Gjermania ka konfirmuar se do të furnizojë Ukrainën me sisteme të reja armësh me rreze të gjatë veprimi, të cilat do t’i mundësojnë Kievit të godasë objektiva strategjike shumë larg vijës së frontit, brenda territorit të Rusisë.

Sipas Gjeneralit të Bundeswehrit, Christian Freuding, i cili udhëheq grupin mbështetës të Ministrisë Gjermane të Mbrojtjes për Ukrainën, dërgesat e para pritet të shkojnë deri në fund të këtij muaji.

“Ky është një hap i rëndësishëm në rritjen e kapaciteteve ushtarake të Ukrainës. Këto sisteme do të përmirësojnë ndjeshëm mbrojtjen ajrore dhe aftësinë për të kryer goditje të synuara në thellësi të territoreve të kontrolluara nga Rusia,” tha Freuding për mediat gjermane.

Vendimi i Berlinit për të lejuar përdorimin e armëve të saj për goditje në territorin rus vjen pas kërkesave të përsëritura të autoriteteve ukrainase, të cilat kanë argumentuar se pa mundësinë për të goditur thellë brenda Rusisë, është e vështirë të ndalohet përparimi i ushtrisë ruse dhe të mbrohen qytetet ukrainase nga sulmet me raketa dhe dronë.

Ky zhvillim përfaqëson një ndryshim të rëndësishëm në politikën e Gjermanisë, e cila deri më tani ka qenë më e kujdesshme në lidhje me dërgesat e armëve që mund të përshkallëzojnë konfliktin. Megjithatë, në kushtet e ofensivave të vazhdueshme ruse dhe pas dështimit të disa iniciativave diplomatike, Berlini ka vendosur të rrisë nivelin e mbështetjes ushtarake për Ukrainën.

Zyrtarët gjermanë theksojnë se përdorimi i këtyre armëve do të jetë i koordinuar me aleatët ndërkombëtarë dhe në përputhje me ligjin ndërkombëtar. Gjenerali Freuding ka shtuar se objektivi kryesor mbetet ndihma për mbrojtjen e sovranitetit dhe integritetit territorial të Ukrainës.

Me dërgesat e reja, Ukraina do të ketë në dispozicion mjete më të fuqishme për të kundërshtuar agresionin rus dhe për të forcuar pozitat e saj në fushën e betejës në muajt e ardhshëm.

DURRËS- Ka ndërruar jetë ish-ambasadori gjerman në Shqipëri, Werner Daum.

Ai ishte për një vizitë në Shqipëri, ndërsa u gjet i pajetë në një hotel në Durrës.

Dy ditë më parë ish-kryediplomati gjerman në Shqipërisë ishte me kryetarin e PD Sali Berishën, në Kavajë ku iu akordua certifikata e mirënjohjes nga Bashkia.

Ish-kryediplomati gjerman u nda nga jeta në moshën 82 vjeçare./abcnews.al

TIRANË– “Një drer i veçantë ka lindur dy javë më parë në Kopshtin Zoologjik në Tiranë. Lindja e një dreri të tillë është një fenomen i rrallë natyror”

Kafsha e vogël që gjendet mes drerëve të tjerë ka një gëzof të errët, që e dallon nga të zakonshmit me ngjyrën e kuqërremtë, duke e bërë atë unike.

“Është fenomen i rrallë sepse tek specia e drerit ‘dama dama’ nuk është normale kjo ngjyrë. Është për shkak të një mutacioni gjenetik që quhet melanizëm. Fenotipi i errët mbizotëron në të tjerat”

Dreri i zi njihet si i tillë në emërtimin popullor, për shkak të pigmentit të errët që e bën atë të duket pothuajse i zi, shumë ndryshe nga ngjyra natyrale e kësaj kafshe.

” Zakonisht qëndron në këtë ngjyrë, është një kafe me nuancë shumë të erret, mund të hapet pak, por jo ndonjë diferencë shumë e madhe, përkundrejt besimit të njerëzve që e krahasojnë dhe dhitë nuk është e njëjta gjë. Nuk po themi që qëndron tani i zi që t’i ngjajë të ëmës më vonë.

Sipas veterinerit të Kopshtit Zoologjik një fenomen i tillë në Shqipëri nuk ka ndodhur të paktën në dekadat e fundit.

