Barcelona është gati të bëjë histori teksa nis ndeshjen e tretë radhazi jashtë fushe, një orar i nxitur edhe nga ndërtimet që po vazhdojnë në Camp Nou.

Blaugranët përballen me Levanten në ndeshjen e radhës, duke synuar të zgjasin serinë mbresëlënëse prej tetë fitoresh radhazi në udhëtim, e cila filloi sezonin e kaluar dhe vazhdoi me një triumf 3-0 ndaj Mallorcas në ndeshjen e tyre të parë këtë sezon.

Seria aktuale e Barcelonës e vendos atë në prag të barazimit të rekordit të saj prej 14 fitoresh jashtë fushe, të arritura në sezonet 2010-11, 2012-13 dhe 2014-15.

Duke përfshirë dy sezone, seria e tyre është e pesta më e mirë në historinë e klubit, me rekordin prej 12 fitoresh radhazi jashtë fushe të vendosur midis sezoneve 2009-10 dhe 2010-11.

It’s matchday! pic.twitter.com/p4nNp1H1hu

— FC Barcelona (@FCBarcelona) August 23, 2025

Për të arritur shifrën e 14-të fitoreve në një sezon, Barça duhet të mposht Levanten, Rayo Vallecano, Oviedo, Sevilla, Real Madrid dhe Celta Vigo në ndeshjet e tyre të ardhshme jashtë vendit.

Sezonin e kaluar, skuadra grumbulloi 45 pikë në ndeshjet jashtë fushe duke tejkaluar 43 pikët e saj në Estadio Olimpic – me 14 fitore, tre barazime dhe dy humbje (4-2 ndaj Osasunës dhe 1-0 ndaj Real Sociedadit), duke shënuar 50 gola dhe duke pësuar 19.

Herën e fundit që Barcelona vizitoi ‘Ciutat de Valencia’ të Levantes ishte më 10 prill 2022, kur një gol në minutën e 92-të nga Luuk de Jong siguroi fitoren 3-2, me Pierre-Emerick Aubameyang dhe Pedri që shënuan gjithashtu.

Levante, e cila ra nga kategoria atë sezon, kaloi dy vjet në Divizionin e Dytë përpara se të fitonte ngjitje direkte sezonin e kaluar.

Historikisht, Levante ka qenë një kundërshtar i vështirë, më së shumti duke i dhënë fund shpresave të Barçës për një sezon pa humbje në La Liga më 2017-18 me një fitore të papritur 5-4. Që atëherë, Barcelona ka arritur dy fitore, një barazim dhe dy humbje kundër tyre. /Telegrafi/

The post Hansi Flick ndjek rekordin historik me Barcelonës si mysafir appeared first on Telegrafi.

Para përballjes së Barcelonës me Levanten të shtunën, dhjetëra tifozë u mblodhën jashtë qendrës stërvitore për të përshëndetur trajnerin Hansi Flick.

Një prej tyre, me humor, e pyeti trajnerin gjerman nëse ekipi i tij mund të shënonte pesë gola në ndeshjen e ardhshme.

Flick reagoi me qetësi dhe një buzëqeshje të lehtë: “Tri pikë”.

Mesazhi ishte i qartë: për Flick, nuk ka rëndësi nëse Barcelona fiton 1-0, 2-1 apo 5-0 — fitorja është gjithçka që ka rëndësi.

Barcelona synon ta mbrojë titullin këtë edicion, pas sezonit të shkëlqyer në 2024/25. /Telegrafi/

The post Tifozi i Barçës i kërkoi Hansi Flickut pesë gola kundër Levantes – trajneri kishte përgjigjen perfekte appeared first on Telegrafi.

Kthimi i planifikuar i Barcelonës në Spotify Camp Nou për ndeshjen e La Ligës kundër Valencias në shtator duket gjithnjë e më i pasigurt, duke hapur mundësinë që katalanasit të zhvillojnë katër ndeshjet e para të sezonit 2025-26 larg shtëpisë.

Sipas El Desmarque, La Liga ka propozuar që sfida e parë me Valencian të luhet në Mestalla, ndërsa ndeshja e kthimit të zhvillohet në Camp Nou të rinovuar. Arsyeja mbeten vonesat në punimet e rikonstruksionit, të cilat janë prapa afatit.

Një problem kyç është se klubi ende nuk e ka dorëzuar Certifikatën Përfundimtare të Ndërtimit, e cila është e domosdoshme për të marrë lejen e parë të banimit – dokument që lejon hyrjen e tifozëve në stadiumin pjesërisht të përfunduar.

Lexo po ashtu UEFA do të kryejë inspektime te Barcelona

Zëvendëskryetari i bashkisë së Barcelonës, Albert Batlle, shtoi edhe më shumë dyshime, duke deklaruar se ekipi mund të detyrohet të qëndrojë në Estadi Olímpic Lluís Companys në Montjuïc për disa muaj të tjerë.

