Një analizë e re e Associated Press tregon se Presidenti Donald Trump ka ndryshuar me sukses fokusin e politikave të tij nga emigracioni në krim, një lëvizje që duket se ka ndikuar pozitivisht në vlerësimin e tij të përgjithshëm. Sipas një sondazhi të fundit të AP-NORC, popullariteti i Trump ka shënuar një rritje të lehtë, ndërsa qasja e tij ndaj krimit është shndërruar në një pikë të fortë.

Sondazhi zbuloi se rreth 53% e amerikanëve miratojnë qasjen e Trump ndaj krimit, një shifër më e lartë se mbështetja për politikat e tij mbi emigracionin, ekonominë apo luftën Rusi-Ukrainë. Kjo vjen pavarësisht kritikave nga demokratët dhe banorët e Uashingtonit, si dhe faktit që statistikat tregojnë një rënie të krimit të dhunshëm në shkallë kombëtare pas rritjes së tij gjatë pandemisë.

Zhvendosja e fokusit

Ky ndryshim në agjendë pasqyron një taktikë të njohur të Trump për të ridrejtuar vëmendjen e publikut. Siç thotë anketuesi republikan Whit Ayers, “krimi tradicionalisht ka qenë një nga çështjet më të forta të republikanëve, kështu që nuk është një surprizë e vërtetë që ai e ka shtyrë këtë në krye të agjendës.”

Analiza e AP thekson se kjo lëvizje e Trump vjen në një moment kur mbështetja për politikat e tij të ashpra mbi emigracionin ka shënuar rënie. Në mars, rreth gjysma e amerikanëve miratonin qasjen e tij mbi emigracionin, por kjo shifër ra në 43% në korrik, pas raportimeve për deportime agresive dhe taktika të diskutueshme të zbatimit të ligjit.

Kthimi te “Ligji dhe Rendi”

Fokusi i Trump te krimi u bë veçanërisht i dukshëm pas një incidenti në Uashington, ku një zyrtar i administratës u sulmua. Duke e cilësuar qytetin si “jashtë kontrollit”, Presidenti autorizoi marrjen nën kontroll të departamentit të policisë lokale dhe vendosjen e Gardës Kombëtare. Kjo taktikë, që lidh krimin me çështjet e sigurisë dhe rendit, duket se po rezonon me një pjesë të madhe të elektoratit, përfshirë edhe votuesit e pavarur.

Sipas zëdhënëses së Shtëpisë së Bardhë, Abigail Jackson, kjo nuk është një zhvendosje e papritur, por një vazhdim i premtimeve të fushatës së Trump për të “bërë Amerikën përsëri të sigurt.” Shtëpia e Bardhë thekson se retorika e tij mbi krimin dhe emigracionin janë të ndërlidhura, me autoritetet federale që po përdorin pikat e kontrollit të vendosura në Uashington për të arrestuar edhe individë me çështje imigracioni.

Megjithatë, kritikët si Tim Roemer, një demokrat nga Nju Jorku, vërejnë se Trump po përfiton politikisht nga situata duke marrë meritat për një rënie të krimit që ndodhi natyrshëm pas pandemisë. “Fatkeqësisht, ai di si t’i fitojë njerëzit në zemër,” tha Roemer.

The post Sondazhet: Popullariteti i Trump rritet me fokusin te krimi, ndërsa qasja ndaj emigracionit dobësohet first appeared on JavaNews.al.

Një ngjarje e rëndë është regjistruar mbrëmjen e sotme në fshatin Abat të Shalës, në Shkodër. Viktimë ka mbetur 61-vjeçari Piro Prroni, i cili u qëllua për vdekje me armë zjarri.

Policia ka identifikuar autorin e dyshuar të krimit, Ndoc Maçaj, i cili pas ngjarjes është larguar dhe tashmë është shpallur në kërkim.

Sipas burimeve paraprake, viktima dhe autori i dyshuar ishin kushërinj mes tyre dhe ngjarja dyshohet se erdhi si pasojë e një konflikti të hershëm.

Forca të shumta policie janë nisur nga Shkodra drejt zonës së thellë malore të Shalës për të bërë të mundur kapjen e autorit dhe zbardhjen e plotë të rrethanave.

The post EMRAT/ Vrau 61-vjeçarin në Shkodër! Policia identifikon autorin, ishte afërm i viktimës first appeared on JavaNews.al.

Bashkimi Evropian ka vendosur të pezullojë përkohësisht takimet zyrtare me kryeministrin në detyrë të Kosovës, Albin Kurti dhe ministrat e tij.

Përmes një letre të dërguar zyrtarisht, shefat e misioneve të BE në Kosovë njoftojnë se ky pezullim takimesh do të qëndrojë në fuqi derisa të formohet qeveria e re.

Letra e plotë

Po ju shkruaj në emër të Shefave të Misioneve të Shteteve Anëtare të Bashkimit Evropian të pranishëm në Kosovë. Pas aktgjykimit të Gjykatës Supreme të Kosovës (P.A.nr.09/2025, datë 25 qershor 2025), i cili shpalli të pavlefshme Udhëzimin Administrativ të Ministrisë së Financave, Punës dhe Transfereve Nr. 01/2025 mbi Përdorimin e Pajisjeve Fiskale Elektronike, Sistemeve Fiskale dhe Programeve Fiskale Elektronike, duke u bazuar në nenin 71 të Kushtetutës që ndalon ushtrimin e funksioneve ministrore dhe parlamentare njëkohësisht, Bashkimi Evropian ka përshtatur praktikat e tij të angazhimit në përputhje me këtë vendim pas konsultimeve me Shtetet Anëtare të BE-së.

