Biznesmeni i njohur Gjergj Luca ka komentuar përmes një postimi në rrjete sociale përplasjen mes Adriatik Lapajt të “Shqipëria Bëhet” dhe Endrit Shabanit të “Nismës Thurje”.

Me një dozë të spikatur ironie, Luca shprehet se tashmë Shqipëria është në rrezik pasi Pano Soko ka dhënë dorëheqjen ndërsa Endrit Shabani ka mbetur vetëm.

Luca thekson se do të shkojë të mbarojë Oksfordin që të mos e braktisë Shabanin, të cilit i kërkon ta bëjë nënkryetar të partisë së tij.

“O Shabe, je mërzit? Qëndro o burr. Më erdhi keq që të kanë dhënë dorëheqjen që të gjithë dhe të them të drejtën kur e dha dorëheqjen Pano Sako, e ndjeva veten shumë keq.

A thua po e merr peshkatarin Lucë nënkryetar? Më merr nenkryetar mor burrë se të jesh i sigurt që do marrim vota më shumë se me këta të tjerët.

Qëndro i fortë ë! Ta marri vesh gjithë bota që ti që mbaron Oksfordin mbetesh dhe i vetëm dhe nuk dorëzohesh. Po pres përgjigjen tënde. Respekte.”-shprehet Luca. m.p.

Anesti Rama 56 vjeç u vra në mënyrë makabër nga vajza e tij Emanilda Rama 26 vjeç në Fier. Burime bëjnë me dije se vajza e ka kryer krimin në bashkëpunim me të ëmën. Nënë e bijë, tentuan të fshehin vrasjen duke thënë se Anesti Rama vdiq në mënyrë aksidentale.

Gazetarja Laureta Roshi ka bërë me dije se 56-vjeçari është masakruar në pjesët intime. Sipas gazetares, këto detaje dalin nga raporti mjeko-ligjor që tregon se si ishte masakruar Anesti Rama. Sakaq, gazetarja bën me dije se sipas fqinjëve, asnjë prej tyre nuk kishte probleme mendore.

“Ngjarja është makabër. Policia ka qenë shumë diskrete. Pasi përfundoi të gjithë hetimin me metodat e veta dhe ka bërë ekzaminimin mjekoligjor ka dalë në përfundimin që është vrasje në bashkëpunim mes vajzës dhe nënës. U përpoqën të zhdukin gjurmët e krimit.

Kufoma është masakruar në pjesët intime. Makabritet. Tregon inat të akumuluar. Pyetjet e para që bëra ishte se kanë jetuar tre veta në shtëpi.

Nuk kanë shfaqur probleme të shëndetit mendor. Mesa duket muret e familjes shqiptare janë tronditur fort. Policia u tregua e kujdesshme. Asgjë nuk ka dalë nga dosja hetimore përveç lajmit për krim në bashkëpunim.”-tha gazetarja Roshi. m.p.

Kreu i i “Lëvizjes Bashkë”, Arlind Qori, ka përsëritur distancimin e tij politik nga dy partitë e mëdha, PS dhe PD, duke theksuar se Lëvizja Bashkë përfaqëson një alternativë të re.

Qori, ishte i ftuar në një intervistë në emisionin “Real Story” në ABC Neës ku deklaroi se forca që ai përfaqëson do të ketë me siguri një kandidat për Bashkinë e Tiranës në rast të zgjedhjeve të parakohshme, ndërsa kërkoi sërish shkarkimin e kryebashkiakut Erion Veliaj.

“Nuk kemi asnjë gjë të përbashkët as me qeverinë dhe as me opozitën. Kështu që ne jemi të distancuar nga çdo element i së keqes që na ka mbytur prej dekadash. Është një pluralizëm i ideve të ngushta, por jo i popullsisë. Nuk e di nëse do të ketë zgjedhje në Tiranë. Ajo që Lëvizja Bashkë ka në dorë është që me siguri do të ketë kandidatin e vet në Bashkinë e Tiranës, nëse do të jem unë apo dikush tjetër ka kohë. E sigurt është që ne do të bëjmë të njëjtën fushatë të pazakontë, kudo të na vijë rasti. Ne vazhdojmë të kërkojmë shkarkimin e Erion Veliajt, e kemi kundërshtuar në çdo hap të tij. Për ne është gjë pozitive që Veliaj është duke u hetuar. Për ne Veliaj duhet të shkarkohet dhe Tirana të shkojë në zgjedhje të parakohshme”, u shpreh Arlind Qori. m.p.

Serbia është alarmuar pas lëvizjeve të fundit të KFOR në kufi me Shqipërinë. Misioni i KFOR-it i NATO-s, i përforcuar nga anëtarë të ushtrisë kroate, patrullon Vrbnicën, një fshat në kufirin me Shqipërinë.

“Ushtarët kroatë nga Komanda Rajonale Perëndimore brenda misionit KFOR të udhëhequr nga NATO planifikuan dhe kryen patrullime në Vrbnica në pjesën jugore të zonës së përgjegjësisë”, shkroi misioni KFOR në llogarinë e tij zyrtare në Twitter.

Sipas KFOR, patrullime të tilla kryhen për të mbështetur dhe garantuar sigurinë për të gjitha komunitetet.

