Pavarësisht skepticizmit, diplomacia po avancon drejt një negociate të vërtetë për paqen në Ukrainë. Të premten, krerët e delegacionit ukrainas — shefi i Zyrës së presidentit, Yermak, dhe sekretari i Këshillit të Sigurisë, Umerov — do të jenë në SHBA për të takuar të dërguarin e Trump, Witkoff, dhe për të diskutuar nyjën kryesore të çdo projekt-marrëveshjeje: “garancitë e sigurisë” për Kievin.

Samiti në Alaskë mes Trump dhe Putin hodhi bazat duke trajtuar këtë pikë, që konsiderohet thelbësore nga të dyja palët. Tjetër gjë është të pajtosh kërkesat e ndryshme dhe kufijtë e pakalueshëm të dy vendeve në luftë. E megjithatë, që ditën pas samitit — ndërsa shumë komentatorë e quanin një “dështim” sepse dukej i pafrytshëm — fjalët e para të Zelenskyt pas telefonatës me Trump nuk ishin negative: ai përmendi “sinjale pozitive nga pala amerikane për përfshirjen e tyre në garantimin e sigurisë së Ukrainës”. Për herë të parë nuk kishte përmendur dy pika që zakonisht nuk i anashkalonte kurrë, edhe pse falënderonte për të mos prekur ndjeshmërinë e Trump: nuk kishte akuzuar rusët se donin thjesht të fitonin kohë, dhe nuk kishte kërkuar sanksione për t’i detyruar të negocionin.

Sot dihet se në çfarë konsistojnë propozimet amerikane si garanci për paqen. Skemën e ka zbuluar Financial Times, dhe Yermak e ka konfirmuar: “Do të jetë një përzierje — thotë krahu i djathtë i Zelenskyt — e mbështetjes ushtarake, politike dhe ekonomike”, me 4 ose 5 brigada europiane “në terren, të ofruara nga të Vullnetshmit, plus lehtësues strategjikë nga SHBA’. Baza mbi të cilën po punon Perëndimi është një forcë neutrale për të garantuar vijën e kontaktit; një ushtri ukrainase e fuqizuar pas saj; dhe të Vullnetshmit si mbulim — brenda ose jashtë kufijve, nyja për t’u zgjidhur — gati për të ndërhyrë. Risia është roli aktiv i ofruar nga SHBA, edhe pse duke qëndruar jashtë Ukrainës: do të ofronin inteligjencë dhe do të kontribuonin në një “no fly zone” të europianëve dhe ukrainasve me asistencë logjistike, sisteme antiajrore, mbikëqyrje dhe zbulim, komandim dhe kontroll si edhe avionë amerikanë në zonë (por jashtë kufijve). Pjesa fleksibël mbetet tipi i pranisë së të Vullnetshmëve, të cilëve do t’u takonte të ruanin paqen me dhjetëra mijëra trupa. Një formulim që mund të integrojë gatishmërinë e ofruar nga francezët dhe britanikët për të dërguar ushtarë drejtpërdrejt në Ukrainë me idenë e Melonit për një përgjigje të ndryshueshme mbi bazën e një neni të ngjashëm me 5-in e NATO-s, me ndërhyrje për mbrojtjen e Kievit sipas zgjedhjeve të ndryshme: me armë, para, logjistikë ose të tjera.

Rusia ka ngritur dy kundërshtime. Në thelb, nuk pranon ushtarë nga vende të NATO-s në Ukrainë, pasi ndalimi i integrimit të saj në NATO ishte ndër arsyet e shpallura të pushtimit. Në metodë, zëdhënësi i Putinit, Peskov, përsërit se garancitë e sigurisë janë “një nga temat më të rëndësishme” por “për momentin nuk duam t’i diskutojmë publikisht. Nuk është efektive”.

Të premten, të dërguarit e Kievit do të diskutojnë gjithashtu për një samit të ardhshëm mes liderëve të Rusisë dhe Ukrainës, por raundi tjetër nuk është ende afër, as në një format më të ulët: delegacionet “janë në kontakt, por ende nuk ka data të reja”, thotë Peskov. Temat e tjera mbeten në hije. Çështja e kufijve vjen pas garancive: ndërkohë që këto të fundit do të bien dakord, lufta do të modelojë me forcë kufijtë mbi të cilët do të negociohet.

