Aktori i njohur shqiptar dhe finalisti i “Big Brother VIP Albania 4”, Laert Vasili, ka realizuar një vizitë të veçantë në Mitrovicën e Veriut, ku është pritur ngrohtësisht nga Kryetari i Komunës, Erden Atiqi.

Vasili ka publikuar një video nga qëndrimi i tij mbi urën e Ibrit, simbolin ndarës të qytetit, ku shpreh emocionin e tij për ndryshimet pozitive që po përjeton Mitrovica.

“Përshëndetje, pjesa që shihni pas meje nuk është në Zvicër, është në Mitrovicë. Jemi në Mitrovicën e rilindur, le ta quajmë. Është 24 korrik, para një viti Komuna e Mitrovicës ka nxjerrë logon e saj të re dhe ka dalë për të na pritur Erden Atiqi”, dëgjohet ai duke thënë në videon e publikuar.

Vizita e aktorit vjen si një formë mbështetjeje për zhvillimet kulturore dhe shoqërore në pjesën veriore të vendit, në një kohë kur qyteti po përpiqet të tejkalojë barrierat dhe të ndërtojë një identitet të ri bashkëkohor.

Vasili, përmes pranisë së tij dhe mesazhit të ndarë me ndjekësit, ka dhënë një imazh të gjallë e pozitiv për një Mitrovicë në transformim.

Përndryshe, aktori edhe gjatë qëndrimit të shtëpinë më të famshme në Shqipëri, ka treguar se është tejet i dhënë pas gjurmëve dhe historisë shqiptare. /Telegrafi/

The post Laert Vasili viziton Mitrovicën e Veriut dhe pritet në takim nga kryetari: Kjo që shihni pas meje nuk është Zvicër, është Mitrovicë appeared first on Telegrafi.

Faqja zyrtare e ‘Sunny Hill Festival’ ka publikuar sot një video të artistes shqiptare me famë botërore, Dua Lipa, e cila i drejtohet fansave të saj me një mesazh të ngrohtë dhe emocionues në prag të edicionit të sivjetshëm të festivalit që mbahet në Prishtinë.

Në videon e shpërndarë në rrjetet sociale, Dua shfaqet entuziaste, ndërsa thekson: “Jam shumë e entuziazmuar të vij në shtëpi, në Prishtinë, javën e ardhshme, për festivalin Sunny Hill. Do të jetë edicioni më i madh deri tani dhe jam shumë krenare sa shumë është rritur si festival. Mezi po pres, ju dua shumë shumë”.

Ajo nuk heziton të përfundojë mesazhin e saj në gjuhën shqipe, duke shtuar: “Mezi po pres, ju dua shumë!”

@sunnyhill_festival A special message from @dualipaofficial When Dua says she’s excited, you KNOW it’s going to be special! #Sunnyhill #sunnyhillfestival #Dualipa #kosovo #viral #viraltiktok ♬ original sound – Sunny Hill Festival

Dua Lipa është një nga emrat kryesorë të këtij edicioni të festivalit “Sunny Hill”, i cili organizohet çdo vit nga babai i saj, Dukagjin Lipa.

Prania e saj këtë vit në Prishtinë ka ngjallur një interes të jashtëzakonshëm tek publiku, me pritje të mëdha për performancën e saj në skenë.

Festivali, që tashmë ka fituar një reputacion ndërkombëtar, pritet të sjellë sërish në Kosovë emra të mëdhenj të muzikës botërore dhe të vazhdojë të afirmojë Prishtinën si një pikë të rëndësishme në hartën e festivaleve evropiane. /Telegrafi/

The post Dua Lipa emocionon fansat para nisjes së festivalit ‘Sunny Hill’ me mesazhin e saj në shqip: Mezi po pres, ju dua shumë appeared first on Telegrafi.

Bebe Rexha ka shpërndarë disa foto të mahnitshme në Instagram, duke u fokusuar në një set të veçantë pozash me një Porsche të zezë, duke tërhequr vëmendjen e fansave të saj me stilin e saj unik dhe sharm.

Këngëtarja, e njohur për energjinë dhe natyrën e saj të guximshme, ka shfrytëzuar këtë moment për të shfaqur një anë të re të vetes së saj, duke miksuar pasionin për muzikën dhe luksin.

Në disa nga fotografitë e postuara, Bebe ka pozita të theksuara mbi makinën Porsche, duke sjellë një stil të sofistikuar dhe seksi.

Ajo është e veshur me një kostum të thjeshtë të zi dhe një shall me dy gëzhoja të mëdha, i cili e thekson pamjen e saj elegante dhe tërheqëse. Pozitat e saj janë të ngjashme me ato që shohim në pasarela mode, duke bërë që këto foto të duken si një kombinim i luksit dhe artit të fotografisë.

Një tjetër seri fotoreportazhesh ka qenë një set i vogël polaroidësh, ku Bebe ka përdorur një llokë të ngjashme për të shfaqur anën e saj më të intimitetit dhe krijueshmërisë.

Lidhur me këtë moment, ajo ka postuar gjithashtu një foto të shkrepur në një ambient të brendshëm, ku përmban një atmosferë të ngrohtë dhe të bukur, e cila nënvizon stilin e saj modern dhe të rafinuar. Ngjyrat neon dhe detajet e ambientit përputhen me pamjen e saj të fuqishme dhe të vetëbesuar.

Në disa prej fotove të tjera, Bebe është bashkë me një mik, duke ndarë një moment më të relaksuar, që tregon se ajo është gjithashtu një person shumë miqësor dhe i hapur.

Atmosfera e këtyre pamjeve tregon se Bebe Rexha është gjithmonë në kërkim të mënyrave për të lidhur kreativitetin dhe jetëshmërinë e saj në mënyra unike. /Telegrafi/

The post Bebe Rexha duket atraktive dhe provokuese në pozat e realizuara mbi veturën e saj “Porsche” appeared first on Telegrafi.

Aktorja Pamela Anderson u fotografua duke dalë nga hoteli Corinthia në Londër në shoqërinë e aktorit Liam Neeson.

