Alejandro Garnacho është përjashtuar nga planet e ekipit të parë të Manchester United nga trajneri Ruben Amorim, i cili ka këmbëngulur se vendimi nuk është personal. 

Argjentinasi po stërvitet veçmas nga pjesa tjetër e skuadrës dhe tashmë pritet të largohet nga ‘Djajtë e Kuq’, me Chelsea dhe Aston Villan që po tregojnë interes serioz për ta transferuar sulmuesin këtë verë. 

21-vjeçari nuk u përfshi në turneun përgatitor në Shtetet e Bashkuara, duke e bërë të qartë se e ardhmja e tij në ‘Old Trafford’ është pothuajse e mbyllur, ashtu siç e konfirmoi edhe ish-trajneri i Sportingut. 

“Garnacho është një djalosh shumë i talentuar, por ndonjëherë gjërat thjesht nuk funksionojnë. Nuk mund ta shpjegosh saktësisht pse”. 

Lexo po ashtu Amorim ka plane të gjata në Old Traford: Dua të qëndroj 20 vite te Man Utd

“Por kam ndjesinë se Garnacho dëshiron diçka ndryshe, një drejtim tjetër. Dhe unë e kuptoj këtë. Nuk është problem”. 

“Ndonjëherë përshtatesh me dikë, ndjen lidhjen. Herë të tjera, dëshiron një sfidë të re”. 

“Përpiqemi që çdo gjë të shkojë mirë për të gjitha palët, klubin, trajnerin dhe lojtarët. Kjo është diçka krejtësisht natyrale në futboll”. 

Tekniku portugez foli gjithashtu edhe për lojtarët që nuk duan të qëndrojnë në klub. 

“Ka lojtarë që tregojnë qartë se nuk duan të jenë këtu, dhe kjo është diçka normale. Nuk do të thotë që ata janë të këqij dhe unë jam i mirë, apo që unë jam i keq dhe ata janë të mirë”, përfundoi ai./Telegrafi/

The post Ruben Amorim zbulon arsyen pse e përjashtoi Garnachon nga ekipi i Man United appeared first on Telegrafi.

Bryan Mbeumo pritet të debutojë së shpejti me Manchester United, siç ka bërë të ditur trajneri Ruben Amorim për ndeshjen e së dielës. 

Trajneri i ‘Djajve të Kuq’ shpjegoi se sulmuesi nga Kameruni, i cili u transferua nga Brentford për 71 milionë euro në këtë afat kalimtar, do të bëjë paraqitjen e tij të parë me fanellën e United. 

Klubi ka luajtur tashmë miqësore ndaj Leeds, West Ham dhe Bournemouth gjatë përgatitjeve verore, por Mbeumo nuk ka qenë i gatshëm për të marrë pjesë. 

Megjithatë, me ndeshjet e ardhshme ndaj Everton dhe Fiorentina në këtë periudhë përgatitore, Mbeumo do të ketë mundësinë të përshtatet me skuadrën dhe të marrë minuta para nisjes së sezonit. 

“Do të luajë. Jam shumë i emocionuar ta shoh duke luajtur dhe se çfarë mund të sjellë për ekipin tonë. Por isha gjithashtu shumë i kënaqur me lojën e skuadrës në ndeshjen e fundit”. 

“Ndoshta në fillim duke parë formacionin do të thoshit ‘asgjë për të parë sot’, por unë isha shumë i emocionuar sepse e di që mund të bëjmë më mirë. Kështu që gjithmonë jam entuziast, sidomos në këtë moment”, ka thënë Amorim. 

Lexo po ashtu Man Utd në prag të humbjes së një rekordi unik që zgjat prej 88 vitesh dhe 4,321 ndeshjesh

Edhe pas transferimeve të Mbeumo dhe Matheus Cunha, Manchester United vazhdon të kërkojë përforcime të tjera. 

Sipas lidhjeve të fundit, klubi është interesuar për sulmuesin e Leipzig, Benjamin Sesko, por raportet e së shtunës sugjerojnë se lojtari slloven mund të jetë afër kalimit te Newcastle./Telegrafi/ 

The post Ruben Amorim zbulon se kur do të debutojë Mbuemo me fanellën e Man Utd appeared first on Telegrafi.

Me ardhjen e biznesmenit më të pasur britanik, Sir Jim Ratcliffe, në strukturat drejtuese të Manchester United, klubi ka prezantuar një kontratë të re të veçantë për të gjithë futbollistët.

Pas sezonit më të dobët në historinë e klubit, ku skuadra përfundoi pranë zonës së rënies, drejtuesit janë të vendosur për një transformim të thellë në të gjitha aspektet.

Qëllimi kryesor për sezonin e ardhshëm është rikthimi i dinjitetit dhe përmirësimi i performancës, brenda dhe jashtë fushës.

Si pjesë e këtij plani, lojtarët e United janë detyruar të nënshkruajnë një kontratë të veçantë që lidhet me sjelljen e tyre jashtë fushës.

Kjo marrëveshje përfshin rregulla të qarta për mënyrën e veshjes, respektimin e protokolleve të klubit dhe ndërveprimin me tifozët në evente publike.

Stephen Howson, një burim i afërt me klubin dhe dhomën e zhveshjes, ka bërë të ditur: “Më është thënë se të gjithë lojtarët këtë vit kanë nënshkruar një kontratë që përfshin standardet e sjelljes, si në fushë, ashtu edhe jashtë saj. Kjo ka të bëjë kryesisht me sjelljen jashtë fushës”.

Lexo po ashtu Amorim zbulon transferimet që i dëshiron te Man United

Ai shtoi se: “Nëse marrin pjesë në ndonjë aktivitet, duhet të bashkëveprojnë me tifozët. Nuk lejohen më të kalojnë thjesht pranë tyre pa u ndalur. Po ashtu, ekzistojnë kode të caktuara veshjeje për paraqitjet publike dhe masa të rrepta në rast vonesash”.

