Policia Kufitare e Vlorës, në bashkëpunim me Guardia di Finanza, ka ndërhyrë me sukses për të ndihmuar dy shtetas që kishin mbetur në det gjatë natës, pas një defekti në mjetin e tyre lundrues.

Pas marrjes së njoftimit për një skaf me dy persona në bord që kishte pësuar defekt brenda Gjirit të Vlorës, strukturat e Policisë Kufitare të SPK Triport organizuan menjëherë operacionin e ndihmës.

Në koordinim me efektivët e Guardia di Finanza, mjeti u lokalizua në zonën e njohur si “Plazhi i Vjetër”. Pas ndërhyrjes, u bë e mundur riparimi i defektit dhe shoqërimi i skafit drejt stacionit më të afërt, në mënyrë të sigurt.

Gjatë verifikimeve, rezultoi se drejtuesi i mjetit nuk kishte me vete dokumentacionin përkatës për lundrim. Për këtë shkelje, ndaj tij u vendos një masë administrative me gjobë në vlerën e 10 000 lekëve, në zbatim të legjislacionit në fuqi.

Policia Kufitare, në bashkëpunim të ngushtë me partnerët ndërkombëtarë, mbetet në gatishmëri të plotë për të garantuar sigurinë në hapësirat detare dhe për të reaguar me profesionalizëm ndaj çdo situate emergjente.

The post Policia Kufitare Vlorë dhe Guardia di Finanza shpëtojnë dy shtetas që mbetën në det gjatë natës first appeared on JavaNews.al.

Kremlini konfirmoi sot orarin e takimit të shumëpritur midis presidentit rus Vladimir Putin dhe presidentit amerikan Donald Trump në Alaskë, ku  bisedimet pritet të nisin nesër rreth orës 11:30 të mëngjesit  (21:30 me oren tonë).

Lufta e Rusisë kundër Ukrainës do të jetë në krye të axhendës, sipas këshilltarit për politikën e jashtme të Kremlinit, Yuri Ushakov, të cituar nga agjencitë ruse të lajmeve.

Trump dhe Putin do të mbajnë një konferencë të përbashkët për shtyp pas konsultimeve. Përveç Ushakovit në delegacionin e nivelit të lartë rus do të jenë ministri i Jashtëm Sergei Lavrov, ministri  i Mbrojtjes Andrey Belousov, ministr i  Financave Anton Siluanov dhe kryenegociatori i Kremlinit për Shtetet e Bashkuara të Amerikës, Kirill Dmitriev.

Takimi do të mbahet në bazën ushtarake Elmendorf-Richardson në Anchorage, qyteti më i madh i Alaskës, dhe do të jetë përballja e parë mes dy udhëheqësve që nga marrja e detyrës nga Trump në janar dhe që nga nisja e pushtimit të plotë rus të Ukrainës nga Putini në shkurt 2022.

Presidenti ukrainas Volodymyr Zelensky dhe aleatët e tij evropianë po e ndjekin me shqetësim rezultatin e takimit, mes frikës se bisedimet mund të çojnë në një marrëveshje për lëshime territoriale ndaj Rusisë, të cilat Kievi i ka hedhur poshtë në mënyrë kategorike.

The post Kremlini zbulon orarin e takimit Putin-Trump në Alaskë first appeared on JavaNews.al.

Intervistë me Ambasador Zef Mazi, dhënë për JavaNews.al në prag të takimit Trump-Putin.

Para dy ditësh, ju shkruat një artikull lidhur me takimin në Alaskë midis presidentëve Trump dhe Putin. U lanë të kuptoheshin disa gjëra. Pyetja ime: Përse Alaska dhe tani?

Mendoj se Alaska mund të “ngrejë skenën” për diçka më të madhe. Juri Ushakov, me të cilin kemi punuar disa vite si ambasadorë të vendeve përkatëse në një organizatë, është këshilltari kryesor i presidentit rus për politikën e jashtme. Ai shkurt tha: “pas një propozimi të palës amerikane që mendojmë se është i pranueshëm”. Kjo nënkupton njohje të realiteteve në aspektin gjeopolitik-gjeoekonomik. Përse pas kërcënimeve ndaj blerësve të naftës ruse? Ndoshta në thelb, “sektorë” të zbulimit ushtarak mund të kenë konkluduar se lufta përmes një të treti (në Ukrainë) shkon drejt humbjes. Trumpi do të përqendrohet në zona të tjera, p.sh., te “rreziku jetik” kinez.

Nga pikëpamja ruse, faktet në fushëbetejë përshpejtojnë operacionin ushtarak, jo armëpushim, ndoshta një pushim “humanitar” për pak ditë. Amerikanët duan armëpushim të paktën për pak javë. Zor se mund të pajtohen qëndrimet. Mbetet për t’u parë. Prandaj, thashë: Alaska është fillimi. Ndërkohë, sipas Ushakovit, po punohet për takimin tjetër Trump-Putin në Federatën Ruse. Duket se SHBA-ja po tërhiqet nga rrëmuja, fillon tërheqja nga Ukraina, arrihet një lloj pushim-zjarri, rifillon bashkëpunimi në fushën e biznesit me Rusinë, edhe në Arktik.

Por, edhe nëse do të arrihet një marrëveshje, “sektorë të veçantë” do të përpiqen të riarmatosin Ukrainën, “duke udhëhequr nga pas”, ndoshta përmes një skenari si ai i Gjeorgjisë në të ardhmen, sipas pohimit të “JPMorgan Center for Geopolitics”, se ai mund të jetë skenari më i mirë për zgjidhjen e rrëmujës ukrainase. Kjo mund të shbalancojë disi optikën e dështimit, sigurisht jo tonën, por të atij, të atyre të tjerëve.

Situatë kontradiktore buzgremine, çka shihet edhe në marrëdhëniet Trump-NATO/BE. Ndërkohë, “minigrupi” evropian “pa dhëmbë” vazhdon përpjekjet “shpëtimtare”, duke bërë salto, me të papritura, vetëm e vetëm për të nxjerrë nga shinat samitin e Alaskës para se ai të mbahet. “Turfulluesit” evropianë nuk pritet të blejnë lehtë asnjë marrëveshje që mund të arrihet, nëse do të lejohen. Trumpi do të jetë tepër i kënaqur t’ua transferonte evropianëve tërë barrën e luftës, çka do të evitonte ankesat nga “sektorë të veçantë” të administratës së tij, sepse do të nxirren përfitime kolosale financiare nga shitja e armëve.

Çfarë nënkupton konkretisht me diçka përtej Alaskës?

Lëvizjet gjeopolitike janë aq të shpejta dhe të shumëanëshme sa mund të bëhen gabime nëse nuk shihet pamja e plotë se çfarë po ndodh. Konkretisht, dy javë pas samitit të Alaskës, do të mblidhet Organizata e Bashkëpunimit të Shangait (OBSH) në Tianxhin të Kinës. Do të marrin pjesë Kryeministri i Indisë, Modi, Presidenti i Iranit, Pezeshkian, ndër të tjerë, që do të ulen në të njëjtën tryezë me Shi Xhin Ping dhe Vladimir Putin. Kjo do të jetë Tryeza e BRICS/OBSH.

Më 3 shtator, në Pekin, do të festohet 80-vjetori i fitores së Luftës për Rezistencë e Popullit Kinez kundër Agresionit Japonez dhe Luftës Antifashiste Botërore. Putini do të jetë i ftuari i nderit. Prova e fundit e paradës me 22 mijë vetë u bë para 6 ditësh në Sheshin Tien-nanmen.

Po atë ditë, në Vladivostok, do të hapë punimet Forumi Ekonomik Lindor që do të diskutojë përpjekjet e Rusisë për të zhvilluar Arktikun dhe Siberinë lindore. Në forum do të marrin pjesë drejtues “kyç” nga Euro-Azia. Ndërkohë, mësohet se udhëheqësit më të lartë të BRICS po koordinojnë përgjigje kolektive kundër luftës së tarifave që është pjesë e luftës kundër BRICS dhe Jugut të Globit.

