Kim Kardashian njihet për interesin e veçantë për veshjet e shtrenjta dhe çantat zënë një vend të veçantë në gardërobën e saj.

Ndër markat luksoze të cilave ajo u ka qëndruar besnike, Hermes ka zënë një vend të veçantë për vite me radhë.

Tani ka tërhequr vëmendjen me një foto të vjetër që ka ndarë në Instagram.

Aty shihet një pjesë e koleksionit të saj të çantave Hermes, dhe në përshkrim ajo shkroi: “Siç e dimë të gjithë, nuk bëj shaka me koleksionin tim të Hermesit”.

Kardashian shtoi gjithashtu se ka nxjerrë në shitje disa çanta në Kardashiankloset.com.

Fotografia e saj tërhoqi vëmendjen dhe nisi diskutime në rrjetet sociale.

Vetëm disa nga komentet ishin: “Sasia e parave që ka ai person mund t’i japë fund urisë në botë”, “Çfarë humbjeje absolute parash”, “Janë të gjitha të njëjtat çanta, vetëm madhësi dhe ngjyra të ndryshme”.

Fotografia tregon një shumëllojshmëri çantash Hermes Birkin në madhësi nga 25 deri në 35 cm në një gamë të gjerë ngjyrash. Mund të shihen edhe çantat Kelly, si dhe çantat Birkin të personalizuara të bëra me porosi.

Dihet gjithashtu se Kim ka në koleksionin e saj edhe një Birkin Himalayan Crocodile, një nga çantat më të shtrenjta në botë.

Çantat Kelly dhe Birkin normalisht kushtojnë rreth 7,500 dhe 9,000 në shitjet e rregullta, ndërsa çmimi i tyre në tregun sekondar mund të kalojë 20,000 euro.

The post Kim Kardashian prezanton koleksionin e çantave të shtrenjta që kapin shifrën e mijëra eurove appeared first on Albeu.com.

Kim Kardashian i riktheu format dhe dramat në Paris këtë javë, duke u shfaqur me dy veshje shumë të ngushta lateksi nga Balenciaga dhe duke u kapur në një moment mjaft interesant: duke kërkuar veten në Google nga telefoni i saj.

Ylli i “The Kardashians”, 44 vjeçe, u fotografua me një fustan të bardhë lateksi dhe çizme me taka të gjata në prag të sfilatës së Balenciaga-s në Javën e Modës në Paris.

Ditën më parë, ajo kishte bërë bujë me një pamje të ngjashme rozë. Në ekranin e telefonit të saj, u pa teksa shikonte fotografitë e vetes nga kjo dalje, duke u bërë viral në rrjet, shkruan DailyMail.

E njohur për bashkëpunimin e ngushtë me Balenciaga-n, pavarësisht polemikave të markës me fushatat e kritikuara për përfshirjen e tematikave të papërshtatshme, Kim nuk është tërhequr.

Në vitin 2024, ajo u emërua zyrtarisht ambasadore e shtëpisë së modës, duke theksuar se marrëdhënia e saj me Balenciaga-n “bazohet në besim dhe përkushtim”.

Të pranishme në sfilatë ishin edhe yje të tjerë si Katy Perry, Nicole Kidman, Cardi B dhe Salma Hayek, por s’kishte dyshim se vëmendja kryesore ishte mbi Kim dhe Google-in e saj. /Telegrafi/

The post Kim Kardashian bën bujë me veshjet e Balenciaga-s dhe kapet duke kërkuar veten në Google appeared first on Telegrafi.

Kim Kardashian shkëlqeu në sfilatën e Balenciaga-s gjatë Javës së Modës në Paris, në prezantimin e fundit të Demna Gvasalia si drejtor kreativ. E veshur me një fustan fildishi me dantella dhe një pallto gëzofi të varur në supe, Kim tërhoqi vëmendjen me diamantet ikonë të Elizabeth Taylor, përfshirë vathët legjendarë “Mike Todd”, tani në pronësi të Lorraine Schwartz.

Pamjen e plotë e plotësonin edhe dy varëse me gjithsej 250 karatë diamante, ndërsa edhe modelet e tjera mbajtën bizhuteri me mbi 1,000 karatë gurë të çmuar.

Paraqitjen e saj në Paris, Kim e nisi me një look “Barbie” në rozë neon dhe u pa në shoqërinë e Lauren Sánchez Bezos dhe Katy Perry, për një natë mode që solli nostalgji, glam dhe influencë.

The post Kim Kardashian mbante mbi 250 karat diamante në veshjen e saj ‘Balenciaga’ gjatë Javës së Modës në Paris appeared first on iconstyle.al.

