Klubi spanjoll, Mallorca ka njoftuar zyrtarisht rinovimin e kontratës së sulmuesit të Kosovës, Vedat Muriqi, edhe për katër vite tjera.

Sulmuesi prizrenas do të vazhdojë të mbetet pjesë e La Ligës apo më saktë skuadrës Mallorca, edhe përkundër shumë ofertave këtë verë.

Është vet klubi bregdetas spanjoll që ka njoftuar rinovimin e kontratës së Muriqit, të vlefshme deri në verën e vitit 2029.

“Historia e Piratit do të vazhdojë të shkruhet në Mallorca”.

“Vedat Muriqi dhe RCD Mallorca kanë arritur një marrëveshje për të rinovuar kontratën deri në vitin 2029”, thuhet në njoftimin e klubit.

Ndryshe, Muriqi ka zhvilluar në total 118 ndeshje me Mallorcan, duke shënuar 35 gola dhe duke dhuruar 11 asistime. /Telegrafi/

La historia del 𝐏𝐢𝐫𝐚𝐭𝐚 seguirá escribiéndose en Mallorca.

Vedat Muriqi y el RCD Mallorca han llegado a un acuerdo para renovar hasta 2029

— RCD Mallorca (@RCD_Mallorca) July 9, 2025

The post “Historia e Piratit do të vazhdojë të shkruhet”, Mallorca njofton blindimin e Vedat Muriqit appeared first on Telegrafi.

Një incident ka shkaktuar alarm të madh në Aeroportin e Palma de Mallorca në Spanjë të martën pasdite, kur një pjesë e çatisë në zonën e ardhjeve është shembur.

Fatmirësisht, nuk raportohet për të lënduar.

Autoriteti i aeroporteve AENA njoftoi se ngjarja ndodhi pasi mbeturina ranë mbi çatinë prej xhami, duke thyer pjesë të saj, përcjell Telegrafi.

Ndërkohë theksohet se copëza xhami dhe materiale të tjera ranë mbi makinat shitëse në zonën e valixheve.

Cae un techo en el aeropuerto de #Palma cerca de las cintas de recogida de equipajes llenas de pasajeros. #Aena #Aeropuerto https://t.co/tMgMaR7pa4 pic.twitter.com/UDV9hUBL3g

— Controladores Aéreos (@controladores) June 24, 2025

Stafi i sigurisë dhe punonjësit e aeroportit ndërhynë menjëherë, duke rrethuar zonën dhe duke drejtuar udhëtarët drejt daljeve alternative.

Siç bëhet e ditur më tej, zhurma e fortë e shembjes shkaktoi shqetësim të madh te pasagjerët e sapoardhur.

DERRUMBE en el aeropuerto de Palma
No es un susto. Es una señal de alarma.
Otra obra sin condiciones. Otra chapuza que pone en peligro vidas.

Ya lo habíamos advertido:
Sin medidas de seguridad reales,
con prisas y recortes,
ignorando la salud laboral. pic.twitter.com/2xinUHcpZd

— CCOO Illes Balears (@CCOOBalears) June 25, 2025

Ngjarja ndodhi në një periudhë kur janë shprehur ankesa për punimet që po kryhen në aeroport.

Punonjësit kanë denoncuar mungesën e masave të duhura të sigurisë dhe disa incidente të mëparshme, megjithëse pa pasoja për jetën njerëzore. /Telegrafi/

The post Pasagjerët “në alarm”, pas shembjes së një pjese të çatisë në Aeroportin e Palma de Mallorca në Spanjë appeared first on Telegrafi.

Besiktasi ka filluar operacionet e transferimeve. Bardhezinjtë duan të shtojnë një qendërsulmues në skuadër dhe tani kanë në agjendën e tyre, sulmuesin e Kosovës, Vedat Muriqi, i cili la gjurmë në Superligën e Turqisë me fanellën e Fenerbahces në të kaluarën.

Qendërsulmuesi prizrenas me përvojë, i cili është një nga emrat e rëndësishëm të ekipit spanjoll, Mallorca, ka një shans për t’u rikthyer në Superligën e Turqisë me një vendim surprizë pas saktësisht pesë sezonesh.

Besiktasi, që dëshiron të ndërtojë një skuadër ambicioze për sezonin e ardhshëm thuhet se ka përveshur mëngët për një transferim të një qendërsulmuesi dhe Muriqi është bërë pjesë e agjendës së tyre, pasi pritet të ndajnë rrugët me Semih Kilicsoy dhe Ciro Immobile.

Sipas mediumit turk Aksam, Besiktas po përgatitet të bëjë një lëvizje për Muriqin, i cili e njeh mirë kampionatin turk dhe është i prirur për lojën në grup.

Ky medium shton se prizrenasi është i etur të luajë përsëri në Superligën e Turqisë, pasi kishte thënë më parë në një intervistë se mund të vlerësonte ofertat që vijnë nga ky vend.

Ndërsa Besiktasi pritet të përshpejtojë përpjekjet e tij në ditët në vijim, parashikohet që transferimi mund të përfundojë rreth 5 milionë euro.

