Kryetari i Partisë Demokratike, Sali Berisha, akuzoi Kryeministrin Edi Rama se u ka dhënë grupeve kriminale leje ndërtimi në këmbim të votave për zgjedhjet e 11 majit.

Përveç atij që e quan Klani Troplini në Durrës, Berisha akuzoi se edhe pjesëtarë të Kartelit të Sinaloas kanë marrë leje ndërtimi në Palasë. “Vëllezërit Lulaj. Vëllezërit Sinaloa. Janë vëllezërit Hysa pas vëllezërve Lulaj. Leje Ndërtimi për objektin: ‘Kompleks rezidencial dhe hoteleri me 1-5 kat mbi tokë dhe 1-3 kat nën tokë’, me vendndodhje në Palasë, Bashkia Himarë, me subjekt zhvillues shoqërinë ‘Valona Konstruksion’ sh.p.k. Besnik Lulaj është përfaqësuesi i Luftim Hysës dhe vëllait të tij që sot kryesojnë kartelin Sinaloa të Meksikës, kartelin më të fuqishëm në botë, të cilët Edi Rama i priti në zyrë dhe u dha licencë për hotel me 5 yje dhe kazino. Si anëtarë të këshillit mbikëqyrës së kompanisë Entertaiment rezultojnë Besnik Lulaj, aksioneri kryesor, Jetmir Shabani, pa të dhëna dhe Mihal Denaj, shofer ekskavatori tek Valona Construktion. Veç Valona Konstruktion, Lulaj është ortak ose aksioner kryesor dhe në 6 kompani të tjera. Lulaj dikur ka qenë në PD, por pasi mori këtë rrugë, u përqafua me Edi Ramën. Që ta dinë shqiptarët”, tha Berisha, përcjell A2 CNN.

Ai gjithashtu akuzoi se edhe përfaqësues të organizatës “Hakmarrja për Drejtësi” kanë marrë gjithashtu leje ndërtimi. “Tani ja ç’bën Edi Rama se thuhet që këtu janë paratë e Olsi Ramës. Leje ndërtimi për objektin: ‘Godinë banimi dhe shërbime’, me vendndodhje pranë Rrugës së Unazës, Bashkia Vlorë, me subjekt zhvillues shoqëritë ‘Blue Horizont 2005’ sh.p.k dhe ‘Feniks Konstruksion’ sh.p.k.

Feniks Konstruktion është kompania ne pronësi të Jaho Shytit dhje Ilir Shytit, djemtë e Roland Shytit, pjesëtar i ‘Hakmarrjes për drejtësi’. Roland Shyti ose ‘Mustaqekuqi’ është i njohur për aktivitetin e tij kriminal. Në vitin 2008, pas 12 vitesh hetime, u dënua me 25 vite burg pasi u shpall i fajshëm për 17 akuza që nga organizatë terroriste, vrasje, grabitje, rrëmbim, etj. Deri në vitin 2013 mendohet se Roland Shyti ka jetuar jashtë vendit, pasi vendimi nuk u ekzekutua asnjëherë. Por pas ardhjes së Edi Ramës në pushtetit ai kthehet në Shqipëri”, tha Berisha. “Shyti është përfolur dhe për lidhjet e tij direkte me Saimir Tahirin. Roland Shyti hap kompaninë Feniks Konstruktion në emër të djalit të tij Jaho Shyti. Por duket se statusi i tij si person i dënuar nuk e lejonte të ishte person juridik, dhe kështu e regjistron në emër të djalit të tij, Jaho Shyti në atë kohë 18 vjeç, por me datëlindje të falsifikuar. Themeluesi pra Jaho Shyti që është i datëlindjes 29.02.1996 në aktin e themelimit të kompanisë rezulton i datëlindjes 29.02.1969. Vetëm ky fakt do të bënte që ai të skualifikohej nga të gjitha vendimet qeveritare. Ndërsa kompania ‘Blue Horizont’ drejtohet nga një individ i panjohur me emrin Liljana Selimi. Nga hulumtimet tona në lidhje me këtë individ na rezulton se punon si sanitare në kompaninë HYDROSOLAR ENERGY (HSE)e cila ka vetëm dy punëtore, Liljana Selimi në pozicionin e sanitares, dhe Adriatik Kapllanaj, vëllanë e Agron Kapllanajt- i kuptoni ju tani, mentorit të Alibeut, të Enkeledit, shikoni lidhjet me ‘Hakmarrjen për Drejtësi’ ja ku dalin, si administrator dhe pronar i kompanisë. Një shkrirje mafioze kriminale e paimagjinueshme”./e.t

Një armëpushim i përhershëm, hyrja e lirë dhe e sigurt e ndihmave dhe heqja e bllokadës janë të domosdoshme – të gjitha mund të arrihen me vullnet politik.

Nick Maynard

Jam duke shkruar nga spitali Nasser në Gazën jugore, ku sapo kam përfunduar një ndërhyrje kirurgjikale tek një adoleshent rëndë i kequshqyer. Në njësinë e kujdesit intensiv pediatrik ndodhet një foshnjë shtatë muajshe, aq e vogël dhe e rraskapitur nga uria, sa në fillim e ngatërrova me një të porsalindur. Shprehja “lëkurë dhe kocka” nuk përshkruan dot mjerimin e trupit të saj të përmbysur nga uria. Po tretet para syve tanë dhe, pavarësisht përpjekjeve tona, jemi të pafuqishëm për ta shpëtuar. Jemi duke dëshmuar një uri të qëllimshme në Gaza – tani.

Kjo është hera ime e tretë në Gaza që nga dhjetori 2023 si kirurg vullnetar me organizatën Medical Aid for Palestinians. Kam qenë dëshmitar i ngjarjeve me shumë të plagosur dhe kam ngritur alarmin për kequshqyerjen që në janar 2024. Por asgjë nuk më kishte përgatitur për tmerrin që po përjetoj tani: përdorimin e urisë si armë kundër një popullsie të tërë.

Kriza e urisë është bërë katastrofike që nga vizita ime e fundit. Çdo ditë shoh pacientë që përkeqësohen dhe vdesin, jo nga plagët, por sepse janë tepër të kequshqyer për të përballuar një operacion. Ndërhyrjet kirurgjikale nuk mbahen, trupat e tyre nuk shërohen, infektohen rëndë dhe vdesin. Kjo po ndodh vazhdimisht dhe është shkatërruese për ta parë. Katër foshnja kanë vdekur në javët e fundit në këtë spital – jo nga bombat apo plumbat, por nga uria.

Familjet dhe personeli përpiqen të sjellin ç’të mundin, por thjesht nuk ka ushqim të mjaftueshëm në Gaza. Për të porsalindurit, pothuajse nuk kemi qumësht formulë. Fëmijëve u jepet ujë me sheqer (10% dextrose), i cili nuk ka asnjë vlerë ushqyese. Shpesh, edhe nënat janë tepër të kequshqyera për të dhënë gji. Kur një koleg ndërkombëtar u përpoq të sillte qumësht formulë në Gaza, autoritetet izraelite ia konfiskuan.