Ndërkohë, në frontin e BRICS del në pah se më 31 gusht Xi Jinping do të presë në Kinë Putinin dhe presidentin indian Modi, vendi i të cilit është nën kërcënimin e vendosjes së tarifave amerikane prej 50% nëse nuk ndalon blerjen e naftës ruse, të ardhurat e së cilës shërbejnë për të financuar luftën. Në terren, Rusia vazhdon të avancojë pa rezultate vendimtare. Në Ukrainë ka bërë bujë një artikull i Bild sipas të cilit ofensiva verore e Moskës ka dështuar. Gjenerali Igor Romanenko, ish-zëvendësshef i Shtabit të Përgjithshëm, e rrëzon këtë hipotezë në Tsn: “Rusët po vazhdojnë ofensivën mbi Konstantinivka në tre drejtime (Pokrovsk, Toretsk dhe Chasiv Yar) me perspektivë për një avancim të mëtejshëm drejt Druzhkivka-s dhe Kramatorsk e Sloviansk. Inkursionet në rajonin e Dnipro-s vazhdojnë me forca të konsiderueshme. Situata në Kupyansk dhe Lyman, në Donetsk, është e vështirë. Për fat të keq nuk shoh asnjë dështim të ofensivës. Përkundrazi, nuk kemi arritur të ndalim avancimin” dhe Putini po përgatit “120-160 mijë njerëz për fazën e dytë: duhet ta zgjidhim menjëherë çështjen e mobilizimit”./La repubblica/kb

Trazirat e reja shpërthyen kur disa qindra protestues, përfshirë studentë protestues dhe qytetarë që i mbështesnin ata në këto protesta antiqeveritare, thyen kordonin e policisë së trazirave që mbronte ndërtesën ku ndodhej dekani i fakultetit, e cila po kundërshtohej nga studentët.

Pati hedhje gurësh, shishesh, vezësh, tymuesish dhe objektesh të tjera, teksa policia u përgjigj duke i shtyrë demonstruesit prapa./kb

Policia ka zhvilluar në aksion në zonën e Shkozetit në Durrës., ku se janë shoqëruar disa persona me rrezikshmëri te larte, ndërsa dy prej tyre janë identifikuar.

Dy prej të ndaluarve janë Erald Mustafën dhe Arbi Haxhiu, emra të njohur për Policinë. Ata rezultojnë pjesë e grupeve kriminale, që veprojnë në qytetin e Durrësit.
Në operacion janë angazhuar një numër i lartë efektivësh policie nga sektorë të ndryshëm të Policisë së Durrësit. Operacioni vijon me qëllim goditjen e grupeve kriminale dhe rritjen e sigurisë./kb

Kreu i Partisë Republikane, Fatmir Mediu ishte i ftuar në ditarin e mbrëmjes në A2 CNN ku foli rreth qëndrimit të opozitës në shtator dhe sesionit të ri parlamentar.

Mediu u shpreh se duhet bërë një analizë për zgjedhjet e majit, pas raportit të ODIHR, teksa zërave për largimin e Berishës iu përgjigj se momentalisht nuk ka asnjë figurë që mund të përbashkojë PD dhe opozitën në tërësi përveç tij.

“Për të bërë një analizë të zgjedhjeve, duhet një raport i ODIHR. PD duhet të bëjë analizën se kush ishin problemet. Për rregullat brenda PD nuk e gjykoj unë. Nëse kërkohet të largohet Berisha, nuk mendoj se ka një autoritet që mund ti bashkojë në një front të vetëm. Nuk mund të kryejmë vetëvrasje sepse do ringjallemi si Krishti. Sa i nxehtë do të jetë shtatori, unë mendoj se opozita duhet të jetë e mëncur për të krijuar një bindje të qytetarët dhe faktori opozitar. Kemi diskutuar një plan veprimi… Ne jemi në një koalicion me PD, po të futeshin dhe partitë e tjera rezultati do të ishte dhe më i mirë”, tha Mediu.

Më tej, kreu i PR foli dhe për vizitën e zhvilluar së fundmi në Kiev dhe zhvillimet pas takimit me Trump dhe Putin në Alaskë.

“Grupi “United for Ucraine” është krijuar mbas agresionit dhe kishte si një qëllim të angazhimit të diplomacisë parlamentare për të mbështetur Ukrainën. Vizita në Ukrainë kishte qëllim njohjen e qëndrimit të Kievit pas takimit të Alaskës dhe çfarë mund të bëhej. Takuam presidentin Zelensky dhe shumë zyrtarë të lartë dhe morëm një qëndrim të qartë.

Ne patëm një ftesë në ambasadën amerikane dhe aty ishte dhe gjenerali Kellog, ai tregoi për pritshmëritë dhe qëndrimin amerikan, pa hyrë në detaje, në bindjen që presidenca Trump për të arritur një marrëveshje me Rusinë ishte në qëndrimin e Shteteve të Bashkuara. Ai nuk ishte vetëm për ditën kombëtare të Ukrainës, por edhe për të negociuar me Zelenskyn për zhvillimet në Uashington. Janë disa grupe që punojnë dhe ministri i Jashtëm do të shkojë shumë shpejt në Uashington për të diskutuar me Rubion. Zyrtarët ukrainas e bënë të qartë se janë kundër lëshimit të territoreve.

Trump është i angazhuar për një proces paqeje. Më bëri përshtypje që ka një ndryshim pozitiv dhe një jetë normale në Kiev. Bizneset funksiononin, por vinin ato paralajmërimet”, deklaroi Fatmir Mediu./kb

Kompania amerikane OpenAI, që ka krijuar ChatGPT, është përfshirë në një skandal të rëndë pasi familja e një adoleshenti 16-vjeçar nga Kalifornia ka ngritur padi ndaj saj dhe drejtuesit Sam Altman, duke e akuzuar se sistemi i inteligjencës artificiale e ka nxitur të miturin drejt vetëvrasjes.

