Selena Gomez shpjegoi saktësisht se si ajo dhe Taylor Swift u bënë shoqe të ngushta në episodin e së mërkurës në podcastim “Therapuss”.

Ish-ylli i Disney Channel, 33 vjeçe, tregoi se ajo dhe këngëtarja pop, 35 vjeçe, ishin në lidhje me vëllezërit e bendit “Jonas Brothers”.

“Unë isha në lidhje me Nick [Jonas] derisa ishte me Joe [Jonas]”, kujtoi Gomez. “Ishte e ëmbël. Ishim të reja… Nuk dinim se çfarë po bënim”.

Ylli i “Only Murders in the Building” shtoi: “Unë isha rreth 15 vjeç, ajo rreth 18, dhe atëherë ishte ajo Taylor me flokë kaçurrela, që mbante gjithë ato byzylykë që i shkonin deri lart në krah. Ishte vërtet e bukur”.

Tani dyshja “pëlqejnë të thonë se gjëja më e mirë që morën nga ato marrëdhënie ishte miqësia me njëra-tjetrën”.

Swift dhe Joe, 35 vjeç, u ndanë në vitin 2008, ndërsa Gomez dhe Nick, 32 vjeç, u ndanë po atë vit — dhe sërish në vitin 2010.

“Në atë moshë, [unë dhe Taylor] u bëmë shoqe të ngushta dhe u afruam përmes ndarjes”, kujtoi ylli i “Wizards of Waverly Place”. “Ashtu siç bëjnë vajzat”.

“Pastaj, nuk e di, thjesht mbetëm pranë njëra-tjetrës për të gjitha ngritjet dhe uljet që pasuan. Dhe ja ku jemi tani, 16 vjet më vonë”.

Swift besohet se ka shkruar këngën “Love Story” për kohën që kaloi me Joe, dhe Gomez i tha dëgjuesve se e kishte dëgjuar hitin e vitit 2008 para se Swift ta publikonte. /Telegrafi/

The post Dikur ishin kunata – Selena Gomez tregon se si ajo dhe Taylor Swift u bënë shoqe të ngushta appeared first on Telegrafi.

Amal Clooney bëri sërish një paraqitje mahnitëse teksa ajo dhe bashkëshorti i saj, George Clooney, dolën për darkë me mysafirë në Liqenin Como të mërkurën.

Çifti, 47 dhe 64 vjeç, u panë duke përshëndetur mysafirët, para se të niseshin me varkë drejt Villas Passalacqua për mbrëmjen.

Amal shkëlqeu me një fustan të gjatë dhe të lirshëm të kombinuar me një çantë dore të artë dhe një buqetë rozë.

Ndërkohë, George dukej shumë elegant në një kostum gri të prerë mirë dhe syze aviator, teksa dolën krah për krah.

Çifti, të cilët zotërojnë një vilë në Laglio, pranë Liqenit Como, ndodhen në zonë për të organizuar një përvojë ekskluzive të Fondacionit Clooney për Drejtësi, me darka dhe evente që zhvillohen në Villa Passalacqua.

Avokatja e shquar Amal, e cila u martua me George në vitin 2014, njihet për veshjet e saj mahnitëse në çdo paraqitje. /Telegrafi/

The post Çifti Clooney shkëlqyen me paraqitjen e tyre në një event të tyre në Como appeared first on Telegrafi.

Ylli i “Desperate Housewives”, Teri Hatcher, ndau një postim në Instagram ku tregonte se si duket pa grim.

Aktorja 60-vjeçare ndau një kolazh selfie-sh nga një shëtitje në mbrëmje për të treguar perëndimin e diellit, por edhe se si duket në bukurinë e saj natyrale.

“Duke ecur nëpër perëndimin e diellit në atë orë magjike të artë që çdo operator fotografik fitues i çmimit Oscar do ta ndiqte, doja të shihja se cili ishte ndryshimi dhe nëse kishte rëndësi. Ja pra një pamje timen pa filtër përballë diellit”, deklaroi ajo në fillim të postimit.

 

View this post on Instagram

 

A post shared by Teri Hatcher (@officialterihatcher)

Ajo u tha ndjekësve të saj që të mos ngurronin ta zmadhonin foton për të parë rrudhat e saj.