Arktiku duket sikur është larg interesit, apo jo?

Është shumë mirë që, pas 4 vitesh bojkoti total i imponuar nga administrata e kaluar amerikane, filluan të bëhen takime, bisedime, vizita, ulje në tryezë dhe të rishfaqet në skenë përdorimi i “logjikës normale” midis SHBA-së dhe Rusisë. Mendoj se Ukraina nuk do të jetë tema kryesore në Alaskë. Rreziku i konfliktit bërthamor nuk është ulur. Traktati Start i Ri (New Start Treaty) skadon në shkurt 2026. Nëse nuk do të zgjatet, do të mungojë tërësisht kontrolli i armëve bërthamore. Po të mendojmë se do ta pranojë Trumpi, rëndësi ka “nëse”, do të fillojë puna e madhe lidhur me zgjatjen e Traktatit, ose do të punohet për një marrëveshje të re për raketat dhe armët bërthamore. Kontrolli i armëve është çështje tepër e rëndësishme, mendoj se do të jetë një ndër pikat e takimit.

Në kuadrin më të gjerë të marrëdhënieve, mendoj se do të futet edhe diskutimi serioz për “pandashmërinë e sigurisë”. Kjo është e sanksionuar që në dokumentet politike në vitin 1992. Ajo u përfshi edhe në një projekt që iu paraqit SHBA-së në dhjetor 2021, por që u refuzua nga ish-administrata amerikane.

Arktiku ka rëndësi të ndjeshme. Ai mban, siç mësohet, së paku 13 për qind të rezervave të pazbuluara të naftës dhe 30 për qind të gazit natyror të pazbuluar. Rusia kontrollon së paku gjysmën e këtyre rezervave. Nuk ka arsye që SHBA-ja të mos kërkojë me ngulm të jetë pjesë e kësaj pune, përse të mos bëjë pjesë në investime të mëdha amerikane në projekte të përbashkëta me Rusinë. Një tjetër aspekt i rëndësishëm është që SHBA-ja të bëhet pjesë e Rrugës së Detit të Veriut (North Sea Route, NSR), që kinezët e quajnë “Rruga e Mëndafshtë e Arktikut”. Kjo rrugë e ul me 50 për qind kohën e transportit detar midis Azisë dhe Evropës. Racionalja: duke përdorur flotën e akullthyesve, anashkalohet Kanali i Suezit dhe kanalet e konektivitetit që kontrollohen nga SHBA-ja. A do të bindet Moska që të pranojë marrëveshje për Arktikun? Kjo kartë ka rëndësi jo të vogël. Mbetet për t’u parë çfarë do të rezultojë nga takimi.

The post Alaska, skena e një marrëveshjeje të madhe? Zbulohen detajet! first appeared on JavaNews.al.

Përveçse për zjarret, në një video të transmetuar live në rrjetet sociale këtë të enjte, kryeministri Edi Rama iu përgjigj dhe akuzave që i janë drejtuar se ai fluturon me avion privat.

Ai theksoi se Rama ai e përdor avionin e shtetit vetëm për udhëtime zyrtare pune, dhe se kur bëhet fjalë për fluturime që bën për arsye private gjithmonë përdor klasin ekonomik.

“Po të kishim vetë avionët tanë do ishte më mirë, por kush i bën llogaritë duhet t’i rikthehesh pak llogarive për të kuptuar se avionët nuk janë një fjalë goje. Disa pa mendje kanë ngrënë edhe broçkullën e madhe që unë, pra qeveria paskemi blerë avionë për vete. Nuk ka asnjë avion të blerë për vete!

Avioni i shumëpërfolur i përdorur nga unë vetëm për udhëtimet zyrtare sepse në çdo udhëtim tjetër privat unë marr avionët e linjës dhe jam rregullisht bashkë me familjen në ekonomik, gjithmonë. Këtë e dëshmojnë të gjitha biletat e deklaruara dhe janë të verifikueshme.”, deklaroi kryeministri, duke iu përgjigjur komenteve që ka marrë në profilin e tij në Facebook.

The post Rama u përgjigjet komentuesve: Kur udhëtoj me familjen përdor gjithmonë klasin ekonomik first appeared on JavaNews.al.

Në Zhongnanhai, që është dhe qendra e fuqisë komuniste kineze në Pekin, u organizua një darkë pune. Në këtë darkë ishte i ftuar dhe presidenti bjellorus Aleksandr Lukashenko, i cili ka kryer pesëmbëdhjetë vizita shtetërore në Kinë.

Siç shkruan Corriere Della Sera, në këtë darkë surprizë lideri kinez Xi Jinping bëri prezantimin e parë në publik të vajzës së tij, Xi Mingze, e cila për vite me radhë është mbajtur larg vëmendjes.

Ngjarja ka ndodhur në fillim të verës dhe u raportua nga agjencia bjelloruse e lajmeve BelTA, e cila shkruante se në këtë mbrëmje Xi i tha Lukashenkos: “Miku im i dashur, marrëdhënia jonë është speciale, prandaj sot do të hamë si familje dhe për herë të parë vajza ime merr pjesë në një darkë me një lider të huaj”. Burim i kësaj anekdote ishte zv/kryeministri i Minskut, Nikolai Snopkov, dhe BelTA publikoi edhe disa imazhe nga darka.

Një nga misteret që Xi Jinping ka mbajtur me kujdes është vajza e tij e vetme, e lindur nga martesa me këngëtaren e njohur Peng Liyuan. Publiku i zakonshëm kinez e di vetëm se ajo quhet Mingze, ka lindur në vitin 1992 në Fuzhou, në provincën Fujian ku babai i saj ka qenë sekretar partie, dhe është diplomuar në gjuhë dhe letërsi frënge.

Propaganda kineze ka folur vetëm një herë për të, në vitin 2008, kur si vullnetare mori pjesë në ndihmat pas tërmetit të rëndë që ra në Sichuan. Në vitin 2010 u mësua se ajo studioi në Harvard nën një emër të fshehtë për të ruajtur privatësinë dhe sigurinë e saj.

Në vitin 2014 ajo u diplomua në filozofi në Harvard dhe më pas u kthye në Pekin, përsëri larg vëmendjes së publikut. Edhe gjatë vizitës së Michelle Obama-s në Kinë në vitin 2014, vajzat e saj u përmendën nga media kineze, por Mingze nuk u shfaq. Në vitin 2019 u përfol se ajo po ndiqte studimet për doktoraturë në Harvard, por pa shumë zhurmë.

Megjithatë, shfaqja e Mingze-s në darkën me Lukashenkon mbeti misterioze. Media kineze nuk raportoi për këtë, duke treguar se Xi nuk dëshironte të ekspozonte vajzën tek publiku i zakonshëm. Fotografitë e ngjarjes u fshinë shpejt nga faqja e agjencisë bjelloruse, ndoshta për shkak të sigurisë: në vitin 2019 një teknik informatik u dënua me 14 vjet burg për publikimin e një fotoje të Mingze nga karta e saj e identitetit.

Media ndërkombëtare ka vetëm pak foto që besohet se janë të saj, por asnjë nuk është e sigurt; fotoja e vetme zyrtare është nga agjencia Xinhua dhe e tregon Mingze-n në sediljen e biçikletës së babait të saj kur ishte fëmijë; të tjerat janë të dyshimta.

Pse Xi e prezantoi Mingze-n në darkë? Analistët perëndimorë mendojnë se ishte një sinjal për Uashingtonin. Kohët e fundit qarkulluan thashetheme se vajza mund të kthehej në Harvard në fshehtësi, për të ruajtur një kanal komunikimi mes elitave akademike kineze dhe amerikane.

Por pas fushatës së Donald Trump-it kundër studentëve të huaj në Harvard, plani u anulua. Duke “zbuluar” praninë e Mingze-s te miqtë bjellorusë, Xi mund të ketë dashur t’u tregojë amerikanëve se vajza e tij është shumë mirë në atdhe.

