Kim Kardashian njihet për interesin e veçantë për veshjet e shtrenjta dhe çantat zënë një vend të veçantë në gardërobën e saj.

Ndër markat luksoze të cilave ajo u ka qëndruar besnike, Hermes ka zënë një vend të veçantë për vite me radhë.

Tani ka tërhequr vëmendjen me një foto të vjetër që ka ndarë në Instagram.

Aty shihet një pjesë e koleksionit të saj të çantave Hermes, dhe në përshkrim ajo shkroi: “Siç e dimë të gjithë, nuk bëj shaka me koleksionin tim të Hermesit”.

Kardashian shtoi gjithashtu se ka nxjerrë në shitje disa çanta në Kardashiankloset.com.

Fotografia e saj tërhoqi vëmendjen dhe nisi diskutime në rrjetet sociale.

Vetëm disa nga komentet ishin: “Sasia e parave që ka ai person mund t’i japë fund urisë në botë”, “Çfarë humbjeje absolute parash”, “Janë të gjitha të njëjtat çanta, vetëm madhësi dhe ngjyra të ndryshme”.

Fotografia tregon një shumëllojshmëri çantash Hermes Birkin në madhësi nga 25 deri në 35 cm në një gamë të gjerë ngjyrash. Mund të shihen edhe çantat Kelly, si dhe çantat Birkin të personalizuara të bëra me porosi.

Dihet gjithashtu se Kim ka në koleksionin e saj edhe një Birkin Himalayan Crocodile, një nga çantat më të shtrenjta në botë.

Çantat Kelly dhe Birkin normalisht kushtojnë rreth 7,500 dhe 9,000 në shitjet e rregullta, ndërsa çmimi i tyre në tregun sekondar mund të kalojë 20,000 euro.

The post Kim Kardashian prezanton koleksionin e çantave të shtrenjta që kapin shifrën e mijëra eurove appeared first on Albeu.com.

Mbrëmja e së shtunës solli një nga ngjarjet më të veçanta muzikore të kësaj vere – koncertin madhështor të Armend Rexhepagiqit, të organizuar nga RAVE, nën patronatin e Kryeqytetit Prishtinë.

Në një atmosferë të jashtëzakonshme dhe me një publik të zjarrtë, koncerti mblodhi mijëra artdashës, duke u shndërruar në një përjetim emocional për të gjithë të pranishmit.

Përveç interpretimit të këngëve më të dashura të tij, Armendi i dedikoi një moment të veçantë koncertit për një kauzë të madhe njerëzore – duke bërë thirrje për paqë dhe mirësi në mbarë botën.

Ky mesazh preku publikun dhe krijoi një ndjesi solidariteti dhe reflektimi.

Ngjarja u pasurua edhe më shumë me performancat speciale të mysafirëve të ftuar, Ronela Hajati dhe Filloreta Raçi– Fifi, të cilat u ngjitën në skenë për të interpretuar së bashku me Armendin, duke krijuar momente unike dhe të paharrueshme për publikun

The post Koncerti i jashtëzakonshëm i Armend Rexhepagiqit në Prishtinë appeared first on Albeu.com.

Presidentja e Republikës së Kosovës, Vjosa Osmani, ka komentuar situatën e ngërçit politik dhe krizës institucionale, duke njoftuar se ka dorëzuar një kërkesë në Gjykatën Kushtetuese për vendosjen e një mase të përkohshme për pezullimin e rrjedhjes së afatit prej 30 ditësh.

Në një konferencë për media, Osmani theksoi se kjo kërkesë ka për qëllim të parandalojë shkeljen e Kushtetutës nga ana e deputetëve në rast të konstituimit të Kuvendit pas skadimit të afatit kushtetues, apo krijimit të një qeverie në mënyrë të kundërligjshme.

“Kemi dorëzuar kërkesë për masë të përkohshme, kjo e parandalon shkeljen e Kushtetutës nga ana e deputetëve. Konstituimi i Kuvendit pas afatit do të mund të ishte në kundërshtim me Kushtetutën, e po ashtu edhe krijimi i një qeverie në këto rrethana,” deklaroi Osmani.

Sipas saj, nëse nuk pezullohet afati përmes kësaj mase të përkohshme, nuk mund të parandalohet një dëm që ajo e cilësoi si të “pariparueshëm”.