Ndryshe, sulmuesi 31-vjeçar ka luajtur gjithsej në 118 ndeshje me Mallorcën për tri sezone e gjysmë dhe ka shënuar 35 gola dhe 11 asistime.

Te Besiktasi, Muriqi do t’i gjente dy yje tjerë shqiptar: Milot Rashicën dhe Ernest Muçin. /Telegrafi/

The post Besiktasi dëshiron transferimin e Vedat Muriqit, sulmuesi mezi pret rikthimin në Turqi appeared first on Telegrafi.

Pasi fitoi El Clasicon, Barcelona e rriti diferencën ndaj Real Madridit në shtatë pikë me vetëm tri ndeshje të mbetura, duke i vendosur ato shumë pranë titullit të La Ligës .

E tëra çfarë u nevojitej ishte që Los Blancos të dështonin kundër Mallorcas të mërkurën për të fituar zyrtarisht ligën.

Në minutën e 90-të, rezultati ishte i barabartë 1-1, dhe dhjetëra tifozë të Barçës ishin mbledhur tashmë në Canaletas (vendi i zakonshëm i festimeve të Barçës në La Rambla), gati për të festuar.

Atëherë Jacobo Ramon i shuajti shpresat e tyre me një gol fitues në minutën e fundit në kohën shtesë, duke vulosur fitoren 2-1 për Madridin.

Cules nuk kishte zgjidhje tjetër veçse të kthehej i qetë në shtëpi.

Ndoshta ka ardhur koha ta kuptojnë: me Real Madridin, gjithçka nuk mbaron kurrë derisa të bie fishkëllima e fundit e gjyqtarit. /Telegrafi/

The post Tifozët e Barcelonës u mblodhën për të festuar titullin duke menduar se Real Madridi po dështonte kundër Mallorcas appeared first on Telegrafi.

Pablo Maffeo është futbollist i Mallorca, shumë i njohur, por jo për cilësitë e tij teknike. Ai është “ djali i keq” i La Liga, dikur e bëri Lionel Messi të zemërohej dhe në janarin e kaluar përfundoi kokw mw kokw me Carlo Ancelotti, një zotëri i pankinës. Tani Maffeo rikthehet në qendër të vëmendjes për një festim të bërë në kohën shtesë të ndeshjes Real Madrid–Mallorca, një festim i vërtetë, demonstrativ, drejtuar tifozëve Blancos. Por, për fatin e tij të keq, Real gjeti golin e fitores vetëm dhjetë sekonda më pas, në minutën e 96′.

Kush është Pablo Maffeo, “djali i keq” i La Liga

Maffeo është një mbrojtës “në stilin e vjetër”, le të themi, i ashpër dhe bezdisës si pak të tjerë. Mallkime dhe provokime. Messi dikur tha se ishte bezdisës, tetë vjet më parë, duke shtuar: “Të luash në këtë mënyrë është një m…”. Ky është personazhi. Edhe këtë sezon ka ndodhur njësoj, kulmi ishte në gjysmëfinalen e Superkupës së Spanjës në një duel të ashpër me Vinicius, që e detyroi edhe Ancelottin të ndërhynte; të dy patën mundësinë të “flisnin” në fund të ndeshjes. Me brazilianin që, pak ditë më pas, ishte protagonist i një kapitulli të dytë, pas ndeshjes në kampionat.

Real Madrid–Mallorca 2-1

Të mërkurën më 14 maj u zhvillua ndeshja e kthimit mes Real Madridit dhe Mallorcas, një përballje shumë më e rëndësishme për ishullorët, të cilët janë në garë për një vend në Evropë – një arritje që do të ishte e jashtëzakonshme. Blancos nuk e kanë humbur matematikisht titullin, por do të duhej një mrekulli për të kaluar Barcelonën. Në “Bernabeu”, portieri i kuq Leo Roman bën mrekulli dhe realizon pritje me seri, që fillimisht vlejnë për të ruajtur rezultatin 1-0 dhe më pas 1-1 (barazimi nga Mbappé). Në minutën e 95-të Reali gjen golin e fitores me mbrojtësin shumë të ri Jacobo Roman. Mbyllet 2-1. Barcelona e shtyn festën, Mallorca humbet një pikë të artë.

The piece of Argentinian sh*t Maffeo celebrating a clearance, only for Madrid to score in the next 2 seconds

INJECT THIS IN MY VEINS pic.twitter.com/QKZpZR4EN8

— HasBeen (@HB_Burner) May 14, 2025

Turpi për Pablo Maffeo është shumë i rëndë

Pablo Maffeo e fsheh kokën nën tapet, sepse pak sekonda para golit të rezultatit 2-1 kishte vazhduar ndeshjen e tij – ose më mirë, duelin e tij me publikun, me një pjesë të tifozerisë së Realit. Sepse pas një zhvillimi nga këndi, argjentinasi ndërhyn dhe devijon, feston, gjesti është i qartë, por pak më pas bëhet po aq komik sa edhe ironik, sepse në të njëjtën aksion vjen goli i fitores. Maffeo rikthehet në qendër të vëmendjes, rrjetet sociale, veçanërisht ato spanjolle, e vënë në shënjestër.

