Ylli i reality-shou-t Kris Jenner është përballur me kritika nga ndjekësit në rrjete sociale për shkak të një fotografie të sajin të fundit, e cila dyshohet se është redaktuar me Photoshop.

Kris publikoi disa imazhe nga festa e 91-vjetorit të nënës së saj, ku kishte pozuar me një fustan elegant nga Oscar de la Renta. Megjithatë, ajo që tërhoqi më së shumti vëmendje ishin këmbët e saj. E veshur me sandale të hapura, ndjekësit vunë re një detaj të çuditshëm – dukej sikur Kris kishte gjashtë gishta në njërën këmbë.

“Mos ka vërtet gjashtë gishta apo po më duket mua?”, “Një këmbë me gjashtë gishta?”, “A je duke fshehur diçka?”, ishin vetëm disa nga komentet e shumta në rrjetin X (ish-Twitter). Deri tani, Kris nuk ka reaguar ndaj komenteve dhe spekulimeve që po qarkullojnë.

 

View this post on Instagram

 

A post shared by Kris Jenner (@krisjenner)

Ky nuk është rasti i parë që familja Kardashian-Jenner kritikohet për ndërhyrje të ekzagjeruara me Photoshop. Gjatë viteve, ato janë përballur me shumë kritika për manipulime të dukshme në fotografi, madje edhe vajzat e Kris janë akuzuar se kanë shtuar pa dashje një gisht shtesë nëpër disa imazhe të publikuara.

Në vitin 2019, gjatë promovimit të parfumeve në bashkëpunim me njëra-tjetrën, Kim Kardashian dhe Kylie Jenner u kritikuan pasi në një nga fotografitë dukej sikur njërës prej tyre i ishin shtuar më shumë gishta në këmbë. Në atë foto, të dyja mbanin body asimetrik pastel dhe sandale transparente me gishta të zbuluar.

Për atë rast, përfaqësuesi i Kim tha për Page Six se nuk ishte gabim i Photoshop-it, por një iluzion i krijuar nga këndi i shkrepjes.

Një tjetër rast i përfolur ishte ai i vitit 2021, kur Kim Kardashian e pranoi se kishte ndërhyrë në një fotografi të realizuar në Disneyland. Ajo kishte ngjitur fytyrën e mbesës së saj True Thompson në trupin e mbesës tjetër, Stormi Webster, për të krijuar një imazh të përshtatur për “feed”-in e saj në Instagram.

“Në fotografitë origjinale ishte Stormi. E pyeta Kylie nëse mund t’i publikoja, por ajo nuk ndihej rehat me këtë dhe unë e respektoj. Por nuk doja që kjo të më prishte pamjen estetike të profilit. Chicago ishte me rozë dhe përshtatej në mënyrë perfekte,” kishte deklaruar Kim në atë kohë.

Një vit më vonë, në vitin 2022, Kim u akuzua sërish për përdorim të tepruar të Photoshop-it, këtë herë në një foto ku promovonte bikinit e markës së saj Skims. Pas kritikave, ajo e fshiu imazhin shumë shpejt nga rrjetet sociale.

Edhe Khloé Kardashian u përball me komente të ngjashme në vitin 2023, pasi ndjekësit zbuluan manipulime të dukshme në formën e këmbëve të saj. Ndërsa Kourtney Kardashian është kritikuar më parë për forma të ekzagjeruara të trupit në disa fotografi, ku sidomos pjesa e pasme dukej jo natyrale. /Telegrafi/

The post Fansat e Kris Jenner hedhin dyshime për ‘photoshop’ në fotografitë e fundit: A ka një gisht të gjashtë në këmbë? appeared first on Telegrafi.

Këngëtarja e njohur shqiptare, Monika Salihu, ka ndarë një lajm të dhimbshëm me ndjekësit e saj në rrjete sociale, duke bërë të ditur se babai i saj, legjenda e boksit dhe kampioni olimpik Azis Salihu, është diagnostikuar me sëmundjen e Alzheimerit.

Përmes një postimi prekës, interpretuesja e hitit “Çika e Boksierit” ka shprehur dhimbjen dhe forcën që ajo dhe familja po përjetojnë në këtë periudhë të vështirë.

“Dashamirë të nderuar, miq e familjarë. Dua të ndaj me ju dhimbjen, babi (Zizi Olimpiku) është diagnostikuar me sëmundjen e Alzajmerit. Kemi qenë gjithmonë bashkë si familje dhe do të jemi sa të kem jetë… Sprovat janë për çdo derë, për çdo shtëpi. Nuk mund të gënjej për dhimbjen se nuk është vetëm prindi im, por vet jeta. Unë jam dhe do të vdes si Çika e Boksierit…”, ka shkruar Monika.

Në këtë rrëfim emocional, ajo nënvizon dashurinë dhe përkushtimin e madh që Azis Salihu ka pasur gjithmonë për familjen, Kosovën dhe popullin e saj.

“Azis Salihu sa e ka dashur familjen e vet, e ka dashur Kosovën dhe popullin. Edhe sot ju don me shpirt, edhe pse sot ai është ndryshe. I juaji Zozo Olimpiku”.

View this post on Instagram

A post shared by Monika (@monikasaalihu)

Postimi ka prekur shumë zemra dhe ka ngjallur reagime të shumta mbështetëse nga figura publike, artistë e qytetarë që e kanë njohur dhe vlerësuar Azis Salihun si ikonë të sportit shqiptar dhe njeri të madh me zemër të madhe.

Azis Salihu është një nga emrat më të ndritur të sportit shqiptar, i njohur për sukseset e tij në boks, përfshirë medaljen olimpike dhe kontributin e jashtëzakonshëm në ngritjen e sportit në Kosovë dhe jashtë saj. /Telegrafi/

The post Monika Salihu ndan lajmin e dhimbshëm, babai i saj – kampioni olimpik Azis Salihu është diagnostikuar me Alzheimer appeared first on Telegrafi.

Rita Ora do të publikojë këngën e saj më të re brenda pak ditësh.

Këngëtarja 34-vjeçare, e njohur për hitin “How We Do”, ka qenë kohët e fundit në studio duke punuar për këngën e re që do të jetë pjesë e emisionit të njohur të takimeve “Love Is Blind UK”.

Sipas raportimeve, kënga mban titullin “Joy” dhe ka një mesazh të fuqishëm për gjetjen e paqes së brendshme. Ajo pritet të publikohet gjatë ditëve në vijim, shkruan DailyMail.

Një burim ka treguar për The Sun se: “Nuk është sekret që Rita e adhuron dashurinë, ndaj pranoi menjëherë të realizojë një këngë për Love Is Blind UK”.

