Mark Epstein, vëllai i financierit famëkeq, ka shprehur bindjen se Jeffrey Epstein nuk është vetëvrarë dhe se fshihet një vrasje pas vdekjes së tij.

Duke folur nga Florida për gazetën Corriere della Sera, ai akuzon Departamentin amerikan të Drejtësisë dhe FBI-në për fshehje të së vërtetës dhe kërkon hetim të ri mbi rrethanat e vdekjes.

“Kur vdiq, nuk më njoftoi askush. E mësova nga CNN në mëngjes. Fillimisht e pranova si vetëvrasje, por kur shkova të identifikoja trupin dhe u bë autopsia, dy mjekë ligjorë thanë se ngjante më shumë me vrasje. Asnjëri prej tyre nuk mund ta quante vetëvrasje”, tha Mark Epstein, duke theksuar se raporti fillestar i vdekjes e shënonte si “në pritje të analizave të mëtejshme”, përpara se të shpallej vetëvrasje pa shpjegime të qarta.

Ai ngre dyshime për rolin e ish-prokurorit të përgjithshëm, Bill Barr, dhe mundësinë që të kenë qenë të burgosur të tjerë ata që mund të kenë vrarë vëllain e tij.

“Në atë kat të burgut kishte edhe 12 të burgosur të tjerë. Pse u përjashtua mundësia që dikush prej tyre ta ketë vrarë”, tha ai.

Mark ka kërkuar të shohë disa intervista që Steve Bannon i kishte bërë Epstein-it pak muaj para arrestimit, për një dokumentar që nuk ka dalë ende.

“Kam parë vetëm një pjesë, ku Jeffrey thotë se kishte ndërprerë kontaktet me Trump sepse e konsideronte mashtrues. Pas vdekjes së tij, kontaktova Bannon për të parë intervistat e tjera, por nuk më është përgjigjur më”, tha ai.

Ai shpreh gjithashtu skepticizëm për dëshminë e Ghislaine Maxwell, bashkëpunëtores së ngushtë të Epstein, e cila po merret në pyetje nga zyrtarë të lartë të Departamentit të Drejtësisë.

“Do të ishte me interes të dinim nëse ajo është pyetur për lidhjet e Trump me Epstein. Jeffrey më pati thënë se kishte informacione dëmtuese për Trump”, tha Epstein.

Për sa i përket vetë Ghislaine Maxwell-it, Mark pranon se nuk ka pasur kontakte me të prej dekadash dhe nuk di çfarë mund të dëshmojë. Megjithatë, ai kritikon zyrtarët që paragjykojnë dëshminë e saj.

“Kur kryetari i Dhomës së Përfaqësuesve, Mike Johnson, tha se ajo ka arsye për të gënjyer, pashë që po përgatitej terreni për ta diskredituar atë, para se të flasë”, theksoi ai.

Në fund, i pyetur nëse e dinte për lidhjet e vëllait me vajza të mitura, Mark Epstein pranon: “Ma kishte mbajtur të fshehtë. E dija që dilte me shumë vajza, por jo për gjithë situatën. Më pas, kur u përball me akuzat, më tha se ishte për marrëdhënie me të mitura dhe e pranoi si një gabim të madh”.

The post Vëllai i Jeffrey Epstein: Jam i sigurt që s’është vetëvrarë, kishte informacione dëmtuese për Trump first appeared on JavaNews.al.

Arrestimi i Çlirim Doganit si bashkëpunëtor në vrasjen e Anesti Ramës disa ditë më parë, për banorët e fshatit Arapaj është një lajm i habitshëm dhe i pabesueshëm. Në një deklaratë për mediat disa prej tyre thonë se 55-vjeçari njihet si njeri me personalitet, i martuar me dy fëmijë dhe prej disa vitesh punonte si shofer i linjës urbane Fier dhe fshatra të zonës Sukë e Strumë.

Vajza e xhaxhait të Çlirimit, Manushe Dogani dhe banori Fatmir Çalamani pohojnë se e njihnin në fshat si njeri të mirë, punëtor e familjar.

“Çlirimin e njoh shumë mirë, është familjar, ka dy fëmijë. Vajzën e ka të martuar, djalin e ka pamartuar. Me bujqësi janë marrë ata. Për ngjarjen nuk jam në brendësi. Por nuk ma merr mendja kurrë që Çlirimi ta bëjë këtë gjë”, u shpreh Manushe Dogani.

“Është djalë i pastër, shumë punëtor dhe nuk ka pasur asnjë problem. Ai ka qenë shofer autobusi, është shumë i saktë, pa probleme. Nuk ma merr mendja që të përfshihet në këto”, u shpreh Fatmir Çalamani.

The post Arrestimi i Çlirim Doganit për vrasjen e Anesti Ramës, banorët e fshatit: Është njeri i rregullt, s’e besojmë se… first appeared on JavaNews.al.

Pas disa javësh hetime me metoda proaktive, Policia e Elbasanit ka finalizuar operacionin “Shame”, ku janë zbuluar dy apartamente në Elbasan të përshtatura për ushtrimin e prostitucionit.

