Dy ish-bashkëpunëtorë të Priscilla Presley, Brigitte Kruse dhe Kevin Fialko, kanë ngritur një padi këtë javë në Gjykatën e Qarkut të Los Anxhelosit kundër të vesë së Elvis Presley-t, duke e akuzuar atë për mashtrim, shkelje kontrate dhe shkelje të tjera civile, raporton NBC News.

Sipas padisë, Presley synonte të forconte pozitën e saj në krye të perandorisë financiare të Elvisit dhe, sipas pretendimeve të paditësve, madje ka përshpejtuar vdekjen e vajzës së saj, Lisa Marie Presley.

Kruse, një ankandore e specializuar për shitjen e objekteve të Elvisit, dhe Fialko, një koleksionist kujtimesh, pretendojnë se kanë bashkëpunuar për vite me Priscillën për të maksimizuar fitimet nga emri i saj. Ata thonë se në nëntor 2023 e ndihmuan ta stabilizonte financërisht, por se ajo ndërpreu bashkëpunimin pak kohë më vonë dhe u mohoi pagesat e lidhura me filmin Priscilla.

Përveç kësaj, padia përmban akuza serioze lidhur me vdekjen e Lisa Marie Presley. Sipas paditësve, Lisa Marie kishte ndërmend ta shkarkonte nënën nga roli i administratores kryesore të fondacionit familjar të sigurimit të jetës. Ata pretendojnë se kur Lisa Marie pësoi arrest kardiak në janar 2023 dhe u dërgua me urgjencë në spital, Priscilla shfrytëzoi situatën.

Vetëm disa orë pas shtrimit, sipas padisë, ajo dha lejen për shkëputjen nga aparaturat që e mbanin në jetë, duke vepruar kundër dëshirës së shkruar të vajzës që jeta t’i zgjatej sa më shumë, sipas standardeve mjekësore.

Padia gjithashtu përmend një deklaratë të supozuar të Priscillës, dhënë një javë pas vdekjes së Lisa Marie: “Unë jam mbretëresha. Unë e drejtoj Graceland-in.” Sipas paditësve, kjo tregon se motivimi kryesor i saj ishte marrja e kontrollit mbi pasurinë familjare, jo mirëqenia e vajzës.

Avokati Marty Singer, përfaqësuesi ligjor i Priscilla Presley, i ka cilësuar akuzat si “të turpshme, të pabazuara dhe plotësisht të trilluar”. Ai shtoi se çështja do të hidhet poshtë dhe se Riley Keough, mbesa e Priscillës dhe aktore e njohur, e mbështet plotësisht gjyshen e saj, duke e konsideruar padinë si një përpjekje dashakeqe për të dëmtuar reputacionin e saj.

Elvis dhe Priscilla Presley ishin të martuar nga viti 1967 deri në 1973. Këngëtari legjendar ndërroi jetë në vitin 1977, në moshën 42-vjeçare. Priscilla Presley sot është 80 vjeçe. /Telegrafi/

The post Priscilla Presley akuzohet se ka fikur aparaturat që mbanin në jetë vajzën e saj për përfitime financiare appeared first on Telegrafi.

Me një ceremoni solemne në Teatrin Popullor të Sarajevës, nisi zyrtarisht edicioni i 31-të i Festivalit të Filmit në Sarajevë, duke e shndërruar kryeqytetin e Bosnjës dhe Hercegovinës në qendër të industrisë së filmit.

Ceremoninë e hapi aktorja malazeze Lidija Kordić, e cila u shpreh se ishte një nder i veçantë për të të kishte këtë detyrë. “Shijoni filmin, edicioni i 31-të i Festivalit të Filmit në Sarajevë është i hapur”, tha ajo.

Drejtori i festivalit, Jovan Marjanović, theksoi se sot jetojmë në një botë ku konflikti është bërë përditshmëri dhe se në këto momente filmi duhet të jetë një zë i fuqishëm.
“Festivali është këtu për ta mbajtur atë zë dhe me programin e tij merr përsipër këtë përgjegjësi,” u shpreh ai, duke shtuar se kinematografia e Bosnjës ndodhet në një pozitë të vështirë dhe se autoritetet duhet të reagojnë.

Festivali u hap me shfaqjen e filmit “Paviljoni” të regjisorit Dino Mustafić – një komedi e zezë që rrëfen historinë e një grupi banorësh në një shtëpi të të moshuarve, të cilët pas viteve të abuzimeve dhe poshtërimeve vendosin të ngrihen në një kryengritje të armatosur. Ata marrin peng stafin, zënë godinën dhe përballen me autoritetet.

Skenarin e filmit e ka shkruar Viktor Ivančić, ndërsa bashkëskenarist është Emir Imamović Pirke. Në kastin e aktorëve përfshihen emra të njohur si Rade Šerbedžija, Zijah Sokolović, Miralem Zubčević, Ksenija Pajić, Jasna Diklić, Branka Petrić, Meto Jovanovski, Mirjana Karanović, Ermin Bravo dhe shumë të tjerë.

Përveç në Teatrin Popullor, “Paviljoni” po shfaqet edhe në Letrën e Verës “Coca-Cola”, “UNIQA” Letrën e Verës Stari Grad, Kinemanë Grbavica, si dhe në disa hapësira të tjera në Sarajevë, Ilidža dhe Tuzla.

Në garë për çmimet “Zemra e Sarajevës” në programet konkurruese të këtij edicioni janë 50 filma, ndërsa një film do të shfaqet jashtë konkurrencës. Katër kategoritë kryesore përfshijnë filmin artistik të gjatë, dokumentarin, filmin e shkurtër dhe filmin studentor. Këtë vit do të ketë 15 premiera botërore, 6 premiera ndërkombëtare, 28 premiera rajonale dhe 2 premiera kombëtare.

