Kompania argumenton se u takon individëve të sigurohen që të mos e “shfrytëzojnë në mënyrë aktive” këtë teknologji. Kjo nuk do t'i mbajë fëmijët të sigurt.

Burimi: The Guardian
Përkthimi: Telegrafi.com

M'u desh pak kohë ta kuptoja se çfarë po bënte burri i ulur pranë meje në tren. Shfletonte fotografi të një vajze të vogël në telefonin e tij, duke zmadhuar disa prej tyre dhe duke prerë imazhet. Sigurisht, nuk ishte aspak e pazakontë, përveç faktit se - me një vështrim më të afërt - fotografitë ishin qartazi të vogëlushes së ulur përballë nesh e cila po luante me prindërit e saj. Në një tren plot me njerëz, ku shumica ishim ashiqare duke shikuar telefonat tanë, një i panjohur po e fotografonte vazhdimisht fshehurazi atë vajzë të vogël. Dhe, po të mos ishte ai ekran telefoni aq i dukshëm që shpërfaqi atë, nuk do të ishte kapur.

Ai takim kishte ndodhur ca kohë më parë, por m'u kujtua javën e kaluar kur dëgjova një fragment ku zëvendëspresidenti i Meta-s për pajisjet që mbahen në trup, Alex Himel, fliste me naivitet për BBC-në se si i kishte përdorur syzet e tij të reja inteligjente për të filmuar vajzën e tij duke kënduar në një konkurs talentesh. Ato i mundësuan ta fiksonte atë kujtim pa qenë nevoja ta shikonte përmes një ekrani, tha ai, duke e lejuar “disi ta jetonte çastin, me kokën lart dhe duar të lira”. Deri këtu, gjithçka duket bukur. Por, ç'të themi për rrezikun kur njerëz të pështirë i përdorin ato për të filmuar fshehurazi vajzat e të tjerëve, me kokën lart dhe duar të lira? Syzet e zgjuara të Meta-s kanë një dritëz të vogël paralajmëruese që pulson në kornizë për të treguar kur përdoruesi po xhiron, por teknologjia është ende aq e re saqë shumë njerëzve nuk u shkon ndër mend ta shikojnë atë. Dhe, në epokën e IA-së [inteligjenca artificiale], imazhet e vjedhura të fëmijëve kanë rëndësi. Të shkrepura në jetën reale ose të grumbulluara nga interneti, ato janë lënda e parë për krijimin e materialeve me pamje realiste të abuzimit seksual të fëmijëve - të llojit më ekstrem dhe më shqetësues. (Nëse kjo tingëllon si një krim i zymtë, por në fund të fundit me pak ose me aspak viktima të drejtpërdrejta, Internet Watch Foundation paralajmëroi - në një raport të fundit - se materialet e krijuara nga IA-ja rrezikojnë të ushqejnë interesin seksual ndaj fëmijëve, të normalizojnë dhunën dhe të rrisin rrezikun e kryerjes së abuzimeve në jetën reale.)

Kur Google prezantoi syzet e para të zgjuara në vitin 2013, ato nuk u përhapën: dukeshin të bëra për maniakë të teknologjisë, por edhe potencialisht tepër shqetësuese - duke pasur parasysh mundësitë që u jepnin përndjekësve, provokatorëve në internet, kriminelëve që mblidhnin informacione dhe forcave të rendit në regjime shtypëse. Por, gjigantët e teknologjisë nuk kanë hequr dorë nga ëndrra për t'i lidhur njerëzit më natyrshëm me internetin, ndërsa versionet më të reja mësojnë nga gabimet e kaluara. Syzet e Meta-s janë më elegante - falë bashkëpunimeve me Ray-Ban-in dhe Kylie Jennerin - dhe reklamohen haptazi për prindërit me sloganin: “Mos e humb kurrë asnjë çast”. Dëshiron të regjistrosh momentet e rëndësishme të foshnjës sate ose të bësh të gjitha ato gjëra që zakonisht i bën fshehurazi kur je me fëmijët - të kontrollosh postën elektronike, të blesh në internet, të dëgjosh podkaste - pa i hequr sytë prej tyre? Është një mënyrë joshëse promovimi për prindërit e zënë, me ndjenjë faji dhe që përpiqen të bëjnë shumë gjëra njëherësh. Por, shqetësimet për mbrojtjen e fëmijëve që lidhen me filmimin e fshehtë janë mjaftueshëm reale, saqë shumë çerdhe dhe shkolla kanë filluar t'i ndalojnë këto syze në ambientet e tyre.

Megjithatë, ka një kthesë në këtë histori: t'i bësh këto syze të papranueshme nga pikëpamja shoqërore rrezikon të krijojë viktima të tjera. Kjo teknologji mund të ndryshojë jetën e personave të verbër, duke i ndihmuar të orientohen me siguri mes pengesave ose të përkthejnë menjëherë tekstin në audio.

Meta ka argumentuar se u takon individëve të sigurohen që të mos e “shfrytëzojnë në mënyrë aktive” këtë teknologji, gjë që të bën të pyesësh nëse kompania ka mësuar ndonjë gjë nga mënyra se si njerëzit u përballën me platformat e saj të rrjeteve sociale. Ndër mundësitë rregullatore mund të përfshihet legjislacion i ri për privatësinë, i përshtatur për epokën digjitale, që do t'i detyronte prodhuesit ta bënin shumë më të qartë se kur syzet regjistrojnë - ndoshta edhe me një sinjal zanor paralajmërues, si bipi i një kamioni që lëviz mbrapsht - të paktën derisa të gjithë të mësohemi ta shikojmë dy herë këdo që mban syze. Por, meqenëse kjo do t'i bënte ato jashtëzakonisht të sikletshme për t'u mbajtur, nuk ka gjasa t'u pëlqejë kompanive të teknologjisë që synojnë një treg masiv fitimprurës.

Një mundësi tjetër do të ishte që përgjegjësia për përdorimin keqdashës t'u ngarkohej prodhuesve dhe jo përdoruesve. Megjithatë, kjo mund të nënkuptojë vite të tëra procesesh gjyqësore - tepër të ngadalta - që do të përfundonin shumë kohë pasi dëmi të ishte shkaktuar. Ndërkohë, zgjidhja më radikale do të ishte një regjim rregullator para daljes në treg për teknologjitë e reja, i cili do ta njihte potencialin e tyre për të shkaktuar dëm shoqëror, njësoj siç veprohet me miratimin e barnave të reja ose të produkteve të reja ushqimore.

Ndoshta zgjidhja më e mirë është ajo që historia tregon se ka më pak gjasa të ndodhë: që një industri dritëshkurtër teknologjike të fillojë t'i parashikojë më mirë rreziqet e mundshme dhe t'i eliminojë ato që në fazën e projektimit - edhe kur ato duhej të ishin të dukshme nga hapësira. Me siguri ka gjëra që, për t’i parë, askush nuk ka nevojë për syze të zgjuara. /Telegrafi/

Burimi: The Guardian
Përkthimi: Telegrafi.com

Tashmë gjithçka ka nisur të duket shumë reale. Të paktën kështu u shpreh Andy Burnham në ditën kur, në thelb, u bë kryeministër në pritje i Britanisë; një çast sa dehës aq edhe i kthjellët.

Dokumentet janë nënshkruar, zaret janë hedhur. Keir Starmeri ende nuk e ka lënë ndërtesën, por partia e tij tashmë flet për të sikur ai disi nuk mund të dëgjojë. Të premten, Burnhami bëri ndarjen e tij të parë të ashpër me paraardhësin, duke kërkuar ndjesë, mbi kokën e Starmerit, për mënyrën se si laburistët e trajtuan luftën në Gazë. Sipas tij, qeveria duhej të kishte bërë thirrje për armëpushim më herët dhe tani duhet të shtojë presionin ndaj Izraelit.

Meqenëse Ministria e Jashtme tashmë po shqyrton vendosjen e sanksioneve të mëtejshme, kjo, në njëfarë mënyre, përbën më pak një ndryshim dramatik në politikën e jashtme sesa një ndryshim të tonit në politikën e brendshme. Duke pranuar shqetësimin e thellë të krahut të majtë për Gazën, i cili pa dyshim shtyu një pjesë të votuesve laburistë drejt Partisë së Gjelbër, Burnhami po sinjalizon se, për mirë apo për keq, ai do t'i dëgjojë më me kujdes anëtarët e bazës sesa bëri Starmeri. (Megjithëse disa nuk do të jenë të kënaqur derisa ai ta quajë luftën gjenocid dhe të ndalojë shitjen e armëve.) Por, si çdo përpjekje për ta ashpërsuar politikën britanike ndaj Izraelit, kjo ngre gjithashtu disa pyetje interesante për marrëdhënien e tij me Shtëpinë e Bardhë.

