TIRANË, 6 gusht/ATSH/ Autoriteti i Mediave Audiovizive ka vendosur një rekord të ri bashkëpunimi me një nga platformat e mëdha online.

Kryetarja e AMA-s, Armela Krasniqi ka njoftuar sot se është lidhur një urë bashkëpunimi me platformën X, për të mbikqyrur dhe ndjekur me prioritet çdo përmbajtje potenacialisht të dëmshme në gjuhën shqipe, që shpërndahet në këtë platformë.

Ky bashkëpunim parashikon një kanal të dedikuar për AMA-n në Platformën X, nëpërmjet të cilit do të komunikohet për çdo përmbajtje të dëmshme ku shfaqet apo nxitet dhunë e çdo lloji, me gjuhë urrejtje, përmbajtje që shkelin të drejtat e fëmijëve dhe komuniteteve, liritë dhe të drejtat themelore të njeriut etj.

“Një mjedis i pastër digjital, pa dhunë e urrejtje dhe mbrojtja e të drejtave të fëmijëve apo komuniteteve është prioritet për ne, ka shkruar Krasniqi, ndërsa ka shprehur falënderimet për këtë bashkëpunim të gjetur me X.

/k.s//a.f/

The post AMA bashkëpunim me platformën X, Krasniqi: Një mjedis i pastër digjital, prioriteti ynë appeared first on Agjencia Telegrafike Shqiptare.

PRISHTINË, 5 gusht /ATSH/ Presidentja Vjosa Osmani ka marrë një letër nga Presidenti i Shteteve të Bashkuara të Amerikës, Donald Trump, në të cilën ai e falënderon për përkushtimin dhe miqësinë ndaj Shteteve të Bashkuara, lidershipin e guximshëm dhe shpreh dëshirën për të thelluar bashkëpunimin në vitet që vijnë.

Sipas një njoftimi të Presidencës, në letër, Presidenti amerikan shkruan se vendimi për të pranuar shtetas nga shtete të tjera tregon gatishmërinë e fortë të Kosovës për të bashkëpunuar me Shtetet e Bashkuara të Amerikës, duke shtuar se lidershipi në këtë çështje tregon fuqinë dhe dhembshurinë e popullit të Kosovës.

“Shtetet e Bashkuara të Amerikës dhe Kosova ndajnë një lidhje të thellë, të bazuar në respektin e ndërsjellë, vlera të përbashkëta demokratike dhe një vizion për një të ardhme paqësore dhe prosperuese. Përkushtimi juaj për forcimin e kësaj lidhjeje nuk ka kaluar pa u vërejtur, dhe jam i bindur se së bashku do të vazhdojmë të avancojmë qëllimet tona të përbashkëta,” ka theksuar Presidenti Trump në letrën e tij.

Duke e falënderuar Presidenten për angazhimin e saj në forcimin e partneritetit me SHBA-të, Presidenti Trump gjithashtu shprehet: “Ju falënderoj sërish për lidershipin tuaj të guximshëm dhe për faktin që qëndroni si një mike e vërtetë e Shteteve të Bashkuara. Mezi pres të punojmë së bashku me ju në vitet që vijnë.”

Në fund të letrës, Presidenti Trump i dërgon Presidentes Osmani edhe urimet më të mira nga Zonja e Parë e SHBA-ve, Melania Trump.

/KosovaPress/

The post Osmani merr letër nga presidenti Trump: Do t’i avancojmë qëllimet tona të përbashkëta appeared first on Agjencia Telegrafike Shqiptare.

TIRANË, 1 gusht/ATSH/ Shtetet e Bashkuara të Amerikës dhe Shqipëria po vijojnë bashkëpunimin në fushën e mbrojtjes.

Ambasada e SHBA-së në Tiranë bëri sot të ditur se pjesëtarë të Forcave të Armatosura shqiptare po kalojnë tri javë duke u trajnuar dhe duke kryer mirëmbajtjen e automjeteve së bashku me personelin e Gardës Kombëtare të Nju-Xhersit (NJNG) në bazën e përbashkët McGuire-Dix-Lakehurst, në Nju-Xhersi.

Ky angazhim është pjesë e Programit të Partneritetit Shtetëror të NJNG, që synon rritjen e bashkëpunimit dhe ndërveprimit midis dy forcave.

