Silverstone nuk zhgënjen si gjithmonë. Edhe këtë sezon moti britanik i mbajti tifozët përpara ekranit në të 52 xhirot e garës. Vendasit u shpërblyen me fitoren e McLaren dhe Lando Norris, mgjs një tjetër patriot i njohur mbeti jashtë podiumit. Më poshtë ju njohim me numrat që duhet të dini…

• Norris u bë britaniku i 13 që fiton në “British Grand Prix”.

• Ishte gara e 25 që fitohet nga një pilot britanik në Silverstone në 75 vite kompeticion.

• McLaren fitoi për të parën herë në Silverstone qe prej vitit 2008 me Leëis Hamilton.

• Norris reduktoi diferencën në klasifikimin e përgjithshëm në 8 pikë pas Oscar Piastri-t.

• Me Piastri-n në vendin e 2, McLaren vendosi pilotët në 2 vendet e para në Austria dhe Britaninë e Madhe.

• McLaren mbylli garën me dy pilotët në vendet e para për të 5 herë në 2025, më shumë se cdo sezon tjetër në shekullin e 21.

• Me vendin e 3 për Kick Sauber, Nico Hulkenberg kishte karrierën mpë të gjatë në F1 pa një podium (238 Grands Prix në më shumë se 15 vite).

• Sauber gjeti podiumin e parë prej Japoni së në vitin 2012 me Kamui Kobayashi-n.

• Hulkenberg u bë gjermani i parë në podium prej Sebastian Vettel në vitin 2021 në “Azerbaijan Grand Prix”.

• Hulkenberg është piloti më i vjetër që shkon në podium për të parën herë (37 vjec) prej George Follmer (39 vjec) në “Spanish Grand Prix” të vitit  1973.

• Kick Sauber u ngjit në vendin e 7 në Klasifikimin e Konstruktorëve pas këtij rezultati.

• Hulkenberg u nis nga vendi i 19, pozicioni më i keq për një pilot që e mbyll garën në podium në historinë 32 vjecare të Sauber.

• Nico Hulkenberg kaloi 177 xhiro në pozicione podiumi përpara garës së këtij viti në ishull.

• Gjermani u bë piloti i 218 që ngjitet në podium në historinë e F1.

• Me vendin e 4 për Ferrari-n, Leëis Hamilton përsëriti rezultatin më të mirë sezonal për të dytën garë rradhazi.

• Pozicion që i dha fund 12 garave rradhazi që Hamilton ngjitej në podium në Silverstone (seria më e gjatë nga cdo pilot në cdo cirkuit).

• Pas vendit të 5 për Red Bull, Max Verstappen e sheh kreun e klasifikimit, 69 pikë më poshtë.

• Me vendin e 6, Pierre Gasly rregjistroi rezultatin më të mirë sezonal për Alpine.

• Lance Stroll në vendin e 7 për Aston Martin ishte pozicionimi i parë në top8 pas Australisë në fillim të sezonit.

• Stroll xhiroi në pozicion podiumi për të parën herë prej vitit 2023.

• Williams dhe Alex Albon morën pikë në Silverstone për të 3 sezon rradhazi.

• Fernando Alonso u rendit në vendin e 9 për Aston Martin, për të 4 garë rradhazi këtë sezon.

• Alonso mori pikë për të 6 garë rradhazi në Silverstone.

• Me George Russell në vendin e 10 dhe Kimi Antonelli-n jashtë garës, Mercedes mungoi për të praën herë në podium në Silverstone prej vitit 2012.

• Tetë konstruktorë u renditën në zonën e pikëve, më shumë se në cdo garë tjetër të këtij sezoni.

• Ferrarii i Charles Leclerc përfundoi jashtë zonës së pikëve për të parën herë këtë sezon.

• Red Bull dhe Yuki Tsunoda në vendin e 15, ishin të fundit për të dytën garë rradhazi.

• Antonelli u tërhoq për të 4 në 6 garat e fundit.

• Isack Hadjar u tërhoq për të praën garë këtë sezon (dështoi të nisej në Australi).

• Racing Bulls i pa dy makinat e saj jashtë që në xhiron e 19, për të praën herë prej garës së Kinës në vitin 2024.

The post Fakte dhe statistika për Silverstone 2025 appeared first on Gazeta Si.

Nga Gazeta Si – Dy fitore dhe një humbje në mbrëmjen e shqiptarëve në Champions League, rrjedhimisht dy skuadra të kualifikuara dhe kampionia e Shqipërisë që zbret në Conference League pas eleminimit. Zhgënjim total nga skuadra rrogozhinase e cila pësoo 5 gola në Islandë. Edhe një javë më parë Egnatia fitoi me golin e Grudës, por më pak se 24 orë më parë, ajo ishte inekzistente në transfertën ndaj Breidablik. Duke konfirmuar edhe një herë më parë se klubet e Superiores janë shumë larg konkurimit në Champions League. Tani rruga e “bandës” së Tetovës do të vazhdojë në Conference League…Arb Manaj është heroi i Dritës me 3 golat që shënoi në kualifikimin pas 180 minutash ndaj Differdange. Pasi dygolëshit të tij në pjesën e parê, vendasit ja dolën të barazonin me një gol për çdo pjesë. Por kampionët e Kosovës, gjetën golin e fitores jo shume larg fundit të kohës së rregullt për një kualifikim historik në Ligën e kampioneve. Sipas bookmaker’save evropianë, Drita do të jetë skuadra e vetme shqiptare në fazën e grupeve. Por kjo në Conference League, ku skuadra kosovare do të vazhdojë nëse eleminohet në raundin pasardhës të Champions League. Në fund Shkëndija, skuadra e dytë shqiptare që u kualifikua të martën në mbrëmje. Kampionia e Maqedonisë së Veriut hodhi një hap të rëndësishëm një javë më parë në Uells. Ndërsa vulosi gjithcka në shtëpi ndaj The New Saints që nuk rezultoi një pengesë serioze për kuqezinjtë e Tetovës.

