Pretendimi: Kjo video tregon mbytjen e një varke nga hedhja në det e një gruaje të shëndoshë 

Verdikti: E pavërtetë, Gjeneruar me AI

————————————————————-

Një video që duket se tregon një grua të shëndoshë duke u hedhur nga një varkë duke e përmbytur atë si pasojë, po qarkullon në rrjete sociale.

Megjithatë, një shqyrtim i kujdesshëm i videos zbulon detaje që nuk përputhen me realitetin dhe tregojnë se kjo video është gjeneruar me anë të programeve të inteligjencës artificiale (AI).

Për shembull, burrat e ulur me shpinë nga gruaja ndërsa ajo hidhet në ujë, kthejnë kokat gati 180 gradë për ta parë. Megjithatë trupat e tyre nuk kthehen. Kjo është veçanërisht e dallueshme për burrin në të majtë, i cili duket se po “këput qafën” për të parë prapa.

Më tej, “EVID SHN CO182” emri i varkës, i shkruar në trupin e saj, nuk ka asnjë kuptim.

Kur gruaja hidhet në ujë, ajo shfaqet në video si një formë e sfumuar me ngjyrë të verdhë jo-natyrale.

Një tjetër tregues i çuditshëm është pozicioni i dy personave të ulur në pjesën e pasme të varkës ndërsa ajo anohet. Ata janë ende në një pozicion të drejtë, pavarësisht ndryshimeve fizike që duhet t’i bënin të lëviznin.

Për më tepër, mënyra e përmbytjes së varkës nuk përputhet me ligjet e fizikës. Varka anohet dhe hunda bie nën ujë. E gjithë varka lundron, dhe në momentin që 10% e pjesës së përparme bien nën vijën e ujit, gjysma e pasme ngrihet nga uji. Vetëm graviteti do të mjaftonte për ta nxjerrë hundën e varkës përsëri nga uji.

E vetmja mënyrë që kjo fundosje do të funksiononte në një farë mënyre është nëse e gjithë varka do të ishte ndërtuar nga material jo-lundrues, do të ishte e zbrazët, trupi do të ishte çarë dhe uji do të mbushte menjëherë zonën e zbrazët nga përpara në prapa brenda 1 sekonde. 

Nëse përdorim mjetin e detektimit të pamjeve të gjeneruara me AI, Hive Moderation, për të analizuar këtë video rezulton gjithashtu se ajo është gjeneruar me AI.

Për të parandaluar që përmbajtje të tilla të keqinterpretohen, është e rëndësishme që çdo video, foto ose material tjetër i gjeneruar ose i manipuluar me inteligjencë artificiale të shënohet si i tillë. Kjo do të ndihmojë në informimin e audiencës dhe në mbrojtjen e tyre nga dezinformimi. Facebook i detyron përdoruesit të etiketojnë imazhet dhe videot e gjeneruara me AI si të tilla.

The post E gjeneruar mbytja e varkës nga kredhja në det appeared first on Faktoje.al.

Pretendimi: Ky imazh tregon një agjent izraelit të lidhur me një raketë iraniane drejt Izraelit

Verdikti: E pavërtetë, Gjeneruar me AI

———————————————————-

Në rrjete sociale, përfshi ato shqipfolëse, po qarkullon një imazh që duket se tregon një njeri të lidhur pas një rakete. Imazhi i turbullt shoqërohet me pretendimin se tregon agjentë izraelitë të kapur në Iran dhe të lidhur me raketën iraniane për t’u dërguar mbrapsht në Izrael.

Me anë të motorrit të kërkimit pamor Google Lens, Faktoje gjeti një version më të qartë dhe të plotë të imazhit të sfumuar.

Në versionin e plotë, vërehen disa tregues të zakonshëm të imazheve të gjeneruara me programe të inteligjencës artificiale (AI).

Flamuri iranian në raketë është i pasaktë, fytyra e burrit është e turbullt, litari rreth tij nuk duket i qëndrueshëm dhe parmakët dhe shkallët e rampës pranë raketës janë gjithashtu të shtrembër.

Më 15 qershor, policia iraniane njoftoi se kishte arrestuar dy agjentë “të dyshuar” të Mossad, të cilët dyshohet se qëndronin pas “akteve të sabotimit” në Iran. Megjithatë, në njoftim, apo në ndonjë tjetër burim zyrtar, nuk përmendet ‘kthimi’ i këtyre agjentëve në Izrael me anë të raketave.
Faktoje ka verifikuar edhe më parë një imazh të gjeneruar me AI që pretendohej se tregonte një spiun izraelit të lidhur fizikisht me një raketë dhe lëshuar drejt Izraelit

The post Irani nuk po i kthen agjentët e Izraelit të lidhur pas raketave appeared first on Faktoje.al.

Pretendimi: Ky imazh tregon një grup punëtoresh pastrimi 

Verdikti: E pavërtetë

————————————————–

Një imazh që ka marrë mbi 19 mijë pëlqime dhe 2 mijë komente në Facebook pretendon se tregon një grup punëtoresh pastrimi, të përbërë nga vajza të reja dhe të pashme, ndryshe nga çfarë jemi mësuar të shohim në këtë profesion.

Një pjesë e madhe e komenteve shprehin vlerësim për këto vajza që kanë pranuar të punojnë si pastruese dhe i përshëndesin ato.

Me anë të motorrit të kërkimit pamor Google Lens, Faktoje gjeti se imazhi është postuar në rrjet për herë të parë më 30 qershor në Facebook.

Imazhi i mësipërm shoqërohet me shënimin: “Skenë ilustruese e gjeneruar dixhitalisht.” Ky imazh është gjeneruar me anë të programeve të inteligjencës artificiale (AI). Punëtoret e pastrimit nuk ekzistojnë.

Këto video janë shembuj i çfarë është quajtur ‘AI slop’ që përkthehet në “llum AI.” 

Llum AI quhen imazhe, video apo shkrime me cilësi të ulët të krijuara duke përdorur teknologjinë gjeneruese të inteligjencës artificiale dhe të karakterizuara nga një mungesë e theksuar e përpjekjes, logjikës ose kuptimit.