Ekipi seleksionues, i udhëhequr nga drejtoresha kreative Izeta Građević, ka shqyrtuar 1,036 filma – përfshirë 195 filma artistikë të gjatë, 291 dokumentarë dhe 550 filma të shkurtër e studentorë.

Në mesin e të ftuarve ndërkombëtarë që do të marrin pjesë janë Paolo Sorrentino, Michel Franco, Ray Winstone, Ilya Khrzhanovskiy dhe Willem Dafoe, të cilët do të mbajnë edhe masterclass-e të hapura për publikun. Hyrja është falas me bileta të cilat mund të merren online ose në qendrën kryesore të biletave në Qendrën Kulturore Boshnjake.

Biletat për filmat dhe masterclass-et janë në shitje në sff.ba, tickets.sff.ba dhe përmes aplikacionit zyrtar të festivalit. Edicioni i këtij viti i Festivalit të Filmit në Sarajevë do të zgjasë deri më 22 gusht. /Telegrafi/

The post Hapet edicioni i 31-të i Festivalit të Filmit në Sarajevë: Tetë ditë të magjishme të kinemasë në kryeqytetin e Bosnjës appeared first on Telegrafi.

Modelja e njohur shqiptare, Arbenita Ismajli, ka reaguar në mënyrë indirekte në rrjetet sociale pas publikimit të lajmit për urdhër-arrestin dhe letrën e rreshtimit ndërkombëtar të lëshuar ndaj saj nga Gjykata Themelore në Gjilan.

Vetëm një ditë pas njoftimit zyrtar nga autoritetet e drejtësisë në Kosovë, Arbenita ka publikuar një fotografi në InstaStory ku shihet duke pushuar pranë detit, e veshur me bikini me vija të kuqe dhe të bardha, ndërsa po qëndron e shtrirë në një shtrat plazhi me një hamburger dhe patate të skuqura përpara.

Në mbishkrimin e fotos ajo shkruan me ironi: “Me when I get the motivation to post again ” (Unë kur më vjen motivimi për të postuar përsëri), duke shoqëruar postimin me një emoji duke qeshur – një mesazh që shumë e kanë interpretuar si një reagim sfidues ndaj zhvillimeve të fundit ligjore që po përballet.

Urdhër-arrest ndërkombëtar ndaj Ismajlit

Gjykata Themelore në Gjilan ka konfirmuar se më 14 gusht ka lëshuar urdhër-arrest dhe letër-rreshtim ndërkombëtar ndaj Arbenita Ismajlit, pas kërkesës së Prokurorisë Themelore.

Sipas aktakuzës së ngritur më 10 korrik 2025, Ismajli akuzohet për “Marrje apo mbajtje të kundërligjshme të fëmijës” dhe “Mospërfillje të gjykatës”, pasi dyshohet se nga shtatori i vitit 2024 ka larguar vajzën nga Kosova dhe ka qëndruar me të në vende të ndryshme të Evropës dhe Lindjes së Afërt, duke ia pamundësuar babait të vajzës – reperit Feron Shabani – të ushtrojë të drejtën e tij prindërore për ta takuar dy herë në muaj, siç ishte paraparë me vendim të gjykatës.

Nga ana tjetër, Prokuroria ka ngritur aktakuzë edhe ndaj Feronit Shabani, për tri vepra penale: dhunë në familje, ngacmim seksual dhe kanosje, të cilat pretendohet se janë kryer ndaj Arbenita Ismajlit në periudhën qershor–tetor të vitit 2024. /Telegrafi/

The post Arbenita Ismajli shmang raportimet për urdhër-arrest ndërkombëtar, publikon fotografi duke u relaksuar në pushime appeared first on Telegrafi.

Presidenti francez Emmanuel Macron dhe bashkëshortja e tij, Brigitte, e kaluan fundjavën e kaluar në jug të Francës, në rezidencën e njohur presidenciale Fort de Brégançon.

Çifti u pa duke shijuar një atmosferë të qetë dhe diellin e Rivierës Franceze. Presidenti Macron u fotografua në një jaht, duke treguar formë të mirë fizike teksa drejtonte një Jet Ski, ndërsa Brigitte e kaloi pjesën më të madhe të kohës në kuvertën e sipërme, në shoqërinë e mikeshave të saj.

Fort de Brégançon është një kala mesjetare e vendosur në Bregdetin e Azurit (Côte d’Azur), e cila që prej vitit 1968 shërben si vendpushimi zyrtar i presidentëve francezë.

Ky paraqitje e çiftit vjen disa muaj pas disa momenteve të pazakonta dhe disi të sikletshme që tërhoqën vëmendjen e mediave. Në qershor të këtij viti, gjatë një vizite treditore shtetërore në Mbretërinë e Bashkuar, Macron dhe Brigitte mbërritën në aeroportin Royal Air Force Northolt në Londër.

Teksa zbrisnin nga avioni presidencial, Macron u përpoq t’i jepte dorën bashkëshortes për ta ndihmuar, por Brigitte preferoi të mbahej te parmakët, duke injoruar gjestin e tij. Ajo madje nuk e pa në fillim, por më pas i buzëqeshi.

Një episod i ngjashëm ishte regjistruar edhe më herët këtë vit në Hanoi të Vietnamit, kur kamerat kapën momentin kur Brigitte, sapo kishte zbritur nga avioni, e kapi Macronin me të dyja duart nga fytyra dhe e shtyu lehtë prapa. Presidenti e minimizoi këtë ngjarje, duke thënë se ishte thjesht një shaka dhe se çifti shpesh e ngacmon njëri-tjetrin në këtë mënyrë. /Telegrafi/

The post Emmanuel Macron fotografohet nga paparacët gjatë pushimeve, befason me trupin teksa tregon që ka ‘six pack’ appeared first on Telegrafi.