Presion nga UEFA dhe pengesa të tjera

Situata bëhet edhe më komplekse për shkak të inspektimit të fundit të UEFA-s, e cila po vlerëson nëse Camp Nou është gati për ndeshjet e Ligës së Kampionëve. Sipas rregullores, të gjitha sfidat e fazës së grupeve në shtëpi – katër gjithsej – duhet të zhvillohen në të njëjtin stadium.

Kjo ka bërë që Barça të kërkojë ta luajë si mysafire ndeshjen e parë të Champions-it (16-18 shtator), për të fituar dy javë shtesë kohe në përfundimin e punimeve. Megjithatë, një vendim përfundimtar mes Camp Nou dhe Montjuïc mbetet pezull.

Një tjetër telash është koncerti i Post Malone, i planifikuar më 12 shtator në Montjuïc, që mund të prishë planet rezervë për ndeshjen kundër Valencias.

Lexo po ashtu Mourinho zbulon lojtarin që e ndihmoi të rritet si trajner

Kapacitet i reduktuar dhe probleme sigurie

Edhe në rast rihapjeje, Camp Nou do të funksionojë me kapacitet të reduktuar prej 27,000 deri në 60,000 vende.

Pavarësisht progresit – si instalimi i tapetit të ri të barit dhe testet teknike – një raport i fundit ka evidentuar mbi 200 mangësi sigurie, që theksojnë sfidat e mëdha që klubi ka përpara. /Telegrafi/

The post Barcelona mund të detyrohet të luajë katër ndeshje radhazi në La Liga jashtë fushe appeared first on Telegrafi.

Barcelona e nisi fuqishëm mbrojtjen e titullit në La Liga gjatë fundjavës, dhe tani synon një tjetër fitore kur të përballet me Levanten të shtunën. 

Hansi Flick do ta ketë në dispozicion Robert Lewandowskin për këtë udhëtim dhe gjithashtu do të vazhdojë të mbështetet te disa nga lojtarët e rinj të ekipit të parë. 

Në të njëjtën kohë që Barcelona do të përballet me Levanten të shtunën, ekipi i tyre U19 do të jetë në Brazil për të marrë pjesë në Kupën Interkontinentale U20. 

Skuadra e Julian Bellettit u kualifikua për këtë ndeshje historike pasi fitoi Ligën e Kampionëve për të Rinj sezonin e kaluar dhe tani synon ta fitojë këtë kompeticion për herë të parë në histori. 

Në ditët në vijim, skuadra U19 do të udhëtojë drejt Rio de Janeiros për të zhvilluar ndeshjen ndaj ekipit U20 të Flamengos, që do të luhet në stadiumin historik Maracana. 

Megjithatë, ata nuk do të jenë në përbërje të plotë, pasi sipas asaj që raporton gazeta Sport, Hansi Flick ka vendosur që Jofre Torrents, Guille Fernandez, Dro dhe Toni Fernandez të mos marrin pjesë në këtë ndeshje. 

Të katër këta lojtarë ishin pjesë e skuadrës së Flick në fitoren e fundjavës kundër Mallorcas, dhe plani është që ata të udhëtojnë drejt rajonit të Valencias për ndeshjen kundër Levantes. 

Sipas raportit, trajneri i Barcelonës nuk e sheh Kupën Interkontinentale U20 si një arsye të mjaftueshme që kjo katërshe të mungojë në ndeshjen e La Ligës./Telegrafi/

The post Hansi Flick ua ndalon katër lojtarëve të Barcelonës të marrin pjesë në ndeshjen historike appeared first on Telegrafi.

Barcelona e nisi sezonin e ri në La Liga, duke fituar 0-3 në transfertë ndaj Mallorca, në një ndeshje ku nuk munguan polemikat. Pavarësisht fitores, Hansi Flick është shprehur i pakënaqur me paraqitjen e të tijve në intervistën pas ndeshjes. “Nuk më pëlqeu ndeshja. Ekipi im luajti me 50% të kapacitetit të tij dhe kjo […]

The post Flick i pakënaqur pas fitores 3-0: Nuk më pëlqeu ndeshja, do flas me lojtarët e mi appeared first on BoldNews.al.

Barcelona e nis mbrojtjen e titullit në La Liga këtë të shtunë mbrëma, me përballjen ndaj RCD Mallorcës në “Estadi Mallorca Son Moix”, në kuadër të javës së parë të sezonit 2025/26.

Skuadra e trajnerit Hansi Flick konsiderohet favorite e qartë për të ruajtur fronin, ndërsa Mallorca – e cila sezonin e kaluar përfundoi në vendin e 10-të – synon këtë vit një vend në garat evropiane.

Me largimin e Iñigo Martinez drejt Arabisë Saudite, pritet që Ronald Araujo të ketë rol më të madh në qendër të mbrojtjes përkrah Pau Cubarsit.

Por ky skenar nuk po mirëpritet nga një pjesë e tifozëve katalanas, të cilët e shohin uruguaianin si të pasigurt dhe kërkojnë që Andreas Christensen të marrë rolin titullar.