Gjatë muajit korrik, një ekuipazh ajror i Gardës Kombëtare të Nju-Xhersit (New Jersey) ishte në Shqipëri për të punuar me Forcat Ajrore në mirëmbajtjen e helikopterëve dhe për përgatitje për misione kërkimi dhe shpëtimi.

1 nga 6

/m.m//r.e//a.f/

The post Pjesëtarë të FA-së, trajnim pranë bazës së Gardës Kombëtare të Nju-Xhersit appeared first on Agjencia Telegrafike Shqiptare.

TIRANË, 29 korrik/ATSH/ Ministria e Brendshme njoftoi sot se u mblodh taskforca e krijuar me Vendim të Këshillit të Ministrave, me qëllim koordinimin, ndjekjen dhe mbikëqyrjen e zbatimit të protokollit të nënshkruar me Qeverinë e Republikës së Italisë, për forcimin e bashkëpunimit në fushën e migracionit dhe marrëveshjes zbatuese të tij.

Për të garantuar mbështetjen e strukturave të angazhuara me burimet e nevojshme për përmbushjen e përgjegjësive të tyre, filloi puna për hartimin e Planit të Veprimit, sipas fushave të përgjegjësisë të institucioneve të përfshira, si një dokument i vetëm, për t`u miratuar brenda gushtit 2025, duke rikonfirmuar angazhimin për një qasje të përbashkët e të koordinuar.

Ministria e Brendshme u shpreh se vlerësimet e deritanishme të të dy palëve, për bashkëpunimin në zbatimin e këtij Protokolli janë në nivel shumë të mirë.

1 nga 3

The post Bashkëpunimi me Italinë për migracionin, taskforca nis hartimin e planit të veprimit appeared first on Agjencia Telegrafike Shqiptare.

TIRANË, 22 korrik/ATSH/ Një ekuipazh ajror i Gardës Kombëtare të Nju-Xhersit (New Jersey) ishte në Shqipëri për të punuar me Forcat Ajrore në mirëmbajtjen e helikopterëve dhe për përgatitje për misione kërkimi dhe shpëtimi.

Ambasada e SHBA-së në Tiranë bëri të ditur sot se në kuadër të këtij bashkëpunimi ishte në Shqipëri oficeri Justin Blistyak, i cili fluturoi me helikopterin Black Hawk Tail Number 690 në operacionet e shpëtimit nga Uragani Sandy dhe misionet ajrore të zjarrfikjes në Nju-Xhersi.

“Forcat Ajrore Shqiptare përdorin të njëjtin model helikopteri për të luftuar zjarret dhe për të shpëtuar jetë në Shqipëri. Shkëmbime si ai i javës së kaluar ndihmojnë në sigurimin e një koordinimi të përsosur midis Aleatëve të NATO-s për mbrojtjen tonë të përbashkët”, thuhet në njoftimin e ambasadës së SHBA-së.

Justin Blistyak, piloti testues i mirëmbajtjes në Gardën Kombëtare të Nju-Xhersit ndodhet në Shqipëri në kuadër të Programit të Partneritetit Shtetëror për të ofruar mbështetje për programin e helikopterëve UH-60.

Blistyak vlerësoi se ky partneritet është një mundësi e shkëlqyer, pasi i lejon të punojnë së bashku dhe të ofrojnë ndihmë praktike dhe trajnim, si në procedurat e mirëmbajtjes, ashtu edhe në aspekte shtesë të përdorimit të pajisjeve të misionit, si pajisjet e shpëtimit.

“Ky helikopter ka pasur një rol të madh në fillimet e karrierës time në Gardën Kombëtare të Nju-Xhersit. Ishte një nga helikoperët e parë me të cilët kam fluturuar deri në momentin kur u shit për përdorim ndërkombëtar në vitin 2019 dhe mbërriti këtu në Shqipëri rreth një vit e gjysmë më parë. Gjatë uraganit Sandy në vitin 2012 kam qenë shef ekuipazhi dhe kemi fluturuar me këtë helikopter për shumë orë në operacione për përballimin e fatkeqëpsive natyrore në zonat që nuk ishin të aksesueshsme me mjete pas stuhisë”, theksoi ai.