Në përputhje me këtë aktgjykim dhe në interes të qëndrueshmërisë institucionale dhe respektimit të sundimit të ligjit, vizitorët e nivelit të lartë nga Shtetet Anëtare të BE-së dhe institucionet e BE-së do të përmbahen, përkohësisht, nga mbajtja e takimeve me Kryeministrin në detyrë dhe ministrat brenda ndërtesës së Qeverisë së Kosovës, derisa të jetë në funksion një Qeveri me mandat të plotë.

Ky vendim riafirmon përkushtimin tonë parimor ndaj sundimit të ligjit, llogaridhënies demokratike dhe integritetit institucional. Kjo letër synon gjithashtu të shmangë çdo paqartësi apo keqinterpretim në të ardhmen, siç ndodhi gjatë vizitës së fundit të Përfaqësuesit Special të Bashkimit Evropian për Dialogun Beograd–Prishtinë. E konsiderojmë thelbësore që angazhimet tona institucionale të jenë plotësisht të harmonizuara me kuadrin kushtetues të Kosovës dhe vendimet e gjykatës më të lartë të saj.

Bashkimi Evropian mbetet plotësisht i përkushtuar ndaj angazhimit konstruktiv dhe është i gatshëm për kontakte dhe koordinim thelbësor. Zyrtarët e lartë të BE-së dhe të Shteteve tona Anëtare do të vazhdojnë të bashkëpunojnë me homologët përkatës për të siguruar vazhdimësinë në fushat kyçe të bashkëpunimit.

Besojmë se kjo masë do të kuptohet në frymën e respektit të ndërsjellë dhe në dritën e përkushtimit tonë të përbashkët ndaj qeverisjes së mirë dhe parimeve demokratike që gjithmonë kanë udhëhequr partneritetin tonë.

Gjithashtu, shpresojmë sinqerisht që një qeveri me mandat të plotë të formohet pa vonesa të mëtejshme, në mënyrë që të mund të rifillojmë bashkëpunimin e plotë me BE-në dhe të thellojmë më tej marrëdhëniet tona politike dhe ekonomike.

The post Zbulohet letra! Bashkimi Europian pezullon të gjitha takimet zyrtare me Albin Kurtin first appeared on JavaNews.al.

Sipërmarrësi Behgjet Pacolli ka reaguar pas aludimeve mediatike që erdhën për shkak të një vizite të tij të papritur në Kryeministri ku takoi shefin e qeverisë, Edi Rama.

Në media u pretendua se Pacollit po i bëjnë presion për t’i marrë aeroportin e Vlorës, por biznesmeni i njohur i rrëzon këto pretendime. Pacolli thotë se artikulli është i pavërtetë dhe se “aeroporti tashmë po hyn në një fazë të re zhvillimi profesional, Mabco ka nisur procesin e riorganizimit të brendshëm, që lidhet vetëm me menaxhimin normal”.

Reagimi i Pacollit:

Është e padrejtë të krijohen histori me insinuata. Artikulli i gazetës Kapitali është po aq i shtrembëruar sa edhe i padrejtë.

Unë, së bashku me drejtorin e kompanisë Mabco, koncesionare shumicë e Aeroportit të Vlorës, kemi qenë në Kryeministri thjesht për një vizitë kortezie, ku informuam për ecurinë e punimeve në aeroportin e Vlorës.

Nuk është aspak e vërtetë, as korrekte, të thuhet se ka pasur ndonjë presion apo kërkesë për t’u përfshirë qeveria, ashtu siç raportojnë disa media.

Në fakt, duke qenë se aeroporti tashmë po hyn në një fazë të re zhvillimi profesional, Mabco ka nisur procesin e riorganizimit të brendshëm, që lidhet vetëm me menaxhimin normal.

Duke marrë shkas nga leximi me i thellë i  një shkrimi në  media, dua të konfirmoj që puna për përfundimin e aeroportit të Vlorës po ecën përpara me sukses dhe me mbështetjen e plotë të qeverisë shqiptare! Ne mezi presim që ta përfundojmë aeroportin në afat për ti dhënë Shqipërisë dhe bregdetit të saj të bukur dhe një destinacion tjetër.

Vendimet e aksionerit te VIA nuk janë asgjë tjetër përveçse procedura rutinë që kanë të bëjnë me procese normale qe kane lidhje me garancine ndaj institucioneve financiare për mos transferimin e kuotave sa kohe qe kreditë e marra apo që do merren në lidhje me zhvillimin e aeroportit nuk janë shlyer.

The post Po i bëjnë presion për t’i marrë aeroportin e Vlorës? Reagon Pacolli: Ja pse i vajta Ramës në zyrë first appeared on JavaNews.al.