Kim Kardashian është rikthyer fuqishëm në skenën e modës. Të mërkurën, më 9 korrik, ylli televiziv dhe biznesmenja 44-vjeçare u shfaq në pasarelën e koleksionit të vjeshtës 2025 të Balenciaga-s, gjatë Javës së Modës në Paris. Ky ishte gjithashtu prezantimi i fundit i Demna Gvasalia si drejtor kreativ i shtëpisë së famshme të modës.

Kardashian parakaloi me një fustan të ngushtë në ngjyrë fildishi, me dantella elegante dhe një pallto me gëzof të njëjtë të varur në supe. Flokët e saj ishin stiluar në një bob asimetrik me ndarje anësore, që i mbulonte pjesërisht fytyrën.

Ajo që e bëri këtë paraqitje edhe më mbresëlënëse ishin diamantet vezulluese nga bizhuteritë e Lorraine Schwartz. Sipas një njoftimi për media nga brendi, fustani i Kim-it ishte një homazh për veshjen që Elizabeth Taylor kishte veshur në filmin e vitit 1958 “Cat on a Hot Tin Roof”. Kardashian kishte vendosur vathët legjendarë “Mike Todd Diamond Pendant Earrings”, që dikur ishin në pronësi të vetë Elizabeth Taylor dhe u blenë në ankand nga Schwartz.

Përveç tyre, Kardashian kishte në qafë dy varëse të Lorraine Schwartz, me gjithsej rreth 250 karatë diamante. Modelet e tjera në shfaqje mbanin gjithashtu bizhuteri të personalizuara me më shumë se 1,000 karatë diamante të bardhë, smeralde kolumbiane, safirë padparadsha, diamante rozë dhe diamante në ngjyrë të verdhë kanarine.

Para shfaqjes, Kim arriti në Paris për provat, duke tërhequr vëmendjen me një fustan ngjyrë rozë të ndezur, të ngushtë dhe me prerje të thellë në pjesën e përparme, i cili kishte gjithashtu një çarje të gjatë në këmbë që zbulonte çizmet “panta-boots” po ashtu rozë neon. Ajo ndau një foto të këtij veshje në Instagram Story me përshkrimin: “Balenci Barbie 4Lyfe”.

Në ditën e shfaqjes, Kardashian u ribashkua me miket e saj Lauren Sánchez Bezos dhe Katy Perry. Në mesin e të ftuarve të tjerë ishin edhe Nicole Kidman dhe Cardi B. Sánchez Bezos u shfaq me një xhaketë të zezë dhe syze dielli, ndërsa Perry zgjodhi një fustan të shkurtër të zi me taka të njëjta dhe syze transparente.

Më herët, Kardashian kishte marrë pjesë edhe në dasmën madhështore të Lauren Sánchez dhe Jeff Bezos në Venedik muajin e kaluar, ku u pa duke biseduar edhe me ish-partnerin e Perry-t, aktorin Orlando Bloom.

Kim debutoi për herë të parë në pasarelën e Javës së Modës në Paris në vitin 2022, gjithashtu për Balenciaga-n, në Koleksionin e 51-të të Couture-it, përkrah yjeve të tjera si Nicole Kidman, Dua Lipa, Christine Quinn, si dhe supermodelet Bella Hadid dhe Naomi Campbell.

E emocionuar nga përvoja, ylli i “The Kardashians” e kishte cilësuar atë paraqitje si “një ëndërr e bërë realitet”, ku u shfaq me një fustan të zi me dekolte të thellë dhe dorashka të integruara, ndërsa mbante flokët e zbardhura në ngjyrë platin. /Telegrafi/

The post Kim Kardashian mbante mbi 250 karat diamante në veshjen e saj ‘Balenciaga’ gjatë Javës së Modës në Paris appeared first on Telegrafi.

Kim Kardashian është vënë sërish në qendër të vëmendjes, por këtë herë jo për ndonjë veshje ikonike apo sukses të ri në biznes, por për ecjen e saj në pasarelën e Balenciaga-s gjatë Javës së Modës në Paris.

44-vjeçarja u shfaq me një fustan elegant krem, të kombinuar me një pallto të lehtë dhe bizhuteri glamuroze, teksa parakalonte për shfaqjen e fundit të shtëpisë së famshme të modës nën drejtimin e dizajnerit prestigjioz Demna Gvasalia.

Flokët i kishte të stiluar në onde, ndërsa grimi i theksuar me nuanca të errëta theksonte ‘look’-un dramatik.

Por pavarësisht paraqitjes vizuale, reagimet e ndjekësve në rrjete sociale ishin të përziera, madje shumë prej tyre e quajtën ecjen e Kim në pasarelë si “të çuditshme”, “të pavend”, madje disa e krahasuan me “një fëmijë të lodhur” apo dikë që ecën “i dehur”.