” Ka pasur lindje çdo vit dhe është hera e parë në 25 vitet e fundit që lind një drer me këtë nuancë të errët. Ndodh një në 100 mijë drerë”

Që nga lindja e tij, dreri i vogël është kthyer tashmë në kafshën më tërheqëse të Kopshtit Zoologjik. Vizitorët mund të shohin nga afër një fenomen që nuk ndeshet shpesh në natyrë, si një dëshmi e bukurisë e njëkohësisht misterit të botës së egër.

“Është një gjë nuk është parë më përpara. Nuk është diçka që ne e tentuam ta bëjmë, por ka ndodhur. Ne e dinim që kishim një barsmëri në tre drerë dhe e dinim që do kishim të vegjël. Më parë nuk kishim kaq shumë vizitorë që fiksoheshin për minuta të tëra para drerëve, tani kjo ndodh. Do tërheqë edhe më shumë kur të rritet sepse do bëhet akoma më i bukur”

Drerët e Kopshtit Zoologjik të Tiranës, të njohur si “lopatar dama dama” nuk janë shumë të përhapur në natyrën e egër të Shqipërisë.

“Ka në natyrë të egër në zonën e Fierit dhe Myzeqesë, por më së shumti është specie që i përket natyrës së gadishullit Apenin dhe gadishullit Iberik. Ne në Shqipëri, kemi më shumë kaprollin, që është pak më i vogël. Ai po që është i errët. Ekziston edhe ky dyshimi në publik që mund të ishte një kryqëzim midis dy specieve, por kjo është e pamundur, pasi nuk arrin të krijohet barsmëria. Pra dukuria që shihni është falë një mutacioni gjenetik që normalisht është normale të ndodhë me kombinime të ndryshme”

Në kopshtin Zoologjik të Tiranës aktualisht ndodhen 11 drerë.

“Kemi menduar të bëjmë një reduktim të meshkujve që të kemi një riprodhim më të kontrolluar. Por për momentin hapësira që kemi është e mjaftueshme për këta drerë, apo edhe dyfishin e tyre.”

Mesatarisht një drer në natyrë ka një jetëgjatësi jo më shumë se 10 vite, ndërsa në kushtet e mbajtjes në një Kopsht Zoologjik i kalon 15 vitet./abcnews.al

TIRANË- Gjykata e Posaçme la në fuqi masat e arrestit në burg për 7 personat e arrestuar në kuadër një operacioni për goditjen e një grupi të strukturuar kriminal të trafikimit të tonaletave me kokainë, nga vendet e Amerikës Latine drejt vendeve të Bashkimit Europian.

Ndërkohë personi i tetë pritet të dalë para gjykatës së Tiranës, për shkak se nuk ka qenë pjesë e procedimit penal, dhe është arrestuar gjatë operacionit në kushtet e flagrancës pasi dispononte armë pa leje.

Mes të dyshuarve është edhe ish-drejtuesi i policisë Erjon Dani, që akuzohet se ka nxjerrë të dhëna nga sistemi TIMS duke ua vënë në dispozicion anëtarëve të grupit kriminal.

Sipas SPAK, këta shtetas janë përgjegjës për trafikimin e rreth 3.8 tonë kokainë, ndërsa janë të dyshuar edhe për disa raste të korrupsionit të zyrtarëve të drejtësisë.

Burime pranë organit hetues konfirmuan se dy nga 5 personat e shpallur në kërkim ka të dhëna që ndodhen në Dubai dhe 3 të tjerë në vendet e Bashkimit Europian, nga të cilët janë edhe disa nga personat e dyshuar si organizatorë.

Përkatësisht arrest në burg është caktuar për:

-Arjan Gjata
-Vilson Roçi
-Musa Gjikola
-Akil Alushi
-Jani Meçja
-Selami Lushkaj
-Erjon Dani

Është ndarë nga jeta në moshën 81-vjeçare ish-ambasadori gjerman në Shqipëri, Werner Daum.

Ai dërroi jetë në një hotel në Kavajë.

Daum kishte mbërritur në vendin tonë para pak ditësh, ku mori pjesë së bashku me Sali Berishën në inaugurimin e shtatores së dëshmorit të demokracisë, Josif Budo në Kavajë

Werner Daum, ka mbyllur sytë përgjithmonë në moshën 82-vjeçare, teksa burime diplomati bëjnë me dije për mediat se ai ka ndërruar jetë për shkaqe natyrale.

