Tragjedi në autostradën “Tiranë-Durrës”, me një aksident me pasojë një të vdekur dhe dy të plagosur.

Sipas policisë, rreth orës 00:40, në autostradën “Tiranë-Durrës”, në zonën e “Marikaj”, D. D., rreth 18 vjeç, dyshohet se ka humbur kontrollin mbi drejtimin e automjetit dhe për pasojë, automjeti ka dalë nga rruga.

Nga aksidenti ka humbur jetën pasagjeri në automjet, E. B., rreth 19 vjeç, ndërsa janë dëmtuar drejtuesi i mjetit dhe pasagjeri tjetër, të cilët ndodhen në spital, nën kujdesin e mjekëve.

The post Tiranë, 18-vjeçari humb kontrollin e mjetit, ndërron jetë shoku i tij! Plagoset një tjetër dhe drejtuesi appeared first on Gazeta Si.

Nënë e bijë, nga Ukraina janë nxjerrë ditën e sotme nga deti në Vlorë në gjendje të rëndë ndërkohë që disa orë pasi mbërriti në spital, nëna ka ndërruar jetë.

Trupi i saj do dërgohet drejt morgut të Tiranës për faktin se është shtetase e huaj.

Ndërsa vajza e saj ndodhet ende ne intubim.

Dy turistet ukrainase rrezikuar mbytjen në afërsi të zonës së “Ujit të Ftohtë”.

The post U nxorën nga deti në Vlorë në gjendje të rëndë/ Ndërron jetë turistja ukrainase, vajza në intubim appeared first on Gazeta Si.

Një 58-vjeçar ka ndërruar jetë tragjikisht në Gramsh ditën e sotme, pasi është zënë poshtë nga një masiv dheu.

Policia bën me dije se ngjarja ka ndodhur në fshatin Tervol, ku gjatë punës me fadromë, për hapjen e një pusi, ka rrëshqitur një masiv dheu dhe ka rënë mbi H. D., 58 vjeç, i cili për pasojë ka humbur jetën. Ndërkohë, drejtuesi i fadromës, S. B., 51 vjeç, është shoqëruar në Komisariat.

The post Gramsh/ E zuri poshtë masivi i dheut teksa hapej një pus, humb jetën 58-vjeçari appeared first on Gazeta Si.

Nga Gazeta ‘Si’- Një 59-vjeçar, banues në Tiranë, ka humbur jetën ditën e sotme në plazhin e Qerretit.

Përmes një njoftimi, Policia bën të ditur se ngjarja ka ndodhur rreth orës 12:00 dhe dyshohet se ai ka pësuar arrest kërdiak pasi ka hyrë në det.

The post Sapo hyri në ujë, humb jetën 59-vjeçari në plazhin e Qerretit appeared first on Gazeta Si.

Nga Gazeta ‘Si’- Një 29-vjeçar është arrestuar nga Policia e Tiranës pasi u kap në flagrancë duke shpërndarë lëndë narkotike të llojit kokainë.

G.D. u kap në kryqëzimin e rrugës “Skënderbej” me rrugën “Iliria”, teksa lëvizte me automjetin e tij.

Gjatë kontrollit fizik dhe më pas në banesë, policia i gjeti dhe sekuestroi një sasi lënde narkotike të llojit kokainë, e ndarë në doza, gati për shitje.

Sipas burimeve zyrtare, G. D. dyshohet se kishte kohë që shpërndante lëndën narkotike në zona të ndryshme të qytetit.

The post Kapet 29-vjeçari në Kamzë, iu gjet kokainë në shtëpi dhe në makinë appeared first on Gazeta Si.

Nga Gazeta ‘Si’- Një zjarr ka përfshirë një banesë pranë Pazarit të Ri në Tiranë.

Siç shikohet nga pamjet, forcat zjarrfikëse janë nisur drejt vendngjarjes, ndërsa mësohet se pas ndërhyrjes, zjarri është neutralizuar.

zjarri ka rënë në banesën e Nermin Stërmasit, një familje tiranase. Shtëpia është me qerpiç, çka e bën të ekspozuar ndaj flakëve në temperatura të larta.

Nuk ka persona të lënduar, vetëm dëme materiale.

The post Merr flakë banesa pranë Pazarit të Ri në Tiranë (foto) appeared first on Gazeta Si.

Një aksident rrugor me pasojë vdekjen e një personi është regjistruar në orët e para të mëngjesit në aksin rrugor Pogradec-Qafë Thanë.

Sipas të dhënave nga policia, mjeti i drejtuar nga 34 vjeçari Alfons Bleta ka dalë nga rruga dhe ka rënë në liqen.