“Pa u pezulluar ky afat, pa bërë kërkesë për masë të përkohshme, ne nuk mund të parandalojmë këtë dëm të pariparueshëm. Prandaj jemi të bindur se kjo kërkesë është në interes publik,” shtoi ajo.

Presidentja bëri të ditur se nuk ka një afat të përcaktuar se kur Gjykata Kushtetuese do të japë një vendim për këtë çështje, por nënvizoi urgjencën dhe rëndësinë që ajo ka për ruajtjen e rendit kushtetues në vend.

“Unë nuk e di sa mund t’i marrë kohë Gjykatës Kushtetuese për të vendosur për të gjitha pikat e kësaj kërkese, por duke pasur parasysh se si po rrezikohet rendi kushtetues i vendit tonë, kjo çështje është me rëndësi të lartë,” përfundoi Osmani.

Gjykata Kushtetuese e Kosovës ka obliguar deputetët që ta konstituojnë organin ligjvënës deri më 26 korrik.

Më 21 korrik, deputetët për herë të 50-të dështuan të konstituonin Kuvendin e Kosovës, pasi partitë që mandatin e kaluar ishin në opozitë po kundërshtojnë ndryshimin e mënyrës së votimit për kryeparlamentar nga i hapur në të mbyllur.

Partia Demokratike e Kosovës dhe Aleanca për Ardhmërinë e Kosovës e kanë cilësuar si figurë përçarëse të propozuarën e LVV-së për kryeparlamentare, Albulena Haxhiun. Ndërkaq, Lidhja Demokratike e Kosovës ka thënë se nuk do të votojë asnjë të propozuar nga LVV-ja për kryeparlamentar.

The post “Dëm i pariparueshëm”, Osmani paraqet masë të përkohshme për pezullimin e afatit 30-ditor të Kushtetueses appeared first on Albeu.com.

Hyrja e Akropolit dhe vendeve të tjera arkeologjike në Athinë do të mbeten të mbyllura gjatë orarit të drekës, nga sot deri të premten për shkak të një vale të nxehti.

Sipas njoftimit zyrtar të Eforatit kompetent të Antikiteteve të Qytetit të Athinës, të lëshuar pak kohë më parë, nga data 22/7/2025 deri më 25/7/2025 vendet arkeologjike të Akropolit dhe Shpateve, Olimpianit, Liceut, Agorës Romake, Agorës Antike dhe Bibliotekës së Hadrianit do të mbeten të mbyllura gjatë periudhës 12:00-17:00 për shkak të temperaturave të larta, për sigurinë e punëtorëve dhe vizitorëve.

The post Merrem masa! Akropoli mbyllet deri të premten në mesditë për shkak të valës së të nxehtit appeared first on Albeu.com.

Aktorja e njohur hollywoodiane Sharon Stone po përjeton një moment të dhimbshëm, pasi nëna e saj, Dorothy Stone, është ndarë nga jeta, në moshën 91-vjeçare.

Në një postim prekës në Instagram, Stone ndau me ndjekësit e saj një foto familjare ku shihet duke buzëqeshur pranë së ëmës në një divan, shoqëruar me një dedikim të shkurtër.

Aktorja e përshkroi Dorothy-n si një grua “argëtuese dhe me komplekse”, duke theksuar dimensionet njerëzore të një nëne që jetoi një jetë të plotë, por jo të lehtë.

Dorothy Stone ishte e martuar me Joseph Stone që prej vitit 1950, dhe çifti qëndroi bashkë deri në ndarjen e tij nga jeta në vitin 2009, vetëm pak muaj përpara përvjetorit të 60-të të martesës së tyre.

The post Sharon Stone në zi: Humb nënën e saj në moshën 91-vjeçare appeared first on Albeu.com.

Anemia është një sëmundje që shkaktohet nga mungesa e hekurit ose si shenjë shoqëruese e një problemi tjetër shëndetësor. Simptomat e anemisë përfshijnë lodhjen, rënien e flokëve, takikardinë e të tjera. Ilaçet dhe kurat farmaceutike janë të shumta. Por duhet të keni kujdes nga suplementët e hekurit.

