Nga Gazeta Si – Iga Swiatek mundi në dy sete Amanda Anisimova-n dhe fitoi të parin Grand Slam në Wimbledon dhe të 6 në karrierë. Tenistja polake ka fituar 4 herë në “Roland Garros” (2020, 2022, 2023 dhe 2024) dhe 1 herë në “US Open” (2022) dhe suksesi i këtij viti në Wimbledon konfirmoi se ajo është një fituese e lindur. Nëse shkon në Finale, atëherë e fiton atë dhe si për ta konfirmuar, 24 vjecarja e bëri këtë në 57 minuta. Ishte hera e parë prej vitit 1911 që një teniste femër fitonte Finalen në Wimbledon pa humbur asnjë game. Numri 8 në klasifikimin botëror përsëriti kohën prej 25 minutash për mbylljen e setit të parë.

Vetëm 3 muaj më e re se kundërshtarja, amerikania Anisimova u duk nën presion dhe bëri shumë gabime në shërbimin e parë me të cilin ajo fitoi vetëm 9 pikë. Pavarësisht simpatisë së “Centre Court”, fati i ndeshjes nuk ndryshoi as në setin e dytë për numrin 13. Me një total prej 28 gabimesh të paforcuara, plus 5 gabime të dyfishta, Anisimova u detyrua të dorëzohej. Swiatek që në “Australian Open” nuk ka shkuar më larg se gjysëmfinalja, pas triumfit në Wimbledon, numëron 100 fitore në konkurimin tek në turnetë Grand Slam.

Kampionet e Wimbledon ndër vite janë këto: 
9 – Martina Navratilova (SHBA)
8 – Helen Wills Moody (SHBA)
7 – Dorothea Lambert Chambers (GBR), Steffi Graf (GER), Serena Williams (SHBA)
6 – Blanche Bingley (GBR), Suzanne Lenglen (FRA), Billie Jean King (USA)
5 – Charlotte Cooper Sterry (GBR), Lottie Dod (GBR), Venus Williams (USA)
4 – Louise Brough (USA)
3 – Maureen Connolly (USA), Maria Bueno (BRA), Margaret Court (AUS), Chris Evert (USA)
2 – Althea Gibson (USA), Dorothy Round (GBR), Kathleen McKane Godfree (GBR), May Sutton (USA), Maud Watson (GBR), Evonne Goolagong (AUS), Petra Kvitová (CZE)
1 – Iga SWIATEK (POL)

The post Swiatek triumfon në Wimbledon appeared first on Gazeta Si.

Nga Gazeta Si – Moti i lagësht ishte protagonist në “Liqui Moly Grand Prix of Germany” por sërish nuk ja doli ta ndalte Marc Marquez (Ducati Lenovo Team) nga vendosja e “pole position”. Ishte një rivalitet i ngushtë mes Johann Zarco (CASTROL Honda LCR) dhe numrit #93 në Provat Zyrtare që pa Marquez të fitonte me vetëm 0.151s. Cka do të thotë se Ducati niset përpara Honda-s në rradhën e parë në Sachsenring. Aprilia Racing dhe Marco Bezzecchi i ndjekin. Ky ishte “pole position” numër 73 për Marc Marquez, ndërsa Morbidelli niset i pari në rradhën e dytë përpara Pedro Acosta-s (Red Bull KTM Factory Racing) dhe impresionuesit Alex Marquez që përpiqet të limitojë dëmet në klasifikimin e përgjithshëm. I shtati do të niset Fabio Quartararo (Monster Energy Yamaha MotoGP) që në rradhën e tretë është bashkë me dominuesin e të premtes, Fabio Di Giannantonio (Pertamina Enduro VR46 Racing Team) dhe Miller. Ndërsa Binder, i zhgënjyeri Francesco Bagnaia (Ducati Lenovo Team) dhe Viñales kompletuan “top 12”.

The post Marc Marquez, i pandalshëm në shiun e Sachsenring appeared first on Gazeta Si.