Daum ishte ambasador në Shqipëri nga 1987 deri në vitin 1990, pikërisht në kohën kur nisi lëvizja kundër regjimit komunist. Ai hapi dyert e ambasadës gjermane për shqiptarët, duke dalë kundër udhëzimeve të qeverisë së tij.

Gjatë një interviste të dhënë së fundmi, ai deklaroi se e adhuronte Shqipërinë, por edhe më shumë popullin shqiptar.

“E adhurova këtë vend, sepse është i mrekullueshëm. Por, ndoshta edhe më shumë, adhurova popullin e tij. Dhe e ndjeja, e perceptoja prej gati një viti, që nga fillimi i 1989-tës, se po piqeshin kushtet për një revolucion. Njerëzit kishin ndryshuar. Nuk kishin më frikë totale nga reagimi i regjimit. Gati çdo muaj e ndjeja gjithnjë e më shumë atë frymë rebelimi, atë dëshirë për të dalë nga shtypja. Dëshira për të jetuar të lirë, për të qenë të lirë të takoheshin me të tjerët, për të udhëtuar jashtë vendit, për të përmirësuar kushtet ekonomike – e gjitha kjo po rritej jo gradualisht, por me hapa gjigantë”, u shpreh Werner Daum.

The post Ndahet nga jeta ish-ambasadori gjerman në Shqipëri, Werner Daum appeared first on Albeu.com.

Identifikohen emrat e 8 personave të arrestuar pjesë e grupit kriminal për trafikun e lëndëve narkotike nga Amerika Latine në vendet e BE, gjatë operacionit të SPAK bërë publike ditën e djeshme.

Gazetarja Klodiana Lala, raporton se, të arrestuarit janë: Arjan Gjata, Vilson Roçi, Musa Gjikola, Akil Alushi, Jani Meçja, Selami Lushkaj dhe Erjon Dani.

Ky i fundit, me detyrë ish-shefi i krimeve në komisariatin nr.3 në Tiranë, u vetëdorëzua në policinë e Himarës pasi u informua se ishte shpallur në kërkim nga SPAK.

Gjykata e Posaçme, ka vendosur sot masën e arrestit me burg për 8 të arrestuarit.

SPAK njoftoi dje se Struktura e Posaçme kundër Korrupsionit dhe Krimit të Organizuar zhvilloi një operacion të gjerë në qarqet, Shkodër, Elbasan, Vlorë dhe Tiranë ndaj personave nën hetim për trafikun e lëndëve narkotike nga Amerika Latine në vendet e BE.

Ky operacion, u krye në kuadër të procedimit penal nr. 177 të vitit 2023* dhe në zbatim të vendimit të Gjykatës së Posaçme kundër Korrupsionit dhe Krimit të Organizuar, nr 70, datë 10.07.2025.

Nga 13 personat e identifikuar deri tani të përfshirë në këtë grup të strukturuar kriminal, janë arrestuar 8 persona, ndërsa 6 të tjerë janë në kërkim.

Për 6 personat e tjerë, shumica e të cilëve ndodhen jashtë vendit, nuk është bërë ende i mundur arrestimi, janë lëshuar urdhër-arreste kombëtare dhe ndërkombëtare. Policia e Shtetit, në bashkëpunim me partnerët ndërkombëtar dhe Europol, po punon për lokalizimin dhe kapjen e tyre.

Nga hetimet e deritanishme ekzistojnë dyshime të arsyeshme të bazuara në prova se personat e dyshuar, në funksion të aktivitetit të paligjshëm në fushën e trafikimit të lëndëve narkotike nga vendet e Amerikës së Jugut drejt vendeve të BE-së, me qëllim përfitimi monetar si dhe të ushtrimit të ndikimit të paligjshëm ndaj personave që ushtrojnë funksione publike, kanë komunikuar mes tyre edhe me anë të aplikacionit të platformës së enkriptuar, “Sky ECC”¸ komunikime të cilat janë administruar nga autoritetet franceze të drejtësisë, në kuadër të ndihmës së ndërsjellët juridike në fushën penale.

The post Operacioni i SPAK/ Gjykata cakton masën e arrestit me burg, identifikohen 8 të arrestuarit, pjesë e grupit kriminal (EMRAT) appeared first on Albeu.com.

Një rast i rëndë është raportuar nga Policia e Kosovës, që përfshin vdekjen e një foshnje 9 muajshe nga fshati Gjinoc i Suharekës.

