Kim Kardashian ka prezantuar produktin më të ri të markës së saj SKIMS dhe, si gjithmonë, interneti u çmend.

Artikulli, i quajtur Ultimate Face, është një mbështjellës koke që premton të “skalisë” fytyrën gjatë gjumit – dhe u shit brenda ditës së parë të publikimit.

Në fotot promovuese në Instagram, shihet një grua që mban një kapuç ngjyrë “nude” të ngushtë pas lëkurës, që ngjan me një balaklave, shkruan DailyMail.

Ky “face shaper” është bërë nga pëlhurë skulpturore e SKIMS dhe është i mbushur me fije kolagjeni për “mbështetje ultra të butë të nofullës”.

Kim shpjegoi në një video: “Ne kemi bërë veshje për formësimin e trupit për një kohë të gjatë dhe tani kemi krijuar veshje të mrekullueshme për formën e fytyrës. Ky material kap mjekrën shumë fort dhe është shumë i rehatshëm për ta veshur natën ose edhe në shtëpi. Doja shumë t’i bëja këto – kemi punuar për to prej kohësh dhe jam shumë e lumtur që tani mund t’i shihni”.

Produktet u shitën menjëherë, duke dëshmuar edhe një herë fuqinë e markës SKIMS dhe ndikimin e Kim Kardashian në trendet e bukurisë dhe “self-care”. /Telegrafi/

The post Veshjet për formësimin e fytyrës SKIMS nga Kim Kardashian u shitën menjëherë – zbulohet çfarë bëri bujë appeared first on Telegrafi.

David Beckham është parë në një version më të “thjeshtë” të stilit të tij të famshëm, duke hequr dorë nga pantallonat e bardha të ngushta që i kujtojnë fushatat e tij ikonike të të brendshmeve Armani.

Gjatë pushimeve me jaht në jug të Francës, ish-ylli i futbollit u pa pa bluzë, me pantallona të shkurtra modeste, ndërsa shijonte ditët e nxehta mes miqve dhe familjes.

Pushimet luksoze po zhvillohen në jahtin 16 milionë funte të familjes Beckham, Seven – emri që i referohet numrit të famshëm të Davidit në fushë. Familja Ramsay iu bashkua udhëtimit, me Gordon dhe bashkëshorten e tij Tana që u shfaqën në humor të mirë, duke u argëtuar me çiftin Beckham, shkruan DailyMail.

Victoria Beckham zgjodhi një pamje elegante me një fustan të bardhë dhe një kapelë kashte me strehë të gjerë, ndërsa Romeo dhe Harper u panë duke shijuar diellin, përpara se të vinte edhe Cruz Beckham me të dashurën e tij Jackie Apostel.

Cruz, 20 vjeç, u bë protagonist i momenteve më të komentuara në jaht, pasi pozoi me pantallona Prada të bardha – një pamje që i kujtoi fansave ditët kur babai i tij ishte imazhi i fushatave të të brendshmeve BOSS dhe Armani.

Madje, ai bëri shaka me babain e tij në Instagram, duke rikrijuar një nga qëndrimet e famshme të Davidit.

Ndërkohë, djali i madh Brooklyn Beckham mungoi në pushime, pasi është rikthyer në SHBA me gruan e tij Nicola Peltz, duke humbur aventurën verore të familjes në brigjet e Rivierës Franceze.

Familja Beckham vazhdon të tërheqë vëmendjen me stilin dhe dinamiken e saj, duke e kthyer çdo dalje në një ngjarje të kometuar nga fansat në rrjetet sociale. /Telegrafi/

The post David Beckham heq dorë nga pantallonat ikonike të bardha, shfaqet pa bluzë gjatë pushimeve luksoze me jaht appeared first on Telegrafi.

Sot në Prishtinë starton Sunny Hill Festival, një nga ngjarjet më të mëdha muzikore në rajon, dhe dita e parë premton spektakël të vërtetë.

Dua Lipa, krenaria shqiptare me famë botërore dhe themeluese e festivalit, do të ngjitet në skenën kryesore mbrëmjen e sotme, duke performuar disa nga hitet e saj më të mëdha.

Pas mesnate, atmosfera do të marrë një tjetër dimension kur në skenën C4 të dalë legjenda britanike e muzikës elektronike, Fatboy Slim, me një set të zjarrtë.

Përveç tyre, line-up-i i sotëm përfshin edhe artistë të njohur shqiptarë si Deezy, Art Lokaj & TNM, Kida, Sienna Spiro, Cil, Edis dhe Tayna, të cilët do të ndezin publikun para dy emrave kryesorë të mbrëmjes.

