Ministrja e Familjes dhe Shërbimeve Sociale të Turqi, Mahinur Özdemir Göktaş, e vetmja grua dhe anëtarja më e re e qeverisë turke është kritikuar pasi bëri një turne në Anadoll me një Mercedes-Benz S63-E, që thuhet se vlen 32 milionë lira turke (670,000 euro).

Zgjedhja erdhi në një kohë kur Ministri i Financave Mehmet Simsek ka bërë thirrje të përsëritura për shkurtime të shpenzimeve publike.

Gjatë vizitës së saj në Karabık, Göktaş la në garazh makinën e saj elektrike Togg të prodhuar në vend me vlerë 2.63 milionë lira (55,000 euro), e cila është automjeti i saj zyrtar dhe preferoi të lëvizte me S-Class, që ka edhe sedilje masazhi.

Në mediat sociale, përdoruesit komentuan me sarkazëm duke shkruar: “Mos e lini Simsek ta shohë këtë”.

Çështja po merr vrull, pasi me një rregull të kohëve të fundit nga Ministria e Financave u kërkohet të gjitha organeve publike t’i përmbahen masave të rrepta shtrënguese, duke kufizuar shpenzimet e tyre në çdo nivel – nga udhëtimet deri te përdorimi i pronës shtetërore.

Me sa duket, Mahinur Özdemir Göktaş mendonte se kjo thirrje specifike kishte të bënte me të tjerët dhe jo me veten… Ministrja turke ka lindur në Belgjikë dhe gjithashtu mban shtetësi belge, ishte anëtare e parlamentit lokal të Brukselit dhe gjatë mandatit të saj ajo kishte refuzuar të merrte pjesë në heshtjen njëminutëshe në kujtim të gjenocidit armen.

Ajo ka qenë gjithashtu ambasadore e Turqisë në Algjeri nga viti 2022 deri në vitin 2023, ndërsa është interesante se nuk studioi drejtësi siç donte fillimisht sepse e kuptoi se nuk do të ishte në gjendje të fliste në gjykatë duke mbajtur… shami! m.p.

Robert Lewandowski me shumë mundësi do luajë sezonin e fundit me Barcelonën dhe do largohet verën e ardhshme. Polaku mungoi ndeshjen e parë të këtij sezoni në transfertë ndaj Mallorca-s, por në fakt mungesa e tij nuk u ndie aspak.

“AS” raporton se polaku është i vetëdijshëm që këtë sezon do kalojë shumë kohë në stol, në krahasim me vitet e tjera. Në anën tjetër, Hansi Flick ka vendosur t’i besojë më shumë Ferran Torres.

Spanjolli edhe pse nuk ishte titullar i rregullt sezonin e kaluar, shënoi 19 gola në 43 ndeshje. 25-vjeçari pritet të ketë një rol më të rëndësishëm këtë vit dhe Flick do i besojë atij në një farë mënyre rolin e numrit 9.

Ndërkohë që verën e ardhshme, Barcelona synon të transferojë një numër 9-sh të mirëfillitë siç është Julian Alvarez, por për këtë sezon këtë rol do e mbulojë më shumë Ferran Torres sesa Lewandowski. m.p.

Mbretëria e Bashkuar ka shprehur gatishmërinë për të dërguar trupa dhe për të mbrojtur hapësirën ajrore dhe protet e Ukrainës.

Britania e Madhe thekson se është gati të ofrojë mbështetje logjistike dhe trajnim për forcat e Kievit, por jo t’i vendosë ato pranë kufirit në rast të ndërprerjes së armiqësive me Rusinë.

Raportimi më i fundit vjen nga The Guardian duke cituar zyrtarë qeveritarë të cilët theksojnë se ky është qëndrimi i Shefit të Forcave të Armatosura Britanike, Sir Tony Radakin.

Sakaq, ky i fundit do t’i paraqesë këto propozime gjatë bisedimeve të nesërme me homologët e tij amerikanë në Pentagon mbi garancitë e sigurisë për Kievin. m.p.

Katër automjete të parkuara të ushtrisë gjermane u dogjën plotësisht në orët e para të së martës në Kassel.

Sipas hetimeve të deritanishme të policisë së Kasselit, gjithçka tregon zjarrvënie të qëllimshme. Duke qenë se një motiv politik nuk mund të përjashtohet në këtë kohë, hetimet do të kryhen nga sigurimi shtetëror.