Kujdesi nis duke mësuar më shumë për efektet anësore të këtyre suplementëve. Hekuri shkakton oksidim në organizëm që sjell probleme në tretje. Sipas të dhënave të AgroWeb.org, për të parandaluar një problem të tillë duhet të rrisni konsumin e ushqimeve të pasura me hekur siç janë barishtet, bishtajoret, panxhari, majdanozi e të tjerë.

Nëse preferoni të konsumoni suplementë, sigurohuni që të përmirësoni përthithjen e këtij minerali duke e shoqëruar gjithmonë me ushqime të pasura me vitaminë C. Pas diagnostikimit dhe medikamenteve të rekomanduar nga mjeku, ju rekomandojmë të përdorni edhe këtë kurë natyrale me hithër dhe limon.

Hithra është e pasur me vitamina dhe minerale, ndër të cilat veçojmë hekurin. Ajo ka aftësi të përmirësojë tretjen dhe të pastrojë gjakun.

Limoni është gjithashtu i fuqishëm në pastrimin e organizmit dhe në përthithjen e ushqyesve. Limoni është i pasur me vitaminë C, që siç e thamë më lart ndihmon në përthithjen e hekurit nga ushqimet.

Kura me hithra dhe limon kundër anemisë:

Duke parë vlerat e këtyre dy përbërësve, vjen natyrshëm ideja e bashkimit të tyre në një kurë të vetme kundër anemisë.

Përbërësit:

5 lugë gjelle me gjethe të thara hithre. Mund të përdorni edhe gjethe të njoma.

Lëngu i një limoni

1 litër ujë

Përgatitja:

Ziejeni ujin në një tenxhere.

Kur sapo të ketë marrë valë, hiqeni nga zjarri dhe shtoni hithrën e thatë. Mbylleni kapakun dhe lëreni hithrën të tretet në ujë për 5 minuta.

Më pas kullojeni lëngun, shtoni lëngun e limonit dhe nëse dëshironi shtoni pak mjaltë.

Nëse keni gjethe të njoma, atëherë ziejini bashkë me ujin.

Këtë pije mund ta pini përgjatë ditës por jo gjatë vakteve.

Për shembull, mund të pini një gotë me stomak bosh, një paradite dhe një pasdite. Pija duhet konsumuar për 15 ditë për të shtuar nivelet e hekurit dhe për të parandaluar aneminë. Pas këtyre dy javëve, kufizojeni pirjen e lëngut në një gotë në ditë.

Mos harroni të bëni limonin pjesë të vakteve tuaja për të përmirësuar përthithjen e hekurit. Majdanozi i freskët është gjithashtu një produkt që duhet ta konsumoni, sepse përmban hekur dhe vitaminë C.

The post Hithër dhe limon, receta natyrale që kuron aneminë appeared first on Albeu.com.

Temperaturat e larta ne Ballkan kane detyruar autoritetet te bejne thirrje per kujdes te shtuar ndaj qytetareve dhe puntoreve. Ministria e Shëndetësisë ne Kosove i ka rekomanduar institucionet publike dhe private që të zbatojnë masa mbrojtëse për mbrojtjen e punëtorëve nga temperaturat e larta në periudhën 22-25 korrik.

Ministria i ka bazuar këto rekomandime në udhëzimet e Institutit Kombëtar të Shëndetësisë Publike ku kerkohet qe të shmanget puna në ambient të jashtëm në periudhën kohore nga ora 11:00 e paradites deri ne 16:00, grate shtatzene te mos punojne ne kete fashe orari, personat me sëmundje kronike duhet të punojnë me orar të shkurtuar, maksimumi 4 orë në ditë, të përshtaten oraret e punës për të punësuarit, në mëngjes herët ose pasdite vonë, përfshirë edhe mundësinë e punës nga shtëpia, të sigurohet ajrosja e mjaftueshme në vendet e punës të mbyllura dhe të vendosen pika freskimi në vend mes te cilave edhe qasje në ujë te ftoftë, te pijshem per ta.

