Aktorja dhe deputetja nga radhët e Lëvizjes Vetëvendosje, Adriana Matoshi, ka nisur zyrtarisht pushimet verore – dhe këtë e ka konfirmuar përmes një fotografie të publikuar nga mikja e saj, aktorja Arjola Demiri, në Instagram.

Në imazhin e ndarë nga Demiri, dyshja duken të relaksuara teksa shijojnë një mëngjes të pasur me pamje spektakolare mbi det. Adriana shihet e veshur me një këmishë të bardhë oversize dhe syze të mëdha dielli, ndërsa Arjola ka zgjedhur një palë bikini me dizajn të lehtë floral, duke reflektuar atmosferën e ngrohtë të verës.

Tryeza para tyre është e shtruar me elegancë: lule të freskëta, gota rozë për verë apo koktej dhe pjata me ushqime të ndryshme të mëngjesit – një moment që reflekton qetësi, miqësi dhe luks të përmbajtur.

Fotografia është shoqëruar me këngën “Quality Time”, duke lënë të kuptohet se kjo periudhë po përdoret për qetësi shpirtërore dhe kohë me njerëz të afërt.

Ndërkohë, ky pushim i deputetes Matoshi vjen në një kohë kur Kuvendi i Kosovës vazhdon të mbetet në një bllokadë institucionale që ka zgjatur me muaj, me 45 tentativa të pasuksesshme për mbajtjen e seancës plenare. Nesër pritet të mbahet tentativa e 46-të për të konstituuar punimet parlamentare, por ngërçi politik vazhdon të dominojë agjendën institucionale të vendit.

Adriana Matoshi, megjithëse e zgjedhur si përfaqësuese e popullit në Kuvend, aktualisht duket se ka vendosur të distancohet nga kaosi institucional dhe të fokusohet përkohësisht në mirëqenien e saj personale.

Kjo paraqitje në shoqërinë e Arjola Demirit ka ngjallur reagime dhe komente në rrjet, me shumë ndjekës që e kanë cilësuar si një “momente të merituar pushimi”, ndërsa të tjerë kanë ngritur pyetje rreth mungesës së deputetëve nga përpjekjet për zhbllokimin e institucioneve. /Telegrafi/

The post Adriana Matoshi nis pushimet verore me shoqen e saj, aktoren Arjola Demiri – shijojnë luksin me detin në prapavijë appeared first on Telegrafi.

Shërbimi për promovimin e imazhit dhe veprave të Presidentit të Shteteve të Bashkuara të Amerikës ka qenë i zënë muajt e fundit duke u përpjekur ta portretizojë Donald Trumpin si një hero që do të zgjidhë të gjitha problemet e botës.

Këtë herë ata shkuan një hap larg duke publikuar një tjetër njoftim që ishte i paimagjinueshëm para ardhjes së Donald Trump në krye të Shteteve të Bashkuara të Amerikës.

Në profilin zyrtar të X-it, ata publikuan një montazh fotosh të Trump-it si, hiç më pak, Supermen.

THE SYMBOL OF HOPE.

TRUTH. JUSTICE. THE AMERICAN WAY.

SUPERMAN TRUMP. pic.twitter.com/fwFWeYonAq

— The White House (@WhiteHouse) July 11, 2025

Së bashku me një fotografi të Trump të veshur si një nga superherojt më të famshëm të Uashingtonit, ata shkruan: “NJË SIMBOL SHPRESË. TË VËRTETËS. DREJTËSIE. MËNYRA AMERIKANE. SUPERMENI TRUMP”.

Ky është një tjetër shembull në një seri shembujsh të marketingut agresiv nga njeriu i parë i Shtëpisë së Bardhë që ndoshta e përshkruan më së miri gjendjen reale të kombit amerikan nën udhëheqjen e Donald Trump. /Telegrafi/

The post Trump si Supermen: Shtëpia e Bardhë befason me promovimin e presidentit në rrjetet sociale appeared first on Telegrafi.

Këngëtarja e njohur e muzikës popullore, Engjëllusha Salihu, sot ka kurorëzuar dashurinë e saj në një ceremoni martesore mjaft të veçantë.

Engjëllusha është bërë sot nuse, në mesin e familjarëve, miqve dhe bashkëpunëtorëve të saj të shumtë në muzikë.

Një ndër momentet më të ndjera gjatë këtyre ditëve festive ka qenë padyshim bashkëpunimi me nënën e saj, këngëtaren e njohur Shyhrete Behluli.

Dyshja sollën emocione të forta për publikun, duke reflektuar lidhjen e tyre të veçantë jo vetëm si nënë e bijë, por edhe si kolege të pandashme në skenë prej vitesh.

Në një intervistë të realizuar së fundmi për emisionin “Prive” nga Liberta Spahiu, Engjëllusha ndau emocionet përpara ditës së madhe, foli për partnerin që tashmë është bërë bashkëshorti i saj dhe për mbështetjen që ka marrë nga familja, në veçanti nga nëna e saj, e cila ka qenë gjithmonë përkrah saj në çdo hap të jetës.

Sot, Engjëllusha Salihu hap një kapitull të ri në jetën e saj personale, duke ruajtur me krenari rrënjët dhe suksesin e saj artistik. /Telegrafi/

The post Këngëtarja Engjëllusha Salihu i jep fund beqarisë appeared first on Telegrafi.

Aktorja e njohur amerikane, Jennifer Aniston, ka konfirmuar zyrtarisht lidhjen e saj të re dashurore me hipnotistin dhe trajnerin e jetës, Jim Curtis.

56-vjeçarja, e njohur për rolin e Rachel Green në serialin legjendar Friends, u pa duke shijuar një pushim romantik në një jaht luksoz në Mallorca, në shoqërinë e partnerit të ri.

Fotografitë e publikuara nga DailyMail tregojnë Aniston në momente intime me Curtis, duke i prekur këmbën teksa bisedonin me miqtë.