Përjetimi i kolegëve për podiumin e parë në karrierën e tij tregoi vlerësimin që ambjenti i Formula 1 ka për Nico Hulkenberg që pas 15 viteve në pistë e meritoi atë çka arriti në Silverstone. Përveç asaj që bëri gjermani në “British Grand Prix” kishte edhe pilotë të tjerë që u konfirmuan, zhgënjyen apo dhe justifikuan besimin ndaj tyre. Madje jo vetëm pilotë por edhe skuadra. Këta janë  fituesit dhe humbësit në edicionin jubilar në Silverstone:

• Fitues
  Nico Hulkenberg
  Lando Norris
  Pierre Gasly
  Lance Stroll
  Lewis Hamilton

• Humbës
  Racing Bulls
  Oscar Piastri
  Red Bull
  Mercedes
  Charles Leclerc

The post Fitues dhe humbës në Silverstone appeared first on Gazeta Si.

Drejtuesit teknikë në Londër, Liverpool apo Manchester në Premier League kanë përshkuar udhëtime të ndryshme në karrierën si lojtarë. Të punosh si trainer në Premier League nuk është kaq e thjeshtë dhe një rrugë e shkurtër. Fitues të Champions League apo futbollistë amatorë, në sezonin 2025-26 në Premier League mund të gjesh trainerë me karrierë të larmishme që sa i përket sukseseve si lojtarë klasifikohen si më poshtë:

20. Tottenham – Thomas Frank
19. Wolves – Vitor Pereira
18. Brighton – Fabian Hurzeler
17. Sunderland – Regis Le Bris
16. Fulham – Marco Silva
15. West Ham – Graham Potter
14. Leeds United – Daniel Farke
13. Aston Villa – Unai Emery
12. Newcastle – Eddie Howe
11. Liverpool – Arne Slot
10. Everton – David Moyes
9. Crystal Palace – Oliver Glasner
8. Bournemoth – Andoni Iraola
7. Brentford – Keith Andrews
6. Arsenal – Mikel Arteta
5. Chelsea – Enzo Maresca
4. Burnley – Scott Parker
3. Nottingham Forest – Nuno Espirito Santo
2. Manchester United – Ruben Amorim
1. Manchester City – Pep Guardiola

The post Trainerët më të suksesshëm në karrierën si lojtarë appeared first on Gazeta Si.

Jessica Hull kthehet në vendin e rekordit botëror ndërsa Mondo Duplantis dhe Julien Alfred vazhdojnë mbrojtjen e titullit në “Wanda Diamond League” në “Herculis EBS Monaco”. Beteja për një vend në finalet e “Wanda Diamond League” do të jetë në një udhëkryq të rëndësishëm kur atletët më të mirë në Botë të udhëtojnë drejt “Côte d’Azur” për “Herculis EBS Monaco”.

Mitingu në Monaco është eventi i 10 në rrugën drejt finaleve dhe shumë sportistë do të kërkojnë fitoren decizive për tu kualifikuar. Kampionë olimpikë në fuqi dhe në “Diamond League” si Julien Alfred, Hamish Kerr dhe Marileidy Paulino janë mes atyre që shpresojnë të vazhdojnë formën aktuale edhe në “Stade Louis II”.

Në një miting që ka vendosur një sërë rekordesh botërore ndër vite, sytë do të jenë tek Mondo Duplantis, në paraqitjen e parë në “Diamond League” pas rekordit të ri botëror (6.28m) në Stockholm, një muaj më parë.

Australiania Jessica Hull kthehet në pistën ku një vit më parë vendosi rekordin botëror të 2000m, por këtë herë me objektiv në tpë qartë për garën e 1000m. Në pistë do të zbresin edhe disa prej talenteve të rinj në pistë si sensacionali australian i sprintit, Gout Gout që do të marroë pjesë në garën e 200 metrave për U23.

The post Publikohet lista për ‘Diamond League’ në Monaco appeared first on Gazeta Si.

Sulmuesi i Bayern Munich, Harry Kane kryesoi klasifikimin e shënuesvë në Bundesliga për dy sezonet e fundit dhe është sërish favoriti kryesor për ta bërë edhe në sezonin 2025/26. Por ashtu si në cdo fushë tjetër edhe në futboll, cdo vit sjell një rritje të konkurencës dhe Serhou Guirassy apo dhe Patrik Schick do të provojnë ti rrëmbëjnë Këpucën e Artë rivalit anglez. Kandidatë të tjerë i shohim në vijim…

Harry Kane (Bayern Munich)
Vdekja, taksat dhe golat e Kane janë të sigurtë. Sezonin e kaluar ai shënoi 26 herë (10 më pak se në debutim). 62 gola në 63 ndeshje në Bundesliga i dhanë atij cmimin e Lojtarit më të mirë të sezonit me një mesatare, gol për cdo 84.41 minuta!