Ky ndryshim sinjalizon një epokë të re disipline te Manchester United, me qëllimin për të rikthyer standardet e larta që i kanë karakterizuar dikur “Djajtë e Kuq”. /Telegrafi/

The post Nuk do ta besoni llojin e kontratës që nënshkruajnë lojtarët e Manchester United, ka të bëjë me sjelljen e tyre jashtë fushës appeared first on Telegrafi.

Manchester United po fokusohet në nënshkrimin e lojtarëve me përvojë në Ligën Premier, në vend të atyre ende të papjekur për nivelin e ekipit të parë – konfirmoi trajneri Ruben Amorim në një konferencë për shtyp.

“Na duhet përvojë”, deklaroi ai. “Matheus (Cunha) është ende i ri, por ka përvojë. E sheh çdo fundjavë – ai po bën gjëra kundër lojtarëve me të cilët do të përballemi. Kjo është e vlefshme kur zgjedh lojtarët që të duhen”.

Ai shtoi se ky ka qenë një drejtim që klubi ka ndjekur edhe këtë sezon.

Lexo po ashtu Ratcliffe u shpall 'luftë të hapur' tifozëve të Man United

“Kjo ishte një politikë që u përpoqëm ta përdorim këtë sezon, kështu që mund të them po. Nuk është vetëm përvoja – ata kanë edhe karakteristikat që na duhen, por fokusohemi te lojtarët që mund të përballojnë presionin”, shtoi portugezi.

Matheus Cunha dhe Bryan Mbeumo, të cilët kanë luajtur për disa sezone në Ligën Premier, tashmë janë transferuar në Old Trafford.

Në kërkim të një sulmuesi të ri qendror (nr. 9), United është lidhur me emra të konfirmuar si Ollie Watkins, por ende mbetet për t’u parë nëse do të arrijnë ta sigurojnë një nënshkrim të tillë gjatë kësaj vere. /Telegrafi/

The post Amorim zbulon transferimet që i dëshiron te Man United appeared first on Telegrafi.

Alejandro Garnacho është përjashtuar nga stërvitja e ekipit të parë të Manchester United pas një incidenti me trajnerin Ruben Amorim dhe për shkak të një shkeljeje ligjore që lidhet me makinën e tij.

Pas finales së Ligës së Evropës ku United humbi ndaj Spurs, Garnacho kritikoi publikisht Amorimin. Si reagim, trajneri e përjashtoi nga skuadra dhe i sugjeroi të gjente një klub të ri, gjë që e vuri në qendër të spekulimeve për transferim.

Për momentin, Garnacho ndodhet në “skuadrën e padëshiruar” së bashku me Rashford, Antony, Sancho dhe Malacia. Ata lejohen të stërviten vetëm pas orës 17:00, pasi ekipi kryesor largohet nga qendra stërvitore Carrington.

Sipas “Daily Mail”, Garnacho është filmuar duke shkuar në stërvitje me një Audi, por makina e tij rezulton e pataksuar që nga 1 tetori 2024, sipas regjistrit të qeverisë britanike.

Nëse një automjet nuk është i taksuar dhe përdoret në rrugë publike pa deklarim SORN (njoftim për përdorim jashtë rruge), shoferi mund të gjobitet me 30 euro plus një herë e gjysmë të shumës së taksës së papaguar, ose deri në 1,000 euro në gjykatë.

Kjo shkelje ka shkaktuar polemika të tjera për Garnachon, ndërsa ai tashmë përballet me të ardhmen e pasigurt te Manchester United dhe është përjashtuar nga ndeshjet parasezonale.

United do të ndeshet me Leeds, West Ham, Bournemouth, Everton dhe Fiorentinën në fazën përgatitore, por Garnacho nuk pritet të marrë pjesë në asnjë nga këto ndeshje. /Telegrafi/

The post I përjashtuar nga skuadra prej Amorim, ylli i Man United bën shkelje ligjore appeared first on Telegrafi.

Laçi në sezonin e ri do të luajë në Kategorinë e Parë pas 16 vitesh. Kurbinasit që nuk ia dolën të mbijetojnë në Superiore, ndërkohë që ditën e sotme kanë prezantuar edhe trajnerin e ri, teksa i kanë besuar stolin Rui Amorim. Ai do të udhëheqë ekipin bardhezi sezonin e ardhshëm në Kategorinë e Parë me […]

The post Zyrtare/ Laçi prezanton trajnerin e ri, kurbinasit i besojnë stolin portugezit Amorim appeared first on BoldNews.al.

Sipas The Mirror, Manchester United po kërkon të punojë për të finalizuar shtatë transferime të tjera këtë verë, duke përfshirë transferime dhe largime, si pjesë e një rindërtimi të madh të skuadrës.

Djajtë e Kuq kanë përfunduar tashmë transferimin e Matheus Cunha nga Wolverhampton Wanderers.

United dëshiron të shtojë më shumë fuqi sulmuese në formacionin e tyre dhe është lidhur me Bryan Mbeumo dhe Hugo Ekitike, ndër të tjerë.

Nga ana tjetër, Antony, Marcus Rashford, Alejandro Garnacho dhe Jadon Sancho pritet të largohen nga Old Trafford.

Lojtarët e ekipit të parë si Casemiro dhe Rasmus Hojlund gjithashtu kanë të ardhmen e tyre në dyshim, pasi Ruben Amorim kërkon të riorganizojë opsionet e tij.

Ndërsa lëvizjet mbrojtëse nuk duket se janë përparësia e Manchester United këtë verë, ka spekulime se departamenti i portierëve mund të forcohet.

Urgjenca e Manchester United në afatin kalimtar të transferimeve vjen si një përgjigje e shpejtë ndaj paraqitjes së tyre të dobët sezonin e kaluar.

Ata e përfunduan sezonin 2024-25 në vendin e 15-të në Ligën Premier dhe humbën finalen e Ligës së Evropës ndaj Tottenham Hotspur.

