TIRANË, 15 korrik/ATSH/ Qyteti i gurtë i Gjirokastrës mbushi 20 vjet nga shpallja pasuri botërore e UNESCO-s, teksa mbetet një ndër më të vizituarit nga turistët vendas e të huaj.

Drejtoria Rajonale e Trashëgimisë Kulturore Gjirokastër organizoi sot, me këtë rast, një sërë aktivitetesh në kalanë e qytetit.

Pjesë e festimeve ishte çelja e një ekspozite fotografike, si dhe një koncert me këngë polifonike dhe valle tradicionale.

Turistë të shumtë që vizitonin kalanë iu bashkuan grupit të këngëve dhe valleve, pasi kishin dëshirë ti njihnin më shumë ato.

I konsideruar si një qytet që përbën dëshmi unike të traditës kulturore të jetës së zhvilluar në shekujt XIV-XV, në Gjirokastër veçohet tipi i shtëpisë së fortifikuar me çati me pllaka guri, në harmoni perfekte me peizazhin shkëmbor të territorit ku ajo ngrihet.

Qyteti ruan të paprekur skemën urbanistike, ku çdo shtëpi ka karakteristika të veçanta që lidhen me terrenin mbi të cilin është ndërtuar. Sipas kategorive të monumenteve kulturore, në qytet dallohen kalaja, pazari, ndërtimet e kultit dhe shtëpitë e banimit.

Kalaja, e ndërtuar në shekullin e XIII, përbën zanafillën e qytetit, ndërsa Pazari, i vendosur në qendër të qytetit, ruan mirë karakteristikat e një pazari tradicional, me ndërtesa të njëpasnjëshme me rrugica të shtruara me kalldrëme gurësh të zinj.

1 nga 7

/k.s//r.e//a.f/

The post Gjirokastra 20 vjet në UNESCO, ekspozitë dhe koncert në kala appeared first on Agjencia Telegrafike Shqiptare.

TIRANË, 13 korrik /ATSH/ Filmi “Diamond Dust” që u shfaq mbrëmjen e djeshme në instalacionin “Reja” në Tiranë, shënoi edhe fundin e aktiviteteve në kuadër të Javës Kulturore Egjiptiane.

Në qendër të kësaj drame është një farmacist, i cili vendos të hakmerret pasi zbulon vrasjen brutale të babait të tij.

Sipas njoftimit të Javës Kulturore Ndërkombëtare, “filmi me regji të Marwan Hamed, hapi dyert e fshehtësive kriminale dhe dilemat morale që shoqëronin kërkimin për drejtësi, duke treguar se shpesh çmimi i së vërtetës është i lartë dhe kthimi pas i pamundur”.

Tirana mirëpriti nga data 8 deri më 12 korrik Javën Kulturore Egjiptiane, një ngjarje që solli gjallërinë, mistikën dhe trashëgiminë mijëravjeçare të qytetërimit egjiptian.

Kjo javë solli një sërë aktivitetesh që përfshinë vallëzim tradicional, art performativ, kuzhinë autentike dhe kinematografi bashkëkohore.

Aktivitetet nisën më 8 korrik në sallën “Tonin Harapi” pranë Liceut Artistik “Jordan Misja”, ku u prezantua shfaqja magjepsëse tanoura – një vallëzim tradicional sufi, ku valltari rrotullohet në mënyrë të pandërprerë me veshje shumëngjyrëshe, duke krijuar një efekt vizual dhe shpirtëror unik.

Më 11 korrik, vëmendja u zhvendos në hollin hyrës të Piramidës, ku u organizua festivali i ushqimit egjiptian. Vizitorët patën mundësi të provonin një larmi shijesh autentike të kuzhinës egjiptiane, nga pjata popullore si koshari, deri te ëmbëlsira të famshme si basbousa.

Po atë mbrëmje, në orën 21:00, te “Reja” u shfaq filmi “The blue elephant”, një thriller psikologjik i cili ka bërë jehonë në kinemanë arabe. Me regji të Marwan Hamed, ky film ndjek një psikoterapist që punon në një spital psikiatrik dhe përballet me një të kaluar që e trondit, duke e vendosur në kufijtë mes realitetit dhe iluzionit.

Kjo javë e cila erdhi në kuadër të Javëve Kulturore Ndërkombëtare, nismë e mbështetur nga Ministria e Ekonomisë, Kulturës dhe Inovacionit, synon të sjellë më afër publikun shqiptar me kulturat e vendeve të ndryshme nga e gjithë bota.

Nga drama “Diamond Dust” që u shfaq mbrëmjen e djeshme në instalacionin “Reja” në Tiranë

1 nga 17

/e.i//a.f/

The post Java Kulturore Egjiptiane, shfaqet drama “Diamond Dust” te Reja appeared first on Agjencia Telegrafike Shqiptare.

TIRANË, 13 korrik /ATSH/ Fëmijët e shtëpisë “Zyber Hallulli”, po kalojnë ditët e nxehta të verës në kampin veror për fëmijë, duke u larë në pishinë dhe duke u angazhuar në lojëra të ndryshme fizike apo edhe tavoline.

Ministrja e Shëndetësisë dhe Mbrojtjes Sociale, Albana Koçiu ndau në rrjetet sociale pamje nga momentet e bukura që po shijojnë fëmijët e shtëpisë “Zyber Hallulli” në kryeqytet. Koçiu u shpreh se këta fëmijë po shijojnë mes të qeshurave dhe lojërave, kampin veror të këtij sezoni.

“Kujdes, mbështetje dhe mundësi për një fëmijëri më të bukur dhe një të ardhme më të sigurt, për çdo fëmijë në sistemin tonë të mbrojtjes sociale”, tha Koçiu në një postim në rrjetet sociale.

Ky kamp veror për fëmijë është një mundësi e shkëlqyer për t’u argëtuar në ajër të pastër, mes lojërave në pishinë, lojërave sportive, akrobaci, atletike, apo në kërcim, recitim dhe lojërave të tavolinës..etj.