The post Maffeo festoi ndërhyrjen shpëtimtare, Real shënoi pas 10 sekondash: imazh sarkastik appeared first on Lapsi.al.

Real Madridi ka triumfuar përballë Mallorcas 2-1 në kuadër të javës së 36-të në La Liga, duke shtyrë festën e Barcelonës për t’u bërë kampione.

Pas vetëm 11 minutash lojë, Valjent kaloi mysafirët në epërsi në Santiago Bernabeu.

Me kaq edhe përfundoi pjesa e parë, ndërsa në pjesën e dytë Real Madridit tentoi ta shtynte festën e skuadrës katalunase.

Në minutën e 68-të, Kylian Mbappe i barazoi shifrat në 1-1 me një asistim të Luka Modric.

Los Blancos nuk u dorëzuan deri në fund, duke shënuar për 2-1 përmes Jacobo Ramon në minutën e 90+5-të.

Kështu, Barcelona takohet nesër (15 maj) me Espanyolin dhe në rast të fitores, do të shpallet kampione. /Telegrafi/

The post Shtyhet festa e Barcelonës, Real Madridi fiton në fund përballë Mallorcas appeared first on Telegrafi.

Lamine Yamal dhe shokët e tij të ekipit të Barcelonës mund të marrin një bonus të madh nëse Real Madridi humbet të mërkurën (14 maj) në mbrëmje.

Barcelona ka fituar tashmë dy trofe gjatë sezonit të parë të Hansi Flick si trajner, duke fituar Superkupën e Spanjës dhe Kupën e Mbretit.

Duke parë përpara, ata janë vetëm disa orë larg sigurimit të titullit të La Ligës, pasi aktualisht mbajnë një epërsi prej shtatë pikësh ndaj rivalëve të Madridit në krye të tabelës.

Nëse Madridi mposhtet nga Mallorca në Bernabeu të mërkurën në mbrëmje, Barcelona do të bëhet kampione përpara se të përballet me Espanyolin të enjten në mbrëmje.

Me titullin e La Ligës që pritet të fitohet këtë javë, lojtarët e Barcelonës mund të marrin një tjetër bonus.

Lexo po ashtu Barcelona do t'i shesë tetë lojtarë këtë verë, përfshirë lojtarin 'e paprekshëm'

Siç është raportuar nga AS, presidenti i klubit Joan Laporta deklaroi se lojtarët e Barçës do të shpërblehen me një bonus pas triumfit të tyre në Superkupën e Spanjës në janar.

Përveç kësaj, mediumi pohoi se klubi tashmë ka sanksionuar bonuse për lojtarët brenda kontratave të tyre, të cilat zakonisht arrijnë në rreth 1 milion euro dhe përfshijnë fitimin e trofeve të tjerë si Copa del Rey, Liga e Kampionëve ose La Liga.

Megjithatë, u përmend se bonusi për fitimin e Kupës së Mbretit është i zbatueshëm vetëm nëse fitohet së bashku me një titull tjetër, që do të thotë se nëse fitohet vetëm kupa, nuk jepet asnjë bonus shtesë.

Me Barcelonën që ka gjasa të fitojë La Ligën, bonusi për Kupën e Mbretit do të paguhet. Më parë, Barcelona është ndarë me miliona dollarë për të shpërblyer lojtarët e saj për fitimin e trofeve.

Në vitin 2019, Barcelona thuhet se pagoi më shumë se 100 milionë euro në bonuse pasi fitoi La Ligën dhe Superkupën e Spanjës. /Telegrafi/

The post Lojtarët e Barcelonës do të marrin një bonus marramendës nëse Real Madridi humbë, zbulohet klauzola e kontratës appeared first on Telegrafi.

Barcelona ka triumfuar 1-0 në shtëpi përballë Mallorcas në kuadër të javës së 33-të në La Liga.

Pas vetëm 12 minutash lojë, Barcelona krijoi rastin e parë serioz më anë të Lamine Yamal, por Leo Roman bëri pritje fantastike.

Në minutën e 26-të edhe Dani Olmo testoi portierin Roman, por ky i fundit sërish bëri pritje fantastike.

Mallora mendoi se kishte kaluar në epërsi me anë të Mateu Morey Bauza (45’), por që goli i tij u anulua për pozicion jashtë loje.

Me të nisur pjesa e dytë, Olmo kaloi Barcelonën në epërsi në minutën e 46-të, që doli të ishte goli i vetëm në ndeshje.

Në minutën e 79-të, Yamal shpresoi se po shënonte golin e sigurisë për skuadrën katalunase, por Roman bëri pritje brilante.

Leo Roman ishte njeriu kryesor që Mallorca pësoi humbje vetëm 1-0, pasi në këtë ndeshje bëri dhjetëra pritje.

Pas javës së 33-të, Barcelona vazhdon si lidere me 76 pikë, ndërsa në xhiron e 34-të do të përballet me Valladolidin. /Telegrafi/

The post Barcelona vazhdon sigurt drejt titullit, mposht Mallorcan appeared first on Telegrafi.

Barcelona ka triumfuar 1-0 në shtëpi përballë Mallorcas në kuadër të javës së 33-të në La Liga.

