Agjenti i mbrojtësit të Real Madridit, David Alaba, ka hedhur poshtë spekulimet që e lidhin austriakun me një kalim të mundshëm në Superligën e Arabisë gjatë kësaj vere. 

Pas rikthimit të Dani Carvajal dhe Eder Militao nga dëmtimet, si dhe afrimit të Dean Huijsen gjatë afatit kalimtar të verës, janë shtuar spekulimet se Alaba mund të ketë më pak minuta loje në sezonin e ardhshëm.  

Kjo ka nxitur thashethemet për një largim të mundshëm drejt Lindjes së Mesme. 

Megjithatë, agjenti i tij, Pini Zahavi, i ka quajtur këto raportime të pavërteta dhe ka sqaruar se nuk ka pasur as bisedime dhe as oferta konkrete për lojtarin. 

“Të gjitha raportet që qarkullojnë për një transferim të Alabës në ligën arabe janë të rreme. Deri më tani nuk ka pasur asnjë negociatë apo ofertë për lojtarin”. 

“Zërat që flasin për gatishmërinë e lojtarit për të kaluar në Arabinë Saudite nuk qëndrojnë, sepse nuk ka asnjë ofertë zyrtare që të mund të hapte negociatat. Gjithçka që po qarkullon janë vetëm thashetheme”, theksoi Zahavi. 

Lexo po ashtu Lëndohet ylli i Real Madridit, do të mungojë në ndeshjen hapëse të La Ligas

Alaba ka pasur probleme me dëmtimet dhe formën fizike gjatë vitit të fundit. Edhe kur ka qenë i gatshëm për lojë, emra si Antonio Rudiger dhe Raul Asencio kanë qenë shpesh më të preferuar në rotacionin e trajnerit Carlo Ancelotti. 

Aktualisht, mbrojtësi austriak është 33 vjeç dhe ndodhet në fazën e fundit të karrierës së tij, me vetëm një sezon të mbetur në kontratën e tij me Real Madridin./Telegrafi/

The post Agjenti i yllit të Real Madridit i përgjigjet thashethemeve për transferim në Arabinë Saudite appeared first on Telegrafi.

Raportohet se Al- Nassr ka shfaqur interes për Ferran Torres, për të shtuar më shumë opsione në fazën e sulmit. 

Sipas Sacha Tavolieri, klubi arab po shikon te Torres  siprofilin ideal për të ofruar variacione në fazën ofensive gjatë sezonit. 

Barcelona thuhet se është e hapur për një transferim të mundshëm, por marrëveshja varet nga Al -Nassr që të krijojë hapësirë për një lojtar të huaj tjetër, për shkak të kufizimeve ligjore për numrin e lojtarëve të huaj në skuadër. 

Al- Nassr ka vijuar me përforcime strategjike këtë afat kalimtar, siç është edhe transferimi i mbrojtësit Inigo Martinez, pikërisht nga Barcelona. 

EXCL– After Iñigo Martinez, Al Nassr is now considering a move for… Ferran Torres!

Saudi club looking for versatile forward who can step in as a No. 9 to replace Cristiano Ronaldo in certain matches, and sees Torres as the ideal profile.

Barça has opened the door… pic.twitter.com/aGqSLKRwJN

— Sacha Tavolieri (@sachatavolieri) August 10, 2025

Torres më parë ka refuzuar oferta luksoze nga Arabia Saudite, një e tillë thuhej të ishte 60 milionë euro plus 20 milionë euro në vit për tri vite, duke deklaruar se dëshiron të qëndrojë te Barcelona dhe të luftojë për vendin e tij. 

Sezonin e kaluar ai luajti një rol kyç si zëvendësues i Leëandoëskit dhe Barça ka nisur bisedimet për t’i ofruar rinovim deri në vitin 2030. 

Performanca e tij ka qenë tejet e mirë me 19 gola dhe nëntë asistime në 45 paraqitje sezonalisht, duke u konsoliduar si një alternativë e vlefshme në sistemin e Hansi Flick./Telegrafi/

The post Al-Nassr po e kërkon një tjetër yll të Barcelonës pas nënshkrimit me Inigo Martinez appeared first on Telegrafi.

Inigo Martinez është bërë zyrtarisht pjesë e klubit arab Al-Nassr dhe  tani ai ka shprehur entuziazmin e tij për fillimin e këtij kapitulli të ri në karrierë. 

“Është kënaqësi të jem këtu, me shumë entuziazëm dhe dëshirë për të filluar punën me shokët e skuadrës. Sinqerisht, kjo përvojë është shumë emocionuese dhe e përballoj me motivim të madh. Tani është koha të bashkohem me shokët e skuadrës dhe të kaloj kohë me ta”. 

“Është një ekip i madh që aspiron për gjithçka, vij për të kontribuar, për të shijuar, për të mësuar dhe për të dhënë gjithçka për të fituar”. 

Kur më erdhi mundësia për t’u bashkuar, bisedova me disa shokë skuadre që folën shumë mirë për klubin dhe atmosferën në dhomën e zhveshjes, që është fantastike, prandaj vendosa të bëj këtë hap”. 