Temperaturat këtë javë në Kosovë pritet të shkojnë deri në 38 gradë Celsius. Edhe Ministria e Shëndetësisë ne Maqedonine e Veriut ka lëshuar disa rekomandime për të mbrojtur popullsinë nga temperaturat e larta, duke përfshirë qëndrimin brenda, dhomat e ftohta, veçanërisht midis orës 11:00 dhe 17:00, pirjen e mjaftueshme të lëngjeve, shmangien e alkoolit dhe pijeve me sheqer, veshjen e rrobave të lehta me ngjyra të çelëta dhe përdorimin e mbrojtjes së kokës dhe syve.

Ndersa ne Serbi po diskutohet per mbulimin e vendit me energji elektrike, per shkak te ngarkeses ne rrjet si pasoje e perdorimit te ajrit te kondicionuar. Aty ne te gjithe vendin jane 60 termocentrale. Temperaturat e larta ndikojnë negativisht në shëndetin e njeriut, veçanërisht te grupet më të ndjeshme të shoqërisë, si: fëmijët, të moshuarit, gratë shtatzëna, personat me sëmundje kronike, si dhe punëtorët që punojnë në ambiente të hapura, apo në kushte pune me temperatura të larta.

Si pasojë e motit të nxehtë që ka përfshirë Ballkanin, në Shqipëri, Maqedoni të Veriut dhe Kroaci është raportuar për përhapje të zjarreve, pasi temperaturat në disa raste kanë shkuar në mbi 40 gradë Celsius.

The post I nxehti godet Ballkanin/ Vendet e rajonit marrin masa, Serbia përballet me mungesë energjie appeared first on Albeu.com.

15 vite më parë, Gjykata Ndërkombëtare e Drejtësisë në Hagë, më 22 korrik 2010 konfirmoi se shpallja e pavarësisë së Kosovës më 17 shkurt 2008 nuk e ka shkelur të drejtën ndërkombëtare, duke hedhur poshtë pretendimin e Serbisë.

“Miratimi i deklaratës së pavarësisë më 17 shkurt 2008 nuk ka shkelur as të drejtën ndërkombëtare të përgjithshme, as Rezolutën 1244 (1999) të Këshillit të Sigurimit të Kombeve të Bashkuara, dhe as kuadrin kushtetues. Për rrjedhojë, miratimi i asaj deklarate nuk ka shkelur asnjë normë të zbatueshme të së drejtës ndërkombëtare”, -u shpreh gjykata, duke e shënuar këtë moment ne histori. –deklaroj 15 vite me pare gjykata.

Kryetari i atëhershëm i GJND-së, Hisashi Ovada, kujtoi se e drejta ndërkombëtare nuk përmban ndalesë për adoptimin e deklaratave të pavarësisë dhe rrjedhimisht, pavarësia e Kosovës nuk e shkel të drejtën e përgjithshme ndërkombëtare.

Dhjetë gjykatës votuan në favor të këtij vendimi, ndërsa katër prej tyre kundër.

Ky vendim vendimi historik i GJND-së u përshëndet gjerësisht si një fitore e të drejtës dhe vullnetit demokratik të qytetarëve të Kosovës.

Ai hoqi dilemat ligjore mbi legjitimitetin e pavarësisë dhe ndihmoi Kosovën në rrugën e saj drejt afirmimit ndërkombëtar.

Liderët e partive politike ne Kosove e përshëndetën këtë moment.

Haradinaj shkruan në Facebook se “Rruga deri këtu ka qenë e gjatë, e vështirë dhe e mbushur me sakrifica ndër breza. Por Kosova ka qëndruar falë përkushtimit të popullit të saj për liri, drejtësi dhe demokraci”, ndërsa Abdixhiku kujton rolin e LDK-ja për kontributin në procesin e vendimit të GjND-së.

Edhe Kryeministri në detyrë, Albin Kurti, ka kujtuar vendimin e GjND-së për pavarësinë e Kosovës, duke e cilësuar atë një akt të vulosjes së pavarësisë së vendit.

The post Kosova, 15 vite nga fitorja/ Gjykata Ndërkombëtare konfirmoi shpalljen e pavarësisë appeared first on Albeu.com.

Xheisara Frisku, ish-banorja e Big Brother VIP Albania, është bërë nënë për herë të parë. Ajo ka sjellë në jetë një vajzë, të cilën e ka quajtur Sol.

Lajmin e ka ndarë vetë përmes një postimi në rrjete sociale, duke publikuar disa imazhe nga momentet e para pas lindjes.