The post Manaj kualifikon Dritën, Shkëndija i ndjek, Egnatia zhgënjen appeared first on Gazeta Si.

Tifozët shpesh ndihen të zhgënjyer kur vendi organizator i Kupës së Botës eleminohet. Në varësi të emrit dhe historisë kemi parë se ato shndërrohën në skuadrën e dytë për të cilën tifozët bëjnë tifo. Teorikisht janë të favorizuara ndaj pjesëmarrësve të tjerë për shkak të faktorit fushë dhe tifozërisë së garantuar. Për të parën herë në vitin 2026, turneu do të organizohet në 3 vende njëherazi, Shtetet e Bashkuara, Kanada dhe Meksikë. A do të përbëjë kjo diferencë? Ka nga ata që janë të bindur se në mos të tre organizatorët, Meksika do të shkojë larg. Në vazhdim ju njohim me rezultatet që arritën 23 vendet organizatore të Kupës së Botës:

• 6 fitues – Uruguaj (1930), Italia (1934), Anglia (1966), Gjermania Perëndimore (1974), Argjentina (1978), Franca (1998)
• 2 nënkampionë – Brazili (1950), Suedia (1958)
• 3 vende të treta – Kili (1962), Italia (1990), Gjermania (2006)
• 2 vende të katërta – Republika e Koresë  (2002), Brazili (2014)
• 5 cerek finalistë – Franca (1938), Zvicra (1954), Meksika (1970), Meksika (1986), Rusia (2018)
• 2 herë në fazën e 1/16 – SHBA (1994), Japonia (2002)
• 1 eliminim në fazën e dytë në grupe – Spanja (1982)
• 2 eliminime në fazën e grupeve – Afrika e Jugut (2010), Katari (2022)

The post Organizatorët e botërorëve… Si janë paraqitur ata? appeared first on Gazeta Si.

Ndeshjet e kthimit në turin paraeleminator të Champions League, luhen sot dhe nesër. Skuadrat shqiptare pas pak orësh në fushën e lojës me objektiv kualifikimin në turin tjetër. E pNdeshjet e kthimit në turin paraeleminator të Champions League, luhen sot dhe nesër. Skuadrat shqiptare pas pak orësh në fushën e lojës me objektiv kualifikimin në turin tjetër. E për këtë formacionet e tyre janë si më poshtë:
Shkëndija: Gaye; Trumci, Cake, Fetai, Webster; Alhassan, R. Ramdani; Tamba, Krasniqi, Latifi; Ademir
TNS: Roberts; Daniels, McGahey, Bodenham, Redmond; Corness, D. Williams; J. Williams, Holden, Brobbel; Wilson

FC Differdange 03: Felipe; Brusco, Bedouret, D’Anzico,; Franzoni, Jakobi, Reis, Lempereur; Abreu, Buch, Pinto
Drita: Maloku; B. Krasniqi, Bejtulai, Mesa, Ovouka; Dabiqaj, Balaj, Limaj, Krasniqi; Ajzeraj, Manaj

Breidablik: A. Einarsson; Jonsson, Margeirsson, Valgeirsson, Orrason; Steindorsson, Gunnlaugsson, Ludviksson, Bjarnason, Tomsen, V. Einarsson
Egnatia: Dajsinani; Anio, Xhemajli, Sota, Fangaj;  Medeiros, Aleksi, Melo; Selmani, Guindo, Gruda

The post UEFA Champions League, ja si do të luajnë skuadrat shqiptare appeared first on Gazeta Si.

Nga Gazeta Si – Në një karrierë të shpërndarë në 16 vite, Thomas Müller pa dhe fitoi gjithcka me klubin e fëmijërisë, Bayern Munich dhe Kombëtaren e Gjermanisë, duke cimentuar vendin dhe emrin e tij mes më të mëdhenjvë në Botën e futbollit, me rekorde që ndoshta edhe mund të mos thyhen asnjëherë. Më poshtë ju ftojmë të lexoni për karrierën dhe shifrat e vendosura nga Müller pas vallëzimit të fundit me ngjyrat e Bayern në “FIFA Club World Cup 2025”…
1 – Müller fitoi “FIFA World Cup 2014” në Brazil. Ai gjithashtu mori “Silver Boot” si Shënuesi i dytë më i mirë (5 gola) dhe “Silver Ball” si Lojtari i dytë më i Mirë pas Lionel Messi-t.
2 – Müller fitoi dy herë “UEFA Champions League” (2013 dhe 2020), si dhe luajti në dy Finale të humbura në 2010 dhe 2012. Ai ishte titullar në të katërta sfidat dhe shënoi në ruletën e 11m në humbjen e 2012 në “Allianz Arena”.
2 – Müller fitoi “UEFA Super Cup” në dy edicione (2013 dhe 2020) dhe “FIFA Club World Cup” në 2013 dhe 2020. Titulli i vitit 2020 ishte pjesë e “sextuple” në historinë e Bayern.
5 – Müller shënoi 5 tregolësha në karrierën e tij (për të rritur). Katër me fanellën e Bayern (dy në Bundesliga dhe 2 në DFB Cup), plus 1 për Gjermaninë në “2014 World Cup” kundër Portugalisë.
6 – Eshtë numri i trofeve që Müller fitoi në “DFB Cup”. Vetëm Bastian Schweinsteiger fitoi më shumë (shtatë).
8 – Numri i turneve madhorë ku Müller u grumbullua nga Gjermania (4 Kupa Bote dhe 4 Europianë). Ai luajti 36 ndeshje në këto kompeticione.
8 – Numri i golave që Müller shënoi kundër Barcelona-s. Asnjë lojtar tjetër që nuk ka luajtur asnjëherë në Spanjë nuk ka shënuar kaq shumë ndaj katalansve.