Si do të sillet me këtë president kaq të vështirë pasi të marrë detyrën, njeriu të cilin Donald Trumpi e hodhi poshtë duke e quajtur "kryetar bashkie i një qyteti"? Megjithëse në disa drejtime gjithçka vazhdon si zakonisht - Burnhami u zotua këtë javë për objektivin e NATO-s prej 3,5 përqind për shpenzimet e mbrojtjes, pa shpjeguar se si do të paguhet, si edhe për ta mbajtur Jonathan Powellin në postin e këshilltarit për sigurinë kombëtare - ai hyn në detyrë në një pikë kthese për marrëdhëniet e Shteteve të Bashkuara me Perëndimin.

Kryeministri i Kanadasë, Mark Carney, po i thotë secilit që dëgjon - përfshirë rrethin e Burnhamit me të cilin ka lidhje të ngushta nëpërmjet këshilltarit të tij, Andy Haldane, ish-zëvendësin e tij kur drejtonte Bankën e Anglisë - se Amerika e dikurshme nuk po kthehet. Edhe Giorgia Meloni e Italisë, dikur e preferuara e presidentit, duket se e ka humbur durimin me të.

Frustrimi ishte i dukshëm në samitin e NATO-s të zhvilluar këtë javë në Ankara, ku Trumpi kërcënoi se do të ndalonte tregtinë me Spanjën nëse ajo nuk bindet ndaj kërkesave të tij për rritjen e shpenzimeve të mbrojtjes; konfirmoi dëshirën e tij për të zotëruar Grenlandën; dhe, hodhi poshtë armëpushimin e brishtë në Gjirin Persik duke rifilluar bombardimet ndaj Iranit. Edhe më shqetësuese sesa rritja e çmimeve të naftës, që pasoi, është perspektiva e një lloji të ri konflikti të vazhdueshëm në Gjirin Persik, i cili do të ishte ekuivalenti vdekjeprurës i luftërave tregtare të Trumpit të cilat nisin e ndalen pa pushim dhe zhvillohen me pak konsideratë për normat ekzistuese ose për dëmin ndaj aleatëve.

Në librin e tij të ri, me titullin e drejtpërdrejtë Ten Steps to Prevent World War Three [Dhjetë hapa për të parandaluar Luftën e Tretë Botërore], ish-ministri i Jashtëm dhe ushtaraku Tobias Ellwood përshkruan një të ardhme ku konfliktet e tilla janë bërë rutinë. Libri hapet në vitin 2040, duke imagjinuar Perëndimin teksa kthen kokën pas dhe vajton mundësitë e humbura në mesin e viteve 2020 për të shmangur katastrofën. Sepse, në vitin 2040, është tepër vonë: shkatërrimi nga Trumpi i rendit botëror të bazuar në rregulla i ka lejuar Kinës të mbushë boshllëkun, duke ndërtuar një rend të ri përmes aleancave strategjike me Rusinë dhe vendeve të tjera - bazuar në shtrëngim, destabilizim dhe sulme që mund të mohohen.

Lufta e Tretë Botërore e Ellwoodit nuk është një betejë e vetme territoriale, por një seri konfliktesh lokale dhe luftërash me ndërmjetës në mbarë botën, që krijojnë një klimë dhune dhe pasigurie pothuajse të përhershme, në të cilën tabutë e luftës - përfshirë edhe përdorimin e armëve bërthamore taktike - shkelen rregullisht. Grenlanda humb, NATO-ja shpërbëhet dhe qeveritë perëndimore reduktohen në administrimin degradues. Fatkeqësitë klimatike ose shpërthimet e sëmundjeve godasin më rëndë sesa do të godisnin në rrethana të tjera, sepse vendet nuk bashkëpunojnë kundër kërcënimeve të përbashkëta. Është vetëm një skenar i mundshëm, thekson Ellwoodi, jo parashikim. Megjithatë, është goxha i besueshëm për të qenë ngushëllues.

Receta e tij për ta shmangur këtë nis me përcaktimin e saktë se cilat pjesë të rendit botëror të bazuar në rregulla Perëndimi synon të mbrojë dhe, më pas, me bashkimin e vendeve me të njëjtin mendim rreth tyre. Të ribashkohet me Tregun e Përbashkët, të ndajë teknologjinë e energjisë së rinovueshme me vendet më të varfra, të zgjerojë pjesëmarrjen ushtarake evropiane në forcat me dislokim të shpejtë dhe të krijojë një "aleancë për stabilitet" të fuqive të mesme - nga Evropa deri në Kanada dhe nga India deri në Brazili - e përqendruar në parandalimin e hershëm dhe uljen e tensioneve përpara se konfliktet të përshkallëzohen në luftë të hapur.

Kjo agjendë nuk bie ndesh me profilin e Burnhamit, aftësia e të cilit si kryetar bashkie qëndronte në bashkimin e aleatëve me pikëpamje të ngjashme dhe i cili tashmë predikon ndërhyrjen e hershme në politikën e brendshme. Por, lë të hapur pyetjen se deri ku duhet shkuar në përballjen me njeriun që synon ta frenojë. Argumenti në favor të mbajtjes së marrëdhënieve të mira me Trumpin ka qenë gjithmonë se prej kësaj vareshin jetët e njerëzve: Ukrainës i duhej ndihma amerikane për të luftuar Rusinë, Evropës i duhej kohë për t'u riarmatosur dhe Britania mbështetet tepër te Uashingtoni si për parandalimin e saj bërthamor, ashtu edhe për shkëmbimin e informacionit të inteligjencës për të ndjekur një politikë konfrontuese.

Por, kërcënimi ndaj Grenlandës, i përsëritur edhe këtë javë, i bindi shumë udhëheqës evropianë se diçka duhej të ndryshonte. Ukraina ende ka nevojë për ndihmën e Shteteve të Bashkuara, por më pak se më parë pasi ka zhvilluar kapacitetet e veta të prodhimit të armatimeve. Për më tepër, tani është Bashkimi Evropian ai që paguan për armët që furnizon Uashingtoni - një marrëveshje me të cilën Trumpi duket i kënaqur, gjykuar nga mënyra se si ai i vlerësoi këtë javë sulmet e guximshme të Ukrainës me dronë në territorin rus. (Në mënyrë paradoksale, ndonëse ngurronte ta ndihmonte Ukrainën pikërisht kur ajo kishte më shumë nevojë për të, ai nuk humbet asnjë rast për t'u lidhur me suksesin.)

Starmeri nuk gaboi kur bëri ato udhëtime poshtëruese në Uashington. Ai mund të ndihet krenar që ndihmoi në fitimin e kohës për Ukrainën, e cila e shfrytëzoi atë me zgjuarsi dhe guxim të jashtëzakonshëm, si dhe për shumë nga fqinjët e saj. Vendi i cili, në mënyrë ironike, e shpërdoroi atë periudhë ishte Britania. Duke mos ia shpjeguar kurrë siç duhet publikut nevojën për rritjen e shpenzimeve të mbrojtjes, e aq më pak mënyrën se si do të financoheshin ato, Starmeri tani ia lë këtë rrëmujë - së bashku me disa zgjedhje historike lidhur me marrëdhënien e veçantë me Shtetet e Bashkuara - pasardhësit të tij ende të papërvojë.

Nëse e ka seriozisht kur thotë se do të kalojë më pak kohë me politikën e jashtme sesa "Keiri i cili nuk ishte kurrë këtu", atëherë, në këto rrethana Burnhamit do t'i duhet një ministër i Jashtëm i jashtëzakonshëm. (David Miliband, i cili e mbajti këtë post në qeverinë e Gordon Brownit dhe që fare mirë mund të ishte bërë ambasador i Britanisë në Uashington po të kishte fituar Kamala Harrisi në vitin 2024, tani dukshëm po paraqitet si kandidat.)

