Egli Tako vijon që të mbajë të mbërthyer showbizzin. Së fundi ajo ka ndarë me ndjekësit e saj një rrëfim personal dhe emocional mbi gjendjen shëndetësore që e ka shoqëruar gjatë muajve të fundit. Në një postim të bërë publik së fundmi, ajo ka zbuluar se prej tre muajsh po ndjek mjekime të vazhdueshme për një dëmtim serioz në kordët vokale. “(Prej 3 muajsh tashmë) jam me mjekime të vazhdueshme…
Vetëm pak ditë na ndajnë nga Sunny Hill Festival 2025, që do të mbahet më 1, 2 dhe 3 gusht dhe atmosfera tashmë ka filluar të ndihet në Prishtinë.
Akomodimi është bërë një sfidë më vete, mbi 95 për qind e apartamenteve janë të zëna në Booking.com, ndërsa edhe në Airbnb, opsionet po zhduken përditë.
Të apasionuarit pas muzikës dhe fansat e festivalit kanë vërshuar platformat e rezervimeve për të siguruar vendin e tyre në këtë ngjarje që pritet të sjellë emra të mëdhenj të skenës ndërkombëtare dhe shqiptare.
Sunny Hill, themeluar nga Dua dhe babai i saj Dukagjin Lipa, nuk është më thjesht një festival – është një fenomen kulturor që çdo vit tërheq mijëra vizitorë nga Kosova, Shqipëria, rajoni dhe bota.
Përveç muzikës, festivali sjell energji, jetë nate, aktivitete paralele, por mbi të gjitha, një gjallërim ekonomik të ndjeshëm për qytetin pritës.
Me datat që po afrojnë dhe fluksin që s’ka ndërmend të ndalet, tani është momenti i fundit për të rezervuar akomodimin, meqë kanë mbetur edhe shumë pak prej tyre.
Në ndërkohë, këngëtarja me famë botërore do të ngjitet në skenë në natën e parë (e premte), duke e kthyer hapjen në një spektakël që pritet të ndezë publikun si kurrë më parë.
The post Sunny Hill Festival ‘pushton’ Prishtinën – mbi 95 për qind e apartamenteve janë rezervuar appeared first on Albeu.com.
Raporti i Drilonit dhe Bay T ishte komentuar që prej qëndrimit të të dyve në shtëpinë e ”Big Brother Kosova Vip 3”. Kjo pasi shumëkush i donte dhe i projektonte si një çift ideal. Por jo të pakta ishin spekulimet sa i përket tyre edhe pasi Driloni u shpall fitues. U përfol shumë mundësia e takimit mes tyre, diçka që kurrë nuk u komentua apo pranua nga asnjëri. Në prapaskenë…
Këngëtarja e njohur Dafina Zeqiri ka emocionuar ndjekësit në rrjetet sociale duke ndarë një moment të ëmbël dhe shumë personal nga jeta e saj si nënë.
Ajo ka publikuar një foto ku shihet duke ushqyer me gji të birin e saj të porsalindur, Daskan, duke përcjellë natyrshmëri, dashuri dhe lidhjen e fortë mes nënës dhe fëmijës.
Ky postim ka marrë menjëherë reagime pozitive nga fansat dhe ndjekësit, të cilët kanë përgëzuar Dafinën për natyrshmërinë dhe ndarjen e këtij momenti të veçantë.
Pas lindjes së vogëlushit, artistja duket më e plotësuar se kurrë dhe ka treguar hapur emocionet e saj në përvojën e re të mëmësisë.
The post Dafina Zeqiri sfidon tabutë/ Publikon FOTO duke ushqyer me gji vogëlushin appeared first on Albeu.com.
Në një intervistë të fundit të zhvilluar me gazetarin Ronaldo Sharka, opinionistja Neda Balluku ndau mendimet e saj për shumë figura të ekranit dhe ish-banorë të “Big Brother VIP”.
E pyetur kë do të zgjidhte për të kaluar pushime të paharrueshme mes Balina Bodinakut, Zhaklin Lekatarit dhe Ori Nebijajt, Neda ishte e prerë: “Ori Nebijaj është për mua një nga njerëzit që e bën jetën në mënyrë shumë elegante, modeste dhe pozitive. E njoh, ndaj sigurisht do të zgjidhja Orin,” tha ajo.