Iñigo Martínez is Nassrawi #MartínezIsYellow pic.twitter.com/2BviVr0rwR

— AlNassr FC (@AlNassrFC_EN) August 9, 2025

Duke parë përpara, Martinez është i sigurt se do të përshtatet me jetën në Riad dhe do ta përballojë me sukses këtë sfidë. 

“Kam qenë në Arabinë Saudite tre herë për Superkupën dhe në ato raste që pata mundësi ta njoh vendin, ndihesha shumë rehat”. 

Lexo po ashtu Barcelona ende nuk mund të regjistrojë nënshkrime të reja pavarësisht largimit të Inigo Martinez

“Kjo është një eksperiencë e re për mua dhe familjen time, dhe jam i etur të njoh qytetin dhe të përshtatem me jetën e re”. 

“Shpresoj të jem në nivelin e duhur, angazhimi nuk do të mungojë. Shihemi së shpejti”, ka thënë Martinez, 

Mbrojtësi nënshkroi kontratë deri në vitin 2026 dhe bashkohet me një skuadër yjesh në Al-Nassr, që përfshin Cristiano Ronaldon dhe Joao Felix./Telegrafi/

The post Inigo Martinez shpjegon arsyen pse u largua nga Barcelona për t’u transferuar tek Al-Nassr appeared first on Telegrafi.

Al-Hilal ka nënshkruar me sulmuesin uruguaian Darwin Nunez nga Liverpooli me një kontratë trevjeçare. 

Klubi i Superligës së Arabisë ka siguruar marrëveshjen me vlerë 53 milionë euro për 26-vjeçarin. 

Nunez iu bashkua Liverpoolit në qershor të vitit 2022 nga skuadra portugeze Benfica për një tarifë fillestare prej 64 milionë eurosh. 

Ai ka shënuar 40 gola në 143 paraqitje për ‘Të Kuqtë’, por sezonin e kaluar, gjatë fushatës fituese të titullit, nisi vetëm tetë ndeshje si titullar në Ligën Premier. 

𝑳𝒂 𝒑𝒂𝒏𝒕𝒆𝒓𝒂 is Blue pic.twitter.com/FqJtwuv3nC

— AlHilal Saudi Club (@Alhilal_EN) August 9, 2025

“Të gjithë në klub duan ta falënderojnë Darwin për kontributin e tij dhe t’i urojnë atij dhe familjes së tij gjithë të mirat për të ardhmen”, thuhej në njoftimin e klubit anglez. 

Nunez i është bashkuar tashmë skuadrës së Al-Hilal në kampin stërvitor parasezonal në Gjermani. 

Largimi i tij mund të ndikojë në ndjekjen që Liverpool po i bën sulmuesit suedez Alexander Isak, me Newcastle që ka refuzuar një ofertë fillestare prej 110 milionë eurosh. 

The post Zyrtare: Darwin Nunez, lojtari më i ri i Al-Hilalit appeared first on Telegrafi.

Real Madrid është një nga pak klubet kryesore evropiane që deri më tani nuk kanë shitur direkt lojtarë në ligën e pasur arabe. 

Ndërsa Karim Benzema dhe Nacho Fernandez u transferuan në Lindjen e Mesme nga Real Madrid, ata e bënë këtë si lojtarë të lirë, pasi u përfunduan kontratat e tyre në ‘Santiago Bernabeu’. 

Megjithatë, klubet saudite vazhdojnë të tregojnë interes për lojtarët e Real Madridit. 

Vinicius Jr. mbetet shumë i vëzhguar nga ata për të ardhmen, por tani dy yje të tjerë kanë dalë si objektiva të mundshëm. 

Lexo po ashtu Lojtari më pak i paguar tek Real Madridi – ai fiton nëntë herë më pak se Mbappe

Sipas MARCA, dy lojtarë që nuk janë titullarë të rregullt në Real Madrid, David Alaba dhe Dani Ceballos, kanë tërhequr interes nga klubet arabe. 

Të dy lojtarët kanë qenë më parë në shënjestër të këtij vendi, por deri tani nuk kanë marrë seriozisht ofertat. 

Sipas raportit, Arabia Saudite nuk është destinacioni i preferuar i asnjërit prej tyre këtë verë. 

Alaba është i vendosur të përfundojë vitin e fundit të kontratës së tij me Real Madrid dhe nuk ka shfaqur dëshirë për të ndryshuar mendje, pavarësisht mundësisë për minutazh minimal. 

Ndërkohë, Ceballos duket se është i gatshëm të largohet nga Real Madrid vetëm për t’u rikthyer te klubi i tij i mëparshëm, Real Betis./Telegrafi/

The post Dy yjet e Real Madridit futen në shenjestrën e Arabisë Saudite appeared first on Telegrafi.

Al-Nassr ka nisur zyrtarisht negociatat me Bayern Munich për të transferuar sulmuesin francez Kingsley Coman, i cili është kthyer në objektivin kryesor të klubit saudit për repartin ofensiv.  

Sipas gazetarit të besueshëm Fabrizio Romano, klubet kanë filluar kontaktet direkte për të diskutuar kushtet e transferimit. 