Për pasojë 34-vjeçari nuk ka mundur të mbijetojë, teksa policia po heton për shkaqet se përse i riu humbi kontrollin e mjetit.

The post Aksident me vdekje në Pogradec, makina bie në liqen appeared first on Gazeta Si.

Nga Gazeta ‘Si’- Një 55-vjeçar është shpallur në kërkim nga Policia e Elbasanit, pasi ka thyer masën e sigurisë ‘arrest në shtëpi’ për veprën penale ‘dhunë në familje’.

Policia njofton se I.F dyshohet se ka tentuar të kryejë marrëdhënie seksuale me dhunë me një 25-vjeçare, fqinje të tij.

The post Tentoi të kryente marrëdhënie seksuale me dhunë me fqinjen, në kërkim 55-vjeçari në Elbasan appeared first on Gazeta Si.

Nga Gazeta Si- Një 23-vjeçar është gjetur sot i pajetë pranë liqenit të Shkopetit. Ka qenë babai i tij që ka bërë kallëzim në polici mbrëmjen e së martës, se i biri R. D. nuk është kthyer në banesë. Policia thotë se pas disa orësh kërkime, kanë gjetur trupin e tij të pajetë pranë liqenit të Shkopetit.

Ende nuk dihen shkaqet e vdekjes ndërkohë që sipas burimeve, viktima ka mavijosje në qafë. Në njoftimin e policisë thuhet se dyshohet se automjeti i viktimës ka rënë në liqen.

Ai nuk ka precedentë të rëndë kriminalë, dhe njihej vetëm për disa raste vjedhjesh.

The post Mat/ U denoncua i zhdukur, 23-vjeçari gjendet i pajetë pranë liqenit të Shkopetit, dyshohet për vrasje appeared first on Gazeta Si.

 Nga Gazeta ‘Si’- Një ngjarje e rëndë ka ndodhur në liqenin e Shkodrës ditën e sotme.

Kapiteni i anijes turistike të Bashkisë ka humbur jetën teksa është mbytur duke shpëtuar nga mbytja dy turistë të huaj që ranë në ujë.

Viktima është Arben Alamani, 51 vjeç. Turistët janë shpëtuar dhe ndodhen në gjendje të mirë shëndetësore.

Mbeten ende të panjohura dinamika e ngjarjes dhe rrethanat se si kanë rënë turistët në ujë. Grupi hetimor vijon punën për gjetjen e trupit.

The post Tragjike në Shkodër, tentoi të shpëtonte dy turistë, mbytet kapiteni i një anijeje turistike appeared first on Gazeta Si.

Nga Gazeta ‘Si’- Prokuroria e Fierit ka sekuestruar 276 hektarë tokë të përfituar me dokumente të falsifikuara të një personi në fshatin Hasturkas, Libofshë.

Sipas prokurorisë, pasuri e paluajtshme llojit “kullotë” dhe “pyll” me sipërfaqe 276.5 ha, është vënë në pronësi të shtetasit me iniciale T.Zh., me anë të përdorimit të dokumentit të falsifikuar.

Më pas kjo pasuri është ndarë në disa pronarë me anë të kontratave të shitjes dhe dhurimit.

Shtetasi me iniciale T.Zh., akuzohet për veprën penale ‘Pastrimi i produkteve të veprës penale apo veprimtarisë kriminale’ dhe ‘Falsifikimi i dokumenteve’.

The post Ishte përfituar me dokumenta të falsifikuara, Prokuroria e Fierit sekuestron 276 hektarë tokë appeared first on Gazeta Si.

Nga Gazeta ‘Si’- Një 28-vjeçar ka rënë në prangat e policisë së Kukësit pasi tentoi të trafikonte një armë zjarri nga Kosova në Shqipëri.

Gjatë kontrolleve të kryera nga Policia kufitare në Morinë policia gjeti në ‘Benz-in’ që po lëvizte i riu me iniciale A.S edhe një municion luftarak.

Arma e zjarrit, municioni luftarak dhe automjeti u sekuestruan si provë materiale.

The post Tentoi të trafikonte 1 pistoletë nga Kosova në Shqipëri, në pranga 28-vjeçari  appeared first on Gazeta Si.

Nga Gazeta ‘Si’- Një autobus i linjës Tiranë-Kamëz është përfshirë nga flakët këtë mëngjes, duke shkaktuar panik te qytetarët që ndodheshin në bord.