Serhou Guirassy (Borussia Dortmund)
Guirassy ishte pranë rekordeve të Kane me 28 gola për VfB Stuttgart në sezonin 2023/24 dhe 21 në sezonin debutues te Dortmund. Sulmuesi nga  Guine shënoi edhe 13 gola të tjerë në UEFA Champions League  2024/25. 

Patrik Schick (Bayer Leverkusen)
Schick barazoi Guirassy me 21 gola në Bundesliga-n e fundit cka do të thotë se bomber-i i Leverkusen ishte në sezonin e tim më të mirë me 24 gola në 2021/22.

Jonathan Burkardt (Mainz)
Zotat e fitness-it ndihmuan Burkardt të linte pas dëmtimet për ta mbyllur sezonin 2024/25 si gjermani që shënoi më shumë me 18 gola në 29 ndeshje.

Tim Kleindienst (Borussia Mönchengladbach)
Burkardt nuk ishte gjermani i vetëm që u shfaq në listën e shënuesve më të mirë në kampionat, duke tërhequr vëmendjen e trainerit të Kombëtares, Julian Nagelsmann. Kleindienst u bë shpejt zgjedhja e parë e Gjermanisë me të cilën debutoi në Tetor 2024. Përpara se të dëmtohej, sulmuesi Gladbach shënoi 16 gola në sezonin e dytë pas 12 në të parin në Bundesliga.

Nick Woltemade (VfB Stuttgart)
Eshtë një tjetër shembull i shënuesve që kanë rënë në sytë e Nagelsmann. 22 vjecari luajti dy herë si zëvendësues i Kleindienst në UEFA Nations League, duke debutuar në Kombëtare si njeriu që udhëhoqi Stuttgart në fitimin e “DFB Cup  2024/25”. 5 golave në Kupë ai ju shtoi 12 në kampionat si dhe 6 të tjerë në “UEFA U21 Euros”.

The post Kush do ta fitojë Këpucën e Artë në Bundesliga? appeared first on Gazeta Si.

Fitore e merituar e shqiptarëve të Malit të Zi përballë rivalëve nga Maqedonia e Veriut. Bajovic (39’) dhe Ndiaye (71’) për çdo pjesë mjaftuan që Decic të të zhbllokonte sfidën dhe më pas ta fitonte atë. Favorizuar edhe nga inferioriteti i miqve pas kartonit të kuq të Mirchevski-t (50’). Edhe statistikat e kësaj përballjeje konfirmuan dominimin e shqiptarëve në “Tusko Polje” të Tuzit.

Barazim me gola në Estoni dhe Partizani kthehet me shpresa të mëdha për kualifikim një javë më pas në kryeqytet në Conference League. Sfidë që u vendos në pjesën e dytë pas të parës që nuk e zhbllokoi rezultatin. Dy minuta pas pushimit, Mannilaan realizoi golin e parë por festa e Kalju nuk do zgjaste shumë. I kthyer tek të kuqtë, Skuka shleu besimin me golin e barazimit.

Dramë në “Elbasan Arena” ku Vllaznia u mund vetëm në fund nga Daugavpils në një ndeshje to dominuar në fushë. Rastet dhe goditjet nga këndi e konfirmojnë diçka të tillë por kuqeblutë çaluan përpara portës ku nuk arritën të konvertonin epërsinë në lojë. Miqtë kaluan në avantazh me Lizunovs në 85’. Një gol me peshë duke pasur parasyësh që një javë më pas e presin Vllazninë në Lituani.

E barabartë në fushë por jo në rezultat ishte përballja mes Malishevës dhe islandezëve të Vikingur që u zhvillua në “Fadil Vokrri” në Prishtinë. 8-11 rastet për shënim dhe 6-6 goditjet nga këndi u ç’ekuilibruan nga goli i Hansen në minutën e dytë shtesë, përpara pushimit. Pjesa e dytë nuk iu mjaftoi “vendasve” të gjenin barazimin dhe kthimi pritet të jetë akoma më i vështirë.