Por, atij do t'i duhet gjithashtu të zotërojë diçka që Starmeri nuk arriti ta zotëronte, atë që një ish-ministër i Jashtëm e quan arti i titrimit: matjen me kujdes të dozës së çdo ndryshimi sado të vogël në politikë ose të çdo gjesti simbolik, në mënyrë që ai të jetë mjaftueshëm i fortë për të shkaktuar reagimin e dëshiruar dhe asgjë më tepër. Mjaftueshëm i vendosur për Gazën që të mos duket bashkëfajtor moralisht, por pa mohuar të drejtën e Izraelit për vetëmbrojtje. Jo tepër afër Trumpit, por vetëm aq sa duhet. Dhe, çdo herë, me një fije floku që ndan suksesin nga ai lloj dështimi për të cilin, deri në vitin 2040, fëmijët tanë mund të pendohen me hidhërim. Për një gjë Burnhami ka të drejtë: më reale se kaq nuk bëhet. /Telegrafi/

Coca-Cola HBC Kosova dhe Let’s Do It Kosova kanë bashkuar forcat për herë të parë në kuadër të Prishtina Outdoor Festival, duke bërë bashkë qytetarët përmes një sërë aktivitetesh interaktive që promovuan angazhimin komunitar dhe ndërgjegjësimin për mbrojtjen e mjedisit.

Të zhvilluara në tri lokacione të festivalit, në qendër të Prishtinës, te Liqeni i Badovcit dhe në fshatin Kukaj, aktivitetet u fokusuan në përfshirjen e vizitorëve në lojëra edukative, sfida interaktive dhe në aktivitete të prekshme të rickiklimit.

Ky partneritet u konceptua për të rritur ndërgjegjësimin dhe për ta bërë pjesëmarrjen për vizitorët sa më të lehtë dhe domethënëse duke promovuar përfshirjen direkte të komunitetit lokal.

Një ndër elementet kryesore ishte Pasaporta e Gjelbërt, një mjet edukativ që nxiti pjesëmarrësit të mësojnë më shumë rreth ndarjes së mbeturinave, kohës së dekompozimit të materialeve dhe veprimeve të përditshme që kontribuojnë në krijimin e hapësirave publike më të pastra.

Marigona Ujkani, Menaxhere për Çështje Publike dhe Rregullative në Coca-Cola HBC Kosova, u shpreh: "Në Coca-Cola HBC Kosova, qëndrueshmëria është në qendër të mënyrës se si operojmë. Jemi krenarë që për herë të parë bashkëpunuam me Let’s Do It Kosova përmes kësaj iniciative në Prishtina Outdoor Festival. Partneritete të tilla, që promovojnë edukimin mjedisor dhe angazhimin e komunitetit, luajnë një rol të rëndësishëm në krijimin e hapësirave publike më të pastra dhe më të qëndrueshme. Ne mbetemi të përkushtuar të mbështesim iniciativa që frymëzojnë veprime pozitive për mjedisin dhe kontribuojnë në një të ardhme më të qëndrueshme për Kosovën dhe brezat që vijnë."

Duke folur për këtë bashkëpunim, Luan Ibraj, Drejtor Ekzekutiv i Let’s Do It Kosova, u deklua shumë i kënaqur: "Jemi shumë të lumtur që ishim pjesë e Prishtina Outdoor Festival me mbështetjen e Coca-Cola HBC Kosova. Kjo iniciativë dëshmoi vlerën e partneritetit, përfshirjes së komunitetit dhe edukimit mjedisor në frymëzimin e njerëzve për të ndërmarrë veprime pozitive. Angazhimi i vizitorëve të festivalit dhe i të rinjve gjatë aktiviteteve tregoi se edhe veprimet e vogla mund të forcojnë ndërgjegjësimin mjedisor dhe të kontribuojnë për një Kosovë më të pastër. Shpresojmë që ky të jetë fillimi i një partneriteti afatgjatë."

Coca-Cola HBC Kosova mbetet e përkushtuar të krijojë vlera afatgjata për shoqërinë duke mbështetur komunitetet lokale përmes praktikave të përgjegjshme të biznesit, kujdesit për mjedisin dhe kontributit në zhvillimin ekonomik.

Ndërkaq, Let’s Do It Kosova është një organizatë udhëheqëse mjedisore që angazhohet në rritjen e ndërgjegjësimit, mobilizimin e qytetarëve dhe organizimin e fushatave mbarëkombëtare të pastrimit dhe programeve edukative për mbrojtjen e natyrës dhe përmirësimin e kushteve mjedisore në të gjithë vendin.

Prishtina Football Fest vazhdon sonte me dy ndeshje të mëdha të Kampionatit Botëror 2026, duke sjellë sërish atmosferën e futbollit botëror në zemër të kryeqytetit.

Në Sheshin “Zahir Pajaziti”, publiku do të ketë mundësi ta ndjekë LIVE në ekran gjigant ndeshjen Portugali - DR Congo nga ora 19:00, për të vazhduar më pas me derbin e mbrëmjes, Angli - Kroaci, nga ora 22:00.

Pas netëve të para me atmosferë të jashtëzakonshme, Sheshi “Zahir Pajaziti” tashmë është kthyer në stadium të hapur për qytetarët, tifozët, familjet dhe grupet e shoqërisë që duan ta përjetojnë futbollin ndryshe.

Prishtina Football Fest, i organizuar nga KD Events & Communications, po e sjell Kampionatin Botëror 2026 më afër publikut, me ekran gjigant LED, bare, aktivitete dhe një ambient festiv ku çdo ndeshje merr tjetër emocion.

Sonte, vëmendja kryesore do të jetë te përballja Angli - Kroaci, një ndeshje që pritet të sjellë ritëm, rivalitet dhe shumë emocione për dashamirët e futbollit.

Ejani në Sheshin “Zahir Pajaziti”, mblidhni shoqërinë dhe bëhuni pjesë e atmosferës.

Sepse futbolli nuk përjetohet njësoj vetëm.

Botërori përjetohet në shesh.

Marko Jazbec, Kryetar i Bordit Menaxhues të Sava Re, thekson rëndësinë e besimit, bashkëpunimit rajonal dhe potencialit të Kosovës për zhvillim të qëndrueshëm.

Në një rajon ku marrëdhëniet afatgjata, stabiliteti dhe besimi janë elemente kyçe për sukses, Grupi i Sigurimeve Sava e sheh Kosovën si pjesë të rëndësishme të së ardhmes së përbashkët rajonale. Me një prani të konsoliduar në rajon dhe me fokus të qartë në partneritete afatgjata, Sava synon të kontribuojë në zhvillimin ekonomik, sigurinë dhe stabilitetin e komuniteteve ku operon.

Marko Jazbec, Kryetar i Bordit Menaxhues të Sava Re, vlerëson se marrëdhëniet ndërmjet Sllovenisë dhe Kosovës janë të ndërtuara mbi partneritet të sinqertë, respekt të ndërsjellë dhe lidhje të forta njerëzore e ekonomike.

Sipas tij, gjatë viteve është dëshmuar se bashkëpunimi i qëndrueshëm ndërmjet dy vendeve nuk ndërtohet vetëm përmes biznesit, por edhe përmes vlerave të përbashkëta si hapja, besueshmëria dhe orientimi drejt progresit.

“Në Grupin e Sigurimeve Sava besojmë se bashkëpunimi rajonal ka rol të rëndësishëm në forcimin e lidhjeve ndërmjet vendeve. Përvoja jonë në rajon tregon se marrëdhëniet e ndërtuara mbi respekt dhe mirëkuptim natyrshëm zhvillohen në partneritete afatgjata, të cilat sjellin përfitime për njerëzit, komunitetet dhe ekonominë”, thekson Jazbec.

Një nga vlerat kryesore mbi të cilat Grupi i Sigurimeve Sava ndërton praninë e tij në rajon është besimi. Për Jazbec, besimi nuk krijohet brenda natës, por ndërtohet gradualisht përmes qëndrueshmërisë, përgjegjësisë dhe përmbushjes së premtimeve.

Ai thekson se besimi është parakusht themelor për stabilitet dhe rritje. Pa të, sipas tij, nuk mund të ndërtohen partneritete të forta dhe të qëndrueshme ndërmjet kompanive, institucioneve dhe komuniteteve.

“Parimi ynë udhëheqës është veprimtaria e përgjegjshme dhe transparente, me fokus te njerëzit. Kjo qasje na mundëson të krijojmë partneritete që nuk janë vetëm të suksesshme, por edhe të qëndrueshme dhe të afta t’u rezistojnë sfidave të kohës”, shprehet ai.

Duke folur për Kosovën, Jazbec e përshkruan atë si një treg me potencial të rëndësishëm zhvillimi, por mbi të gjitha si një komunitet dinamik, me energji, ambicie dhe orientim të qartë drejt progresit.

Si grup rajonal i sigurimeve, Sava e sheh rëndësinë e pranisë në tregje ku mundësitë për rritje përputhen me nevojat e mjedisit lokal. Qasja e grupit, sipas Jazbec, është afatgjatë dhe e fokusuar në zhvillimin e zgjidhjeve që ndihmojnë njerëzit në jetën e përditshme, duke kontribuar në më shumë siguri dhe stabilitet.