Domethënë, pamja e tyre e re së bashku menjëherë ngjalli spekulime nëse ata ishin të lidhur nga diçka më shumë sesa miqësi.

Ata u larguan nga hoteli të mërkurën në mëngjes, dhe Pamela tërhoqi vëmendjen me një kombinim elegant të verdhë dhe një pamje natyrale pa grim, ndërsa Neeson u shfaq me një veshje të përditshme.

Aktorët tërhoqën vëmendjen pas premierës së filmit të tyre të përbashkët “The Naked Gun”, ku treguan afërsinë e tyre me njëri-tjetrin para kamerave. Gjatë mbrëmjes, ata shkëmbyen prekje, dhe Pamela madje e puthi Liamin në faqe, gjë që shkaktoi reagime dhe spekulime të shumta se mes tyre po zhvillohej më shumë sesa miqësi.

Situata u acarua më tej nga vetë Neeson, i cili me shaka iu referua xhirimit të skenave intime me Pamelën, duke deklaruar se kjo ishte pjesa më argëtuese e xhirimit për të. Ai shtoi me një buzëqeshje se koordinatori i intimitetit madje doli nga sheshxhirimi.

Si kujtesë, të dy e kanë lavdëruar njëri-tjetrin më parë në intervista.

“Jam marrëzisht i dashuruar me Pamelën. Është shumë mirë të punosh me të. Do të jem i sinqertë me ju, nuk mund ta komplimentoj mjaftueshëm”, tha ai për revistën People.

Anderson e quajti atë një zotëri dhe shtoi: “Ai nxjerr në pah më të mirën tek ti. Ishte një nder i plotë të punoja me të”. /Telegrafi/

The post Pamela Anderson dhe Liam Neeson u fotografuan së bashku duke dalë nga një hotel, dhe ajo nuk mund ta largonte buzëqeshjen nga fytyra appeared first on Telegrafi.

Dasma e Teuta Rugovës, vajzës së ish-presidentit Ibrahim Rugova, dhe partnerit të saj Agron Gjeloshi, ka vazhduar të tërheqë vëmendjen e publikut përmes imazheve dhe videove që po shpërndahen në rrjete sociale dhe media.

Pas ceremonisë zyrtare të kurorëzimit që u mbajt në orën 17:00 nga Kryetari i Prishtinës, Përparim Rama, në rezidencën historike në Velani, janë publikuar pamje të reja nga një aktivitet tjetër që shënoi këtë ditë të veçantë për çiftin.

Në njërin prej restoranteve të njohura të kryeqytetit është organizuar një darkë mes familjarëve të ngushtë, ku mbizotëronte një atmosferë e ngrohtë dhe festive.

Ajo që bie në sy në këto pamje është vallëzimi nën tingujt live të super hitit shqiptar “Xhamadani vija-vija”, që ka ngritur në këmbë të ftuarit dhe ka krijuar një ambient tradicional e solemn njëkohësisht.

Sipas raportimit të bërë nga emisioni “Prive” i Liberta Spahiut në rubrikën “E vërtetë, e pavërtetë”, kjo dasmë pritet të kulmojë me ceremoninë martesore në Katedralen e Prishtinës dhe më pas me një aheng madhështor në një prej hoteleve më prestigjioze të kryeqytetit.

Ndërkohë, interesimi për këtë ngjarje vazhdon të rritet, ndërsa pritet të publikohen edhe pamje të tjera nga ceremonia që po cilësohet si një ndër dasmat më të komentuara të këtij viti në vend. /Telegrafi/

The post Publikohen pamjet të tjera nga dasma e Teuta Rugovës me Agron Gjeloshin – çifti të lumtur vallëzojnë me familjarët e tyre appeared first on Telegrafi.

Pas intervistës së fundit të Jozefin Markut në emisionin “Live From Tirana”, ku foli për herë të parë pas daljes nga Big Brother VIP Albania dhe komentoi edhe mbi marrëdhënien e tij me Loredanën, nuk ka vonuar reagimi i saj në rrjetet sociale.

Në një postim në Instagram, Loredana ka rishpërndarë një foto ku shfaqet përkrah gazetarit të njohur Eraldo Rexho, të cilin e shoqëron me mbishkrimin ironik: “Shoqëria e keqe”, të shoqëruar me emoji duke qeshur.

Ky reagim vjen menjëherë pas deklaratës së Jozit, i cili tha në intervistë se “Loredana ka marrë një rrugë jo të mirë” dhe se “po shoqërohet me njerëz të padëshirueshëm”, duke aluduar në thashethemet që po qarkullojnë se ajo është në lidhje me reperin shqiptar, Don Xhoni.

Komenti i Loredanës duket si një përgjigje e drejtpërdrejtë dhe ironike ndaj këtyre fjalëve, duke e bërë të qartë që nuk i ka marrë seriozisht akuzat e ish-partnerit të saj.

Kujtojmë që historia mes Loredanës dhe Jozefit nisi gjatë qëndrimit të tyre në shtëpinë e BBVA4 dhe vijoi të komentohej edhe pas daljes së tyre, por tashmë duket se gjërat janë përfundimisht të ftohura mes tyre. /Telegrafi/

The post Loredana ironizon me Jozin pas deklaratave të tij, prezanton “shoqërinë e saj të keqe” appeared first on Telegrafi.

Në hapësirën e jashtme të Bibliotekës Kombëtare në Prishtinë, sonte ka nisur edicioni i pestë i Festivalit Ndërkombëtar të Operës Rame Lahaj, nën moton “Ëndrra pa kufi, Opera pa mure”.

Nata hapëse iu kushtua këngëtares së madhe shqiptare, Nexhmije Pagarusha, duke sjellë performanca unike dhe nostalgji përmes disa prej këngëve më të njohura të saj, raporton KosovaPress.

Në skenë kënduan artistë të njohur si Gala El Hadidi, e cila për herë të parë performoi në gjuhën shqipe, si dhe këngëtaret Edona Reshitaj, Adhurim Grezda dhe Arbëreshé.