The post Vajza e Xi Jinping shfaqet për herë të parë në darkën me Lukashenkon (por u fshinë të gjitha fotot), sinjal për Uashingtonin? first appeared on JavaNews.al.

Spanja ka kërkuar zyrtarisht ndihmën e vendeve fqinje evropiane për të luftuar zjarret e pyjeve që po shkrumbojnë veriperëndimin e vendit, sipas radios franceze “RFI”.

Ministri i Brendshëm, Fernando Grande-Marlaska, tha se Spanja i është drejtuar mekanizmit të ndihmës së Bashkimit Evropian për të përballuar të paktën 14 vatra zjarri që po shkatërrojnë vendin.

Ndër të tjera, është kërkuar dërgimi i dy avionëve zjarrfikës të tipit “Canadair”, duke parashikuar përkeqësimin e situatës.

Në një intervistë për median lokale *Cadena SER*, Grande-Marlaska tha se vendi është i gatshëm të kërkojë më shumë ndihmë, përfshirë edhe zjarrfikës shtesë, kur të jetë e nevojshme.

Mekanizmi i ndihmës, i krijuar nga Komisioni Evropian në vitin 2001, u mundëson 27 vendeve anëtare të BE-së dhe 10 vendeve të tjera të ndihmojnë njëra-tjetrën në raste emergjencash.

Zjarret që po përfshijnë Spanjën

Të nxitura nga temperaturat ekstreme dhe erërat e forta, zjarret kanë shkatërruar mijëra hektarë në disa rajone të Spanjës, ashtu si edhe në vende të tjera të Evropës, veçanërisht në Francë dhe Portugali.

Aktualisht, 14 vatra të mëdha zjarri janë aktive në veriperëndim të vendit, kryesisht në rajonet e Kastiljes dhe Leones si dhe në Galici.

Dy persona kanë humbur jetën në zjarret në Kastile dhe Leon, ndërsa shtatë të tjerë u shtruan të mërkurën në spital.

Më shumë se 8 000 persona janë evakuuar si masë paraprake për shkak të dy zjarreve në provincat Leon dhe Zamora.

Sipas presidentit të Galicisë,  Alfonso Rueda, çdo ditë po shuhen rreth 30 zjarre në rajon.

Rreth 11 500 hektarë janë djegur, veçanërisht në provincën Ourense, ku zjarrfikësit nuk kanë arritur të vënë nën kontroll një vatër të madhe në Chandrexa de Queixa.

The post Zjarret shkrumbojnë veriperëndimin e Spanjës, kërkohet ndihma e BE-së first appeared on JavaNews.al.

Kryeministri Edi Rama ka dalë një një video mesazh ku ka folur lidhur me situatën e zjarreve në vend dhe dëmet e pësuara deri më tani.

Rama tha se rreth 40 familje e kanë humbur plotësisht shtëpitë e tyre nga zjarret dhe ai premtoi t’u qëndrojë atyre pranë, derisa të rikthehen në banesa të reja.

“Jam këtu për të ndarë me judisa përshtypje dhe patjetër përpara përshtypjeve disa të dhëna lidhur me 48-72 orët e fundit të cilat ishin tejet të vështira për shkak të zjarreve që patën një zhvillim më të madh se sa çdo herë tjetër më parë se sa këtë moment.

Në radhë të parë dua që t’ju shpreh ngushëllim kujt humbi të afërmin e vet dhe t’ju shpreh të gjithë solidaritetin atyre familjeve që faktikisht kanë humbur shtëpinë nga zjarri.

Tani që flasim janë rreth 207 shtëpi të prekura nga zjarri, por në këtë numër hyjnë rreth 40 familje të cilat faktikisht e kanë humbur shtëpinë plotësisht.

Dua t’i siguroj të gjithë, qoftë familjet që kanë humbur banesat plotësisht, qoftë ato të cilat kanë pësuar dëmtime në shtëpitë e tyre nga zjarri, se ne po bëjmë sipas protokollit të situatës dhe me autoritetet përkatëse inventarizimin e plotë të këtyre dëmeve dhe padiskutim se siç ka ndodhur në të shkuarën do të ndodhë përsëri. Askush nuk do të jetë vetëm dhe askush nuk do të mbetet pa e pasur në krah shtetin për t’u rikthyer në një shtëpi më të mirë dhe më të fortë. Tani numërohen mbi 3 kijë e 600 krerë të humbur.”, tha Rama.

The post 40 familje pa shtëpi nga zjarret, Rama u premton: Me shtetin në krah derisa të riktheheni në një tjetër më të mirë first appeared on JavaNews.al.

Ushtria izraelite njoftoi të mërkurën se kishte “miratuar” një plan për të pushtuar qytetin e Gazës, më të madhin në enklavën e rrethuar palestineze, si pjesë e një faze të re të operacioneve të saj me qëllime të deklaruara publikisht për shkatërrimin e Hamasit dhe garantimin e lirimit të pengjeve të mbetura.

Në terren, dëshmitarët raportuan sulme ajrore jashtëzakonisht intensive në qytet, praninë e tankeve izraelite dhe shpërthime të fuqishme në lagjet Tal al-Hawa dhe Zaitoun, ku ushtria izraelite shkatërroi shtëpitë.

Sipas burimeve të mbrojtjes civile dhe mjekësore, të paktën 89 palestinezë, përfshirë shumë fëmijë, u vranë në granatimet ose nga zjarri i ushtrisë izraelite, përfshirë të paktën 34 që prisnin ndihmë humanitare dhe pesë anëtarë të së njëjtës familje në një granatim në Khan Yunis (jug).

Me urdhër të këshillit të luftës të qeverisë së kryeministrit Benjamin Netanyahu, ushtria, e cila sipas burimeve izraelite kontrollon tre të katërtat e enklavës, po përgatitet të nisë një fazë të re operacionesh me qëllim “çlirimin” e pengjeve që mbahen ende në Gaza dhe “mposhtjen” e Hamasit.

Shefi i Shtabit, Gjeneral-Lejtnant Eyal Zamir “miratoi kornizën kryesore të planit operativ të ushtrisë në Rripin e Gazës”, sipas një deklarate nga forcat e armatosura, e cila nuk dha detaje rreth orarit.

Në qytetin e Gazës, familjet janë rikthyer në rrugë, duke mbajtur bagazhe dhe dyshekë në biçikleta dhe karroca për tu zhvendosur.

Për “ditë të tëra”, tanket izraelite kanë përparuar “në pjesën jugperëndimore të lagjes Zaitoun, duke shkatërruar shtëpi. Tanket po përparojnë gjithashtu në pjesën jugore të Tal al-Hawa, tha për AFP-në Abu Ahmed Abbas, një 46-vjeçar, shtëpia e të cilit u rrafshua.

“Granatimet janë jashtëzakonisht intensive. Janë përshkallëzuar dhe ka pasur edhe zjarr artilerie që nga e diela”, shtoi ai.

“Shpërthimet janë të mëdha, ka shumë sulme ajrore (…) tanket janë ende këtu, pashë dhjetëra civilë që iknin drejt pjesës perëndimore të qytetit”, tha Fatum, e cila jeton me burrin dhe vajzën e saj në një tendë në Tal al-Hawa.

Operacionet përgatitore përkuan me njoftimin e Hamasit se një delegacion nga lëvizja kishte mbërritur në Egjipt për “bisedime paraprake” me zyrtarët egjiptianë mbi mundësinë e përfundimit të një marrëveshjeje për një armëpushim të ri.

Kajro dënoi mbrëmë ideologjinë e “Izraelit të madh” që u përmend nga një pjesë e shtypit izraelit dhe shtoi se kishte kërkuar “sqarime” nga autoritetet izraelite për “refuzimin e tyre të zgjedhjes së paqes” dhe këmbënguljen për përshkallëzim, sipas Ministrisë së Jashtme egjiptiane.