Sunny Hill Festival premton përvojë unike muzikore dhe energji që do të zgjasë për tri ditë me radhë. /Telegrafi/

The post Sunny Hill Festival nis sot me një line-up të jashtëzakonshëm – Dua Lipa dhe Fatboy Slim gati për të ndezur skenën appeared first on Telegrafi.

Netflix ka zbuluar rolin e ri të Billie Piper në serialin e njohur komedi-gotik “Wednesday”, ku aktorja britanike do të luajë pranë Jenna Ortega-s, e cila interpreton personazhin kryesor, Wednesday Addams.

Billie do të portretizojë Isadora Capri, drejtuese e muzikës në Akademinë Nevermore, një personazh i ri dhe intriguese, e përshkruar si ish-fëmijë-mrekulli me një natyrë brilante dhe enigmatike.

Ajo tregon interes të veçantë për talentet muzikore të Wednesday dhe mentoron shoqen e saj, Enid Sinclair, shkruan DailyMail.

Seriali “Wednesday”, i cili debutoi në nëntor 2022, u rinovua për një sezon të dytë dhe pritet të dalë në gusht 2025.

Në sezonin e dytë do t’i bashkohen edhe emra të njohur si Lady Gaga, Joanna Lumley, Steve Buscemi dhe Thandiwe Newton. Tim Burton vazhdon të jetë producent ekzekutiv dhe regjisori kryesor i serialit.

Netflix ka konfirmuar gjithashtu se “Wednesday” do të ketë sezon të tretë, ndërsa aktualisht po diskutohen edhe ide për një spin-off.

Lajmet janë pritur me entuziazëm nga fansat dhe aktorët e serialit, përfshirë Catherine Zeta-Jones, që luan Morticia Addams.

Seriali ndjek jetën e Wednesday Addams, e cila transferohet në Akademinë Nevermore, një shkollë për të përjashtuar monstruozë, ku ajo përdor aftësitë e saj mbinatyrore për të zgjidhur mistere dhe për të përballuar sfida të ndryshme.

“Wednesday” është bërë një nga serialet më të suksesshme të Netflix, me mbi 252 milionë shikues globalisht, duke thyer rekorde për serialin më të madh në gjuhën angleze në platformë. /Telegrafi/

The post Billie Piper bashkohet me kastin e serialit “Wednesday” për sezonin e dytë të Netflix appeared first on Telegrafi.

Justin Timberlake ka ngritur shqetësime të mëdha mes fansave pas disa paraqitjeve të fundit në turneun e tij botëror “Forget Tomorrow”, ku shumë prej tyre e kanë quajtur këngëtarin “të lodhur” dhe performancën e tij “të vakët” dhe “të pasinqertë”.

Gjatë koncertit të parafundit në Georgia, 44-vjeçari u kritikua për mungesë energjie, për sinkronizim buzësh dhe për mungesë të vokalit të drejtpërdrejtë.

Fansat kanë shpërndarë mesazhe përkrahëse, duke pranuar se ai mund të jetë i rraskapitur dhe ka nevojë për pushim, por të tjerë nuk i kursyen komentet negative, shkruan DailyMail.

“Justin nuk po jep më as minimumin”, “600 dollarë për karaoke live? Jo faleminderit”, ishin disa nga komentet e ashpra në rrjetet sociale.

Sipas burimeve për Daily Mail, bashkëshortja e tij Jessica Biel është duke i bërë presion për të ndalur turneun, pasi ai është emocionalisht dhe fizikisht i rraskapitur.

Burime pranë çiftit thonë se edhe martesa ka ndjerë pasojat, me Jessica të shqetësuar për ndikimin që po ka ky ritëm mbi familjen e tyre dhe dy fëmijët e vegjël.

Përveç kritikave, në rrjet po shtohen zërat që kërkojnë një ribashkim të Justin-it me grupin NSYNC, duke theksuar se nëse ai nuk ka më dëshirë të performojë vetëm, atëherë duhet të rikthehet me ish-kolegët për të rikthyer emocionin e dikurshëm.

Ndërkohë, përfaqësuesit e Timberlake nuk kanë dhënë ende një koment zyrtar për situatën. /Telegrafi/

The post Justin Timberlake ngjall shqetësim te fansat me paraqitje të lodhur dhe performanca të dobëta gjatë turneut botëror appeared first on Telegrafi.

Victoria dhe David Beckham po shijojnë pushimet e tyre verore luksoze në St Tropez, ku së fundmi mirëpritën djalin e tyre Cruz, 20 vjeç, dhe të dashurën e tij Jackie Apostel në bordin e jahtit të tyre prej 16 milionë paundësh (afërsisht 18.9 milionë euro).