Aktorja gjithashtu kujtoi se si tregoi se si dukej pa grim në vitin 2010 dhe deklaroi se shumë njerëz mendonin se ishte e çmendur që e bënte këtë.

Teri Hatcher njihet për rolin e Susan në serialin e njohur Desperate Housewives, një serial tejet i dashur.

The post Si duket Teri Hatcher sot? Ylli i “Desperate Housewives” postoi një foto pa grim appeared first on Telegrafi.

Ish-banorja e Big Brother VIP Kosova, Alba Vukaj, vazhdon të dëshmojë se di gjithmonë si të tërheqë vëmendjen — jo vetëm përmes personalitetit të saj karizmatik, por edhe me paraqitjet plot stil dhe finesë.

Së fundmi, Alba ka ndarë me ndjekësit e saj një seri fotosh ku shfaqet mahnitëse, e veshur me një fustan të shkurtër në ngjyrë vanilje, i cili thekson në mënyrë perfekte linjat e saj elegante dhe fizikun e tonifikuar.

Fustani minimalist por mjaft i rafinuar i jep asaj një pamje të freskët dhe verore, duke reflektuar njëherësh thjeshtësi dhe elegancë.

Ajo kishte zgjedhur që veshjen ta kompletonte me një çantë të së njëjtës ngjyrë, duke krijuar një harmoni të butë vizuale, ndërsa këpucët nude i shtonin edhe më shumë finesë dhe delikatesë pamjes së përgjithshme.

Flokët e kapura në një topuz të rregullt i linin më shumë hapësirë bukurisë së saj për të dalë në pah. Grimi ishte i lehtë dhe i pastër, duke i dhënë theks freskisë dhe shkëlqimit të lëkurës së saj, ndërsa prezenca e saj në fotografi rrezatonte vetëbesim dhe hijeshi.

The post Alba Vukaj mahnitë me bukurinë e saj përmes një sërë imazhesh appeared first on Telegrafi.

Sara Kolami di gjithmonë si të befasojë ndjekësit e saj.  

Këtë herë, moderatorja e njohur ka bërë një transformim të dukshëm në stilin e flokëve, duke zgjedhur një ndryshim që tërheq menjëherë vëmendjen.

Ajo ka stiluar flokët në një mënyrë jashtëzakonisht të veçantë, duke iu afruar pamjes së ikonës së famshme Marilyn Monroe, një imazh që ngjall elegancë dhe shkëlqim klasik.

Në një postim në rrjetet sociale, Sara pyeti ndjekësit e saj me një ton të lehtë dhe misterioz: “Si duhet ta quajmë?”, pa dhënë detaje të tjera për transformimin e saj, duke i lënë fansat të imagjinojnë dhe komentojnë.

Sara Kolami, e cila ishte banore në edicionin e tretë të Big Brother VIP Kosova, ka vazhduar të jetë pjesë aktive e botës së televizionit edhe gjatë kësaj vere, përmes projektit të saj të ri “Supernova”.

Ajo ka arritur të mbajë një prani të fuqishme në ekran, duke befasuar vazhdimisht me paraqitjet e saj të guximshme dhe tërheqëse. /Telegrafi/

The post Sara Kolami befason me ndryshimin e saj në flokë appeared first on Telegrafi.

Aktorja Kelley Mack, e njohur për paraqitjen e saj në dramën post-apokaliptike me zombi “The Walking Dead”, ka ndërruar jetë. Ajo ishte 33 vjeçe.

Mack, e lindur me emrin Kelley Klebenow, “u nda nga jeta në paqe” në qytetin e saj të lindjes, Cincinnati, të shtunën, pas një beteje me gliomën e sistemit nervor qendror, sipas një deklarate të publikuar në rrjetin social CaringBridge.

Glioma është një lloj tumori që prek trurin ose palcën kurrizore.

“Me një trishtim të pashlyeshëm njoftojmë ndarjen nga jeta të të dashurës sonë Kelley. Një dritë kaq e ndritshme dhe e zjarrtë ka kaluar përtej, aty ku të gjithë ne do të shkojmë një ditë,” thuhej në një postim në Instagramin e Mack të martën, shoqëruar me një foto të aktores.

Ngushëllime kanë ardhur nga kolegë, miq dhe fansa që e kanë kujtuar atë si një “talent” dhe një “shpirt të ëmbël”.