The post Manchester United gati ta pushtojë afatin kalimtar veror me shtatë super transferime appeared first on Albeu.com.

Sezoni i tmerrshëm i Manchester United ka përfunduar, por fatkeqësitë që shoqërojnë skuadrën nuk kanë mbaruar. Hidhërimi nga humbja në finalen e Europa League është ende i freskët, ashtu si edhe fakti që skuadra nuk është kualifikuar për asnjë garë europiane, por përveç dëmit ka ardhur edhe tallja gjatë turit të organizuar nga klubi në Malajzi. Duhej të ishte një mënyrë për të forcuar grupin dhe për të riorganizuar idetë për verën, por u kthye në një poshtërim të vërtetë.

Në ndeshjen e parë të këtij turi, anglezët humbën 1-0 ndaj ASEAN All-Stars, një skuadër demonstrative e përbërë nga lojtarë të Azisë Juglindore. Sigurisht që nuk bëhet fjalë për një grup kampionësh, por mjaftoi për të mposhtur “Djajtë e Kuq” dhe për të fituar Maybank Challenge Cup. United nuk arriti të fitonte as këtë trofe miqësor, një shenjë shumë negative që do ta ndjekë gjatë gjithë përgatitjeve të verës.

United humbet ndaj një përfaqësueseje aziatike

Kjo humbje zemëroi pafund tifozët, të cilët nuk u besonin syve që panë një paraqitje kaq të mjerueshme. Manchester United humbi ndaj një përfaqësueseje të lojtarëve nga Azia Juglindore pavarësisht pranisë në fushë të Garnacho, Bruno Fernandes, Maguire dhe shumë lojtarëve të tjerë të ekipit të parë që luajnë rregullisht në Premier League. Ishte goditja e radhës në një sezon të tmerrshëm dhe kësaj here zemërimi është i pakontrollueshëm.

Defeat in Malaysia.#MUFC || #MUTOUR25

— Manchester United (@ManUtd) May 28, 2025

Kjo humbje poshtëruese erdhi vetëm tre ditë pas përfundimit të kampionatit, ku skuadra e Amorim e mbylli sezonin në vendin e 15-të: është rezultati më i keq që nga rënia nga kategoria në vitin 1974 dhe vetëm hera e dytë në 35 vite që United nuk arrin të renditet për në garat europiane. Pritej një reagim, por për momentin nuk duket asnjë dritë në fund të tunelit. Ky eliminim ishte turpërues dhe turi pas-sezonal në Lindjen e Largët ka nisur nën një yll shumë të keq.

The post Man. United humbet edhe ndaj një përfaqësuese të Azisë Juglindore: poshtërohet Amorim appeared first on Lapsi.al.

Humbja në finalen e Europa League ka tronditur të gjithë ambientin te Manchester United, që tashmë po përpiqet të rikompozojë veten duke bërë rregullime brenda skuadrës. Janë të paktë ata që e kanë vendin e sigurt dhe mes tyre nuk është Alejandro Garnacho: argjentinasi dukej në largim që në merkaton e fundit dimërore, kur pati një interesim konkret nga Napoli, por këtë herë është vetë Ruben Amorim ai që ia ka mbyllur derën, duke i bërë të qartë se nuk e dëshiron në skuadër.

Sipas The Athletic, trajneri portugez ka konfirmuar lojtarët e tij të pazëvendësueshëm, duke e lënë jashtë sulmuesin e ri, i cili tani duhet të kërkojë një skuadër të re. Ai nuk do të largohet për më pak se 60 milionë euro, një shifër e rëndësishme që do t’i lejonte Red Devils të rikuperonin shpenzimet dhe të kishin më shumë buxhet për merkaton.

Garnacho nuk do të qëndrojë te United

Kjo tashmë është një gjë e sigurt, pasi trajneri nuk ka ndërmend ta mbajë argjentinasin edhe për sezonin e ardhshëm. Pas humbjes në finalen kundër Tottenhamit, Amorim foli me të gjithë skuadrën: pozita e tij në pankinë është e qëndrueshme dhe nuk do të largohet, por disa nga hierarkitë e tij do të rishikohen thellësisht. Portugezi konfirmoi thuajse të gjithë lojtarët e tij gjatë një fjalimi në fushën stërvitore, por Garnachos i tha të gjente një skuadër të re.

Lexo më tej: “Ky sezon ishte një m*t”: përplasje e ashpër mes Garnacho dhe Amorim pas finales

Ai është një nga të paktët që është nxjerrë jashtë për arsye teknike, një sinjal që ishte ndier edhe para finales. Amorim e mbajti në stol, megjithëse në Europa League ishte titullar fiks, dhe tani i ka komunikuar hapur se është përjashtuar nga grupi. Klubi nuk ka ndërmend ta shesë lirë, pa marrë çmimin e duhur për kartonin, por dëshira e të gjithëve është që ndarja të ndodhë në fund të sezonit, duke përfituar edhe nga fakti që disa klube europiane janë shfaqur të interesuara për Garnacho.

The post Manchester United nxjerr jashtë skuadre Garnacho: Amorim i ka kërkuar të largohet appeared first on Lapsi.al.

Manchester United i ka vënë në dispozicion të gjithë lojtarët e skuadrës së tyre për shitje pas humbjes së mbrëmshme në finalen e Ligën e Evropës, sipas mediave angleze.

Ata jo vetëm që humbën një trofe të madh, por edhe kualifikimin në Ligën e Kampionëve, me Djajtë e Kuq që do të humbasin futbollin evropian sezonin e ardhshëm.

Humbja e ka lënë Man United në një situatë të vështirë financiare përpara verës, e cila do të shënojë parasezonin e parë të Ruben Amorim pas emërimit të tij në postin e trajnerit nëntorin e kaluar.