“Prania e tyre në terren është e rëndësishme për ruajtjen e një mjedisi të sigurt dhe të qëndrueshëm, ndërsa bashkëveprimi i rregullt me popullsinë lokale ndihmon në forcimin e besimit në KFOR dhe përforcon rolin e tij të paanshëm në të gjithë rajonin”, thuhet në deklaratë.

Mediat afër Beogradit theksojnë se një stërvitje e tillë është pjesë e planit të nënshkruar në fillim të këtij viti, midis Shqipërisë, Kosovës dhe Kroacisë në fushën e mbrojtjes. m.p.

Përkeqësohet situata me vatrën e zjarrit në fshatin Dishnicë të Bashkisë së Korçës, vatër e cila është zgjeruar akoma dhe më tej, duke hyrë në territorin e malit të Moravës mbi qytet.

Terreni i thyer malor e ka bërë të pamundur ndërhyrjen e mjeteve zjarrfikëse dhe favorizimi nga era ka bërë që flakët të zgjerohen mbi fshatin Barç.

Nga komunikimi me nënkryetarin e bashkisë Korçë, Kletjon Kita, bëhet me dije se përsëri forcat pyjore, ato të ndërmarrjes së shërbimeve publike, do të rinisin punën për izolimin e flakëve ditën e nesërme, pasi është e pamundur ndërhyrja gjatë natës.

Sipërfaqja e djegur është mbi 20 hektarë me bimësi të ulët dhe pisha. m.p.

Franca do ta njohë zyrtarisht Shtetin e Palestinës.

Lajmin e ka dhënë Presidenti i Francës, Emmanuel Macron, duke shtuar se njoftimin zyrtar do ta japë gjatë Asamblesë së Përgjithshme të Kombeve të Bashkuara në Nju Jork, në muajin shtator, shkruan A2.

“Besnik ndaj angazhimit të saj historik për një paqe të drejtë dhe të qëndrueshme në Lindjen e Mesme, kam vendosur që Franca të njohë Shtetin e Palestinës. Këtë vendim solemn do ta shpall në Asamblenë e Përgjithshme të Kombeve të Bashkuara në shtatorin e ardhshëm”, shkruan Macron në rrjetet sociale. m.p.

Ghislaine Maxwell, ish-socialitja britanike dhe bashkëpunëtorja e dënuar e Jeffrey Epstein, do të takohet sot me zyrtarë të Departamentit amerikan të Drejtësisë në burgun federal të Tallahassee-s në Florida, ku po vuan një dënim me 20 vjet heqje lirie për përfshirje në rrjetin e shfrytëzimit seksual të të miturve që udhëhiqej nga Epstein.

Ky zhvillim vjen në një kohë kur presioni publik dhe politik për zbardhjen e plotë të rastit Epstein është në rritje veçanërisht nga mbështetësit e lëvizjes MAGA të presidentit Donald Trump, të cilët po kërkojnë publikimin e të ashtuquajturës “listë klientësh” të miliarderit të ndjerë.

Bëhet fjalë për emra të fuqishëm që dyshohet se kanë frekuentuar rezidencat e Epstein në Palm Beach, në Neë Mexico dhe në ishullin e tij privat në Karaibe, ku shpesh ndodheshin vajza të mitura.

Sipas Ëall Street Journal, presidenti Trump është informuar në muajin maj nga Prokurorja e Përgjithshme Pam Bondi se emri i tij përmendet “shumë herë” në dosjet e Epstein. Ajo thuhet se i ka rekomanduar të mos publikojë më shumë materiale, pavarësisht premtimeve të mëhershme për transparencë të plotë.

Shtëpia e Bardhë ka tentuar ta minimizojë çështjen, por rasti po thellon përçarjen brenda Partisë Republikane, mes mbështetësve të linjës së ashpër pro-Trump dhe republikanëve më moderatë. Tensionet politike u shtuan kur një nënkomision i Dhomës së Përfaqësuesve votoi për të thirrur Maxëell për të dëshmuar më 11 gusht, pikërisht në përvjetorin e gjashtë të vdekjes së Epstein, me votat e të gjithë demokratëve dhe tre republikanëve.

Kush është Ghislaine Maxwell?

Maxwell, 64 vjeçe, është vajza më e vogël e Robert Maxëell, dikur pronar i Daily Mirror, Macmillan Publishing dhe pjesë e MTV Europe. Pas vetëvrasjes së të atit në vitin 1991 dhe rrënimit të perandorisë familjare, ajo u shpërngul në Neë York ku u lidh me Epstein, një financier me lidhje të fuqishme që administronte pasuritë e CEO-s së Victoria’s Secret, Leslie Ëexner.

Shpejt, lidhja mes tyre kaloi nga romantike në bashkëpunim kriminal. Maxëell përdorte statusin e saj shoqëror për t’i afruar Epstein-it vajza të mitura, shpesh në kushte të vështira ekonomike, duke i mashtruar me premtime për punë si masazhatore dhe fitime të lehta. Në fakt, ato përfundonin viktima të abuzimit seksual.