Llumi AI në Facebook zakonisht ka për qëllim mbledhjen e sa më shumë komenteve, e kështu zakonisht konsiston në imazhe, dhe histori shoqëruese, që ngjallin emocione të forta tek njerëzit, si dashamirësia për një grup punëtoresh pastrimi simpatike.

Llumi AI që nxit komplimente, simpati dhe urime në tekstin shoqërues merr shumë angazhim. Postime të tilla mund të dallohen nga fjali si “E bëra me duart e mia, por jam i trishtuar sepse askush nuk e pëlqeu punën time”, “Sot është ditëlindja ime” ose “Nuk do të pendoheni kurrë që e keni pëlqyer këtë foto”.

Shembuj të llumit AI në Facebook

Për të parandaluar që përmbajtje të tilla të keqinterpretohen, është e rëndësishme që çdo video, foto ose material tjetër i gjeneruar ose i manipuluar me inteligjencë artificiale të shënohet si i tillë. Kjo do të ndihmojë në informimin e audiencës dhe në mbrojtjen e tyre nga dezinformimi. Facebook i detyron përdoruesit të etiketojnë imazhet dhe videot e gjeneruara me AI si të tilla.

The post Këto pastruese simpatike janë krijuar me IA appeared first on Faktoje.al.

Një sistem i ri i inteligjencës artificiale, i zhvilluar nga Microsoft në bashkëpunim me qendra kërkimore prestigjioze dhe partnerë teknologjikë si OpenAI, po cilësohet si një nga përparimet më të mëdha të dekadës në diagnostikimin mjekësor. Të dhënat e para të publikuara tregojnë se kjo teknologji është katër herë më e saktë në diagnostikimin e […]

The post Inteligjenca artificiale e re e Microsoft diagnostikon katërfish më saktë se mjekët appeared first on BoldNews.al.

Nga: Alexander Hurst / The Guardian
Përkthimi: Telegrafi.com

Në 74 833 fjalët e një libri që po shkruaj, ka gjashtë fjalë të cilat, kur bashkohen në një sekuencë të caktuar prej 12 fjalësh, unë nuk mund t’i përdor. Është një varg i vetëm nga kënga Bloodbuzz Ohio nga grupi The National, i cili thotë: Unë ende kam borxh për paratë, për paratë që i kam borxh.

Libri im është një kujtesë personale për ndikimin psikologjik të asaj që unë e quaj “kapitalizëm i dëshpërimit”, sidomos te brezi i milenialëve, dhe se si kjo i ka shtyrë dhjetëra miliona njerëz të përpiqen të dalin nga pasiguria financiare duke u përfshirë në veprimtari me rrezik të lartë financiar. Historia tregohet përmes përvojës sime personale, teksa për 11 muaj radhazi i shndërrova disa mijëra dollarë në më shumë se 1.2 milion, dhe pastaj për 18 muaj të tjerë ndoqa humbjet derisa përfundova me zero. Në fakt, më keq se zero sepse në fund ia kisha borxh  qeverisë amerikane pothuajse 100 mijë dollarë taksa për fitimet “fantazmë” që nuk ekzistonin më.

Ja ku do të përshtatej në mënyrë të përsosur ai varg nga grupi The National, si një epigraf – por, vetëm në teori. Botuesi më informoi se tekstet e këngëve janë subjekt i një zbatimi famëkeq të rreptë të së drejtës së autorit dhe çmimi për të blerë të drejtat është shpesh astronomik. Pra, as mos e çoni ndër mend të citoni Eminem-in për të treguar se si kënga Lose Yourself depërtoi në psikikën e një brezi, kur ai tha: Ke vetëm një shans, mos e humb shansin për të dështuar, kjo mundësi vjen një herë në jetë.  

Por, sikur të isha një kompani e inteligjensës artificiale [IA] me një model të madh gjuhësor (LLM), gjithçka do të ishte ndryshe. Do të mund të grumbulloja pa problem gjithë diskografinë e grupit The National dhe të Eminem-it, dhe tekstet e çdo kënge tjetër të shkruar. Pastaj, kur një përdorues do të kërkonte diçka si: “Shkruaj një tekst rep në stilin e Eminem-it për humbjen e parave, duke u frymëzuar nga Bloodbuzz Ohio i grupit The National”, programi im i lidhjes së fjalëve – me qindra miliona klientë që paguajnë dhe një kapital tregu që vlen dhjetëra nëse jo qindra miliarda dollarë – do të mund të përgjigjej:

Unë ende kam borxh për paratë, për paratë që i kam borxh
Por, unë nxjerr ar nga fyti kur pluskoj,
Prandaj, shko thuaj bankës se mund të marrë çfarë të dojë
Unë tashmë shpirtin e lash në mikrofon.

Dhe, kjo, sipas vendimeve të muajit të kaluar nga gjykatat amerikane, është në njëfarë mënyre “përdorim i drejtë” [fair use] dhe çuditërisht nuk përbën shkelje të së drejtës së autorit – edhe pse nuk i është paguar asnjë qindarkë askujt në këtë proces.

Unë nuk jam as jurist i të drejtës së autorit, as gjyqtar. Jam i sigurt se të dy ata kanë përgjigje të detajuara dhe teknike – si për shembull se ka një kuadër të ndryshëm ligjor për përdorimin e drejtë në trajnimin e IA-së kundrejt riprodhimit të drejtpërdrejtë. Por, le të lëmë mënjanë për një çast të gjitha këto çështje teknike. A po respektohet me të vërtetë fryma e ligjit për të drejtën e autorit – ai ligj që më ndalon mua të citoj një varg të vetëm 12 fjalësh nga grupi The National në një libër, por i lejon ChatGPT-së ta riprodhojë fjalë për fjalë si pjesë e një “këngë” të re të gjeneruar në çast të vetëm?

Apo është thjesht fjala për pushtet? A do të thotë kjo që Eight Mile Style, kompania diskografike e Eminem-it mund të më shkatërrojë mua për ta cituar në një libër, vetëm sepse unë jam i vogël në krahasim me të, ndërsa Meta mund ta përmbytë Eight Mile Style-n që është po aq i vogël në krahasim me të, me ekipe avokatësh dhe me vite të tëra vonesash?