Kreditimi i ekonomisë u ngadalësua lehtë në muajin korrik. Sipas Bankës së Shqipërisë, kredia e re për korrikun kishte vlerën e 28.9 miliardë lekëve, 1.3% më pak krahasuar me të njëjtin muaj të vitit të kaluar. Megjithatë, ecuria e deritanishme progresive tregon që kredia për ekonominë gjatë vitit 2025 ka vijuar rritjen dhe është në vlerat më të larta historike të regjistruara në këtë periudhë të vitit.

Për periudhën janar-korrik,  janë dhënë gjithsej 231.9 miliardë lekë kredi të reja, me një rritje prej 10% më shumë krahasuar me të njëjtën periudhë të vitit të kaluar.

Ndërkohë që vitin e kaluar rritja e kredisë ishte mbështetur kryesisht te financimet e bizneseve, këtë vit kontributin kryesor po e jep rritja e huave për individë.

Kredia e re për individët në korrik vijoi rritjen e qëndrueshme, në linjë me tendencën positive të viteve të fundit. Kredia e re kishte vlerën e 9.8 miliard lekëve, në rritje me 14% krahasuar me korrikun e vitit të kaluar. Edhe për 7-mujorin kredia e re ngelet të ndjeshme. Ajo arriti vlerën e 77 miliardë lekëve, në rritje me 26% krahasuar me një vit më parë.

Kreditimi i individëve është mbështetur te një rritje shumë e shpejtë në dy segmentet kryesore, të blerjeve të pasurive të paluajtshme dhe financimit të konsumit.

Kredia për bizneset në muajin korrik kishte vlerën e 19.1 miliardë lekëve, 7.5% më pak krahasuar me korrikun e vitit të kaluar. Megjithatë, bilanci progresiv i 7-mujorit është në rritje. Kompanitë private përfituan gjithsej 151.3 miliardë lekë kredi, me një rritje prej 1.1% krahasuar me të njëjtën periudhë të vitit të kaluar.

Pas një rritjeje shumë të shpejtë gjatë vitit të kaluar, këtë vit kredia për bizneset është ngadalësuar ndjeshëm. Në fund të muajit korrik, edhe portofoli total i kredisë për ekonominë, shprehur si tepricë, qëndroi në vlera të përafërta me qershorin. Ai kishte vlerën e 893.1 miliardë lekëve. Megjithatë, me bazë vjetore, kredia vazhdon të jetë në rritje, me 11.9%. Rritja është më e lartë në segmentin e individëve, ku portofoli ka arritur vlerën e 360.5 miliardë lekëve, në rritje me 9.6% krahasuar me një vit më parë.

Ndërsa në segmentin e biznesit vlera e portofolit të kredisë arriti në 490.4 miliardë lekë, në rritje me 16.7% krahasuar me të njëjtën periudhë të një viti më parë./Marrë nga Monitor

The post BSH: Kreditimi i ekonomisë u frenua në muajin korrik first appeared on JavaNews.al.

Presidenti i Ukrainës, Volodymyr Zelensky, ka shkruar në rrjetin social “X” se ka biseduar me Sekretarin e Përgjithshëm të OKB-së, Antonio Guterres, lidhur me sulmin e madh rus që goditi Ukrainën gjatë natës.

“Jam mirënjohës për fjalët e tij ngushëlluese dhe solidaritetin me familjet ukrainase që humbën të dashurit e tyre. Ishte një nga sulmet më të mëdha të Rusisë”, shkruan Zelensky.

Ai thekson nevojën për masa urgjente që të ndalet vrasja e civilëve dhe shtoi se Ukraina është e gatshme për një takim në nivel liderësh, ku mund të trajtohen të gjitha çështjet më të rëndësishme.

Megjithatë, sipas tij, Rusia vazhdon të vendosë kushte të reja dhe të vijojë agresionin.

“Bota duhet të rivendosë fuqinë e ligjit ndërkombëtar dhe respektin për parimet e Kartës së OKB-së”, shkruan Zelensky.

Zelensky po ashtu falënderon Sekretarin e Përgjithshëm për mbështetjen ndaj integritetit territorial dhe sovranitetit të Ukrainës.

“Biseduam edhe për përgatitjet për seancën e 80-të të Asamblesë së Përgjithshme të OKB-së, ku Ukraina do të organizojë evente të rëndësishme. Presim që Sekretari i Përgjithshëm të jetë prezent në këto aktivitete“, përfundon Presidenti ukrainas.

Kujtojmë se sulmi rus me raketa mbi Kiev, gjatë natës së 28 gushtit, shkaktoi të paktën 18 viktima. Mes të vrarëve janë edhe katër fëmijë, ndërsa të plagosurit janë me dhjetëra.

Sulmet dëmtuan gjithashtu ndërtesat e Këshillit Britanik dhe të misionit të BE-së.

The post “Bota duhet të veprojë”, Zelensky kërkon mbështetjen e OKB-së pas sulmit rus first appeared on JavaNews.al.

Berisha njihet për qëndrimet e tij inkoheretne dhe për mos mbajtjen asnjë përgjegjësi për fjalët që thotë, por, ndërsa sot shfaqet si një ndër ‘të persekutuarit’ e Xhorxh Soros-it, një letër e firmosur nga Presidenti i Shqipërisë, Sali Berisha, i është drejtuar miliarderit amerikan, Xhorxh Soros, duke e falënderuar për ndihmën e madhe ndaj popullit shqiptar, madje edhe duke e cilësuar se kjo ndihmesë e tij kishte qenë kyç për fitoren e fundit të Partisë Demokratike.

