TEL AVIV, 10 korrik /ATSH-ANSA/- Jemi të vendosur t’i kthejmë të gjithë pengjet në shtëpi, tha sot kryeministri izraelit Benjamin Netanyahu.

“Në fillim të këtij armëpushimi, ne do të hyjmë menjëherë në negociata për t’i dhënë fund luftës përgjithmonë”, tha ai.

“Por, për të arritur këtë qëllim, nevojiten disa kushte minimale si, çarmatimi i Hamasit, demilitarizimi i Gazës dhe shkatërrimi i kapaciteteve ushtarake të Hamasit”, shtoi ai.

“Nëse këto arrihen përmes diplomacisë, aq më mirë”, theksoi Netanyahu.

“Por, nëse kjo nuk ndodh brenda 60 ditëve nga armëpushimi, ne do ta arrijmë atë me mjete të tjera, përmes përdorimit të forcës, fuqisë së ushtrisë sonë heroike”, tha kryeministri izraelit. //a.i/

The post IZRAEL – Netanyahu: Nëse negociatat me Hamasin dështojnë brenda 60 ditëve, do të përdorim forcën appeared first on Agjencia Telegrafike Shqiptare.

Aktorja 37-vjeçare, Ana de Armas, ka ndezur kambanat e alarmit në Hollywood me një deklaratë të kohëve të fundit në lidhje me dëshirën e saj për t’u bërë nënë së shpejti, një ambicie që mund t’i shtojë një dinamikë të re marrëdhënies së saj me legjendën e filmit Tom Cruise, 63 vjeç. Kjo dëshirë nuk është e re për aktoren, pasi thuhet se ishte një faktor kyç në ndarjen e saj të kaluar me Ben Affleck.

Në një intervistë zbuluese me revistën italiane F Magazine, Ana de Armas nuk hezitoi të fliste për dëshirën e saj për të krijuar familje. “Po, do të doja të kisha fëmijë dhe një familje, së shpejti nëse është e mundur“, tha ylli. Megjithatë, me një pjekuri që bie ndesh me menjëhershmërinë e dëshirës së saj, aktorja shtoi një paralajmërim të rëndësishëm: “Por kjo nuk varet vetëm nga unë. Siç e dimë, dashuria është e paparashikueshme, nuk e di kurrë se kur do të vijë dashuria e vërtetë. Marrëdhëniet nuk mund të kontrollohen: jeta nuk është film.”

Aktorja e njohur komentoi gjithashtu se ka një “instinkt të jashtëzakonshëm për të mbrojtur fëmijët, sepse ata janë qenie të pambrojtura dhe të pafajshme që kanë nevojë për të rritur që të ndihen të sigurt”.

“Presioni” për Tom Cruise

Ana de Armas është aktualisht në një lidhje me Tom Cruise. Edhe pse aktorja thekson se kontrolli i një lidhjeje është jashtë duarve të saj, shprehja e saj e hapur për dëshirën për t’u bërë nënë “së shpejti” mund të interpretohet si presion i nënkuptuar në romancën e saj, duke pasur parasysh moshat e të dyve dhe urgjencën biologjike që shoqëron natyrshëm moshën e Anës.

The post Ana de Armas ‘i bën presion’ Tom Cruise në lidhjen e tyre, ja cfarë i kërkon appeared first on iconstyle.al.

Pesë muaj më parë kapiteni i Las Palmas kishte lënë pa fjalë të gjithë tifozët me një njoftim tronditës, duke shqiptuar ato fjalë që askush nuk do të donte t’i dëgjonte kurrë: kanceri ishte rikthyer dhe e kishte detyruar të braktiste përkohësisht futbollin për t’iu nënshtruar kurave dhe për të kapërcyer edhe këtë pengesë që i dilte përpara për herë të dytë. Kanë qenë muaj shumë të vështirë, por më në fund Kirian Rodriguez ka mundur të japë njoftimin aq të pritur, atë të rikthimit në fushë për sezonin e ardhshëm.

Lojtari ka kryer vizitat mjekësore me klubin e tij që i ka dhënë dritën jeshile për të luajtur kampionatin e ri, me shiritin e kapitenit në krah dhe me emocionin e madh për të përqafuar sërish të gjithë tifozët e tij. Skuadra nuk e ka lënë kurrë vetëm dhe i ka kushtuar disa homazhe pas konferencës së trishtuar për shtyp në shkurt, por tani është gati ta mirëpresë sërish me entuziazëm të madh dhe me dëshirën për të luftuar së bashku për të arritur ngjitjen në Ligën.

Kapiteni i Las Palmas kthehet në fushë pas kurave për kancerin

Pesë muaj më parë e ardhmja e Kirian Rodriguez dukej e pasigurt, sepse lojtari ishte goditur nga një diagnozë e re e tmerrshme. Kanceri ishte rikthyer për herë të dytë: që në vitin 2022 mesfushori ishte detyruar të ndalej për shkak të limfomës Hodgkin, duke u kthyer në fushë në janar 2023 i mirëpritur nga festa e madhe e skuadrës së tij. Por në shkurt ai u ndal përsëri për t’iu nënshtruar kurave pas një rikthimi, një lajm që askush nuk do të donte ta merrte.