10 – Mosha në të cilën Müller iu bashkua Akademisë së Bayern nga klubi lokal, TSV Pähl në vitin 2000.
10 – Golat që Müller shënoi në Kupën e Botës (2010, 2014, 2018 dhe 2022). Vetëm 8 lojtarë në historinë e kompeticionit shënuan më shumë.
13 – Titujt kampionë që Müller fitoi në Bundesliga, më shumë se cdo lojtar tjetër në histori.
13 – Numri i trainerëve me të cilët Müller luajti në skuadrën e parë të Bayern (përfshi edhe ata provizorë). Ai luajti më shumë ndeshje nën drejtimin e Pep Guardiola-s (148).
13 – Numri që Müller mbajti më shumë në karrierën e tij te Gjermania.
16 – Numri i sezoneve rradhazi në të cilët Müller shënoi në Bundesliga, barazoi rekordin e Holger Fach, Mats Hummels, Bernd Nickel, Olaf Thon dhe Michael Zorc. Vetëm Nickel (Eintracht Frankfurt) dhe Zorc (Borussia Dortmund) e bënë dicka të tillë për një klub të vetëm.
17 – Numri i sezoneve që Müller luajti në Bundesliga. Vetëm Manfred Kaltz (për Hamburg), Karl-Heinz ‘Charly’ Körbel (për Frankfurt) dhe Klaus Fichtel (për Schalke 04) zhvilluan më shumë sezone për një klub të vetëm në kompeticion (të gjithë 19).

21 – Numri i asistëve që Müller dha në Bundesliga 2019/20. Rekord i ri në kampionat dhe barazim i rekordit të Lionel Messi-t në top5 kampionatet në Europë.
25 – Numri që mbajti Müller në skuadrën e parë të Bayern. Ai e shpjegon me dhënien e bluzës nga kujdestari i dhomave të zhveshjes që ndoshta mendonte se – “Nuk do qëndroja gjatë në klub, por u gabua”.
27 – Kundërshtari i preferuar në karrierën e Müller ishte Wolfsburg, të cilin e mundi 27 herë (nga 32 përballjet). Skuadër e preferuar për Müller edhe për shënimin e golave (15).
30 – Numri i asistëve që Müller dha në Champions League, i klasifikuar në vendin e 6 bashkë me Xavi Hernández.
34 – Numri i trofeve madhorë që Müller fitoi në karrierën e tij, lojtari më i suksesshëm në historinë e futbollit gjerman bashkë me Toni Kroos. 33 trofetë ai i fitoi me Bayern, plus “2014 World Cup” me Gjermaninë.
36 – Totali i golave të Müller në “DFB Cup”, i klasifikuar në vendin e 8 të të gjitha kohërave dhe vetëm 3 më pak se Robert Lewandowski, Hannes Löhr dhe Klaus Allofs në vendin e 5.
40 – Numri i kartonave të verdhë që Müller mori në 749 ndeshjet e luajtura për Bayern. Ai mori vetëm dy kartona të kuq (1 direkt, 1 pas dy të verdhave), duke humbur vetëm 5 ndeshje për shkak pezullimi.
45 – Müller luajti në 45 ndeshje “Der Klassiker” kundër Dortmund-it.
45 – Totali i golave që Müller shënoi për Gjermaninë, në vendin e 6 të të gjitha kohërave bashkë me Karl-Heinz Rummenigge-n.

56 – Totali i golave që Müller shënoi në Champions League, më shumë se cdo lojtar tjetër gjerman dhe i 6 i të gjitha kohërave. Golin e parë e shënoi në debutim kundër Sportingut të Lisbonës në Marsin e 2009.
67 – Numri i ndeshjeve që Müller luajti në “DFB Cup” – më shumë se cdo lojtar tjetër i Bayern dhe i 6 në listën e të gjitha kohërave të kompeticionit. Ai fitoi 58 prej tyre.
111 – Numri ndeshjeve që Müller fitoi në Champions League. Vetëm Cristiano Ronaldo fitoi më shumë (115).
131 – Totali i ndeshjeve që Müller luajti për Gjermaninë, nga debutimi në Marsin e 2010 deri në Korrik 2024. Vetëm Lothar Matthäus (150) dhe Lukas Podolski (137) luajtën më shumë për Kombëtaren.
150 – Golat që Müller shënoi në Bundesliga duke u renditur në vendin e 17 në historinë e kampionatit dhe i 4 në historinë e Bayern pas Gerd Müller (365), Leëandoëski-t (238) dhe Rummenigge-s (162).
163 – Numri i ndeshjeve që Müller luajti në Champions League (plus 2 në kualifikuese), duke kaluar Xavi Hernández (Barcelona) dhe vendosur një rekord në kompeticion për ndeshjet me një klub të vetëm në fitoren 9-2 ndaj Dinamos së Zagreb-it në Shtatorin e 2024. Ai është në vendin e 3 të të gjitha kohërave bashkë me Messi-n, pas vetëm Cristiano Ronaldo-s (183) dhe Iker Casillas (177).