Dështon Prishtina në Moldavi ku vendasit e Sheriff Tiraspol duket se e kanë siguruar kalimin në turin tjetër të Europa League. Diçka e tillë pas pokerit të një mbrëmjeje më parë ku protagonist ishte Bayala me 3 golat e tij në minutat 11, 19 dhe 74. Pesë minuta më pas ishte dhe Odede që shkroi emrin e tij në listën e golashënuesve. Edhe në statistikat e ndeshjes, dominues ishin moldavët përballë dardanëve që morën dy kartona të verdhë më shumë.

The post Shpresë për Decic dhe Partizanin në Conference League appeared first on Gazeta Si.

Christian Horner nuk e përfundoi dot vrapimin e parë të dekadës së 3 në krye të Red Bull Racing. Pas 20 viteve në drejtim, gjatë të cilëve ai krijoi jo një, por dy Epoka mes Austrisë dhe Anglisë. Ai punoi me 14 pilotë gjatë kësaj kohe dhe u shndërrua në drejtuesin më jetë gjatë në cirkuit deri pak orë më parë. Kjo sa për meritë dhe rezultate po aq edhe për shkak të largimit të kolegëve më të vjetër. I vetmi që mund ta arrijë në të ardhmen e afërt, mbetet Toto Wolff që drejton Mercedes.

Në total ai e drejtoi skuadrën në 405 gara, duke fituar 124 prej tyre. 14 tituj në total janë të lidhur me emrin e tij, 8 nga të cilët për pilotë dhe 6 për konstruktorë. Christian Horner është i dyti sa i përket garave të fituara nga “Team Principal”. Kryeson Ron Dennis me 138 gara të fituara, 14 më shumë se Horner që ndiqet nga Wolff me 120. Top5 plotësohet nga Sir Frank Williams me 114 gara të fituara dhe Jean Todt me 98 fitore.

The post Vrapimi i lënë në mes… appeared first on Gazeta Si.

Anglezët e Chelsea-t dhe francezët e Paris Saint-Germain u kualifikuan për Finalen e “FIFA Club World Cup” në New Jersey. Sfidë që për të parën herë do të luhet në këtë nivel ndërsa dy gjigandët evropianë kanë patur edhe përballje të tjera në të shkuarën. Në total do të jetë ndeshja e 9 ndërsa kanë luajtur 6 herë në periudhën 2014-2016. Gjithmonë ka qënë një sfidë e ekuilibruar që ka rezultuar në dy fitore për londinezët dhe 3 për parizienët (3 barazime plotësojnë serinë). Gola të paharruar janë shënuar nga kampionë të tillë si Didier Drogba, Javier Pastore, Ibrahimovic dhe Edinson Cavani.

Shtator 2004: PSG 0-3 Chelsea
Nëntor 2004: Chelsea 0-0 PSG
Prill 2014: PSG 3-1 Chelsea
Prill 2014: Chelsea 2-0 PSG
Shkurt 2015: PSG 1-1 Chelsea
Mars 2015: Chelsea 2-2 PSG (aet)
Shkurt 2016: PSG 2-1 Chelsea
Mars 2016: Chelsea 1-2 PSG

Në të njëjtën kohë Chelsea dhe Paris Saint-Germain kanë ndarë mes tyre disa prej lojtarëve dhe trainerëve më të mirë në historinë e futbollit. Fillimisht në Londër, për tu transferuar në Paris dhe anasjelltas. Rrugë që e kanë përshkuar duke fituar emra si Thiago Silva, George Weah, Claude Makelele, David Luiz, Nicolas Anelka në fushë si dhe Thomas Tuchel, Mauricio Pochettino dhe Carlo Ancelotti në stol.

The post Botërori i klubeve, Chelsea-PSG për një Finale ëndërrash! appeared first on Gazeta Si.