Ka qenë një goditje e rëndë për të gjithë, por edhe këtë herë kapiteni i Las Palmas është gati të kthehet tek familja e tij kanarine, pasi klubi i ka dhënë dritën jeshile për të luajtur pas vizitave mjekësore para-sezonale që i ka kaluar me sukses. Kurat kanë dhënë efekt dhe lojtari është gati të luajë përsëri dhe të zbresë në fushë me Las Palmas në Segunda Division Spanjolle që do ta mirëpresë me emocion të jashtëzakonshëm.

 

View this post on Instagram

 

A post shared by UD Las Palmas Oficial (@udlaspalmasoficial)

The post U shërua për herë të dytë nga kanceri:Kirian Rodriguez kthehet në fushë me Las Palmas appeared first on Lapsi.al.

Në mes të thashethemeve për një lidhje të mundshme mes Tom Cruise, dhe Ana de Armas, ish-gruaja e Cruise, Katie Holmes, ka bërë një lëvizje të pazakontë që ka tërhequr vëmendjen në rrjetet sociale.

Holmes ka pëlqyer një postim në Instagram të Daily Mail, i cili publikoi një lajm që thonte “Lidhja mes Tom Cruise dhe Ana de Armas konfirmohet” dhe përfshinte imazhe që sugjeronin se ata janë “duke u bërë seriozë”.

Kjo lëvizje ka ndezur diskutime, pasi fansat kanë vënë re se Holmes ka reaguar ndaj postimit që flet për ish-bashkëshortin e saj.

Një komentues ka shkruar: “A e vuri dikush re që Katie Holmes pëlqeu postimin?”

Një tjetër ka bërë shaka, duke thënë: “Të famshmit, ndonjëherë janë si ne, duke ndjekur dhe aksidentalisht duke pëlqyer postime për ish-të dashurit.”

Edhe pse Cruise dhe de Armas nuk kanë konfirmuar zyrtarisht lidhjen e tyre, thashethemet kanë nisur që në shkurt, kur u panë së bashku në disa momente të ndryshme.

Një burim i afërt ka thënë se Cruise dhe de Armas kanë darkuar disa herë në një dhomë private në një klub ekskluziv në Londër dhe se “Tom duket shumë i magjepsur nga ajo dhe aktoria është shumë e lumtur me të”.

Ata janë fotografuar së bashku disa herë dhe janë parë duke kaluar kohë në Londër, ndërsa de Armas ka njoftuar se është duke punuar me Cruise në disa projekte filmike, përfshirë filmin “Deeper”, që do të drejtohet nga Doug Liman.

Holmes dhe Cruise u martuan në vitin 2006 dhe kanë një vajzë, Suri, e cila tani është 19 vjeç dhe studion në Universitetin Carnegie Mellon. Ata u ndanë në vitin 2012.

The post Kate Holmes reagon ndaj romancës së Tom Cruise me aktoren appeared first on Lapsi.al.

Një zyrtar i lartë i forcave të sigurisë në grupin militant Hamas ka thënë se grupet e armatosura palestineze kanë humbur 80 për qind të kontrollit mbi Rripin e Gazës.

Koloneli ka thënë se sistemi komandues dhe kontrollues i Hamasit ka dështuar pas sulmeve të pareshtura izraelite ndër muaj, që kanë shkatërruar lidershipin politik, ushtarak e të sigurisë të grupit islamik.

Zyrtari ishte plagosur në fillim të luftimeve, që nisën më 7 tetor 2023, kur Hamasi vrau mbi 1200 izraelitë në sulmet ndaj Izraelit. Që nga ajo kohë ai nuk ka kryer detyrat si pasojë e problemeve shëndetësore.

Në një mesazh për BBC-në, zyrtari ka thënë se Hamasi është afër kolapsit total.

Një vendim gjyqësor i gjykatës së Beratit, ka urdhëruar prokurorinë e këtij qyteti të kryejë veprime hetimore shtesë lidhur me një kallëzim të depozituar nga banorët e fshatit Lumas në Kuçovë, për punimet e paligjshme të kryera në funksion të ndërtimit të një ujësjellësi.

Vendimi është marrë nga gjyqtarja Ardiola Çela, e cila gjatë shqyrtimit të dosjes penale me nr. 814 të regjistruar për “Shkatërrim të pronës”, urdhëroi prokurorinë e Beratit që të tërhiqte mbrapsht aktet hetimore, duke vijuar hetimet e mëtejshme.

Në vendimin e saj gjyqtarja ka urdhëruar dy prokuroret Denisa Perdja dhe Aida Yzeiraj, duke plotësuar 3 pika kryesore, detyra këto që ja ka lënë gjyqtarja e çështjes.

Sipas gjykatës brenda një kohe 3 mujore, prokuroret e Beratit duhet të pyesin dhe marrë deklarimet e të gjithë personave banorë të fshatit Lumas, që pretendojnë se janë dëmtuar në pronat e tyre, për lidhur me zbatimin e projektit të ndërtimit të Ujësjellësit.