178 – Numri i golave që u nisën nga këmbët e Müller në Bundesliga, më shumë se cdo lojtar tjetër nga viti 1992.
250 – Numri total i golave që Müller shënoi në të gjithë kompeticionet për skuadrën e parë të Bayern. Vetëm Gerd (566) dhe Lewandowski (344) shënuan më shumë për bavarezët.
238 – Numri i asistëve që Müller dha në karrierën e tij tek Bayern, më shumë se 100 nga ndjekësit, Franck Ribéry dhe Marco Reus.
328 – Ishin golat në të cilët u përfshi Müller (150 gola, 178 asists) në Bundesliga.
362 – Numri i ndeshjeve të fituara nga Müller në Bundesliga, 6 më shumë se Manuel Neuer. Por ai është i vetmi që ka fituar më shumë se 300 ndeshje për një klub (Neuer ka 279 fitore për Bayern).
503 – Ishin ndeshjet e Müller në Bundesliga, rekordmeni i Bayern (i ndjekur nga Sepp Maier me 473). Vetëm 11 lojtarë kanë luajtur më shumë në Bundesliga, ndërsa vetëm Michael ‘Ata’ Lameck (518 për Bochum), Kaltz (581 për Hamburg) dhe Körbel (602 për Frankfurt) luajtën më shumë ndeshje për një klub.
756 – Müller theu rekordin e Maier te Bayern me 710 ndeshje në raundin e 2 të sezonit 2024/25 ndaj Freiburg. Ai e përmirësoi rekordin me 756 në ndeshjen e fundit për klubin. 149 më shumë se cdo lojtar tjetër me përjashtim të portierëve (Gerd Müller ndjek me 607).
2008 – Viti në të cilin Müller debutoi për skuadrën e parë të Bayern kur zëvendësoi Miroslav Klose-n në minutën e 79th të barazimit 2-2 kundër Hamburg-ut që kishte në përbërje Vincent Kompany. Ishte vetëm 1 muaj përpara ditëlindjes së 19.
2010 – Ishte Kupa e parë e Botës për Müller (kishte luajtur vetëm 2 ndeshje për Gjermaninë), ku ai fitoi “Golden Boot” (5 gola, plus tre asists) si dhe cmimin “Best Young Player”.
2025 – Müller la Bayern-in si një Legjendë e klubit dhe futbollit gjerman në fund të rrugës në “FIFA Club World Cup 2025”.

The post Thomas Müller në shifra appeared first on Gazeta Si.

Nga Gazeta Si – Granit Xhaka harron Apeninet dhe zgjedh të shkojë në Arabinë Saudite. 32 vjeçari për të cilin u tha se do të shkojë te Milan, pastaj Juventus dhe në fund Inter, duket se ka rênë dakort me arabët e Neom SC ku pritet të marrë një pagë prej 10 milionë eurosh në sezon. Klubi saudit ka paraqitur një ofertë prej 6 milionë eurosh për Bayer Leverkusen dhe tratativa do te vazhdojë gjatë kësaj jave. Nëse klubet nuk bien dakort, Fenerbahce është gati të paraqesë ofertën per mesfushorin dardan që pëlqehet nga Jose Mourinho. Neom SC ka ardhur nga Liga e 1’rë dhe sezonin e ardhshëm do të luajë në Saudi Pro League. Skuadra drejtohet nga francezi Cristophe Galtier (që fitoi titullin në Ligue 1 me Lille në 2020-’21& PSG në 2022-’23) dhe në përbërje, mes të tjerëve ka edhe Alexandre Lacazette.

The post Një dardan në ‘Saudi Pro League’ appeared first on Gazeta Si.

Nga Gazeta Si – Pas një mbrëmjeje spektakolare dhe e udhëhequr nga Cole Palmer, Chelsea fitoi edicionin e parë të “FIFA Club World Cup” me formulën e re, kur mundi Paris Saint-Germain me 10 lojtarë. Në Finalen e luajtur në “MetLife Stadium”, Palmer shënoi dy herë në 8 minuta gjatë pjesës së parë dhe shërbeu për Joao Pedro-n përpara pushimit për golin e 3. Ishte një sukses i merituar për fituesit e Conference League ndaj kampionëve të Evropës në fuqi.

Në këtë mënyrë skuadra e Luis Enrique-s nuk e realizoi dot “quadruple”-n e trofeve madhorë në fundin e sezonit 2024/25. Paraqitja e londinezëve cimentoi statusin e tyre si një ndër skuadrat për tu mundur në Premier League dhe UEFA Champions League sezonin e ardhshëm. PSG nuk kishte përgjigje për lojën e Chelsea-t madje mund të ishte ndëshkuar dy herë nga Liam Delap që hyri në pjesën e dytë.

Ndonjë shpresë e mbetur për ta rihapur ndeshjen, u shua kur Joao Neves u ndëshkua me kartonin e kuq, 6 minuta nga fundi kur i shkuli flokët Cucurella-s ndërsa Chelsea zuri një vend në historinë e futbollit. Në fund cmimet: Cole Palmer rrëmbeu “Golden Ball” falë tre golave dhe dy asistëve gjatë turneuut. Robert Sanchez fitoi “adidas Golden Glove” pas paraqitjes së shkëlqyer edhe në Finale ndërsa Desire Doue u shpall “FIFA Best Young Player”. Sa i përket Shënuesit më të mirë, ishin 4 lojtarë që shënuan nga 4 gola si Di Maria (Benfica), Garcia (Real Madrid), Guirassy (Dortmund) dhe Leonardo (Al Hilal).

Në fund Enzo Fernandes, që pas titullit Kampion Bote me Argjentinën në Katar, fitoi edhe botërorin e vogël me blutë e Londrës. Fituesit e Kupës së Botës për klube si më poshtë:
5 – Real Madrid
3 – Barcelona
2 – CHELSEA
1 – Liverpool, Sao Paulo, Internacional, Milan, Manchester Utd, Inter, Manchester City

The post Chelsea dominoi Paris SG në New Jersey appeared first on Gazeta Si.

Numri 1 në Botë, Jannik Sinner fitoi të parin titull në Wimbledon duke i mohuar spanjollit Carlos Alcaraz të 3 Grand Slam rradhazi në ishull. 4-6 6-4 6-4 6-4 ishin shifrat e kampionit italian në “All England Club”, duke marrë revanshin për humbjen brutale në “French Open” që Alcaraz i shkaktoi 35 ditë më parë. Në “Roland Garros”, Sinner kryesonte pas dy seteve dhe kishte tre “championship points” – përpara se Alcaraz të përmbyste Finalen për një klasike në 5 sete dhe më shumë se 5 orë.