Mbështetja e fëmijëve në nevojë ka qenë ndër prioritetet e politikave të ndërmarra nga ministria e Mbrojtjes Sociale dhe Shëndetësisë. Në fokus të politikave ka qenë riintegrimi në shkollë, asistencë në çdo kohë për të siguruar që çdo fëmijë të rritet në një mjedis familjar, duke mundësuar mirëqenien, zhvillimin dhe pjesëmarrjen e tyre të plotë në shoqëri.

Qeveria ka mundësuar rreth 3,500 bursa për mbështetjen e nxënësve me nevoja të veçanta sociale dhe ekonomike, nxënës në nevojë nga komunitetet rome dhe egjiptiane.

/e.i//a.f/

The post Fëmijët e shtëpisë “Zyber Hallulli” argëtohen në kamp veror, Koçiu: Mbështetje për një të ardhme të sigurt appeared first on Agjencia Telegrafike Shqiptare.

TIRANË, 7 korrik/ATSH/ Në qytetin e Korçës do të rikthehet nga 10-13 korrik, edicioni i 8-të i MIK Festival, një festë e vërtetë për artin dhe qytetin juglindor.

I cilësuar si një prej ngjarjeve më të rëndësishme kulturore në rajon, ky festival u çel sot zyrtarisht përmes një konference për shtyp, e cila mblodhi vëmendjen e mediave nga e gjithë Shqipëria.

Kryetari i bashkisë së Korçës, Sotiraq Filo tha se “nën drejtimin e sopranos me famë ndërkombëtare Inva Mula, MIK Festival sjell këtë vit një program të pasur, me artistë të njohur nga Shqipëria dhe bota dhe një sërë koncertesh, që do të zhvillohen në vende të veçanta në Korçë dhe rrethinat e saj”.

“Ky festival nuk është vetëm një festë e muzikës, por edhe një urë ndërkulturore që forcon identitetin tonë dhe e promovon Korçën si kryeqytet të kulturës dhe artit”, tha Filo.

MIK Festival do të zhvillohet në vendndodhje të ndryshme: ai do të zhvendoset nga Hani i Pazarit, në Teatrin “Çajupi”, nga Drenova në Vithkuq etj. Me rëndësi do të jetë koncerti kushtuar lirikut më të madh të vokalit shqiptar Gaqo Çako, në 90-vjetorin e lindjen. Ndërkohë mes të ftuarve të shumtë festivalit spikat emri i balerinit shqiptar Eno Peçi, koreograf dhe primobalerin i Teatrit të Vjenës.

1 nga 3

/k.s/j.p/

The post Rikthehet në Korçë MIK Festival nga 10-13 korrik appeared first on Agjencia Telegrafike Shqiptare.

TIRANË, 2 korrik /ATSH/ Shkolla verore është projekti pilot që po zbatohet nga Ministria e Arsimit dhe Sportit në 10 shkolla në Tiranë, Kamzë dhe Durrës.

Në ditët e fundit të këtij projekti, ministrja e Arsimit dhe Sportit, Ogerta Manastirliu ka përcjellë mesazhet e nxënësve të shkollës “Lasgush Poradeci” që po shijojnë ditët e fundit të shkollës verore, duke krijuar kujtime të paharrueshme për ta.

Nxënësit shprehin falënderimet e tyre për dy javët e angazhimit në shkollën verore të “Lasgush Poradecit”, ku janë përfshirë në aktivitete të ndryshme zbavitëse dhe edukuese, si art, zeje, pikturë, muzikë etj.

Gjithashtu, ministrja e Arsimit dhe Sportit, Ogerta Manastirliu falënderoi ditën e djeshme edhe mësuesit, punonjësit psiko-sociale dhe oficerët e sigurisë që u angazhuan për një periudhë dyjavore në projektin pilot të shkollave verore në 10 shkolla në Tiranë, Kamzë dhe Durrës.

Manastirliu tha se “mbi 150 mësues, punonjës psiko-socialë dhe oficerë të sigurisë e kthyen shkollën verore në një hapësirë argëtimi e kujdesi përmbi një mijë fëmijë në të gjithë vendin që me shumë dëshirë u bënë pjesë e këtij programi të ri”.

Ministrja Manastirliu i falënderoi të gjithë ata për angazhimin dhe përkushtimin e tyre në këtë projekt.

Shkolla verore u zhvillua çdo ditë nga ora 08:00 deri në 13:00 për një periudhë dyjavore në secilën shkollë. Gjatë kësaj kohe, fëmijët morën pjesë në një sërë aktivitetesh si: art dhe zeje, mësim i gjuhëve të huaja, kodim, sport, lojëra kreative, projekte STEM, diskutime mbi libra dhe biseda me të ftuar nga fusha të ndryshme të jetës publike e sociale. Veçanti e programit ishte edhe ofrimi i vakteve ushqimore të shëndetshme për të gjithë nxënësit.

/e.i/j.p/

The post Manastirliu: Shkolla verore “Lasgush Poradeci”, kujtime të paharrueshme për fëmijët appeared first on Agjencia Telegrafike Shqiptare.

TIRANË, 29 qershor /ATSH/ Ministrja e Shtetit për Administratën Publike dhe Antikorrupsionin, Adea Pirdeni bëri me dije se nga 30 qershor deri në 4 korrik, do të organizohet edicioni i dytë i Javës së Administratës Publike 2025.

Ministrja Pirdeni pohon se për të dytin vit radhazi do të ketë një seri aktivitetesh ndërvepruese, ekspozita, ndarje çmimesh dhe reflektime për përmirësimin e administratës publike.

Ky aktivitet është një mundësi shumë e mirë për t’u angazhuar qoftë edhe drejtpërdrejtë duke u punësuar në administratën publike, qoftë duke u angazhuar në nismat e përbashkëta. Rienergjizimi i administratës publike për t’i shërbyer thellësisht funksionit publik është një nga angazhimet e Ministrisë së Shtetit për Administratën Publike dhe Antikorrupsionin.

/e.i/a.f/

The post Pirdeni: Java e Administratës Publike 2025, nis nesër ediconi i dytë appeared first on Agjencia Telegrafike Shqiptare.

TIRANË, 29 qershor /ATSH/ Ditët e fundit të shkollës verore te “Avni Rustemi” janë kthyer në një festë të bukur.