Debati mes artistit Gjesti dhe platformës “Onima” ka marrë përmasa të reja, pas reagimeve publike nga të dyja palët.

Gjesti ka deklaruar më herët se po përballet me padrejtësi dhe se nuk mund të publikojë projekte të reja muzikore për një periudhë të pacaktuar, për shkak të problemeve me distributorin e tij të mëparshëm.

Pas këtyre akuzave, ka ardhur reagimi zyrtar nga Erkand Shabani, drejtues i “Onima”-s, i cili shpreh “keqardhje të thellë” për, siç i quan ai, “lajmet e rreme” që janë shpërndarë nga Gjesti dhe menaxhmenti i tij në adresë të kompanisë.

Sipas Shabanit, mosmarrëveshja buron nga dëshira e Gjestit për t’u liruar nga kontrata për shpërndarjen dhe monetizimin e përmbajtjeve artistike — marrëveshje që, sipas tij, është nënshkruar me vullnet të lirë nga vetë artisti dhe mbetet ligjërisht e vlefshme.

Ai shton se kërkesa e Gjestit për shkëputje të kontratës bazohet në një interpretim të njëanshëm, i cili bie ndesh me përmbajtjen e marrëveshjes.

Në një deklaratë të dytë, Onima pretendon se gjatë ditëve të fundit është përballur me “kërcënime, përpjekje për shantazh dhe shqetësime të shumta nga persona të inkriminuar, që veprojnë në emër të Gjestit”, me qëllim detyrimin për të liruar artistin nga kontrata.

Shabani thekson se të gjitha këto veprime janë të dokumentuara dhe se kompania do t’i drejtohet organeve kompetente për zbardhjen e plotë të rastit.

Nga ana e tij, Gjesti ka përsëritur publikisht shqetësimin se kjo situatë po e pengon të ecë përpara me karrierën e tij muzikore dhe publikimin e projekteve të reja, duke lënë të hapur pyetjen se kur fansat do të mund të dëgjojnë krijimet e tij të fundit. /Telegrafi/

The post Kompania ‘Onima’ i kundërpërgjigjen Gjestit pas akuzave për bllokim, thonë se janë kërcënuar dhe shantazhuar nga persona të inkriminuar në emër të tij appeared first on Telegrafi.

Yjet e filmit të fundit “Superman”, David Corenswet dhe Rachel Brosnahan, u bënë hit pasi një klip nga sheshxhirimi u nda në rrjetet sociale.

Konkretisht, pamjet që qarkullojnë në internet tregojnë aktorët duke vazhduar një skenë puthjeje pasi regjisori i filmit James Gunn tha se ishte “prerë”.

Vetëm një nga fotot, në të cilën Rachel Brosnahan përkulet dhe e puth Corenswet, ka më shumë se 57 milionë shikime në rrjetin social X.

pic.twitter.com/wWwrUSqcHL

— wonder. (@godsandmortaIs) August 12, 2025

Përndryshe, debutimi i Corenswet si Clark Kent mori kryesisht reagime pozitive nga fansat dhe kritikët pas publikimit të tij muajin e kaluar, gjë që është një lajm i mirë pas reagimit negativ ndaj zëvendësimit të Henry Cavill, sipas mediave të huaja.

Megjithatë, që atëherë, mediat sociale kanë qenë plot me histori rreth dinamikës midis Corenswet dhe bashkë-yllit të tij Brosnahan, i cili luan të dashurën e Lois Lane. Kjo vjen pasi një klip prapa skenave që tregon një moment intim midis personazheve të tyre bëri xhiron e internetit.

Married actress Rachel Brosnahan, who played Lois in Superman, is going viral for kissing David Corenswet after the director called cut, suggesting a moment of genuine chemistry or comfort between the actors
pic.twitter.com/n5QvrBSFWY

— FearBuck (@FearedBuck) August 14, 2025

Momenti në dukje i pafajshëm është bërë viral në rrjetet sociale, me njerëzit që spekulojnë për një marrëdhënie romantike midis aktorëve. Disa gjithashtu besojnë se puthja e saj ishte krejtësisht aksidentale dhe se ajo ndoshta nuk pati kohë të reagonte pasi regjisori e preu skenën. /Telegrafi/

clois kiss it better edit superman david corenswet rachel brosnahan pic.twitter.com/gGO0xM9XaU

— media (@SAMENlGHTS) August 13, 2025

The post Pamjet nga sheshxhirimi i filmit “Superman” po shpërndahen në internet, ku aktorja vazhdon ta puthë kolegen e saj edhe pasi skena mbaroi appeared first on Telegrafi.

Seti i njohur i serialit për fëmijë “Teletubbies” duket i panjohur 24 vjet pas përfundimit të shfaqjes së dashur, pasi pronari i tokës ka bërë një ndryshim të madh.

Seriali popullor për fëmijë u transmetua fillimisht në BBC Two nga viti 1997 deri në 2001. Gjatë kësaj periudhe, xhirimet për serinë u realizuan në Wimpstone, Warwickshire.

Më shumë se dy dekada më vonë, vendi duket shumë ndryshe që nga hera e fundit kur u xhirua “Teletubbies” atje, shkruan The Sun.

Një video e shpërndarë në Instagram tregoi se deri në vitin 2007 – gjashtë vjet pas përfundimit të shfaqjes – pronari i tokës kishte krijuar një pellg gjigant për të parandaluar hyrjen e të huajve.

