Këtë të martë janë shpallur fituesit në universitetet publike dhe ato private në vend. Maturantët mund të shohin degët e fituara në portalin u Albania, tek këndi i maturantit.

“Vetëm me ID e tyre mund të logohen dhe të shikojnë renditjen për të gjitha programet ku kanë aplikuar. Të kenë kujdes se një pjese e universiteteve që kanë pasur edhe teste, kanë afishuar vetëm listën e maturantëve që kanë bërë testin.”

Nga 27 gushti maturantët fitues kanë të drejtë edhe të ankimojnë.

“Shkojnë pranë fakultetit përkatës për atë program dhe bëjnë ankimimin nëse nuk janë dakord me pikëzimin. Universiteti ka detyrimin brenda 24 orëve të kthejë përgjigjë dhe ringarkon listat me renditjen e re.”

Më shumë të rinj kërkuan të ndjekin studimet e larta. Sipas Rrjetit Akademik Shqiptar, këtë vit është shënuar dhe numër rekord aplikimesh në universitete.

“Kemi qene 19 700, përgjithësisht 5 vjecari i fundit ka qenë më pak se 20 mijë. Ky është viti i parë kur ne kalojmë atë vijën e 20 mijëshit dhe kemi pasur 20 mijë e 200 aplikime.”

Ekonomiku dhe drejtësia vijojnë të mos jenë më programet më të kërkuara, ndryshe nga disa vite më parë. Sipas të dhënave nga aplikimet dominojnë maturantët që duan teknkologjinë, ndjekur nga shkencat mjekësore në tërësi.

“Kemi dy vite ku udhëhëqin degët e teknkologjisë së informaciont te inxhinierisë, në vend të dytë janë degët mjekësorë dhe në rang të trëtë janë shkencat ekonomike”

Ditën e premte, në 29 gusht nis procesi i regjistrimit. Maturantët duhet të paraqiten pranë sekretarive të fakulteve me dokumentacionin përkatës dhe kanë të drejtë të regjistrohen vetëm për një program studimi.

“Kanë në dispozicion 48 orë kohë. Pas 48 oreve listat mbyllen dhe nëse nuk janë te regjistruar e humbin të drejtën për atë program, por kanë të drejtë të regjistrohen në programe të tjera. Pas kësaj fillon procesi i levizjes së vijës së kuqe, maturantët që kanë qenë në pritje u shfaqët nje vijë e verdhë që është indikacion që janë fitues në raundin tjetër.”

Raundi i parë i regjistrimeve ka 7 faza 48 orëshe. Raundi i dytë nis pas fazës së çregjistrimit, për maturantët që duan të ndryshojnë zgjedhjen e tyre./abcnews.al

Ministria e Arsimit dhe Sportit ka miratuar një udhëzim që përcakton masat kryesore për mbarëvajtjen e vitit shkollor 2025-2026 në sistemin arsimor parauniversitar. Udhëzimi i botuar në Fletoren Zyrtare, përfshin një sërë detyrimesh që lidhen me regjistrimin e nxënësve, shpërndarjen e teksteve shkollore, ndalimin e përdorimit të celularëve në shkolla, si dhe parandalimin e dhunës dhe bullizmit në…

Source

TIRANË, 7 gusht/ATSH/ Universiteti i Tiranës informoi sot se fazat për regjistrimin e studentëve do të kryhen nga data 29 gusht deri më 11 shtator.

Në një postim në rrjetet sociale, Universiteti i Tiranës u kujton maturantëve afatet kryesore për regjistrimin në Institucionet e Arsimit të Lartë për vitin akademik 2025-2026.

“Më 26 gusht do të kryhet publikimi i renditjes së aplikantëve në U-Albania. Më 27 gusht do të kryhen ankesat mbi renditjen”, theksoi UT.

Ndërsa nga 29 gushti deri më 11 shtator do të kryhet regjistrimi në Institucionet e Arsimit të Lartë, ku renditja do të jetë në kohë reale (në 7 faza brenda 48 orëve).

Sipas UT, më 12-13 shtator do të kryhet çregjistrimi nga raundi i parë.

UT informon maturantët ta ndjekin procesin e renditjes online në portalin U-Albania në “Këndin e Maturantit” me ID-në e tyre.