29-vjeçari ka dhënë dritën jeshile për të shqyrtuar një transferim në Lindjen e Mesme, ndërsa agjentët e tij tashmë janë në kontakt të vazhdueshëm me përfaqësues të Al-Nassr. 

 Sipas burimeve të Sky Germany, Coman e konsideron një sfidë të re në Arabinë Saudite si një mundësi për të rifilluar karrierën pas një sezoni jo të rregullt në Mynih. 

More on Kingsley Coman and Al Nassr exclusive story.

There’s already proposal on the table for both player and Bayern, with negotiations ongoing between all parties.

Talks underway to make decisions as soon as possible. pic.twitter.com/V2qpuiN0n4

— Fabrizio Romano (@FabrizioRomano) August 8, 2025

Coman nuk ka qenë një titullar i padiskutueshëm në formacionin e trajnerit Vincent Kompany, i cili preferon më shumë Michael Olise në krahun e djathtë.  

Në sezonin 2024/2025, Coman regjistroi 7 gola dhe 4 asistime në 41 paraqitje, por shpesh u përdor si zëvendësues apo në rotacion. 

Al-Nassr e sheh Coman si një përforcim të rëndësishëm për krahët, përkrah Cristiano Ronaldos në sulm. Pas afrimit të Joao Felix dhe marrëveshjes së arritur me Inigo Martinez, klubi saudit synon të kompletojë edhe një ‘trio yjesh’ për sezonin e ardhshëm në Ligën e Kampionëve të Azisë. 

Oferta që po përgatitet për Coman mendohet të jetë në rangun 40-45 milionë euro, ndërsa lojtari do të përfitojë një kontratë tri vjeçare me një pagë që i kalon 25 milionë euro në vit neto, një rritje e ndjeshme krahasuar me të ardhurat aktuale në Mynih./Telegrafi/

The post Al-Nassr projekton goditjen e radhës, nis bisedimet për transferimin e yllit të Bayernit appeared first on Telegrafi.

Darwin Nunez është afër të kompletojë transferimin e tij nga Liverpooli te Al Hilali, por tashmë kanë filluar të qarkullojnë shifrat e pagës së tij vjetore.

Sipas gazetarit Florian Plettenberg, Darwin Nunez do të fitojë rreth 15 milionë euro në vit te Al-Hilal.

Kontrata e tij do të zgjasë deri në vitin 2028, me fitime totale rreth 45 milionë euro, pa përfshirë bonuset.

Fabrizio Romano raporton se transferimi do t’i kushtojë Al-Hilal rreth 53 milionë euro plus bonuse. Kjo e bën atë një nga blerjet më të mëdha të klubit.

Lexo po ashtu Liverpooli pranon ofertën e Al Hilal për Darwin Nunez

Nunez bëhet lojtari i katërt më i shtrenjtë i Al-Hilal, pas Neymar, Malcom dhe Ruben Neves. Klubi vazhdon të investojë në yje të mëdhenj.

Thuhet se Al-Hilal tentoi edhe Victor Osimhen, Ollie Watkins, Alexander Isak dhe Moise Kean përpara se të firmoste me uruguaianin.

Që nga ardhja te Liverpooli, Nunez ka shënuar 40 gola dhe ka dhënë 22 asistime në 143 ndeshje. /Telegrafi/

The post Zbulohet paga që do të fitojë Nunez te Al Hilal appeared first on Telegrafi.

Liverpooli ka arritur një marrëveshje të plotë me Al Hilal për shitjen e Darwin Nunez, me marrëveshjen që tani varet nga miratimi i lojtarit.

Sipas gazetarit Fabrizio Romano, tarifa e transferimit është vendosur në një shifër fillestare prej 53 milionë eurosh.

Përveç kësaj pritet të ketë edhe bonuse të konsiderueshme që mund të shohin një rritje të ndjeshme të çmimit total të transferimit.

More on Darwin Nunez and Al Hilal exclusive story. The agreement club to club with Liverpool is 100% done.

Understand initial fee will be €53m plus add-ons to reach to bring package higher.

Talks with Darwin ongoing to get green light on personal terms. pic.twitter.com/PrpgX4o5BX

— Fabrizio Romano (@FabrizioRomano) August 6, 2025

Ndërsa marrëveshja midis dy klubeve është përfunduar, diskutimet janë ende duke vazhduar me Nunez në lidhje me kushtet personale.

Liverpooli tani është duke pritur dritën e fundit jeshile nga sulmuesi uruguaian, i cili po e shqyrton ofertën ndërsa bisedimet përparojnë me ekipin e Superigës Saudite.

Lojtari më parë është lidhur edhe me klubet italiane si Milani dhe Napoli. /Telegrafi/

The post Liverpooli pranon ofertën e Al Hilal për Darwin Nunez appeared first on Telegrafi.

Real Madrid po përqendrohet për momentin në shitje, pasi tashmë ka shtuar katër transferime në skuadrën e Xabi Alonsos për sezonin 2025/2026. 

Lojtarë si Rodrygo, Ferland Mendy dhe David Alaba janë identifikuar si të gatshëm për t’u shitur, por emri më i madh që është lidhur me një largim është Vinicius Junior. 