Hierarkia e klubit, e cila përfshin emra si Sir Jim Ratcliffe dhe Omar Berrada, shpresonte të fitonte 100 milionë euro nga kualifikimi për Ligën e Kampionëve.

Lexo po ashtu Katër arsyet pse Man United humbi finalen e Ligës së Evropës

Pa një vend në Ligën e Kampionëve, Man United mund të detyrohet të ndërmarrë veprime drastike.

Sipas Mirror, Man United do të “dëgjojë ofertat për çdo lojtar” pas zhgënjimit në finalen e Ligës së Evropës.

Asnjë lojtar nuk do të jetë “imun nga shitja”, që do të thotë se kapiteni i klubit Bruno Fernandes mund të shitet këtë verë për të zgjidhur “vrimën e zezë financiare katastrofike” të klubit.

Fernandes është lidhur fort me një largim nga Old Trafford.

Lexo po ashtu Casemiro ia 'tregoi vendin' Onanas: Pamjet tregojnë debatin e nxehtë mes dyshes së Man United

Skuadra e Ligës Profesionale Saudite, Al Hilal, ka kontaktuar kampin e lojtarit në lidhje me një transferim.

Ata janë të përgatitur të thyejnë rekordin britanik të transferimeve dhe t’i paguajnë atij afër 200 milionë euro për një kontratë trevjeçare.

Duke folur pas humbjes së Man United në Bilbao, Fernandes ofroi të largohej nga Old Trafford nëse ata donin të përfitonin nga ai. /Telegrafi/

The post Eksod i paparë në Old Trafford: Manchester United i vë në shitje të gjithë lojtarët appeared first on Telegrafi.

Manchester United humbi shansin për të shpëtuar atë që ka qenë padyshim sezoni më i keq në historinë e klubit – duke pësuar humbje ndaj Tottenham Hotspur në finalen e Ligës së Evropës dhe, si rezultat, duke humbur garat evropiane sezonin e ardhshëm.

Më poshtë keni një përmbledhje të shkurtër të arsyeve kryesore pse loja shkoi keq – dhe pse Ruben Amorim tani përballet me pyetje serioze rreth të ardhmes.

1. Garnacho u la në stol – gabimi më i madh i Amorimit

Mediat angleze sugjeronin se Alejandro Garnacho ishte i frustruar me vendimin për t’u lënë në stol. Por çështja nuk ishte vetëm nëse anësori argjentinas ishte në formë më të mirë se Mason Mount. Taktikisht, lëvizja e Amorimit ishte në kufijtë e absurditetit.

Kjo varet nga stili i lojës i zbatuar te Tottenham nën drejtimin e Ange Postecoglou. Një nga karakteristikat e tij kryesore është një linjë mbrojtëse e lartë. Sulmi në hapësirën pas asaj linje është shumë më efektiv me Garnachon e shpejtë sesa me Mountin e ngadaltë. Ishte e qartë se, në 0-0, Spurs do të vazhdonin me këtë konfigurim agresiv që nga fillimi.

Lexo po ashtu Zbulohet mesazhi me katër fjalë nga Maguire për Romeron që tensionoi situatën mes dy lojtarëve

Por në pjesën e dytë, veçanërisht nëse ata po kryesonin, kjo qasje do të ndryshonte në mënyrë të pashmangshme. Dhe pikërisht atëherë Amorim planifikoi të fuste Garnachon në lojë. Pikërisht kështu u zhvillua ndeshja: Tottenham shkoi 1-0 përpara dhe u mbyll në një bllok mbrojtës kompakt, duke mos lënë praktikisht asnjë hapësirë ​​pas.

Për të shkatërruar një mbrojtje kaq të thellë dhe kompakte, një sulmues i ri – me aftësinë e tij për të vepruar në hapësira të ngushta – do të kishte qenë shumë më i dobishëm. Garnacho është më i rrezikshëm kur mund të shfrytëzojë zonat e hapura, të cilat thjesht nuk ekzistonin më. Shkurt, arsyetimi i Amorimit është i vështirë për t’u kuptuar.

2. Zgjedhje të dyshimta në formacion – Shaw në mbrojtje me tre lojtarë, Ugarte jashtë loje

Çështja e dytë ka të bëjë edhe me zgjedhjet e formacionit të Amorimit. Ai zgjodhi Luke Shaw si pjesë të një mbrojtjeje me tre lojtarë, me sa duket duke shpresuar se shpërndarja e tij do ta ndihmonte United të luante nga mbrojtja nën presion. Por Shaw aktualisht është larg nga më të mirën e tij, dhe Tottenham në fakt e përqendroi presionin e tij më shumë në anën e tij sesa në të djathtë, ku ishte pozicionuar Leny Yoro.

Si rezultat, Shaw bëri gabime të shumta në pasime.

Ai gjithashtu dështoi të fitonte duelin vendimtar që çoi në golin vendimtar – diçka që mund të ishte parashikuar duke pasur parasysh se anësori i djathtë i Tottenhamit ishte Brennan Johnson, fizikisht dominues.

Vendimi për ta lënë Manuel Ugarte në stol ishte po aq i habitshëm. Ugarte kishte performuar mirë në raundet e mëparshme të Ligës së Evropës. Duke filluar pa të dhe duke e shtyrë Bruno Fernandes në një rol më të thellë, Amorim shkaktoi një zinxhir pasojash negative:

Një performancë e dobët nga kapiteni;

Një kërcënim i zvogëluar sulmues, me Brunon që nuk luan më si numër 10;

Një mesfushë më e dobët në mbrojtje.

Dhe e gjithë kjo mund të ishte shmangur me një rregullim të thjeshtë pozicional që ruante ekuilibrin taktik. Për shembull, Amad Diallo mund të kishte filluar si mbrojtës i krahut të djathtë, me Noussair Mazraoui që do të zhvendosej në qendër të mbrojtjes në vend të Shaw.

Ugarte do të ankoronte mesfushën, duke i lejuar Brunos të qëndronte më lart në fushë në rolin e tij të preferuar.