Përvoja nga tregjet e tjera, shton ai, tregon se investimet e qëndrueshme, transferimi i njohurive dhe partneritetet e forta lokale kanë ndikim të drejtpërdrejtë në zhvillimin e tregut.

“Tregjet rriten kur njerëzit ndihen të sigurt, të mbështetur dhe me besim për të ardhmen. Pikërisht këtu synojmë të luajmë rolin tonë”, thekson Jazbec.

Ai vlerëson se kompanitë rajonale, si Grupi i Sigurimeve Sava, kanë një rol të veçantë në integrimin ekonomik, stabilitetin dhe zhvillimin e rajonit. Përmes lidhjes së tregjeve dhe transferimit të njohurive e përvojave, ato shërbejnë si ura ndërmjet ekonomive dhe komuniteteve.

Sipas tij, Sava kontribuon përmes investimeve afatgjata, inovacionit dhe përkushtimit të qartë ndaj zhvillimit të mjediseve lokale. Prania në vende të ndryshme i mundëson grupit jo vetëm të ofrojë stabilitet financiar, por edhe të sjellë ekspertizë, produkte të reja dhe praktika të mira që nxisin rritjen ekonomike.

Në mesazhin e tij për qytetarët, klientët, partnerët dhe komunitetin e biznesit në Kosovë, Jazbec thekson se Kosova shihet si pjesë e rëndësishme e së ardhmes rajonale të Grupit Sava.

“Në Grupin e Sigurimeve Sava, njerëzit - klientët, partnerët dhe punonjësit tanë - janë gjithmonë në qendër të gjithçkaje që bëjmë. Ne jemi të përkushtuar të ndërtojmë marrëdhënie të bazuara në besim, respekt dhe bashkëpunim afatgjatë”, thotë ai.

Jazbec shton se Grupi i Sigurimeve Sava pret të vazhdojë rrugëtimin e përbashkët me Kosovën, duke mbështetur zhvillimin, krijuar mundësi të reja dhe kontribuar në ndërtimin e një mjedisi më të qëndrueshëm dhe më të sigurt për gjeneratat e ardhshme.

“Mbi të gjitha, ne jemi një partner i besueshëm - të pranishëm, të angazhuar dhe të gatshëm të rritemi së bashku me ju”, përfundon Jazbec.

Sonte, Sheshi “Zahir Pajaziti” në Prishtinë kthehet në stadium të hapur me nisjen e Prishtina Football Fest dhe transmetimin LIVE të ndeshjes hapëse të Kampionatit Botëror 2026, Meksikë - Afrikë e Jugut, nga ora 21:00.

Organizuar nga KD Events & Communications, me përkrahjen e Komunës së Prishtinës, ky festival sjell një përvojë të veçantë për të gjithë dashamirët e futbollit, me ekran gjigant LED, atmosferë stadiumi, aktivitete, bare dhe hapësira për publikun.

Hyrja është falas dhe pa bileta për të gjithë qytetarët, ndërsa në kuadër të festivalit do të ketë edhe VIP Zone të rezervuar për partnerë dhe sponsorë.

Ejani me shoqëri, familje dhe miq për ta përjetuar së bashku emocionin e ndeshjes së parë të Botërorit në zemër të Prishtinës.

Prishtina Football Fest sjell për më shumë se një muaj atmosferën e futbollit botëror në shesh, aty ku çdo gol festohet bashkë.

Botërori përjetohet në shesh.

Nga 11 qershori deri më 19 korrik 2026, Prishtina do të jetojë me emocionet më të mëdha të futbollit botëror. KD Events & Communications, përmes Prishtina Football Fest dhe me përkrahjen e Komunës së Prishtinës, sjell transmetimet LIVE të Kampionatit Botëror 2026 në Sheshin “Zahir Pajaziti”.

Për më shumë se një muaj, zemra e kryeqytetit do të kthehet në stadium të hapur. Çdo ndeshje, çdo gol dhe çdo moment i madh do të përjetohet në ekran gjigant LED, me atmosferë festive, skenografi unike, aktivitete përcjellëse, bare dhe hapësira të dedikuara për tifozë, familje dhe grupe shoqërore.

Hyrja për publikun e gjerë do të jetë plotësisht falas dhe pa nevojë për bileta. Në kuadër të organizimit do të ketë edhe VIP Zone të rezervuar për sponsorë, partnerë dhe bileta të dedikuara.

Tash e 14 vite, KD Events & Communications ka ndërtuar traditën e organizimeve publike sportive në Prishtinë, duke sjellë në sheshet e kryeqytetit kampionate botërore, kampionate evropiane dhe ndeshje me rëndësi të veçantë për Kosovën dhe Shqipërinë.

Këtë verë, kjo traditë rikthehet edhe më e madhe.

Prishtina Football Fest nuk është vetëm transmetim ndeshjesh. Është festë qytetare, është ndjesi stadiumi, është vendtakim për njerëzit që futbollin nuk duan ta shikojnë vetëm, por ta përjetojnë bashkë.

Nga 11 qershori deri më 19 korrik, Sheshi “Zahir Pajaziti” bëhet pika ku qyteti merr ritmin e Botërorit.

Një ekran gjigant.
Një shesh plot jetë.
Një muaj futboll.
Një Prishtinë që feston bashkë.

Vetëm pak ditë para nisjes së eventit, organizatorët e Balkans Blockchain Summit 2026 kanë publikuar agjendën zyrtare dhe detajet e hapjes së njërit ndër eventet më të mëdha të Web3 dhe blockchain në rajon.

Eventi do të mbahet më 23 dhe 24 Maj në Klan Arena, Prishtinë, ndërsa aktivitetet e ditës së parë fillojnë nga ora 10:00 me regjistrimin dhe pritjen e pjesëmarrësve. Hapja zyrtare e konferencës do të nisë nga ora 11:00.

Në ceremoninë hapëse do të marrin pjesë Kryetari i Prishtinës, Përparim Rama, ish-deputeti i Parlamentit të Kosovës, Memli Krasniqi dhe Rachel Conlan, Chief Marketing Officer në Binance, duke shënuar një nga momentet kryesore të këtij edicioni.

Pas publikimit të agjendës, tashmë janë bërë publike edhe panelet dhe folësit që do të jenë pjesë e eventit, ku fokusi kryesor do të jetë tek inteligjenca artificiale, edukimi në Web3, tokenization, stablecoins, trading, marketingu në blockchain dhe e ardhmja e ekonomisë digjitale.

Binance rikthehet si partner i eventit edhe këtë vit, ndërsa në mesin e folësve dhe mysafirëve specialë do të jenë emra të njohur të industrisë globale të kriptovalutave dhe teknologjisë.

Një tjetër element që ka tërhequr vëmendje të madhe është edhe giveaway me mbi $10,000 në shpërblime për pjesëmarrësit e eventit, ku organizatorët kanë paralajmëruar shumë fitues gjatë dy ditëve të summitit.

Sipas organizatorëve, interesi për këtë edicion ka qenë rekord, me regjistrime nga vende të ndryshme të botës dhe me synimin që Balkans Blockchain Summit të pozicionohet si një nga eventet më të rëndësishme të Web3 në Evropë.

23-24 Maj, 2026
Klan Arena, Prishtinë
Regjistrohu falas: balkansbs.com

ARTEVO nga REHAU po hyn në një fazë të re zhvillimi si një zgjidhje për shtëpinë bashkëkohore. Në panairin tregtar Frontale 2026, REHAU prezantoi zhvillimin e ARTEVO-s si një sistem i plotë premium me një derë të re ngritëse-rrëshqitëse dhe një zgjidhje të re për derën e hyrjes. Kështu, ARTEVO po fiton një zbatim akoma më të gjerë në arkitekturë dhe në jetën e përditshme, duke u pozicionuar si një produkt që përmbush kërkesat e reja për më shumë dritë, më shumë hapësirë dhe një nivel më të lartë rehatie në shtëpi, por edhe në ambientet e zyrës.

Në kohë kur dritarja prej vitesh nuk shihet më vetëm si një element ndërtimi, por si pjesë e përjetimit të përgjithshëm të hapësirës, ARTEVO u pozicionua në treg si një zgjidhje inovative që bashkon estetikën me performancën. Këto karakteristika janë një përgjigje edhe ndaj pritjeve të përdoruesve të cilët nuk kërkojnë vetëm një pamje të bukur, por edhe stabilitet, qetësi, siguri dhe vlerë afatgjatë.

