Kryeministri izraelit Benjamin Netanyahu ka kritikuar homologun britanik Sir Keir Starmer për vendimin e Mbretërisë së Bashkuar për të njohur shtetësinë palestineze në shtator, nëse Izraeli nuk i jep fund luftës në Gaza.

Sipas mediave të huaja, ai thotë se vendimi i kryeministrit britanik “shpërblen terrorizmin monstruoz të Hamasit” dhe “ndëshkon viktimat e tij”.

“Një shtet xhihadist në kufirin e Izraelit sot, do të kërcënojë Britaninë nesër”, tha më tej Netanyahu, shkruan A2 CNN.

“Paqësimi ndaj terroristëve xhihadistë dështon gjithmonë. Do t’ju dështojë edhe juve. Nuk do të ndodhë”, përfundoi Netanyahu.

Kujtojmë se Starmer u zotua të bëjë një vlerësim përpara Asamblesë së Përgjithshme të OKB-së, lidhur me se sa i kanë përmbushur Izraeli dhe Hamasi këto hapa përpara se të marrë një vendim përfundimtar, duke siguruar që asnjëra palë të mos ketë të drejtë veto.

The post Kryeministri britanik paralajmëroi njohjen e Palestinës, Netanyahu ‘shpërthen’ ndaj Starmer: Po shpërblen terrorizmin e Hamasit first appeared on JavaNews.al.

Juristi Ylli Manjani komentoi në emisionin Now në Euronews Albania disa nga nenet e draftit të kodit të ri penal, të cilat sipas tij paraqesin anomali.

Sipas Manjanit, një nen që është përsëritur disa herë, që thotë ‘pasurimi i paligjshëm i kujtdo’, është një mjet për t’i grabitur pronën qytetarëve.

“Të ndalon polici në rrugë dhe të thotë këtë xhaketën ku e ke blerë se s’ma mbush mendjen. Duhet mbrojtur pasuria, nuk mundet kodi penal të jetë arma e grabitjes së pronës, është e tmerrshme.

Kjo është normale vetëm për shoqëritë bolshevike, kjo është majmunizëm nuk është logjikë. Aktualisht kjo bëhet me ligjin antimafia vetëm për persona që indicie që ka vepër penale, kjo është tjetër gjë. Në kodin e ri është për çdo qytetar. Nuk ka sot shqiptar që me standardet e vetingut që ka shpikur reforma të justifikojë pasurinë. Nëse qëllimi është që të vëmë një stekë si t’u marrim pronat shqiptarëve, kjo është steka”, tha Manjani.

The post Manjani akuza Qeverisë: Kodi i Ri Penal është arma për grabitjen e pronës first appeared on JavaNews.al.

Kryetari i Bashkisë Shkodër, Benet Beci, ka reaguar pas debatit të ngritur për largimin nga puna të dy aktorëve të trupës së Teatrit “Migjeni”.

Beci thekson se vendimi i marrë vjen pas një analize të plotë të performancës individuale të çdo aktori dhe nuk ka asnjë prapavijë politike, siç është pretenduar..

‘Në kuadër të riorganizimit në prag të nisjes së sezonit të ri artistik, pak ditë më parë Drejtoria e Kulturës në Bashkinë e Shkodrës bëri një bilanc të punës individuale të secilit nga pjesëtarët e trupës profesioniste të aktorëve të Teatrit Migjeni, falë të cilit u arrit në përfundimin që disa prej tyre nuk i kishin përmbushur pritshmëritë dhe objektivat e sezoneve të mëparshme.

Dëshirojmë të theksojmë se ky riorganizim jo vetëm që nuk cënon cilësinë apo numrin e shfaqjeve të programuara për sezonin artistik të ardhshëm të Teatrit Migjeni, por përkundrazi synon të forcojë dhe përmirësojë më tej veprimtarinë artistike dhe organizative të institucionit. Në një trupë artistike, ashtu si në çdo sektor tjetër të administratës, ka detyrime të një kontrate pune, e cila në rast moszbatimi apo mosrealizimi, vjen një moment dhe ndërpritet. Për më tepër kur këto mosrealizime nuk janë periodike, por për tre vite, 12 muaj pa ndërprerje, me kontributin e taksapaguesve shkodranë.

Sipas tij, bëhet fjalë për mungesë të vazhdueshme angazhimi për tre vite me radhë, gjatë të cilave individët në fjalë kanë marrë rroga nga taksat e qytetarëve pa dhënë asnjë kontribut të prekshëm në skenën teatrore.

‘Në respekt të këtyre të fundit kemi detyrimin të mos lejojmë që asnjë nga paratë e tyre të përfundojë duke paguar rroga të pamerituara siç ka ndodhur për vite me radhë në këtë institucion. Bashkia Shkodër ka në themel të punës së saj përkushtimin dhe angazhimin e përditshëm maksimal dhe këtë e ka injektuar te çdo individ, duke filluar nga punonjësit e shërbimeve të bashkisë që pavarësisht kushteve të motit vijojnë punën për rritjen e cilësisë së jetës në qytet, e deri tek ata që mbushin sallat e sheshet me performacat e tyre artistike.

Por siç ndodh shpesh në një shoqëri të polarizuar si e jona në raste të tilla shfaqen pakënaqësitë, kundërshtimet dhe përdorimi politik i individëve. Furtuna në gotë kësaj radhe përfshiu gjithë skalionet politike të së djathtës në aksin Shkodër – Tiranë, paçka se gota ishte tërësisht e boshatisur’, tha ai.

Ai shton se Bashkia Shkodër është e angazhuar maksimalisht për rritjen e cilësisë së jetës dhe se kjo frymë është e pranishme në çdo sektor, përfshirë edhe kulturën dhe artin skenik.

Por e vërteta është krejt e ndryshme nga ky përdorim politik tipik. Sepse faktet janë në tetarin e shfaqjeve sipas viteve, aty ku shihet se sa ka shkelur në skenën e teatrit secili aktor i “Migjenit”. Ne si bashki nuk kemi asnjë arsye të demaskojmë individët, por në këtë rast nuk kemi pse t’i fshehim paaftësitë individuale të aktorëve të larguar, madje nuk duam as të diskutojmë në këto rreshta se sa regjisorë i kanë skualifikuar si të papërshtatshëm dy personat e larguar nga puna.
Ne nuk dimë se me çfarë meritash apo kriteresh janë punësuar në trupën e teatrit dy zotërinjtë me të cilët është ndërprerë raporti i punës, por bazuar në tetarin që mund të lexoni më poshtë, rezulton se asnjëri prej tyre nuk ka patur cilësi në punë. Talent lind, nuk të bën partia!

Së fundmi, duam t’u kujtojmë të gjithë artdashësve shkodranë dhe më gjerë se para rreth një viti e gjysmë u ngrit një flakë kashte e ngjashme ”në mbrojtje” të Teatrit Migjeni, i cili do të “shkrihej”. Sot jemi të gjithë dëshmitarë të punës së bërë për forcimin e cilësisë artistike, shtimin e numrit të shfaqjeve si dhe përmirësimin e kushteve të punës për aktorët, regjisorët dhe për vetë publikun’, tha ai,

The post Beci sqaron largimet nga Teatri Migjeni: Disa aktorë nuk i përmbushin pritshmëritë! first appeared on JavaNews.al.

Plot 90 studentë të Akademisë së Forcave të Armatosura, pesë prej të cilëve nga Kosova u diplomuan këtë të martë, më 29 korrik. Ceremonia e diplomimit të studentëve të FA-ve u zhvillua në kompleksin e ri sportiv të garnizonit “Skënderbej” në Tiranë, ku ishte i pranishëm dhe ministri i Mbrojtjes, Pirro Vengu.

Gjatë fjalës së tij, ministri Vengu theksoi rolin kyç që kanë Forcat e Armatosura në mbrojtjen dhe përparimin e vendit. Sipas tij, ushtria nuk është thjesht një strukturë ceremoniale.