(Duhet të theksoj se Eight Mile Style ka paditur vetë Meta-n për shkelje të së drejtës së autorit, duke pretenduar se ky është “një tjetër rast i një kompanie me vlerë prej trilion dollarësh (me ‘T’) që shfrytëzon përfitimet krijuese të artistëve muzikorë për përfitime të turpshme monetare të drejtuesve dhe aksionarëve të saj, pa licencë dhe pa respekt për të drejtat e zotëruesve të pronës intelektuale”. Fort mirë! Shpresoj të fitojnë.)

E paramendoj që një ekspert i së drejtës së autorit do të më thoshte se ajo që bën ChatGPT është e ngjashme me dikë që shkruan me dorë disa vargje nga The National apo të Eminem-it, në një fletore personale; se nëse ndonjëherë do ta incizoja dhe shisja këtë këngë të krijuar nga AI-ja, që citon drejtpërdrejt prej tyre, atëherë do të isha fajtor për shkelje të materialit të mbrojtur. Por, kur bëhet fjalë për modelet e mëdha gjuhësore, vetë përmbajtja e prodhuar është produkti.

LLM-të nuk “mendojnë” për atë që prodhojnë. Ato nuk mësojnë, nuk transformojnë dhe nuk janë krijuese në asnjë kuptim të vërtetë të fjalës. Ato identifikojnë marrëdhëniet komplekse (dhe shumë pak kuptojnë) midis fjalëve dhe grupeve të fjalëve, brenda sasive të mëdha të tekstit, bazuar në të dhënat masive të trajnimit (ose, për mua personalisht, ajo që duket si një vjedhje me shumicë e pothuajse gjithë historisë së krijimtarisë letrare dhe artistike të njerëzimit) për të gjeneruar përgjigje që janë mjaftueshëm të mira për të na mashtruar duke menduar se një lloj ndërgjegjeje ka qenë e përfshirë aty.

Ky nuk është një shpërthim emocional për faktin që nuk mund të përdor një varg kënge në librin tim të ardhshëm. Nëse ky është standardi ligjor, atëherë ai është standardi (për shembull, doktrina e përdorimit të drejtë për median e lajmeve është ndryshe). Por, le të jetë të paktën i njëjti standard për të gjithë.

Ka dallim midis asaj që është ligj dhe asaj se si ligji duhet të jetë. A janë vendimet që sapo janë marrë për shkrimtarët në rastet kundër Meta-s dhe Anthropic-ut – një tjetër akter i madh në industrinë e IA-së – në të mirë të krijimtarisë njerëzore? Apo po rrëshqasim drejt një bote ku jo vetëm që kapitali sundon, por edhe ku “inteligjencat” e rreme dhe fitimprurëse përballen me më pak kufizime, sesa vetë njerëzit, mbi mënyrën se si përdorin materialin njerëzor?

Vazhdojmë të dëgjojmë nga themeluesit dhe ekspertët e IA-së se sa revolucionare janë produktet e tyre. Për mënyrën se si IA-ja dhe agjentët e saj do të trazojnë çdo gjë në mënyrë të pakthyeshme. Atëherë ndoshta IA-ja duhet të trazojë edhe ligjin. Nëse ligji po prodhon situata që janë teknikisht të sakta, por të padrejta, të padëshiruara dhe që kërcënojnë vetë ekzistencën e shkrimtarëve, muzikantëve dhe artistëve – profesione jetësore të cilat, në shumicën e rasteve, nuk kanë ndjekur kurrë ndonjë logjikë ekonomike – atëherë ne duhet ta ndryshojmë ligjin. /Telegrafi/

The post Eminem-i, IA-ja dhe unë: Pse artistët kanë nevojë për ligje të reja në epokën digjitale? appeared first on Telegrafi.

Microsoft ka zbuluar një sistem të ri të inteligjencës artificiale, “Diagnostic Orchestrator”, që arrin të diagnostikojë raste mjekësore jashtëzakonisht të ndërlikuara me një saktësi prej mbi 80 %, duke lënë pas mjekët e kualifikuar të cilët, pa burime shtesë, arritën të zgjidhnin vetëm 20 % të të njëjtave raste. Sistemi përdor disa  gjuhe kodimi dhe te dhena  që sillen si panel ekspertësh, duke bashkërenduar disa modele të mëdha gjuhësore – përfshirë modelin më të fundit o3 të OpenAI, Gemini të Google‑it, LLaMA të Meta‑s dhe Grok të xAI. AI‑ja bën pyetje ndaj “pacientit”, përzgjedh analizat që duhen kërkuar dhe, pas marrjes së rezultateve, përpunon diagnozën përfundimtare. Kjo qasje imiton në mënyrë të detajuar logjikën klinike të mjekëve realë, përtej testeve me alternativa.

Platforma u testua mbi 304 studime rastesh të publikuara në New England Journal of Medicine. Në bashkëpunim me modelin o3, “Diagnostic Orchestrator” arriti saktësi 85,5 %, krahasuar me 20 % të mjekëve të vënë në të njëjtat kushte pa qasje në kolegë, libra apo sisteme të tjera. Kjo do të thotë se Inteligjenca Artificiale dha katër herë më shumë përgjigje të sakta sesa njerëzit. Mustafa Suleyman, drejtuesi i njësisë Microsoft AI, e quajti projektin “hapi i parë serioz drejt superinteligjencës mjekësore” dhe parashikoi se brenda 5–10 viteve sistemi do të bëhet “thuajse pa gabime”, duke lehtësuar ndjeshëm presionin mbi sistemet shëndetësore globale.

Microsoft thekson se teknologjia do të plotësojë punen e mjekeve dhe jo ti zëvendësojë ato. “Empatia, komunikimi me familjarët dhe vendimmarrja në situata te veshtira mbeten pjese e ndjesive njerezore  dhe keto vendime nuk mund te merren nga Inteligjenca Artificiale” thuhet në njoftimin zyrtar. Megjithatë, Inteligjenca artificiale premton të ulë kostot, falë caktimit me efikas të analizave dhe uljes së gabimeve ne diagnostimkimin e nje pacienti.

