Meteorologia Tanja Porja në A2 CNN ka paralajmëruar një valë të nxehti ekstrem që do të prekë të gjithë territorin e Shqipërisë, duke nisur nga e hëna e javës së ardhshme, ku në disa zona mund të thyhen edhe rekordet historike të temperaturës.

“Nga dita e dielë dhe deri të premten tjetër termometri maksimal vetëm do të shënoj ngjitje. Mesi i javës tjetër në qarkun e Beratit do t’i afrohet maksimumit historik prej 44 gradë Celcius. Gjasat janë të larta që Berati të thyej rekordin historik të temperaturës më të lartë rreth ditës së mërkurë apo të enjten. Zonat më problematike janë Elbasani dhe Shkodra, por kryesisht qarku i Beratit, i cili do të jetë shumë i nxehtë, të mërkurën të enjten dhe të premten. Pjesa tjetër e Shqipërisë do të jetë me temperatura 35 gradë Celcius e më lartë. Mesdita do të jetë shumë e nxehtë, nga ora 10 deri në 4 pasdite”, parashikoi meteorologia.

Më tej, Porja bëri me dije se do të kemi temperatura nga 33 deri në 35 gradë Celcius edhe në të gjitha zonat malore, përfshirë ato më të thella që zakonisht janë të freskëta.

“Presim 38-41 gradë Celcius në zonat malore verilindore. Kukësi do të ngjitet deri në 39-40 gradë Celcius javën që vjen. Të gjitha qytetet, përfshirë kryeqytetin do të kapërcejnë 40 gradë. Pas datës 25 jemi në kulmin e kësaj vale të nxehti. Javën e ardhshme në zona të caktuara të territorit të vendit termometri do të shënojë 30 gradë Celcius edhe gjatë natës. Era do të jetë të paktën mesatare në brigjet detare, por në pikun e të nxehtit do të jetë disi problematike”, tha Porja.

The post Vala e të nxehtit ekstrem prek Shqipërinë, meteorologia: Temperaturat do të arrijnë në 44°C first appeared on JavaNews.al.

Aktivistja Edlira Çepani ka përkujtuar ditën e sotme 15-vjetorin e martesës me bashkëshortin e saj Gerti Bogdani, i cili u nda papritur nga jeta në moshën 44-vjeçare.

Përmes një postimi në rrjetet sociale, Çepani ka ndarë një foto nga dasma e tyre teksa kujton se si nisi rrugëtimi i tyre të përbashkët.

Edhe pse sot Gerti Bogdani nuk gjendet pranë saj, aktivistja thotë se rrugëtimi i tyre do të vazhdojë përjetë, sepse dashuria mes të dyve nuk njeh kufij mes botëve.

“Rrugëtimi ynë ka pasur kaq shumë bekime, lumturi, sakrifica e kaq shumë dashuri si ato që rrallë gjenden në rruzull.

Rrugëtimi ynë nisi me ne të dy dhe u kurorëzua me Ajrën dhe Reinartin, si frytet e çdo gjëje të bukur që kishim krijuar bashkë! Kemi ecur gjithmonë bashkë për dore, mes vështirësish, dhimbjesh, lumturish dhe suksesesh…

Sot s’të kemi dot në krahun tonë fizikisht, por rrugëtimi ynë do të vazhdojë përjetë, sepse dashuria që krijuam nuk njeh kufij mes botëve.

Ti do të jesh gjithmonë drita në rrugën tonë, Gerti Bogdani!

Gëzuar përvjetorin e 15 viteve martesë, do të të duam gjithë jetën, zemra jonë!”, shkruan aktivistja.

Nga Sam Bloch

Kur indeksi i nxehtësisë arriti 105 gradë Fahrenheit një fundjavë në fund të qershorit, unë dhe fëmija im i vogël ishim në këmbë, duke kërkuar një oazë freskie. E gjetëm atë në hijen e gjerë dhe të zbehtë që hedh një ndërtesë banimi me 26 kate në Lower East Side, në një oborr ku dëgjoheshin tingujt e domino-s që përplaseshin dhe fëmijë me skuterë që lëviznin shpejt përreth paisjeve të lojërave.

Edhe pse New York-u dhe qytete të tjera amerikane kanë nevojë të madhe për hapësira të hijezuara të tilla, krijimi i tyre është shumë i vështirë. Kodi i planifikimit urban shpesh i pengon ndërtime të larta në shumë lagje, ndërsa dizajnerët urbanë thonë se hijet e gjata prej qindra metrash e bëjnë hapësirën e lirë rreth tyre më pak tërheqëse. Por e kundërta është e vërtetë në ditë me nxehtësi ekstreme: hijezimi monolitik i ndërtesave mund të përmirësojë parqet, fushat e lojërave dhe sheshet duke i freskuar.

Meqenëse nxehtësia ekstreme po bëhet më e zakonshme, banorët e qyteteve duhet të heqin paragjykimin kundër errësirës ditore dhe të pranojnë hijet.