Nën tingujt e grupit muzikor “Gent Rushi Group”, ata krijuan një atmosferë unike për të pranishmit.

Festivali do të vazhdojë më 24 korrik në Pejë dhe më 25 korrik në Mitrovicë, duke përçuar trashëgiminë e pasur të muzikës shqipe në gjithë Kosovën.

Aktivitetet do të zgjasin deri më 2 gusht, kur edhe do të mbahet mbrëmja përmbyllëse Gala Night “Rame Lahaj & Friends”, me pjesëmarrjen e artistëve të njohur ndërkombëtarë. /Telegrafi/

The post Nis Festivali i Operës Rame Lahaj me mbrëmjen kushtuar Nexhmie Pagarushës appeared first on Telegrafi.

Erik Menendez, i cili së bashku me vëllain e tij Lyle u dënua për vrasjen e prindërve të tij, u shtrua në spital pasi u diagnostikua me një gjendje të rëndë shëndetësore, tha avokati i tij.

Lajmi vjen vetëm disa javë përpara se ai dhe vëllai i tij, Lyle, të kenë një seancë dëgjimore për lirim me kusht, pasi kaluan dekada në burg për vrasjen e prindërve të tyre.

Një zëdhënës i avokatit Marko Geragos nuk do të jepte detaje rreth shëndetit të tij, dhe familja e Menendezit nuk pranoi të komentonte. Nga rruga, të premten, Eriku u transferua nga burgu në San Diego, ku kishte vuajtur dënimin e tij për vite me radhë, në një qendër mjekësore jashtë kompleksit të burgut.

Departamenti i Korrektimeve dhe Rehabilitimit i Kalifornisë konfirmoi për median lokale CBS 8 se gjendja e Menendez është “e kënaqshme”, por nuk pranoi të japë informacione shtesë.

NEW: Erik Menendez is in the hospital and has been diagnosed with a serious medical condition, his family confirmed to ABC News.

The condition has not been disclosed.

Read more: https://t.co/5U33s2ENkl pic.twitter.com/IexsKgf9C6

— ABC News (@ABC) July 22, 2025

Vëllezërit Menendez kaluan 35 vjet në burg për vrasjen e Kitty dhe Jose Menendez në vitin 1989. Gjithashtu, në maj të këtij viti, ndaj tyre u shqiptuan dënime të reja, nga 50 vjet deri në burgim të përjetshëm, ndërsa më parë ata vuajtën dënime të përjetshme pa mundësinë e lirimit me kusht.

Megjithatë, më herët këtë vit, një gjyqtar në Los Angeles arriti në përfundimin se Eriku (54) dhe Lyle (57) nuk përbëjnë një “rrezik të papranueshëm” nëse lirohen. Gjyqtari deklaroi gjithashtu se vëllezërit kishin treguar përparim të mjaftueshëm gjatë vuajtjes së dënimit të tyre, saqë dënimi mund të ndryshohej.

Dënimi i ri tani lejon që ata të merren në konsideratë për lirim me kusht sepse ishin të rinj kur kryen krimin. Avokati i vëllezërve, Mark Geragos, në një intervistë me TMZ kërkoi lirimin mjekësor të Erik Menendez para datës së seancës dëgjimore, duke përmendur problemin e tij shëndetësor.

“Mendoj se atij duhet t’i jepet lirim me kusht për arsye mjekësore para seancës dëgjimore, në mënyrë që të mund të punojë me avokatin e lirimit me kusht, të përgatitet dhe të bëjë më të mirën e tij”, tha Geragos.

Seanca dëgjimore për lirimin me kusht të vëllezërve Menendez është planifikuar për 21 gusht.

Vëllezërit iu nënshtruan dy gjyqeve përpara se të dënoheshin në vitet 1990. Ata pretenduan se i vranë prindërit e tyre në vetëmbrojtje, ndërsa prokuroria pretendoi se e kryen vrasjen për përfitim financiar. /Telegrafi/

The post Erik Menendez u shtrua me urgjencë në spital për shkak të problemeve serioze shëndetësore appeared first on Telegrafi.

Selena Gomez festoi dje ditëlindjen e saj të 33-të dhe përveç mesazhit emocional që ndau me fansat, një detaj i pazakontë në tortën e ditëlindjes tërhoqi vëmendjen e shumë njerëzve, duke i habitur ata.

Në vend të një njoftimi për ditëlindje, Selena shfrytëzoi rastin për të tërhequr vëmendjen ndaj një çështjeje të rëndësishme – shëndetit mendor të të rinjve.

Në ditëlindjen e saj, më 22 korrik, ajo i kujtoi publikut Fondin e Ndikimit të Rare – një organizatë që ajo e themeloi me qëllim përmirësimin e aksesit në shërbimet e shëndetit mendor për të rinjtë në të gjithë botën.

 

View this post on Instagram

 

A post shared by Selena Gomez (@selenagomez)

“Pesë vjet më parë, në ditëlindjen time, ne lançuam Fondin e Ndikimit të Rare me një qëllim të thjeshtë: të ndihmojmë të rinjtë në mbarë botën të ndihen të parë dhe të mbështetur. Shëndeti mendor ka qenë gjithmonë personalisht i rëndësishëm për mua dhe doja të krijoja diçka që do të bënte një ndryshim të qëndrueshëm”, shkroi Selena.

Ajo shtoi se deri më tani, falë donacioneve, fondi ka arritur të ndihmojë më shumë se dy milionë të rinj dhe të mbështesë 30 organizata në të gjithë botën. “Dhe ky është vetëm fillimi”, tha ajo dhe i ftoi të gjithë të bashkohen me iniciativën. “Faleminderit që jeni aty, për njëri-tjetrin dhe për brezin e ardhshëm. Kjo është ajo që do të thotë të kesh një ndikim të rrallë”.

Por, përveç këtij mesazhi, vëmendjen e tërhoqi edhe torta e ditëlindjes që ajo postoi. Konkretisht, torta jeshile në formë zemre nuk tërhoqi komente për shkak të detajit të pazakontë, ku në vend të qirinjve, torta kishte dekorime në formën e turshive.