Drejtori i Përgjithshëm i Red Bull Racing dhe “Team Principal”, Christian Horner është shkarkuar sot nga funksionet që mbante prej 20 vitesh tek kampionët në fuqi për pilotë në Formula 1. Pozicionin e tij do ta marrë kolegu i skuadrës simotër, Racing Bulls, Laurent Mekies. Britananiku e udhëhoqi skuadrën austriake në dy dekadat e fundit, që prej debutimit në vitin 2005 deri në shndërrimin e saj në kampione të shumëfishtë për pilotë dhe konstruktorë. Zyrtarizimi u bë mesditën e sotme nga një zëdhënës i Korporatës, drejtori i së cilës, Oliver Mintzlaff bëri edhe falenderimin e rastit për punën e shkëlqyer që Christian Horner bëri gjatë 20 viteve të fundit.

Si pjesë e procesit të riorganizimit, Drejtori i Garave në Racing Bulls, Alan Permane, u promovua si “Team Principal” në të njëjtën skuadër. Aktualisht Red Bull ndodhet në vendin e 4 të klasifikimit për konstruktorë me 172 pikë (288 më pak se Mclaren kryesues). Ndërsa dy pilotët e saj janë përkatësisht në vendet 3 (Verstappen me 165 pikë) dhe 17 (Tsunoda me 10 pikë). Kujtojmë që austriakët e filluan sezonin me binomin Verstappen-Lawson, të cilin më pas e kthyen te Racing Bulls, duke marrë prej andej japonezin Tsunoda, por sërish paraqitja nuk u përmirësua.  

The post Mekies zëvendëson Horner te Red Bull  appeared first on Gazeta Si.

Nga Gazeta Si – Empoli zbriti një kategori më poshtë por Ardian Ismajli jo. Pas 100 ndeshjeve në 4 sezone ai u transferua tek Torino duke qëndruar në Serie A. Një ndër mbrojtësit më luftarakë dhe me rendimentin më të lartë në sezonin e kaluar, Ismajli refuzoi ofertën faraonike nga Al Ain që i garantoi 7 milionë euro për 3 sezonet e ardhshme në futbollin katariot. Prezantimi si shqiponja e rradhës në qytet ishte një transferim fitimprurës për të dy palët. Torino nuk shpenzoi asnjë euro për shqiptarin (transferim në parametra zero) i cili qëndroi në një nga 5 kampionatet më të fortë në Botë.

The post Refuzoi sheikët, prezantohet në Torino appeared first on Gazeta Si.

Nga Gazeta Si – Shqiptarët e nisën me këmbën e mbarë edicionin e ri në UEFA Champions League. Këtej dhe andej kufirit, në shtëpi dhe në transfertë, tre skuadrat e para shqiptare evituan humbjen duke hedhur një hap të rëndësishëm për kalimin e turit. Kampionët e Shqipërisë iu falën blerjes së fundit përpara sfidës për fitoren ndaj Breidablik. Ildi Gruda (që prishi marrëdhëniet mes shkodranëve dhe kampionëve) zhbllokoi rezultatin në minutën e 2 shtesë përpara se Regi Lushkja të merrte të verdhën e dytë duke humbur në këtë mënyrë ndeshjen e kthimit. Vërtetë sfida u mbyll me fitore minimale por Egnatia tentoi 13 herë ndaj 3 të miqve për ta zhbllokuar ndeshjen. Goditjet nga këndi ishin 5-6 për miqtë ndërsa 9 kartonat e verdhë (6-3) konfirmojnë një përballje të ashpër në fushë.

Me të njëjtin rezultat fitoi edhe Drita (e rikthyer në Champions League) ndaj Differdange. Arb Manaj ishte autori i golit të vetëm dhe ashtu si në Rrogozhinë, edhe në Prishtinë ndeshja u zhbllokua në pjesën e dytë. Kampionët e Kosovës tentuan 14 herë të gjenin rrjetën ndërsa miqtë nga Luksemburgu vetëm 4 herë. Goditjet nga këndi ishin 6-2 për vendasit ndërsa kartonat e verdhë 1-2 për miqtë.

Barazim pa gola në transfertën e Shkëndijës ndaj The New Saints në  “Park Hall” të Oswestry në Uells. Përballje e barabartë që konfirmohet nga rezultati ku vendasit e kërkuan portën në 11 raste por edhe kuqezinjtë nuk mbetën pas. Kampionët e Maqedonisë së Veriut kërkuan në 9 raste zhbllokimin e rezultatit. 4-5 për miqtë goditjet nga këndi dhe 4 kartona të verdhë (3-1) plotësuan panoramën e kësaj përballjeje. Ndeshjet e kthimit do të zhvillohen në datën 15 Korrik.