Në një tjetër moment, çifti shihej duke u përqafuar dhe duke i dhënë njëri-tjetrit masazh, ndërsa më vonë ndanë së bashku një shikim në telefonin e saj.

Të afërm të aktores kanë pohuar se Jennifer është shumë e lumtur në këtë fazë të re të jetës, por po i merr gjërat me qetësi.

“Jennifer është në një lidhje me Jim dhe ndihet shumë mirë. Miqtë e saj janë të entuziazmuar për këtë histori të re dashurie dhe ata që e kanë njohur Jim-in, mendojnë se janë përputhje perfekte”, ka thënë një burim i afërt për DailyMail.

“Ata të dy ndajnë pasionin për zhvillimin personal dhe punën me veten. Jennifer e konsideron Jim-in si një njeri të jashtëzakonshëm në këtë aspekt.”

Çifti kishte kaluar edhe pushime së bashku në qershor, në resortin luksoz Ventana Big Sur në Kaliforni, ku u panë të përqafuar në restorantin e resortit.

Ky vend i preferuar nga yje si Taylor Swift, Anne Hathaway dhe Ivanka Trump, ofron eksperienca të personalizuara dhe programime të mirëqenies shpirtërore — një lidhje që përkon edhe me filozofinë e jetës së Curtis.

Jim Curtis është autor i librit Shift: Quantum Manifestation Guide, një udhëzues për zhvillimin e vetëdijes së re dhe shërimin shpirtëror.

Ai njihet për qasjen e tij terapeutike që e quan “hypno-realization”, që ndihmon individët të çlirohen nga e kaluara dhe të ndërtojnë një realitet të ri të mbushur me dashuri dhe lidhje të thella emocionale.

Interesante është se Jennifer e ka ndjekur Curtisin në Instagram për gati dy vite dhe ka ndërvepruar shpesh me përmbajtjen e tij, përfshirë një postim të fundit ku ai ndante afirmime për të shëruar zemrën pas një ndarje.

Kjo ka nxitur më tej dyshimet e fansave mbi afërsinë e tyre, të cilat tashmë janë konfirmuar nga vetë veprimet e aktores.

Ndërkohë që Aniston po e shijon këtë kapitull të ri në jetën personale, ajo mbetet një nga figurat më të dashura të Hollywood-it. Më parë ajo ishte martuar me Brad Pitt nga viti 2000 deri në 2005 dhe më pas me Justin Theroux nga 2015 deri në 2018.

Në vitin 2022, aktorja pranoi publikisht se kishte provuar me procedura IVF për të mbetur shtatzënë, por pa sukses — një përvojë e dhimbshme që ajo e ndau me guxim me publikun.

Ndërsa lidhja e saj me Curtis po merr hov, duket se Aniston më në fund ka gjetur qetësinë dhe përmbushjen që kërkonte prej kohësh.

Romanca e tyre, e ndërtuar mbi një lidhje të fortë shpirtërore dhe mirëkuptim emocional, po zhvillohet me hapa të kujdesshëm, por me shumë premtime për të ardhmen. /Telegrafi/

The post Jennifer Aniston gjen dashurinë sërish – konfirmon lidhjen me hipnotistin simpatik Jim Curtis ndërsa shfaqen në jaht duke kaluar kohë intime së bashku appeared first on Telegrafi.

Kim Kardashian është rikthyer fuqishëm në skenën e modës. Të mërkurën, më 9 korrik, ylli televiziv dhe biznesmenja 44-vjeçare u shfaq në pasarelën e koleksionit të vjeshtës 2025 të Balenciaga-s, gjatë Javës së Modës në Paris. Ky ishte gjithashtu prezantimi i fundit i Demna Gvasalia si drejtor kreativ i shtëpisë së famshme të modës.

Kardashian parakaloi me një fustan të ngushtë në ngjyrë fildishi, me dantella elegante dhe një pallto me gëzof të njëjtë të varur në supe. Flokët e saj ishin stiluar në një bob asimetrik me ndarje anësore, që i mbulonte pjesërisht fytyrën.

Ajo që e bëri këtë paraqitje edhe më mbresëlënëse ishin diamantet vezulluese nga bizhuteritë e Lorraine Schwartz. Sipas një njoftimi për media nga brendi, fustani i Kim-it ishte një homazh për veshjen që Elizabeth Taylor kishte veshur në filmin e vitit 1958 “Cat on a Hot Tin Roof”. Kardashian kishte vendosur vathët legjendarë “Mike Todd Diamond Pendant Earrings”, që dikur ishin në pronësi të vetë Elizabeth Taylor dhe u blenë në ankand nga Schwartz.

Përveç tyre, Kardashian kishte në qafë dy varëse të Lorraine Schwartz, me gjithsej rreth 250 karatë diamante. Modelet e tjera në shfaqje mbanin gjithashtu bizhuteri të personalizuara me më shumë se 1,000 karatë diamante të bardhë, smeralde kolumbiane, safirë padparadsha, diamante rozë dhe diamante në ngjyrë të verdhë kanarine.

Para shfaqjes, Kim arriti në Paris për provat, duke tërhequr vëmendjen me një fustan ngjyrë rozë të ndezur, të ngushtë dhe me prerje të thellë në pjesën e përparme, i cili kishte gjithashtu një çarje të gjatë në këmbë që zbulonte çizmet “panta-boots” po ashtu rozë neon. Ajo ndau një foto të këtij veshje në Instagram Story me përshkrimin: “Balenci Barbie 4Lyfe”.

Në ditën e shfaqjes, Kardashian u ribashkua me miket e saj Lauren Sánchez Bezos dhe Katy Perry. Në mesin e të ftuarve të tjerë ishin edhe Nicole Kidman dhe Cardi B. Sánchez Bezos u shfaq me një xhaketë të zezë dhe syze dielli, ndërsa Perry zgjodhi një fustan të shkurtër të zi me taka të njëjta dhe syze transparente.

Më herët, Kardashian kishte marrë pjesë edhe në dasmën madhështore të Lauren Sánchez dhe Jeff Bezos në Venedik muajin e kaluar, ku u pa duke biseduar edhe me ish-partnerin e Perry-t, aktorin Orlando Bloom.