Në javët e fundit, ka pasur shumë spekulime rreth situatës së kontratës së Viniciusit. 

24-vjeçari ka më pak se dy vjet në kontratën aktuale, dhe deri më tani nuk është arritur një marrëveshje për ta zgjatur qëndrimin e tij pas vitit 2027. 

Kjo ka hapur një mundësi për Arabinë Saudite, që është admirues afatgjatë e Viniciusit, për të bërë një ofertë, por sipas Cadena SER, ata nuk kanë plane për ta shfrytëzuar këtë mundësi dhe nuk synojnë të bëjnë asnjë ofertë. 

Megjithë interesin e tyre, Arabia Saudite nuk ka plane për të bërë ofertë as për Real Madridin, as për vetë Viniciusin. 

Lexo po ashtu Vinicius i vendos ultimatum Real Madridit: Kaq para ose nuk ka marrëveshje

Besimi është se lojtari nuk do të konsideronte një transferim në Ligën Saudite këtë verë, pasi Kupa e Botës 2026 po shërben si nxitje për shumë lojtarë që të qëndrojnë në Evropë, duke rritur shanset për të qenë të grumbulluar nga ekipet e tyre kombëtare. 

Nuk ka dyshim se Vinicius është nën presion për t’u rikthyer pas një sezoni 2024/2025 të dobët dhe të paqëndrueshëm, si nga vetë ai, ashtu edhe nga Real Madrid./Telegrafi/

The post Zbulohet arsyeja pse Arabia Saudite ka hequr dorë nga transferimi i Viniciusit appeared first on Telegrafi.

Kapitulli i radhës për Joao Felix vjen me një nxitje të madhe financiare në Arabinë Saudite, ku sulmuesi do të dyfishojë pagën që kishte te Chelsea.

Felix ka përfunduar një transferim të profilit të lartë te Al-Nassr, duke iu bashkuar Cristiano Ronaldos, pasi Chelsea pranoi një marrëveshje të raportuar me vlerë 50 milionë euro, që përfshin një pagesë fillestare prej 30 milionë eurosh dhe 20 milionë euro të tjera si bonuse të lidhura me paraqitjet.

Felix ka nënshkruar një kontratë dyvjeçare, ku paga e tij do të rritet nga 8 milionë euro në vit, sa përfitonte te Chelsea, në një shumë marramendëse prej 17.5 milionë euro në vit te Al-Nassr, sipas Correio da Manha.

Kjo rritje e madhe në pagë e rendit sulmuesin ndër më të paguarit në Superligën e Arabisë, pas Cristiano Ronaldos, Riyad Mahrez, Karim Benzema dhe Sadio Mane.

Marrëveshja erdhi pasi Felix hoqi dorë nga negociatat e zgjatura me Benficën, që do të kërkonin një ulje të ndjeshme në pagë për t’u rikthyer te klubi i fëmijërisë, në momentin kur mbërriti oferta luksoze nga Arabia Saudite.

Karriera e Felix pësoi një rënie të ndjeshme pas transferimit të tij 126 milionë euro nga Benfica te Atletico Madrid. Ai nuk arriti të gjejë vazhdimësi, duke dështuar të luajë si titullar te Atletico, Chelsea, Barcelona dheMilan, pavarësisht momenteve me shkëndija talenti.

Lexo po ashtu Jo vetëm Joao Felix, Al Nassr po synon një tjetër transferim të madh nga Chelsea

Benfica kishte dëshirë për ta rikthyer në shtëpi dhe vetë Felix kishte deklaruar publikisht dëshirën për këtë rikthim, por klubi portugez nuk mundi ta përballojë as çmimin që kërkonte Chelsea, e as kërkesat e tij financiare.

Në fund, fuqia financiare e Al-Nassr, së bashku me përfshirjen aktive të Cristiano Ronaldos, që thuhet se e bindi bashkëkombasin për të nënshkruar, në funksion të ndërtimit të kimisë në ekipin kombëtar përpara Kupës së Botës 2026, ndryshuan rrjedhën e negociatave./Telegrafi/

The post Kjo është paga ‘astronomike’ që e pret Joao Felixin pas kalimit të tij tek Al-Nassr appeared first on Telegrafi.

Sulmuesi suedez, Alexander Isak refuzoi një ofertë të jashtëzakonshme prej 36.6 milionë eurosh në vit nga skuadra saudite, Al-Hilal, me mesazhin se dëshiron vetëm një transferim te Liverpooli.

Pasi u tha drejtuesve të Newcastle United se donte një sfidë të re në karrierën e tij, Isak mori një ofertë të mrekullueshme nga sauditët, por në vend të parave, ai vendosi përparimin në karrierë në vend të parë.

Përveç kësaj, Al-Hilal i ofroi Isakut një bonus prej 16 milionë eurosh për nënshkrimin e kontratës dhe bonuse të ndryshe si 35 mijë euro për shënimit e një goli dhe 20 mijë euro për asistim.