Pas vetëm 12 minutash lojë, Barcelona krijoi rastin e parë serioz më anë të Lamine Yamal, por Leo Roman bëri pritje fantastike.

Në minutën e 26-të edhe Dani Olmo testoi portierin Roman, por ky i fundit sërish bëri pritje fantastike.

Mallora mendoi se kishte kaluar në epërsi me anë të Mateu Morey Bauza (45’), por që goli i tij u anulua për pozicion jashtë loje.

Me të nisur pjesa e dytë, Olmo kaloi Barcelonën në epërsi në minutën e 46-të, që doli të ishte goli i vetëm në ndeshje.

Në minutën e 79-të, Yamal shpresoi se po shënonte golin e sigurisë për skuadrën katalunase, por Roman bëri pritje brilante.

Leo Roman ishte njeriu kryesor që Mallorca pësoi humbje vetëm 1-0, pasi në këtë ndeshje bëri dhjetëra pritje.

Pas javës së 33-të, Barcelona vazhdon si lidere me 76 pikë, ndërsa në xhiron e 34-të do të përballet me Valladolidin.

The post Barcelona një hap drejt titullit, mposht Mallorcan appeared first on Albeu.com.

Pablo Ortells, drejtori sportiv i Mallorcas, ka lënë të hapur mundësinë që Vedat Muriqi të largohet gjatë merkatos së verës.

Sulmuesi kosovar, disa javë më parë, shprehu pakënaqësi për mungesën e bisedimeve lidhur me rinovimin e kontratës së tij me klubin spanjoll.

Ai kishte theksuar dëshirën për të vazhduar qëndrimin në Mallorca dhe për të ndërtuar një trashëgimi të gjatë aty, por deri tani nuk është bërë asnjë hap konkret për rinovim.

“Muriqi është lojtar i rëndësishëm dhe është një shenjë e mirë që dëshiron të vazhdojë me ne. Do të ishim të kënaqur të vazhdojmë të llogarisim tek ai. Ai ka kontratë të vlefshme dhe kur të vijë koha shpresojmë që palët të arrijnë marrëveshje dhe ai të vazhdojë në Mallorca”, deklaroi Ortells në një intervistë për Marca.

Përveç Muriqit, ai foli edhe për dy futbollistët tjerë të sulmit, Cyle Larin dhe Abdon Prats, duke theksuar se gjithçka është e mundur gjatë afatit kalimtar.

Lexo po ashtu Fat i keq për Vedat Muriqin, largohet nga ndeshja ndaj Celta Vigos i lënduar

“Afatet kalimtare janë të pasigurta dhe ne nuk mund të parashikojmë të ardhmen. Të tre kanë kontrata dhe në këtë drejtim ne jemi të qetë. Asgjë nuk përjashtohet. Ata janë me ne dhe do të shohim se çfarë do të ndodhë në verë”, shtoi ai.

Muriqi, 30-vjeçar, ka edhe dy vite të mbetura në kontratën me Mallorcan. Aktualisht ai është i lënduar dhe ka munguar në dy përballjet e fundit të kampionatit. /Telegrafi/

The post Drejtori sporti i Mallorcas nuk përjashton largimin e Vedat Muriqit appeared first on Telegrafi.

Sulmuesi i Kosovës, Vedat Muriqi, ka kërkuar nga Mallorca t’ia zgjasë kontratën edhe për dy vjet, pasi do ta mbyll karrierën në ishull.  

Muriqi, i cili këtë muaj mbush 31 vjet, dëshiron të jetë pjesë e Mallorcas të paktën deri në moshën 35-vjeçare, ndërsa aktualisht ai me klubin spanjoll ka kontratë deri në vitin 2027. 

Muriqi është një nga lojtarët më të paguar te klubi spanjoll, me pagë vjetore mbi katër milionë euro. 

Sulmuesi tashmë ka shprehur publikisht dëshirën në disa raste për t’u pensionuar në ishull dhe po i kërkon klubit që ta dëshmojë besimin me një kontratë afatgjate, shkruan Okdiario.  

Vendimin për vazhdimin e kontratës duhet të marrë drejtoria sportive, udhëhequr nga Pablo Ortells. 

Muriqi po kërkohet nga klube të ndryshme në Evropë, veçanërisht nga klubet e Turqisë, ku ka luajtur para se të transferohej në Lazio.  

Lexo po ashtu "Kjo nuk është aspak e hijshme", Vedat Muriqi i zhgënjyer me trajtimin që po i bëhet tek Mallorca

Disa klube janë duke përgatitur ofertë për kosovari, por tani për tani sulmuesi ka prioritet qëndrimin në Mallorca. 

Muriqi është golashënuesi më i mirë i skuadrës me 7 gola, ndërsa në total ka 35 gola që kur nisi të luajë për Mallorcan. /Telegrafi/  

The post Muriqi vazhdon t’i bëjë presion Mallorcas për kontratë të re – klubet turke presin në radhë  appeared first on Telegrafi.