Sipas informacioneve, zjarri ka shpërthyer fillimisht në pjesën e motorit, ndërsa mjeti ishte në lëvizje. Për fat të mirë, nuk raportohet për persona të lënduar.

Në vendngjarje mbërritën zjarrfikëset e Kamzës, të cilat arritën të neutralizonin flakët dhe të shmangnin përhapjen e mëtejshme të zjarrit.

Autoritetet kanë nisur hetimet për të zbuluar shkaqet e incidentit. Paraprakisht dyshohet për një defekt teknik në sistemin elektrik të autobusit.

The post Autobusi Tiranë-Kamëz përfshihet nga flakët appeared first on Gazeta Si.

Nga Gazeta ‘Si’- Një 40-vjeçar me iniciale R.C është shpallur në kërkim nga policia në Lushnjë, pasi dyshohet se ka hyrë me dhunë në banesën e një 35-vjeçareje.

Sipas policisë, 40-vjeçari dyshohet se ka tentuar të kryejë marrëdhënie seksuale me shtetasen.

The post Hyri në banesën e të resë në Lushnje dhe tentoi të kryejë marrëdhënie, në kërkim 40-vjeçari appeared first on Gazeta Si.

Një 34-vjeçar ka rënë në prangat e policisë pasi dogji tri sipërfaqe toke, rrezikoi jetën e banorëve dhe 1 karburant.

Ngjarja u regjistrua në afërsi të autostradës TEG -Tiranë.

Policia njofton se autori, me iniciale J.S është banues në fshatin Mjull Bathore.

The post Dogji tri sipërfaqe toke dhe rrezikoi jetën e banorëve, arrestohet 34-vjeçari në Tiranë appeared first on Gazeta Si.

Një vatër e madhe zjarri ka dalë jashtë kontrollit pasditen e së diel në malin Vastak, në Dukat të Vlorës.

Sipas të dhënave, zjarri u përhap me shpejtësi për shkak të erës dhe terrenit të vështirë që e bën të pamundur ndërhyrjen e zjarrfikëse.

Deri në këto momente raportohet për një sipërfaqe të madhe të djegur me bimësi por edhe pyje.

Ekipet e zjarrfikësve ende nuk kanë ndërhyrë, teksa zjarri vijon të përhapet drejt zonave të pyllëzuara

The post Zjarr në Dukat, digjet një sipërfaqe me pyje e shkurre appeared first on Gazeta Si.

Nga Gazeta ‘Si’- Një 44-vjeçar është qëlluar me armë zjarri në orët e para të mëngjesit të sotëm (7 Korrik) pasi tentoi të grabiste një banesë në fshatin Markat të Konispolit.

Raportohet se 44-vjeçari Saimir Haxhi është qëlluar me çifte në pjesën e pasme të trupit.

Sipas burimeve, dyshohet se ai kishte tentuar të grabiste në një shtëpi të zonës.

Saimir Haxhiu, person me precedentë penalë, u transportua fillimisht në spitalin e Sarandës dhe më pas u transportua për ndihmë më të specializuar në spitalin e Vlorës.

The post Tentoi të grabiste një banesë, qëllohet me armë zjarri 44-vjeçari në Konispol appeared first on Gazeta Si.

Gazeta Si – Dy persona nga Prizreni janë arrestuar në Kukës të akuzuar për trafikim armësh nga Kosova në Shqipëri.

Policia sekuestroi 8 pistoleta që dyshohet se do të shiteshin në mënyrë të paligjshme. Operacioni i koduar “Kalibri” u zhvillua në zonën e “Urës së Hasit”.

Vijojnë hetimet për kapjen e personave të tjerë të përfshirë në këtë rrjet.

The post Trafik armësh nga Kosova në Shqipëri, dy të arrestuar. Sekuestrohen 8 pistoleta (video) appeared first on Gazeta Si.

Gazeta Si – Një person është arrestuar në Durrës, ndërsa tre të tjerë janë shpallur në kërkim pasi i morën 1.5 milionë lekë duke e kërcënuar me armë zjarri.

Policia u vu në lëvizje pas kallëzimit nga A.I., se dje, në lagjen nr.13, Durrës, 3 persona i kishin marrë 150.000 lekë, duke e kanosur me armë zjarri.

Policia tha se arrestoi njërin nga autorët e dyshuar, A.L., 40 vjeç, banues në Durrës, dhe u shpallën në kërkim 3 të tjerët, shtetasit R. I., 40 vjeç, L. I., 20 vjeç dhe E. M., 34 vjeç, të tre banues në Durrës.    

Vijon puna për kapjen e 3 shtetasve të shpallur në kërkim dhe për dokumentimin e rrethanave të këtij rasti. 