Kim debutoi për herë të parë në pasarelën e Javës së Modës në Paris në vitin 2022, gjithashtu për Balenciaga-n, në Koleksionin e 51-të të Couture-it, përkrah yjeve të tjera si Nicole Kidman, Dua Lipa, Christine Quinn, si dhe supermodelet Bella Hadid dhe Naomi Campbell.

E emocionuar nga përvoja, ylli i “The Kardashians” e kishte cilësuar atë paraqitje si “një ëndërr e bërë realitet”, ku u shfaq me një fustan të zi me dekolte të thellë dhe dorashka të integruara, ndërsa mbante flokët e zbardhura në ngjyrë platin. /Telegrafi/

The post Kim Kardashian mbante mbi 250 karat diamante në veshjen e saj ‘Balenciaga’ gjatë Javës së Modës në Paris appeared first on Telegrafi.

Lily Allen ka vendosur të mos fshihet më.

Këngëtarja britanike 39-vjeçare publikoi një fotografi shumë provokuese në Instagram të premten, ku shihet me reçipeta të kuqe me dantella dhe një xhaketë me motive lulesh, duke treguar rezultatet e operacionit të gjoksit që bëri pas ndarjes nga bashkëshorti i saj, aktori David Harbour.

Fotoja e saj e fundit u shoqërua me përshkrimin thumbues: “Më vjen keq, jo më vjen keq”, ndërsa komentet dhe pëlqimet nga miqtë e saj të famshëm, përfshirë Charli XCX, nuk munguan, shkruan DailyMail.

Operacionin e gjoksit ajo e bëri në shkurt dhe që atëherë ka folur hapur për përvojën e saj.

Në podkastin “Miss Me?” me mikeshën e saj Miquita Oliver, Lily tregoi se pavarësisht pamjes mahnitëse të gjoksit të ri, ajo ndjen një kontrast me fytyrën e saj: “Jam si 40, 18, 40, 18”, tha ajo me ironi.

Lily zbuloi gjithashtu se është ende në fazën e quajtur “drop and fluff” – një term i kirurgjisë estetike që përshkruan procesin natyral pas ndërhyrjes ku gjoksi ulet dhe zbutet me kalimin e kohës.

“Jam duke blerë të brendshme të bukura që tani më mëshojnë dhe bëj foto me telefon.

Nuk ia kam dërguar ende askujt, por ndoshta do të ndodhë në një moment. Ndoshta në ditëlindjen time të 40-të, kur të kem ‘rënë e fryrë’ plotësisht”, shtoi ajo me humor.

Krahas detajeve për transformimin e saj fizik, Lily nuk i kurseu komentet edhe për rikthimin e mundshëm të grupit Oasis, të cilët i konsideron frymëzim për hyrjen e saj në muzikë.

Ajo dhe Miquita spekuluan se tensioni mes vëllezërve Gallagher është pjesë e taktikës për të shtuar interesin rreth ribashkimit të grupit legjendar.

Lily vazhdon të jetë një nga zërat më autentikë në skenën publike britanike – pa filtre, pa ndrojtje dhe gjithnjë me diçka për të thënë. /Telegrafi/

The post Lily Allen provokon me të brendshme të kuqe, tregon me krenari rezultatet e operacionit të gjoksit appeared first on Telegrafi.

Influencuesja e njohur shqiptare, Sara Hoxha, ka mahnitur ndjekësit me paraqitjen e saj të fundit në rrjetet sociale, ku ka ndarë disa fotografi nga një ambient luksoz dhe natyror pranë detit.

E veshur me një bikini me printe leopardi dhe një palë pantallona të gjëra me një këmishë të bardhë të hapur në një tjetër fotografi, Sara ka treguar edhe një herë shijen e saj të sofistikuar për stilin dhe kombinimin perfekt të elegancës me komoditetin veror.

Me grim minimal dhe flokë të lëshuara natyrshëm, ajo shkëlqen në dritën natyrale dhe përçon një atmosferë qetësie e bukurie natyrore.

Në fotografi vërehen detaje që i japin karakter pamjes së saj – si manikyri i kujdesshëm në ngjyrë pastel dhe bizhuteritë minimaliste.

Postimi i saj në Instagram ka marrë shumë pëlqime dhe qindra komente, ku ndjekësit nuk kanë kursyer komplimentet për të shprehur admirimin e tyre.

Sara Hoxha vazhdon të jetë një nga figurat më me ndikim në rrjetet sociale në Shqipëri, duke frymëzuar shumë vajza me stilin, qëndrimin dhe pozitivitetin e saj. /Telegrafi/

The post Sara Hoxha shkëlqen në paraqitjen e fundit verore – elegancë dhe stil në çdo detaj appeared first on Telegrafi.

Hailey Bieber ka tërhequr vëmendjen e ndjekësve me disa fotografi të reja nga pushimet në Mallorca, ku u shfaq me bikini në bord të një varke, teksa promovonte produktet e markës së saj Rhode.

Modelja 28-vjeçare, që së fundmi u bë nënë, u komentua gjerësisht për pamjen e saj fizike, me ndjekës që e quajtën “mahnitëse” dhe “e përsosur”.

Postimet e saj në Instagram u pëlqyen edhe nga figura publike si Kylie Jenner dhe Carolyn Murphy, ndërsa fansat vërshuan me komente entuziaste dhe habi për formën fizike të Hailey-t pas lindjes së djalit të tyre, Jack Blues, shkruan DailyMail.

Ndërkohë, bashkëshorti i saj, Justin Bieber, ka tërhequr vëmendje për një sërë postimesh që kanë ngjallur shqetësim mes fansave.

Ai publikoi imazhe ku shihej me djalin e tyre në një studio muzikore – një mjedis ku më parë ishte parë duke pirë duhan në praninë e miqve muzikantë. Kjo ka ngritur pikëpyetje për përshtatshmërinë e vendit për një fëmijë të vogël.