“Pas shumë ditësh pa gjumë, ndërsa po mësojmë të njohim njëra-tjetrën, ndjej nevojën ta falënderoj me gjithë shpirt për durimin dhe kujdesin që ka treguar,” shkruan ajo mes të tjerash.

Xheisara dhe vogëlushja Sol janë në gjendje të mirë shëndetësore.

The post FOTO/ Ish-banorja e BBVA jep lajmin e ëmbël, bëhet nënë për herë të parë dhe zbulon emrin e veçantë të vogëlushes appeared first on Albeu.com.

Fernando dos Santos Carvalho, njeriu që i dha shansin e parë Ronaldos kur ishte vetëm 9 vjeç, sot jeton në rrugë, i sëmurë dhe në varfëri ekstreme.

Ish-skauti brazilian, që dikur e çonte e e sillte vetë në stërvitje “Fenomenin”, ka mbetur në hije, ndërsa Ronaldo është kthyer në një legjendë globale.

“U përpoqa ta takoja në São Paulo, por më refuzoi. As mesazhet nuk mi ktheu,” rrëfen Carvalho, 58 vjeç, i cili ende shpreson për një fije mirënjohjeje.

Një histori e dhimbshme që tregon sa shpejt fama harron ata që ndihmuan në fillim.

The post Ronaldo u bë legjendë, por ai që e zbuloi sot jeton në rrugë appeared first on Albeu.com.

Rosie Roche, 20 vjeç, kushërirë e largët e Princ William dhe Harry, është gjetur e pajetë nga nëna dhe motra e saj në banesën familjare në Wiltshire, më 14 korrik. Ajo po përgatitej për një udhëtim me miqtë kur ndodhi ngjarja tragjike. Pranë saj u gjet një armë zjarri, ndërsa policia e ka cilësuar vdekjen si jo të dyshimtë dhe pa përfshirje të palëve të treta.

Rosie ishte studente në vitin e parë për Letërsi Angleze në Universitetin e Durhamit dhe ishte shumë e dashur për energjinë, krijimtarinë dhe pasionin për librat. Familja dhe miqtë e saj janë shprehur të shkatërruar nga humbja. Një ceremoni përkujtimore do të mbahet në një datë të mëvonshme.

The post Tragjedi në familjen mbretërore: Gjendet e pajetë kushërira e William dhe Harry appeared first on Albeu.com.

Një debat me nota ironie dhe sarkazme ka tërhequr vëmendjen së fundmi në emisionin e gazetarit Ronaldo Sharka, ku e ftuar ishte ish-banorja e BBVA4, Krisa Çaushi.

“Je e ftuar kot,” – i tha Ronaldo në mënyrë spontane, duke nxitur një reagim të menjëhershëm nga Krisa, e cila u përfshi në lojën me tone thumbuese të gazetarit.

“Se di, u pendova që të mora në emision,” vijoi ai, duke i dhënë ngjyrë bisedës që megjithëse u duk si përplasje, ishte më shumë një shkëmbim shakash në stilin ironik që e karakterizon emisionin.

Pjesë nga biseda:
Krisa Çaushi: Nëse jam e ftuar koti, atëherë nuk do duhej të më kishe marrë.

Ronaldo Sharka: Mendon që nuk do të kishe ardhur fare?.

Krisa Çaushi: Unë erdha për të respektuar meqë më ftove.

Ronaldo Sharka: Problemi jonë si emision që të ftojmë, të kontaktojmë, të hapim derën.

Krisa Çaushi: E po atëherë kënaqësi që unë erdha dhe mos ua pafsha më derën.

Ronaldo Sharka: Kënaqësia e gjitha e jotja sepse për neve nuk ka ndonjë kënaqësi.

Krisa Çaushi: Atëherë mend për herë tjetër.

The post “Je e ftuar kot!” – Replikat me thumb mes Ronaldo Sharkës dhe Krisës ndezin studion appeared first on Albeu.com.

Ikona e kinemasë amerikane, Bruce Willis, po përballet me një përkeqësim të ndjeshëm të gjendjes së tij shëndetësore si pasojë e demencës frontotemporale, një sëmundje e rëndë neurodegjenerative që prek zonat e trurit përgjegjëse për komunikimin, sjelljen dhe lëvizjen.