The post I morën 1.5 mln lekë një personi nën kërcënimin e armës, një në pranga 3 në kërkim appeared first on Gazeta Si.

Gazeta Si – Një automjet i dyshimtë është ndjekur dhe ndaluar në rrugën “Myslym Shyri” në Tiranë pasditen e kësaj të mërkure, pasi dyshohej se posedonte armë zjarri.

Gjatë ndjekjes, mjeti drejtohej nga një i ri, që u shpall në kërkim, ku pasagjer ishte edhe i kërkuari Skerdi Sina.

Sipas policisë, makina është përplasur me 3 automjete të tjera në rrugën “Andon Zako Çajupi”, pranë selisë së Partisë së Lirisë te sheshi “Willson” dhe më pas është ndaluar nga policia.

Pas kontrollit dhe gjatë operacionit, është sekuestruar një armë zjarri. Shoferi mundi të largohej para mbërritjes së efektivëve, kurse Sina u shoqërua fillimisht dhe më pas u arrestua në komisariat.

Sina rezultoi se ishte në kërkim për ngjarjen e ndodhur në ‘Astir” më 9 janar, ku u shpëtua një vajzë e re që ishte mbyllur me forcë brenda një apartamenti nga një grup të rinjsh që posedonin armë dhe drogë.

Ndjekja ditën e sotme u bë nga forcat “Shqiponja” dhe të dyshuarit rrezikuan edhe jetët e qytetarëve gjatë arratisjes së rrezikshme, por për fat të mirë pa të lënduar.

“Rreth orës 16:30, në zonën e “Vasil Shantos”, shërbimet e Forcës së Posaçme “Shqiponja” i bënë shenjë ndalimi një automjeti tip “Audi Q8”, në të cilin ndodheshin dy persona, pasi kishin dyshime të arsyeshme se personat në automjet mund të ishin të armatosur. Drejtuesi nuk iu bind urdhrit të Policisë, vijoi lëvizjen me shpejtësi, përplasi tre automjete dhe më pas, së bashku me pasagjerin, braktisi automjetin në rrugën “Moskat”. Gjatë largimit, dyshohet se këta shtetas hodhën në tokë një armë zjarri pistoletë, e cila u sekuestrua dhe do të dërgohet për ekzaminime të mëtejshme. Si rezultat i ndjekjes nga shërbimet e Policisë, u bë e mundur kapja dhe shoqërimi në ambientet e DVP Tiranë i pasagjerit në automjet, S. S., 29 vjeç, të cilit, gjatë kontrollit fizik, iu gjetën një krehër dhe municion”, njoftoi policia pas hetimeve paraprake.

Ndërkohë, është bërë identifikimi i drejtuesit të automjetit dhe vijon puna për lokalizimin dhe kapjen e tij. Grupi hetimor i ngritur për rastin po vijon veprimet për zbardhjen dhe dokumentimin e plotë të kësaj ngjarjeje.

Ngjarja e rëndë në Astir, ndodhi në janar të këtij viti, kur policia mori një telefonatë shqetësuese nga një 21-vjeçare që ishte e kyçur në një apartament me qira ditore.

E reja u shpreh për blutë se ishte dhunuar nga disa persona, duke ngritur kështu alarmin dhe për forcat RENEA, që u angazhuan në nxjerrjen e saj nga apartamenti.

Për ngjarjen, u shpallen në kërkim katër persona, që u akuzuar për armëmbajtje, kokainë dhe jelekun antiplumb, gjëra këto që u gjetën tek banesa e marrë me qira ngjitur atij ku ishte ngujuar 21-vjeçarja.

Këta djem, së bashku me tre vajza, mes tyre dhe 21-vjeçarja, kanë festuar përgjatë gjithë mbrëmjes deri në orët e para të mëngjesit, në dy banesa të marra me qira ditore, në zonën e Astirit.

Vajza u shpreh në polici se shkoi me dëshirën e saj në banesë, por është frikësuar kur ka parë armët. Ndryshe nga sa ka pretenduar gjatë telefonatës, në polici ajo ka deklaruar se nuk e kanë dhunuar. Ndërkohë edhe nga akt ekspertiza e kryer rezultoi se nuk kishte shenja dhune.

Por, pasi u nxorr nga apartamenti, e reja ishte në gjendje të rëndë psikologjike.

The post Tiranë / Arrestohet autori i dyshuar i ngjarjes në ‘Astir’, gjatë ndjekjes nga policia përplasi disa makina appeared first on Gazeta Si.