Në rrjetet sociale, reagimet kanë qenë të shumta:

Një tifoz shkroi: “Nuk e dua Araujon në formacionin bazë kundër Mallorcës, ai nuk është standardi i Barcelonës”.

Dikush tjetërkomentoi: “Araujo do t’i dhurojë Mallorcës një gol në pjatë argjendi! Christensen është djali ynë – Flick, zgjohu!”.

Ndërsa një i tretë la komentin: “Na duhet qetësia e Christensen, jo ruleta e Ronnyt”.

Ndërsa Flick përgatit formacionin për ndeshjen hapëse, dilema kryesore mbetet: a do të arrijë Araujo të bindë kritikët apo Christensen do të marrë besimin e trajnerit? /Telegrafi/

𝐎𝐔𝐑 𝐆𝐔𝐘𝐒 #MallorcaBarça pic.twitter.com/yIQbo8Kur9

— FC Barcelona (@FCBarcelona) August 16, 2025

The post “Zgjohu Flick, na shpëto nga ky kaos”: Tifozët e Barçës nuk e duan një lojtar në formacionin titullar kundër Mallorcas appeared first on Telegrafi.

Presidenti i Barcelonës, Joan Laporta, ka njoftuar se përforcimet e reja, Joan Garcia dhe Marcus Rashford, kanë marrë lejen për të luajtur në ndeshjen hapëse të La Ligës kundër Mallorcas, në pritje të miratimit përfundimtar nga La Liga.

Duke folur në Takimin e Klubeve të Barcelonës të Ishujve Balearik, organizuar nga Klubi Maria de la Salut në kuadër të festimeve të 35-vjetorit, Laporta shprehu optimizëm për sezonin e ri dhe për rikthimin e afërt në Camp Nou.

“Nëse trajneri Hansi Flick dëshiron, Joan Garcia dhe Rashford mund të luajnë nesër” – deklaroi Laporta para të pranishmëve.

Sipas tij, klubi ka përfunduar të gjitha procedurat e regjistrimit për portierin dhe sulmuesin, ndërsa tani po pret vetëm miratimin final nga La Liga.

Njoftimi u prit me duartrokitje të forta nga të pranishmit, ku morën pjesë personalitete lokale, ish-lojtarë dhe tifozë të zjarrtë.

Lexo po ashtu UEFA shton presionin ndaj Barcelonës para startit të sezonit të ri

Laporta ishte i shoqëruar nga figura kyçe të klubit, përfshirë Josep Ignasi Macia (drejtor i Shoqatës Penyes), si dhe nga kryetari i bashkisë Maria de la Salut, Jaume Ferriol, dhe presidenti i klubit Pere Jordà.

Delegacioni i Barcelonës përfshinte gjithashtu Enric Bosch (kreu i Departamentit të Shoqatës Penyes), Juan Haro (Marrëdhëniet Institucionale) dhe oficerin e sigurisë Jesus Jimenez. /Telegrafi/

The post Laporta i jep lajmin fantastik Flickut para ndeshjes me Mallorcan appeared first on Telegrafi.

Hansi Flick po përgatitet ta udhëheqë Barcelonën drejt një nisjeje të fortë në sezonin 2025/26 të La Ligës, në përballjen hapëse kundër Mallorcës.

Megjithatë, para ndeshjes, trajneri gjerman u pa me dorën e djathtë të mbështjellë me shirit ngjitës dhe material mbrojtës të bardhë, teksa largohej nga seanca stërvitore.

Rezulton se Flick ka pësuar një dëmtim të lehtë gjatë stërvitjes së së enjtes (14 gusht), pasi ra keq dhe goditi dorën e djathtë.

Pas ndërhyrjes së stafit mjekësor të Barcelonës, atij iu vendos një mbajtëse për ta ndihmuar në procesin e shërimit.

Megjithatë, ky incident nuk do ta pengojë Flick-un të vazhdojë punën.

Ai ka konfirmuar se do të jetë në krye të ekipit pa humbur asnjë ditë, ndërsa lëndimi pritet të shërohet shpejt. /Telegrafi/

The post Dora e djathtë e Hansi Flick shihet e lidhur me fashë para ndeshjes me Mallorcan – por pse? appeared first on Telegrafi.

Barcelona do të debutojë në La Liga të shtunën e ardhshme me një ndeshje të vështirë ndaj Mallorcës, por trajneri Hansi Flick ende nuk është i sigurt për lojtarët që do të ketë në dispozicion, pasi çështja e regjistrimeve mbetet e pazgjidhur.

Klubi po punon intensivisht për të regjistruar disa futbollistë që aktualisht janë të paregjistruar, me fokus kryesor te portieri Joan Garcia.

Regjistrimi i tij është thelbësor, pasi në mungesë të tij portieri i dytë Inaki Peña do të jetë i detyruar të luajë, duke pasur parasysh se Ter Stegen është i lënduar dhe Szczesny nuk është regjistruar ende.

Vendimi i Ter Stegen dhe pritja për miratimin e La Ligës

Një lajm i mirë erdhi nga vendimi i Ter Stegen për të lejuar klubin të dërgojë raportin mjekësor në La Liga, në mënyrë që të vendoset nëse mungesa e tij tejkalon katër muaj dhe nëse mund të përdoret një pjesë e pagës së tij për të regjistruar Joan García.