Detyra e dytë që gjykata e vendos prokurorisë, është të verifikojë në terren pretendimet e banorëve të fshatit Lumas, duke caktuar një ekspert të fushës, i cili duhet të saktësojë nëse projekti është zbatuar sipas miratimit të tij dhe nëse ka devijimi ose jo.

Ndërsa detyra e tretë e lënë nga gjykata e Beratit, është që prokuroria duhet të përcaktojë nëse ka tuba të hequra apo gërmime që kanë sjellë dëm në shkatërrimin e pronave.

Të trija këto detyra tashmë duhet të përmbushen nga ana e prokurorisë së Beratit,e cila prej vitit 2021 ka hapur një dosje penale me Nr.814 për akuzën e “Shkatërimit të pronës”.

Kallëzimi është kryer nga banorë të fshatit Lumas, të cilët kanë shfaqur pakënaqësi mbi formën dhe mënyrën se si po ndërtohet ky ujësjellës, pasi jo vetëm po prish pronat e tyre, por shkatërron dhe Kanionin e Lumit të Sinecit.

Por prokuroria e Beratit nuk e ka hetuar plotësisht këllëzimin e banorëve të Lumasit, duke u mjaftuar vetëm me një kthim përgjigje nga ana e bashkisë Kuçovë dhe më pas ka vendosur ti kërkojë gjykatës pushimin e dosjes penale.

Kërkesa për pushimin e çështjes është depozituar në gjykatë, në një kohë kur asnjë nga banorët kallëzues nuk ishte marrë në pyetje nga prokuroria e Beratit.

Nisur nga kjo situatë, gjykata e Beratit, ka vendosur të kthejë çështjen për rihetim, duke lënë 3 detyra kryesore për prokurorinë.

The post Lumas ‘në shënjestër’/ Gjykata kërkon dëshmitë e banorëve për ujësjellësin e ndërtuar nga Kuçova appeared first on Sot News | Lajme.

Izz al-Din al-Haddad, i njohur ndryshe si Abu Suheib, është figura enigmatike që prej disa muajsh drejton Hamasin në Gaza. I quajtur “Fantazma” për shkak të profilit të ulët, por ndikimit të fortë, ai ka trashëguar komandën pas vrasjes së paraardhësve dhe konsiderohet sot si njeriu që mban frenat e vendimeve strategjike. 55-vjeçari, me origjinë […]

The post “Fantazma” që udhëheq Hamasin: Abu Suheib, njeriu që sfidon Izraelin nga nëntoka e Gazës appeared first on BoldNews.al.

TEL AVIV, 6 korrik /ATSH-DPA/ – Kryeministri izraelit, Benjamin Netanyahu tha se organizata militante palestineze Hamas po kërkon ndryshime “të papranueshme” në një propozim të ri për armëpushim në Rripin e Gazës.

“Ndryshimet që Hamasi po kërkon të bëjë në propozimin e Katarit na u përcollën mbrëmë dhe janë të papranueshme për Izraelin”, tha sot zyra e Netanyahut, në një postim në median sociale.

”Kryeministri izraelit gjithashtu urdhëroi që një delegacion të dërgohej në Doha për bisedime indirekte me Hamasin”, njoftoi zyra e tij.

Ekipi negociator ishte planifikuar të nisej të dielën. Sipas raporteve të medias, Netanyahu do të niset për në Uashington po atë ditë.

Bisedimet, të ndërmjetësuara nga Katari, Egjipti dhe Shtetet e Bashkuara, po përqendrohen në arritjen e një armëpushimi 60-ditor në luftën e Gazës dhe lirimin e pengjeve që mbahen ende nga Hamasi.

Përpjekjet për të siguruar një armëpushim të përkohshëm kanë ngecur prej muajsh, por ndërmjetësit kohët e fundit paraqitën një propozim tjetër, i cili sipas raporteve parashikon ndërprerjen e armiqësive në Rripin e Gazës për të paktën 60 ditë, lirimin e 10 pengjeve izraelite dhe kthimin e mbetjeve të pengjeve të vdekura.

Në këmbim, një numër i madh i të burgosurve palestinezë do të liroheshin nga burgjet izraelite.

Gjatë armëpushimit, të dy palët do të përpiqeshin të negocionin një fund të përhershëm të luftës.

Hamasi tha të premten se ia kishte dorëzuar miratimin e tij për propozimin e fundit të ndërmjetësimit Katarit dhe Egjiptit.

Netanyahu do të takohet nesër me presidentin amerikan, Trump./ a.jor.

The post IZRAEL – Netanyahu: Të papranueshme ndryshimet e kërkuara për armëpushimin nga Hamasi appeared first on Agjencia Telegrafike Shqiptare.