Qasja e Benjamin Netanyahut është e dyfishtë: ndalon hyrjen e ushqimit në Gaza dhe i detyron civilët e dëshpëruar të shkojnë në pika shpërndarjeje të militarizuara për të marrë sasi të kufizuara ndihmash. Deri në maj, Gaza kishte mbi 400 pika shpërndarjeje ku njerëzit mund të merrnin ndihma me siguri relative. Tani kanë mbetur vetëm katër të tilla në jug, ku familjet e uritura janë nën kërcënim të vazhdueshëm sulmi.

Çdo ditë po mësoj për dhjetëra të plagosur që mbërrijnë në urgjencat e Gazës – shumë prej tyre me plagë nga armë zjarri në këto pika shpërndarjeje. Kam operuar mbi djem 12–15 vjeç, që familjarët thonë se janë qëlluar teksa përpiqeshin të merrnin ushqim për shtëpinë. Javën e kaluar, një 12-vjeçar vdiq në tavolinën e operacionit – i qëlluar në bark në atë që mund të përshkruhet vetëm si një kurth vdekjeje për këdo që kërkon bukën e gojës.

Kolegët në urgjencë kanë vërejtur gjithashtu një model shqetësues: plagë të përqendruara në pjesë të caktuara të trupit në ditë të ndryshme – kokë, këmbë, organe gjenitale – që sugjerojnë shënjestrim të qëllimshëm.

Ditët e fundit kam operuar dy gra që, sipas dëshmitarëve, janë qëlluar nga dronë quadcopter teksa strehoheshin në çadrat pranë njërit prej këtyre vendndodhjeve. Njëra po ushqente foshnjën me gji kur u godit; tjetra ishte shtatzënë. Fatmirësisht të dyja kanë mbijetuar deri tani. Këto gra nuk po kërkonin as ndihma – thjesht po strehoheshin në zona që zyrtarisht konsiderohen “të sigurta”, por në realitet janë të ekspozuara ndaj zjarrit të papërmbajtur të ushtrisë izraelite, e cila ka kthyer urinë në një mjet lufte.

Nuk janë vetëm pacientët që janë të kequshqyer – por edhe punonjësit e kujdesit shëndetësor. Kur mbërrita, mezi i njoha disa prej kolegëve me të cilët kisha punuar vitin e kaluar – disa kishin humbur deri në 30 kilogramë. Gjatë pushimeve të drekës, disa mjekë e infermierë nisen drejt pikave të shpërndarjes, të vetëdijshëm se mund të vriten, por pa alternativë për të ushqyer familjet e tyre.

Spitali Nasser është institucioni i fundit i madh që ende funksionon në Gazën jugore, por jemi në pikën e kolapsit, duke u përballur me pasoja nga sulmet e mëparshme, me fluks të madh të plagosurish dhe mungesë të gjithçkaje. Shkatërrimi sistematik që Netanyahu i ka bërë sistemit shëndetësor në Gaza ka përqendruar nevojat mjekësore në këtë spital të vetëm, ndërsa objektivat ushtarake janë bërë vetë punonjësit dhe pacientët. Vetëm këtë javë, një prej infermierëve tanë u vra në tendën e tij bashkë me tre fëmijët e vegjël.

Dua të jem i qartë – ajo që po u bëhet palestinezëve në Gaza është barbare dhe krejtësisht e shmangshme. Nuk mund ta besoj që kemi arritur në një pikë ku bota po sheh, e heshtur, ndërsa populli i Gazës po vdes nga uria dhe plumbat, teksa ndihmat ndodhen vetëm disa kilometra larg, në anën tjetër të kufirit.

Kequshqyerja e qëllimshme dhe sulmet mbi civilët do të vrasin mijëra të tjerë nëse nuk ndalen menjëherë. Çdo ditë mosveprimi do të thotë më shumë fëmijë që vdesin, jo vetëm nga armët, por edhe nga uria. Një armëpushim i përhershëm, hyrja e lirë dhe e sigurt e ndihmave përmes mekanizmave të OKB-së dhe heqja e bllokadës janë të domosdoshme – dhe të gjitha janë të mundura nëse ekziston vullneti politik.

Vazhdimi i bashkëpunimit të qeverisë britanike me mizoritë e Izraelit është i pafalshëm. Nuk dua të kaloj edhe një ditë tjetër duke operuar mbi fëmijë që janë qëlluar dhe uritur nga një ushtri që mbështetet nga vendi im. Historia do të gjykojë jo vetëm ata që i kryen këto krime, por edhe ata që i panë dhe nuk ndërhynë.

Nga brenda spitalit Nasser, po ju them: kjo po ndodh qëllimisht. Kjo është e parandalueshme. Dhe kjo duhet të ndalet tani.

Prof. Nick Maynard është kirurg pranë spitalit universitar të Oksfordit dhe udhëton rregullisht në Gaza prej 15 vitesh. Ai është duke shërbyer si vullnetar me organizatën Medical Aid for Palestinians në spitalin Nasser në Gaza.

Përgatiti: L.Veizi

Ghislaine Maxwell, ish-socialitja britanike dhe bashkëpunëtorja e dënuar e Jeffrey Epstein, do të takohet sot me zyrtarë të Departamentit amerikan të Drejtësisë në burgun federal të Tallahassee-s në Florida, ku po vuan një dënim me 20 vjet heqje lirie për përfshirje në rrjetin e shfrytëzimit seksual të të miturve që udhëhiqej nga Epstein.

Ky zhvillim vjen në një kohë kur presioni publik dhe politik për zbardhjen e plotë të rastit Epstein është në rritje veçanërisht nga mbështetësit e lëvizjes MAGA të presidentit Donald Trump, të cilët po kërkojnë publikimin e të ashtuquajturës “listë klientësh” të miliarderit të ndjerë.

Bëhet fjalë për emra të fuqishëm që dyshohet se kanë frekuentuar rezidencat e Epstein në Palm Beach, në Neë Mexico dhe në ishullin e tij privat në Karaibe, ku shpesh ndodheshin vajza të mitura.

Sipas Ëall Street Journal, presidenti Trump është informuar në muajin maj nga Prokurorja e Përgjithshme Pam Bondi se emri i tij përmendet “shumë herë” në dosjet e Epstein. Ajo thuhet se i ka rekomanduar të mos publikojë më shumë materiale, pavarësisht premtimeve të mëhershme për transparencë të plotë.

Shtëpia e Bardhë ka tentuar ta minimizojë çështjen, por rasti po thellon përçarjen brenda Partisë Republikane, mes mbështetësve të linjës së ashpër pro-Trump dhe republikanëve më moderatë. Tensionet politike u shtuan kur një nënkomision i Dhomës së Përfaqësuesve votoi për të thirrur Maxëell për të dëshmuar më 11 gusht, pikërisht në përvjetorin e gjashtë të vdekjes së Epstein, me votat e të gjithë demokratëve dhe tre republikanëve.