Foshnja fillimisht ishte dërguar në Spitalin e Prizrenit, e më pas në QKUK në Prishtinë.

“Me datë 29.06.2025 në Emergjencën e Spitalit Rajonal Prizren, ishte sjell një fëmijë 9 muajsh. Me datë 11.07.2025 viktima (fëmijë) kishte ndërruar jetë në QKUK-Prishtinë. Me vendim të prokurorit trupi i pa jetë dërgohet në IML për obduksion”, thuhet në raportin e policisë.

Policia nuk ka dhënë më shumë detaje lidhur me rastin.

The post E rëndë në Prishtinë/ Ndërron jetë në qendrën spitalore foshnja 9 muajshe appeared first on Albeu.com.

Përmes një deklarate, zëdhënësja e Antikorrupsionit në Partinë Demokratike, Genta Vangjeli, ka ngritur shqetësime mbi mungesën e transparencës për shpenzimet e kryeministrit Edi Rama gjatë udhëtimeve të tij zyrtare.

Sipas Vangjelit, fluturimi i fundit i Ramës drejt Hagës, ku mori pjesë në samitin e NATO-s, u realizua me një avion charter VIP të markës Gulfstream G IVSP, i cili nuk është pronë e shtetit shqiptar dhe dyshohet të jetë marrë me qira me kosto të larta, mes 6,500 dhe 7,500 dollarë për orë fluturimi.

Sipas marrëveshjes së vitit 2020 mes Drejtorisë së Shërbimeve Qeveritare dhe Air Albania, fluturimet e kryeministrit duhet të kryhen me avionin Airbus A319 të regjistruar në emër të shtetit, por për fluturimin në Hagë është përdorur një avion tjetër, çka ngre pyetje mbi zbatimin e marrëveshjes dhe transparencën në shpenzimet.

PD kërkon nga qeveria të publikojë faturën tatimore të këtij udhëtimi, vlerën totale të shpenzuar për charterat e kryeministrit dhe mënyrën e pagesave ndaj ofruesit të shërbimit Air Albania, pasi në databazën e thesarit rezulton vetëm një pagesë simbolike prej 200 mijë lekësh që nga viti 2019.

Deklarata:

Kryeministri shqiptar Edi Rama ka udhëtuar disa ditë më parë drejt Holandës për të marrë pjesë në samitin e NATO-s, duke zbritur në aeroportin Schiphol në Hagë me një avion charter të markës Gulfstream G IVSP VIP, me numër regjistrimi TC-EMR (sipas pamjeve të publikuara nga mediat).

Ky avion nuk është në pronësi të shtetit shqiptar dhe, dyshohet të jetë marrë me qira me një kosto që varion nga 6,500 deri në 7,500 dollarë për orë fluturimi, duke përfshirë karburantin, ekuipazhin, shërbimin VIP dhe udhëtimin privat. Avioni “TC EMR” është i njohur ndërkombëtarisht për fluturimet luksoze dhe përdoret nga klientë të nivelit të lartë.

Në 30 Janar 2020 Drejtoria e Shërbimeve Qeveritare ka lidhur një marrëveshje bashkëpunimi me Air Albania me objekt ofrimin e shërbimit të fluturimeve të posacme charter për KM e RSH.

Sipas pikës 3.1.6 të kësaj akt-marrëveshjeje Air Albania do të vendosë në dispozicion të DSHQ mjetin

Avion Air craft Airbus A319

Kapacitet mbartës 32 persona

Kodi i rregjistrimit TC -ANA

Vitet e përdorimit 20

Pagesat variojnë sipas destinacionit dhe sipas pikës pikës 3.2.4 , DSHQ merr përsipër pagimin e faturës tatimore lëshuar nga Air Albania.

Sipas mediave, e pyetur nga BIRN, Agjencia për Media dhe Informim deklaroi se: “Kryeministria nuk ka paguar ndonjëherë dhe nuk paguan për chartera, por ka një marrëveshje kuadër me kompaninë Air Albania, në një shumë vjetore mesatare të shpenzimeve vjetore të kryeministrit në vitet paraardhëse”.