Sipas burimeve pranë familjes, aktori i dashur tashmë nuk është më në gjendje të flasë dhe ka humbur edhe aftësinë për të lexuar. Gjendja e tij fizike është gjithashtu përkeqësuar, pasi përballet me vështirësi serioze në ecje

Willis u largua nga aktrimi në vitin 2022, pasi u diagnostikua me afazi, një çrregullim që ndikon në aftësinë për të komunikuar, përpara se diagnoza të rikonfirmohej si demencë frontotemporale në fillim të vitit 2023

Përgjatë viteve 2023 dhe 2024, raporte të shumta zbuluan se ylli i filmave si Die Hard dhe Pulp Fiction ishte bërë kryesisht jofjalor dhe kishte ndaluar së lexuari, ndërsa tani përballet edhe me sfida motorike të mëdha. Megjithatë, familja ka zgjedhur të mos ndajë detaje të mëtejshme për aspektin fizik të gjendjes së tij.

Në prill të këtij viti, bashkëshortja e tij Emma Heming Willis dhe vajzat e çiftit konfirmuan përmes një deklarate se sëmundja vazhdon të jetë progresive, por e qëndrueshme. “Bruce po përballet me këtë sfidë me dinjitet dhe i rrethuar nga dashuria jonë. Ne jemi pranë tij në çdo hap,” – thuhej në deklaratë.

Largimi i Bruce Willis nga skena kinematografike ka lënë një boshllëk të madh në botën e filmit dhe në zemrat e miliona fansave që janë rritur me filmat e tij.

The post Përkeqësohet gjendja shëndetësore e Bruce Willis: Aktori ka humbur aftësinë për të folur e për të lexuar appeared first on Albeu.com.

Vajza e Angelina Jolie dhe Brad Pitt, Shiloh Jolie-Pitt, është kapur nga mediat amerikane në një lidhje me balerinën Keoni Rose në Studio City, Kaliforni. Ato janë parë duke u përqafuar brenda makinës dhe raportohet se jetojnë përkohësisht së bashku.

Thashethemet për lidhjen e tyre nisën në maj, pas momenteve të përbashkëta gjatë blerjeve.

Ndërsa Angelina Jolie është e shqetësuar për largimin e Shiloh nga shtëpia, ajo e mbështet dhe siguron që fëmijët të jenë të mbrojtur nga roje sigurie. Brad Pitt nuk kundërshton orientimin seksual të vajzës, por shpreh shqetësim për ndikimet rreth saj, duke fajësuar edhe Jolie-n për këtë situatë.

The post Shiloh Jolie-Pitt kapet mat me të dashurën: Lidhja e dy vajzave që po ‘trondit’ Hollywood-in! appeared first on Albeu.com.

Të paktën 13 palestinezë humbën jetën dhe mbi 25 u plagosën pasi forcat izraelite sulmuan një kamp të zhvendosurish pranë detit në perëndim të Gazës.

Kampi strehonte civilë të evakuuar nga veriut. Ndërkohë, OBSH thotë se ofensiva ka kompromentuar ndihmat, pasi objektet e saj u sulmuan, ndërsa OKB akuzon ushtrinë izraelite për sulme ndaj stafit të saj dhe për “këputjen e litarëve të fundit të shpëtimit” për Gazën.

Deir al-Balah ndodhet aktualisht në qendër të operacionit më të madh izraelit që nga nisja e luftës.

The post Ushtria izraelite godet kampin me civilë në Gaza, 13 të vdekur, mes tyre gra e fëmijë appeared first on Albeu.com.

Këngëtarja e njohur shqiptare, Ana Kabashi, ka ndarë së fundmi një reagim emocional dhe të thellë në rrjete sociale, si përgjigje ndaj një komenti nga një ndjekës i saj i cili e quajti “top talent”, duke shprehur zhgënjimin pse ajo nuk po merret më me muzikë.

Komenti në fjalë thoshte: “Top talent që sot as 5 për qind e estradës se kanë talentin tënd, e ti nuk merresh me muzikë. A e ke pyetur veten ndonjëherë pse je kundër vetes kaq shumë?”.
Në vend që ta injoronte, Ana vendosi të ndajë me ndjekësit një sqarim të ndjerë, duke zbuluar për herë të parë në mënyrë të qartë arsyet pse është larguar nga skena muzikore, një shkëputje që shumë fansa e kanë ndier dhe pyetur për të gjatë gjithë kësaj kohe.