Justin ndau gjithashtu disa fotografi të vetes gjatë një “detoksifikimi”, ku dukej i djersitur dhe i lodhur, duke mos sqaruar arsyet konkrete të këtij procesi.

Sjelljet e tij të fundit kanë shkaktuar spekulime mbi gjendjen emocionale të këngëtarit dhe ndikimin e tyre në martesën me Hailey-n.

Megjithatë, burime pranë çiftit kanë deklaruar se ata janë ende të bashkuar dhe të përkushtuar ndaj njëri-tjetrit.

Sipas këtyre burimeve, Hailey po e mbështet Justin-in në një periudhë të vështirë dhe të dy janë të vendosur të funksionojnë si çift, të udhëhequr edhe nga besimi i tyre i përbashkët. /Telegrafi/

The post Hailey Bieber shkëlqen në bikini gjatë pushimeve në Mallorca appeared first on Telegrafi.

Reperja e njohur shqiptare Melinda Ademi ka ndezur rrjetin me paraqitjen e saj më të fundit nga pushimet në jugun e Shqipërisë, duke treguar edhe një herë se di si të kombinojë bukurinë, stilin dhe natyrën shqiptare në mënyrën më elegante.

E veshur me një bikini të kuqe që i thekson format dhe rrezaton vetëbesim, Melinda ka pozuar e relaksuar mbi një shezllon buzë detit, me një kuti qershish në prehër dhe një palë syze dielli që i japin pamjes së saj një nuancë glamuroze verore.

Fotografia është realizuar në një nga resortet buzëdetare më të njohura të jugut, ku sfondi me male dhe detin e kristaltë pas saj plotëson atmosferën idilike të pushimeve.

Reperja duket e qetë, natyrale dhe e buzëqeshur, ndërsa pozon me qershitë në buzë – një detaj që ka tërhequr vëmendjen e ndjekësve të saj në rrjete sociale.

Ky postim është pritur me entuziazëm nga fansat, të cilët kanë mbushur komentin me komplimente për pamjen dhe energjinë pozitive të artistes.

Melinda, përveç se e suksesshme në muzikë, është gjithashtu e njohur për stilin e saj unik dhe paraqitjet e kuruara deri në detaj. Ajo ka ditur gjithmonë të jetë në qendër të vëmendjes, qoftë me projektet e saj muzikore, qoftë me jetën e saj personale dhe imazhin publik. /Telegrafi/

The post Melinda Ademi sjell poza joshëse nga jugu i Shqipërisë, ndërsa pozon në bikini të kuqe appeared first on Telegrafi.

Georgina Rodríguez ka ndarë me ndjekësit e saj pamje nga pushimet luksoze që po i kalon me Cristiano Ronaldon në Mallorca, vetëm pak ditë pasi ai u përball me kritika për mungesën në funeralin e bashkëkombasit të tij, Diogo Jota, dhe vëllait të këtij të fundit, Andre Silva, të cilët humbën jetën tragjikisht në një aksident automobilistik në Spanjën veriore.

Ronaldo, 40 vjeç, nuk ishte i pranishëm në ceremoninë e përbashkët mortore të mbajtur të shtunën në Gondomar të Portugalisë, dhe kjo u komentua gjerësisht në vendlindjen e tij, shkruan DailyMail.

Ndërsa shumë prej shokëve të skuadrës kombëtare portugeze, përfshirë Bernardo Silva dhe Ruben Neves, ishin aty për t’i bërë nderimet e fundit Jotës dhe vëllait të tij, Ronaldo u fotografua të dielën duke pushuar në një jaht luksoz me partneren e tij.

Georgina, 31 vjeçe, ndau me ndjekësit disa pamje nga ajo që e cilësoi si “udhëtim rikuperimi”, teksa Ronaldo po përpiqet të përballet me dhimbjen për humbjen e mikut të tij.

Në njërën nga fotot më të komentuara, çifti shfaqet të përqafuar në vaskën me ujë të ngrohtë në jaht, me Georginën të ulur në prehër të Ronaldos, e veshur me bikini të kuqe dhe një kapele.

Ndër pamjet e tjera të publikuara nga Georgina ishin selfie me veshje sportive që theksonin linjat e saj, një varëse diamanti e veçantë dhe një unazë e madhe që u komentua si unazë fejese.

Edhe pse kjo ka nxitur spekulime në rrjete sociale, çifti nuk është i fejuar.

Në një dokumentar të publikuar në Netflix, Ronaldo kishte deklaruar: “Gjithmonë i them: ‘Kur të vijë ai momenti i klikimit…’. Mund të ndodhë pas një viti, gjashtë muajsh apo një muaji. Jam 1000% i sigurt se do të ndodhë.”

Georgina publikoi gjithashtu një video të Ronaldos duke u stërvitur në palestër brenda jahtit, i veshur me rroba banje blu, ku shihet qartë fiziku i tij sportiv.

Ata kishin mbërritur në destinacion me avion privat, ku Georgina pozoi përpara me një fustan të bardhë elegant.

Sipas mediave portugeze, Ronaldo nuk mori pjesë në funeral për shkak të traumave personale të lidhura me humbjen e babait të tij, José Diniz Aveiro, në vitin 2005, kur ai ishte vetëm 20 vjeç.

Thuhet se ai vendosi të mos jetë i pranishëm në mënyrë që të mos e tërhiqte vëmendjen nga dhimbja e familjes së Jotës, duke mos dashur që prania e tij të errësonte ceremoninë dhe nderimet për të ndjerët.

Megjithatë, mungesa e tij nuk kaloi pa kritika, por ai u mbrojt publikisht nga motra e tij, Katia Aveiro.

Në një postim në Instagram, ajo shkroi: “Kur vdiq babai im, përveç dhimbjes, u përballëm me një det kamerash dhe njerëzish kureshtarë kudo. As nuk mundëm të dilnim nga kapela, ishte një rrëmujë. Në funeral kishte presidentë, trajnerë si Scolari, por nuk i mbaj mend. Dhimbja më kishte verbuar”.