Oficeri i Gardës Kombëtare të Nju-Xhersit bëri të ditur se ky helikopter është përdorur gjithashtu disa herë në Nju-Xhersi për misione të shuarjes së zjarreve nga ajri dhe tani po përdoret për të njëjtin qëllim edhe këtu në Shqipëri.

“Ashtu siç bëri për ne atje, po kryen punë të jashtëzkaonshme në përmbushjen e misionit edhe këtu. Gjithashtu nga një këndvështrim i NATO-s ky helikopter i mundëson Forcave Ajrore shqiptare të ecin përpara duke marrë pjesë më me sukses në stërvitjet e NATO-s dhe duke qenë në të njëjtin nivel me shumë mjete të tjera ajrore të NATO-s që përdorin të njëjtin lloj sistem fluturimi”, shtoi ai.

/m.m/r.e/

The post Ekuipazhi ajror i Gardës Kombëtare të Nju-Xhersit trajnon Forcat Ajrore appeared first on Agjencia Telegrafike Shqiptare.

Autoritetet policore greke kanë arrestuar 8 persona, të akuzuar si pjesëtarë të një grupi kriminal që shiste drogë në Mykonos. Mediat helene raportojnë se 4 prej të arrestuarve janë efektivë të policisë greke dhe 4 të tjerë shqiptarë, përfshirë dhe një person tjetër në kërkim, të cilët bashkëpunonin me njëri-tjetrin duke rihedhur në treg drogë […]

The post Goditet rrjeti i drogës në Mikonos, polici grek bashkëpunonte me shqiptarët. U zbulohen 5 mln euro appeared first on BoldNews.al.

TIRANË, 19 korrik/ATSH/ Mirëmbajtësit e avionëve dhe ekuipazhi ajror i Gardës Kombëtare të New Jersey-t ishin në Shqipëri këtë javë duke punuar me Forcat Ajrore për të mirëmbajtur avionët dhe për t’u përgatitur për misione kërkimi dhe shpëtimi.

Ambasada e SHBA-së në Tiranë bëri të ditur se ata po përdorin të njëjtin helikopter Black Hawk që shpëtoi jetë gjatë operacioneve të kërkim-shpëtimit pas Uraganit Sandy në vitin 2012, dhe po punojnë me të njëjtin ekip mirëmbajtjeje.

“Aftësia për të përballuar goditje si katastrofat natyrore është një pjesë e rëndësishme e qëndrueshmërisë së Aleatëve, pararojë e mbrojtjes së NATO-s”, thuhet në njoftimin për shtyp të ambasadës së SHBA-së në Tiranë.

1 nga 9

/m.m//a.f/

The post Misionet e kërkim-shpëtimit, ekuipazhi ajror i Gardës Kombëtare të New Jersey asiston FA appeared first on Agjencia Telegrafike Shqiptare.

Presidentja e Kosovës, Vjosa Osmani është takuar më 10 korrik me zëvendëssekretarin amerikan të Shtetit, Christopher Landau në Uashington për t’i diskutuar fushat potenciale për bashkëpunimin ekonomik mes dy vendeve në të ardhmen.

Zëdhënësja e Departamentit amerikan të Shtetit, Tammy Bruce, ka thënë se palët kanë shprehur bindje që “prosperiteti ekonomik dhe bashkëpunimi do t’i ndihmojnë Ballkanit Perëndimor që të largohet nga ndasitë e së kaluarës dhe të promovojë paqe të qëndrueshme dhe stabilitet në rajon”.

Osmani ka thënë përmes një postimi në Facebook se “Kosova qëndron krah për krah me Shtetet e Bashkuara për të ndërtuar kapituj të rinj të bashkëpunimit strategjik, në përputhje me vizionin e fortë të Presidentit Trump”.

Më 9 korrik, Osmani është takuar edhe me zyrtarin e lartë të Departamentit amerikan të Shtetit për Çështje Evropiane, Brendan Hanrahan, i cili pritet të vizitojë Kosovën në ditët në vijim.

Përmes një postimi tjetër në Facebook, Osmani ka thënë se bashkë me diplomatin amerikan kanë diskutuar për “thellimin e partneritetit strategjik midis Kosovës dhe Shteteve të Bashkuara”.

“Kosova është e gatshme ta avancojë bashkëpunimin me SHBA-të në fusha kyç si mbrojtja, ekonomia, si dhe investimet strategjike me interes të ndërsjellë”.