“E para, faleminderit për këtë koment dhe opinion. Unë e di që të gjithë i keni mendimet e juaja, dhe është normale që kur nuk jam duke folur shumë, nuk e dini pse”, nis ajo reagimin.

Ajo shpjegon se gjatë vitit të fundit ka ndalur të gjitha bashkëpunimet, koncertet dhe projektet muzikore që kishte planifikuar. Vendimi, siç thotë, erdhi pas një periudhe reflektimi të thellë dhe dëgjimi të brendshëm.

Kabashi tregon se një nga arsyet kryesore ishte nevoja për t’i thënë “jo” gjërave që nuk i përkasin më, për të mos e humbur veten dhe për të ndaluar së dëgjuari njerëz që ndikojnë negativisht në vetëbesimin dhe qejfin e saj.

“Në fakt, nuk ta do askush të mirën”, thotë ajo me sinqeritet, duke shtuar se ka mësuar të dëgjojë më shumë veten, të dojë më shumë veten dhe të besojë në mendimin dhe zemrën e saj.

“Kam pasur nevojë të shkëputem, t’i shoh njerëzit real, me i besu vetes dhe mendimit tim”, thekson tutje.

Sa i përket kthimit në skenë, Ana thekson: “O do të kthehem si më qan zemra për muzikën, o nuk do të kthehem hiç. Nuk po mundem të jem falso, me lëshu një këngë dhe aq. Po dua diçka të mirë, të madhe, që më përmbush si artiste”.

Në fund, i jep fund dyshimeve për ata që e shohin largimin si një sabotim ndaj vetes: “Nuk jam kundër vetes, jam pro vetes dhe për atë nuk po këndoj”.

Bukuroshja nga Peja ka zgjedhur të heshtë për të mos qenë e rreme, dhe ka vendosur që kur të rikthehet, të vijë me diçka që e përfaqëson vërtet, jo vetëm për publikun, por para së gjithash, për shpirtin e saj.

The post Ana Kabashi rrëfen arsyet e shkëputjes nga muzika: Nuk jam kundër vetes, jam pro – dua diçka të vërtetë që më përmbush appeared first on Albeu.com.

Këngëtarja e njohur shqiptare, Arilena Ara, ka festuar ditëlindjen e saj në një nga destinacionet më të bukura të Mesdheut, ishullin grek të Mykonos.

Në një postim të fundit në Instagram, ajo ka ndarë me ndjekësit një moment magjepsës nga kjo festë, ku shihet duke pozuar me një bikini të bardhë mbi një varkë luksoze, me sfondin piktoresk të Mykonosit dhe mullinjtë karakteristikë të ishullit.

E veshur me stil dhe rrezatuese nga vetëbesimi, Arilena ka shkruar thjesht: “Ditëlindja në Mykonos”, duke lënë të kuptohet se këtë ditë të veçantë ajo ka zgjedhur ta kalojë mes relaksit dhe bukurisë natyrore.

Postimi ka tërhequr menjëherë vëmendjen e fansave dhe figurave publike.

Përveçse një ikonë e muzikës shqiptare, Arilena dëshmon edhe njëherë se di të shijojë jetën me stil dhe elegancë.

Mykonosi, me dritën e artë të perëndimit dhe ujërat e kristalta, i jep këtij momenti një ndjesi magjike, perfekte për një ditëlindje të paharrueshme.

The post Arilena Ara shënon ditëlindjen me një paraqitje të veçantë nga brigjet e Mykonos appeared first on Albeu.com.

Gjatë një interviste me moderatorin dhe ish-banorin e Big Brother VIP Albania, Ronaldo Sharka, Krisa Çaushi ka folur pa doreza për raportin e saj me Tirin.

Ata kanë prekur një temë që shpesh ngjall diskutim: vajzat e ekranit dhe zgjedhjet e tyre romantike në raport me pasurinë.

Pjesë nga biseda në studio

Ronaldo Sharka: A është i pasur Tiri?

Krisa Çaushi: Po. Është.