Nuk munguan as pyetjet për rolin e saj si opinioniste. “Po, mendoj se jam opinionistja më e ndershme me banorët dhe publikun. Më transparentja,” deklaroi Neda me bindje, duke nënvizuar përkushtimin e saj ndaj drejtësisë dhe objektivitetit në panel.
Biseda ne studio:
Ronaldo: Kë do të zgjidhje ti për të bërë një palë pushime shumë të bukura, Balina Bodinakun, Zhaklin Lekatarin apo Ori Nebijaj?
Neda: Orin sigirisht. Ori Nebijaj është për mua një nga njerëzit, e cila në jetën e saj, qenien e saj në këtë tokë, e bën në formë shumë elegante, në formë shumë modeste dhe pozitive. Dhe e njoh, kështu që sigurisht do të zgjidhja Ori Nebijaj.
Ronaldo: A je ti opinionistja më e ndershme me banorët që ka pasur “Big Brother”?
Neda: Po. Mendoj se jam opinionistja më e ndershme me banorët dhe me publikun. Më transparentja.
Ronaldo: A do ta ribëje “Big Brother”?
Neda: Mendoj që janë punët e Zotit dhe punët e Top-it (qesh).
Ronaldo: Nëse do të jesh këtë edicion, nëse nuk do të kesh Arbrin në krah, kë do të doje të kishe?
Neda: Ronaldo Sharkën.
Ronaldo: I ke monitoruar banorët e këtij edicioni? Kush mendon se po e menaxhon më mirë atë që i mori “Big Brother-it”?
Neda: Gerta Gixhari dhe Loredana Brati janë dy goca që kanë pasur një performancë shumë të mirë tek “Goca & Gra”. Përderisa Top Channel u ka besuar që t’i japë një panel që është shumë i rëndësishëm për televizionin sot, sepse është unik, nuk ka një panel të tillë në televizionet shqiptare përveç “Goca & Gra” dhe është një emision që është bërë shumë i pjekur me kalimin e sezoneve. Dhe më bëhet shumë qejfi për të dyja. Jam shumë e lumtur për suksesin që po arrin Gjesti, ka koncerte, ka një dashuri shumë të madhe nga publiku. Kam parë që Egli po ecën, po rritet, po bën koncerte, po bën muzikë, ndihet mirë. Kam një komunikim të vazhdueshëm me Laert Vasilin dhe me G-Banin. E shoh që kanë dëshirën për të qenë pjesë tek jeta ime, për të patur një komunikim të herëpashershëm me mua dhe e vlerësoj shumë. Jam shumë e lumtur për të dy. Janë mendje shumë të zgjuara, pavarësisht se nuk kam qenë dakord dhe kam pasur ato përplasjet e mia në kohën e “Big Brother”, por si profesionistë në jetën e tyre dhe si çuna kanë fituar gjithë respektin dhe gjithë dashamirësinë time.
The post Neda Balluku: Jam opinionistja më e ndershme që ka pasur BBV appeared first on Albeu.com.
Ish-presidenti, Donald Trump, ka bërë thirrje për ndjekjen penale të Beyonce-së, duke pretenduar se ajo ka marrë 11 milionë dollarë (afërsisht 10.1 milionë euro) për të mbështetur Kamala Harris gjatë një aktiviteti në tetor 2024 në Hjuston. Por ky pretendim është i pabazuar dhe i pavërtetuar nga asnjë burim zyrtar.
Sipas të dhënave të Komisionit Federal të Zgjedhjeve, fushata e Harris ka kryer një pagesë prej 165,000 dollarësh (përafërsisht 150,000 euro) për kompaninë e prodhimit të Beyonce-së për shpenzime teknike të ngjarjes, jo për mbështetje politike.
Ligji kërkon që këto kosto të mbulohen nga fushatat, por pagesa për përkrahjen e një personi të famshëm nuk është e ndaluar nga ndonjë ligj federal, shkruan CNN.
Asnjë provë nuk është paraqitur ndonjëherë për pretendimin e një pagese prej 11 milionë dollarësh, i cili filloi të qarkullojë fillimisht si “10 milionë” në rrjetet sociale.
Faktkontrollues si PolitiFact dhe FactCheck.org e kanë hedhur poshtë këtë thashethem si të pavërtetë.
Në nëntor 2024, nëna e Beyonce-së, Tina Knowles, e cilësoi pretendimin si “gënjeshtër të plotë”, ndërsa një përfaqësues i këngëtares e quajti atë “tej mase qesharak”.
Shtëpia e Bardhë dhe fushata e Harris nuk kanë komentuar direkt mbi postimin e fundit të Trump, por e kanë mohuar më parë çdo pagesë të tillë.
