të kota”.

Pavarësisht komenteve të shumta, çifti vazhdoi pushimet e tyre në heshtje dhe larg vëmendjes, ndërsa tragjedia që goditi Jotën dhe familjen e tij mbetet një plagë e thellë për futbollin portugez.

Kjo situatë ka ngritur pyetje më të gjera mbi mënyrën se si publiku pret reagime nga figurat publike në kohë zie, si dhe për kufijtë midis dhimbjes personale dhe presionit të opinionit publik. /Telegrafi/

The post E dashura e Ronaldos, Georgina Rodriguez publikon fotografi nga jahti luksoz i futbollistit – mes kritikave për mospjesëmarrje në funeralin e Diogo Jotas appeared first on Telegrafi.

Cristiano Ronaldo dhe Ted Cruz: dy figura të njohura në botë, në fusha krejt të ndryshme, por me një sjellje që ngjason çuditërisht në thelb; shmangie ndaj një përgjegjësie publike, për hir të rehatisë personale. Të dy u gjendën në qendër të vëmendjes për të njëjtën arsye: vendosën të mos e prishin qetësinë e pushimeve, edhe pse përreth tyre kishte dhimbje, krizë dhe pritshmëri.

Në rastin e Ronaldos, gjithçka nisi pas vdekjes tragjike të Diogo Jotës, bashkëlojtarit të tij në kombëtaren portugeze. Lajmi tronditi gjithë vendin. Varrimi i Jotës ishte një ngjarje e rëndë dhe me shumë simbolikë për futbollin portugez.

Por Ronaldo nuk mori pjesë. Arsyeja zyrtare që dha ishte “për të ruajtur privatësinë e familjes Jota” dhe për të mos krijuar “një spektakël mediatik” që do të tërhiqte vëmendjen nga dhimbja. Një arsye që në letër mund të duket e kuptueshme.

Por situata u komplikua kur, vetëm pak ditë pas varrimit, Ronaldo u fotografua i buzëqeshur në jahtin e tij luksoz, në një destinacion veror, me familjen pranë. Dhe komentet nisën menjëherë. Nëse nuk kishte dashur të tërhiqte vëmendje, pse zgjodhi pikërisht atë moment për t’u shfaqur në mënyrë aq publike? A nuk ishte ky, në vetvete, një “spektakël tjetër”?

Rastësisht, në të njëjtën periudhë, një tjetër figurë publike, këtë herë në politikë, përjetoi një episod të ngjashëm. Senatori amerikan Ted Cruz ndodhej me pushime në Greqi kur përmbytjet masive goditën shtetin e tij, Teksasin. Qindra shtëpi u përmbytën, njerëzit humbën gjithçka, ndërsa senatorit të zgjedhur për t’i përfaqësuar nuk iu prish qetësia.

U fotografua duke vizituar Parthenonin, tempullin e lashtë grek në Akropol dhe pamjet bënë xhiron e botës. Zëdhënësit e tij deklaruan se ai u kthye “sa më shpejt që ishte e mundur”, por dokumentet e fluturimit treguan se mund të ishte kthyer edhe më herët, nëse do të donte.

Kjo nuk ishte hera e parë. Në vitin 2021, gjatë një tjetër krize në Teksas, këtë herë për shkak të temperaturave të acarta që lanë mijëra njerëz pa energji, Cruz u largua me familjen për në Cancun, në Meksikë. I kapi vala e kritikave dhe u kthye vetëm pas presionit publik.

Në thelb, të dy rastet ngrejnë të njëjtën pyetje: a i bën fama njerëzit më pak të ndjeshëm? Kur ke arritur majat, kur je aq i suksesshëm sa Ronaldo në futboll apo Cruz në politikë, a bëhet e lehtë të harrosh përse të ndjekin njerëzit? A krijon fama një flluskë ku përgjegjësitë zbehen dhe rehatia personale merr përparësi ndaj detyrimit moral?

Nuk është qëllimi të gjykojmë me ashpërsi. Askush nuk mund të diktojë si duhet të përballesh me dhimbjen. Por kur je figurë publike, çdo vendim i tillë, sado personal, bëhet gjithmonë politik. Dhe në fund, njerëzit nuk të kujtojnë për çfarë the, por për çfarë bëre… apo nuk bëre. Në këtë rast, të dy nuk bënë. Dhe kjo, edhe pse e trishtë, është shumë më domethënëse sesa çdo fjali që mund të kishin thënë!