Në flagrancë u arrestuan dy shtetas kinezë për shfrytëzim prostitucioni dhe falsifikim vulash, si dhe tre shtetase kineze dhe braziliane për veprën penale “Prostitucioni”. Gjithashtu u arrestuan tre shtetas shqiptarë që kishin marrë pjesë në këtë aktivitet duke dhënë shpërblim monetar.

“Si rezultat i këtij operacioni, u zbuluan në Elbasan 2 apartamente të marra me qira, që ishin përshtatur për ushtrimin e prostitucionit dhe u arrestuan në flagrancë: shtetasit kinezë K. Ch., 44 vjeç, dhe R. C., 38 vjeçe, për veprat penale “Shfrytëzimi i prostitucionit” dhe “Falsifikimi i vulave , stampave ose i formularëve”, të kryera në bashkëpunim; shtetaset kineze e braziliane L. N., 46 vjeçe, B. G., 52 vjeçe, dhe E. S., 23 vjeçe, për veprën penale “Prostitucioni”. Këto shtetas kishin përshtatur për shfrytëzim prostitucioni ambiente të marrë me qira, si dhe duke u promovuar në faqe online ofronin favore seksuale kundrejt pagesave. Gjithashtu, u arrestuan në flagrancë shtetasit Shqiptarë A. P., 38 vjeç dhe L. T., 38 vjeç dhe R. F., 28 vjeç, për veprën penale “Prostitucioni””, njofton policia.

Po ashtu janë proceduar penalisht pronarët e dy apartamenteve dhe sanitarja që menaxhonin ambientet për prostitucion.

“U referuan materialet në Prokurori ku nisi procedimi penal për 2 pronarët e apartamenteve shtetasit A. V.,46 vjeç,  B. H., 36 vjeçe dhe sanitarja shtetasja O. T., 19 vjeçe, për veprën penale “Mbajtja e ambienteve për prostitucion””, vijon njoftimi i policisë.

Gjatë operacionit u sekuestruan shuma parash në valuta të ndryshme, dokumente personale, letërnjoftime, vula të dyshuara false dhe 10 celularë.

Materialet procedurale i kaluan Prokurorisë për veprime të mëtejshme.

The post Kineze dhe braziliane prostitucion në Elbasan, arrestohen tetë persona first appeared on JavaNews.al.

Dy ditë pasi i paraburgosuri Besnik Koçiu, ndërroi jetë në QSUT, pasi u gjet pa ndjenja në qelin e tij, familjarët akuzojnë institucionet për neglizhencë dhe mungesë të trajtimit mjekësor, pavarësisht gjendjes së tij të rënduar shëndetësore.

Në një letër të hapur, familja e të ndjerit pohon se 51-vjeçari ishte i diagnostikuar me diabet të avancuar, ishemi, trombozë dhe me status invaliditeti, por këto fakte nuk u morën parasysh nga autoritetet gjatë hetimit dhe gjykimit. Ai ishte arrestuar pas një ngjarjeje aksidentale, ku një person ishte plagosur nga një armë sportive. I plagosuri e kishte falur menjëherë dhe nuk kishte kërkuar ndjekje penale.

Sipas familjes, Koçiu u arrestua dhe iu caktua masa më e rëndë e sigurisë, arrest me burg, pavarësisht dokumenteve mjekësore të paraqitura. Në ditët e fundit, gjendja e tij u përkeqësua ndjeshëm dhe, ndonëse kërkuan ndihmë, ai u izolua dhe vdiq i vetëm dhe pa kujdes mjekësor.

Familjarët kërkojnë hetim të plotë dhe transparencë, duke e cilësuar vdekjen e tij si pasojë e drejtpërdrejtë e mungesës së përgjegjësisë dhe kujdesit nga institucionet shtetërore.

“Të mos mbyllet si një statistikë. Të dihet pse një njeri që duhej të ishte në mjekim, përfundoi sot në dhe. Ne kërkojmë drejtësi, jo hakmarrje, por ndërgjegjësim”, thuhet në letrën e familjarëve.

LËTER E HAPUR – NGA FAMILJA E BESNIK KOÇIUT

Dje, Besnik Koçiu, 51 vjeç, ndërroi jetë në burgun 313 Tiranë, më saktë në para-burgim. Dhe jo nga sëmundja. Jo nga fati. Por si pasojë direkte e shpërfilljes institucionale, e neglizhencës sistematike dhe e një zinxhiri vendimesh që morën jetën e tij, kur ende kishte kohë…

Besnik Koçiu ishte përfshirë në një ngjarje aksidentale, ku për pasojë një person tjetër u plagos në këmbë nga një armë sportive (manovër). Ngjarja ndodhi padashje, një gabim njerëzor si ato që mund t’i ndodhin kujtdo. I dëmtuari, jo vetëm që nuk kërkoi ndjekje penale, por e fali menjëherë.