Megjithatë, mbetet e paqartë se kur La Liga do të marrë vendimin përfundimtar, ndërsa klubi është i bindur se do të arrijë t’i kryejë këto procedura brenda kësaj jave, që të jetë gati për ndeshjen në Mallorca.

Fjala e presidentit Laporta për regjistrimet

Presidenti i Barcelonës, Joan Laporta, theksoi pas ndeshjes ndaj Comos se po punohet shumë për të realizuar regjistrimin e lojtarëve, përfshirë edhe Joan García, duke treguar optimizëm, por pa dhënë garanci përfundimtare.

Problemi nuk është vetëm te Ter Stegen, pasi sipas rregulloreve mund të zëvendësohet vetëm një lojtar i dëmtuar, dhe për këtë arsye klubi po pret miratimin nga auditori për zonën VIP në Spotify Camp Nou, që do t’i mundësojnë Barcelonës të rikthehet në rregullin 1:1 dhe të krijojë vend për regjistrimin e lojtarëve të tjerë si Marcus Rashford.

Përveç këtyre, mbeten për t’u regjistruar edhe Szczesny, Roony Bardghji, Gerard Martín, Héctor Fort dhe Bernal.

Nxitimi për rinovime dhe sfidat me Camp Nou

Në të njëjtën kohë, klubi po nxiton edhe me rinovimet dhe marrëveshjet për Camp Nou, ku synimi është të jetë gati për ndeshjen më 14 shtator ndaj Valencias.

Megjithatë, ky është një proces i vështirë, pasi Këshilli i Qytetit ka identifikuar 200 mangësi që pengojnë marrjen e licencave të nevojshme për stadiumin, duke krijuar kështu një tjetër sfidë për klubin në prag të sezonit të ri. /Telegrafi/ 

The post Situatë e jashtëzakonshme në Barcelonë – klubi po garon kundër kohës appeared first on Telegrafi.

Janë zbuluar emrat e trajnerëve të nominuar për çmimin “Trajneri i Vitit i Ekipit të Meshkujve”, i cili do të ndahet në ceremoninë e Topit të Artë 2025 që mbahet në muajin shtator në Theatre du Châtelet në Paris.

Luis Enrique kryeson listën e të nominuarve pasi udhëhoqi Paris Saint-Germain drejt një sezoni historik, duke fituar Ligën e Kampionëve dhe përmbyllur një tripletë të rrallë për klubin francez – hera e parë në 32 vjet që një skuadër franceze e fiton kompeticionin më të madh europian për klube.

Hansi Flick gjithashtu shënoi sukses të jashtëzakonshëm në vitin e tij të parë në krye të Barcelonës, duke siguruar një tripletë të paprecedentë vendase: La Liga, Kupa e Mbretit dhe Superkupa e Spanjës – një arritje që katalanasit nuk e kishin përjetuar më parë.

Arne Slot, trajneri i ri i Liverpoolit, u nominua falë triumfit të tij të menjëhershëm në Ligën Premier, duke marrë vendin e legjendës Jürgen Klopp dhe duke sjellë menjëherë rezultat historik në Anfield.

Lexo po ashtu 30 emra në listë për Topin e Artë, por vetëm një fitues absolut - zbulohet emri i favoritit

Antonio Conte gjithashtu bëri jehonë në sezonin e tij të parë me Napolin, duke i dhënë klubit titullin e Serie A pas një gare dramatike ku triumfoi përballë Interit në momentet e fundit të kampionatit.

Lista e ngushtë plotësohet nga Enzo Maresca, i cili në vitin e tij të parë si trajner i Chelseat fitoi dy trofe ndërkombëtarë: Ligën e Konferencës UEFA dhe Kupën e Botës për Klube FIFA. Italiani, që ka qenë më parë pjesë e stafit të Pep Guardiolës, ka fituar vëmendjen me suksesin e menjëhershëm te “Blutë”. /Telegrafi/

OFFICIAL: Ballon d’Or Nominees for 𝐁𝐞𝐬𝐭 𝐌𝐚𝐧𝐚𝐠𝐞𝐫 𝐨𝐟 𝐭𝐡𝐞 𝐘𝐞𝐚𝐫 have been released!

Who’d you vote for as best coach 2025? pic.twitter.com/0dyXOVggj8

— Fabrizio Romano (@FabrizioRomano) August 7, 2025

The post Lista me favoritët për çmimin “Trajneri i Vitit” në Topin e Artë 2025 appeared first on Telegrafi.

Fermin Lopez është shndërruar në një nga talentet më të kërkuar të Barcelones dhe interesimi për të sa vjen e shtohet, kryesisht nga Anglia..

Mesfushori ofensivë nga Huelva ka treguar teknikë të lartë, shpërthim në zonën kundërshtare dhe aftësi për të shënuar e asistuar. Sezonin e kaluar kontribuoi me 8 gola dhe 10 asiste në të gjitha kompeticionet.