Ministrja e Arsimit dhe Sportit, Ogerta Manastirliu u shpreh se “fëmijët jo vetëm janë argëtuar, por kanë realizuar edhe një film të vërtetë, ku kanë treguar përvojën e tyre në këtë verë të veçantë”.

Gjithashtu, fëmijët e përfshirë në programin e shkollës verore te “Avni Rustemi” përcollën mesazhet e tyre të falënderimit, ndërsa u shprehën se u kënaqën shumë këto dy javë me aktivitete zbavitëse, lojëra, argëtim, etj.

Shkolla Verore zhvillohet çdo ditë nga ora 08:00 deri në 13:00 për një periudhë dyjavore në secilën shkollë. Gjatë kësaj kohe, fëmijët marrin pjesë në një sërë aktivitetesh si: art dhe zeje, mësim i gjuhëve të huaja, kodim, sport, lojëra kreative, projekte STEM, diskutime mbi libra dhe biseda me të ftuar nga fusha të ndryshme të jetës publike e sociale. Veçanti e programit është ofrimi i vakteve ushqimore të shëndetshme për të gjithë nxënësit.

Në zbatimin e programit janë angazhuar punonjës psiko-socialë, oficerë sigurie, infermierë por edhe të rinj vullnetarë nga gjimnazet e Tiranës.

Shkolla Verore është pjesë e një plani më të gjerë të Ministrisë së Arsimit dhe Sportit për të nxitur përfshirjen sociale dhe zhvillimin e fëmijëve.

“Ky është një projekt që po pilotohet për të parë mundësinë për ta shtrirë në vitet e ardhshme edhe në shkolla të tjera. Lehtëson shumë prindërit gjatë verës për t’i sjellë fëmijët pikërisht në ambientet ku ata janë mësuar, në shkollat e tyre. Ne kemi organizuar aktivitete të shumta, janë rreth 10 klube argëtimi apo edhe të mësuarit përmes lojës, hapësira të sigurta për fëmijët, por mbi të gjitha hapësira ku fëmijët të edukohen, shoqërohen me njëri-tjetrin dhe mbi të gjitha të kalojnë periudhën e verës nën kujdesin e mësuesve”, është shprehur më herët Manastirliu.

/e.i/a.f/

The post Manastirliu: Fundi i shkollës verore te “Avni Rustemi”, fëmijët realizojnë një film të vërtetë appeared first on Agjencia Telegrafike Shqiptare.

TIRANË, 20 qershor /ATSH/ Tirana ishte mikpritëse e një prej eventeve më të rëndësishme rajonale të vitit, ALForum 2025, që u zhvillua nga datat 18-20 qershor.

Gjatë ditëve të forumit, rreth 1 mijë pjesëmarrës nga 43 vende të rajonit euromesdhetar, përfaqësues të shoqërisë civile, akademikë, medie, të rinj liderë, institucione dhe figura me ndikim, diskutuan dhe ndanë ide për forcimin e bashkëpunimit, dialogut ndërkulturor dhe zhvillimit të qëndrueshëm në rajon.

Ministri i Ekonomisë, Kulturës dhe Inovacionit, Blendi Goxhja u shpreh se në një “kohë me sfida të ndërlikuara, forumi tregoi se dialogu, i mbështetur në dije, krijimtari dhe respekt të ndërsjellë, mbetet mënyra më e qëndrueshme për të ndërtuar të ardhmen”.

“Për tri ditë me radhë, Tirana u shndërrua në një hapësirë të gjallë ku kultura, arti, diplomacia dhe angazhimi qytetar u ndërthurën për të ripërcaktuar partneritetin euromesdhetar mbi vlera njerëzore dhe solidaritet”, tha Gonxhja, në një postim në rrjetet sociale.

Ministri Gonxhja falënderoi fondacionin “Anna Lindh” dhe princeshën Rym Ali për lidershipin dhe përkushtimin ndaj bashkëpunimit mesdhetar.

“Një falënderim të veçantë për Komisionin Evropian, Unionin për Mesdheun, Bashkinë e Tiranës dhe të gjithë partnerët për besimin dhe bashkëpunimin e çmuar”, tha Gonxhja.

Ministri i Ekonomisë, Kulturës dhe Inovacionit, Blendi Goxhja gjatë aktivitetit ALForum 2025

1 nga 24

/e.i//r.e/a.f/

The post “ALForum 2025”, Gonxhja: Dialogu, mënyra më e qëndrueshme për të ndërtuar të ardhmen appeared first on Agjencia Telegrafike Shqiptare.

TIRANË, 16 qershor/ATSH/ Nisi sot zbatimi i modelit të ri të Shkollës Verore në 10 shkolla publike në Tiranë, Kamëz dhe Durrës. Ky program përfshin fëmijët nga klasa e parë deri në të pestën, duke kombinuar mësimin me argëtimin, kujdesin dhe socializimin.

Ministrja e Arsimit dhe Sportit, Ogerta Manastirliu, ishte sot në shkollën “Emin Duraku”, një nga shkollat ku ka nisur zbatimi i programit.

“Sapo kemi nisur me Shkollën Verore, ku për dy javë, nisur nga sot, në 10 shkolla, 8 në Tiranë, 2 në Kamëz dhe Durrës, ne do të pilotojmë modelin e ri të Shkollës Verore pranë strukturave tona të arsimit parauniversitar. Një kërkesë padyshim e prindërve, por edhe një nevojë e kohës për të mobilizuar të gjitha forcat tona me mësuesit, por edhe me mbështetjen e partnerëve tanë”, tha Ministrja e Arsimit dhe Sportit, Ogerta Manastirliu.

Shkolla Verore do të zhvillohet çdo ditë nga ora 08:00 deri në 13:00 për një periudhë dyjavore në secilën shkollë. Gjatë kësaj kohe, fëmijët do të marrin pjesë në një sërë aktivitetesh si: art dhe zeje, mësim i gjuhëve të huaja, kodim, sport, lojëra kreative, projekte STEM, diskutime mbi libra dhe biseda me të ftuar nga fusha të ndryshme të jetës publike e sociale. Veçanti e programit është ofrimi i vakteve ushqimore të shëndetshme për të gjithë nxënësit.

Ministrja Manastirliu tha se në zbatimin e programit janë angazhuar punonjës psiko-socialë, oficerë sigurie, infermierë por edhe  të rinj vullnetarë nga gjimnazet e Tiranës.