Kryeministri i Izraelit, Benjamin Netanyahu, tha të dielën (06.07.) se do të dërgojë një delegacion në kryeqytetin e Katarit, Doha, për të zhvilluar bisedime për armëpushim me Hamasin, por i hodhi poshtë propozimet e Hamasit për ndryshime në projekt-marrëveshjen për armëpushim. “Ndryshimet që po kërkon të bëjë Hamasi në propozimin e Katarit na u përcollën […]

The post Izraeli do të dërgojë një delegacion për bisedime me Hamasin appeared first on BoldNews.al.

Reuters ka raportuar se Hamasi ka pranuar propozimin për armëpushim armëpushim 60-ditor në Gaza dhe marrëveshjen për lirimin e pengjeve, të formuluar nga SHBA, megjithëse ka kërkuar disa ndryshime të vogla në formulime. Draft-marrëveshja u miratua këtë javë nga Ministri Izraelit i Çështjeve Strategjike Ron Dermer gjatë vizitës së tij në Uashington. “Ne u kemi dorëzuar ndërmjetësve, […]

The post Reuters: Hamasi pranon propozimin e SHBA-së për armëpushim me Izraelin dhe lirimin e pengjeve appeared first on BoldNews.al.

Grupi militant palestinez, Hamas  ka njoftuar se i ka dhënë “përgjigje pozitive” ndërmjetësuesve lidhur me propozimin amerikan për armëpushim dhe shkëmbim të pengjeve me Izraelin.

Sipas Hamasit, mënyra e zbatimit të marrëveshjes kërkon raund të ri negociatash.

“Lëvizja është plotësisht e gatshme të hyjë menjëherë në një raund negociatash për të diskutuar mekanizmin e zbatimit të kësaj marrëveshjeje,” thuhet në deklaratën e grupit.

Propozimi i administratës Trump erdhi mbi 20 muaj pas nisjes së konfliktit dhe më shumë se tre muaj pas përfundimit të marrëveshjes së mëparshme.

Propozimi amerikan parasheh armëpushim 60-ditor, gjatë së cilës do të punohet për të gjetur zgjidhje të përhershme për Gazën.

Udhëheqësit e Hamasit janë pranë pranimit të një marrëveshjeje të propozuar për një armëpushim në Gaza, por kërkojnë garanci më të forta që çdo ndalim i luftimeve do të çojë në një përfundim të përhershëm të luftës 20-mujore, kanë thënë burime pranë grupit.

Zyrtarët e Hamasit publikuan një deklaratë të premten duke konfirmuar se, përpara se të përgjigjen zyrtarisht, ata po flasin me “fraksione të tjera palestineze” për propozimet e reja të armëpushimit që tashmë janë pranuar nga Izraeli.

Grupi islamik militant ka qenë nën presion të madh muajt e fundit, me udhëheqjen e tij ushtarake të shkatërruar dhe ushtrinë izraelite që ka detyruar luftëtarët e Hamasit të tërhiqen nga ish-bastionet në pjesët jugore dhe qendrore të Gazës.

Në ditët e fundit, Izraeli ka shtuar ofensivën, duke nisur një valë të fuqishme sulmesh ajrore në të gjithë Gazën, duke vrarë më shumë se 250 palestinezë, përfshirë shumë gra dhe fëmijë, sipas zyrtarëve mjekësorë dhe të mbrojtjes civile.

Fraksione të ashpra brenda Hamasit e kanë pranuar me ngurrim nevojën për një armëpushim për t’i dhënë mundësi organizatës të rigrupohet dhe të planifikojë një strategji të re, tha një burim i njohur me debatin e brendshëm.

Që nga kolapsi i një armëpushimi të mëparshëm në mars, më shumë se 6,000 njerëz janë vrarë në Gaza dhe një krizë e rëndë humanitare është përkeqësuar.

Përpjekjet për një armëpushim të ri në Gaza morën vrull pasi SHBA arriti një marrëveshje për të ndalur konfliktin 12-ditor mes Izraelit dhe Iranit muajin e kaluar.

Të martën, Trump njoftoi se Izraeli kishte pranuar kushtet e nevojshme për të finalizuar një armëpushim 60-ditor, gjatë të cilit palët do të punonin për t’i dhënë fund luftës. Kur u pyet të enjten nëse Hamasi kishte pranuar kornizën e fundit të marrëveshjes së armëpushimit, ai tha: “Do të shohim çfarë ndodh. Do ta dimë gjatë 24 orëve të ardhshme.” 

Benjamin Netanyahu pritet të udhëtojë drejt Uashingtonit të dielën për bisedime me Trump mbi luftën në Gaza, luftën e fundit mes Izraelit dhe Iranit, si dhe çështje të tjera rajonale.

Kryeministri izraelit ka kundërshtuar prej kohësh një përfundim të përhershëm të luftës në Gaza, pjesërisht për të ruajtur mbështetjen e aleatëve të tij të ekstremit të djathtë në koalicionin qeverisës. Por sukseset e Izraelit në luftën me Iranin kanë forcuar pozicionin e tij politik dhe sondazhet në Izrael tregojnë mbështetje të fortë për një marrëveshje.