Qytetarët shqiptarë në fakt meritojnë përgjigje të qarta lidhur me:

A është zbatuar pika 3.2.6 e akt marrëveshjes së lidhur ndërmjet Air Albania dhe DSHQ, duke qenë se avioni me të cilin KM fluturoi në Hagë është i ndryshëm nga ai i përcaktuar në aktmarrëveshje, dhe nëse po, kërkojmë të publikohet dakortësimi me shkrim i Air Albania

Sa është vlera e fluturimit të udhëtimit të KM në Hagë sipas faturës tatimore respektive lëshuar nga ofruesi i shërbimit?

Sa është çmimi i paguar deri tani nga DSHQ për udhëtimet charter të KM?

Duke qenë se në thesar nuk gjejmë fatura të ekzekutuara sipas nominimit akt marrëveshjes dt 30 Janar 2020, si është procedurar me pagesat në favor të ofruesit të shërbimit Air Albania, i cili sipas data bazës së spending data nga thesari që prej v.2019 deri tani, rezulton të ketë përfituar vetëm 200 mijë lek për udhëtime.

The post Partia Demokratike: Pse qeveria fsheh shpenzimet e fluturimeve të Ramës drejt Hagës? appeared first on Albeu.com.

Ish-ambasadori gjerman, Werner Daum, ka ndërruar jetë në një hotel në qytetin e Durrësit.

Sipas burimeve diplomati 82-vjeçar ndërroi jetë për shkaqe natyrale.

Daum kishte mbërritur në vendin tonë para pak ditësh, teksa mori pjesë edhe në inaugurimin e shtatores së dëshmorit të demokracisë, Josif Budo në Kavajë.

Ai hapi dyert e ambasadës gjermane për shqiptarët, duke dalë kundër udhëzimeve të qeverisë së tij.

The post Hapi dyert për shqiptarët në ’90, ish-ambasadori gjerman Werner Daum gjendet i pajetë në një hotel në Durrës first appeared on JavaNews.al.

The post Tonaleta me kokainë nga Amerika Latine drejt vendeve të BE, Gjykata e Posaçme lë në burg 7 të arrestuarit  first appeared on JavaNews.al.

Kreu i Partisë Demokratike, përmes një postimi në rrjetet sociale ka reaguar mbi situatën e ndodhur ditë e fundit në fshatin turistik në Theth, ku është ndërmarrë aksioni për shembjen e ndërtesave pa leje.

Berisha në këtë postim shkruan se Thethi është në shtetrrethim dhe ‘se armiku më i egër i veriut Ramaduro i shkatërron Thethit dhe veriut turizmin’.

Kreu i PD shkruan se dënon me forcën më të madhe terrorin shtetëror të Edi Ramës dhe bandave të tij me uniformë kundër banorëve të Thethit.

Postimi i Berishës

Thethi në shtet rrethim! Turistët largohen në panik. Armiku më i egër i veriut Ramaduro i shkatërron Thethit dhe veriut turizmin. Dënoj me forcën më të madhe terrorin shtetëror të Edi Ramës dhe bandave të tij me uniformë kundër banorëve të Thethit. #sb

Ish-ambasadori gjerman në Shqipëri, Werner Daum, ka ndërruar jetë në moshën 82-vjeçare.

Diplomati u gjet i pajetë në dhomën e hotelit në Kavajë ku po qëndronte prej disa ditësh në Shqipëri, vend të cilin e deshi fort.

Dyshohet se shkaku i vdekjes ka qenë natyral.

Para pak ditësh, Daum mori pjesë në Kavajë në inaugurimin e shtatores së dëshmorit të demokracisë, Josif Budo. Gjatë viteve 1987-1990, ai ishte ambasador në Tiranë dhe njihet për rolin e tij të veçantë, duke hapur dyert e ambasadës gjermane për shqiptarët kundër urdhrave të qeverisë së tij, me bindjen se kjo do të ndihmonte në rrëzimin e regjimit komunist./tvklan.al

Gjykata e Posaçme ka vendosur sot, më 12 korrik, masat e sigurimit “arrest në burg” për 7 të dyshuarit, që u arrestuan një ditë më parë në kuadër të një operacioni të Prokurorisë së Posaçme (SPAK) për përfshirje në trafikun e drogës nga Amerika Latine.

Gazetarja e Klan News Glidona Daci raporton se 7 të arrestuarit, të cilët janë lënë në “arrest në burg” janë: Arjan Gjata, Vilson Roçi, Musa Gjikola, Akil Alushi, Jani Meçja, Selami Lushkaj, Erjon Dani.