Një prej dëshmitareve kyçe, Virginia Giuffre, ka rrëfyer se Maxëell e çoi në rezidencën e Epstein në Palm Beach, ku ajo u abuzua seksualisht ditën e parë kur ishte vetëm 16 vjeçe. Giuffre, e cila më vonë do të bëhej një nga akuzueset më të fuqishme të Epstein, ndërroi jetë në prill të këtij viti në rrethana që autoritetet i kanë cilësuar si vetëvrasje.

Maxëell u arrestua në vitin 2020 nga FBI, ndërsa fshihej në një shtëpi të izoluar në pyjet e Neë Hampshire, me celularin e mbështjellë me letër alumini për të shmangur gjurmimin. Në vitin 2022, ajo u dënua me 20 vjet burg për rekrutimin dhe trafikimin e vajzave të mitura për Epstein. Prokuroria kishte kërkuar një dënim nga 30 deri në 55 vjet.

A do të flasë Ghislaine Maxwell?

Pas dështimit për të anuluar dënimin në Gjykatën e Lartë, avokatët e saj po shpresojnë tani për një marrëveshje të mundshme me autoritetet. Ish-avokati i njohur Alan Dershoëitz, vetë i përfolur për lidhjet me Epstein, ka deklaruar se “nëse Maxwell do të ofrohet imunitet, ajo është e gatshme të flasë”.

Një takim me përfaqësues të Departamentit të Drejtësisë është planifikuar për sot, çka ka rindezur spekulimet për një bashkëpunim të mundshëm në këmbim të një uljeje dënimi apo lirimi të parakohshëm.

Përplasjet politike dhe fati i listës së fshehtë

Rasti Epstein po rikthehet në qendër të debatit politik amerikan. Megjithëse nuk ka ende prova që lidhin Trumpin me krimet e Epstein, përmendja e tij e përsëritur në dosje po nxit tensione në mesin e republikanëve.

Mbështetësit më të zjarrtë të Trump janë të zemëruar me Prokuroren Bondi dhe drejtuesit republikanë që, sipas tyre, po pengojnë zbardhjen e plotë të dosjeve. Nga ana tjetër, demokratët po e përdorin këtë ndasi për të akuzuar ish-presidentin dhe aleatët e tij për fshehje të qëllimshme.

Të dhënat mbi listën e përfolur të “klientëve”, nëse ekziston nuk janë bërë publike. Vetë Departamenti i Drejtësisë ka deklaruar se nuk ka një listë zyrtare. Ndërkohë, përplasjet ligjore për hapjen e dokumenteve të jurisë së madhe në Florida dhe New York vazhdojnë, ndërsa gjykatat janë të ndara për vlefshmërinë dhe konfidencialitetin e këtyre materialeve./kb

Në 24 orët e fundit janë raportuar 34 vatra zjarri, sipas një përditësimi nga Ministria e Mbrojtjes.

Tetë nga këto vatra janë ende aktive, teksa tre janë nën monitorim.

Situata e zjarreve në rang vendi

Gjatë 24 orëve të fundit, janë raportuar 34 vatra zjarri, nga të cilat 8 vijojnë të jenë ende aktive dhe 3 janë në monitorim. Situata më problematike është evidentuar në qarqet Shkodër, Lezhë, Dibër, Elbasan dhe Gjirokastër.

Në vatrën e zjarrit, në vendin e quajtur “Maja e Paliskës”, mbi fshatin Dukat pati një përmirësim të situatës pas ndërhyrjes edhe nga 2 helikopterë të Forcës Ajrore. Por më vonë në mbrëmje zjarri u riaktivizua. Gjatë natës vatra është mbajtur në monitorim nga forcat zjarrfikëse. Ditën e sotme në terren kanë shkuar forca nga strukturat vendore dhe 40 efektivë nga Forcat e Armatosura. Pritet gjithashtu edhe ndërhyrje nga ajri me 1 helikopter të Forcës Ajrore.

Po ashtu, në vatrën e zjarrit pranë Parkut Kombëtar të Lurës, dje u ndërhy edhe me avionin Canadair kroat nga Mekanizmi Evropian i Mbrojtjes Civile, gjë që solli një përmirësim të situatës në njërën nga vatrat. Megjithë përpjekjet e forcave operacionale në terren, nuk u arrit të shuhej zjarri. Puna po vijon sërish sot.

Një tjetër vatër problematike është ajo në vendin e quajtur “Përroi i Zi” , ku dje, ndërhyrja edhe me avionin Canadair kroat ngadalësoi përhapjen e flakëve drejt disa banesave dhe staneve në zone, por temperaturat e larta dhe erërat e forta ndikuan negativisht në vënien nën kontroll të vatrës, e cila pati një perimetër shumë të madh. Sot vijon puna për shuarjen e zjarrit.

Gjatë orëve të pasdites, pati një riaktivizim të fuqishëm të vatrës së zjarrit nga kufiri me Mirditën. Sot në terren pritet të operojnë 2 helikopterët hungarezë dhe avioni kroat Canadair.