Universiteti i Tiranës vijon të mbetet institucioni më i madh dhe më i rëndësishëm i arsimit të lartë në vend.

/k.s//r.e/

The post Universiteti i Tiranës: Regjistrimet për vitin e ri akademik, 29 gusht – 11 shtator appeared first on Agjencia Telegrafike Shqiptare.

TIRANË, 6 gusht /ATSH/ Raundi i parë i garës për në universitet është mbyllur me të dhëna pozitive; më shumë maturantë kanë aplikuar që prej periudhës post-COVID-19.

“Është viti më i mirë do thoja krahasuar me kohën pas pandemisë që pati rënie. Kemi lëvizur gjithmonë në shifrat 19 500, por nën 20 000. Kjo është hera e parë që kalojmë në raundin e parë shifrën 20 mijë. Kemi pasur 20 200 maturantë, diku te 500 maturantë më shumë nga viti i kaluar. Presim që nga vjeshta dhe maturantët e viteve të shkuara të kemi edhe 3 000 – 4 000 që do shtohen në raundin e dytë”, shprehet Arjan Xhelaj, kreu i Rrjetit Akademik Shqiptar.

Në 10 programet e listuara si preferencat e 20 200 maturantëve aplikantë, interesi vazhdon të jetë i ngjashëm ndër vite.

Teknologjia, mjekësia dhe financat renditen në 3 fushat më të kërkuara, ku edhe mundësia për vende të lira në raundin e dytë zerohet.

“Programet me konkurs si mjekësia, arkitektura, urbanistika janë programe që iu ezaurohen kuotat gjatë regjistrimit brenda dy-tri fazave të para. Një trend rritje në shkencat inxhinierike dhe informatike. Shkencat mjekësore janë të dytat, me mjekësinë e përgjithshme, infermieritë, stomatologji; e ndjek ekonomiku dhe pastaj të tjerat kanë qenë stabël, me juridikun në të njëjtat vlera. Sportet dhe artet ndikohen që nuk kanë mesatare dhe përzgjidhen. Sporti sidomos ka ardhur në rritje ndër vite”, shton më tej ai.

Programet që të çojnë drejt mësuesisë vazhdojnë të jenë më pak të preferuara, megjithëse shifrat e aplikimeve ngrenë shpresat se nuk ka degë me prioritet kombëtar të riskuara për t’u mbyllur.

“Shkencat e natyrës, sociale apo gjuhët e huaja lëvizin po te 7,5%, te shkencat e natyrës të paktën në aplikime ka qenë një shifër mbi 100 te të gjitha programet. P.sh., kimi farmaceutike, shifër goxha e lartë, me 400 kërkesa”, vazhdon kreu i RASH.

Surpriza mbeten studimet afatshkurtra që po thithin më shumë aplikime.

“Nëse filluam para 4 vitesh me 4-5%, sot programet dyvjeçare janë me mbi 10%”, përfundoi ai.

Kjo është tendenca paraprake, pasi regjistrimet që nisin në shtator do të tregojnë zgjedhjet përfundimtare të të rinjve. /TCH/

The post 20 200 aplikime në universitete, numri më i madh që pas pandemisë appeared first on Agjencia Telegrafike Shqiptare.

Sot (e diel, 3 Korrik) është dita e fundit për maturantët që duan të vijojnë studimet e larta, për të përzgjedhur programet e studimit në raundin e parë të aplikimit për në universitetet publike dhe private në Shqipëri. Procesi i aplikimit dhe regjistrimit realizohet online në portalin zyrtar ualbania.al, ku maturantët duhet të përzgjedhin deri në […]

The post Sot mbyllet raundi i parë i aplikimeve për në universitet appeared first on BoldNews.al.

TIRANË, 3 gusht /ATSH/ Të gjithë maturantët, të cilët duan të vijojnë studimet e larta në universitete, sot, 3 gushti është afati i fundit që të aplikojnë për programet që dëshirojnë të ndjekin përmes portalit “U-Albania”.

Ministrja e Arsimit dhe Sportit, Ogerta Manastirliu u ka kujtuar të gjithë maturantëve në një postim në rrjetet sociale se “sot është dita e fundit për të përzgjedhur 10 programet e studimit në raundin e parë të aplikimit në universitetet tona”.

Më herët, ministrja Manastirliu bëri me dije se procesi i aplikimit dhe regjistrimit realizohet online në portalin universitar “U-Albania”.