Një nga avantazhet më të forta të këtij sistemi të dritareve është mënyra se si e hap ambientin me më shumë dritë natyrale, linja më të pastra dhe ndjesi lehtësie vizuale. Këto cilësi sot po bëhen gjithnjë e më të rëndësishme edhe për arkitektët edhe për njerëzit që dekorojnë shtëpitë e tyre. Në këtë kuptim, ARTEVO nuk ofron vetëm një zgjidhje teknike, por edhe kontribuon në atmosferën e hapësirës, në ndjenjën e hapësirës dhe në një mjedis më të qetë dhe më të rregullt.

Vlera e vërtetë e sistemit njihet kur atë e takoni çdo ditë. Domethënë, shtëpia mbrohet më mirë nga zhurmat e jashtme, temperatura në dhomë është më e qëndrueshme dhe rehatia në hapësirë nuk varet më nga stina. Kjo e bën dritaren pjesë të cilësisë së jetës, kurse mu në këtë pikë ARTEVO tregon thelbin e vet, si një zgjidhje e krijuar për të sjellë rehati të qetë dhe siguri, pa bërë kompromis me dizajnin.

Inovacionet e prezantuara në Frontale 2026 e përforcojnë më tej këtë përshtypje. Koncepti i ri i pragut të ulët në derën ngritëse-rrëshqitëse lejon një kalim më elegant dhe natyror midis hapësirës së brendshme dhe asaj të jashtme, diçka që është veçanërisht e rëndësishme në shtëpitë bashkëkohore me sipërfaqe më të mëdha xhami dhe me një lidhje të fortë me tarracën, oborrin ose kopshtin. Njëkohësisht, gatishmëria për integrimin e komponentëve inteligjentë tregon se ARTEVO është zhvilluar si një platformë që duhet t'i përgjigjet mënyrës së jetesës të së ardhmes.

Një anë e fortë e sistemit është edhe fleksibiliteti i tij në dizajn. Me mbi 2000 opsione ngjyrash dhe formash, ARTEVO bëhet edhe pjesë e identitetit vizual të objektit. Pikërisht për këtë ai përshtatet në mënyrë po aq bindëse edhe në arkitekturën bashkëkohore minimaliste edhe në shtëpitë me karakter më të ngrohtë dhe më të personalizuar.

Nga aspekti i efikasitetit të energjisë, ARTEVO është një përgjigje ndaj nevojës së jetesës bashkëkohore që shtëpia të ruajë më mirë temperaturën e saj dhe të jetë më e qëndrueshme gjatë gjithë vitit. Me këtë ajo ofron cilësi më të lartë të jetesës së përditshme me më pak humbje energjie.

Se kemi të bëjmë me një produkt me peshë të fortë profesionale dhe të tregut, tregohet edhe nga mirënjohjet ndërkombëtare që ARTEVO ka marrë tashmë. Pas GermanDesignAward 2024, varianti ARTEVOTERRA fitoi GermanDesignAward 2025, iFDESIGNAWARD 2025 dhe RedDotAward 2025 në fushën e dizajnit të qëndrueshëm. Këto çmime nuk janë vetëm konfirmim i cilësisë vizuale të sistemit, por edhe një sinjal i qartë se bëhet fjalë për një zgjidhje që njihet edhe nga komuniteti ndërkombëtar profesional.

Me zgjerimin e fundit të ofertës, ARTEVO nga REHAU pozicionohet gjithnjë e më qartë si një sistem premium që ndjek stilin bashkëkohor të jetesës. Ai sjell më shumë dritë, më shumë paqe, më shumë liri në dizajn dhe një logjikë më të qartë energjie në shtëpi ose në ambientin e zyrës. Është pjesë e një vizioni më të gjerë për të krijuar një hapësirë që duket bashkëkohore, funksionon me zgjuarsi dhe është ndërtuar për të zgjatur.

Grupi REHAU bashkon kompani nga sektorët e ndërtimit, inxhinierisë industriale, materialeve, mjekësisë, mobilitetit dhe mobiljeve nën një çati. Me zgjidhje të bazuara në polimere, kjo kompani globale gjeneron të ardhura vjetore prej rreth 3 miliardë eurosh. Shpirti pionier dhe energjia vizionare frymëzojnë më shumë se 13 000 punonjës në mbarë botën për të përmirësuar jetën e njerëzve përmes zbatimit të teknologjive inovative. Engineering progress. Enhancing lives.

Balkans Blockchain Summit 2026 vazhdon të zgjerojë listën e pjesëmarrësve dhe emrave të rëndësishëm që do të jenë pjesë e edicionit të tretë të konferencës më të madhe Web3 në rajon, e cila mbahet më 23-24 maj në Prishtinë.

Organizatorët kanë konfirmuar se Përparim Rama, Kryetar i Prishtinës, si dhe Memli Krasniqi, ish- deputet i Kuvendit të Kosovës dhe një nga figurat më të njohura politike në vend, do të jenë pjesë e këtij edicioni.

Memli Krasniqi njihet gjithashtu si një nga përkrahësit më të hershëm të kriptovalutave dhe teknologjisë blockchain në Kosovë. Ai ka folur publikisht për Bitcoin dhe blockchain prej vitesh, ka investuar në kriptovaluta që nga viti 2016 dhe ka mbështetur krijimin e një infrastrukture ligjore për zhvillimin e industrisë crypto në Kosovë.

Përfshirja e figurave institucionale dhe politike në BBS 2026 tregon qartë se diskutimi rreth blockchain, inovacionit teknologjik dhe ekonomisë dixhitale po merr gjithnjë e më shumë rëndësi edhe në nivel institucional në Kosovë.

Pas rikthimit të Binance si partner strategjik dhe interesimit global që po rritet çdo ditë, Balkans Blockchain Summit po pozicionohet si një platformë ku bashkohen teknologjia, biznesi, institucionet dhe ndërtuesit e ekosistemit Web3.

Edicioni i këtij viti pritet të sjellë:

•Folës ndërkombëtarë nga industria blockchain dhe AI

•Panele diskutimi mbi adoptimin real të kriptovalutave

•Networking me kompani dhe investitorë globalë

•Mbi $10,000 giveaway për pjesëmarrësit

•Një nga komunitetet më aktive Web3 në Europë

Sipas organizatorëve, interesimi për eventin ka kaluar tashmë kufijtë e rajonit, me mbi 1,800 regjistrime dhe pjesëmarrës nga shumë vende të botës.

Balkans Blockchain Summit 2026 do të mbahet në Klan Arena në Prishtinë dhe hyrja do të jetë falas për të gjithë pjesëmarrësit.

Regjistrohu falas: balkansbs.com

Gjatë 27 viteve të fundit, Zvicra dhe Kosova kanë ndërtuar një partneritet të bazuar në besim, vlera të përbashkëta dhe rezultate të prekshme. Gjatë kësaj jave, ky bashkëpunim ka hyrë në një fazë të re, duke u orientuar drejt një partneriteti më strategjik dhe të ndërsjellë mes dy vendeve.

Programi i ri i Bashkëpunimit Zviceran për Kosovën 2026-2029 pasqyron më së miri këtë transformim, duke vazhduar mbështetjen për zhvillimin e Kosovës, fuqizimin e institucioneve dhe qytetarëve përmes adresimit të sfidave të reja në një kontekst që po ndryshon me shpejtësi.

Një partneritet i ndërtuar mbi rezultate

Programi i ri i lansuar këtë javë ndërtohet mbi një bazë të fortë veçanërisht të krijuar gjatë katër viteve të fundit. Në krejt Kosovën, iniciativat e mbështetura nga Zvicra kanë përmirësuar jetën e përditshme të qytetarëve në mënyrë të dukshme dhe domethënëse.

Qeverisja lokale është forcuar me mbi 700,000 qytetarë që kanë përfituar nga infrastruktura dhe shërbimet më të mira komunale. Zhvillimi ekonomik është mbështetur përmes krijimit të vendeve të punës, ku mbi 10,000 persona kanë siguruar punësim të ri ose më të mirë, përfshirë gra dhe pjesëtarë të komuniteteve jo-shumicë.

Përmes programit të paqes, Zvicra ka mbështetur të drejtat e njeriut, përballjen me të kaluarën dhe procesin e normalizimit me Serbinë, duke nxitur besimin dhe dialogun.

Në të njëjtën kohë, investimet në shëndetësi kanë ndihmuar në orientimin e sistemit drejt parandalimit, duke mbështetur mbi 140,000 persona në menaxhimin e sëmundjeve kronike. Iniciativat në mjedis dhe ujë kanë përmirësuar qëndrueshmërinë dhe menaxhimin e burimeve ujore, ndërsa mbështetja për shoqërinë civile dhe përfshirjen e saj ka zgjeruar mundësitë për grupet e cenueshme. Bashkëpunimi në fushën e migrimit është forcuar, duke përmirësuar sistemet dhe kapacitetet në përputhje me strategjitë kombëtare.