Ronaldo Sharka: Zakonisht ka një trend që vajzat e bukura të ekranit, nuk dua të jem paragjykues, por pjesa dërrmuese e tyre zgjedhin meshkuj me Lamborghini që kushtojnë 500 mijë euro.

Krisa Çaushi: Kam zgjedhur një njeri që i përshtatemi. Unë dhe ai i përshtatemi stilit të jetesës së njëri-tjetrit. Unë kurrë nuk i kam parë meshkujt nga ana financiare, asnjëherë. Gjithmonë kam qenë me këmbë në tokë dhe kam thënë që leku shkon ke leku.

Krisa Çaushi: Mos mendo që edhe ato vajza që zgjedhin djemtë me lekë të babait të jenë aq të pjekura mendërisht. Zgjedh një njeri që është për familjen dhe di të menaxhojë lekun. Unë mendoj që këta individë nuk dinë ta menaxhojnë dhe thjesht e shpërdorojnë.

Ronaldo Sharka: Të ndodh shpesh të takosh nga këto vajza, a janë të lumtura?

Krisa Çaushi: Për mendimin tim, ato mendojnë që janë të qeta. Ato e shikojnë vetëm nga ana materiale, jetojnë për rrjete sociale.

Në këtë bisedë, Krisa ndan pa komplekse qëndrimin e saj kundër klisheve që shpesh i vendosen vajzave të ekranit, duke theksuar se për të, vlerat si përshtatja në stil jetese, maturia mendore dhe aftësia për të ndërtuar familje kanë më shumë rëndësi sesa aspekti financiar.

The post Vajzat e bukura të ekranit zgjedhin meshkuj të pasur? Krisa Çaushi flet për lidhjen me Tiri Gjocin appeared first on Albeu.com.

Preta Gil ka ndërruar jetë më 20 korrik, pas një beteje të gjatë dhe të guximshme me kancerin. Lajmi u konfirmua përmes një deklarate në llogarinë e saj zyrtare në Instagram.

Artistja shumëdimensionale, këngëtare, aktore dhe moderatore, po trajtohej në Nju Jork kur u ndje keq rrugës për në aeroport dhe u shtrua me urgjencë në spital, ku ndërroi jetë.

Preta ishte vajza e muzikantit legjendar Gilberto Gil dhe e njohur për sinqeritetin me të cilin ndau publikisht betejën e saj me sëmundjen. Ajo kishte kryer kimioterapi dhe një ndërhyrje kirurgjikale në gusht të vitit të kaluar, pasi kanceri ishte përhapur në disa pjesë të trupit.

Ceremonia mortore do të mbahet në Rio de Janeiro, ku familjarë, miq dhe fansa do të mund të nderojnë figurën e saj.

The post Ndahet nga jeta në moshën 50-vjeçare këngëtarja e njohur braziliane appeared first on Albeu.com.

Tentoi të korruptonte punonjësit e Policisë që e konstatuan në shkelje të rregullave të qarkullimit rrugor, procedohet penalisht 38-vjeçari.

Gjatë patrullimit në terren, shërbimet e Sektorit të Forcës së Posaçme “Shqiponja”, të Komisariatit të Policisë Sarandë, konstatuan në rrugën “Lefter Talo” një automjet tip “BMW”, të ndaluar që pengonte qarkullimin normal të mjeteve të tjera.

Gjatë veprimeve procedurale, drejtuesi i automjetit, shtetasi L. B., ka tentuar t’u japë punonjësve të Policisë shumën prej 50 eurosh, me qëllim shmangien e ndëshkimit ligjor për shkeljen e konstatuar.

Shtetasi L. B., 38 vjeç, banues në Tiranë, u shoqërua në ambientet e Komisariatit të Policisë Sarandë. Në vijim, Oficeri i Policisë Gjyqësore i Prokurorisë pranë Gjykatës së Shkallës së Parë të Juridiksionit të Përgjithshëm Sarandë referoi materialet në këtë prokurori, ku nisi procedimi në gjendje të lirë ndaj tij, për veprën penale “Korrupsioni aktiv ndaj personave që ushtrojnë funksione publike”.

The post Tentoi të korruptonte efektivët e policisë, procedohet penalisht 38-vjeçari në Sarandë appeared first on Albeu.com.