Kush është Ghislaine Maxwell?

Maxwell, 64 vjeçe, është vajza më e vogël e Robert Maxëell, dikur pronar i Daily Mirror, Macmillan Publishing dhe pjesë e MTV Europe. Pas vetëvrasjes së të atit në vitin 1991 dhe rrënimit të perandorisë familjare, ajo u shpërngul në Neë York ku u lidh me Epstein, një financier me lidhje të fuqishme që administronte pasuritë e CEO-s së Victoria’s Secret, Leslie Ëexner.

Shpejt, lidhja mes tyre kaloi nga romantike në bashkëpunim kriminal. Maxëell përdorte statusin e saj shoqëror për t’i afruar Epstein-it vajza të mitura, shpesh në kushte të vështira ekonomike, duke i mashtruar me premtime për punë si masazhatore dhe fitime të lehta. Në fakt, ato përfundonin viktima të abuzimit seksual.

Një prej dëshmitareve kyçe, Virginia Giuffre, ka rrëfyer se Maxëell e çoi në rezidencën e Epstein në Palm Beach, ku ajo u abuzua seksualisht ditën e parë kur ishte vetëm 16 vjeçe. Giuffre, e cila më vonë do të bëhej një nga akuzueset më të fuqishme të Epstein, ndërroi jetë në prill të këtij viti në rrethana që autoritetet i kanë cilësuar si vetëvrasje.

Maxëell u arrestua në vitin 2020 nga FBI, ndërsa fshihej në një shtëpi të izoluar në pyjet e Neë Hampshire, me celularin e mbështjellë me letër alumini për të shmangur gjurmimin. Në vitin 2022, ajo u dënua me 20 vjet burg për rekrutimin dhe trafikimin e vajzave të mitura për Epstein. Prokuroria kishte kërkuar një dënim nga 30 deri në 55 vjet.

A do të flasë Ghislaine Maxwell?

Pas dështimit për të anuluar dënimin në Gjykatën e Lartë, avokatët e saj po shpresojnë tani për një marrëveshje të mundshme me autoritetet. Ish-avokati i njohur Alan Dershoëitz, vetë i përfolur për lidhjet me Epstein, ka deklaruar se “nëse Maxwell do të ofrohet imunitet, ajo është e gatshme të flasë”.

Një takim me përfaqësues të Departamentit të Drejtësisë është planifikuar për sot, çka ka rindezur spekulimet për një bashkëpunim të mundshëm në këmbim të një uljeje dënimi apo lirimi të parakohshëm.

Përplasjet politike dhe fati i listës së fshehtë

Rasti Epstein po rikthehet në qendër të debatit politik amerikan. Megjithëse nuk ka ende prova që lidhin Trumpin me krimet e Epstein, përmendja e tij e përsëritur në dosje po nxit tensione në mesin e republikanëve.

Mbështetësit më të zjarrtë të Trump janë të zemëruar me Prokuroren Bondi dhe drejtuesit republikanë që, sipas tyre, po pengojnë zbardhjen e plotë të dosjeve. Nga ana tjetër, demokratët po e përdorin këtë ndasi për të akuzuar ish-presidentin dhe aleatët e tij për fshehje të qëllimshme.

Të dhënat mbi listën e përfolur të “klientëve”, nëse ekziston nuk janë bërë publike. Vetë Departamenti i Drejtësisë ka deklaruar se nuk ka një listë zyrtare. Ndërkohë, përplasjet ligjore për hapjen e dokumenteve të jurisë së madhe në Florida dhe New York vazhdojnë, ndërsa gjykatat janë të ndara për vlefshmërinë dhe konfidencialitetin e këtyre materialeve./kb

Kryeministri Edi Rama publikoi në profilin e tij në Facebook një video nga puna e atij që e quajti Kryeinspektorati Digjital i Territorit.

“Videoja është një fragment i shkurtër i  informacionit që ky Kryeinspektorat po mbledh nëpër Shqipëri, për të filluar punën  për zbatimin e masave të reja ligjore të kontrollit të territorit”, shkroi Rama.

“Ky Kryeinspektorat do të mbulojë hap pas hapi të gjithë gamën e aktiviteteve shoqërore e shtetërore në territor, nga kontrolli i ndërtimeve tek taksat e tarifat vendore, nga prodhimi bujqësor tek mbrojtja e pyjeve dhe lumenjve, duke e bërë punën e strukturave përkatëse më të lehtë, si edhe duke i bërë zullumet e llojllojshme shumë më të vështira”./e.t

Avokati Spartak Ngjela kryedemokratin Sali Berisha e cilëson si “xhol” që mund të hyjë kudo dhe në çdo çështje.

Një deklaratë e tillë u bë duke folur për “MCN Live” lidhur me deklaratën e tij për dhunë çnjerëzore ndaj të “burgosurit politik” siç e konsideron Ilir Metën dhe të burgosurin “ordiner” Erion Veliaj.

“Saliu mendon se mund të hyjë kudo, ka një lojë me letra që quhet xhol dhe xholi hyn kudo në funksion të lojës. Saliu e di veten xhol, se me që është xhol politika, thotë unë jam xhol i saj. I kanë rënë kredot, por ai bën luftën për ekzistencë.

Të shohim gjithçka do të shihet nga procesi. Dje i kanë paraqitur akuzën zotit Veliaj, për korrupsion dhe të tjera, jemi ende te koncepti i prokurorisë i akuzës, nuk është absolut, është mbrojtja që do bësh në gjykatë, janë provat që ka mbrojtja e të pandehurit, është vendimi i gjykatës.

Pasi të mbarojnë këto kemi të drejtë të japim mendimin tonë. Veliaj akoma prezumohet i pafajshëm.

Të fajshëm i ka thënë akuza, kurse ligji e prezumon të pafajshëm, kështu që nuk flasim dot pa dëgjuar procesin dhe pa marrë formën e prerë vendimi i gjykatës.” – u shpreh Ngjela.

Sa i takon marrjes së të pandehur të deputetes socialiste Klotilda Bushka lidhur me dosjen “Veliaj”, ai deklaroi se si kryetare e Komisionit të Ligjeve, ka nivel shumë të lartë dhe pritet të shihet se si do të ecin gjërat.

Klotilda Bushka akuzohet për veprën penale të kryerjes së veprimeve që pengojnë zbulimin e së vërtetës. Sipas SPAK, Bushka dyshohet se ka kryer veprimeve aktive për intimidimin e dëshmitarëve. /e.t

Në 24 orët e fundit janë raportuar 34 vatra zjarri, sipas një përditësimi nga Ministria e Mbrojtjes.

Tetë nga këto vatra janë ende aktive, teksa tre janë nën monitorim.

Situata e zjarreve në rang vendi

Gjatë 24 orëve të fundit, janë raportuar 34 vatra zjarri, nga të cilat 8 vijojnë të jenë ende aktive dhe 3 janë në monitorim. Situata më problematike është evidentuar në qarqet Shkodër, Lezhë, Dibër, Elbasan dhe Gjirokastër.