Microsoft thote se aplikacioni I saj I fuqizuar nga Inteligjenca Artificiale nuk eshte ende gati per tu perdorur Klinikisht, pasi testimet ne fusha me te gjera te mjekesise duhet te vijojne.Gjigandi teknologjik thotë se të dhënat e deritanishme janë dërguar për rishikim shkencor, ndërsa punon me rregullatorët për standarde të reja sigurie./abcnews.al

Pretendimi: Kjo video tregon shkatërrimin e Izraelit nga raketat iraniane

Verdikti: Gjeneruar me AI

—————————————————————

Një video që po shpërndahet në rrjete sociale, përfshi edhe ato shqipfolëse, pretendohet se tregon pamje me dron të shkatërrimit masiv në Izrael pas sulmeve me raketa nga Irani.

Megjithatë, me gjasa video e mësipërme ëshë gjeneruar me anë të programeve të inteligjencës artificiale (AI).

Një kërkim me anë të motorit të kërkimit pamor Google Lens rezultoi se video është postuar disa herë në rrjet në versionin e saj të tanishëm, por pa ndonjë burim që tregon origjinën e pamjeve, si autori apo media që i ka xhiruar.

Llogaria e TikTok @malka.415, emri i së cilës shfaqet në cepin e poshtëm, djathtas, rezulton të jetë fshirë.

Më tej, video përmban elementë që na bëjnë të mendojmë se ajo është gjeneruar me AI.

Ndonëse pamjet nga lart të qytetit të shkatërruar duken realiste, ato kanë ende pamje pikture. Ndriçimi dhe ngjyrat janë perfekte, në një mënyrë të panatyrshme.

Në skenën e fundit të videos, ku duket një grua duke qarë në mes të gërmadhave, gjendet treguesi i sigurt se video është gjeneruar me AI. Siç Faktoje ka nënvizuar edhe më parë, programet AI hasin më shumë vështirësi në gjenerimin e skenave realiste me njerëz sesa pamjeve të objekteve.

Kështu, siç tregohet më poshtë, në video duket një deformim i krahut të gruas në lëvizje, një tregues i origjinës së saj artificiale.

The post Shkatërrimet e bombardimeve në Izrael të gjeneruara me AI appeared first on Faktoje.al.

Microsoft thotë se ka ndërtuar një platformë mjekësore të mbështetur nga inteligjenca artificiale për të cilën pretendon se është katër herë më e suksesshme se mjekët në diagnostikimin e sëmundjeve komplekse. Gjigandi i teknologjisë zbulon një hulumtim që beson se mund të përshpejtojë trajtimin. I quajtur “Orkestruesi Diagnostikues i IA i Microsoft” është vepra e […]

The post Inteligjenca artificiale e Microsoft tejkalon mjekët appeared first on BoldNews.al.

Njerëzit në Danimarkë së shpejti do të kenë të drejtën e autorit për ngjashmëritë e tyre si një mënyrë për të luftuar kundër videove të rreme (deepfake).

Cilat vende të tjera kanë ligje që rregullojnë përdorimin e videove të rreme ose të gjeneruara nga inteligjenca artificiale?

Danimarka do t’u japë njerëzve të drejtën e autorit mbi ngjashmëritë e tyre si një mënyrë për të luftuar kundër videove të gjeneruara “të rreme”, ndërsa vendet në mbarë botën përballen me rritjen e shpejtë të inteligjencës artificiale (AI), transmeton Telegrafi.

Në një deklaratë, qeveria daneze tha se projektligji, i cili është rënë dakord nga të gjitha partitë kryesore, do ta bëjë të paligjshëm ndarjen e videove të rreme dhe “imitimeve të tjera digjitale” të karakteristikave të një personi.

“Tani po u dërgojmë një sinjal të qartë të gjithë qytetarëve se ju keni të drejtë për trupin tuaj, zërin tuaj dhe tiparet tuaja të fytyrës”, tha ministri iKulturës i Danimarkës, Jakob Engel-Schmidt, në një deklaratë.

“Të rremet janë video ose përmbajtje tjetër online e gjeneruar nga AI që ndryshojnë një person, shpesh në një mënyrë për të përhapur informacion të rremë ose për ta turpëruar atë. Teknologjia po zhvillohet me shpejtësi dhe në të ardhmen do të jetë edhe më e vështirë të dallosh realitetin nga trillimi në botën digjitale”, tha Engel-Schmidt, duke shtuar se ligji i ri do të jetë një “mbrojtje kundër dezinformimit” dhe gjithashtu do të “dërgojë një sinjal të qartë për gjigantët e teknologjisë”.

Danimarka nuk është i vetmi vend që po merret me deepfakes përmes ligjeve të reja. Ja ku tjetër në Evropë po ndërmerr veprime.

Bashkimi Evropian

Akti i AI-së i BE-së klasifikon çdo gjë të krijuar nga AI gjeneruese në njërën nga katër kategoritë: rrezik minimal, rrezik i kufizuar, rrezik i lartë dhe rrezik i papranueshëm. Deepfakes konsiderohen “rrezik i kufizuar” dhe për këtë arsye i nënshtrohen disa rregullave të transparencës.

Kjo do të thotë se nuk ka ndalim të plotë për deepfakes, por i detyron kompanitë të etiketojnë përmbajtjen e gjeneruar nga AI në platformat e tyre duke vendosur filigrana në video, dhe të zbulojnë se cilat sete trajnimi po përdoren për të zhvilluar modelet e tyre.

Nëse një kompani AI gjendet në shkelje të rregullave të transparencës, ajo mund të përballet me një gjobë deri në 15 milionë euro ose 3 përqind të xhiros së saj globale nga viti i kaluar. Kjo gjobë shkon deri në 35 milionë euro ose 7 përqind të xhiros globale për praktikat e ndaluara.

Një artikull tjetër i Aktit të AI-së ndalon gjithashtu AI-në manipuluese, e cila mund të përfshijë sisteme që përdorin teknika nënndërgjegjeshëm ose mashtruese për të “dëmtuar vendimmarrjen e informuar”.

Disa veprime ligjore përqendrohen në pornografi dhe përmbajtje të tjera seksuale. Për shembull, direktiva e BE-së mbi dhunën ndaj grave kriminalizon “prodhimin, manipulimin ose ndryshimin pa pëlqim të materialit që e bën të duket sikur një person është i angazhuar në aktivitete seksuale”.

Direktiva përfshin prodhimin e deepfakes ose çdo materiali të krijuar duke përdorur AI-në. Ajo nuk specifikon se cili duhet të jetë dënimi nëse një individ ose kompani gjendet në shkelje të direktivës, duke ia lënë çdo shteti anëtar të BE-së të vendosë.