Lexo po ashtu Eddie Howe thyen heshtjen mbi të ardhmen e Alexander Isak me një përditësim tronditës

Al Hilal i ka ofruar edhe 4.1 milionë euro në rast se fiton titullin e Superligës së Arabisë, 4.35 milionë euro nëse fiton Ligën e Kampionëve në Azi dh 2 milionë euro për fitimin e titullit të golashënuesit më të mirë të ligës.

Ata gjithashtu i ofruan 140,000 euro në muaj për shpenzime personale për të mbuluar udhëtimin e tij dhe të familjes së tij, katër asistentë me kohë të plotë dhe një shofer me kohë të plotë.

Sipas mediumit The Sun, Isakut do t’i sigurohej gjithashtu një aeroplan privat për të dhe familjen e tij sa herë që ftohej në ekipin kombëtar suedez.

Kjo do ta bënte atë lojtarin e pestë më të paguar, pas Sadio Mane, Karim Benzema, Riyad Mahrez dhe Cristiano Ronaldo, por Isak dëshiron të shkojë vetëm te Liverpool.

Nga ana tjetër, Newcastle nuk dëshiron ta shesë Isakun për më pak se 170 milionë euro, që do të ishte një rekord absolut kur bëhet fjalë për transferime në Ishull.

Në rast se transferimi i Isakut te Liverpooli realizohet, “Magpies” duan Benjamin Sesko nga RB Leipzig si një zëvendësim të mundshëm. /Telegrafi/

The post Isak refuzoi ofertën marramendëse nga Arabia Saudite, dëshiron vetëm Liverpoolin appeared first on Telegrafi.

David Hancko përjetoi një nga episodet më dramatike të këtij afati kalimtar – një udhëtim i rrallë nga një marrëveshje e arritur, në përçmim të hapur, e deri te një mundësi e artë në një nga klubet më të mëdha të Evropës.

Mbrojtësi sllovak kishte arritur një marrëveshje të plotë me klubin saudit Al Nassr, ndërsa edhe Feyenoord kishte pranuar ofertën prej 40 milionë euro, që do të ishte shitja më e madhe në historinë e klubit holandez. Ai udhëtoi drejt Austrisë për t’iu bashkuar kampit stërvitor të Al Nassr, me gjithçka të përgatitur për prezantim.

Por situata mori një kthesë të çuditshme. Në vend të përshëndetjeve me shokët e rinj të skuadrës – përfshirë yllin Cristiano Ronaldo – Hancko u izolua në një hotel të veçuar dhe nuk u lejua të stërvitej apo të hynte në ambientet e skuadrës.

@NicoSchira

David Hancko is one step away to Al Nassr from Feyenoord. Agreed personal terms for a contract until 2028. pic.twitter.com/xjk2BUqNbh

— Al Nassr Zone (@TheNassrZone) June 7, 2025

Disa ditë më vonë, klubi saudit e njoftoi se nuk do ta finalizonte transferimin dhe se lojtari nuk ishte më i dëshiruar në ekip.

“E turpshme dhe e paprecedent,” e quajti këtë sjellje zëdhënësi i Feyenoord, Raymond Salomon. “Ai kishte marrëveshje të plotë me klubin, dhe ata e thirrën në kamp vetëm për t’i mbyllur derën në fytyrë. Nuk ndodh kështu në futbollin profesionist”.

Situata u bë edhe më e rëndë për Hanckon, pasi kishte liruar apartamentin në Rotterdam dhe ishte përshëndetur me shokët e skuadrës.

Por kur gjithçka dukej se po shkatërrohej, erdhi kthesa e papritur – dhe e artë.

Vetëm disa orë pas përfundimit dramatik të aventurës me Al Nassr, Atlético Madrid hyri fuqishëm në garë dhe arriti një marrëveshje me Feyenoord për transferimin e Hanckos. Tani pritet vetëm kalimi i vizitave mjekësore dhe nënshkrimi i kontratës që do ta bëjë zyrtarisht pjesë të gjigantit spanjoll.

Acuerdo con el Feyenoord para el traspaso de Dávid Hancko.

El defensa internacional eslovaco firmará su nuevo contrato una vez supere el pertinente reconocimiento médico.

https://t.co/P8Xnr9LOCF pic.twitter.com/dic3qxqb3X

— Atlético de Madrid (@Atleti) July 23, 2025

Nga një përjashtim i pazakontë në Austri, në një karrierë që rifillon në një prej ligave më të forta në botë – kjo ishte çmenduria 24-orëshe e David Hanckos, i cili është gati të shkruajë një kapitull të ri të madh në “Civitas Metropolitano” nën drejtimin e Diego Simeones. /Telegrafi/ 

The post Çmenduri 24-orëshe për David Hanckon: Al Nassr e përzë nga hoteli pasi arriti marrëveshje – kalon te gjiganti spanjoll appeared first on Telegrafi.

Liga Profesionale e Futbollit e Arabisë Saudite po planifikon të rrisë ndjeshëm numrin e lojtarëve të huaj për ekip – nga tetë në dhjetë – duke paralajmëruar një valë të re transferimesh me shuma të mëdha parash në skenën globale.

Ky veprim, i nxitur nga suksesi i Cristiano Ronaldos, pritet të trondisë më tej tregun e futbollit dhe ta bëjë ligën edhe më konkurruese në nivel ndërkombëtar.