Sot  23 vjecari u përgjigj ndaj dy herë kampionit në fuqi, Alcaraz. Sinner që la pas dënimin 3 mujor, fitoi të 4 titull “Grand Slam” në karrierë dhe të parin jo në terren të fortë. Një performancë klinike që i dha fund serisë prej 24 fitoresh rradhazi të Alcaraz. Për një moment tifozët e Sinner u ndjenë në ankth kur italiani humbi mundësinë e parë për titull. Por ai ja doli të rekuperonte në mundësinë e dytë duke i mohuar 22 vjecarit Alcaraz shansin e të qënit tenisti i 5 në “Open era” që fitonte 3 tituj rradhazi në Wimbledon.

Fituesit në konkurimin tek për meshkuj në Wimbledon:
8 – Roger Federer (SUI)
7 – Pete Sampras (USA), Novak Djokovic (SRB), William Renshaw (BRI)
5 – Laurence Doherty (BRI), Björn Borg (SWE)
4 – Reginald Doherty (BRI), Anthony Wilding (NZL), Rod Laver (AUS)
3 – Wilfred Baddeley (BRI), Arthur Gore (BRI), Bill Tilden (USA), Fred Perry (GBR), John Newcombe (AUS), John McEnroe (USA), Boris Becker (GER)
2 – John Hartley (BRI), Joshua Pim (BRI), Norman Brookes (AUS), Gerald Patterson (AUS), Jean Borotra (FRA), René Lacoste (FRA), Henri Cochet (FRA), Don Budge (USA), Lew Hoad (AUS), Roy Emerson (AUS), Jimmy Connors (USA), Stefan Edberg (SWE), Rafael Nadal (ESP), Andy Murray (GBR), Carlos Alcaraz (ESP)
1 – Jannik SINNER (ITA)

The post Sinner mundi Alcaraz për titullin e parë në Wimbledon  appeared first on Gazeta Si.

Nga Gazeta Si – Marc Marquez fitoi “German Grand Prix”, një garë e mbushur me incidente që e ndihmoi të rriste diferencën në klasifikimin e përgjithshëm të “MotoGP” në 83 pikë. Spanjolli kishte fituar edhe eventin Sprint të së shtunës duke lënë pas Marco Bezzecchi-n në xhiron e fundit për suksesin e 10 nga 11 në vitin 2025. Gara e të dielës ishte starti i 200 në MotoGP dhe nuk krijoi vështirësi për pilotin e Ducati-t që kryesoi gjatë tërë distancës prej nisjes nga “pole position”. Pas tij ndodhi gjithcka, sidomos në kthesën e parë duke lënë në garë vetëm 10 nga 18 pilotë në finish.

Kjo ishte fitorja e 4 rradhazi për Marc Marquez dhe suksesi i 9 në MotoGP në Sachsenring. Në total në karrierën e tij, Marc u bë piloti i dyti me më shumë fitore në cilindratën maksimale, 69 ose 20 më pak se Valentino Rossi. Alex Marquez që është ende në rekuperimin e frakturës që pësoi dy java më parë në “Dutch Grand Prix”, u rendi i dyti, përpara Francesco Bagnaia-s që plotësoi podiumin. Edhe tifozët ishin në një mëndje, Piloti i Ditës ishte pikërisht fituesi i Garës. Kampionati botëror vazhdon javën e ardhshme dhe spostohet në “Czech Republic Grand Prix” në Brno.

The post Pole, Sprint, Garë – Marc Marquez i fiton të gjitha! appeared first on Gazeta Si.

Nga Gazeta Si – Sot është dita e Finales së “FIFA Club World Cup”, e para që do të luhet mes dy skuadrave të të njëjtit kontinent. Kjo për faktin se për të parën herë në kompeticion morën pjesë më shumë se një skuadër nga i njëjti kontinent. Pavarësisht kësaj, do të jetë sërish një moment historik. Superkompjuteri i Opta mbështet PSG të fitojë Finalen “Club World Cup” duke ju dhënë francezëve 64.4% shance në të parën Finale ndërkombëtare mes klubeve nga Anglia dhe Franca. PSG ka fituar 5 ndeshjet e fundit KO në të gjitha kompeticionet me një golevarazh të kombinuar 18-0. 

Chelsea dhe Paris Saint-Germain do të zbresin në “MetLife Stadiu” në një ndeshje ku nuk ishin të shumtë ata që besonin në skuadrën e Enzo Maresca-s. Nga ana tjetër skuadra e Luis Enrique-s vazhdoi formën e shkëlqyer që e ndihmoi të fitonte të parën “Treble” (Ligue 1, Coupe de France dhe Champions League). Pavarësisht se pësuan një humbje befasuese, 1-0 nga Botafogo në fazën e grupeve, ja dolën të fitonin ndaj Atlético Madrid, Seattle Sounders, Inter Miami, Bayern Munich dhe Real Madrid për të mbërritur në Finale me një golevarazh 16-0. 

Edhe Chelsea në grup u mund nga 3-1 nga Flamengo, por në vazhdim fitoi ndaj LAFC, ES Tunis, Benfica, Palmeiras dhe Fluminense. Për të fundit herë, londinezë dhe parizienë u takuan në raundin e 16 më të mirëve në “UEFA Champions League 2015-16” ku PSG u kualifikua pas shifrave 4-2. “The Blues” kanë një rekord të shkëlqyer kur flitet për Finale pasi fituan 5 të fundit në të cilat luajtën (përjashto “UEFA Super Cup”) prej vitit 2013. Finalja e fundit e humbur prej tyre është ajo e “FIFA Club World Cup”, 1-0 ndaj Corinthians në vitin 2012.

The post Botërori i klubeve përcakton sot fituesin appeared first on Gazeta Si.