@itsbennyblancofry pickles and get laid

♬ Little Things – Adrián Berenguer

Kjo zgjedhje e pazakontë ka shkaktuar reagime të shumta në rrjetet sociale.

“Nuk jam i sigurt, por ‘torta e ditëlindjes me temë turshie’ tingëllon gabim”, shkroi një përdorues. Një tjetër bëri shaka, “Një tortë me temë turshie?”, ndërsa një i tretë shtoi, “Pse askush nuk po flet për qirinjtë në formë turshie?”

Është gjithashtu interesante që i fejuari i saj, Benny Blanco, bëri tatuazh logon e markës së saj të preferuar të turshive, Best Maid Pickles, në thonjtë e këmbëve në vitin 2024. Për Ditën e Shën Valentinit, ai i dërgoi asaj një kavanoz të madh me to nga Teksasi dhe më pas ndau një video në TikTok në të cilën i skuq ato në vaj. /Telegrafi/

The post Torta e çuditshme e Selena Gomez për sitëlindjes: Ajo i zëvendësoi qirinjtë e ditëlindjes me turshi appeared first on Telegrafi.

Nëse dikush më pyet cili është veprimi më i rëndësishëm gjatë ushtrimeve, përgjigjja ime do të ishte: pirja e ujit.

Në botën e fitnesit flasim shumë për teknika, për peshën që ngremë apo për ushtrimet më efikase. Por shpesh harrojmë një element bazë pa të cilin asgjë nga këto nuk funksionon: hidrimin. Pa ujë të mjaftueshëm, nuk ka pompim muskulor dhe pa pompim, një nga qëllimet kryesore të stërvitjes bie poshtë.

Çfarë është pompimi? Është procesi kur gjaku qarkullon me intensitet në muskujt që punojnë, duke i bërë ata të duken më të plotë dhe më të fortë. Është shenjë që muskujt po marrin gjak, oksigjen dhe lëndë ushqyese për t’u zhvilluar. Por nëse jemi të dehidratuar, ky efekt zhduket. Vëllimi i gjakut bie. Qarkullimi ngadalësohet. Muskujt nuk marrin atë që u nevojitet.

Pirja e ujit para, gjatë dhe pas stërvitjes nuk është luks është domosdoshmëri. Përveçse ndihmon pompimin, parandalon ngërçet, rrit përqendrimin, ndihmon rigjenerimin dhe mban performancën në nivel të lartë.

Shumë sportistë pyesin: “Çka me pi për të pasur pompim?”

Filloni me gjënë më të thjeshtë: ujin.

Sepse edhe suplementi më i shtrenjtë, në një trup të dehidratuar, është si fara në tokë të thatë. /Telegrafi/

The post Trajneri i fitnesit, Arbër Peci: Mos harro ujin, është stëevitja më e thjeshtë që nuk e bëjmë appeared first on Telegrafi.

Aktori i njohur Zac Efron (37) ka tërhequr vëmendjen e ndjekësve të tij, këtë herë me një paraqitje krejt të çlirët dhe pa bluzë. Ylli i Hollywood-it është fotografuar duke luajtur golf me vëllain e tij Dylan Efron (33), ndërsa tregonte fizikun e tij të tonifikuar dhe lëvizte nëpër fushë me makinë golfi.

Zac dhe Dylan – ky i fundit influencer dhe producent – u treguan të aftë në lojë, dhe videoja që ndanë me ndjekësit u përhap menjëherë në rrjetet sociale, duke gjeneruar një valë të madhe reagimesh pozitive.

Komentet nuk munguan: “Fatmirësisht Instagrami s’ka kufizim për sa herë mund të shikosh një video!”, “Është ky një ëndërr?”, “Ju lutem, kurrë mos harroni sa i pashëm është Zac Efron”, “Unë ofrohem vullnetarisht të ngas makinën e golfit!” – ishin vetëm disa nga reagimet në postim.

 

View this post on Instagram

 

A post shared by Zac Efron (@zacefron)

Shumë fansa e krahasuan këtë paraqitje me një nga skenat më ikonike të filmit High School Musical 2, ku personazhi i Zac-ut, Troy Bolton, këndon me pasion këngën Bet On It ndërsa ecën në një fushë golfi. Sipas tyre, ishte “një mundësi e humbur” që kjo këngë të mos përdorej si sfond për videon e re.

Ndërkohë, vëllai i Zac-ut, Dylan, po tërheq gjithnjë e më shumë vëmendje nga publiku – jo vetëm për ngjashmërinë fizike me të, por edhe për angazhimin e tij në botën televizive. Në muajin maj, ai mori pjesë në festivalin televiziv të Variety së bashku me pjesëmarrësit e tjerë të emisionit The Traitors US, një reality show ku debutoi në fillim të këtij viti dhe ndau një çmim prej 204,300 dollarësh me ekipin e tij.

Edhe pse zakonisht punon si koordinator prodhimi në projekte të mëdha si American Sniper dhe Ready Player One, Dylan ka pranuar se hyrja në një reality nuk ishte një vendim i lehtë: “Nuk thashë menjëherë ‘po’. Më kanë ofruar audicione për emisione të ndryshme si Survivor, por gjithmonë i kam refuzuar. Kjo ishte hera e parë që ndjeva se mund dhe doja të provoja”.

 

View this post on Instagram

 

A post shared by Dylan Efron (@dylanefron)

Ai shtoi se më parë i ishte ofruar edhe pjesëmarrja në Love Island, por formati i atij programi nuk përputhej me preferencat e tij.

Zac, në një intervistë për Entertainment Tonight në qershor, u shpreh i bindur për suksesin e vëllait të tij: “Gjithmonë ka pasur fat në lojëra. Që fëmijë, i dilte menjëherë Yahtzee në hedhjen e parë. Mendoj se do të fitojë”.

Dylan Efron preferon të ruajë privatësinë për jetën e tij personale, por së fundmi ka konfirmuar një lidhje që ishte përfolur prej kohësh.