Në operacionet për shuarjen e zjarreve janë angazhuar:

–           40 automjete zjarrfikëse

–           776 forca operacionale nga strukturat vendore dhe qendrore

Gjatë ditës së djeshme morën pjesë në operacione:

–           345 forca nga Forcat e Armatosura (FA), me 3 mjete dhe 3 helikopterë

–           1 avion Canadair i ardhur nga shteti kroat

–           2 helikopterë për misione rikonjicioni nga Hungaria

Për ditën e sotme, janë në vijim të operacioneve:

–           215 efektivë të FA

–           1 helikopter nga FA

–           1 avion Canadair kroat

–           2 helikopterë hungarezë, në kuadër të Mekanizmit Evropian të Mbrojtjes Civile

Sipas IGJEO-s, sot nuk priten reshje në të gjithë territorin. Sa i përket zjarreve, sot pritet nivel rrezik “I LARTË” në të gjitha qarqet.

Autoritetet qëndrojnë në gatishmëri të plotë dhe janë në bashkëpunim të ngushtë me strukturat vendore dhe ndërkombëtare për menaxhimin dhe shuarjen e zjarreve. U bëjmë thirrje për kujdes dhe bashkëpunim qytetarëve, për të shmangur çdo veprim që mund të shkaktojë zjarr dhe të raportojnë menjëherë çdo vatër të dyshuar pranë autoriteteve përkatëse./kb

Ura e Milotit është mbyllur përfundimisht për qarkullimin, pas konstatimit të dëmtimeve serioze në këmbët mbajtëse, të shkaktuara si pasojë e mungesës së ndërhyrjes për mirëmbajtje dhe marrjes së inerteve në afërsi të strukturës së saj.

Sipas Autoritetit Rrugor Shqiptar, mbyllja është marrë si masë sigurie, pasi ura përbën një rrezik real për shembje dhe kalimi mbi të është bërë i pamundur. Megjithatë, nuk është dhënë asnjë informacion zyrtar nëse do të ndërhyhet për riparimin e saj apo cili do të jetë fati përfundimtar i kësaj ure strategjike.

TikTok rezulton të jetë platforma me numrin më të madh të incidenteve të raportuara (209 raste), e ndjekur nga Facebook dhe Instagram. Megjithatë, raporti vlerëson se TikTok ka reaguar me efikasitet, duke mbyllur ose bllokuar shumicën e faqeve problematike brenda një kohe të shkurtër.

Raporti thekson gjithashtu nevojën për forcimin e kuadrit ligjor për mbrojtjen e fëmijëve online, si dhe për rritjen e ndërgjegjësimit tek fëmijët, të rinjtë dhe prindërit në lidhje me rreziqet e hapësirës digjitale.

Publikimi i raportit u bë i mundur me mbështetjen e nismës netSMARTkids Shqipëri, bashkëfinancuar nga Bashkimi Europian dhe CRCA-ECPAT Shqipëri, në partneritet me ALO 116 Shqipëri dhe iSIGURT.al./kb

Prokurorja e Përgjithshme e Shteteve të Bashkuara, Pam Bondi, e ka informuar presidentin Donald Trump gjatë pranverës se emri i tij shfaqej në dokumentet që lidhen me Jeffrey Epstein. Ky informacion, sipas mediave ndërkombëtare, bazohet në burime nga tre persona me dijeni për përmbajtjen e informimit.

Zbulimi është bërë në kuadër të një raportimi më të gjerë lidhur me rishqyrtimin e çështjes kundër Epstein, i cili vdiq në vitin 2019 ndërsa priste gjyqin për akuza të trafikimit seksual. Rishikimi është bërë nga agjentët dhe prokurorët e FBI-së. Informimi është dhënë gjatë një takimi ku morën pjesë edhe zëvendësprokurori i përgjithshëm Todd Blanche. Takimi trajtoi një sërë temash, ndërsa Bondi – që raportohet se takohet shpesh me Trump për ta informuar mbi çështje të ndryshme – u fokusua në përmbajtjen e dosjeve.

Sipas burimeve, Bondi dhe Blanche, të dy avokatë të presidentit, e njoftuan Trumpin se emri i tij, ashtu si edhe ai i disa figurave të tjera me profil të lartë, është përmendur në dokumente të cilat deri tani nuk ishin bërë publike.

Nuk dihet saktësisht sa të rëndësishme janë këto referenca për Trumpin, por informimi i zbuluar hedh dritë mbi diskutimet e brendshme në Shtëpinë e Bardhë, në një kohë kur stafi i presidentit po përpiqet të qetësojë pakënaqësinë e disa mbështetësve, të cilët besojnë se Trump dhe disa prej të emëruarve të tij kanë dështuar në premtimin për të bërë publike të gjitha dosjet.

Dy nga emërimet kyçe të FBI-së të bëra nga vetë Trump kanë qenë ndër ata që, përpara marrjes së detyrës, besonin se ekzistonte më shumë për t’u zbuluar në lidhje me Epstein. Në fillim të këtij viti, Bondi i përshkroi dokumentet si material me rëndësi për t’u shqyrtuar.

Trump dikur ka qenë mik me Epstein, por marrëdhënia mes tyre u ndërpre pas një konflikti që presidenti e ka përshkruar si një “grindje” në fillim të viteve 2000. Në një takim në Shtëpinë e Bardhë në muajin shkurt, Bondi shpërndau disa dosje që përmbanin informacione të ndryshme, përfshirë edhe numrat e telefonit të disa anëtarëve të familjes së presidentit, përfshirë vajzën e tij. Në një deklaratë të përbashkët, Bondi dhe Blanche thanë:

“Si pjesë e informimit rutinë, ne e njoftuam presidentin për gjetjet. Asgjë në dosje nuk justifikonte hetime ose ndjekje të mëtejshme penale.”/kb

Zjarri në malin e Dukatit në Vlorë mbetet ende aktiv, pavarësisht se një ditë më parë u raportua se ishte vënë nën kontroll.