Adam Raine u vetëvra në prill, pas muajsh biseda të gjata me ChatGPT.

Sipas padisë, versioni i asaj kohe, ChatGPT-4o, e “inkurajoi” adoleshentin duke i dhënë përgjigje pozitive për metodat e vetëvrasjes dhe madje duke e ndihmuar të shkruante një letër lamtumire. Në një rast, kur Adam i dërgoi një foto të pajisjes që planifikonte të përdorte, ChatGPT iu përgjigj: “Po, kjo nuk është aspak keq”.

Avokati i familjes, Jay Edelson, tha se do të paraqesë prova se vetë ekipi i sigurisë i OpenAI kishte kundërshtuar hedhjen në treg të modelit 4o, ndërsa një nga studiuesit kryesorë të kompanisë, Ilya Sutskever, kishte dhënë dorëheqjen për shkak të shqetësimeve mbi sigurinë. Sipas tij, OpenAI nxitoi të publikonte modelin përpara konkurrentëve, duke ngritur vlerën e kompanisë nga 86 miliardë në 300 miliardë dollarë.

Në një reagim, OpenAI shprehu “dhimbje të thellë” për humbjen e adoleshentit dhe premtoi ndryshime dhe masa më strikte për përdoruesit nën 18 vjeç. Kompania pranoi se pas qindra mesazheve rresht, sistemi mund të humbiste funksionin e trajnimit për parandalimin e sjelljeve të rrezikshme. Për rastin e Adam, u provua se ai kishte shkëmbyer deri në 650 mesazhe në ditë me chatbot-in.

Ndërkohë, edhe drejtuesi i inteligjencës artificiale të Microsoft, Mustafa Suleyman, paralajmëroi se bisedat e gjata me AI mund të shkaktojnë “psikozë digjitale”.

OpenAI premton që me versionin e ardhshëm GPT-5, ChatGPT do të ketë aftësi të reja për të “ulur tensionin” në raste të rrezikshme dhe për dhënë këshilla mbi shëndetin dhe sigurinë./kb

28 gusht 1916 – Gjermania i shpall luftë Rumanisë – Italia i shpall luftë Gjermanisë.

Lufta e Parë Botërore filloi në vitin 1914 mes dy aleancave të mëdha:

Fuqitë Qendrore: Gjermania, Austro-Hungaria, Perandoria Osmane dhe Bullgaria.

Antanta (Fuqitë Aleate): Britania e Madhe, Franca, Rusia, Serbia, Italia (pas 1915), dhe më vonë SHBA (1917) dhe Rumania (1916).

Në këtë kontekst të ndërlikuar lufte, vendet u përfshinë njëra pas tjetrës, për interesa strategjike, kombëtare apo diplomatike.

Gjermania i shpall luftë Rumanisë

Rumania, deri në vitin 1916, kishte qëndruar neutrale. Nën presion dhe me premtime për territore nga Fuqitë Aleate (kryesisht Transilvania, që ishte pjesë e Perandorisë Austro-Hungareze), Rumania vendosi të hynte në luftë në anën e Antantës.

Më 27 gusht 1916, Rumania i shpalli luftë Austro-Hungarisë dhe nisi ofensivë në Transilvani.

Reagimi i Gjermanisë:

Si aleate e Austro-Hungarisë, Gjermania reagoi menjëherë.

Më 28 gusht 1916, Gjermania i shpalli luftë Rumanisë.

Ky ishte një vendim strategjik për të mbrojtur aleaten e saj dhe për të ndalur përparimin rumun.

Pasojat:

Forcat gjermane, austro-hungareze dhe bullgare kundërsulmuan fuqishëm.

Rumania pësoi humbje të rënda; më 1917, Bukureshti u pushtua nga Gjermania.

Rumania u detyrua të nënshkruante paqen e përkohshme të Bufteas (1918), por më vonë u rikthye në luftë pranë fundit të saj.

Italia i shpall luftë Gjermanisë

Italia kishte qenë anëtare e Traktatit të Trepalëshit me Gjermaninë dhe Austro-Hungarinë, por qëndroi neutrale në fillim të luftës.

Në 1915, pas Traktatit të Londrës, Italia hyri në luftë në anën e Antantës, duke i shpallur luftë Austro-Hungarisë.

Por nuk i shpalli menjëherë luftë Gjermanisë, ndonëse ishte në anën kundërshtare.

Çfarë ndryshoi në gusht 1916?

Pas hyrjes së Rumanisë në luftë dhe përkeqësimit të situatës në frontet lindore dhe jugore, Aleatët kërkuan më shumë angazhim nga Italia.

Më 28 gusht 1916, Italia i shpalli luftë Gjermanisë, duke u përfshirë zyrtarisht në konflikt të plotë me të gjitha Fuqitë Qendrore.