Edhe pse ajo pritet të publikojë shumë shpejt albumin e saj të katërt në studio, “Joy” nuk do të jetë pjesë e tij.

Sipas burimit, kjo këngë konsiderohet si një “mini projekt anësor” dhe nuk është menduar si pjesë e materialit të albumit të ri.

“Kënga do të përdoret në emision dhe do të jetë e disponueshme për dëgjim në platforma digjitale, por nuk ka plane për videoklip apo promovim shtesë”, është thënë më tej.

Ndërkohë, Rita ka folur edhe për një moment delikat në karrierën e saj, kur u përfshi në mënyrë të pavërtetë në thashethemet rreth identitetit të “Becky with the good hair”, një figurë misterioze e përmendur në albumin “Lemonade” të Beyoncé-s.

Albumi i vitit 2016 përmbante këngë me tekste të fuqishme që flisnin për tradhti, përfshirë këngën “Sorry” ku Beyoncé i referohej një gruaje që besohej se kishte qenë në një lidhje me bashkëshortin e saj, Jay-Z.

Spekulimet në internet shpërthyen dhe shumë fansa aluduan se kjo “Becky” ishte Rita Ora, e cila në atë kohë ishte pjesë e labelit Roc Nation të Jay-Z.

Ajo u akuzua padrejtësisht për një lidhje me reperin dhe u detyrua të mohojë publikisht gjithçka. Tani, në një intervistë në podkastin “Begin Again” të Davina McCall, Rita ka rrëfyer se ishte thellësisht e lënduar nga këto akuza, pasi Beyoncé kishte qenë gjithmonë mbështetëse e saj.

“Ajo ka qenë si një zanë e mirë për mua prapa kamerave, një mbrojtëse e vërtetë. Kjo është ajo që e bën edhe më të pabesueshme, sepse midis nesh ka pasur gjithmonë vetëm dashuri”, ka thënë Rita.

Ajo ka folur gjithashtu për mënyrën se si është ndjerë me trupin e saj gjatë viteve të fundit. Në një intervistë tjetër në podkastin “Happy Place” të Fearne Cotton, në bashkëpunim me projektin për vetëvlerësim të Dove, Rita ka treguar se ka pasur periudha kur nuk e pranonte veten dhe ndihej “e shëmtuar” në fund të të njëzetave.

“Në fund të të njëzetave fillova ta ndiej më shumë këtë presion. Nuk kisha më energji, nuk kujdesesha për trupin tim, sëmuresha shpesh dhe nuk ndihesha mirë me veten. Nuk pranoja faktin që nuk isha aq e dobët sa të tjerët dhe e barazoja këtë me të qenit e shëmtuar. Tani kur e mendoj, e di që nuk ka qenë ashtu.

Është njësoj si në terapi, kur përballesh me versionin më të ri të vetes dhe kupton se ajo vajzë ka qenë gjithsesi shumë e bukur”, ka përfunduar ajo. /Telegrafi/

The post Rita Ora do të publikojë këngën e re brenda pak ditësh, pasi thuhet se ka incizuar kolonën zanore të një seriali të madh televiziv në Netflix appeared first on Telegrafi.

Jessie J ka zbuluar se është dërguar sërish në spital, gjashtë javë pas një operacioni për kancer në gji, për shkak të një infeksioni dhe lëngu në mushkëri.

Këngëtarja 37-vjeçare, e cila njoftoi më parë se kanceri ishte zbuluar herët nga mjekët, ishte në periudhë rikuperimi që nga operacioni i saj në qershor. Por përmes një postimi në Instagram Stories të dielën, ajo bëri të ditur se është shtruar sërish në spital, ku më vonë mjekët i konfirmuan se ka një infeksion.

Jessie ndau një foto nga shtrati i spitalit, ku shihej një kanulë infuzioni në dorë. Ajo pranoi se kjo periudhë pas operacionit ka qenë një nga kohët më të vështira për të, veçanërisht në aspektin emocional, shkruan DailyMail.

“Ja si i kalova 24 orët e fundit:Gjashtë javë pas operacionit dhe u ktheva në të njëjtën dhomë ku isha pas operacionit. Nuk ishte as e planifikuar, as e pritur”, shkroi ajo.

Më tej ajo tregoi:”Kisha – dhe ende kam – simptoma që tregonin për një mpiksje gjaku në mushkëri. Faleminderit Zotit nuk është mpiksje! Më bënë shumë analiza, dhe u zbulua se kam një infeksion (ende nuk dihet saktë çfarë) dhe pak lëng në mushkëri”.

“Po e kam të vështirë të marr frymë thellë, por u largova vetë nga spitali mbrëmë (nuk e duroj dot të jem aty) dhe do ta vazhdoj trajtimin si paciente ambulatore”.

Në një postim të dytë, Jessie shtoi:”E di që ka shumë njerëz që kanë kaluar të njëjtën gjë, ose diçka të ngjashme, dhe mund të mos bien dakord me atë që them – dhe kjo është në rregull.
Por për mua, dita e operacionit ishte fizikisht pika më e vështirë e gjithë kësaj rruge. Rikuperimi nuk është as i lehtë, as i shpejtë. Ndërsa emocionalisht ka qenë sfida më e madhe”.

“Si nënë e një fëmije të vogël, të mos jem në gjendje të jem nëna që jam zakonisht ka qenë shumë e vështirë.

Po ashtu, të detyrohem të ndryshoj të gjitha planet për karrierën time këtë vit, pas kaq shumë pune për t’u rikthyer, ka qenë shumë zhgënjyese. Por kjo është jeta. Dhe mos më keqkuptoni – lajmi që nuk ka më kancer ishte fantastik. Por ky rezultat nuk e bëri fare më të lehtë rikuperimin fizik nga operacioni”.

Në postimin e fundit, Jessie u shpreh se kjo përvojë i ka kujtuar se duhet të ngadalësojë ritmin dhe të kujdeset më shumë për veten.

“Është një kujtesë për veten time që të ngadalësoj, edhe pse ndjehem sikur tashmë po lëviz me ritmin e një breshke. Ky nuk është një rikuperim i shpejtë – dhe as që duhet të jetë. Si një grua e pavarur, me energji pa fund dhe me sindromën ‘mundem vetë gjithmonë’, kjo ka qenë një goditje. E dua lëvizjen, punën dhe aktivitetin, por tani nuk mundem – dhe kjo është realiteti. Por po gjej forcë në faktin se gjithçka mund të përshtatet me këtë ritëm të ri, me ndihmën e rrethit tim të vogël të mbështetjes. Ju e dini kush jeni – faleminderit!”.