Ky është një tjetër shembull i Trump-it që kërkon ndjekje penale ndaj kundërshtarëve politikë bazuar në pretendime të pabazuara.
The post Verifikim faktesh: Pretendimi i Trump për pagesën rreth 10 milionë euro ndaj Beyonce është i pavërtetë appeared first on Albeu.com.
Një fotografi e re e shpërndarë së fundmi në rrjetet sociale ka rikthyer në qendër të vëmendjes emrat e njohur nga reality shou, Big Brother.
Në imazhin që po qarkullon shfaqen Bay T, Drilon Rama, Arion Rexha dhe Diana Tahiri – katër ish-banorë të njohur të Big Brother VIP Kosova.
Pikërisht prania e Bay T dhe Drilonit në të njëjtin ambient ka ngjallur kureshtje dhe reagime të shumta nga ndjekësit në rrjet, të cilët nuk e kanë harruar raportin e afërt që ata krijuan gjatë qëndrimit në shtëpinë më të famshme në Kosovë.
Kujtojmë se gjatë kohës në BBVK, publiku shpesh i shihte si një çift potencial, madje edhe vetë boksieri kishte pranuar publikisht se kishte pëlqim për Bay T.
Megjithatë, pas përfundimit të spektaklit, rrugët e tyre dukeshin se ishin ndarë dhe çdo aludim për një lidhje mes tyre u venit me kalimin e kohës.
Kjo fotografi e fundit, ku ata shihen të buzëqeshur në një ambient të qetë shoqëror, ka rihapur diskutimet mbi natyrën e marrëdhënies së tyre.
Kjo mbase u bë në kohën kur Diana dhe Arioni ishin bashkë, meqë tashmë kanë ndarë rrugët.
The post Del një fotografi e Bay T me Drilon Ramën pas Big Brother VIP Kosova appeared first on Albeu.com.
Egli Tako është rikthyer në qendër të vëmendjes, pas koncertit që mbajti mbrëmjen e së dielës në Drenicë. E njohur për vokalin e ëmbël dhe energjinë në skenë, këtë herë Egli u shfaq e mbështjellë me flamurin kuqezi, teksa interpretoi këngën e ndjeshme “A vritet pafajësia”, duke rrëmbyer duartrokitjet e publikut. Ky koncert vjen pak kohë pasi ajo u komentua gjerësisht në rrjet për interpretimin e…
Shqipe Hysenaj ka ndarë me ndjekësit e saj një video të shkurtë në Instagram, ku ka tërhequr vëmendjen me një paraqitje elegante dhe tejet joshëse.
Influencuesja e njohur është shfaqur me një set të errët, të përbërë nga një bluzë me prerje të theksuar dhe një fund të gjatë me çarje anësore, që i jepte pamjes një notë glamuroze dhe sensuale.
Videoja, e realizuar gjatë natës në një ambient modern e të ndriçuar bukur, ka marrë mijëra pëlqime dhe komente pozitive nga fansat, të cilët e kanë komplimentuar për stilin dhe elegancën.
Shqipe Hysenaj ka kombinuar veshjen me një çantë të artë dhe sandale me taka, duke e kompletuar dukjen me aksesorë të thjeshtë, por të goditur.
Ky postim tregon edhe njëherë aftësinë e saj për të tërhequr vëmendjen me zgjedhjet e guximshme të modës, duke e konfirmuar si një prej figurave më me ndikim në rrjetet sociale.
The post Shqipe Hysenaj shkëlqen në një video të re me paraqitje provokuese appeared first on Albeu.com.
Pas një rrugëtimi të gjatë, të mbushur me sfida, emocione dhe momente të paharrueshme, edicioni i gjashtë i spektaklit “She’s On Top” u mbyll me një natë finale plot shkëlqim dhe konkurrencë të fortë.
Vajzat finaliste dhanë maksimumin për të bindur jurinë dhe publikun, por në fund, kurora e më të mirës iu dha Rigelda Totraj.
Rigelda arriti të triumfojë në mesin e pesë finalisteve të përzgjedhura: Arta, Brisi, Antonela dhe Marigona, duke u dalluar për paraqitjen, përkushtimin, zhvillimin personal gjatë spektaklit dhe potencialin për të qenë një figurë e fortë në industrinë e modelingut.