Pasojat:

Kjo e bëri Italinë një pjesë të plotë të koalicionit të Antantës.

Italia vazhdoi betejat e vështira në frontin e Alpeve kundër Austro-Hungarisë dhe më vonë edhe kundër forcave gjermane, sidomos në Betejën e Caporetto-s (1917).

Përgatiti: L.Veizi

Presidenti amerikan Donald Trump do të udhëheqë një takim të madh në Shtëpinë e Bardhë për të diskutuar një plan gjithëpërfshirës për të ardhmen e Gazës, njoftoi i dërguari i tij special, Steve Witkoff, raporton Financial Times.

Ky vendim është marrë ndërsa Izraeli po përgatitet për një pushtim total të qytetit të Gazës.

Witkoff deklaroi se plani i propozuar nga administrata e Trump është “i fortë, gjithëpërfshirës dhe i mirëqenë”, dhe do të shfaqet javët e ardhshme si një mundësi për zgjidhje.

Po ashtu, pritet që ministri i Jashtëm izraelit Gideon Sa’ar pritet të takohet me sekretarin amerikan të Shtetit Marco Rubio.

Trump theksoi më herët se lufta mund të përfundojë brenda dy deri tre javësh, duke i kërkuar Izraelit që ta zgjidhë situatën sa më shpejt. Përpjekjet e mëparshme ndërkombëtare, duke përfshirë SHBA-të, Egjiptin dhe Katarin, për një marrëveshje të përkohshme për armëpushim, kanë ngecur për shkak të përplasjeve mbi kushtet e shkëmbimit të pengjeve.

Megjithatë, kryeministri izraelit Benjamin Netanyahu ka insistuar se Izraeli do të pranojë vetëm një marrëveshje që sjell të gjitha pengjet njëkohësisht. Zyrtarët izraelitë kanë konfirmuar gjithashtu se evakuimi i qytetit të Gazës është i pashmangshëm.

Një zyrtar i Shtëpisë së Bardhë tha: “Presidenti Trump ka qenë i qartë: ai dëshiron që lufta të përfundojë dhe synon paqe dhe prosperitet për të gjithë në rajon.”/kb

Presidenti Donald Trump ka zhvilluar një takim politik mbi luftën në Gaza me ish-kryeministrin britanik Tony Blair dhe ish-të dërguarin e tij në Lindjen e Mesme, Jared Kushner.

Sipas mediave të huaja, treshja dhe zyrtarët e lartë të Shtëpisë së Bardhë diskutuan të gjitha aspektet e Gazës, duke përfshirë përshkallëzimin e shpërndarjes së ndihmës ushqimore, krizën e pengjeve, planet e pasluftës dhe më shumë, tha një zyrtar i lartë i administratës për Reuters.

Blair, i cili ishte kryeministër gjatë luftës në Irak në vitin 2003, ishte i dërguari i Lindjes së Mesme midis viteve 2007 dhe 2015, ndërsa Kushner, i cili është i martuar me vajzën e Trump, Ivanka, ishte një këshilltar kyç i Shtëpisë së Bardhë për çështjet e Lindjes së Mesme gjatë mandatit të parë të Trump.

Më vete, sekretari amerikan i shtetit, Marco Rubio, do të takohet me ministrin e jashtëm izraelit, Gideon Saar, në Uashington, për të diskutuar për Gazën e pasluftës./kb

Detaje të reja janë zbardhur nga vrasja makabër e shqiptares, Marjoala Nakoleci nga bashkëshorti i saj, Pandeli Nakoleci në Volos të Greqisë.

Media greke Zougla.gr shkruan çfarë ndodhi në apartamentin ku jetonte çifti dhe momentet e fundit të 36-vjeçares për të shpëtuar. “Ajo vrapoi për të shpëtuar veten”, e nis shkrimin Zougla.gr.

“Mora një thikë nga një set që ndodhej në ballkon dhe fillova ta ndiqja nga pas. Fillimisht brenda apartamentit, madje duke thyer derën prej druri të kuzhinës, të cilën gruaja u përpoq ta mbyllte, por pa sukses, në mënyrë që të më bllokonte në ballkon. Ajo iku për të shpëtuar jetën, duke ecur në shkallë dhe korridor, por në fund e kapa. Pavarësisht përpjekjeve të djalit 13 -vjeçar për të më ndaluar, unë i shkaktova lëndime serioze në kyçe, qafë dhe brinjë me thikën që kisha në dorë, duke e lënë të gjakosur në tokë”, thuhet të ketë dëshmuar autori sipas medias greke.

“Më pas ika me vrap nga vendi i ngjarjes, me thikë në dorë, për të shmangur arrestimin”, vazhdon më tej ai.

Në dëshminë e tij, 41-vjeçari shfaqi pendesë, duke i kërkuar falje familjes.