Sipas Kelly Turner, profesoreshë e planifikimit urban në Universitetin e Kalifornisë, Los Anxhelos, dhe ish-drejtoreshë e Qendrës për Komunitete të Rezilientë ndaj Nxehtësisë (e cila së fundmi u mbyll), hijeja e çdo lloji mund të ulë barrën e nxehtësisë deri në 30 për qind, duke parandaluar edhe dehidratimin, dhimbjet e kokës dhe sëmundjet e rënda të nxehtësisë. Ndërtesat shumë të larta mund të kapin nxehtësinë dhe të rrisin temperaturën e ajrit, veçanërisht natën – fenomen i njohur si “efekti i ishullit urban të nxehtësisë”. Por Turner thotë se gjatë ditës ngrohja lokale kompenzohet nga hijezimi ftohës.

Megjithatë, është më e vështirë të gjendet hije e krijuar nga ndërtesa dhe struktura të tjera njerëzore. Në qershor, Turner dhe studiues të tjerë nga UCLA publikuan një hartë kombëtare të hijes në mbi 360 qytete amerikane, që tregon se pjesa më e madhe e hijes vjen nga pemët, jo muret e ndërtesave.

Kjo lidhet edhe me pozicionin e diellit. Studiuesit vunë re se vetëm në mbrëmje të hershme, kur dielli perëndon, hijeja gri e ndërtesave rivalizon hijen e pemëve. Fatmirësisht, me kalimin e verës dhe rritjen e temperaturave, hijet bëhen më të gjata gjatë gjithë ditës.

Por mungesa e hijes së ndërtuar është edhe rezultat i qëllimshëm. Për më shumë se një shekull, planifikuesit amerikanë kanë punuar për të ruajtur dritën e diellit në qytete. Që në shekullin e 19-të, reformatorët synonin të krijonin hapësira ajri dhe dritare në ndërtesat e ngushta të New York-ut për të luftuar sëmundje si tuberkulozi. Planifikuesit urban e përdorën këtë për të kontrolluar dendësinë e zonave, duke studiuar hijet për të vërtetuar se ndërtesa të ulëta dhe largime të thella në rrugë ishin të nevojshme për të siguruar dritë të mjaftueshme.

Sot, shmangia e hijes është një parim bazë i dizajnit urban amerikan. Qytete si Boston dhe San Francisco kanë rregulla që ndalojnë ndërtime që heqin dritën nga parqet dhe fushat e lojërave, duke pretenduar se errësira i bën ato më pak të përdorshme. New York-u miratoi kode zonale në vitet 1970 për të nxitur diellin maksimal në sheshe publike. Disa zhvillues duhet të paraqesin studime për hije nëse ndërtesat e tyre mund të përfshijnë hapësira publike të ndjeshme ndaj diellit.

Zbulimi i këtyre hijesh mund të shkaktojë reagime publike. Për shembull, dy kulla të planifikuara në Columbus Circle u ndaluan pas një proteste në 1987, ku u imituan hijet e dimrit që do të hidheshin në Central Park. Në Upper East Side, një kulla 16-katëshe që do të errësonte një park është në pezullim të pakufizuar, dhe një projekt 68-katësh në East Harlem është paditur për shkak se do të shndërronte një fushë futbolli në “fundin e një ashensorit”, sipas një fqinj.

Sigurisht, kur u shkruan këto kode urbanistike, ngrohja globale nuk ishte në fokus. Por së shpejti, qyteti mund të përballet me rreth dy muaj me temperatura mbi 32 gradë Celsius në vit. Nxehtësia do të rritet gjithashtu në pjesë të tjera të vendit. Kjo do të rrezikojë veçanërisht fëmijët, të moshuarit, gratë shtatzëna, personat me sëmundje kronike dhe punonjësit në ambient të jashtëm.

Studimet tregojnë se hijeja ndihmon. Kur temperatura është rreth 35 gradë dhe lagështia 60 për qind, një park i shfrytëzuar nga dielli është i rrezikshëm për të moshuarit e shëndetshëm, thotë një grup ekspertësh ndërkombëtarë të nxehtësisë. Por për ta është krejtësisht e sigurt të ulen në një stol nën hije.

Planifikuesit duhet të përdorin të dhëna të tilla për të treguar sa efektive është hijezimi. Ata kanë nevojë edhe për harta më të mira, si ajo që Turner dhe kolegët e saj nga UCLA krijuan me ndihmën e organizatës American Forests, për të identifikuar ku mungon hijeja dhe ku ka më shumë.

Kjo do të ndihmonte veçanërisht planifikuesit e transportit që duan të zhvendosin shtigjet e biçikletave në rrugë më të freskëta ose të vendosin stacionet e autobusëve në zona më të hijezuara.

Në lagjet ku ndërtesat e larta janë të ndaluara, duhet të mbillen më shumë pemë që të bllokojnë diellin dhe të ftohin ajrin. Pak kush kundërshton hijen e tyre të gjelbër.

Por në plan afatgjatë, publiku duhet të kapërcejë frikën nga hijet më të përhershme. Po, është bezdi kur një kullë e re errëson kopshtin apo pamjen tonë, por nëse mësojmë të shohim çfarë sjell hijezimi për qytetin, jo vetëm çfarë merr, mund të pranojmë hijet si një formë të freskimit urban.