Sipas FAZ, zjarri shpërtheu pak pas orës 3 të mëngjesit. Një banor vendas pa automjetet duke u djegur dhe njoftoi departamentin e zjarrfikësve dhe policinë, ndërsa vetë u përpoq ta shuante zjarrin.

Nuk pati të lënduar. Automjetet u shkatërruan plotësisht, me dëme të vlerësuara në 150,000 euro. m.p.

Një ngjarje tragjedi është regjistruar në qytetin italian të Cagliarit, ku kanë mbetur dy viktima pas helmimit në një festiva.

Helmimi ushqimor ndodhi gjatë festivalit “Fiesta Latina”, organizuar në fund të korrikut në Monserrato, një zonë pranë Cagliarit. Më shumë se 30 persona kanë përfudnuar të helmuar në spital, ndërsa dy prej tyre kanë ndërruar jetë.

Autoritetet lokale dhe ato shëndetësore kanë nisur hetimet për të përcaktuar burimin e saktë të kontaminimit. m.p.

Shtëpia e Bardhë po e shqyrton kryeqytetin hungarez Budapestin si një vend për të pritur një samit të mundshëm trepalësh midis Presidentit të SHBA-së Donald Trump, homologut të tij rus Vladimir Putin dhe Presidentit ukrainas Volodymyr Zelensky.

Kështu raporton Politico, teksa citon një zyrtar të administratës Trump dhe një person të afërt me administratën.

“Shërbimi Sekret i SHBA-së po përgatitet për samitin në vendin e Evropës Qendrore, me kryeqytetin hungarez që del si zgjedhja kryesore e Shtëpisë së Bardhë”, raportoi Politico.

Donald Trump propozoi dje një takim trepalësh midis presidentëve të Rusisë dhe Ukrainës, me pjesëmarrjen e tij. Duket se hapat janë të mbarë për realizimin e tij, por për momentin, as koha dhe as vendi nuk janë përcaktuar.

Megjithatë, Presidenti francez Emmanuel Macron propozoi të martën që takimi të mbahej në Gjenevë, një ide me të cilën u pajtua edhe ministri i jashtëm italian Antonio Tajani, pasi diskutimet fillestare kishin qenë edhe për Romën. m.p.

Kryeministria italiane Giorgia Meloni ka qenë një prej politikanëve të rëndësishëm, që morën pjesë në takimin me Donald Trump në Shtëpinë e Bardhë, për fatin e Ukrainës.

Ajo ishte bashkë me kryeministrat e rëndësishëm të Europës, krah Vladimir Zelenskyt. Por, edhe këtë radhë ajo u bë virale me reagimet e saj të çuditshme. Veçanërisht kur ishte duke folur kancelari gjerman Merz.

Meloni shihet teksa ngre sytë lartë teksa ishte duke folur Merz. m.p.

Spanja është goditur nga një valë ekstreme të nxehti nga 3 deri më 18 gusht, e cila ka rezultuar më vdekjeprurësja deri më tani, me 1,149 viktima të lidhura me temperaturat që në jug arritën deri në 45 gradë celsius.

Sipas Sistemit të Monitorimit të Vdekshmërisë Ditore (MoMo), që nga fillimi i verës janë regjistruar gjithsej 2,635 vdekje të lidhura me të nxehtin, një rritje 40% krahasuar me verën e kaluar. Më të prekurit janë të moshuarit, veçanërisht ata mbi 75 vjeç me sëmundje kronike.

Përveç vdekjeve të lidhura me përkeqësimin e gjendjes shëndetësore, të paktën 23 persona kanë humbur jetën nga goditja direkte e të nxehtit, duke e ka tejkaluar numrin e vdekjeve të drejtpërdrejta gjatë verës të regjistruara gjatë dy viteve të fundit.

Temperaturat ekstreme kanë vështirësuar edhe përpjekjet për shuarjen e zjarreve në veri-perëndim të vendit. m.p.

Liverpool jo vetëm që nuk ka hequr dorë nga transferimi i Alexander Isak, pavarësisht refuzimeve të vazhdueshme të Newcastle, por klubi i kuq po punon për një ofertë rekord në drejtim të suedezit.