Në kuadër të vizitës së saj në Uashington, Osmani ka mbajtur edhe një ligjëratë në një institut, përgjatë së cilës ka thënë se ka “informacione të besueshme” se presidenti amerikan, Donald Trump, ka parandaluar së voni mundësinë e një përshkallëzimi të mundshëm të situatës nga Serbia në Kosovë.

“Ai (Trump) është shumë i qartë në deklaratën e tij se po flet për javët e fundit”, ka thënë presidentja Osmani, duke theksuar se nuk bëhet fjalë për zhvillime të vitit 2023 apo 2020, por “për zhvillime shumë, shumë të vona”.

“Ndaj, nuk duhet ta mohojmë mundësinë, sepse ka ndodhur më parë”, ka thënë Osmani, duke iu referuar sulmit të armatosur në Banjskë të Zveçanit më 2023, kur një grup serbësh patën sulmuar Policinë e Kosovës, duke vrarë rreshterin Afrim Bunjaku.

Në fjalën e saj, presidentja Osmani paralajmëroi se rreziqet nga Serbia janë të vazhdueshme dhe se ato nuk duhen nënvlerësuar. Sipas saj, presidenti Trump ka bërë gjithçka që është në fuqinë e tij deri tani, për të siguruar ruajtjen e paqes në gjithë rajonin e Ballkanit Perëndimor.

Duke folur për takimet që po zhvillon në SHBA dhe marrëdhëniet ndërmjet Kosovës dhe SHBA-së, Osmani ka thënë se administrata e presidentit Trump ka ide të reja për t’i forcuar më tej ato.

“Ne duam të ulemi me partnerët në këtë administratë për t’u shpjeguar se si Kosova ka këtë potencial. Kjo, natyrisht, është në interes të popullit tonë, në interes të vendit tonë dhe në interes të rajonit tonë. Por, në të njëjtën kohë, kjo përputhet me prioritetet e administratës Trump për ta bërë Amerikën më të sigurt, më të fortë dhe më të begatë”.

Sipas saj në takime me zyrtarët amerikanë, nuk është diskutuar për dialogun për normalizimin e marrëdhënieve me Serbinë – “për herë të parë pas shumë vitesh”.

“Kemi folur për Kosovën dhe Shtetet e Bashkuara. Për herë të parë, nuk kemi folur për Serbinë. Perfekt. Ishin biseda perfekte”, ka deklaruar Osmani, pa hyrë në shumë detaje.

Shtetet e Bashkuara kanë ndarë mbi 2 miliardë dollarë për Kosovën prej vitit 1998. Udhëheqës shtetërorë kosovarë e përsërisin shpesh që Amerika është partnerja më e rëndësishme e Kosovës dhe se mbështetja e saj është jetike. REL/

The post Osmani diskuton me zëvendëssekretarin Landau për bashkëpunimin ekonomik Kosovë – SHBA appeared first on Sot News | Lajme.

TIRANË, 7 korrik /ATSH/ Drejtore e Përgjithshme e Programimit Strategjik dhe Koordinimit të Ndihmës, Eridana Çano, priti sot në një takim drejtoren e përgjithshme të Qendrës së Zhvillimit të OECD-së, Ragnheiður Elín Árnadóttir, e cila ndodhet për një vizitë zyrtare në Shqipëri për herë të parë.

Gjatë takimit palët u angazhuan për të nxitur një zhvillim gjithëpërfshirës dhe të qëndrueshëm në Shqipëri.

Po ashtu, u shkëmbyen ide dhe përvoja mbi një sërë temash me rëndësi të veçantë për axhendën zhvillimore të vendit, si transformimi digjital, ekonomia e gjelbër, përfshirja sociale dhe rritja e bashkëpunimit rajonal.

Në fokus të diskutimeve ishte edhe rëndësia e forcimit të partneritetit ndërmjet institucioneve shqiptare dhe Qendrës së Zhvillimit të OECD-së, në një kohë kur vendet po përballen me sfida të shumta globale dhe rajonale.