Në fakt, kjo dinamike po zhvillohet tani pranë kompleksit Lands End II, ku unë dhe djali im gjetëm oazën e freskisë — në formën e katër kullave të reja prej 62 deri 80 kate, që do të mbulojnë kullat më të vjetra. Nuk është e vështirë të imagjinosh se si këto ndërtime do të nxisin rritje çmimesh dhe do të zhvendosin banorët afatgjatë. Disa kanë bërë padi të shumta për t’i ndalur. Por në një pasdite të nxehtë vere, ndërsa kaloj pranë fushave bosh të basketbollit dhe hendbollit, dhe toboganeve të braktisura, mund të imagjinoj se hijet e gjera të tyre mund të jenë një përmirësim.

*Sam Bloch është gazetar në New York dhe autor i librit të ardhshëm “Hijja: Premtimi i një Burimi të Harruar Natyror.”

Burimi: The New York Times/ Përgatiti: L.Veizi

Një histori rrëqethëse është bërë publike këtë të premte në emisionin “Me Zemër të Hapur” në News24, ku një 24-vjeçare shtatzënë në muajin e shtatë ka treguar mes lotësh realitetin dramatik që po përjeton. E reja rrëfeu se ishte martuar në moshën 16-vjeçare për vetëm 700 mijë lekë të vjetra dhe sot jeton në kushte […]

The post 24-vjeçarja shtatzënë: Më martuan që 16 vjeçe për 70 mijë lekë, tani dal çdo ditë rrugëve për lë lypur appeared first on BoldNews.al.

Në kuadër të zbatimit të marrëveshjes për sigurimet shoqërore ndërmjet Shqipërisë dhe Italisë, e cila hyri në fuqi më 1 korrik 2025, u nënshkrua sot Marrëveshja Teknike për shkëmbimin elektronik të formularëve zbatues.

Dokumenti u firmos nga Drejtori i Përgjithshëm i ISSH, z. Astrit Hado, dhe Drejtoresha e Përgjithshme e INPS, znj. Valeria Vittimberga, gjatë një takimi zyrtar ndërmjet delegacioneve teknike të të dy vendeve.

Për herë të parë, formularët do të shkëmbehen në mënyrë elektronike, duke reduktuar ndjeshëm kohën e transmetimit të dokumentacionit dhe duke përshpejtuar përfitimin e të drejtave për qytetarët që kanë kontribuar në të dy vendet.

Ky hap konsiderohet një përparim i rëndësishëm në drejtim të lehtësimit të procedurave administrative dhe garantimit të të drejtave të kontribuesve në Shqipëri dhe Itali.

Kujtojmë se nga 1 korriku 2025 kanë hyrë në fuqi dispozitat e Marrëveshjes dypalëshe për sigurimet shoqërore ndërmjet Republikës Italiane dhe Republikës së Shqipërisë, së bashku me Rregullimin Administrativ përkatës.

Vendimi është bërë zyrtar me publikimin e Vendimit Nr. 2211, datë 10 korrik 2025.

Ky zhvillim vjen pas nënshkrimit të marrëveshjes më 6 shkurt 2024 në Romë dhe ratifikimit të saj me Ligjin Nr. 29 të datës 11 mars 2025.

Marrëveshja përfaqëson një hap të rëndësishëm përpara në garantimin e të drejtave të punëtorëve dhe pensionistëve në të dy vendet, duke sjellë një kuadër të ri bashkëpunimi për trajtimin e pensioneve ndërkufitare.

The post Shkëmbim më i shpejtë dhe efikas, ISSH dhe INPS nënshkruajnë marrëveshje teknike first appeared on JavaNews.al.

TIRANË, 18 korrik/ATSH/ Shkolla e re 9-vjeçare “Angela Merkel” në Kamzë hap dyert në shtator për të pritur mbi 1 300 nxënës me standardet europiane tanimë të afirmuara si standarde në shumicën dërrmuese të shkollave të kësaj bashkie.

Kryeministri Edi Rama përcolli mëngjesin e sotëm në rrjetet sociale pamje nga kjo shkollë duke shtuar se standardet europiane të saj tashmë janë vendosur edhe për rreth 400 shkolla të reja që janë ndërtuar në mbarë vendin.

Infrastrukturat arsimore të transformuara sipas modeleve më të mira të shkollave europiane, janë realitet prej vitesh tashmë në qytetet e vendit, ku procesi po vijon me investime të reja që aktualisht ndodhen në faza të ndryshme zhvillimi.

Shkolla e re do të mirëpresë 1300 nxënës me 38 klasa komode, 10 laboratorë, bibliotekë, terrene sportive e hapësira rekreative, e konceptuar që të shërbejë edhe si një pikë sociale për komunitetin.

Shkolla ndodhet 800 metra nga qendra e qytetit dhe është e formuar nga 5 nivele të ndryshme, një nën tokë dhe 4 mbi tokë, ndërsa në 60 metra në distancë nga shkolla, është vendosur një mbikalim për këmbësorët për kalimin e sigurt të nxënësve.

Shkolla e re i shtohet zinxhirit të 18 shkollave të rindërtuara dhe rehabilituara në këtë bashki, me standarde evropiane, duke zgjeruar kapacitetet për komunitetin e Kamzës dhe zonave përreth.