“I kërkoj ndjesë shumë të gjithë familjes sime. Ajo ishte nëna e fëmijëve të mi. Më lëndoi shumë. Më tha se fëmija që abortoi nuk ishte i imi. Pastaj u hutova dhe nuk kuptova asgjë se si ndodhi. Nuk e ndoqa. Mbaj mend vetëm që dola në ballkon, pas kësaj nuk mbaj mend asgjë. Thikën e kisha në ballkon, e mora për ta kërcënuar nëse ajo që tha është e vërtetë. E hodha (thikën) në rrugë pranë shtëpisë, nuk mbaj mend se ku. Vajza e madhe erdhi dhe më pa në burg”, u shpreh ai.

Në kërkimfaljen e tij, ai përmendi edhe problemet psikiatrike me të cilat përballet, madje zbuloi edhe tentativën për vetëvrasje që bëri në qershor, me të birin që e shpëtoi në momentin e fundit/kb

Në fillim të shekullit XVI, Perandoria Osmane ishte në një fazë të fuqishme të zgjerimit territorial. Nën udhëheqjen e sulltan Sulejmanit të Madhërishëm (Sulejman Kanuniu), osmanët synonin të forconin kontrollin e tyre në Ballkan dhe të shtriheshin më tej në drejtim të Evropës Qendrore. Beogradi, në atë kohë një qytet strategjik në kufirin midis Perandorisë Osmane dhe Mbretërisë së Hungarisë, kishte rëndësi të madhe ushtarake dhe ekonomike. 

Beogradi para pushtimit

Beogradi në fillim të viteve 1500 ishte nën kontrollin e Mbretërisë së Hungarisë. Ai konsiderohej një nga fortesat më të rëndësishme të krishtera në Evropën Juglindore, sepse kontrollonte pikën ku bashkoheshin lumenjtë Sava dhe Danubi, një nyje kyçe për komunikimet dhe mbrojtjen nga sulmet osmane.

Më parë, në vitin 1456, sulltan Mehmeti II kishte tentuar ta pushtonte Beogradin, por ishte ndalur nga mbrojtja e fuqishme e Janos Hunyadit dhe një kryengritje popullore e nxitur nga prifti Giovanni da Capistrano. Pas kësaj disfate, osmanët nuk patën sukses për dekada.

Fushata e vitit 1521

Në verën e vitit 1521, sulltan Sulejmani vendosi ta merrte Beogradin përfundimisht. Ai kishte sapo trashëguar fronin nga babai i tij, Bajaziti II, dhe donte të afirmonte fuqinë e tij me një fitore të madhe ushtarake.

Në korrik 1521, ushtria osmane e Sulejmanit, me mbi 100,000 trupa, marshoi drejt Beogradit.

Qyteti ishte i mbrojtur nga një garnizon hungarez me rreth 7000 ushtarë.

Sulmi filloi në fund të korrikut dhe vazhdoi për disa javë me bombardime intensive dhe rrethim të plotë.

Osmanët përdorën artileri të rëndë për të shembur muret mbrojtëse të qytetit.

Dorëzimi dhe pasojat

Më 28 gusht 1521, pas një rrethimi të ashpër, Beogradi ra në duart e osmanëve. Qyteti u plaçkit, banorët e tij u deportuan në territore osmane, dhe Beogradi u përfshi në administratën osmane si pjesë e Sanxhakut të Smederevës dhe më vonë si pjesë e Vilajetit të Budinit.

Pushtimi i Beogradit ishte një nga fitoret më të rëndësishme të Sulejmanit dhe hapi rrugën për ekspansionin osman drejt Hungarisë dhe më vonë në Betejën e Mohacs-it (1526), ku u shkatërrua ushtria hungareze dhe vetë mbreti Lajos II humbi jetën.

Rëndësia historike

Pushtimi i Beogradit shënoi fillimin e përparimit osman drejt Evropës Qendrore.

Beogradi mbeti nën kontrollin osman për gati 170 vjet, deri në vitin 1688, kur u mor përkohësisht nga Habsburgët.

Ky ishte një nga sukseset më të mëdha të Sulejmanit gjatë pjesës së hershme të sundimit të tij.

Përgatiti: L.Veizi

Dashi

Do luani shume me ndjenjat e partnerit tuaj sot dhe do e lëndoni tej mase atë. Marrëdhënia mes jush nuk do ece aspak si e kishit menduar. As beqaret nuk do kenë fat edhe pse do mundohen me sa te mundin te gjejnë personin për te cilin t’iu rrahe zemra fort. Financat do fillojnë te përmirësohen fale një ndihme shume te madhe qe do iu japin disa te afërm.

Demi

Rutina do mbizotërojë sot ne jetën tuaj ne çift. Kjo mund t’iu mërzitë pa mase dhe shpesh nuk do bini ne pesimizëm. Beqaret duhet ende te presin edhe pak kohe për te gjetur personin qe iu përshtatet. Mundësitë sot nuk do jene te mira. Ne planin financiar fati nuk do jete ne anën tuaj kështu qe mund te përballeni edhe me disa vështirësi. Kujdes!