Lopez luan kryesisht në rolet ofensive të mesfushës, por ka treguar fleksibilitet edhe në krahun e majtë, veçanërisht kur mungonte Raphinha apo Lamine Yamal. Aftësia për t’u përshtatur dhe për të punuar në presion e bën atë një element të vlefshëm për Hansi Flick.

Interesi për të është rritur veçanërisht nga klubet angleze. Chelsea ka ofruar një shkëmbim me Christopher Nkunku, por Barcelona e ka refuzuar menjëherë. Edhe Manchester United ka bërë një ofertë prej 70 milionë euro për kartonin e tij, por katalanasit kanë thënë jo.

Ky vendim ka ardhur pas kërkesës direkte të trajnerit Flick, i cili e sheh Fermin Lopez si pjesë të pandashme të projektit të tij te Barcelona. Ai ka ndërhyrë personalisht duke i kërkuar lojtarit të qëndrojë dhe i ka shprehur besimin e plotë.

Lopez i ka premtuar trajnerit qëndrimin, duke deklaruar se dëshira e tij është të arrijë sukses te Barcelona dhe të forcojë pozicionin e tij si titullar në vitet e ardhshme.

Brenda klubit, ai vlerësohet jo vetëm për cilësitë teknike, por edhe për karakterin e tij të përulur dhe profesional. Ka kaluar çdo hap me përkushtim dhe tashmë ka debutuar edhe me përfaqësuesen spanjolle.

Barcelona nuk ka në plan të shqyrtojë shitjen e tij, përveç nëse vetë lojtari kërkon largimin, por një situatë e tillë nuk ekziston. Fermin Lopez mbetet një nga asetet më premtuese të së ardhmes blaugrana. /Telegrafi/ 

The post Oferta nga Chelsea dhe Man Utd, Hansi Flick merr vendim për të ardhmen e Fermin Lopez appeared first on Telegrafi.

Barcelona regjistroi një fitore mbresëlënëse 7-3 në miqësoren e fundit ndaj FC Seoul, duke nxitur entuziazëm të madh te tifozët dhe spekulime se skuadra e Hansi Flick është pranë përsosmërisë.

Megjithatë, tekniku gjerman ka bërë thirrje për qetësi dhe maturi, duke theksuar se skuadra ende nuk është e imunizuar ndaj gabimeve të panevojshme.

“Bëmë disa gabime kundër FC Seoul dhe janë gjëra që duhet t’i korrigjojmë” – deklaroi Flick për faqen zyrtare të klubit.

Lexo po ashtu Ferran Torres i përgjigjet mesazhit të Hansi Flick me gola dhe formë të jashtëzakonshme fizike

Edhe pse Barça dominoi në sulm dhe shënoi gola me lehtësi, shqetësim mbetet prapavija – katalanasit pësuan tre gola, dy prej tyre në pjesën e parë.

Mosarritja për të mbajtur portën e paprekur ndaj një kundërshtari më të dobët në letër është sinjal alarmi për Flick, i cili gjatë sezonit të kaluar e pa skuadrën e tij të luftonte shpesh për stabilitet në mbrojtje. /Telegrafi/

The post Flick tregon pikën e dobët të Barcelonës appeared first on Telegrafi.

Marc-Andre Ter Stegen po përballet me një të ardhme të pasigurt te Barcelona, por të paktën për këtë verë, ai pritet të qëndrojë në klub.  

Kjo pasi ai ka vendosur të nënshtrohet një operacioni për një problem në shpinë, që do ta mbajë jashtë fushave për të paktën tre muaj. 

Ishte vetë Ter Stegen ai që e bëri publike lajmin për operacionin, por njoftimi i tij nuk u prit mirë nga zyrtarët e Barcelonës. 

Ekziston një bindje brenda klubit se portieri 33-vjeçar qëllimisht deklaroi se periudha e rikuperimit do të jetë tre muaj, që do të thotë se klubi nuk do të mund të përdorë 80 për qind të pagës së tij për të regjistruar njërin nga Joan Garcia apo Wojciech Szczesny. 

Për këtë arsye, brenda klubit ka pasur thirrje që Ter Stegen të humbasë rolin e kapitenit. 

Aktualisht, ai është kapiteni i parë i skuadrës, megjithatë kjo mund të ndryshojë. Skuadra e parë e Barcelonës do të vendosë për grupin e kapitenëve pak para nisjes së sezonit 2025/2026, dhe sipas Mundo Deportivo, trajneri Hansi Flick do të ketë gjithashtu një votë, njësoj si çdo lojtar tjetër. 

Lexo po ashtu Barcelona po synon marrëveshjen 120 milionëshe – kjo do ta lehtësonte barrën financiare

Barcelona po hyn në sezonin e ri me optimizëm të ripërtërirë, dhe ka besim falë suksesit të sezonit të kaluar,  gjatë të cilit fitoi La Ligën, Kupën e Mbretit dhe Superkupën e Spanjës. 