Vedat Muriqi ka shënuar 7 gola në La Liga këtë sezon me Mallorca-n dhe ka dhënë dy asiste. Sulmuesi dardan është një lojtar shumë i rëndësishëm për Mallorca-n, gjë që e tregoi edhe sezonin e kaluar ku ishte vendimtar me golat e tij për të siguruar qëndrimin në elitë. Në një intervistë të fundit për […]

The post Vedat Muriqi i zhgënjyer me Mallorca-n: Unë dua të bëhem një legjendë e klubit, por… appeared first on BoldNews.al.

Sulmuesi kosovar, Vedat Muriqi, ka shprehur zhgënjimin e tij në një intervistë për televizionin spanjoll IB3, aty ku ka zbuluar detaje nga bisedimet që ka pasur me drejtuesit e Mallorcas për rinovimin e kontratës. 

Muriqi është shprehur tejet i mërzitur nga heshtja e drejtuesve të Mallorcas për këtë çështje, teksa ka shtuar se dëshira e tij është që të bëhet legjendë e klubit. 

“Gjashtë muaj më parë i kam propozuar Mallorcas për vazhdimin e kontratës dhe nuk mora asnjë përgjigje, ky është turp”. 

“Dua ta rinovoj kontratën për të thyer rekorde dhe për t’u bërë legjendë e klubit dhe nëse dua të bëhem legjendë e klubit, më duhet kontratë afatgjate. Kam familje, fëmijët janë në shkollë”. 

 “Gruaja ime është e lumtur, njësoj siç jam edhe unë. Jemi në gjendje të mirë dhe i kemi të gjitha. Të gjithë e dinë se kam pasur oferta, por unë duhej të kisha diçka të qartë, ose të largohesha ose të merrja kontratë afatgjate e të qëndroja këtu pa e menduar largimin”. 

Muriqi ka dhënë dy arsye pse ai mendon se situata ka arritur deri në këtë pikë. 

“Së pari, ata nuk më kanë thënë se duhet të presin që të flasin me pronarët, dhe kjo ka qenë besoj para gjashtë muajsh. Edhe nëse je në Shtetet e Bashkuara të Amerikës dhe me zona të ndryshme kohore, kemi mundur të flasim apo jo?”. 

“Dhe e dyta, nuk do të pajtohesha. Pse? Për shkak të gjithë asaj që kanë bërë për mua, për këtë ekip, dhe mbi të gjitha njerëzit si Pablo Ortells, që më mori nga Brugge dhe më solli këtu. Unë do të flisja si çdo futbollist që dëshiron ta rinovojë kontratën”.  

“Duhet të jesh i sinqertë kur flet për kontratën. Kjo të vjen gjatë kohës kur ke momente jo të mira si lojtar dhe nuk mund të shkosh dhe të kërkosh diçka sepse mund të thonë të largohesh dhe ta mbyllin derën sepse nuk ke kontribuar në fushë”. 

“Unë nuk dua që të shkojë dhe të kërkojë diçka sepse nuk i takon karakterit tim dhe të shitem i fortë duke bërë presion, por kur ata të thonë se do të flasim dhe kalojnë gjashtë muaj, kjo nuk është e hijshme. Nuk është e hijshme kundrejt një lojtari që e jep jetën në fushë për ekipin”, përfundoi Muriqi./Telegrafi/

The post “Kjo nuk është aspak e hijshme”, Vedat Muriqi i zhgënjyer me trajtimin që po i bëhet tek Mallorca appeared first on Telegrafi.

Sulmuesi i Mallorcas, Vedat Muriqi, pak para tubimit me Kosovën, përfundoi ndeshjen kundër Espanyolit me një gol, duke arritur shtatë gola në sezonin aktual.  

Megjithëse kjo nuk ishte një nga ndeshjet më të mira të tij, me një penallti të humbur dhe disa veprime jo të suksesshme, Muriqi tregoi karakter duke kontribuar me një gol që ndihmoi ekipin e tij. 

Ky sezon nuk ka qenë i lehtë për Muriqi, shkruan Marca. Me lëndime dhe një formë të pasigurt, ai ka pasur vështirësi të gjejë rrjetën me lehtësinë e dikurshme.  

Megjithatë, goli i tij kundër Espanyolit i jep atij shpresën që të përfundojë sezonin me dhjetë gola ose më shumë, një objektiv i rëndësishëm për një sulmues në La Liga. 

Deri më tani, Muriqi ka shënuar shtatë gola dhe ka dhënë dy asistime në 25 ndeshje, shifra identike me ato të sezonit të kaluar.  

Megjithëse këto numra janë të respektueshëm, ato janë larg nga 15 golat që ai shënoi në sezonin 2022/23, viti i tij më i suksesshëm në Mallorcë. 

Muriqi mbetet golashënuesi kryesor i Mallorcës, një skuadër që ka pasur vështirësi në sulm gjatë këtij sezoni.  

Ai ndiqet nga Cyle Larin me pesë gola dhe Dani Rodríguez me katër gola. Ky tregues thekson rëndësinë e Muriqit për ekipin, pavarësisht rekordeve personale. 