Binjaket

Mundësitë për aventura do jene te shumta gjate kësaj dite. Përfitoni nëse jeni beqare, por kurrsesi nëse keni një lidhje te qëndrueshme dhe afatgjate. Nuk duhet te shkatërroni gjithçka qe keni ndërtuar vetëm për disa kënaqësi te momentit. Financat duhet t’i menaxhoni me sa me shume maturi dhe kujdes ne mënyrë qe gjithçka te ece di duhet.

Gaforrja

Dite harmonike dhe emocionuese kjo e sotmja për te dashuruarit. Gjithçka do shkoje ashtu si ju e kishit ëndërruar prej kohesh. Shfrytëzojeni çdo sekonde. Beqaret nga ana tjetër nuk do kenë aspak dëshirë ta sakrifikojnë lirinë qe kane vetëm për te filluar një lidhje. Ne planin financiar me mire menaxhojini me kujdes ato para qe keni sesa te ndërmerrni rreziqe dhe te gaboni.

Luani

Marrëdhënia ne çift do konsolidohet gjate kësaj dite. Do e keni me te lehte t’ia shprehni ndjenjat partnerit dhe do kaloni çaste harmonike me te. Venusi do jete i pozicionuar mire ne sektorin e dashurisë te beqareve. Shume ëndrra do bëhen me ne fund realitet. Maturi dhe sa me shume maturi duhet te tregoni ne planin financiar. Vetëm kështu situata do mbetet e qëndrueshme.

Virgjeresha

Marrëdhënia ne çift do jete përgjithësisht e ngrohte gjate kësaj dite. Tensioni do shuhet menjëherë dhe do i shihni gjerat me një sy tjetër. Beqaret do jene joshës dhe do bëjnë për vete cilindo qe do ja vene syrin. Edhe financat me ne fund do stabilizohen. Kjo për shkak te uljes se shpenzimeve dhe te ndihmës me te ardhura te familjareve.

Peshorja

Jeta ne çift do marre një kthese te gabuar sot. Asgjë nuk do ece mire dhe debatet do jene te pafundme. Kujdes! Beqaret duhet t’i shfrytëzojnë sa te mundnit mundësitë qe do iu jepen për takime sepse koha mund te ike dhe dite te tilla nuk mund te rikthehen serish. Gjendja financiare nuk do jete e keqe. Vazhdoni menaxhimin e te ardhurave ashtu si para disa kohesh.

Akrepi

Mos hezitoni t’i deklaroni partnerit tuaj sot çdo gjë qe keni ne zemrës sepse vetëm kështu marrëdhënia me te do behet me e zjarrte dhe nuk do ketë konflikte. Beqaret do i marrin gjerat si t’i vijnë dhe do ia lënë gjithçka kohës. Ekuilibri financiar nuk do tronditet aspak. Do keni mundësi te kryeni edhe ndonjë shpenzim te majme por mjaft te rëndësishëm.

Shigjetari

Dashuria për çiftet nuk do ece si duhet sot. Nuk do jeni aspak ne humor dhe do debatoni ashpër me atë qe keni ne krah. Beqaret nuk do takojnë persona interesante kështu qe edhe sot do mbeten vetëm. Gjithsesi dita nuk do jete e mërzitshme .Ne planin financiar do jeni largpamës dhe do kryeni çdo shpenzim me shume maturi. Disa do kenë edhe përmirësime.

Bricjapi

Perspektivat për jetën ne çift janë te mira sot, sidomos për ata qe kane shume cite se bashku. Ne mbrëmje do ndodhe edhe diçka e mrekullueshme qe askush nuk e kishte menduar. Edhe jeta sentimentale e beqareve do ketë ndryshime rrënjësore. Financat do vazhdojnë te jene te mbrojtura. Do ndiheni te qete edhe ne këtë sektor.

Ujori

Lidhja ne çift do forcohet me tepër gjate kësaj dite. Edhe ata qe kane pasur debate dhe mosmarrëveshje do ndihen me te qete se me pare. Beqaret duhet te përgatiten për emocione te fuqishme. Gjithçka do ndryshoje për ta gjate kësaj dite. Nëse financat nuk janë ne gjendjen me te mire duhet shpejt te merrni masa strikte qe ta stabilizoni atë.

Peshqit

Sot, ju qe jeni beqare do realizoni një nga takimet me te bukura te jetës suaj. I gjithë horizonti do ndryshoje. Te dashuruarit duhet te bëjnë pak me tepër lëshime dhe ta tolerojnë atë qe kane ne krah. Vetëm kështu marrëdhënia e tyre do ece ne rrugën e duhur. Te ardhurat do kenë goxha përmirësime saqë edhe ju do mbeteni me goje hapur./kb

Në Shkodër vijon puna për ndërtimin e Urës së re të Bahçallëkut, në hyrje të qytetit të Shkodrës.

Kjo urë mundëson komunikimin e qytetit me pjesën tjetër vendit, duke shërbyer si arterie e qenësishme komunikimi të një prej qendrave më të rëndësishme historike, ekonomike dhe kulturore.

Kryeministri Edi Rama ndau në rrjetet sociale momente nga puna për ndërtimin e kësaj ure brenda parametrave të duhur.