Me ironi të lehtë ajo shtoi:”Trupi dhe imuniteti im më thanë:‘Ulu pak, budallaqe!’”.

Në qershor, Jessie kishte ndarë një postim tjetër ku tregonte se sapo kishte hequr drenën pas operacionit dhe po përpiqej të përshtatej me ndryshimet trupore.

“Tani jam unë dhe gjoksi im i çuditshëm duke u përpjekur të gjejmë si të vishemi. Ana e majtë më sheh si të më thotë ‘je mirë, zemër?’”

Në atë kohë, ajo kishte treguar se në momentin që mori lajmin për diagnozën, kishte kaluar menjëherë në “modalitet mbijetese”, duke mos pasur kohë të përpunonte emocionalisht situatën për shkak të përgjegjësive të shumta.

“Nuk e kisha menduar as largimin emocional nga pjesa e trupit që humba. Tani po më kapin vonë ndjenjat – pak zhgënjim që nuk i thashë më mirë lamtumirë. Tingëllon çuditshëm, por kështu po ndihem tani”.

Edhe pse më parë kishte lënë të kuptohej se ishte pa kancer, Jessie sqaroi se ky mesazh ishte keqinterpretuar. Ajo shtoi:”Ndonëse po lutem për lajme të mira, fatkeqësisht ende nuk mund të konfirmoj se kanceri është zhdukur plotësisht”. /Telegrafi/

The post Jessie J zbulon se është dërguar me urgjencë në spital pas një infeksioni në mushkëri, gjashtë javë pasi iu nënshtrua një operacioni për kancerin e gjirit appeared first on Telegrafi.

Naomi Campbell po dëshmon se mosha është vetëm një numër – dhe ajo ka trupin për ta vërtetuar këtë!

Supermodelja 55-vjeçare tërhoqi gjithë vëmendjen gjatë një dite plazhi në Ibiza këtë fundjavë, duke treguar format e saj perfekte me bikini, teksa shijonte diellin mesdhetar.

E veshur me një palë bikini të kuqe, Naomi u duk si ikonë e vërtetë e pasarelave, ndërsa ecte buzë detit me buzëqeshje dhe bënte një zhytje të lehtë në ujërat e kristalta.

Nga pasarela në brigjet e detit – Naomi vazhdon të shkëlqejë si gjithmonë.

Në një moshë kur shumë largohen nga qendra e vëmendjes, Naomi vazhdon të frymëzojë me elegancën, vetëbesimin dhe stilin e saj të pandryshueshëm.

Me paraqitjen e saj në Ibiza, ajo jo vetëm që tregoi se është në formë të jashtëzakonshme, por edhe se është ende një ndër figurat më të fuqishme në botën e modës dhe bukurisë. /Telegrafi/

The post Naomi Campbell e dëshmon se mosha është vetëm numër, teksa në moshën 55 vjeçare duket në top formë gjatë pushimeve në Ibiza appeared first on Telegrafi.

Pas tri sezonesh, historia e Carrie Bradshaw dhe miqve të saj “And Just Like That (Dhe pikërisht kështu)” merr fund.

Konkretisht, vazhdimi popullor i serialit kult Sex and the City nuk do të ketë një sezon të katërt, dhe sezoni i tretë aktual do të përfundojë me një finale me dy pjesë në platformën e transmetimit HBO Max.

Sipas Deadline, producenti ekzekutiv Michael Patrick King e informoi kastin për këtë vendim një ditë më parë.

Në një njoftim zyrtar për shtyp, King shpjegoi arsyet e përfundimit të serialit: “‘And Just Like That (Dhe pikërisht kështu)’, historia e universit ‘Sex and the City’ po i vjen fundi. Ndërsa shkruaja episodin e fundit të sezonit të tretë, kuptova se ky mund të ishte vendi i përsosur për ta përfunduar. Sarah Jessica Parker, Casey Bloys, Sarah Aubrey dhe unë vendosëm ta përfundonim këtë serial të njohur me një finale madhështore me dy pjesë, kështu që e kemi zgjatur sezonin nga 10 në 12 episode”.

 

View this post on Instagram

 

A post shared by And Just Like That… (@justlikethatmax)

Siç theksoi ai, ai dhe Sarah Jessica Parker e mbajtën të ditur këtë lajm deri më tani sepse nuk donin që fjala “e fundit” të errësonte kënaqësinë e sezonit.

“Falënderojmë të gjithë shikuesit që i kanë lejuar këta personazhe të hyjnë në shtëpitë dhe zemrat e tyre gjatë viteve”, tha ajo.

Seriali “Dhe Just Like That”, i cili u shfaq premierë në dhjetor 2021, ribashkoi Carrie Bradshaw, Miranda Hobbes dhe Charlotte York, duke ndjekur aventurat e tyre të dashurisë dhe jetës në New York në vitet e tyre më të pjekura.

Sezoni i parë e pa Carrie-n të përballej me vdekjen e papritur të bashkëshortit të saj, Big, ndërsa Miranda luftonte me një krizë identiteti dhe një marrëdhënie me komedianin Che Diaz. Sezoni i dytë pa rikthimin e dashurisë së vjetër të Carrie-t, Aidan, ndërsa sezoni i tretë ndoqi Carrie-n duke ecur pas tij, dhe Miranda dhe Charlotte u përballën me sfida të reja në dashuri, familje dhe karrierë.

Edhe pse seriali pati një fillim të fortë dhe premiera ishte ndër dhjetë episodet më të shikuara në historinë e HBO Max, shikueshmëria pësoi një rënie me kalimin e kohës. /Telegrafi/

The post Seriali kult “Sex and the City” nuk do të ketë sezon të katërt, pasi shikueshmëria e sezonit të kaluar po bie dukshëm appeared first on Telegrafi.

Këngëtarja e njohur shqiptare, Elhaida Dani, rikthehet këtë vit në skenën e Festivalit të Këngës në RTSH, por jo si konkurrente – këtë herë ajo mban një rol krejtësisht të ri dhe shumë të rëndësishëm: atë të drejtoreshës artistike të edicionit të 63-të të festivalit.

Lajmi u bë i ditur nga Drejtori i Përgjithshëm i RTSH-së, Alfred Peza, i cili u shpreh se prania e Elhaidës në këtë rol përfaqëson një vlerë të shtuar për festivalin më të rëndësishëm të muzikës shqiptare. “Ardhja e Elhaidës është një lajm i shkëlqyer për mua, stafin dhe të gjithë publikun… Ajo do të jetë një vlerë e shtuar për festivalin,” tha Peza, duke shtuar se Elhaida do të bashkëpunojë ngushtë me Bojken Lakon – drejtorin artistik të edicionit të kaluar, i cilësuar ndër më të mirët në historinë e RTSH-së.