Në vatrën e zjarrit, në vendin e quajtur “Maja e Paliskës”, mbi fshatin Dukat pati një përmirësim të situatës pas ndërhyrjes edhe nga 2 helikopterë të Forcës Ajrore. Por më vonë në mbrëmje zjarri u riaktivizua. Gjatë natës vatra është mbajtur në monitorim nga forcat zjarrfikëse. Ditën e sotme në terren kanë shkuar forca nga strukturat vendore dhe 40 efektivë nga Forcat e Armatosura. Pritet gjithashtu edhe ndërhyrje nga ajri me 1 helikopter të Forcës Ajrore.

Po ashtu, në vatrën e zjarrit pranë Parkut Kombëtar të Lurës, dje u ndërhy edhe me avionin Canadair kroat nga Mekanizmi Evropian i Mbrojtjes Civile, gjë që solli një përmirësim të situatës në njërën nga vatrat. Megjithë përpjekjet e forcave operacionale në terren, nuk u arrit të shuhej zjarri. Puna po vijon sërish sot.

Një tjetër vatër problematike është ajo në vendin e quajtur “Përroi i Zi” , ku dje, ndërhyrja edhe me avionin Canadair kroat ngadalësoi përhapjen e flakëve drejt disa banesave dhe staneve në zone, por temperaturat e larta dhe erërat e forta ndikuan negativisht në vënien nën kontroll të vatrës, e cila pati një perimetër shumë të madh. Sot vijon puna për shuarjen e zjarrit.

Gjatë orëve të pasdites, pati një riaktivizim të fuqishëm të vatrës së zjarrit nga kufiri me Mirditën. Sot në terren pritet të operojnë 2 helikopterët hungarezë dhe avioni kroat Canadair.

Në operacionet për shuarjen e zjarreve janë angazhuar:

–           40 automjete zjarrfikëse

–           776 forca operacionale nga strukturat vendore dhe qendrore

Gjatë ditës së djeshme morën pjesë në operacione:

–           345 forca nga Forcat e Armatosura (FA), me 3 mjete dhe 3 helikopterë

–           1 avion Canadair i ardhur nga shteti kroat

–           2 helikopterë për misione rikonjicioni nga Hungaria

Për ditën e sotme, janë në vijim të operacioneve:

–           215 efektivë të FA

–           1 helikopter nga FA

–           1 avion Canadair kroat

–           2 helikopterë hungarezë, në kuadër të Mekanizmit Evropian të Mbrojtjes Civile

Sipas IGJEO-s, sot nuk priten reshje në të gjithë territorin. Sa i përket zjarreve, sot pritet nivel rrezik “I LARTË” në të gjitha qarqet.

Autoritetet qëndrojnë në gatishmëri të plotë dhe janë në bashkëpunim të ngushtë me strukturat vendore dhe ndërkombëtare për menaxhimin dhe shuarjen e zjarreve. U bëjmë thirrje për kujdes dhe bashkëpunim qytetarëve, për të shmangur çdo veprim që mund të shkaktojë zjarr dhe të raportojnë menjëherë çdo vatër të dyshuar pranë autoriteteve përkatëse./kb

Kreu i PD, Sali Berisha ka hedhur akuza të forta ndaj kryeministrit Edi Rama, duke e akuzuar për përdorimin e lejeve të ndërtimit si mjet për blerje votash në zgjedhjet e 11 majit 2025, të cilat ai i cilësoi si një “farsë elektorale kriminale dhe antikushtetuese”.

Në konferencën e sotme me gazetarët, Berisha tha se gjatë periudhës zgjedhore janë dhënë 450 leje ndërtimi në kundërshtim me ligjin, me përfitues kryesorë bandat e lidhura me narkotrafikun, të cilat, sipas tij, po kontrollojnë territorin dhe ekonominë e vendit përmes kartelit të ashtuquajtur “Troplinët”.

“Edi Rama bleu vota me 450 leje për bandat e narkotrafikut, në periudhën këto të ndaluar me ligj që mund të jepeshin.

Nga prilli 2024 deri në maj 2025 janë dhënë mbi 1 mijë leje ndërtimi.

450 prej tyre gjatë periudhës zgjedhore.

Këtu nuk përfshihen mijëra e mijëra leje të dhëna për shtesa, rikonstruksione, etj, në mbarë Shqipërinë nga bashkitë e vendit.

Këtu përfshihen vetëm lejet që ka firmosur Adelajda Rroko, famozja, që është motra e dy lejtnantëve kryesore të kartelit Çela, vëllezërit Rroko, dhe që është faktikisht drejtoresha e planifikimit, e urbanistikës të Shqipërisë dhe firma mbi të është firma e Edi Ramës.

Tani, përgjatë vitit numri i lejeve të ndërtimit ka variuar nga 29-25 në muaj, por në dhjetor 2024-mars 2025 ato janë dyfishuar me 60 leje ndërtimi.

Në Durrës, të gjitha kompanitë kanë vetë një nipt, të regjistruar në zonën e Xhafzotajt, pra në kryeqytetin e Troplinëve. Duket qartë tendenca për të pasur sa më afër portin e Durrësit.

Kompanitë e ndërtimit të Elvis Doçit, Xhevdet Troplinit, Hysni Doçit, Eldemar Construction kontrollohet nga Visi i Pojës.

Me 24 dhjetor, imagjinojeni, ditën e Krishtlindjes, të kryesh mëkate edhe atë ditë, nuk ke as Krisht, as Muhamed, por je pa din dhe imam- merr leje ndërtimi për objektin Rock of Kavaja. Projekti është hartuar nga një studio kroate dhe në Shqipëri ka përfaqësues një mik të famozit Dorian Duçka. Administratori i Eldemar, Gëzim Hasa, një ish-polic i arrestuar për trafik kokaine në Itali së bashku me Denis Hasën, edhe ky përfaqësues në vitin 2010 i Eldemar.

Me 11 maj të vitit 2025, Elvis Doçi- se i kishte ardhur urdhri i arrestit, por Altin Troplini e mbante në xhep dhe i thotë shit dhe mbathja- me datën 11 maj, Elvis Doçi kalon në pronësi të Ceofarmësm, me pronar Nadir Çausholli, 60 përqind të aksioneve të Rock of Kavaja. 6 ditë më vonë, palët paraqiten përsëri para noterit dhe deklarojnë rritje të kapitalit.

Pra, me datën 17, Elvis Doçi që në kohën që Altin Troplini mbante në xhep mandatin ndërkombëtar të arrestit të këtij eksponenti të kartelit më të rrezikshëm në Europë që disponon portin e Durrësit, ai bënte veprime për t’ia kaluar aksionet fiktivisht Nadir Çaushollit, i cili merr përsipër 100 përqind të investimit.” – u shpreh mes të tjerash Berisha./e.t

Ura e Milotit është mbyllur përfundimisht për qarkullimin, pas konstatimit të dëmtimeve serioze në këmbët mbajtëse, të shkaktuara si pasojë e mungesës së ndërhyrjes për mirëmbajtje dhe marrjes së inerteve në afërsi të strukturës së saj.