Deri në vitin 2025, toka mbetet e zbrazët, edhe pse pronarët menaxhojnë një fermë dhe një dyqan me produkte ujore pranë saj.

Një fans shkroi: “Trishtim. Ishte shumë e rëndësishme në atë kohë. Mund të kishte qenë një destinacion turistik. Shumë fëmijë, tani të rritur, janë rritur me të”.

Një tjetër komentoi: “Fakti që gjithçka u xhirua në atë copë të vogël toke është e pabesueshme”.

Një i tretë shtoi: “Njerëzit nuk e kuptojnë që ata janë fermerë dhe nuk u intereson paratë që mund të fitonin duke shitur bileta për vizitorët nostalgjikë – ata thjesht duan paqe”.

Një i katërt sugjeroi: “Imagjino dikë që e donte “Teletubbies” të kishte blerë atë tokë, të shkarkonte pellgun dhe të ringjallte të gjithë setin, duke e kthyer në muze?”.

Vit in e kaluar, një nga yjet e shfaqjes u shfaq në emisionin “This Morning” me fëmijën e saj.

Jess Smith, tani në të 30-at, është e njohur për rolin e saj si bebi në diell në shfaqjen për fëmijë. Ajo, së bashku me kolegët Nikki Smedley (Laa-Laa) dhe John Simmit (Dispy), rikujtuan kohën e tyre në “Teletubbies”.

Jess u shoqërua nga vajza e saj, Poppy, që atëherë ishte pesë muajshe. Ajo u pyet nëse i tregon miqve për famën e saj gjatë fëmijërisë.

Jess tha: “Nuk ua them unë, por të gjithë që janë me mua e dinë, kështu që të tjerët ua tregojnë gjithkujt. Partneri im Ricky ua thotë të gjithëve, po ashtu familja e tij, edhe familja ime. Të gjithë ua tregojnë të gjithëve, kështu që nuk ka rëndësi ku shkoj, të gjithë e dinë”. /Telegrafi/

 

View this post on Instagram

 

A post shared by Rundown Buildings (@rundownbuildings)

The post Sa ka ndryshuar pas 25 vitesh lokacioni ku u xhirua seriali ikonik “Teletubbies”? Pronari i tokës ka bërë një ndryshim të madh për të shmangur turistët appeared first on Telegrafi.

Leonardo DiCaprio, në një intervistë të re për Esquire britanik, ka treguar hapur se si i është ndryshuar qasja ndaj marrëdhënieve romantike me kalimin e viteve.

Aktori, i cili prej vitesh është vënë në qendër të kritikave për lidhjet e tij me gra më të reja, shpesh nën moshën 25 vjeç, tha se tani dëshiron të jetë plotësisht i sinqertë, edhe nëse kjo do të thotë të rrezikojë prishjen e një lidhjeje.

“Kur hyn në të pesëdhjetat, ndjen se do të jesh i hapur dhe të mos humbasësh kohë. Nuk do të shtirresh, nuk do të investosh energji në diçka që nuk funksionon. Nëna ime sot thotë saktësisht atë që mendon dhe nuk humb kohë — kjo është frymëzim për mua”, u shpreh ai.

DiCaprio tha se sot për të është më e rëndësishme të shprehë menjëherë atë që dëshiron, si në jetën private, ashtu edhe në atë profesionale.

“Kam më shumë jetë pas meje sesa para meje, prandaj ndjej përgjegjësi të jem plotësisht i qartë”, tha ai.

Lidhjet e tij kanë qenë prej dekadash objekt diskutimi publik. Nga romanca pesëvjeçare me Gisele Bündchen, të cilën e nisi kur ajo ishte 18 vjeçe, te lidhja disa­vjeçare me Bar Refaelin, që përfundoi kur ajo mbushi 25 vjeç — është krijuar një model që shpesh është ironizuar nga publiku.

Një skenar i ngjashëm ndodhi edhe me Camilën Morrone: pas pesë vitesh lidhje, çifti u nda një muaj pasi ajo mbushi 25 vjeç. Më pas, ai u lidh me disa modele të reja, përfshirë Eden Polanin 19-vjeçare, gjë që ngjalli reagime të shumta.

Megjithatë, në fund të vitit 2022, DiCaprio u përpoq të thyente këtë imazh kur nisi për pak kohë të dilte me Gigi Hadid, atëherë 27 vjeçe. Edhe pse lidhja nuk zgjati, ata mbetën miq.

Që nga gushti i vitit 2023, ai është lidhur me modelen italiane Vittoria Ceretti, të cilën e njohu në Festivalin e Filmit në Kanë. Edhe pse ajo është fotografuar disa herë me unazë në dorë, burime të afërta thonë se çifti nuk është i fejuar. Më parë, Vittoria ka qenë e martuar me DJ-në italian Matteo Milleri, pjesë e duetit “Tale of Us”.

Burime pranë aktorit thonë se DiCaprio dëshiron ta lërë pas imazhin e burrit që del vetëm me gra të reja: “E shqetëson fakti që ky reputacion e ndjek kudo. Ai kërkon diçka më serioze dhe më të pjekur, por çdo dalje e tij me një grua të re përfundon menjëherë në titujt e mediave”. /Telegrafi/

The post I përfolur për lidhjet me vajzat shumë më të reja, rrëfehet Leonardo DiCaprio: Kur hyn në të pesëdhjetat ndjen se nuk duhet të humbasësh më kohë appeared first on Telegrafi.

Uran Ismaili, kandidat i PDK-së për kryetar të Prishtinës, ka prezantuar  të mërkurën listën e kandidatëve për Asamblenë Komunale, ku krahas emrave të rinj përfshihen edhe figura të njohura nga arti, kultura dhe urbanizmi.