“Më lejoni të them që është një nder i veçantë që të jem pranë jush sot, sepse është një moment i thellë krenarie institucionale, sepse sa herë një brez vesh uniformën, shteti shqiptar rifillon, forcohet, përtërihet. Kjo nuk është thjesht një ditë gëzimi, por një ditë dëshmie se rruga e duhur sado e vështirë mbetet rruga që formon njerëz të vërtetë.

Rruga që nuk të premton komoditet, por të ofron dinjitet dhe për këtë dua t’ju falenderoj. Forcat e Armatosura nuk janë një dekor ceremonial i Republikës, por janë kocka, muskul dhe ndërgjegje e saj, sepse fati i një kombi është i lidhur me fatin e atyre që janë të gatshëm të sakrifikojnë për të.

Këtë e pamë qartë vetëm pak ditë më parë ku mbi një mijë efektivë të FA-ve u përballën me flakët që dogjën male e fusha. Ata nuk bënë vetëm detyrën, por atë që në rrethana normale quhet mision dhe në rrethana të jashtëzakonshme quhet heroziëm i heshtur, ky është realiteti i profesionit të ushatarakut.”– tha Vengu.

Në fjalimin e tij, ministri foli edhe për vizionin e qeverisë shqiptare në kuadër të programit “Shqipëria 2030”, ku mbrojtja sipas tij është bërë thelbësore për zhvillimin kombëtar. Ai përmendi pesë shtyllat strategjike të këtij plani: zhvillimin e industrisë së mbrojtjes për qëndrueshmëri ekonomike dhe teknologjike, inovacionin për të kapërcyer hendekun me forcat më të mëdha, modernizimin operacional dhe logjistik, investimin në profesione të reja si ekspertë armatimi, inxhinierë infrastrukture, mjekë ushtarakë, ekspertë dronësh, pilotë dhe specialistë të mbrojtjes kibernetike, dhe në fund, forcimin e mbrojtjes civile.

The post Diplomohen 90 studentë të rinj të Akademisë së Forcave të Armatosura, pesë prej tyre nga Kosova first appeared on JavaNews.al.

Një sulm me armë zjarri në një ndërtesë zyrash në Manhattan, New York, tronditi qytetin më 28 korrik, ku katër persona humbën jetën dhe një u plagos rëndë.

Autori, Shane Tamura, 27 vjeç nga Las Vegasi, kishte për qëllim të sulmonte selinë e Ligës Kombëtare të Futbollit Amerikan (NFL), por për shkak të një “gabimi” fatal, ai u ngjit në katin e gabuar të ndërtesës dhe sulmoi zyra të tjera.

Ku ndodhi sulmi?

Sulmi ndodhi në ndërtesën e njohur në 345 Park Avenue, në zonën e Midtown Manhattan, pranë vendeve si Rockefeller Center dhe Grand Central Terminal.

Si ndodhi ekzaktësisht?

Autori doli nga një BMW me një pushkë AR-15 dhe u nis drejt ndërtesës. Ai qëlloi një punonjës sigurie teksa po futej në godinë, më pas një grua që tentoi të fshihej dhe qëlloi me breshëri plumbash në hollin e ndërtesës. Më pas qëlloi edhe një tjetër punonjës sigurie që po fshihej pas një tavoline dhe një tjetër burrë në holl. Më pas u ngjit me ashensor në katin e 33-të, ku ndodhen zyrat e një kompanie menaxhimi pasurish të paluajtshme. Atje vrau një person dhe më pas u vetëvra.

Çfarë dihet për autorin?

Policia identifikoi autorin si Shane Tamura nga Las Vegasi. Ai punonte në departamentin e survejimit në kazinonë “Horseshoe” në Las Vegas. “Ai nuk ka shkuar në punë të dielën”, tha komisari Tisch.

Kryebashkiaku i New York-ut, Eric Adams, tha se hetuesit besojnë se Tamura donte të sulmonte selinë e NFL-së, por për shkak të një gabimi të bërë te ashensorët, ai hyri në zyrat e gabuara.

Tamura kishte luajtur futboll në shkollë të mesme në Kaliforni, por kurrë në NFL. Sipas hetuesve, ai rezulton me probleme mendore.

Shënimi

Në portofolin e Tamurës u gjet një shënim 3 faqe, ku ai akuzonte NFL-në për sëmundjen kronike traumatike të trurit (CTE), një gjendje e lidhur me goditjet në kokë që prekin sportistët.

Në shënim, Tamura kërkonte që truri i tij të studiohej për këtë sëmundje dhe shprehte keqardhjen e tij.

Kush janë viktimat?

-Didarul Islam, 36 vjeç, oficer policie nga Bangladeshi, i martuar dhe baba i dy djemve

-Wesley LePatner, drejtues ekzekutiv në firmën Blackstone, me karrierë në Goldman Sachs

-Aland Etienne, punonjës sigurie, i njohur si “hero i sigurisë” në New York

-Një punonjëse e Rudin Management, emri i së cilës nuk u bë publik

Komisioneri i NFL-së, Roger Goodell, tha se një punonjës i ligës u plagos rëndë, por ndodhet në gjendje të stabilizuar shëndetësore,.

The post “Gabimi” fatal i autorit dhe shënimi/ Gjithçka duhet të dini për sulmin që tronditi New York-un first appeared on JavaNews.al.

Policia e Vlorës njoftoi se ka shpallur në kërkim pronarin e kompanisë Delvina Gas, Sokol Meqemeja. Ky i fundit dyshohet se ka ndërtuar pa leje një impiant gazi në tokë publike, në Delvinë. Në lidhje me këtë shkelje, policia ka vënë në pranga edhe dy inxhinierët e kompanisë, Elton Malkaj dhe Luan Metaj. Këta dy të fundit janë vënë në pranga për akuzën “ndërtim i paligjshëm” dhe “pushtim i tokës” me qëllim përfitimi.

Për të njëjtat akuza, në kërkim janë shpallur pronari i kompanisë, Sokol Meqemeja, 56 vjeç, si dhe administratori, Juglerd Ibrahimi, 36 vjeç. Operacioni u zhvillua në bashkëpunim mes Policisë së Vlorës dhe Sarandës, Inspektoratit Kombëtar të Mbrojtjes së Territorit (IKMT) Tiranë dhe Inspektoratit të Mjedisit.

Pas njoftimit të policisë, kompania reagoi duke theksuar se impianti nuk është TEC por pjesë integruese e pusit të gazit në Vendburimin e Delvinës.

“Duam të theksojmë se Impianti i Pastrimit nuk është TEC, por është pjesë integruese e pusit të gazit në Vendburimin e Delvinës. Ky impiant pastrimi ka 3 (tre) vjet që ka përfunduar ndërtimin dhe dy inxhinierët ishin thjesht mirëmbajtës të impiantit të pastrimit, i përfunduar tashmë së ndërtuari kohë më parë. Shoqëria “Delvina Gas Company”, degë e shoqërisë së huaj ka zbatuar çdo detyrim dhe rregullore duke ju përmbajtur hap pas hapi kuadrit ligjor në fuqi në sektorin hidrokarbur,” thuhet në njoftim.

Meqemeja rezulton pronar i disa kompanive në Shqipëri. Ai ka në pronësi edhe “Frigo Food Albania”. Emri i tij del edhe në dosjen e SPAK ndaj Arben Ahmetajt si pjesëmarrës në transaksionet me të cilat ish-ministri i arratisur nga Shqipëria ka fshehur origjinën e disa prej pasurive të tij. Sipas dosjes, Meqemeja i ka dhënë 140 mijë euro Arben Ahmetajt, përmes skemave të shitjeve fiktive të apartamenteve.

Sipas organit të akuzës, kjo shumë ka shkuar për ish zv. kryeministrin si shpërblim për inceneratorin e Fierit, të cilin e kishte marrë përmes kompanisë Building Counstriction & Green Energy, ku ishte një prej krijuesve të saj.