“The Sun” raporton se po përgatit një ofertë prej 155 milionë eurosh, që duket e vështirë të refuzohet nga Newcastle. Brenda 48 orëve të ardhshme pritet mësohet përfundimisht fati i sulmuesit suedez, i cili nga e tij i ka bërë të ditur klubit aktual se dëshiron vetëm transferimin te Liverpool.

Përveç Isak, Liverpool po punon edhe për transferimin e Marc Guehi nga Crystal Palace. Marrëveshja mes palëve pritet të rarrihet për shifrën 40-45 milionë euro.

Në rast se Liverpool konkretizon transferimin e Isak dhe Marc Guehi, atëherë shifra e shpenzuar në merkaton e kësaj verë nga kampioni në fuqi i Anglisë do të arrintë mbi 550 milionë euro. m.p.

Zëdhënësja e Shtëpisë së Bardhë, Karoline Leavitt, ka deklaruar në një konferencë për shtyp se janë në proces përgatitjet për takimin midis Vladimir Putin dhe Vladimir Zelensky.

Sa i përket vendit të takimit, Karoline Leavitt u shpreh se ka disa opsione që po diskutohen aktualisht nga ekipi i sigurisë.

Shtëpia e Bardhë po planifikon një takim të mundshëm trepalësh midis Volodymyr Zelensky, Vladimir Putin dhe Donald Trump në Budapest.

Politico, duke cituar burime, raporton se Shërbimi Sekret po përgatitet për samitin në Hungari. m.p.

Përveç luftës me Rusinë, Ukraina tashmë do duhet të përballet me një tjetër shqetësim që vjen nga Hungaria.

Tensionet midis dy vendeve u përshkallëzuan pasi Ukraina bombardoi tubacionin e naftës Drushba në territorin rus, duke ndaluar në këtë mënyrë edhe furnizimin me naftë në Sllovaki dhe Hungari.

Hungaria të hënën bëri një kërcënim të fshehur për të ndërprerë furnizimin me energji elektrike për Ukrainën, ndërsa përshkallëzohet debati diplomatik mbi dëmtimin e tubacionit Druzhba.

Ministri i Jashtëm hungarez Péter Szijjártó ka kritikuar autoritetet ukrainase për kryerjen e sulmeve në tubacion, duke i përshkruar ato si “të shëmtuara dhe të papranueshme” dhe duke shkruar se “kushdo që sulmon sigurinë tonë energjetike, në fakt, po sulmon sovranitetin tonë”.

Tubacioni Druzhba transporton naftë nga Rusia në Evropën Qendrore përmes Ukrainës dhe Bjellorusisë. Hungaria dhe Sllovakia janë të vetmet shtete anëtare të BE-së që ende marrin sasi të mëdha nafte ruse nga tubacionet, pasi siguruan përjashtime nga sanksionet e bllokut që synojnë eksportet e naftës ruse. m.p.

Pasi mori përgjigje ngeative nga Juventus për Manuel Locatelli, Ah-Ahli është hedhur në “sulm” për mesfushorin e Milanit, Youssouf Fofana, sipas asaj që raporton “Calciomercato.com”.

Oferta është po e njëjtë me atë për Locatelli-n, 25-30 milionë euro. Vetë lojtari ka shprehur dëshirën dhe qendrimin për të vazhduar me kuqezinjtë dhe është i lumtur aty.

Në anën tjetër, drejtuesit e Milanit janë ende në mëdyshje dhe nuk kanë vendosur për ofertën e ardhur nga klubi saudit. Max Allegri nga ana e tij e konsideron 26-vjeçarin si një element të rëndësishëm për sezonin e ri dhe bën pjesë në projektin e tij. Fofana do largohet, vetëm nëse Milan e ka gati zëvendësuesin e tij dhe kjo duket e vështirë. m.p.

Pas bisedimeve të samitit të Donald Trump me Vladimir Putin në Alaska të premten dhe përpara takimit historik të ‘Koalicionit të Vullnetit’ në Uashington sot, Shtëpia e Bardhë ka publikuar letrën nga Zonja e Parë Melania Trump drejtuar Putinit.

Në letrën, të cilën Donald Trump ia dorëzoi personalisht Putinit, Melania Trump ia ngriti çështjen e vështirë të fëmijëve presidentit rus Vladimir Putin.