Kandidatët, përpara aplikimit për zgjedhjen e preferencave në portalin e aplikimit universitar, kryejnë pagesën e tarifës së aplikimit në vlerën 2000 lekë, në zyrat e Postës Shqiptare apo në bankat e nivelit të dytë, nëpërmjet faturës për arkëtim, të cilën e shkarkojnë në portalin “U-Albania”.

Pagesa kryhet deri në datën 28 korrik 2025. Pas dorëzimit të mandatit të pagesës, sekretaritë e shkollave konfirmojnë pagesën e kryer brenda datës 28 korrik, në portalin “U-Albania”.

Më tej, realizohet aplikimi online dhe për këtë periudha e përcaktuar është 29 korrik deri në 3 gusht. Në këtë periudhë, maturantët zgjedhin 10 programe studimi.

Më 29 gusht deri në 11 shtator është faza e regjistrimit në Institucionet e Arsimit të Lartë, ndërsa do të ketë publikim real të renditjes, që do të bëhet në 7 faza 48-orëshe përgjatë 14 ditëve.

Në fund është faza e çregjistrimit, për të cilën është caktuar një kohëzgjatje dyditore, nga 12-13 shtator.

/e.i//a.f/

The post Aplikimet për universitet, Manastirliu: Sot, dita e fundit për të përzgjedhur 10 programet e studimit appeared first on Agjencia Telegrafike Shqiptare.

TIRANË, 30 kmorrik/ATSH/ 20 mijë maturantë kanë kohë deri në 3 gusht për të përzgjedhur 10 programet e studimit që preferojnë.

Në një intervistë televizive, drejtori i Rrjetit Akademik Shqiptar, Arjan Xhelaj tha se mundësinë e aplikimit e kanë ata maturantë që janë regjistruar në portal bazuar edhe në mesataren që kanë.

“Ne kemi programe studimi që janë programe dyvjeçare profesionale, Bachelor dhe programe të integruara si mjekësia dhe arkitektura. Janë 20 mijë maturantë që janë regjistruar në portal dhe e kanë mundësinë e aplikimit. Mundësinë e kanë ata që kanë plotësuar formularin A1, A1Z dhe janë integruar në sistem, bazuar edhe në rezultatet gjatë 3 viteve të shkollës mesme”, tha ai.

Lidhur me mesataren që duhet të ketë një maturantë, Xhelaj tha se ajo llogaritet nga programi, i cili më pas i shfaq atij degët ku mund të aplikojë me mesataren që ka.

“Programi bënë kalkulimin e mesatares që kanë ata dhe mbi këtë mesatare atyre i shfaqen ato degë që ata plotësojnë kriterin e mesatares. Ata që kanë mesatare më të mirë mund të aplikojnë në të gjitha programet”, tha ai.

Sipas tij, “janë 650 degë ku mund të aplikohet, ndërsa këtë vit janë shtuar edhe 35 të reja”.

“Janë 650 programe studimi nga të cilat 35 janë programe të reja. Ka edhe programe të tjera që janë riorganizuar, edhe numri i kuotave në dispozicion është i ndërlidhur me numrin e maturantëve që kanë plotësuar formularin janë mbi 3 mijë kuota, gjysma e atyre që janë të regjistruar e kanë mbyllur procesin e aplikimit. Edhe maturantët që se kanë plotësuar duhet që ta bëjnë në vijim, portali rri hapur 24 orë. Kanë 10 preferënca për të zgjedhur dhe duhet që të bëjnë zgjedhjet që ata duan”, shtoi ai. /j.p/

The post Maturantët afat deri në 3 gusht për të zgjedhur programet e studimit, shtohet 35 degë të reja appeared first on Agjencia Telegrafike Shqiptare.

TIRANË, 29 korrik/ATSH/- Ministrja e Arsimit dhe Sportit, Ogerta Manastirliu deklaron se sot hapen aplikimet online në UAlbania për përzgjedhjen e programeve të studimit në universitete.

Manastirliu sqaron se “sistemi do të jetë i hapur deri më 3 gusht, për t’iu dhënë mundësi të gjithë maturantëve për përzgjedhjen deri në 10 programe studimi në universitetet shqiptare”.