The post Rama: Standardet europiane tanimë në shumicën e shkollave të Kamzës appeared first on Agjencia Telegrafike Shqiptare.

Lauren Haughey, gazetare e “Mirror”, e përshkruan Shqipërinë si “vendin më të habitshëm ku kemi qenë ndonjëherë”, në një artikull që vlerëson bukuritë natyrore dhe autenticitetin e vendit tonë.

Ajo e cilëson vendin si një “xhevahir të nënvlerësuar”, një komb i veçantë, që ofron më shumë sesa thjesht plazhe marramendëse, male të egra dhe qytete të paharrueshme.

Në shkrimin e saj, Haughey sugjeron që Shqipëria është një destinacion që duhet zbuluar urgjentisht, përpara se të mbipopullohet nga turistët, duke vlerësuar mikpritjen, kuzhinën dhe historinë e pasur të vendit.

“Perla evropiane krenohet me plazhet mahnitëse, malet, qytetet historike dhe trashëgiminë kulturore”, shkruhet në të përditshmen britanike

Një eksperte udhëtimesh, Jordynn, e cila ndan aventurat e saj në TikTok, e ka rekomanduar Shqipërinë si një vend të veçantë.

Duke i rekomanduar të gjithë ndjekësve që të vizitojnë Shqipërinë, Jordynn shkruan: ” Qëndrova 2 javë në Shqipëri dhe mund të kisha qëndruar lehtësisht një muaj të tërë.”

Sipas saj, perla e fshehur është një parajsë edhe për turistët me një buxhet të kufizuar, falë çmimeve të përballueshme për ushqim dhe akomodim.

“Qytetet e vjetra me kalldrëm dhe vendet e Trashëgimisë Botërore të UNESCO-s… Këto nuk janë Filipinet, kjo nuk është Zvicra, nuk është Greqia, kjo nuk është Italia, as Tajlanda! Nuk është as Portugalia! Kjo është Shqipëria”, tha ajo në një postim në TikTok.

“Ky vend na habiti vërtetë. Shqipëria ndodhet midis Greqisë dhe Malit të Zi dhe ju ofron një përvojë kaq të larmishme.. mes maleve, detit të kristaltë dhe të qetë dhe plazheve të mrekullueshme në jug, kulturës dhe historisë së pasur në qytet, qyteteve të vjetra me kalldrëm dhe vendeve të Trashëgimisë Botërore të UNESCO-s – me çmime të përballueshme”, tha ekspertja.

“Shqipëria i ka vërtet të gjitha. Mund të vizitoni shumë vende: Shkodrën, Valbonën, Thethin, Tiranën, Beratin, Gjirokastrën, Sarandën, Himarën, çdo vend ofron diçka të ndryshme. Qëndrova dy javë në Shqipëri dhe mund të kisha qëndruar lehtësisht një muaj të plotë”, tha ajo.

Edhe pse kaloi vetëm një javë në Shqipëri, Jordynn ndjeu se mund ta kishte zgjatur me kënaqësi qëndrimin e saj në një muaj të plotë, duke pasur parasysh shumëllojshmërinë e përvojave që ofron ky vend evropian.

“Për adhuruesit e plazhit dhe ushqimeve të detit, qyteti bregdetar i Sarandës është gjithashtu një vend që duhet vizituar me patjetër. Dhe një orë me makinë nga Saranda do t’ju çontenë Gjirokastër – një vend si asnjë tjetër që është listuar si Vend i Trashëgimisë Botërore të UNESCO-s. Byreku është padyshim një nga gatimet më të famshme të Shqipërisë, i cili shpesh mund të blihet në dyqanet lokale. Turistët që pëlqejnë ëmbëlsirat mund të tundohen gjithashtu nga bakllavaja e famshme e vendit – një tjetër ushqim i shijshëm me arra e zhytur në shërbet“, shkruhet në artikull.

The post Mirror: Shqipëria një perlë evropiane, me qytete me kalldrëm dhe plazhe mahnitëse first appeared on JavaNews.al.

Këtë të premte, në Shqipëri vijon depërtimi i masave ajrore të nxehta nga Afrika drejt rajonit të Ballkanit, duke sjellë edhe në vendin tonë mot të kthjellët dhe temperatura të larta.

Herë pas here, priten vranësira të lehta dhe kalimtare në zonat Verilindore dhe Juglindore të Shqipërisë.

Parashikohet që pasditja dhe nata, të mbeten të kthjellëta dhe të nxehta në të gjithë territorin e vendit.

Temperaturat e ajrit do të rriten në të dy vlerat ekstremale ditore, duke u luhatur nga 9°C vlera më e ulët në Verilindje të vendit, deri në 39°C pritet vlera maksimale në qarkun e Elbasanit.

Era do të fryjë e lehtë dhe mesatare me shpejtësi maksimale mbi 35 km/h nga drejtimi kryesisht verior, duke krijuar në brigjet detare dallgëzim 2 ballë.

The post Parashikimi i motit për ditën e sotme, sa do të shkojnë temperaturat first appeared on JavaNews.al.