Për vetë Elhaidën, ky është një angazhim emocional dhe profesional: “Unë kam lindur dhe jam rritur në Festivalin e RTSH-së. E di rëndësinë që ka ky festival për artistët shqiptarë dhe do të jap më të mirën time jo vetëm për këtë edicion, por edhe për ato në vijim”, u shpreh ajo. Elhaida tha se synimi kryesor është ndërtimi i një ekipi profesional dhe i përkushtuar për të sjellë një edicion dinjitoz dhe përfaqësues për muzikën shqiptare.

Elhaida Dani është një nga zërat më të fuqishëm dhe të suksesshëm që ka prodhuar muzika shqiptare. Me një karrierë të spikatur që nga fitorja e saj në talent-show-n Star Akademi në vitin 2009, ajo ka lënë gjurmë në skenën shqiptare dhe atë ndërkombëtare. Në vitin 2014, fitoi Festivalin e RTSH-së dhe përfaqësoi Shqipërinë në Eurovision Song Contest 2015 me këngën “I’m Alive”.

Suksesi i saj kulmoi me fitoren e spektaklit “The Voice of Italy” në vitin 2013, ku u dallua mes mijëra pjesëmarrësve dhe fitoi zemrat e publikut italian. Pas kësaj, Elhaida mori rolin e Esmeraldës në muzikalin legjendar Notre Dame de Paris, duke performuar në skena të mëdha ndërkombëtare dhe duke përforcuar më tej pozicionin e saj si artiste me përmasa evropiane.

Përveç karrierës së saj si interpretuese dhe këngëtare, roli i ri si drejtoreshë artistike i jep Elhaidës mundësinë të ndikojë në mënyrë aktive në zhvillimin dhe promovimin e talenteve të reja shqiptare. Me këtë hap, ajo dëshmon jo vetëm përkushtim ndaj artit, por edhe vizion për të ardhmen e muzikës shqiptare në skenën evropiane. /Telegrafi/

The post Elhaida Dani përzgjidhet edhe këtë vi si drejtoreshë artistike e Festvalit të Këngës në RTSh appeared first on Telegrafi.

Reperi i njohur shqiptar, Ledri Vula, ka ndarë një moment të veçantë me yllin ndërkombëtar të muzikës pop, Dua Lipa, gjatë qëndrimit të saj në Kosovë për festivalin “Sunny Hill 2025”.

Përmes një postimi në Instagram, Ledri ka publikuar një fotografi të realizuar përkrah Duas, e cila është shoqëruar me një mbishkrim emocional: “Faleminderit që je shqiptare”.

Kjo fjali e thjeshtë, por plot kuptim, ka ngjallur reagime të shumta pozitive në rrjete sociale, duke marrë mijëra pëlqime dhe komente përkrahëse nga fansat.

Ky gjest i Ledrit është vlerësuar si një shprehje mirënjohjeje ndaj Duas për përfaqësimin dinjitoz të shqiptarëve në skenën ndërkombëtare, si dhe për përkushtimin e saj në promovimin e kulturës dhe identitetit shqiptar në botë.

Të dy artistët janë ndër emrat më të dashur të publikut shqiptar dhe momenti i tyre i përbashkët ka emocionuar shumë ndjekës në rrjete sociale, veçanërisht gjatë një ngjarjeje të rëndësishme si “Sunny Hill Festival”. /Telegrafi/

 

View this post on Instagram

 

A post shared by Ledri Vula (@ledrivula)

The post “Faleminderit që je shqiptare”, Ledri Vula publikon fotografi me Dua Lipën nga festivali ‘Sunny Hill 2025’ appeared first on Telegrafi.

Donald Trump ka deklaruar se do ta kishte “të vështirë” të falte reperin Sean “Diddy” Combs, i cili së fundmi u shpall fajtor për dy akuza për organizim prostitucioni. Edhe pse ende nuk është bërë e ditur se sa do të jetë dënimi i tij, Diddy ka kërkuar lirimin e përkohshëm nga paraburgimi deri në shpalljen e vendimit më 3 tetor, por duket se deri atëherë do të qëndrojë pas hekurave.

Trump, i cili në të kaluarën ka falur figura të njohura publike, si reperin NBA Youngboy (i akuzuar për armëmbajtje pa leje) dhe çiftin televiziv Todd dhe Julie Chrisley (të dënuar për mashtrime tatimore), u pyet së fundmi nëse do të bënte të njëjtën gjë edhe për Diddyn.

Edhe pse pranoi se dikur kishin marrëdhënie të mira, ai shtoi se gjërat ndryshuan kur ai hyri në politikë dhe u bë president i Shteteve të Bashkuara: “Kishim marrëdhënie miqësore, më dukej si djalë i mirë. Por sapo vendosa të kandidoja, u bë shumë armiqësor”, tha Trump në një intervistë për Newsmax.

Q: Sean Diddy Combs. Would you consider pardoning him?

Trump: Well, he was essentially, I guess, sort of half innocent. Probably, you know I was friendly with him, I got along with him very well…

Defend this, MAGA. I’ll wait.pic.twitter.com/J907BkYiFZ

— Republicans against Trump (@RpsAgainstTrump) August 2, 2025

Ish-presidenti kujtoi se Diddy e kishte quajtur me fjalë fyese në të kaluarën. Në vitin 2017, Diddy kishte deklaruar publikisht se “nuk i bëhej vonë për Trumpin”, ndërsa në 2020 kishte thënë:
“Të bardhët si Trump duhet të hiqen. Prioriteti numër një është ta largojmë Trumpin nga detyra”.

Trump tani e pranon se deklaratat e tilla ndikojnë në vendimet e tij: “Jemi njerëz. Nuk duhet t’i lejojmë ndjenjat të na ndikojnë në gjykim, por nuk është e lehtë. Është më e vështirë të falësh dikë që të ka sulmuar,” u shpreh ai, duke shtuar se përgjigjja më e mundshme për një falje të Diddyt do të ishte: “Më së shumti, jo”.

Nga ana tjetër, ekipi ligjor i Diddyt thotë se nuk kanë dijeni për ndonjë përpjekje për falje. Avokati kryesor, Mark Agnifilo, tha për Variety: “Nuk jam përfshirë fare në këtë çështje. Sinqerisht nuk kam asnjë ide. Ndonjëherë mendoj se s’ka asgjë, ndonjëherë më duket se ndoshta po ndodh diçka. Por nuk e di çfarë ndodh në kokën e Trumpit. Sinqerisht, nuk kam asnjë informacion”.