Në udhëtim i shoqëruar edhe nga aktorja Eva Longoria dhe bashkëshorti i saj Jose Baston, familja Beckham po kalon disa ditë relaksuese në brigjet franceze.

Ndërsa atmosfera duket e qetë në jaht, vëmendja ka rënë sërish mbi mungesën e Brooklyn Beckham dhe gruas së tij, Nicola Peltz, shkruan DailyMail.

Çifti po kalon pushimet në një jaht të veçantë me vlerë 85 milionë paund (afërsisht 100.3 milionë euro) dhe nuk kanë marrë pjesë në asnjë nga aktivitetet familjare, përfshirë edhe festimet e 50-vjetorit të Davidit, duke thelluar më tej spekulimet për një përçarje familjare.

Ndërkohë, fansat vunë re një veprim domethënës nga Victoria Beckham, e cila i ka pëlqyer disa postime të Brooklyn në rrjete sociale, por asnjë prej tyre nuk përfshinte bashkëshorten e tij.

Nga ana tjetër, as Brooklyn e as Nicola nuk kanë pëlqyer postimet e Victorias kohët e fundit, dhe llogaritë e tyre nuk ndjekin më vëllezërit Cruz dhe Romeo, të cilët raportohet se i kanë bllokuar.

Burime për MailOnline konfirmojnë se tensionet janë rritur pas një sërë mosmarrëveshjesh dhe mungese komunikimi, ndërsa frika për një distancim të plotë të Brooklyn nga familja po shtohet.

Mungesa e tij fizike dhe emocionale është ndjerë edhe gjatë ditëlindjes së Harper-it, ku postimi i tij publik konsiderohet si i vetmi gjest kontaktual në muajt e fundit.

Megjithatë, në mes të gjithë këtyre zhvillimeve, Beckhamët përpiqen të ruajnë unitetin dhe të shijojnë kohën me pjesën tjetër të familjes dhe miqtë e ngushtë, duke dëshmuar se, pavarësisht sfidave, pushimet luksoze vazhdojnë. /Telegrafi/

The post Victoria dhe David Beckham mirëpresin Cruz dhe të dashurën e tij në jahtin e tyre prej 19 milionë eurosh appeared first on Telegrafi.

Efi Dhedhes ka ndarë me ndjekësit e saj disa fotografi të reja, ku ka sjellë një tjetër anë të saj, të ëmbël dhe plot feminilitet.

Në imazhet e publikuara, ajo shihet e veshur me një fustan të bardhë të gjatë, ndërsa pozon në një fushë të mbushur me lulediellë, duke dhënë ndjesinë e një skene të marrë nga një film.

Flokët e gjatë të lëshuar dhe detaji i lulediellit pas veshit e bëjnë paraqitjen edhe më të veçantë, duke i shtuar një prekje natyrale gjithë setit fotografik.

Efi ka zgjedhur ta shoqërojë postimin me një mesazh të thjeshtë e domethënës: “Një lule nuk konkurron, ajo thjesht çel”, një fjali që duket se pasqyron filozofinë e saj për jetën dhe vetëbesimin.

Ky set ka marrë vëmendjen e ndjekësve të saj, të cilët kanë komplimentuar jo vetëm bukurinë e saj, por edhe energjinë pozitive që përcjell përmes fotografive. /Telegrafi/

The post Efi Dhedhes publikon një set të mrekulleshëm fotografik mes lulesh dielli appeared first on Telegrafi.

Në festival, sivjet do të jetë i pranishëm Paul Tollet, promotori i shquar amerikan që vepron në Los Angeles, ndër të tjera, organizator i festivalit në Coachella që e themeloi më 1999 tok me Rick Van Santenin.

Aty do të jenë edhe, udhëheqës i “Creative Artists Agency”, Robert Kyncl, themelues i “Warner Music Group”, kompania me seli në New York prej së cilës kanë dalë emra të shquar botërorë e Christopher Huber, kreu i European Festival Association.

Sikurse në edicionet e kaluara, nuk do të mungojë as David Bradley, agjenti i Dua Lipës qysh prej filleve të karrierës së saj, e në listë është edhe Maha Dakhill, njëra prej agjenteve e zbulueseve më të mëdha të telenteve në art. /Telegrafi/

The post Paul Tollet dhe emra të mëdhenj të muzikës botërore vijnë në Sunny Hill appeared first on Telegrafi.

Xheneta Fetahu ka ndarë disa reagime të forta në Instastory, që kanë ngjallur menjëherë komente dhe interpretime nga ndjekësit.

Shumë prej tyre e kanë parë këtë si një “thumbim” për këngëtaren Egi Tako, e cila gjatë një performance në Drenicë kishte dalë me flamur në qafë.