Të martën diplomacia egjiptiane njoftoi se po punonte, së bashku me emiratin e Katarit dhe Shtetet e Bashkuara, për të përfunduar një marrëveshje armëpushimi 60-ditor në Rripin e Gazës.

The post IDF miratoi pushtimin, nis zhvendosja e banorëve në qytetin e Gazës first appeared on JavaNews.al.

Gjykata Themelore në Prishtinë ka pranuar kërkesën e Prokurorisë Speciale dhe urdhëroi 30 ditë paraburgim për Ramadan Morinën, i akuzuar për krime lufte në masakrën në Burim të Malishevës.

Morina u arrestua të martën në Prishtinë pasi hyri në Kosovë nga Serbia. Sipas prokurorisë, Morina dyshohet se gjatë luftës në Kosovë, në periudhën 29-31 mars 1999, në bashkëkryerje me pjesëtarë të forcave policore dhe ushtarake serbe, ka marrë pjesë në masakrën e 34 civilëve shqiptarë në fshatin Burim, Komuna e Malishevës.

Prokuroria thotë se gjatë fazës së hetimeve janë siguruar prova materiale, përfshirë dëshmi të dëshmitarëve okularë dhe të mbijetuarve.

The post Mori pjesë në masakrën ndaj 34 shqiptarëve, gjykata lë në burg Ramadan Morinën first appeared on JavaNews.al.

Pasi kaluan rrezikun për jetën e tyre dhe të familjarëve, banorët e fshatrave të Gramshit që u shkrumbuan nga zjarret e dy ditëve të fundit tashmë janë me shpresën e ndihmës së shtetit.

“Gjithçka patëm u shkrumbua dhe tashmë jemi pa çati mbi kokë, pa bagëti dhe pa bujqësi, që ishin burimi i vetëm i të ardhurave dhe produkteve ushqimore”.

Ky është refreni që përsërit secili prej banorëve të pyetur në qendrat e strehimit të ngritura nga Bashkia e Gramshit, shkruan A2.

Në fakt, mungesa e banesave dhe të ardhurave për të jetuar është një tjetër problematikë mjaft serioze për banorët, por edhe për pushtetin lokal dhe shtetin në përgjithësi, pas situatës emergjente të vendosjes nën kontroll të vatrave të zjarreve.

The post VIDEO / Zjarret në Gramsh, banorët me sytë nga shteti: Humbëm gjithçka first appeared on JavaNews.al.

Dashi

Nëse ndiheni te lumtur pranë partnerit sot do kaloni çaste edhe me te këndshme. Do bashkëpunoni për gjithçka dhe do argëtoheni pa fund. Beqaret do hezitojnë t hedhin çdo lloj hapi për te filluar një lidhje dhe do mbeten me te njëjtin status. Financat fatmirësisht do jene te mira. Gjithsesi rekomandohet qe çdo lloj shpenzimi te kryhet me maturi.

Demi

Pasioni do shtohet mjaft ne jetën tuaj ne çift. Gjithçka do ndryshoje ne jetën e tyre dhe tashme do i shohin gjerat me një sy tjetër. Beqaret do kenë serish vështirësi për ta gjetur princin e tyre te kaltër dhe here pas here mund te bien ne melankoli. Ne planin financiar tregohuni te kujdesshëm dhe mos kërkoni qe situata te përmirësohet menjëherë.

Binjaket

Gjerat nuk do shkojnë ashtu si ju i kishit menduar sot ne jetën tuaj ne çift dhe mërzitja do e pushtoje gjithë këtë dite. Nuk do përjetoni aspak emocionet qe keni ëndërruar. Beqaret nuk duhet te vrapojnë me sy mbyllur drejt dashurisë sepse mund te pengohen dhe te lëndohen. Financat fillimisht duhet t’i riorganizoni nëse doni qe situata te filloje te përmirësohet.

Gaforrja

Dite e paqëndrueshme dhe shpeshherë delikate kjo e sotmja për ata qe janë ne një lidhje. Asgjë nuk do ece ashtu si ju e kishit menduar. Beqaret do kenë mundësi te mira për te gjetur një person qe do iu përshtatet ne çdo sektor. Ne planin financiar do përballeni me sfida te vështira te cilat nuk mund te kalohen pa ndihmën apo këshillat e specialisteve.

Luani

Yjet do iu bekojnë sot juve qe jeni ne një lidhje dhe gjithçka do shkoje për mrekulli. Do i zgjidhni me qetësi edhe disa hatërmbetje te se kaluarës. Beqaret do kenë një dite te zakonshme dhe pa ndonjë takim te veçante. Merrini gjerat shtruar sepse nuk keni çfarë te bëni tjetër. Merkuri do iu ndihmoje ne planin financiar dhe do iu gjeni zgjidhje problemeve.

Virgjeresha

Priten ndryshime shume te mëdha sot ne jetën tuaj sentimentale. Partneri do jete i gatshëm edhe për ndonjë çmenduri dhe do iu surprizoje pa mase. Beqaret do ëndërrojnë me kot për princin e kaltër sepse mundësitë gjate kësaj dite nuk do jene aspak te mira. Financat nuk do jene aspak ne një gjendje te qëndrueshme. Duhet shume maturi dhe kujdes për t’ia dale mbanë.

Peshorja

Pozicioni i Hënës ne qiellin tuaj te dashurisë do ketë ndikim mjaft pozitiv tel lidhja qe keni. Do tregoheni me tolerante dhe me te kuptueshëm me partnerin. Beqaret do tërhiqen tej mase nga një person i cili nuk do i beje aspak te lumtur madje mund t’iu krijoje edhe ankth. Financat fatmirësisht do jene ne një gjendje te qëndrueshme. Vazhdoni te shpenzoni me kujdes.

Akrepi

Marrëdhënia me atë qe keni ne krah do jete e tendosur sot dhe here pas here mund te keni edhe debate te forta. Te dy do kërkoni te dale e juaja dhe nuk do hapni rruge aspak. Beqaret me ne fund do kenë takime te rëndësishme dhe mund te fillojnë lidhje serioze. Ne planin financiar fati do iu buzëqeshë. Jo vetëm qe nuk do keni vështirësi, por mund te ketë edhe përmirësime.

Shigjetari

Ambienti do jete edhe me i ngrohte gjate kësaj dite ne jetën tuaj sentimentale. Do afroheni mjaft me partnerin dhe do e keni me te thjeshte për te folur hapur. Beqaret mund te zbulojnë me ne fund personin e ëndrrave. Gjithçka do jete shume me ndryshe për ta duke filluar qe sot. Financat do jete aq te mira sa mund te përfitoni për te hequr edhe disa para mënjanë.

Bricjapi

Duhet t’i kushtoni me shume vëmendje se kurrë sot jetës suaj ne çift dhe nuk duhet absolutisht ta lini pas dore atë qe keni ne krah. Ka disa persona qe iu vrojtojnë nga larg dhe mund te përfitojnë për t’ua rrëmbyer. Beqaret vetëm ne mbrëmje mund te realizojnë ndonjë takim interesant. Financat nuk do jene shume te mira kështu qe tregohuni te kujdesshëm.

Ujori

Shprehjani partnerit tuaj sot gjithçka qe ndjeni dhe mendoni dhe mos u mbyllni ne vetvete. Ne këtë mënyrë do i zgjidhni edhe problemet dhe do ndiheni me te qete. Beqaret do bëjnë edhe sakrifica vetëm për te gjetur një person, por serish do jene pa fat. Financat do jene te mira për aq kohe sa ju te tregoheni te organizuar dhe te shpenzoni me kujdes.

Peshqit

Rutina do mbizotërojë gjate gjithë kësaj dite ne jetën tuaj sentimentale. Asgjë nuk do shkoje ashtu si e kishit menduar dhe serish emocionet nuk do ekzistojnë. Beqaret do jene ende pa fat dhe nuk do e gjejnë ende personin e tyre te ëndrrave. Me financat nuk duhet te bëni çmenduri sepse situata mund t’iu dale jashtë kontrollit dhe do jete e vështirë te rivendoset ekuilibri.