Kujtojmë që më 2 korrik, Diddy u shpall i pafajshëm për dy akuza të rënda: trafikim seksual përmes dhunës, mashtrimit apo detyrimit, si dhe për pjesëmarrje në një organizatë kriminale (sipas ligjit RICO).

Megjithatë, ai nuk u lirua plotësisht nga përgjegjësia. Gjykata e shpalli fajtor për dy akuza të tjera që lidhen me prostitucionin – secila nga të cilat mund të sjellë deri në 10 vjet burgim. Dënimi i tij pritet të jepet më 3 tetor.

Edhe pse nuk përballet me burgim të përjetshëm, Combs vazhdon të përballet me presion të madh publik dhe ligjor, pasi ndaj tij janë ngritur edhe dhjetëra padi të tjera që e akuzojnë për ngacmim seksual dhe sjellje të tjera të paligjshme. /Telegrafi/

The post Donald Trump zbulon nëse planifikon ta falë reperin P Diddy appeared first on Telegrafi.

Victoria dhe David Beckham u fotografuan në një përqafim intim në jahtin e tyre prej 16 milionë funtesh në Saint Tropez romantik.

Çifti dukej ende po aq i dashuruar sa në fillim të lidhjes së tyre, duke shkëmbyer vështrime plot mall. Ata u fotografuan gjithashtu të shtrirë në krahët e njëri-tjetrit.

Pasi pritën Eva Longoria-n, e cila është shoqja e ngushtë e Victoria-s, në jaht në fillim të kësaj jave, çifti nuk mund të ndahej nga njëri-tjetri.

Love is in the air! Victoria and David Beckham spark romance on their stunning yacht in beautiful Saint Tropez.
https://t.co/FUsjPMnZ2Y pic.twitter.com/vhCLg0dP3Y

— H24 News UK (@h24news_uk) August 2, 2025

Ata u filmuan në Saint Tropez dhe, ndërsa ishin me pushime në Francë, vizituan edhe Kanë, ku influencuesja nga Bosnja dhe Hercegovina Hana Hadžiavdagić arriti t’i takojë.

Ndërsa ajo po argëtohej në restorantin La Guerite, duket se edhe çifti i famshëm Beckham ishte në të njëjtin vend dhe ajo u mburr me një foto me Victorian në Instagram.

Çifti i dashuruar, i cili u martua në vitin 1999, vërtetoi se problemet familjare nuk e pengojnë martesën e tyre, duke ndarë një moment shumë intim së bashku.

Ata kanë qenë në fokus të mediave britanike muajt e fundit për shkak të sherrit të supozuar midis Brooklyn Beckham dhe gruas së tij Nicole Peltz me anëtarë të tjerë të familjes. /Telegrafi/

The post David dhe Victoria Beckham fotografohen në çaste intime me njëri-tjetrin në jahtin e tyre luksoz në Saint Tropez appeared first on Telegrafi.

Edhe pse fizikisht nuk ishte në Prishtinë, Rita Ora në njëfarë mënyre “u bë prezente” mbrëmë në natën e parë të festivalit “Sunny Hill”, falë një momenti të veçantë në performancën e DJ legjendar Fatboy Slim në skenën C4.

Teksa atmosfera në C4 po arrinte kulmin, Fatboy Slim vendosi të lëshojë hitin e tij në bashkëpunim me Rita Orën, “Praising You”. Në atë çast, në ekranin gjigant të vendosur pas DJ-it nisën të shfaqen pamje të Rita Orës, duke sjellë një ndjesi simbolike prezence të saj në festival.

E menjëhershme ishte edhe reagimi i artistes shqiptare me famë botërore: Rita Ora ndau në InstaStory një video nga ky moment, duke treguar edhe një herë lidhjen e saj të fortë me Kosovën dhe përkrahjen për këtë festival.

Interesante është se ky moment nuk ishte i planifikuar. Gjatë intervistës së shkurtër për Telegrafin të realizuar në Prishtinë, Fatboy Slim tregoi se “Praising You” nuk ishte në listën e këngëve që do të performonte, por se një pyetje e gazetarit ia ndryshoi mendjen.

“Pasi më pyete për të, mendova… pse jo?”, u shpreh ai.

@telegrafi DJ me famë botërore Fatboy Slim vjen në Prishtinë #Telegrafi #SunnyHill #FatboySlim ##SunnyHillFestival #Prishtina ♬ original sound – Telegrafi.com

Si rezultat, “Praising You” u kthye në njërën nga këngët më të dashura dhe më të kërkuara të mbrëmjes, duke bërë që audienca të shpërthejë në duartrokitje dhe kërcim.

Ky moment dëshmon edhe një herë ndikimin e muzikës dhe fuqinë që ka ajo për të lidhur artistë dhe publikun, edhe në mungesë fizike. /Telegrafi/

The post Edhe pse jo fizikisht, Rita Ora ishte “pjesë” e festivalit ‘Sunny Hill 2025’: Kënga e saj hit u lëshua nga Fatboy Slim në skenë appeared first on Telegrafi.

Në një moment të veçantë gjatë natës së parë të “Sunny Hill Festival 2025”, ylli ndërkombëtar Dua Lipa u ndal për t’i drejtuar një fjalim të sinqertë dhe emocional publikut në gjuhën shqipe, duke falënderuar të gjithë ata që qëndrojnë pas suksesit të saj dhe të festivalit.

Teksa qëndronte në skenën madhështore të Prishtinës, Dua tha me zë të qartë e plot emocion: “Faleminderit shumë për energjinë, dashurinë edhe suportin për mua prej fillimit deri në këtë moment, edhe për suportin e festivalit Sunny Hill që e kom shumë shumë për zemër”.

Ajo theksoi se për të është një kënaqësi e madhe që ka mundësinë të krijojë një festival të tillë bashkë me familjen e saj, në vendin e saj të origjinës: “Është shumë kënaqësi me pas mundësinë me kriju një festival me familjen teme për vendin tonë. Tash na bohen gjashtë edicione të mira me festivalin, edhe viti i dytë këtu në side të ri, edhe më duket se për çdo vit po bëhet më mirë”.

Në vazhdim, Dua ndau falënderime të veçanta për të gjithë ata që qëndrojnë pas skenës dhe punojnë pa ndalur për realizimin e këtij festivali: “Para se të vazhdoj në pjesën tjetër, dua ta falënderoj shumë familjen time dhe krejt Agjencioni ‘Republika’ për punën e palodhshme edhe organizimin e gjatë të festivalit, sepse me të vërtetë pa ata nuk kemi festival hiç. Po ashtu edhe pa juve, shokëve tanë që vini e na suportoni festivalin, nuk mundemi pa juve”.