Ministrja ka publikuar në rrjetet sociale edhe linkun përkatës https://ualbania.al/ ku të gjithë maturantët mund të aplikojnë për të përzgjedhur programet e studimit.

Portali UALBANIA është vitrina kryesore e Universiteteve për të prezantuar ofertën e tyre akademike.

Që nga viti 2016, UALBANIA numëron 38 universitete publike dhe private, dhe informacione të detajuara për 561 programe studimi të ciklit të parë të studimeve në Shqipëri.

Portali UALBANIA është ura lidhëse mes maturantëve dhe botës akademike. Nëpërmjet portalit, maturantët njihen me kriteret, programet, aplikimin universitar dhe regjistrimin në programin ku janë shpallur fitues.

The post Hapen aplikimet online në UAlbania për përzgjedhjen e 10 programeve në universitete appeared first on Agjencia Telegrafike Shqiptare.

Prej datës 29 korrik deri më 3 gusht, do të nisin aplikimet për plotësimin online të formularit A2, për t’u bërë pjesë e garës në universitete publike dhe private.

Arjan Xhelaj, Drejtori i Rrjetit Akademik Shqiptar, është shprehur se kandidatët kanë mundësinë për të zgjedhin 10 degë që duan për të vazhduar studimet e larta.

Sipas Xhelajt, portali U-Albenia u jep mundësinë e aplikimit në bazë të mesatares që maturantët kanë gjatë kohës së gjimnazit dhe provimeve të maturës shtetërore.

Në institucionet e arsimit të lartë në vendin tonë ofrohen 650 programe studimi në ciklin bachelor dhe programe profesionale dy vjeçare.

The post Aplikimet në universitet, maturantët afat nga 29 korriku deri më 3 gusht për të aplikuar appeared first on Albeu.com.

TIRANË, 22 korrik/ATSH/ Universiteti Bujqësor i Tiranës ka prezantuar sot ofertën e re akademike, të përafruara me programet e BOKU (University of Natural Resources and Life Sciences) të Vjenës, duke nisur një proces transformues të UBT, me standardet më të mira europiane.

Në këtë aktivitet merrnin pjesë Kryeministri Edi Rama, Ministrja e Arsimit dhe Sportit Ogerta Manastirliu, Ministrja e Bujqësisë dhe Zhvillit Rural Anila Denaj, Rektori i UBT Fatbardh Sallaku, maturantë, pedagogë e prindër.

Universiteti Bujqësor i Tiranës hap këtë vit akademik 9 programe të reja studimi që janë arritur falë një analize të thelluar dhe bashkëpunimi intensiv me një nga universitetet më prestigjioze të Europës në fushën e shkencave të jetës, BOKU i Vjenës.

Ministrja e Arsimit dhe Sportit Ogerta Manastirliu, në fjalën e saj tha se kjo është faza e parë e reformimit të UBT, e cila përfshin ristrukturimin e ofertës akademike, riorganizimin e programeve dhe rritjen e kapaciteteve kërkimore dhe mësimore në këtë universitet.

“Në një vit është punuar ngushtësisht mes UBT dhe BOKU të Vjenës, për të transformuar rrënjësisht ofertën akademike dhe sot ofron 9 programe të reja, në përputhje me standardet e BOKU, një universitet lider në fushën e shkencave të jetës në Europë”, tha Manastirliu.

Ministrja e Arsimit dhe Sportit nënvizoi se duke filluar nga ky vit akademik, procesi akademik në këto degë do të zhvillohet së bashku me profesorët e BOKU, duke ftuar maturantët të zgjedhin UBT.

“Pedagogët e BOKU do të jenë pjesë e procesit akademik në UBT, duke filluar nga ky vit. Nga ana tjetër, studentet do të jenë pjesë e mobilitetit mes dy universiteteve, pra mund të shkojnë të zhvillojnë një cikël studimi në Vjenë. Në UBT nuk do të gjeni thjesht kurrikulën e standardizuar dhe laboratorët moderne, por do të keni mundësi të keni një kampus të vërtetë studentor. Në fund, çfarë do të fitoni? Do të keni një diplomë, e cila do të jetë pasaporta juaj akademike dhe profesionale europiane. Ndaj ju si maturantë duhet të ndiqni UBT”, tha Manastirliu, teksa vuri theksin edhe tek rritja e kapaciteteve dhe investimeve për zhvillimin e kërkimit shkencor në këtë universitet.