The post Horoskopi ditor për nesër, e Premte 15 Gusht 2025 first appeared on JavaNews.al.

Tre persona humbën jetën në një aksident që ndodhi rreth orës 18:00 të ditës së djeshme në Itali, në ish-Rrugën Shtetërore 35 midis Pavias dhe Borgarellos.

Një makinë dhe një skuter u përfshinë në aksident. Informacionet fillestare tregojnë se dy persona po udhëtonin në skuter.

Motoçikleta u përplas ballë për ballë me një makinë që udhëtonte në drejtim të kundërt në ish-Rrugën Shtetërore 35 në Cassinino, midis Pavias dhe Borgarellos.

Përplasja midis makinës dhe skuterit ishte shumë e dhunshme. Dy personat në motoçikletë, një burrë dhe një grua, u hodhën dhe përfunduan në Navigliaccio, kanalin që kalon përgjatë rrugës.

Shoferi i makinës u nxor nga automjeti por pavarësisht ndërhyrjeve të emergjencës, nuk ishte e mundur të kthehej në jetë. Identitetet e tre viktimave janë aktualisht të panjohura. Përveç punonjësve të emergjencës, policia lokale dhe zjarrfikësit punuan për të nxjerrë trupat nga kanali. Prokuroria ka hapur një hetim për ngjarjen.

The post Makina përplaset me skuterin, tre të vdekur! Çifti me motor mbytet në kanalin pranë rrugës first appeared on JavaNews.al.

Kur Jensen Huang, shefi ekzekutiv 62-vjeçar i Nvidia shfaqet me xhaketën e lëkurës para një publiku, është e vështirë të përfytyrosh djaloshin imcak me flokë të errët në shkollën fillore që lante pjata e tualete në një shkollë me konvikt në Kentaki për fëmijët problematikë, ku kishte përfunduar gabimisht. I dërguar nga Azia në SHBA nga prindërit kur ishte 10 vjeç, bashkë me vëllanë dhe pa ditur asnjë fjalë anglisht, Huang u regjistrua në Oneida Baptist Institute nën kujdesin e të afërmve që besonin se ishte një shkollë prestigjioze dhe jo religjioze, shkruan Il Corriere della Sera.

Ajo përvojë i mësoi durimin që ishte thelbësor për të përmbushur ëndrrën amerikane, një mundësi që tanimë politikat e Shtëpisë së Bardhë kërcënojnë ta tkurrin. Huang drejton sot kompaninë publike më të vlefshme, me mbi 4,4 trilionë dollarë dhe është një nga figurat më me ndikim në teknologji. Me mikroçipet e avancuara, Nvidia po kontribuon në revolucionin e Inteligjencës Artificiale duke e bërë një nga personat më të pasur të planetit, me vlerë 158 miliardë dollarë.

Fëmijëria e tij ishte e larmishme. Lindi në vitin 1963 në Tajvan në një familje të shtresës së mesme. I ati ishte inxhinier kimik në një rafineri nafte, kurse e ëma mësuese. Në moshën 5-vjeçare, u zhvendos në Bangkok me familjen për shkak të punës së të atit. Qëndroi atje për katër vite pasi në 1973, pas një udhëtimi pune në Nju-Jork, i ati vendosi t’i dërgonte fëmijët te kushërinjtë emigrantë në Uashington. Në Kentaki, veç pastrimit të përditshëm të tualeteve të shkollës, Huang mësoi të luante ping pong.

Dy vite më vonë, edhe prindërit e tij emigruan në SHBA duke u vendosur në Oregon dhe iu bashkuan edhe fëmijët. Huang doli shkëlqyer me mësime në Aloha High School sa kapërceu dy klasa. Ai shkëlqeu në matematikë, shkenca kompjuterike, shkencë dhe ping pong ku u rendit në listën kombëtare. Për të fituar degën në inxhinieri elektrike, shkoi në Oregon State University pasi tarifa ishte e përballueshme.

Ndërsa gjatë ditës punonte si dizenjues çipesh në AMD në Luginën e Silikonit, Huang ndiqte shkollën e natës për programin master në inxhinieri elektrike në Stanford. Ai u zhvendos te konkurrenti LSI Logic ku u njoh me dy inxhinierë të tjerë, Chris Malachoësky dhe Curtis Priem.

Pika e kthesës ishte viti 1993: ata themeluan Nvidia me një kapital me vetëm 600 dollarë, ku secili kishte kontribuar me 200. Nuk kishte garazh si Steve Jobs e të tjerë. Ata folën për një plan biznesi në një restorant ku Huang kishte punuar ndërsa studionte. Ishte më qetë sesa në shtëpi dhe kafeja nuk kushtonte.

Kompania u quajt fillimisht Nvision, por Huang e ndryshoi në Nvidia më vonë, shprehja latine për zilinë pasi Priem donte që konkurrentët “të plasnin nga zilia”. Vizioni ishte të dizenjonin çipe grafikash për lojërat kompjuterike. Kompania u bë publike në 199, por njihej vetëm nga adhuruesit e lojërave dhe ekspertët. Fama erdhi kur Huang kuptoi se kapaciteti paralel i përpunimit të GPU lidhet me Inteligjencën Artificiale. Në qershor 2024, Nvidia arriti në 3 trilionë dollarë për herë të parë. një vit më vonë, kaloi 4 trilionë.

Huang e përmend këtë edhe në profilin e tij në LinkedIn. Ai e di se Nvidia po ndryshon rrënjësisht përpunimin e të dhënave dhe çfarë mund të bëjnë kompjuterët. Përparimi i radhës do të ishte kombinimi i GPU-ve me kompjuterin kuantik. Revolucioni i ri industrial ka nisur. Tani nuk ka rëndësi që Nvidia do t’u paguajë SHBA-ve 15% të eksportit të shitjeve të çipeve të saj në Kinë, sipas marrëveshjes me presidentin Trump.

The post Pjatalarësi që themeloi kompaninë 4 trilionë dollarëshe, historia e CEO-s së Nvidia first appeared on JavaNews.al.

Këtë të enjte, më 14 gusht, kryeministri Edi Rama ka bërë një tjetër reagim lidhur me situatën e zjarreve që kanë përfshirë prej javësh gjithë vendin, nga veriu në jug.

Ndërsa ndan me qytetarët një video në rrjetet sociale, Rama shpreh falenderimet e tij për forcat komando, që kanë punuar përgjatë gjithë vijës së Sopotit, një nga zonat më të vështira.

“Një FALENDERIM i posaçëm me MIRËNJOHJE për Forcat Komando, të cilat gjatë gjithë natës deri në mëngjes u bënë një vlerë e shtuar në pastrimin nga çdo vatër të të gjithë vijës së Sopotit, mes Delvinës dhe Gjirokastrës, 10km front zjarri që tanimë është qetësuar plotësisht.”, shkruan Rama.

Më herët kryeministri falenderoi të gjitha strukturat në terren për sakrificat dhe përkushtimin në përballimin e kësaj situate emergjente. Ai theksoi se situata është përmirësuar falë punës së jashtëzakonshme në terren, por paralajmëroi për rreziqe të vazhdueshme, ndërsa nuk ngurroi të bënte dhe një kritikë për reagimet mediatike.

 “MIRËMËNGJES dhe me një tjetër ditë gatishmërie të lartë e përpjekjesh të përbashkëta, përballë një situate të përmirësuar falë mundimesh e sakrificash të admirueshme por me rreziqe e të papritura në çdo çast; me neveri për lehaqeniet që vazhdojnë avazin e tyre të krehjes para pasqyrave mediatike, teksa në tërë Europën Jugore digjen në flakë mijëra vatra zjarri nga Spanja e deri në Turqi, ju uroj një ditë sa më të qetë të gjithëve.”, shkroi Rama.