E gjitha filloi me mbërritjen e Cristiano Ronaldos te Al Nassr në janar të vitit 2023, transferim që u shndërrua në pikë kthese për gjithë futbollin saudit. Ardhja e tij shkaktoi menjëherë ndryshime në rregullore, kur numri i të huajve u rrit nga shtatë në tetë, me synimin e qartë për të tërhequr emra të mëdhenj nga bota në Lindjen e Mesme.

Rezultati nuk vonoi të vinte. Ronaldo u pasua shpejt nga fituesi i Topit të Artë, Karim Benzema, nga superylli brazilian Neymar, kampioni i botës N’Golo Kanté, si dhe nga emra të njohur të futbollit europian si Sadio Mané, Riyad Mahrez, Sergej Milinković-Savić, Rúben Neves dhe shumë të tjerë.

Revolucioni i tregut: Numri i të huajve rritet në 10

Tani liga është gati për një hap tjetër të madh. Sipas gazetarit me ndikim në futbollin saudit, Alshenaif, të cilin e citon gazeta spanjolle AS, federata po përgatitet ta zyrtarizojë rritjen e numrit të të huajve në 10 për çdo skuadër.

Rregulli i ri, që pritet të hyjë në fuqi në fillim të gushtit, do të lejojë që tetë lojtarë të huaj të jenë në fushë në çdo moment, ndërsa dy të tjerë të jenë në stol – pa kufizime moshe.

Ky është një sinjal i qartë se klubet po përgatiten për një tjetër “sulm” gjatë afatit kalimtar të verës, i cili në Arabinë Saudite zgjat nga 20 korriku deri më 10 shtator.

Një klub i ri me ambicie të mëdha

Valës së re të investimeve i është shtuar edhe një prurje interesante në elitën saudite: klubi NEOM SC. Bëhet fjalë për një ekip të sapoformuar që vjen nga një projekt futurist – një qytet inteligjent që po ndërtohet në bregdetin e Detit të Kuq. Klubi ka ambicie të qarta për të qenë konkurrues që nga viti i parë dhe po ndërton një skuadër me emra të rëndësishëm.

NEOM ka konfirmuar tashmë dy transferime të forta: Alexandre Lacazette nga Lyon dhe portierin Marcin Bulka nga Nice. Po flitet edhe për një transferimit të Granit Xhakës në këtë klub.

Ndërkohë, mediat raportojnë se Theo Hernández ka arritur marrëveshje me Al Hilal, ndërsa Mateo Retegui, sulmuesi i kombëtares italiane, përmendet si ylli i radhës që mund të transferohet në Arabinë Saudite. /Telegrafi/

The post Superliga e Arabisë Saudite përgatit një goditje të re për futbollin evropian sa i përket blerjeve appeared first on Telegrafi.

E ardhmja e Antonio Rudiger te Real Madrid duket më e pasigurt se kurrë. Qendërmbrojtësi gjerman, i cili mbërriti në Santiago Bernabeu me një reputacion si një lider mbrojtës, ka treguar një mungesë shqetësuese soliditeti në muajt e fundit.

Pjesëmarrja e tij në Kupën e Botës për Klube ngriti shumë pyetje, me gabime të rënda që kanë ndezur kambanat e alarmit midis drejtuesve të Real Madridit, të cilët tani po e konsiderojnë seriozisht forcimin e mbrojtjes së tyre në afatin kalimtar të transferimeve.

Zyrat e klubit besojnë se linja mbrojtëse ka nevojë për ripërtëritje urgjente nëse skuadra dëshiron të vazhdojë të garojë në nivelin më të lartë, si në Evropë ashtu edhe në nivel vendas.

Performanca dikur e shquar e mbrojtësit gjerman i ka lënë vendin pasigurive dhe gabimeve të papërshtatshme për një lojtar me përvojën e tij. Kjo rënie i ka hapur derën largimit të tij të mundshëm në verë dhe fati i tij po fillon të marrë terren me çdo ditë që kalon.

Sipas mediumit Fichajes, Al Nassr, gjithmonë i vëmendshëm ndaj mundësive të tregut, ka treguar interes të qartë dhe të vendosur për të siguruar shërbimet e tij. Klubi saudit, i cili tashmë krenohet me lojtarë të njohur, e sheh Rudiger si një aset të provuar për të vazhduar forcimin e projektit të tij ambicioz.

Bisedimet janë ende në një fazë paraprake, por klubi nga Riadi është i gatshëm të bëjë një ofertë tërheqëse si për lojtarin ashtu edhe për Real Madridin.

Vetë lojtari po e shqyrton seriozisht një ndryshim të situatës, i vetëdijshëm se roli i tij në klubin Merengues mund të zvogëlohet nëse mbërrijnë përforcime të reja.

Arabia Saudite ofron një mjedis konkurrues të ndryshëm dhe, mbi të gjitha, stabilitet kontraktual, i cili mund të jetë vendimtar në vendimin e tij përfundimtar. Gjithçka është e hapur, por koha e tij në Bernabeu mund të jetë afër fundit. /Telegrafi/

The post Ylli i madh i Real Madridit mund të përfundojë në Arabi Saudite këtë verë appeared first on Telegrafi.