3. Çështje ende strukturore – boshllëqe të mëdha në tranzicion

Ky ka qenë një problem i përsëritur gjatë gjithë sezonit dhe u rishfaq në finale. Amorim vazhdon të zbatojë një strategji për t’i shtrirë lojtarët e tij sa më shumë që të jetë e mundur në fushë – duke synuar të hapë hapësira, ashtu siç bëri te Sporting.

Megjithatë, kundër një niveli më të lartë kundërshtarësh (veçanërisht ekipeve të Ligës Premier) dhe me lojtarë të ndryshëm te United, kjo qasje po rezulton joefektive.

Thënë thjesht, kësaj skuadre të Manchester United i mungon cilësia teknike dhe qetësia për të ruajtur posedimin e topit nën presion.

Si rezultat, skuadra ose bëri gabime të kushtueshme – duke i dhënë Tottenhamit mundësi për kundërsulme – ose dështoi të lëvizte me intensitetin e nevojshëm. Kjo shpesh krijonte boshllëqe të mëdha strukturore gjatë tranzicioneve sulmuese.

Një problem i vazhdueshëm ishte mungesa e mbështetjes në krahë. Amad Diallo, për shembull, e gjeti veten vazhdimisht të izoluar kundër dy ose tre mbrojtësve, pa asnjë mundësi të vlefshme për pasime.

4. Zëvendësimet erdhën shumë vonë

Edhe një herë, Mount dhe Shaw nuk i justifikuan minutat e zgjatura që iu dhanë – asnjëri nuk është në atë formë që justifikon qëndrimin në fushë për kaq gjatë.

Hojlund gjithashtu pati vështirësi të bënte ndikim, dhe Joshua Zirkzee, më i shkathët dhe teknikisht i talentuar, dukej një opsion më i përshtatshëm për këtë ndeshje të veçantë – të paktën në fillim të pjesës së dytë.

Vlen gjithashtu të përmendet se Amorim nuk bëri zëvendësime të guximshme në sulm. Për shembull, ai mund ta kishte zhvendosur Diallon në një rol të mbrojtësit të krahut dhe të kishte futur një sulmues tjetër në vend të një mbrojtësi.

Në vend të kësaj, strategjia u përqendrua përsëri në krosime shpresëdhënëse në zonë, me Harry Maguire të shtyrë përpara në fund të ndeshjes – një veprim që ka funksionuar në të kaluarën, por dështoi këtë herë. /Telegrafi/

The post Katër arsyet pse Man United humbi finalen e Ligës së Evropës appeared first on Telegrafi.

Alejandro Garnacho e ka shfryrë gjithë zhgënjimin e tij pas humbjes së Manchester United në finalen e Europa League kundër Tottenham. Ka diçka që thjesht nuk arrin ta kapërdijë, dhe nuk është (vetëm) rezultati në fushë, fatal për një sezon tashmë shumë të vështirë të “Djajve të Kuq” (vendi i 16-të në Premier League), por zgjedhjet e trajnerit, Amorim, i cili e la jashtë formacionit titullar duke i preferuar Mason Mount.

“Kam luajtur të gjitha ndeshjet deri te ajo vendimtare për trofeun dhe kam dhënë kontributin tim për skuadrën – ka treguar në intervista. – Dhe të luash njëzet minuta sot… nuk e di.” Vëllai i tij, që është edhe agjent, e ka rënduar më tej situatën duke folur në rrjete sociale për një gjendje të pakëndshme për shkak të përjashtimit “dhe të heshtjes së imponuar” në ndeshjen më të rëndësishme.

“Ky sezon ishte një m*t”

Shprehja e fytyrës dhe toni i zërit janë të qartë, dhe ajo që thotë më pas bën po aq bujë. Fillimisht e përshkruan si “një m*t i vërtetë” sezonin që sapo përfundoi (“në kampionat nuk ishim në gjendje të imponohemi”), pastaj lë të kuptohet se gjatë verës së ardhshme shumë gjëra mund të ndryshojnë, duke filluar nga fanella. “Do të shijoj pushimet dhe do të shohim…”, është fjalia enigmatike që jep përpara se të largohet nga brendësia e stadiumit të Bilbaos.

“NUESTRA TEMPORADA FUE UNA MIERDA”

“EN LA LIGA NO LE GANAMOS A NADIE”

“HASTA LLEGAR A LA FINAL HE JUGADO TODAS LAS RONDAS Y JUGAR HOY SOLO 20 MINUTOS”

Picante Garnacho, basta de tibios. No le gustó un carajo ser suplente y lo hizo notar. Tiene razón!!! pic.twitter.com/nYAj3qAi2P

— Manudarg (@ManUdArg) May 21, 2025

Në janarin e kaluar e kishte kërkuar Napoli (e donte në vend të Khvicha Kvaratskhelia-s që kishte kaluar te Paris Saint-Germain), por negociatat u bllokuan për çështje ekonomike (një rritje e kërkuar në pagë), megjithëse gjithçka ishte e avancuar dhe marrëveshjet paraprake të konfirmuara. Në një video, madje, ai dukej sikur i përshëndeste tifozët e “Old Trafford”-it. Çfarë do të ndodhë tani? Shumëçka do të varet edhe nga e ardhmja e trajnerit portugez me të cilin ai ka hyrë në përplasje.

Vetëm 19 minuta në finale…

Amorim i dha më pak se njëzet minuta (19 për saktësi), duke e mbajtur në stol për pjesën më të madhe të ndeshjes kundër Tottenham, dhe e hodhi në fushë në një përpjekje të dëshpëruar për të kërkuar barazimin. Por nuk shërbyen për asgjë, përveçse për të ushqyer zemërimin dhe keqardhjen për një mbrëmje që nuk do ta harrojë kurrë, për shkak të vendimit të trajnerit portugez për t’i dhënë përparësi ish-lojtarit të Chelsea, në ndeshjen e tij të dytë si titullar në Kupë (e para pas sfidës së nëntorit të kaluar me Bodo/Glimt), në vend të tij që kishte qenë një pikë kyçe për Manchester United.