“Çfarë njeriu i jashtëzakonshëm. Jam shumë krenare që luftova përkrah saj në episodin tonë të fundit së bashku,” shkroi Alanna Masterson, e cila gjithashtu luajti në “The Walking Dead”. /Telegrafi/

The post Ndahet nga jeta ylli i serisë “The Walking Dead”, Kelley Mack appeared first on Telegrafi.

Fansat e Kris Jenner pretenduan se vunë re gjashtë gishtërinj në këmbën e yllit televiziv, në disa fotografi të publikuara së fundmi.

Jenner 69 vjeçare, kishte publikuar disa imazhe ku pozonte me një fustan elegant me një palë sandale, për drekën e ditëlindjes së nënës së saj, Mary Jo ‘MJ’ Campbell.

Por, fansat u vunë menjëherë re dhe vënë në dukje se në fotot dukej sikur ajo kishte një gisht shtesë, duke komentuar: “A i ka gjashtë gishta apo po më duket?”.

“Edhe unë e vërejta”, vijonte një koment tjetër.

Të tjerë shpjeguan saktë se kjo ishte vetëm për shkak të ngjyrës nude të pjesës së poshtme të sandaleve që krijonte iluzionin e një gishti shtesë.

Në të kaluarën, vajza e Kris, Kim Kardashian, është detyruar të mohojë se ka gjashtë gishta, pas disa gabimeve në Photoshop.

Në vitin 2020, ajo u përpoq të sqaronte çështjen njëherë e mirë, duke filmuar këmbën e saj dhe duke numëruar çdo gisht.

Në një seri videosh të postuara në Instagram story, ajo e quajti teorinë për një gishtë shtesë “shumë të çmendur”.

The post Fansat aludojnë se Kris Jenner ka gjashtë gishta sipas imazhit që ngjalli kuriozitet appeared first on Telegrafi.

Këngëtarja e njohur shqiptare, Bleona Qereti, ka treguar një anë të veçantë dhe shumë njerëzore të saj duke birësuar një luan në Afrikë, të cilin e ka emëruar me emrin Sarara.

Lajmin emocionues e bëri të ditur vetë gjatë një bisede të hapur me gazetarin e njohur, Blendi Fevziu, ku rrëfeu edhe detaje për këtë gjest simbolik.

“Unë kam marrë këtë [byzylykun] dhuratë për ditëlindje, vlera e së cilës shkon për të shpëtuar një luan në Afrikë,” – tha ajo.

 

View this post on Instagram

 

A post shared by Blendi Fevziu (@blendifevziu)

Për më tepër, Bleona shpjegoi se përmes një aplikacioni të quajtur Fahlo, i cili është një platformë që bashkëpunon me organizata të ndryshme për mbrojtjen e jetës së egër, ajo mund të ndjekë në kohë reale lëvizjet e luanit të birësuar.

Këngëtarja ndau edhe disa pamje të aplikacionit duke treguar se si funksionon.

Beona gjithashtu shprehu dëshirën e saj të madhe për të takuar personalisht titanin e teknologjisë Elon Musk, për t’iu lutur për një kërkesë.

“Dua të takohem me Elon Musk dhe dua t’i kërkojë që t’i shpëtojë të gjitha kafshët e kësaj bote”, theksoi ajo mes tjerash. /Telegrafi/

The post Bleona Qereti birëson një luan në Afrikë: Dua të takohem me Elon Musk dhe t’i kërkojë të shpëtojë kafshët e gjithë botës appeared first on Telegrafi.

Pas suksesit të jashtëzakonshëm që pushtoi ekranet dhe zemrat e miliona fansave në mbarë botën, Wednesday rikthehet me sezonin e dytë – dhe këtë herë është më i errët, më i ndërlikuar dhe më misterioz se kurrë më parë.

Pjesa e parë e këtij sezoni të ri publikohet sot, më 6 gusht, duke hapur një kapitull krejtësisht të ri në jetën e enigmatikes Wednesday Addams. Me një stil akoma më gotik dhe një atmosferë që të mban pezull që nga minuta e parë, sezoni i dytë premton të zbulojë sekrete të fshehta dhe ngjarje që do të trondisin botën e Nevermore Academy.