E megjithatë, Besniku u arrestua në flagrancë me dyshimin se kishte konsumuar elementë të veprës penale të parashikuar nga neni 278 i Kodit Penal. Mënyra se si u trajtua ishte larg çdo standardi njerëzor dhe ligjor. Dhe gjithçka nisi që në momentin e parë:

Policia vendosi menjëherë arrestimin, pa bërë një vlerësim të plotë dhe objektiv të rrethanave. Arma e përfshirë ishte një armë sportive (manovër), e blerë me dokumentacion përkatës, dhe ngjarja kishte ndodhur padashje. Nuk u morën parasysh dëshmitë e paraqitura nga familjarët dhe mbrojtja, përfshirë statusin si person me aftësi të kufizuara (grupi II), diabetin e përparuar (me katër lloje insuline, njëra me përbërje specifike, ngjyre kafe), isheminë parciale të pësuar muajt e fundit, si dhe trombozën e rëndë të kaluar gjashtë muaj më parë. Të njëjtat rrethana u shpërfillën edhe nga organi i akuzës, në momentin e administrimit të akteve dhe nisjes së çështjes në gjykatë me kërkesën për caktim të masës së sigurisë.

Gjykata, pasi dëgjoi pretendimet e mbrojtjes dhe administrimit të dokumenteve zyrtare siç I kërkon ligji, përfshirë certifikatat mjekësore të QSUT-së, statusin e invaliditetit, dhe diagnozat e tjera serioze, vendosi t’i injorojë të gjitha. Në vend që të shqyrtonte mundësinë e një mase sigurie më të përshtatshme, vendosi masën më ekstreme: “arrest me burg”.

Institucioni i vuajtjes së dënimit, Burgu 313, nuk tregoi kujdesin dhe ndjeshmërinë minimale njerëzore për një të paraburgosur me probleme serioze shëndetësore. Natën e parafundit të jetës së tij, ai ndante dhomën me disa të burgosur të tjerë, të cilët, duke parë përkeqësimin e dukshëm të gjendjes së tij, kërkuan nga administrata që të ndërhynte. Por në vend që të dërgohej për trajtim mjekësor, Besniku u largua nga dhoma dhe u izolua, në një ambient tjetër. Aty ai ndërroi jetë. I vetëm. Pa kujdesin mjekësor.

Pa ndihmë. Pa asnjë njeri pranë në çastet e tij të fundit. Vetëm dy ditë më parë, me nje zë të ulët, ai na tha: “Do vdes këtu.” Lotët e tij i fshimë me duart tona. Bërtitëm, kërkuam, trokitëm në dyer institucionesh por askush nuk dëgjoi. Dhe siç ai kishte ndjerë ndodhi. Por si ka mundësi të ndodhë kjo? Si mund të lëmë një njeri 51 vjeç, të sëmurë rëndë, të vdesë në qeli nga braktisja? Edhe nëse do të ishte fajtor, edhe nëse do të ishte vërtetë kriminel, minimumi që do të meritonte ishte trajtim human, kujdes mjekësor, dinjitet njerëzor.

E çfarë kërkojmë ne sot? Nuk kërkojmë më shumë sesa atë që çdo njeri meriton:

Të kuptohet si ndodhi kjo vdekje. Të mos mbyllet si një statistikë. Të dihet pse një njeri që duhej të ishte në mjekim, përfundoi sot në dhe. Kërkojmë që kjo histori të mos harrohet. Që institucionet të mos sillen më me shpërfillje ndaj jetëve njerëzore. Që askush të mos kalojë atë që kaloi Besniku. Ne duam drejtësi, jo hakmarrje, por ndërgjegjësim dhe përgjegjësi nga personat përgjegjës, personat që mund të kishin parandaluar vdekjen e Besnikut. Kjo nuk është vetëm një çështje ligji. Është një çështje humanizmi, ndërgjegjeje dhe dinjiteti.

Ju drejtohemi në emër të jetës që u ndërpre padrejtësisht, në emër të çdo njeriu që mund të ishte në vendin e tij e në emër të atyre që nuk kanë zë, por vetëm një shpirt plot me dhimbje dhe zhgënjim.

The post Vdiq në qeli, familja e Besnik Koçiut akuzon institucionet: Duam hetim, të mos mbyllet si një statistikë first appeared on JavaNews.al.

122 persona mes tyre 83 fëmijë kanë humbur jetën si pasojë e krizës në urisë në Gaza. Presidenti Donald Trump njofton se marrëveshja mes Izraelit dhe Hamasit nuk është arritur me këta të fundit që nuk kanë pranuar kushtet. Sipas Trump tani Izraeli duhet të mbarojë punën në Gaza.

E teksa Gaza po përballet me një krizë urie, Presidenti Amerikan Donald Trump tha se grupi militant palestinez Hamas nuk donte të bënte një marrëveshje për armëpushim dhe lirim pengjesh në Gaza.

“Ata u tërhoqën për sa i përket negociatave. Ishte shumë keq. Hamasi nuk donte vërtet të bënte një marrëveshje. Mendoj se ata duan të vdesin dhe është shumë, shumë keq. Dhe gjërat arritën në një pikë ku tani duhet ta përfundosh punën”, tha Trump.