Në letrën e tij, Berisha përmend ndihmën konkrete që Fondacioni i Shoqërisë së Hapur kishte dhënë për shtypin demokratik shqiptar, duke dërguar 120 tonë letër për botimin e gazetave opozitare.

“Mbështetja juaj ishte shumë e nevojshme. Nuk ka dyshim se ndihmesa juaj ishte një çelës për fitoren tonë demokratike”, shkruante Berisha, duke e ftuar Sorosin që të vizitonte Shqipërinë si “mik personal”.

Në atë kohë, Fondacioni Soros kishte hapur zyrën e tij në Tiranë, duke mbështetur proceset demokratike dhe reformuese. Berisha theksonte se kontributi i Sorosit për ngritjen e një grupi këshillimor pranë qeverisë shqiptare do të ishte thelbësor për reformat politike, shoqërore dhe ekonomike të vendit.

Por, ndryshe nga qëndrimi i atëhershëm, sot Berisha është një prej kritikëve më të mëdhenj të Sorosit, duke e paraqitur shpesh si “armik të demokracisë shqiptare” dhe pjesë të një skeme që synon kapjen e institucioneve, madje duke e akuzuar edhe për shpalljen ‘non grata’ të tij, në një komplot me Edi Ramën dhe Departamentin Amerikan të Shtetit.

Letra e publikuar shërben si një dëshmi e qartë e ndryshimeve drastike të retorikës politike të Sali Berishës gjatë tre dekadave të fundit, duke nxjerrë në pah kontrastin mes së kaluarës dhe qëndrimeve të sotme.

Më poshtë, letra e plotë:

I dashur Z. Soros,

Po shkruaj para së gjithash për t’ju falenderuar për mbështetjen shumë të nevojshme që Fondacioni Soros (Fondacioni i Shoqërisë së Hapur për Shqipërinë) i ka dhënë lëvizjes demokratike në Shqipëri. 120 tonët e letrës janë një shembull i ndihmës që fondacioni juaj i dha shtypit demokratik shqiptar në kohën dhe me qëllimin e duhur. Nuk ka dyshim se kjo ndihmesë, ishte një çelës për fitoren madhështore demokratike në zgjedhjet tona të fundit. Dyzet e pesë vjet të izolimit dhe kontrollit të plotë të shtetit mbi ekonominë e kanë lënë Shqipërinë në një nevojë të ngutshme për reforma të plota të mjedisit ekonomik, politik dhe shoqëror të vendit. Nuk ka asnjë dyshim se mbështetja juaj për një Grup Këshillimor pranë qeverisë shqiptare do të luajë një rol të rëndësishëm në planifikimin dhe kryerjen e këtyre reformave. Si qeveria e Shqipërisë ashtu edhe unë personalisht shpresojmë të kemi marrëdhënie të frytshme me fondacionin tuaj. Kështu që unë ju ftoj me kënaqësi të madhe të vizitoni Shqipërinë si miku im personal.

Shpresoj të shihemi së shpejti, dhe mbetem

Sinqerisht, Dr. SALI BERISHA

The post Sot i kërkoi FBI-së ta hetojë, kur Berisha i shkruante Sorosit: Mezi po pres të kem marrëdhënie me ju first appeared on JavaNews.al.

Komandanti i bazës ajrore të Farkës, nënkolonel Ervin Buzi ka rrëfyer operacionet për shuarjen e flakëve përgjatë javëve të fundit kur Shqipëria u përfshi nga zjarret.

Sipas Buzit, në operacionet nga ajri merret parasysh fakti që risku dhe rreziku është shumë i lartë për shuarjen e flakëve.

‘Ne përpiqemi të zgjedhim një ekuipazh më të mirë dhe duhet me qenë në zonën e operacionit për sa është e mundur. Gjithmonë duhet të kemi parasysh që risku është shumë i lartë, ose je mbi ujë dhe mund të përfundojmë të mbytemi ose je mbi zjarre se mund të përfundojmë në zjarr dhe me këtë arsyetim ne mundohemi që ta ulim këtë probabilitet, duke pasur helikopterin sa më të lehtë që po të fiket një motor, të kemi mundësi të ikim nga uji dhe mundohemi që të mos të hyjmë 100 për qind në tym sepse do të na fiket motori”, u shpreh Buzi në një intervistë për RTSH 24.

Buzi rrëfeu një episod ku kanë qenë disa operacione në zonën e Finiqit dhe në ato të Delvinës, “ku qielli u mbulua plotësisht. Kishte raste që e shikonim liqenin por nuk afroheshim dot sepse na fikeshin motorrat”.

“Kanë qenë disa operacione në zonën e Finiqit dhe në ato të Delvinës, ku qielli u mbulua plotësisht. Kishte raste që e shikonim liqenin por nuk afroheshim dot sepse na fikeshin motorrat. Kishte simptoma në ekuipazh që fillonte dhimbja e kokës si dhe në zonën e Gramshit dhe aty u mbulua komplet, ka raste që t’i thua; ‘tani është apokalips’. Je duke kërkuar sa më shumë që të ndihmosh sa më shumë dhe je në një nxitim të paparë sepse është edhe adrenalinë që të ndihmosh sa më shumë që je edhe kundër natyrës.