Ky serial që tashmë ka bërë namin global, do të jetë sërish në dispozicion në platformën e njohur Netflix, ku fansat do të kenë mundësinë të zhytën në një botë të errët dhe plot tension.

Por pritja nuk mbaron këtu! Pjesa e dytë e sezonit do të publikohet më 3 shtator, duke sjellë një vazhdimësi të ngjarjeve që premtuan të jenë edhe më emocionuese, plot kthesa dhe mistere që do t’i mbajnë të gjithë në ankth deri në fund.

Nëse menduat se e njihnit Wednesday, kjo rikthim do t’ju bindë se errësira ka vetëm filluar. /Telegrafi/

The post Rikthehet seriali i shumëpritur Wednesday, sot publikohet pjesa e parë e sezonit të dytë appeared first on Telegrafi.

Rachel Zegler u fotografua me të dashurin e saj, Nathan Fernand, teksa të dy bënin një shëtitje në shi në Londër, të hënën.

Aktorja 24-vjeçare dhe partneri i saj, kërcimtari 27-vjeçar, dukeshin shumë të afërt me njëri-tjetrin gjatë ecjes nëpër rrugët e kryeqytetit.

Për këtë dalje, ylli i filmit Snow White kishte zgjedhur një veshje të thjeshtë: një bluzë gri të errët dhe xhinse blu. Ajo e kombinoi pamjen me çizme të zeza dhe një çantë të kuqe lëkure, të cilën e mbante mbi supe.

Ndërkohë, Nathan kishte veshur një bluzë jeshile, xhinse të gjera blu dhe një kapele të zezë me logon e Yankees.

Thuhet se çifti janë njohur gjatë provave për muziklin Evita, që nisën në prill, për adaptimin e regjisorit Jamie Lloyd të veprës së famshme nga Tim Rice dhe Andrew Lloyd Webber. /Telegrafi/

The post Rachel Zegler fotografohet në krahët e të dashurit gjatë një shëtitjeje në Londër appeared first on Telegrafi.

Modelja dhe këngëtarja e njohur shqiptare, Morena Taraku, ka ndarë me ndjekësit e saj një moment delikat nga jeta personale, duke treguar se ndodhet aktualisht në spital për trajtim mjekësor.

Përmes një postimi në InstaStory, ajo ka ndarë një fotografi të vetes nga shtrati i spitalit, ku shihet me një fashë mjekësore në zonën e barkut. E veshur me një palë tuta të bardha dhe me telefon në dorë, Morena shfaqet në qetësi, ndërsa në sfond vërehen elementët e një ambienti spitalor.

Në mbishkrimin prekës që shoqëron foton, Morena zbulon se ka kaluar muaj të vështirë të mbushur me ulje-ngritje.

 “Kam kaluar shumë gjatë këtyre muajve të fundit — ulje-ngritje, probleme shëndetësore të babait tim, stres dhe momente të gëzueshme. Por kam vetëm një kërkesë: ju lutem, jetoni jetën tuaj pa stres dhe pa zemërim. Jeta është e bukur dhe nuk duhet ta marrim as edhe një minutë si të mirëqenë.

Kaloni jetën me njerëz që ju duan dhe që i doni — kjo është lumturia e vërtetë në jetë.

Faleminderit për mesazhet dhe dashurinë tuaj.

Me shumë dashuri për të gjithë ju”, shkroi Morena në postimin e saj.

Deri tani, nuk janë dhënë detaje të sakta mbi gjendjen shëndetësore të saj. /Telegrafi/

The post Morena Taraku shtrohet në spital, publikon një fotografi me një fashë në zonën e barkut – por vjen me një mesazh domethënës appeared first on Telegrafi.

Sunny Hill Festival 2025 shënoi një nga ngjarjet më të rëndësishme kulturore dhe muzikore në Kosovë, duke e vendosur sërish Prishtinën në qendër të vëmendjes ndërkombëtare.

Ky festival, i cili tashmë është kthyer në një simbol të fuqishëm të identitetit urban dhe rinor të vendit, jo vetëm që solli yje botërore në skenën kosovare, por gjithashtu solli të hyra për Prishtinën.

Përvec imazhit global, kosovarët  fituan edhe para nga të huajt që erdhën ta kënaqin shpirtin me muzikë. Dhe atë jo pak, raporton Klan Kosova.