“Do të jenë 1000 fëmijë që do të përfitojnë, do të jenë gjithashtu edhe vullnetarë nga gjimnazet të cilët janë angazhuar. Janë 100 të rinj nga gjimnazet e Tiranës, janë 150 mësues, oficerë sigurie, punonjës socialë, psikologë dhe infermierë që janë angazhuar në kampet e verës në shkollat tona.”

Shkolla Verore është pjesë e një plani më të gjerë të Ministrisë së Arsimit dhe Sportit për të nxitur përfshirjen sociale dhe zhvillimin e fëmijëve.

“Ky është një projekt që po pilotohet për të parë mundësinë për ta shtrirë në vitet e ardhshme edhe në shkolla të tjera. Lehtëson shumë prindërit gjatë verës për t’i sjellë fëmijët pikërisht në ambientet ku ata janë mësuar, në shkollat e tyre. Ne kemi organizuar aktivitete të shumta, janë rreth 10 klube argëtimi apo edhe të mësuarit përmes lojës, hapësira të sigurta për fëmijët, por mbi të gjitha hapësira ku fëmijët të edukohen, shoqërohen me njëri-tjetrin dhe mbi të gjitha të kalojnë periudhën e verës nën kujdesin e mësuesve.”, theksoi Ministrja e Arsimit dhe Sportit, Ogerta Manastirliu. Ky program i Ministrisë së Arsimit dhe Sportit që po pilotohet në 10 shkolla në Tiranë, Kamëz dhe Durrës, mbështetet nga World Vision Albania.

/e.i/ /a.g/

The post Nis shkolla verore, Manastirliu: Përfitojnë mbi 1 mijë fëmijë, 150 mësues të angazhuar appeared first on Agjencia Telegrafike Shqiptare.

TIRANË, 10 qershor/ATSH/ Kryeministri Edi Rama u shpreh sot gjatë rubrikës “Sy m’sy” në platformat sociale, se qeveria është në diskutime me organizatorët për të sjellë në Shqipëri dy aktivitete të jashtëzakonshme, “Global Soccer Awards” dhe “Padel International”.

“Në ndërkohë, jemi duke diskutuar edhe Durrësin e Vlorën si opsione, por me 95% mundësi në Tiranë do të sjellim edicionin evropian të “Global Soccer Awards”, të çmimit të globit të futbollit. Është një eveniment i jashtëzakonshëm, i cili mbahet çdo vit në Dubai dhe për pjesën e Evropës, organizatorët janë në diskutim me Madridin dhe me ne në Shqipëri. Kemi shumë arsye të besojmë që zgjedhja do të bjerë mbi ne dhe do të jetë fantastike që çmimin e futbollistit më të mirë të vitit, supozojmë Lamine Yamal t’ia japin këtu në Tiranë”, pohoi Rama.

Rama tha se po punohet për të sjellë edhe një tjetër aktivitet të jashtëzakonshëm në Shqipëri siç është Padel International.

“Ky është një tjetër aktivitet që ka një mbulim të jashtëzakonshëm mediatik në të gjithë botën. Është aktiviteti i padelit dhe po punojmë që të sjellim në Shqipëri një edicion të tij”, tha Kryeministri.

Sipas Ramës, “këto janë aktivitete që nuk mendohej që të zhvilloheshin në vendin tonë, por propozimet po vijnë edhe vetë në një farë mënyre.

“Është jo vetëm diçka kuptimplotë, por diçka shumë domethënëse dhe e vlefshme për të gjithë agjendën tonë të transformimit, konsolidimit që Shqipëria ka marrë në arenën ndërkombëtare. Për të gjithë agjendën tonë të zhvillimit të turizmit, ekonomisë dhe gjithë agjendën tonë të rritjes së cilësisë dhe volumit të investimeve të huaja në Shqipëri ku gjërat po marrin formë më konkrete”., theksoi Kryeministri Rama.

/a.f/

The post Rama: Në diskutime për të sjellë “Global Soccer Awards” dhe “Padel International” në Shqipëri appeared first on Agjencia Telegrafike Shqiptare.

TIRANË, 7 qershor/ATSH/ Projekti “EU4Rivers” i financuar nga Bashkimi Evropian po mbështet Shqipërinë në mbrojtjen e burimeve ujore, përmirësimin e monitorimit dhe rritjen e ndërgjegjësimit mjedisor.

Në Ditën Botërore të Mjedisit, në kuadër të këtij projekti në Shkodër u organizuan aktivitete për të nxjerrë në pah një nga burimet më të çmuara dhe të kërcënuara, lumenjtë.

Aktivitetet përfshinin marrjen e mostrave të ujit në lumin Buna dhe Liqenin e Shkodrës, duke përdorur pajisje profesionale monitorimi.

Studentë nga Universiteti i Shkodrës ndanë idetë e tyre mbi menaxhimin e qëndrueshëm të ujit.

Po ashtu, të rinjtë dhe OJQ-të u bashkuan në sesione interaktive mbi ndotjen, mbetjet plastike dhe përpjekjet ndërkufitare mjedisore.

“Lumenjtë e pastër nënkuptojnë një mjedis më të shëndetshëm për ne dhe brezat që do të vijnë. Mbrojini ato”, ishte apeli i Delegacionit të BE-së në Tiranë në Ditën Botërore të Mjedisit.

1 nga 4

/m.m/ /a.g/

The post BE, mbështetje Shqipërisë në mbrojtjen e burimeve ujore appeared first on Agjencia Telegrafike Shqiptare.

TIRANË, 5 qershor/ATSH/ Shqipëria po mirëpret Javën Kulturore Italiane nga data 1 deri më 8 qershor. 17 aktivitete në një javë në qytete të ndryshme të vendit, po sjellin në qendër të vëmendjes artin, muzikën, teatrin, modën dhe dizajnin italian, duke përforcuar lidhjet e ngushta kulturore dhe historike mes dy vendeve.

Mbrëmjen e sotme në Berat po mbahet aktiviteti aperitivo Italiano. Trio-ja italiane sjell një koncert unik ku këngët klasike të pop-it italian rivishen me tinguj jazz dhe soul.