Në story-t e saj, Xheneta shkruan:

“Flamura n’qafë, njerëz me nevojë n’story, e koncertet plot ‘dashni’ për famë. Kur i shkelin flamurin – heshtje. Kur dikush ka nevojë pa kamera – s’u gjeni kërkah. Cilin artist në Amerikë e sheh me flamur në dorë në çdo koncert? Asnjë. Sepse ata e kanë patriotizmin n’zemër, jo n’story. Ata bien n’sy me sukses, jo me folklor për klikime. Përdorni gjithçka veç talentin – edhe njerëzit, edhe kombin. Të paftyrë me internet”.

Ndërsa në një tjetër story shtoi:

“E di që ju djegin të vërtetat – jeni rrit me rrena dhe jeni mësu t’ju ledhatojnë me fjalë boshe. Unë s’jam këtu me ju rrejt, as me ju mbajt në ajër. Ma mbani story-t më shumë se jetën – për pak ju nxjerr një album ‘inspirimi t’djegshëm për mëngjes’. Për punën time mos u lodhni – projektet e mia s’presin aprovimin e frustrimeve tuaja. Tatuazhin e hodha një herë, jo në çdo bashkëpunim si certifikatë patriotizmi për klikime. Edhe njerëzit që ndihmoj s’i kam nxjerr kurrë në story, sepse s’jam aktor për ‘like’ si ca prej jush. Zgjoni veten – realiteti s’ka filter”.

Ky reagim ka ndezur diskutime në rrjet, me shumë fansa që e kanë lidhur mesazhin e këngëtares me paraqitjen e fundit të Egi Takos, ndërsa të tjerë e shohin si një thirrje të hapur kundër përdorimit të simboleve kombëtare për vëmendje dhe klikime.

Nga ana tjetër, Egli nuk ka bërë ndonjë koment të drejtpërdrejtë mbi Xhenetën. /Telegrafi/

The post “Flamura n’qafë për klikime, përdorni gjithçka veç talentin”, Xheneta thumbon Egli Takon? appeared first on Telegrafi.

Kristen Stewart ka habitur fansat me një ndryshim dramatik në pamjen e saj. Aktorja 35-vjeçare u shfaq në Los Angeles me një ngjyrë të re flokësh rozë-portokalli, duke lënë pas bionden që kishte mbajtur muajt e fundit.

E shoqëruar nga gruaja e saj Dylan Meyer, Stewart u pa duke shëtitur në Griffith Park, me një stil sportiv dhe të relaksuar.

Flokët i kishte të lidhur në një topuz të shkujdesur, me balluke të lëshuara që i kornizonin fytyrën, shkruan DailyMail.

Çifti, që u martua në prill në një ceremoni private në Los Feliz, duket më i lidhur se kurrë.

Stewart ka pranuar më herët se ëndërron të krijojë familje dhe se planet për një dasmë të madhe i kishte lënë pas dore për t’u përqendruar në projekte filmike.

Ndërkohë, pamja e re e Kristen Stewart është një tjetër dëshmi e guximit të saj stilistik dhe personalitetit të lirë, që e ka karakterizuar gjatë gjithë karrierës. /Telegrafi/

The post Kristen Stewart befason me pamjen e re dhe planet për të ardhmen me Dylan Meyer appeared first on Telegrafi.

Ish-presidenti, Donald Trump, ka bërë thirrje për ndjekjen penale të Beyonce-së, duke pretenduar se ajo ka marrë 11 milionë dollarë (afërsisht 10.1 milionë euro) për të mbështetur Kamala Harris gjatë një aktiviteti në tetor 2024 në Hjuston. Por ky pretendim është i pabazuar dhe i pavërtetuar nga asnjë burim zyrtar.

Sipas të dhënave të Komisionit Federal të Zgjedhjeve, fushata e Harris ka kryer një pagesë prej 165,000 dollarësh (përafërsisht 150,000 euro) për kompaninë e prodhimit të Beyonce-së për shpenzime teknike të ngjarjes, jo për mbështetje politike.

Ligji kërkon që këto kosto të mbulohen nga fushatat, por pagesa për përkrahjen e një personi të famshëm nuk është e ndaluar nga ndonjë ligj federal, shkruan CNN.

Asnjë provë nuk është paraqitur ndonjëherë për pretendimin e një pagese prej 11 milionë dollarësh, i cili filloi të qarkullojë fillimisht si “10 milionë” në rrjetet sociale.

Faktkontrollues si PolitiFact dhe FactCheck.org e kanë hedhur poshtë këtë thashethem si të pavërtetë.

Në nëntor 2024, nëna e Beyonce-së, Tina Knowles, e cilësoi pretendimin si “gënjeshtër të plotë”, ndërsa një përfaqësues i këngëtares e quajti atë “tej mase qesharak”.