“Çdo fëmijë ndan të njëjtat ëndrra të qeta në zemrën e tij, pavarësisht nëse lind rastësisht në fshatrat rurale të një kombi apo në një qendër qyteti madhështore. Ata ëndërrojnë për dashuri, mundësi dhe siguri nga rreziku”, shkroi zonja e parë.

Megjithatë, sapo qarkulloi dhe u bë virale në internet, kritikët shpejt vunë në dukje se letra nuk ishte vetëm e paqartë në lidhje me fëmijët për të cilët po fliste Melania Trump, dhe shumë filluan të vinin në dyshim nëse letra ishte gjeneruar duke përdorur inteligjencën artificiale.

Sipas mediave të huaja, strategu demokrat Keith Edëards shkroi në X se letra “nuk thotë shumë asgjë” dhe se “shumë prej saj janë shkruar nga Inteligjenca Artificiale”. m.p.

Protestat që vijojnë tashmë prej muajsh në Serbi, e kanë detyruar Aleksandër Vuçiç të thërrasë Këshillin e Sigurisë Kombëtare.

Mbledhja u kryesua nga vetë Presidenti serb Vucic, ndërsa në të merrnin pjesë Kryetarja e Kuvendit, Ana Brnabiç, Kryeministri Đuro Macut, Ministri i Mbrojtjes, Drejtori i shërbimeve sekrete serbe, Ministri i Punëve të Brendshme si dhe krerët më të lartë të autoriteteve policore e gjyqësore.

Tema qendrore te takimeve kane qene dhe situata ne Kosove dhe zhvillimet e fundit në Bosnjë e Hercegovinë dhe republikën Srpska.

Se fundmi ne Beograd janë sulmuar ambientet e partisë progresive serbe të presidentit Vuçiç.
Ndërhyrja e Policisë së Serbisë ka qenë e ashpër, duke vijuar me arrestime.

Autoritetet kane arrestuar tre persona me akuzën për vandalizimin e ambienteve të partisë progresive serbe ne rrugën Cvijićeva në Beograd.

Konkretisht një burrë 31-vjeçar dhe dy vajza, të moshës 19 dhe 22 vjeç, u arrestuan me urdhër të Zyrës së Prokurorit të Lartë Publik në Beograd, nën dyshimin për sjellje të dhunshme në një tubim publik të paregjistruar.

Sipas mediave serbe, njëra nga vajzat theu një dritare në ambientet e partisë së Vuçiç, ndërsa dy të tjerat hodhën gurë dhe i vunë flakën kontejnerëve. Ministria e brendshme aty ka bërë një kalkulim të numrit të palëkundur të protestuesve. Ministri i Brendshëm Ivica Daçiç deklaroi se në Beograd kishte “gjithsej 2,300 deri në 2,400 protestues që po prishën në mënyrë drastike rendin publik” dhe qe sipas tij “treguan me agresivitetin e tyre se kishin ndërmend të shembnin, t’i vinin flakën ambienteve partisë dhe të sulmonin policinë”.

Presidenti serb Aleksandër Vuçiç, zgjodhi te vizitonte nga afër mbrëmjen e së hënës ambientet e sulmuara përpos zyrave të partisë së tij në rrugën Cvijićeva .

“Ata po përpiqen të shkatërrojnë vlerat themelore me të cilat jemi mësuar. Ne do t’u rezistojmë atyre dhe do të luftojmë”, tha Vuçiç gjate inspektimeve. m.p.

Sekretari i Përgjithshëm i Partisë së Lirisë, Tedi Blushi, ka akuzuar kryeministrin Edi Rama si përgjegjësin kryesor për situatën e zjarrëve që përfshinë vendin javët e fundit.

Tedi Blushi shprehet se Edi Rama është armiku i mjedisit ndërsa thekson se pasojat e flakëve kanë shkaktuar mbi 300 milionë euro dëme.

Sipas tij, shkatërrimi i banesave, bagëtive dhe ekonomive familjare është si rezultat i papërgjegjshmërisë dhe korrupsionit të qeverisë.

Tedi Blushi është i mendimit se me 20 milionë euro qeveria do të kishte mundur të merrte masa parandaluese duke shmangur këtë dëm të madh ekonomik.