Sipas Autoritetit Rrugor Shqiptar, mbyllja është marrë si masë sigurie, pasi ura përbën një rrezik real për shembje dhe kalimi mbi të është bërë i pamundur. Megjithatë, nuk është dhënë asnjë informacion zyrtar nëse do të ndërhyhet për riparimin e saj apo cili do të jetë fati përfundimtar i kësaj ure strategjike.

TikTok rezulton të jetë platforma me numrin më të madh të incidenteve të raportuara (209 raste), e ndjekur nga Facebook dhe Instagram. Megjithatë, raporti vlerëson se TikTok ka reaguar me efikasitet, duke mbyllur ose bllokuar shumicën e faqeve problematike brenda një kohe të shkurtër.

Raporti thekson gjithashtu nevojën për forcimin e kuadrit ligjor për mbrojtjen e fëmijëve online, si dhe për rritjen e ndërgjegjësimit tek fëmijët, të rinjtë dhe prindërit në lidhje me rreziqet e hapësirës digjitale.

Publikimi i raportit u bë i mundur me mbështetjen e nismës netSMARTkids Shqipëri, bashkëfinancuar nga Bashkimi Europian dhe CRCA-ECPAT Shqipëri, në partneritet me ALO 116 Shqipëri dhe iSIGURT.al./kb

Partizani nuk gjen qetësi. Ende pa kaluar 24 orë nga dorëheqja e papritur e ish teknikut Skënder Gega, ditën e sotme ka qenë edhe Drejtori Teknik, Sokol Haxhia që me anë të një postimi në profilin e tij në rrjetet sociale ka zyrtarizuar ndërprerjen e bashkëpunimit me të kuqtë.

Haxhia kishte vetëm pak muaj që kishte marrë detyrën e Drejtori Teknik tek kryeqytetasit.

Në këtë mënyrë skuadra e Partizanit, vetëm 1 muaj nga starti i kampionatit e sheh veten, pa drejtor sportiv dhe mbi të gjitha ende pa trajner./e.t

Prokurorja e Përgjithshme e Shteteve të Bashkuara, Pam Bondi, e ka informuar presidentin Donald Trump gjatë pranverës se emri i tij shfaqej në dokumentet që lidhen me Jeffrey Epstein. Ky informacion, sipas mediave ndërkombëtare, bazohet në burime nga tre persona me dijeni për përmbajtjen e informimit.

Zbulimi është bërë në kuadër të një raportimi më të gjerë lidhur me rishqyrtimin e çështjes kundër Epstein, i cili vdiq në vitin 2019 ndërsa priste gjyqin për akuza të trafikimit seksual. Rishikimi është bërë nga agjentët dhe prokurorët e FBI-së. Informimi është dhënë gjatë një takimi ku morën pjesë edhe zëvendësprokurori i përgjithshëm Todd Blanche. Takimi trajtoi një sërë temash, ndërsa Bondi – që raportohet se takohet shpesh me Trump për ta informuar mbi çështje të ndryshme – u fokusua në përmbajtjen e dosjeve.

Sipas burimeve, Bondi dhe Blanche, të dy avokatë të presidentit, e njoftuan Trumpin se emri i tij, ashtu si edhe ai i disa figurave të tjera me profil të lartë, është përmendur në dokumente të cilat deri tani nuk ishin bërë publike.

Nuk dihet saktësisht sa të rëndësishme janë këto referenca për Trumpin, por informimi i zbuluar hedh dritë mbi diskutimet e brendshme në Shtëpinë e Bardhë, në një kohë kur stafi i presidentit po përpiqet të qetësojë pakënaqësinë e disa mbështetësve, të cilët besojnë se Trump dhe disa prej të emëruarve të tij kanë dështuar në premtimin për të bërë publike të gjitha dosjet.

Dy nga emërimet kyçe të FBI-së të bëra nga vetë Trump kanë qenë ndër ata që, përpara marrjes së detyrës, besonin se ekzistonte më shumë për t’u zbuluar në lidhje me Epstein. Në fillim të këtij viti, Bondi i përshkroi dokumentet si material me rëndësi për t’u shqyrtuar.

Trump dikur ka qenë mik me Epstein, por marrëdhënia mes tyre u ndërpre pas një konflikti që presidenti e ka përshkruar si një “grindje” në fillim të viteve 2000. Në një takim në Shtëpinë e Bardhë në muajin shkurt, Bondi shpërndau disa dosje që përmbanin informacione të ndryshme, përfshirë edhe numrat e telefonit të disa anëtarëve të familjes së presidentit, përfshirë vajzën e tij. Në një deklaratë të përbashkët, Bondi dhe Blanche thanë:

“Si pjesë e informimit rutinë, ne e njoftuam presidentin për gjetjet. Asgjë në dosje nuk justifikonte hetime ose ndjekje të mëtejshme penale.”/kb

Nga Ilir Demalia

Dje, teksa po shfletoja kanalet televizive siç shfletohet një gazetë e stërvjetruar që mblidhinin  bukën për punë në kohën e komunizmit, më zuri syri Euronews Albania në emisionin NOW (TANI). Aty, në një moment  më kapi  veshi një “gazetar” — ose të paktën dikë që e mban veten për të tillë. Emrin nuk po e përmend, jo nga mirësia, por nga paaftësia për ta kujtuar mes gjithë atyre figurave që dalin çdo ditë e që e kanë kthyer ekranin në një një kënetë ku llomotitet e llokoçitet gjithë ditën e lume pa kuptim .

Ky zotëria në fjalë, me vetëbesimin e një psikiatri të famshëm dhe me tonin e trashur të një gardiani të SPAK-ut, deklaroi me plot gojën:

“Erion Veliaj është në depresion të rëndë dhe ka pirë 30 kg raki.”

Po pra. Tridhjetë kilogramë. Jo gramë, jo litra, por kilogramë raki. Sepse, siç duket, rakia është tashmë njësi matëse e shëndetit mendor, dhe gazetari shqiptar ka kaluar nga roli i informuesit në atë të diagnozuesit klinik, distileristit dhe analistit të alkoolit të fermentuar nga rrushi.

Ky fenomen është një reflektim tragji-komik i asaj që mund të quajmë “gazetari të bërzive (mbetjeve të rrushit pasi është shrydhur dhe zier për raki) të rrushit” — ku rrushi nuk është më fryti i vjeljes profesionale, por metafora më e mirë për përmbajtjen e stërkulluar që na serviret si “analizë”.

Dhe meqë ra fjala, po, rrushi bën raki. Por jo çdo rrush bëhet gazetari, e aq më pak çdo gazetari bëhet ekspert për rrushin, për depresionin, për politikën, për moralin dhe për çfarëdo teme tjetër që i vjen përpara mikrofonit.