Shtëpia e Bardhë dhe fushata e Harris nuk kanë komentuar direkt mbi postimin e fundit të Trump, por e kanë mohuar më parë çdo pagesë të tillë.

Ky është një tjetër shembull i Trump-it që kërkon ndjekje penale ndaj kundërshtarëve politikë bazuar në pretendime të pabazuara. /Telegrafi/

The post Verifikim faktesh: Pretendimi i Trump për pagesën rreth 10 milionë euro ndaj Beyonce është i pavërtetë appeared first on Telegrafi.

Fushata e re e vjeshtës e markës ‘American Eagle’ me aktoren Sydney Sweeney ka shkaktuar polemika të ashpra në rrjete sociale, pasi shumë përdorues e kanë konsideruar si një promovim të bardhësisë.

Fushata, e cila ka si slogan “Sydney Sweeney ka xhinse të shkëlqyera”, është kritikuar për lojën e fjalëve që, sipas komentuesve dhe analistëve mediatikë, nënkupton lavdërimin e “gjeneve të bardha” të aktores me sy blu dhe flokë biondë.

Kritika të shumta u drejtuan në Instagramin e ‘American Eagle’, ku përdorues të ndryshëm aluduan për paralelizma të rrezikshëm historikë dhe mungesë diversiteti në ekipin krijues të fushatës, shkruan DailyMail.

Një përdoruese e TikTok, Angie nga @vital_media_marketing, tha se fushata “lavdëron trashëgiminë dhe pamjen fizike të bardhë të Sweeney-t”, duke e quajtur “një nga fishkëllimat më të zhurmshme të racizmit të kohëve të fundit”.

Përballë këtij reagimi, shumë përdorues kërkuan përgjegjësi nga marka dhe vendime më të ndjeshme ndaj përfaqësimit dhe përfshirjes në mesazhet reklamuese.

Deri tani, ‘American Eagle’ dhe përfaqësuesit e aktores nuk kanë dhënë ndonjë koment zyrtar për kritikat.

Në një deklaratë për shtyp më 23 korrik, Sweeney shprehu entuziazmin për bashkëpunimin me markën, duke thënë se American Eagle “të bën të ndihesh rehat dhe i sigurt në lëkurën tënde” dhe se ka qenë pjesë e jetës së saj ndër vite. /Telegrafi/

The post Fushata e re e ‘American Eagle’ me Sydney Sweeney përballet me akuza për mesazhe raciste në rrjetet sociale appeared first on Telegrafi.

Aktorja e nominuar për Oscar, Patricia Clarkson, ka treguar një moment të papritur gjatë xhirimeve të serialit “Friends With Benefits” në vitin 2011, kur pa Justin Timberlake lakuriq dhe u shqetësua se mos e mërziste gruan e tij, Jessica Biel.

Në një intervistë me Andy Cohen, Patricia rrëfeu se hyri në set dhe e pa Timberlake pa asnjë veshje, duke e përshkruar si “të talentuar” dhe duke treguar se kishte frikë të mos shkaktonte probleme me gruan e tij.

Ajo tha se nuk kishte marrë asnjë reagim nga çifti dhe tani ndihet e zemëruar, shkruan DailyMail.

Diskutimi mori edhe një kthesë humoristike për “përmasat” e Timberlake, ku aktorja konfirmoi se kishte parë gjithçka gjatë xhirimeve të skenës pa rroba.

Ndërkohë, Justin Timberlake ka qenë shpesh objekt talljesh për jetën e tij personale dhe momente të sikletshme, siç ishte një defekt garderobe gjatë një koncerti në Nashville në dhjetor 2024, që shkaktoi reagime dhe komente ironike në rrjetet sociale. /Telegrafi/

The post Patricia Clarkson zbulon se ka parë Justin Timberlake lakuriq dhe u shqetësua se mos e mërziste gruan e tij, Jessica Biel appeared first on Telegrafi.

Ylli i “Coronation Street”, Jack P. Shepherd, u martua me partneren e tij Hanni Treweek në një ceremoni madhështore në Katedralen e Mançesterit të shtunën.

Çifti, i rrethuar nga miq, familjarë dhe kolegë, shkëmbyen puthje pasionante pas ceremonisë, ku mbi ta ranë konfeti të bardha.

Jack, 37 vjeç, i njohur për rolin e David Platt, mbërriti me stil në një mustang të kuq, shoqëruar nga nëna dhe djali i tij Reuben, shkruan DailyMail.

Hanni, 35 vjeçe, shkëlqeu me një fustan elegant të bardhë me detaje dantelle dhe vello të gjatë.