Gjatë gjithë sezonit, vajzat përballuan prova nga më të ndryshmet, nga sfilatat dhe fotosesionet deri te sfidat e inteligjencës, personalitetit dhe aftësisë për të komunikuar.
Rigelda spikati si një konkurrente e qëndrueshme, duke treguar rritje të vazhdueshme dhe një qëndrim të palëkundur ndaj sfidave.
Me mbylljen e këtij edicioni, spektakli konfirmoi sërish rolin e tij si një platformë e rëndësishme për vajzat e reja shqiptare që synojnë të ndërtojnë karrierë në modeling dhe ndërkohë që publiku tashmë pret me interes se çfarë do të sjellë edhe sezoni i ardhshëm.
The post Shpallet fituesja e edicionit të gjashtë të “She’s On Top” appeared first on Albeu.com.
Pas një periudhe me komente të shumta rreth performancave të saj, këngëtarja Egli Tako është rikthyer në qendër të vëmendjes me një koncert të mbajtur së fundmi në Drenicë.
E njohur për vokalin e fuqishëm dhe energjinë në skenë, këtë herë Egli u shfaq e mbështjellë me flamurin kombëtar shqiptar, teksa interpretoi këngën e ndjeshme “A vritet pafajësia”, duke rrëmbyer duartrokitjet e publikut.
Ky koncert vjen pak kohë pasi ajo u komentua gjerësisht në rrjet për interpretimin e këngës patriotike “Mora fjalë”, për shkak të veshjes së konsideruar të papërshtatshme nga një pjesë e ndjekësve.
Por, në Drenicë, Egli zgjodhi një qasje më solemne dhe emocionuese, duke e lidhur performancën me simbolikën kombëtare dhe ndjenjën patriotike.
Një tjetër moment që bëri xhiron e rrjeteve sociale ishte hyrja e saj para se të fillonte këngën.
Egli nisi një thirrje që zakonisht dëgjohet në stadiume gjatë ndeshjeve futbollistike: “Serbi, Serbi…”, ndërsa publiku iu përgjigj në kor me brohoritjen e njohur “Q**sha motrën!”.
Kjo skenë u përsërit disa herë dhe ndezi atmosferën në koncert, duke u shpërndarë me shpejtësi në TikTok dhe Instagram.
Vetë Egli, në një postim në Instagram pas koncertit, falënderoi Drenicën dhe ndau me ndjekësit se ka qenë nën trajtim për dëmtim të kordave vokale që prej tre muajsh.
Ajo theksoi se pavarësisht sfidave shëndetësore, vazhdon të këndojë nga shpirti, veçanërisht për këngët e vendit të saj.
Koncerti i Drenicës, ndonëse i shoqëruar me zëra të ndryshëm, e riktheu Eglin në qendër të diskutimeve si për zërin, ashtu edhe për mesazhin që përcolli.
The post Egli Tako bëhet virale me brohoritjet kundër Serbisë në koncertin e saj në Drenicë appeared first on Albeu.com.
Lionel Messi dhe bashkëshortja e tij, Antonela Roccuzzo, janë bërë sërish viral në rrjet pas një paraqitjeje të papritur në koncertin e Coldplay në “Hard Rock Stadium”, Miami.
Teksa turma po shijonte koncertin, një moment i veçantë ndezi atmosferën: Messi u shfaq papritur në ekranin gjigant të stadiumit. Publiku shpërtheu menjëherë me brohorima dhe thirrje “Messi! Messi!”, ndërsa futbollisti legjendar buzëqeshte me modesti.
Antonela dukej në formë të shkëlqyer përkrah tij, duke kërcyer dhe shijuar muzikën, ndërsa Chris Martin ndaloi gjithçka për t’u drejtuar vetë Messit nga skena:
“Lio, vëllai im i bukur. Ti dhe gruaja jote dukeni fantastik. Faleminderit që erdhët sonte. Je sportisti më i madh i të gjitha kohërave,” tha ai, mes duartrokitjeve.
Përshëndetja e thjeshtë e Messit i çmendi tifozët, duke e krahasuar momentin me një spektakël të Kupës së Botës FIFA. Tifozët vlerësuan elegancën e lehtë të çiftit, me disa që bënë shaka se ai “nuk ka asgjë për të fshehur”.
The post Messi shfaqet në ‘Kiss Cam’ në koncertin e Coldplay me gruan, fansat: S’ka asgjë për të fshehur appeared first on Albeu.com.