Komentet vijnë ndërsa kryeministri izraelit Benjamin Netanyahu tha se Izraeli tani po shqyrtonte mundësi “alternative” për të arritur qëllimet e tij për të sjellë pengjet e tij në shtëpi nga Gaza dhe për t’i dhënë fund sundimit të Hamasit në territor.  Ndërkohë Presidenti Trump nuk la pa komentuar edhe vendimin e Francës për të njohur Palestinën.

“Epo, kjo është ajo që bën ai. Nëse e bën këtë, kjo varet nga ai. Nuk varet nga unë. Unë jam me Shtetet e Bashkuara. Nuk jam me Francën.”

Situata në Gaza mbetet jashtëzakonisht shqetësuese për sa i përket krizës së urisë. Sipas raportimeve të Kombeve të Bashkuara 122 persona kanë humbur jetën nga uria ku 83 prej tyre kanë qenë fëmijë.

The post Dështon marrëveshja në Gaza, Trump: Izraeli duhet të mbarojë punën me Hamasin first appeared on JavaNews.al.

Kryeministrja italiane Giorgia Meloni deklaroi të shtunën se njohja e shtetit të Palestinës përpara se ai të jetë realisht i themeluar mund të sjellë pasoja të padëshiruara dhe të dëmtojë procesin e paqes.

“Jam shumë pro shtetit të Palestinës, por nuk jam dakord që ai të njihet përpara se të jetë themeluar,” tha Meloni për të përditshmen italiane La Repubblica.
“Nëse diçka që nuk ekziston njihet në letër, mund të krijohet përshtypja se problemi është zgjidhur, ndërkohë që nuk është,” shtoi ajo.

Deklarata vjen në një moment tensioni në rritje ndërkombëtar pas vendimit të Francës për të njohur shtetin palestinez në Asamblenë e Përgjithshme të Kombeve të Bashkuara që do të mbahet në shtator  një veprim që ka nxitur kritika të forta nga Izraeli dhe Shtetet e Bashkuara, mes konfliktit të vazhdueshëm në Gaza ndërmjet Izraelit dhe grupit militant Hamas.

Të premten, ministri i jashtëm italian theksoi se njohja e shtetit palestinez duhet të ndodhë vetëm nëse shoqërohet me njohjen reciproke të Izraelit nga një entitet i ri palestinez.

Ndërkohë, një zëdhënës i qeverisë gjermane deklaroi se Berlini nuk ka ndërmend të njohë shtetin palestinez në afat të shkurtër. Gjermania, sipas tij, i jep përparësi bërjes së “përparimeve shumë të vonuara” drejt një zgjidhjeje me dy shtete.

Qëndrimet e ndryshme brenda Bashkimit Europian pasqyrojnë kompleksitetin e situatës dhe ndasitë për mënyrën se si duhet të avancojë procesi i paqes mes Izraelit dhe Palestinës.

The post Meloni: Jemi pro shtetit të Palestinës, por njohja përpara themelimit mund të sjellë pasoja first appeared on JavaNews.al.

Kontrollet intensive në kuadër të operacionit policor të koduar “Plazhi i lirë” kanë vijuar pa ndërprerje përgjatë vijës bregdetare, me synimin për të liruar hapësirat publike të zëna në mënyrë të paligjshme.

Gjatë inspektimeve të fundit në plazhin e Kepit të Rodonit, shërbimet e Komisariatit të Policisë Durrës konstatuan dhe sekuestruan 85 komplete me çadra dhe shezlongë, të vendosura pa leje nga një shtetas.

Si rezultat, është referuar materiali në Prokurori dhe është proceduar penalisht në gjendje të lirë shtetasi N. S., 59 vjeç, banues në Tiranë.

Policia njofton se do të vijojë kontrollet në të gjithë bregdetin, me qëllim mbrojtjen e hapësirave publike për pushuesit dhe verifikimin e aktivitetit të subjekteve gjatë sezonit turistik.

Policia e Shtetit u bën thirrje qytetarëve dhe bizneseve të respektojnë hapësirat publike dhe të shmangin ndërhyrjet e paligjshme, pasi çdo shkelje do të trajtohet me masa ligjore, administrative dhe penale.

The post Lirohen hapësira publike në Kepin e Rodonit, sekuestrohen 85 çadra e shezlongë, procedohet një shtetas first appeared on JavaNews.al.

Zjarret që kanë përfshirë zonën e Delvinës vijojnë të shkaktojnë dëme të mëdha.

Mësohet se një 42-vjeçar ka mbetur i lënduar nga flakët, teksa ishte angazhuar vullnetarisht në përpjekjet për shuarjen e zjarreve në fshatin e tij.

Bëhet me dije se ai është transportuar fillimisht në Spitalin e Sarandës mbrëmjen e djeshme, ndërsa më pas është dërguar për ndihmë mjekësore të specializuar në Qendrën Spitalore Universitare “Nënë Tereza” në Tiranë.

Ky është rasti i dytë i të lënduarve nga flakët në zonën e Delvinës brenda 24 orëve të fundit.

Kujtojmë se një ditë më parë, shefi i Komisariatit të Policisë së Delvinës, Agim Troci, u dërgua me helikopter në Spitalin e Traumës në Tiranë, pasi pësoi djegie në trup gjatë operacionit për shpëtimin e disa të moshuarve dhe fëmijëve nga flakët që përfshinë fshatin Senicë.