Ajo e mbylli fjalimin me një mesazh krenarie dhe dashurie për vendin: “Kosova ka lezet edhe kështu i tregojmë krejt botës”.

Fjalimi i Duas u prit me duartrokitje të fuqishme dhe brohoritje nga publiku, duke e kthyer atë në një nga momentet më prekëse të mbrëmjes. /Telegrafi/

The post Fjalimi në shqip i Dua Lipës gjatë festivalit ‘Sunny Hill 2025’: Kosova ka lezet dhe vetëm kështu mund t’i tregojmë botës appeared first on Telegrafi.

Një tjetër sukses i kinematografisë evropiane që përfshin talent shqiptar tashmë është pjesë e gjigantit të transmetimit online, Netflix. Filmi “Heldin” (titulli në anglisht: Late Shift), ku rolin e njërit prej personazheve e luan aktori i njohur shqiptar Ridvan Murati, është bërë zyrtarisht pjesë e katalogut të kësaj platforme.

Ridvan Murati, një emër i njohur i skenës teatrore dhe kinematografisë në Zvicër, sjell në këtë projekt një tjetër interpretim të fuqishëm, duke përforcuar praninë dhe ndikimin e aktorëve shqiptarë në produksionet ndërkombëtare me peshë.

Filmi është një dramë intensive e vitit 2025, me regji të Petra Volpe, dhe përqendrohet në personazhin Floria, një infermiere kirurgjie në një spital zviceran, e cila përballet me sfida të jashtëzakonshme gjatë një ndërrimi të vonë. Teksa ndihmon një nënë në gjendje kritike, një paciente të moshuar dhe një pacient privat kërkues, një gabim i rëndë kërcënon t’i rrëzojë të gjithë përpjekjet e saj.

“Heldin” është bashkëprodhim mes Zvicrës dhe Gjermanisë dhe pati premierën botërore në seksionin Berlinale Special Gala të edicionit të 75-të të Festivalit Ndërkombëtar të Filmit në Berlin, më 17 shkurt 2025. Pas premierës, filmi u lansua edhe në kinematë zvicerane më 27 shkurt.

Për aktorin shqiptar Ridvan Murati, i cili jeton dhe vepron prej vitesh në Zvicër, përfshirja në një projekt të tillë ndërkombëtar, tashmë i qasshëm në Netflix, është një dëshmi e vlerësimit të talentit të tij në kinemanë europiane. Ai vazhdon të përfaqësojë me dinjitet artistët shqiptarë në skenën ndërkombëtare dhe t’u japë zë rrëfimeve me dimension njerëzor dhe emocional.

Për publikun shqiptar dhe më gjerë, prania e “Heldin” në Netflix është një mundësi për të parë një prodhim cilësor, që sjell në vëmendje jo vetëm sfidat e sistemit shëndetësor, por edhe fuqinë e individit për të përballuar situata të jashtëzakonshme — dhe këtë herë, me një emër shqiptar në kastin e tij. /Telegrafi/

The post Filmi “Heldin” me aktorin shqiptar Ridvan Murati bëhet pjesë e platformës Netflix appeared first on Telegrafi.

Presidentja e Republikës së Kosovës, Vjosa Osmani, ka ndarë së fundmi një video të veçantë nga takimi që u zhvillua të enjten në Presidencë me yllin botëror të muzikës, Dua Lipa.

Në një atmosferë solemne dhe plot emocion, Lipa u prit nga Presidentja Osmani në një ceremoni zyrtare, ku iu dorëzua shtetësia e Kosovës si një akt mirënjohjeje për rolin e saj të jashtëzakonshëm në promovimin e vendit në skenën ndërkombëtare të muzikës dhe kulturës.

Pamjet e publikuara tregojnë momente prekëse nga pritja, përfshirë edhe një interpretim të veçantë nga kori i vajzave që e mirëpritën artisten me këngën e saj të famshme “Levitating”, ndërsa ajo po hynte në ambientet e Presidencës. Emocionet ishin të dukshme në fytyrën e Lipës, e cila u shpreh më herët se ky ishte një nga momentet më të veçanta në jetën e saj.

Presidentja Osmani, në postimin e saj, theksoi se Dua Lipa është simbol i suksesit, krenarisë dhe identitetit të rinisë kosovare: “Me zërin, talentin dhe përkushtimin e saj, ajo i ka dhënë jehonë Kosovës në gjithë botën. Kjo shtetësi është vetëm një gjest i vogël në krahasim me atë që ajo ka bërë për ne”.

Vizita e Dua Lipës në Presidencë vjen në prag të edicionit të sivjetmë të festivalit “Sunny Hill”, ku ajo do të performojë për herë të tretë në Prishtinë, të premten mbrëma, duke rikthyer emocionin dhe energjinë në njërën nga ngjarjet më të rëndësishme kulturore të vitit në Kosovë. /Telegrafi/

The post Presidentja Vjosa Osmani publikon pamje nga pritja e veçantë për Dua Lipën në Presidencë, një kor vajzash interpretuan këngën e saj kur po hynte appeared first on Telegrafi.

Ish-kryeministri kanadez Justin Trudeau u kap në një koncert të këngëtares amerikane Katy Perry vetëm disa ditë pasi u fotografuan së bashku në darkë.

Postime të ndryshme që qarkullojnë në mediat sociale tregojnë Justin duke parë koncertin e Katy-t më 30 korrik në Montreal me vajzën e tij 16-vjeçare Ella-Grace në krah.

Ish-kryeministri kanadez dukej absolutisht i magjepsur në disa raste, ndërsa shikonte Perry-n të këndonte hitet e saj në skenë.

justin trudeau looking at katy perry like that

pic.twitter.com/tBNPpJuluI

— kanishk (@kaxishk) July 31, 2025

Një nga klipet e shpërndara në Twitter tregon gjithashtu Trudeau-n duke buzëqeshur ndërsa shikon Perry-n duke performuar në skenë, dhe madje duke kënduar disa fjalë nga kënga e saj “Dark Horse”.

Kjo vjen vetëm pak ditë pasi këngëtari, i cili së fundmi u nda nga Orlando Bloom, dhe Justin u fotografuan duke darkuar së bashku në Montreal në restorantin Le Violon të qytetit, gjë që shkaktoi reagime të shumta në rrjetet sociale.