Një nga emrat që bie në sy është Isah Mustafa. Edhe pse mbiemri mund të të kujtojë ish-kryeministrin Isa Mustafa, bëhet fjalë për një person tjetër, të njohur për kontributin e tij në jetën kulturore të kryeqytetit.

Mustafa është bashkëthemelues i hapësirës kulturore “Stereospace” dhe ka realizuar projekte që kanë sjellë gjallëri në komunitet. Një prej tyre është rivitalizimi i Shtëpisë së Kulturës në Llukar – e kthyer nga një ndërtesë e rrënuar në një hapësirë plot jetë dhe aktivitete për banorët. Ai është angazhuar gjithashtu në organizimin e programeve edukative për fëmijët dhe të rinjtë e zonës.

Përveç punës në komunitet, Mustafa është anëtar i grupit të muzikës alternative “Gillespie”, një band underground rock’n’roll e themeluar në vitin 2005, e cila ka pasur ndikim të rëndësishëm në skenën muzikore vendore.

Lexo po ashtu Edhe një tjetër aktore nga "Familja Moderne" në VV - Driada Matoshi i bashkohet garës për Prishtinën, kandidon për asambleiste

Kandidatura e tij për asambleist nga radhët e PDK-së vjen në një garë ku po marrin pjesë edhe shumë artistë të tjerë. Vetëm të mërkurën u konfirmua se aktoret Driada Matoshi dhe Vlora Merovci do të kandidojnë për Asamblenë e Prishtinës nga radhët e LVV-së. /Telegrafi/

The post Valë artistësh në zgjedhjet lokale, muzikanti Isah Mustafa kandidat për asamblesit nga radhët e PDK-së në Prishtinë appeared first on Telegrafi.

Arta Elezaj, modelja e njohur nga Klina, ka ndarë së fundmi disa fotografi të mrekullueshme në rrjetet sociale, duke tërhequr vëmendjen e një numri të madh ndjekësish.

Në këto foto, ajo shfaqet në një ambient relaksues pranë pishinës, duke treguar një pamje të freskët dhe moderne që ka ndryshuar dukshëm.

Një nga ndryshimet më të dukshme të saj është ndryshimi i stilit të flokëve. Deri tani, Arta ka qenë e njohur për kaçurrelat e saj natyrale dhe voluminoze, por tani ka kaluar në një look më elegant me flokë të drejta dhe të shkëlqyera.

Ky transformim i pamjes ka kapur vëmendjen e ndjekësve, të cilët kanë shprehur admirim për ndryshimin e saj, duke komentuar mbi freskinë dhe stilin modern që ka sjellë.

Në fotot që Arta ka postuar, ajo shfaqet në një bikini të thjeshtë, ngjyrë bezhë, duke e kombinuar me syze dielli të zeza dhe një pozë që tregon siguri dhe stil.

Ambienti i relaksuar pranë pishinës me pamje nga deti i thellë dhe qielli i pastër ka shtuar edhe më shumë atmosferën e verës, duke i dhënë një ndjesi të freskët dhe atraktive.

Përpos pamjes së saj, ajo ka marrë shumë komente pozitive për natyrshmërinë dhe sigurinë që shfaq në çdo fotografi.

Ky ndryshim i pamjes, nga kaçurrelat e natyrshme në flokët e drejta, duket se ka qenë një hap tjetër i suksesshëm në karrierën e modeles, duke e vendosur atë edhe më shumë në qendër të vëmendjes në industrinë e modës. /Telegrafi/

The post Arta Elezaj befason me transformimin, duket ndryshe me flokë të drejta ndërsa sjell poza atraktive në bikini appeared first on Telegrafi.

Taylor Swift ka zbuluar se iu desh të zhvendosej përkohësisht të jetonte me të atin, Scott Swift, ndërsa ai po shërohej nga një operacion i rëndë.

Konkretisht, si e ftuar në podkastin “New Heights”, Swift zbuloi se babai i saj, Scott, iu desh t’i nënshtrohej një operacioni intensiv dhe të vështirë këtë verë.

“Gjithçka ndodhi shumë shpejt. Babai im kishte një EKG perfekte sa herë që shkonte te mjeku për kontrollet vjetore”, tha ajo.

Megjithatë, pasi iu nënshtrua një testi të stresit kardiak, mjekët gjetën pesë bllokime në zemrën e tij.

“Ai po u thoshte miqve të tij: ‘Duhet të bëni një test stresi sepse në fakt është një masë parandaluese’. Nëse mund ta zbuloni herët, nuk keni nevojë të bëni operacion bajpasi. Mund t’i zgjidhni ato bllokime me stenta, gjëra që janë më pak invazive”, tha Scott.

Swift u zhvendos të jetonte me të atin pas operacionit, ndërsa ai po shërohej. Taylor gjithashtu përshkroi me detaje momentin kur i ati u zgjua pas operacionit.

“Ai u zgjua pas operacionit dhe aty ishin unë, mami im, vëllai im dhe shoku i tij më i mirë. Ai ishte personi më qesharak që kishte ekzistuar ndonjëherë. Unë, vëllai im dhe mami im shkonim me radhë në kujdesin intensiv dhe ishim me të 24 orë në ditë”, tha Swift.

Ajo shtoi se babai i saj ishte pacienti më i mrekullueshëm ndonjëherë, “plot jetë dhe mirënjohës, gjë që mjekët e vunë re”. /Telegrafi/

The post Taylor Swift zbulon se u zhvendos përkohësisht të jetonte me të atin pas operacionit të tij: Gjithçka ndodhi shumë shpejt appeared first on Telegrafi.