Madje një pjesë e fitimeve shkoi edhe në rajon.

Nëse dikush e përjetoi më së shumti fluksin e festivalit, ishin taksistët që ditë e natë përshkuan rrugët, duke bartur turistë nga e gjithë bota për në Bërnicë.

Hysen Sogojeva nga Oda e Hotelerise e Turizmit thotë se përfitimet sillen nga 22 milionë euro.

“Përmbi 22 milionë sillet që veç Prishtina i ka fitu këtu kanë fitu të gjithë, nuk ka fitu veç Prishtina me Hotele por të gjithë, ai i ushqimit ai i gastronomisë, ai i veshmbathjes”, tha ai.

Sipas Odës, Sunny Hill tashmë ka emrin e një eventi që sjell më së shumti të ardhura financiare.

The post Sogojeva: Prishtina fitoi 22 milionë euro të hyra nga Festivali Sunny Hill appeared first on Telegrafi.

Një nënë influencuese ka thyer shtyllën kurrizore pasi mori pjesë në sfidën virale të quajtur “Stiletto Challenge”, e frymëzuar nga Nicki Minaj.

Mariana Barutkina, 32 vjeçe, u përpoq të qëndronte në ekuilibër mbi një kavanoz me ushqim për foshnje të vendosur mbi një tenxhere të përmbysur – e gjitha kjo, ndërsa mbante taka shumë të larta.

Pamjet tregojnë momentin kur ajo përpiqet të bëjë pozicionin e vështirë mbi ishullin e kuzhinës së saj, përpara se të rrëzohet prapa dhe të përplaset në dysheme.

Kjo ndodhi pasi “Stiletto Challenge” është bërë virale në rrjetet sociale – një veprim i rrezikshëm që përpiqet të rikrijojë pozën e famshme nga videoklipi i këngës “High School” të Nicki Minaj.

Në atë video, reperja shfaqet pranë një pishine, me taka të larta, duke u ulur në gjunjë me një këmbë të kryqëzuar mbi tjetrën.

 

View this post on Instagram

 

A post shared by Мариана | материнства | живу жизнь (@mariana_vasiuc)

Mariana, një stiliste thonjsh nga Jekaterinburgu i Rusisë, tha se e bëri këtë sfidë vetëm tetë javë pas lindjes.

Ajo u shpreh: “Vendosa të hap një blog, xhirimi im i parë — dhe ja ku jam, duke dalë nga spitali me një diagnozë.

Ironi? Karma? Apo thjesht jeta, që gjithmonë na vë në provë në momentin më të papritur.”

Ajo pësoi një frakturë të shtypur dhe të përkulur në shtyllën kurrizore — duke e detyruar të mbajë një korse për tre muaj.

Videoja u bë virale në Rusi, ku shumë njerëz e kritikuan influenceren e cila u bë nënë për herë të parë, sipas tyre, vuri famën mbi kujdesin ndaj foshnjës së saj.

Një komentues shkroi: “Ironi? Karma? Budallallëk dhe guxim”.

Një tjetër shtoi: “Të jetosh deri në 32 vjeç, të kesh fëmijë, por të mos fitosh asnjë pikë mençuri – duhet të përpiqesh shumë për këtë”. /Telegrafi/

The post Një influencuese ruse theu shpinën pasi u përpoq të bënte një trend duke qëndruar me taka mbi një kavanoz appeared first on Telegrafi.

Shkaku i vdekjes së legjendarit të heavy metal-it, Ozzy Osbourne, u bë i ditur pas ndarjes së tij nga jeta muajin e kaluar në moshën 76-vjeçare.

Kryetari i grupit Black Sabbath, i diagnostikuar me sëmundjen e Parkinsonit në vitin 2019, ndërroi jetë më 22 korrik, i rrethuar nga familja e tij.

Sipas certifikatës së vdekjes, Ozzy vdiq nga një “infarkt akut i miokardit” dhe “ndalim kardiak”.

Ai u varros javën e kaluar në pronën e tij në Buckinghamshire, gjatë një funerali privat ku morën pjesë familjarët dhe disa yje të muzikës rock.

Gruaja e tij Sharon, 72 vjeçe, dhe fëmijët e tyre u shoqëruan nga emra si Marilyn Manson dhe gitaristi kryesor i Ozzy-t, Zakk Wylde, gjatë ceremonisë në pronën familjare pranë Gerrards Cross.