Lexo po ashtu Vedat Muriqi i bëri të gjitha: Shënoi autogol, humbi penalltinë dhe realizoi golin e fitores

Për Vedat Muriqin, sfida e mbetur është të përmirësojë formën e tij dhe të ndihmojë Mallorcën të sigurojë një vend në Evropë, këtë pas dy ndeshjeve të rëndësishme me Kosovën. /Telegrafi/  

The post Muriqi ka barazuar shifrat e tij me sezonin e kaluar te Mallorca, por ka një mision të madh në ndeshjet e mbetura appeared first on Telegrafi.

Lodhja e ndeshjes me Atletico Madrid në Champions është ndjerë në këmbët e lojtarëve të Real Madrid, por merengues ia dalin sërish në javën e 28-të të La Liga. Pas një disavantazhi kundër Villarreal, Ancelotti dhe djemtë e tij fitojnë 2-1 falë dy golave të Mbappé: vendimtar Courtois me tetë pritje, Blancos tani janë +3 nga Barça që do të përballet me Simeonen. Muriqi është protagonisti në fitoren 2-1 të Maiorca-s: autogol, penallti e humbur dhe goli i fitores në minutën e 97’. Fiton gjithashtu edhe Celta Vigo.

VILLARREAL-REAL MADRID 1-2

Estadio de la Ceramica nuk thyehej prej gati tetë vitesh, por Real Madrid arrin ta bëjë këtë: 2-1 me përmbysje dhe +3 nga Barça. Pasi eliminoi Atletico Madrid në Champions, merengues nuk e filluan me këmbën e duhur. Courtois shpëtoi rezultatin pas një mundësie të Ayoze Perez dhe, në minutën e 7’, Villarreal kaloi në avantazh: këndore dhe gol i Foyth në rrëmujë. Buchanan i afrohet golit të dytë dhe, pas këtij rreziku, Real Madrid zgjohet. Merita për këtë i takon Kylian Mbappé, i cili barazon me tap-in në minutën e 16’, pas një lëvizjeje të Brahim Diaz (neutralizuar nga Conde), dhe dyfishoi rezultatin në minutën e 22’: dy gola në gjashtë minuta e dërgojnë Real Madrid në avantazh 2-1.

Lexo më tej: Real festë në Madrid, Atletico jashtë me penallti: Arsenal e Villa në çerekfinale

Villarreal iu afrua barazimit me Gueye e Pepé, por Courtois mbrojti rezultatin. Portieri bëri të njëjtën gjë edhe ndaj Foyth dhe Alex Baena, duke e mbyllur ndeshjen me tetë pritje. Fitorja shkon për Real Madrid, që shkon në 60 pikë dhe është +3 nga Barça, e cila ka dy ndeshje më pak dhe do të përballet me Atletico. Villarreal mbetet i pestë me 44 pikë.

MALLORCA-ESPANYOL 2-1

Fitore me zemër për Mallorca, e shpëtuar nga Muriqi në një ndeshje të çmendur: dy penallti të humbura, një prej të cilave u rivendos pas shtatë minutash kontroll në VAR. Kosovari shënoi një autogol, humbi një nga penalltitë, por në fund i dha fitoren vendasve. Takimi ishte shumë i tensionuar që nga fillimi, me mundësi për Edu Exposito dhe Dani Rodriguez. Po ashtu, përpiqen edhe Asano dhe Morlanes, por mbrojtja e Espanyol e qëndron fort e udhëhequr nga Marash Kumbulla  në formë të shkëlqyer. Në pjesën e dytë, Mallorca u godit menjëherë nga një autogol: në tentativën e Edu Exposito, Muriqi ishte i pafat dhe dërgoi topin në rrjetë për 1-0 në minutën e 52’. Kaluan dhjetë minuta dhe vendasit kanë mundësinë për të barazuar me penallti, por Joan Fernandez priti goditjen e Muriqit.

Mallorca reagoi në minutën e 65’ me Asano, duke barazuar rezultatin. Vendasit humbën një tjetër penallti në minutën e 88’: këtë herë me Abdon Prats. U duk gjithçka e mbyllur, por pas shtatë minutash tension dhe një kontrolli të gjatë në VAR, penalltia duhej të përsëritej për shkak të hyrjes së parakohshme të lojtarëve të Espanyol në zonë. Muriqi mori përsëri përgjegjësinë dhe shënoi golin e fitores në minutën e 97’, duke fshirë autogolin dhe gabimin e mëparshëm. Mallorca fiton 2-1 pas 12 minutave shtesë dhe ngjitet në vendin e shtatë me 40 pikë, duke ëndërruar Europën. Espanyol vazhdon të jetë në rrezik për rënien me 28 pikë, në një renditje shumë të ngushtë në zonën e kuqe.

REAL VALLADOLID-CELTA VIGO 0-1

Valladolid bëri lojën, por pësoi një tjetër humbje dhe sheh të afrohesh rënien: 1-0 për Celta Vigo, që e mundi rivalin nga penalltia. Fillimi ishte më i mirë për mysafirët, shumë afër golit me Aspas dhe Borja Iglesias, pastaj erdhën përparësi pucelanos: Guaita shpëtoi një goditje të Mario Martin dhe më pas pati mundësi të mëdha për Raul Moro. U mbyll në 0-0 në pushim dhe pati mundësi të tjera në pjesën e dytë, me Valladolid që ishte shumë më aktiv se mysafirët.