Kur, para ndeshjes, u përhap lajmi për formacionin titullar të Amorim, Garnacho u pa të shfaqej i dëshpëruar dhe i frustruar në fushë. Ishte pranë mbrojtësit të Tottenham, Sergio Reguilon (i huazuar te United për një periudhë të shkurtër sezonin e kaluar), dhe dukej i shkëputur nga shokët e skuadrës. Një zgjedhje e pakuptueshme edhe për disa media. “Është e lehtë ta thuash tani – fjalët e trajnerit në konferencë. – Por kush e humbi rastin e madh në pjesën e parë të gjysmëfinales? Garnacho. Futbolli është kështu”.

The post “Ky sezon ishte një m*t”: përplasje e ashpër mes Garnacho dhe Amorim pas finales appeared first on Lapsi.al.

Në prag të finales së Ligës së Evropës mes Manchester United dhe Tottenham Hotspur, trajneri i “Djajve të Kuq”, Ruben Amorim, mbajti një konferencë për shtyp në stadiumin “San Mames” në Bilbao. Me një sezon zhgënjyes në Ligën Premier, ku skuadra e tij është në vendin e 16-të, Amorim u shfaq i vendosur për të mbyllur sezonin me një trofe të rëndësishëm evropian.

Gjatë konferencës, Amorim ishte i sinqertë dhe realist përpara sfidës finale.

“Fitorja në Ligën e Evropës nuk do të na shpëtojë sezonin, por do të ishte një hap i madh përpara. Ne nuk duhet ta harrojmë çfarë kemi kaluar, por mund ta përdorim këtë moment si pikënisje për një të ardhme më të mirë”, ka thënë fillimisht Amorim në konferencën për shtyp.

Trajneri portugez vuri theksin edhe tek rëndësia e aspektit psikologjik në këtë finale.

“Lojtarët e dinë çfarë përfaqëson kjo ndeshje. Nuk është vetëm për një trofe, por për krenarinë e klubit, për tifozët që kanë vuajtur dhe për të ardhmen tonë në garat evropiane”.

Lexo po ashtu Tottenham – Man Utd, formacionet mundshme të finales së Ligës së Evropës

Sa i përket gjendjes së skuadrës, Amorim konfirmoi se disa lojtarë kyç janë rikthyer nga dëmtimet.

“Dalot, Yoro dhe Zirkzee janë stërvitur me ekipin, por do të kemi kujdes me minutat që do u japim. Nuk duam të rrezikojmë asnjë”.

Amorim theksoi gjithashtu se finalja është një provë edhe për të si trajner.

“Unë nuk jam këtu për të justifikuar të kaluarën, por për të ndërtuar të ardhmen. Kjo ndeshje është një mundësi për të treguar se Manchester United është ende një forcë në Evropë”, tha ai me vendosmëri.

It’s matchday #MUFC || #UELfinal

— Manchester United (@ManUtd) May 21, 2025

Përballja me Tottenhamin shihet si një mundësi për të dyja skuadrat që të shpëtojnë sezonin dhe të sigurojnë një vend në Ligën e Kampionëve.

“Kjo është një ndeshje e madhe për të dyja skuadrat. Respektojmë Tottenhamin, por besojmë se mund të fitojmë nëse japim maksimumin”, përfundoi portugezi.

Finalja e Ligës së Evropës do të zhvillohet në “San Mames”, me fillim në orën 21:00. Tifozët e United shpresojnë që nën drejtimin e Amorim, klubi të rikthehet në lavdinë e dikurshme dhe të hapë një kapitull të ri në historinë e tij evropiane. /Telegrafi/

The post “Finale për krenari dhe të ardhme”, Ruben Amorim me besim para përballjes me Tottenhamin appeared first on Telegrafi.

Manchester United synon ta mbajë Ruben Amorim në stol, pavarësisht rezultatit në finalen e Ligës së Evropë ndaj Tottenhamit, sipas “Mirror”.

Drejtuesit e klubit besojnë se do të ishte e padrejtë që Amorim të penalizohej për një sezon zhgënjyes, duke e quajtur “çmenduri” largimin e tij në këtë moment.

Portugezi pritet të qëndrojë edhe për sezonin 2025/26, pasi bordi është i vendosur t’i japë kohë për të ndërtuar një skuadër konkurruese.

Lexo po ashtu Ruben Amorim bëhet njëri nga trajnerët më të rinj që arrin një finale evropiane - lista me pesë rekordmenet

Komentet e fundit të Amorimit kanë shkaktuar pak zhgënjim brenda klubit, por kjo nuk ka ndikuar në vendosmërinë për ta mbështetur.

Në Evropë, Manchester United ka bërë paraqitje pozitive, duke mbetur i pamposhtur nën drejtimin e tij në garat ndërkombëtare.

Lexo po ashtu Ruben Amorim ka humbur besimin tek ylli i Man Utd – identifikon zëvendësuesin e tij

Në kampionat situata është ndryshe, pasi skuadra aktualisht renditet në vendin e 16-të, një pozicion larg objektivave sezonalë të klubit.

Pavarësisht kësaj, Amorim shihet si një nga figurat më premtuese për të ardhmen, dhe klubi synon t’i japë kohë për të dëshmuar potencialin e tij. /Telegrafi/

The post Amorim e ka mbështetjen e Man Utd edhe nëse nuk e fiton Ligën e Evropës appeared first on Telegrafi.

Tifozët e Manchester United mbetën të hutuar pasi vunë re një detaj të çuditshëm në lidhje me duart e Ruben Amorim gjatë gjysmëfinales së Ligës së Evropës.