The post Egnatia dhe Drita fituan në shtëpi, Shkëndija barazoi në transfertë appeared first on Gazeta Si.

Nga Gazeta Si – Igli Tare zbulon pak nga tratativa për Ardon Jasharin – “Nuk më duket e udhës të flasim për merkaton sot. Por siç e dini, presim që Jashari ti bashkohet Milan-it. Kjo është edhe dëshira e tij. Por duhet të respektojmë lëvizjet e merkatos. Kemi bërë një ofertë shumë të mirë për klubin e tij dhe uroj që kjo tratativë të ketë një fund të gëzueshëm” – përfundoi deklaratën e tij, Drejtori Sportiv kuqezi.

The post ‘Ai dëshiron të vijë te Milan’ appeared first on Gazeta Si.

Nga Gazeta Si – Pas fitores së parë në Champions League në 2018, Drita e Zekirija Ramadani-t do të luajë ndeshjen e parë në kompeticion në 5 vitet e fundit. “Intelektualë” fituan titullin e katërt në vend me një diferencë prej 12 pikësh nga Ballkani. Për të qënë gati për sezonin e ri, dardanët barazuan 2-2 me FK Sileks dhe mundën rumunët e Farul Constanta-s. në total Drita ka humbur 2 nga 8 ndeshjet e fundit në shtëpi prej muajit Prill duke fituar 3 të fundit mes tyre. Në paraqitjen e fundit në Evropë, ajo humbi në shtëpi dhe transfertë në shifrat 3-0 ndaj Legia Warsaw në Conference League, Gushtin e kaluar. Ndërsa Differdange ëndërron të shkojë në fazën e Ligës në Champions League, pas titullit të dytë në vend që prej sezonit 2003-04 kur Red Boys Differdange dhe AS Differdange u bashkuan në një klub të vetëm. Rivalët luksemburgezë zhvilluan 3 miqësore përgatitore dhe rregjistrojnë 9 fitore, 1 barazim dhe 1 humbje në transfertë gjatë këtij viti kalendarik.

Formacionet e mundshme
Drita: Maloku; Krasniqi, Bejtulai, Mesa, Ovouka; Dabiqaj, R Broja; Zulfiu, Kostyshyn, Ajzeraj; Manaj
FC Differdange: Felipe; Franzoni, Bei, D’Anzico, Lempereur; Leandro, Silva; Ribeiro, Idrissi, Abreu; Buch

The post Drita e favorizuar ndaj kundërshtarëve nga Luksemburgu appeared first on Gazeta Si.

Nga Gazeta Si – Pas fazës së Ligës në Conference League 2024-25, New Saints duan të bëjnë më mirë këtë sezon në UEFA Champions League. Uellsianët nuk fituan asnjë nga 3 ndeshjet përgatitore por ndaj shqiptarëve të Maqedonisë së Veriut do të provojnë të shfrytëzojnë forcën e tyre në shtëpi. Edhe një sezon më parë ata fituan 3-1 ndaj FK Decic në shtëpi por u mundën në turin eleminator të Europa League nga Ferencvaros dhe në nga Petrocub Hincesti. Shkëndija nga ana tjetër është një skuadër luan rregullisht në raundet kualifikuese të kompeticioneve UEFA, por e para herë në Champions League nga sezoni 2021-22. “Ballistët” siç quhen ndryshe, vijnë në këto eleminatore pas titullit të 5 kampion në Maqedoninë e Veriut. Nëse Shkëndija eviton humbjen në “Park Hall”, do të provojë të shfrytëzojë faktorin fushë në shtëpi, ku sezonin e kaluar u eleminuan vetëm nga 11 metërshat prej Haverfordwest County në Conference League.

Formacionet e mundshme
The New Saints: Roberts; Park, McGahey, Bodenham, Redmond; Smith, Williams; Wilson, Holden, Brobell; Clarke
Shkëndija: Amzai; Trumci, Cake, Meliqi, Webster; Alhassan, R Ramdani; Tamba, Krasniqi, Latifi; Ademi

The post Pas 3 sezoneve, Shkëndija sërish në UCL appeared first on Gazeta Si.