Justin Trudeau spotted at Katy Perry’s Lifetimes Tour. pic.twitter.com/BKx8b87sPT

— Pop Crave (@PopCrave) July 31, 2025

Sipas mediave të huaja, Perry dhe Trudeau u ulën përballë njëri-tjetrit në një tavolinë pranë dritares, ku shijuan kokteje dhe një shumëllojshmëri gatimesh në një atmosferë të relaksuar. Gjatë darkës, thuhet se shefi i kuzhinës iu afrua atyre për t’i përshëndetur dhe më vonë ata falënderuan personalisht stafin e kuzhinës për ushqimin dhe shërbimin e shkëlqyer.

Edhe pse ende nuk dihet nëse takimi ishte thjesht miqësor apo diçka më shumë, fakti që ndodhi menjëherë pas ndarjes së Perry-t dhe Bloom-it nxiti më tej spekulimet rreth një marrëdhënieje të mundshme romantike. /Telegrafi/

The post Justin Trudeau fotografohet në koncertin e Katy Perry-t vetëm disa ditë pasi ata dolën bashkë appeared first on Telegrafi.

Jimmy Donaldson, i njohur më mirë si MrBeast, bëri histori në YouTube si krijuesi i parë që tejkaloi 400 milionë abonentë. Për të shënuar këtë arritje, YouTube i dhuroi atij një buton Play të krijuar posaçërisht, i cili nuk është parë kurrë më parë në platformë.

Çmimi iu dorëzua personalisht nga drejtori ekzekutiv i YouTube, Neal Mohan, në fillim të korrikut 2025, dhe fotografia në rrjetin social u publikua sot nga MrBeast.

Ndryshe nga çmimet standarde që YouTube jep për 100 mijë, një milion ose 100 milionë abonentë, butoni i ri i luajtjes i MrBeast është unik.

Është një pllakë metalike me shkëlqim të lartë me një gur blu tërheqës në mes, i cili është një precedent për platformën YouTube. Tifozët reaguan menjëherë, disa janë të kënaqur me dizajnin, ndërsa të tjerë mendojnë se çmimi mund të kishte qenë edhe më spektakolar duke pasur parasysh rëndësinë e momentit.

 

View this post on Instagram

 

A post shared by MrBeast (@mrbeast)

MrBeast e ndërtoi karrierën e tij në YouTube mbi sfida të njohura virale, donacione bujare dhe veprime humanitare.

Me kalimin e kohës, ai u bë një simbol global i filantropisë në internet, duke pasur parasysh projektet që zbatoi në zona të shumta të rrezikuara anembanë botës, si dhe kreativitetin. Ai është i njohur për shpenzimin e miliona dollarëve duke shpërblyer fansat, duke ndihmuar komunitetet dhe duke bërë realitet ide më të mëdha dhe më të çmendura.

Pas saj në renditjen e YouTube është T-Series , një kompani indiane muzikore dhe filmash që ishte kanali më i shikuar në botë për vite me radhë dhe aktualisht ka rreth 298 milionë abonentë. Më pas është Cocomelon , një kanal i njohur për fëmijë që argëton miliona fëmijë në të gjithë botën çdo ditë me këngët e tij të animuara dhe përmbajtjen edukative.

Gjithashtu në krye janë SET India , një kanal televiziv që transmeton seriale dhe shfaqje të njohura nga prodhimi indian, si dhe Vlad and Niki dhe Kids Diana Show , dy kanale për fëmijë që gëzojnë popullaritet të madh midis më të vegjëlve.

Me 400 milionë abonentë dhe një buton të veçantë blu Play, MrBeast ka vërtetuar se nuk ka diçka të pamundur dhe se tejkalimi i kufijve personalë në fakt kërkon tejkalimin e kufijve dhe lojtarë shumë më të mëdhenj. /Telegrafi/

The post MrBeast merr një vlerësim të veçantë nga YouTube për arritjen e një rekordi prej 400 milionë abonentësh appeared first on Telegrafi.

Këngëtarja me famë botërore, Dua Lipa, ka mbërritur në Prishtinë për të marrë pjesë në një nga ngjarjet më të mëdha muzikore të vitit në Kosovë – “Sunny Hill Festival”.

Para se të ngjitet në skenë këtë fundjavë, artistja shqiptare me renome ndërkombëtare ka bërë një ndalesë të veçantë në kryeqytet – në klinikën estetike “Ré Swiss Clinic”.

Lajmi është bërë i ditur nga vetë stafi i klinikës, të cilët ndanë në rrjete sociale një fotografi të Duas gjatë vizitës së saj, të shoqëruar me falënderime për besimin e treguar.

“Sot patëm një mysafir shumë të veçantë. Faleminderit që na besuat”, shkruhet në postimin e klinikës, që duket se tashmë ka tërhequr vëmendje të madhe për faktin se ka mirëpritur një nga yjet më të mëdhenj të muzikës në botë.

Sipas burimeve të Telegrafit, Dua Lipa mbërriti në Aeroportin e Prishtinës të martën rreth orës 17:00, ku më pas u nis drejt shtëpisë së saj në Prishtinë.

Dua Lipa do të performojë këtë fundjavë në Prishtinë, në kuadër të edicionit të radhës të “Sunny Hill Festival”, një ngjarje që bashkon emra të njohur të muzikës botërore dhe shqiptare, duke kthyer kryeqytetin në një epiqendër të kulturës dhe argëtimit veror. /Telegrafi/

The post Dua Lipa ndodhet në Prishtinë, viziton ‘Ré Swiss Clinic’ appeared first on Telegrafi.

Këngëtarja Dilan Çıtak, e cila prej një kohe nuk ka pasur kontakt me të atin, artistin e njohur turk të muzikës arabeske İbrahim Tatlıses, është përfshirë në një incident serioz në Bodrum.

Ajo nuk iu bind urdhrit të ndalimit nga policia dhe drejtoi makinën e saj drejt një efektivi policie. Vetëm pas të shtënave paralajmëruese në ajër nga ana e policisë, ajo ndaloi makinën, shkruan mediumi turk Aksam.

Ngjarja ndodhi në lagjen Konacık, përgjatë bulevardit Atatürk, ku mjeti i drejtuar nga Çıtak po udhëtonte në korsinë e emergjencës. Ajo nuk iu përgjigj urdhrit të ndalimit nga patrulla e policisë dhe u akuzua se drejtoi automjetin në mënyrë të rrezikshme drejt njërit prej oficerëve.

Pas ndalimit të saj me të shtëna paralajmëruese, Çıtak qëndroi për pak minuta brenda makinës pa zbritur. Më pas u identifikua si këngëtarja Dilan Çıtak.

Ajo u arrestua nën akuzat për “rrezikim të trafikut”, “mosbindje ndaj urdhrave të policisë” dhe “rezistencë ndaj zyrtarit publik”. Procesi i hetimeve ndaj saj në komisariat është ende në vijim.