Sipas tij, me vetëm 20 milionë euro qeveria do të kishte mundur të merrte masa parandaluese, duke shmangur dëmin e madh ekonomik. “Në vend që të shtonte fondet për emergjencat civile, Rama ka alokuar vetëm 21 milionë euro në vit,” theksoi Blushi. m.p.

Jonathan Rowe dhe Adrien Rabiot u përfshinë në një përleshje mes tyre në dhomat e zhveshjes, pas humbjes në javën e parë në transfertë ndaj Rennes. “RMC Sport” raporton se klubi francez i ka nxerrjë në shitje të dy lojtarët.

Për Adrien Rabiot, pritet të ketë një rikthim të bujshëm në Serie A. Juventus është i gatshëm ta presë krahëhapur mesfushorin francez, i cili kaloi 5 vite të mrekullueshme në Torino, në sezonet 2019-2024, para se të transferohej te Marseille, pasi nuk gjeti gjuhën e përbashkët për rinovimin me ish-drejtorin teknik Cristiano Giuntoli.

Në garë për mesfushorin francez është edhe Milan. Max Allegri e vlerëson shumë Rabiot dhe padyshim që francezi do kishte një vend të sigurt në mesfushën e kuqezinjve. m.p.

Gjyqtari Hazbi Balliu është rikthyer sot në qendër të vëmendjes dhe kritikave të kryeministri Edi Rama.

Përmes një postimi në rrjetet sociale shefi i qeverisë shprehet se Balliu vendosi në favor të një ndërtuesi të paligjshëm në kryeqytet, duke bllokuar me vendimin e tij konfiskimin e një pallati që po ndërtohej pa leje, të cilin qeveria pas konfiskimit do ta shndërronte në zyrat e reja të Agjencisë Shtetërore të Kadastrës.

Duke zbuluar për opinionin publik një ekstrakt të vendimit të gjyqtarit për rastin në fjalë dhe pamje nga zyrat aktuale të ASHK-së me tavanin e rrëzuar përtokë, Rama thekson rëndësinë e këtij vendimi.

Ai shprehet se është absurd si një gjykatës mund të mbrojë vendimin me pretendimin e se ASHK mund të punojë në ambiente të tjera dhe vendosja e saj në godinën e konfliktit mes dy palëve, nuk është e domosdoshme.

POSTIMI I RAMES:

Më në fund gjykatësi Balliu e nxorri arsyetimin e shkruar të vendimit të tij skandaloz për të marrë në mbrojtje palën përfaqësuese të një pallati të ndërtuar totalisht pa leje dhe të konfiskuar në Tiranë, ku u sistemua Agjencia Shtetërore e Kadastrës, e cila prej disa vitesh e vazhdonte punën në një objekt të vjetër e të dëmtuar seriozisht nga tërmeti.

Se si mund të angazhohen prokurorë a gjykatës të republikës në favor të ndërtuesve të paligjshëm, kjo kërkon të kesh akses në trurin e prokurore Gjelit dhe të gjykatës Balliut, por se si mund të shkruajë një gjykatës se ASHK-ja nuk ka prova që nuk mund të vazhdojë të rrijë në një godinë ku bien tavanet e muret, kjo kërkon një durim heroik në pritje që me ndihmën e të madhit Zot organet e kontrollit e të qeverisjes së gjyqësorit të zgjohen nga gjumi i tyre, i cili po bëhet gjithnjë e më i rrezikshëm edhe për fatet e vetë Reformës në Drejtësi

Në foto keni (mos)arsyetimin e gjykatës Balliut si edhe situatën e godinës së vjetër të ASHK-së, e cila mesa duket për Balliun është një vend normal pune për sa kohë nuk ka viktima. m.p.

Nga ministritë e drejtoritë te agjencitë apo entet, bashkë me institucionet e pavarura kushtetuese.. qeveria propozon ndryshime në organizimin e institucioneve të administratës publike.

Ministri i Shtetit për Administratën Publike dhe Anti-korrupsionin ka hedhur në konsultim publik projektligjin “Për organizimin dhe funksionimin e administratës shtetërore.” Nga tre aktualisht, pritet të ketë vetëm 2 kategori të institucioneve jo-ministrore.