Ditën e djeshme ai tha se ishte “Një ditë sakrifice dhe krenarie për të gjitha strukturat shtetërore, që vijojnë pa ndërprerje përpjekjet në terren për shuarjen e flakëve në të gjithë vendin.”

The post VIDEO / Rama: Forcat Komando, vlerë e shtuar në luftën kundër zjarrit mes Delvinës e Gjirokastrës first appeared on JavaNews.al.

Rusia dhe Shtetet e Bashkuara kanë diskutuar një model për t’i dhënë fund luftës në Ukrainë. E gjitha ka të bëjë me një ngjashmëri totale me situatën në Bregun Perëndimor dhe Rripin e Gazës. Lajmi është bërë i ditur nga burime ekskluzive për median britanike The Times.

Sipas këtij skenari, Rusia do të kishte kontroll ushtarak dhe ekonomik mbi Ukrainën e pushtuar nën organin e vet qeverisës, duke imituar sundimin de facto të Izraelit mbi territorin palestinez të marrë nga Jordania në vitin 1967, shkruan A2.

Ideja u ngrit një javë më parë në diskutimet midis Steve Witkoff, të dërguarit të paqes të Presidentit Trump, dhe homologëve të tij rusë, sipas një burimi pranë këshillit të sigurisë kombëtare të SHBA-së. Witkoff, i cili është ngarkuar gjithashtu nga Trump me detyrën për të sjellë paqe në Lindjen e Mesme, kuptohet se e mbështet idenë, të cilën amerikanët besojnë se anashkalon barrierat në kushtetutën ukrainase për të lëshuar territor pa mbajtur një referendum “gjithë-ukrainas”.

Presidenti Zelensky ka refuzuar të pranojë dorëzimin e tokës, por modeli i pushtimit mund të jetë një mekanizëm për të lejuar një armëpushim pas tre vitesh e gjysmë lufte. Sipas këtij modeli, kufijtë e Ukrainës nuk do të ndryshojnë, ashtu siç kufijtë e Bregut Perëndimor kanë mbetur të pandryshuar për 58 vjet, vetëm nën kontrollin izraelit.

“Do të jetë sikur Izraeli të pushtojë Bregun Perëndimor”, tha burimi para samitit të Trump me Presidentin Putin në Alaska të premten. “Me një guvernator, me një situatë ekonomike që shkon në Rusi, jo në Ukrainë. Por do të jetë ende Ukraina, sepse … Ukraina nuk do të heqë dorë kurrë nga sovraniteti i saj. Por realiteti është se do të jetë territor i pushtuar dhe modeli është Palestina”, citon The Times.

Megjithatë, një zëdhënëse e Shtëpisë së Bardhë e mohoi raportin. “Ky është një lajm i rremë”, tha Anna Kelly me anë të një reagimi në X. “Asgjë e kësaj natyre nuk është diskutuar kurrë me askënd.”

Pushtimi i Izraelit është shpallur i paligjshëm nga Gjykata Ndërkombëtare e Drejtësisë, e cila nuk njihet nga SHBA-të dhe pranohet vetëm pjesërisht nga Rusia. Në mars të vitit 2022, gjykata urdhëroi Rusinë të “pezullojë menjëherë operacionet ushtarake” në Ukrainë, me një votim prej 13 votash pro dhe dy kundër, në të cilin gjyqtarët rusë dhe kinezë ishin kundër. Urdhri është i detyrueshëm për Rusinë, por gjykata nuk ka mjete për ta zbatuar atë.

The post Propozimi Rusi-SHBA: Ukraina Lindore të qeveriset si Bregu Perëndimor first appeared on JavaNews.al.

Myslim Murrizi këmbëngul për hetimin e aferës korruptive “Bankers”, e cila, sipas tij, është një ndër më të mëdhatë në vend.

Ai ka nxjerrë edhe emrat e disa politikanëve që kanë përfituar miliona euro, duke përfshirë Eduard Halimin.

Murrizi thotë se PD është e kapur vetë në këtë aferë, ndaj dhe nuk flet.

“Prej 21 vitesh nga viti 2004 ky tren ngarkohet 3 her ne dite me nafte nga nentoka shqiptare dhe udheton nga Ballshi per ne Vlore duke grabitur rreth 15 miliard euro pasuri shqiptaresh pa paguar kokerr leku tatim fitimi ne arken e shtetit.

Prej 21 vitesh qent, haletë, zagaret dhe felliqesirat politike qe ju shqiptarë votoni çdo 4 vjet vjedhin se bashku qindra miliona euro pasuri tuajën dhe ju e bleni naften e benzinen me shtrenjte se te gjith vendet e tjera te rajonit e Europes.

Vetem 3 mender studio ligjore kane mare si “ peshqesh” per 5-6 vite 13,4 milion euro nga viti 2019 kur PD shiti jo dogji mandatet.

Alket Hyseni ish deputet i PS dhe ish drejtor i pastrimit te parave ne vitet 2016-2017 ne qeverinë Rama ka mare 6 milion euro nga viti 2018-2025.

Studio e Eduart Halimit, ish- minister dhe ish- deputet i PD ka mare 2.7 milion euro nga shkurti 2019 deri ne qershor 2025 me 2 punonjes te punesuar dhe 720 mij euro i ka mar 4 ditë pasi PD dogji mandatet, pra date 23 shkurt.

Studio e avokat Besnik Çerekja me gjithë bashkeshorten  qe perdoret si nga PS dhe nga PD si sekser ligjor per pazare te pista kanë marre 4.4 milion euro nga viti 2020 deri ne qershor 2025.

Per çudi ne 21 vjet asnje hale-deputet nuk ka folur dhe nuk flet asnje fjale per kete super vjedhje, por 4-5 dite ne gusht i shoh qe qajne me lot e me qurre here per hotelet e her per TV e Z Irfan Hysenbelliu edhe pse vete pronari nuk del ne proteste se ka lene tufen e peshtire te lehesve me pages si qentë per kocka.

Kanadeze, amerikanë dhe kinez si ÇUF XHUF XING PINGU kane mare rroga nga 1-2-3 milion euro ne vit dhe sipas pergjimeve telefonike XHUF XING PING QINGU kishte edhe kerkesa per zonjat dhe zonjushat qe punonin tek BANKERS PETROL-HAJDUT qe te visheshin sipas gustovo te tij her me fund her me fustane e her me pantallona, por gjithë heret pa brek sepse keshtu i pelqente kinezit XING XING MUT PING XHUNG.

Ooooo deputetët të PD dhe funksionarë politik të PD.

A keni kellqe te belbezoni nje fjale per vjedhjen me te madhe te shekullit?????

Se deputetetë dhe funksionaret e PS edhe po te duan nuk jua mban se ju dhjet ne goje Rama.

Por edhe juve nese do ta hapni gojen si laraska ne oborr te ish- kombinatit te autotraktoreve apo tek mali i robit ne Golem do ju dhjesin ne goje shqiptaret siç ju kane dhjerë me vote ne kuti prej vitit 2013 por ju ju duket era e te dhjerit si ere parfumi”, shkruan ai.

The post “Qajnë për hotelet e Irfanit e s’flasin për Bankers”, Murrizi: Ja ish-ministri i Berishës që mori 2,7 mln euro first appeared on JavaNews.al.

Gjatë 48 orëve të fundit, Shqipëria është përballur me një situatë të vështirë për shkak të përhapjes së zjarreve në disa qarqe të vendit. Megjithatë, falë përpjekjeve të palodhura të mbi 1,100 forcave të emergjencave, të ndihmuar edhe nga mbi 400 pjesëtarë të FA-së, situata po paraqitet më e stabilizuar mëngjesin e sotëm.

Ministria e Mbrojtjes në bilancin që ka publikuar bën me dije se janë raportuar gjithsej 57 vatra zjarri, nga të cilat 29 mbeten ende aktive, me përqendrim të lartë në qarqet Vlorë, Berat, Dibër, Elbasan dhe Tiranë.