Sipas agjencisë së lajmeve AA, Dilan Çıtak Dörter ishte përfshirë edhe më parë në një incident të ngjashëm. Më 17 shtator, gjatë një fluturimi të linjës Bodrum–Stamboll me Turkish Airlines, ajo ishte paralajmëruar nga stjuardesa që të mos e nxirrte kafshën e saj shtëpiake nga kutia e transportit, sipas rregullores së fluturimit. Çıtak kishte hyrë në konflikt verbal dhe më pas, sipas pretendimeve, kishte ushtruar edhe dhunë fizike ndaj personelit të kabinës.

Pas njoftimit të incidentit nga piloti, fluturimi zbriti në Aeroportin e Stambollit, ku Dörter u shoqërua nga policia. Stjuardesa ngriti kallëzim ndaj saj në komisariat, ndërsa Çıtak u mor në pyetje dhe më pas u la e lirë. /Telegrafi/

The post Arrestohet vajza e Ibrahim Tatlises, këngëtarja Dilan Çitak appeared first on Telegrafi.

Netflix është në një periudhë mjaft të mirë këtë verë. Platforma publikoi një seri titujsh që tërhoqën vëmendjen e audiencës, dhe mini-seriali “Untamed” fitoi shikuesit dhe arriti në krye të listës më të shikuarve që në javën e parë pas publikimit të tij.

Hiti më i fundit global i transmetuesit është një mister plot tension i vendosur në Parkun Kombëtar Yosemite dhe tashmë po kryeson listat në të gjithë botën.

“Untamed” përfshin gjashtë episode, me protagonist Eric Bana, dhe sapo debutoi në vendin e parë në listën më të shikuar të Netflix pasi grumbulloi më shumë se 24 milionë shikime që nga publikimi i tij të enjten e kaluar.

Në fakt, seriali tani është titulli më i shikuar në platformë në plot 76 vende.

Vlen gjithashtu të përmendet se si kritikët ashtu edhe fansat bien kryesisht dakord për serialin, dhe kur bëhet fjalë për vlerësimet në Rotten Tomatoes – një raport i qëndrueshëm prej 79 përqind dhe 72 përqind është diçka që nuk e shihni shpesh.

“Ndërsa fabula nuk është asgjë e re, një skenar i fortë dhe një kast i shkëlqyer e bëjnë ‘Untamed’ një mister që nuk duhet ta humbisni”, “Një dramë e zgjuar dhe bindëse, me aktrim të shkëlqyer dhe një ndjesi të vërtetë vendi”, “‘Untamed’ u ofron shikuesve një histori që do t’i mbajë të fiksuar që nga minuta e parë”, thonë kritikët.

Seria “Untamed”, krijuar nga Mark L. Smith dhe Elle Smith, ndjek agjentin special Kyle Turner (Eric Bana), i cili është i ngarkuar me zgjidhjen e një vrasjeje në shkretëtirën e madhe të Yosemite.

Turner është pjesë e një njësie elitare brenda Shërbimit të Parqeve Kombëtare që heton krime të rënda, dhe vrasësi që ai ndjek duket se e njeh zonën po aq mirë sa ai. Një roje parku më pak e përvojë (Lily Santiago), më e mësuar me qytetin e madh sesa me natyrën, ndihmon Turnerin në hetimin e tij. /Telegrafi/

The post Seriali i ri thriller i Netflix arriti të bashkojë si audiencën ashtu edhe kritikët: Është më i shikuari në botë appeared first on Telegrafi.

Tom Cruise prej dekadash është një nga yjet më të mëdhenj të Hollywood-it, ikonë e filmave aksion dhe i njohur për faktin se i realizon vetë skenat më të rrezikshme. Megjithatë, shumë fansa janë duke zbuluar vetëm tani se emri me të cilin njihet në gjithë botën nuk është emri i tij i vërtetë.

Aktori ka lindur në vitin 1962 me emrin Thomas Cruise Mapother IV. Prindërit e tij ishin Thomas Cruise Mapother III, një inxhinier elektroteknike, dhe Mary Lee Pfeiffer, një mësuese. Ai u rrit me tre motra në kushte të vështira ekonomike dhe në një mjedis strikt katolik. Në moshën 18-vjeçare, Tom vendosi të braktiste gjithçka dhe të zhvendosej në New York për të nisur karrierën në aktrim — dhe një pjesë e asaj ndryshimi të madh ishte edhe heqja dorë nga mbiemri Mapother.

Edhe pse emri më i shkurtër tingëllon më tërheqës dhe i përshtatshëm për botën e Hollywood-it, arsyeja e vërtetë pas këtij ndryshimi ishte shumë më personale dhe e dhimbshme. Tom Cruise dëshironte të shkëputej nga e kaluara dhe veçanërisht nga babai i tij, të cilin në një intervistë për revistën Parade në vitin 2006, e përshkroi si abuzues dhe “burim kaosi”.

“Ai ishte ai lloj njeriu që të godiste nëse diçka shkonte keq. Ishte një mësim i madh për mua – fillimisht të bënte të ndiheshe i sigurt, dhe më pas… bum!”, rrëfeu aktori.
“Për mua ishte e qartë: ‘Ka diçka që nuk shkon me këtë njeri. Mos i beso. Ji i kujdesshëm.’”

Nëna e tij u divorcua nga babai kur Tom ishte vetëm 12 vjeç. Aktori e takoi të atin vetëm një dekadë më vonë, në shtratin e vdekjes.

“Kur e pashë të përvuajtur nga dhimbjet, mendova: ‘Sa jetë e vetmuar.’ Ishte e trishtueshme”, kujton Cruise.

Interesant është fakti që jo të gjithë anëtarët e familjes së tij hoqën dorë nga mbiemri. Kushëriri i Tom-it, William Mapother, është gjithashtu një aktor i suksesshëm, i njohur për rolet në serialin Lost dhe filmin Zodiac, dhe ai ka ruajtur mbiemrin familjar.

Tom Cruise nuk është i vetmi personazh i famshëm që ka ndryshuar emrin. Dukesha e Sussex-it ka lindur si Rachel Meghan Markle, por ka zgjedhur të përdorë emrin e mesëm. Këngëtarja Shania Twain ka lindur si Eilleen Regina Edwards, ndërsa komedianja Tina Fey si Elizabeth Stamatina Fey. Ngjashëm me Cruise, edhe Ricky Martin, i lindur si Enrique Morales, ndryshoi emrin pas një marrëdhënieje të tensionuar me babain. /Telegrafi/

The post Emri i vërtetë i Tom Cruise nuk është ai që fansat mendonin – dhe arsyeja pse e ndryshoi është e dhimbshme appeared first on Telegrafi.