Lexo po ashtu Të gjitha lajmet nga Kim Kardashian

“Nuk ka dyshim që Kim është shumë e bukur, por nuk është një modele pasarele. Vetëm sepse mundesh… e dini pjesën tjetër”.

Një koment tjetër ironik shkruante: “Ajo s’është aspak modele. Përpjekje, ama”.

Megjithëse Kim është një ikonë e stilit dhe një figurë me influencë të jashtëzakonshme në modë dhe biznes, kjo dalje e saj në pasarelë duket se nuk i ka bindur plotësisht fansat. /Telegrafi/

The post Kim Kardashian bëhet virale për ecjen në pasarelë në Paris, duket sikur e dehur appeared first on Telegrafi.

Kim Kardashian tërhoqi sytë e të gjithëve në Paris, teksa u paraqit me një fustan të dytë latex në ngjyrë të bardhë dhe çizme të veçanta nga shtëpia e njohur e modës Balenciaga, ndërsa po mbërrinte në sfilatën e markës të mërkurën.

Në prag të sfilatës së markës në kryeqytetin francez, sipërmarrësja 44-vjeçare u shfaq me një pamje tërësisht të bardhë, përfshirë çizmet klasike me taka të larta të Balenciaga-s – një veshje që i ngjante shumë asaj rozë që kishte veshur një natë më parë në dalje.

Në një moment, paparacët kapën Kim teksa po kërkonte veten në Google nga telefoni, duke parë pikërisht imazhet e saj me pamjen rozë të së martës, shkruan DailyMail.

Përveç veshjes latex dhe çizmeve të veçanta, Kim kishte vendosur kapëse flokësh në flokët e saj të zinj – duke rikthyer një trend të hershëm.

Ajo nuk buzëqeshi, duke ruajtur një qëndrim serioz ndërsa zbriste nga makina e saj luksoze me shofer dhe hynte në godinën ku mbahej sfilata.

Balenciaga, megjithëse ka qenë nën kritika të ashpra pas një fushate të vitit 2022 që shfaqte fëmijë përkrah elementeve me tematika të diskutueshme si BDSM, ka vazhduar bashkëpunimin me Kim.

Në vitin 2024, ajo u emërua si një nga ambasadoret e reja të markës, pas një historie bashkëpunimi të gjatë mes tyre.

Kim ka qenë më parë pjesë e fushatave të Balenciaga-s, ka ecur në pasarelat e tyre dhe ka marrë pjesë në Met Gala të vitit 2021 me ish-drejtorin kreativ të markës, Demna Gvasalia.

E mërkura shënoi një paraqitje të veçantë për Kim, pasi në të njëjtën sfilatë ishin të pranishme edhe figura të tjera të njohura si Katy Perry, Lauren Sanchez, Nicole Kidman, Cardi B dhe Salma Hayek.

Në një deklaratë të mëhershme, Kim kishte shprehur shqetësimin e saj për reklamën e diskutueshme të vitit 2022, duke thënë se ishte “e tronditur dhe e neveritur”, por nuk e ndërpreu lidhjen me markën.

Më pas, ajo publikoi një deklaratë për të zyrtarizuar partneritetin si ambasadore: “Prej vitesh, dizajnet e Balenciaga kanë qenë pjesë e shumë pamjeve të mia – përfshirë disa nga momentet më ikonike në modë. Kjo shtëpi historike mode përqafon modernitetin, mjeshtërinë dhe sjell një qasje inovative në dizajn nën drejtimin e Demna-s. Për mua, kjo marrëdhënie afatgjatë është ndërtuar mbi besim të ndërsjellë dhe angazhim për të bërë gjënë e duhur. Jam e emocionuar për këtë kapitull të ri dhe për rolin tim si ambasadore”.

Kim Kardashian vazhdon të jetë një nga figurat më të fuqishme të modës bashkëkohore, edhe në mes të kritikave, duke u shndërruar në një simbol ndikimi dhe bashkëpunimi me emrat më të mëdhenj të industrisë. /Telegrafi/

The post Kim Kardashian ‘kapet’ nga fotografët duke kërkuar për veten e saj në Google appeared first on Telegrafi.

Kim Kardashian e ktheu trotuarin parisien në pasarelë, teksa u shfaq me një fustan të bardhë latex dhe çizme ikonike Balenciaga, vetëm pak orë përpara sfilatës së markës. 44-vjeçarja u kujdes për çdo detaj të pamjes, madje dhe për mënyrën se si ishte dukur më parë, paparacët e kapën duke “googluar veten” në telefon, për të parë fotot me veshjen rozë të mbrëmjes së kaluar.