Këto rezultate jo vetëm që kanë forcuar institucionet e Kosovës, por edhe kanë rritur besimin, kanë përmirësuar shërbimet dhe kanë krijuar mundësi të reja në të gjithë vendin.

Me shikimin nga e ardhmja: Një program i harmonizuar strategjikisht për 2026-2029

Ndërsa Kosova vazhdon rrugën e saj të zhvillimit, partneriteti zvicerano-kosovar avancon përmes një programi të harmonizuar ngushtë me Strategjinë Kombëtare të Zhvillimit të Kosovës, duke forcuar prioritetet e përbashkëta dhe objektivat afatgjata.

Programi i ri fokusohet në tre fusha kryesore:

Qeverisja Demokratike dhe Paqja do të mbështesë forcimin e institucioneve, përmirësimin e llogaridhënies dhe rritjen e pjesëmarrjes qytetare. Ai gjithashtu do të vazhdojë të promovojë dialogun, pajtimin dhe proceset gjithëpërfshirëse që kontribuojnë në stabilitetin afatgjatë.

Zhvillimi Ekonomik i Qëndrueshëm dhe Tranzicioni i Gjelbër synon ndërtimin e një ekonomie më konkurruese dhe gjithëpërfshirëse. Kjo përfshin mbështetjen e bizneseve, nxitjen e inovacionit dhe investimin në zgjidhje të qëndrueshme mjedisore, si zhvillimi urban i qëndrueshëm ndaj ndryshimeve klimatike dhe menaxhimi më i mirë i ujit.

Zhvillimi i Barabartë Njerëzor vendos në qendër qytetarin, duke përmirësuar qasjen në shërbimet shëndetësore, duke forcuar aftësitë dhe mundësitë për punësim, si dhe duke promovuar përfshirjen, veçanërisht për gratë dhe komunitetet në nevojë.

Në të njëjtën kohë, partneriteti i vazhdueshëm në fushën e migrimit ndërmjet Zvicrës dhe Kosovës do të vazhdojë të forcojë sistemet e menaxhimit të migrimit dhe bashkëpunimin në këtë fushë të rëndësishme.

Ajo që e karakterizon këtë fazë të re nuk është vetëm niveli i investimit prej 70 milionë eurove gjatë katër viteve të ardhshme, por edhe natyra e këtij partneriteti të veçantë.

Zvicra dhe Kosova po avancojnë drejt një partneriteti më të balancuar dhe të vazhdueshëm, një partneritet i harmonizuar me prioritetet shtetërore të Kosovës, i udhëhequr nga institucionet e saj dhe i mbështetur nga Zvicra për të siguruar një ndikimmë afatgjatë.

Ndërsa Kosova vazhdon rrugëtimin e saj drejt zhvillimit, Zvicra mbetet një partner i përkushtuar, duke qëndruar pranë institucioneve, komuniteteve dhe qytetarëve në ndërtimin e një të ardhmeje më gjithëpërfshirëse, të qëndrueshme dhe më prosperuese.

Për më shumë informacione mbi programin e bashkëpunimit, vizitoni:
https://www.eda.admin.ch/countries/kosovo/en/home/international-cooperation/strategy.html

Nëse ka një gjë që kërkojmë nga teknologjia sot, është që ajo të na e bëjë jetën më të bukur dhe më të thjeshtë, pa kërkuar kompromise.

Seria e re Samsung Galaxy A, e udhëhequr nga modelet fantastike Galaxy A57 dhe A37, vjen pikërisht me këtë mision.

Këtu nuk bëhet fjalë thjesht për numra apo specifika teknike të ftohta, por për një ndjesi të re lirie në përditshmërinë tuaj. Janë pesë elemente thelbësore që bashkohen në harmoni të plotë për të krijuar atë që përdoruesit po e quajnë "përvoja e re e serisë Galaxy A", duke u kthyer në një zgjatim natyral të stilit tuaj të jetesës.

Një dritare e ndritshme drejt botës

E para gjë që e përkufizon këtë përvojë është magjia e ekranit. Të gjithë jemi përballur me atë momentin kur jemi jashtë në një ditë me diell dhe duhet të bëjmë hije me dorë për të parë një mesazh. Me ekranet fantastike Super AMOLED të Galaxy A57 dhe A37, kjo sfidë zhduket plotësisht. Ndriçimi përshtatet automatikisht dhe mbetet i kristaltë edhe nën rrezet më të forta të diellit.

Kujtime të përsosura pa sforcim

Elementi i dytë është liria për të kapur momentin pa qenë nevoja të jeni një fotograf profesionist. Jeta ndodh shpejt, shpesh në lëvizje apo në ambiente me dritë të zbehtë gjatë një darke me miqtë. Kamerat e avancuara të kësaj serie janë të pajisura me stabilizim optik, që do të thotë se edhe nëse dora juaj dridhet teksa qeshni, fotot dhe videot tuaja dalin të mprehta dhe të qarta. Inteligjenca artificiale rregullon automatikisht ngjyrat dhe dritën, duke u siguruar që çdo shkrepje të jetë gati për t'u ndarë në rrjetet sociale në sekondë.

Energji që ndjek ritmin tuaj

Shtylla e tretë që transformon përditshmërinë tuaj është qetësia që vjen nga një bateri e pashtershme. Galaxy A57 dhe A37 janë krijuar për ata që nuk kanë kohë të rrinë të lidhur pas një prize në mur. Menaxhimi inteligjent i energjisë bën që telefoni të ruajë fuqinë atëherë kur ju duhet më shumë, duke ju shoqëruar nga mëngjesi i hershëm e deri në orët e vona të natës.

Elegancë që sfidon të papriturat

Elementi i katërt është harmonia perfekte mes bukurisë dhe rezistencës. Ne duam pajisje që duken premium, por që gjithashtu u mbijetojnë aksidenteve të vogla të jetës. Dizajni i ri vjen me ngjyra të freskëta dhe një pamje minimaliste e të pastër që tërheq vëmendjen. Por pas kësaj elegance fshihet një ndërtim i fortë, i pajisur me rezistencë ndaj ujit dhe pluhurit.

Kështjella juaj digjitale

E pesta, por absolutisht më e rëndësishmja në botën e sotme, është paqja mendore për të dhënat tuaja. Me platformën e famshme të sigurisë Samsung Knox të integruar thellë në harduer dhe softuer, Galaxy A57 dhe A37 e mbajnë çdo fjalëkalim, foto personale dhe të dhënë bankare plotësisht të izoluar nga kërcënimet e jashtme. Për më tepër, ky sistem sigurie ju lejon të lidheni lirshëm dhe pa frikë me pajisjet e tjera të ekosistemit si kufjet apo orët inteligjente, duke ditur se jeta juaj digjitale është e mbrojtur në çdo hap.

Është hapur zyrtarisht “Beauty Fair Kosova 2026”, një nga ngjarjet më të reja që po sjell në Kosovë industrinë e bukurisë, estetikës dhe kujdesit për mirëqenie në një platformë të vetme.

Për herë të parë në Kosovë, industria e bukurisë, estetikës dhe mirëqenies fizike po prezantohet përmes një panairi të dedikuar, me organizimin e “Beauty Fair Kosova 2026”, i cili është hapur sot dhe do të vazhdojë edhe më 25 dhe 26 prill në Sallën e Panaireve në Prishtina Mall, duke mbledhur rreth 50 brende vendore dhe ndërkombëtare.

Panairi është i hapur për vizitorë nga ora 13:00 deri në 22:00. Në mesin e pjesëmarrësve janë klinika estetike, kompani kozmetike, sallone bukurie dhe furnizues të teknologjive estetike, të cilët po prezantojnë risitë dhe trendet më të fundit të industrisë.

Foto: Telegrafi

Përveç pjesës ekspozuese, një nga pikat kryesore të këtij edicioni është organizimi i Beauty Kongresit, i cili sjell ekspertë të fushës për diskutime profesionale, duke e kthyer eventin jo vetëm në një panair prezantues, por edhe në një hapësirë shkëmbimi njohurish dhe përvojash.

Foto: Telegrafi

Gjatë tri ditëve, vizitorët do të kenë mundësi të ndjekin demonstrime live, aktivitete promovuese dhe të njihen nga afër me produktet dhe shërbimet më të reja në treg. Pritet që panairi të tërheqë dhjetëra mijëra vizitorë, duke u shndërruar në një pikë të rëndësishme referimi për industrinë e bukurisë në vend.