Nënkoloneli vuri në dukje se zonat që u përfshinë nga zjarret këtë vit kanë qenë po ato zona ku Forcat e Armatosura janë përballur edhe në vitet e kaluara, por ndryshe nga vitet e mëparshme, ky vit sipas Buzit, “ka qenë me përmasa të frikshme”.

“Zonat që ne kemi operuar janë pothuajse ato zona që ne kemi operuar çdo vit, por këtë vit kanë qenë përmasat shumë të frikshme. Ne punojmë 2-3 ditë në një zonë të caktuar pastaj në një zonë tjetër dhe të vjen keq që thua ky vend duhet ruajtur dhe jo të shkatërrohet sepse zjarri shkatërron çdo gjë. Mendoj se këtë vit kemi pasur përballjen më të madhe me dimensionet më të mëdha të zjarreve”, tha Buzi ndërsa shtoi se një nga përpjekjet konkrete është shpëtimi i jetëve njerëzore.

“Ndërhyrja ajrore duhet ajo nuk diskutohet, ne bëjmë shumë punë. Por gjithmonë duhet bashkëpunim me forcat në terren, sepse ne kur shkojmë për furnizim karburanti aty ka mbetur një vatër e vogël dhe që mund të marrë përmasa të tjera. Mirë do të ishte që të rritet sa më shumë sensibilizimi publik dhe njësitë lokale të lajmërojnë në kohë, sepse ne bëjmë shumë punë.

Vendimtare është kur shkojmë pranë pronave dhe njerëzve sepse duhet të mbrojmë jetën e njeriut dhe shtëpinë, jo se të tjerat nuk janë vendimtare, por të tjerat të lënë më shumë kohë reagimi”, theksoi nënkoloneli Buzi.

The post “U përballëm me apokalipsin”, N/Koloneli rrëfen betejën me flakët: Zjarret sivjet me përmasa të frikshme first appeared on JavaNews.al.

Një ngjarje e rëndë ka ndodhur mbrëmjen e sotme në fshatin Abat të njësisë administrative Shalë në Shkodër, ku 61-vjeçari Piro Prro është vrarë me armë zjarri.

Sipas policisë autori i dyshuar i ngjarjes është N.M. Policia ka mbërritur menjëherë në venngjarje dhe po punon për kapjen e autorit të dyshuar.

Njoftimi:

Rreth orës 20:00, në fshatin Abat, Shalë, shtetasi N. M., në rrethana ende të paqarta, dyshohet se ka vrarë me armë zjarri shtetasin P. P., 61 vjeç.

Shërbimet e Policisë janë nisur menjëherë për në fshatin Abat, për të bërë të mundur kapjen e autorit.

Ndërkohë, është ngritur një grup i posaçëm hetimor, për sqarimin e rrethanave dhe dokumentimin ligjor të ngjarjes.

The post Tronditet Shkodra, vritet me armë 61-vjeçari, detajet e para nga krimi first appeared on JavaNews.al.

Nga Mero Baze

Fatmir Mediu është shembulli më i shkëlqyer që mund të identifikohet me opozitën e sotme. Ai është identiteti i sotëm i opozitës dhe shpjegimi për çdo problem apo arritje të saj. Në një farë mënyre ai është monumenti i opozitës, ose asaj që duan ta quajnë “opozita e bashkuar”.

Që një opozitë të quhet e bashkuar, duhet të gjendet një objektiv rreth të cilit duhet të bashkohen. Zakonisht në politikë bashkimin e dikton nevoja për të fituar. Në opozitën e sotme në Shqipëri, bashkimin e dikton nevoja për të mos ndryshuar.

Fatmir Mediu është fytyra simbol e mosndryshimit të opozitës në Shqipëri. Prej vitit 2001 ai është në parlament si republikan i Sali Berishës, pa konkuruar asnjëherë më vete, pa fituar asnjëherë si republikan dhe pa bërë asgjë në politikën shqiptare përveç shërbimeve të pista për familjen e Sali Berishës.

Portreti i tij ka shoqëruar shqiptarët prej vitit 1992, kur shfaqet para kamerave me kokën drejt, vështrimin në horizont, me sytë që nuk i lëviz qerpiku, me gjestet që duan të thonë ato që nuk i thonë fjalët dhe me fjalë që i ngjajnë një diareje të pafundme, të pavullnetshme dhe të padëmshme për kënd, edhe nëse preket prej saj. Një njeri që s’të bën asnjë dëm personalisht, por është shoqërisht I dëmshëm

Është një fytyrë pa tipare, një njeri pa emër, një politikan që s’ka prodhuar kurrë politikë, një makinë folëse pa fjali, një kriminel pa të vrarë, një parazit që bën thirrje vazhdimisht për aksione të reja dhe reforma, një kryetar partie që s’ka shkuar kurrë në luftë me partinë e tij, dhe mbi të gjitha një ilustrues i shkëlqyer i arsyeve përse opozita as ndryshon, as rritet, as krijon fytyrën e saj dhe as fiton dot.