TIRANË, 17 korrik/ATSH/ Ministrja e Arsimit dhe Sportit, Ogerta Manastirliu, bëri të ditur sot se gjimnazi “Dhaskal Todhri” në Elbasan do t’i nënshtrohet së shpejti një rikonstruksioni të plotë, duke sjellë standarde më të mira infrastrukturore për nxënësit dhe mësuesit.

Gjatë një takimi me mësuesit e kësaj shkolle, Manastirliu theksoi se investimi në arsimin cilësor mbetet prioritet, ndërsa nënvizoi se janë duke u ndërmarrë hapa të rëndësishëm për të përmirësuar cilësinë e mësimdhënies dhe për të mbështetur më tej mësuesit.

“Me mësuesit e shkollës ‘Dhaskal Todhri’ në Elbasan ndamë lajmin e mirë se ky gjimnaz shumë shpejt do t’i nënshtrohet rikonstruksionit të plotë, ndërsa diskutuam për hapat që po hedhim për të rritur cilësinë e mësimdhënies dhe për të mbështetur më shumë mësuesit tanë, që janë shtylla e sistemit arsimor”, shkruan ministrja Manastirliu në një postim në rrjetet sociale, teksa ndau pamje dhe të projektit për rikonstruksionin e gjimnazit “Dhaskal Todhri”.

Ky investim vjen si pjesë e programit të qeverisë për përmirësimin e infrastrukturës shkollore dhe krijimin e kushteve më të mira për zhvillimin e procesit mësimor.

1 nga 5

/a.f//r.e/

The post Manastirliu: Gjimnazi “Dhaskal Todhri” do t’i nënshtrohet rikonstruksionit të plotë appeared first on Agjencia Telegrafike Shqiptare.

Në portin e Durrësit ka mbërritur veliera “Mircea”, anija shkollë e Marinës Rumune, një prej simboleve më të njohura të traditës dhe formimit detar në Rumani.

E ndërtuar në vitin 1938 në kantierin gjerman Blohm & Voss, kjo velierë elegante me tre direkë ka shërbyer prej më shumë se 85 vitesh si anije stërvitore për kadetët e Akademisë Detare Rumune. Emri i saj vjen nga princi i njohur i Vllahisë, Mircea cel Bătrân, dhe që prej vitit 1939 vazhdon të përfaqësojë krenarinë detare të vendit.

Gjatë dekadave, “Mircea” ka udhëtuar në shumë dete, duke marrë pjesë në misione stërvitore dhe ngjarje ndërkombëtare, përfshirë festivalin “OPSAIL 1976”, i mbajtur për 200-vjetorin e Pavarësisë së SHBA-së.

Veliera, me një gjatësi prej mbi 82 metrash dhe direkë që arrijnë deri në 44 metra, mirëpret në bord 135 kadetë dhe një ekuipazh prej 89 profesionistësh. Pas rikonstruksionit në vitin 2002, ajo ka ruajtur hijeshinë klasike, duke u pajisur edhe me teknologji moderne, duke u renditur ndër anijet më të mira të klasit të saj në botë.

“Mircea” është pjesë e një familjeje anijesh stërvitore të ndërtuara sipas të njëjtit model, me “motra” të njohura në SHBA, Gjermani, Ukrainë dhe Portugali, por mbetet një nga më të dashurat për brezat e marinarëve rumunë.

The post Simbol i traditës rumune, mbërrin në portin e Durrësit veliera “Mircea” first appeared on JavaNews.al.

TIRANË, 17 korrik/ATSH/ U zhvillua sot në bashkinë e Korçës një takim me Komitetin për Zhvillimin Turistik, përfaqësues të bizneseve dhe aktorë të tjerë lokalë, ku në qendër ishte analiza e potencialeve të turizmit dhe forcimi i rolit të tij në ekonominë e këtij qyteti.

Ky takim u ndërtua si një proces bashkëpunues dhe gjithëpërfshirës, me qëllim prezantimin e ecurisë së deritanishme të zhvillimit turistik në Korçë.

Gjatë takimit u diskutua hapur mbi sfidat dhe mundësitë e sektorit, u analizuan në thellësi drejtimet strategjike përmes metodologjisë SWOT. Një tjetër qëllim i takimit ishte hartimi i një plani konkret veprimi për një turizëm të qëndrueshëm.

Pjesëmarrësit vunë theksin tek një angazhim i përbashkët për të çuar përpara zhvillimin ekonomik të Korçës, nëpërmjet një turizmi cilësor, gjithëvjetor dhe të bazuar në identitetin unik kulturor, natyror dhe historik të Korçës.

Bashkia Korçë bëri të ditur se do të vazhdojë të jetë krah komunitetit dhe sektorit privat, në çdo hap të këtij procesi. /j.p/

1 nga 15

The post Korçë, bashkia në krah të sektorit privat për turizëm cilësor dhe gjithëvjetor appeared first on Agjencia Telegrafike Shqiptare.

TIRANË, 17 korrik /ATSH/ Çdo qytetar ka të drejtën për akses të barabartë në drejtësi, pavarësisht gjendjes ekonomike, sepse drejtësia është një e drejtë, jo një privilegj.