Flakët janë përqendruar në dy vatra kryesore: një mbi fshatin Dukat dhe tjetra në drejtim të Parkut të Llogarasë. Në vendngjarje ndodhen forcat zjarrfikëse, përfaqësues të Forcave të Armatosura dhe të Emergjencave Civile, të angazhuara për neutralizimin e zjarrit.

Zjarri ka shpërthyer më 5 korrik dhe që prej asaj kohe ka përpirë një sipërfaqe të konsiderueshme me pisha dhe bredha, ndërsa në disa raste ka rrezikuar edhe banesat përreth.

Për të ndihmuar në përballimin e situatës, nga Greqia, si vend anëtar i Bashkimit Evropian, kanë mbërritur dy avionë zjarrfikës, të cilët kanë ndërhyrë me hedhje uji për të ndaluar përhapjen e flakëve në drejtim të Parkut Kombëtar të Llogarasë.

Zona e Dukatit është përfshirë nga flakët prej më shumë se dy javësh. Zjarri u përhap sot, 23 korrik, me intensitet, duke iu afruar Parkut Kombëtar të Llogarasë, një prej zonave më të bukura dhe të mbrojtura të bregdetit jugor.

Ndërkohë për mikrofonin e Klan News, Prefekti i Qarkut Vlorë, Plator Nesturi, deklaroi ditën e djeshme se zjarri ka qenë tejet problematik që prej datës 6 korrik, ndërsa është riaktivizuar në 5 ditët e fundit./kb

Me kërkesën e Prokurorisë së Beratit janë arrestuar dy shtetase vietnameze dhe pronari i një banese. Vietnazmet ishin të organizuara nga një person ende i paidentifikuar për të ushtruar prostitucion.

Ato kanë deklaruar se kishin ardhur për turizëm  por me pas duke pasur nevojë për më shumë para për biletën e kthimit, vendosën të kryejnë këtë aktivitet të jashtëligjshëm.

“Tre persona, dy shtetase vietnameze dhe shtetasi shqiptar Xh.S. u arrestuan me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm Berat për veprën penale “Prostitucioni” parashikuar në nenin 113 të Kodit Penal dhe për veprat penale parashikuar nga neni 115 dhe 300 i K.Penal.

Nga hetimet mbi procedimin penal nr.370, të vitit 2025, rezultoi se të implikuar në këtë veprimtari kriminale janë disa shtetase të huaja të cilat janë organizuar nga një person në qytetin e Beratit ende i paidentifikuar”, thuhet në njoftimin e Prokurorisë së Beratit/kb

Kryeministri Edi Rama, përmes një postimi në rrjetin e tij social Facebook, ka bërë të ditur se Autoriteti i Aviacionit Civil i Shqipërisë është njohur zyrtarisht nga NATO për Vlefshmërinë Ajrore, duke plotësuar të gjitha standardet e kërkuara nga Aleanca e Atlantikut të Veriut.

Rama e cilësoi një lajm të mirë për vendin dhe një dëshmi të përparimit të Shqipërisë në përmbushjen e kritereve ndërkombëtare në sektorin e aviacionit.
“Mirëmëngjes dhe me lajmin e mirë se Autoriteti i Aviacionit Civil i Shqipërisë është njohur nga NATO për Vlefshmërinë Ajrore, duke përmbushur plotësisht standardet e përcaktuara nga Aleanca e Atlantikut, ju uroj një ditë të mbarë”, shkruan Kryeministri./kb

Konflikti midis Izraelit dhe Iranit, i cili shpërtheu në qershor dhe përfundoi, të paktën zyrtarisht pas 12 ditësh bastisjesh dhe hakmarrjeje reciproke, me bombardimin e centraleve bërthamore të regjimit të Ajatollahut nga Shtetet e Bashkuara, mund të mos ketë mbaruar plotësisht . Zyrtarët iranianë të cituar në mënyrë anonime nga New York Times raportojnë se incidente të shumta të regjistruara në javët e fundit në vende të ndryshme në të gjithë Republikën Islamike mund të jenë shkaktuar nga sabotimi izraelit. Disa shpërthime dhe zjarre kanë shkatërruar ndërtesa banimi, rafineri nafte, një fabrikë këpucësh dhe një rrugë pranë një aeroporti të madh. Frika, e cila vetëm pëshpëritet, është se shpërthimi kishte për qëllim të mbillte dyshim dhe frikë midis gjyqtarëve dhe prokurorëve se ata kishin përfunduar në listën e zezë të Izraelit, siç ndodhi me shkencëtarët bërthamorë.