Foto: Telegrafi

Me ambicien për t’u bërë një ngjarje tradicionale, Beauty Fair Kosova synon të krijojë një platformë të qëndrueshme për bizneset dhe profesionistët e sektorit, ndërsa në të ardhmen janë paralajmëruar edhe iniciativa të reja, përfshirë lansimin e një reviste të dedikuar për këtë industri.

Beauty Fair Kosova 2026 do të hapet zyrtarisht këtë të premte në ora 13:00, duke sjellë për herë të parë në Kosovë një ngjarje unike që bashkon industrinë e bukurisë, estetikës, wellness-it dhe inovacionit modern.

Ky edicion i parë pritet të mbledhë qindra profesionistë të fushës, klinika estetike, kompani vendore dhe ndërkombëtare, brende të njohura, si dhe mijëra vizitorë që duan të njihen me trendet më të reja të bukurisë dhe kujdesit personal.

Kongresi i Mjekësisë Estetike – risi e veçantë e panairit

Përveç pjesës ekspozuese, një nga pikat më të rëndësishme të këtij edicioni është organizimi i Kongresit të Mjekësisë Estetike, i cili mbahet në kuadër të panairit dhe sjell në një vend ekspertët më të njohur vendorë të kirurgjisë plastike, estetikës dentare dhe trajtimeve moderne.

Kongresi udhëhiqet nga Krenar Dobroshi, President i Kongresit, i cili do të drejtojë sesionet profesionale dhe diskutimet shkencore.

Programi i Kongresit

14:00 – 14:10
Trajtimi i 105 rasteve të shenjave/cikatriceve: Çfarë kemi mësuar?
Prof. Lec. Krenar Dobroshi

14:10 – 14:20
Estetika e gjoksit
Dr. Violeta Zatriqi

14:20 – 14:30
Blefaroplastika e kapakëve të sipërm të syrit
Dr. Vildane Ismajli Osmani

14:30 – 14:40
Rinoplastika: Arti i harmonisë së fytyrës
Dr. Fidaim Shabani

14:40 – 14:50
Balancimi midis funksionit dhe estetikës në kirurgjinë e veshit: nga patologjia në rekonstruksion
Dr. Refki Krasniqi

14:50 – 15:00
Veneers dhe ndikimi i tyre në estetikën dentare
Dr. spec. Rreze Mustafa

15:00 – 15:30
Diskutime me panelin dhe pyetje nga pjesëmarrësit.

Tri ditë plot bukuri, trende dhe eksperienca unike

Gjatë tri ditëve të panairit, vizitorët do të kenë mundësi të shohin produkte inovative, demonstrime live, trajtime prezantuese, këshilla profesionale, oferta speciale dhe shumë surpriza nga ekspozuesit pjesëmarrës.

Beauty Fair Kosova 2026 synon të krijojë një traditë të re në Kosovë dhe të vendosë vendin në hartën rajonale të industrisë së bukurisë dhe estetikës.

Bukuria, profesionalizmi dhe inovacioni takohen këtë fundjavë në eventin më të ri dhe më glamuroz të vitit.

Balkans Blockchain Summit 2026 po vazhdon të konfirmohet si një nga ngjarjet më të rëndësishme në industrinë e blockchain dhe kriptovalutave në rajon, me mbi 1,812 regjistrime të realizuara vetëm disa javë para mbajtjes së eventit në Prishtinë. Ky ritëm i hershëm i aplikimeve reflekton një interesim dukshëm më të lartë krahasuar me edicionet e kaluara, duke treguar qartë se eventi po hyn në një fazë të re zhvillimi dhe po tërheq vëmendje përtej kufijve të Ballkanit.

Organizatorët bëjnë të ditur se këtë vit interesimi nuk po vjen vetëm nga rajoni, por gjithnjë e më shumë edhe nga pjesëmarrës ndërkombëtarë, përfshirë profesionistë, investitorë dhe entuziastë të industrisë nga vende të ndryshme të botës. Kjo prani e zgjeruar ndërkombëtare po e pozicionon Balkans Blockchain Summit si një platformë që lidh komunitetin lokal me zhvillimet globale në Web3, duke krijuar hapësirë për bashkëpunime të reja dhe mundësi konkrete për pjesëmarrësit.

Pas një edicioni të suksesshëm në vitin 2025, ku eventi arriti të mbledhë mijëra pjesëmarrës dhe të fitojë vëmendje të konsiderueshme në industrinë globale, pritshmëritë për vitin 2026 janë edhe më të larta. Rikthimi i Binance si partner zyrtar për këtë edicion konsiderohet si një tregues i rëndësishëm i besimit dhe vazhdimësisë, duke forcuar më tej kredibilitetin dhe ndikimin ndërkombëtar të eventit.

Një tjetër element që po tërheq vëmendje këtë vit është edhe organizimi i shpërblimeve me vlerë deri në 10,000 dollarë, të cilat synojnë të angazhojnë komunitetin dhe të krijojnë një eksperiencë më interaktive për pjesëmarrësit. Këto iniciativa, së bashku me programin e pasur të eventit dhe pjesëmarrjen e figurave të njohura të industrisë, po kontribuojnë në rritjen e interesimit dhe në përshpejtimin e ritmit të regjistrimeve.

Me një numër pjesëmarrësish që po rritet çdo ditë dhe me interesim që vazhdon të zgjerohet në nivel global, Balkans Blockchain Summit 2026 pritet të arrijë një tjetër rekord këtë vit, duke e konsoliduar pozitën e tij si një nga eventet më të rëndësishme të këtij lloji në Evropë. Regjistrimet vazhdojnë të jenë të hapura, ndërsa organizatorët theksojnë se ritmi aktual i aplikimeve po tejkalon pritshmëritë fillestare dhe se kapacitetet mund të mbushen më herët se zakonisht.

Kujtojmë se Balkans Blockchain Summit 2026 do të mbahet më 23 dhe 24 maj në Klan Arena, në Prishtinë, duke pritur pjesëmarrës nga vende të ndryshme të botës në një nga ngjarjet më të mëdha të Web3 në rajon. Regjistrimi për pjesëmarrje është falas dhe mund të bëhet përmes faqes zyrtare balkansbs.com

Nga InfoSoft Systems në një aleancë të re të inovacionit, sigurisë dhe teknologjisë së qëndrueshme

Pas më shumë se një dekade suksesi në Kosovë si një nga emrat më të besueshëm në sektorin e teknologjisë informative, InfoSoft Systems ka hyrë zyrtarisht në një kapitull të ri të zhvillimit të saj, duke evoluar në TESSA Group, një transformim strategjik që shënon zgjerimin e vizionit, kapaciteteve dhe ndikimit të kompanisë në tregun rajonal dhe më gjerë.

Ky transformim reflekton një zgjerim të qartë të fokusit të kompanisë, e cila tashmë operon përmes tri shtyllave kryesore: TESSA Technology, TESSA Security dhe TESSA Energy, duke ofruar zgjidhje të avancuara në teknologji, siguri kibernetike dhe energji të qëndrueshme. Përmes këtij evolucioni, kompania synon të sjellë edhe më shumë inovacion, ekspertizë dhe vlerë të shtuar për bizneset dhe institucionet në vend e rajon.

Me rrënjë që burojnë nga përvoja mbi tri dekadëshe e grupit InfoSoft në rajon dhe një prezencë të konsoliduar në Kosovë për më shumë se 10 vite, kjo lëvizje përfaqëson jo vetëm një ndryshim identiteti, por një pozicionim të ri strategjik për të ardhmen.

Fuqinë e këtij transformimi dhe përkushtimin për të qenë gjithmonë në hap me inovacionin, TESSA e dëshmoi edhe në eventin e saj zyrtar të lansimit, të mbajtur më 11 shkurt, ku prezantoi publikisht identitetin e ri të kompanisë në praninë e partnerëve dhe figurave të rëndësishme nga disa prej brendeve më të njohura globale të industrisë së IT-së.

Në të njëjtën ngjarje, për herë të parë në rajon, u prezantua edhe një moderatore e krijuar me inteligjencë artificiale, TESA AI, një element inovativ që simbolizoi në mënyrë perfekte drejtimin e ri të kompanisë dhe orientimin e saj drejt së ardhmes.

Ngjarja u konceptua dhe realizua në tërësi nga KD Events & Communications, duke sjellë në jetë një eksperiencë prodhimi dhe skenografie që reflektoi standardin dhe vizionin e transformimit të ri të TESSA Group.