Prezenca e OSBE në Shqipëri, në vijim të nismës për fuqizimin e bashkëpunimit ndërmjet Drejtorisë së Ndihmës Juridike Falas dhe pushtetit vendor, këtë javë, zhvilloi takime informuese dhe bashkëpunuese në bashkitë Fushë-Arrëz, Malësi e Madhe dhe Vau i Dejës.

Këto takime shërbyen për të ndërtuar ura bashkëpunimi, jo vetëm me përfaqësues vendorë, por edhe me organizata të shoqërisë civile që veprojnë në fushën e të drejtave të njeriut dhe mbështesin qytetarët për të pasur akses më të mirë në sistemin e drejtësisë.

“Përmes bashkëbisedimeve me qytetarët në terren dhe me përfshirjen në media lokale, përhapëm më gjerësisht informacionin mbi të drejtën për ndihmë juridike falas për ata që kanë më shumë nevojë”, theksoi Prezenca e OSBE në një postim në rrjetet sociale.

Sipas prezencës së OSBE, kjo qasje gjithëpërfshirëse synon të forcojë ndërgjegjësimin dhe të sigurojë që askush të mos mbetet pa zë për shkak të pamundësisë ekonomike.

1 nga 19

/gj.m/j.p/

The post Prezenca e OSBE, takime informuese në disa bashki për ndihmën juridike falas appeared first on Agjencia Telegrafike Shqiptare.

TIRANË, 17 korrik/ATSH/ Ministrja e Arsimit dhe Sportit, Ogerta Manastirliu ka inspektuar punimet në kantierin e rikonstruksionit të shkollës 9-vjeçare “Jonuz Çarçiu” në fshatin Tregan të Elbasanit, një tjetër investim i rëndësishëm për të garantuar kushte bashkëkohore për nxënësit dhe mësuesit në zonat rurale.

Punimet po shkojnë drejt përfundimit dhe shkolla pritet të hapë dyert në fillim të vitit të ri shkollor 2025-2026, duke u shndërruar në një kompleks arsimor me ambiente moderne, laboratorë, palestër, terrene sportive dhe një kopsht për fëmijët.

Ministrja Manastirliu, duke ndalur në rëndësinë e këtij investimi për komunitetin e Treganit, u shpreh se “investimet që ne kemi bërë vit pas viti tashmë janë duke u finalizuar dhe po hapim kantiere të reja në infrastrukturën arsimore në të gjithë vendin. Këtu në Elbasan në Njësinë Administrative Tregan kemi një shkollë të re, shkolla ‘Jonuz Çarçiu’, një shkollë e cila do të mirëpresë rreth 200 fëmijë, duke përfshirë këtu një kompleks arsimor, pasi do të kemi edhe kopshtin për fëmijët dhe gjithashtu edhe shkollën me ambiente tërësisht të reja”.

Objekti është ndërtuar nga e para me standardet më të larta dhe përfshin edhe palestër të brendshme, ambientet ndihmëse dhe oborrin e transformuar për zhvillimin e aktiviteteve sportive, sociale dhe artistike.

“Shkolla është ndërtuar e re me standarde më të mira, e cila do të ketë jo vetëm klasat, laboratorët, por gjithashtu edhe palestrën dhe ambientet sportive dhe oborrin e shkollës në funksion të programeve të cilat ne tashmë i kemi në shkollat tona, sikurse është dhe programi Art dhe Zeje, sikurse është edhe shkolla Qendër Komunitare, që jo vetëm gjatë procesit mësimor, por edhe pasditeve nxënësit të vijnë në mjediset e shkollës për të vijuar procesin edukativ, por edhe atë argëtues, sportiv dhe rekreativ”, tha Manastirliu.

Ministrja Manastirliu vuri në dukje se investimet në arsim janë të lidhura drejtpërdrejt me cilësinë e mësimdhënies dhe përmirësimin e kushteve për mësuesit dhe nxënësit.

“Për ne investimi në infrastrukturën arsimore është thelbësor për cilësinë në arsim, për krijimin e kushteve më të mira të punës dhe gjithashtu për të arritur ato standarde që ne duam. Po investojmë edhe në shtatë shkolla, jo vetëm në Bashkinë e Elbasanit, por edhe në Bashkinë e Librazhdit, në Cërrik, në Belsh, në Prrenjas, për të realizuar pikërisht atë plan që ne po e zhvillojmë vit pas viti, që lidhet pikërisht me një arsim cilësor me standarde bashkëkohore për t’ju siguruar nxënësve tanë një arsim cilësor”, tha Manastirliu.

/k.s/j.p/

The post Manastirliu në shkollën “Jonuz Çarçiu” në Elbasan: Standard i njëjtë i shkollave të reja në çdo cep të vendit appeared first on Agjencia Telegrafike Shqiptare.

Në një video të shpërndarë gjerësisht në Facebook, gazetari i njohur Blendi Fevziu shfaqet në studion e tij televizive të emisionit “Opinion” në TV Klan duke raportuar mbi një sulm fizik ndaj doktor Skënder Bratajt, që pretendohet se është kryer nga “mafia farmaceutike”, pasi ky i fundit kishte shpërndarë një video ku fliste për efektet […]

The post Manipulimi në epokën digjitale: Shpërndarja e videove të rreme me IA në rrjet appeared first on Reporter.al.