The post Ronaldo në jaht, Cruz në Greqi/ Kur rehatia personale vlen më shumë se përgjegjësia appeared first on iconstyle.al.

Cristiano Ronaldo ishte një nga personat që mungoi në ceremoninë e lamtumirës së Diogo Jota-s dhe vëllait të tij Andre, të cilët humbën jetën si pasojë e një aksidenti automobilistik.

Kjo gjë shkaktoi reagime të shumta, ku nuk munguan kritikat ndaj 40-vjeçarit, i cili sipas raportimeve ndodhet me familjen e tij në Majorka me pushime.

Pak orë pasi kjo u vu re, ishte vetë Ronaldo që reagoi në lidhje me mungesën në këtë ceremoni lamtumire të shokut të tij, duke pohuar se nuk ishte i pranishëm për shkak të popullaritetit, dhe kjo gjë do të shkaktonte incidente.

“Ronaldo zgjodhi të mos merrte pjesë në ceremoninë në Gondomar, Portugali, për shkak të statusit të tij si yll global. Ai vendosi se mund të ishte më e dëmshme sesa e dobishme për të që të ishte atje, pasi do të tërhiqte vëmendje të tepruar në një kohë kur familja është në zi”, deklarojnë mediat luzitane.

Ronaldo më tej thuhet se komunikoi me familjen e Jota-s, prindërit dhe bashkëshorten, duke u bërë me dije arsyen e mungesës si dhe duke ofruar mbështetjen e tij.

Diogo Jota humbi jetën si pasojë e një aksidenti në Zamora të Spanjës, ku makina e tij shpërtheu në flakë pas përplasjes, ndërsa së bashku me të ndodhej dhe vëllai i tij Andre Silva, futbollist i Penafiel.

LEXONI GJITHASHTU:

• Vdekja e Diogo Jota-s: Liverpool merr vendimin, përjetëson fanellën me numrin 20
• Jota “heroi” i Liverpoolit, Arsenal e Man City triumfojnë me përmbysj

The post Ronaldo sqaron arsyen e mungesës në ceremoninë e lamtumirës të Diogo Jota-s appeared first on Euronews Albania.

Cristiano Ronaldo nuk ishte fizikisht i pranishëm në funeralin e Diogo Jotës dhe vëllait të tij Andre Silva, por kapiteni i Portugalisë ka komunikuar në mënyrë të drejtpërdrejtë me familjen e të ndjerit, duke shprehur mbështetjen dhe dhimbjen e tij të thellë.

Sipas gazetës portugeze Record, Ronaldo vendosi të mos udhëtonte drejt Gondomarit për të marrë pjesë në ceremoninë mortore, duke qenë se nuk donte që prania e tij të kthehej në një “cirk mediatik”.

Në vend të kësaj, ai kontaktoi bashkëshorten e Jotës, Rute Cardoso, dhe i premtoi mbështetjen e tij të plotë për të dhe tre fëmijët e tyre.

“Do të jem gjithmonë pranë jush,” thuhet t’i ketë thënë Ronaldo Rutes, në një mesazh të ndjerë përpara varrimit që u zhvillua të shtunën në mëngjes, me praninë e përfaqësuesve të Liverpoolit dhe të kombëtares portugeze.

Pavarësisht këtij gjesti, disa figura publike në Portugali nuk e kanë mirëpritur mungesën e Ronaldos.

Lexo po ashtu Familja e Diogo Jotas del me kërkesë publike për të gjithë ata që po i ngushëllojnë

Analisti sportiv Luis Cristovao e cilësoi atë si një vendim “të pashpjegueshëm”, duke shtuar se “çdo justifikim është i pamjaftueshëm për të mbuluar mungesën”.

Ndërkohë, Ronaldo kishte reaguar menjëherë pas lajmit tragjik, përmes një postimi prekës në rrjetet sociale: “Nuk ka kuptim. Vetëm tani ishim bashkë me Kombëtaren, vetëm tani ti u martove. Familjes tënde i dërgoj gjithë forcën e botës. Do të na mungoni, Diogo dhe Andre”.

Diogo Jota dhe vëllai i tij humbën jetën në një aksident tragjik me makinë në Spanjë më 3 korrik, ndërsa po udhëtonin drejt Anglisë.