Një ditë më parë, Prokuroria e Posaçme Kundër Korrupsionit dhe Krimit të Organizuar doli me një njoftim zyrtar pasi goditi një grup të strukturuar kriminal që merrej me trafikun e lëndëve narkotike nga Amerika Latine në vendet e Bashkimit Europian. SPAK njoftoi se 7 persona ishin vënë në pranga dhe 6 të tjerë ishin shpallur në kërkim, të dyshuar si pjesë e një grupi kriminal të përfshirë në trafikun e drogës nga Amerika Latine drejt Bashkimit Europian në vitet 2020-2021.

Hetimet për goditjen e këtij grupi nisën rreth dy vite më parë, për t’u finalizuar këtë të premte me operacionin e zhvilluar në qytete si Shkodra, Elbasani, Vlora dhe Tirana.

Të dhënat e përftuara nga hetuesit, edhe falë komunikimeve të zbërthyera nga platforma e enkriptuar SKY ECC, kanë rezultuar se grupi, në të paktën 7 episode, ka tentuar trafikimin e 3585 kilogramëve kokainë, 701 kilogramëve kanabis sativa dhe 4.2 kilogramëve heroinë. Këto sasi të konsiderueshme janë sekuestruar nga autoritetet e huaja partnere, përfshirë këtu Europol dhe Eurojust.

Për të vënë në jetë aktivitetin e tyre kriminal, grupi, sipas SPAK-ut, është ndihmuar edhe nga një ish-punonjës policie, tashmë i vënë në pranga. Bëhet fjalë për Erjon Danin, për të cilin prokuroria thotë se gjatë kohës që ka qenë në detyrën e zv/shefit të Komisariatit nr. 3 në Tiranë, u ka vënë në dispozicion grupit të dhëna nga sistemi TIMS.

Policia e Tiranës ka kesuestruar mallra, konkretisht veshje sportive të dyshuara të kontrabanduara.

Sipas policisë vlera totale e mallrave kap shifrën e 40 mijë Eurove, ndërkohë që policia ka arrestuar drejtuesin e furgonit, një 52 vjeçar.

‘Specialistët e Seksionit për Hetimin e Krimit Ekonomik dhe Financiar në DVP Tiranë, bazuar edhe në informacionet e marra në rrugë operative, organizuan dhe finalizuan operacionin policor të koduar “Silent Load”. Si rezultat i këtij operacioni u bë arrestimi në flagrancë i shtetasit Sh. Xh., 52 vjeç, banues në Kukës.

Shërbimet e Policisë, në rrugën “Bardhyl”, kanë lokalizuar dhe ndaluar furgonin me drejtues m 52-vjeçarin, në të cilin, gjatë kontrollit, u gjetën dhe u sekuestruan, në cilësinë e provës materiale, mallra (veshje sportive) të dyshuara si të kontrabanduara, me vlerë totale 40 000 euro.

Nga hetimet ka rezultuar se ky shtetas do t’i shiste veshjet në dyqane të ndryshme të një tregu të shumicës në rrugën “5 Maji”’,thuhet në njoftimin e policisë.

Materialet procedurale iu referuan Prokurorisë së Tiranës, për veprime të mëtejshme.

Në Parkun Kombëtar të Thethit ka rinisur mëngjesin e sotëm operacioni për shembjen e ndërtimeve pa leje.

Forcat e Inspektoratit Kombëtar të Mbrojtjes së Territorit janë duke shembur ndërtesa nga 1 deri në 3 kate.

Ndryshe nga një ditë më parë operacioni është duke u zhvilluar më i qetë. Në mbështetje të IKMT-së janë edhe forcat e policisë.

Në Theth janë parashikuar të shemben rreth 60-70 ndërtime pa leje. Banorëve u është dhënë kohë që të heqin strukturat prej druri.

Një ditë më parë situata u tensionua për shkak se persona të paidentifikuar hodhën molotov ndaj forcave të IKMT. Tv Klan

Kreu i qeverisë Rama ka publikuar në rrjetet sociale foto nga Vlora, ku shihet lirimi i hapësirave publike, kryesisht në Lungomare në pjesën e plazhit.

Rama inkurajon të gjithë profesionistët e Vlorës të aplikojnë për t’u bërë pjesë e kësaj përpjekjeje, duke u përfshirë në intervistat e punës.