Pas gjashtë vitesh të suksesshme te AC Milan, mbrojtësi francez Theo Hernandez ka vulosur transferimin e tij te skuadra saudite Al Hilal.

Marrëveshja mes dy klubeve është mbyllur për 25 milionë euro, ndërsa lojtari do të përfitojë një kontratë trevjeçare me një pagë prej 20 milionë eurosh në sezon.

Ish-lojtari i Real Madridit, i cili do të punojë nën drejtimin e trajnerit Simone Inzaghi, ka ndarë një mesazh emocional në rrjetet sociale, ku falënderon klubin, shokët e skuadrës dhe tifozët, por edhe tregon hapur arsyet e largimit të tij.

“Kam ardhur te AC Milan në vitin 2019 me ëndrra dhe entuziazëm. Sot largohem pas momenteve të paharrueshme si titulli i Serie A dhe Superkupa, por mbi të gjitha, pasi ndava dhomën e zhveshjes me njerëz të jashtëzakonshëm”, ka shkruar Theo.

Ai i ka kushtuar falënderim të veçantë Paolo Maldinit për mbështetjen dhe lidershipin, ndërsa nuk ka lënë pa përmendur edhe disa vendime të fundit brenda klubit që, sipas tij, nuk përputhen më me ambiciet që e kishin sjellë te Milani.

Lexo po ashtu Zyrtare: Theo Hernandez prezantohet te Al Hilal

“Ky vendim nuk ishte i lehtë. Milani ka qenë gjithmonë përparësia ime. Por për fat të keq, jo gjithçka varet nga një person. Drejtimi që ka marrë klubi nuk pasqyron më vlerat që më tërhoqën këtu”, theksoi ai.

Në përfundim, Theo theksoi se largohet me kokën lart, duke nënvizuar se ka dhënë gjithçka për klubin dhe tifozët. Ai premton se Milanin do ta mbajë gjithmonë në zemër.

“Po largohem me zemër të plotë dhe me shpresën se shumë shpejt Milani do të kthehet në vendin që meriton. Milani do të jetë gjithmonë pjesë e imja. Forza Milan Sempre”, shkroi ai.

 

View this post on Instagram

 

A post shared by T H E O H E R N Á N D E Z (@theo3hernandez)

Ky postim i Theos pritet të shkaktojë debat në mesin e tifozëve dhe opinionit sportiv, sidomos për shkak të mesazhit të qartë ndaj drejtimit aktual të klubit. /Telegrafi/ 

The post “Drejtimi që ka marrë klubi nuk pasqyron më vlerat që më tërhoqën këtu” – Theo Hernandez godet Milanin pas largimit appeared first on Telegrafi.

Sulmuesi kolumbian Jhon Duran është transferuar te Fenerbahçe nga Al-Nassr në formë huazimi, ku pritet të luajë nën urdhrat e Jose Mourinhos.

21-vjeçari iu bashkua Al-Nassr në janar nga Aston Villa për 77 milionë euro, duke ndarë dhomën e zhveshjes me Cristiano Ronaldon.

Megjithëse Duran realizoi 12 gola në 18 paraqitje, Al-Nassr nuk arriti të fitonte titullin dhe sulmuesi vendosi të rikthehej në futbollin evropian.

Kontrata e tij me klubin saudit është e vlefshme deri në vitin 2030, por oferta nga Mourinho dhe ambicia e Fenerbahçes e bindën kolumbianin të pranojë këtë aventurë të re.

Sipas mediave britanike, qëndrimi i tij në Arabinë Saudite i solli mbi 8 milionë euro, pesëfish më shumë se sa do të kishte përfituar në Ligën Premier për të njëjtën periudhë.

Karriera e Duranit nisi në MLS me Chicago Fire, ku spikati me 8 gola në 27 ndeshje, për të kaluar më pas në Aston Villa në vitin 2023.

Lexo po ashtu Ylli që i kushtoi Al Nassr 77 milionë euro nuk do të jetojë në Arabi – ai çdo ditë do të shkojnë në stërvitje me avion

Sot, ai vjen si një lider i mundshëm i sulmit të Fenerbahçes dhe si një aset i vlefshëm për Mourinhon./Telegrafi/ 

The post Jhon Duran bëri pasuri të madhe për gjashtë muaj në Arabinë Saudite – tani po zhvendoset në Turqi te Jose Mourinho appeared first on Telegrafi.

Cristiano Ronaldo vazhdon të sfidojë normat ligjore në Arabinë Saudite, ku bashkëjeton me të dashurën e tij, Georgina Rodriguez, megjithëse ligjet e vendit ndalojnë lidhjet jashtëmartesore.

Autoritetet saudite thuhet se kanë “mbyllur sytë” ndaj kësaj situate që nga ardhja e tij në vitin 2023.

Këtë javë, Ronaldo ka nënshkruar një kontratë të re dyvjeçare me Al Nassr, duke refuzuar interesimin nga Al Hilal. Ai do të përfitojë 1.1 milion euro në ditë dhe një bonus nënshkrimi prej 50 milionë, që mund të rritet në 100 milionë në vitin e dytë.