Ajo vazhdoi: “Shoqëria sot është absurde. Në vend që të respektohet dhimbja e një familjeje të shkatërruar, fokusi është tek mungesa e një njeriu që zgjodhi të tërhiqet për arsye personale dhe të kuptueshme. Më vjen turp të shikoj televizor. Të gjithë kemi familje. Mjaft më me këtë fanatizëm dhe kritika të kota”.

Pavarësisht komenteve të shumta, çifti vazhdoi pushimet e tyre në heshtje dhe larg vëmendjes, ndërsa tragjedia që goditi Jotën dhe familjen e tij mbetet një plagë e thellë për futbollin portugez.

Kjo situatë ka ngritur pyetje më të gjera mbi mënyrën se si publiku pret reagime nga figurat publike në kohë zie, si dhe për kufijtë midis dhimbjes personale dhe presionit të opinionit publik. /Telegrafi/

The post E dashura e Ronaldos, Georgina Rodriguez publikon fotografi nga jahti luksoz i futbollistit – mes kritikave për mospjesëmarrje në funeralin e Diogo Jotas appeared first on Telegrafi.

Prezantuesi amerikan Billy Bush kujtoi se si Ricky Martin reagoi dhunshëm pasi ai e pyeti nëse ishte homoseksual. Tani ai pendohet që ia ka shkelur privatësinë dhe e ka detyruar ta pranojë.

Bush zbuloi se i kishte thënë Ricky-t gjatë intervistës se tetë persona me të cilët kishte folur në holl natën e kaluar donin të dinin nëse ai ishte homoseksual.

“Ai ngriu në karrige dhe tha, ‘Çfarë?’ dhe unë thashë, ‘Oh, jo, jo.’ Ai tha, ‘O idiot’, dhe e hoqi mikrofonin e vazhdoi, ‘Do lajme të fundit, o mbeturinë'”.

Këngëtari më pas u largua nga regjistrimi dhe producenti u tërbua për këtë dhe tha: “Kjo është e tmerrshme”. Prezantuesi fluturoi për në Miami për këtë intervistë dhe pas skandalit, shefat e tij nga Los Angeles e telefonuan dhe e kritikuan.

“Nuk është puna ime të lëndoj njerëzit. Detyra ime është të kuptoj se kush jam dhe ku po shkoj, dhe në jetë duhet të jesh i përgatitur të bësh gabime”, tha Bush. Ai menjëherë i kërkoi falje këngëtarit duke thënë: “Riki, më vjen shumë keq që e bëra atë pyetje. Nuk e di çfarë po mendoja. Ishte e papërshtatshme. Më vjen shumë keq dhe të premtoj se kjo intervistë nuk do ta shohë kurrë dritën e diellit.” Riki i pranoi se kishte luftuar me të gjithë jetën e tij.

“Do ta them kur të jetë koha dhe vendi i duhur. Nuk do të jetë këtu në këtë program ndërsa unë promovoj albumin. Kjo është shumë personale për mua. Të vlerësoj që u ktheve këtu. Të fal”, tha ai.

Ricky doli publikisht si homoseksual në vitin 2010, rreth shtatë vjet pas kësaj interviste. /Telegrafi/

The post Ricky Martin i tërbuar nga prezantuesi që e detyroi të pranonte se është homoseksual: Do lajmet e fundit o mbeturinë appeared first on Telegrafi.

Kim Kardashian është vënë sërish në qendër të vëmendjes, por këtë herë jo për ndonjë veshje ikonike apo sukses të ri në biznes, por për ecjen e saj në pasarelën e Balenciaga-s gjatë Javës së Modës në Paris.

44-vjeçarja u shfaq me një fustan elegant krem, të kombinuar me një pallto të lehtë dhe bizhuteri glamuroze, teksa parakalonte për shfaqjen e fundit të shtëpisë së famshme të modës nën drejtimin e dizajnerit prestigjioz Demna Gvasalia.

Flokët i kishte të stiluar në onde, ndërsa grimi i theksuar me nuanca të errëta theksonte ‘look’-un dramatik.

Por pavarësisht paraqitjes vizuale, reagimet e ndjekësve në rrjete sociale ishin të përziera, madje shumë prej tyre e quajtën ecjen e Kim në pasarelë si “të çuditshme”, “të pavend”, madje disa e krahasuan me “një fëmijë të lodhur” apo dikë që ecën “i dehur”.

Lexo po ashtu Të gjitha lajmet nga Kim Kardashian

“Nuk ka dyshim që Kim është shumë e bukur, por nuk është një modele pasarele. Vetëm sepse mundesh… e dini pjesën tjetër”.

Një koment tjetër ironik shkruante: “Ajo s’është aspak modele. Përpjekje, ama”.

Megjithëse Kim është një ikonë e stilit dhe një figurë me influencë të jashtëzakonshme në modë dhe biznes, kjo dalje e saj në pasarelë duket se nuk i ka bindur plotësisht fansat. /Telegrafi/

The post Kim Kardashian bëhet virale për ecjen në pasarelë në Paris, duket sikur e dehur appeared first on Telegrafi.

Këngëtarja e njohur shqiptare, Parashqevi Simaku, ka reaguar për herë të parë publikisht ndaj lajmeve dhe mesazheve që kanë qarkulluar kohët e fundit në rrjet, duke i cilësuar ato si gënjeshtra dhe sulme të padrejta ndaj figurës së saj.

Përmes një statusi të publikuar në profilin e saj zyrtar në Facebook, Simaku shprehet se ka zgjedhur të heshtë për një kohë të gjatë përballë shpifjeve, por se tani është ndjerë e detyruar të flasë, pasi situata ka kaluar çdo kufi.

“Nuk kam dashur kurrë të reagoj ndaj gënjeshtrave dhe sulmeve të padrejta që disa persona përpiqen t’i hedhin mbi imazhin tim. Por tashmë situata ka kaluar çdo kufi dhe nuk mund të hesht më”, shkruan ajo.