Meqemeja u vu në qendër të vëmendjes së opinionit në shtator të vitit 2022, kur në media u raportua për praninë e bakterit të listerisë në salsiçet Woody. Në atë kohë AKU doli me një njoftim zyrtar për praninë e Listeria monocytogenes STI55, një bakter që përbën risk serioz për shëndetin e njeriut, në disa lloje të salsiçeve Woody. Meqemeja doli vetë para mediave për të qetësuar konsumatorët, duke ngrënë një salsiçe.

tpz.al

The post Në kërkim për impiant gazi pa leje, pronari i Delvina Gas rezulton edhe në dosjen e Arben Ahmetajt first appeared on JavaNews.al.

Kodi i ri Penal ishte tema e diskutimit mbrëmjen e kësaj të marte në Now në Euronews Albania.

Juristi Ylli Manjani vuri theksin te mungesa e edukimit që e shoqëron, sipas tij, Kodin e ri Penal, duke thënë se ky, sipas tij, është një Kod që kriminalizon shoqërinë, duke pasur në qendër të tij dënimin me burg.

Manjani tha se Kodi duhet të shoqërohet me një kod kundravajtjesh administrative, pasi, sipas tij, nuk mund të zgjidhet çdo problem apo shkelje shoqërore nga prokuroria.

“Qëllimi nuk është të kriminalizohet shoqëria, të futet shoqëria në burg, qëllimi është të edukohet. Nuk zgjidhet asgjë me pranga, kriminalizohet me pranga. Duhet patjetër që këtij ligji t’i shtrohet një kod kundravajtjesh administrative. Ka një sërë shkeljesh të cilat dënohen administrativisht, është shumë e thjeshtë. 10 vjet burg për armbajtje pa leje, a ndodh kjo në ndonjë vend të botës? 10 vjet po shkrepe armën në dasmë, e kuptoni apo jo?” -tha Manjani

The post “10 vjet burg po e shkrepe armën në dasmë”, Manjani analizon Kodin e ri Penal first appeared on JavaNews.al.

Deputetët e Kuvendit të Kosovës tentuan pa sukses 54 herë të mbyllin seancën konstituive.

Pavarësisht seancave çdo 48 orë dhe ndonjëherë më shpesh, puna e tyre efektive llogaritet e ulët pasi ato mbylleshin shpejtë.

Megjithatë deputetët vijuan të paguheshin rregullisht me pagën e tyre bazë mujore. Kuvendi i Kosovës i ka konfirmuar A2 CNN se nga data e betimit të deputetëve që është 19 prill e deri më 30 qershor për pagat e deputetëve, janë shpenzuar 530 mijë e 540 euro. Shuma e përgjithshme e pagave për muajin prill: 95 633.93 €. Shuma e përgjithshme e pagave për muajin maj: 234 998.98 € Shuma e përgjithshme e pagave për muajin qershor: 199 907.67 €.

Kryeministri Albin Kurti dhe 16 ministra të tjerë që janë zgjedhur deputetë nuk janë paguar nga Kuvendi i Kosovës, pasi kanë përfituar pagën si pjesë e ekzekutivit. Deputetët kanë të drejtë të angazhojnë edhe staf mbështetës politikë, ose ndryshe që njihen si zyrtarë të lartë personal apo asistentë, paga e të cilëve është 900 euro. Për muajin maj dhe qershor, për pagat e këtyre zyrtarëve nga buxheti i shtetit janë shpenzuar 136 mijë e 802 euro. Shuma e përgjithshme e pagave për muajin maj: 59 860.27 €. Shuma e përgjithshme e pagave për muajin qershor: 76942.71 €. Gjatë muajve maj dhe qershor deputetët shpenzuan edhe për mbushje telefonike ne vlerë mbi 4 mijë euro. Shuma e përgjithshme e mbushjeve telefonike për deputetët për muajin maj: 1849.64 euro. Shuma e përgjithshme e mbushjeve telefonike për deputetët për muajin qershor: 2159 euro.

Deputetët u privuan vetëm nga dietat dhe nga shpenzimet e udhëtimit.

“Deputetët dhe stafi mbështetës politik nuk marrin mëditje për pjesëmarrje në seancë dhe nuk u janë kompensuar shpenzimet e udhëtimit”, thuhej në njoftimin e Kuvendit të Kosovës.

Kuvendi nuk ka treguar për shpenzimet e korrikut, meqë ende nuk është mbyllur muaji. Mirëpo me vendim qeveritar të gjithë zyrtarëve publikë, përfshirë edhe deputetëve, pagat e korrikut do të ekezekutohen me rritje prej 55 eurosh. Kështu nga paga 1859 euro për deputetin deri në qershor, nga ky muaj ata do të paguhen me 1914 euro në muaj.

The post Punë zero, shpenzime plot, mbi 671 mijë euro për deputetët në Kosovë, iu rriten edhe pagat first appeared on JavaNews.al.

Kodi i ri penal ka qenë tema e diskutimit mbrëmjen e të martës në “Now” në Euronews Albania me një grup ekspertësh dhe opinionistësh.

Lidhur me draftin e Kodit të ri ka folur dhe juristi Ylli Manjani, i cili ka thënë se, kryeministri Rama sipas tij po hesht qëllimisht dhe po bën mirë.

Sipas tij, Rama është duke parë se sa po përqafohet ky Kod nga shoqëria.

Nga ana tjetër, Manjani ka thënë se Prokurori i Përgjithshëm në deklaratën e ditës së sotme ka pasur të drejtë.

“Dua të them që ne mund të marrim gjëra qesharake sa të duash, ajo që i mungon këtij projekti është boshti logjik proporcional dhe mendimi politik. Edhe shikon, kryeministri i vendit nuk flet dhe mendoj që ka bërë qasjen e duhur. Kemi rënë dakord që mund të ketë probleme, por budalla nuk është përderisa është aty. Unë mendoj që qasja është e duhur, mendoj që po e bën për të parë sa shoqëria është e gatshme dhe grupet e interesit të gatshme. Ky projekt ka nevojë për një kod të ri të procedurës penale dhe këtu ka të drejtë Prokurori i Përgjithshëm.”-tha Manjani. 

The post Manjani: Ja përse nuk flet Rama për Kodin e ri Penal first appeared on JavaNews.al.

Avokati Edmond Petraj u shpreh se në Shqipëri ka abuzime sa i takon aplikimeve të masave për “shpërdorim detyre”

Ai theksoi se me aplikimin e këtyre masave po abuzohet, pasi qytetarëve po u hiqet e drejta e lirisë për gjëra shumë të vogla dhe të papërfillshme.

Sipas tij, në rastet e shpërdorimit të detyrës jo gjithmonë ka vjedhje dhe korrupsion.

Ai pohoi se parimi i proporcionalitetit duket që nuk merret parasysh fare nga gjykatat e vendit dhe kjo qasje shtoi avokati është e gabuar.

“Kjo pjesë e shpërdorimit të detyrës, që BE na ka lënë si hapësirë për të vepruar, mendoj se është largimi nga ndjekja e veprave penale për pjesën e abuzimit me detyrën, por që kjo duhet standardizuar. Unë jam dakord që kjo duhet ndryshuar. Me shpërdorimin e detyrës po abuzohet, sidomos masën e sigurisë dhe me heqjen e lirisë. Shpërdorimin nuk është gjithmonë vjedhje apo korrupsion, por mund të këtë bërë gabim njerëzor, tha ai në “Real Story”.

The post Avokati kritikon gjykatat: Me masat për “shpërdorim detyre” ka abuzime, qytetarëve u privohet liria për… first appeared on JavaNews.al.

Mbretëria e Bashkuar ka shprehur gatishmërinë për të njohur Palestinën si shtet të pavarur. Një vendim që për hir të së vërtetës është me pasoja të gjera diplomatike dhe gjeopolitike.