Një zyrtar i lartë izraelit i tha Channel 12, një rrjet kryesor televiziv në Izrael: “Duke gjykuar nga sinjalet nga Hamasi, ka një probabilitet të lartë që të nisim bisedime të ndërmjetme në ditët në vijim. Nëse ka pëlqim për bisedime të tilla, do të ketë një marrëveshje.” 

Zyrtarë të tjerë izraelitë i thanë agjencisë Reuters se përgatitjet janë bërë për të miratuar marrëveshjen e armëpushimit dhe se një delegacion izraelit është duke u përgatitur për t’iu bashkuar bisedimeve indirekte të ndërmjetësuara nga Katari dhe Egjipti për të finalizuar marrëveshjen nëse Hamasi përgjigjet pozitivisht.

Propozimi përfshin lirimin e 10 pengjeve izraelite të gjalla që mbahen në Gaza që nga sulmi i Hamasit në jug të Izraelit në tetor 2023 që shkaktoi konfliktin, si dhe kthimin e trupave të 18 të tjerëve, në këmbim të të burgosurve palestinezë që mbahen në burgjet izraelite, sipas një zyrtari të njohur me negociatat, i cili foli të enjten.

Hamasi mori peng 251 persona gjatë sulmit të vitit 2023. Besohet se më pak se gjysma e 50 që mbeten ende në Gaza janë ende gjallë.

Sipas marrëveshjes, ndihma humanitare do të hynte menjëherë në Gaza dhe ushtria izraelite do të tërhiqej gradualisht nga pjesë të territorit. Negociatat për një armëpushim të përhershëm do të fillonin menjëherë.

“Shpresojmë me të vërtetë që kjo marrëveshje është përfundimtare, por gjithçka do të varet nga ajo që Hamasi është i gatshëm të pranojë,” tha Mike Huckabee, ambasadori amerikan në Izrael, për Channel 12 të enjten. “Një gjë është e qartë: presidenti dëshiron që kjo të marrë fund. Kryeministri dëshiron që kjo të marrë fund. Populli amerikan dhe populli izraelit duan që kjo të marrë fund.” 

Dërgimi i më shumë ndihmave në Gaza ka qenë një nga kërkesat kryesore të Hamasit gjatë gjithë negociatave. Izraeli vendosi një bllokadë 11-javore në mars, e cila u zbut vetëm pak në maj pas presionit të madh ndërkombëtar, ndërsa kërcënohej uria masive.

Fondacioni Humanitar i Gazës (GHF), një organizatë private sekrete e mbështetur nga SHBA dhe Izraeli që ishte ngarkuar me shpërndarjen e ushqimit në Gaza, është përfshirë nga polemika. Qindra persona janë vrarë nga zjarri izraelit ndërsa kërkonin ndihma në pikat e GHF-së dhe pasi ishin mbledhur në turma në vende ku karvanët e dërguar nga OKB ishin ndaluar.

Të premten, një raport i BBC-së citoi një ish-punonjës të GHF-së që përshkruante kolegët duke hapur zjarr ndaj palestinezëve që nuk kishin paraqitur asnjë kërcënim, me shumë që duket se ishin plagosur rëndë në disa raste.

Punonjësi i GHF-së i tha BBC-së se ai dhe të tjerë nuk kishin marrë rregulla të qarta angazhimi apo procedura standarde veprimi, dhe ishin udhëzuar nga një drejtues ekipi: “Nëse ndiheni të kërcënuar, qëlloni, qëlloni për të vrarë dhe pyetjet bëjini më vonë.” 

GHF-ja tha se akuzat, të cilat ishin bërë gjithashtu nga ish-punonjës të cituar nga Associated Press të enjten, ishin kategorikisht të pavërteta dhe se asnjë civil nuk kishte qenë nën zjarr në vendet e shpërndarjes së tyre. Ushtria izraelite ka mohuar çdo qëllim për të dëmtuar civilët që kërkonin ndihmë, duke thënë se kishte qëlluar vetëm të shtëna paralajmëruese.

Duke folur me gazetarët ndërsa ishte rrugës për në një tubim në Iowa të enjten, Trump tha: “Unë dua që njerëzit e Gazës të jenë të sigurt. Kjo është më e rëndësishmja nga gjithçka. Ata kanë kaluar nëpër ferr.” 

Netanyahu vizitoi kibucin Nir Oz të Izraelit të enjten për herë të parë që nga sulmi i Hamasit në vitin 2023. Ky komunitet ishte një nga më të goditurit në atë sulm, ku gati një në katër banorë u rrëmbyen ose u vranë.

Ai tha: “Ndjej një angazhim të thellë, para së gjithash për të siguruar kthimin e të gjithë pengjeve tona, të gjithë atyre. Janë ende 20 që janë gjallë dhe ka edhe të vdekur, dhe ne do t’i kthejmë të gjithë.” 

Kryeministri është kritikuar ashpër për refuzimin për të marrë përgjegjësi për dështimet që lejuan sulmin e vitit 2023, gjatë të cilit militantët e udhëhequr nga Hamasi vranë 1,200 persona, kryesisht civilë, dhe është akuzuar vazhdimisht për prioritetin që i jep mbijetesës së tij politike mbi fatin e pengjeve.