Programet e reja bachelor që do të ofrohen për vitin e ri akademik nga UBT janë: Menaxhim Biznesi; Ekonomiks; Teknologji Informacioni në Bujqësi dhe Mjedis; Shkenca Bujqësore dhe Siguri Ushqimi; Inxhinieri Mjedisi dhe Uji; Dizajn i Interierit dhe Inxhinieri Druri; Inxhinieri Pyjore; Ushqim dhe Shkencat e të Ushqyerit; Teknologji Ushqimore.

UBT do të shndërrohet në një qendër ekselence jo vetëm për arsimin, por edhe për kërkimin shkencor, me synim tërheqjen jo vetëm të studentëve shqiptarë, por edhe atyre ndërkombëtarë.

Kjo reformë, e mbështetur nga MAS dhe qeveria shqiptare, është modeli për modernizimin e arsimit të lartë publik në Shqipëri.

/k.s/j.p/

The post 9 programe të reja, Manastirliu: Pedagogët e BOKU-t , pjesë e procesit akademik në Universitetin Bujqësor appeared first on Agjencia Telegrafike Shqiptare.

“Me anëtarësimin në BE do na duhen më shumë profesionistë nga UBT se jurist” kështu u shpreh kryeministri Edi Rama në universitetin Bujqësor të Tiranës, ku u prezantuan 9 programet që ky universitet  ofron duke nisur nga ky vit akadamik.

“Me anëtarësimin në BE numri i profesionistëve që vijnë nga fushat që mbulon UBT është shumë më i madh se ai i juristëve duhen profesionistëve që të dinë për cfarë bëhet fjalë, si ti rimodelojnë zhvillimet.

Mungesa e ujit, konfliktet për burimet po kthehen deri në konflikte midis shteteve. Janë mbi 2 mld njerëz që përballen me etje. Bujqësia konsumon 70 % të ujit të ëmbël ndaj bota flet për menaxhim të zgjuar të ujit. Politika për ujin për të shmangur kriza konflikte. Janë tema që janë pjesë e axhendës së punës së universitet Boku dhe UBT

Siguria ushqimore, cështe të inovacionit dhe teknologjisë. Pa fshat s ka qytet, pa prodhimin në fshat nuk mbijeton dot qyteti, ndaj na duhen njerëz të ditur për të gjithë teknologjinë që ka nisur të hyjë me shpejtësi të madhe.

Jemi në kohë, por jemi në zgrip të kohës. Duhen dije të reja, struktura dhe forca të reja, duhet gjithmonë e më shumë kapaciteti I shteteve për zgjidhjet e integruara ndërsiplinore, që bashkojnë shkencën, politikën, njohjen e territorit.

Pa asnjë diskutim cfarë po bëjmë ne, stafi drejtuar nga Bardhi e të tjerë, së bashku me pedagogë të Bokut është mbjellja e një territori me fidanë të rinj të dijes edhe të profesioneve dhe natyrisht që ky territor ka nevojë për forcat e reja që duhet të trokasin në derën e UBT.”- u shpreh Rama. /abcnews.al

Vështirësitë për punësimin e të rinjve me arsim të lartë janë rritur ndjeshëm më 2025. Të dhënat e INSTAT në lidhje me papunësinë e të rinjve tregojnë se në 3-mujorin e parë të vitit 2024, shkalla e përgjithshme e papunësisë tek grup-mosha 15-24 vjeç ishte 24.0%, ndërsa në të njëjtën periudhë të vitit 2025 ajo […]

The post “Nuk pi ujë diploma”/ Rritet papunësia tek të rinjtë me arsim të lartë appeared first on BoldNews.al.

1 nga 6

The post Universiteti i Tiranës dhe ai i Studimeve të Huaja të Pekinit, forcim të bashkëpunimit akademik appeared first on Agjencia Telegrafike Shqiptare.

Ish-rektori i Universitetit të Tiranës, Dhori Kule është paraqitur paraditen e kësaj të mërkure në ambientet e Prokurorisë së Posaçme (SPAK). Siç shihet edhe në foton e mësipërme, Dhori Kule është futur i vetëm në ambientet e SPAK, teksa nuk dihen arsyet e thirrjes dhe dosjen për të cilën do të dëshmojë para oficerëve të […]

The post Paraqitet në SPAK ish-rektori i Universitetit të Tiranës, Dhori Kule appeared first on BoldNews.al.