Kryeministri britanik, Keir Starmer, është përballur me presion nga brenda dhe jashtë partisë së tij. Më shumë se 250 deputetë nga të gjitha partitë mbi 1/3 e anëtarëve të Dhomës së Komunave kanë firmosur një letër të përbashkët duke i kërkuar që të ndërmarrë hapin e njohjes së shtetit palestinez.

Fillimisht, Starmer e kishte kundërshtuar idenë, duke theksuar se njohja duhet të jetë pjesë e një plani më të gjerë për paqe. Por tani, ai ka ndryshuar qëndrim edhe pse me disa kushte të përfshira.

Ky vendim vjen pak kohë pasi Franca, si vendi i parë i G7-ës e ndërmorri e para një hap të tillë, e njohu zyrtarisht Palestinën si shtet. Lëvizja e Parisit nxiti më pas diskutime edhe në shtete të tjera perëndimore, përfshirë Britaninë.

Por, çfarë do të thotë njohja e Palestinës si shtet?

Sipas Konventës së Montevideos të vitit 1933, një shtet për t’u njohur si subjekt sovran duhet të përmbushë disa kritere: Të ketë një popullsi të përhershme, një territor të përcaktuar, qeveri efektive dhe marrëdhënie ndërkombëtare, strukturë diplomatike formale (ambasada, marrëveshje, ambasadorë).

Deri në mars të vitit 2025, 147 nga 193 shtetet anëtare të OKB-së e kanë njohur Palestinën si shtet. Mes tyre janë Rusia, Kina dhe India, si dhe disa vende evropiane si Spanja, Irlanda, Norvegjia dhe së fundmi Franca.

Pse Starmer e mori vendimin pikërisht tani?!

Kryeministri britanik Starmer tha se njohja e Palestinës në këtë moment do të ketë ndikimin më të madh, duke përmendur se shpresa për një zgjidhje me dy shtete një Izrael i sigurt dhe një Palestinë e qëndrueshme është në rrezik. Ai deklaroi se kjo është pjesë e një “plani në tetë pika”, tashmë i diskutuar me Francën dhe Gjermaninë. Starmer mohoi që ky vendim të jetë pasojë e presionit të deputetëve laburistë, duke këmbëngulur se ka qenë gjithmonë pjesë e planit të tij politik.

Ministri i Jashtëm britanik, David Lammy, gjatë një samiti të OKB-së për zgjidhjen me dy shtete, përshkroi situatën në Gaza si “horror” dhe kërkoi armëpushim urgjent.

Çfarë përfshin zgjidhja me dy shtete?

Kjo zgjidhje parashikon krijimin e një shteti të pavarur palestinez përkrah Izraelit, duke u dhënë të dy popujve territor dhe siguri të ndarë. Palestinezët synojnë të formojnë shtetin e tyre në Bregun Perëndimor të pushtuar, Jerusalemin Lindor të aneksuar dhe Rripin e Gazës, territore të pushtuara nga Izraeli.

Por, një pengesë kryesore për zbatimin e kësaj zgjidhjeje mbetet përcaktimi i kufijve. Që nga viti 1967, mijëra vendbanime izraelite janë ndërtuar në Bregun Perëndimor dhe Jerusalemin Lindor, ku tashmë jetojnë rreth 600 mijë izraelitë.

Si ka reaguar Izraeli dhe Palestina?

Izraeli e ka dënuar ashpër këtë ndryshim të politikës britanike. Ministria e Jashtme izraelite shkroi në platformën X: “Kjo lëvizje, pas vendimit të Francës dhe nën trysninë politike të brendshme, përbën një shpërblim për Hamasin dhe dëmton përpjekjet për një armëpushim dhe lirimin e pengjeve”.

Kryeministri Benjamin Netanyahu e ka quajtur vendimin francez si “një trampolinë për shkatërrimin e Izraelit, jo për paqe”. Nga ana tjetër, Presidenti i Autoritetit Palestinez, Mahmoud Abbas, e falënderoi Presidentin Macron për vendimin e tij “historik”.

Si po reagojnë vendet e tjera?

Gjermania mbetet e përkushtuar ndaj zgjidhjes me dy shtete, por nuk e ka njohur ende Palestinën si shtet. Berlini ka theksuar nevojën për armëpushim në Gaza dhe ndihmë humanitare urgjente.

Kanadaja dhe Australia kanë shprehur mbështetje për një zgjidhje paqësore, por nuk kanë ndërmarrë hapa konkretë drejt njohjes. Kryeministri australian, Anthony Albanese, e ka quajtur situatën në Gaza një “katastrofë humanitare”.

Italia e ka kushtëzuar çdo njohje të Palestinës me njohjen reciproke të Izraelit nga pala palestineze. Ministri i Jashtëm Antonio Tajani deklaroi: “Një shtet palestinez që nuk e njeh Izraelin nuk zgjidh asgjë”.

Ndërkohë, Spanja një nga vendet që tashmë e njeh Palestinën, e ka përshëndetur vendimin francez. Kryeministri Pedro Sánchez tha: “Së bashku duhet të mbrojmë atë që Netanyahu po përpiqet të shkatërrojë. Zgjidhja me dy shtete është e vetmja zgjidhje”.

Arabia Saudite gjithashtu e ka përgëzuar vendimin francez, duke u bërë thirrje shteteve të tjera të ndjekin shembullin.

The post Analizë / Çfarë sjell njohja e Palestinës si shtet, pse Starmer vendosi tani?! first appeared on JavaNews.al.

31 korriku është afati i fundit kur bizneset dorëzojnë pasqyrat financiare, në Qendrën Kombëtare të Biznesit. Por prej një muaji sistemi rezulton me probleme teknike dhe nuk pranon aplikimet.

Sipërmarrësit janë të shqetësuar, pasi afati final po shkon drejt përfundimit.

“Ne kemi rreth një muaj që përpiqemi të kryejmë aplikimin. Sistemi na nxjerr error, na bën crash nuk na pranon aplikimet. Janë shumë biznese që po hasin këtë problematikë në çdo orë të ditës. Nga autoritetet nuk kemi asnjë reagim mbi këtë problematike”, shprehet Adela Kanani, drejtore ekzekutive e Aleancës së Profesionistëve të Lirë.

Në rast të mos dorëzimit në kohë të pasqyrave financiare, ligji parashikon dhe penalitete, të cilat gjenerohen direkt nga sistemi.

“Nëse hyn data 1 gusht direkt në sistem gjenerohet gjoba e cila arrin në 60 mijë lekë. Ky është një presion i panevojshëm për të gjithë bizneset të cilët tentojnë në mënyrë të vazhdueshme që ta kryejnë këtë procedurë, por nuk munden. Madje sistemi nuk lë as gjurmë që ne e kemi provuar disa herë, pasi pas çdo problem teknik aplikimi nis nga e para”, sqaroi Kanani.

Dorëzimi i bilanceve bëhet nëpërmjet platformës E-Albania. Të kontaktuar mbi këtë problematikë, Agjencia Kombëtare e Teknologjisë dhe Informacionit dhe Qendra Kombëtare e Biznesit tha se sistemi është në gjendje pune.

Aplikimet po depozitohen edhe pse sistemi ka ngarkesë. Por mbetet për tu parë deri në afatin final nëse të gjithë bizneset do të mund të përfundojnë në kohë këtë procedurë ligjore.

The post Bllokohet dorëzimi i bilanceve! Bizneset nën stres, sistemi i ngarkuar rrezikon procedurën jashtë afateve first appeared on JavaNews.al.

Mekanizmi Ndërkombëtar për Gjykatat Penale (ish-Tribunali i Hagës) e ka refuzuar kërkesën e Ratko Mlladiqit për lirimin e tij të përkohshëm për arsye humanitare, duke përmendur gjendjen e rënduar shëndetësore.

Ish-komandanti i Ushtrisë së Republikës Sërpska – entiteti serb i Bosnjës – u dënua në vitin 2021 me burgim të përjetshëm për gjenocid dhe krime lufte në Bosnje e Hercegovinë.