Moti për ditën e sotme parashikohet kryesisht me kthjellime dhe vranësira të përqendruara në veri të vendit dhe përgjatë zonave malore.

Gjatë mesditës dhe deri në orët e vona të mbrëmjes, në zonat veriore dhe ato malore priten reshje të herëpashershme shiu, kryesisht me intensitet të ulët.

Në periudha të shkurtra, veçanërisht në zonën e Alpeve dhe lokalisht në verilindje, reshjet mund të shoqërohen me shtrëngata dhe shkarkesa elektrike.

Era do të fryjë nga verilindja në veriperëndim me një shpejtësi mesatare prej 5 m/s, ndërsa përgjatë vijës bregdetare dhe në zonat luginore do të arrijë deri në 9 m/s.

Valëzimi në det parashikohet i lehtë, me forcë 2-3 ballë.

Temperaturat do të luhaten nga minimumi 18°C deri në maksimumin 36°C.

The post Moti sot: Priten reshje shiu në disa zona, temperaturat deri në 36°C first appeared on JavaNews.al.

TIRANË, 16 korrik /ATSH/ Rreth 50 përfaqësues nga bashkitë, forcat e rendit, sistemi i drejtësisë, shërbimet sociale dhe shoqëria civile nga Kukësi dhe Dragashi u mblodhën sot në Kukës, për të forcuar bashkëpunimin në adresimin e dhunës në familje dhe dhunës me bazë gjinore.

Veprimtaria, e organizuar nga Prezenca e OSBE-së në Shqipëri dhe Misioni i OSBE-së në Kosovë, pason një takim të mëparshëm të mbajtur në dhjetor 2024 në Prizren, i cili shërbeu si një platformë për shkëmbimin e informacionit, përvojave dhe praktikave më të mira në trajtimin e rasteve të dhunës në familje.

Qëllimi i takimit të dytë ishte krijimi i një mekanizmi ndërkomunal për përmirësimin e parandalimit dhe të reagimit.

Përfundimi kryesor i veprimtarisë ishte nevoja për të formalizuar bashkëpunimin dhe për të hartuar një manual apo protokoll për adresimin e dhunës në familje dhe asaj me bazë gjinore ndërmjet juridiksioneve.

Fjalët përshëndetëse në hapje u mbajtën nga Kryetari i Prezencës së OSBE-së në Shqipëri, ambasadori Michel Tarran, kryetari i Misionit të OSBE-së në Shkup, ambasadori Kilan Wahl, prefekti i Kukësit, Dritan Baji, kryetari i komunës së Dragashit, Bexhet Xheladini dhe përfaqësuesja e Ministrisë së Shëndetësisë dhe Mbrojtjes Sociale të Shqipërisë, Edvina Murati.

Temat kryesore të agjendës përfshinin rolin e drejtësisë dhe të mbrojtjes sociale në luftën kundër dhunës në familje, sfidat në trajtimin e rasteve dhe strategjitë për forcimin e përgjigjes ndërjuridiksionale.

Koordinatorë nga Kukësi dhe Dragashi ndanë përvojat vendore, ndërsa misionet e OSBE-së theksuan rëndësinë e kornizave bashkëpunuese ndërmjet bashkive dhe përtej kufijve.

Me mbështetjen e Misionit të OSBE-së në Shkup, kjo nismë synon të shndërrohet në një platformë rajonale më të gjerë për veprim të përbashkët kundër dhunës në familje dhe dhunës me bazë gjinore. Ambasador Wahl ftoi që takimi i radhës të mbahet në Maqedoninë e Veriut.

1 nga 34

/gj.m//r.e//a.f/

The post OSBE nxit bashkëpunimin mes bashkive kundër dhunës në familje dhe asaj me bazë gjinore appeared first on Agjencia Telegrafike Shqiptare.

TIRANË, 16 korrik/ATSH/ Ministria e Arsimit dhe Sportit vijon punën për modernizimin e kurrikulës së lëndëve bazë.

Gjatë një takimi të ministres së Arsimit dhe Sportit, Ogerta Manastirliu me ekspertë dhe pedagogë u diskutua në lidhje me punën që po bëhet në këtë drejtim.

“Diskutuam për përditësimin e programeve lëndore, për t’i përshtatur me zhvillimet e kohës dhe sfidat e shekullit XXI, me synim rritjen e aftësive dhe kompetencave të nxënësve, që nga arsimi bazë”, tha Manastirliu.

Kurrikula e re e lëndëve bazë ka si synim modernizimin e disa komponentëve të rëndësishëm që lidhen qoftë me programet lëndore të gjuhës shqipe, programet lëndore të matematikës dhe të lëndëve të tjera, sikurse është teknologjia dhe informacioni.

Më herët, Manastirliu është shprehur se “pas një dekade, duke vlerësuar standardet europiane dhe kërkesat e reja, kemi konsideruar të domosdoshme përmirësimin e Kornizës Kurrikulare, për të reflektuar kompetenca të reja dhe për të adresuar ndryshimet që kërkon sistemi arsimor”.