Deri më tani, autoritetet iraniane kanë shpjeguar zyrtarisht se incidentet, të cilat ndodhin pothuajse çdo ditë, janë për shkak të rrjedhjeve të gazit, zjarreve të mbeturinave dhe infrastrukturës së vjetëruar. Megjithatë, brenda qarqeve të pushtetit të Teheranit, qarkullojnë hipoteza shumë të ndryshme. Kjo konfirmohet nga deklaratat e bëra për New York Times nga tre zyrtarë iranianë, përfshirë një anëtar të Gardës Revolucionare. Edhe pse regjimi teokratik ka shumë armiq që do të donin ta shihnin të rrëzohej, shkruan gazeta amerikane, dyshimet kryesore janë të përqendruara te Izraeli, i cili ka kryer veprime të ngjashme në të kaluarën. Një burim evropian ka pranuar gjithashtu se beson se operacione sabotimi janë duke u zhvilluar në Iran, të organizuara nga operativë izraelitë./kb

Pretendimet e Ilir Metës se i janë penguar qëllimisht takimet me deputetë, eurodeputetë, me familjarë si motrat dhe fëmijët, si dhe me avokatët janë mohuar nga Drejtoria e Burgjeve.

Në një reagim për Report Tv në emisionin ‘Repolitix’ drejtoria bënë me dije se Metës nuk i është shkelur asnjë e drejtë dhe se s’ka referuar asnjë ankesë ndaj trajtimit të tij te ‘313’-ta.

‘Z. Meta është në cilësinë e të paraburgosurit, aktualisht rri në dhomë vetëm dhe garantojmë që ndaj tij nuk janë shkelur asnjë të drejtë duke u bazuar në rregulloren e burgjeve dhe kodin e proçedurës penale. Ai në institucion nuk ka referuar asnjë ankesë ndaj trajtimit të tij sa i përket jetesës dhe banimit institucionin 313′, thuhet në reagim.

Sipas Drejtorisë së Burgjeve, çdo i dënuar ka të drejtën e komunikimit telefonik nga kabina pa asnjë limit, ndërsa theksohet se të dënuarit mund të komunikojnë dhe me ‘Skype’.

‘Çdo i dënuar ka të drejtën e komunikimit telefonik nga gabina pa limit gjithashti sipas kërkesës së tyre ata mund të komunikojnë dhe me skype. Për këtë garantojmë ne si institucion me përgjegjshmëri të plotë’, thuhet në reagim.

lir Meta, është i pandehur për korrupsion, pastrim parash dhe fshehje pasurie, qëndron në paraburgim që prej 21 tetorit 2024. Masa e tij e sigurisë është konfirmuar deri në Gjykatën e Lartë, ndërsa tashmë ish Presidenti shpresën e vetme e ka në Gjykatën Kushtetuese ku kërkon lirimin për shkelje të të drejtave të njeriut. Së bashku me ish Ish-Presidentin Meta e pandehur për dosjet e dosjet e CEZ-DIA, lobimin në SHBA dhe hetimin pasuror është edhe ish bashkëshortja e tij Monika Kryemadhi./kb

 

Nga kritikat me fjalë, tashmë Edi Rama ka vendosur t’u kufizojë pushtetin kryebashkiakëve edhe me ligj. Me një vendim të ri, qeveria ua heq bashkive të drejtën për të dhënë leje ndërtimi për pallate mbi 6 kate njësive vendore, duke ia rezervuar këtë kompetencë vetes, përmes Këshillit Kombëtar të Territorit, që drejtohet nga Kryeministri. Krahas kësaj, qeveria ka miratuar një sërë ndalimesh të reja për përdorimin e hapësirave publike dhe pronave private me servitut publik, duke legalizuar në letër shembjet e javëve te fundit.

Mërinë ndaj punës së kryebashkiakëve Edi Rama e shprehu edhe në ligj. Nëpërmjet një VKM të miratuar nga qeveria, njësitë vendore nuk do të kenë më të drejtë të japin leje ndërtimi për pallate mbi 6 kate, duke e rezervuar këtë të drejë eskluzivisht për vetë Kryeministrin: “Këshilli Kombëtar i Territorit është autoriteti përgjegjës për miratimin e lejeve të ndërtimit për: veprat e infrastrukturës apo/dhe objektet ndërtimore, pavarësisht kushteve dhe kritereve të zhvillimit, kur shtrihen brenda zonës së brezit bregdetar, si dhe çdo objekt mbi 6 kate, kur shtrihen jashtë kësaj zone”.

Ky rregull i ri i miratuar nga qeveria është pjesë e ndryshimeve të VKM për zhvillimin e territorit, ku një vëmendje i ka kushtuar edhe hapësirave publike. Atë që shembi me fadroma, tashmë e ktheu edhe në normë duke i hequr të drejtën e shfrytëzimit të këtyre hapësirave: “Ndalohet dhënia e lejeve të ndërtimit nga autoritetet e zhvillimit për pasuritë private, të cilat kanë qenë pjesë e kufirit të zhvillimit dhe të destinuara për hapësira publike, si sheshe, parqe etj. Ndalohet dhënia e lejeve të ndërtimit dhe e deklaratave paraprake për kryerje punimesh, si dhe kryerja e çdo lloj punimi për vendosjen e rrethimeve, trarëve ose çdo mjeti kufizues të hyrjes në ato prona private apo pjesë të sipërfaqes së tyre, të cilat janë të ngarkuara me servitut publik”.