Vdekja e tij ndodhi vetëm pak javë pas performancës së tij të fundit në koncertin e lamtumirës në stadiumin Villa Park në qytetin e tij të lindjes, Birmingham.

Në këtë koncert – vetëm tre javë para se të largohej nga jeta – Ozzy u ribashkua me anëtarët origjinalë të Black Sabbath për herë të parë që nga viti 2005.

The post Shkaku i vdekjes së Ozzy Osbourne zbulohet pas ndarjes së tij nga jeta në moshën 76-vjeçare appeared first on Telegrafi.

Sunny Hill Festival përmbylli me sukses edicionin e sivjetmë, duke sjellë në skenë emra të njohur dhe performanca të paharrueshme për një publik të entuziazmuar.

Festivali pati pjesëmarrës nga vende të ndryshme të botës, me një prani të veçantë të një numri të madh fansash nga Turqia, të cilët u bënë pjesë e atmosferës unike që ofron kjo ngjarje.

Një nga pjesëmarrëset e këtij festivali ishte edhe aktorja dhe influencerja Müge Boz, e cila ndau në rrjetet e saj sociale disa përshtypje të sinqerta për përvojën e saj dhe për artistët që performuan gjatë festivalit.

 

View this post on Instagram

 

A post shared by Müge Boz (@mugeboz)

Në mesazhet e saj, ajo veçoi po ashtu reperin shqiptar Ledri Vula si një nga emrat që i tërhoqën më shumë vëmendjen. Në një postim të shkurtër, Müge shkroi:

“Ledri Vula ishte nga emrat që më tërhoqën vëmendjen. Ai konsiderohet reperi më i mirë i Kosovës. Edhe pse nuk jam fanse e rap-it, muzika e tij më pëlqeu shumë, ndaj vendosa ta përfshij në sugjerimet e mia për ju”.

Por ajo që e bëri momentin edhe më special ishte reagimi i vetë Ledri Vulës. Për habinë e ndjekësve, reperi komentoi në postimin e Müge Boz, duke i shprehur falënderimet e tij në gjuhën turke.

Ai gjithashtu shtoi me një mesazh në anglisht: “Shihemi vitin tjetër,” duke treguar entuziazmin për një rikthim të mundshëm në Sunny Hill Festival. /Telegrafi/

The post Ledri Vula tërheq vëmendjen e aktores turke në Sunny Hill, reperi i përgjigjet në turqisht appeared first on Telegrafi.

Lily Collins dukej shumë stil gjatë xhirimeve për sezonin e pestë të “Emily in Paris” në kryeqytetin francez të hënën.

Aktorja 36-vjeçare, e njohur për rolin e ekzekutives së marketingut, Emily Cooper, u pa në set duke mbajtur një buqetë të madhe me lule jashtë një lulishte.

Ajo tërhoqi vëmendjen me një palë pantallona të shkurtuara me printime lulesh dhe një bluzë të kuqe e të bardhë, të thurur me grep.

Për të kompletuar pamjen, veshi këpucë sportive kafe të markës Adidas dhe mbante një çantë ngjyrë kafe.

Në një moment, ajo dukej e thelluar në bisedë me shitësen në dyqan, ndërsa mbante edhe një çantë të bardhë prej rrjeteje, plot me ushqime.

Seria e ardhshme, që po pritet me padurim, do të shfaqë Emily-n duke u përpjekur të gjejë ekuilibrin mes jetës së saj të re në Romë dhe asaj që la pas në Paris.

Në fund të sezonit të katërt, Emily duhej të merrte një vendim të rëndësishëm pasi iu ofrua pozicioni i drejtoreshës së zyrës së Agence Grateau në Itali. /Telegrafi/

The post Lily Collins dukej plot stil në rolin e Emily-t gjatë xhirimeve për sezonin e pestë të serialit appeared first on Telegrafi.

Bora Zemani, një ndër figurat më të dashura të ekranit shqiptar, ka tërhequr sërish vëmendjen me paraqitjen e saj të fundit, duke dëshmuar edhe një herë stilin e saj të sofistikuar dhe elegancën natyrale.