Palët shprehën vullnetin për të avancuar më tej bashkëpunimin në projekte konkrete që synojnë nxitjen e rritjes ekonomike, rritjen e kapaciteteve institucionale dhe forcimin e reziliencës ndaj krizave të mundshme. /j.p/

1 nga 5

The post Forcim i partneritetit ndërmjet institucioneve shqiptare dhe Qendrës së Zhvillimit të OECD-së appeared first on Agjencia Telegrafike Shqiptare.

KIEV, 30 qershor /ATSH-DPA/ – Presidenti ukrainas, Volodymyr Zelensky i ka kërkuar Gjermanisë të furnizojë sisteme shtesë të mbrojtjes ajrore IRIS-T për t’iu kundërvënë sulmeve të rënda ruse me dronë dhe raketa.

Ai e diskutoi këtë çështje me ministrin e Jashtëm gjerman, Johann Wadephul gjatë një takimi në kryeqytetin ukrainas.

Në fillim të vizitës së tij të parë në Kiev që nga marrja e detyrës në fillim të majit, Wadephul inspektoi një instalim të mbrojtjes ajrore IRIS-T, i cili luan një rol vendimtar në mbrojtjen e Kievit nga sulmet ruse.

Që nga prilli, Gjermania i ka siguruar Ukrainës gjashtë nga këto sisteme dhe ka premtuar edhe 10 të tjera.

Gjermania dhe Ukraina synojnë të rrisin bashkëpunimin në sektorin e mbrojtjes, deklaroi ministri i Jashtëm gjerman, Johann Wadephul, ndërsa vizitoi Kievin për herë të parë që nga marrja e detyrës muajin e kaluar.

“Bashkëpunimi ynë në mbrojtje është një kartë e fortë e vërtetë”, tha Wadephul në një takim me homologun e tij ukrainas Andrii Sybiha në Kiev.

“Është një vazhdim logjik i furnizimeve tona materiale dhe ne mund të përfitojmë prej tij nga të dyja palët. Me pasurinë tuaj të ideve dhe përvojës, ne gjithashtu do të bëhemi më të mirë”, shtoi ai.

Wadephul u shoqërua në Kiev nga përfaqësues të lartë të kompanive gjermane të mbrojtjes dhe tha se do t’i çonte drejtuesit e mbrojtjes në një takim me presidentin Volodymyr Zelensky.

“Unë besoj se është në interes të të dyja palëve që të punojmë më ngushtë së bashku këtu”, tha ai.

Qëllimi është të krijohen sipërmarrje të reja të përbashkëta në industrinë e mbrojtjes “në mënyrë që Ukraina të mund të prodhojë më shpejt dhe më shumë për mbrojtjen e saj,” tha ministri i Jashtëm./  /os/

The post KIEV – Zelensky kërkon nga Gjermania më shumë sisteme të mbrojtjes ajrore IRIS-T appeared first on Agjencia Telegrafike Shqiptare.

Teksa gjyqi penal ndaj Sean “Diddy” Combs po afrohet drejt përfundimit, djali i tij, Christian “King” Combs, publikoi të premten albumin e ri Never Stop, në bashkëpunim me Kanye West.

Projekti përfshin këngën “Diddy Free”, një deklaratë e drejtpërdrejtë në mbështetje të babait të tij.

Kënga hapet me vargun: “S’ka gjumë derisa ta shohim Diddy-n të lirë.” Më tej, King Combs vazhdon: “Kur situata bëhet e dyshimtë, ata luajnë viktimën. Fytyrë e pastër, por ata po përpiqen të njollosin imazhin.”

EP-ja hapet me këngën “Lonely Roads”, ku si artiste e ftuar figuron edhe North West, vajza e Kanye West.

Publikimi i projektit erdhi pak para se ekipi ligjor i Diddy-t të jepte argumentet përmbyllëse në sallën e gjyqit të premten në mëngjes. Avokati kryesor i tij, Marc Agnifilo, e quajti gjyqin një “proces të rremë”.

Kanye West, i cili ka qenë vazhdimisht në qendër të polemikave gjatë vitit 2025 për deklarata fyese në rrjetet sociale, ka shprehur publikisht mbështetjen e tij për Diddy-n dhe u pa në sallën e gjyqit në Nju Jork në fillim të këtij muaji.

Sean Combs përballet me akuza të rënda për trafikim seksual dhe pjesëmarrje në një rrjet kriminal – akuza për të cilat mund të përfundojë me burgim të përjetshëm nëse shpallet fajtor. Ai ka deklaruar pafajësinë për të gjitha akuzat.