Nga Gazeta Si – Iga Swiatek mundi në dy sete Amanda Anisimova-n dhe fitoi të parin Grand Slam në Wimbledon dhe të 6 në karrierë. Tenistja polake ka fituar 4 herë në “Roland Garros” (2020, 2022, 2023 dhe 2024) dhe 1 herë në “US Open” (2022) dhe suksesi i këtij viti në Wimbledon konfirmoi se ajo është një fituese e lindur. Nëse shkon në Finale, atëherë e fiton atë dhe si për ta konfirmuar, 24 vjecarja e bëri këtë në 57 minuta. Ishte hera e parë prej vitit 1911 që një teniste femër fitonte Finalen në Wimbledon pa humbur asnjë game. Numri 8 në klasifikimin botëror përsëriti kohën prej 25 minutash për mbylljen e setit të parë.

Vetëm 3 muaj më e re se kundërshtarja, amerikania Anisimova u duk nën presion dhe bëri shumë gabime në shërbimin e parë me të cilin ajo fitoi vetëm 9 pikë. Pavarësisht simpatisë së “Centre Court”, fati i ndeshjes nuk ndryshoi as në setin e dytë për numrin 13. Me një total prej 28 gabimesh të paforcuara, plus 5 gabime të dyfishta, Anisimova u detyrua të dorëzohej. Swiatek që në “Australian Open” nuk ka shkuar më larg se gjysëmfinalja, pas triumfit në Wimbledon, numëron 100 fitore në konkurimin tek në turnetë Grand Slam.

Kampionet e Wimbledon ndër vite janë këto: 
9 – Martina Navratilova (SHBA)
8 – Helen Wills Moody (SHBA)
7 – Dorothea Lambert Chambers (GBR), Steffi Graf (GER), Serena Williams (SHBA)
6 – Blanche Bingley (GBR), Suzanne Lenglen (FRA), Billie Jean King (USA)
5 – Charlotte Cooper Sterry (GBR), Lottie Dod (GBR), Venus Williams (USA)
4 – Louise Brough (USA)
3 – Maureen Connolly (USA), Maria Bueno (BRA), Margaret Court (AUS), Chris Evert (USA)
2 – Althea Gibson (USA), Dorothy Round (GBR), Kathleen McKane Godfree (GBR), May Sutton (USA), Maud Watson (GBR), Evonne Goolagong (AUS), Petra Kvitová (CZE)
1 – Iga SWIATEK (POL)

The post Swiatek triumfon në Wimbledon appeared first on Gazeta Si.

Nga Gazeta Si – Moti i lagësht ishte protagonist në “Liqui Moly Grand Prix of Germany” por sërish nuk ja doli ta ndalte Marc Marquez (Ducati Lenovo Team) nga vendosja e “pole position”. Ishte një rivalitet i ngushtë mes Johann Zarco (CASTROL Honda LCR) dhe numrit #93 në Provat Zyrtare që pa Marquez të fitonte me vetëm 0.151s. Cka do të thotë se Ducati niset përpara Honda-s në rradhën e parë në Sachsenring. Aprilia Racing dhe Marco Bezzecchi i ndjekin. Ky ishte “pole position” numër 73 për Marc Marquez, ndërsa Morbidelli niset i pari në rradhën e dytë përpara Pedro Acosta-s (Red Bull KTM Factory Racing) dhe impresionuesit Alex Marquez që përpiqet të limitojë dëmet në klasifikimin e përgjithshëm. I shtati do të niset Fabio Quartararo (Monster Energy Yamaha MotoGP) që në rradhën e tretë është bashkë me dominuesin e të premtes, Fabio Di Giannantonio (Pertamina Enduro VR46 Racing Team) dhe Miller. Ndërsa Binder, i zhgënjyeri Francesco Bagnaia (Ducati Lenovo Team) dhe Viñales kompletuan “top 12”.

The post Marc Marquez, i pandalshëm në shiun e Sachsenring appeared first on Gazeta Si.

Përjetimi i kolegëve për podiumin e parë në karrierën e tij tregoi vlerësimin që ambjenti i Formula 1 ka për Nico Hulkenberg që pas 15 viteve në pistë e meritoi atë çka arriti në Silverstone. Përveç asaj që bëri gjermani në “British Grand Prix” kishte edhe pilotë të tjerë që u konfirmuan, zhgënjyen apo dhe justifikuan besimin ndaj tyre. Madje jo vetëm pilotë por edhe skuadra. Këta janë  fituesit dhe humbësit në edicionin jubilar në Silverstone:

• Fitues
  Nico Hulkenberg
  Lando Norris
  Pierre Gasly
  Lance Stroll
  Lewis Hamilton

• Humbës
  Racing Bulls
  Oscar Piastri
  Red Bull
  Mercedes
  Charles Leclerc

The post Fitues dhe humbës në Silverstone appeared first on Gazeta Si.

Drejtuesit teknikë në Londër, Liverpool apo Manchester në Premier League kanë përshkuar udhëtime të ndryshme në karrierën si lojtarë. Të punosh si trainer në Premier League nuk është kaq e thjeshtë dhe një rrugë e shkurtër. Fitues të Champions League apo futbollistë amatorë, në sezonin 2025-26 në Premier League mund të gjesh trainerë me karrierë të larmishme që sa i përket sukseseve si lojtarë klasifikohen si më poshtë:

20. Tottenham – Thomas Frank
19. Wolves – Vitor Pereira
18. Brighton – Fabian Hurzeler
17. Sunderland – Regis Le Bris
16. Fulham – Marco Silva
15. West Ham – Graham Potter
14. Leeds United – Daniel Farke
13. Aston Villa – Unai Emery
12. Newcastle – Eddie Howe
11. Liverpool – Arne Slot
10. Everton – David Moyes
9. Crystal Palace – Oliver Glasner
8. Bournemoth – Andoni Iraola
7. Brentford – Keith Andrews
6. Arsenal – Mikel Arteta
5. Chelsea – Enzo Maresca
4. Burnley – Scott Parker
3. Nottingham Forest – Nuno Espirito Santo
2. Manchester United – Ruben Amorim
1. Manchester City – Pep Guardiola

The post Trainerët më të suksesshëm në karrierën si lojtarë appeared first on Gazeta Si.