Nga kapëset në flokë që sjellin nostalgji të viteve ‘90, tek buzëqeshja që mungoi me qëllim, Kim zbriti nga makina luksoze me gjithë qëndrimin e një ikone mode që nuk ka nevojë të flasë për të bërë zhurmë.

Një tjetër provë se Kardashian di si ta kthejë çdo dalje në një moment të kurorëzuar me klikime.

The post Kim Kardashian ‘kapet mat’ nga fotografët duke kërkuar për veten e saj në Google appeared first on iconstyle.al.

Kim Kardashian u ngjit në pasarelë në Javën e Modës në Paris për koleksionin couture të Balenciaga-s për vjeshtën 2025, një shfaqje që shënoi lamtumirën e Demna Gvasalia-s si drejtor kreativ i markës.

E veshur me një fustan krem elegant me dantellë dhe një pallto leshi të bardhë, Kim kompletoi look-un me diamantë spektakolarë nga Lorraine Schwartz, përfshirë vathë që dikur i përkisnin Elizabeth Taylor. Pamja ishte një homazh për filmin Cat on a Hot Tin Roof (1958).

Pak para sfilatës, Kim kishte tërhequr vëmendjen në rrugët e Parisit me një fustan rozë neon dhe çizme të kombinuara, të cilin e quajti në Instagram:
“Balenci Barbie 4Lyfe”.

The post Balenciaga i thotë lamtumirë Demna-s me Kim në qendër appeared first on iconstyle.al.

Kim Kardashian po përjeton dhimbjen e thellë për humbjen e shoqes së saj të ngushtë, Lindsay May, e cila ndërroi jetë në nëntor pas një beteje të gjatë me kancerin. Gjatë fundjavës, Kim publikoi një mesazh prekës për ditëlindjen e parë pa të, duke ndarë me ndjekësit kujtimet më të çmuara dhe momentet e veçanta që kanë kaluar së bashku.

Në mesazhin e saj, Kim shprehu vështirësinë për të gjetur fjalët e duhura dhe përmendi boshllëkun që mungesa e Lindsay ka lënë në jetën e tyre, veçanërisht në bisedat dhe takimet me miqtë e përbashkët. Ajo theksoi rëndësinë e vendit të tyre të preferuar, liqenit, ku kalonin shumë çaste të lumtura dhe ku ndihet ende pranë e saj.

Burime pranë Kim tregojnë se kjo humbje ka qenë një goditje e rëndë për të, por miqësia e tyre e hershme e ka mbajtur të fortë në momentet më të vështira. Lindsay May, bashkëthemeluese e Mayflower Entertainment, njihet si një figurë e rëndësishme në botën e marketingut dhe kulturës pop, dhe gjithmonë do të mbahet mend si një mikeshë e veçantë për Kim dhe grupin e saj të ngushtë.

The post Miqësia që nuk shuhet: Kim përkujton Lindsay May një vit pas ndarjes nga jeta appeared first on iconstyle.al.

Kim Kardashian është përballur me një valë kritikash në rrjetet sociale, pasi postoi imazhe me bikini gjatë qëndrimit në dasmën madhështore të Jeff Bezos dhe Lauren Sánchez, duke u akuzuar për vetëpromovim të tepruar në një event privat me rëndësi.

Manjatja e bukurisë dhe themeluesja e SKIMS, 44 vjeç, ndodhej në Venedik për të marrë pjesë në ceremoninë 20 milionë dollarëshe të çiftit miliarder, e cila u mbajt në ambientet historike të San Giorgio Maggiore.

Por, ndërsa personalitete si Leonardo DiCaprio, Tom Brady dhe Oprah Winfrey ruajtën një profil të ulët, Kim nuk hezitoi të ndante me ndjekësit e saj disa poza të nxehta me bikini, të cilat u panë si përpjekje e hapur për të tërhequr vëmendjen, shkruan DailyMail.

Në imazhet e shpërndara në Instagram, ajo kishte veshur një palë bikini me motive kafshësh nga koleksioni i saj, ndërsa komentet e përdoruesve nuk vonuan: “Duke e kthyer gjithçka në një reklamë për veten”, shkruajti një komentues, ndërsa një tjetër tha: “Kjo nuk është klasi që pritej në një dasmë të tillë”.

Ndonëse Kardashian është e njohur për promovimin agresiv të markave të saj, shumë fansa menduan se kjo paraqitje ishte jashtë kontekstit dhe tregoi mungesë ndjeshmërie në një event të tillë privat dhe festiv.

Ndërkohë, Jeff Bezos dhe Lauren Sánchez kishin organizuar një ceremoni luksoze me muzikë live nga Matteo Bocelli, një kor Gospel dhe prani të personaliteteve të famshëm, duke u përkujdesur për çdo detaj të dasmës së tyre.