“Vijon puna për ndërtimin e Urës së re të Bahçallëkut në hyrje të Shkodrës, një vepër e rëndësishme që do të lehtësojë trafikun për mjetet që do të lëvizin në drejtim të Tiranës, ndërkohë që edhe ura e vjetër do të vijojë të funksionojë dhe do të shërbejë për mjetet që lëvizin në drejtim të Shkodrës”, shkruan Rama. m.p.

Udhëheqësja e organizatës për të drejtat e fëmijëve, Save the Children, ka përshkruar në detaje tronditëse agoninë e ngadaltë të fëmijëve të uritur në Gazë, duke thënë se ata janë aq të dobët fizikisht sa nuk munden as të qajnë.

Duke iu adresuar mbledhjes së Këshillit të Sigurimit të Kombeve të Bashkuara lidhur me konfliktin izraelito-palestinez, presidentja e kësaj organizate ndërkombëtare bamirëse, Inger Ashing, tha se zia e bukës – që javën e kaluar OKB-ja tha se po ndodh në Gazë – nuk është vetëm term teknik.

“Kur nuk ka ushqim të mjaftueshëm, fëmijët vuajnë nga kequshqyerja akute dhe më pas vdesin ngadalë dhe në dhimbje. Kjo, thënë qartë, është ajo çfarë është zia e bukës”, tha Ashing.

Më pas ajo përshkroi se çfarë ndodh kur fëmijët vdesin nga zia e bukës, proces që sipas saj zgjat disa javë. Trupi, tha Ashing, fillimisht shfrytëzon yndyrën e vet për të mbijetuar, por kur nuk ka më yndyrë trupore, trupi nis të konsumojë vetveten, duke përdorur muskujt dhe organet vitale.

“Megjithatë, klinikat tona janë pothuajse të heshtura. Fëmijët nuk kanë forcë as të flasin e as të qajnë në agoni. Ata shtrihen, të dobët fizikisht, duke vdekur” ngadalë, tha Ashing.

Ajo insistoi se grupet e ndihmës me zë të lartë kanë paralajmëruar për zinë e urisë, kur Izraeli ndaloi që ushqimet dhe gjërat e tjera esenciale të hynin në Gazë, gjatë luftës.

“Të gjithë në këtë mbledhje kanë përgjegjësi morale dhe ligjore që të veprojnë që ta ndalin këtë mizori”, tha Ashing.

OKB-ja shpalli zyrtarisht zinë e bukës në Gazë javën e kaluar, duke fajësuar atë që e quajti pengesë sistematike të ndihmave nga Izraeli gjatë më shumë se 22 muajsh luftë. m.p.

Deputeti Dashnor Sula është shprehur se deklaratat e Sali Berishës janë kontradiktore ndërsa sipas tij, opozita do të gabonte nëse nuk do të merrte pjesë në seancat plenare në parlament.

Dashnor Sula u shpreh se opozita ka nevojë për një reformim të thellë ndërsa shtoi se Sali Berisha është garancia që Rama të rrijë në pushtet sa të dëshirojë.

“E kemi thënë, e kemi stërthënë se deklaratat e Berishës dhe të tjerëve janë shumë kontradiktore. Do ishte një gabim i madh nëse opozita nuk do ishte në parlament, që nis punimet në shtator.

Kam frikë dhe dyshoj se qasja e Berishës si drejtues i PD, thjesht do vazhdojë në fyerje, sharje dhe akuza. Është për të ardhur keq.

Halli më i madh i opozitës është se ku ka financa dhe para, i gjëmon ato. Kjo nuk ka sens dhe nuk përbën logjikë politike.

Ne po flasim për një reformim të PD, me njerëz të rinj, të pakontestuara dhe që i duan qytetarët shqiptarë. Berisha nuk mund ta sjellë kurrë në pushtet PD. Berisha është garancia dhe siguracioni për Ramën, që PS të rrijë në pushtet aq sa t’i dojë qejfi.”-tha Sula. m.p.

Në ditët që po vijnë, fillimi i shtatorit do të sjellë sinjale të rëndësishme për tre shenja të zodiakut. Universi do të flasë përmes ngjarjeve të papritura, takimeve të rastësishme apo edhe ëndrrave. Ato që do të dinë t’i dëgjojnë këto mesazhe, mund të hapin një faqe të re në jetën e tyre.

Kjo është koha për të qëndruar të hapur dhe të vëmendshëm: një vendim i vetëm mund të jetë çelësi për të realizuar një ëndërr të madhe.

Dashi

Dashi është përballë një momenti të rëndësishëm. Një lajm, një takim i papritur apo thjesht një ndjesi e fortë nga brenda do ta shtyjë të bëjë një zgjedhje që mund të ndryshojë gjithçka.

Gaforrja

Për Gaforren, mesazhi do të vijë më butë – në formën e ndjesive, kujtimeve, apo simboleve në ëndrra. Diçka që e ka shqetësuar do të nisë të zbulohet, duke sjellë qartësi.