Fushata ushtarake hakmarrëse e Izraelit ka vrarë të paktën 57,000 persona në Gaza, gjithashtu kryesisht civilë, sipas një numërimi nga ministria e shëndetësisë në territor që konsiderohet i besueshëm nga OKB dhe shumë qeveri perëndimore.

Ushtria izraelite tha se “ndjek të drejtën ndërkombëtare dhe merr masa të mundshme për të zvogëluar dëmin ndaj civilëve” kur godet “objektiva terroriste”. 

Përshtati nga The Guardian, ©LAPSI.AL 

The post Pas 57 mijë të vrarëve, a po vjen fundi i luftës në Gaza? appeared first on Lapsi.al.

TIRANË, 3 korrik /ATSH/ Ministrja e Arsimit dhe Sportit, Ogerta Manastirliu bën me dije se nga sot, data 3 korrik, diploma e maturës gjenerohet automatikisht në portalin e-Albania.

Manastirliu ndau mesazhin e rëndësishëm për maturantët, ndërsa tha se dokumentin me vulë elektronike, maturantët mund ta gjejnë lehtësisht në hapësirën personale te rubrika “Dokumentet e mia”.

Sistemi i ri e-Matura ka digjitalizuar të gjitha proceset e maturës, duke mundësuar marrjen e diplomës së maturës në mënyrë elektronike. Këto dokumente dërgohen automatikisht nga sistemi e-Matura në e-Albania, ku maturantët mund t’i gjejnë në çdo kohë në rubrikën “Dokumentet e mia”.

Së bashku me aplikimet online për regjistrime në klasën e parë, të dhjetë dhe kërkesat për transferime të nxënësve në shkolla dhe profile më specifike arsimore, me sistemin e-Matura plotësohet një kuadër edhe më i gjerë i modernizimit të sistemit arsimor shqiptar, nëpërmjet digjitalizimit.

/e.i/j.p/

The post Diploma e Maturës gjenerohet automatikisht në e-Albania appeared first on Agjencia Telegrafike Shqiptare.

TEL AVIV, 3 korrik, /ATSH-DPA/- Kryeministri izraelit Benjamin Netanyahu tha dje se nuk do të ketë “më Hamas” në Gazën e pasluftës, pasi organizata militante palestineze thuhet se po shqyrton propozimin e ri të ndërmjetësimit për një armëpushim në territor.

“Po ju them – nuk do të ketë më Hamas. Ne nuk do të kthehemi pas. Ka mbaruar”, tha Netanyahu në një fjalim në qytetin jugor izraelit, Ashkelon.

“Ne do t’i lirojmë të gjithë pengjet tona. Ne do ta eliminojmë Hamasin deri në themelet e tij”, shtoi ai.

Presidenti i SHBA-së Donald Trump njoftoi të martën se Izraeli kishte rënë dakord për kushtet e nevojshme për një armëpushim 60-ditor në konflikt, i cili tani është në muajin e 21-të.

Gjatë kësaj kohe, Shtetet e Bashkuara të Amerikës do të punonin me të gjitha palët për t’i dhënë fund luftës. Trump i bëri thirrje Hamasit të binte dakord me marrëveshjen.

Hamasi tha dje se do ta shqyrtonte propozimin nga ndërmjetësit.

Ministri i Jashtëm Gideon Saar tha se shumica e qeverisë izraelite e mbështeste marrëveshjen për Gazën që përfshinte lirimin e pengjeve.

“Nëse na lind mundësia, nuk duhet ta humbasim!”, shkroi Saar në X.

Netanyahu do të takohet me Trump në Uashington javën e ardhshme. //a.i/

The post IZRAEL – Netanyahu: Do të eliminojmë Hamasin deri në themelet e tij appeared first on Agjencia Telegrafike Shqiptare.

GAZA, 2 korrik /ATSH-DPA/ – Në deklaratën e parë zyrtare që nga postimi i presidentit të SHBA-së Donald Trump, sipas të cilit ”Izraeli ka rënë dakord për kushtet e nevojshme për një armëpushim 60-ditor në luftën e Gazës”, Hamasi tha se ”ndërmjetësit po bëjnë përpjekje intensive për të kapërcyer dallimet midis palëve dhe për të arritur një marrëveshje kornizë që do të lejojë hapjen e një raundi serioz negociatash”.

”Po i qasemi situatës me shumë përgjegjësi duke zhvilluar konsultime kombëtare dhe duke diskutuar propozimet që na janë paraqitur, me qëllim arritjen e një marrëveshjeje që do të sigurojë fundin e agresionit, tërheqjen e forcave dhe ndihmën humanitare emergjente për popullin tonë në Rripin e Gazës”, tha Hamasi.

”Izraeli ka rënë dakord për kushtet e nevojshme për një armëpushim 60-ditor në luftën e Gazës dhe tani i takon Hamasit ta pranojë marrëveshjen”, tha dje në mbrëmje presidenti i SHBA-së, Donald Trump.