Këngëtarja britanike Jessie J ndau me ndjekësit detaje rreth gjendjes së saj shëndetësore nëpërmjet profilit të saj në Instagram.

Këngëtarja 37-vjeçare ka vendosur të flasë hapur për ndryshimin e trupit të saj që nga heqja kirurgjikale e gjirit. Fillimisht ajo postoi një video ku shpjegonte se flokët e saj kanë filluar të bien që nga operacioni për kancerin e gjirit.

“Përshëndetje, sot po xhiroj një program televiziv. Mund ta shihni sa kaçurrela i kam flokët. Do t’i bëj flokët dhe do të bëj grimin vetë. Flokët po më ‘bien’ si të çmendura nga operacioni”, deklaroi ajo.

Pastaj ajo shpjegoi se kishin kaluar pesë javë që kur i ishte nënshtruar procedurës, por se ndihej më mirë. “Ndihem mirë. Kam ende shumë përgjegjësi, kështu që ky është fokusi im kryesor”, tha ajo.

Ajo deklaroi gjithashtu se gjinjtë e saj ende nuk janë të sheshtë. Ajo shpjegoi se ka implante dhe se zona është ende shumë e dhimbshme.

Ajo zbuloi se djali i saj, Sky, kishte qenë larg për dy javë dhe do të kthehej së shpejti. Ajo thekson se është e vetëdijshme që nuk mund të bëjë gjithçka që duhet, por thjesht dëshiron që gjithçka të shkojë sa më mirë të jetë e mundur për të gjithë, përfshirë djalin e saj, si dhe fansat.

Këngëtarja zbuloi së fundmi se do t’i duhet t’i nënshtrohet një ndërhyrjeje tjetër kirurgjikale për shkak të shëndetit të saj të dobët. Njoftimi erdhi pasi ajo njoftoi se ishte shtruar në spital për shkak të dyshimeve për një mpiksje gjaku në mushkëri, gjashtë javë pas mastektomisë. /Telegrafi/

 

View this post on Instagram

 

A post shared by Jessie J (@jessiej)

The post Jessie J flet hapur për gjendjen e saj shëndetësore: Flokët po më bien si të çmendura pas operacionit appeared first on Telegrafi.

Një tjetër figurë e njohur e skenës shqiptare ka vendosur të futet në politikë.

Aktorja Driada Matoshi, e cila krahas aktrimit ushtron edhe profesionin si instruktore e jogës, i është bashkuar Lëvizjes Vetëvendosje për zgjedhjet lokale në Prishtinë.

Emri i saj është pjesë e listës së shpallur nga Hajrulla Çeku, kandidati i VV-së për kryetar të Prishtinës, ku Driada mban numrin 6.

Përveç saj, lista përmban edhe emra të tjerë të njohur të artit dhe kulturës shqiptare, përfshirë aktoren Vlora Merovci Berisha dhe Lumnije Mikullovcin, gruan e aktorit tashmë të ndjerë, Adem Mikullovci.

Lexo po ashtu 'Alma' e serialit "Familja Moderne" i futet politikës - aktorja Merovci kandidon për asambleiste në Komunën e Prishtinës

Bashkimi i Driada Matoshit me Vetëvendosjen tregon rritjen e pjesëmarrjes së figurave të njohura të artit në fushën politike, duke sjellë me vete përvojën dhe ndikimin që kanë në publik.

Driada përndryshe ka qenë e njohur për rolet e saj në serialet e RTK-së, si “Familja Moderne”, “Lagja e Re” dhe “Shtëpia Ime”.

Driada, e njohur për energjinë dhe profesionalizmin e saj në skenë dhe në fushën e jogës, pritet të sjellë një perspektivë të freskët dhe të re në listën e VV-së për Prishtinën, duke bashkëpunuar me emra të njohur të kulturës dhe artit për të kontribuar në vendimmarrje dhe projekte lokale. /Telegrafi/

The post Edhe një tjetër aktore nga “Familja Moderne” në VV – Driada Matoshi i bashkohet garës për Prishtinën, kandidon për asambleiste appeared first on Telegrafi.

Aktorja amerikane Zoe Kravitz ka zbuluar së fundmi se si Taylor Swift e priti me zemërgjerësi në shtëpinë e saj në Beverly Hills, kur zjarret e mëdha përfshinë Kaliforninë më herët këtë vit.

E ftuar në emisionin Late Night With Seth Meyers, Zoe tregoi se qëndroi dy javë tek këngëtarja e famshme, së bashku me nënën e saj, Lisa Bonet, dhe kafshën e tyre shtëpiake, një gjarpër me emrin Orfeu.

“Taylor ka një shtëpi të mrekullueshme të viteve ’30, nga ato që do të doje t’i ruaje me kujdes”, tha Kravitz, duke shtuar se u përpoq të ishte “një mysafire e mirë” dhe të largohej duke e lënë gjithçka më mirë se si e gjeti. Por, siç rrëfen ajo me humor, ndodhi e kundërta – përfundoi duke “shkatërruar” një pjesë të banjës luksoze të Swift.

Ngjarja nisi kur, teksa po pastronte përpara se të largohej, Zoe mori një telefonatë nga e ëma. Pas një kërkimi të shkurtër, e gjeti Lisan në banjë, e ulur në një pozicion të çuditshëm. Bonet i tregoi se gjarpri i saj ishte shkëputur dhe kishte hyrë në një vrimë pranë një stoli të fiksuar në mur. Ajo arriti t’ia kapte bishtin, por u tremb dhe e la të futej edhe më thellë.