Prej vitit 2008, garancitë e tij për të qëndruar “i bashkuar” me Sali Berishën janë shtuar së tepërmi pasi ai është dëshmitari zyrtar i përfshirjes së djalit të Sali Berishës në Gërdec, pasi është njeriu që e ka pritur për 42 herë në zyrë derisa e licencoi kompaninë dhe autori i tenderit të demontimit për të. Tek ky mekanizëm korruptiv, si dëshmitar i heshtur i një krimi që i mori jetën 26 vetëve, qëndron e gjithë ideja e “bashkimit” të opozitës që kërkon Fatmir Mediu. Ky është më thellë dhe gjithë kuptimi që ka fjalia “opozita e bashkuar rreth Sali Berishës”.

Kjo opozitë është opozita që ka probleme, individë që kanë probleme me ligjin dhe korrupsionin, njerëz që nuk dinë të bëjnë asgjë në jetë veçse t’i mbajnë uturakun Berishës, politikanë të rinj ambiciozë, që shpresojnë se zullumi këputet duke u trashur, dhe në këtë rast “bashkohen” dhe ata me shpresë që kur të këputet filli të jenë aty për të kapur një degë litari, intriganë që shpresojnë që Berisha do vdesë pas ca kohësh dhe ata do mbahen mend si “besnikë” të tij, etj.

Pra, opozita e “bashkuar rreth Berishës”, është opozita që shpreson se bashkimi rreth tij e mbron nga mëkatet dhe pjesa tjetër e opozitës që pret vdekjen e tij.

Kjo amalgamë opozitare, nëse do t’i duhet të zgjedhë njeriun e ri të saj, “Lej Fenin” e vitit 2025, e ka gati. Fatmir Mediu i plotëson të gjitha kriteret. Nuk ka vota, nuk ka ide, nuk ka impakt në opinion publik, nuk ka parti, por mbi të gjitha nuk ka turp.

Dhe ky është një kriter i rëndësishëm për të qenë njeri simbol i “opozitës së bashkuar rreth Berishës”.

Debatet e tjera nuk vlejnë. Kur të vdesë Berisha flasim.

The post Fatmir Mediu është simboli i shkëlqyer i opozitës së sotme first appeared on JavaNews.al.

The post Kur martohet nevoja politike me iluzionin mendor first appeared on JavaNews.al.

(Përvjetori i 114-të i gazetës “Shkupi”)

Rëndësia e kësaj gazete është e shumëfishtë. Së pari, sepse doli në Shkup, qytet simbolik dhe strategjik, që përfaqësonte një nga qendrat kryesore të Lëvizjes Kombëtare Shqiptare. Së dyti, “Shkupi” dëshmonte se gazetaria shqiptare, edhe në kushte të rënda, ecte në hap me zhvillimet e kohës. Së treti, ajo përfaqësonte mendimin politik autentik shqiptar, duke artikuluar idetë e lirisë, arsimit dhe kulturës në gjuhën amtare, duke i dhënë krahë një populli që kërkonte të shndërrohej nga masë e shtypur në komb të vetëdijshëm.

Nga Prof.dr Skender ASANI

Emri “Shkupi” mbante një simbolikë të madhe kombëtare, sepse rilindja kombëtare shqiptare në fillim të shekullit XX kishte hyrë në fazën e fundit të saj dhe duhej të kurorëzohej me shpalljen e Pavarësisë. Pas Kongresit të Manastirit të vitit 1908, ku nuk u bë vetëm unifikimi i alfabetit, por iu dha edhe një shtytje e fuqishme përmbylljes së procesit të Rilindjes Kombëtare me shpalljen e pavarësisë etnike, rilindësit e asaj kohe e kuptuan se fjala e shkruar ishte arma më e fuqishme për të përhapur idetë e lirisë. Në Kongresin e dytë të Manastirit, të mbajtur në prill të vitit 1910, u mor vendimi që të hapej gazeta “Shkupi” si promotore e shpalljes së Pavarësisë. Përmes saj jepej sinjali se udhëtimi i Rilindjes Kombëtare do të kulmonte në Shkup, në kryeqendrën shpirtërore të shqiptarëve, aty ku ideja e lirisë dhe e shtetit do të merrte formën e saj të plotë.

Më 29 gusht 1911, në këtë kryeqendër të Vilajetit të Kosovës, doli numri i parë i gazetës “Shkupi”. Sot pas, 114 vjet më vonë, ne përulemi me nderim dhe krenari para këtij akti historik që nuk ishte vetëm një hap në fushën e shtypit shqiptar, por një gur themeltar në ndërgjegjësimin kombëtar, politik dhe kulturor të shqiptarëve.

Editor i gazetës “Shkupi” ishte intelektuali i jashtëzakonshëm Jashar Erebara, i cili me guxim dhe vizion mori përsipër ta udhëhiqte këtë organ të rëndësishëm të shtypit shqiptar. Ai nuk ishte vetëm një redaktor, por një strateg i fjalës së shkruar, që me mjeshtëri bashkëpunoi ngushtë me bartësit kryesorë të Lëvizjes Kombëtare, si Hasan Prishtina, Ismail Qemali dhe të tjerë. Me horizontin e gjerë intelektual që e karakterizonte, Erebara nuk e kufizoi gazetën vetëm në temat e hapësirës shqiptare, por e shtriu atë në diapazon evropian dhe botëror, duke pasqyruar drejt trendet e lëvizjeve ndërkombëtare. Në faqet e “Shkupit” ai shpesh publikonte editoriale të fuqishme, ku reagonte ndaj politikave të padrejta që popujt ballkanikë dhe fuqitë e mëdha evropiane ushtronin mbi shqiptarët, duke e shndërruar kështu gazetën në një tribunë të së vërtetës dhe një mburojë të të drejtave kombëtare.