Ndërsa festa vazhdonte me stil, sytë e mediave ishin të ndarë mes romantikës së çiftit dhe paraqitjes së diskutueshme të Kim-it.

Për momentin, Kim nuk ka komentuar mbi reagimet e krijuara nga postimi i saj. /Telegrafi/

The post Kim Kardashian në qendër të kritikave, pas postimeve provokuese me bikini nga dasma e Jeff Bezos appeared first on Telegrafi.

Në një dasmë superluksoze si ajo e Jeff Bezos dhe Lauren Sánchez në Venecia, ku çdo detaj u mendua me finesë dhe shumë VIP ruajtën profil të ulët, Kim Kardashian nuk kaloi pa u vënë re.

Ndërsa festa zhvillohej në një ambient historik dhe plot elegancë, Kim postoi disa imazhe provokuese me bikini nga koleksioni i saj SKIMS dhe ndjekësit shpërthyen në komente.

“Reklamë në çdo rast”, “Kjo s’është mënyra për të nderuar një dasmë të tillë”, u shprehën disa prej tyre, duke e akuzuar për vetëpromovim të tepruar në një event privat dhe të rafinuar.

Për momentin, Kim nuk ka reaguar ndaj komenteve por një gjë është e sigurt: ajo di si të jetë në qendër të vëmendjes, edhe kur ceremonia nuk është e saj.

The post Kim Kardashian “vodhi vëmendjen” në dasmën e Bezos? Ja çfarë bëri që nuk i pëlqeu ndjekësve! appeared first on iconstyle.al.

Kim Kardashian “pushtoi” Venecian.

Themeluesja e markës Skims është ndër të ftuarit VIP në dasmën shumë të përfolur të Lauren Sánchez dhe Jeff Bezos, dhe u shfaq në ceremoninë ekstravagante të së premtes me një fustan të shkëlqyeshëm që i përqafonte trupin.

E njohur për stilin e saj të guximshëm, Kardashian, 44 vjeçe, spikati në turmë me një fustan ‘vintage’ në ngjyrë çokollatë nga Versace, i dekoruar me dantellë me motive lulesh, rruaza të imëta dhe gurë me shkëlqim.

Ylli i televizionit që është po ashtu biznesmene e kombinoi pamjen me bizhuteri nga Moussaieff, përfshirë dy varëse të mëdha, vathë të gjatë në formë dardhe me diamant dhe dy unaza gjigante.

Ajo i kishte lëshuar flokët, derisa grimi ishte elegant.

Duke marrë parasysh marrëdhënien e ngushtë që familja Kardashian-Jenner ka me Sanchez, nuk është për t’u habitur që edhe anëtarë të tjerë të familjes morën pjesë në këtë martesë luksoze. /Telegrafi/

The post Kim Kardashian spikati para të ftuarve në ‘dasmën e shekullit’ të çiftit Bezos appeared first on Telegrafi.

Familja Kardashian siguroi që gjithë sytë të ishin mbi ta, teksa mbërritën në Venecia të enjten, përpara dasmës luksoze 20 milionë dollarëshe të Jeff Bezos dhe Lauren Sanchez.

Kim Kardashian, e cila kohët e fundit kaloi disa ditë në Paris me Lauren gjatë festës së beqarisë së saj, dukej mahnitëse me një bluzë të shkurtër, të kombinuar me një fund të gjatë të ngushtë me teksturë të rrudhur.

Ajo e kombinoi veshjen me çizme me motive lëkure gjarpri dhe syze të mëdha dielli, ndërsa një bluzë me kapuç në ngjyrë të zezë i varej lirshëm nga shpatullat.

Në krah të saj ishte Khloe Kardashian, e cila rrezatonte glamur me një kostum të ngjitur pas trupit me print leopardi, pjesë e bashkëpunimit të Kim me SKIMS dhe Dolce & Gabbana, duke theksuar format e saj të njohura.

Motrat shoqëroheshin nga nëna e tyre, Kris Jenner, e cila gjithashtu ishte veshur në të zezë, me një fustan me dekolte të hapur, që i vinte në pah siluetën.

Ndërkohë, në anën tjetër të qytetit, nusja e ardhshme Lauren Sanchez dhe i fejuari i saj Jeff Bezos u panë në humor të mirë teksa linin hotelin e tyre një ditë para dasmës ekstravagante, padyshim të etur për të mirëpritur të ftuarit e sapoardhur.

Pas familjes Kardashian, edhe Oprah Winfrey u pa duke mbërritur në mënyrë më diskrete, e veshur thjesht me një bluzë të bardhë me teksturë dhe pantallona të kombinuara.