Shigjetari

Shigjetarit i vjen një thirrje e qartë: është koha për ndryshim. Një ofertë e papritur, një ide që ka kohë që po formohet ose një sinjal nga një person i afërt do të nxisë një hap të guximshëm. m.p.

Edhe pse konsiderohej si e ardhmja e Manchester United, në kohën kur ekipi drejtohej nga Erik ten Hag, mesfushori i ri, Kobbie Mainoo, nuk bën pjesë në projektin e Ruben Amorim dhe Manchester United është i gatshëm ta shesë.

“Daily Mail” raporton se për mesfushorin 20-vjeçar ka interes të madh nga dy klubet madrilene, Real dhe Atletico, të cilat duket se kanë nisur garën mes tyre për transferimin e anglezit. Xabi Alonso ka kërkuar nga drejtuesit e klubit një përforcim në mesfushë, sidomos pas largimit të Dani Ceballos që pritet të zyrtarizohet te Marseille dhe Kbbie Mainoo duket se është përforcimi ideal.

Në anën tjetër, Diego Simeone e vlerëson shumë 20-vjeçarin dhe e shikon atë si një lojtar perfekt për skemën dhe sistemin e tij të lojës. Përveç dy ekipeve madrilene, në garë për djaloshin anglez janë edhe ekipe të tjera të mëdha si PSg, Bayern e Tottenham. m.p.

Presidenti Donald Trump ka zhvilluar një takim politik mbi luftën në Gaza me ish-kryeministrin britanik Tony Blair dhe ish-të dërguarin e tij në Lindjen e Mesme, Jared Kushner.

Sipas mediave të huaja, treshja dhe zyrtarët e lartë të Shtëpisë së Bardhë diskutuan të gjitha aspektet e Gazës, duke përfshirë përshkallëzimin e shpërndarjes së ndihmës ushqimore, krizën e pengjeve, planet e pasluftës dhe më shumë, tha një zyrtar i lartë i administratës për Reuters.

Blair, i cili ishte kryeministër gjatë luftës në Irak në vitin 2003, ishte i dërguari i Lindjes së Mesme midis viteve 2007 dhe 2015, ndërsa Kushner, i cili është i martuar me vajzën e Trump, Ivanka, ishte një këshilltar kyç i Shtëpisë së Bardhë për çështjet e Lindjes së Mesme gjatë mandatit të parë të Trump. m.p.

Një grup i strukturuar kriminal shqiptar, i përfshirë në trafikun e kokainës në Mbretërinë e Bashkuar, është dënuar me burgime që variojnë nga 16 muaj deri në 8 vite.

Operacioni, i koduar “Operation Young”, identifikoi shtëpi të përdorura si depo për drogën, makina të përshtatura për fshehje të lëndëve narkotike dhe individë që menaxhonin aktivitetet ditore të trafikut.

Në qendër të rrjetit kriminal ishte Saimir Neziraj, i cili kontrollonte një linjë të shpërndarjes së kokainës.

Neziraj kishte rolin e mbledhjes së parave dhe furnizimit me drogë, ndërsa Edmir Beqiri ruante sasinë e kokainës në Sëindon. Dy të tjerë, Ardian Gjeta dhe Jorgo Brachousai, përdoreshin për shpërndarjen në terren.

Më 1 shkurt 2024, agjentët e policisë ndoqën Nezirajn teksa udhëtonte drejt Londrës, ku u takua me Ergys Abdyli në një rrugicë. Neziraj mori një sasi të konsiderueshme kokaine nga Abdyli dhe e riktheu atë në Swindon, ku ia dorëzoi Beqirit për ta ruajtur.

Gjatë aksionit policor në Swindon, Derby dhe në Londër, u sekuestruan sasi të mëdha parash dhe droge, ndërsa të dyshuarit u arrestuan. Më pas ata u akuzuan për shkelje të ligjeve mbi lëndët narkotike dhe u mbajtën në paraburgim.

6 të pandehurit pranuan fajësinë dhe u dënuan në total me rreth 28 vite burg në total. m.p.

Pavarësisht se Xabi Alonso ka kërkuar edhe një përforcim në mesfushë, Real Madrid duket se e ka mbyllur përfundimisht merkaton e kësaj vere. Klubi madrilen ka filluar që tani nga puna për të menduar për merkaton e vitit 2026.

Prej kohësh është përfolur për Ibrahima Konate, i cili duket se do të vijë falas verën e ardhshme në Madrid, pasi nuk ka pranuar të rinovojë kontratën me Liverpool. Përveç Konate, Real Madrid po punon për të siguruar transferimin e një tjetër qendërmbrojtësi francez, siç është Dayot Upamecano.

26-vjeçari ka refuzuar të rinovojë kontratën me Bayern, duke qenë së kërkon një rrogë më të lartë se 16 milionë euro që merr aktualisht në sezon dhe duket se do të largohet si lojtar i lirë drejt Madridit. Për francezin ka interes edhe nga PSG e Man. United, por duket se ai ka zgjedhur klubin madrilen. m.p.