The post Një tjetër i lënduar nga zjarret në Delvinë, 42-vjeçari pëson djegie të rënda first appeared on JavaNews.al.

Britanikja Sara Payman ka emocionuar me zërin e saj duke kënduar këngë shqiptare. Video është ndarë nga kryeministri Edi Rama në Facebook.

Bashkangjitur videos së publikuar Rama shprehet se Sara Payman na kujton se shqiptar bëhesh edhe me zemër përmes dashurisë për Shqipërinë.

“MIRËMËNGJES dhe me emocionet e muzikës shqipe që buron nga britanikja Sara Payman, e cila i këndon këngët si të ishin të gjakut të saj, duke na kujtuar se shqiptar bëhesh edhe me zemër përmes dashurisë për këtë vend siç Sara ka zgjedhur Shqipërinë, ju uroj një të shtunë të bukur”, shkruan Rama.

The post VIDEO / Britanikja emocionon duke kënduar shqip, Rama: Shqiptar bëhesh edhe me zemër first appeared on JavaNews.al.

Palestinezët që presin për ushqim në një kuzhinë bamirësie në qytetin e Gazës kanë përshkruar vuajtjet e mëdha për të siguruar diçka për të ngrënë, teksa bllokada izraelite vazhdon pa ndërprerje.

“Ja tenxherja ime, nuk ka as edhe një thërrime brenda,” tha një grua, ndërsa priste në radhë.

“Kam një vajzë dyvjeçare. U ktheva në shtëpi me një tenxhere bosh dhe e gjeta vajzën time duke bërtitur nga uria, pa bukë e pa ushqim”, shtoi Umm Abdullah.

Ajo rrëfeu se shpesh ka përleshje pranë kuzhinës bamirëse, pasi njerëzit përpiqen me çdo kusht të sigurojnë pak nga furnizimet e pakta.

“Një herë më ra tenxherja mbi trup dhe u dogja, e në fund sërish ika pa asgjë”, tha ajo.

Një tjetër grua, Riham Dwas, u shpreh se ndonjëherë merr ushqim e ndonjëherë jo.

“Fëmijët e mi hanë vetëm nëse është hapur ndonjë kuzhinë bamirësie, përndryshe, mbeten pa ushqim”, tha ajo.

Gati 500 mijë persona në Gaza po përballen me uri katastrofike.

Sipas Al Jazeera të paktën 122 njerëz kanë vdekur nga uria që prej fillimit të luftës së Izraelit pothuajse 22 muaj më parë, shumica prej tyre që nga marsi, kur u vendos bllokada e plotë.

The post “As edhe një thërrime”, palestinezët në Gaza kërkojnë me dëshpërim për ushqim first appeared on JavaNews.al.

Situata nga zjarret në disa qarqe të vendit vijon të jetë kritike, ndërsa Forcat Ajrore dhe strukturat vendore të emergjencës janë në gatishmëri të plotë për të përballuar vatrat aktive.

Ministri i Mbrojtjes, Pirro Vengu, bëri me dije se që në orët e para të mëngjesit, dronët Bayraktar TB2 të Forcave Ajrore kanë realizuar fluturime monitoruese mbi 18 vatra aktive për të vlerësuar nivelin e riskut dhe për të koordinuar më mirë ndërhyrjen nga toka dhe ajri.

“Që në orët e para të mëngjesit dronët Bayrakatar TB2 të Forca Ajrore kanë realizuar mbifluturime mbi 18 vatrat aktive për të vlerësuar nivelin e riskut. Ekuipazhet e Forcave Ajrore dhe efektivët tanë në terren në gatishmëri për të ndërhyrë kudo në territor, me përparësi në zonat e banuara”, shkruan Vengu.

Delvina mbetet vatra më problematike, ku tre fshatra, Palavli, Vergo dhe Kopaçëz, janë evakuuar për shkak të përhapjes së flakëve dhe erës së fortë që ka favorizuar zjarrin. Deri më tani raportohen disa banesa të djegura, dëme në bagëti dhe në sipërfaqe të mëdha me pemëtari. Vatra ka krijuar një vijë zjarri mbi 10 kilometra të gjatë, duke e bërë ndërhyrjen jashtëzakonisht të vështirë.

Një tjetër grup i Forcave të Armatosura ndodhet mbi tunelin e Skërficës, ku punohet për të izoluar vatrat që janë përhapur nga zona e Delvinës, me synim bllokimin e flakëve që rrezikojnë të arrijnë në Gjirokastër.

Vatra e zjarrit është ende aktive edhe në Dukat, ku ndërhyrja është bërë nga ajri për shkak të terrenit të vështirë, ndërsa në malin e Shpiragut, pranë Beratit, një tjetër zjarr masiv ka përfshirë sipërfaqe të mëdha me shkurre, bimësi dhe pisha, duke rrezikuar zonat përreth.

Autoritetet kërkojnë bashkëpunimin e banorëve për të shmangur çdo veprim që mund të shkaktojë ose përkeqësojë situatën e zjarreve, ndërsa u bëjnë thirrje për kujdes dhe raportim të menjëhershëm të çdo vatre të re.