Pas më shumë se një muaji dëshmish dhe provash, Combs zgjodhi të mos dëshmonte në gjyq këtë javë. Të enjten, prokurorët federalë mbajtën argumentet e tyre përmbyllëse që zgjatën katër orë e gjysmë, duke i bërë thirrje jurisë që ta shpallë fajtor Diddy-n dhe duke e quajtur atë “udhëheqës i një organizate kriminale”.

“E gjithë kjo  jep një pamje të qartë të mënyrës se si i akuzuari ka kryer krimet,” tha prokurorja Christy Slavik. “Deri më sot, ai ka mundur t’i shpëtojë drejtësisë për shkak të parasë, pushtetit dhe ndikimit të tij. Por kjo mbaron këtu. Ka ardhur koha për drejtësi.”

The post Kanye West, këngë dedikuar Diddy appeared first on Lapsi.al.

TIRANË, 28 qershor/ATSH/ Universiteti i Sporteve i Tiranës dhe ai i Pekinit kanë nisur bisedimet për një bashkëpunim mes tyre.

Ky bashkëpunim vjen me iniciativë të Presidentit të Komitetit Olimpik Kombëtar Shqiptar, Fidel Ylli dhe në mbështetjen e Komitetit Olimpik Kinez.

Qëllimi është bashkëpunimi në kërkimin shkencor në fushën e sportit, si edhe kualifikime të specializuara në administrimin sportiv dhe mjekësinë sportive.

Gjatë vizitës së tij në Tiranë, presidenti i Komitetit Olimpik Kinez dhe njëherësh ministër i Sportit, Gao Zhidan, ka zhvilluar një vizitë në Universitetin e Sporteve.

Nën kujdesin e rektorit Agron Kasa dhe i shoqëruar nga presidenti Fidel Ylli, presidenti Gao Zhidan ka parë nga afër auditoret dhe laboratorët modernë të Universitetit të Sporteve, ndërsa konfirmoi mbështetjen e tij për bashkëpunimin mes dy universiteteve.

1 nga 6

/k.s/j.p/

The post Bisedime për bashkëpunim mes Universitetit të Sporteve të Tiranës dhe atij të Pekinit appeared first on Agjencia Telegrafike Shqiptare.

Ish-banori i “Big Brother VIP Albania”, Joz Marku, ka zhvilluar një bisedë virtuale me ndjekësit e tij në rrjete sociale, ku nuk kanë munguar as pyetjet ‘pikante’. Një nga temat që tërhoqi më shumë vëmendje ishte ajo për reperin Ledri Vula, i cili deklaroi publikisht se nuk do të realizonte kurrë një bashkëpunim me Jozin. Ndërsa reagimi i Jozit nuk vonoi. I pyetur për këtë deklaratë, ai zgjodhi të përgjigjej me një mesazh të fortë e simbolik:

“Kingjat (qingjat) në tufë, Luani vetëm në fron.”

Fjalët e tij janë interpretuar si një përgjigje e drejtpërdrejtë dhe një ‘diss’ ndaj refuzimit të Ledrit, duke e vendosur veten në një pozicion të veçantë e të vetmuar, si “luani” që nuk ka nevojë për “tufën e qingjave”.

The post “Nuk do bashkëpunoja kurrë me Jozin”/ Këngëtari i kthen përgjigje ‘dhëmbë për dhëmbë’ Ledrit appeared first on Sot News | Lajme.

TIRANË, 25 qershor/ATSH/ Prezenca e OSBE-së në Shqipëri njoftoi përmes rrjeteve sociale se ditën e djeshme, kryetari i Prezencës, ambasadori Michel Tarran, zhvilloi një vizitë në Pikën Kufitare të Kakavijës.

Kjo vizitë vuri në dukje rëndësinë e bashkëpunimit ndërkufitar, forcimin e sigurisë dhe mbështetjen e vazhdueshme nga partnerët ndërkombëtarë për menaxhimin e kufijve. Gjithashtu, u theksua roli i misionit të FRONTEX në këtë drejtim.

OSBE u shpreh mirënjohëse për bashkëpunimin e vazhdueshëm dhe angazhimin për të forcuar kapacitetet institucionale në menaxhimin e kufirit.