Por situata me Ter Stegen padyshim që po krijon një re të zezë mbi klubin. Zgjidhja ideale për Barcelonën do të ishte shitja e Ter Stegen, i cili nuk është më pjesë e planeve, gjë që Flick ia ka komunikuar tashmë atij./Telegrafi/

The post Fund i hidhur për një lider: Barcelona ia kthen shpinën Ter Stegen? appeared first on Telegrafi.

Barcelona ende nuk e kanë konfirmuar zyrtarisht transferimin e Marcus Rashford, por duket se tashmë kanë kthyer vëmendjen drejt objektivit të radhës për këtë verë. 

Rashford ndodhet në Spanjë për të kompletuar huazimin njëvjeçar nga Manchester United, pasi prishi raportet me trajnerin Ruben Amorim në fund të vitit 2024. 

Marrëveshja është në formën e një huazimi me detyrim blerjeje, ku Barcelona do të ketë mundësinë ta blejë Rashford për 30 milionë euro verën e ardhshme. 

Raportimet tregojnë se Rashford ende nuk mund të regjistrohet për shkak të problemeve financiare të Barcelonës, por klubi është plotësisht i bindur se ai do të mund të luajë para fillimit të sezonit. 

Pasi të zyrtarizohet ky transferim, trajneri Hansi Flick do të shpresojë të shtojë edhe më shumë përforcime në skuadër për të mbrojtur titullin kampion në La Liga. 

Sipas Diario Sport, një mbrojtës krahu është prioritet i lartë për Flick dhe Barcelona synon emra të mëdhenj. 

Raporti thotë se objektivat kryesorë janë Alejandro Grimaldo nga Bayer Leverkusen dhe Denzel Dumfries nga Inter, dhe për secilin prej tyre do të duhej të paguheshin rreth 26 milionë euro. 

Thuhet gjithashtu se Dumfries mund të jetë i disponueshëm për një çmim më të ulët për shkak të një klauzole në kontratën e tij, por ajo është aktive vetëm deri në fund të korrikut, ndaj Barcelona duhet të veprojë shpejt. 

Grimaldo mund të rikthehet në ‘Camp Nou’, pasi është produkt i akademisë së famshme La Masia./Telegrafi/

The post Hansi Flick vendos transferimin e radhës të madh tek Barcelona pas atij të Rashford appeared first on Telegrafi.

Hansi Flick i ka idetë e qarta për merkaton e verës dhe sezonin e ri futbollistik. Ai ka njoftuar klubin për projeksionet e tij dhe drejtuesit katalanas janë dakord me idetë e parashtruara. Barcelona do të jetë e hapur për të shitur një mesfushor. Katalanasit po kërkojnë të forcohen në dy role: sulmues i krahut […]

The post Zbulohen dy pozicionet ku Barcelona pritet të investojë në merkaton e verës appeared first on BoldNews.al.

Barcelona i është rikthyer punës në prag të sezonit të ri, dhe që në ditën e parë, trajneri Hansi Flick është detyruar të tregojë disiplinën e tij të hekurt. 

 Në qendër të vëmendjes ka përfunduar mbrojtësi i djathtë i ri, Hector Fort. 

Blaugranasit u rikthyen në stërvitje për fazën përgatitore të dielën, me klubin që kreu testet mjekësore për lojtarët. 

Disa prej tyre janë kthyer më herët në stërvitje, përfshirë portierët Marc-Andre Ter Stegen dhe Joan Garcia, si dhe Ronald Araujo e Marc Bernal. 

Njëri nga lojtarët që nuk mbërriti herët ishte Hector Fort. Sipas Diario AS, 18-vjeçari mbërriti me vonesë për testet mjekësore dhe u kritikua nga trajneri gjerman Hansi Flick. 

Flick e ka bërë këtë një nga rregullat e tij më të rrepta, duke e lënë në stol Jules Kounde në tre raste për vonesa në mbledhje të skuadrës, si dhe portierin Inaki Pena. 

Mbetet për t’u parë nëse trajneri gjerman do të marrë masa të mëtejshme ndaj Fort, por në rastet e mëparshme, vonesat janë ndëshkuar gjithmonë me ulje në stol. 

Ajo që e përkeqëson situatën për Fort është fakti se arsyeja e vonesës ishte festa e ditëlindjes së 18-të të Lamine Yamal, e cila u mbajt të shtunën mbrëma. Fort ishte një nga lojtarët që qëndroi më gjatë në festë. 

Pavarësisht festës, Lamine Yamal arriti në kohë në qendrën stërvitore, por mund të përballet me një tjetër lloj disipline. 

Qeveria Spanjolle ka kërkuar që eventi të hetohet për shkak të dyshimeve se janë punësuar persona me nanizëm për argëtim, gjë që ka shkaktuar polemika dhe mund të sjellë pasoja ligjore ose etike për organizatorët./Telegrafi/

The post Ylli i Barcelonës u qortua nga Hansi Flick në ditën e parë të parasezonit appeared first on Telegrafi.