Në funeralin e tyre morën pjesë emra të njohur të futbollit si Bernardo Silva, Ruben Neves, Joao Cancelo, Diogo Dalot, trajneri Arne Slot dhe disa lojtarë të Liverpoolit. /Telegrafi/

The post Në Portugali, arsyeja e mungesës së Ronaldos në funeralin e Diogo Jotës quhet turpëruese appeared first on Telegrafi.

Kapiteni i Portugalisë, Cristiano Ronaldo, nuk mori pjesë në funeralin e shokut të kombëtares, Diogo Jota dhe vëllait të tij Andre Silva, dhe mediat britanike zbuluan arsyen e supozuar të këtij vendimi, i cili habiti botën e futbollit.

Mediat portugeze u tronditën nga fakti që kapiteni dhe miku i tij, Cristiano Ronaldo, nuk mori pjesë në funeralin e Jotës.

Në të njëjtën kohë, shumë futbollistë nga Portugalia, por edhe nga klubet e tjera të Jotës në karrierën e tij, mbërritën në Gondomar.

Funerali u mbajt sot në qytetin e vogël Gondomar pranë Portos. Jota u varros pranë vëllait të tij, Andre Silva, me të cilin vdiqën në një aksident me makinë në Spanjë.

Megjithatë, mediumi The Mirror publikoi ekskluzivisht arsyen e mungesës së Ronaldos në funeral. Ata thonë se ai e mori vendimin në mënyrë që prania e tij të mos e shqetësonte një komunitet të vogël si Gondomar.

Kudo që shfaqet, Ronaldo shkakton kaos. Sipas raportimeve, këtë herë ai vendosi të shmangë ardhjen në funeral mes shumë njerëzve në një ambient kaq të vogël nga frika se mbërritja e tij mund të shkaktonte një trazirë të vërtetë.

Në të njëjtën kohë, ai kontaktoi familjen e Jotas dhe i shpjegoi këtë vendim. Gjithashtu thuhet se premtoi t’i ofrojë familjes së përlotur të Jotës gjithë mbështetjen e nevojshme në të ardhmen.

“The Mirror” has reported that Cristiano Ronaldo decided not to attend Jota’s funeral out of fear that it might disrupt the somber atmosphere in the town.

He did privately console the family. pic.twitter.com/9CVemPwQ9E

— Preeti (@MadridPreeti) July 5, 2025

The post Zbulohet arsyeja pse Ronaldo nuk u shfaq në funeralin e Jotas, ai i shpjegoi gjithçka familjes së viktimës appeared first on Albeu.com.

Kapiteni i Portugalisë, Cristiano Ronaldo, nuk mori pjesë në funeralin e shokut të kombëtares, Diogo Jota dhe vëllait të tij Andre Silva, dhe mediat britanike zbuluan arsyen e supozuar të këtij vendimi, i cili habiti botën e futbollit.

Mediat portugeze u tronditën nga fakti që kapiteni dhe miku i tij, Cristiano Ronaldo, nuk mori pjesë në funeralin e Jotës.

Në të njëjtën kohë, shumë futbollistë nga Portugalia, por edhe nga klubet e tjera të Jotës në karrierën e tij, mbërritën në Gondomar.

Lexo po ashtu Bota po pyet veten dhe po kërkon një shpjegim: Pse Ronaldo nuk erdhi në funeralin e Jotas?

Funerali u mbajt sot në qytetin e vogël Gondomar pranë Portos. Jota u varros pranë vëllait të tij, Andre Silva, me të cilin vdiqën në një aksident me makinë në Spanjë.

Megjithatë, mediumi The Mirror publikoi ekskluzivisht arsyen e mungesës së Ronaldos në funeral. Ata thonë se ai e mori vendimin në mënyrë që prania e tij të mos e shqetësonte një komunitet të vogël si Gondomar.

The Mirror reports that Cristiano Ronaldo decided not to attend Diogo Jota’s funeral out of fear that it might disrupt the atmosphere. pic.twitter.com/2kL0KzIN99

— TCR. (@TeamCRonaldo) July 5, 2025

Kudo që shfaqet, Ronaldo shkakton kaos. Sipas raportimeve, këtë herë ai vendosi të shmangë ardhjen në funeral mes shumë njerëzve në një ambient kaq të vogël nga frika se mbërritja e tij mund të shkaktonte një trazirë të vërtetë.

Në të njëjtën kohë, ai kontaktoi familjen e Jotas dhe i shpjegoi këtë vendim. Gjithashtu thuhet se premtoi t’i ofrojë familjes së përlotur të Jotës gjithë mbështetjen e nevojshme në të ardhmen. /Telegrafi/

“The Mirror” has reported that Cristiano Ronaldo decided not to attend Jota’s funeral out of fear that it might disrupt the somber atmosphere in the town.