Të enjten në mbrëmje, United siguroi finalen e pestë të kupës në pesë vjet, pasi një fitore e përgjithshme 7-1 ndaj Athletic Club i siguroi vendin në finalen e garës së dytë më të madhe për klube në Evropë.

Dhe duket se tensioni mund ta ketë përkeqësuar situatën e trajnerit portugez, pasi tifozët vunë re një detaj të çuditshëm në lidhje me duart e tij gjatë ndeshjes.

Ndërsa United priti Athletic Bilbaon në Old Trafford për ndeshjen e dytë të gjysmëfinales, ata mburreshin me një epërsi të sigurt 3-0, pasi dominuan kundërshtarët e tyre javën e kaluar.

Megjithatë, duke shkuar drejt pjesës së parë, vizitorët kishin arritur të shënonin një gol, duke shkaktuar shqetësime midis tifozëve dhe lojtarëve të United se skuadra spanjolle mund të ishte duke përgatitur një rikthim spektakolar.

Lexo po ashtu Derisa thumboi Man Utdn, Antony shpërtheu në lot gjatë një interviste televizive emocionuese

Por tifozët janë të bindur se Amorim ishte ndoshta më i shqetësuari për humbjen e ndeshjes, pasi vunë re se trajneri i United kishte vënë një flaster mbi dorën e majtë gjatë pushimit të pjesës së parë dhe mendojnë se e dinë saktësisht pse.

Pas një humbjeje nëLigën Premier ndaj Brighton në janar, Amorim pranoi se kishte dëmtuar një ekran televizori në dhomën e zhveshjes së klubit në një akt të pastër zemërimi dhe frustrimi.

Duke vënë re flasterin, një tifoz shkroi në rrjetet sociale: “Amorim i vuri një flaster në pjesën e pasme të dorës?”.

Lexo po ashtu Ruben Amorim bëhet njëri nga trajnerët më të rinj që arrin një finale evropiane - lista me pesë rekordmenet

Ndërsa njëri bëri shaka: “Amorim padyshim që goditi diçka me grusht në dhomën e zhveshjes në pushimin e pjesës së parë. Shihni flasterin në dorën e tij të majtë”.

Një tjetër u pajtua me këtë teori, duke shtuar: “A kontrolloi dikush nëse televizorët në dhomën e zhveshjes janë në rregull? Amorim kishte një flaster mbi nyjet e gishtave”.

United do të përballet me rivalin e Ligës Premier, Tottenham Hotspur, në finalen e Ligës së Evropës, e cila do të zhvillohet më 21 maj në stadiumin San Mames në Bilbao. /Telegrafi/

The post Tifozët e Man Utd vënë re një detaj të pazakontë me duart e Ruben Amorim appeared first on Telegrafi.

Manchester United e ka çimentuar vendin e tij unik në futbollin evropian këtë sezon duke mbetur klubi i vetëm i pamposhtur në të gjitha garat kontinentale, pas humbjes 1-0 të Arsenalit ndaj Paris Saint-Germain në ndeshjen e parë gjysmëfinale të Ligës së Kampionëve të martën në mbrëmje.

Humbja e ngushtë e “Topçinjve” në Emirates i dha fund serisë së tyre të pamposhtur evropiane, duke e lënë Man Unitedin ekipin e fundit pa humbje në Evropë këtë sezon.

Skuadra e Ruben Amorim ka pasur një sezon të shkëlqyer në Ligën e Evropës, duke u kualifikuar në gjysmëfinale kundër Athletic Bilbaos pa provuar humbjen.

Është një arritje e rrallë që tani spikat edhe më shumë me të gjithë gjigantët e tjerë anglezë dhe evropianë që kanë pësuar të paktën një humbje.

Ndërsa Arsenali ka ende një shans për të arritur në finalen e Ligës së Kampionëve në ndeshjen e kthimit në Parc des Princes, vëmendja tani është kthyer te qëndrueshmëria e Man United në skenën evropiane.

Me vrullin dhe besimin në anën e tyre, statusi i pamposhtur i Manchester United në Evropë është një burim krenarie për mbështetësit pas një sezoni të dobët në Ligën Premier. /Telegrafi/

The post Man United ka arritur diçka që asnjë skuadër nuk mund ta pretendojë në Evropë appeared first on Telegrafi.

Trajneri i Manchester United, Ruben Amorim, ka shpjeguar arsyen pse ai nuk e ka ftuar Andre Onanan për ndeshjen ndaj Neëcastle United në Ligën Premier.

Onana nuk ishte pjesë e listës së lojtarëve të ftuar për ndeshjen ndaj Newcastle në udhëtim, pasi ai u cilësua si fajtor për dy golat që Unitedi i pësoi ndaj Lyonit në kuadër të Ligës së Evropës.

Kjo do të jetë ndeshja e parë në kampionat ku Onana nuk do të marrë pjesë, që prej se iu bashkua atyre në vitin 2023.

Reprezentuesi kamerunas është zëvendësuar nga Altay Bayindir, i cili ka bërë debutimin e tij në Ligën Premier.

“Ju duhet ta shihni kontekstin. Ndonjëherë ju dueht ta shtyni një lojtar që të luajë sërish, ndonjëherë duhet ta lini të largohet nga ky mjedis”.

“Nesër ai do të jetë në stërvitje për t’u përgatitur për Lyonin, kështu që mendojë se ishte një kohë e mirë për Andren të pushojë”.

Lexo po ashtu “Kjo është qesharake”, ylli i Man Utd i del në mbrojtje Onanas pas gabimeve fatale ndaj Lyonit

“Unë mendoj se ai ishte okej pasi ia shpjegova këtë. Ju nuk keni nevojë ta pëlqeni këtë, por ta kuptoni sepse unë shpjegoj gjithçka”, ka thënë Amorim.

Vlen të theksohet se Amorim ka bërë pesë ndryshime në formacionin e tij titullar nga barazimi me rezultat 0-0 ndaj Manchester Cityt./Telegrafi/

The post Ruben Amorim zbulon arsyen pse nuk e ftoi Onanan për ndeshjen ndaj Newcastle appeared first on Telegrafi.