Sipas “The Sun”, portugezi gjithashtu do të përfitojë 15 për qind të aksioneve në klubin Al Nassr, çka e bën marrëveshjen një nga më fitimprurëset në histori.

Ronaldo reagoi përmes rrjeteve sociale, duke shkruar: “Një kapitull i ri fillon. I njëjti pasion, e njëjta ëndërr. Le të bëjmë histori së bashku”.

Nënshkrimi i ri do të thotë se ai dhe Georgina do të vazhdojnë të jetojnë së bashku në Riad, edhe pse nuk janë të martuar. Ligji saudit e ndalon këtë, por rasti i Ronaldos është toleruar.

Lexo po ashtu Paga marramendëse që Ronaldo do të fitojë te Al Nasr në marrëveshjen e re

Dy avokatë sauditë thanë për agjencinë EFE se autoritetet nuk ndjekin më penalisht emigrantët për bashkëjetesë pa martesë, përveç në raste të veçanta problematike apo me precedent penal.

Ronaldo dhe Georgina janë në një lidhje që nga viti 2016. Ata u njohën në një dyqan Gucci në Madrid dhe kanë dy vajza së bashku, ndërsa Ronaldo ka edhe tre fëmijë të tjerë.

Futbollisti ka deklaruar më parë se do të martohet me Georginën, duke theksuar se “e meritojnë këtë hap”. Për momentin, çifti po shijon luksin dhe lirinë e ofruar nga marrëveshja mbretërore. /Telegrafi/

The post Cristiano Ronaldos i është dhënë tashmë ‘leje speciale’ për të thyer rregullin e rreptë saudit appeared first on Telegrafi.

Cristiano Ronaldo ka nënshkruar një kontratë të re me Al Nassr që do ta shohë atë të qëndrojë në klubin saudit deri në vitin 2027.

Kontrata e Ronaldos me Al Nassr ishte caktuar të skadonte më 30 qershor dhe ka pasur zëra për një largim, por këto zëra tani janë shuar.

Pasi u bë e ditur se ai do të qëndronte, lindi pyetja nëse zgjatja e kontratës së tij do të ishte për një apo dy vjet, dhe klubi tani ka njoftuar se është kjo e fundit.

Me Ronaldon që tani është 40 vjeç, duket pothuajse e sigurt se ai do të tërhiqet nga klubi, megjithëse nuk po tregon shenja se do t’i japë fund karrierës së tij së shpejti.

Në vend të kësaj, synimet e tij janë të vendosura fort që më në fund të fitojë Kupën e Botës për herë të parë me Portugalinë verën e ardhshme. /Telegrafi/

Cristiano Ronaldo is staying at @AlNassrFC until 2027 pic.twitter.com/uVOzvZW4u7

— AlNassr FC (@AlNassrFC_EN) June 26, 2025

The post Ronaldo vazhdon zyrtarisht me Al Nassr appeared first on Telegrafi.

Cristiano Ronaldo ka rënë dakord të nënshkruajë një kontratë të re me Al Nassr, ka zbuluar Fabrizio Romano.

Marrëveshja është arritur, dokumentet zyrtare po kontrollohen dhe detajet përfundimtare po diskutohen.

Kontrata e re e portugezit do ta shohë atë të qëndrojë në Saudi Arabble deri në verën e vitit 2027.

Kontrata e re e Ronaldos do të jetë mjaft e madhe për Ligën Profesionale Saudite duke marrë parasysh kalibrin dhe prejardhjen e tij.

Pesë herë fituesi i Topit të Artë e përfundoi sezonin me 25 gola në Pro League sezonin e kaluar, duke e bërë 40-vjeçarin golashënuesin më të mirë në divizion për të dytin sezon radhazi. /Telegrafi/

The post Ronaldo pranon të nënshkruajë kontratë të re me Al Nasr appeared first on Telegrafi.

Mesfushori i Interit, Henrikh Mkhitaryan, ka ndarë planet e tij për të ardhmen, duke reflektuar mbi një sezon të vështirë.

“Ky ishte sezoni më i lodhshëm i jetës sime me tre turne. Nuk e di se sa më gjatë do të luaj. Jam i hapur për çdo gjë, por e di që dua të dal në fushë”, deklaroi lojtari.

“Kam edhe një vit të mbetur me Interin dhe do të qëndroj nëse nuk më shtyjnë të largohem. Nuk dua të dal në pension me keqardhje që u largova shumë herët”.

“Pas Interit, do të ndalem. Nuk do ta ul nivelin tim dhe as nuk do të kthehem në Armeni. Vende si Arabia Saudite nuk më interesojnë – me respekt, e dua futbollin, jo paratë”.

“Kur të zgjohem, dua të stërvitem dhe të vërtetoj vlerën time”, shtoi Mkhitaryan.

Sezonin e kaluar, armeni 36-vjeçar shënoi 1 gol dhe dha 4 asiste në 49 ndeshje. /Telegrafi/

The post Henrikh Mkhitaryan: Vende si Arabia Saudite nuk më interesojnë – e dua futbollin, jo paratë appeared first on Telegrafi.