He did privately console the family. pic.twitter.com/9CVemPwQ9E

— Preeti (@MadridPreeti) July 5, 2025

The post Zbulohet arsyeja pse Ronaldo nuk u shfaq në funeralin e Jotas, ai i shpjegoi gjithçka familjes së viktimës appeared first on Telegrafi.

Ylli i kombëtares së Portugalisë, Cristiano Ronaldo ka reaguar me anë të faqeve zyrtare në rrjetet sociale për vdekjen tragjike të bashkëkombësit të tij, Diogo Jota.

Gjatë ditës së sotme (e enjte) erdhi lajmi se ylli i Liverpoolit së bashku me vëllain kanë vdekur pas një aksidenti trafiku në provincën e Zamorës në Spanjë.

Vdekja e tyre erdhi pasi vetura doli nga rruga dhe pastaj mori flakë, duke lënë të vdekur të dy lojtarët.

Lexo po ashtu Garda Civile Spanjolle zbulon shkaqet e aksidentit që çoi në vdekjen e Jotas dhe vëllait të tij

Me t’u konfirmuar vdekja e tij kanë ardhur edhe reagime të shumta nga klube të ndryshme, teksa së fundmi ka reaguar edhe ylli portugez, Ronaldo.

“Nuk ka kuptim. Vetëm pak kohë më parë ishim bashkë në ekipin kombëtar, dhe tani sapo u martove”.

Lexo po ashtu Dalin pamjet tronditëse nga aksidenti i Diogo Jotas, makina e gjitha e djegur

“Familjes tënde, gruas dhe fëmijëve të tu, u dërgoj ngushëllimet e mia dhe ju uroj gjithë forcën e botës. E di që do të jesh gjithmonë me ta”.

“Pusho në paqe, Diogo dhe Andre. Do të na mungosh të gjithëve”, ka shkruar Ronaldo në postimin e tij. /Telegrafi/

Não faz sentido. Ainda agora estávamos juntos na Seleção, ainda agora tinhas casado. À tua familia, à tua mulher e aos teus filhos, envio os meus sentimentos e desejo-lhes toda a força do mundo. Sei que estarás sempre com eles. Descansem em Paz, Diogo e André. Vamos todos sentir… pic.twitter.com/H1qSTvPoQs

— Cristiano Ronaldo (@Cristiano) July 3, 2025

The post “Nuk ka kuptim”, Ronaldo me postim zemërthyer për vdekjen e Jotas appeared first on Telegrafi.

Cristiano Ronaldo ka reaguar me një mesazh prekës pas vdekjes tragjike të futbollistit Diogo Jota dhe vëllait të tij, André. Sulmuesi i njohur portugez shprehu tronditjen dhe dhimbjen për humbjen e bashkëlojtarit, me të cilin ka ndarë fushën e lojës në dhjetëra ndeshje me Kombëtaren e Portugalisë.

Në një postim në rrjetet sociale, Ronaldo shkroi:

“Nuk ka kuptim. Sapo ishim bashkë në Kombëtare, sapo ishe martuar.
Familjes tënde, bashkëshortes dhe fëmijëve të tu, i dërgoj ngushëllimet më të sinqerta dhe u uroj të kenë gjithë forcën e botës.
E di që gjithmonë do të jesh me ta.
Pushoni në paqe, Diogo dhe André. Të gjithëve do të na mungoni.”

Vdekja e Diogo Jotës ndodhi pas një aksidenti tragjik rrugor në Spanjë, vetëm disa ditë pasi ishte martuar me partneren e tij, Rute Cardoso. Lajmi ka tronditur jo vetëm komunitetin sportiv portugez, por edhe tifozët dhe personalitetet e futbollit në mbarë botën.

Reagimi i Ronaldos është një prej dhjetëra mesazheve prekëse që janë ndarë online në nder të Jotës dhe vëllait të tij, duke dëshmuar për ndikimin dhe dashurinë që ai la pas.

The post Cristiano Ronaldo në zi pas vdekjes së Diogo Jotës: S’ka kuptim… sapo ishim bashkë në Kombëtare appeared first on iconstyle.al.

Ish-portieri i Real Madridit, Kiko Casilla, ka ndarë një kujtim të veçantë nga ditët e tij në “Los Blancos”, duke përshkruar një moment që tregon anën njerëzore të Cristiano Ronaldos, përveç madhështisë së tij si futbollist.