 

View this post on Instagram

 

A post shared by Dylan Efron (@dylanefron)

Gjatë një interviste në podcastin The Viall Files në mars të këtij viti, ai pranoi: “Jam në një lidhje”, duke shtuar se partnerja e tij nuk është aktive në rrjetet sociale dhe punon një punë të zakonshme me orar të rregullt, nga 9 deri në 5.

Sipas revistës People, bëhet fjalë për Courtney King, dashuria e tij e hershme nga shkolla e mesme, me të cilën është në lidhje prej të paktën vitit 2016. Edhe pse rrallë shfaqen bashkë në publik, burime pranë çiftit thonë se lidhja e tyre është e qëndrueshme dhe e konsoliduar ndër vite. /Telegrafi/

The post Zac Efron tregoi trupin e tij të formësuar në fushën e golfit, vëllai i tij më i vogël tërhoqi vëmendjen appeared first on Telegrafi.

Muzikanti dhe sipërmarrësi ASAP Rocky shkaktoi shqetësim publik pasi u shfaqën foto që e tregonin atë duke pasur nevojë për ndihmën e një karroce me rrota dhe dy truprojave për të hipur në një makinë.

Ylli 35-vjeçar u pa në një karrocë me rrota me një batanije që i mbulonte një pjesë të fytyrës, ndërsa dy truproja e ndihmuan të hipte në një Hummer të verdhë.

Konkretisht, fillimisht u spekulua se arsyeja për lodhjen e tij mund të ishte turneu jashtë vendit i përfunduar së fundmi, duke përfshirë paraqitjet gjatë Javës së Modës në Paris, pas së cilës ai u kthye në shtëpi. Lodhja nga udhëtimi dhe një orar i ngjeshur dukeshin si një shpjegim logjik për gjendjen e tij fizike.

ASAP Rocky has completed his first successful “ROLL OUT” in years pic.twitter.com/N7vnVdIV3i

— DAILY NOUD (@DailyyNoud) July 21, 2025

ASAP Rocky ose ekipi i tij nuk kanë lëshuar një deklaratë zyrtare se pse ai kishte nevojë për ndihmë ose çfarë e shkaktoi shqetësimin e tij.

Rastësisht, ASAP Rocky është në një lidhje me yllin e muzikës globale Rihanna që nga viti 2020, dhe çifti aktualisht është në pritje të fëmijës së tyre të tretë. /Telegrafi/

The post ASAP Rocky filmohet në një karrocë me rrota, truprojat e ndihmojnë të hipë në veturë appeared first on Telegrafi.

Për edicionin e 24-të, DokuNights rikthehet jo vetëm si një program muzikor, por si një pulsim i pandashëm i DokuFest-it, duke u rritë, duke ndryshu, duke andrru gjithmonë diçka më të madhe. Bashkë, i drejtojmë sytë nga yjet dhe takohemi çdo natë në skenën tonë në Sonar, në kalanë e Prizrenit. Të rrethuar nga gurët e lashtë e dritat, bashkë do e presim lindjen e diellit.

Një frymë, një frymëmarrje, një rrahje zemre, një tingull, në kohë. Kuruar nga Nita Deda dhe Leart Rama, programi i këtij viti sjell një plejadë të gjerë artistësh: nga këngë ceremoniale shekullore deri te tinguj të guximshëm bashkëkohorë që na e riformësojnë ndjenjën e ritmit dhe pranisë. Bashkë shënojmë një kohë muzike, shënojmë magjiken, kujtesën dhe lëvizjen.

Me 2 gusht, hapim dyert e Sonarit me një natë që vazhdon deri në mëngjes, pret rrezet e para të dritës kur ato mbërrijnë malet. Do të jemi nën qiell e re, teksa ndëgjojmë melodi të thella nga disa nga artistët më vizionarë të skenës elektronike.

Byron Yeates, gjeniu pas Radiant Record, dhe dyshja rrezatuese australiane IN2STELLAR takohen përmes orbitës së Rebiswan në një natë të pafund, pa kufij. Mezi po e presim njërën ndër netët që premton ndjesi të thella, në performancën prekëse të kuartetit ukrainas Dakha Brakha, që s’ka frikë t’i sdifojë të gjitha zhanret. Duke bashkuar traditat popullore me energjinë teatrale, na pret një spektakël i rrallë tingulli dhe vizioni, duke udhëtuar përtej kohës, kufijve, shekujve.

Kërkimet tona ndër yje, s’do të ishin të plota pa i bërë dritë muzikës vendase të Ylli Limanit, këngë të cilat do t’i këndojmë të gjithë së bashku, duke përshkuar të gjitha brezat. Vazhdojmë me shndritë, shndritë, shndritë me retro-futurizmin emocionues të Shkodra Elektronike teksa ata hedhin dritë në kalanë tonë, në neve, në zemrat tona me interpretimet e tyre moderne të këngëve tradicionale të Shkodrës.

Një rikthim i përmallshëm në shtëpi me Ibadet Ramadanin, ndërsa ajo lason albumin e saj të ri solo, një projekt që rrugëton të gjejë audiencën e tij të parë në qytetin, kalanë, qiellin tonë, më të gjitha këngët për dashurinë dhe mallin.

Cinna Peyghamy, YAAND dhe urbau na bashkohen, për të na ofruar performanca të papërpunuara dhe bashkëkohore që zbehin vijat midis akustikës dhe elektronikës, urbanes dhe rurales, traditës dhe transformimit. Një tjetër moment të rëndësishëm e shënojmë me upsammy, e cila do të prezantojë albumin e saj të ri Strange Meridians me një shfaqje live audio/vizuale. Një përzierje e pasur melodish gjithë ndriçim dhe pamjesh reaktive, që shpalosen qartazi, me plot besim. Por, para gjithë kësaj na pret LUXE. Ajo na drejton, na shoqëron, e na zhytë drejt e në një terren me andrra, andrrime.