Forcat zjarrfikëse, efektivët e Forcave të Armatosura, autoritetet vendore dhe strukturat mbështetëse kanë ndërhyrë me intensitet të lartë në zonat më të prekura, duke përdorur mbi 65 automjete zjarrfikëse, 3 helikopterë të FA dhe mbështetje ndërkombëtare nga Italia dhe Emiratet e Bashkuara Arabe.

Në disa raste, është bërë edhe evakuimi i banorëve për të shmangur humbje në njerëz, si në Gramsh dhe Delvinë ku situata arriti pikën kritike mbrëmjen e së martës. Ndërsa në terren vijon lufta për izolimin dhe shuarjen e vatrave, strukturat përgjegjëse janë në gatishmëri të plotë, duke monitoruar me kujdes çdo zhvillim.

NJOFTIMI:

Qarku Vlorë

Në bashkinë Delvinë vijon puna për vatrën e zjarrit në Syrin e Kaltër. Në terren po operojnë: 67 forca zjarrfikëse me 11 automjete, 30 forca bashkiake, 80 efektivë të FA me 10 automjete transporti, 6 autoambulanca dhe 30 forca mbështetëse. Zjarri vazhdon aktiv në lartësitë e Malit të Sopotit.Vijon të jetë aktive vatra në fshatrat Pecë, Sirikat dhe Kardhikaq, bashkia Finiq. Situata po mbahet në vëzhgim nga strukturat vendore. Zjarri në fshatin Kuç, njësia administrative Horë-Vranisht, bashkia Himarë, vijon në një sipërfaqe me shkurre dhe pyje. Po operojnë forcat zjarrfikëse.Në fshatin Brataj, njësia administrative Brataj, bashkia Selenicë, është shfaqur një vatër zjarri. Po operojnë forcat zjarrfikëse.

Qarku Dibër Në Malin me Gropa në Biz të Martaneshit, në afërsi të fshatit Val, njësia administrative Martanesh, bashkia Bulqizë, në zonë të mbrojtur. Forcat zjarrfikëse janë përqendruar në monitorim duke mbajtur këtë vatër nën kontroll. Ditën e sotme në terren ndodhen 2 forca nga AdZM dhe 5 forca vullnetare.Në fshatin Tërnovë, njësia administrative Zerqan, bashkia Bulqizë, zjarri është zhvilluar në disa vatra, por me intensitet të lartë në zonë me pyje, ndihmuar nga era. Ditën e sotme vazhdon operacioni me 8 forca nga MZSH, 6 forca pyjore, 4 forca bashkiake dhe 30 efektivë të FA. Nuk ka rrezik për banesa.

Qarku Berat

Në fshatrat Zhapokikë, Plashnik (lagja Lugas) dhe Zona e Mbrojtur “Rezervati i Menaxhuar Balloll” në zonën e Tërpanit, me origjinë në fshatin Rehovë, njësia administrative Tërpan, bashkia Poliçan. Në fshatin Plashnik, për shkak të intensitetit të lartë të zjarrit dhe erës së fortë u rrezikuan seriozisht banesat në lagjet Totaj, Ziflaj, Serjanaj dhe Beqiraj, ku dje u evakuan 20 banorë. Sot në ndihmë të forcave tokësore shkuan edhe 2 helikopterët e Emirateve të Bashkuara Arabe si dhe 2 helikopterët që operonin në bashkinë Gramsh. Në fshatin Velçan, njësia administrative Sinjë, bashkia Berat. Gjatë natës në terren qëndruan 2 grupe shërbimi me 2 automjete zjarrfikëse.Në fshatin Orizaj, njësia administrative Qendër Skrapar, bashkia Skrapar, vijon zjarri në një sipërfaqe me shkurre e bimësi mare. Vatra nuk paraqet rrezik dhe gjatë natës është mbajtur në monitorim nga strukturat bashkiake.Në fshatin Vokopolë, njësia administrative Tërpan, bashkia Poliçan, vatra e zjarrit ka qenë me intensitet të ulët dhe po mbahet në monitorim. Vatra e zjarrit midis qytetit të Poliçanit dhe fshatit Mbrakull vazhdon, por situata ka qenë e qetë dhe nën kontroll nga forcat zjarrfikëse.

Qarku Tiranë

Në “Malin e Bërzhitës”, fshati Ibë, njësia administrative Bërzhitë, vijon zjarri. Gjatë ditës në terren u angazhuan 3 automjete zjarrfikëse me 12 efektivë nga MZSH Tiranë, 5 forca APR dhe forca nga Policia e Shtetit, të cilët arritën ta vinin vatrën nën kontroll duke evituar rrezikun për banesat. Vijon puna për shuarjen e zjarrit në fshatin Damjan-Fortuzaj dhe Isufaj, njësia administrative Vaqarr, bashkia Tiranë. Në terren u angazhuan 3 automjete zjarrfikëse me 16 efektivë nga MZSH, 5 forca nga APR dhe forca nga Policia e Shtetit, të cilët arritën ta vinin vatrën nën kontroll. Në fshatin Ferraj dhe Zall-Herr, njësia administrative Zall Herr, bashkia Tiranë, vijon puna për shuarjen e zjarrit. Si pasojë e terrenit kodrinor-malor ka qenë i vështirë veprimi i mjeteve zjarrfikëse dhe nuk u mundësua shuarja e plotë e flakëve, por u arrit të vihej nën kontroll duke evituar rrezikun për banesat. Vijon puna për shuarjen e zjarrit në fshatrat Spanesh dhe Kazie, njësia administrative Kryevidh, bashkia Rrogozhinë. Ditën e sotme zjarri është izoluar dhe po mbahet në vëzhgim.

Qarku Gjirokastër

Vijon puna për shuarjen e zjarrit të ardhur nga bashkia Finiq në territorin e bashkisë Dropull, në drejtim të fshatit Dhuvjan dhe fshatrat Lugar e Frashtan, vatër e cila u përhap në dy fronte në majën e Leftokaresë dhe më pas u vu nën kontroll.Vijon puna për shuarjen e zjarrit në Hormovë, njësia administrative Qendër Tepelenë, bashkia Tepelenë. Sot nuk ka vatra aktive në fshatra, por vetëm në lartësi të Majës së Golikut. Në malin e Sopotit ka rënë zjarr në afërsi të antenave të RTSH. Sipërfaqja e djegur po mbahet nën monitorim.

Qarku Elbasan

Sot që në orët e para të mëngjesit ka vijuar puna për shuarjen e zjarrit të rënë në fshatin Kullollas, njësia administrative Skënderbegas, bashkia Gramsh, në një zonë pyjore. Në terren u angazhuan: 30 forca zjarrfikëse me 11 automjete të MZSH-ve Gramsh, Elbasan, Cërrik dhe Librazhd; 60 forca bashkiake; 80 forca vullnetare dhe 70 efektivë të FA me 2 mjete zjarrfikëse. Në operacionet ajrore morën pjesë 2 helikopterë (çek dhe sllovak). Operacioni vazhdon me angazhimin e forcave vendore. Ka vijuar puna për shuarjen e zjarrit të rënë në fshatin Kodovjat, afër fshatit Posnovisht, njësia administrative Kodovjat, bashkia Gramsh. Pas punës së forcave në terren u arrit të izolohet zjarri dhe gjatë natës është mbajtur në monitorim. Vijon të jetë i pranishëm zjarri i rënë në fshatin Mukaj dhe fshatin Sojnik, njësia administrative Kukur, bashkia Gramsh, në sipërfaqe me shkurre dhe ferra. Nuk kanë qenë të rrezikuara banesat.

Qarku Shkodër

Në bashkinë Fushë Arrëz, në fshatin Xath, njësia administrative Blerim ka vijuar puna për shuarjen e zjarrit dhe vënien e tij në kontroll. Zjarri ka rrezikuar edhe fshatin Trun, në pjesën e majës së Kunor Dardhës, në një terren shumë të thyer malor. Aktualisht po operojnë forcat tokësore dhe helikopteri i FA.