Ndryshimi erdhi përmes një vendimi të VAR-it në minutën e 83’, për një dorë të Javi Sanchez: gjyqtari Garcia Verdura rishikon dhe i jep penalltinë. Marcos Alonso është i saktë dhe dërgon Celta Vigo në avantazh 1-0 në minutën e 83’. Pas përpjekjeve të fundit të Valladolid, me dy mundësi për Marcos André dhe Chuki, Celta fitoi. Celta ngjitet në vendin e tetë me 39 pikë dhe ëndërron Europën, ndërsa Valladolid ndodhet në vendin e fundit me 16 pikë: rënia është gjithmonë e afërt.

The post Mbappé e super Courtois, Real përmbys Villarreal: Muriqi gol e autogol ndaj Espanyol appeared first on Lapsi.al.

Mallorca mori një fitore të rëndësishme në shtëpi ndaj Espanyolit me rezultat 2-1 në kuadër të javës së 28-të në elitën e futbollit spanjoll. 

Ky triumf i ka mundësuar atyre që të vazhdojnë të ëndërrojnë për një pozitë që dërgon në garat evropiane sezonin e ardhshëm. 

Protagonisti kryesor në këtë takim ishte sulmuesi kosovar Vedat Muriqi, i cili i bëri të gjitha në këtë takim. 

Ylli dardan fillimisht shënoi autogol në minutën e 53-të për t’i dhënë epërsinë prej 1-0 mysafirëve. 

Own goal by Vedat Muriqi. Unlucky.
pic.twitter.com/vOmSJq2Oct

— Kosovar Football (@KosovarFootball) March 15, 2025

Ai pati një mundësi për ta përmirësuar gabimin e tij në minutën e 62-të, por dështoi të shënonte nga penalltia. 

Megjithatë, kjo duket se ishte ditë me fat për 30-vjeçarin, pasi ai realizoi gol në minutën e 97-të për t’i dhënë fitoren me rezultat 2-1 ekipit të Mallorcas. 

Vedat Muriqi goal from penalty spot to give Mallorca the win against Espanyol. #LaLiga
pic.twitter.com/324kU9iPLa

— Kosovan Football (@kosovanfooty_EN) March 15, 2025

Për paraqitjen që pati në këtë ndeshje Muriqi u vlerësua me notën 7.0 nga Sofascore. 

Përveç golit të shënuar ai pati edhe tri gjuajtje në drejtim të portës, dy gjuajtje të bllokuara dhe një driblim të kompletuar. 

Muriqi kompletoi 15 pasime gjithsej në këtë ndeshje, teksa fitoi tri duele me kundërshtarët. 

Me këtë gol të realizuar ai tashmë ka shkuar në kuotën e e shtatë golave të realizuar pas 23 ndeshjeve në kampionat, teksa ka edhe dy asistime./Telegrafi/

The post Vedat Muriqi i bëri të gjitha: Shënoi autogol, humbi penalltinë dhe realizoi golin e fitores appeared first on Telegrafi.

Dy yjet e kombëtares së Kosovës, Vedat Muriqi dhe Visar Bekaj kanë përfunduar si pjesë e formacioneve më të mira të javës në kampionatet ku luajnë me skuadrat e tyre, Mallorca dhe Hatayspor.  

Yjet e Dardanëve po vazhdojnë me formën e mirë këtë sezon me ekipet e tyre evropiane, duke lënë gjurmë me paraqitje të mira.

Të tillë janë edhe sulmuesi Vedat Muriqi dhe portieri Visar Bekaj, të cilët kanë qenë vendimtar me ekipet e tyre Mallorca dhe Hatayspor.

Lexo po ashtu Vedat Muriqi me dy gola i sjell fitoren Mallorcas – shpallet lojtar i ndeshjes  

Muriqi ishte lojtari kryesor i Mallorcas në fitoren 3-1 ndaj Las Palmas në ndeshjen e vlefshme për javën e 24-të në La Liga, duke shënuar dy gola.

Po aq vendimtar në fitoren e Hatayspor 1-0 ndaj Alanyasporit ishte edhe portieri Bekaj, i cili pati katër pritje në këtë ndeshje duke mbajtur portën e paprekur.

 

View this post on Instagram

 

A post shared by Telegrafi Sport (@telegrafisport)

Paraqitjet e tij të mira u vlerësuan lartë edhe nga faqja e specializuar e statistikave Sofascore, e cila i vendosi të dy në formacionin e javës në kampionatet e tyre.

Muriqi pati notë 8.2, duke qenë pjesë e formacionit me emra si Isco, Marc Roca dhe Jose Gimenez, teksa Bekaj u notua me 7.6 dhe ishte pjesë e formacionit me emra si Victor Osimhen dhe Youssef En-Nesyri. /Telegrafi/

The post Muriqi në Spanjë dhe Bekaj në Turqi, dy yjet e Kosovës në formacionin e javës appeared first on Telegrafi.

Vedat Muriqi ka shënuar golin e dytë në ndeshjen e vlefshme për La Liga, mes Mallorcas dhe Las Palmasit. 

Muriqi fillimisht shënoi me një goditje të bukur me kokë, për rezultatin 1-0, që në minutën e shtatë. 