Në një intervistë të fundit, Casilla tregoi një histori të panjohur më parë, të ndodhur gjatë fazës përgatitore në Shtetet e Bashkuara, që la të gjithë të pranishmit të befasuar.

“Kur shkuam në Shtetet e Bashkuara për stërvitje parasezonale, ai bleu për të gjithë stafin, përfshirë fizioterapistët dhe rojet e sigurisë, iPhone-in më të fundit dhe Apple Watch”, tregon Casilla.

Sipas tij, ky gjest është një dëshmi e qartë e karakterit të Ronaldos dhe përkushtimit të tij ndaj njerëzve përreth.

“Ai është një fenomen, një supermen, i cili ndihmon edhe fëmijën e fundit që ka dalë nga akademia e të rinjve. Kërkoji çdo gjë dhe ai do ta japë”, shtoi ish-portieri.

Kiko Casilla: “What was Cristiano Ronaldo like? A phenomenon but also a super person!

He helped even the last kid who came from academy. I remember going to USA for pre-season and he brought all the staff new iPhones and Apple Watches.” pic.twitter.com/2By1NyplR5

— TCR. (@TeamCRonaldo) July 2, 2025

Kiko Casilla, i lindur në Tarragona, ka luajtur për një sërë klubesh gjatë karrierës së tij si Real Madrid, Espanyol, Cádiz, Cartagena, Leeds United, Elche dhe Getafe.

Ai ka regjistruar 43 paraqitje zyrtare me Real Madridin dhe një ndeshje me Kombëtaren e Spanjës. /Telegrafi/ 

The post Kiko Casilla zbulon gjestin e papritur të Cristiano Ronaldos gjatë fazës përgatitore me Real Madridin appeared first on Telegrafi.

Komentet e Cristiano Ronaldos për Ligën Saudite janë përhapur me shpejtësi pas befasisë së madhe që Al Hilal i bëri Manchester Cityt duke i eliminuar në fazën 1/8 të Kupës së Botës për Klube.

Skuadra e Pep Guardiolës u mund me rezultat 4-3 pas kohës shtesë nga ekipi saudit, me golin vendimtar të Marcos Leonardo në minutën e 112-të, që ishte edhe goli i tij i dytë në ndeshje.

Ish-ylli i Barcelonës, Malcom, dhe mbrojtësi i Chelseat, Kalidou Koulibaly, shënuan gjithashtu për skuadrën e Simone Inzaghit në stadiumin ‘Camping World’, ndërsa për City shënuan Bernardo Silva, Erling Haaland dhe Phil Foden.

Al Hilal, që realizoi katër gola nga vetëm gjashtë gjuajtje në kuadrat, do të përballet tani me skuadrën braziliane Fluminense në çerekfinale të premten.

Megjithëse shumë lojtarë të nivelit të lartë kanë kaluar në ligën saudite pas transferimit të Ronaldos te Al Nassr, kjo ligë ende nuk është marrë seriozisht nga shumë njerëz.

Pesë herë fituesi i Topit të Artë, Ronaldo, ka lavdëruar vazhdimisht nivelin e Ligës Saudite, dhe në dhjetor, në ndarjen e çmimeve ‘Globe Soccer’ në Dubai, ai tha se Liga Saudite së shpejti do të jetë ‘një nga tre ose katër ligat më të mira në botë’.

Për më tepër, Ronaldo deklaroi se Ligue 1 në Francë është më e dobët se Liga Saudite, duke thënë se ‘pjesa tjetër ka mbaruar’ pas dominimit të Paris Saint-Germain, me të cilët ‘askush nuk mund të konkurrojë’.

Al Hilal barazoi 1-1 me 15 herë kampionët e Evropës, Real Madrid, në fazën e grupeve dhe gjithashtu mori një barazim pa gola me Red Bull Salzburg, përpara se të mposhtte Pachucan 2-0.

Klubi ka shpenzuar afërsisht 400 milionë euro për lojtarë të rinj në dy vitet e fundit, duke përfshirë transferimin e diskutueshëm prej 77.6 milionë euro për Neymar dhe afrime të emrave të njohur si Ruben Neves, Renan Lodi, Yassine Bounou dhe Joao Cancelo.

The post Bëhet virale deklarata e Ronaldos pas triumfit të Al-Hilal ndaj Manchester Cityt appeared first on Albeu.com.