The post FOTO/ Më në fund, familja Kardashian mbërrin në Venecia për dasmën e shekullit appeared first on Albeu.com.

Një nga “gjyshërit hajdut” i shpallur fajtor për vjedhjen e bizhuterive me vlerë miliona dollarë nga ylli i reality show-t, Kim Kardashian, ka vdekur një muaj pasi u dënua, thanë mediat franceze.

Didier Dubreucq, 69 vjeç, u diagnostikua me kancer në mushkëri ndërsa ishte në paraburgim përpara se të dilte në gjyq dhe i ishte nënshtruar kimioterapisë.

Në maj, ai dhe shtatë bashkëpunëtorë të tij u shpallën fajtorë për grabitjen e profilit të lartë në Paris, gjatë së cilës Kardashianit iu vodhën bizhuteri me vlerë miliona dollarë gati një dekadë më parë.

Dubreucq mohoi çdo përfshirje në grabitje. “Është një rast identiteti i gabuar… Unë nuk kam të bëj fare me këtë”, i tha ai gjykatës gjatë dëshmisë së tij në prill.

Për shkak të kimioterapisë, Dubreucq – me nofkën “Sytë Blu” – mungonte në dhënien e dënimit, por mori një dënim me shtatë vjet burg nga gjyqtari, pesë prej të cilave u pezulluan.

Ai nuk kaloi kohë në burg pas dënimit pasi kishte kaluar dy vjet në paraburgim.

Tre persona të tjerë u dënuan deri në tetë vjet burg, kryesisht me kusht, por gjithashtu nuk u kthyen në burg për shkak të kohës së vuajtur tashmë.

Gjykatësi David De Pas tha ndërsa dha vendimin se “gjendja shëndetësore e protagonistëve kryesorë e ndalon etikisht burgosjen e kujtdo”.

Gjatë gjyqit tre-javor, gjykata dëgjoi se si Kardashian ishte e lidhur dhe i ishte vënë një armë në kokë gjatë grabitjes.

Ditën që doli në dëshminë e saj, ajo kujtoi se kishte menduar se “do të qëllohej për vdekje në shtrat”.

Hajdutët – të quajtur me nofkën “gjyshi hajdut” për shkak të moshës së shtyrë të të përfshirëve, vodhën bizhuteri të saj me vlerë rreth 10 milionë dollarë (7.5 milionë paund), përfshirë unazën e fejesës që ia dhuroi bashkëshorti i saj i atëhershëm dhe reperi Kanye West, e cila vetëm vlente 4 milionë dollarë (3 milionë paund).

“Krimi ishte përvoja më e tmerrshme e jetës sime, duke lënë një ndikim të qëndrueshëm tek unë dhe familja ime”, tha Kardashian në një deklaratë pas vendimeve.

The post ‘Gjyshi grabitës’ i Kim Kardashian vdes një muaj pas gjyqit appeared first on Euronews Albania.

Orlando Bloom thuhet se e puthi Kim Kardashian në dasmën e Jeff Bezos.

Sipas Daily Mail, sensacioni i aktrimit, i cili thuhet se është ndarë nga partnerja e tij prej kohësh Katy Perry është takuar me nënën e katër fëmijëve në Venecia përpara dasmës 20 milionë dollarëshe të Jeff Bezos dhe Lauren Sanchez.

Ndërsa takohej me familjen Kardashian, 48-vjeçari puthi yllin 44-vjeçar të reality show-t. Khloe Kardashian dhe miqtë e saj ishin gjithashtu të pranishëm në atë kohë.

Orlando do të debutojë si “beqar” këtë të premte në mbrëmje, ndërsa Kim Kardashian gjithashtu ka qenë në kërkim të partnerit të ri.

Për ata që nuk janë të informuar, Katy dhe Orlando u fejuan në vitin 2019 dhe mirëpritën vajzën e tyre të parë në gusht të vitit 2020.

Ndërsa marrëdhënia e tyre prej gati një dekade po i vjen fundi, një burim dha shpjegime për arsyen e mundshme të ndarjes së tyre dhe tha: “Katy ishte thellësisht e frustruar pas pritjes së albumit të saj të ri”.

«Kjo e stresoi shumë», vuri në dukje burimi dhe rrëfeu, «Orlando ishte mirëkuptues, por shkaktoi njëfarë tensioni».

The post Nga Katy te Kim? Orlando Bloom dhe Kim Kardashian në qendër të vëmendjes appeared first on iconstyle.al.

Kanye West ka reaguar ndaj një letre ligjore të përfolur gjerësisht në rrjete sociale, e cila pretendonte se ishte dërguar në emrin e tij për Kim Kardashian, duke e quajtur publikisht një mashtrim.