Shtetet anëtare të BE-së kanë kohë deri në qershor 2027 për të zbatuar rregullin.

Ligji i hapësirave digjitale të Francës

Në vitin 2024, Franca miratoi një përditësim të kodit të saj penal për të ndaluar njerëzit të ndajnë çdo përmbajtje vizuale ose audio të krijuar nga AI, të tilla si deepfakes, pa pëlqimin e personit të portretizuar në të. Çdo përmbajtje e rindarë duhet të zbulohet qartë si e gjeneruar nga AI.

Shpërndarësit e këtyre videove ose audios mund të përballen me deri në një vit burg dhe një gjobë prej 15,000 euro; dënimi shkon deri në dy vjet burg dhe një gjobë prej 45,000 euro nëse deepfake ndahet përmes një “shërbimi online”.

Ndryshimet në kodin penal përfshijnë gjithashtu një ndalim specifik të deepfake-ve pornografikë – edhe nëse ka shenja të qarta që tregojnë se është e rreme.

Kushdo që kapet duke shpërndarë këtë përmbajtje në Francë mund të përballet me deri në tre vjet burg dhe një gjobë prej 75,000 euro.

Ligji gjithashtu i jep Arcom, rregullatorit audiovizual të Francës, fuqinë për të detyruar platformat të heqin përmbajtjen e paligjshme dhe të përmirësojnë sistemet e tyre të raportimit.

Dënim dyvjeçar në Mbretërinë e Bashkuar për pornografi deepfake

Mbretëria e Bashkuar ka disa ligje që merren me krijimin e pornografisë deepfake, duke përfshirë ndryshimet e fundit në Projektligjin e të Dhënave (Përdorimi dhe Qasja).

Ligji synon “abuzuesit e urryer” që krijojnë imazhe të rreme për “kënaqësi seksuale ose për të shkaktuar alarm, shqetësim ose poshtërim”. Shkelësit mund të përballen me një “gjobë të pakufizuar”.

Një tjetër shtesë e kohëve të fundit është një dënim i mundshëm me dy vjet burg sipas Aktit të Veprave Seksuale të Mbretërisë së Bashkuar, për ata që krijojnë imazhe seksuale të rreme.

Akti i Sigurisë Online i Mbretërisë së Bashkuar e bën të paligjshme ndarjen ose kërcënimin për ndarjen e imazheve seksuale, pa pëlqim në mediat sociale.

Akti gjithashtu do t’i detyrojë platformat të “ndërmarrin hapa për të hequr në mënyrë proaktive këtë material” dhe për të parandaluar shfaqjen e tij që në fillim. Nëse shkelin ligjin, kompanitë mund të përballen me gjoba deri në 10 përqind të të ardhurave të tyre në të gjithë botën nga rregullatori i internetit në Mbretërinë e Bashkuar, Ofcom.

Megjithatë, Julia Hörnle, profesoreshë në Shkollën e Drejtësisë të Universitetit Queen Mary, tha se Akti i Sigurisë Online nuk e bën të paligjshëm krijimin e imazheve të rreme, gjë që “i lë viktimat të cenueshme ndaj dëmtimit edhe nëse përmbajtja nuk ndahet kurrë publikisht”.

Ajo tha se qeveria e Mbretërisë së Bashkuar duhet të adresojë gjithashtu “disponueshmërinë” e mjeteve të IA-së për të krijuar imazhe të rreme duke gjetur një mënyrë për të kriminalizuar “zhvillimin, shpërndarjen dhe promovimin e këtyre mjeteve”. /Telegrafi/

 

 

The post Cilat vende evropiane kanë ligje kundër deepfake? appeared first on Telegrafi.

Platforma Meta e Mark Zuckerberg po riorganizon rrënjësisht ekipin e saj të Inteligjencës Artificiale, me qëllim zhvillimin e “super-inteligjencës” domethënë, sistemeve që mund të kryejnë detyra po aq mirë ose më mirë se njerëzit. Vetë Zuckerberg i informoi punonjësit e tij me një memo të brendshme, duke njoftuar krijimin e Meta Superinteligence Labs (MSL).

Në krye të organizatës së re është Alexandr Wang, themeluesi i Scale AI, të cilin Zuckerberg e përshkroi si “themeluesin më mbresëlënës të gjeneratës së tij”. Wang do të marrë përsipër detyrën e Drejtorit të IA-së, ndërsa Nat Friedman, ish-CEO i Github, do të jetë pranë tij për të drejtuar produktet e IA-së dhe kërkimin e aplikuar.

“Teksa përparimet e inteligjencës artificiale po përshpejtohen, zhvillimi i super-inteligjencës po hyn në fushën tonë të vizionit”, – shkruante Zuckerberg, duke folur për fillimin e një epoke të re për njerëzimin. Siç sqaroi ai, Meta është gati të shpenzojë “qindra miliarda” dollarë për infrastrukturën, kërkimet dhe blerjet e reja në vitet e ardhshme. Në të njëjtën kohë, ai paralajmëroi se shumë kompani mund të tejkalojnë limitin e shpenzimeve, për të kapur valën e Inteligjencës Artificiale.

Njësia e re MSL do të integrojë grupet ekzistuese që punojnë në modele të mëdha gjuhësore dhe Kërkimin Themelor të IA-së (FAIR), ndërsa një laborator i ri po krijohet gjithashtu për gjeneratën e ardhshme të modeleve. Meta investoi kohët e fundit 14.3 miliardë dollarë në Scale AI, është në bisedime me kompani si Perplexity AI dhe Runway AI dhe po përgatitet të blejë PlayAI, e cila zhvillon aplikacione të IA-së me zë. Aksionet e Meta arritën një rekord historik prej 747.90 dollarësh.

Vetë Zuckerberg ka marrë përsipër të rekrutojë studiues të nivelit të lartë. Ai organizon takime kokë më kokë në shtëpitë e tij në Palo Alto dhe Liqenin Tahoe, duke ofruar paketa kompensimi në dhjetëra miliona dollarë, përfshirë aksionet, për të tërhequr talente nga OpenAI , Anthropic dhe Google.