1 nga 3

/a.f//r.e/

The post Tarran vizitë në Kakavijë, në fokus forcimi i sigurisë ndërkufitare appeared first on Agjencia Telegrafike Shqiptare.

TIRANË, 19 qershor/ATSH/ Ministri i Mbrojtjes, Pirro Vengu pati sot takim në Paris me homologun francez Sébastien Lecornu, pak javë pas vizitës së tij në Tiranë.

Sipas Vengut, takimi u zhvillua në vijim të bashkëpunimit dypalësh.

“Vijojmë me hapa të shpejtë bashkëpunimin për rritjen e gatishmërisë operacionale dhe specializimin e personelit tonë”, u shpreh Vengu në rrjetet sociale ku përcolli momente nga pritja.

“Partneriteti strategjik me Francën përbën një garanci të shtuar në kontekstin e zhvillimit të kapaciteteve tona ushtarake dhe më posaçërisht në modernizimin e sistemeve tona ajrore”, theksoi ministri i Mbrojtjes.

Ministri i Mbrojtjes Pirro Vengu ndodhet në Francë, ku po merr pjesë në panairin ndërkombëtar “Paris Air Shoë” (Salon du Bourget).

Ky panair është ngjarja më e rëndësishme për aviacionin ushtarak dhe civil, si dhe për teknologjitë në fushën e mbrojtjes.

Pjesëmarrja në këtë event përbën një mundësi të rëndësishme për forcimin e bashkëpunimit në fushën e sigurisë dhe mbrojtjes mes dy vendeve.

1 nga 3

The post Vengu, takim me homologun francez: Bashkëpunim për rritjen e gatishmërisë operacionale appeared first on Agjencia Telegrafike Shqiptare.

Presidentja Vjosa Osmani është takuar me Kryetarin e Parlamentit të Hungarisë, Laszlo Kover, në Budapest, ku po zhvillon një vizitë zyrtare.

Osmani deklaroi se Kosova është e vendosur që të çelë kapituj të ri të bashkëpunimit me Hungarinë.

“Në takim me Kryetarin e Parlamentit të Hungarisë, z. László Kövér në Budapest, diskutuam për rëndësinë e bashkëpunimit ndërshtetëror në përfitim të qytetarëve të të dyja vendeve. Kosova është e vendosur që të çelë kapituj të ri të bashkëpunimit me Hungarinë dhe në të njëjtën kohë, t’i ruajë raportet historike dhe t’i fuqizojë lidhjet në mes popujve tanë. ”, ka shkruar Osmani.

The post Pas vizitës në Hungari, Osmani: Të gatshëm për fazë të re bashkëpunimi appeared first on Sot News | Lajme.

Këngëtarja e njohur shqiptare, Egli Tako, ka njoftuar një zhvillim të ri në karrierën e saj muzikore.

Ajo i është bashkuar zyrtarisht labelit SBS Entertainment, i cili do të menaxhojë rrugëtimin e saj artistik në vazhdim.

Lajmin e ka bërë publik përmes një postimi në rrjetet sociale, ku ka ndarë emocionet dhe pritshmëritë që e shoqërojnë në këtë etapë të re të jetës së saj profesionale.

Në postimin e saj në Instagram, Egli shkruan: “Jam e lumtur t’ju njoftoj se nga sot, karriera ime muzikore është zyrtarisht nën menaxhimin e labelit SBS Entertainment”.

“Ky është një hap i ri dhe shumë i rëndësishëm në rrugëtimin tim artistik, dhe mezi pres t’ju sjell projekte të reja, muzikë dhe emocione të forta, gjithmonë me përkushtim dhe dashuri për ju që më keni mbështetur deri tani, që nuk mund t’ua kthej kurrë mjaftueshëm. Faleminderit për besimin dhe që jeni pjesë e këtij rrugëtimi. Ju dua, e juaja, Egli”, tha ndër tjerash.

Ky bashkëpunim i ri pritet të sjellë projekte të freskëta dhe të fuqishme nga artistja, e cila është tashmë një emër i njohur në muzikën shqiptare.

Fansat kanë shprehur mbështetjen e tyre të menjëhershme në komentet e postimit, duke pritur me padurim krijimet e radhës që Egli premton të sjellë me pasion dhe dedikim.