Me këtë hap, TESSA nuk ndryshoi vetëm emrin.
Ajo redefinoi të ardhmen e saj.

Industria e bukurisë në Kosovë po përgatitet për eventin më të madh të vitit.

Beauty Fair Kosova 2026, i cili do të mbahet më 24, 25 dhe 26 prill në ambientet e Prishtina Mall, po hyn në fazën finale të përgatitjeve dhe hapësirat për ekspozues janë pothuajse të rezervuara.

Ky panair pritet të sjellë së bashku më shumë se 50 brende vendore dhe ndërkombëtare, duke përfshirë emra të njohur në fushat e: estetikës, kozmetikës, kujdesit të lëkurës, flokëve dhe mirëqenies. Vizitorët do të kenë mundësi të përjetojnë nga afër trajtime falas, demonstrime live, prezantime produktesh, masterclass-e nga ekspertë, si dhe mbi 2000 dhurata gjatë tri ditëve të eventit.

Organizatorët theksojnë se ky edicion synon të krijojë një platformë të fuqishme për bashkëpunim mes profesionistëve të industrisë, përfaqësuesve të brendeve, klinikave estetike, salloneve të bukurisë dhe distributorëve.

“Beauty Fair Kosova nuk është vetëm një panair është një platformë ku takohen inovacioni, edukimi profesional dhe mundësitë reale të biznesit. Interesi ka qenë jashtëzakonisht i madh dhe po shkojmë drejt mbylljes së regjistrimeve”, njoftojnë organizatorët.

Ky edicion shënon një hap të rëndësishëm për zhvillimin e industrisë së bukurisë në Kosovë, duke e pozicionuar vendin si një pikë takimi për profesionistët e kësaj fushe.

Hapësirat janë drejt përfundimit, regjistrimet janë në fazën finale.
Bizneset që dëshirojnë të jenë pjesë e kësaj ngjarjeje unike ftohen të sigurojnë vendin e tyre sa më shpejt.

Kontaktoni direkt: 045 666 220

Balkans Blockchain Summit (BBS) rikthehet më 23-24 maj në Prishtinë, duke u konsideruar si një nga ngjarjet më të rëndësishme të industrisë Web3 në Evropë dhe më gjerë.

Pas një rritjeje të shpejtë që nga edicioni i parë, organizatorët synojnë mbi 10,000 pjesëmarrës këtë vit, duke e pozicionuar eventin në një nivel të ri global.

Partneriteti me Binance zyrtarizohet për edicionin 2026

Pas bashkëpunimit të suksesshëm në vitin 2025, ku Binance ishte partner kryesor i eventit, Balkans Blockchain Summit zyrtarizon rikthimin e këtij partneriteti edhe për vitin 2026. Ky bashkëpunim nuk përfaqëson vetëm vazhdimësi, por një hap të qartë drejt pozicionimit global të BBS. Prania e Binance, platformës më të madhe të kriptovalutave në botë, rrit ndjeshëm nivelin e besueshmërisë, ekspozimit dhe ndikimit ndërkombëtar të eventit.

Në edicionin e kaluar, përfshirja e Binance solli vëmendje globale drejt Prishtinës si një pikë e re referimi për teknologjinë dhe inovacionin. Në vitin 2026, ky bashkëpunim pritet të thellohet edhe më tej, duke e zgjeruar ndikimin e eventit përtej rajonit.

Nga një event rajonal në një platformë globale

Evolucioni i Balkans Blockchain Summit reflekton një rritje të qartë nga viti në vit:

2024 - Fillimi me mbi 1,000 pjesëmarrës

2025 - Rritje e ndjeshme me mbi 5,000 pjesëmarrës dhe partneritet me Binance

2026 - Një platformë globale që synon mbi 10,000 pjesëmarrës dhe shtrirje ndërkombëtare

Ky transformim e pozicionon BBS si një pikë takimi për ndërtues, investitorë dhe vendimmarrës nga e gjithë bota.

Fokusi i edicionit 2026

Gjatë dy ditëve të eventit, pjesëmarrësit do të kenë mundësi të ndjekin diskutime mbi temat më aktuale të industrisë, përfshirë:

-Integrimin e AI me blockchain

-Tokenizimin e aseteve reale (RWA)

-Analizat on-chain dhe tregjet financiare

-Adoptimin real të kriptovalutave

-Rolin e institucioneve dhe rregullatorëve

Përveç paneleve dhe diskutimeve, eventi do të ofrojë mundësi konkrete për networking dhe bashkëpunime ndërkombëtare.

Prishtina drejt një qendre të re të Web3

Rikthimi i eventit dhe partneriteti me Binance e vendosin Prishtinën në hartën globale të inovacionit teknologjik. Balkans Blockchain Summit synon të shndërrohet në një platformë ndërkombëtare që jo vetëm sjell ide, por edhe lidh kapitalin, talentin dhe projektet reale në një ekosistem të vetëm.

Hyrja mbetet falas

Eventi do të mbahet në Klan Arena më 23-24 maj dhe pjesëmarrja është falas për të gjithë të interesuarit.

Regjistrimet janë tashmë të hapura në: balkansbs.com

Dita e ndeshjes shënoi një moment të rëndësishëm për Kosovën dhe tifozët dardan, teksa përfaqësuesja jonë u përball me Turqinë për një vend në fazën vendimtare drejt World Cup 2026.

Pavarësisht rezultatit jo në favor të Kosovës, ajo që mbetet më e rëndësishme është mënyra se si Dardanët e përjetuan këtë ngjarje, me pasion, dinjitet dhe një kulturë të lartë sportive, duke e përmbyllur festën pa asnjë incident.

Për KD Events & Communications, organizimi i transmetimit në tri pika në kryeqytet ishte vazhdim i një tradite tashmë 14-vjeçare, ku qytetarëve u ofrohen falas përjetime dhe momente madhështore të futbollit në hapësira publike.

Ky organizim u realizua me mbështetjen e Komunës së Prishtinës, Federatës së Futbollit të Kosovës, Artmotion, Digitalb dhe Policisë së Kosovës, duke mundësuar një ngjarje të organizuar në nivel të lartë.

Pavarësisht motit të lig dhe shtrirjes së transmetimit në tri pika kyçe të qytetit, i gjithë organizimi filloi dhe përfundoi në mënyrë perfekte, pa asnjë incident, pa asnjë defekt dhe pa asnjë lëshim, as edhe për një moment të vetëm.

KD Events & Communications shpreh mirënjohjen më të thellë për tifozët dardan, të cilët me prezencën e tyre masive mbushën çdo hapësirë në tri zonat e transmetimit, duke e shndërruar Prishtinën në një arenë të vërtetë futbolli.

Mbi të gjitha, falënderimi më i madh shkon për standardin e lartë të tifozllëkut dhe sjelljen shembullore, që dëshmon se sporti në Kosovë po rritet jo vetëm në fushë, por edhe në kulturën e tij.

Shpresa nuk shuhet, vetëm rritet.
Euro 2028 na pret.

Një falënderim i veçantë shkon edhe për partnerët medialë, të cilët e mbuluan këtë ngjarje në mënyrën më të mirë të mundshme.

Shihemi në organizimet e ardhshme.

Sot, Prishtina është gati të përjetojë një nga netët më të mëdha të futbollit dardan, teksa ndeshja historike Kosovë - Turqi pritet të mbledhë mijëra tifozë në zemër të kryeqytetit.

Në kuadër të Prishtina Football Fest, festa dhe atmosfera festive do të shtrihen në tri pika kryesore të Prishtinës: Sheshi “Zahir Pajaziti”, Sheshi “Skënderbeu” dhe Pallati i Rinisë.

Fan Zone kryesore në Sheshin “Zahir Pajaziti” nis nga ora 12:00, ku tifozët do të kenë mundësi të mblidhen, të festojnë dhe të përjetojnë atmosferën e madhe të ndeshjes që nga mesdita. Ndërkohë, në Sheshin “Skënderbeu” dhe në Pallatin e Rinisë, festa dhe transmetimi do të fillojnë nga ora 18:00.

Ky organizim realizohet nga KD Events & Communications, organizatore besnike e këtij përjetimi tash e 14 vite me radhë, duke sjellë për qytetarët transmetime publike dhe festa falas për ndeshjet më të mëdha të futbollit vendor dhe ndërkombëtar.

Sot, kjo traditë vazhdon me një tjetër natë historike, ku Dardanët janë gati të ëndërrojnë më shumë se kurrë dhe të hedhin një hap të madh drejt Botërorit 2026 në Amerikë.

Besa-Besë, Dardanët takohen sot në shesh. Prishtina feston, ndërsa historia shkruhet.