Në Shqipëri, lajmi nuk verifikohet, lajmi ndërtohet. Analiza nuk bëhet, sajohen. Gazetari nuk pyet, por deklaron. Ai nuk kërkon të informojë publikun, por ta trullosë. Dhe kjo është një çorbë që ziet e stërzihet si çorbë derrash në kazanin mediatik dhe hidhet në eter  si pordhë intelektual – sa qelb dynjanë.

Habia e vetme që na ka mbetur është që nuk ka më habi, as kur qelbemi prej pordhëve mediatike dhe as nuk mundohet kush të zërë hundët me dorë prej erës së qelbur të pordhëve të kazanit mediatik.

As kur dëgjojmë deklarata të tipit “Veliaj ka pirë 30 kg raki”, as kur na analizojnë liderë politikë si të ishin pacientë klinikë. Sot gazetaria ka rënë në dorën e opinionistëve që e ndërtojnë mendimin si një status Facebook-u, ku lajmi është “çfarë kam dëgjuar unë nga një shok që ka parë një tjetër që ka qenë aty”.

Mjerisht, kjo është fytyra e një pjese të mirë të medias shqiptare. Një media që më shumë prodhon tallava sesa informacion, ku sarkazma zë vendin e fakteve, dhe ku çdo studio televizive është bërë një kazan rakie, ku dehja vjen jo nga alkooli, por nga arroganca, injoranca dhe mosbesimi ndaj çdo etike profesionale.

Në këtë çorbë ku është zier gjithçka — gazetaria, politika, shëndeti mendor, rakia dhe rrushi — një gjë mbetet e qartë:

Ka shumë pak gazetarë dhe shumë rrush të bërë uthull.

Zjarri në malin e Dukatit në Vlorë mbetet ende aktiv, pavarësisht se një ditë më parë u raportua se ishte vënë nën kontroll.

Flakët janë përqendruar në dy vatra kryesore: një mbi fshatin Dukat dhe tjetra në drejtim të Parkut të Llogarasë. Në vendngjarje ndodhen forcat zjarrfikëse, përfaqësues të Forcave të Armatosura dhe të Emergjencave Civile, të angazhuara për neutralizimin e zjarrit.

Zjarri ka shpërthyer më 5 korrik dhe që prej asaj kohe ka përpirë një sipërfaqe të konsiderueshme me pisha dhe bredha, ndërsa në disa raste ka rrezikuar edhe banesat përreth.

Për të ndihmuar në përballimin e situatës, nga Greqia, si vend anëtar i Bashkimit Evropian, kanë mbërritur dy avionë zjarrfikës, të cilët kanë ndërhyrë me hedhje uji për të ndaluar përhapjen e flakëve në drejtim të Parkut Kombëtar të Llogarasë.

Zona e Dukatit është përfshirë nga flakët prej më shumë se dy javësh. Zjarri u përhap sot, 23 korrik, me intensitet, duke iu afruar Parkut Kombëtar të Llogarasë, një prej zonave më të bukura dhe të mbrojtura të bregdetit jugor.

Ndërkohë për mikrofonin e Klan News, Prefekti i Qarkut Vlorë, Plator Nesturi, deklaroi ditën e djeshme se zjarri ka qenë tejet problematik që prej datës 6 korrik, ndërsa është riaktivizuar në 5 ditët e fundit./kb

Myslim Murrizi ka qenë i fttuar për një intervistë në RTSH, një ditë më parë.

Ndër të tjera, Murrizi kritikoi situatën në PD, e cila, sipas tij, nuk rregullohet me cicërima në FB.

“Dhe per çdo deklarate te deliranteve politik te PD, te zgjedhur vendorë apo deputetë, ne Kryesi apo Keshill Kombetar qe bejne ciu ciu ne FB per lajme portalesh, por qe ne mbledhjet e forumeve te PD ku bejne pjes rrinë si te dhjerë e duartrokasin sa Berishen, sa Noken, sa Paloken e sa Vokshin

PD nuk rregullohet me cicerima në FB, por me ngritje zeri aty ku eshte vendi dhe me qendrime konkrete, jo me lepirje kur keni interes e me mjau mjau kur mbaroni hallin”, thotë ai./e.t

Me kërkesën e Prokurorisë së Beratit janë arrestuar dy shtetase vietnameze dhe pronari i një banese. Vietnazmet ishin të organizuara nga një person ende i paidentifikuar për të ushtruar prostitucion.

Ato kanë deklaruar se kishin ardhur për turizëm  por me pas duke pasur nevojë për më shumë para për biletën e kthimit, vendosën të kryejnë këtë aktivitet të jashtëligjshëm.

“Tre persona, dy shtetase vietnameze dhe shtetasi shqiptar Xh.S. u arrestuan me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm Berat për veprën penale “Prostitucioni” parashikuar në nenin 113 të Kodit Penal dhe për veprat penale parashikuar nga neni 115 dhe 300 i K.Penal.

Nga hetimet mbi procedimin penal nr.370, të vitit 2025, rezultoi se të implikuar në këtë veprimtari kriminale janë disa shtetase të huaja të cilat janë organizuar nga një person në qytetin e Beratit ende i paidentifikuar”, thuhet në njoftimin e Prokurorisë së Beratit/kb

Policia e Tiranës ka intensifikuar aksionet kundër parkimeve të gabuara që pengojnë qarkullimin në kryeqytet, duke proceduar penalisht 24 shtetas për bllokim të qëllimshëm të lëvizjes në hapësira publike.

Gjatë kontrolleve të fundit, efektivët e Policisë Rrugore konstatuan disa automjete të parkuara në mënyrë të parregullt në rrugë të ndryshme të qytetit. Automjetet u tërhoqën me mjet ngritës dhe ndaj pronarëve të tyre nisi procedimi penal bazuar në nenin 293 të Kodit Penal.

Të proceduarit janë shtetas të moshave të ndryshme, nga 23 deri në 65 vjeç, mes tyre R. M., E. H., I. M., F. H., S. D., dhe të tjerë.

Policia e Tiranës thekson se aksionet në terren do të vijojnë pa ndërprerje, me qëllim garantimin e qarkullimit të lirë për qytetarët dhe automjetet, si dhe disiplinimin e trafikut në kryeqytet.

“Respektoni rregullat – rruga është për të gjithë”, apelon policia, duke kërkuar ndërgjegjësim për të shmangur penalizime dhe kaos rrugor./e.r

Gazeta prestigjioze amerikane ”New York Times” ka përzgjedhur dhe Dhërmiun ndër destinacionet më të mira turistike globale.

”Një tjetër verë me temperatura përvëluese në të gjithë Evropën i ka nxitur turistët dhe vendasit të kërkojnë mënyra krijuese për të mposhtur vapën”, shkruan Gabe Castro-Root për ”New York Times”.