Cristiano Ronaldo i ka dhënë një dorë ndhime trajnerit të Manchester United, Ruben Amorim, për të siguruar transferimin e njërit prej objektivave të tij kryesor të verës. 

Ka qenë një sezon i tmerrshëm për Unitedin pasi ata momentalisht renditen në pozitën e 13-të në Ligën Premier, me 33 pikë më pak se lideri i tabelës Liverpooli. 

Erik Ten Hag ishte shkarkuar në tetor dhe u zëvendësua shpejt nga Amorim, i cili deri më tash ka pasur vështirësi që ta implementojë stilin e tij të lojës tek ekipi aktual. 

Me mendje nga e ardhmja, është raportuar se Unitedi do të jetë mjaft i zënë gjatë afatit kalimtar veror, ku disa lojtarë pritet të largohen nga klubi, por pritet të ketë edhe prurje të reja. 

Lexo po ashtu Ruben Amorim e ka gjetur lojtarin ideal i cili do ta zëvendësojë Rashfordin

Siç ka raportuar The Sun, United ka shprehur interesim për transferimin e Francisco Trincao (Sporting Lisbona), i cili punoi nën urdhrat e Amorim gjatë kohës sa ishte pjesë e klubit portugez. 

Sidoqoftë, raporti shton se Sportingu pritet ta luajë ‘lojën e vështirë’ dhe do të kërkojë një shumë prej 50 milionë eurosh për ta lënë të lirë lojtarin. 

Është sugjeruar gjithashtu se ish-klubi i Trincaos, Barcelona, pritet që të aktivizojë opsionin e 50 për qind të të drejtave të kartonit të tij, që mund të jetë diçka problematike për ‘Djajtë e Kuq’. 

Megjithatë, duke se Trincaon ka qenë Cristiano Ronaldo ai i cili e ka këshilluar që të bëhet pjesë e Unitedit. 

Këtë e bëri të ditur gazetari Graeme Bailey, i cili deklaroi se Ronaldo së bashku me Bruno Fernandes dhe Diogo Dalot, kanë bërë përpjekje që ta bindin atë të transferohet në ‘Old Trafford’./Telegrafi/ 

The post Ronaldo e këshillon top yllin portugez që të transferohet në verë tek Man United appeared first on Telegrafi.

Ruben Amorim po sfidon një traditë të gjatë të futbollit – dhe qasja e tij e guximshme po jep rezultat.

Tradicionalisht, skuadrat preferojnë të sulmojnë para mbështetësve të tyre në pjesën e dytë, por Amorim e ka kthyer këtë për Manchester United.

Portugezi beson se reagimi i tifozëve në pjesën e parë mund të ndihmojë në adresimin e fillimeve të dobëta të Manchester United në “Old Trafford”.

Lexo po ashtu Manchester United përgatit eksodin e gjashtë lojtarëve

Djajtë e Kuq kanë pasur vështirësi në Old Trafford këtë sezon, duke humbur shtatë ndeshje në ligë në shtëpi dhe duke barazuar një rekord 132-vjeçar për humbjet në shtëpi.

Të dhënat mbështesin idenë e Amorimit – që nga viti 2016/17, Man United ka mesatarisht 0.5 pikë më shumë për lojë kur shënon në pjesë të parë.

Rezultatet e fundit sugjerojnë se po funksionon, me “Djajtë e Kuq” që shënuan po aq gola në pjesën e parë kundër Ipswichit sa kishin në 19 ndeshjet e mëparshme së bashku.

Edhe kundër Arsenalit, gjuajtja e lirë e Bruno Fernandes pak para pjesës së parë i dha epërsinë në shtëpi për herë të parë në më shumë se tre muaj.

Ndërsa taktika nuk është e pagabueshme – Man United humbi ndaj Fulhamit në FA Cup – ajo u ka dhënë atyre një avantazh psikologjik në momentet kyçe. /Telegrafi/

The post Si po thyen Ruben Amorim një nga rregullat e pashkruara të futbollit appeared first on Telegrafi.

Arne Slot po shkon drejt mbylljes së transferimit të tij të parë në vitin 2025 në atë që do të jetë një goditje e madhe për Ruben Amorim. 

Liverpooli duket se do ta fitojë Ligën Premier në sezonin e parë të Arne Slot në krye që prej se erdhi në stol duke zëvendësuar Jurgen Kloppin. 

Pavarësisht suksesit të tyre në fushë, titujt e ballinave janë dominuar nga situata e kontratave të disa prej lojtarëve kryesor si Mohamed Salah, Virgil Van Dijk dhe Trent Alexander-Arnold. 

Pasi u eliminuan nga Liga e Kampionëve nga Paris Saint-Germaini, Liverpooli pritet që të përforcohet në verë dhe raportimet në Brazil tashmë kanë sugjeruar se ata kanë kontaktuar me një lojtar të cilin e deshi shumë edhe Unitedi. 

Duke marrë parasysh se Ryan Gravenberch po merr minuta më shumë se sa çdo mesfushor tjetër i Liverpoolit, drejtuesit e klubit kanë identifikuar Joao Gomes (Wolves) si blerjen perfekte, ka raportuar Gazete do Urubu. 

Klubi anglez mund të përballet me konkurrencë nga ‘Djajtë e Kuq’, por këta të fundit fillimisht duhet të fokusohen tek largimet para se të mendojnë për transferime. 

Transferimi i parë në epokën e Slot ishte Federico Chiesa i cili erdhi në klub për sezonin 2024/2025, teksa ata kanë transferuar gjithashtu edhe portierin Giorgi Mamardashvili, i cili do të bëhet pjesë e tyre në fund të sezonit./Telegrafi/

The post Liverpooli e mposht Man Utd në garën për transferimin e yllit brazilian të Ligës Premier appeared first on Telegrafi.