“Gjatë periudhës dymujore, Shtetet e Bashkuara të Amerikës do të punojnë me të gjitha palët për t’i dhënë fund konfliktit”, shkroi Trump në platformën e tij Truth Social.

“Shpresoj, për të mirën e Lindjes së Mesme, që Hamasi ta pranojë këtë marrëveshje sepse situata nuk do të përmirësohet, por vetëm do të përkeqësohet”, tha Trump në postimin e tij./  /os/

The post GAZA – Hamasi: Po vlerësojmë planin për armëpushimin 60-ditor me Izraelin appeared first on Agjencia Telegrafike Shqiptare.

Hamasi dhe Izraeli shprehën qëndrimet e tyre të mërkurën në prag të bisedimeve mbi thirrjen e Uashingtonit për armëpushim në Rripin e Gazës.

Derisa grupi militant – i shpallur organizatë terroriste nga SHBA-ja dhe fuqitë e tjera – la të kuptohej se është i hapur për një marrëveshje, kryeministri i Izraelit, Benjamin Netanyahu, u zotua se “nuk do të ketë Hamas” në Gazën e pasluftës.

Asnjëra palë nuk tha troç se e pranon propozimin e presidentit amerikan, Donald Trump.

Hamas këmbënguli në qëndrimin e vet të kahershëm se çdo marrëveshje duhet të sjellë përfundimin e luftës në Gazë.

Trump tha të martën se Izraeli ishte pajtuar për një armëpushim 60-ditor në Gazë dhe i bëri thirrje Hamasit ta pranojë marrëveshjen para se të përkeqësohen edhe më shumë kushtet për të.

Presidenti amerikan është duke e rritur trysninë mbi Qeverinë izraelite dhe Hamasin që të arrijnë pajtueshmëri për armëpushim, marrëveshje për pengjet dhe për t’i dhënë fund luftës.

Trump tha se koha prej 60-ditësh do të përdorej për të punuar drejt përfundimit të luftës. Por, Izraeli thotë se nuk do ta pranojë përfundimin e luftës derisa Hamasi të jetë mposhtur.

Trump theksoi se marrëveshja mund të arrihet qysh javën e ardhshme.

Por, reagimi i Hamasit, që theksoi kërkesën e vet për përfundimin e luftës, ngriti pikëpyetje nëse oferta e fundit nga ai mund t’i ndërpresë vërtet luftimet.

Zyrtari i Hamasit, Taher al-Nunu, tha se grupi militant është “i gatshëm dhe serioz për të arritur një marrëveshje”.

Ai theksoi se Hamasi është “i gatshëm ta pranojë çdo nismë që qartazi çon në përfundimin e plotë të luftës”.

Një delegacion i Hamasit pritet të takohet të mërkurën në Kajro me ndërmjetës nga Egjipti dhe Katari për të diskutuar propozimin, sipas një zyrtari egjiptian që foli në kushte anonimiteti.

LEXONI GJITHASHTU:

• Propozimi i Trump për armëpushim në Gaza, reagon Netanyahu: Hamasi do të zhduket
• Hamasi dyfishon kërkesat: Marrëveshja për pengjet vetëm nëse përfundon lufta

The post Hamas shprehet i hapur për armëpushim, por Netanyahu thotë se… appeared first on Euronews Albania.

“Po ju them qartë: Hamasi nuk do të ekzistojë më. Nuk do të ketë ‘Hamastan’. Nuk ka kthim prapa. Ka mbaruar. Do t’i lirojmë të gjithë pengjet tona. Si mund ta them këtë? Do t’i eliminojmë plotësisht”, tha kryeministri Benjamin Netanyahu, sipas zyrës së tij.

“Mundësitë para nesh janë të jashtëzakonshme. Nuk do t’i shpërdorojmë ato. Kemi një mundësi të madhe: të mposhtim armiqtë tanë dhe të sigurojmë të ardhmen tonë… do ta lidhim Azinë dhe Lindjen e Mesme, përfshirë Gadishullin Arabik, burimet e tij të mëdha të energjisë, me Perëndimin. Kjo do të ndodhë”, shtoi ai.

Ndërsa Ministri i Drejtësisë i Izraelit, Yariv Levin, tha se ka ardhur koha për të aneksuar Bregun Perëndimor. “Mendoj se kjo periudhë është një moment mundësie historike që nuk duhet ta humbasim”, duke iu referuar aneksimit të territorit të kontestuar.

“Ka ardhur koha për sovranitet, koha për të zbatuar sovranitetin. Qëndrimi im për këtë çështje është i vendosur, është i qartë”, tha Levin. Ministri tha se çështja duhet të jetë “në krye të listës së prioriteteve”.

The post Tmerri në Gaza/ Netanyahu nuk tërhiqet: Hamasin do ta eliminojmë plotësisht appeared first on Lapsi.al.

Më herët Hamasi tha se është i hapur për një marrëveshje armëpushimi me Izraelin që “çon qartë në përfundimin e plotë të luftës”, por nuk pranoi propozimin 60-ditor të presidentit amerikan Donald Trump

Në një deklaratë, Hamasi përsëriti gjithashtu se synon një marrëveshje që do të siguronte tërheqjen e forcave izraelite nga Gaza.