Në ceremoni morën pjesë edhe shumë aktorë të “Coronation Street”, përfshirë Lucy Fallon, Tina O’Brien, Julia Goulding, Samia Longchambon dhe të tjerë.

Jack kishte zbuluar më parë se pjesëmarrja e tij në “Celebrity Big Brother” kishte qenë për të mbledhur fonde për dasmën, dhe burime pranë çiftit tregojnë se ata kishin investuar shumë për ta bërë këtë ditë të veçantë një përvojë të paharrueshme.

Pak kohë më parë, Hanni festoi me shoqet e saj në një darkë në restorantin The Ivy, duke u përgatitur për ditën e madhe që tashmë është realizuar me sukses. /Telegrafi/

The post Ylli i “Coronation Street”, Jack P. Shepherd martohet me Hanni Treweek në Katedralen e Mançesterit appeared first on Telegrafi.

Moderatorja, Erjona Rusi, ka ndarë një prej përvojave më të dhimbshme të jetës së saj në episodin e fundit të këtij sezoni televiziv, ku këtë herë ajo u ul vetë në karrigen e të ftuarës.

E intervistuar nga kolegu Arjon Muça, Rusi rrëfeu me lot në sy momentin kur u përball me një situatë të padrejtë dhe çnjerëzore, teksa kujdesej për të atin e sëmurë.

Përmes një dëshmie të sinqertë dhe të ngarkuar emocionalisht, ajo tregoi vështirësitë që ka kaluar për të siguruar trajtimin mjekësor që i takonte të atit dhe për të përfituar ndihmën shtetërore minimale, që shpesh kthehet në një sfidë të vështirë për familjet shqiptare në nevojë.

Erjona Rusi:

“Kam një kujtim shumë të keq që lidhet me sëmundjen e babit, më është ngulitur shumë thellë, momenti më i vështirë si qenie njerëzore dhe që ka të bëjë edhe me politikat e këtij shteti me faktin se sa social ka qenë shteti shqiptar.

Njerëzit e paralizuar apo me aftësi ndryshe përfitojnë kemp, një shumë qesharake, por që të përfitosh kempin duhet që pas një viti të bëhet një rikontroll, mjekët e kempit duhet të vërtetonin që i sëmuri vazhdon të jetë i sëmurë dhe unë i jam lutur, po lutur atyre mjekëve që të vinin ta shihnin babin tek shtëpia, unë sa kisha marrë një makinë të vogël dhe u thashë ju marr unë me makinë dhe hajdeni shiheni se babin s’e lëvizim dot, nuk erdhën, do ta sillni këtu thanë, unë me mamin dhe vëllanë e kemi marrë babin me batanije se nuk e ngrinim dot, e kemi futur në makinë që ta shihnin mjekët dhe të merrnim kempin pastaj ne.

Po e di ç’ndjesi e ndyrë dhe e poshtër njerëzore është ta shohësh të afërmin tënd në atë gjendje? Isha shumë e vogël, të isha kjo Erjona që jam sot përpara atyre mjekëve, ata do ta harronin, unë kurrë s’do ta bëja, jo vetëm nga ana ekonomike se sot jam më mirë, por namin do të bëja.

Ishte edhe një rast kur isha në spital, isha gati t’i fusja thonjtë në fyt një mjeku se e hoqi nga reanimacioni dhe e çoi në dhomë se s’kishte marrë lekët, si mund të luash me jetët e njerëzve se s’ke marrë lekët, mbase emrat mund t’i kem harruar, por i mbaj mend, s’dua t’i takoj, kam urrejtje shumë, nuk janë të gjithë mjekët kështu. Kam pasur eksperienca të tmerrshme me babin dhe mjekët”.

Dëshmia e saj vjen si një thirrje publike për më shumë humanizëm, përgjegjësi dhe ndërgjegjësim ndaj sistemit shëndetësor, që shpesh u lë njerëzve më të pambrojtur vetëm dhimbjen dhe pengun. /Telegrafi/

The post “Iu luta që të vinin, e çuam babin me batanije në spital” – rrëfimi prekës i Erjona Rusit për përballjen me sistemin shëndetësor appeared first on Telegrafi.

Reperi i famshëm shqiptar, Getoar Selimi, ishte mysafir në emisionin “Goca dhe Gra” në Top Channel, ku rrëfeu një përvojë të pazakontë dhe jo shumë të këndshme me një vajzë në një parking.

Egla: Çfarë është një gjë të irriton më shumë në shoqërinë shqiptare që punon kundër gjinisë femërore, çfarë do të beje ti për ta ndryshuar?

Getoari: Shumë gjëra janë që nuk janë mire, por është edhe një gjë tjetër që kam filluar ta shoh shumë, a mos kanë marrë pak edhe gratë gocat kot?