Kur temperaturat rriten ndjeshëm, Akropoli apo maja e Kullës Eiffel ndonjëherë mund të mbyllen, por plazhet janë të hapura dhe në formën e tyre më të mirë.

Mund të vallëzoni gjithë natën në rërë në Shqipëri, të bëni windsurf në Sardenjë ose të bëni ecje në një dunë gjigante në Francë. Ose mund të shijoni ditët e gjata të diellit arktik në Norvegji.

Por, plazhi i Dhërmiut, në Rivierën Shqiptare, tërheq adhuruesit e diellit dhe turistët e shumtë me festivale të shumta muzikore gjatë gjithë verës.

Riviera Shqiptare është vendosur si një alternativë ndaj brigjeve të mbushura me njerëz të Kroacisë dhe Greqisë, falë plazheve si Dhërmiu.

Pak më shumë se një kilometër i gjatë, me shezlongë në dispozicion dhe gjire shkëmbore të izoluara, që shpërndahen në skajin jugor të plazhit, Dhërmiu është gjithashtu një destinacion kryesor për ata që duan të festojnë, pasi zona organizon disa festivale të mëdha muzikore gjatë gjithë verës.

Kajaku dhe zhytja me maskë janë aktivitete të njohura dhe rrënojat e një aeroplani luftarak të epokës sovjetike vetëm disa qindra metra larg bregut të plazhit të afërt të Dhrimadhes janë një atraksion i veçantë për zhytësit.

Shtigjet e ecjes dhe ullishtat në zonë ofrojnë pamje panoramike të detit dhe malet Kerautine, që ngrihen në lindje, janë piktoreske si nga plazhi ashtu edhe gjatë ecjeve përgjatë rrugës dredha-dredha bregdetare./e.t

Në një operacion të Seksionit për Hetimin e Krimeve Ekonomiko-Financiare në Tiranë, gjatë 24 orëve të fundit janë arrestuar dy persona dhe është shpallur në kërkim një notere, lidhur me dy raste mashtrimi që kanë të bëjnë me shitjen dhe blerjen e apartamenteve.

Shtetasi Marjo Qose, 31 vjeç, u arrestua pasi gjatë një viti i ka marrë një 34-vjeçari shumën prej 75,000 eurosh, duke e mashtruar se do t’i blinte për llogari të tij një apartament në kryeqytet.

Ndërsa Nani Kolovani, 48 vjeç, është arrestuar për shkak se ka shitur dy herë të njëjtin apartament. Hetimet vazhduan dhe u identifikua noterja Majlinda Demollari, 57 vjeçe, e cila dyshohet se ka përpiluar dy kontrata të ndryshme për të njëjtën pronë. Ajo është shpallur në kërkim dhe policia po punon për kapjen e saj./e.t

Nga Britania në SHBA, nga Japonia në Australi e më tej, burra në të 20-at dhe 30-at vazhdojnë të jenë të fiksuar pas lokomotivës së dashur blu. Pse? Regjisori i një dokumentari të ri rrëfen gjithçka.

Nga Stuart Jeffries

“E mbaja si një sekret të errët,” thotë Matt Michaud. “Përpiqesha të mbaja njerëzit larg. Nuk do ta quaja turp. Nuk isha i sigurt nëse ishte e drejtë apo e gabuar. Nuk isha i sigurt nëse ishte diçka që mund ta ndaja me të tjerët.”

Fjalë të çuditshme për t’u dëgjuar në hyrje të një dokumentari çuditërisht të ëmbël. Çfarë lloj prirjeje, apo edhe krimi, po rrëfen Michaud në sallonin e tij? Një vështrim pas tij zbulon gjithçka: një tavolinë plot me lodra lokomotivash dhe libra për hekurudha model. Në qendër ndodhet një maket i Thomas Lokomotivës.

“Edhe në ditëlindjen time të 10-të kërkoja lodra të Thomas-it. Prindërit e mi mendonin se ishte e çuditshme.”

Në një nga letrat e tij për Korintasit, Shën Pali shkruan se, kur u bë burrë, la pas gjërat e fëmijërisë. Dokumentari i Brannon Carty-t, i titulluar Një Fans i Papritur: Ndikimi i Thomas Lokomotivës, është një përgënjeshtrim i asaj filozofie. Ai feston burrat (pasi të intervistuarit janë kryesisht meshkuj) që kanë gjetur miqësi, komunitet dhe krijimtari në atë që duket të jetë një nga nënkulturat më të pafajshme.

Megjithatë, ndjenja turpi e përshkon këtë fandom. “Përveç disa personave,” thotë Carty, “askush nuk del hapur – sepse nuk është e pranueshme shoqërisht, sidomos këtu në SHBA.” Pse? “Mendoj se Thomas-i këtu përzihet me emisione si Sesame Street dhe të tjera për parashkollorë, ndërsa në Britani shihet më shumë si një program për fëmijë në përgjithësi.”

Këto dallime janë të rëndësishme për një markë globale shumëplatformëshe – që shtrihet nga format e makaronave deri te mbulesat e shtratit – dhe që ka fansa nga Japonia deri në Australi. Kjo, sigurisht, nuk ishte në mendjen e Reverend Wilbert Awdry, kur krijoi Thomas-in në vitin 1943. Ai e shpiku atë në një ishull imagjinar, të quajtur Sodor, për t’ia ngjallur humorin të birit, Christopher, i sëmurë me fruth.

Dy vjet më vonë, nisën të botoheshin librat ilustrativë – si një kundërhelm i gjallë e ngjyror ndaj zymtësisë së Britanisë pas luftës.

Kur isha fëmijë, në vitet 60-70, i merrja me hua nga biblioteka librat për Thomas-in dhe miqtë e tij. Por për brezat më të rinj, Thomas nuk lidhet me librat – por me serialet televizive, veçanërisht Thomas & Friends, që nisi në Britani më 1984, me skenar të Britt Allcroft, dhe zë të Ringo Starr, më pas Michael Angelis, e madje edhe Pierce Brosnan në një spin-off.

Shumë nga fansat e sotëm në të 20-at dhe 30-at, të intervistuar nga Carty (duke përfshirë dhe vetë atë), janë rritur me këto seriale. Nostalgjia për lokomotivën trimëruese i ka ndjekur deri në moshën madhore. “Vëllai im e la,” thotë Carty. “Unë jo.” Pse? “Nuk mund ta shpjegoj. As prindërit e mi nuk mund ta shpjegojnë. Në ditëlindjen time të 10-të ende kërkoja lodra të Thomas-it. M’u ngjit si sëmundje. Por jam i lumtur që ndodhi. Tani jam gati 30 vjeç, dhe sërish është ‘gjëja’ ime.”

Çfarë e bën Thomas-in tërheqës për amerikanët? “Këtu nuk sheh shumë lokomotiva me avull. Kur shohin trenat e Thomas-it, thonë: ‘Janë të trilluar, s’janë të vërtetë.’”