Në vendimin e nënshkruar nga kryetarja e Mekanizmit, Graciela Gatti Santana, thuhet se edhe pse vlerësimet mjekësore tregojnë se Mlladiq i është afruar fundit të jetës, ai është duke marrë kujdes të gjithanshëm shëndetësor, gjë që është e dokumentuar në raportet mjekësore.

“Informacionet që kam në dispozicion tregojnë se rrethanat humanitare bindëse, të cilat Mlladiq i ka përmendur si arsye për lirimin, nuk janë vërtetuar”, thuhet në vendim.

Sipas gjykatës, Mlladiq nuk vuan nga ndonjë sëmundje akute dhe terminale që do të mund të arsyetonte lirimin e tij. Për më tepër, ai është duke marrë kujdes mjekësor cilësor dhe të përshtatur me nevojat e tij specifike.

Gjykata thekson, gjithashtu, se janë ndërmarrë masa për t’i mundësuar atij kontakte të rregullta me familjen.

“Mbajtja e tij e mëtejshme në burg nuk përbën trajtim çnjerëzor apo degradues dhe, si e tillë, vazhdon t’i mbështesë parimet thelbësore të ndëshkimit që zbatohen për krimet për të cilat ai është dënuar. Prandaj, kërkesa duhet të refuzohet”, thuhet në arsyetimin e gjykatës.

Më 2 qershor, përmes avokatëve të tij, Mlladiq kishte paraqitur kërkesë për lirimin e përkohshëm ose të parakohshëm, duke pretenduar se ishte diagnostikuar me një sëmundje terminale dhe se i kishte mbetur pak kohë për të jetuar.

Mbrojtja pretendon se shërbimi shëndetësor i burgut i ka njoftuar Mlladiqin dhe familjen e tij se “nuk mund të shërohet” dhe se “jeta e tij matet në muaj”.

Në kërkesë thuhej gjithashtu se, për shkak të gjendjes së tij shëndetësore, nuk ekziston rrezik për arratisje dhe se, në rast të lirimit, ai do të qëndronte në Serbi.

Ratko Mlladiq ishte në arrati për gati 16 vjet para se të arrestohej në Serbi në maj të vitit 2011 dhe të ekstradohej gjashtë ditë më vonë në Hagë.

Ai u shpall fajtor për gjenocidin ndaj afro 8.000 boshnjakëve në Srebrenicë, zonë e mbrojtur nga OKB-ja në verën e vitit 1995, për ndjekje dhe zhvendosje të detyruar të boshnjakëve dhe kroatëve në mbarë Bosnjën, për terrorizimin e civilëve gjatë rrethimit të Sarajevës, si dhe për mbajtjen peng të paqeruajtësve të OKB-së gjatë bombardimeve të NATO-s në vitin 1995.

Ai u dënua për 10 nga 11 pikat e aktakuzës për krime lufte dhe krime kundër njerëzimit./REL

The post Gjykata në Hagë e refuzon kërkesën e Mlladiçit për lirimin nga burgu për arsye shëndetësore first appeared on JavaNews.al.

Burg për komente që mund të ndikojnë vendimmarrjen e gjykatës si dhe për publikuesit që zbulojnë të dhëna sekrete të hetimit.

Këto janë disa nga ndryshimet që propozohen në Kodin Penal, të cilat po kundërshtohen në publik si një përpjekje për të kufizuar fjalën e lirë.

“Duket se ka një nxitim prej tyre duke mos marr parasysh rekomandimet e BE-sw dhe vendimet e Gjykatës Europiane për të drejtat e njeriut që lidhet me lirinë e fjalës. Kodi ynë penal është një nga më të ndryshuarit, duke bërë propozime pa u marr mendimi i ekspertëve, grupit të interesit, pa u bërë një parashikim se nëse bëjmë këto ndryshime ku do arrijmë? Kjo është shumë e rrezikshme. Ato propozime e masa dënimesh që shkon gjobë deri në 4 vite burg janë drastike. Forma represive e cila është aplikuar në këto nene”, shprehet avokati Olti Malasi.

Avokati Olti Malasi, vlerëson se neni i ri 536, i cili parashikon dënim me burg për komentet para dhënies së një vendimi gjyqësor që synojnë ndikimin në aftësinë e gjykatës, hap rrugë për censurë të çdo analize apo kritike të pavarur që ka në fokus proceset gjyqësore, sidomos ato me interes publik.

“Gjykata nuk mundet të ndikohet nga komente e deklarata. Gjykata është e pavarur dhe duhet të jap vendimin në bazë të provave që i paraqiten. Nuk është e arritshme të monitorohen komentet që bëjnë të gjithë njerëzit. Ne burokracitë i kemi të pafundme jo më të shtojmë edhe nene të tilla kush bën komente lart e poshtë, në rrjete sociale, televizione, apo në salla gjyqesh”, tha Malasi.

Propozimi për të penguar rrjedhjen e të dhënave të hetimit penal, mund të përdoret sipas ekspertëve për të ndëshkuar gazetarinë hulumtuese dhe për të ndaluar informacionin që i shërben interesit publik.

“Propozimi që i është bërë këtij neni është i përgjithshëm dhe lë vend për interpretime të ndryshme. Ne nuk mundet të konsiderojmë gjithë dosjen sekret hetimor. Është cenim në radhë të parë për mbrojtjen që duhet të ketë të gjitha aktet në dorë për një mbrojtje dinjitoze; por gjithashtu edhe publiku në çështje të caktuara duhet të informohet”, shpjegoi avokati.

Avokatët paralajmërojnë se do të kërkojnë rishikimin e dispozitave dhe mendojnë se është nevoja e një debati të gjerë publik përpara miratimit në Kuvend.

The post “Kodi i ri Penal, rrezik censure”, juristët: Propozimet e reja rrezikojnë fjalën e lirë first appeared on JavaNews.al.

Policia e Shtetit ka reaguar pas një deklarate në media të shtetasit A. (E.) M., i cili pretendon se ishte viktimë e një incidenti të ndodhur më 17 janar 2024 në Rrëshen.

Sipas Policisë, qytetari u ndalua për kontroll dhe refuzoi të bashkëpunonte me efektivët, duke shfaqur sjellje agresive dhe provokuese.

Në reagimin zyrtar, thuhet se në komisariat ai ka ushtruar dhunë verbale dhe fizike ndaj shefit të Komisariatit, Klodian Kondi, dhe punonjësve të tjerë.

“Pamjet filmike janë dorëzuar tek Agjencia e Mbikëqyrjes Policore dhe rasti është në gjykim në Lezhë”, thekson Policia, duke shtuar se zbaton ligjin me paanshmëri dhe mbron integritetin e efektivëve të saj.

“Në ambientet e brendshme të Komisariatit, shtetasi A. (E) M. reagoi me dhunë fizike, fillimisht duke ofenduar dhe kërcënuar punonjësit e Policisë, e më pas duke tentuar të godasë me grusht Shefin e Komisariatit, Kryekomisar Klodian Kondi, si dhe duke e goditur atë me shkelm në pjesën e gjymtyrëve, në prani të disa punonjësve të tjerë“, thuhet më tej.

Kondi ka bërë kallëzim penal për “goditje për shkak të detyrës” dhe “kanosje”. Ngjarja është aktualisht në gjykim në Gjykatën e Shkallës së Parë në Lezhë.

The post “Goditi shefin me shkelm”, Policia përgënjeshtron qytetarin që doli në media first appeared on JavaNews.al.

Monika Kryemadhi e quajti një “telenovelë” gjithë procesin e ngritur kundër saj, Ilir Metës, dhe familjarëve dhe të njohurve të saj. Pasi doli nga godina e Prokurorisë së Posaçme, ku iu komunikua mbyllja e hetimeve, Kryemadhi foli për mediat ku shpjegoi pozicionin e saj.