Rudina: Çfarë do të thotë ‘ka marrë kot’?

Gatoari: Kjo ideja e të qenit gjatë gjithë kohës… sepse e merr përparësinë, e merr, e kanë marrë çdo gjë, e merr çdo gjë, e merr çdo gjë, pastaj, vjen një moment ku pak edhe keqpërdoret ajo domëthënë. Unë kam shumë raste që di dhe shoh që e keqpërdorin. Unë kam pasur një rast një ditë në një parking. Ne u parkuam normal dhe erdhi nje grua na bërtiti “pse parkuan këtu, unë s’mund të dal nga garazhi”, i thashë që në parking jam i parkuar.

“Por, unë jam femër, s’mund të dal aty, ju jeni invalid apo çka?”, tregon këngëtari se çfarë i tha ajo.

Getoari: S’po di kush është invalidi këtu. Po keqpërdoret kjo punë, nuk mendoj që gratë siç kanë qenë të shtypura si më herët, të drejtat janë të barabarta.

Kleoniki: Si do ta komentoje nëse do të ishte një burrë në vendin e parkimin.

Getoari: Unë nuk u zura.

Rudina: Pra, fakti që thotë “mos e li aty se jam grua ,te pengon, apo jo?

Getoari: Më pengon vetëm ideja kur të bëjnë të ndihesh keq pse je mashkull.

Këngëtari më tutje shpjegon tatuazhin në krah që kishte Mozartin dhe Ajnshtajnin, “Të dy janë të sëmurë”, tha ai. /Telegrafi/

The post Getoar Selimi tregon një rast të pakëndshëm me një grua në parking: Më pengon kur të bëjnë të ndihesh keq pse je mashkull appeared first on Telegrafi.

Johnny Depp po jeton një jetë të re të qetë në një rezidencë historike në fshatin East Sussex, duke lënë pas Hollywood-in dhe dramat e viteve të fundit.

Aktori 62-vjeçar, i cili së fundmi u përball me një betejë të stuhishme ligjore me ish-bashkëshorten Amber Heard, ka zgjedhur një shtëpi të izoluar dhe të sigurt, të rrethuar nga pemë dhe kopsht klasik anglez, larg vëmendjes së botës së showbiz-it.

Banorët lokalë thonë se Depp është parë duke shëtitur nëpër fshat dhe po e shijon qetësinë e zonës, shkruan DailyMail.

Ai besohet se u lidh me East Sussex gjatë vizitave te miku i tij i ndjerë, Jeff Beck, që jetonte aty.

Shtëpia ku po qëndron aktori përfshin dhjetë dhoma gjumi, një kopsht të fundosur dhe madje edhe një amfiteatër të vogël privat.

Ndryshe nga shumë personazhe të famshëm që zgjedhin The Cotswolds, Depp ka vendosur të qëndrojë larg “elitës së zgjuar”, siç i quan ai disa nga emrat e mëdhenj që dikur e lanë pas dore.

Një burim i afërt tha: “Ai kërkon qetësi dhe njerëz që nuk e gjykojnë për të kaluarën”.

Pavarësisht se po punon për rikthimin e tij si regjisor me filmin e ri Modigliani, Depp e ka bërë të qartë se nuk dëshiron më jetën e vjetër. Siç tha vetë në një intervistë: “Më anuluan, por nuk doja të humbisja vetveten”. /Telegrafi/

The post Johnny Depp braktis Cotswolds për një jetë të qetë në East Sussex: zbulohet shtëpia sekrete dhe arsyeja pas zgjedhjes së tij appeared first on Telegrafi.

Legjenda e rock-ut, Ozzy Osbourne, u nda nga jeta në moshën 76-vjeçare, duke lënë pas jo vetëm një trashëgimi muzikore të jashtëzakonshme, por edhe një histori dashurie po aq të fuqishme.

Bashkëshortja e tij prej dekadash, Sharon Osbourne, ishte pranë tij deri në fund, duke bërë gjithçka të mundur që ai ta përfundonte jetën në skenë, aty ku e nisi dhe e deshi më shumë.

Vetëm disa javë para vdekjes, Ozzy u ngjit për herë të fundit në skenë në qytetin e tij të lindjes, Birmingham, për koncertin e lamtumirës “Back to the Beginning”. Ishte një moment i ngarkuar emocionalisht, ku më shumë se 42,000 fansa u mblodhën për t’i dhënë lamtumirën e fundit ikonës së Black Sabbath, shkruan DailyMail.

Por, ky koncert nuk ishte i lehtë për t’u realizuar. Me përkeqësimin e gjendjes shëndetësore dhe sëmundjen e Parkinsonit, kompanitë e sigurimeve refuzuan ta mbulonin nëse ai qëndronte në këmbë gjatë performancës.