Së bashku me strukturën e re, Zuckerberg njoftoi 11 shtesa të reja në ekip: ish-studiuesit e DeepMind, Jack Rae dhe Pei Sun, studiuesit e OpenAI, Jiahui Yu, Shuchao Bi, Shengjia Zhao dhe Hongyu Ren, si dhe Joel Pobar i Anthropic, i cili kthehet në Meta pas një dekade larg saj. Gara për super-inteligjencën ka filluar dhe Zuckerberg duket i vendosur ta vendosë Metën në ballë të teknologjisë më kritike të dekadave të ardhshme. ©LAPSI.al

The post “Po ngre një ushtri”/ Zuckerberg po hedh miliarda për Super-Inteligjencën Artificiale appeared first on Lapsi.al.

Administrata e Donald Trump po përgatit një paketë masash ekzekutive për të rritur furnizimin me energji elektrike në Shtetet e Bashkuara, me qëllim mbështetjen e zhvillimit të teknologjisë së Inteligjencës Artificiale (IA).

Kërkesa për energji nga qendrat e të dhënave të IA-së pritet të rritet shumë, duke vënë presion mbi rrjetet ekzistuese të energjisë.

Dhe ndër masat e propozuara janë lehtësimi i lidhjes së projekteve të reja energjetike me rrjetin elektrik dhe sigurimi i tokës federale për ndërtimin e këtyre qendrave të të dhënave, përcjell Telegrafi.

Gjithashtu po shqyrtohet thjeshtimi i lejeve për ndërtimin e qendrave të të dhënave me një leje kombëtare nën Aktin për Ujin e Pastër.

Në janar, Trump zhvilloi një takim me drejtues të kompanive teknologjike për të promovuar Projektin Stargate, i cili synon ndërtimin e qendrave të të dhënave dhe krijimin e më shumë se 100,000 vendeve të punës.

Administrata synon të përgatisë një Plan Veprimi për IA-në deri më 23 korrik dhe po planifikon të shpallë atë datë si “Dita e Veprimit për IA”.

Rritja e kërkesës për energji pritet të jetë pesë herë më e madhe se parashikimet e mëparshme deri në vitin 2029. /Telegrafi/

The post Trump po përgatit një paketë masash për mbështetjen e zhvillimit të teknologjisë së Inteligjencës Artificiale – zbulohen detaje appeared first on Telegrafi.

Një zyrtare gjermane e mbrojtjes së të dhënave ka akuzuar kompaninë kineze të inteligjencës artificiale (IA) DeepSeek për transferim të paligjshëm të të dhënave të përdoruesve në Kinë.

Meike Kamp, komisionerja e Berlinit për mbrojtjen e të dhënave dhe lirinë e informacionit, raportoi DeepSeek te Apple dhe Google dhe u kërkoi kompanive amerikane të heqin DeepSeek nga dyqanet e tyre të aplikacioneve, përcjel Telegrafi.

Në një deklaratë të lëshuar të premten, Kamp tha se DeepSeek nuk ofroi “prova bindëse” se të dhënat e përdoruesve ishin të mbrojtura, siç kërkohet nga ligji i Bashkimit Evropian.

“Transferimi i të dhënave të përdoruesve nga DeepSeek në Kinë është i paligjshëm”, tha Kamp, duke shtuar se “autoritetet kineze kanë të drejta të gjera qasje në të dhënat personale brenda sferës së ndikimit të kompanive kineze”.

“Për më tepër, përdoruesit e DeepSeek në Kinë nuk kanë të drejtat e zbatueshme dhe mjetet juridike efektive të garantuara në Bashkimin Evropian”, tha Kamp.

Ajo shtoi se Apple dhe Google tani duhet ta shqyrtojnë raportin dhe të vendosin nëse do ta heqin aplikacionin. /Telegrafi/

The post Në Gjermani po kërkohet nga Apple dhe Google të ndalojnë DeepSeek, duke përmendur shqetësime për privatësinë appeared first on Telegrafi.

Pasi u shfaqën informacione të mëparshme se WhatsApp do të ofronte mundësinë e përmbledhjes së mesazheve të palexuara në bisedë, ky funksion tani është zyrtarisht i disponueshëm për përdoruesit e aplikacionit të njohur.

Funksioni i ri u lejon përdoruesve të përmbledhin mesazhet e palexuara dhe kështu të njihen shpejt me bisedat.

Zhvillimi dhe testimi i këtij funksioni ka përfunduar, kështu që ka marrë versionin e tij të qëndrueshëm.

WhatsApp e quan këtë veçori “Message Summaries” dhe përdor teknologjinë Meta AI nga Meta Platforms për të përmbledhur “privatisht dhe shpejt” mesazhet e palexuara të bisedës.

WhatsApp pretendon se kjo teknologji siguron që palët e treta nuk mund të lexojnë mesazhe ose përmbledhje, madje as Meta ose vetë WhatsApp.

Gjithashtu, njerëzit në një bisedë nuk mund të shohin përmbledhjet e njëri-tjetrit.

Duhet thënë se funksioni është opsional dhe është i çaktivizuar si parazgjedhje, dhe ata që duan ta aktivizojnë atë duhet ta aktivizojnë vetë. /Telegrafi/

The post WhatsApp tani përmbledh mesazhet tuaja të palexuara duke përdorur Inteligjencën Artificiale appeared first on Telegrafi.

Pretendimi: Kjo foto tregon një agjent të inteligjencës izraelite Mossad që është kapur nga Irani, lidhur fizikisht me një raketë dhe lëshuar drejt Izraelit

Verdikti: E pavërtetë, krijuar me AI

————————————————————————–

Një artikull i portalit qendra.info pretendon se “Irani kap agjentët e Mossad-it, i lidh dhe i hedh drejt Izraelit” duke e shoqëruar këtë pretendim me një imazh të një burri të lidhur me një raketë.

Më 15 qershor, policia iraniane njoftoi se kishte arrestuar dy agjentë “të dyshuar” të Mossad, të cilët dyshohet se qëndronin pas “akteve të sabotimit” në Iran. Për këtë arsye, në rrjete sociale filluan të qarkullonin imazhe të njërit prej agjentëve të arrestuar, dyshohet për spiunazh, të kapur nga trupat iraniane dhe, si rezultat, të lidhur me një raketë me rreze të gjatë veprimi që mbante flamurin iranian, për t’u “deportuar në Izrael”.