Barcelona është e vendosur të nënshkruajë me një sulmues të majtë këtë verë dhe, pasi dështoi të sigurojë shërbimet e Nico Williams, tashmë po ndjek objektiva të tjerë. 

Marcus Rashford është një nga lojtarët në listën e tyre të ngushtë, dhe mundësitë për një marrëveshje me Manchester United janë shtuar ndjeshëm. 

Luis Diaz dhe Rashford janë objektivat kryesorë të Barcelonës tani që Williams ka vendosur të qëndrojë te Athletic Bilbao dhe raportohet se drejtori sportiv Deco ka në plan të nënshkruajë me sulmuesin e Liverpoolit. 

Megjithatë, një marrëveshje për Diaz duket e vështirë, sidomos sepse Bayern Munich po shtyn fort për të arritur një akord me kampionët e Ligës Premier. 

Kjo po e afron Rashfordin më pranë Barcelonës, pasi një marrëveshje me Manchester United do të ishte shumë më e realizueshme. 

Për më tepër, 27-vjeçari është i dëshiruar të bashkohet me kampionët e La Ligas, dhe tashmë duket se dëshira e tij mund të realizohet. 

Sipas raportimeve të Matteo Moretto, Hansi Flick i ka dhënë dritën e gjelbër Barcelonës për të finalizuar një marrëveshje për Rashfordin, të cilin klubi synon ta marrë fillimisht në formë huazimi me një opsion blerjeje të përhershme verën e ardhshme. 

Gjithashtu raportohet se Barcelona do të zhvillojë kontakte të reja për Rashfordin, i cili është i gatshëm të pranojë një ulje të ndjeshme të pagës së tij te Manchester United, në mënyrë që katalanasit të mund ta përfshijnë brenda kufijve të tyre financiarë. 

Rashford e ka bërë të qartë se do të konsiderojë një transferim vetëm nëse lëvizja drejt Barcelonës mbetet një mundësi reale për të./Telegrafi/

The post Hansi Flick e aprovon transferimin e yllit të madh tek Barcelona appeared first on Telegrafi.

Një klip qesharak nga një moment nga një nga seancat stërvitore të Barcelonës në sezonin 2024/25 është bërë viral, me Lamine Yamal dhe Hansi Flick.

Gjatë një seance stërvitore, lojtarët e Barçës mund të shihen duke kaluar me njëri-tjetrin përpara se topi të arrijë te Lamine.

Ai aksidentalisht e përplas topin në fytyrën e trajnerit të Barcelonës, i cili nuk mund ta kontrollojë veten nga rrëzimi në fushë.

Yamal nxiton të pyesë trajnerin e tij, duke e marrë në krahë dhe duke i kërkuar falje që e goditi aksidentalisht topin drejt tij.

Por, kjo shpejt shkakton një rrëmujë të qeshurash midis shumë lojtarëve të Barçës, të cilët nuk mund ta kontrollojnë veten pas asaj që kanë parë.

Yamal mund të shihet duke rënë përtokë nga të qeshurat dhe as Eric Garcia nuk mund ta kontrollojë dot argëtimin e tij.

Flick bën një ‘shenjë skadimi’ për të ndaluar stërvitjen stërvitore, në mënyrë që të gjithë të mbledhin emocionet e tyre përpara se të vazhdojnë.

Momente të tilla tregojnë se sa e bashkuar është në të vërtetë skuadra e Barcelonës dhe se si atyre u pëlqen të argëtohen me trajnerin sa herë që është e mundur. /Telegrafi/

The post Momenti qesharak i Lamine Yamal me Hansi Flick bëhet viral – ai e goditi gjermanin në fytyrë me top appeared first on Telegrafi.

Sipas një raporti të fundit nga “SPORT”, është mësuar se Frenkie de Jong është afër rinovimit të kontratës së tij me Barcelonën me kushte që do të përputheshin me pozicionin aktual financiar të klubit.

Pas muajsh debatesh rreth të ardhmes së tij, mesfushori konfirmoi së fundmi se bisedimet po përparojnë mirë dhe shpreson të arrijë një zgjidhje së shpejti.

De Jong e mbylli sezonin 2024/25 me një notë të fortë. Nën drejtimin e Hansi Flick, atij iu besua disa nga ndeshjet më të rëndësishme të vitit, duke vërtetuar se problemet me kyçin e këmbës, të cilat e kishin shqetësuar fizikisht dhe mendërisht, tani janë lënë pas. Besimi i Flick tek ai ka luajtur gjithashtu një rol kyç në rikthimin e besimit të tij në fushë.

Mesfushori e ka bërë të qartë se dëshiron të qëndrojë te Barcelona për një të ardhme të parashikueshme.

Klubi gjithashtu ndan të njëjtën pikëpamje dhe departamenti sportiv është plotësisht i përqendruar në sigurimin e rinovimit të kontratës së tij.

The post Flick e konsideron të rëndësishëm, “regjisori” holandez merr vendimin për të ardhmen appeared first on Albeu.com.