Pas turneut në Azi, ata ndalen në Shqipëri për të ndarë me publikun elegancën dhe emocionin e muzikës italiane.

6 qershori rezervon një ngjarje të rëndësishme muzikore të javës në Teatrin e Operas dhe Baletit, ku pianisti i njohur Giovanni Bertolazzi, i shoqëruar nga Orkestra e Teatrit të Operas dhe Baletit nën dirigjimin e Andreas Solinas, do të interpretojë një program të përzgjedhur të muzikës klasike italiane.

Më 7 qershor, në Amfiteatrin e Butrintit, artisti i njohur me origjinë shqiptare Ermal Meta do të mbajë një koncert emocionues në një prej vendeve më simbolike dhe të mrekullueshme të trashëgimisë kulturore në Shqipëri.

Nga Java Italiane e Kulturës, aperitivo italiano në Berat

1 nga 12

/a.f/

The post Java Kulturore Italiane, trio-ja e artistëve koncert në Berat appeared first on Agjencia Telegrafike Shqiptare.

TIRANË, 31 maj /ATSH/ Nga data 17 deri më 31 maj, në Shqipëri po zhvillohet edicioni i radhës i Javëve Kulturore të Evropës, një festë gjithëpërfshirëse e artit dhe kulturës që shtrihet në nëntë qytete: Tiranë, Kamzë, Shkodër, Durrës, Elbasan, Vlorë, Korçë, Berat dhe Pilur (Himarë).

Mbrëmjen e djeshme, në fshatin Pilur të Himarës u organizua aktiviteti “Vëndçe”, i cili u rikthye atje ku gjithçka nisi, mes zërave që mbajnë gjallë një trashëgimi të rrallë.

Sipas njoftimit të Bashkimit Evropian, në këtë mbrëmje të bukur ku i pranishëm ishte edhe ambasadori i BE-së, Silvio Gonzato u shfaq dokumetari i Lorin Terezit, ndërsa u zhvilluan edhe biseda, këngë polifonike, që përcollën lidhjen e fortë mes zërit, vendit dhe identitetit kulturor shqiptar.

Me një program të pasur prej mbi 45 aktivitetesh, kjo javë ofron një platformë për bashkëpunim ndërkombëtar, reflektim publik dhe shprehje artistike.

Programi përfshin gjithashtu biseda me artistë, forume për dialog dhe reflektim mbi rolin e artit në shoqëri duke shndërruar qytetet shqiptare në skena të hapura të mendimit kritik dhe krijimtarisë kolektive.

Java e Evropës 2025 është një hapësirë bashkëpunimi ku kultura vepron si urë mes qytetarëve, komuniteteve dhe vlerave evropiane. Kjo iniciativë nuk synon të përshkruajë Evropën, por t’i japë zë atyre që e jetojnë dhe e ripërfytyrojnë atë, përmes gjuhës së përbashkët të artit.

Pas Javës Kulturore të Evropës, Javët Kulturore Ndërkombëtare, nismë e Ministrisë së Ekonomisë, Kulturës dhe Inovacionit vijojnë me Italinë, për t’u pasuar nga Izraeli, Suedia, Franca etj.

/a.f/

The post Java e Evropës 2025 – “Vëndçe” në Pilur me zërat e polifonisë dhe dokumentarin e Lorin Terezit appeared first on Agjencia Telegrafike Shqiptare.

TIRANË, 30 maj/ATSH/ Kuvendi i Shqipërisë hapi sot dyert për fëmijët, në prag të 1 qershorit, Ditës Ndërkombëtare të Fëmijëve. Në një atmosferë festive e edukative, salla e seancave plenare u kthye në një vend mikpritës ku fëmijët patën mundësinë të njihen nga afër me punën e Kuvendit dhe rolin e tij në jetën e qytetarëve.

Në qendër të aktivitetit ishte prezantimi i Kushtetutës për Fëmijë, një botim i ri nga Shërbimi i Edukimit Qytetar që sjell me gjuhë të thjeshtë e ilustrime të krijuara nga vetë fëmijët parimet dhe vlerat e Kushtetutës sonë. Ky botim, i menduar si një mjet didaktik për mësuesit dhe nxënësit, synon të afrojë të vegjlit me idetë themelore të drejtësisë, barazisë dhe dinjitetit njerëzor.

Kryetarja e Kuvendit, Elisa Spiropali, përshëndeti fëmijët dhe mësuesit e pranishëm, duke theksuar rëndësinë e angazhimit për një të ardhme më të mirë për fëmijët. Ajo lexoi preambulën e Kushtetutës për Fëmijë dhe u dhuroi kopje të këtij botimi, duke i ftuar që ta përdorin si udhërrëfyes në rrugën e tyre drejt njohjes së të drejtave dhe përgjegjësive.

“Ne shqiptarët jemi krenarë për historinë tonë dhe kujdesemi për të ardhmen. Besojmë tek Zoti dhe tek vlerat që na bëjnë qytetarë më të mirë. Duam të jetojmë në paqe dhe të respektojmë dinjitetin e çdo personi”, tha Spiropali.

Kuvendi i Shqipërisë do të vazhdojë të mbështesë nisma që promovojnë të drejtat dhe mirëqenien e fëmijëve, duke kontribuar për një shoqëri më gjithëpërfshirëse dhe të drejtë për më të vegjlit. /j.p/

Kryeparlamentarja Elisa Spiropali takim me nxënës dhe mësues në Kuvend me rastin e 1 qershorit

1 nga 8

The post Kuvendi hap dyert për fëmijët me rastin e 1 qershorit, Spiropali: Angazhim për të ardhme më të mirë appeared first on Agjencia Telegrafike Shqiptare.

TIRANË, 19 maj /ATSH/ Në kuadër të Javës së Familjes, bashkia Shkodër organizoi një aktivitet të veçantë me përfituesit e projektit “Fuqizimi i komunitetit përmes ofrimit të shërbimeve ditore të alternuara për fëmijët dhe familjen”, duke e kthyer këtë takim në një festë të mirëfilltë të kalimit të kohës cilësore mes prindërve dhe fëmijëve.