Qarku Kukës Në fshatin Bele, njësia administrative Zapod, bashkia Kukës ka rënë zjarr në Parkun Natyror Korab-Koritnik, në një sipërfaqe pyjore. Vazhdon angazhimi i forcave në terren për izolimin dhe shuarjen e plotë të zjarrit.

Qarku Korçë

Ka vijuar puna për shuarjen e zjarrit të aktivizuar në një sipërfaqe pyjore me pisha në fshatin Gërmenj, njësia administrative Qendër Leskovik, bashkia Kolonjë. Në terren ndodhen forcat operacionale dhe 3 mjete për hapjen e rrugës dhe brezat e sigurisë kundër zjarrit. Gjatë ditës së djeshme ka patur shpërthime të municioneve që ndodheshin në brendësi të perimetrit të vatrës së zjarrit. Situata është në mbikëqyrje nga MZSH Kolonjë.

Në operacionet për shuarjen e zjarreve u angazhuan 65 automjete zjarrfikëse dhe 1,143 forca operacionale, të ndihmuar nga FA me 409 forca ushtarake, 23 automjete zjarrfikëse dhe 3 helikopterë të FA. Gjithashtu morën pjesë 7 helikopterë dhe 1 avion Canadair nga Italia.

The post Shqipëria në luftë me flakët, bilanci: 29 vatra zjarri ende aktive, mbi 1100 forca në terren first appeared on JavaNews.al.

Inteligjenca artificiale (IA) gjithnjë e më shumë po përqafohet nga shumë vende të Evropës, ndërsa Shqipëria po e shfrytëzon si një mjet kyç për modernizimin e shtetit, përshpejtimin e integrimit në Bashkimin Evropian dhe për të luftuar një prej problemeve të saj më të thella, siç është korrupsioni.

Sipas një artikulli të publikuar nga Politico, ndërsa Shqipëria pritet që në 2027 të hapë të gjitha negociatat me Bashkimin Evropian e në 2030-ën të bëhet pjesë e familjes së madhe europiane, IA (Inteligjenca Artificiale) është vënë në funksion të përshpejtimit të përkthimit dhe analizës së legjislacionit të BE-së (acquis communautaire). Sipas Odeta Barbullushit, ish-këshilltare për integrimin dhe profesoreshë në Kolegjin e Evropës në Tiranë, teknologjia mund të ndihmojë ndjeshëm në këtë drejtim.

“Vëllimi i dokumentacionit të BE-së është i jashtëzakonshëm. IA mund të ndihmojë realisht në përkthim dhe përputhje, por vendimmarrja mbetet politike,” tha Barbullushi.

Përdorimi i IA në luftën kundër korrupsionit dhe qeverisjes transparete

Një prej problemem më të mëdha me të cilën përballet vendi, që është dhe një prej pikave kyçe për integrimin e vendit, është korrupsioni. Politico nënvizon se qeveria shqiptare ka filluar të përdorë IA për të monitoruar dhe analizuar në kohë reale prokurimet publike, transaksionet doganore dhe fiskale, duke identifikuar shkeljet dhe parregullsitë. Teknologjia po ndihmon gjithashtu në kontrollin e territorit me dronë inteligjentë dhe satelitë për të zbuluar ndërtime pa leje dhe plantacione të paligjshme kanabisi.

Kujtojmë se në deklaratat e tij një muaj më parë, kryeministri Edi Rama shprehej se IA mund të luajë një rol themelor në transformimin e qeverisë. “Një ditë, mund të kemi edhe një ministri të drejtuar tërësisht nga inteligjenca artificiale. Kjo do të eliminonte nepotizmin dhe konfliktin e interesit.”, ka thënë ai.

Zbatimi i IA në infrastrukturë, shëndetësi dhe arsim

Përdorimi i IA në fusha të ndryshme, e konkretisht në trasnport, shëndetësi dhe arsim, është një tjetër fokus i qeverisë. Teknologjia e njohjes së fytyrës po testohet për të paralajmëruar shoferët përmes pajisjeve mobile në kohë reale për shkeljet e shpejtësisë, si dhe për të dërguar automatikisht gjobat përmes mesazheve apo email-it. Për shkak të aksidenteve fatale të regjistruara ndër vite, përdorimi i IA në funksion të teknologjisë, ka për synim përmirësimin e situatës e uljen e numrit të aksidenteve.

Në shëndetësi, autoritetet kanë plane për të përdorur IA për diagnostikim dhe menaxhim më të mirë të të dhënave mjekësore. Në arsim gjithashtu po shqyrtohet përdorimi i algoritmeve për të personalizuar mësimdhënien dhe për të monitoruar performancën e nxënësve.

Gjithashtu, teknologjia pritet të ndihmojë në krijimin e identitetit dixhital të qytetarëve për shërbime më efikase publike.

Kritikat

Megjithatë, zërat kritikë paralajmërojnë për rrezikun që IA të shërbejë si fasadë për problemet e vjetra. Deputetja e opozitës Jorida Tabaku thekson se teknologjia është vetëm një mjet dhe se suksesi i saj varet nga duart që e përdorin.

“Nëse të njëjtët aktorë që përfituan nga tenderët e korruptuar programojnë algoritmet, atëherë thjesht po maskojmë të kaluarën me teknologji të re. Nuk mund të rregullosh një sistem të korruptuar duke e vendosur në cloud.”, tha ajo.

Tabaku theksoi nevojën për transparencë, konsultim publik dhe kontroll demokratik, për të siguruar që IA të përdoret për progres real, dhe jo për të fshehur mangësitë e sistemit.

The post Politico: Shqipëria përdor IA për qeverisje, integrimin në BE dhe luftën ndaj korrupsionit first appeared on JavaNews.al.

The post Zjarret në vend, Policia bën bilancin: Në më pak se tre muaj identifikuam 137 autorë, 46 u arrestuan first appeared on JavaNews.al.

Deputeti i Partisë Socialiste, Erion Braçe u ka bërë thirrje të gjithë qytetarëve që të tregohen të kujdesshëm në këto ditë përvëluese gushti, ku zjarret po përpijnë gjithçka që po u del para.

Përmes një video sensibilizuese, socialisti u është drejtuar të gjithë qytetarët që të “harrojnë shpresën” këto ditë dhe të kujdesen me qëllim parandalimin e tragjedive si ajo e Gramshit apo Delvinës ku prej orësh të tëra tanimë flakët janë duke u përhapur me shpejtësi duke djegur banesa, kullota e bagëtitë e banorëve.

“Drama e Delvinës edhe e Gramshit Finiqit gjithashtu duhet të na bëjë të mendojmë për ato që janë gjëra të vogla dhe të thjeshta që mund të na shpëtojnë. Veçanërisht populli i fshatit, por të nxehtin e zjarreve.

Mos ndiz zjarr për asnjë arsye, mos ndiz zjarr qoftë në oborrin e shtëpisë tënde, qoftë edhe jashtë saj, atje ku është fshati i tërë atje ku është ekonomia e fshatit, atje ku është ambienti, lëri mbetjet e baçes tënde, lërë duhanin, lëre duhanin këto ditë, mos e hidh cigaren atje ku bari është i tharë, mos thyej një shishe dhe ta lësh atje ku bari i thatë mund të marrë zjarr në këto kushte ku nxehtësia është e tmerrshme.

Mos bëj zgarrë, mos bëj zgarrë në 40 gradë, mund të hash edhe brenda shtëpisë tënde mbi sobën me korrent, Pra janë gjëra të thjeshta, harroje shkrepsen këto ditë.”, thotë Braçe.

Kjo thirrje e socialistit vjen në kohë aspak të lehtë për vendin tonë. Aktualisht në Shqipëri vijojnë të jenë aktive 37 vatra zjarri, ku situata alarmante paraqitet në Delvinë dhe në Gramsh.

The post “Lëreni duhanin dhe gatuani me korrent”, Braçe apel qytetarëve: Mos ndizni zjarre, por… first appeared on JavaNews.al.