29 maji 2024 nuk ësh të më thjesht një ditë tjetër në Barcelonë. Është data kur Hansi Flik nënshkroi një kontratë dyvjeçare me klubin, dhe ajo e djeshmja shënon saktësisht një vit. Ishte ora 13:30, kur klubi njoftoi zyrtarisht fillimin e një epoke të re.

Gjermani ishte ai që u zgjodh për të provuar të ndryshonte kursin e një anijeje që, në atë moment, po lundronte në ujëra të turbullta. Pakkush mund ta kishte imagjinuar se 12 muaj më vonë, Barcelona do të ishte përsëri ndër më të mëdhatë e Evropës dhe do të ishte një nga ekipet më në modë të momentit me një skuadër identike. Vetëm Dani Olmo mbërriti si një nënshkrim i madh. Gjermani mbërriti te Barcelona me një vizion dhe ide të qarta: të përqendrohej në futbollin bazë dhe të përmirësonte aspektin fizik.

Ai ishte në dijeni të situatës financiare që po kalonte klubi dhe ishte gjithashtu i mahnitur nga cilësia e akademisë “La Masias”. Nuk pati asnjë paraqitje apo bisedë private, në të cilën trajneri nuk e bëri të qartë se ishte i kënaqur me të rinjtë. Që në fillim, ishte e qartë se këto nuk ishin vetëm fjalë: Mark Bernal, Mark Kasado… Hansi Flik arriti ta kthejë Barcelonën 180 gradë që nga minuta e parë. Nuk ishte e lehtë, duke pasur parasysh se Kampionati Evropian dhe Lojërat Olimpike nënkuptonin se pjesa më e madhe e skuadrës nuk mund ta përfundonte të gjithë parasezonin nën komandën e tij. Pati edhe pengesa në formën e dëmtimeve, të tilla si ato të Pedrit dhe Arauhos. Por në ndeshjen e parë në La Liga, ishte e qartë se kjo Barça ishte ndryshe.

SHENJAT E IDENTITETIT – Që nga fillimi, ADN-ja e Flik ishte e qartë: lojë sulmuese dhe kërkim i portës së kundërshtarit, pavarësisht rezultatit, një vijë mbrojtëse e lartë që i detyron kundërshtarët të mbeten në pozicion jashtë loje dhe presingu i lartë. Pa harruar, sigurisht, saktësinë e rreptë të gjermanit. Një lojtar që mbërrin një minutë me vonesë, një futbollist që nuk luan si titullar në ndeshjen e radhës. Hansi Flik ka fituar tre tituj këtë sezon: La Ligën, Kupën e Mbretit dhe Superkupën e Spanjës, duke e lënë ekipin katalanas një hap larg finales së Ligës së Kampionëve. Katalanasit u eliminuan në gjysmëfinale kundër Interit. Për më tepër, çuditërisht, ata i kanë fituar të gjitha ndeshjet e tyre kundër Realit të Madridit: si në La Liga, finalen e Superkupës së Spanjës në Arabi dhe atë në “La Cartuja”, finalja e Kupës së Mbretit.

KARAKTER I QETË DHE KOMUNIKUES – Flik ka fituar gjithashtu respektin e skuadrës dhe të tifozëve me personalitetin e tij. Është e zakonshme të shohësh se si i përkëdhelte lojtarët e tij, si ata që luanin titullarë, ashtu edhe ata në stol. Ai kurrë nuk ka bërë deklarata të papërshtatshme. Roli i saj dialogues është gjithashtu i spikatur. Ai flet ballë për ballë me lojtarët dhe ua bën të qartë qëndrimin e tij. Ai gjithashtu ka një lidhje të shkëlqyer me tifozët dhe nuk ngurron, që kur largohet nga “Sports City” të ndalet për të nënshkruar autografe për mbështetësit.

RIMËKËMBJA E LOJTARËVE – Trajneri gjerman ka arritur të nxjerrë maksimumin nga pothuajse të gjithë lojtarët e tij. Edhe lojtarët që përfliteshin si talente të ardhshëm verën e kaluar kanë arritur shifra të pabesueshme. Levandovski ka shënuar shifrat e tij më të mira para portës që kur arriti në Barcelonë. Në rastin e Pedrit, ai ka arritur versionin e shkëlqyer të lojtarit dhe për ta bërë këtë, ka ndryshuar dinamikën e lojtarit, i cili është bërë një titullar i padiskutueshëm dhe ka luajtur më shumë ose më pak minuta në varësi të lodhjes së tij. Kunde ka qenë në një nivel shumë të lartë. Injigo Martínez ka dalë si drejtuesi i prapavijës; ka rikuperuar De Jongun; Rafinja ka shpërthyer; Lamin Jamal, Fermin Lopez… Performanca e tij e jashtëzakonshme në drejtimin e ekipit ka bërë që drejtorët sportivë të rinovojnë kontratën e gjermanit. Ai nënshkroi një kontratë më 21 maj deri në vitin 2027. /Panorama Sport

The post Hansi Flik mori një ekip “pa shpirt” dhe pa para për ta forcuar, por ja doli appeared first on Albeu.com.