TIRANË, 21 maj/ATSH/ Rektori i Universitetit të Tiranës, Prof. Dr. Artan Hoxha së bashku me përfaqësues të stafit akademik të Fakultetit të Drejtësisë, zhvilloi një vizitë zyrtare në Universitetin Panamerican në Guadalajara, Meksikë.

Kjo vizitë u zhvillua në kuadër të marrëveshjes së bashkëpunimit ndërinstitucional, me mbështetjen e Ambasadorit të Meksikës në Itali dhe jo rezident në Shqipëri, Carlos Eugenio Garcia de Alba.

Delegacioni shqiptar u prit nga rektori i këtij institucioni, Abraham Mendoza Andrande dhe përfaqësues të lartë akademikë.

Gjatë takimeve, palët ritheksuan angazhimin për zgjerimin e bashkëpunimit, veçanërisht në fushën e drejtësisë, përmes shkëmbimeve akademike, bashkëpunimit në kërkimin shkencor dhe organizimit të përbashkët të aktiviteteve akademike.

Në kuadër të programit, pedagogët e Fakultetit të Drejtësisë zhvilluan leksione të hapura dhe vizituan ambientet laboratorike të kampusit.

Universiteti Panamerican, një ndër institucionet private më prestigjioze në Meksikë, është i njohur për cilësinë e kërkimit shkencor në fushën juridike dhe bashkëpunimet me universitete të njohura ndërkombëtare.

1 nga 3

/k.s/a.f/

The post Universiteti i Tiranës dhe ai Panamerican i Meksikës, bashkëpunim në fushën e drejtësisë appeared first on Agjencia Telegrafike Shqiptare.

Studentët të cilët protestuan kundër një konference në kampus ku merrte pjesë një predikues mysliman kontrovers, policia turke arrestoi 97 prej tyre në Universitetin Bogazici të Stambollit. Konferenca u organizua nga një klub studentor në universitet. Studentët po protestonin kundër pjesëmarrjes në konferencë të Nurettin Yildiz , një predikues mysliman i njohur për pikëpamjet e tij kontraverse mbi martesat e hershme.

“Një total prej 97 studentësh u arrestuan kur u përpoqën të thyenin kordonin e policisë në kampusin universitar”. tha Guvernatori i Stambollit, Davuto Gul , të martën vonë në mbrëmje , duke shtuar se 13 oficerë policie u plagosën kur ranë në një gropë ndërtimi pesë metra të thellë gjatë përleshjes.

Në muajt e fundit, studentët kanë qenë në ballë të protestave në Turqi për shkak të arrestimit të kryetarit të bashkisë së Stambollit, Ekrem Imamoglu , kundërshtarit kryesor politik të Presidentit Tayyip Erdogan. Studentët dhe stafi akademik në Boğaziçi kanë protestuar rregullisht vitet e fundit kundër asaj që ata e karakterizojnë si ndërhyrje qeveritare në institucionet universitare.

The post Protestë në universitet/ Arrestohen 97 studentë, në Stamboll appeared first on Sot News | Lajme.

Në Shqipëri po diplomohen gjithnjë e më pak të rinj në fushat që dikur dominonin universitetet: arsimi, gazetaria, artet dhe shkencat sociale, të cilat të gjitha janë në rënie të lirë. Nga viti 2019 deri në 2024, këto degë kanë humbur mbi 10 mijë të diplomuar. Ndërkohë, shkenca të aplikuara si mjekësia dhe inxhinieria po […]

The post Mbi 10 mijë të diplomuar më pak tek “Socialet”/ Po zhduket brezi i mësuesve dhe gazetarëve appeared first on BoldNews.al.

TIRANË, 18 prill/ATSH/ Ministrja e Arsimit dhe Sportit, Ogerta Manastirliu, zhvilloi një vizitë në laboratorët kërkimorë të ngritur në Fakultetin e Teknologjisë së Informacionit pranë Universitetit Politeknik të Tiranës (UPT), të cilët janë financuar nga Ministria e Arsimit dhe Sportit përmes Agjencisë Kombëtare të Kërkimit Shkencor dhe Inovacionit (AKKSHI).