Pas zhurmës që shkaktuan performancat e saj të fundit me këngë patriotike, Egli Tako është rikthyer sërish në skenë, këtë herë në një koncert të mbajtur në Drenicë, ku interpretoi këngën “A vritet pafajësia”.
Përmes një postimi në rrjetet sociale, këngëtarja ndau edhe një mesazh personal, duke sqaruar se prej tre muajsh është nën trajtim të vazhdueshëm për një dëmtim serioz në kordat vokale, i cili ka ndikuar ndjeshëm në zërin e saj dhe në performancat e fundit.
The post FOTO/ Rikthim në skenë mes sfidave shëndetësore, Egli Tako zbulon nga se po vuan appeared first on Albeu.com.
Lele Pons dhe bashkëshorti i saj, Guaynaa, janë bërë prindër për herë të parë! Influencuesja e njohur dhe këngëtarja me origjinë venezueliane, 29 vjeçe, solli në jetë një vajzë të shtunën, më 26 korrik. Emri i së porsalindurës është Eloísa.
Lajmin emocionues e ndanë me ndjekësit në Instagram një ditë më vonë, me një postim të përbashkët ku shfaqen duke mbajtur këmbën e vogëlushes dhe në një tjetër foto të ëmbël si familje, duke u kapur dorë për dore.
Pons dhe reperi portorikan Guaynaa (emri i vërtetë Jean Carlos Santiago Pérez), 32 vjeç, e kishin zbuluar për herë të parë pritjen e ëmbël në mars, përmes një postimi plot dashuri në Instagram.
The post Lele Pons sjell në jetë një vajzë, çifti ndan momentin emocionues appeared first on Albeu.com.
Dashi Je i zënë në një pozicion të vështirë në të cilin duhet të shfaqësh vetëbesim të madh, por megjithatë një pjesë e jotja ndihet jashtëzakonisht e cenueshme dhe e dobët. Mos u mbingarkoni nga emocionet tuaja të pasigurta. Mblidhni forcën tuaj të jashtëzakonshme dhe vazhdoni. Demi Gjatë fillimit të ditës mund të ndiheni disi të pavendosur dhe të pasigurt. Megjithatë, ndërsa dita vazhdon…
Horoskopi, e hënë, 28 Korrik 2025
Dashi
Falë ndikimit të njëhershëm të Hënës, Venusit dhe Jupiterit, shpirti juaj do ndihet më i qetë sot. Tashmë çdo problem ka për të gjetur një zgjidhje. Për ju të dashuruarit ka shumë mundësi që marrëdhënia me partnerin tuaj të përmirësohet ndjeshëm. Shfrytëzojeni sa të mundni çdo moment dhe shprehini ndjenjat pa dorashka. Ju beqarët do keni nevojë për më tepër siguri para se të filloni një lidhje. Prisni edhe pak kohë sepse do e gjeni atë që doni. Në punë do bëni mirë të respektoni kolegët dhe të flisni me ta para se të merrni vendime të mëdha. Sigurisht që zgjedhja do jetë e juaja, por disa mendime më shumë nuk të bëjnë asnjëherë keq. Financat do jenë shumë të mira dhe do mund të bëni edhe investimet që kishit menduar prej kohësh.
Demi
Gjatë kësaj dite do dini gjithë kohës të qeshni, të dashuroni dhe të ndani emocionet pozitive. Yjet do sjellin harmoni dhe shume gëzim për ju që keni një lidhje. Gjithçka do jetë edhe më e bukur se disa kohë më parë. Ju beqarët gjithashtu do takoni disa persona interesantë dhe do filloni histori dashurie pasionante. Në punë duhet pranuar se gjërat do jenë pak më të vështira, por juve nuk do ju mungojë gjallëria dhe dëshira për të ecur përpara. Çdo gjë do e realizoni në perfeksion. Neptuni do ju mbështesë mjaft në planin financiar dhe do ju bëjë më të qartë për gjendjen në të cilën ndodheni. Do mateni mirë para se të hidhni çdo hap.
Binjakët
Falë Jupiterit sot do jeni më në humor dhe të gatshëm për të hedhur hapa të rejë. Nuk do ju mungojë as durimi dhe as vendosmëria. Nëse keni një lidhje jeta juaj do jetë gjatë gjithë kohës e mbrojtur. Do merreni vesh për mrekulli me partnerin dhe do i zgjidhni të gjitha mosmarrëveshjet. Ju beqarët do i refuzoni ftesat që do iu bëhen duke humbur kështu mundësi të shkëlqyera. Në punë vërtet do ju duhet të kaloni goxha sfida gjatë kësaj dite, por falë organizimit dhe mbështetjes nga kolegët do mund t’ia dilni. Në planin financiar shumë gjëra do jenë më ndryshe se me parë. Gjendja sa do vije e do përmirësohet. Gjithçka falë përkujdesit tuaj.