Reperi dhe producenti i njohur amerikan mohoi çdo përfshirje në këtë dokument, ndërsa hetimet rreth origjinës së tij kanë ngritur pikëpyetje serioze për vërtetësinë.

Letra në fjalë pretendon se është hartuar nga një person me emrin Johnson, që përfaqëson një firmë ligjore të quajtur JB Law Firm, me seli në Palma.

Megjithatë, sipas burimeve të TMZ, nuk ka asnjë të dhënë që një firmë e tillë ligjore të ekzistojë në Palma, Spanjë.

Lexo po ashtu Të gjitha lajmet nga Kanye West

Për më tepër, numri i telefonit i përfshirë në letër rezulton të jetë jashtë funksionit, dhe hetimet tregojnë se ai i ka përkitur më parë një agjencie udhëtimesh, duke ngritur edhe më shumë dyshime rreth legjitimitetit të dokumentit.

Një firmë ligjore me emrin JB Law Firm ekziston në Ishujt Kanarie, por nuk ka ende asnjë provë që personi me emrin Johnson të jetë i licencuar për të ushtruar profesionin e avokatit në Kaliforni, shtet ku jeton Kim Kardashian me katër fëmijët që ka me Kanye West.

Ky zhvillim ka ngjallur reagime të shumta në media dhe rrjete sociale, ndërsa vetë Kanye e ka quajtur të gjithë situatën një përpjekje mashtruese, që nuk ka lidhje me të dhe nuk përfaqëson asnjë veprim ligjor nga ana e tij.

Rasti mbetet i paqartë dhe nën hetim jozyrtar nga mediat, ndërsa përfaqësuesit ligjorë të Kim Kardashian nuk kanë dhënë ende një deklaratë publike për këtë ngjarje. /Telegrafi/

The post Kanye West mohon përfshirjen në letrën ligjore drejtuar Kim Kardashian: Një mashtrim i pastër appeared first on Telegrafi.

Edhe Kim Kardashian është bashkuar me miliona përdorues të teknologjisë së inteligjencës artificiale, duke përdorur ChatGPT.

Në një epokë ku AI po kthehet në një mjet të përditshëm për miliona njerëz në mbarë globin – nga profesionistë të teknologjisë deri tek krijuesit e përmbajtjeve – duket se as të famshmit nuk po i shpëtojnë ndikimit të kësaj revolucioni digjital.

Sipas postimit, Kim i është drejtuar chatbot-it për të marrë këshilla rreth një libri të sajin.

Ndihma e ChatGPT-s duket se e ka impresionuar aq shumë me Kardashian e cila i ktheu një përgjigje duke e falënderuar.

The post Kim Kardashian ndan me ndjekësit një bisedë me ChatGPT appeared first on Albeu.com.

Një kapitull i ri në dramën midis Kayne West dhe Kim Kardashian i ka bërë të gjithë të flasin.

Reperi mezi pret të arrijë një marrëveshje për kujdestarinë e fëmijëve të tij, veçanërisht duke pasur parasysh situatën e tij aktuale financiare.

Për këtë arsye, këngëtari 48-vjeçar është përpjekur të ndreqë dëmin e shkaktuar nga sjellja e tij kontraverse. Pasi e shpalli veten nazist dhe vazhdimisht ofendoi e sulmoi popullin hebre, ai ka bërë që disa nga sponsorët e tij, siç është Adidas, t’i kthejnë shpinën, duke e bërë atë person non grata.

Kjo situatë jo vetëm që ka ndikuar në imazhin e tij, por i ka dhënë edhe një goditje të rëndë xhepit të tij. Pas një rënieje prej 1.5 miliardë dollarësh , pasuria e tij neto tani është 400 milionë dollarë. Dhe kjo shumë mund të ulet edhe më tej për shkak të padive të ndryshme kundër tij, sjelljes së tij kontraverse dhe mosmarrëveshjes së tij ligjore me Kardashian mbi kujdestarinë e katër fëmijëve të tyre: North, Saint, Chicago dhe Psalm, përkatësisht 11, 9, 7 dhe 6 vjeç.

Në dritën e kësaj, Kanye vendosi të kërkojë falje publikisht në rrjetet sociale, duke thënë: ” Më ka mbaruar antisemitizmi. Ndani paqen.” Ai shtoi: “Zoti më fal për dhimbjen që kam shkaktuar.”