“Projektligji propozon ekzistencën e vetëm dy llojeve të trupave jo-ministrore/ekzekutive, pra mbajtjen e institucioneve klasike të varësisë ku sipas këtij propozimi do të përfshihen edhe agjencitë aktuale autonome, dhe ri-konceptimi tërësor i Agjencive Autonome për të akomoduar tipologjinë aktuale të Autoriteteve Rregullatore, duke rregulluar regjimin e tyre juridik të organizimit dhe funksionimit të aftë për të garantuar një autonomi funksionale të plotë në kryerjen e funksioneve rregullatore, siç kërkohet nga legjislacioni evropian për secilin nga rregullatorët.”

Një tjetër risi e projektligjit lidhet me sistemin e llogaridhënies dhe raportimin e performancës.

“Me miratimin e vendimit për sistemin e mbikëqyrjes/llogaridhënies dhe për zbatimin e tij, çdo institucion do të krijojë sistemin e brendshëm të llogaridhënies dhe do të hartojë Planin dhe Raportin Vjetor të Performancës. Çdo ministri do të caktojë për çdo institucion/agjenci njësinë përgjegjës për mbikëqyrjen dhe çdo vit do të angazhohet për miratimin e Planit Vjetor, mbikëqyrjes dhe dialogut të përhershëm institucional dhe vlerësimin e performancës së institucionit, duke konkluduar çdo vit me deklaratën e performancës të institucionit.”

Në relacionin e nismës ligjore ka parashikime edhe mbi numrin e punonjësve që do duhen minimalisht për ngritjen e një strukture në administratën publike.

“Projektligji propozon vendosjen e një pragu minimal të punonjësve që justifikojnë krijimin e një institucioni varësie dhe njohjen e një lloji të ri drejtorie me status të posaçëm brenda aparatit të ministrisë, pa personalitet juridik por me autonomi të rritur në bazë të delegimit të ministrit.” m.p.

Policia greke ka arrestuar një 16-vjeçar shqiptar pasi akuzohet për vjedhjen e të paktën 10 motorëve përgjatë sezonit veror.

Në pranga ka rënë edhe shoku i tij, një 17-vjeçar grek, pasi bashkëpunonin për të kryer vjedhje.

Mediat greke raportojnë se dy të miturit përdornin çelësa të posaçëm për të kryer grabitje ndërsa u kapën në flagrancë në tentativë për të vjedhur një kamion.

Nga 10 motorët e vjedhur në Selanik, 8 prej tyre janë rikthyer tek pronarët, por 2 të tjerë ende nuk janë gjetur. m.p.

Pak ditë më parë, zgjedhja stilistike e Ministrit të Jashtëm rus Sergei Lavrov , pas mbërritjes së tij në Anchorage për takimin Trump-Putin në Alaska, shkaktoi shumë diskutime.

Konkretisht, Lavrov zgjodhi të shkonte në Amerikë duke mbajtur veshur një bluzë me mbishkrimin “BRSS” – shkronjat cirilike që i referohen ish-Bashkimit Sovjetik.

Imazhi i diplomatit rus shkaktoi reagime dhe komente të forta, pasi veshja u interpretua nga shumë si një referencë simbolike për epokën e Luftës së Ftohtë.

Sipas CNN, duke folur për mediat ruse të martën, Lavrov pohoi se delegacioni amerikan në Alaska kishte reaguar ndaj bluzës pa “asnjë histeri”. Siç tha ai, Sekretari i Shtetit i SHBA-së, Marco Rubio, madje e ka komentuar pozitivisht për pamjen e tij, duke i thënë se i pëlqente bluza.

Shfaqja e Lavrov u prit me entuziazëm nga komentatorët pro-qeveritarë në Rusi.

Olga Skabeeva, një prezantuese e televizionit shtetëror, postoi një foto të tij me bluzën veshur, duke shkruar: “Bluza BRSS! Më e mira!!”.

Megjithatë, vetë Lavrov donte të qetësonte përshtypjet e krijuara.

“Nuk po flasim për imperializëm apo ringjalljen e të menduarit perandorak, siç i pëlqen të thotë Perëndimi”, tha ai. Ai shtoi, në fakt, se është thjesht një referencë për historinë, e cila, siç tha ai, “duhet të ruhet, madje edhe me një dozë humori”. m.p.