DokuNights do e përmbyllin me performancën e këngëtarëve legjendarë e performuesve virtuozë Orkestra e Beratit, të cilët na ftojnë këndojmë e vallëzojmë me muzikën e pasur tradicionale shqiptare. Nata s’ndalet këtu. Vazhdon lart në kala me një festë të pafund: 10-vjetori i Sound Metaphors dhe edicioni i 24-të i DokuFest, me kolonën zanore të DJ-ve të Sound Metaphors, Sleep D që na sjell një dritare në universin e Butter Sessions, dhe për një vit tjetër magjik, i vetmi, i dashtuni jonë Genc Elezaj.

Tri shtigje, një destinacion. Një andërr e përbashkët për me vallëzu deri në mëngjes, në të ardhmen, derisa dritat të ndizen përsëri për edicionin e 25-të të festivalit tonë, dhe DokuNights kthehet me andrrën e tij më ambicioze deri më tani! /Telegrafi/

The post DokuNights 2025: Shpalos programin e plotë të artistëve që do të performojnë appeared first on Telegrafi.

CEO i kompanisë Astronomer, Andy Byron, dhe shefja e burimeve njerëzore, Kristin Cabot, janë kapur në një moment shumë intim gjatë një koncerti të grupit Coldplay – dhe jo vetëm në kamerën e puthjes.

Në një video të siguruar nga pas shpinës së tyre, dyshja shihen teksa shijojnë këngën “Yellow” të kënduar nga Chris Martin, ndërsa turma në stadium mban të ndezura dritat e telefonave në një atmosferë magjike.

Andy dhe Kristin shfaqen siluetë përballë skenës së ndriçuar, duke lëkundur trupat në ritmin e muzikës. Herë pas here, ata mbështesin krahët mbi njëri-tjetrin, dhe në një moment, Andy afrohet për ta puthur Kristin.

View this post on Instagram

A post shared by TMZ (@tmz_tv)

Edhe pse më herët ishin parë bashkë nga pjesa ballore e stadiumit, ky kënd i pasëm tregon një afërsi më të thellë mes tyre – sidomos për faktin se nuk ishin në vëmendjen e gjithë audiencës.

Pas publikimit të videos dhe rrjedhës së ngjarjeve, Andy është larguar përkohësisht nga detyra si CEO, ndërsa Kristin është pezulluar nga pozita e saj – sipas një raporti të Axios.

Asnjëri prej tyre nuk ka komentuar ende publikisht për situatën, por kompania Astronomer ka njoftuar se ka nisur një hetim të brendshëm. Sipas të gjitha gjasave, kjo video do të jetë një nga dëshmitë kryesore në këtë proces. /Telegrafi/

The post Dalin pamjet e reja: CEO i “Astronomer” dhe dashnorja e tij po putheshin vazhdimisht gjatë koncertit të Coldplay appeared first on Telegrafi.

Wendy Williams, ish-prezantuesja e njohur e talk-show-t amerikan, festoi 61-vjetorin e lindjes në një nga restorantet më të famshme të Nju Jorkut, Delmonico’s. Sipas një burimi për Page Six, Wendy dukej “më mirë se kurrë”.

Darkën e ditëlindjes ajo e kaloi në restorantin historik mbi 200-vjeçar, të vendosur në pjesën jugore të Manhattanit, ku iu bashkuan dy nga avokatët e saj dhe producentët e dikurshëm të emisionit – çifti Suzanne Bass dhe Brendan Higgins.

Burimi gjithashtu tha se Wendy ecte pa ndihmën e paisjes së saj motorike për lëvizje dhe dukej në humor të mirë e në gjendje të qëndrueshme. Një ditë pas festës, ajo u fotografua e buzëqeshur në rrugët e Nju Jorkut.

Që nga viti 2022, Wendy ndodhet nën kujdestari të urdhëruar nga gjykata, dhe aktualisht jeton në një rezidencë luksoze për kujdes të asistuar, Coterie, në lagjen Hudson Yards – të cilën ajo vetë e ka quajtur shpesh si një “burg luksoz”.

Gjatë darkës, burimi thotë se ajo ka shprehur bindjen se avokatët e saj do ta ndihmojnë ta përfundojë këtë regjim kujdestarie.

Wendy Williams, e njohur për dekada si një nga figurat më të spikatura të televizionit amerikan, u tërhoq nga jeta publike për shkak të problemeve shëndetësore dhe vështirësive financiare që çuan në vendosjen e kujdestarisë.

Vitin e kaluar, ekipi i saj bëri të ditur se ajo ishte diagnostikuar me afazi progresive primare dhe dementi frontotemporal, por vetë Wendy e mohon këtë diagnozë dhe shprehet se është në gjendje të funksionojë sërish në mënyrë të pavarur. /Telegrafi/

The post Wendy Williams shihet në një dalje të rrallë në New York, duke festuar ditëlindjen e saj në një restorant appeared first on Telegrafi.

Një kompani teknologjike në SHBA ka vendosur ta vendosë në leje të përkohshme CEO-n e saj, pas një videoje që u bë virale, ku ai shihet në një përqafim në një koncert të Coldplay – përqafim që thuhet se ndodhi me një punonjëse tjetër të kompanisë.

Në videon që fillimisht u shfaq në ekranin gjigant të stadiumit Gillette në Foxborough, Massachusetts, dy persona duken teksa mbajnë njëri-tjetrin në krahë. Në momentin kur fytyrat e tyre shfaqen përballë turmës së mijëra njerëzve, ata reagojnë me siklet dhe përpiqen të fshihen nga kamera, shkruan BBC.

Raportimet që të dy janë drejtues në kompaninë Astronomer, si dhe komentet e frontmen-it të grupit Coldplay, Chris Martin, ndezën spekulimet për një aferë. Kjo solli një vëmendje të madhe në internet, duke e bërë videon virale. Të premten mbrëma, kompania konfirmoi në platformën X (ish-Twitter) se CEO Andy Byron ishte vendosur në leje.

Pamjet ku çifti duket duke kërcyer në ritmin e muzikës e më pas përpiqet të fshihet nga kamera, shpërthyen në rrjet menjëherë pas koncertit të së mërkurës.