‘Në Lungomaren e Vlorës një tjetër sipërfaqe plazhi publik i është rikthyer turistëve dhe qytetarëve, ndërkohë që i inkurajoj të gjithë profesionistët e Vlorës të aplikojnë për t’u bërë pjesë e kësaj përpjekjeje, duke u përfshirë në intervistat e punës’, shkruan Rama.

Këto ditë kryministri ka reaguar ashpër ndaj bizneseve që zënë hapësirat publike, duke ju bërë thirrje që t’i heqin një orë e më parë ‘mushamatë’ e të lirojnë kështu hapësirat publike për qytetarët dhe turistët.

Fatmir Mediu, kreu i Partisë Republikane ka marrë pjesë në konferencën e ECR (Konservatorët Europianë) të zhvilluar në Napoli të Italisë. Diskutimet për gjeopolitikën si dhe rolin e Mesdheut në këto zhvillime kanë qenë fokusi i diskutimeve të konferencës.

Kreu i PR, në një postim në rrjetet sociale shkruan se në këtë ngjarje me rëndësi të veçantë, pati mundësinë të diskutojë mbi sfidat dhe zhvillimet e fundit në arenën ndërkombëtare, si dhe rolin që luan Ballkani dhe Shqipëria në kuadër të këtyre zhvillimeve.

Gjithashtu, gjatë zhvillimeve të kësaj konference siç bën të ditur Mediu ka folur edhe për situatën në vendin tonë.

Ai u shpreh se: ‘Vura në dukje se një nga problemet më të mëdha është kërcënimi i demokracisë nga brenda, rritja e Autoritarizmit: Demokracia po kërcënohet nga brenda, Shqipëria përballet me autoritarizëm, krimi organizuar, korrupsioni mungesa e zgjedhjeve të lira dhe të ndershme si dhe shpopullim masiv”

Gjatë qëndrimit në Napoli, Mediu zhvilloi takime dhe shkëmbeu mendime me figura të rëndësishme të politikës italiane, europiane dhe amerikane, si Lucio Ciriani, Ministër për Marrëdhëniet me Parlamentin në qeverinë italiane, Mateusz Moraëiecki, Kryetar i ECR dhe ish-Kryeministër i Polonisë,  Roberts Zīle, Nënkryetar i Parlamentit Europian, Carlo Fidanza, Nënkryetar i Grupit të Konservatorëve Europianë, Antonio Giordano, Sekretar i Përgjithshëm i ECR, Caush Ahra, ish-zyrtar i lartë në Këshillin e Sigurisë Kombëtare të SHBA-së në Administratën Trump, ekspert për çështjet e sigurisë dhe ekonomisë.

Gjykata e Posaçme ka caktuar masat e sigurisë ndaj 7 personave të arrestuar në orët e para të mëngjesit të djeshëm nga SPAK në kuadër të një operacioni për goditjen e një grupi kriminal të trafikut të lëndëve narkotike nga Amerika Latine drejt vendeve të BE-së. Më konkretisht, në qeli janë lënë shtetasit: Arjan Gjata, […]

The post EMRAT/ Trafikuan 4.3 ton kokainë, heroinë e kanabis, lihen në burg 7 të arrestuarit e SPAK appeared first on BoldNews.al.

Kryeministri i vendit, Hristijan Mickoski edhe sot ka dalë me akuza të rënda për Bullgarinë. “Bota dhe Europa e kanë parë se cili ka qenë qëllimi i politikanëve bullgarë. Qëllimi i politikanëve bullgarë në asgjë nuk dallon nga qëllimi që e ka udhëheqësia ruse në Ukrainë dhe ajo është përpjekja për asimilim të popullit maqedonas”, […]

The post Maqedonia e Veriut/ Kryeministri Mickoski: Bullgaria dëshiron asimilimin e popullit maqedonas appeared first on FaxWeb.

Ministri i Jashtëm rus Sergei Lavrov duket i gëzuar dhe i buzëqeshur ndërsa viziton udhëheqësin e Koresë së Veriut Kim Jong Un në vendpushimin bregdetar të Wonsan.\Moska dhe Pheniani kanë lidhje veçanërisht të ngushta, përfshirë edhe pas vendosjes së mijëra ushtarëve të Koresë së Veriut në frontin ukrainas, një çështje për të cilën Lavrov shprehu […]

The post Lavrov takohet me Kim Jong Un, Koreja e Veriut riafirmon mbështetjen e saj për veprimet ushtarake të Rusisë appeared first on FaxWeb.