Gjatë vizitës në Laboratorin Kërkimor-Shkencor për Projektimin, Prototipizimin dhe Testimin e Bordeve të Qarqeve Elektrike dhe Sistemeve të Antenave të Printuara, ministrja Manastirliu vlerësoi rëndësinë e investimit për zhvillimin e kapaciteteve teknologjike dhe kërkimore në fushën e inxhinierisë elektronike dhe telekomunikacionit.

“Këto laboratorë, me pajisje që janë fjala e fundit e teknologjisë dhe sigurisht rrjeti i të gjithë kompjuterëve që janë kompjuterë të teknologjisë së avancuar, u japin mundësi studentëve të mësojnë me këto mjete bashkëkohore dhe të punojnë në drejtim të perfeksionimit të mësimdhënies nga pedagogët e këtij departamenti. Kemi investuar edhe në Laboratorin e Inteligjencës Artificiale, që është një laborator i fjalës së fundit të teknologjisë”, tha Manastirliu.

“Qëllimi është fuqizimi i infrastrukturës laboratorike për stafin dhe studentët, si dhe nxitja e kërkimit dhe inovacionit në ndërtimin e sistemeve elektronike dhe të teknologjisë së informacionit”, shtoi ministrja.

Manastirliu u shpreh se “infrastruktura e kërkimit shkencor është një prioritet në arsimin e lartë dhe ne jemi duke ecur me hapa të rëndësishëm, ku përgjatë tre viteve ne kemi 3-fishuar fondet për kërkimin shkencor dhe inovacionin për universitete tona të cilat aplikojnë çdo vit për fonde për projekte të kërkimit shkencor qoftë në infrastrukturë, qoftë në projekte kërkimore. Ndër përfituesit përfshihen 21 anëtarë të stafit akademik dhe mbi 400 studentë në vit të programeve të Inxhinierisë Elektronike dhe Telekomunikacionit, studentë të doktoraturës në FTI, si dhe aktorë të tjerë të interesuar, përfshirë bizneset që operojnë në fushën e teknologjisë”.

E rëndësishme, vijoi ministrja, është që këto pajisje të cilat vijnë në laboratorët tanë jo vetëm që ngrenë standardin në mësimdhënie dhe kërkimin shkencor brenda universitetit, por rrisin mundësinë që me akreditimin e laboratorëve të tillë të ofrohen shërbime dhe për të tretë dhe të bashkëpunohet më shumë me biznesin.

Ministrja Manastirliu vizitoi gjithashtu Laboratorin e Inteligjencës Artificiale, një tjetër investim i rëndësishëm. Projekti ka për qëllim krijimin e një infrastrukture moderne për zhvillimin e kërkimeve shkencore në fushat e inteligjencës artificiale, përpunimit të të dhënave, analizës së imazheve dhe objekteve 3D, përpunimit të gjuhës natyrale, me fokus të veçantë në gjuhën shqipe dhe aplikimeve të tjera inovative.

Ministrja Manastirliu u ndal dhe te ndërkombëtarizimi i universiteteve tona përmes bashkëpunimeve strategjike me universitete prestigjioze në Evropë.

“Ne synojmë të zgjerohemi përmes ndërkombëtarizimit, në bashkëpunim me universitete prestigjioze, siç është Universiteti Teknologjik i Compiègne-it një bashkëpunim që tashmë është vendosur prej vitesh. Në vitin e ri akademik, synojmë që për herë të parë të hapim dy programe bachelor në Elektronikë dhe Inxhinieri Kompjuterike, dhe më tej edhe në Megatronikë, për të mundësuar që kampusi universitar i Universitetit Teknologjik të Compiègne-it të funksionojë brenda Universitetit Politeknik të Tiranës”, tha Manastirliu.

/k.s//a.f//r.e/

The post Manastirliu: Laboratorë të rinj për elektronikën dhe IA në Universitetin Politeknik të Tiranës appeared first on Agjencia Telegrafike Shqiptare.

TIRANË, 17 shkurt/ATSH/ Universiteti i Tiranës dhe Universiteti “Konya Necmettin Erbakan” në Turqi, nënshkruan sot një marrëveshje për partneritet dhe bashkëpunim.

Marrëveshja u nënshkrua nga rektori i Universitetit të Tiranës, Prof. Dr. Artan Hoxha dhe rektori i Universitetit Konya Necmettin Erbakan, Prof. Dr. Cem Zorlu.