Chris Martin, pasi vuri re reagimin e turpshëm të çiftit, iu drejtua publikut: “Ose po kanë një aferë, ose janë shumë të turpshëm”.

Meme of the day: Coldplay concert camera catches cheating CEO on big screen

During a Coldplay concert in Boston, the livestream camera accidentally caught a tender moment between Andy Byron, CEO of U.S. tech company Astronomer, and the company’s head of HR, Kristin Cabot.

All… pic.twitter.com/TlcodY9CCv

— NEXTA (@nexta_tv) July 17, 2025

Videoja origjinale e postuar në TikTok mori miliona shikime dhe më pas u shpërnda në të gjitha platformat, duke u kthyer në meme dhe objekt shakaje në emisione televizive.

Dy ditë pas shpërthimit të komenteve në internet për përqafimin misterioz, Astronomer publikoi një deklaratë duke njoftuar fillimin e një hetimi, pa përmendur drejtpërdrejt videon.

“Astronomer i qëndron vlerave dhe kulturës që na ka udhëhequr që nga themelimi,” thuhej në deklaratë. “Liderët tanë pritet të jenë shembull në sjellje dhe përgjegjësi. Bordi Drejtues ka nisur një hetim zyrtar mbi këtë çështje dhe së shpejti do të japim më shumë detaje.”

Pete DeJoy, bashkëthemelues dhe Shef i Produktit në kompani, është emëruar CEO i përkohshëm.

Sipas shumë burimeve, burri në video dyshohet të jetë vetë CEO Andy Byron, i cili i është bashkuar kompanisë në korrik 2023. Ai nuk ka konfirmuar publikisht nëse është apo jo ai në video.

Gruaja që shihet në video identifikohet në rrjet si Kristin Cabot, Shefja e Burimeve Njerëzore në Astronomer, që nga nëntori 2024. Edhe ajo nuk e ka konfirmuar identitetin e saj.

BBC nuk ka mundur të vërtetojë zyrtarisht identitetin e personave në video.

Në deklaratën e saj, kompania theksoi se z. Byron nuk ka dhënë asnjë deklaratë publike, duke i quajtur të pavërteta raportimet që thonin të kundërtën. Po ashtu, u theksua se në video nuk shihet asnjë tjetër punonjës i kompanisë.

Deklarata të rreme të atribuara CEO-së nisën të qarkullonin në rrjet ditën e enjte dhe u shpërndanë me shpejtësi. /Telegrafi/

The post Suspendohet shefi që u kap duke tradhtuar në koncertin e Coldplay appeared first on Telegrafi.

Kabineti i ish-kancelarit gjerman Olaf Scholz ka shpenzuar pothuajse 590 mijë euro nga fondet publike për grimerë dhe stilistë që u shërbyen zyrtarëve të qeverisë gjermane midis vitit 2022 dhe marsit 2025, shkruan gazeta Bild, duke iu referuar të dhënave zyrtare.

Shpenzimet më të mëdha i janë atribuar ish-ministres së Jashtme Annalena Baerbock, e cila vetëm në tre muajt e parë të vitit 2025 ka shpenzuar 21 mijë euro për grimin, që i bie rreth 248 euro në ditë. Grimerja e saj e përhershme, Claude Frommen, raportohet se ka marrë 7,500 euro në muaj dhe e ka shoqëruar Baerbock gjatë udhëtimeve zyrtare – gjë që ka ngjallur kritika të ashpra, sidomos për shkak të deklaratave të qeverisë rreth krizës ekonomike në Gjermani.

Pas saj renditet vetë ish-kancelari Olaf Scholz, me një total prej 13 mijë euro të shpenzuara për këto shërbime, ndërsa ish-zëvendëskancelari Robert Habeck ka shpenzuar dukshëm më pak – vetëm 598 euro gjatë tre muajve të parë të vitit 2025.

Gazeta Bild thekson se këto shifra nuk përfshijnë shpenzime të tjera si veshje, parukierë apo fotografë.

Këto shpenzime kanë ngjallur kritika të ashpra nga partitë opozitare. Partia CDU ka kërkuar vendosjen e kufizimeve, ndërsa Shoqata e Tatimpaguesve i ka cilësuar këto shpenzime si “të tepruara”, veçanërisht në një kohë kur ekonomia gjermane po kalon periudhë kursimi dhe ngadalësimi.

Kujtojmë se qeveria e Scholz mori pushtetin në dhjetor të vitit 2021, por ra në nëntor 2024 për shkak të përçarjeve brenda koalicionit qeverisës. Pas zgjedhjeve të parakohshme në shkurt 2025, u formua një qeveri e re e udhëhequr nga Friedrich Merz.

Ky raport publikohet në një moment kur ekonomia gjermane është në rënie. PBB-ja e vendit u tkurr me 0.2% në vitin 2024, pas një rënieje prej 0.3% në vitin 2023. Rënia është shkaktuar nga çmimet e larta të energjisë, normat e larta të interesit dhe mungesa e fuqisë punëtore të kualifikuar. /Telegrafi/

The post Ministrja e Jashtme e Gjermanisë, Annalena Baerbock shpenzon 21 mijë euro vetëm për grim në tre muaj appeared first on Telegrafi.

Rita Ora dhe bashkëshorti i saj Taika Waititi duken më të lumtur se kurrë.

Dyshja ishin miq për gjashtë vite para se të kurorëzonin dashurinë në martesë në vitin 2022. Tashmë, tre vite më vonë, Rita ka zbuluar pse lidhja e tyre vazhdon të jetë kaq e fortë.

“Mendoj se çelësi është respekti dhe mbështetja e ndërsjellë – pavarësisht projekteve apo karrierave të ndara që kemi. Të dish të ruash hapësirën e njëri-tjetrit dhe të jesh aty si mbështetje – kjo është shumë e rëndësishme”, – tha këngëtarja e hitit “Praising You”, 34 vjeç, në një intervistë për People, gjatë një performance të saj në eventin The Hill në Brooklyn Bridge Park, në Nju Jork, organizuar në kuadër të Wimbledon, më 11 korrik.