Në disa imazhe të publikuara në rrjetet sociale, Bora shfaqet e veshur me një fustan të gjatë ngjyrë vanilje, i cili i binte lirshëm deri në fund të këmbëve, duke e theksuar me delikatesë siluetën e saj elegante.

Detajet e fustanit – prerja e pastër, materiali që rrëshqet lehtësisht mbi trup dhe tonaliteti i butë – i jepnin veshjes një ndjesi të lehtë, verore dhe njëkohësisht shumë tërheqëse.

Flokët e saj, të lëna të lirshme dhe të stiluara në valë të buta, e plotësonin pamjen duke nxjerrë në pah veçoritë e bukura të fytyrës së saj: tiparet e rregullta, shikimin e qetë dhe buzëqeshjen e saj të ëmbël që tashmë është bërë pjesë e identitetit të saj publik.

Për të përmbyllur look-un me finesë, Bora kishte zgjedhur një çantë dhe një palë taka në të njëjtën ngjyrë si fustani, duke ruajtur një harmoni të përkryer në veshje.

Kombinimi i nuancave dhe aksesorëve i jepte paraqitjes së saj një pamje të kuruar deri në detaj, por pa humbur thjeshtësinë që e karakterizon. /Telegrafi/

The post Bora Zemani tërhoqi vëmendjen në paraqitjen e saj më të fundit me fustan ngjyrë vanilje appeared first on Telegrafi.

Një fanse humbi ndjenjat në skenë gjatë koncertit të Katy Perry-t të dielën.

Gjatë çdo nate të turneut të saj Lifetimes, këngëtarja 40-vjeçare fton disa fansa në skenë për ta ndihmuar në interpretimin e këngës së saj të vitit 2011, The One That Got Away.

Por emocionet ishin tepër të forta për një fanse të vogël, me emrin McKenna, e cila humbi ndjenjat pikërisht në momentin kur Perry po përgatitej të niste këngën.

Sipas Billboard, këngëtarja e njohur thirri McKennën dhe një shoqe të saj nga skaji më i lartë i arenës Little Caesars në Detroit, Michigan, për t’u bashkuar në skenë.

Kur McKenna u rrëzua, ajo u ndihmua menjëherë nga pjesëtarë të stafit të Perry-t dhe nga ekipi mjekësor i vendit, ndërkohë që vetë këngëtarja u ul pranë saj për t’i qëndruar afër.

Pas largimit të vajzës nga skena, Perry përqafoi tre fanset e tjera në një përqafim të përbashkët dhe bëri një lutje, duke thënë:

“O Zot, lutemi për McKennën, që ajo të rikthehet plotësisht, më e ndritshme dhe më e fortë se kurrë. Amen”.

Ajo shtoi gjithashtu:

“Është shumë. Ndonjëherë je kaq e guximshme dhe ngjitesh në skenë, por ndihesh e tejmbushur nga emocionet. E kuptoj plotësisht atë ndjesi.”

Më vonë, Perry i siguroi të pranishmit duke thënë se “McKenna është mirë”.

Ndërkohë, dy javë më parë, Katy Perry përjetoi një moment frike gjatë koncertit të saj në San Francisko, kur flutura mekanike që ajo po përdorte për të fluturuar mbi publikun papritur ra disa metra poshtë. /Telegrafi/

The post Një fanse e Katy Perryt humbi ndjenjat në njërin prej koncerteve të saj appeared first on Telegrafi.

Reperi i njohur shqiptar, Feronit Shabani, i njohur si Fero, ka bërë një postim emocionues për vajzën e tij, Ninën.

Përmes një postimi në InstaStory, ai deklaron se nuk e ka parë të bijën prej gati një viti.

“Gati një vit pa të parë. Ndoshta ke harruar se kush është babai yt, ose ndoshta po të mungoj. Mendoj shumë për ty, na kanë bërë padrejtësi”, shkroi Fero, duke i shtuar edhe hashtagun #shtetikorruptuar.

Fero prej kohësh ka hedhur akuza ndaj ish-bashkëshortes së tij, Arbenita Ismajlit, duke pretenduar se ajo ka shkelur marrëveshjen e kujdestarisë.

Pas rikthimit në muzikë, reperi ka deklaruar se ka kaluar muaj pa e parë vajzën e tij. Çështja e kujdestarisë mbetet ende e paqartë.