Nga Gazeta Si – Egnatia kthehet në eleminatoret e Champions League pas titullit të dytë rradhazi në Kategorinë Superiore. Kjo do të jetë ndeshja e parë zyrtare pas muajit Maj me një rekord negativ të ndeshjeve në shtëpi ku nuk fitoi asnjë ndeshje në 7 të fundit në të gjitha kompeticionet (1 fitore në 10 të fundit). Egnatia luajti gjatë kësaj periudhe dy ndeshje miqësore, fitoi 2-0 ndaj CSKA 1948 dhe 1-0 ndaj Farul. Egnatia-Breidablik do të jetë përballja me parë mes këtyre dy skuadrave. Breidablik vjen si kampione e Islandës ndërsa më herët është kualifikuar në turin e dytë në sezonet 2011-12 dhe 2022-23. Sezoni i ri në “The Besta deild karla” ka zhvilluar 14 javë dhe Breidablik është në vendin e 3 me 27 pikë duke mos humbur asnjë nga 5 ndeshjet e fundit (3F, 2B). Skuadra islandeze nuk ka shënuar vetëm në 1 nga 15 ndeshjet e fundit.

Formacionet e mundshme
Egnatia: Dajsinani; Sota, Aliyev, Fangaj; Xhemaijli, Meideiros, Aleksi, Zejnullani; Ujka; Lushkja, Bakayoko
Breidablik: Einarsson; Valgeirason, Margeirsson, Orrason, Yeoman; Johnson; Steindorsson, Einarsson, Omarsson, Thorsteinsson; Thomsen 

The post Egnatia provon të shkojë larg në Champions League appeared first on Gazeta Si.

Nga Gazeta Si – Mund të jetë deri diku e parashikueshme se kush e kryeson këtë klasifikim. Shtatë trofetë në Super Boël që ai ka fituar jane më shumë se cdo skuadër pjesëmarrëse në NFL. Kur kujton se titullin e fundit e fitoi si një 43 vjecar me fanellën e Buccaneer, kupton se sa e vështirë mund të jetë për të tjerët ti marrin skeptrin.25: Gale Sayers
24: Aaron Donald
23: Tony Gonzalez
22: Dan Marino
21: Emmitt Smith
20: Rod Woodson
19: John Elway
18: Deacon Jones
17: Johnny Unitas
16: Anthony Munoz
15: Randy Moss
14: Ray Lewis
13: Joe Greene
12: Ronnie Lott
11: Walter Payton
10: Peyton Manning
9: Barry Sanders
8: Deion Sanders
7: Joe Montana
6: Jim Brown
5: Reggie White
4: Patrick Mahomes
3: Lawrence Taylor
2: Jerry Rice
1: Tom Brady

The post Lojtarët më të famshëm në historinë e NFL appeared first on Gazeta Si.

Mundësi shqiptar fitoi medaljen e artë në “Grand Prix of Spain” që u zhvillua nga data 4 deri në 6 Korrik në Madrid! Islam Dudaev la pas një periudhë të qetë në përfaqësimin e tij në tapet ku kaloi edhe një dëmtim që nuk e lejoi të marrë pjesë në evropianin e Bratislavës. Forca, teknika dhe shpirti luftarak i tij doli në pah sërish në turneun madrilen nga i cili do të kthehet me të artën e rradhës.

The post Islam Dudaev kthehet në majën e podiumit appeared first on Gazeta Si.

Nga Gazeta Si – Lando Norris fitoi “British Grand Prix” në Formula 1, e para fitore në shtëpi. Britaniku i Mclaren la pas shokun e skuadrës, Oscar Piastri dhe gjermanin e Sauber, Nico Hûlkenberg që pas 14 vitesh dhe me shumë se 200 garash, ngjitet për të parën herë në podium. Norris përfitoi nga nga penalltia prej 10 sekondash që iu dha Oscar Piastri-t, për mosrespektin të rregullave pas ristartit në fund të daljes së dytë të “safety-car” në Silverstone. Piastri pati një kryesim të qetë deri në reshjet e shiut dhe iu rezistoi disa incidenteve rradhazi por u kalua nga Norris kur shleu penalitetin gjatë hyrjes së fundit në “pit stop” në xhirot e mbylljes së garës.