Një delegacion i Hamasit u takua sot në Kajro me ndërmjetësuesit egjiptianë dhe katarianë, sipas një zyrtari egjiptian.

The post “E shkuara ka marrë fund”, Netanyahu i prerë: “Nuk do të ketë më Hamas, as Hamastan appeared first on Sot News | Lajme.

Hamasi sugjeroi të mërkurën se ishte i hapur për një marrëveshje armëpushimi me Izraelin, por nuk pranoi një propozim të mbështetur nga SHBA-të, të njoftuar nga Presidenti i SHBA-së Donald Trump disa orë më parë, duke këmbëngulur në qëndrimin e tij të kahershëm se çdo marrëveshje do t’i japë fund luftës në Gaza.

Trump tha të martën se Izraeli kishte rënë dakord për kushtet e një armëpushimi 60-ditor në Gaza dhe i kërkoi Hamasit ta pranonte marrëveshjen përpara se kushtet të përkeqësoheshin.

Udhëheqësi amerikan ka rritur presionin mbi qeverinë izraelite dhe Hamasin për të ndërmjetësuar një armëpushim dhe një marrëveshje për pengjet, si dhe për t’i dhënë fund luftës, shkruan AP.

Trump tha se periudha 60-ditore do të përdoret për të punuar drejt përfundimit të luftës – diçka që Izraeli thotë se nuk do ta pranojë derisa Hamasi të mposhtet. Ai tha se një marrëveshje mund të arrihet që javën e ardhshme.

Por përgjigjja e Hamasit, e cila theksoi kërkesën e tij që lufta të mbaronte, ngriti pyetje nëse oferta e fundit mund të materializohej në një pauzë të vërtetë të luftimeve.

Zyrtari i Hamasit, Taher al-Nunu, tha se grupi militant ishte “i gatshëm dhe serioz në lidhje me arritjen e një marrëveshjeje”.

Ai tha se Hamasi ishte “i gatshëm të pranonte çdo iniciativë që çon qartë në përfundimin e plotë të luftës”.

Një delegacion i Hamasit pritet të takohet me ndërmjetësuesit egjiptianë dhe katarianë në Kajro të mërkurën për të diskutuar propozimin, sipas një zyrtari egjiptian. Zyrtari foli në kushte anonimiteti, sepse nuk ishte i autorizuar të diskutonte bisedimet me median.

The post ‘Marrëveshje për t’i dhënë fund luftës në Gaza’, Hamas i përgjigjet Trump: Armëpushim, por jo… appeared first on Sot News | Lajme.

TIRANË, 2 korrik /ATSH/ Shkolla verore është projekti pilot që po zbatohet nga Ministria e Arsimit dhe Sportit në 10 shkolla në Tiranë, Kamzë dhe Durrës.

Në ditët e fundit të këtij projekti, ministrja e Arsimit dhe Sportit, Ogerta Manastirliu ka përcjellë mesazhet e nxënësve të shkollës “Lasgush Poradeci” që po shijojnë ditët e fundit të shkollës verore, duke krijuar kujtime të paharrueshme për ta.

Nxënësit shprehin falënderimet e tyre për dy javët e angazhimit në shkollën verore të “Lasgush Poradecit”, ku janë përfshirë në aktivitete të ndryshme zbavitëse dhe edukuese, si art, zeje, pikturë, muzikë etj.

Gjithashtu, ministrja e Arsimit dhe Sportit, Ogerta Manastirliu falënderoi ditën e djeshme edhe mësuesit, punonjësit psiko-sociale dhe oficerët e sigurisë që u angazhuan për një periudhë dyjavore në projektin pilot të shkollave verore në 10 shkolla në Tiranë, Kamzë dhe Durrës.

Manastirliu tha se “mbi 150 mësues, punonjës psiko-socialë dhe oficerë të sigurisë e kthyen shkollën verore në një hapësirë argëtimi e kujdesi përmbi një mijë fëmijë në të gjithë vendin që me shumë dëshirë u bënë pjesë e këtij programi të ri”.

Ministrja Manastirliu i falënderoi të gjithë ata për angazhimin dhe përkushtimin e tyre në këtë projekt.

Shkolla verore u zhvillua çdo ditë nga ora 08:00 deri në 13:00 për një periudhë dyjavore në secilën shkollë. Gjatë kësaj kohe, fëmijët morën pjesë në një sërë aktivitetesh si: art dhe zeje, mësim i gjuhëve të huaja, kodim, sport, lojëra kreative, projekte STEM, diskutime mbi libra dhe biseda me të ftuar nga fusha të ndryshme të jetës publike e sociale. Veçanti e programit ishte edhe ofrimi i vakteve ushqimore të shëndetshme për të gjithë nxënësit.

/e.i/j.p/

The post Manastirliu: Shkolla verore “Lasgush Poradeci”, kujtime të paharrueshme për fëmijët appeared first on Agjencia Telegrafike Shqiptare.