Ishte Sharon ajo që luftoi pas skenave, duke negociuar me siguruesit dhe duke gjetur një zgjidhje: Ozzy do të performonte i ulur në një fron, një skenë simbolike që i lejoi të përshëndeste fansat e tij të përjetshëm me dinjitet dhe forcë. Ai këndoi pesë këngë solo dhe katër klasike të Black Sabbath, në një paraqitje të fundit që mbeti e paharrueshme.

Fjalët e fundit të Ozzy-t në skenë ishin një falënderim nga zemra për publikun: “Mbështetja juaj na ka mundësuar të jetojmë një mënyrë jetese të mrekullueshme, ju falënderojmë nga thellësia e zemrave tona”. Pas tyre, në ekran u shfaq mesazhi: “Faleminderit për gjithçka. Birmingham përgjithmonë”.

Të nesërmen, një ambulancë ajrore zbriti në rezidencën e tij në Buckinghamshire, por përpjekjet për ta shpëtuar rezultuan të pafrytshme. Sharon, gjithmonë pranë, qëndroi me të deri në frymën e fundit.

Ozzy la pas një jetë plot kontraste, nga dritat e skenës, tek lufta me varësinë, dhe më në fund, një ringjallje artistike nën përkujdesjen e Sharon. Ai ishte më shumë sesa “Princi i Errësirës”, ishte një ikonë, një bashkëshort, një baba dhe një rebel që nuk hoqi dorë kurrë nga dashuria për muzikën… dhe për Sharon. /Telegrafi/

The post Lamtumira që i dha kuptim dashurisë: Akti i fundit i Sharon për Ozzy Osbourne appeared first on Telegrafi.

Kreshnik Gjergji, bashkëshorti i këngëtares së njohur Dafina Zeqiri, feston sot ditëlindjen, dhe urimi më emocionues ka ardhur pikërisht nga partnerja e tij e jetës.

Artistja ka ndarë me ndjekësit një moment shumë të veçantë: një fotografi nga salla e lindjes, vetëm pak ditë pasi çifti u bënë prindër për herë të parë.

Në përshkrimin e fotografisë, Dafina ka shprehur mirënjohjen dhe dashurinë e thellë për Kreshnikun, duke e quajtur “njeriun që ia ndryshoi jetën përgjithmonë”.

“Shoku jem ma i mirë, burri jem dhe baba i djalit tonë. Të dua pafund”, ka shkruar ajo me emocion.

Çifti u bekua së fundmi me ardhjen në jetë të djalit të tyre të parë, të cilin e kanë quajtur Daskani, një emër i veçantë që përfaqëson një fillim të ri dhe një kapitull të paharrueshëm në jetën e tyre.

Urimi i Dafinës është komentuar gjerësisht në rrjet, duke prekur zemrat e fansave dhe duke treguar edhe një herë lidhjen e fortë dhe dashurinë e sinqertë mes tyre. /Telegrafi/

The post Kreshnik Gjergji feston ditëlindjen, Dafina Zeqiri emocionon me urimin: Ma ndryshove jetën appeared first on Telegrafi.

Camila Cabello dhe i dashuri i saj prej shtatë muajsh, biznesmeni libanez Henry Junior Chalhoub, kanë bërë debutimin e tyre zyrtar në Instagram duke ndarë një fotografi romantike nga pushimet në Ibiza.

Këngëtarja 28-vjeçare nga Kuba postoi një imazh ku shfaqen duke mbajtur duart, ndërsa në mbishkrimin e saj zbuloi se po “binte në dashuri”.

Çifti u pa më parë në momente të ëmbla gjatë një zhytjeje në Detin Balearik, ku nuk munguan puthjet dhe përqafimet shkruan DailyMail.

Henry Junior vjen nga familja e njohur e pasur Chalhoub, e cila zotëron një kompani të madhe të modës luksoze me seli në Dubai.

Përpara pushimeve në Ibiza, ata u panë së bashku në garat e Formula 1 në Monako dhe kanë shfaqur ndjenjat e tyre në evente të ndryshme të modës në mbarë botën, duke nisur që nga një festë në Arabinë Saudite deri në sfilatat në Paris dhe Londër.

Ky postim i fundit në Instagram tregon se marrëdhënia e tyre po merr një kthesë më të hapur dhe të dashur, teksa Camila dhe Henry po shijojnë çdo moment së bashku. /Telegrafi/

The post Camila Cabello pranon publikisht dashurinë me miliarderin Henry Junior Chalhoub gjatë pushimeve në Ibiza appeared first on Telegrafi.