Përveç kësaj, burimi zbuloi se për shkak të mundësive të tij në biznes “që kanë rënë ndjeshëm gjatë dy viteve të fundit”, ai nuk është në gjendje të luftojë kundër nënës së fëmijëve të tij “as ligjërisht as financiarisht”: “Ai është i tmerruar nga një betejë për kujdestarinë sepse avokatët e tij e kanë paralajmëruar se kjo do t’i kushtonte miliona që nuk i ka. ”

Akuzat e tij të rreme, të cilat nuk kanë asnjë vlerë ligjore, nuk e ndihmojnë as situatën e West. Sipas raportimeve, Kanye i dërgoi Kim-it një letër ligjore “ndërprerjeje dhe ndalimi” për shfrytëzimin e fëmijëve kundër fëmijëve të tij. Megjithatë, ishte një paralajmërim i rremë dhe, mbi të gjitha, nuk kishte asnjë vlerë ligjore.

Sipas një burimi, Kanye nuk do të kishte asnjë shans për t’u përballur me Kardashian pasi ajo është në një pozicion më të mirë financiar, por problemi i tij më i madh janë “gjërat fyese që ai ka bërë dhe thënë në publik. Avokatët e tij e kanë paralajmëruar se kjo do të hyjë në lojë nëse ai shkon në gjyq me Kim-in. Ai padyshim shpreson që nëse ai tërhiqet, ajo mund të tregojë mëshirë dhe të bjerë dakord për një marrëveshje”.

The post Luftë ligjore me Kim? Kanye kërkon marrëveshje për kujdestarinë e fëmijëve appeared first on iconstyle.al.

Demi Lovato dhe bashkëshorti i saj, Jordan “Jutes” Lutes, po e shijojnë pushimin me shumë humor! Këngëtarja 32-vjeçare ndau në Instagram një video ku, së bashku me Jutes-in, rikrijojnë një nga skenat më të famshme të “Keeping Up with the Kardashians”.

Në videon e postuar më 16 qershor, çifti përdor audion nga episodi i sezonit 6 “Getting to Know You”, ku Kim Kardashian humbet vëthët me diamant në det.
“Vathi im ka humbur! Oh Zot, do filloj të qaj,” lip-syncon Demi, teksa prek veshët dhe qëndron në ujë, me një rrobabanjo me prerje të theksuar.

“Vathët e mi me diamant,” shton ajo dramatikisht, duke imituar reagimin e Kim.

Ndërkohë, Jutes, 34 vjeç, merr rolin e Kourtney-t, duke thënë: “Çfarë keni ju, njerëz?” dhe më pas mbyll skenën me frazën ikonike:

“Kim, ka njerëz që po vdesin,” ndërsa shikon Demin të ngjitet nga uji.

Videoja u prit me shumë të qeshura nga fansat, duke treguar edhe njëherë se ky çift di si të bëjë humor… edhe në det!

View this post on Instagram

A post shared by Demi Lovato (@ddlovato)

The post “Vathi im me diamant!” Demi dhe bashkëshorti rikrijojnë momentin viral të Kim appeared first on iconstyle.al.

Kim Kardashian ka reaguar hapur kundër bastisjeve të fundit të Shërbimit të Imigracionit dhe Doganave (ICE) në Los Angeles, të cilat kanë shkaktuar protesta masive në të gjithë SHBA-në.

Në një lëvizje të paprecedentë, presidenti Donald Trump ka dërguar mijëra trupa të Gardës Kombëtare dhe rreth 700 marinsa në Los Angeles, pa miratimin e guvernatorit të Kalifornisë, Gavin Newsom. Ky i fundit e ka quajtur vendimin “përshkallëzues të një situate të rrezikshme” dhe ka nisur një betejë ligjore për ta kundërshtuar.

Kardashian, e cila ka mbi 356 milionë ndjekës në Instagram, përdori platformën e saj për të shprehur mbështetjen ndaj komunitetit të emigrantëve në qytetin e saj të lindjes.

“Na thuhet se ICE ekziston për të mbajtur vendin të sigurt dhe për të larguar kriminelët e dhunshëm. Por kur shohim njerëz të pafajshëm, punëtorë, që shkëputen në mënyrë çnjerëzore nga familjet e tyre, duhet të flasim. Duhet të bëjmë atë që është e drejtë,” shkroi ajo në Instagram.

“Duke u rritur në LA, kam parë sa thellë janë të lidhur emigrantët me këtë qytet. Ata janë fqinjët tanë, miqtë tanë, bashkëpunëtorët tanë. Pavarësisht nga bindjet politike, është e qartë që komunitetet tona lulëzojnë falë kontributit të tyre. Nuk mund të mbyllim sytë përballë frikës dhe padrejtësisë. Duhet të ketë një mënyrë më të mirë.”

The post “Ata janë fqinjët tanë”/ Kim Kardashian mbron emigrantët pas bastisjeve në Los Angeles appeared first on iconstyle.al.