The post Egli Tako i bashkohet labelit SBS Entertainment: Një hap i ri dhe shumë i rëndësishëm në karrierën time appeared first on Albeu.com.

1 nga 6

The post Universiteti i Tiranës dhe ai i Studimeve të Huaja të Pekinit, forcim të bashkëpunimit akademik appeared first on Agjencia Telegrafike Shqiptare.

Ministri i Mbrojtjes Boris Pistorius i ka premtuar ndihma të tjera miliardëshe Ukrainës në fushën ushtarake për armatime. Me presidentin ukrainas Volodymyr Zelenskyj ai ra dakord për prodhimin e përbashkët të armatimeve. Pistorius tha gjatë vizitës në Kiev, se synohet që Ukraina të mbështetet shpejt me sisteme. Krahas shtatë miliardë eurove të miratuara muajt e fundit do të vihen në dispozicion edhe 1,9 miliardë euro. Me këto para mund të paguhen pjesërisht sistemet e armatimit me rreze të madhe veprimi, të cilat do të prodhohen në Ukrainë.

“Këto sisteme mund të vihen në muajt e ardhshëm në dispozicion”, tha Pistorius në një konferencë të përbashkët shtypi me presidentin ukrainas, Zelensky. “Sa ka të bëjë me prodhimin, ne do të flasim edhe për prodhimin në Ukrainë si dhe në Gjermani”, tha Zelensky gjatë konferencës së shtypit. Po ashtu do të bisedohet edhe “për armët tona me rreze të gjatë veprimi, dronët tanë dhe teknologjinë e raketave ukainase, për dronë si dhe për mundësi të tjera.

Pistorius: Rusia nuk ka interes për zgjidhje paqësore

Ministri i Mbrojtjes Pistorius mbërriti në mëngjesin e së enjtes (12.06.2025) në kryeqytetin e Ukrainës. Me të mbërritur në stacionin e trenit në Kiev, ministri gjerman i Mbrojtjes dënoi intensifikimin e sulmeve ajrore të Rusisë ndaj Ukrainës, të cilat “janë jashtëzakonisht të fuqishme dhe të rrezikshme me një numër të madh kokash shpërthyese dhe sulme me dronë.” “Ky është një sinjal i qartë nga Moska: Nuk ka interes për një zgjidhje paqësore ndërkohë, por po sulmohen me ashpërsi të vazhdueshme e madje gjithnjë e më shumë sektorë civilë në Ukrainë”, vuri në dukje Pistorius. Ai nënvizoi, se udhëtimi i tij në Kiev tregon, që edhe qeveria e re vazhdon të jetë në krah të Ukrainës./DW

The post Pistorius deklaron në Kiev bashkëpunim të ri me Ukrainën appeared first on Sot News | Lajme.

Përmes një postimi në rrjetet sociale, presidentja Osmani theksoi rëndësinë e këtij takimi për forcimin e marrëdhënieve ekonomike me Japoninë, duke nënvizuar se bashkëpunimi mes bizneseve të të dyja vendeve është një hap i rëndësishëm drejt krijimit të partneriteteve të reja.

Presidentja e Kosovës, Vjosa Osmani, deklaroi se gjatë takimit për çështje biznesi në Japoni, të mbajtur në Tokio, është dëshmuar potenciali për thellimin e bashkëpunimit ekonomik ndërmjet dy vendeve.

“Sot, gjatë takimit biznesor Kosovë-Japoni në Tokio, u dëshmua potenciali për thellimin e bashkëpunimit ekonomik ndërmjet dy vendeve tona,” – ka shkruar Osmani. Ajo shtoi se është veçanërisht e lumtur që gjatë kësaj vizite në Japoni është e shoqëruar nga një delegacion i bizneseve nga sektorë të ndryshëm në Kosovë, të cilët sipas saj përfaqësojnë gatishmërinë konkrete për partneritet strategjik me Japoninë.

Vizita e presidentes Osmani në Japoni ka për synim forcimin e lidhjeve diplomatike dhe hapjen e mundësive të reja ekonomike për Kosovën në tregun aziatik.

The post Bashkëpunimi ekonomik/ Presidentja Osmani takim biznesor Kosovë-Japoni në Tokio: Një hap i rëndësishëm drejt… appeared first on Sot News | Lajme.