Korniza e re Kurrikulare është një hap vendimtar drejt transformimit të arsimit në Shqipëri, me fokus te kompetencat digjitale të nxënësve, integrimi i teknologjisë në mësimdhënie, edukimin mediatik, si dhe në edukimin kulturor dhe identitetin kombëtar.

1 nga 6

/k.s//r.e/

The post Manastirliu: Modernizimi i kurrikulës mësimore me fokus te kompetencat digjitale të nxënësve appeared first on Agjencia Telegrafike Shqiptare.

TIRANË, 16 korrik/ATSH/ Ministri i Shtetit për Pushtetin Vendor, Arbjan Mazniku zhvilloi sot një vizitë në sportelet e bashkisë Elbasan, ku ofrohet asistencë për përdorimin e portalit e-Albania.

I shoqëruar nga kryetari i bashkisë, Gledian Llatja, ministri Mazniku u njoh nga afër me funksionimin e këtyre zyrave dhe bashkëbisedoi me qytetarë dhe stafin.

Kryebashkiaku Llatja theksoi se bashkia Elbasan ka një rrjet prej 19 zyrash të shpërndara në të gjithë territorin për të ndihmuar qytetarët me aplikimet online.

“Kemi kohë që ofrojmë në bashkinë e Elbasanit asistencë për përdorimin e portalit e-Albania. Ky shërbim ofrohet falas, në çdo njësi administrative, me qëllim që qytetarët të mos udhëtojnë deri në qytet. Krahas këtij shërbimi, kemi vënë në funksion edhe sportelet ‘One Stop Shop’, ku ofrohen të gjitha shërbimet e bashkisë në një pikë të vetme. U bëj thirrje qytetarëve të mos përdorin shërbimet me pagesë, pasi ne e ofrojmë këtë ndihmë pa kosto dhe me profesionalizëm”, theksoi Llatja.

Mazniku vlerësoi modelin e ofruar nga bashkia Elbasan, duke pohuar se “portali e-Albania u ka dhënë qytetarëve mundësinë të aksesojnë shërbimet publike online, por për shumë prej tyre, sidomos të moshuarit apo ata që nuk kanë njohuri teknologjike, asistenca është thelbësore”.

“Është shumë e rëndësishme që në çdo njësi administrative të bashkisë Elbasan ofrohet ndihmë falas nga stafi i bashkisë, pa qenë nevoja të përdorin shërbime private. Ky është një shembull i mirë se si pushteti vendor vjen realisht në ndihmë të qytetarit”, tha Mazniku.

Ky model i shërbimeve publike digjitale pa pagesë, i shtrirë në gjithë territorin e bashkisë, synon të rrisë aksesin, barazinë dhe përfshirjen digjitale të qytetarëve të Elbasanit.

1 nga 4

/k.s//r.e//a.f/

The post Mazniku – Llatja: Asistencë falas për e-Albania në çdo cep të bashkisë Elbasan appeared first on Agjencia Telegrafike Shqiptare.

TIRANË, 16 korrik/ATSH/ Universiteti i Tiranës dhe ai Mjekësisë nënshkruan një marrëveshje bashkëpunimi me Universitetin Ndërkombëtar Evropian në Kiev, Ukrainë.

Marrëveshja u firmos nga rektori i UT-së prof. dr. Artan Hoxha, Rektori i Universitetit të Mjekësisë, prof. dr. Xheladin Draçini dhe presidentja e Universitetit Ndërkombëtar Evropian në Kiev, Alla Navolokina.

Ky bashkëpunim synon kërkime të përbashkëta shkencore, shkëmbime akademikësh, studentësh dhe programesh studimi.

Gjithashtu pjesë e marrëveshjes është edhe organizimi i simpoziumeve, konferencave dhe leksioneve të përbashkëta si dhe krijimi i programeve të përbashkëta studimore dhe diplomave të përbashkëta.

Palët angazhohen të zhvillojnë veprimtari në fusha me interes të përbashkët, në përputhje me marrëveshjet që do të formalizohen nga institucionet përkatëse.

Rektori i UT-së, prof. dr. Artan Hoxha vlerësoi këtë marrëveshje si një hap të parë për mundësinë e shkëmbimit të studentëve mes dy universiteteve dhe mes dy vendeve.

Kjo marrëveshje merr një vlerë të shtuar, për shkak të kushteve që po kalon Ukraina si pasojë e luftës me Rusinë.

Gjithashtu edhe Navolokina vlerësoi marrëveshjen si një mundësi të shkëlqyer për ti hapur rrugë shkëmbimit të kërkimit shkencor, stafeve akademike dhe mbi të gjitha studentëve, mes universiteteve në Ukrainë dhe universiteteve shqiptare, si UT dhe Universiteti i Mjekësisë.

UT është në një proces të vazhdueshëm ndërkombëtarizimi dhe po shton nga viti në vit programet në gjuhët e huaja, për të mundësuar ndjekjen e studimeve edhe nga studentë të huaj.

1 nga 4

/k.s//r.e//a.f/

The post Kërkime shkencore dhe diploma të përbashkëta me Universitetin Evropian të Ukrainës appeared first on Agjencia Telegrafike Shqiptare.

The post ”Forbes”: Pse duhet ta planifikoni Shqipërinë për pushimet tuaja? first appeared on JavaNews.al.