Gaforrja
Nuk do ju pëlqejnë aspak komandimet gjatë kësaj dite dhe as ata që mundohen t’ua hedhin. Për fat të keq suksesi nuk do jetë në anën tuaj. Ju të dashuruarit do jeni shumë xhelozë ndaj partnerit dhe mund të debatoni ashpër me të. Sa më shpejt ta kuptoni gabimin që keni bërë aq më të lehtë do e keni të rivendosni qetësinë. Ju beqarët do realizoni takime të jashtëzakonshme dhe do e ndryshoni menjëherë statusin tuaj. Në punë duhet të respektoni çdokënd që keni pranë dhe të keni më shumë besim tek ata. Dijeni se të vetëm nuk keni për të arritur shumë. Në planin financiar do jeni të detyruar të bëni kujdes që gjendja të mos ketë më shumë tronditje.
Luani
Falë Marsit dhe Uranit do dini gjithmonë si të veproni sot prandaj gjërat do ju ecin më së miri. Ju të dashuruarit duhet t’i marrin gjërat si t’iu vijnë dhe nuk duhet të kërkoni me ngulm gjëra të pamundura. Ju beqarët do jeni të paqëndrueshëm dhe ka rrezik të refuzoni disa ftesa që do ju bëhen. Në fakt do pendoheni shpejt për këtë sjellje tuajën. Në punë do vazhdoni në jeni në kërkim të ëndrrave tuaja dhe mundet të shpërqendroheni paksa nga gjërat reale që duhet të arrini. Kthehuni shpejt me këmbë në tokë nëse nuk doni të keni probleme. Financat do mbeten në të njëjtën gjendjen si më parë. Duhet të shpenzoni me kursim dhe në asnjë mënyrë nuk duhet të jepni hua.
Virgjëresha
Gjatë kësaj dite do keni reflekse shumë të mira dhe do jeni përherë koherentë. Kjo mënyrë të vepruari do ju sjellë vetëm përfitime. Për ju të dashuruarit do jetë një ditë e mbushur me bashkëpunim kjo e sotmja. Gjërat do ju ecin më së miri dhe nuk do keni për çfarë të ankoheni më. Ju beqarët do kërkoni në çdo cep princin tuaj të kaltër, por nuk do mund ta gjeni dot atë. Në punë do jeni edhe më të përkushtuar se më parë kështu që në asnjë moment nuk do ju lindin probleme. Edhe mbështetja e kolegëve do jetë e adhurueshme. Në planin financiar duhet të bëni disa zgjidhje të zgjuara në mënyrë që situata të përmirësohet. Ju jeni të zotët kështu që mund t’ia dilni.
Peshorja
Ju do e kaloni ditën e sotme në një mënyrë të jashtëzakonshme. Do ndiheni të lumtur dhe krenarë për gjithçka keni mundur të arrini. Nëse jeni në një lidhje do ndiheni më të dashuruar se kurrë dhe do i shprehin pafund ndjenjat tuaja. Nëse jeni beqarë do i koleksiononi aventurat dhe do ndiheni mjaft mirë. Gjithsesi do duhet ende kohë që statusi t’iu ndryshojë. Në punë keni për të shkëlqyer dhe të gjithë do ju mbajnë në gojë për mirë. Do keni ide fantastike edhe për projektet e kolegëve kështu që do i ndihmoni. Financat do kërkojnë më shumë maturi se kurrë më parë. Po bëtë gabime sot do keni probleme për një kohë të gjate. Mendohuni para se të veproni.
Akrepi
Do zgjoheni si zakonisht gjatë kësaj dite dhe as nuk do mendoni sesa jeta do ju zbukurohet. Planetët do ju sjellin lumturi pafund dhe fat. Për ju të dashuruarit jeta do marrë një kthesë shumë të mirë. Shpesh do ju duket sikur jeni në ëndërr dhe do keni frikë të zgjoheni. Partneri ka menduar gjithçka në detaje dhe do ju bëjë të ndiheni mjaft mirë. Ju beqarët do vazhdoni të mbeteni ashtu si jeni edhe për pak kohë. Në punë do bëheni pjesë e një projekti të rëndësishëm që do ua ndriçojë mendimet dhe do ju ndihmojë të realizoni planet afatgjata. Edhe nëse punoni në grup rezultatet kanë për të qenë shumë të mira. Për financat do bëni edhe sakrifica dhe fatmirësisht gjendja do mbetet gjithë kohës e stabilizuar.