Në njoftimin e bashkisë, thuhet se ky aktivitet shënoi mbylljen e një projekti të rëndësishëm, i cili përmes shërbimeve ditore dhe aktiviteteve të strukturuara, ka sjellë më shumë mbështetje, përfshirje dhe zhvillim për fëmijët dhe familjet në komunitet e lagjes Nr.1 dhe Nr.5.

“Në një atmosferë të ngrohtë dhe gjithëpërfshirëse, prindërit dhe fëmijët patën mundësinë të lidhen më fort përmes lojërave, aktiviteteve kreative dhe kohës së përbashkët sepse cilësia e kohës së kaluar së bashku ndërton marrëdhënie më të shëndetshme dhe më të qëndrueshme”, nënvizohet në njoftim.

Bashkia Shkodër mbetet e angazhuar për të mbështetur dhe fuqizuar familjet, duke zgjeruar shërbimet sociale dhe duke krijuar mundësi të reja për rritjen dhe zhvillimin e fëmijëve në një mjedis të sigurt dhe mbështetës.

1 nga 7

/a.f/

The post Java e familjes, bashkia Shkodër aktivitete me prindër e fëmijë të dy komuniteteve appeared first on Agjencia Telegrafike Shqiptare.

TIRANË, 18 maj /ATSH/ Nën ritmet e muzikës, këngëve dhe valleve, si edhe me pjesëmarrjen e jashtëzakonshme të disa prej artistëve më të njohur shqiptarë dhe grupeve të huaja artistike, qyteti bregdetar i Vlorës çeli dje zyrtarisht, sezonin turistik 2025.

Në një koncert madhështor, ku performoi këngëtari Ylli Limani, por edhe grupe artistësh nga e gjithë bota, qytetarë të shumtë, turistë të huaj, por edhe artdashës ishin të pranishëm në shëtitoren në Lungomare ku ishte ngritur edhe skena e koncertit.

Kryebashkiaku i Vlorës, Ermal Dredha, u shpreh se aktivitetet hapëse të sezonit turistik nisin me “Miss Summer World”, ku përpos koncertit madhështor i cili u mbajt të shtunën në mbrëmje, janë parqshikuar edhe plot aktivitete të tjera përgjatë gjithë Lungomares.

“Ndaj, mos mungoni, eja të gjithë të bashkohemi dhe të festoni me ne”, tha Dredha.

Në Vlorë, turizmi gjithëvjetor është karakteristikë kryesore e zhvillimit të këtij qyteti bregdetar, ku vizitorë të shumtë vendas dhe të huaj shijojnë kulinarinë e qytetit bregdetar, por edhe peizazhet e mrekullueshme të Labërisë.

Edhe ditën e sotme, në Vlorë do të vazhdojnë aktivitetet artistike në kuadër të çeljes zyrtare të sezonit turistik për këtë vit, ndërsa pjesë e ofertës turistike janë edhe muzetë, kultura, kulinaria dhe tradita në të gjitha dimensionet e saj.

Koncerti i mbrëmjes së djeshme kulmoi me një spektakël të jashtëzakonshëm fishekzjarresh, ndërsa surpriza të tjera i presin sot qytetarë vlonjatë dhe turistët e shumtë që ndodhen në këtë qytet bregdetar.

1 nga 3

/a.f/

The post Vlora hap sezonin turistik 2025, Dredha: Aktivitete edhe në muajt në vijim appeared first on Agjencia Telegrafike Shqiptare.

TIRANË, 10 prill/ATSH/ Kryeministri Edi Rama ka vizituar nga afër anijen “Art Explora” duke u njohur me gjithë gamën e aktiviteteve kulturore që do të ofrohen për dhjetë ditë në qytetin bregdetar të Durrësit, nga ekspozita, te shfaqjet artistike, festivalet dhe koncertet, duke synuar që ta sjellë artin më afër publikut shqiptar.

Kryeministri Rama ka ndarë një video në rrjetet sociale, i shoqëruar nga kryebashkiakja e Durrësit Emirana Sako, kreu i fondacionit francez “Art Explora”, Frédéric Jousset, ministri francez për Evropën Benjamin Haddad dhe organizatorë të tjerë të aktivitetit, ndërsa e ka cilësuar “anijen “Art Explora” një eksperiencë unike, që i jep Durrësit për dhjetë ditë me radhë statusin e një porti arti”.

Qyteti i Durrësit mirëpret kështu një nga ngjarjet më të veçanta kulturore të vitit, teksa katamarani më i madh në botë i llojit të vet, pjesë e iniciativës ndërkombëtare Art Explora, ndalet në portin e qytetit për të sjellë një eksperiencë unike për publikun.

Për dhjetë ditë me radhë, qytetarët dhe vizitorët do të kenë mundësinë të përjetojnë një sërë aktivitetesh kulturore dhe artistike të një niveli të lartë, të hapura për publikun.

Ky aktivitet i jashtëzakonshëm e kthen Durrësin në një pikë takimi midis artit klasik dhe bashkëkohor, duke promovuar qytetin si një qendër kulturore mesdhetare.

1 nga 8

/r.e//a.f/

The post Anija Art Explora, Rama: Durrësi me statusin “port arti” për 10 ditë appeared first on Agjencia Telegrafike Shqiptare.

TIRANË, 9 prill/ATSH/ Drejtuesi i fondacionit kulturor Art Explora, Frédéric Jousset u shpreh sot gjatë aktivitetit për inaugurimin e Vila 31 x Art Explora, ish-rezidenca e një epoke të errët e kthyer në një qendër inovative artistike dhe kulturore, ku të pranishëm ishin edhe Kryeministri Edi Rama dhe ministri i Ekonomisë, Kulturës dhe Inovacionit, Blendi Gonxhja, se kjo hapësirë do të presë dhjetëra e mijëra artistë nga e gjithë bota çdo vit.

“Kjo është më tepër se një rezidencë artistësh, është një hapësirë kulturore, e hapur për të gjithë, për vizitorët shqiptarë, për të huajt, për qytetin. Do të keni koncerte, spektakle, performanca, një pishinë që u shndërrua në një vend prodhimi. Ky vend do të presë dhjetëra, mijëra njerëz çdo vit”, tha Jousset.