Jessica Hull kthehet në vendin e rekordit botëror ndërsa Mondo Duplantis dhe Julien Alfred vazhdojnë mbrojtjen e titullit në “Wanda Diamond League” në “Herculis EBS Monaco”. Beteja për një vend në finalet e “Wanda Diamond League” do të jetë në një udhëkryq të rëndësishëm kur atletët më të mirë në Botë të udhëtojnë drejt “Côte d’Azur” për “Herculis EBS Monaco”.

Mitingu në Monaco është eventi i 10 në rrugën drejt finaleve dhe shumë sportistë do të kërkojnë fitoren decizive për tu kualifikuar. Kampionë olimpikë në fuqi dhe në “Diamond League” si Julien Alfred, Hamish Kerr dhe Marileidy Paulino janë mes atyre që shpresojnë të vazhdojnë formën aktuale edhe në “Stade Louis II”.

Në një miting që ka vendosur një sërë rekordesh botërore ndër vite, sytë do të jenë tek Mondo Duplantis, në paraqitjen e parë në “Diamond League” pas rekordit të ri botëror (6.28m) në Stockholm, një muaj më parë.

Australiania Jessica Hull kthehet në pistën ku një vit më parë vendosi rekordin botëror të 2000m, por këtë herë me objektiv në tpë qartë për garën e 1000m. Në pistë do të zbresin edhe disa prej talenteve të rinj në pistë si sensacionali australian i sprintit, Gout Gout që do të marroë pjesë në garën e 200 metrave për U23.

The post Publikohet lista për ‘Diamond League’ në Monaco appeared first on Gazeta Si.

Sulmuesi i Bayern Munich, Harry Kane kryesoi klasifikimin e shënuesvë në Bundesliga për dy sezonet e fundit dhe është sërish favoriti kryesor për ta bërë edhe në sezonin 2025/26. Por ashtu si në cdo fushë tjetër edhe në futboll, cdo vit sjell një rritje të konkurencës dhe Serhou Guirassy apo dhe Patrik Schick do të provojnë ti rrëmbëjnë Këpucën e Artë rivalit anglez. Kandidatë të tjerë i shohim në vijim…

Harry Kane (Bayern Munich)
Vdekja, taksat dhe golat e Kane janë të sigurtë. Sezonin e kaluar ai shënoi 26 herë (10 më pak se në debutim). 62 gola në 63 ndeshje në Bundesliga i dhanë atij cmimin e Lojtarit më të mirë të sezonit me një mesatare, gol për cdo 84.41 minuta!

Serhou Guirassy (Borussia Dortmund)
Guirassy ishte pranë rekordeve të Kane me 28 gola për VfB Stuttgart në sezonin 2023/24 dhe 21 në sezonin debutues te Dortmund. Sulmuesi nga  Guine shënoi edhe 13 gola të tjerë në UEFA Champions League  2024/25. 

Patrik Schick (Bayer Leverkusen)
Schick barazoi Guirassy me 21 gola në Bundesliga-n e fundit cka do të thotë se bomber-i i Leverkusen ishte në sezonin e tim më të mirë me 24 gola në 2021/22.

Jonathan Burkardt (Mainz)
Zotat e fitness-it ndihmuan Burkardt të linte pas dëmtimet për ta mbyllur sezonin 2024/25 si gjermani që shënoi më shumë me 18 gola në 29 ndeshje.

Tim Kleindienst (Borussia Mönchengladbach)
Burkardt nuk ishte gjermani i vetëm që u shfaq në listën e shënuesve më të mirë në kampionat, duke tërhequr vëmendjen e trainerit të Kombëtares, Julian Nagelsmann. Kleindienst u bë shpejt zgjedhja e parë e Gjermanisë me të cilën debutoi në Tetor 2024. Përpara se të dëmtohej, sulmuesi Gladbach shënoi 16 gola në sezonin e dytë pas 12 në të parin në Bundesliga.

Nick Woltemade (VfB Stuttgart)
Eshtë një tjetër shembull i shënuesve që kanë rënë në sytë e Nagelsmann. 22 vjecari luajti dy herë si zëvendësues i Kleindienst në UEFA Nations League, duke debutuar në Kombëtare si njeriu që udhëhoqi Stuttgart në fitimin e “DFB Cup  2024/25”. 5 golave në Kupë ai ju shtoi 12 në kampionat si dhe 6 të tjerë në “UEFA U21 Euros”.

The post Kush do ta fitojë Këpucën e Artë në Bundesliga? appeared first on Gazeta Si.

Fitore e merituar e shqiptarëve të Malit të Zi përballë rivalëve nga Maqedonia e Veriut. Bajovic (39’) dhe Ndiaye (71’) për çdo pjesë mjaftuan që Decic të të zhbllokonte sfidën dhe më pas ta fitonte atë. Favorizuar edhe nga inferioriteti i miqve pas kartonit të kuq të Mirchevski-t (50’). Edhe statistikat e kësaj përballjeje konfirmuan dominimin e shqiptarëve në “Tusko Polje” të Tuzit.

Barazim me gola në Estoni dhe Partizani kthehet me shpresa të mëdha për kualifikim një javë më pas në kryeqytet në Conference League. Sfidë që u vendos në pjesën e dytë pas të parës që nuk e zhbllokoi rezultatin. Dy minuta pas pushimit, Mannilaan realizoi golin e parë por festa e Kalju nuk do zgjaste shumë. I kthyer tek të kuqtë, Skuka shleu besimin me golin e barazimit.

Dramë në “Elbasan Arena” ku Vllaznia u mund vetëm në fund nga Daugavpils në një ndeshje to dominuar në fushë. Rastet dhe goditjet nga këndi e konfirmojnë diçka të tillë por kuqeblutë çaluan përpara portës ku nuk arritën të konvertonin epërsinë në lojë. Miqtë kaluan në avantazh me Lizunovs në 85’. Një gol me peshë duke pasur parasyësh që një javë më pas e presin Vllazninë në Lituani.