Për ta nxjerrë, Kravitz thirri menaxherin e shtëpisë, i cili erdhi me mjete pune dhe u detyrua të prishte një pjesë të murit. “Po thyheshin pllakat, po gërvisheshin muret. Në një moment mendova: ‘O do t’ia shkatërrojmë banjën, o do t’i them që ka një gjarpër diku në shtëpi’. I thashë menaxherit: ‘Do ta paguaj çdo gjë për ta rregulluar. Vetëm, të lutem, mos i trego derisa të mbarojë’”, kujtoi aktorja.

Megjithatë, kur më në fund e telefonoi Taylor-in për t’ia treguar, këngëtarja tashmë e kishte marrë vesh situatën. /Telegrafi/

The post Aktorja Zoe Kravitz pranon se ia shkatërroi plotësisht banjën artistes Taylor Swift, e cila e priti si mysafire në shtëpinë e saj appeared first on Telegrafi.

Ish-banorja e Big Brother VIP Kosova 3, Drenusha Latifi po vazhdon të jetë në top formë.

Ajo ka kaluar disa ditë relaksuese në Selanik me fëmijët e saj, duke shijuar atmosferën verore dhe peizazhin mahnitës që ofron qyteti grek.

Në fotot që ka ndarë me ndjekësit e saj së fundmi në Instagram, Drenusha shfaqet e veshur me një kostum banje të stilit modern, me ngjyrë të kuqe, që i përshtatet perfekt trupit të saj.

Kjo veshje ka detaje elegante, si shtesat metalike dhe prerjet e veçanta, që e bëjnë atë të dallohet si një zgjedhje e rafinuar dhe e sofistikuar për plazhin.

Përveç kostumit të saj tërheqës, Drenusha është duke shijuar ditët e saj në një terren të bukur, me një palmë që dallohet pas saj dhe me një pamje të qetë të detit që duket nga balkon.

E pozicionuar me siguri dhe me elegancë, Drenusha jep një imazh të plotë të femrës moderne që është e suksesshme dhe e bukur, duke u përqëndruar edhe në rëndësinë e pushimeve dhe kohës me familjen.

Me këtë postim, Drenusha vazhdon të shfaqë ndjekësve të saj një pamje të natyrshme dhe të përditshme të jetës së saj, duke ndarë me ta momente të veçanta dhe pozitive që janë pjesë e aventurës së saj verore. /Telegrafi/

The post Drenusha Latifi shkëlqen në pozat me bikini nga pushimet në Greqi – duket në top formë appeared first on Telegrafi.

Moderatorja dhe këngëtarja e njohur shqiptare, Luana Vjollca, ka ndarë me ndjekësit e saj në Instagram një përmbledhje të çasteve më të bukura nga pushimet verore, ku spikat bukuria, stili dhe një atmosferë e qetë e relaksuese.

Nën mbishkrimin e thjeshtë por kuptimplotë “Familja”, Luana ka zgjedhur të ndajë me fansat një anë më të afërt dhe personale të jetës së saj, duke vënë në fokus kohën e çmuar me njerëzit më të rëndësishëm.

Në disa prej fotove, ajo shfaqet me nënën e saj, një grua me stil të veçantë dhe buzëqeshje plot ngrohtësi, duke treguar qartë lidhjen e fortë mes tyre.

Fotot janë realizuar në ambiente të ndryshme – nga ashensorë modernë të një resorti luksoz, në tarraca romantike nën dritën e hënës, e deri te kafenetë tropikale buzë detit.

Luana shkëlqen në çdo pozë me një sërë veshjesh plazhi që i theksojnë linjat dhe elegancën – bikini me motive të ndryshme, shapka të markave luksoze dhe aksesorë të kuruar deri në detaje, si syzet “cat-eye” apo kufjet moderne që e shoqërojnë kudo.

Fotot përçojnë një atmosferë intime, ku përveç modës dhe estetikës, vërehet qartë rëndësia që Luana i jep familjes, rehatisë dhe momenteve të përbashkëta larg skenës dhe zhurmës së përditshme.

Me këtë postim, Luana jo vetëm që tregon edhe njëherë aftësinë e saj për të tërhequr vëmendjen me stilin e saj, por njëkohësisht i rikujton ndjekësve se, në fund të ditës, momentet më të bukura janë ato që kalojmë pranë familjes. /Telegrafi/

The post Luana Vjollca vjen me poza ‘të zjarrta’ nga pushimet verore me familjen appeared first on Telegrafi.

Këngëtarja e njohur Donna Dafi po shijon ditët e verës në një prej destinacioneve më të bukura të Adriatikut – ishullin piktoresk të Korçulës në Kroaci.

Artistja ka ndarë me ndjekësit e saj në Instagram disa fotografi mahnitëse, ku shfaqet plot hijeshi, me një buzëqeshje që rrezaton gëzim dhe energji pozitive.

Pamjet e saj kanë ndezur rrjetin, duke marrë qindra komente dhe mijëra pëlqime. Fansat e kanë vërshuar me komplimente, duke e cilësuar si një nga figurat më tërheqëse dhe me stil të muzikës moderne.

Por, duket se ky pushim nuk është thjesht relaks veror. Burime pranë këngëtares bëjnë të ditur se Donna Dafi po përgatit rikthimin e saj me projekte të fuqishme muzikore.

Sipas tyre, shumë shpejt ajo do të publikojë një seri videoklipesh të reja, të cilat priten të bëjnë bujë në industrinë muzikore ndërkombëtare.

Me këtë kombinim të sharmin personal dhe energjisë artistike, duket se Donna Dafi është gati të lërë një tjetër gjurmë të fortë në skenën muzikore botërore. /Telegrafi/

The post Donna Dafi shkëlqen nga Korçula me fotografitë provokuese në të kuqe appeared first on Telegrafi.