Pjesë të këtyre hapësirave të ndaluara janë edhe vetë pronat private ndërmjet pallateve të cilat tashmë me ligj nuk mund të shfrytëzohen për asnjë aktivitet biznesi: “Pavarësisht, nëse nuk është regjistruar servituti në regjistrin e pasurive të paluajtshme, të njëjtat leje dhe punime nuk lejohen as në ato prona private apo pjesë të sipërfaqes së tyre në zonat urbane, të cilat plotësojnë kushtet ligjore për të qenë të ngarkuara me servitut publik, të tilla, si prona që përbëjnë rrugën e daljes nga objektet drejt hapësirave publike, rrugët e kalimit ndërmjet objekteve apo nga objektet drejt rrugëve dhe shesheve publike etj”.

Tashmë, me rregulloren e re, edhe shfrytëzimi i hapësirave të lejuara nga bizneset do të lejohet vetëm nëse paguajnë tarifën përkatëse./kb

Dashi

Dashuria: Kjo është një ditë e keqe, por që do përmirësohet në vijim. Do të shtyheni të flisni me të dashurin, sepse qielli është vërtet magjik për ju. Nëse jeni beqarë dhe keni qëndruar vetëm për një kohë të gjatë, do të keni mundësi për njohje.

Puna: Lajm i mirë në frontin e punës, së shpejti do të ketë lajme të tjera që do t’ju bëjnë shumë të lumtur.

Demi

Dashuria: Sot shanset për të gjetur dashurinë nëse jeni beqar ose po e jetoni atë në një mënyrë më të pakujdesshme nëse po jetoni një marrëdhënie solide mund të rriten. Dita ju fton të përjetoni marrëdhënie në një mënyrë shumë më spontane. Venusi është në anën tuaj.

Puna: Dikush mund të ju bëjë një ofertë tërheqëse për punë, por shmangni lënien e të sigurtës.

Binjakët

Dashuria: Ditë interesante falë Hënës në aspekt të mirë. Një periudhë vërtet pozitive do të fillojë për ju, do të gjeni zgjidhje për problemet që dukeshin të pamundura për t’u zgjidhur. Suksese në dashuri për zemrat e vetmuara.

Puna: Sot do të jetë e rëndësishme të punoni për gjërat që mund të bëni. Kushdo që ka një biznes të vetin mund të ketë një kënaqësi shtesë.

Gaforrja

Dashuria: Dita ju fton të lidheni me të tjerët në një mënyrë pozitive dhe të fitoni një sfidë në sferën emocionale. Do të jetë mirë t’i jepeni pasionit pa hezitim. Edhe për beqarët sot është një ditë e ngjarjeve të shkëlqyera, shumë takime.

Puna: Rritja e biznesit për ata që kanë vendosur të mos ndalen dhe të vazhdojnë rrugën e tyre. Ndonjëherë dëgjimi i instinktit shërben.

Luani

Dashuria: Para se të bëni polemikë për diçka që nuk ka themel, hapni sytë. Mos e derdhni zemërimin që keni me dikë tjetër në dashuri. Beqarët do luftojnë për të imponuar zërin e tyre dhe dikush do të jetë në gjendje të keqkuptojë disa fjali të paqarta.

Puna: Në këtë periudhë jeni mjaft nervoz, mbase një marrëveshje nuk shkoi mirë dhe kjo ju bën të hutoheni.

Virgjëresha

Dashuria: Sot disa ide mund t’ju vijnë në kokë. Kushdo që ka përjetuar një krizë ose ka qenë gabim mund të zemërohet. Mos harroni të dëgjoni ndjenjat tuaja. Beqarët do duhet të qëndrojnë pranë një personi që nuk dëshiron të heqë dorë.

Puna: Sot do t’ju duhet t’i kushtoni vëmendje marrëdhënieve profesionale. Disa marrëveshje duhet të trajtohen me kujdes që të jenë në gjendje të kalojnë.

Peshorja
Dashuria: Në këtë ditë ju mund të përfitoni nga më pak angazhime për t’ju kushtuar më shumë kohë planifikimit të gjërave që duhet të bëni. Dashuria vazhdon në mënyrë paqësore. Nëse jeni beqarë dhe doni të takoni njerëz të rinj, thjesht duhet të kapni mundësitë!

Puna: Reflektoni për atë që nuk është e mirë për ju dhe do të jeni në gjendje të përpunoni një pikë kthese. Me kundërshtimin e Jupiterit nuk është e thjeshtë të gjesh zgjidhje.

Akrepi

Dashuria: Sot disa nga ju do të rizbulojnë dëshirën për të dashur dhe do të jenë më të prirur ta lini veten të lirë. Mos u tregoni shumë të kujdesshëm ndaj të tjerëve. Beqarët do duhet të shtyjnë një takim të rëndësishëm për shkak të një pengese.

Puna: Perspektiva të mira profesionale, surpriza të reja dhe kontrata pune fitimprurëse janë në rrugë e sipër.

Shigjetari

Dashuria: Dita e mahnitshme, erosi është duke u rritur dhe keqkuptimet me partnerin janë ulur. Midis kaq shumë butësive ju do të keni sukses të bëni të harroni disa nga dështimet tuaja! Për beqarët do jetë një ditë e këndshme plot lajme, takime të shkëlqyera në mbrëmje.