Gazeta “Shkupi” nuk qe një botim i zakonshëm. Ajo mbërriti në një kohë kur Perandoria Osmane po i numëronte vitet e fundit në Ballkan, kur sferat e ndikimit të fuqive të mëdha dhe lakmitë territoriale të fqinjëve rrezikonin copëtimin dhe zhdukjen e qenies shqiptare. Ishin kohë udhëkryqi, ku fatet e popujve përcaktoheshin nga intrigat diplomatike dhe marrëveshjet e fshehta mes shteteve të mëdha, ndërsa populli shqiptar, ende pa shtet, kërkonte të mbijetonte e të afirmohej. Pikërisht në këto rrethana, gazeta “Shkupi” mori guximin të bëhej zëdhënëse e një kombi që ende nuk kishte shtetin e tij, por që kishte shpirtin dhe vullnetin për të qenë i lirë.

Rëndësia e kësaj gazete është e shumëfishtë. Së pari, sepse doli në Shkup, qytet simbolik dhe strategjik, që përfaqësonte një nga qendrat kryesore të Lëvizjes Kombëtare Shqiptare. Emri i saj mbart një mesazh të qartë: shqiptarët nuk ishin të huaj në këtë qytet, përkundrazi, ishin pjesë e pandarë e tij, bartës të kulturës dhe identitetit të tij. Së dyti, “Shkupi” dëshmonte se gazetaria shqiptare, edhe në kushte të rënda, ecte në hap me zhvillimet e kohës, duke mos mbetur prapa shtypit të vendeve të tjera të rajonit. Së treti, ajo përfaqësonte mendimin politik autentik shqiptar, duke artikuluar idetë e lirisë, arsimit dhe kulturës në gjuhën amtare, duke i dhënë krahë një populli që kërkonte të shndërrohej nga masë e shtypur në komb të vetëdijshëm.

Megjithëse jetëshkurtër (29 gusht 1911 – 3 tetor 1912), gazeta “Shkupi” la gjurmë të pashlyeshme. Nëpërmjet artikujve të saj, ajo paralajmëronte për rreziqet që i kanoseshin shqiptarëve nga fqinjët dhe nga intrigat e kohës, por njëkohësisht nxitonte të përhapte idenë se vetëm arsimi, kultura dhe veprimi i organizuar politik e ushtarak mund ta shpëtonin kombin nga asimilimi dhe zhdukja.

Pas ndërprerjes së botimit të saj, në tetor të vitit 1912 për shkak të okupimit serb të Shkupit, vijimësia e gazetës “Shkupi” u ringjall në vitin 1945 me daljen e gazetës “Flaka e Vëllazërimit”, e cila luajti një rol të rëndësishëm në proceset kulturore e shkencore të ngritjes së shqiptarëve në hapësirat e atëhershme jugosllave. Me ndryshimet shoqërore të viteve ’90, trashëgimia e saj u pasua nga gazeta “Fakti”, e cila mori mbi vete një mision të veçantë në pasqyrimin e zhvillimeve politike e kombëtare, duke qenë zë i fuqishëm në periudhën e luftës së Kosovës dhe në rrethanat e reja shoqërore e politike në Maqedoni në fund të shekullit XX.

Sot, kur shfletojmë faqet e saj të verdha nga koha, na pushton një ndjenjë e dyfishtë: nga njëra anë keqardhja se idealizmi i veprimtarëve të asaj kohe nuk u realizua i plotë në vitet pas shpalljes së Pavarësisë; nga ana tjetër, krenaria se idealet e tyre nuk u shuan kurrë. Ato jetuan, u përcollën brez pas brezi dhe sot janë pjesë e shpirtit liridashës të shqiptarëve kudo që janë.

Gazetarët e sotëm, ashtu si rilindësit e djeshëm, kanë një mision të shenjtë: të jenë në shërbim të kauzës kombëtare dhe të paraprijnë unitetit intelektual dhe politik të shoqërisë shqiptare. Në kohën kur çështja shqiptare po sfidohet nga konfiguracione të reja të ndarjes së interesave botërore, përgjegjësia e elitave intelektuale dhe politike është të lexojnë drejt kohën, të identifikojnë rreziqet dhe të udhëheqin me vizion. Përvjetori i gazetës “Shkupi” është kujtesë dhe paralajmërim se fjala, mendimi dhe uniteti mbeten armët më të fuqishme të kombit tonë.

Shkup, 28.08.2025

The post Gazeta “Shkupi”, zëdhënëse e një kombi që ende nuk kishte shtet first appeared on JavaNews.al.

The post Fatmir Mediu është simboli i shkëlqyer i opozitës së sotme first appeared on JavaNews.al.

The post Frikë nga programi bërthamor, bota po rikthen sanksionet e OKB kundër Iranit first appeared on JavaNews.al.

The post Po i bëjnë presion për t’i marrë aeroportin e Vlorës? Behgjet Pacolli sqaron të vërtetën first appeared on JavaNews.al.