Simaku shton se ka marrë mijëra mesazhe nga ndjekës që i kanë dërguar materiale të rreme, të cilat sipas saj janë krijuar në mënyrë artificiale me programe kompjuterike, duke nënvizuar se ato nuk kanë asnjë lidhje me të.

“Dua t’ju siguroj se asgjë prej tyre nuk është e vërtetë”, thekson këngëtarja.

Lexo po ashtu Të gjitha lajmet nga Parashqevi Simaku

Duke u shprehur si një person besimtar, ajo thotë se i beson drejtësisë hyjnore dhe se është e bindur se Zoti do të vendosë të vërtetën në kohën e duhur.

Në fund të reagimit, artistja thekson se ky do të jetë reagimi i saj i parë dhe i fundit për këtë çështje, duke u bërë thirrje ndjekësve të mos ndikohen nga lajme të pavërteta dhe të vazhdojnë të besojnë në integritetin e saj.

“Do të vazhdoj të qëndroj krenare dhe e fortë, pavarësisht sfidave”, përfundon ajo, duke falënderuar të gjithë ata që i kanë qëndruar pranë me mbështetje dhe besim. /Telegrafi/

The post Parashqevi Simaku: Nuk kam dashur kurrë të reagoj ndaj sulmeve të padrejta që disa persona përpiqen t’i hedhin mbi imazhin tim, nuk do të heshtë më appeared first on Telegrafi.

Sot, më 10 korrik, Ledri Vula, një nga artistët më të dashur dhe më me ndikim në skenën muzikore shqiptare, feston ditëlindjen e tij të 39-të.

Por këtë herë, dita e tij nuk u shënua vetëm me urime e dashuri nga fansat, erdhi e shoqëruar me një super surprizë që ka bërë bujë në rrjetet sociale.

Reperi është surprizuar me një Ferrari të ri, një makinë luksoze që rrallë herë dhurohet, aq më pak në mënyrë kaq misterioze.

Dhuruesi ka preferuar të mbetet anonim, por ka lënë një mesazh të shkurtër dhe të drejtpërdrejtë që po qarkullon gjithandej online.

“Surprizë për ditëlindje nga personi anonim. E meriton Ledri Vula. Ferrari të ri”.

Ledri ka ditur ta ndërtojë emrin e tij jo vetëm me hitet që kanë shoqëruar breza të tërë, por edhe me personalitetin e tij të thjeshtë, karizmën dhe përkushtimin ndaj punës. Ndoshta pikërisht për këto arsye, dikush ka zgjedhur t’i dhurojë diçka kaq të veçantë, si një shenjë vlerësimi apo falënderimi.

Surpriza e ditëlindjes ka ndezur rrjetin. Komentet janë të shumta, nga admirues që urojnë Ledrin për këtë moment, deri te ndjekës që po spekulojnë me ironi e kuriozitet rreth identitetit të dhuruesit misterioz. /Telegrafi/

The post Ledri Vula feston 39-vjetorin me një surprizë të papritur, merr dhuratë një Ferrari nga një person anonim appeared first on Telegrafi.

Artistja e njohur shqiptare, Rozana Radi, më 6 korrik festoi ditëlindjen e saj të 46-të.

Në vend të një feste të zhurmshme apo postimesh të zbukuruara me filtra, ajo zgjodhi një mënyrë më personale dhe të ndjerë për të shënuar këtë moment të rëndësishëm në jetën e saj, me një mesazh të fuqishëm reflektues në Instagram.

Rozana ndau me ndjekësit një rrëfim të sinqertë për vitin që lamë pas, duke e quajtur atë një periudhë ku e vendosi veten “në provë më shumë se kurrë”.

 

View this post on Instagram

 

A post shared by 🆁🆉🅽 🆁🅳🅸 (@rozana_radi)

Tregoi se ky vit ka qenë si një pasqyrë, ku ajo ka parë veten “pa filtra, pa grim, pa tituj të blerë”.

Në postimin e saj, theksoi qëndrimin e pandryshueshëm ndaj vlerave artistike dhe njerëzore.

“Kam zgjedhur gjithmonë të jem e vërtetë, edhe kur vërtetësia kushton më shumë se fama e lehtë”.

Lexo po ashtu Të gjitha lajmet nga Rozana Radi

Shton se nuk ka ndërtuar asnjëherë emrin e saj mbi thashetheme apo skena boshe, por mbi artin, fjalën dhe shpirtin që ka dhënë në çdo projekt.

Një mesazh që rezonoi thellë me ndjekësit e saj ishte falënderimi që ia bëri vetes – për forcën, qëndrueshmërinë dhe vendosmërinë për të mos e ulur kokën, edhe kur të tjerët do të kishin zgjedhur të heshtnin.

“Ky vit iku, por unë mbeta. E njëjta, por më e fortë”.

Rozana falënderoi të gjithë ata që e uruan në ditën e saj të lindjes, duke thënë se çdo fjalë e mirë i jep forcë të ecë përpara “me zemër të madhe dhe me kokën lart”.

Postimi përmbyllet me një deklaratë që përmbledh thelbin e udhëtimit të saj artistik e njerëzor: “Jeta është për të guximshmit dhe unë jam një prej tyre”. /Telegrafi/

The post “Kam zgjedhur të jem e vërtetë, edhe kur kushton” – mesazhi i fuqishëm i Rozana Radit për 46-vjetorin e lindjes appeared first on Telegrafi.

Reperi i njohur, Stresi, ka reaguar përmes një videoje në InstaStory pas lajmit të arrestimit të Noizyt në aeroportin e Cyrihut, Zvicër.

Ngjarja, e cila bëri bujë në media dhe rrjete sociale, ka sjellë një sërë reagimesh publike, por Stresi ka vendosur të qëndrojë në anën e kolegut të tij.

Në deklaratën e tij, shprehu keqardhje për mënyrën se si një pjesë e publikut në Shqipëri reagon ndaj fatkeqësive të të tjerëve.