Sukseset për filmin “Heldin” (titulli në anglisht: Late Shift), ku luan edhe aktori shqiptar Ridvan Murati, po vazhdojnë me hapa të mëdhenj në arenën ndërkombëtare.

Pas premierës në Berlinale dhe publikimit në Netflix, tashmë vjen një tjetër arritje e rëndësishme: kompania prestigjioze Music Box Films ka siguruar të drejtat e shpërndarjes për Amerikën e Veriut.

Në të njëjtën kohë, filmi është zgjedhur zyrtarisht si përfaqësuesi i Zvicrës për çmimin Best International Feature Film (Filmi më i mirë në gjuhë të huaj) në edicionin e 98-të të Academy Awards (Oscars).

Ky është një hap madhor që e vendos “Heldin” në garën për një prej çmimeve më të rëndësishme në industrinë globale të filmit.

“Heldin” është një dramë intensive e vitit 2025 me regji të Petra Volpe, e cila ndjek historinë e Florian, një infermiere kirurgjie që përballet me një sërë sfidash të jashtëzakonshme gjatë një ndërrimi të vonë në spital.

Ridvan Murati, pjesë e kastit ndërkombëtar, sjell një interpretim të fuqishëm që përforcon praninë e aktorëve shqiptarë në produksionet evropiane me ndikim global.

Për publikun, ky kombinim i suksesit artistik dhe shpërndarjes strategjike do të thotë që “Heldin” do të mund të shihet nga një audiencë shumë më e gjerë, ndërsa për ekipin realizues është një hap i rëndësishëm drejt njohjes më të lartë që mund të marrë një film ndërkombëtar – një nominim në Oscars. /Telegrafi/

 

View this post on Instagram

 

A post shared by TrustNordisk (@trustnordisk)

The post Filmi “Heldin” me protagonist aktorin shqiptar Ridvan Murati, në garë për t’u nominuar për çmimin e filmit ndërkombëtar në ‘Oscars’ appeared first on Telegrafi.

Georgina Rodriguez ka ndarë me ndjekësit e saj një nga momentet më të veçanta të jetës personale: propozimin për martesë nga futbollisti i njohur, Cristiano Ronaldo.

Në një postim emocionues në Instagram, ajo ka publikuar një foto ku tregon unazën madhështore me diamant, duke shkruar: “Po, dua. Në këtë jetë dhe në të gjitha jetët e mia”.

Mes urimeve të shumta nga figura të njohura botërore, ra në sy edhe reagimi i këngëtares shqiptare me famë ndërkombëtare, Bebe Rexha, e cila komentoi thjesht: “Wowwwwww”.

Ky koment mori mbi 17 mijë pëlqime, duke u renditur ndër më të pëlqyerit në postimin e Georgina-s.

Megjithatë, pavarësisht natyrës pozitive të reagimit, në seksionin e komenteve pati edhe replika ofenduese dhe raciste nga disa përdorues serbë, të drejtuara ndaj artistes shqiptare.

Bebe Rexha dhe Georgina Rodriguez njihen nga takimi i tyre në ceremoninë Joy Awards në Arabinë Saudite, ku kanë ndarë skenën dhe kanë pasur paraqitje të tjera së bashku.

Ky gjest i thjeshtë, por i ngrohtë nga Bebe, tregon lidhjen miqësore mes tyre dhe mbështetjen publike në momente të rëndësishme personale. /Telegrafi/

The post Propozimi për martesë i Ronaldos ndaj Georginës, spikat komenti i Bebe Rexhës – merr mijëra pëlqime por edhe ofendime nga serbët appeared first on Telegrafi.

Aktorin e njohur të “Thor”, Chris Hemsworth, e gjeti fundjava duke festuar 42-vjetorin në stil madhështor, i rrethuar nga miq të famshëm në Ibiza – dhe Rita Ora spikati me paraqitjen e saj mahnitëse.

Pas një dreke në restorantin e njohur për VIP-a Casa Jondal dhe një udhëtimi me jaht luksoz në ujërat e kristalta të Ibizas, festa mori vëmendje jo vetëm për listën e të ftuarve, por edhe për stilin e pop-yllit shqiptar.

Rita, e veshur me bikini elegante dhe syze dielli, dukej plot gjallëri teksa qeshte dhe bisedonte me Hemsworth-in dhe miqtë e tjerë të pranishëm, shkruan DailyMail.

Në mesin e të ftuarve ishin gjithashtu bashkëshorti i saj, regjisori Taika Waititi, Matt Damon, vëllezërit Liam dhe Luke Hemsworth, si dhe Patrick dhe Pia Whitesell.

Atmosfera ishte e gjallë, me dolli, biseda të qeshura dhe momente të paharrueshme buzë detit.

Ndërsa Chris shijonte festën, Rita shkëlqente nën diellin e Ibizas, duke tërhequr vëmendjen me karizmën dhe elegancën e saj natyrale.

Ky ishte një nga ato raste ku prania e saj sillte një energji të veçantë në çdo imazh të kapur nga kamera.

Megjithëse bashkëshortja e Chris, Elsa Pataky, nuk ishte e pranishme në festë, ajo i bëri një urim të ëmbël në rrjetet sociale ditën tjetër, ndërsa Hemsworth dhe miqtë e tij vazhdonin të përmbyllnin një fundjavë të paharrueshme në stilin më luksoz të mundshëm. /Telegrafi/

The post Rita Ora shkëlqen në ditëlindjen luksoze të Chris Hemsworth në Ibiza, vë në pah linjat e definuara të trupit në paraqitje me bikini appeared first on Telegrafi.