The post Zjarret përfshijnë disa zona në vend, ndërhyrje nga ajri dhe toka. Ngrihen dronët Bayraktar! first appeared on JavaNews.al.

Mbyti babain me tel, arrestohet bashkëpunëtori i 26-vjeçares

Ka shkuar në tre numri i personave të arrestuar në lidhje me vrasjen e Anesti Ramës, ngjarje që ndodhi më 23 korrik në fshatin Frashër.

Policia e Fierit njoftoi se ka vënë në pranga bashkëpunëtorin e vajzës së tij 26-vjeçare, Emanilda Rama. Bëhet fjalë për një 55-vjeçar nga fshati Rapaj i Roskovecit.

“Nga kryerja e hetimeve dyshohet se ky shtetas ka bashkëpunuar me shtetasen E. R., në vrasjen e babait të saj nëpërmjet strangulimit (mbytje me tel), si edhe duke përdorur sende të forta dhe mjete prerëse”, njoftoi policia.

The post Mbyti babanë me tel, policia arreston bashkëpunëtorin e 26-vjeçares! Kush është burri që e ndihmoi first appeared on JavaNews.al.

Deputeti i Partisë Socialiste, Erjon Braçe, ka denoncuar cilësinë e bukës, që sipas pamjeve që ka publikuar vetë, ditën e dytë është tërësisht e pakonsumueshme.

Braçe ka shtruar edhe një pyetje për autoritetet shtetërore që kanë për detyrë të kontrollojnë sigurinë ushqimore.

“Kam një pyetje: Me çfarë e bëjnë këtë bukën që ditën e dytë është ose kashtë, ose dru? Besoj gjithë kjo ushtria e tatimorëve-administrata tatimore kanë në kurriz, që ka dalë të na sigurojë ushqimin do e ketë një përgjigje; U bë dy javë që bëjnë betejë për ushqimin e sigurt apo jo”, thotë Erjon Braçe.

Kujtojmë se prej rreth 2 javësh ka nisur aksioni në mbarë vendin për sigurinë ushqimore.

Nga ky aksion, janë sekuestruar tonelata produkte ushqimore pa faturë, përfshirë qumësht, djathë e mish.

The post VIDEO / “Ku janë tatimorët?”, denoncimi i Braçes: Buka si kashtë ose si dru! Me çfarë e bëjnë?! first appeared on JavaNews.al.

Vatrat e zjarrit kanë rrezikuar banesat dhe jetët njerëzore në fshatrat e Delvinës. Një situatë e jashtëzakonshme në kufijtë e apokaliptikes mund të cilësohet situata pasditen dhe mbrëmjen së premtes në fshatrat Kalas, Tatzat, Senicë, Palavli, e Vergo të Delvinës. Për shkak se zjarri ishte thuajse jashtë kontrollit fshatrat Palavli dhe Vergo u evakuuan për të garantuar jetën e banorëve.

Në zonë, forca të shumta të zjarrfikësve, pushtetit lokal, vullnetarëve dhe drejtuesve të lartë të Ministrisë së Mbrojtjes, janë përpjekur të mbajnë nën kontroll situatën.

Ndërsa banorët përjetuan ndoshta momentet më të vështira që kishin kaluar ndonjëherë.

Sakaq vatra të fuqishme zjarri ka patur edhe në Senaster në bashkinë e Selenicës, ndërsa në afërsi të qytetit të Beratit një vatër në vijë të gjerë u përhap edhe në malin e Shpiragut, çka angazhoi forcat zjarrfikëse dhe emergjencat civile të prefekturës si dhe bazën ajrore.

Sakaq dita e sotme parashikohet gjithashtu e vështirë për këto zona që kanë patur vatra masive zjarresh, pasi temperaturat pritet të jenë mbi 40 gradë duke favorizuar riaktivizmin e flakëve.

The post DETAJE / Evakuohen banorët, situatë e rënduar nga zjarret në fshatrat e Delvinës first appeared on JavaNews.al.

Nga Eduard Zaloshnja

PD-ja dhe LSI-ja morën së bashku vetëm 38 mijë vota më pak se PS-ja më 2021. Kurse sivjet, ato morën plot 328 mijë vota më pak se PS-ja. Dhe me 81-vjeçarin që ka në krye koalicioni i tyre, kjo diferencë vetëm mund të thellohet në vijim…

I ndodhur në një situatë të tillë komode, Rama ka filluar ta përdorë penelin e vet qeverisës pa e vrarë mendjen për kostot elektorale.

I pataksur nga katrahura në Lungomaren e tij të dashur dhe në administratën e Bashkisë Vlorë, Rama filloi një furtunë spastrimi në administratën e të gjitha bashkive të vendit, si dhe në trotuaret e qyteteve. Dhe çdo ditë ai njofton për furtuna të reja që do të përmbyllen (sipas tij) me një paketë ligjore të re për administrimin e territorit (kur të mblidhet Kuvendi në shtator).