“Është një proces që duhet marrë më shumë durim dhe qetësi. Shëndeti është më i rëndësishmi. Mamaja ime akuzohet për pastrim parash, akuzohet për pastruese! Mamaja ime ka blerë shpinë e vet dhe pretendohet se e ka blerë me paratë që ia kam dhënë unë. Mua më akuzojnë për fshehje të pasurisë”, tha ish-bashkëshortja e Ilir Metës.

Ajo shpjegoi edhe shpenzimet që, sipas akuzës, janë bërë për llogari të saj në SHBA, nga kushëriri i saj Ilir Shatku. “Tani do të nxjerrim të dhënat e shpenzimeve nga llogaria e zotërisë, kur kemi qenë në Los Anxhelos dhe Disneyland dhe do shohim: Sa është shpenzuar për drekën? 1000 dollarë. Ishim 12 vetë, i bie nga 80 dollarë për person. Herë 4 vetë të Monikës, bëjnë 400 dollarë. Do të shihen shpenzime dhe nëse në fund unë kam tejkaluar 5 milionëshin e dhuratës, atëherë ILDKPI do të më gjobisë, nëse jo, jam në rregull me ligjin”, shtoi Kryemadhi. “Të gjitha këto janë telenovela që ne fatkeqësisht do t’i thejmë në film”.

The post “Gjithçka telenovelë”, Kryemadhi pasi del nga SPAK: Mamaja ime akuzohet për pastrim parash first appeared on JavaNews.al.

Askush nuk po priste me padurim konferencën ndërkombëtare që u mblodh të hënën në Nju Jork. E udhëhequr nga Franca dhe Arabia Saudite, ajo duhej të mbahej në qershor, por u shty për shkak të luftës me Iranin. Që atëherë, rëndësia e saj duket se vetëm sa është zvogëluar.

Përgjigja pavloviane izraelite pritej: Premtimi i Presidentit Francez Emmanuel Macron për të njohur një shtet palestinez në Asamblenë e Përgjithshme të OKB-së në shtator u quajt një “dhuratë për terrorizmin”.
Çdo diskutim për një zgjidhje diplomatike, në çdo forum, tani i duket Izraelit në rastin më të mirë si një halucinacion dhe, në rastin më të keq, një akt anti-Izrael në mbështetje të terrorizmit.

Izraeli ka dikë ku të mbështetet – Presidentin e SHBA-ve Donald Trump, i cili deklaroi se “Ai është një djalë shumë i mirë. Më pëlqen, por kjo deklaratë nuk ka peshë”. Presidenti tha se Shtetet e Bashkuara nuk do të bashkoheshin në konferencë. Zgjidhja me dy shtete, ose çdo ndërmarrje diplomatike, nuk është përparësi për të.

Duket se Trump ka arritur në përfundimin se ambiciet e tij për të krijuar një “Lindje të Mesme të re”, për të vendosur paqe midis Izraelit dhe disa vendeve të tjera arabe, dhe çmimin e madh, për të sjellë normalizim midis Izraelit dhe Arabisë Saudite, do të duhet të presin edhe pak – ndoshta deri në mandatin e tij të ardhshëm nëse arrin të përmbysë Kushtetutën e SHBA-ve.

Ndërkohë, dosja e presidentit me angazhimet e ngrira diplomatike vazhdon të bëhet gjithnjë e më e trashë.

Nuk ka dalë asnjë marrëveshje pengjesh pavarësisht premtimeve të tij të shumta optimiste të javëve të fundit. Lufta në Gaza po zhvillohet edhe pse ai ka bërë thirrje për përfundimin e saj; bisedimet bërthamore midis SHBA-ve dhe Iranit janë bllokuar.

Libani ende nuk i ka urdhëruar Hezbollahut të çarmatoset, siç ka kërkuar Tom Barrack, i dërguari i Trump. Dhe ende nuk është arritur një marrëveshje midis regjimit të ri në Damask dhe kurdëve, e cila supozohet të çojë në çarmatimin e këtyre të fundit dhe integrimin e tyre në ushtrinë siriane.

Një rezultat është se Trump është zhvendosur në mikro-menaxhim të mosmarrëveshjeve rajonale. Të dërguarit e tij, zhvilluesit e pasurive të paluajtshme që me sa duket janë të aftë në botën e transaksioneve të biznesit, blerjen dhe shitjen e pronave dhe identifikimin e mundësive të investimit, ende po përpiqen të gjejnë rrugën e tyre nëpër territor të panjohur, një kulturë të ndryshme “biznesi” që kërkon që ata të negociojnë me aktorë jo-shtetërorë dhe milicitë dhe i sfidon ata me kompleksitet politik të rrënjosur në larjen e hesapeve historike.

E tillë është në Gaza. Ndërsa Trump informoi botën se “ka uri në Gaza”, në rastin më të mirë, ai ka gjeneruar tituj paniku në Izrael dhe e ka detyruar kryeministrin Benjamin Netanyahu të dërgojë ushqim dhe ilaçe në Rrip.

Në të njëjtën kohë, Izraeli e kupton se ka leje nga Trump për të pushtuar të gjithë Gazën dhe për të shembur gjithçka që qëndron me kusht që t’i japë fund urisë atje, gjë që nuk i pëlqen presidentit. Sepse, përveç vizionit të tij për një Rivierë në Gaza, Trump nuk ka paraqitur një plan realist ose udhërrëfyes që mund të shërbejë si platformë për një zgjidhje afatgjatë që jo vetëm do të frenonte urinë, do t’i jepte fund luftës dhe do të sillte pengjet në shtëpi, por edhe do të formësonte “ditën pas” e enklavës.

Trump mund të jetë i etur të dijë se çfarë synon të bëjë Izraeli në Gaza, por ndërkohë, ai po i jep atij një licencë për të “përfunduar punën” si një mjet për të shtyrë Hamasin për një marrëveshje. Ai e ka shndërruar përfundimin e luftës në një qëllim të veçantë pa lidhje me çështjen se çfarë do të ndodhë në Gaza më pas.

Rezultati është se, ndërsa Trump dhe të dërguarit e tij janë të preokupuar me “marrëveshjet me pakicë”, të cilat janë shumë të rëndësishme në vetvete, janë vendet kryesore arabe, si Katari, Egjipti, Emiratet e Bashkuara Arabe, dhe veçanërisht Arabia Saudite, dhe vendet perëndimore si Franca dhe Britania, që po përpiqen të hartojnë zgjidhje gjithëpërfshirëse dhe një infrastrukturë të qëndrueshme mbi të cilën mund të adresohen konfliktet lokale.

Konferenca, e sponsorizuar nga Franca dhe Arabia Saudite, e cila po udhëheq shtytjen e Lidhjes Arabe për një zgjidhje diplomatike të konfliktit izraelito-palestinez, nuk është një takim ëndërrimtarësh.

Ministri i Jashtëm saudit Faisal bin Farhan, i cili kryeson delegacionin e mbretërisë dhe është forca lëvizëse pas diplomacisë që po formësohet nga Princi i Kurorës Mohammed bin Salman, nuk ka iluzione. Në moshën 50 vjeç, një dekadë më i vjetër se shefi i tij, Bin Farhan është një burrë shteti me përvojë. Ishte ai që drejtoi pajtimin midis Arabisë Saudite dhe Iranit që, me ndërmjetësimin kinez, rezultoi në rinovimin e marrëdhënieve dypalëshe në mars 2024.

Bin Farhan, i cili ka lindur në Gjermani dhe është arsimuar në SHBA, ishte në krye të një biznesi të tijin dhe drejtonte një kompani prodhimi armësh, mbështeste – dhe ndoshta ende mbështet fuqimisht – normalizimin me Izraelin. Ai ishte ndër hartuesit e qëndrimit të mëparshëm saudit se Izraeli do të duhej “vetëm” të “përmirësonte kushtet e jetesës së palestinezëve”, jo të angazhohej për një shtet të pavarur palestinez, apo edhe autonomi.