Cristiano Ronaldo ka konfirmuar sërish përkushtimin e tij ndaj Arabisë Saudite pas nënshkrimit të një kontrate të re dyvjeçare me klubin Al-Nassr, e cila do ta mbajë në Ligën Saudite deri në vitin 2027, vit në të cilin ai do të mbushë 42 vjeç.

Duke folur pas nënshkrimit të marrëveshjes, Ronaldo zbuloi se kishte marrë oferta për të marrë pjesë në Kupën e Botës për Klube që është duke u zhvilluar, por i kishte refuzuar për të ruajtur freskinë në funksion të asaj që mund të jetë pjesëmarrja e tij e fundit në një Kampionat Botëror në vitin 2026.

“Nuk kam ardhur këtu vetëm për të luajtur futboll. Luaj për ndryshimin e vendit dhe të kulturës”.

“Jam pjesë e këtij procesi, prandaj, siç them gjithmonë, i përkas Arabisë Saudite. Jam portugez, por i përkas Arabisë Saudite”.

Ronaldo vlerësoi transformimin që po ndodh në vendin e Gjirit dhe shprehu admirimin e tij për udhëheqësinë e Arabisë Saudite.

“Projektet për të qenë pjesë e rritjes së vendit, për të qenë në anën e tij, padyshim që do të jem. Dua të ndihmoj në ndryshimin e perceptimit për Arabinë Saudite”.

“Të jem trajner? Mund t’iu them tani që nuk do të bëhem kurrë trajner. ‘Kurrë’ është një fjalë e fortë, por nuk ka qenë kurrë në planet e mia, as pas pesë, as pas dhjetë, as pas njëzet vitesh”.

Ish-sulmuesi i Real Madridit dhe Manchester Unitedit, i cili ka shënuar mbi 930 gola në karrierën e tij, theksoi se fokusi i tij për mbetjen e sezonit është te klubi dhe kombëtarja, me sytë nga Kupa e Botës 2026 që do të mbahet në Amerikën e Veriut.

The post Ronaldo përjashton mundësinë që të bëhet trajner pas pensionimit nga futbolli appeared first on Albeu.com.

Cristiano Ronaldo ka firmosur një kontratë të re marramendëse me Al Nassr, duke u bërë sportisti me pagën më të lartë në historinë e sportit. Legjenda portugeze do të përfitojë mbi 500 milionë euro gjatë dy viteve të ardhshme. Sipas The Sun marrëveshja përfshin edhe një sërë përfitimesh shtesë që mund ta çojnë të ardhurat e […]

The post Kontrata më e shtrenjtë në historinë e futbollit, Ronaldo do fitojë 500 milionë euro në dy vite appeared first on BoldNews.al.

Pak javë më parë u duk se rrugët do të ndaheshin.

Kristiano Ronaldo postoi një mesazh në rrjetet sociale duke lënë të nënkuptohej se aventura në Arabinë Saudite kishte përfunduar, dhe se ai do të gjente një ekip të ri.

E vërteta zyrtare është që kjo nuk ndodhi dhe që njëri nga yjet më të mëdhenj në historinë e futbollit botëror do ta vazhdojë karrierën tek Al Nasr.

Klubi dhe vetë CR7 njoftuan rinovimin e kontratës deri në 2027, pra edhe për dy vjet të tjera, dhe shifrat financiare mbeten po ato që ishin.

Legjenda portugeze do të fitojë 200 milionë euro në sezon, pra 400 milionë në total, ndërsa do të marrë edhe 29 milionë euro shpërblim vetëm që pranon të firmosë kontratën.

Këto janë klauzolat e kohëve të sotme për të shtuar të ardhurat.

Ronaldo nënshkroi kontratën e parë në Arabinë Saudite në 30 dhjetor 2022, kur u largua nga Mançester Junajtidit, duke u bërë më I paguari në futbollin profesionist botëror me 200 milionë euro në sezon.

Do të vazhdojë të mbetet më I paguari.

Në dy vjet e gjysmë, ai ka shënuar 99 gola në 111 ndeshje në Arabi dhe në Championsin e Azisë, ndonëse I ka munguar një nga ato gjëra për të cilat vazhdon të jetë në fushë, nuk ka mundur të fitojë asnjë trofe.

Kristiano shpreson që tashmë në moshën 40-vjeçare të ketë më shumë fat, si dhe të arrijë nivelin e 1 000 golave në karrierë.