Të gjitha furtunat e Ramës kanë kosto elektorale. Kështu, drejtuesit “e dorëhequr” të bashkive ishin aktivë në mbledhjen e votave për PS-në; shumë nga pronarët dhe punonjësit e lokaleve që janë prekur e do të preken nga spastrimi i trotuareve janë votues të PS-së; shumë nga pronarët dhe punonjësit e beach bar-eve dhe dyqankave që pengojnë pamjen e detit/liqenit në buzë të pedonaleve në plazhe janë votues të PS-së; shumë nga pronarët dhe punonjësit e bizneseve në buzë të rrugëve nacionale janë votues të PS-së; shumë nga “trimat” që bllokojnë hapësirat publike nëpër lagje janë votues të PS-së; shumë nga shitësit e vegjël që tregëtojnë bulmet, mish, etj pa faturë janë votues të PS-së.

Kur të përfundojnë furtunat ramore (dikur nga vjeshta), Rama do të ketë bërë të pakënaqur jo pak aktivistë dhe votues të PS-së. Por 81-vjeçari që ka përballë (armik i tij politik qysh nga dhjetori 1990) ia ka bërë të përballueshme çdo kosto elektorale – me një jastëk elektoral prej 328 mijë votash, Rama mund ta bëjë gjumin rehat.

Dhe gjasat janë që furtunat ramore nuk do të jenë vetëm territoriale. Furtunat mund të jenë edhe kuvendore. Meqënëse Rama mund t’i sigurojë 3/5 e votave në Kuvend me një të fishkëllyer, Kodi Penal, Kodi Rrugor, ndarja administrative e bashkive, paketa antikorrupsion, etj mund të bëhen siç i do ai.

Gjithashtu, furtunë pritet edhe në kabinetin qeveritar dhe në administratën qendrore. Të gjithë ata që kanë kontribuar deri më sot për sjelljen e votave në terren janë të skarcueshëm për Ramën – ai mund të sjellë njerëz të rinj në qeveri dhe në administratën qendrore, pa patur frikë për koston elektorale (me një jastëk elektoral prej 328 mijë votash, ai mund ta bëjë gjumin rehat).

Duke perifrazuar një shprehje të urtë popullore, mund të thuhet se Rama ka gjetur elektoralisht shesh dhe po bën përshesh…

The post Rama po bën përshesh në sheshin elektoral që ka gjetur first appeared on JavaNews.al.

Ministria e Mbrojtjes ka njoftuar se ditën e sotme, 26 korrik, pritet rrezik maksimal për zjarre në të gjitha qarqet e vendit.

Për këtë arsye Komiteti i Mbrojtjes Civile ka kërkuar nga të gjitha institucionet që të rrisin gatishmërinë dhe bashkëpunimin ndërinstitucional.

Po ashtu i bëhet thirrje qytetarëve që të tregojnë kujdes të shtuar, të mos ndezin zjarre në hapësira të hapura dhe të raportojnë çdo rast të dyshimtë te autoritetet.

Kujtojmë se sot sipas parashikimeve të sinoptikanëve temperaturat mund të arrijnë deri në 40 gradë Celsius maksimumi. Bëhet fjalë për zonën e Shëngjinit.

Megjithatë sipas hartave të Ministrisë së Mbrojtjes, në të gjitha qarqet rreziku për zjarre është i lartë.

The post Temperaturat e larta, MM thirrje qytetarëve për kujdes: Sot rrezik maksimal për zjarre first appeared on JavaNews.al.

Në një intervistë për “Edicioni i Fundit” në ABC News, avokati Edmond Petraj analizoi situatën aktuale politike duke u ndalur te dorëheqja e mundshme e kryebashkiakut të Tiranës, Erion Veliaj, si dhe raportet brenda Partisë Demokratike.

Sipas Petraj, nuk ka asnjë vendim gjyqësor të formës së prerë apo ndonjë arsye ligjore që ta detyrojë Veliajn të japë dorëheqjen vendimi mbetet politik dhe personal.

Ai shtoi se Sali Berisha po e mbron Veliajn për të forcuar narrativën kundër kryeministrit si “diktator” dhe për të shmangur zgjedhje në Tiranë, për të cilat, sipas Petrajt, PD nuk është e përgatitur.

Avokati vlerësoi gjithashtu se mungon një nismë e brendshme për largimin e Berishës nga drejtimi i PD-së, duke theksuar se, në mungesë të një reagimi të qartë, ai do të vazhdojë të udhëheqë partinë, pavarësisht mosnjohjes së zgjedhjeve.

“Nuk ka një vendim të formës së prerë dhe një arsye që Veliaj të japë dorëheqjen. Nuk janë bërë pezullime. Jemi në një situatë që varet vetëm nga Veliaj, do apo nuk do ai që të japë dorëheqjen. Berisha e merr në mbrojtje Veliajn, sepse kërkon që të formalizojnë portretin si diktator të kryeministrit. Është një element që Berisha nuk do zgjedhje në Bashkinë e Tiranës për momentin sepse nuk është i përgatitur dhe do të ishte një goditje e dytë, pas zgjedhjeve.