Nuk vonoi shumë dhe Muriqi shënoi edhe golin e dytë Las Palmasit. 

Mallorca fait le break face à Las Palmas grâce au doublé de Muriqi !pic.twitter.com/Gge2OR1Wve

— LigActu (@LigActu) February 16, 2025

Muriqi shënoi golin e dytë në minutën e 28-të, me një goditje të fortë nga brenda zonës.  

Sulmuesi ka gjashtë gola në La Liga këtë sezon, ndërsa gjatë verës ishte i përfolur për një rikthim te Fenerbahce. /Telegrafi/  

The post Vedat Muriqi nuk ndalet – tani shënon me goditje me këmbë nga brenda zonës   appeared first on Telegrafi.

Vedat Muriqi ka shënuar gol të bukur në hapje të ndeshjes së vlefshme për La Liga, ndaj Mallorcas dhe Las Palmasit. 

Sulmuesi shënoi me një goditje të bukur me kokë, për rezultatin 1-0, që në minutën e shtatë. 

Ky është goli i dytë në dy ndeshje radhazi, duke konfirmuar rritjen e formës së tij, pasi nuk e nisi mirë stinorin pranveror. 

GOAL: Vedat Muriqi
Mallorca 1-0 Las Palmaspic.twitter.com/EVofA944DE

— Goals Xtra (@GoalsXtra) February 16, 2025

Ai ka filluar të kthehet si startues i padiskutueshëm, pasi tashmë me golat e tij po tregon rëndësinë që ka te Mallorca. 

Muriqi ka pesë gola në La Liga këtë sezon, ndërsa gjatë verës ishte i përfolur për një rikthim te Fenerbahce. /Telegrafi/  

The post Vedat Muriqi po kthehet në formën e tij – shënon gol të bukur ndaj Las Palmas   appeared first on Telegrafi.

Finalja e ndeshjes së Superkupës së Spanjës mes Real Madrid dhe Mallorca ishte e tensionuar jo vetëm në fushë, por edhe në tribuna. Ndeshja përfundoi me një përleshje masive mes lojtarëve për shkak të provokimeve nga Maffeo, ndërsa në shkallët e stadiumit u denoncua një mungesë e rëndë sigurie. Cristina Palavra, bashkëshortja e Dani Rodríguez, foli personalisht për ngacmimet që kanë përjetuar familjet e futbollistëve nga tifozët sauditë, të cilët shqetësuan pa pushim pjesën majorkine të stadiumit. Ajo ndau përvojën e saj me Esports IB3 menjëherë pas përfundimit të ndeshjes, duke rrëfyer çfarë ajo dhe të tjerët përjetuan nga publiku i pranishëm në Jeddah.

Cristina Palavra denoncon ngacmimet e tifozëve

Cristina Palavra ishte ulur në sektorin e tifozëve të Mallorcës, së bashku me familjet e futbollistëve të tjerë, kur në një moment ata u rrethuan nga tifozët sauditë. Ndërkohë që në fushë lojtarët ishin të përfshirë në një përleshje, edhe në tribuna atmosfera u bë e nxehtë dhe shumë prej tifozëve kaluan kufijtë. Pasi situata u qetësua, Cristina Palavra tregoi se çfarë kishin përjetuar: “E vërteta është që të rinjtë e këtij vendi filluan të na fotografojnë nga afër dhe na ngacmuan. Ishim me fëmijët dhe mbetëm pa siguri; askush nuk na mbrojti”.

”Ens han assetjat”

Cristina Palavra, dona de Dani Rodríguez, parla de la desagradable situació que han viscut els familiars dels jugadors del Mallorca durant el partit. pic.twitter.com/Ecgll6NoF6

— Esports IB3 (@EsportsIB3) January 9, 2025

Familjet e futbollistëve majorkinë u gjetën kështu në mëshirë të tifozëve kundërshtarë, ndërsa siguria nuk ndërhyri për t’i mbrojtur. Një tifoz tjetër shtoi: “Njerëzit prekën pjesët intime të familjarëve të futbollistëve. Është e pabesueshme që nuk ka siguri. Është e turpshme”.

Madje, edhe bashkëshortja e Dominik Greif u ngacmua nga disa tifozë në përfundim të ndeshjes së Superkupës së Spanjës, duke kontribuar në krijimin e një klime të rëndë tensioni. Në fund, familjet e futbollistëve arritën të mbërrinin të padëmtuara tek autobusët, por ishin lënë tërësisht pa mbrojtje nga siguria, e cila nuk ndërhyri kurrë për të qetësuar situatën.

Informa #LaZona10

Nos informan aficionados del Mallorca que sigue habiendo problemas en la salida del estadio en Yeda

“La gente está tocando los culos a las familiares de los futbolistas”

“Es increíble que no haya seguridad. Está siendo vergonzoso”

@fibwiradio pic.twitter.com/UIuBiZCDRv

— La Zona 10 (@lazonadiez) January 9, 2025

The post Gratë e futbollistëve të ngacmuara gjatë Superkupës së Spanjës: “Ishim me fëmijët” appeared first on Lapsi.al.