Me anë të motorrit të kërkimit pamor Google Lens, Faktoje gjeti se imazhi është marrë nga një postim në X i publikuar nga llogaria libaneze SilencedSirs.

Imazhi qartësisht është krijuar me programe të inteligjencës artificiale. 

Si fillim, flamuri iranian në raketë është i pasaktë. E njëjta gjë vlen edhe për rrotën e raketës.  Ndërkaq tekstura e litarëve është shumë e lëmuar dhe joreale. Litari duket se bashkohet me karrigen ku është ulur ‘agjenti i Mossad’ dhe karrigia duket se ka pesë këmbë.

Horizonti dhe objektet e largëta (p.sh. struktura e vogël) nuk kanë thellësi dhe detaje, me një pamje pak të turbullt ose artificiale, gjë që është tipike për imazhet e krijuara nga inteligjenca artificiale. 

Për ta konfirmuar dyshimet tona, Faktoje përdori platformën e detektimit të përmbajtjeve të gjeneruara me AI, Hive Moderation, për të analizuar këtë manipulim të mundshëm. Pas ngarkimit të imazhit, platforma tha se kishte një shans 99% që ai të ishte gjeneruar artificialisht.

The post E gjeneruar foto e agjentit të Mossad i lidhur pas raketës iraniane appeared first on Faktoje.al.

Pretendimi: Kjo video tregon bombat bërthamore të Iranit

Verdikti: E pavërtetë, Gjeneruar me AI

——————————————-

Një video që është parë mbi 150 mijë herë në Facebook pretendohet se tregon “bombat bërthamore” të Iranit.

Pavarësisht se postimi paralajmëron se “Lufta e 3 Botërore filloi” dhe “fundi i njerëzimit erdhi”, lexuesit nuk duhet të alarmohen.

Video e mësipërme është gjeneruar me programe të inteligjencës artificiale (AI). Siç ndodh ndonjëherë me pamjet e gjeneruara nga inteligjenca artificiale, ka probleme logjike në video.

Eshtë shumë e pagjasa që një automjet i rëndë luftarak që transporton ngarkesa të shtrenjta të jetë i pajisur me një palë flamuj që bllokojnë pamjen nga pjesa e përparme e kabinës së kamionit, siç ndodh me automjetin e dytë.

Më tej, kamioni i parë ka 12 rrota. Kamioni i dytë, ndërsa i afrohet pozicionit të kamerës, duket se ka 8 rrota dhe për këtë arsye një rimorkio ngarkesash më të shkurtër, megjithëse mbart të njëjtën raketë.

Raketa sipër kamionit të tretë në autokolonë është e shtrembër, duke anuar pak djathtas në vend që të jetë drejt.

Edhe pse është e mundur, për shkak të kufizimeve në udhëtimin e vëzhguesve të huaj, që arsenali i Iranit të mos jetë i dokumentuar në mënyrë të përsosur, raketat e paraqitura në video nuk përputhen me listën e 25 sistemeve raketore të kataloguara nga Iran Watch. Organizata joqeveritare punëson një ish-oficer artilerie në terren të Ushtrisë Amerikane dhe studiues ushtarak, i cili punon me një ekip që monitoron raketat bërthamore dhe balistike të Iranit.

The post Të gjeneruara imazhet e bombave bërthamore të Iranit appeared first on Faktoje.al.

Asistentja e AI-së e Meta-s në WhatsApp, kohët e fundit ngriti shqetësime serioze në lidhje me sigurinë e të dhënave.

Në fakt, asistenti i AI-së i WhatsApp-it zëvendësoi numrin e shërbimit TransPennine Express, dhe i dha në vend të tij numrin privat të një përdoruesi të WhatsApp-it, transmeton Telegrafi.

Komploti filloi kur përdoruesi Barry Smethurst kërkoi numrin e kontaktit të një zyre hekurudhore në WhatsApp.

Në vend të kësaj, AI dërgoi një numër që i përkiste James Gray, një ekzekutiv 44-vjeçar nga Oxfordshire.

AI pretendoi për muaj të tërë se numri ishte i sajuar dhe “fiktiv”, vetëm për ta “thirrur gabimisht nga një bazë të dhënash”.

Meta pretendon se AI nuk ishte trajnuar për të dhënat private të përdoruesve dhe se numri është i disponueshëm publikisht, ndërsa të dy kompanitë po punojnë për të zvogëluar “halucinacionet” (përgjigjet e gabuara) dhe për të rritur besueshmërinë e asistentëve të AI-së.

Çështja ngre përsëri pyetjen: sa e sigurt është të përdoren asistentë të AI-së që qasen dhe gjenerojnë të dhëna?

Nëse IA mund t’ua caktojë numrin personal të dikujt përdoruesve të rastësishëm, cili është rreziku tjetër – detajet bankare, informacioni personal?

Shumë kompani të mëdha si Meta theksojnë përparimin e vazhdueshëm në siguri, por incidenti i fundit tregon se zgjidhjet janë ende të pazhvilluara. /Telegrafi/

 

 

 

The post Inteligjenca artificiale e WhatsApp-it ndan aksidentalisht numrat privatë të përdoruesve appeared first on Telegrafi.

Google ka njoftuar një veçori të re eksperimentale të quajtur Audio Overviews, e cila integron fragmente audio të gjeneruara nga AI në formën e podkasteve në rezultatet e kërkimit në pajisjet mobile.

Veçoria e fragmenteve audio të mundësuara nga AI, përdor modelet AI të Google Gemini për të kthyer pyetje komplekse në fragmente të shkurtra audio, duke u lejuar përdoruesve të hyjnë në informacion pa pasur nevojë të mbajnë pajisjet e tyre, transmeton Telegrafi.

Veçoria Audio Overviews ndërtohet mbi zhvillimet e mëparshme të AI të Google, veçanërisht platformën NotebookLM vitin e kaluar, e cila u lejoi përdoruesve të shndërronin dokumentet në diskutime të ngjashme me podkaste.

Me këtë, Google po kërkon të zgjerojë mënyrat se si përdoruesit mund të marrin informacion nga kërkimi, përtej fragmenteve të zakonshme të tekstit.