Rita shtoi se në martesën e saj me regjisorin 49-vjeçar, Taika Waititi, miqësia ka luajtur rol thelbësor: “Të jesh i martuar me shokun më të mirë është diçka fantastike”, – tha ajo.

Pak kohë më parë, gjatë një interviste në emisionin Live with Kelly & Mark, Rita zbuloi me humor se ishte ajo që u ul në gjunjë dhe i kërkoi Taikës të martohej me të.

“E surprizova partnerin tim. Ishte momenti im i fuqisë si grua. Dhe po, unë ia kërkova dorën!” – tregoi ajo për Entertainment Weekly. “Besoni ose jo, kjo ndodh!”

Reagimi i Taikës ishte po aq i sinqertë: “Ma ktheu me një të qeshur dhe më tha: ‘Çfarë po bën? Ngrihu menjëherë! Sigurisht që po!’”

Gjatë intervistës me People, Rita foli edhe për këngën e saj më të re “Heat”, e cila është paralajmërimi i parë për albumin e saj të katërt në studio.

“E gjithë tema e këtij albumi është drejtpërdrejtësia – të jem e qartë me mesazhin tim, të heq çdo shtresë të panevojshme nga produksioni, dhe të rikthehem tek thelbi im,” – shpjegoi ajo.

Duke folur për atmosferën e nxehtë dhe ritmin ngjitës të Heat, këngëtarja tregoi se bashkëpunimi me artistin Troye Sivan ishte frymëzues: “E admiroj shumë seksualitetin e tij dhe mënyrën si e feston atë,” – tha ajo. “Më frymëzoi të bëj të njëjtën gjë për veten time si grua – të rikthehem tek sensualiteti, feminiteti, dhe trupi im. Kjo këngë mishëron saktësisht këtë ndjesi”. /Telegrafi/

The post Rita Ora zbulon sekretin e martesës së saj të suksesshme tri vjeçare me regjisorin Taika Waititi appeared first on Telegrafi.

Artistja me origjinë shqiptare, Bebe Rexha, ka ndarë një moment të veçantë nga karriera e saj në një postim emocional në InstaStory, duke kujtuar fillimet e saj si tekstshkruese.

Ajo ka reaguar ndaj një postimi të faqes së njohur Pop Base, e cila theksonte se pikërisht 15 vite më parë, Bebe Rexha kishte fituar kredencialin e saj të parë si autore teksti në industrinë muzikore, me këngën “Lucifer” të grupit të njohur K-pop, SHINee.

Në reagimin e saj, Bebe shkruan: “Merita ime e parë si tekstshkruese ishte kjo këngë dhe në atë kohë muzika K-pop nuk ishte aq popullore ndërkombëtarisht sa është tani. Mendoj se e kam shkruar kur isha 17 ose 18 vjeç. Doli pak kohë pasi e shkrova”.

Ky kujtim emocionues vjen në një kohë kur Bebe Rexha konsiderohet si një nga emrat më të suksesshëm në industrinë ndërkombëtare të muzikës, me disa hite botërore dhe bashkëpunime me artistë të mëdhenj.

Megjithatë, përmes këtij postimi, ajo i rikujton ndjekësve se suksesi i saj filloi shumë herët dhe se rruga e saj artistike është ndërtuar mbi përkushtim dhe punë të palodhur që nga mosha e re.

Kënga “Lucifer” e SHINee u publikua më 2010 dhe u bë një ndër hitet më të mëdha të grupit, duke luajtur një rol të rëndësishëm në rritjen e ndikimit të muzikës K-pop jashtë Koresë së Jugut.

Fakti që një artiste si Bebe Rexha ishte pjesë e krijimit të saj që në fillimet e saj tregon potencialin e jashtëzakonshëm që ajo kishte shfaqur që në adoleshencë.

Ky moment përfaqëson jo vetëm një pikënisje të rëndësishme për karrierën e Bebes, por edhe një kontribut të hershëm në një valë muzikore që më vonë do të pushtonte botën. /Telegrafi/

The post Bebe Rexha rikujton fillimet e saj si tekstshkruese me këngën “Lucifer” të SHINee – 15 vite nga momenti historik appeared first on Telegrafi.

Këngëtarja e njohur shqiptare, Linda Halimi, ka ndezur rrjetet sociale me publikimin e dy fotografive të reja në llogarinë e saj zyrtare në Instagram.

E njohur për vokalin e fuqishëm dhe stilin e saj të veçantë, Linda këtë herë ka tërhequr vëmendjen me paraqitjen e saj tërheqëse në bikini.

Në imazhet e publikuara, intrepretuesja e hitit “Ëndërroja” shihet në një plazh me rërë të bardhë dhe det të kaltër, duke ekspozuar linjat e saj trupore në një bikini ngjyrë smeraldi me detaje dekorative, që i theksojnë edhe më shumë fizikun e saj të tonifikuar.

 

View this post on Instagram

 

A post shared by @linditaworld

Me flokët e lagur dhe qëndrimin plot vetëbesim, Linda rrezaton elegancë dhe forcë – një përzierje që e ka karakterizuar gjithmonë si artiste dhe figurë publike.

Postimi ka marrë komente të shumta pozitive nga ndjekësit, të cilët e kanë komplimentuar për formën fizike, bukurinë natyrale dhe stilin unik.

Ajo ka dëshmuar se edhe pas përfundimit të rrugëtimit të saj në Big Brother VIP Kosova 2, mbetet një ndër personazhet më të përfolura dhe të dashura për publikun.

Pas aventurës së saj në këtë reality show të suksesshëm, Linda është rikthyer në Shtetet e Bashkuara të Amerikës, ku vazhdon të jetojë dhe punojë në qytetin e Atlantës.

Ajo ka paralajmëruar më herët se është duke punuar në projekte të reja muzikore, të cilat pritet të publikohen së shpejti. /Telegrafi/

The post Linda Halimi mahnit me paraqitjen në bikini – publikon fotografi nga plazhi në Instagram duke treguar linjat appeared first on Telegrafi.