Lexo po ashtu Aktakuzë ndaj Feros, avokatja e Arbenitës: Procesi ka nisur, akuzohet për tri vepra penale

Nga ana tjetër, Fero po përballet me një proces gjyqësor të veçantë, ku iu janë ngritur tri aktakuza për vepra penale.

Sipas disa burimeve mediale, ende të pakonfirmuara nga gjykata, ato përfshijnë ngacmim seksual dhe dhunë psikologjike ndaj ish-bashkëshortes së tij, Arbenitës.

The post “Ndoshta ke harruar se kush është babai yt”, Fero me një postim emocionues për vajzën e tij Ninën appeared first on Telegrafi.

Dua Lipa, ylli me famë botërore, dhuroi një spektakël të jashtëzakonshëm para mijëra të pranishmëve në natën e parë të Sunny Hill Festival në Prishtinë, duke hapur edicionin e sivjetshëm me gjithë madhështinë që e karakterizon si një artiste e kompletuar dhe ndër më të suksesshmet në skenën ndërkombëtare.

Ashtu siç pritej, ajo e nisi performancën me këngën “Training Season”, ndërsa e përmbylli me stil me hitin “Houdini”.

Dua solli një kombinim magjepsës të këngëve nga albumi i saj i fundit Radical Optimism dhe nga suksesi i mëhershëm Future Nostalgia, duke sjellë në Kosovë energjinë e një turneu botëror që sapo ka përfunduar në Evropë dhe do të vazhdojë në shtator në Shtetet e Bashkuara.

Në qendër të vëmendjes nuk munguan as veshjet e saj ikonike, të cilat tashmë janë pjesë e imazhit të saj të turneut. Publiku u befasua veçanërisht nga një moment emocional: Dua interpretoi së bashku me babanë e saj, Dukagjin Lipa, këngën ikonike “Era”, një klasik i muzikës shqiptare. Para se ta ftonte në skenë, ajo tha:

“Ai ka qenë gjithmonë inspirimi im”.

Dua dhe Dukagjini janë gjithashtu bashkëthemelues të Sunny Hill Festival, një iniciativë që synon të sjellë artistë të njohur ndërkombëtarë në Kosovë dhe ta vendosë Prishtinën në hartën e ngjarjeve të mëdha muzikore.

“Është kënaqësi me pas mundësinë me kriju një festival me familjen time për vendin tonë,” u shpreh ajo në shqip gjatë performancës, duke falënderuar gjithashtu organizatorët që kanë bërë të mundur këtë ngjarje tashmë të përvitshme.

Atmosfera ishte elektrizuese. Publiku këndonte njëzëri çdo këngë, ndërsa koreografitë e menduara me kujdes dhe skenografia ikonike që ka shoqëruar turneun Radical Optimism u sollën në Prishtinë – duke e bërë qytetin epiqendrën e një magjie që jemi mësuar t’i shohim dikur vetëm në skenat më të mëdha në Evropë, Amerikë e kudo në botë.

Energjia që shpërndau Dua Lipa me zërin, lëvizjet dhe praninë e saj skenike bëri që çdo spektator të përfshihej emocionalisht. Ishte një natë që shumëkush nuk do ta harrojë lehtë – një performancë që jo vetëm përmbushi pritshmëritë, por i tejkaloi ato.

Sunny Hill Festival këtë vit bashkoi emra të mëdhenj si Shawn Mendes, Fatboy Slim, Anyma, dhe Mochakk, duke e konfirmuar statusin e tij si festivali më prestigjioz në rajon.

Vizita e Dua Lipës në Kosovë këtë herë ishte edhe më e veçantë, jo vetëm sepse hapi festivalin si artistja kryesore e mbrëmjes, por edhe sepse mori shtetësinë kosovare.

Shtetësia iu dha me dekret presidencial gjatë një ceremonie pritëse nga presidentja Vjosa Osmani. Nuk kaloi shumë dhe mediat prestigjioze si BBC dhe The Guardian nisën të raportojnë mbi këtë ngjarje, duke i dedikuar artikuj jo vetëm Dua Lipës, por edhe vizitës së saj në Kosovë. /Telegrafi/

The post Ylli që shndriti Prishtinën: Dua Lipa në Sunny Hill solli magjinë e skenave botërore appeared first on Telegrafi.