“Më vjen keq që shumë njerëz gëzohen me të keqen e tjetrit. Fatkeqësisht në Shqipëri gjithmonë i bëhet qejfi njerëzve kur dikush është keq”, tha ai.

Tutje, theksoi bindjen se arrestimi i Noizyt është rezultat i një keqkuptimi të madh dhe të padrejtë.

Sipas tij, kjo situatë është një inskenim i qëllimshëm për ta dëmtuar reperin në një moment vendimtar të karrierës së tij, pasi sapo kishte publikuar albumin e ri dhe kishte nisur projektet për turne e koncerte.

“Unë jam 100 për qind që është një keqkuptim shumë i madh për sa i përket çfarë i ka ndodhur Zinit… Është një inskenim shumë shumë i madh që iu ka bë në Zvicër, padrejtësi shumë e madhe”.

Në fund të reagimit, Stresi bëri thirrje për më shumë solidaritet dhe mbështetje mes njerëzve, duke shtuar se Noizy do të dalë shumë shpejt i pafajshëm dhe si gjithmonë ‘triumfues’. /Telegrafi/

The post Stresi për arrestimin e Noizyt në Zvicër: Është një inskenim, keqkuptim dhe padrejtësi e madhe appeared first on Telegrafi.

Një nga figurat më të komentuara të Big Brother VIP Kosova ka surprizuar ndjekësit me një postim nostalgjik në InstaStory.

Bëhet fjalë për një fotografi të realizuar plot 15 vite më parë, në të cilën siç shihet nuk ka ndryshuar shumë.

Modelja ka ndarë këtë imazh nga arkiva e saj personale, duke ngjallur menjëherë interesin e ndjekësve.

Pjesëmarrja në Big Brother VIP e ka rikthyer atë në qendër të vëmendjes, duke i dhënë një tjetër dimension figurës së saj publike.

Ndarja e kësaj fotografie nga e kaluara shihet edhe si një mënyrë për t’u lidhur emocionalisht me fansat, duke treguar jo vetëm glamurin e sotëm, por edhe rrugëtimin e saj personal.

Lexo po ashtu Të gjitha lajmet nga Bukuroshet Shqiptare

Në një kohë kur rrjetet sociale dominohen nga imazhe të kuruara dhe perfektë, një postim i tillë i sinqertë dhe i ngarkuar me nostalgji është pritur me ngrohtësi.

E njëjta tani po vazhdon me angazhimet e saj profesionale në fushën e modelingut, por edhe në ekran. /Telegrafi/

 

View this post on Instagram

 

A post shared by Juliana Nura (@iamjuliananura)

The post Xhuli Nura publikon fotografi të realizuar 15 vite më parë appeared first on Telegrafi.

Policia kantonale e Cyrihut të shtunën e kaluar ka arrestuar reperin e njohur shqiptar Noizy në Aeroportin e Cyrihut, me urdhër të Prokurorisë I për Krime të Rënda me Dhunë.

Lajmi është bërë i ditur të hënën, por autoritetet nuk kanë dhënë detaje të mëtejshme për shkaqet e arrestimit, shkruan media zvicerane Watson.ch.

Sipas njoftimit të Prokurorisë të martën, 38-vjeçari akuzohet për disa vepra penale, për të cilat është duke u zhvilluar një procedurë penale. Për shkak të procesit ende në zhvillim, nuk janë dhënë më shumë hollësi.

Prokuroria ka kërkuar nga gjykata për masat e detyrueshme që Noizy të mbahet në paraburgim, por ende nuk është marrë një vendim zyrtar. Deri në shpalljen e një gjykimi përfundimtar, reperi gëzon prezumimin e pafajësisë.

Noizy kishte planifikuar të performonte të shtunën mbrëma në klubin Rinora 4 në Rümlang, ku pritej të prezantonte albumin e tij të ri para publikut zviceran. Megjithatë, planet u ndërprenë në momentin që reperi mbërriti në Zvicër dhe u arrestua menjëherë në aeroport. Eventi u anulua dhe të gjitha njoftimet për koncertin u fshinë nga rrjetet sociale.

Noizy, një nga emrat më të njohur të muzikës urbane shqiptare, numëron afro katër milionë ndjekës në Spotify dhe mbi dy milionë ndjekës në Instagram. Ai ka qenë edhe në qendër të vëmendjes publike kur ka ndarë skenën me kryeministrin e Shqipërisë, Edi Rama, gjatë fushatës së tij zgjedhore dhe pas rizgjedhjes.

Për momentin, Noizy ndodhet në paraburgim në Zvicër, dhe mbetet të shihet se si do të zhvillohet më tej procesi ndaj tij. /Telegrafi/

The post Media zvicerane ‘Watson’: Noizy akuzohet jo për një, por për disa vepra penale në Zvicër appeared first on Telegrafi.

Këngëtarja e njohur Monika Salihu ka bërë së fundmi një hap të ri në karrierën e saj, duke iu bashkuar rrjetit ndërkombëtar të marketingut Chogan, një kompani gjigante që operon në fushën e parfumeve, kozmetikës dhe produkteve natyrale, e cila tashmë ka shtrirë aktivitetin edhe në Kosovë.

Përmes një videoje të publikuar në rrjetet sociale, Monika ka ndarë me ndjekësit emocionet dhe përjetimet nga një event madhështor që u mbajt të shtunën në Prishtinë, ku u prezantua fuqishëm rrjeti Chogan dhe mundësitë që ai ofron për njerëzit e angazhuar në këtë sistem.

Në mbishkrimin që shoqëron videon, artistja është shprehur: “E dhashë energjinë time 100% dhe u shpërbleva 100%. Sa prej jush shpërbleheni për punën, mundin, nderin, disiplinën kudo që punoni? Hmm… shumë prej jush, por edhe unë as 50%! Rritjani rrogën vetit…CHOGAN”.