E barabartë në fushë por jo në rezultat ishte përballja mes Malishevës dhe islandezëve të Vikingur që u zhvillua në “Fadil Vokrri” në Prishtinë. 8-11 rastet për shënim dhe 6-6 goditjet nga këndi u ç’ekuilibruan nga goli i Hansen në minutën e dytë shtesë, përpara pushimit. Pjesa e dytë nuk iu mjaftoi “vendasve” të gjenin barazimin dhe kthimi pritet të jetë akoma më i vështirë.

Dështon Prishtina në Moldavi ku vendasit e Sheriff Tiraspol duket se e kanë siguruar kalimin në turin tjetër të Europa League. Diçka e tillë pas pokerit të një mbrëmjeje më parë ku protagonist ishte Bayala me 3 golat e tij në minutat 11, 19 dhe 74. Pesë minuta më pas ishte dhe Odede që shkroi emrin e tij në listën e golashënuesve. Edhe në statistikat e ndeshjes, dominues ishin moldavët përballë dardanëve që morën dy kartona të verdhë më shumë.

The post Shpresë për Decic dhe Partizanin në Conference League appeared first on Gazeta Si.

Christian Horner nuk e përfundoi dot vrapimin e parë të dekadës së 3 në krye të Red Bull Racing. Pas 20 viteve në drejtim, gjatë të cilëve ai krijoi jo një, por dy Epoka mes Austrisë dhe Anglisë. Ai punoi me 14 pilotë gjatë kësaj kohe dhe u shndërrua në drejtuesin më jetë gjatë në cirkuit deri pak orë më parë. Kjo sa për meritë dhe rezultate po aq edhe për shkak të largimit të kolegëve më të vjetër. I vetmi që mund ta arrijë në të ardhmen e afërt, mbetet Toto Wolff që drejton Mercedes.

Në total ai e drejtoi skuadrën në 405 gara, duke fituar 124 prej tyre. 14 tituj në total janë të lidhur me emrin e tij, 8 nga të cilët për pilotë dhe 6 për konstruktorë. Christian Horner është i dyti sa i përket garave të fituara nga “Team Principal”. Kryeson Ron Dennis me 138 gara të fituara, 14 më shumë se Horner që ndiqet nga Wolff me 120. Top5 plotësohet nga Sir Frank Williams me 114 gara të fituara dhe Jean Todt me 98 fitore.

The post Vrapimi i lënë në mes… appeared first on Gazeta Si.

Anglezët e Chelsea-t dhe francezët e Paris Saint-Germain u kualifikuan për Finalen e “FIFA Club World Cup” në New Jersey. Sfidë që për të parën herë do të luhet në këtë nivel ndërsa dy gjigandët evropianë kanë patur edhe përballje të tjera në të shkuarën. Në total do të jetë ndeshja e 9 ndërsa kanë luajtur 6 herë në periudhën 2014-2016. Gjithmonë ka qënë një sfidë e ekuilibruar që ka rezultuar në dy fitore për londinezët dhe 3 për parizienët (3 barazime plotësojnë serinë). Gola të paharruar janë shënuar nga kampionë të tillë si Didier Drogba, Javier Pastore, Ibrahimovic dhe Edinson Cavani.

Shtator 2004: PSG 0-3 Chelsea
Nëntor 2004: Chelsea 0-0 PSG
Prill 2014: PSG 3-1 Chelsea
Prill 2014: Chelsea 2-0 PSG
Shkurt 2015: PSG 1-1 Chelsea
Mars 2015: Chelsea 2-2 PSG (aet)
Shkurt 2016: PSG 2-1 Chelsea
Mars 2016: Chelsea 1-2 PSG

Në të njëjtën kohë Chelsea dhe Paris Saint-Germain kanë ndarë mes tyre disa prej lojtarëve dhe trainerëve më të mirë në historinë e futbollit. Fillimisht në Londër, për tu transferuar në Paris dhe anasjelltas. Rrugë që e kanë përshkuar duke fituar emra si Thiago Silva, George Weah, Claude Makelele, David Luiz, Nicolas Anelka në fushë si dhe Thomas Tuchel, Mauricio Pochettino dhe Carlo Ancelotti në stol.

The post Botërori i klubeve, Chelsea-PSG për një Finale ëndërrash! appeared first on Gazeta Si.

Drejtori i Përgjithshëm i Red Bull Racing dhe “Team Principal”, Christian Horner është shkarkuar sot nga funksionet që mbante prej 20 vitesh tek kampionët në fuqi për pilotë në Formula 1. Pozicionin e tij do ta marrë kolegu i skuadrës simotër, Racing Bulls, Laurent Mekies. Britananiku e udhëhoqi skuadrën austriake në dy dekadat e fundit, që prej debutimit në vitin 2005 deri në shndërrimin e saj në kampione të shumëfishtë për pilotë dhe konstruktorë. Zyrtarizimi u bë mesditën e sotme nga një zëdhënës i Korporatës, drejtori i së cilës, Oliver Mintzlaff bëri edhe falenderimin e rastit për punën e shkëlqyer që Christian Horner bëri gjatë 20 viteve të fundit.

Si pjesë e procesit të riorganizimit, Drejtori i Garave në Racing Bulls, Alan Permane, u promovua si “Team Principal” në të njëjtën skuadër. Aktualisht Red Bull ndodhet në vendin e 4 të klasifikimit për konstruktorë me 172 pikë (288 më pak se Mclaren kryesues). Ndërsa dy pilotët e saj janë përkatësisht në vendet 3 (Verstappen me 165 pikë) dhe 17 (Tsunoda me 10 pikë). Kujtojmë që austriakët e filluan sezonin me binomin Verstappen-Lawson, të cilin më pas e kthyen te Racing Bulls, duke marrë prej andej japonezin Tsunoda, por sërish paraqitja nuk u përmirësua.  

The post Mekies zëvendëson Horner te Red Bull  appeared first on Gazeta Si.