Por ai gjithashtu e kuptoi shumë shpejt se Arabia Saudite nuk mund t’i përmbahej më një qëndrimi kaq minimalist. Ai, dhe sigurisht bin Salman, nuk janë anëtarë të klubit të tifozëve të Hamasit. Arabia Saudite e ka shpallur Vëllazërinë Myslimane një organizatë terroriste.

Në të njëjtën kohë, mbretëria nuk është ndër tifozët më të mëdhenj në botë të Autoritetit Palestinez ose presidentit të tij, Mahmoud Abbas. Kur zyrtarët sauditë diskutojnë bashkëpunimin me homologët e tyre amerikanë për qeverisjen e Gazës, siç bëjnë Emiratet e Bashkuara Arabe, ata e kushtëzojnë mbështetjen e tyre me një sërë kushtesh që përfshijnë reforma të thella politike dhe ekonomike, shumë të ngjashme me ato të kërkuara nga administrata Biden.

Duket sikur ata janë të gatshëm të tregojnë shumë më tepër durim ndaj Presidentit sirian Ahmed al-Sharaa dhe të garantojnë për të me Trump, sesa kanë bërë ndonjëherë për Abbasin. Mund të supozohet me siguri se hajmalitë që bin Salman përdori në favor të al-Sharaa-s (që përfshinin premtimin e investimeve të Trump në SHBA me vlerë një trilion dollarë) nuk do të përdoren për Abbasin.

Megjithatë, Arabia Saudite, forca që qëndron pas “Nismave Arabe” të miratuara nga Lidhja Arabe në vitin 2002, u detyrua të ndryshonte qëndrimin e saj me shpërthimin e luftës në Gaza. Ajo i ka ashpërsuar kushtet e saj për normalizim me Izraelin, duke përfshirë kërkesën që Izraeli dhe SHBA-të të ndërmarrin hapa të pakthyeshëm drejt krijimit të një shteti palestinez “mbi bazën e Iniciativës Arabe”, sipas fjalëve të bin Farhan.

Megjithatë, zyrtarët egjiptianë dhe jordanezë që folën me Haaretz besojnë se sauditët do të bien dakord të pranojnë një deklaratë të qartë amerikane qofte edhe të qëllimit që përfshin njohjen e të drejtës së palestinezëve për të krijuar një shtet.

“Lufta në Gaza mund ta ketë shkatërruar Hamasin, por skenat e tmerrit, vrasjeve, urisë dhe shkatërrimit nuk e lënë Arabinë Saudite, dhe vendet e tjera arabe njësoj, pa asnjë mënyrë për të anashkaluar kërkesën për të promovuar një zgjidhje të plotë politike“, tha një zyrtar i lartë jordanez për Haaretz.

“Konferenca në Nju Jork është menduar pikërisht për këtë qëllim”, shton një ish-diplomat egjiptian. “Nëse duam një alternativë ndaj Hamasit dhe ekziston një konsensus arab se Hamasi nuk mund të qëndrojë në Rrip, nuk ka zgjidhje tjetër veçse të mbështesim idenë e një shteti palestinez që do të kontrollojë si Bregun Perëndimor ashtu edhe Gazën, edhe nëse zbatimi shtyhet për vite me radhë. Qëllimi është të anashkalohet vetoja izraelite mbi kthimin e AP-së në Gaza, pa të cilën do të jetë e pamundur të sigurohet bashkëpunimi arab për të menaxhuar Rripin”.

Këto burime thonë se njohja e një shteti palestinez është tani një veprim instrumental i projektuar për të sjellë fundin e luftës me një qeveri alternative në Gaza që do të veprojë me legjitimitet ndërkombëtar.
Mundësia për të arritur një konsensus ndërkombëtar që do të bënte që Këshilli i Sigurimit i OKB-së të njihte një shtet palestinez aktualisht duket e pakët ose aspak.

Kur në Izrael shfarosja e Gazës është një qëllim kombëtar, dhe kur në Uashington termi “shtet palestinez” nuk shfaqet në leksikun politik të Trump, Gaza do të duhet të paguajë çmimin e plotë për pushtimin e saj.

The post Opinion/ Trumpi e braktis vizionin e Lindjes së Mesme të Madhe, duke i dhënë Izraelit dorë të lirë në Gaza first appeared on JavaNews.al.

E njohur si e paqëndrueshme prej vitesh – marrëdhënia politike me kryetarin e partisë – Ferdinand Xhaferaj i është rikthyer kërkesës së tij për largimin e Sali Berishës nga drejtimi i PD-së.

Ai thotë se tani Berisha duhet të largohet për shkak të humbjes në zgjedhjet e 11 majit dhe se konsiderimi i kësaj gare si farsë elektorale prej Berishës, është për Xhaferajn, alibia e tij për të mos u larguar nga drejtimi i PD-së.

“Reformoi statutin, vendosi në nenin 46 të statutit që kryetari në çfarëdolloj rrethane dhe pa asnjë justifikim jep dorëheqje nëse humbet zgjedhjet dhe nuk pranon të japë dorëheqjen dhe të largohet”, u shpreh Xhaferaj.

I mirëpritur deri diku rikthimi i Berishës prej tij, më shumë si një vokacion i shprehur nga anëtarësia pas debateve të brendshme të demokratëve, të nisura në 9 shtatorin e 2021-shit, Xhaferaj zgjedh të rikthehet tek pika zero e debatit.

“Rikthimi është vetëm për axhendë personale. Ku mund t’a çojë opozitën ky njeri që akoma ngeli i sanksionuar dhe nuk lejohet të hyjë në Shtetet e Bashkuara të Amerikë dhe në Britanisë e Madhe” tha Xhaferaj, raporton javanews.al

Në gjykimin e tij, Kryeministri Edi Rama mund të largohet nga pushteti, por vetëm nga një opozitë që sikundër thotë duhet të ketë drejtim të ri. Për vete ka vendosur të marrë një iniciative, njësoj si ajo e inicuar prej Berishës, para 4 vitesh të pagëzuar prej tij “Foltore” shkruan javanews. Ai thotë se ka mbështetje në bazë, ndërsa sfidon edhe grupin e ri parlamentar.

“Për disa kolegë që mua më vjen keq që po kthehen në rrogëtar, por Partia Demokratike është shumë e më shumë më tepër se kaq”, nënvizoi ai.

Xhaferraj shprehu kritika për disa iniciativa të qeverisë, sikundër ishte edhe aksioni ne Theth në mes të sezonit turistik.

The post Xhaferraj ‘shpërthen’ ndaj Berishës: Ky njeri që mbeti i sanksionuar s’e largon dot Ramën kurrë! first appeared on JavaNews.al.

Analizë nga Brett H. McGurk | CNN |

Gjatë fushatës elektorale, Donald Trump premtoi se do t’i jepte fund luftës në Ukrainë ditën e parë të presidencës së tij dhe do të përfundonte me shpejtësi edhe luftën në Gaza. Por gjashtë muaj pas marrjes së detyrës, paqja në të dy frontet duket më larg se kurrë.

Në Gaza, negociatat për armëpushim dhe shkëmbim pengjesh që vetëm pak javë më parë kishin shpresa të mëdha, kanë dështuar dhe situata humanitare është katastrofike. Në Ukrainë, përpjekjet diplomatike janë përballur me sulmet ajrore më të mëdha të Rusisë deri më sot.

Shembuj nga historia

Përfundimi i një lufte është një nga detyrat më të vështira diplomatike, dhe Trump nuk është presidenti i parë që e mëson këtë në mënyrën më të vështirë:

Dwight D. Eisenhower në vitin 1952 premtoi se do përfundonte luftën në Kore dhe pas zgjedhjes, iu deshën 7 muaj dhe kërcënime për përshkallëzim që të arrihej armëpushimi, një marrëveshje që vetëm e ngriu gjendjen, por nuk e përfundoi luftën.

Richard Nixon në vitin 1968 premtoi fund “me nder” të luftës në Vietnam, por gjatë mandatit të tij lufta u përshkallëzua dhe vetëm pas rizgjedhjes, në vitin 1973, nënshkroi marrëveshjen e Parisit.