Askush nuk e ka bërë këtë gjë, ndërsa vetë ai mban rekordin me 938 rrjeta, I ndjekur nga Mesi me 866./abcnews.al

Cristiano Ronaldo vazhdon të sfidojë normat ligjore në Arabinë Saudite, ku bashkëjeton me të dashurën e tij, Georgina Rodriguez, megjithëse ligjet e vendit ndalojnë lidhjet jashtëmartesore.

Autoritetet saudite thuhet se kanë “mbyllur sytë” ndaj kësaj situate që nga ardhja e tij në vitin 2023.

Këtë javë, Ronaldo ka nënshkruar një kontratë të re dyvjeçare me Al Nassr, duke refuzuar interesimin nga Al Hilal. Ai do të përfitojë 1.1 milion euro në ditë dhe një bonus nënshkrimi prej 50 milionë, që mund të rritet në 100 milionë në vitin e dytë.

Sipas “The Sun”, portugezi gjithashtu do të përfitojë 15 për qind të aksioneve në klubin Al Nassr, çka e bën marrëveshjen një nga më fitimprurëset në histori.

Ronaldo reagoi përmes rrjeteve sociale, duke shkruar: “Një kapitull i ri fillon. I njëjti pasion, e njëjta ëndërr. Le të bëjmë histori së bashku”.

Nënshkrimi i ri do të thotë se ai dhe Georgina do të vazhdojnë të jetojnë së bashku në Riad, edhe pse nuk janë të martuar. Ligji saudit e ndalon këtë, por rasti i Ronaldos është toleruar.

Lexo po ashtu Paga marramendëse që Ronaldo do të fitojë te Al Nasr në marrëveshjen e re

Dy avokatë sauditë thanë për agjencinë EFE se autoritetet nuk ndjekin më penalisht emigrantët për bashkëjetesë pa martesë, përveç në raste të veçanta problematike apo me precedent penal.

Ronaldo dhe Georgina janë në një lidhje që nga viti 2016. Ata u njohën në një dyqan Gucci në Madrid dhe kanë dy vajza së bashku, ndërsa Ronaldo ka edhe tre fëmijë të tjerë.

Futbollisti ka deklaruar më parë se do të martohet me Georginën, duke theksuar se “e meritojnë këtë hap”. Për momentin, çifti po shijon luksin dhe lirinë e ofruar nga marrëveshja mbretërore. /Telegrafi/

The post Cristiano Ronaldos i është dhënë tashmë ‘leje speciale’ për të thyer rregullin e rreptë saudit appeared first on Telegrafi.

Portugezi Cristiano Ronaldo ka rinovuar me Al Nasr. Ai ka vendosur të firmosë deri në vitin 2027. 40-vjeçari u bashkua në janarin e vitit 2023 me Al Nasr dhe ka luajtur 105 ndeshje me Al Nasr duke shënuar 93 gola dhe ka dhënë 19 asist. Botërori i vitit 2026 vazhdon të jetë prioriteti për Cristiano Ronaldon. Gjithashtu, edhe goli numër 1000 në karrierën e tij si profesionist. Deri tani…

Source

Cristiano Ronaldo bëri bujë të enjten kur u konfirmua se ai kishte zgjatur kontratën e tij me gjigantët e Ligës Profesionale Saudite, Al Nasr, edhe për dy vjet të tjera.

Sipas burimeve të Diario Sport, kontrata e re e Ronaldos do të shohë që ai të fitojë 400 milionë euro në vit.

Kjo përkthehet në:

33.34 milionë euro në muaj;

7.6 milionë euro në javë;

1.1 milion euro në ditë;

772 euro për minutë;

13 euro për sekondë.

Derisa na u desh të shkruanim këtë artikull, Ronaldo do të kishte fituar mbi 5000 euro. Ai do të fitonte edhe 2500 euro të tjera gjatë kohës që ju duhet për ta lexuar.

Ronaldo do të jetë 42 vjeç kur të skadojë kontrata e tij e re. Ai ka përfunduar si golashënuesi më i mirë i Ligës Profesionale Saudite për dy sezonet e fundit.

The post Paga marramendëse që Ronaldo do të fitojë te Al Nasr në marrëveshjen e re appeared first on Albeu.com.

Cristiano Ronaldo ka firmosur një kontratë të re dyvjeçare me Al Nassr, duke konfirmuar qëndrimin e tij në Saudi Pro League deri në vitin 2027. Drejtori sportiv i klubit, Fernando Hierro, kishte deklaruar më parë se klubi ishte i interesuar të mbante Ronaldon, megjithëse kishte konkurrencë për firmën e tij.