Kur Thomas kaloi në SHBA në fund të viteve ’80 dhe fillim të viteve ’90, u përshtat për tregun: Fat Controller u bë Mr Controller, dhe pas Ringo Starr, narratori u bë fillimisht George Carlin, më pas Alec Baldwin.

Po si nisi Një Fans i Papritur? “Po studioja film në Universitetin e Karolinës së Veriut,” tregon Carty. “Profesori më tha: ‘Dil dhe xhiro një dokumentar. Nuk më intereson sa zgjat. Vetëm gjej një temë që e do.’ Kështu nisa të filmoja fansat e rritur të Thomas-it që njihja. E bëra filmin dhe u diplomova – pastaj kuptova se kishte edhe shumë fansa në Britani, plot në Australi, e madje një komunitet të tërë në Japoni.”

Fakti që shumë prej të intervistuarve janë në të 20-at dhe 30-at tregon se një pjesë e rëndësishme e lidhjes vjen nga nostalgjia për fëmijërinë. Por ka edhe më shumë se kaq. Thomas ka qenë veçanërisht i dashur për personat në spektrin autik. Një studim i vitit 2001 tregoi se fëmijët me autizëm apo sindromën Asperger e pëlqejnë dhe identifikohen me Thomas-in më shumë se me çdo personazh tjetër për fëmijë. Pse? Për shkak të historive të thjeshta, zgjidhjeve të qarta, ngjyrave të ndezura dhe fytyrave të lexueshme.

Por Thomas lidhet me gjithkënd. Për shembull, në episodin Down the Mine, ai merr një mësim të mirë: pasi tall Gordonin që binte në baltë, vetë përfundon në një minierë. Gordon e shpëton pa ia kthyer talljen. Thomas mëson: mos injoro shenjat paralajmëruese dhe mos u sill keq me miqtë.

Carty shpesh kishte vështirësi për të bindur njerëzit të paraqiteshin në film. “Shumë ngurronin. U thashë: ‘Besomëni. Askush nuk do duket qesharak. Filmi do të jetë i sinqertë dhe i ndershëm. Dhe sa kohë që ju jeni të ndershëm, edhe filmi do të reflektojë këtë.’”

Një Fans i Papritur bën më shumë se kaq: shohim fansa që flasin me pasion, tregojnë si mësuan të bëjnë filma, të shkruajnë tregime apo të krijojnë video në YouTube. Matt Michaud kujton si nisi: “Në shkollë mora një klasë për video, u frymëzova nga mësuesi, shkova në shtëpi, mora lodrat e Thomas-it, vendosa një çarçaf si sfond, ndeza dritat dhe xhirova filmin tim të parë. Atë verë bëra 13 episode dhe krijova audiencë në YouTube.”

Jetëgjatësia e Thomas-it është zgjatur nga dy gjëra që Awdry nuk do t’i kishte imagjinuar kurrë: internetin dhe YouTube-in. Pa këto, komunitetet e fansave dhe filmat amatorë nuk do të kishin mbijetuar. “Nuk ndodh shpesh me personazhe të tjerë të fëmijërisë. Sigurisht ka fansa të Star Wars që bëjnë filma, por nuk besoj se ka ndonjë për Bob the Builder apo Zjarfikësin Sam,” thotë ai.

Projekti tjetër i Carty-t është krejt tjetër: “Është për disa italianë që në vitet 1990 shkuan në Florida dhe bënë Jaws 5.” Filmi, i njohur edhe si Cruel Jaws, u ndalua në SHBA pasi përdorte pamje të vjedhura nga tre filmat origjinalë Jaws dhe kolonën zanore nga Star Wars. “Është i tmerrshëm, por e dua. Është i çmendur dhe mund ta gjeni kudo online.”

Por përpara se të përfundojë atë dokumentar (me titull paraprak Twilight Jaws), Carty do të marrë pjesë në premierën britanike të An Unlikely Fandom, më 2 gusht në Derby. Pjesë nga më të ëmbla të filmit janë pamjet e fansave në konventa, që bëjnë podcaste apo punojnë si vullnetarë në linja hekurudhore të trashëgimisë, të frymëzuar nga Thomas.

Ajo që më pëlqeu më shumë në film ishte mungesa totale e talljes ndaj të rriturve që “luajnë me lodra”. “Kjo ishte pikërisht ajo që doja të tregoj botës. Kalova shumë vështirësi për këtë. Edhe fansat e tjerë përballeshin me ngacmime. As ata nuk dinin si ta përpunonin. Shumë më thanë: ‘Do të doja ta kisha parë këtë film kur isha fëmijë – do kuptoja që nuk isha vetëm.’ Kur je fëmijë, prindërit të thonë: ‘Pse nuk po bën miq? Gjej shoqëri.’ Dhe shumë fansa të Thomas-it e gjetën shoqërinë e tyre më vonë. Është një gjë kaq e shëndetshme dhe pozitive.”

Carty rrëfen se ai dhe e dashura e tij – po ashtu fanse e Thomas-it – ende nuk kanë fëmijë. “Kur të kemi, do jetë një shtëpi Thomas-i,” thotë ai. Pastaj, me një psherëtimë të lehtë shton: “Nëse nuk u pëlqen, do ta rimendojmë.”

Përgatiti për botim: L.Veizi

Deputeti i Partisë Socialiste, Fatmir Xhafaj, në një deklaratë për mediat nga Kryesia e Kuvendit, bëri bilancin e punës së Komisionit të Posaçëm Antikorrupsion, të cilin e ka drejtuar që prej themelimit të tij, dhe i cili përfundon mandatin pas 14 muajsh funksionim.

“Komisioni ka funksionuar me transparencë dhe e ka përmbushur qëllimin e tij. Është detyrimi ynë të ndajmë me qytetarët rezultatet e punës sonë,” u shpreh Xhafaj.

Sipas tij, komisioni ka pasur në fokus tri sfida thelbësore: zhvillimin, mirëqeverisjen dhe luftën kundër korrupsionit, duke kontribuar gjithashtu në forcimin e sundimit të ligjit. Ai theksoi se puna e komisionit ka ndihmuar në qartësimin e rolit që duhet të ketë Kuvendi në procesin e integrimit në Bashkimin Europian dhe në nevojën për reformimin e vetë institucionit ligjvënës.

“Ky komision i posaçëm parlamentar ka qenë një hap i rëndësishëm për të adresuar problematika të ndjeshme dhe për të vendosur një qasje më funksionale ndaj sfidave që lidhen me qeverisjen e mirë dhe antikorrupsionin,” përfundoi Xhafaj./e.t

Certifikohet Elbasani. Kolegji Zgjedhor ka rrëzuar kërkesën e Partisë Demokratike për Elbasanin, duke vulosur në këtë mënyrë edhe rezultatin.

Ndërkohë pritet edhe vendimi për Durrësit dhe të Fierit.

Demokratët kanë pretenduar dhe akuzuar se në zgjedhjet parlamentare të 11 majit janë përdorur skema të tilla si “treni bullgar”./e.t