Në një postim në rrjetet sociale, UT theksoi se “kjo marrëveshje synon të forcojë bashkëpunimin akademik dhe shkencor ndërmjet dy institucioneve, duke përfshirë kërkimet e përbashkëta shkencore, shkëmbimin e stafit akademik dhe studentëve, si dhe zhvillimin e programeve arsimore”.

Ky bashkëpunim mund të shtrihet në fusha të ndryshme akademike, me fokus në: shkëmbimin e studiuesve dhe shkencëtarëve për projekte kërkimore të përbashkëta; shkëmbimin e profesorëve për leksione dhe vizita akademike; pjesëmarrjen në konferenca, simpoziume dhe projekte shkencore; shkëmbimin e informacionit, materialeve akademike dhe publikimeve; lehtësimin e lëvizshmërisë së studentëve për shkëmbime dhe vizita studimore; krijimin e programeve të përbashkëta të diplomës.

Në nënshkrimin e marrëveshjes ishin të pranishëm edhe zv/rektorja e UT, Prof. Dr. Anila Paparisto, drejtoresha e Kërkimit Shkencor, Projekteve dhe Marrëdhënieve me Jashtë, si dhe Koordinatori i Marrëdhënieve me Jashtë, Prof. Dr. Firat Yaldiznga nga Universiteti Konya Necmettin Erbakan, së bashku me përfaqësues nga Ambasada Turke në Shqipëri, Dr. Metin Bulet.

Kjo marrëveshje  është një hap i rëndësishëm drejt forcimit të marrëdhënieve akademike dhe rritjes së mundësive për studentët dhe stafin akademik të Universitetit të Tiranës.

1 nga 6

/k.s/j.p/

The post Marrëveshje bashkëpunimi mes Universitetit të Tiranës dhe “Konya Necmettin Erbakan” në Turqi appeared first on Agjencia Telegrafike Shqiptare.

TIRANË, 8 shkurt/ATSH/ Kryeministri Edi Rama deklaroi sot se qeveria synon ta shndërrojë Universitetin Bujqësor të Tiranës në një destinacion ekselence në Ballkan.

“Mendoj se mund të synojmë për t’u bërë vërtet një destinacion ekselence në këtë anë të Europës. Dhe duhet të ecim përpara drejt kësaj pa u shkurajuar nga ajo me të cilën mund të përballemi rrugës”, tha Rama, në bisedë me ish-rektorin e Univesitetit BOKU të Vjenës, Hubert Hasenauer, si dhe rektorin e Univesitetit Bujqësor të Tiranës, Fatbardh Sallaku, në episodin e 5-të të sezonit të katërt të podkastit “Flasim”.

Kësaj ideje iu bashkua edhe profesori Hasenauer, i cili tha kishte parë potencial të jashtëzakonshpm jo vetëm në Shqipëri, por edhe në Kosovë apo Mal të Zi. Ai e sheh bashkëpunimin midis vendeve më efikas, sesa ndërtimin e struktura të tilla nga secili vend.

“Do donim të kishin një strukturë të qartë të programeve Bachelor dhe kërkimit shkencor në përputhje me kompetencat që kemi përcaktuar, që Universiteti (Bujqësor i Tiranës – shën. i red.) të shihet si qendër kryesore për çështjet mjedisore e sociale në fushën e bujqësisë apo të mjedisit. Nëse e arrijmë këtë atëherë mendoj se keni potencial të jashtëzakonshëm, jo vetëm në Shqipëri. Unë e njoh situatën në Kosovë apo Mal të Zi. Këto vende janë ca si shumë të vogla për të ndërtuar struktura të tilla. Por ato mund të përfitojnë në rast se gjërat këtu ecin mirë dhe sigurisht anasjelltas”, theksoi ai.

Hasenauer tha se ishte ende herët për këtë, por në periudhë afatgjatë ai shprehu besimin se Shqipëria do ta zgjeronte hapësirën e ndikimit.

“Për të qenë i sinqertë, po të mos isha i bindur që ajo që po bëjmë është krejtësisht kuptimplotë, nuk do të isha këtu”, deklaroi ai.

/r.e/

The post Rama: Synojmë ta shndërrojmë UBT në një destinacion ekselence në Ballkan appeared first on Agjencia Telegrafike Shqiptare.