Puna: Dita do të dëshmojë të jetë e rëndësishme financiarisht, sot do të keni të ardhura të shkëlqyera që do t’ju kënaqin.

Bricjapi

Dashuria: Nuk mund të përjashtohet që sot dikush të ndjehet mire. Marsi nuk do të jetë më në kundërshtim në shenjën tuaj. Sot do të jetë dita e duhur për të folur me partnerin. Gjërat po bëhen më të mira për beqarët, diçka e re për të gjithë sot.

Puna: Dikush do të marrë lajme të mira në frontin e punës, më mirë të marrë atë që ofron jeta e mirë.

Ujori

Dashuria: Me Hënën në shenjën tuaj, kjo ditë duket vërtet interesante. Së shpejti Marsi nuk do të jetë më në kundërshtim dhe për këtë arsye do të keni dritën e gjelbër në marrëdhënie dhe takime. Edhe ata që janë beqarë mund të kenë më shumë zgjidhje.

Puna: Aspekti pozitiv i yjeve mund të ju ndihmojë financiarisht. Lajme të rëndësishme edhe për ata që duhet të kalojnë teste ose provime.

Peshqit

Dashuria: Një ditë e karakterizuar nga një hënë e mirë. Nëse përballeni me diskutime të rënda ose nëse dikush ju kundërshton, është më mirë të flisni tani dhe të mos shtyni diskutimet deri të dielën. Perspektiva të mëdha në jetën private të zemrave të vetmuara, mbase nuk do të jeni më vetëm!

Puna: Ka gjëra që mund të shkaktojnë fërkime të lidhura me punën. Megjithatë ju jeni duke fituar, kështu që mos u shqetësoni./kb

Pas 4 transferimeve të bujshme që kanë kryer deri tani me Alexander Arnold, Dean Hujisen, Franco Mastantuono dhe Alvaro Carreras, Real Madrid po planifikon të bëjë dhe një goditje të bujshme në mesfushë, për t’i bërë të mundur Xabi Alonso-s të ketë një dispozicion një ekip të kompletuar.

Dëshira e madhe e Florentino Perez dhe vetë Xabi Alonso-s është mesfushori i Manchester City, Rodri. Trajneri bask e sheh Rodrin si organizatorin që i duhet projektit të tij, një mesfushor qendror me vizion dhe aftësi organizative si dhe të jetë një urë lidhëse me sulmin. Megjithatë, në Madrid janë të vetëdijshëm që operacioni për transferimin e Rodri-t do jetë shumë i vështirë, duke ditur rëndësinë që ka spanjolli tek ekipi i drejtuar nga Pep Guardiola.

Burime pranë klubit madrilen tregoojnë se drejtuesit e “Los Blancos” kanë një propozim vërtet të bujshëm për anglezët, që në total shkon rreth 220 milionë euro. Perez është i gatshëm të ofrojë 40 milionë euro plus dy lojtarë që vlerësohen shumë nga Guardiola si Rodrygo Goes dhe Eduardo Camavinga.

Vlera në treg e brazilianit është 100 milionë euro, ndërsa vlera e francezit 80 milionë euro. Deri tani jemi ende në fazat fillestare të negociatave, por mund të thuhet me siguri të plotë që Rodri është në radarin e Real Madridit dhe drejtuesit e klubit madrilen janë të gatshëm të bëjnë transferimin më të bujshëm të kësaj merkatoje, që sigurisht do ketë një kosto të jashtëzakonshme.

Liverpool ka zyrtarizuar blerjen e radhës në merkaton e verës, duke prezantuar sulmuesin francez Hugo Ekitike.

Lojtari u transferua nga Eintracht Frankfurt dhe u pagua 79 milionë paund nga “The Reds”, shkruan A2.

23-vjeçari Ekitike u kërkua nga trajneri Arne Slot. Francezi kaloi testet mjekësore dhe firmosi kontratë 6-vjeçare me Liverpool.

Ai do t’i bashkohet ekipit në fazën përgatitor në Azi, por nuk pritet të luajë në ndeshjen e radhës miqësore, atë ndaj Milanit. m.p.

Juristi Ylli Manjani ka komentuar akuzat që rëndojnë ndaj kryebashkiakut të Tiranës, Erion Veliaj, ku tha se mund të përballet me një dënim deri në 10 vite burg nëse vërtetohen të katër akuzat e ngritura ndaj tij nga SPAK.

I ftuar në Euronews Albania, Manjani kritikoi ashpër publikimin në media të akuzave përpara se ato t’i komunikoheshin zyrtarisht Veliajt, duke e cilësuar këtë si një shkelje serioze të procedurës dhe një paragjykim të çështjes.

“Nuk shpëton pa 10 vjet burg nëse vërtetohen të 4 akuzat siç janë ndërtuar. Nuk është aspak normale, madje është totalisht anormale që përpara se t’i komunikohet akuza personit publikohet nga media. Ai prokuror që e ka nxjerrë këtë dhe e ka hedhur në media dje duhet të qërrohet nga sistemi sot. Kjo çështje është e paragjykuar se është gjykuar në publik, çfarë duhet të bëjë ai gjyqtari që do ketë në dorë çështjen”, tha Manjani. m.p.