 

View this post on Instagram

 

A post shared by Monika (@monikasaalihu)

Me këtë deklaratë, Monika thekson fuqinë e vetëvlerësimit dhe pavarësisë financiare, duke inkurajuar të tjerët të marrin në dorë fatin e tyre profesional dhe ekonomik.

Chogan, kompani italiane e themeluar në vitin 2013, është e njohur në Evropë për produktet me cilësi të lartë në fushën e parfumerisë, kujdesit personal, mirëqenies dhe aksesorëve të shtëpisë. Ajo operon përmes një modeli të marketingut në rrjet (network marketing), duke i ofruar individëve mundësinë të ndërtojnë një biznes të vetin, pa investime të mëdha fillestare.

 

View this post on Instagram

 

A post shared by Monika (@monikasaalihu)

Pjesëmarrja e Monika Salihut në këtë rrjet është pritur me entuziazëm nga ndjekësit e saj, të cilët e kanë mbështetur për guximin për të eksploruar fusha të reja përtej muzikës, ndërkohë që vetë artistja shfaqet plot energji dhe pozitivitet, si gjithmonë.

Ky hap i saj tregon një trend gjithnjë në rritje mes figurave publike që, përveç artit, zgjedhin të investojnë edhe në sipërmarrje personale dhe rrjete globale të bashkëpunimit. /Telegrafi/

The post Monika Salihu i bashkohet rrjetit Chogan: E dhashë energjinë time dhe u shpërbleva 100 për qind appeared first on Telegrafi.

Brad Pitt ka kërkuar zyrtarisht që të ketë qasje në mesazhet private të ish-bashkëshortes së tij, Angelina Jolie, në një kërkesë të re ligjore të paraqitur më 30 qershor.

Aktori 61-vjeçar ka deklaruar se është përballur me vështirësi në përpjekjet për të siguruar komunikimet e 50-vjeçares Jolie, të cilat ai beson se mund të ofrojnë prova të rëndësishme në procesin që vazhdon prej vitesh mes tyre për pronësinë e kantinës franceze të verës, Château Miraval, shkruan DailyMail.

Çifti, dikur një nga më të famshmit e Hollywoodit, është përfshirë në një përplasje të ashpër ligjore që nga viti 2021, kur Angelina Jolie shiti pjesën e saj në pronë – me vlerë rreth 64 milionë dollarë – te biznesmeni rus Yuri Shefler, pronar i SPI Group, kompania mëmë e markës Stoli.

Pitt pretendon se Jolie ka shkelur një marrëveshje të mëparshme mes tyre, sipas së cilës asnjëri nuk duhej të shiste aksionin pa pëlqimin e tjetrit.

Sipas dokumenteve të siguruara nga DailyMail.com, Pitt ka dështuar të marrë në pyetje Alexey Oliynik, një përfaqësues i lartë i Stoli Group, për të cilin ai pohon se ka njohuri të drejtpërdrejta mbi negociatat mes Joliet dhe ekipit të saj.

Ai kërkon që Oliynik të dorëzojë komunikime që përfshijnë biseda me Angelina Jolie dhe ekipin e saj rreth shitjes së aksioneve.

Por Oliynik ka argumentuar se është rezident në Zvicër dhe nuk mund të detyrohet të marrë pjesë në një proces ligjor që zhvillohet në Kaliforni.

Gjykata ende nuk ka dhënë një vendim lidhur me këtë kërkesë.

Ndërkohë, një burim për UsWeekly është shprehur se kjo është një tjetër përpjekje e palës së paditur për të shmangur ndarjen e dokumenteve që do të mund të ndihmonin në zbardhjen e së vërtetës.

Përplasja mes ish-çiftit është ashpërsuar edhe më shumë kohët e fundit, veçanërisht rreth çështjes së marrëveshjeve për mos-zbulim (NDA), të cilat janë bërë një pikë kyçe në procesin gjyqësor.

Në korrik të vitit të kaluar, Jolie i kishte bërë thirrje Pitt që të përfundonte betejën ligjore dhe të lejonin që familja të “shërohej”, por burime për DailyMail.com thanë se aktori nuk ka asnjë qëllim për ta tërhequr padinë.

Sipas tyre, Jolie e bëri këtë kërkesë vetëm pasi e kuptoi se rasti i saj nuk është aq i fortë sa kishte menduar. Një burim i afërt me situatën deklaroi: “Brad nuk do ta tërheqë këtë padi – pse do ta bënte? Kjo ka qenë një çështje e zakonshme biznesi, por për fat të keq Angelina ka futur vazhdimisht elemente personale që i përkasin një procesi divorci”.

Sipas dokumenteve të siguruara nga revista People në shkurt 2022, Jolie kishte shitur aksionin e saj te kompania Tenute del Mondo, pjesë e prodhuesit Stoli Group. Pitt ka pretenduar se kompania e mëparshme e investimeve e Joliet, Nouvel, i detyrohej kompanisë së tij, Mondo Bongo, të drejtën e refuzimit të parë.

Pas ndarjes, marrëdhënia e Pitt me fëmijët e tij dhe të Jolie është përkeqësuar dukshëm. Ata ndajnë gjashtë fëmijë: Maddox (23), Pax (21), Zahara (20), Shiloh (19), dhe binjakët Vivienne dhe Knox, që më 12 korrik mbushin 17 vjeç. Disa prej tyre kanë hequr mbiemrin “Pitt” nga emri i tyre – Zahara ishte e para, e pasuar nga Vivienne dhe më pas Shiloh. Sot, aktori thuhet se ka “thuajse asnjë kontakt” me fëmijët e rritur.

Angelina Jolie kishte paraqitur kërkesën për divorc në vitin 2019, pas pesë vjet martesë. Që atëherë, beteja e tyre ligjore ka vazhduar, me përballje të vazhdueshme që përfshijnë çështje pronësie, marrëveshje biznesi dhe kujdestari familjare. /Telegrafi/

The post Brad Pitt kërkon qasje në mesazhet private të Angeline Joliet, lidhur me shitjen e pronës së tyre të përbashkët në Francë appeared first on Telegrafi.