Norris që u shfaq në lot pasi kaloi vijën e finishit, reduktoi akoma më shumë defiçitin ndaj Piastri-t që vazhdon të kryesojë klasifikimin me një diferencë prej 8 pikësh. Një fundjavë për të mos u harruar edhe për 37 vjeçarin gjerman, Nico Hulkenberg, që u ngjit për të parën herë në podium pas ekzaktësisht 239 garash – duke vendosur një rekord për kohën më të gjatë për tu renditur në “top 3” – pas një gare perfekte në bordin e Sauber. Veteran gjerman i rezistoi përpjekjeve të Lewis Hamilton dhe Ferrari-t që u ndoqën nga Red Bull dhe Max Verstappen në “top5”. Kjo e këtij sezoni ishte gara e parë që Hamilton nuk ngjitet në podium në shtëpi, në praninë e 168.000 shikuesve vetëm të dielën dhe 500.000 gjatë tërë fundjavës – një rekord në F1.

Një moment deçiziv për garën ishte gabimi i Verstappen që doli nga pista në largimin e të dytës “safety-car”, i çorientuar nga incidenti me Piastri-n. Pothuajse i ngjashëm me atë në “Canadian Grand Prix”, 2 javë më parë ku protestat e Red Bull kundër George Russell dhe Mercedes nuk u pranuan. Këtë herë steëard-ët vendosën të penalizonin Piastri-n për shkelje të rregullave. Fillimisht në vendin e 10, Verstappen e mbylli garën në të pestin duke qënë 69 pikë pas Piastri-t. F1 do të shkojë me pushime dhe gara e rradhës është pas 3 javëve, “Belgian Grand Prix” më 27 Korrik në Spa-Francorchamps.

The post Norris fiton, Hulkenberg në podium appeared first on Gazeta Si.

1) Bayern pas “Müllergeddon”
Lojtarët shkojnë e vijnë, tek çdo klub, çdo sezon – por asnjëherë si në këtë rast. Thomas Müller iu Bayern-it në moshën 10 vjeçare në vitin 2000 dhe ishte pjesë e skuadrës së parë prej vitit 2008 duke kontribuuar me 150 gola dhe 238 asist në Bundesliga.

2) Dortmund në ngjitje
BVB ishte në vendin e 10 në mesin e sezonit 2024/25, ka i kushtoi vendin e punës Nuri Şahin në fund të Janarit. Niko Kovač ishte pasuesi e tij duke pësuar humbje në 6 ndeshjet e para në Bundesliga. Që nga ai moment, 53 vjeçari i udhëhoqi verdhëzinjtë drejt 22 nga 24 pikët e mundshme në 8 ndeshjet e fundit të sezonit. Dortmund më pas mundi 3-1 Barcelona-n në ¼ finalen e kthimit të UEFA Champions League.

3) Kthimi i Derb-eve historikë
Ardhja e Cologne dhe Hamburg nga Bundesliga 2, rezervon emocione të mëdha në stadiume me më shumë se 50.000 spektatorë. Kjo pasi do të jemi dëshmitarë të Derbit, Hamburg-St. Pauli. E njëjta gjë vlen për sfidën Cologne vs Bayer Leverkusen në brigjet e Rhine-t.

4) Yjet gati të shkëlqejnë
Bundesliga është sërish shtëpia e emrave të mëdhenj edhe për sezonin 2025/26. Harry Kane, Jamal Musiala dhe Michael Olise  impresionuan me fanellën e Bayern dhe kombinuan për 50 gola dhe 25 asists në Bundesliga një vit më parë. RB Leipzig do të bazohet tek Xavi ndërsa Serhou Guirassy, Hugo Ekitiké dhe Patrik Schick do të jenë sërish refernca e Dortmund, Frnakfurt dhe Leverkusen. VfB Stuttgart do provojë ti rezistojë presionit të Bayern për marrjen e Nick Woltemade (23) që mund të bashkohet në Mynih me Tom Bischof.

5) Mënyra të reja për ndjekjen e futbollit
Kamerat në flamujt e këndit dhe në trupin e Arbitrit do të jenë risitë teknologjike në Bundesliga 2025-2026, sinonim me inovacionin dhe krijimtarinë.

The post Pesë arësye për të ndjekur Bundesliga-n 2025-2026 appeared first on Gazeta Si.