Kjo është ajo marrëdhënie për të cilën mendoj unë. Berisha nuk do të japë dorëheqjen, nuk i njeh zgjedhjet pavarësisht se do të hyjë në Kuvend. Kërkon të justifikojë humbjen. Besoj se pjesa e nenit Basha nuk është funksionale, sepse nëse nuk ka një shkëndijë të brendshme brenda PD, Berisha nuk ikën. Deri tani nuk ka asnjë person brenda PD që të ngrejë një grup deputetësh apo anëtarësh të kryesisë që kërkojnë largimin e Berishës. Nëse ikën Berisha, PD ikën fund, nëse nuk do të ishte Berisha nuk do të mblidhnin aq vota. Nëse nuk ka një reagim të brendshëm PD, ai do të vazhdojë, por PD nuk i njeh zgjedhjet”, tha avokati Petraj.

The post Berisha mbron Veliajn?/ Avokati: PD nuk do zgjedhje në Bashkinë e Tiranës, s’është e përgatitur first appeared on JavaNews.al.

Ditën e sotme (26 korrik), vendi ynë do të jetë në ndikimin e kushteve atmosferike të qëndrueshme dhe të nxehta.

Sipas Shërbimit Meteorologjik Ushtarak (SHMU), moti parashikohet i kthjellët në pjesën më të madhe të territorit, ndërsa vranësirat do të jenë të pakta kalimtare në relievet malore në verilindje e juglindje.

Era do të fryj me drejtim juglindje–veriperëndim me shpejtësi mesatare 6 m/s, në bregdet dhe lugina hera-herës do të arrijë 7- 9 m/s. Deti do të jetë i valëzimit me forcë 1-2 ballë.

Temperaturat e regjistruara:

Në zonat malore 22 deri 40 °C

Në zonat e ulëta 26 deri 41 °C

Në bregdet 26 deri 40°C

The post Dita e sotme me diell, temperaturat deri në 40 gradë celsius first appeared on JavaNews.al.

Një zjarr ka rënë të premten në transformatorin e fuqisë 110/10kV të nënstacionit Ibë në Tiranë, duke shkaktuar ndërprerje të energjisë elektrike në disa zona. Operatori i Shpërndarjes së Energjisë Elektrike (OSSH) njoftoi se zjarri ishte pasojë e regjimit të sforcuar të funksionimit të pajisjeve për shkak të temperaturave të larta që kanë arritur nivelin e 40°C.

Reagimi i menjëhershëm i brigadave të zjarrfikëses dhe stafit të Drejtorisë së Tensionit të Lartë të OSSH mundësoi shuarjen e shpejtë të flakëve, duke minimizuar dëmet. Fatmirësisht, nuk ka asnjë të lënduar nga personeli.

Stakimi i nënstacionit Ibë ndikoi në ndërprerjen e furnizimit me energji elektrike për zonat e Bërzhitës, Mulletit, Baldushkut, Ibës dhe Krrabës. Megjithatë, OSSH theksoi se energjia u rikthye brenda një kohe të shpejtë në një pjesë të këtyre zonave, falë lidhjeve në unazë me fidera të tjerë që dalin nga nënstacioni i Farkës.

OSSH ka shtuar grupet e punës në objekt dhe është angazhuar të punojë pa ndërprerje deri në orët e para të mëngjesit për zgjidhjen e plotë të avarive dhe normalizimin e furnizimit.

Për shkak të rritjes së temperaturave në shkallë vendi, OSSH ka rritur masat e gatishmërisë për të shmangur problematikat në rrjetin shpërndarës. Në disa zona, prania e zjarreve ka detyruar Operatorin e Sistemit të Shpërndarjes të stakojë energjinë elektrike si një masë e domosdoshme sigurie për të parandaluar dëme më të mëdha.

Grupi OSHEE kërkon mirëkuptimin e konsumatorëve për ndërprerjet e energjisë elektrike, të cilat janë të ndikuara nga faktorë natyrorë, dhe siguron se po vijon të jetë i angazhuar maksimalisht për zgjidhjen e shpejtë të problematikave në rrjetin e shpërndarjes.

The post Zjarr në nënstacionin e Ibës, OSSH stakon energjinë në disa zona: Po punojmë deri në normalizimin e plotë të situatës first appeared on JavaNews.al.

Policia e Shtetit është duke ushtruar kontrolle në disa qytete të ndryshme, si në Tiranë, Elbasan dhe Vlorë, pas disa urdhër-arresteve të lëshuara nga SPAK. Sipas burimeve të A2 mësohet se bëhet fjalë për të paktën 7 masa sigurie.

Sipas burimeve, masë sigurie është caktuar edhe për dy persona të njohur të botës së krimit që mbahen të izoluar për vepra të rënda penale.

Hetimet nisën pas të dhënave të përftuara nga zbërthimi i mesazheve në aplikacionin SkyECC.

Mësohet se personat e dyshuar trafikonin kokainë nga vendet e Amerikës Latine në drejtim të Bashkimit Europian.

The post 7 urdhër-arrestet e lëshuara nga SPAK, Policia e Shtetit kontrolle në disa qytete first appeared on JavaNews.al.