Fragmentet audio zgjasin rreth 40 sekonda dhe përdoruesit mund të rregullojnë shpejtësinë dhe volumin e riprodhimit. Çdo fragment audio përmban lidhje me artikujt origjinalë.

Prezantimi i veçorisë Audio Overviews ka ngjallur shqetësime midis botuesve, që kanë frikë nga një rënie e mëtejshme e trafikut në faqet e tyre të internetit.

Ndërsa Google po e paraqet veçorinë si një mënyrë për të rritur qasjen e teknologjisë, kritikët paralajmërojnë se komoditeti mund të vijë në kurriz të të ardhurave të botuesve.

Google thotë se kjo veçori është veçanërisht e rëndësishme për përdoruesit me dëmtime shikimi ose ata që bëjnë shumë gjëra njëkohësisht, siç thuhet në postimin në blog të kompanisë: “Përmbledhjet Audio ofrojnë një mënyrë të përshtatshme për të marrë informacion”.

Kjo veçori është e disponueshme vetëm përmes Google Labs për kërkime në gjuhën angleze në Shtetet e Bashkuara. Aktualisht po testohet në Google Labs, ku përdoruesit mund të japin reagime se si funksionon sistemi. Në varësi të rezultateve, Google planifikon ta zgjerojë këtë veçori në vende të tjera. /Telegrafi/

 

The post Google po teston një funksion të ri të inteligjencës artificiale për rezultatet e kërkimit appeared first on Telegrafi.

Gjiganti amerikan i teknologjisë, Intel, ka paralajmëruar se do të shkurtojë 15 deri në 20 për qind të fuqisë punëtore në fabrikat e saj gjatë muajit korrik.

Vendimi u bë i ditur përmes një emaili të brendshëm, ku zyrtari i lartë i prodhimit, Naga Chandrasekaran, tha se masat janë të nevojshme për të përballuar sfidat financiare.

Me një total prej 109,000 punonjës globalisht, pritet që të largohen nga puna mes 16,000 dhe 21,000 vetë.

Nuk dihet ende se sa nga këto shkurtime do të prekin punonjësit në SHBA.

Vetëm në Hillsboro, Oregon, kompania punëson mbi 20,000 persona.

Lajmi vjen pas vendimeve të ngjashme nga Microsoft dhe Amazon, të cilat po ashtu po shkurtojnë staf për shkak të ndikimit të teknologjisë së Inteligjencës Artificiale. /Telegrafi/

The post Intel pritet të pushojë nga puna deri në rreth 20 mijë punonjës appeared first on Telegrafi.

Pak kohë më parë, një ish kolegu im gazetar më kërkoi një koment në lidhje me një analizë të publikuar në një portal lajmesh. Për këtë rast kishte dyshime se autorja e shkrimit nuk ishte një person real dhe se përmbajtja ishte gjeneruar me ndihmën e inteligjencës artificiale. Artikulli kishte të bënte me zhvillimet e […]

The post Inteligjenca artificiale në median shqiptare: Çfarë mësimesh mund të nxjerrim nga modelet ndërkombëtare appeared first on Reporter.al.

TIRANË, 17 qershor /ATSH/ Komisioni i përhershëm i Ekonomisë, çështjeve Sociale dhe Juridike në Akademinë e Shkencave zhvilloi sot, mbledhjen e radhës për gjendjen dhe sfidat e përdorimit të inteligjencës artificiale në edukim.

Veprimtarinë e çeli Anastas Angjeli. Ai foli për domosdoshmërinë e rritjes së performancës së sistemit universitar dhe kërkimit shkencor, si rrjedhojë e ndikimit që ka zhvillimi i teknologjisë dhe inteligjencës artificiale, me synimin për të shkuar drejt formatimit të universitetit 4.0.

Akademik Adrian Civici mbajti një referat me temën: “Drejt universiteteve 4.0. – Si po e revolucionarizon teknologjia dhe inteligjenca artificiale edukimin”.

Civici bëri një analizë për rolin dhe vendin e universiteteve në shoqërinë tonë në shek. XXI, për misionin e universiteteve në funksion të përhapjes së dijes, cilësisë së studentëve të diplomuar, kërkimit shkencor, inovacionit dhe revolucionit 4.0, si dhe për ndikimin e globalizimit dhe revolucionit teknologjik në “formatimin” e universiteteve të së ardhmes. Ky formatim mbështetet në katër forcat e mëdha të ndryshimit të botës moderne: stimulimin e teknologjive të reja; përballimin dhe përfitimin nga efektet e globalizimit; formimin e kapitalit social cilësor; përmirësimin e mirëqeverisjes.

Civici paraqiti modelet më të mira të organizimit, si dhe elementet e ndikimit të IA-së në transformimin e universiteteve nëpërmjet një historiku të shkurtër të revolucioneve të universiteteve (1.0; 2.0; 3,0). Ai u ndal në rëndësinë e revolucionit të katërt dhe “Universitetet e së ardhmes 2050”, duke e përcaktuar si një epokë në të cilën do të sfidohen hierarkitë tradicionale të statusit të universiteteve. Universiteti 4.0 synon të zbatojë paradigmën e industrisë 4.0 dhe “spiralen e katërfishtë” në universitete për të nxitur automatizimin, përshtatjen dhe personalizimin e proceseve të të nxënit.

Në fund, Civici dha disa konkluzione të rëndësishme, që dëshmojnë nevojën e vendit tonë për përmirësimin e universiteteve apo kolegjeve profesionale, të cilat janë ende shumë larg modelit të universiteteve 4.0. Në shumicën dërrmuese të rasteve mbizotërojnë format dhe modelet klasike të organizimit dhe funksionimit të universiteteve me elemente të modeleve 2.0 dhe 3.0. Në këtë drejtim mungojnë njohuritë e duhura dhe përvojat e përparuara, si dhe politikat specifike për transformimin e universiteteve shqiptare sipas modelit 4.0. Kjo situatë po ndikon dhe në performancën dhe përfitimet nga bashkëpunimi ndërkombëtar e procesi i ndërkombëtarizimit të universiteteve shqiptare.

/m.q/a.f/r.e/

The post Civici: Universitetet 4.0, si po e revolucionarizon teknologjia dhe IA edukimin appeared first on Agjencia Telegrafike Shqiptare.