Shigjetari
Do keni arsye të forta për të besuar tek fati gjatë kësaj dite. Në fakt çdo gjë do ju ecë më së miri dhe në disa momente do habiteni edhe vetë. Ju të dashuruarit do arrini të rivendosni komunikimin në jetën tuaj në çift dhe do ndiheni mjaft mirë pranë atij që dashuroni. Ai nga ana tjetër do jetë tolerant dhe do ua plotësojë dëshirat. Ju beqarët do jeni të paqartë për atë që doni të bëni, prandaj do ngurroni edhe të hidhni hapa. Në punë, çelësi për arritjet e mëdha do jetë brenda jush. Po u treguat të logjikshëm, të vendosur e me besim në vetvete keni për të arritur majat. Në planin financiar do jeni shumë të arsyeshëm dhe nuk do keni as problemin më të vogël.
Bricjapi
Do bëni mirë të merrni disa vendime gjatë kësaj dite pasi duke ia lënë gjërat kohës nuk i dihet çfarë mund të ndodhë nesër. Ju që jeni në një lidhje ka rrezik të përballeni me zhgënjime të mëdha. Gjithçka që keni menduar për partnerin do bjerë poshtë menjëherë. Ju beqarët do bëni mirë të qëndroni edhe sot ashtu si jeni sepse mundësitë nuk do jene të kënaqshme. Në punë, nëse tregoheni shumë autoritare, keni për të hyrë në konflikt me të gjithë. Bëni shumë kujdes më mënyrën e komunikimit. Në planin financiar ka rrezik të bëni gabime nga dëshira e madhe për t’u pasuruar shpejt. Asgjë nuk mund të bëhet me inat.
Ujori
Në disa momente mund t’iu dalin edhe probleme gjatë kësaj dite, por nuk duhet kurrsesi ta lëshoni veten. Për ju të dashuruarit do jetë një ditë e zakonshme. Do ja kaloni mirë pranë partnerit, por nuk do përjetoni emocione të veçanta. Nëse jeni beqarë nuk duhet të nxitoheni për të krijuar një lidhje sepse disa persona do kërkojnë vetëm t’iu gënjejnë e t’iu mashtrojnë. Jeta profesionale nuk do ketë ndonjë ndryshim të madh. Vonesat që keni pasur nuk do ju çojnë aq shpejt në objektivat që keni parashikuar. Bëni durim, por mos i ndalni asnjë çast përpjekjet. Mërkuri do ju ndihmojë në planin financiar dhe do ua bëjë më të qarta mendimet. Gjendja do të stabilizohet shpejt.
Peshqit
Komunikimi dhe privilegjimi i jetës sociale do ju ndihmojë shumë ta përmirësoni jetën tuaj sot. Do keni edhe ide shumë të këndshme që duhet t’i shprehni sa të mundeni. Nën ndikimin e madh të Venusit, ju të dashuruarit do i kushtoni më tepër rëndësi se kurrë më parë jetës në çift. Do kaloni më shumë kohë me partnerin dhe do i përgatisni surpriza. Ju beqarët do keni një ditë intensive dhe plot e përplot me takime. Shfrytëzojeni sa më shumë. Në punë, gabimet e disa kohëve më parë do ju bëjnë të bëni një bilanc të gjithckaje. Merrni sa më shpejt masa në mënyrë që situata të rregullohet. Financat do kenë goxha përmirësime falë një shume të konsiderueshme që do merrni pas një projekti të përfunduar.
The post HOROSKOPI I SË HËNËS/ Yjet flasin qartë për ata që dinë të dëgjojnë! Këto dy shenja duhet të kenë KUJDES! appeared first on Albeu.com.
Shqipëria ka rreth tre ditë që po lufton me flakët. Në të gjithë vendin, por veçanërisht në zonat jugperëndimore, zjarret po djegin mijëra hektarë bimësi. Gjatë natës të së shtunës, më 26 korrik, flakët u përhapën drejt shtëpive dhe hoteleve në vendpushimet bregdetare, përfshirë Borshin.