Drejtuesi i Art Explora ndau gjatë fjalës së tij edhe rrugëtimin drejt kësaj eksperience, nga pikënisja te finalizimi i projektit. Jousset u shpreh se ishte një takim i rastësishëm me Adea Mejdanin që e kishte ftuar për të vizituar Shqipërinë dhe më pas njohja me Kryeministrin Edi Rama që siç e cilësoi ai, hyn tek ato njohje që të ndryshojnë jetën.

“Ka takime që ndryshojnë jetën dhe Edi bën pjesë në këta personazhe jo të zakonshëm dhe kur më propozoi idenë pak të çmendur që ta merrnim vilën, shtëpinë e ish-diktatorit Enver Hoxha dhe ta bënim një rezidencë ndërkombëtare artistësh unë thashë menjëherë po. Besoj mund të themi që nuk ishte diçka e arsyeshme që t’i besohej një fondacioni të ri prej tre vitesh, që ekzistonte një projekt i tillë, por po ta njohësh Edi Ramën kjo është diçka koherente me të”, tha ai.

“Sepse ai është një piktor i talentuar dhe në historinë e njerëzimit pak kryeministra kanë qënë piktorë të shquar. Një lider karizmatik që nuk ngurroi t’i lyente ndërtesat e Tiranës kur ishte kryetar bashkie për të shënjuar fundin e komunizmit. Ishte koherent edhe me ne, Art Explora, sepse ky është një komunitet njerëzish të thjeshtë. Arti është një gjuhë universale, ushqehen shpirtrat, na lidh me njëri-tjetrin dhe mund të ndryshojë jetën”, vijoi Jousset.

Drejtuesi i këtij fondacioni kulturor, pohoi se përmes këtij projekti synohet që t’i jepet zë më i fortë artistëve, qoftë përmes festivaleve, anijes muze, kamionit muze me mijëra vullnetarë me çmimin evropian të Akademisë së Arteve të Bukura, me rezidencën në Mon Marc dhe me vilën 31.

“Faleminderit për besimin, mbështetjen që na angazhon dhe na nderon. Pas një viti e gjysmë po përjetojmë këtë ditë sot, në këtë vend që ka qenë simboli i një pushteti brutal, të dhunshëm të mbyllur në vetvete dhe tashmë një vend i hapur për artistët e gjithë botës dhe kushtuar krijimtarisë”, tha Jousset. /j.p/

The post Jousset: Vila 31 X Art Explora, hapësirë kulturore që do të presë mijëra njerëz çdo vit appeared first on Agjencia Telegrafike Shqiptare.

TIRANË, 6 prill /ATSH/ Kryeministri Edi Rama përcolli sot përmes një fotoalbumi zhvillimet kryesore të javës, që nga ndjekja nga afër e punimeve në kantierin e punës për ndërtimin e Qendrës Kombëtare të Kulturës për fëmijë, te shpallja e fituesit për projektidenë e rivitalizimit të stadiumit “Selman Stërmasi” dhe vizita zyrtare në Tel-Aviv, në Qendrën Mjekësore Sheba.

Në fillim të kësaj jave, Kryeministri Rama ndoqi nga afër punimet në kantierin e Qendrës së re Kombëtare të Kulturës për Fëmijë, aty ku ka nisur puna në kuadër të zhvillimit të projekteve infrastrukturore për avancimin e kulturës dhe artit në Shqipëri. Godina e pozicionuar pranë Parkut të Madh të Liqenit Artificial në Tiranë e bën këtë projekt, një një nga më të mëdhenjtë në Ballkan, që do të ofrojë kushte moderne për aktivitete social-kulturore, me fokus te zhvillimi i talenteve të reja dhe edukimi i artit për fëmijët.

Në fotoalbumin e aktiviteteve dhe ngjarjeve që shenjuan këtë javë, kreu i qeverisë ka ndarë foto edhe nga takimi i Komitetit të Përbashkët Konsultativ me Komitetin Ekonomik dhe Social të BE-së, ku e pranishme ishte edhe kryenegociatarja me BE-në për Shqipërinë, Majlinda Dhuka dhe ambasadori i BE-së në vendin tonë, Silvio Gonzato. Ky takim përurues i Komitetit të Përbashkët Konsultativ me Komitetin Ekonomik dhe Social të Bashkimit Europian solli në Tiranë përfaqësues të punëdhënësve, punëmarrësve dhe shoqërisë civile për të forcuar dialogun social dhe bashkëpunimin mes Shqipërisë dhe BE-së.

Kreu i ekzekutivit, i shoqëruar edhe nga zv.kryeministrja, Belinda Balluku inspektuan gjithashtu këtë javë punimet për modernizimin e infrastrukturës ekzistuese në një tjetër aks të rëndësishëm siç është superstrada Tiranë – Durrës, e cila do të kthehet në një autostradë të kategorisë A, duke shtuar korsitë e lëvizjes për një lehtësim të ndjeshëm të trafikut.

Ministrja e Infrastrukturës dhe Energjisë, Balluku informoi se kjo është faza e parë e rikonstruksionit, rehabilitimit dhe zgjerimit të autostradës Tiranë – Durrës, rreth 33 km.

Kryeministri Rama dhe zëvendëskryeministrja Balluku inspektuan njëherësh edhe rrugën Ndroq-Plepa, projekt i cili është në fazën e parë të rehabilitimit dhe konsiderohet si një vepër e rëndësishme jo vetëm nga ana infrastrukturore, por edhe për zhvillimin ekonomik, bujqësor dhe agroturistik që po merr zona.

Kryeministri Rama, së bashku me ministrin e Ekonomisë, Kulturës dhe Inovacionit Blendi Gonxhja, kanë qenë këtë javë edhe në ambientet e Mozaikut të Tiranës për të parë nga afër formën përfundimtare të këtij projekti, si nga destinacionet më të rëndësishme turistike të kryeqytetit. Ky objekt unik, i cili ruan copëza të historisë sonë të Antikitetit, është i konceptuar jo vetëm për t’u shërbyer si muze, por edhe si një qendër edukimi dhe inovacioni për fëmijët.