Në fillim të sezonit, Ronaldo, 40 vjeç, la të kuptohej se mund të largohej nga Al Nassr, por me firmosjen e kontratës së re ai ka hedhur poshtë çdo spekulim për një largim të mundshëm.

“Një kapitull i ri fillon,” shkroi ai në rrjetet sociale. “I njëjti pasion, e njëjta ëndërr. Le të bëjmë histori.”

The post Zyrtare/ “Një kapitull i ri fillon”, Cristiano Ronaldo konfirmon të ardhmen appeared first on iconstyle.al.

Cristiano Ronaldo ka nënshkruar një kontratë të re me Al Nassr që do ta shohë atë të qëndrojë në klubin saudit deri në vitin 2027.

Kontrata e Ronaldos me Al Nassr ishte caktuar të skadonte më 30 qershor dhe ka pasur zëra për një largim, por këto zëra tani janë shuar.

Pasi u bë e ditur se ai do të qëndronte, lindi pyetja nëse zgjatja e kontratës së tij do të ishte për një apo dy vjet, dhe klubi tani ka njoftuar se është kjo e fundit.

Me Ronaldon që tani është 40 vjeç, duket pothuajse e sigurt se ai do të tërhiqet nga klubi, megjithëse nuk po tregon shenja se do t’i japë fund karrierës së tij së shpejti.

Në vend të kësaj, synimet e tij janë të vendosura fort që më në fund të fitojë Kupën e Botës për herë të parë me Portugalinë verën e ardhshme.

Cristiano Ronaldo is staying at @AlNassrFC until 2027 💛🤩 pic.twitter.com/uVOzvZW4u7

— AlNassr FC (@AlNassrFC_EN) June 26, 2025

The post Cristiano Ronaldo rinovon kontratën me Al Nassr appeared first on Albeu.com.

Cristiano Ronaldo ka nënshkruar një kontratë të re me Al Nassr që do ta shohë atë të qëndrojë në klubin saudit deri në vitin 2027.

Kontrata e Ronaldos me Al Nassr ishte caktuar të skadonte më 30 qershor dhe ka pasur zëra për një largim, por këto zëra tani janë shuar.

Pasi u bë e ditur se ai do të qëndronte, lindi pyetja nëse zgjatja e kontratës së tij do të ishte për një apo dy vjet, dhe klubi tani ka njoftuar se është kjo e fundit.

Me Ronaldon që tani është 40 vjeç, duket pothuajse e sigurt se ai do të tërhiqet nga klubi, megjithëse nuk po tregon shenja se do t’i japë fund karrierës së tij së shpejti.

Në vend të kësaj, synimet e tij janë të vendosura fort që më në fund të fitojë Kupën e Botës për herë të parë me Portugalinë verën e ardhshme. /Telegrafi/

Cristiano Ronaldo is staying at @AlNassrFC until 2027 pic.twitter.com/uVOzvZW4u7

— AlNassr FC (@AlNassrFC_EN) June 26, 2025

The post Ronaldo vazhdon zyrtarisht me Al Nassr appeared first on Telegrafi.

Ylli i Bayern Munich, Harry Kane, po vjen pas një sezoni mbresëlënës 2024/25, në të cilin fitoi titullin e Bundesligës me klubin.

Ai shënoi 39 gola në sezonin 2024/25 dhe mbetet një nga qendërsulmuesit më të mirë të gjeneratës së tij.

Kane u pyet së fundmi se kë e konsideron ai si “sulmuesin më të mirë” në historinë e futbollit botëror.

Kjo ka të bëjë me lojtarin që është më i rëndësishëm për sa i përket shmangies së kundërshtarëve dhe shënimit të golave.

Kane u thirrën në disa opsione, përfshirë lojtarë si Lionel Messi, Kylian Mbappe dhe Ronaldo Nazario.

Megjithatë, ai përfundoi duke zgjedhur Cristiano Ronaldon si golashënuesin e tij më të mirë në historinë e futbollit.

Kjo nuk është aq e habitshme duke pasur parasysh se Ronaldo ka shënuar 938 gola në karrierën e tij. /Telegrafi/

The post Kane injoron Messin dhe Ronaldo kur zgjedh ‘sulmuesin më vdekjeprurës’ para portës appeared first on Telegrafi.