Barack Obama, gjithashtu premtoi përfundimin e luftës në Irak, por ndoqi planin e përgatitur nga administrata e Bushit për tërheqje graduale.

Donald Trump, si president në mandatin e parë, premtoi një “plan sekret” për të mposhtur ISIS, por në realitet ndoqi planin e trashëguar nga Obama dhe e përfundoi atë në vitin e tretë të mandatit të tij, përcjell A2 CNN.

Gaza: Nuk ka hapësirë për marrëveshje

Një djalë palestinez inspekton dëmet në vendin e një sulmi ajror izraelit gjatë natës në shkollën Halima Saadiya në Jabalia, në veri të Rripit të Gazës, më 11 korrik. Bashar Taleb/AFP/Getty Images

Në Gaza, grupi Hamas ka një kërkesë kryesore që nga dita kur kreu sulmin e 7 tetorit 2023: të mbetet në pushtet nën një armëpushim të njohur ndërkombëtarisht dhe një plan rindërtimi. Hamas nuk ka pranuar as të diskutojë për dorëzimin e kontrollit të sigurisë një force tjetër, qoftë ajo arabe apo palestineze.

Kjo kërkesë refuzohet kategorikisht nga Izraeli, i cili kërkon që Hamas të mos mbetet në pushtet në fund të luftës. Edhe SHBA, Britania dhe vende të tjera e mbështesin këtë qëllim. Prandaj, meqenëse nuk ka asnjë “Zonë Marrëveshjeje të Mundshme” (ZOPA), fokusi është zhvendosur te marrëveshje të pjesshme dhe të përkohshme.

Plani i propozuar nga administrata Biden përfshinte një armëpushim fazor në këmbim të lirimit të pengjeve, tërheqjen e ushtrisë izraelite nga zonat e populluara dhe një rritje të ndihmës humanitare. Ky plan u miratua edhe nga Këshilli i Sigurimit i OKB-së. Por Hamas e ka refuzuar për shkak se nuk pranon të heqë dorë nga pushteti.

Ukraina: Gjithashtu pa mundësi marrëveshjeje

Në këtë fotografi të shpërndarë nga agjencia shtetërore ruse Sputnik, Presidenti i Rusisë Vladimir Putin dhe Emisari i Posaçëm i SHBA Steve Witkoff mbërrijnë për bisedimet e tyre në Moskë më 25 prill. Kristina Kormilitsyna/Pool/Sputnik/Getty Images

Në Ukrainë, qëllimi i Rusisë është të aneksojë territore dhe të dobësojë totalisht shtetin ukrainas. Ndërkohë, Ukraina kërkon të çlirojë territoret e pushtuara dhe të sigurojë mbështetje ushtarake nga Perëndimi.

Edhe këtu, nuk ekziston një hapësirë për marrëveshje mes palëve. Prandaj, strategjia e SHBA-së ka qenë forcimi i pozitës së Ukrainës përmes ndihmës ushtarake dhe sanksioneve ndaj Rusisë, ndërsa përpiqej të negocionte marrëveshje të vogla, si shkëmbime të të burgosurve.

Trump, gjatë këtyre gjashtë muajve, ka pasur një qëndrim të paqëndrueshëm: në shkurt fajësoi Zelenskyn si pengesë për paqen, pastaj në mars fajësoi Rusinë. Ai ndërpreu ndihmën ushtarake për Ukrainën dhe më pas e riktheu. Këto lëvizje pa një strategji të qartë i dhanë mundësi Putinit të përshkallëzojë sulmet dhe të besojë se mund ta fitojë luftën.

Situata humanitare në Gaza, një kolaps i plotë

Gjatë administratës Biden, pati përpjekje të përditshme për të koordinuar ndihmën humanitare në Gaza dhe për të mbajtur presion mbi të gjitha palët, përfshi edhe Izraelin.

Ndryshe nga Biden, Trump:

Ka shfuqizuar pozicionin e koordinatorit për ndihmën humanitare

Ka shuar USAID-in

Ka heshtur për bllokadën 77-ditore izraelite të ndihmave

Ka kërkuar zhvendosje masive të palestinezëve nga Gaza

Ka mirëpritur politikanë ekstremistë izraelitë në resortin e tij Mar-a-Lago

Vetëm në 48 orët e fundit, si pasojë e presionit ndërkombëtar, SHBA dhe Izraeli kanë lejuar sërish hyrjen e ndihmave përmes OKB-së.

Rruga përpara

Për Gazën: Prioriteti kryesor duhet të jetë ndihma humanitare. Presioni ndaj Izraelit për të lejuar ndihmat duhet të jetë i qëndrueshëm. SHBA duhet të rikthejë funksionin e koordinatorit të ndihmës. Negociatat për armëpushim nuk duhet të braktisen. Nëse është e nevojshme, presioni për kompromis duhet të ushtrohet edhe ndaj Izraelit.

Për Ukrainën: Trump ka ndryshuar qëndrim dy javë më parë, duke premtuar ndihmë ushtarake përmes NATO-s dhe sanksione për vendet që blejnë energji nga Rusia (si India dhe Kina). Kjo qasje duhet të vazhdojë me vendosmëri. Qëllimi është të përforcohet mbrojtja ukrainase dhe të dërgohet një sinjal serioz ndaj Putinit se Perëndimi është i bashkuar dhe i vendosur.

Premtimet elektorale janë një gjë, realiteti i diplomacisë globale është diçka tjetër. Nëse administrata e Trump do të ketë sukses në 6 muajt e ardhshëm, do të varet nga gatishmëria për të qëndruar te politikat e reja dhe për t’i dhënë prioritet diplomacisë së qëndrueshme dhe ndihmës njerëzore.

The post Pse po përshkallëzohen luftërat që Trump premtoi se do t’i përfundonte? first appeared on JavaNews.al.

Kryetari i Partisë Demokratike, Sali Berisha, në një konferencë për shtyp, denoncoi atë që ai e quan si “farsë elektorale” duke e konsideruar si “më të shëmtuar në historinë e vendit”.

“Është një hap vendimtar drejt konsolidimit të narkoregjimit apo narkodiktaturës në Shqipëri. Pra, është hap vendimtar drejt zhvlerësimit të plotë të votës së qytetarëve shqiptarë dhe instalimit, konsolidimit në mënyrë përfundimtare të narkoshtetit, shtetit që bazohet në vullnetin e padrinos, në vullnetin e kreut të organizatës kriminale”, tha Berisha.

Kryedemokrati denoncoi edhe punësimet në administratë.

“Ne disponojmë regjistrat e dhjetëra mijëra mercenarëve që marrin rrogat nga taksapaguesit e qytetarëve dhe bëjnë policin elektoral. Bëjnë patronazhistin. Kryejnë krimin e shëmtuar”, tha Berisha.

Ai publikoi disa dokumente që sipas tij kanë dalë nga laptopi i zv/kryeministres Belinda Balluku. Berisha akuzoi se administrata shtetërore në Fier u përdor si polici politike.

“Laptopi i Lubisë në Fier është sjellë si shembull këtu. Çfarë paraqet? Këtu janë të dhënat ku punojnë terroristët elektoralë që i përdori Lubi Balluku për zgjedhjet. Vazhdo, urdhëroni. Pozicioni ku punojnë. Shef shërbimi, laborante, infermiere, arkëtar provizor, specialist i lartë… Vazhdojmë… Drejtor kabineti, kryespecialist, përgjegjës sektori. Përgjegjës operativ. Shikoni se si edhe sanitarë mund të gjeni këtu, se si Lubi Balluku në mënyrë kriminale e shndërroi të gjithë administratën shtetërore në Fier në polici politike”, tha Berisha.

The post Berisha: Farsa e 11 majit, hapi vendimtar për konsolidimin e narkoregjimit në Shqipëri first appeared on JavaNews.al.