Në fushën e kulturës një aktivitet i rëndësishëm në javën që po lëmë pas, Rama ka marrë pjesë edhe në eventin e hapjes së HangArt, një hapësirë e re kulturore që bashkon skenën e pavarur, institucionet kulturore dhe partnerët e tyre. “Ne kemi rritur ndjeshëm buxhetin, jemi duke punuar edhe për një sërë skemash të reja të cilat besojmë do t’i vijnë në shërbim njerëzve të kulturës, skenës, aktiviteteve të drejtpërdrejta në të gjitha fushat që mbulon ky art i gjerë institucional”, tha Rama.

Në fushën e arsimit, kreu i qeverisë Rama, si edhe ministrja e Arsimit dhe Sportit Ogerta Manastirliu zhvilluan këtë javë një takim me mësuesit në shkollën “Besnik Sykja” në kryeqytet. Sipas Ramës investimi në arsim dhe vlerësimi i mësuesve është po aq i rëndësishëm sa investimi në ushtri.

“Durana Tech Park”, ishte një tjetër aktivitet ku “banorët” e parë kanë marrë certifikatat e tyre. Durana Tech Park ofron një regjim tatimor shumë të favorshëm, i krijuar enkas për të maksimizuar fitimin e kompanive rezidente në techpark. Kryeministri Edi Rama, i pranishëm në këtë ceremoni, deklaroi se certifikimi i rezidentëve të parë në Durana, është produkti i parë konkret i një vizioni që dukej utopik.

Kryeministri Edi Rama ishte i pranishëm edhe në takimin e dytë të nivelit të lartë “Shqipëria 2030 në BE – Rruga e Reformave”, ku u shpreh se garantimi i pakthyeshmërisë së Reformës në Drejtësi mbetet sfida e sfidave.

“Celebrimi i atyre që kemi arritur është i lehtë, por përmirësimi dhe adresimi i asaj çfarë kemi mësuar në 10 vjet është i vështirë dhe nuk mund të ketë përmirësim të miradresuar nëse të gjithë nuk kontribuojnë nga këndvështrimi i tyre për si dhe qysh duhen prekur ligjet dhe si duhet ndërhyrë në ngrehinën që kemi ngritur së bashku, që ajo ngrehinë të funksionojë më mirë”, tha Rama.

Një tjetër projekt i rëndësishëm, është edhe ai i rijetëzimit të stadiumit “Selman Stërmasi”, ku në fazën finale të tij u shpall edhe studioja arkitekturore fituese “OMA” dhe partnerët e tjerë. Në fjalën e mbajtur në këtë aktivitet, kryeministri Edi Rama theksoi se kjo është një tjetër garë e organizuar nga Korporata Shqiptare e Investimeve për një tjetër zhvillim me shumë rëndësi në disa aspekte për kryeqytetin. Rama theksoi se ky projekt vjen pas projekteve për tre stadiume të tjera: në Durrës, Vlorë dhe Korçë, të cilat janë tani në fazë zhvillimi.

Në aspektin e sigurisë dhe mbrojtjes kombëtare, Kryeministri Rama, i shoqëruar edhe nga ministri i Mbrojtjes Pirro Vengu dhe shefi i Shtabit të Përgjithshëm të FA-ve gjeneral lejtnant Arben Kingji vizituan këtë javë Komandën e Forcës Tokësore, në Zall-Herr. Kryeministri Rama u takua me ushtarakë, oficerë e nënoficerë, si dhe studentë dhe të rinj të interesuar për t’u rekrutuar në radhët e Forcave të Armatosura Shqiptare.

Kreu i qeverisë ka ndarë edhe momente nga takimet “celulë më celulë” me shtabet elektorale të Partisë Socialiste Nr.3, Nr.11 dhe Nr.14, në kuadër të fushatës për zgjedhjet e 11 majit.

Në fund, Rama ka përcjellë edhe fotot nga vizita zyrtare sot në Izrael, në Qendrën Mjekësore Sheba në Tel-Aviv ku Kryeministri u njoh me inovacionin dhe teknologjinë e aplikuar në këtë qendër të ekselencës që renditet e teta në botë.

Nga fotoalbumi i Kryeministrit Rama me aktivitetet e zhvilluara gjatë javës

1 nga 75

/r.e/

The post Rama ndan fotoalbumin e javës appeared first on Agjencia Telegrafike Shqiptare.

Kreu i Grupit Parlamentar të PD-së, njëherësh drejtues politik në qarkun e Fierit, Gazment Bardhi, ka denoncuar zëvendëskryeministren Belinda Ballukun, duke thënë se po keqpërdor mësuesit dhe nxënësit për aktivitete elektorale.

Bardhi ka publikuar një mesazh, sipas të cilit mësuesit dhe nxënësit në Fier janë detyruar të braktisin mësimin, për të marrë pjesë në aktivitetet elektorale të Ballukut.

“Ku është SPAK për të ndëshkuar krimet elektorale?”, pyet ai.

Postimi i Bardhit:

Keqpërdorimi i mësuesve dhe nxënësve për aktivitete të stisura politike është krim! Më poshtë denoncimi i mësuesve të shkollave të mesme në qytetin e Fierit, që sot janë detyruar të braktisur mësimin për aktivitetet e Belinda Ballukut! Qytetarët e Fierit i kanë braktisur dhe sot secili prej tyre pyet: Ku është SPAK për të ndëshkuar krimet elektorale?

Denoncimi i mësuesve që janë detyruar të veprojnë në kundërshtim me ligjin, me urdhër politik të drejtuesve të shkollave:

Mirëmëngjes! Uroj të jeni mirë! Ditën e djeshme Belinda Balluku ka shpërndarë në facebook çeljen e panairit të punës në Fier. Sot, drejtorët e shkollave kanë njoftuar mësuesit të shoqërojnë nxënësit e maturave, të ndërpresin mësimin orë 3,4, dhe të shoqërojnë nxënësit në panair. Ndërprerja e mësimit nuk lejohet për çdo lloj aktiviteti, por mesa di unë, edhe pjesëmarrja në veprimtari ku marrin pjesë kandidatët për deputetë që janë shpallur zyrtarisht nga KQZ. Faleminderit!

The post Bardhi publikon SMS-në: Mësuesit e Fierit kanë braktisur mësimin për aktivitet e Belinda Ballukut appeared first on Sot News | Lajme.