Festivali Ndërkombëtar i Artit, Gjon Mili International Video Art Festival, është një ngjarje inovative e fokusuar tek video arti. I krijuar në nder të Gjon Milit – artistit dhe fotografit të shquar për teknikat e tij eksperimentale – ky festival mbledh bashkë artistë, kineastë dhe audienca nga e gjithë bota.

I organizuar si festival lëvizës mes Shqipërisë dhe Shteteve të Bashkuara, ai shërben si një platformë ku prezantohen vepra avangarde që sfidojnë kufijtë e vizuales. Programi i pasur përfshin ekspozita të video artit, shfaqje filmash, punëtori dhe seminare, duke nxitur shkëmbimin kulturor dhe frymëzuar perspektiva të reja krijuese.

Qyteti i Korçës hap sot dyert për një nga ngjarjet më të veçanta kulturore të vitit, edicionin e tretë të Festivalit Ndërkombëtar të Video-Arteve “Gjon Mili”, me temën “The Skin of Light”. Ky festival, që tashmë është bërë një traditë në qytetin e lindjes së mjeshtrit të madh të fotografisë, rikthehet për të sjellë artin bashkëkohor dhe teknologjinë në një përvojë mbi-realiste, ku drita, kujtesa dhe koha marrin trajta të reja në duart e artistëve ndërkombëtarë.

Këtë vit, festivali zhvillohet më 27, 28 dhe 29 gusht në ambientet e Muzeut të Fotografisë “Gjon Mili”, një hapësirë që nuk është zgjedhur rastësisht. Organizatorët theksojnë se filozofia e këtij edicioni lidhet drejtpërdrejt me fillesën, me vendin ku mori jetë frymëzimi i madh i Milit, duke krijuar një dialog të fuqishëm mes trashëgimisë së fotografit dhe shprehjes bashkëkohore artistike. Prania e veprave të reja në këtë muze kthehet në një akt simbolik: aty ku drita u bë gjuhë krijuese për Gjon Milin, tani ajo gjen një interpretim të ri nga artistë që eksperimentojnë me format dhe teknologjitë e kohës sonë.

Në programin e këtij edicioni janë përfshirë gjashtëdhjetë e dy artistë të përzgjedhur nga vende të ndryshme të botës, të cilët do të prezantojnë punime të një spektri të gjerë krijimtarie. Publiku do të ketë mundësinë të ndjekë video-art eksperimental, dokumentarë të shkurtër, animacione, instalacione audiovizuale dhe krijime që sfidojnë kufijtë tradicionalë të artit. Puna e tyre përqendrohet tek trajtimi multisensorial i dritës, kohës dhe kujtesës, duke i shndërruar këto koncepte në përvoja të reja ndijore, që synojnë të kapërcejnë perceptimin e zakonshëm. Titulli “The Skin of Light” nuk është thjesht një metaforë poetike, por një udhërrëfyes i gjithë programit: ai sugjeron prekjen e dritës, transformimin e saj në një lëkurë që mbështjell kujtesën dhe kohën, duke e kthyer artin në një formë trupi të gjallë.

Festivali “Gjon Mili” është më shumë se një ngjarje artistike; ai është një platformë e gjallë ku takohen arti dhe teknologjia. Duke e parë dritën si element estetik, si mjet teknologjik, por edhe si simbol transformimi shoqëror, ky edicion synon të sjellë një përvojë që nuk kufizohet vetëm në kinematë apo sallat e ekspozitës, por shtrihet në ndërgjegjen e publikut si një ftesë për të menduar ndryshe mbi të shkuarën dhe të ardhmen. Korça, e njohur për traditën e saj të pasur kulturore dhe për vendin që zë në historinë artistike të vendit, kthehet kështu në një laborator ndërkombëtar të artit bashkëkohor.

Ky festival nuk ka ndikim vetëm në fushën e artit, por është gjithashtu një hap i rëndësishëm për vetë qytetin dhe kulturën shqiptare. Ai sjell në Korçë jo vetëm artistë dhe kuratorë të njohur nga skena ndërkombëtare, por edhe vizitorë të shumtë, duke e gjallëruar jetën kulturore dhe duke i dhënë një shtysë të re turizmit kulturor. Me kalimin e viteve, festivali po kthehet në një pikë referimi, një ngjarje e cila e vendos Korçën në qendër të hartës kulturore të rajonit dhe më gjerë, duke e lidhur trashëgiminë e Gjon Milit me artin e së sotmes dhe vizionin e së nesërmes.

The post Filloi në Korçë nata e parë e Festivalit ndërkombëtar të Video Artit ”Gjon Mili” first appeared on JavaNews.al.

The post Skemat piramidale online, Braçe: Ndërprisni aktivitetin, mos u bëni pjesë e krimit first appeared on JavaNews.al.

The post Piloti ushtarak dhe e dashura e tij u arrestuan për spiunazh, Qeveria e Kosovës mohon lidhjen: S’ka pasur qasje në informacione first appeared on JavaNews.al.

The post Përdorimi i Ringjalljes si “Rikthimi i Përbindëshit” first appeared on JavaNews.al.

The post Manjani ironi me Mediun: Ringjallja? Sa herë e dëgjoj, më shfaqet lugati! first appeared on JavaNews.al.