Të dielën, më 27 korrik, 40 persona, përfshirë shumë turistë, u evakuuan. Aktiviteti njerëzor është shkaku i zjarreve, por edhe valët e të nxehtit po i ushqejnë flakët. Pranë Vlorës, në jug të vendit, një bari u arrestua me dyshimin për zjarrvënie të qëllimshme
Shqetësimi po rritet për zjarret e pakontrolluara ose të vështira për t’u kontrolluar: mbi 1,000 zjarrfikës dhe njësi emergjence janë të angazhuara në operacionet e shuarjes së tyre. Forcat italiane, hungareze dhe kroate janë gjithashtu të përfshira në mbështetje, duke përfshirë një avion Canadair nga Departamenti Italian i Mbrojtjes Civile.
Fjalët e Ramës
Mëngjesin e së dielës, më 27 korrik, Kryeministri Edi Rama shprehu mirënjohjen e tij për personelin e përfshirë në menaxhimin e zjarreve. Në një postim në Facebook, duke përfshirë një seri fotosh të zjarreve që po vazhdonin, ai përgëzoi dhe falënderoi pjesëtarët e forcave të armatosura dhe policinë e shtetit për shpëtimin e atyre që ishin në rrezik.
“Mendimet tona shkojnë gjithashtu për zjarrfikësit, forcat kombëtare të emergjencës dhe forcat e mbrojtjes civile që po luftojnë me flakët” – shkroi Rama.
Ndërkohë, megjithatë, situata mbetet e rëndë, me disa zjarre aktive midis Borshit, Piqerasit dhe Sasajt. Në këtë të fundit, zjarret janë përshkruar si “të pakontrollueshme”.
Mbështetje për popullsinë
Një zjarr shkatërroi një pjesë të fshatit Kopaçez, duke dëmtuar të mbjellat, bagëtinë, rrjetet elektrike dhe tubacionet e ujit. Vetëm falë ndërhyrjes së zjarrfikësve u shmang një tragjedi.
Megjithatë, fshati është i izoluar dhe kërkon punë të shumta për të riparuar, si rrjetin e ujit, ashtu edhe atë të energjisë elektrike. Për më tepër, tubat e dëmtuar kanë lënë dy fshatra të tjerë pa ujë të pijshëm. Mbështetja tashmë po vjen nga Ministria e Bujqësisë, me iniciativa për të ndihmuar fermerët e prekur nga zjarret dhe të cilët tani përballen me mungesë ushqimi për bagëtinë e tyre.
The post Mediat italiane shkruajnë për zjarret në Shqipëri: Mbi 1 mijë zjarrfikës në punë, banorë të evakuuar. Situata mbetet e rëndë appeared first on Albeu.com.
Ish-banori i Big Brother VIP Kosova 3, Eduart Kuqi, ka komentuar së fundmi konfliktin mes Jozit dhe Gjestit, që shpërtheu në javët e fundit të formatit dhe vazhdon të përflitet edhe jashtë.
I ftuar në emisionin “Koment për Koment”, Eduarti lexoi një nga komentet që e përmendte mbështetjen e tij ndaj Gjestit në kohën e sherrit me Jozin. Dhe këtë herë, ai vendosi të japë një reflektim ndryshe.
“Ky koment është shumë i vërtetë dhe shumë i saktë se kemi folur fjalë të mëdha për Jozin, por në fakt unë mund të them një gjë: unë Jozin tani neve si Dukagjinit na ka penguar pak, kur ta shikon hollë e hollë, nuk ka faj. Jozi nuk ka pasur faj”, u shpreh ai.
Eduarti ka qenë banor vetëm për dy javë në shtëpinë më të famshme në Kosovë, por kjo kohë ka mjaftuar për t’i formuar një mendim të qartë për Gjestin.
“Unë dy javë sa kam qëndruar brenda nuk kam mundur ta duroj, e leje më që ka dalur sa ditë para finales. E kish paralajmëruar demek: ‘Mos më provoko më’, por ai e ka shfrytëzuar atë mundësi, nuk i ka nervat e veta. Secili njeri reagon ndryshe në ato momente.”
Madje, ai theksoi se nëse do të ishte në vend të Jozit, ndoshta reagimi i tij do të ishte edhe më i ashpër:
“Po të isha në vend të Jozit ndoshta kisha reaguar edhe më keq”, përfundoi Eduarti, duke shtuar se nuk ka më kontakte me asnjërin prej tyre.
The post Eduart Kuqi komenton sherrin Jozi–Gjesti: Kur e sheh hollë, Jozi kishte të drejtë appeared first on Albeu.com.
Login